23.05.2012 နေ့ဖတ်ရန်သတင်းများ

by Myanmar Journal on Tuesday, May 22, 2012 at 4:36pm ·

အမေရိကန်ကို မြောက်ကိုရီးယား သတိပေး

အမေရိကန် ပြည်ထောင်စု အနေနဲ့ မြောက်ကိုရီးယားအပေါ် သံတမန်ရေး ဖိအားပေးမှုတွေ မရပ်စဲဘူးဆိုရင် မြောက်ကိုရီးယား အနေနဲ့ နျူကလီးလား အစီအစဉ်ကို အရှိန်မြှင့်လုပ်ဆောင်မှာ ဖြစ်သလို တန်ပြန် အရေးယူဆောင်ရွက် မှုတွေကိုလည်း ပြုလုပ်သွားမှာ ဖြစ်တယ်လို့ မြောက်ကိုးရီယားက သတိပေး ပြောကြားလိုက်ပါတယ်။

မြောက်ကိုရီးယား အနေနဲ့ နောက်ထပ် ဒုံးပျံပစ်လွှတ်မှုတွေ လုပ်ရင်ဘဲ ဖြစ်ဖြစ် တတိယ မြောက် နျူကလီးယား စမ်းသပ်မှုကို လုပ်ရင်ပဲ ဖြစ်ဖြစ် နောက်ထပ် ဒဏ်ခတ် ပိတ်ဆို့မှုတွေ လုပ်မယ်လို့ အမေရိကန်နဲ့ တခြား စက်မှုအင်အားကြီး နိုင်ငံတွေက မကြာသေးခင်ကမှ သတိပေးထားတာ ဖြစ်ပါတယ်။

ပြီးခဲ့တဲ့လက မြောက်ကိုးရီးယားတို့ ရဲ့ မအောင်မမြင် ဖြစ်ခဲ့တဲ့ ဒုံးပျံလွှတ်တင်မှုဟာ ကမ္ဘာပတ် လမ်းကြောင်းထဲ ဂြိုလ်တု လွှတ်တင်ဖို့ဖြစ်ပြီး ငြိမ်းချမ်းစွာ အသုံးပြုဖို့ အတွက်သာ ဖြစ်တယ်လို့ မြောက်ကိုးရီးယား ကြေညာချက်မှာ ထပ်မံ ဖေါ်ပြ ပြောဆိုထား ပါတယ်။

လျှပ်စစ်မီး ပုံမှန် ရဖို့ ဆန္ဒပြကြမန္တလေး မီးမလာလို့ ဆန္ဒဆက်ပြ

မန္တလေး မှာ လျှပ်စစ်မီး ရရှိရေး အတွက် တိုင်းလျှပ်စစ်ရုံး ရှေ့မှာ ဒုတိယည ဆက်ပြီး ဆန္ဒပြ နေကြပါတယ်။

ည ၈ နာရီ ခန့်မှာ နေရာ ၂ ခုမှာ ဖယောင်းတိုင် တွေ၊ ဆိုင်းဘုတ်တွေ ကိုင်ဆောင်ထား ကြသူတွေက ဆန္ဒ ထုတ်ဖော် ခဲ့ကြတာပါ။

မြို့ခံ လူထု များသလို လုံခြုံရေးလဲ အပြည့် ရှိတယ်လို့ သိရပါတယ်။

မန္တလေးသား ကိုစိုးကတော့ လျှပ်စစ်မီး ပုံမှန် ရဖို့ ဆန္ဒပြ တာသာ ဖြစ်တယ်၊ အာဏာပိုင်တွေ ဘက်က စောင့်ကြည့်တာမျိုး ရှိပေမယ့် ပြဿနာ မရှိဘူးလို့ ဆိုပါတယ်။

မနေ့ နေ့လယ်က ပြည်ထောင်စု လျှပ်စစ် စွမ်းအား ဒုတိယဝန်ကြီး ဦးအောင်သန်းဦး ကိုယ်တိုင် မန္တလေး တိုင်းရုံးမှာ သတင်းစာ ရှင်းပွဲ လုပ်ခဲ့ ပါတယ်။

ရေအား လျှပ်စစ် အတွက် ရေကာတာ တွေမှာ ရေဝင်နည်း သွားတာနဲ့ ဓာတ်အားတိုင်တွေ ဖောက်ခွဲ ခံရတာကို ဌာနဆိုင်ရာ တွေက အကြောင်းပြ ခဲ့ပေမယ့် တရုတ် နိုင်ငံကို မြန်မာ အစိုးရက ရေအား လျှပ်စစ် ရောင်းချ နေသလို စက်ရုံ ၄၅ ရုံ တည်ဆောက် လည်ပတ်ဖို့လဲ စိုင်းပြင်း နေပါပြီ။

