26.05.2012 နေ့ဖတ်ရန်သတင်းများ

by Myanmar Journal on Friday, May 25, 2012 at 6:51pm ·

Bankia ဘဏ်ကြီး ဘဏ္ဍာရေး အကူအညီ တောင်းရပြီ

 စပိန်နိုင်ငံက စတုတ္တ အကြီးဆုံး ဘဏ်ကြီး ဖြစ်တဲ့ ဘန်ကီယာဘဏ်ဟာ အစိုးရ ဆီက ဘဏ္ဍာရေး ကယ်ဆယ်မှု အကူအညီ ၂၄ ဒေါ်လာ ဘီလီယံ တောင်းခံခဲ့ပြီး ဒါဟာ စပိန် သမိုင်းမှာ အကြီးမားဆုံး ဘဏ္ဍာရေး အကူအညီ တောင်းခံမှု ဖြစ်ပါတယ်။

အရင်တုန်းကတော့ ဒေါ်လာ သုံးဘီလီယံ ခွဲလောက် အမြတ်ရခဲ့တယ်လို့ ဆိုခဲ့တဲ့ ဘန်ကီယာ ဘဏ်က မနှစ်က ရလဒ်ကို ပြန်လည် သုံးသပ်တဲ့အခါ ဒေါ်လာ သုံးဘီလီယံ ခွဲကျော် အရှုံးပေါ်ခဲ့တယ်လို့ ပြောပါတယ်။

ဘဏ် မန်နေဂျာ အရာရှိတွေက ပြန်လည် ထူထောင်ရေး အစီအစဉ်တွေ ချမှတ်နေတုန်း ဘန်ကီယာ ဘဏ်ရဲ့ ရှယ်ယာ အရောင်းအ၀ယ်ကို အစောပိုင်းတုန်းက ရပ်ဆိုင်း ထားခဲ့ပါတယ်။

လွန်ခဲ့တဲ့ နှစ်ပတ်လောက်ကမှ အစိုးရက တစိတ်တပိုင်း နိုင်ငံပိုင် လုပ်ခဲ့ရတဲ့ ဒီ ဘန်ကီယာ ဘဏ်ဟာ စပိန်နိုင်ငံက အိမ်ယာ ဈေးကွက် ယိုင်လဲမှုကြောင့် ကြွေးဆုံးတဲ့ဒဏ် အထိုက်အလျောက် ခံစားခဲ့ရတာ ဖြစ်ပါတယ်။                      

SSA နဲ့ အစိုးရ တိုက်ပွဲ ပြန်ဖြစ်

ရှမ်းပြည် ပြန်လည်ထူထောင်ရေး ကောင်စီ၊ ရှမ်းပြည် တပ်မတော် (RCSS/SSA) ဟာ အစိုးရ ငြိမ်းချမ်းရေး အဖွဲ့နဲ့ ပြည်ထောင်စု အဆင့် တွေ့ဆုံ ဆွေးနွေးပြီး ရက်ပိုင်းအတွင်း မှာပဲ အစိုးရ စစ်တပ်နဲ့ ပစ်ခတ်မှုတွေ ပြန်လည် ဖြစ်ပွားခဲ့တယ်လို့ သတင်း ရရှိပါတယ်။

RCSS/SSA ဟာ အစိုးရ ငြိမ်းချမ်းရေး အဖွဲ့နဲ့ ဒုတိယ အကြိမ် ပြည်ထောင်စု အဆင့် သဘောတူ လက်မှတ်ထိုးပြီးတာ တပတ်ပဲ ရှိပါသေးတယ်။

တိုက်ပွဲဖြစ်ပွားတဲ့ နေရာကတော့ ရှမ်းပြည် အရှေ့ပိုင်း မိုင်းတုံမြို့နယ် ပုံပါကျင် မြို့နယ်ခွဲမှာပဲ ဖြစ်ပါတယ်။

