သူတို့အလုပ် သူတို့လုပ်ကြပါစေ
|
11:59 PM |
No မှတ်ချက် |
မာရ်နတ်သည်မြတ်ဗုဒ္ဓအား““ဘုရား မဖြစ်ရလေအောင်””နှောက်ယှက်ဟန့်တားရမည့်အလုပ်သည် မာရ်နတ်၏အလုပ်ဖြစ်သည်။မြန်မာ့ကျေးလက်ဒေသများတွင် ရပ်ရေးရွာရေးအများကောင်းကျိုးအတွက် စုပေါင်းညီညာဆောင်ရွက်နေကြသည့်အမှုကိစ်္စတွင်ကန့်လန့်တိုက်ဘေးလွယ်အိတ် အဖျက်သမားက ဆန့်ကျင်ကန့်ကွက်နေလျှင် ““ဘုရားဖြစ်ခါနီး မာရ်နတ်ဖျက်၊ဖျက်လို့”” ခိုင်နှိုင်းပြောဆိုကြပါသည်။
လူသားရယ်လို့ဖြစ်လာကြရင်အလုပ် တစ်ခုမဟုတ်တစ်ခုတော့လုပ်နေရစမြဲဖြစ်သည်။ကောင်းသောအလုပ်၊မွန်မြတ် သောအလုပ်များလုပ်ကြသူများရှိသလို၊ ကောက်ကျစ်ယုတ်မာ ညစ်ပတ်သောဒုစ ရိုက်မကောင်းသည့်အလုပ်များကိုလုပ်နေ ကြသူများလည်းရှိကြသည်။ ကိုယ်နှင့်ပတ် သက်သည့်ကိုယ့်အလုပ်ကိုယ်လုပ်နေကြ သူများချည်းဖြစ်သည်။အလုပ်တစ်ခုကိုမှ မလုပ်သည့်သူလည်း အသက်ရှုသည့်အလုပ်ကို လုပ်နေကြရမှာဖြစ်တယ်။ အသက်ရှုမှု ရပ်ပြီးနှလုံးသွေးခုန်သည့်အလုပ်မလုပ်ရင် တော့အလုပ်ပြီးဆုံးပြီပေါ့။
သူခိုးကလည်းဘာခိုးရင်ရမလဲဆိုပြီးတော့ သူခိုးခိုးသည့်အလုပ်၊ဓားပြကလည်း နယ်မြေအေးချမ်းမှုမရှိ၊တရားဥပဒေစိုးမိုး မှုမရှိ၊ကြမ်းတမ်းခက်ခဲချောမွေ့မှုမရှိသော လမ်းခရီးများတွင်ဓားပြများကဓားပြတိုက် သည့်အလုပ်ကိုလုပ်ကြမည်။ခါးပိုက်နှိုက်ကလည်း ဘတ်စ်ကားများပေါ်နှင့်လူစည် ကားရှုပ်ထွေးသည့်နေရာများတွင်ခါးပိုက် နှိုက်အလုပ်၊အကျင့်ပျက်ခြစားဗျူရိုကရက် သမားများလည်းနိုင်ငံဥစ္စာဘဏ္ဍာများကို ဘယ်လိုဘယ်ပုံအလွဲသုံးစားပြု၊နှိုက်စား၊ ခိုးစားရမလဲဆိုသည့်အလုပ်နှင့်ပြည်သူများကို ၀န်ဆောင်မှုပေးနေကြရသောလုပ်ငန်း ဆောင်တာများတွင် အဂတိလိုက်စားလာဘ်ပေးလာဘ်ယူဖြင်းဆိုသည့်အလုပ်လုပ်နေကြမည်။