မြန်မာ နိုင်ငံ လူဦးရေရဲ့ ၇၅ ရာခိုင်နှုန်းဟာ လျှပ်စစ်မီး ပုံမှန် မရဘဲ နေနေရတယ်လို့ အာရှ ဖွံ့ဖြိုးရေး ဘဏ်က လေ့လာ တွေ့ရှိပါတယ်။ 

ပြည်သူ ဆင်းရဲ နွမ်းပါးမှု တင်ပြလိုမြန်မာ ရုပ်ရှင် ဆင်ဆာ တချို့ လျှော့ပေး

မြန်မာပြည်က ဆင်းရဲ နွမ်းပါးတာ ၊ အဂတိ လိုက်စား ပြီး ဝန်ထမ်းတွေ မှားယွင်း ကျင့်ကြံ တာတွေကို အနုပညာနဲ့ တင်ပြ ပါရစေလို့ မြန်မာ နိုင်ငံ ရုပ်ရှင် အစည်းအရုံး ဥက္ကဋ္ဌသစ် ဦးဇင်ဝိုင်း က ဘီဘီစီကို ပြောကြား ခဲ့ပါတယ်။

ကလေးသူငယ်၊ ရာဇဝတ်မှု စတဲ့ အရေး သိပ်မကြီး တဲ့ အချက် ၄ ချက် ကိုသာ ဆင်ဆာ အဖွဲ့က လွှတ်ပေးခဲ့ပြီး နိုင်ငံရေး၊ တိုင်းရင်းသား ရေး၊ အချုပ်အခြာ အာဏာ၊ ဘာသာရေး၊ ယဉ်ကျေးမှု စတဲ့ ၆ ချက်ကို ထိန်းချုပ် ထားဆဲ ဖြစ်ပါတယ်။

ဒီလို အနုပညာ တင်ဆက်မှုတွေကို ကြားက ဖြတ်တောက် နေမယ်ဆိုရင် ကောင်းတဲ့ အနုပညာ ဖန်တီးမှုတွေ ဆုံးရှုံး ကုန်မယ်လို့ ဦးဇင်ဝိုင်းက ထောက်ပြ ပါတယ်။

မီဒီယာတွေက လိုအပ်ရင် ဝေဖန်မှာ ဖြစ်ပြီး ဒိထက် လွန်ကဲလာရင် အနုပညာရှင် တွေကို ပရိသတ် က ဒဏ်ခတ်မှာပါ လို့လည်း ပြောပါတယ်။

ဆင်ဆာ အဖွဲ့မှာ ရုပ်ရှင် အစည်းအရုံးက ကိုယ်စားလှယ် လွှတ်တာကလဲ ဆင်ဆာ ဖြတ်မယ့် ကြိုးစားမှု တွေကို ဟန့်တားဖို့သာ ဖြစ်တယ်လို့ သူက ဆိုပါတယ်။

ရုပ်ရှင် သမားတွေ ဘက်ကလဲ အလုပ် ကြိုးစားပြီး စိတ်ပါ ဝင်စားစွာ သရုပ်ဆောင်ဖို့ လိုကြောင်း ဦးဇင်ဝိုင်းက သုံးသပ်ခဲ့ပါတယ်။ 

စည်းလုံးရေးနေ့ အစမ်း လေ့ကျင့်စဉ် ပေါက်ကွဲယီမင် ဗုံးခွဲမှု အယ်လ်ကိုင်ဒါ လက်ချက်

ယီမင် မြို့တော် ဆာနာမှာ စစ်သား ၉ဝ လောက် အနည်းဆုံး သေဆုံးတဲ့ အသေခံ ဗုံးခွဲမှုဟာ သူတို့ လက်ချက်လို့ ယီမင်က အယ်လ်ကိုင်ဒါ ဌာနခွဲက ဆိုပါတယ်။

တောင်ပိုင်း ယီမင်က သူတို့ ဂိုဏ်းသား တွေကို ယီမင် အစိုးရ တိုက်ခိုက် နေတာကို လက်တုံ့ပြန် တာလို့ အာရေဗျ ကျွန်းဆွယ် ရဲ့ အယ်လ်ကိုင်ဒါ အဖွဲ့က ကြေညာ ခဲ့ပါတယ်။

အမေရိကန် ထောက်ခံမှုနဲ့ ဆက်တိုက်နေရင် အလားတူ တိုက်ခိုက်မှု ထပ်လာမယ် လို့လည်း ခြိမ်းခြောက် ထားပါတယ်။

အကြမ်းဖက် သမားတွေကို ပိုမို ပြင်းပြင်းထန်ထန် အရေးယူ သွားတော့မယ်လို့ သန္နိဋ္ဌာန် ချထားကြောင်း ယီမင် သမ္မတ အာဘတ် ရာဘူ ဟာဒီ မန်ဆူးက တုံ့ပြန် ခဲ့ပါတယ်။