SSA ဘက်က ပြောတာကတော့ အစိုးရ စစ်တပ်ဟာ ငြိမ်းချမ်းရေး ဆွေးနွေးပွဲမှာ သဘောတူ ဆုံးဖြတ်ထားတဲ့ အချက်ကို မလိုက်နာပဲ SSA နယ်မြေထဲကို အကြောင်း မကြားပဲ ဝင်ရောက် လှုပ်ရှားသလို လက်နက်ပါ ကိုင်ဆောင်ပြီး ဝင်လာတာကြောင့် ပစ်ခတ်မှု ဖြစ်ပွားရတာလို့ SSA ပြောရေးဆိုခွင့် ရှိသူ ဗိုလ်မှူး စိုင်းလောဝ်ဆိုင်က ပြောပါတယ်။

တိုက်ပွဲက ပြီးခဲ့တဲ့ကြာသပတေးနေ့ ၂၃ ရက်နေ့ မနက် ၁၁ နာရီကနေ ၁၂ နာရီအထိ တနာရီ နီးပါး ဖြစ်ပွားခဲ့တယ် ဆိုပေမယ့် နှစ်ဦး နှစ်ဖက်စလုံး ထိခိုက် ဒဏ်ရာရရှိတာ မရှိဘူးလို့ သိရပါတယ်။

အခုလို တိုက်ပွဲဖြစ်ပွားရတာဟာ တပ်ဖွဲ့ အချင်းချင်း နားလည်မှု လွဲပြီး အစိုးရဘက်က အောက်ခြေ တပ်သားတွေအထိ ထိရောက်အောင် မညွန်ကြားနိုင်လို့ အခုလို ပစ်ခတ်မှုတွေ ဆက်ဖြစ်ပွားနေရတာ ဖြစ်ပါတယ်။

ဒါကြောင့် နောင်ပစ်ခတ်မှု မဖြစ်အောင် အစိုးရဘက်ကနေ ယူထားတဲ့ သဘောတူညီချက် တွေနဲ့ ပက်သက်ပြီး အောက်ခြေတပ်သားတွေကို နားလည်အောင် ရှင်းလင်း ညွန်ကြား သင့်တယ်လို့ စိုင်းလောဝ်ဆိုင်က ပြောပါတယ်။

RCSS/SSA ဟာ အစိုးရနဲ့ ငြိမ်းချမ်းရေး အတွက် တွေ့ဆုံ ဆွေးနွေးခဲ့တာ ၃ ကြိမ်ရှိခဲ့ပြီ ဖြစ်ပြီး နောက်ဆုံး တွေ့ဆုံမှုကတော့ ပြီးခဲ့တဲ့ စနေနေ့ မေလ ၁၉ ရက်နေ့ က ရှမ်းပြည် အရှေ့ပိုင်းမှာ ကျိုင်းတုံမှာ ပြုလုပ်တဲ့ ဒုတိယအကြိမ် ပြည်ထောင်စု အဆင့် ဆွေးနွေးပွဲပဲ ဖြစ်ပါတယ်။                      

အိန္ဒိယ ဝန်ချုပ်နဲ့ စီးပွားရေးသမားတွေပါသွား

အိန္ဒိယက တာတာ ကားကုမ္ပဏီဟာ မြန်မာ နိုင်ငံမှာ ရင်းနှီး မြှတ်နှံလျှက်ရှိ

မြန်မာ နိုင်ငံကို မနက်ဖန် လာရောက်မယ့် အိန္ဒိယ ဝန်ကြီးချုပ် မန်မိုဟန်ဆင်းရဲ့ ခရီးစဉ်မှာ စီးပွား ရေး သမား အများအပြား လိုက်ပါသွားမယ်လို့ သတင်း ရရှိပါတယ်။

အိန္ဒိယက မြန်မာ ကို စီးပွားရေး အရ စိတ်ဝင် စားမှု အတော် ရှိတယ်လို့ သတင်း ရရှိပါတယ်။