လိမ်လည်လှည့်စားဖြားမုသားပြော သူကလည်းကလိမ်စေ့ငြမ်းဆင်ယုတ်္တိမတန် သောစကားကိုအပျော့ဆွဲဆွဲကာအကွက် ၀င်အောင်လှည့်ပတ်ပြောဆိုလိမ်ညာသည့် အလုပ်ကိုလုပ်မှာပါ။ဒီမိုကရေစီအသွင်ကူး ပြောင်းပြီဖြစ်နေပေမယ့်ယခင်ခေတ်ဟောင်း၊ စနစ်ဟောင်း၊အကျင့်ဆိုး၊စရိုက်ဆိုးများ မဖျောက်ဖျက်နိုင်သေးဘဲခေါက်ရိုးကျိုးအ တိုင်းသာရှိနေကြသောသူများသည်““ခေါင်း ကိုင်ဖခင်အုပ်ချုပ်မှု””လက်အောင်မှ““မိရင်း ဖရင်းဖြစ်သည့်မိဘပြည်သူ၏””အေးချမ်း သောမေတ္တာအရိပ်အောင်သို့နွေးထွေးစွာ ပြန်လည်ခိုဝင်ရောက်ရှိသည်ကိုပြုံးရွှင်သော မျက်နှာယဉ်ကျေးသောအပြုအမူတို့ဖြင့် လှိုက်လှဲပျူငှာစွာဆက်ဆံ၍၀န်ဆောင်မှု ပေးသည့်အလုပ်ကိုမလုပ်ဘဲမိမိတို့နှင့်ထိ တွေ့ဆက်ဆံရသောမိဘပြည်သူများကို ရိုင်းသောကိုယ်အမူအရာမောက်မာခက် ထန်သောအပြောအဆိုတို့ဖြင့်အပေါ်စီးက နေအမိန့်ပေးသလိုမျိုးဆက်ဆံနေခြင်းသည် အမြစ်တွယ်ကာဖျောက်ဖျက်လို့မရသေး သောနဂိုဗီဇအတိုင်းပြုလုပ်နေကျသူတို့၏ အလေ့အကျင့်စရိုက်ဆိုးအလုပ်ကိုဆက် လုပ်နေကြခြင်းဖြစ်သည်။
မတရားသူကြီးကအဂတိလိုက်စား မတရားစီရင်ချက်ချပြီးငွေများတရားနိုင် ပေးသည့်အလုပ်ကိုလုပ်မည်။““သူ့ဆန်စား ရဲမှ””ဆိုသူကတော့ထားရာနေ၊စေရာသွား၊ ပေးတာယူ၊ခိုင်းတာလုပ်၊ကျွေးတာစားရပြီ မိမိစိတ်ဆန္ဒသဘောထားအမှန်ကိုဦးစား မပေးရဲဘဲကိုယ်ခန္ဓာအငှာဘ၀ဖြင့်““ဗောင်း တော်ညိတ်ရုံမျှဖြင့်စိတ်တော်””ကိုလည်းသိ ရသည်။““သခင်အားရအောင်လည်းအပါး ၀””သည့်အလုပ်ကိုလုပ်ပြရသည်။
““ကိုယ့်အလုပ်ကိုယ်လုပ်၊သူ့အလုပ် သူလုပ်ပါစေ””လို့ပြောစကားရှိသည်။သူ့အ လုပ်ကိုသူလုပ်သည်ဖြစ်စေ၊မလုပ်သည်ဖြစ် စေ၊ဘာကိစ္စမှမရှိပေမယ့်““သူများအလုပ်၊ အများအကျိုးအလုပ်””ကိုဝင်ရောက်လုပ် ပေးသည့်သူများကတော့အတားအဆီး၊ အနှောက်အယှက်၊အခက်အခဲ၊ပြဿနာ ပေါင်းများစွာကိုရင်ဆိုင်ကြုံတွေ့ဖြေရှင်းရ ပြီး““ဓားခုတ်ရာလက်လျှို””အဖြစ်မျိုးကိုလည်း ရောက်တတ်ကြရသည်။