ကနေ့ အင်္ဂါနေ့မှာ ပြုလုပ်မယ့် ယီမင်နိုင်ငံရဲ့ အမျိုးသား စည်းလုံး ညီညွတ်ရေးနေ့ စစ်ရေးပြ အခမ်းအနားအတွက် အစမ်း လေ့ကျင့်နေတုန်း ဒီလို တိုက်ခိုက် ခံခဲ့ရတာပါ။ 

အာဖဂန်နဲ့ ရေရှည် ဗျူဟာ ဆက်ဆံရေး ဆက်ထားနေတိုးက အာဖဂန်လက် လွှဲပေးမယ်

နောက်နှစ်လယ်က စပြီး အာဖဂန် စစ်ဆင်ရေး တွေကို အာဖဂန် တပ်တွေလက်ထဲ လွှဲပြောင်း ပေးဖို့ နေတိုး တဖွဲ့လုံးက သဘောတူ ပြီးပြီလို့ အမေရိကန် သမ္မတ အိုဘားမားက ကြေညာခဲ့ပါတယ်။

၂ဝ၁၄ အကုန်မှာ နောက်ဆုံးထားပြီး နေတိုး မဟာမိတ်တွေ အာဖဂန်က ဆုတ်ခွာဖို့ ရှိတဲ့ အတွက် နောက်နှစ်မှာ နေတိုးတပ်တွေက လေ့ကျင့်ရေးနဲ့ ထောက်ပံ့တဲ့ဘက် ပြောင်း တာဝန်ယူ မယ်လို့ နေတိုး နဲ့ မဟာမိတ်များ ထိပ်သီး ဆွေးနွေးပွဲ အပြီး ချီကာဂိုမှာ လုပ်တဲ့ သတင်းစာ ရှင်းလင်းပွဲမှာ မစ္စတာ အိုဘားမား က ဆိုပါတယ်။

အာဖဂန်နဲ့ ရေရှည် ဗျူဟာကျတဲ့ ဆက်ဆံရေးမျိုး ဆက်ထားဖို့လည်း ပိုင်းဖြတ် ထားကြောင်း လည်း သူက အခိုင်အမာ ပြောကြား ခဲ့ပါတယ်။

အာဖဂန် နစ္စတန်ကို နေတိုး ထောက်ပံ့ရေး လမ်းကြောင်း ပြန်ဖွင့်ဖို့ အတွက် ပါကစ္စတန်နဲ့ တိုးတက်မှု ရအောင် ဂရုတစိုက် လုပ်ခဲ့ကြောင်း မစ္စတာ အိုဘားမားက ရှင်းလင်း ပြောကြား ခဲ့ပါတယ်။

ကြားဖြတ်ရွေးကောက်ပွဲဝင်တွေကို ကော်မရှင်ခေါ်တွေ့

ပါတီ တချို့က ပေးပို့ထားခဲ့တဲ့ အတွေ့အကြုံ တွေကို ကော်မရှင်က ခေါ်ရှင်းပြ

ကြားဖြတ် ရွေးကောက်ပွဲ ဝင်ခဲ့ကြတဲ့ နိုင်ငံရေး ပါတီ ၁၇ ပါတီနဲ့ တသီးပုဂ္ဂလ ဝင်ပြိုင်သူတွေကို ပြည်ထောင်စု ရွေးကောက်ပွဲ ကော်မရှင်က အင်္ဂါနေ့က နေပြည်တော်မှာ ခေါ်တွေ့ခဲ့ပါတယ်။

ပြီးခဲ့တဲ့ ကြားဖြတ် ရွေးကောက်ပွဲမှာ မဲစာရင်း အတိအကျ မရှိတာနဲ့ မဲဆွယ်ကာလ ဥပဒေ ကျော်လွန် စည်းရုံးခဲ့တာတွေ စတဲ့ အတွေ့အကြုံ သဘောထားတွေကို ပါတီတချို့က တင်ပြထားတဲ့နဲ့ ပတ်သက်ပြီး ကော်မရှင်က ခေါ်ရှင်းပြခဲ့တာ ဖြစ်ပါတယ်။

မဲစာရင်း အတိအကျ မရှိတာနဲ့ ပတ်သက်လို့ ကော်မရှင်က ၂၀၁၀ ရွေးကောက်ပွဲမှာလို ကြိုတင် မဲပြဿနာ မဖြစ်အောင် အာရုံစိုက်ခဲ့လို့ မဲစာရင်း ကိစ္စ လစ်ဟင်းခဲ့ရတယ်လို့ ပြောပါတယ်။