အိန္ဒိယဟာ အရင် ကတည်းက စစ်အစိုးရ အ ဆက်ဆက် နဲ့ ပြေလည်တဲ့ ဆက်ဆံရေး တွေ ထားခဲ့သလို အခုလို မြန်မာနိုင်ငံ ပွင့်လင်း လာရာမှာလည်း ဒီအခွင့်အရေး ကို လက်လွတ် မခံနိုင်ပါဘူး။

လောလောဆယ် နှစ်နိုင်ငံ ကုန်သွယ်မှု အနေအထား အရလည်း အမေရိကန် ဒေါ်လာ သန်း နှစ်ထောင် အနက် မြန်မာဘက်က ဒေါ်လာ သန်း ကိုးရာနဲ့ အသာရနေတာ ဖြစ်ပါတယ်။

စီးပွားရေး ပိုင်းမှာ တရုတ် အစိုးရ သြဇာ ကို မယှဉ်နိုင်ပေမယ့် အိန္ဒိယ ရဲ့ အားသာချက်က ယဉ်ကျေးမှု အရ ဆက်စပ်မှု ရှိပါတယ်။

လောလောဆယ် အိန္ဒိယက တာတာ ကားကုမ္ပဏီက မြန်မာ နိုင်ငံ အလယ်ပိုင်းမှာ စက်ရုံ တည်ထားတယ်လို့လည်း သိရပါတယ်။

အိန္ဒိယ ဝန်ကြီးချုပ် မန်မိုဟာဆင်း ဟာ ဒေါ်အောင်ဆန်းစုကြည် နဲ့ လည်း သွားရောက်တွေ့ဆုံ မှာဖြစ်ပြီး အိန္ဒိယ ကိုလည်း ဖိတ်ခေါ် ဖို့ ရှိကြောင်းလည်း ဒေလီ ဘီဘီစီ သတင်းထောက် က ပြောပါတယ်။

အိန္ဒိယ အနေနဲ့ ဒေါ်အောင်ဆန်းစုကြည် ရဲ့ သြဇာ နဲ့ အရှိန်အဝါ ကို အသိအမှတ် ပြုတဲ့ အပိုင်းလည်း ပြလိုသလို မြန်မာ အစိုးရ နဲ့ လည်း ပြေလည်မှု ရှိကြောင်းလည်း ပြချင်ပါတယ်။

ဆီးရီးယား မနေ့က လူငါးဆယ်သေလို့ တိုက်ခံပြော

ဟုမ်းစမြို့ဟာ အုံကြွမှု စချိန်က စပြီး အတိုက်ခိုက် ခံရဆုံးမြို့

ဆီးရီးယား နိုင်ငံမှာ အချိန်ကြာလာတာနဲ့အမျှ အခြေအနေ ပိုဆိုးလာပုံပါ။

မနေ့က ဟွမ်းစမြို့မှာ တရက်ထဲ ခလေး ဆယ့် သုံးယောက် အပါအဝင် လူငါးဆယ်ကျော် အသတ် ခံခဲ့ရတယ်လို့ အတိုက်အခံတွေက ပြောပြီး တချို့ အလောင်းတွေရဲ့ လည်ပင်းမှာ ဓားရာတွေ တွေ့ရတယ်လို့ ကိုယ်တိုင် မြင် တွေ့ခဲ့သူတွေက ပြောပါတယ်။

ခုပြောတဲ့ အရေအတွက်သာ အတည်ဆိုရင် မနေ့က သေဆုံးမှုတွေဟာ တလအတွင်းမှာ တရက်ထဲ လူသေဆုံးမှု အများဆုံးပါ။

ဆီးရီးယားမှာ နိုင်ငံခြား သတင်းထောက်တွေ လွတ်လွတ်လပ်လပ် သတင်း မပို့နိုင်တဲ့ အတွက် ဒီအရေအတွက်ကို အတည်မပြုနိုင်ပါဘူး။

