ကမ္ဘာ့အသက်အငယ်ဆုံးဘုရင် ဂျစ်မီဂီဆာနမ်ရယ်လ်ဝမ်ချပ်

by General Knowledge on Monday, March 19, 2012 at 1:51pm ·

ဂျစ်မီဂီဆာနမ်ရဲယ်လ်ဝမ်ချပ်သည် ဘူတန်ဘုရင့်နိုင်ငံတော်၏ ပဉ္စမမြောက်နှင့် လက်ရှိ အုပ်ချုပ်နေသည့် ဘုရင်ဖြစ်သည်။ ၂၀၀၆ ဒီဇင်ဘာလ ၁၄ ရက်နေ့တွင် ဘုရင်ဖြစ်လာခဲ့ပြီး ၂၀၀၈ ခုနှစ် နိုဝင်ဘာလ ၆ရက်နေ့တွင် နန်းတက်ခဲ့သည်။

ဂျစ်မီဂီဆာသည် ဘူတန်နိုင်ငံ၏ စတုတ္ထမြောက် နဂါးဘုရင်ဂျစ်မီဆင်ဂေးနှင့် တတိယကြင်ယာတော်တို့၏ အကြီးဆုံးသားဖြစ်သည်။ မင်းသားဂီဆာအား ၁၉၈၀ ပြည့်နှစ် ဖေဖော်ဝါရီလ ၂၁ရက် တွင် ဒီချင်ရှိုလင်းနန်းတော်၌ မွေးဖွားခဲ့သည်။ အခြေခံပညာရေးကို ဘူတန်နိုင်ငံ၌ပင် သင်ယူခဲ့သည်။ တက္ကသိုလ်အဆင့် ပညာရေးကိုမူ အမေရိကန်ပြည်ထောင်စု မက်ဆာချူးဆက်ပြည်နယ် ၀ီတန် ကောလိပ်တွင် တက်ရောက်သင် ကြားခဲ့ပြီး အောက်စဖို့ဒ်တက္ကသိုလ် မက်ဒယ်လင်ကောလိပ်မှ ဘွဲ့ရရှိခဲ့သည်။ ကောလိပ်တွင် နိုင်ငံခြားရေးနှင့် နိုင်ငံတကာဆက်ဆံရေး ဘာသာရပ်ကို အထူးပြုခဲ့သည်။

အိမ်ရှေ့မင်းသားဘ၀တွင် မစ္စတာဂီဆာသည် ဘူတန်နိုင်ငံအား ကိုယ်စားပြု၍ နိုင်ငံခြားတိုင်းပြည်များသို့ သွားရောက်ခဲ့ပြီး ယဉ်ကျေးမှု၊ ပညာရေးနှင့် စီးပွားရေးဆိုင်ရာအဖွဲ့အစည်းအများအပြားတွင် တက်တက်ကြွကြွ ပါဝင်ခဲ့သည်။ မစ္စတာဂီဆာသည် ဘတ်စကက်ဘော ကစားသမားတစ်ဦးဖြစ်ပြီး နိုင်ငံတကာပြိုင်ပွဲပေါင်းများစွာတွင် ဘူတန်နိုင်ငံအား ကိုယ်စားပြု ယှဉ်ပြိုင်ခဲ့သည်။

၂၀၀၅ ခုနှစ်တွင် ဘူတန်ဘုရင် ဂျစ်မီဆင်ဂေးက ၎င်းင်း၏ သားတော်အား အာဏာလွှဲပြောင်းပေးရန် ရည်ရွယ်ထားကြောင်း ပြောကြားပြီး ၂၀၀၆ ခုနှစ်တွင် စတင်အာဏာလွှဲပြောင်းပေးခဲ့ကာ ၂၀၀၈ ခုနှစ်တွင် ဘိသိက် ခံခဲ့သည်။

ဂျစ်မီဂီဆာ၏ ဘူတန်ဘုရင်အဖြစ် ဘိသိက်ခံပွဲသို့ နိုင်ငံခြားဧည့်သည်တော်အများအပြား တက်ရောက်ခဲ့သည်။ ၎င်းဧည့်သည်တော်များထဲတွင် အိန္ဒိယသမ္မတ မစ္စပရာတီဘာပတေးလ်နှင့် နိုင်ငံခြားရေးဝန်ကြီး ပရာနက်မူကာဂျီးတို့လည်း ပါဝင်ခဲ့သည်။