နောက်ပြီး ကိုယ်ပိုင်ဝန်ထမ်း မရှိတာတွေလည်း ရှိခဲ့တာကြောင့် ၂၀၁၅ မှာ အခုလို မဖြစ်အောင် ကိုပိုင် ဝန်ထမ်းရရှိရေး ဆောင်ရွက်နေတယ်လို့ ရှင်းလင်း ပြောကြားခဲ့ကြောင်း ကော်မရှင်ကို သွားတွေ့ခဲ့တဲ့ အမျိုးသား ဒီမိုကရေစီ အင်အားစုပါတီ ဒုဥက္ကဌ ဦးစိုးဝင်းက ပြောပါတယ်။

ကြားဖြတ် ရွေးကောက်ပွဲဟာ အလွန်အကျွံ လွတ်လပ်ခဲ့ပြီး မျှတမှု မရှိခဲ့ဘူးလို့ ကော်မရှင်က ပြောကြောင်း ဦးစိုးဝင်းကပြောပါတယ်။ ဆိုလိုတာကတော့ ရွေးကောက်ပွဲ စည်းရုံးရာမှာ ဆန္ဒပြပွဲလို ဖြစ်နေ တာတွေကို ရည်ညွှန်းတယ်လို့ ယူဆကြောင်း သူကဆိုပါတယ်။

မျှတမှုမရှိဘူး ဆိုတာကတော့ တချို့ပါတီကြီးတွေဟာ ကားတွေ၊ မော်တော်ဆိုင်ကယ်တွေ ထောင်နဲ့ချီပြီး အသုံးပြုခဲ့တာကြောင့် ပါတီငယ်တွေ အနေနဲ့ လမ်းသွားဖို့တောင် မလွယ်တဲ့ အခြေအနေမျိုးတွေ ရှိခဲ့တယ်လို့ ပြောပါတယ်။

ကချင်ပြည်နယ်မှာ မကျင်းပခဲ့တဲ့ ကြားဖြတ်ရွေးကောက်ပွဲ ဘယ်တော့ ပြန်ကျင်းပမယ် ဆိုတာကိုတော့ ဘာမှ ပြောဆိုခြင်း မရှိဘူးလို့လည်း သိရပါတယ်။

အမေရိကန် ပုဂ္ဂလိက ဒုံးပျံ အောင်မြင်စွာ လွှတ်တင်

နာဆာဟာ အနာဂတ်မှာ ပုဂ္ဂလိကကို အခုလို အစီအစဉ်တွေ ပေးလုပ်မှာ ဖြစ်ပါတယ်

အမေရိကန် ပြည်ထောင်စု Space X ကုမ္ပဏီရဲ့ ပထမဦး ဆုံးသော ဒုံးပျံတစင်းကို နိုင်ငံတကာ အာကာသ စခန်းဆီ အောင်မြင်စွာ လွှတ်တင် လိုက်ပြီ ဖြစ်ပါတယ်။ ဒီဒုံးပျံယာဉ်ဟာ လူလိုက်ပါတဲ့ ယာဉ်မဟုတ်ပဲ ကုန်ပစ္စည်း တင်ပို့တဲ့ ယာဉ် ဖြစ်ပါတယ်။

ဖယ်လ်ကွန် ၉ လို့ နာမည် ရတဲ့ ရော့ကက်ဒုံးပျံကို ဖလော်ရီဒါ ပြည်နယ် ထဲကနေ ပစ်လွှတ်ခဲ့ပြီး ရော့ကက်ထိပ်မှာတော့ အာကာသစခန်းထိ ရောက်အောင် သွားမယ့် ဒရာဂွန် လို့နာမည်ပေးထားတဲ့ Capsule ကိုယ်ထည်တိုင်ဂီကြီး ရှိနေပါတယ်။

မြေပြင်ကနေ ပစ်လွှတ်ပြီးနောက် ကီလိုမီတာ ၃၄၀ ၊ မိုင်နဲ့ဆိုရင် မိုင် ၂၀၀ ကျော်ထိ ရောက်တဲ့အချိန်မှာတော့ ၁၀ မိနစ်နီးပါး ကြာမြင့်ခဲ့ပါတယ်။ မြေပြင်ကနေ ပစ်လွှတ်ပြီးနောက် Capsule မှာ တပ်ထားတဲ့ နေစွမ်းအင်သုံး ဆိုလာပြားတွေကိုလည်း ဖွင့်ထားခဲ့ပါတယ်။