ဒါပေမယ့် ဟွမ်းစမြို့နားက ဟူလာဆိုတဲ့မြို့ကို ဘီဘီစီ သတင်းထောက် အရောက် သွားနိုင် ခဲ့ပြီး ကြားတဲ့ သတင်းတွေကို အတည်မပြု နိုင်ပေမယ့် ဒီသတင်းတွေ မှန်နိုင်တာကို ပြနေတဲ့ အထောက်အထားတွေ ရှိတယ်လို့ ပြောပြီး ခုဆိုရင် ဆီးရီးယားက ဒုတိယ အကြီးဆုံး မြို့ဖြစ်တဲ့ အလက်ပိုမြို့ဟာ တင့်ကားတွေ အဝိုင်းခံနေရတယ်လို့ သတင်းတွေ ရရှိကြောင်း ပြောပါတယ်။

အလက်ပိုကို တင့်ကားတွေ အဝိုင်းခံရတာ ခုအုံကြွမှုစတင်ပြီး နောက်ပိုင်း ပထမဆုံးအကြိမ် ဖြစ်သလို ဒါအင်မတန်မှ အရေးပါပါတယ်။

ဘာလို့ဆိုဒီမြိုဟာ ဒုတိယအကြီးဆုံးမြို့ ဖြစ်သလို အုံကြွမှု စပြီးနောက်မှာ တိုက်ခိုက်မှု တွေဟာ ဒီလို မြို့ကြီးတခုကို ပထမဆုံး အကြိမ် အဖြစ် ကူးစက်လာတာ ဖြစ်ပါတယ်။

အလက်ပိုသာ အတိုက်အခံ သူပုန်တွေလက် ကျသွားရင် ဒါမှမဟုတ် ဒီမြို့ကို အစိုးရက မထိန်းနိုင်တော့ရင် ဆီးရီးယား အစိုးရအတွက် ဒမတ်စကတ် တမြို့ထဲပဲ ကျန်တော့မှာ ဖြစ်ပြီး စိတ်ပိုင်းဆိုင်ရာ အရပါ ထိခိုက်စေနိုင်ပါတယ်။

တကယ်တော့ ဆီးရီးယားမှာ အပစ်အခတ် ရပ်စဲရေး သဘောတူညီချက် ရှိနေတဲ့ကြားက နေ့စဉ်ရက်ဆက် တိုက်ခိုက် သေဆုံးမှုတွေ ဖြစ်နေတာကြောင့် အပစ်အခတ် ရပ်စဲရေးက စာရွက်ပေါ်သာ ရှိတဲ့ သဘော တူညီချက် ဖြစ်နေပါတယ်။

ရက်စတန်မြို့မှာ ဆိုရင် အစိုးရ တပ်တွေက နေ့စဉ်ရက်စက် စိန်ပြောင်းနဲ့ ပစ်နေပြီး သူပုန် တွေကလည်း မြို့ကို အစိုးရလက် ပြန်ပါမသွားအောင် ကျားကုပ်ကျားခဲ ခုခံနေပါတယ်။

အပစ်အခတ် ရပ်စဲရေး သဘော တူညီချက်ကို ကုလသမဂ္ဂက ကြားဝင် ဆောင်ရွက်ပေးခဲ့တာ ဖြစ်ပြီး အစိုးရရော သူပုန်ရော နှစ်ဘက်လုံးက သဘောတူပေမယ့်လည်း တိုက်ပွဲတွေ အရှိန် ကျမသွားခဲ့ပါဘူး။

ဆီးရီးယား ပဋိပက္ခ စတင်ချိန်ကနေ ကနေ့ထိ သေဆုံးသူပေါင်း တသောင်းထက်မနည်း ရှိသွားပြီဖြစ်ပြီး ကုလသမဂ္ဂ အတွင်းရေးမှုးချုပ် ဘန်ကီမွန်းကိုယ်တိုင်က ဆီးရီးယားမှာ တိုးတက်မှု မဖြစ် စလောက်ပဲ ရတယ်လို့ ပြောသွားပြီး အခြေအနေကို ခြုံကြည့်မယ်ဆိုရင် အင်မတန် စိုးရိမ်ရတဲ့ အနေအထားမှာ ရှိနေဆဲပဲလို့ မှတ်ချက် ပေးသွားပါတယ်။