မိုက္ကရိုဆော့ဖ်ကုမ္ပဏီကုဋေကြွယ်သူ ဌေးကြီးဘီလ်ဂိတ်နှင့်ဇနီးမီလင်ဒါဂိတ်တို့ သည်ကမ္ဘာတစ်ဝှမ်းရှိ HIV/AIDS ရောဂါ ကုသရေးဆေးဝါး၊ငှက်ဖျားရောဂါတိုက်ဖျက် ရေးဆေးဝါးများထုတ်လုပ်နိုင်ရေးအတွက် သုတေသနဓာတ်ခွဲစမ်းသပ်ခန်းများတည် ထောင်ပြီးရံပုံငွေများထောက်ပံ့လှူဒါန်း ပေးသည်။နိုင်ငံများစွာတို့တွင်လည်းမျိုး ဆက်သစ်လူငယ်များကွန်ပျူတာ၊ITနည်း ပညာဖွံ့ဖြိုးတိုးတက်ရေးသင်ကြားပေးနိုင် အောင်တက္ကသိုလ်၊ကောလိပ်ကျောင်းများ သို့ဒေါ်လာသန်းပေါင်းများစွာလှူဒါန်းပေး ကမ်းလျက်ရှိသည်။
နာရေးကူညီမှုအသင်း(ရန်ကုန်)ဥက္ကဋ္ဌ ဦးကျော်သူနှင့်ဇနီးဒေါ်ရွှေဇီးကွက်တို့သည် လည်းလူ့ဘ၀နိဂုံးအဆုံးသတ်ပြီးသံသရာ တွင်ဆက်လက်ကျင်လည်ရန်ထွက်ခွာသွား ကြသူများ၏နာရေးကိစ္စကိုကူညီဆောင် ရွက်ပေးနေခြင်းအပြင်ကကျန်းမာရေး၊ ပညာရေး၊သောက်သုံးရေရရှိရေးစသည့် တတ်အားသရွေ့ကူညီဆောင်ရွက်ပေးကြ သည်မှာ““သူများအလုပ်၊အများအလုပ်”” ဖြစ်သည့်လူမူရေးပရဟိတ NGO လုပ် ငန်းကိုလုပ်နေခြင်းဖြစ်သည်။
လွှတ်တော်များသည်ပြည်သူလူထု အများ၏ဖြစ်ချင်သည့်ဆန္ဒသဘောထား မျှော်လင့်ချက်များကိုအလေးထားသော ဖြစ်မြောက်အောင်ဆောင်ရွက်ပေးရပြီး ဥပဒေပြုရေးတာဝန်နှင့်အခြားမဏ္ဍိုင်များကို အပြန်အလှန်ထိန်းကျောင်းတည့်မတ်ကူ ညီဆောင်ရွက်ရန်တာဝန်ကိုလည်းထမ်း ဆောင်ကြရသည်။တပ်မတော်သားလွှတ် တော်ကိုယ်စားလှယ်များကလွဲရင်အခြား လွှတ်တော်ကိုယ်စားလှယ်များသည်ကျော ထောက်နောက်ခံပါတီအမည်များကသာ အမျိုးမျိုးကွဲပြားကြသော်လည်းမဲဆန္ဒနယ် အသီးသီးမှနေပြည်သူများကရွေးချယ်တင် မြှောက်ပေးလိုက်သည့်ပြည်သူ့ကိုယ်စား လှယ်လွှတ်တော်အမတ်များဖြစ်ကြသည်။
လွှတ်တော်ကိုယ်စားလှယ်များသည် သက်ဆိုင်ရာမဲဆန္ဒနယ်မြေလူထုအတွက် သီးခြားတင်ပြချက်များနှင့်ပြည်သူလူထု၏ အကျိုးစီးပွားအတွက်မေးသည့်မေးခွန်းများ၊ တင်သွင်းသည့်အဆိုများသည်အဆိုတင် သွင်းသူလွှတ်တော်ကိုယ်စားလှယ်ကပြည်သူ များအကျိုးကိုရှေးရှု၍အဆိုများတင်သွင်း သော်လည်းထောက်ခံသည့်မဲအရေအတွက် များမှသာလျှင်အဆိုသည်အတည်ဖြစ်ပြီး အောင်မြင်ပါမည်။