နိုင်ငံတကာ အာကာသစခန်း ISS ထိ ရောက်ဖို့ ဆိုရင်တော့ နောက် ၂ ရက်လောက် ထိ ကြာမှာ ဖြစ်ပါတယ်။ ကြာသပတေးနေ့မှာတော့ နိုင်ငံတကာ အာကာသစခန်း ကနေ ဒီ Capsule ကို ၁ မိုင်လောက် အဝေးကနေ ဆက်သွယ်စမ်းသပ်ပြီး အောင်မြင်တယ်ဆိုရင် သောကြာနေ့မှာ သူ့ရဲ့ စက်ရုပ်လက်တံနဲ့ လှမ်းပြီး ချိတ်ယူမှာ ဖြစ်ပါတယ်။ အဲဒီနောက်မှာတော့ Dragon capsule ထဲက စုစုပေါင်း အလေးချိန် ၅၀၀ ကီလို ဂရမ်လောက်ရှိတဲ့ အစားအစာ၊ ရေ နဲ့ ပစ္စည်းပစ္စယတွေကို ထုတ်ယူပြီး ဒီလကုန်လောက်ကျရင် မြေပြင်ကို ပြန်ပို့လွှတ်မှာ ဖြစ်ပါတယ်။

အခု Dragon ရဲ့ အာကာသခရီးစဉ်မှာ ထူးခြားတာကတော့ အရင်ကတော့ အမေရိကန်အစိုးရရဲ့ NASA အာကာသ ဌာနကနေပဲ ဒီလို အာကာသယာဉ်တွေကို လွှတ်တင်ခဲ့ပြီး အခုတော့ ပုဂ္ဂလိကုမ္ပဏီတစ်ခု ဖြစ်တဲ့ SpaceX ကနေ ပထမဆုံး လွှတ်တင်တာ ဖြစ်ပါတယ်။ ဒီလို လုပ်ခြင်းအားဖြင့် အမေရိကန်အစိုးရ အနေနဲ့ သူ့ရဲ့ ကုန်တင်အာကာသယာဉ်တွေပေါ်မှာ ရင်းနှီးမြှပ်နှံရတဲ့ ကုန်ကျစရိတ်တွေ သက်သာလာနိုင်ပြီး အစိုးရအနေနဲ့တော့ အာကာသထဲက ပိုမိုဝေးလံတဲ့ အင်္ဂါဂြိုဟ်လို ဂြိုဟ်တွေဆီကို စူးစမ်းလေ့လာမှုအပိုင်းမှာ ပိုမိုရင်းနှီးမြှပ်နှံပြီး အဲဒီဘက်မှာ ပိုအာရုံစိုက်လုပ်ဖို့ ရည်ရွယ်ထားပါတယ်။

အာကာသဆိုင်ရာ ပုဂ္ဂလိက ကုမ္ပဏီတွေအနေနဲ့လည်း အခု ကုန်တင် ခရီးစဉ်အောင်မြင်ရင် နောက်ပိုင်းမှာ အာကာသဆီသွားမယ့် အာကာသယာဉ်မှူး ခရီးသည်တွေကို အခ ကြေးငွေယူပြီး ပို့ဆောင်ဖို့ အစီအစဉ် တွေလည်း ရှိနေပါတယ်။ ဒါပေမယ့် ဒီလို ပို့ဆောင်သင့် မသင့် ကိစ္စမှာတော့ လုံခြုံရေး အတွက် အငြင်းပွားမှုတွေ ကတော့ ရှိနေပါသေးတယ်။ ဘာပဲဖြစ်ဖြစ် SpaceX ကုမ္ပဏီရဲ့ အခု အာကာသယာဉ်ကတော့ ပုဂ္ဂလိကပိုင်းကနေ ပထမဆုံး လွှတ်တင်နိုင်တာမို့ သိပ္ပံဆိုင်ရာ သမိုင်းမှတ်တိုင်တစ်ခုအဖြစ် ထူးခြားနေပါတယ်။

ရန်ကုန်မြို့မှာ လျှပ်စစ်မီး ရရေး လှည့်လည် ဆန္ဒပြ

လျှပ်စစ်မီးရရေး ဆူးလေဘုရားရှေ့မှာ လူရာနဲ့ချီ ဖယောင်းတိုင်ထွန်း ဆန္ဒပြခဲ့ကြ

ရန်ကုန်မြို့မှာ လျှပ်စစ်မီး ရရေး အတွက် အင်္ဂါနေ့ ညပိုင်းက လူရာနဲ့ ချီပြီး ဆူးလေဘုရားရှေ့မှာ ဖယောင်းတိုင်ထွန်း စီတန်း လှည့်လည် ဆန္ဒပြ ခဲ့ကြပါတယ်။