တဆက်ထဲမှာ ဆီးရီးယား ပဋိပက္ခမှာ ဘယ်ဘက်ကိုမှ လက်နက်တပ်ဆင်ပေးတာ မလုပ် ဖို့လည်း သူက ပန်ကြားထားပါတယ်။

အမိ်ုးသားပဋိသေန္ဓတားဆေး ဖော်ထုတ္လာနိုင္ဖြယ်

တားဆေးသစ် ဖော်ထုတ်ရေးမွာ အေထာက်အကူ ဖြစ်စေမယ့် မိ်ုးဗီဇတစ္မိ်ုးကို ရွာဖြေ တြေ့ရွိထားပြီလို့ သိပ္ပံပညာရွင်တြေက ပြော ပါတယ်။

ကြက်တြေမွာ စမ်းသပ်ပြီး တြေ့ရွိရတဲ့ Katnal1 လို့ခေါ်တဲ့ မိ်ုးဗီဇ တမိ်ုးဟာ သုတ္ပိုးဖြစ္ပြားမှု နောက္ဆုံး အဆင့်မွာ အလြန်အေရးကြီးတဲ့ မိ်ုးဗီဇ ဖြစ္တယ္လို့ စေကာ့တလန် အက္ဒင္ဘရာ တက္ကသိုလ္က သုတေသီတြေက ပြောပါတယ်။

တကယ္လို့ Katnal1 မိ်ုးဗီဇကို တားဆီးနိုင္မယ့် ဆေးထုတ္လို့ရရင် ဒါဟာ အမိ်ုးသား တြေအတြက် ပဋိသေန္ဓတားဆေး ထုတ်ဖော်နိုင္မယ္လို့ ဆိုပါတယ်။

Katnal1 ဟာ ကနဦပိုင်း ဖြစ်ပေါ်တဲ့ သုတ္ပိုးကိုတော့ တားဆီးမွာ မဟုတ္တဲ့အတြက် ပုံမွန် သုတ္ထုတ္လုပ္မှုကို ထိခိုက္မွာ မဟုတ္ဘူးလို့လည်း သုတေသီတြေက ပြောပါတယ်။

ပြင်သစ်တပ်တွေ အာဖဂန်ကနေ နှစ်ကုန်မှာ ရုပ်သိမ်းမယ်

ပြင်သစ် သမ္မတ ဖရန်ဆွာ အော်လန်းဒ်ဟာ အာဖဂန်နစ္စတန် နိုင်ငံကို ရောက်နေပြီး အာဖဂန် သမ္မတ ဟာမစ် ကာဇိုင်းနဲ့ တွေ့ဆုံခဲ့ပါတယ်။

ဒီလဆန်းကပဲ သမ္မတ ဖြစ်လာတဲ့ မစ္စတာ အော်လန်းဒ်နဲ့အတူ ပြင်သစ် ကာကွယ်ရေးနဲ့ နိုင်ငံခြားရေး ဝန်ကြီးတွေလည်း လိုက်ပါလာကြပါတယ်။

မစ္စတာ အော်လန်းဒ်က ကာဘူးမြို့ရောက်စဉ် ပြောရာမှာ သူသမ္မတ ရွေးကောက်ပွဲ မဲဆွယ်စဉ်က ကတိပေးခဲ့သလို အာဖဂန်မှာ ရှိတဲ့ ပြင်သစ်တပ်တွေကို ဒီနှစ်ကုန်မှာ ပြန်လည် ရုပ်သိမ်းဖို့ ဆုံးဖြတ်ထားပြီးပြီလို့ ဆိုပါတယ်။

လတ်တလော ချထားတဲ့ စစ်သည်အရေအတွက် ၃၃၀၀ ရှိရာကနေ ၂၀၀၀ ကို ဒီနှစ်ကုန်မှာ ပြန်ခေါ်ယူ တော့မှာ ဖြစ်ပါတယ်။