ဘူတန် တိုင်းသူပြည်သားများကလည်း ဘုရင်သစ်အား သောင်းသောင်းဖြဖြ ကြိုဆိုထောက်ခံခဲ့သည်။ ငယ်ရွယ်သောဘုရင် ဂီဆာသည် စတင်အုပ်စိုးစဉ်မှာပင် နိုင်ငံ၏ ဒီမိုကရေစီအသွင်ကူးပြောင်းရေး အစီအစဉ်ကို ပဲ့ကိုင် ထိန်းကျောင်းခဲ့ပြီး ရွေးကောက်ပွဲ ဥပဒေ၊ မြေယာပြုပြင်ပြောင်းလဲရေးနှင့် အခြားအရေးကြီး ကိစ္စရပ်များ လွှတ်တော်၌ ဆွေးနွေးသည်ကို ဥက္ကဋ္ဌအဖြစ် တာဝန်ယူခဲ့သည်။

ယခု မျိုးဆက် ဘူတန်နိုင်ငံသားများ၏ တာဝန်မှာ ဒီမိုကရေစီစနစ် အောင်မြင်အောင် အကောင်အထည်ဖော်ရေးဖြစ်ကြောင်း ပြောကြားသည်။ နိုင်ငံတစ်ဝန်း ကျယ်ကျယ်ပြန့်ပြန့် ခရီးသွား၍ ရှေ့လာမည့် ဒီမိုကရက်တစ် မဲပေးမှုတွင် ပါဝင်ရန် ဘုရင်ဂျစ်မီဂီဆာက တိုက်တွန်းအားပေးခဲ့သည်။

ဘူတန်နိုင်ငံတွင် ပထမဆုံး ရွေးကောက်တင်မြှောက်ခံရသည့် ပါလီမန်က ဘူတန်အခြေခံဥပဒေအား ၂၀၀၈ ခုနှစ် ဇူလိုင်လ ၁၈ ရက်တွင် အတည်ပြုပေးခဲ့သည်။ ဘုရင်အဖြစ် ဂျစ်မီဂီဆာ၏ ဘိသိက်ခံပွဲကိုလည်း ယင်းနှစ် နိုဝင်ဘာလ ၁ ရက်တွင် ပြုလုပ်ခဲ့ သည်။

နိုင်ငံ၏ ဘုရင်ဖြစ်လာပြီးချိန်မှာပင် ဂျစ်မီဂီဆာသည် ဘူတန်နိုင်ငံသားတိုင်းနှင့် ပတ်သက်နေသည့် မြေယာပြုပြင်ပြောင်းလဲရေးကိစ္စအား စတင်ကိုင်တွယ်ခဲ့သည်။ မြေယာမဲ့လယ်သမားများအား လယ်ယာမြေများပေးအပ်ခဲ့သည်။

၂၀၀၉ ခုနှစ်တွင် ဘူတန်နိုင်ငံ၌ မြေငလျင်နှင့် ရေကြီးမှုများဖြစ်ပေါ်လာခဲ့ချိန်တွင်လည်း ဘုရင်ဂီဆာက ပြန်လည်တည်ဆောက်ရေး လုပ်ငန်းများ၌ ကိုယ်တိုင်ကိုယ်ကျ ပါဝင်ဆောင်ရွက်ခဲ့သည်။

၂၀၁၁ ခုနှစ် မေလ ၂၀ ရက် ပါလီမန်အစည်းအဝေးခေါ်ယူကျင်းပချိန်တွင် ဘုရင်ဂျစ်မီဂီဆာက မစ္စဂျက်ဆွန်ပီမာ (၂၁)နှစ် နှင့် လက်ထပ်တော့မည်ဖြစ်ကြောင်း အသိပေးခဲ့သည်။

မစ္စပီမာအား သူမ ၁၇ နှစ်အရွယ်တွင် စတင်မြင်တွေ့ချိန်ကပင် ချစ်ခဲ့မိကြောင်း၊ သို့သော် နှစ်ဦးသား ကြီးပြင်းလာပြီး တစ်ဦးကိုတစ်ဦး ဆက်လက်သံယောဇဉ် ရှိနေမှသာ လက်ထပ်မည်ဟု ဘုရင်ဂီဆာက ပြောခဲ့သည်။

ဘုရင်ဂျစ်မီဂီဆာနှင့် မစ္စပီမာတို့၏ တော်ဝင်မင်္ဂလာပွဲအား ၂၀၁၁ ခုနှစ် အောက်တိုဘာလ ၁၃ ရက်တွင် ကျင်းပခဲ့သည်။ ဘူတန်ဘုရင်တွင် ညီမငယ် မင်းသမီးတစ်ဦးနှင့် ညီငယ် မင်းသားတစ်ဦး ရှိသည်။