အဲဒီနောက်မှာတော့ ဆန္ဒပြသူတွေဟာ ဆူးလေဘုရားပေါ်တက်ပြီး ဖယောင်းတိုင် လှူဒါန်း ဝတ်ပြုပြီး လူစုခွဲခဲ့ကြတယ်လို့ ဆန္ဒပြမှုကို စီစဉ် ဆောင်ရွက်ခဲ့သူတဦး ဖြစ်သူ နိုင်ငံရေး အကျဉ်းသား မိသားစုများ အကျိုး ဆောင် ကွန်ယက်က ကိုဟန်ဝင်းအောင် က ဘီဘီစီကို ပြောပါတယ်။

ဆန္ဒပြမယ်ဆိုတဲ့ သတင်းတွေကြောင့် အဲဒီ နေရာမှာ လုံခြုံရေး တပ်ဖွဲ့ဝင်တွေ ချထားပေမယ့် တစုံတရာ အနှောင့်အယှက် ပေးတာမျိုး မရှိခဲ့ဘူးလို့ သိရပါတယ်။

တခါ မန္တလေးမြို့မှာ လျှပ်စစ်မီးရရေး အတွက် တနင်္လာနေ့က ဖယောင်းတိုင်ထွန်း ဆန္ဒ ထုတ်ဖေါ် ခဲ့ကြသူတွေအနက် လူသိများတဲ့ စာရေးဆရာ ညီပုလေးတို့လို စာရေးဆရာတွေ၊ စိမ်းရောင်စို အဖွဲ့ထဲက သတင်းထောက် မင်းထက်ငြိမ်းချမ်း တို့လို လူမှုရေး လုပ်နေသူတွေ၊ NLD ပါတီဝင်တွေနဲ့ ကုန်ဈေးနှုန်း ကျဆင်းရေး တောင်းဆိုတဲ့ အဖွဲ့က လူတွေအပါအဝင် လူပုဂ္ဂိုလ် ၂၀ကျော်လောက်ကို မန္တလေး အထူးရဲတပ်ဖွဲ့ တာဝန်ရှိသူတွေက အင်္ဂါနေ့မနက်က ခေါ်ယူ စစ်ဆေး မေးမြန်းပြီး ပြန်လွှတ်ပေးခဲ့ပါတယ်။

မန္တလေး ကျုံးပတ်ဝန်းကျင်နဲ့ ဆန္ဒပြခဲ့တဲ့ ဆီးဒိုးနား ဟိုတယ် ဝန်းကျင်နေရာတွေမှာ လုံခြုံရေး ကားတွေ ကင်းလှည့်နေတယ်လို့လည်း သိရပါတယ်။

အင်္ဂါနေ့ထုတ် အစိုးရသတင်းစာထဲမှာတော့ နွေရာသီမှာ ဆည်ရေနည်းနေတဲ့အတွက်ကြောင့် တကြောင်း၊ မကြာသေးခင် ရက်ပိုင်းက ရွှေလီ မန်စံ ဓါတ်အားပေးတိုင် မိုင်းခွဲ ခံရတာကြောင့် တကြောင်း အခုလို အလှည့်ကျ မီးပေးစနစ် ကျင့်သုံးနေရတာ ဖြစ်ပြီး ပြည်သူလူထုအနေနဲ့ လျှပ်စစ်မီး ခြွေတာ သုံးခြင်းအားဖြင့် ပူးပေါင်း ပါဝင်ကြဖို့ မေတ္တာ ရပ်ခံ ပန်ကြား ထားပါ တယ်။

လျှပ်စစ်မီးကိစ္စ ဆန္ဒပြမှုနဲ့ ကိုကိုကြီးရဲ့ သဘောထား

By ဦးသန်းလွင်ထွန်း

• မြန်မာနိုင်ငံမှာ ကြုံတွေ့နေရတဲ့ လျှပ်စစ်ဓါတ်အား ပြတ်တောက်မှုပြဿနာဟာ အချိန်တိုအတွင်း ပြေလည် သွားနိုင်မယ့် အရေးမဟုတ်ဘူးဆိုတာ သိနားလည်ပေမဲ့ လက်တွေ့ခံစားနေရတဲ့နစ်နာမှုနဲ့ လိုလားချက်တွေကို အစိုးရက ကူညီ ဖြေရှင်းပေးနိုင်လိမ့်မယ်လို့ မျှော်လင်ချက်နဲ့ ဆန္ဒပြနေသူတွေရဲ့ ယုံကြည်ချက်ကို ချိုးနှိမ် မပစ်ဘဲ ထိထိရောက်ရောက် စီမံဆောင်ရွက်ပေးသင့်တယ်လို့ ၈၈ မျိုးဆက်ကျောင်းသားခေါင်းဆောင် ကိုကိုကြီး က မြန်မာအစိုးရကို တိုက်တွန်း လိုက်ပါတယ်။ ဦးသန်းလွင်ထွန်းက ဆက်သွယ်မေးမြန်းထား ပါတယ်။