ထောက်ခံမဲ၇၅ရာခိုင်နှုန်းနှင့်အထက် ရမှသာပြင်ဆင်နိုင်သော၂၀၀၈ခုနှစ်၊နိုင်ငံ တော်ဖွဲ့စည်းပုံအခြေခံဥပဒေလိုအရေးကြီးသည့်ကိစ္စကိုတော့ အခြေအနေအချိန် အခါအရကြိုးစားဆောင်ရွက်ပြင်ဆင်ရမှာ ဖြစ်သော်လည်း၊အချို့လွှတ်တော်ကိုယ်စား လှယ်များကပြည်သူလူထုအကျိုးအတွက် အထမမြောက်၊မအောင်မြင်သည့်အဆိုပြု ချက်ဖြစ်ကြရသည်။ပြည်သူ့အကျိုးစီးပွား ကိုပြည်သူ့ကိုယ်စားဆောင်ရွက်ရန်မဲဆန္ဒ ရှင်ပြည်သူများကရွေးချယ်ပေးလိုက်သော ပြည်သူ့ကိုယ်စားလှယ်တော်များဖြစ်ကြ သော်လည်းအကြောင်းအရာကိစ္စအားလုံး တစ်သဘောတည်း၊အမြင်တစ်ခုတည်းထပ် တူကျချင်မှကျမည်။ထောက်ခံမဲပေးသည့် ကိုယ်စားလှယ်ကထောက်ခံမဲပေးသည့် ““အလုပ်လုပ်မည်။””တင်သွင်းသည့်အဆို အပေါ်တွင်သဘောမတူသည့်အတွက်ကန့် ကွက်ချင်““ကန့်ကွက်မဲပေးမည်။””အဖြူနှင့် အမည်း၊အမှားနဲ့အမှန်၊အကောင်းနဲ့အဆိုး၊ ထောက်ခံမဲနဲ့ကန့်ကွက်မဲဆိုသေညအကြောင်း တရားများသည်အမြဲဒွန်တွဲနေတတ်ကြ သည်။
ကျင်းပပြီးစီးသွားသည့်လွှတ်တော် အစည်းအဝေးများတွင်လွှတ်တော်ကိုယ် စားလှယ်များကပြည်သူလူထုအကျိုးစီးပွား အတွက်ရည်ရွယ်တင်သွင်းသောအချို့အဆို များသည်ပယ်ချခံရခြင်း၊ကန့်ကွက်မဲအရေ အတွက်များသည်ကြောင့်အထမမြောက်၊မ အောင်မြင်သည့်အဆိုတင်သွင်းချက်များ ဖြစ်ခဲ့ကြရသည်။ဥပမာတစ်ခုအနေဖြင့် ၅၀၀၀(ငါးထောင်ကျပ်)တယ်လီဖုန်းကိစ္စ အဆိုတင်သွင်းသလိုမျိုးဖြစ်သည်။
လူမှုအဖွဲ့အစည်းများအတွင်းကိုယ် ကျုိးစွန့်အနစ်နာခံကာပေးဆပ်မှုပေါင်းများ စွာနှင့်အများကောင်းကျိုးရွက်သယ်ပိုးသည့် ပုဂ်္ဂိုလ်များလည်းရှိကြသလိုမိမိနှင့်ကိုယ့် အသိုင်းအ၀ိုင်း၏အခွင့်အရေးနှင့်အကျိုး စီးပွားဖြစ်ထွန်းရေးတစ်ခုတည်းအတွက်သာ ရှေ့တန်းတင်လုပ်ဆောင်နေကြသူများလည်း ရှိကြမည်းသူတို့အလုပ်သူတို့လုပ်နေကြခြင်း ဖြစ်သည်။
အိန်္ဒိယအမျိုးသားခေါင်းဆောင်ကြီး မဟတ္တမဂန်္ဒီက““အကုသိုလ်ပြုသူကိုမမုန်းပါနဲ့၊အကုသိုလ်ကိုသာမုန်းပါ””လို့ပြောကြား ခဲ့သည့်စကားကိုသာအမှတ်ရနေမိပါကြောင်း။
မောင်မောင်(စင်ထရယ်)
hotnewsweekly
0 comments:
Post a Comment