ဒါပေမယ့် တိုက်ခိုက်ရေး တပ်သားတွေကိုပဲ ရုပ်သိမ်းမှာဖြစ်ပြီး လေ့ကျင့် သင်တန်းပေးတဲ့ တပ်သားတွေကိုတော့ ချန်ထား ပေးမယ်လို့ ဆိုပါတယ်။ ဘယ်လောက်ကြာကြာ ဆက်ထားမယ် ဆိုတာတော့ မသိရသေးပါဘူး။

ဒါဟာဆိုရင် အရင် ပြင်သစ်သမ္မတ နစ်ကိုလပ်စ် ဆာကိုဇီ သတ်မှတ်ထားတဲ့ အချိန်ထက် တစ်နှစ်လောက် စောပြီး ပြင်သစ်တပ်တွေ ရုပ်သိမ်းမှာ ဖြစ်ပါတယ်။

ဒါပေမယ့် ပြင်သစ်အနေနဲ့ တခြား နေတိုး မဟာမိတ်တွေနဲ့ ပူးပေါင်း လုပ်ဆောင် သွားမယ်လို့ မစ္စတာ အော်လန်းဒ်က ပြောကြားခဲ့ပါတယ်။

အာဖဂန်နစ္စတန်မှာ နေတိုးတပ်ဖွဲ့ဝင် ၁၃၀၀၀၀ လောက်ရှိနေပြီး ပြင်သစ်အပြင် အမေရိကန်၊ ဗြိတိန်၊ သြစတြေးလျ၊ ကနေဒါ၊ ဒိန်းမတ်၊ ဂျာမနီ၊ စပိန်၊ အီတလီ၊တူရကီနဲ့ အခြားနိုင်ငံတွေက တပ်ဖွဲ့တွေ ပါဝင်ပါတယ်။

စကော့တလန်ခွဲထွက်ဖို့ စည်းရုံးလှုံ့ဆော်မှုတွေ စတင်

ဆဲလ်မန် စည်းရုံးရေးဆင်း

စကော့တလန်ကို ယူကေနိုင်ငံတွင်းကနေ ခွဲထွက်ဖို့အတွက် လူထုဆန္ဒခံယူပွဲမှာ ထောက်ခံမဲရအောင် စကော့တလန်ဝန်ကြီးချုပ် အဲလက်စ် ဆယ်လ်မန်က စတင်ပြီး စည်းရုံး လှုပ်ရှားနေပါတယ်။

စကော့တလန်လူထုဟာ စကော့တလန် အရေးနဲ့ ပတ်သက်ပြီး ဆုံးဖြတ်ချက်ချရတော့မယ့် အချိန်ရောက်နေပြီလို့ စကော့တလန် အမျိုးသား ပါတီ SNP ခေါင်းဆောင်လည်း ဖြစ်တဲ့ မစ္စတာ ဆဲလ်မန်က ပြောပါတယ်။

SNP ပါတီအပြင် တခြားပါတီငယ်တွေလည်း ပူးပေါင်းပါဝင်ပြီး အက်ဒင်ဘရာမြို့မှာ စည်းရုံး လှုံ့ဆော်မှုတွေ စတင်ခဲ့ကြတာ ဖြစ်ပါတယ်။

အင်္ဂလန်နဲ့ စကော့တလန်ကို နှစ်ပေါင်း သုံးရာကျော်ကြာ တနိုင်ငံတည်းမှာပဲ ပူးတွဲ တည်ရှိစေခဲ့တဲ့ Act of Union ဥပဒေကို ရုပ်သိမ်းနိုင်ဖို့ ကြိုးစား ကြမှာလည်း ဖြစ်ပါတယ်။

လူထုဆန္ဒခံယူပွဲကတော့ ၂၀၁၄ ခုနှစ်လောက်မှာ လုပ်မယ်လို့ မျှော်လင့်ရပါတယ်။

တဘက်မှာလည်း စကော့တလန်ကို ယူကေထဲမှာ ဆက်ထားဖို့ စည်းရုံး လှုံ့ဆော်မှုတွေလည်း နောက်လလောက်ကျရင် စမယ်လို့ ခန့်မှန်းရပါတယ်။