++++

ကိုကိုကြီး။  အခု ဒီမီးပျက်တဲ့ကိစ္စတွေကတော့ အထူးသဖြင့်တော့မြို့ ကြီးတွေမှာပေါ့လေ။ ဒီဒုက္ခ ခံနေရ တာတော့ တော်တော် ကြာပြီပေါ့၊ အဲဒီတော့ တိုင်းပြည်က နည်းနည်း အထိုက်အလျောက်လေး ပွင့်လင်း လာတော့ လူထုကလည်း သူတို့ နစ်နာချက်တွေ သူတို့ လိုအပ်ချက်တွေကို တင်ပြတောင်းဆိုတာတွေ ဆန္ဒ ထုတ်ဖေါ်တာတွေလုပ်လာတော့ ဒါဟာ ပွင့်လင်းတဲ့လူ့ အဖွဲ့ အစည်းမှာ ဒါ ကြိုဆိုရမယ့် ကိစ္စပေါ့။ နောက် တချိန်တည်းမှာပဲ သတင်းစာထဲမှာ ၀န်ကြီးက လျှပ်စစ်နဲ့  ပတ်သက်လို့ လူထုရဲ့ တင်ပြမှုတွေ ဆန္ဒပြမှုတွေ အပေါ်မှာ တုံ့ပြန်တဲ့ ကြေညာချက်လည်း ပေးတယ်ပေါ့ ။ ဘာပဲဖြစ်ဖြစ် ဒါ လူထုရဲ့ လိုအပ်ချက်ကို အလေး ထားလာတယ် ဂရုတစိုက်နဲ့ ပြန်ပြီး တုံ့ပြန်လာတယ်ဆိုတော့ ဒါလည်း ကြိုဆိုရမယ့် အချက် ပါ၊

ဦးသန်းလွင်ထွန်း။  ဟုတ်ကဲ့။ လွန်ခဲ့တဲ့ ငါးနှစ်ကျော်ကျော်လောက်ကပေါ့နော်၊ ၂၀၀၇ နှစ်လောက်က ဆိုရင် လည်း ကုန်ဈေးနှုန်းကြီးတဲ့ကိတ်စ ဓါတ်ဆီဈေးတက်တဲ့ကိစ္စနဲ့ ပတ်သက်ပြီးတော့ ကိုထင်ကျော်တို့ ဆန္ဒပြတဲ့ ကိစ္စတွေ အလားတူပဲ၊ ကိုကိုကြီးတို့  ခင်ဗျားတို့ပေါ့နော်၊ မင်းကိုနိုင်တို့ အပါအ၀င် ကျောင်သားထုလည်း ထွက်ပြီးတော့ စီတန်း ဆန္ဒပြတဲ့ ကိစ္စလေးတွေဖြစ်ခဲ့တယ်။ ဖြစ်တဲ့အချိန်တုန်းကတော့ အစိုးရအနေ နဲ့က အားလုံးကို ထိန်းသိမ်းခဲ့၊ ဖမ်းဆီးခဲ့တဲ့ ကိစ္စမျိုးတွေ ဖြစ်လာတယ်လေ။ အဲတော့ ဒီလိုဖြစ်လာနိုင်မယ့် အလားအလာတွေရော ရှိမယ်လို့ ယူဆပါသလား။