ဇင်ဘာဘွေ ပိတ်ဆို့မှု ရုပ်သိမ်းဖို့ ကုလပြော

 လူ့အခွင့်အရေး မဟာမင်းကြီး မစ္စ ပီလေး

ဇင်ဘာဘွေ သမ္မတ ရောဘတ် မူဂါဘီနဲ့ သူ့ကို ထောက်ခံသူတွေအပေါ် အနောက်နိုင်ငံတွေက သီးသန့်ပစ်မှတ်ထား ချမှတ်ထားတဲ့ ပိတ်ဆို့ အရေးယူမှုတွေကို ရုပ်သိမ်းပေးဖို့ ဇင်ဘာ ဘွေကို ရောက်နေတဲ့ ကုလသမဂ္ဂ လူ့အခွင့် အရေး ကော်မရှင်နာ မဟာမင်းကြီး နာဗီ ပီလေးက ပြောလိုက်ပါတယ်။

ဒီပိတ်ဆို့မှုတွေက ဆင်းရဲသားလူထုတွေကို ထိခိုက်နေတယ်လို့ သူက ဆိုပါတယ်။ ဒါပေမယ့် ဗြိတိန်နဲ့ တခြား အနောက်နိုင်ငံတွေ ကတော့ ဆင်းရဲသားလူထုကို ထိခိုက်နေတယ်ဆိုတာကို အရင်ကတည်းက ငြင်းဆိုခဲ့ကြပါတယ်။

ဇင်ဘာဘွေ အနေနဲ့ အရေးကြီးတဲ့ ပြုပြင်ပြောင်းလဲမှုတွေ လုပ်ဖို့နဲ့ ညွန့်ပေါင်း အစိုးရအတွင်း မတူညီမှုတွေကို ဖြေရှင်းကြဖို့ အတွက်လည်း မစ္စ ပီလေးက တိုက်တွန်းခဲ့ပါတယ်။

ဒါတွေကို မဖြေရှင်းနိုင်ရင်တော့ ၂၀၀၈ ခုနှစ်က ရွေးကောက်ပွဲမှာလို အကြမ်းဖက်မှုတွေ တကြော့ပြန်လာနိုင်တယ်လို့ သူက သတိပေးခဲ့ပါတယ်။

 အိမ်ဖယ်မပေးတဲ့ ခမာ အမျိုးသမီးတွေ ထောင်ကျ

 လုပ်ငန်းရှင် တွေဖို့ ကန်ဘေးနေ တွေကို ဖယ်ခိုင်း

နေအိမ်တွေက ထွက်မပေးနိုင်လို့ ငြိမ်းချမ်းစွာ ဆန္ဒပြ ကြတဲ့ အမျိုးသမီး ၁၃ ယောက်ကို ကမ္ဘောဒီးယား တရားရုံး တရုံးက ထောင်ချ ခဲ့ပါတယ်။

သူတို့ကို ထောက်ခံတဲ့ ဗုဒ္ဓဘာသာ ရဟန်းတော် တပါးကိုလဲ အရပ်ဝတ် ရဲတွေက တရားရုံး ပြင်ဘက်က ဆွဲထုတ် သွားခဲ့ပါတယ်။

ရင်းနှီး မြှုပ်နှံသူ တွေ အတွက် ကန်ဘေး အိမ်တွေကနေ ဖယ်ခိုင်းတာကို ဒီ အမျိုးသမီး တွေ ဆန္ဒပြ နေကြတာပါ။

အဝတ်ချွတ် ပီးလဲ ဆန္ဒပြ ကြပါတယ်။

သူတို့ကို တနှစ်ကနေ ၂ နှစ်ခွဲထိ ထောင်ဒဏ်တွေ ချခံရ ပါတယ်။