ကိုကိုကြီး။  အခြေအနေချင်း နည်းနည်းတော့ ကွာသွားတယ်၊ ကွာသွားတယ်ဆိုတာက ကျွန်တော်တို့ အဲဒီ ကာလတုန်းက စစ်အစိုးရပေါ့။ အခုကတော့ ဖွဲ့ စည်းပုံအခြေခံဥပဒေအရ လွှတ်တော်တွေ ပေါ်လာတယ်။ လွှတ်တော်ကနေ ရွေးကောက် တင်မြှောက်တဲ့ အစိုးရအဖွဲ့ ပေါ်လာတယ်ဆိုတော့၊ ဒီလို ပြဿနာတွေကို ကိုင်တွယ်တဲ့ ပုံစံလည်း ပြောင်းလာလိမ့်မယ်လို့ ကျွန်တော်တို့ မျှော်လင့်ပါတယ်။ တဘက်ကလည်းပဲ အခု သူက လူထုကို သည်းခံဖို့ပေါ့လေ။ မေတ္တာရပ်ခံတဲ့ ကြေညာ ချက်လည်း ထွက်လာတော့ သည်းခံဖို့ ဆိုတာ ကတော့ ကျွန်တော်တို့က သည်းခံလာခဲ့တာ တလျှောက်လုံးပဲ အဲတော့ အခုလည်းပဲ ညတွင်းချင်း နေ့ချင်း ညချင်း ဒီပြဿနာတွေကို မဖြေရှင်းနိုင်ဘူးဆိုတာတော့ ကျွန်တော်တို့လည်း ဒါ နားလည်ပါတယ်။ အဲ ဒါပေမဲ့ လို့ သာမန်လူထုရဲ့ အမြင်မှာကတော့ ကျွန်တော်တို့ နိုင်ငံမှာ သဘာဝဓါတ်ငွေ့တွေ အပြင် ထုတ်ရောင်းနေ တယ်။ ရေအားလျှပ်စစ်တွေ အရင်းအမြစ်တွေ အများကြီးရှိနေတယ်။ ပြည်ပကို ထုတ်ရောင်းနေတဲ့ အခြေ အနေမှာ ပြည်တွင်းမှာ မှောင်ထဲငုတ်တုတ်ထိုင်နေရမယ်ဆိုတာကတော့ မကျေနပ် တာအမှန်ပဲ၊ အဲတော့ နိုင်ငံတော် အနေနဲ့က ဒီ Good Governance ပေါ့၊ ကောင်းမွန်တဲ့ အုပ်ချုပ်ရေးစနစ် ဒါ သမ္မတ ကလည်း အကြိမ်ကြိမ် ပြောထားတော့ အဓိက နိုင်ငံသားတွေရဲ့ လိုအပ်ချက်ကို အထူးပြုပြီးတော့ ဆောင်ရွက် တဲ့ စီမံချက်တွေ၊ အဲဒါ ရှေ့ဆက် ပြီးတော့ ဒီလိုမျိုး လျှပ်စစ်မီးတင် မဟုတ်ဘဲ နေ့စဉ် ကြုံတွေ့နေရ တဲ့ ပြဿနာ တွေ ကို ဘယ်လို ဘယ်ပုံ ဖြေရှင်းမယ် ဆိုတာကို ဒါ လူထု နားလည် လက်ခံလာအောင် ရှင်းပြတာမျိုးတွေပါ။ ကောင်းမွန်တဲ့ စီမံအုပ်ချုပ်ရေးကို ကျင့်သုံးတာတွေပါ ဆက်ပြီးတော့ လုပ်သင့်တယ် လို့ ကျွန်တော်တော့မြင်ပါတယ်။

ဦးသန်းလွင်ထွန်း။  ဟုတ်ကဲ့ ခင်ဗျ။ ကျွန်တော်တို့ ကြားရသလောက်တော့ ဥပမာအားဖြင့် မန္တလေးမှာ ဆိုလို့ရှိရင် ဆန္ဒပြတဲ့ လူတချို့ ကို ရဲကနေပြီးတော့ စစ်ဆေး မေးမြန်းခဲ့တာလေးတွေ ရှိပါတယ်။ အဲဒီအခါမှာ သူတို့သိချင်တဲ့ ကိစ္စကတော့ ဒီ ကိစ္စတွေ၊ ဆန္ဒပြမှူတွေ၊ လှုပ်ရှားမှူတွေရဲ့ နောက်ကွယ်မှာ ဘယ်သူရှိသလဲ ဆိုတဲ့အချက်ကို မေးတယ်ဆိုတဲ့၊ စုံစမ်းတယ် ဆိုတဲ့ဟာလေးတွေ ကျွန်တော်တို့ ကြားရပါတယ်၊ သဘော ကတော့ ဒီသက်ဆိုင်ရာ အာဏာပိုင်တွေအနေနဲ့ အခုလို ကိစ္စတွေအပေါ်မှာ ဒီအာဏာပိုင်တွေရဲ့ အခု လက်ရှိ ဖြစ်နေတဲ့ အားနည်းချက်ပေါ့နော်။ ဒါကိုထောက်ပြီးတော့ နိုင်ငံရေး အမြတ် ထုတ်လိုတဲ့ သူအချို့  ရှိနေတယ်လို့များ အာဏာပိုင်တွေက ယူဆလာတာများ ဖြစ်လာနိုင်သလားခင်ဗျ။

ကိုကိုကြီး။  ကျွန်တော့်အနေနဲ့ကတော့ နိုင်ငံတော်အကြီးအကဲတွေရဲ့ မိန့်ခွန်းမှာ ထပ်ခါတလဲလဲ ပြောနေတဲ့ အချက်က အမူအကျင့် အဟောင်းတွေ အတွေးအခေါ် အဟောင်းတွေကို ပြင်ဆင်ဖို့ဆိုတာက ကျွန်တော်လည်း သတိထားမိပါတယ်၊ အဲတော့ ဒီလိုမျိုးနိုင်ငံသားတွေ ပြည်သူတွေရဲ့ လိုအပ်ချက်ကို ထုတ်ဖော်တဲ့ နေရာမှာ တဘက်က တာဝန်ရှိသူတွေ ကိုယ်၌ကလည်း ရှုမြင်တဲ့ပုံစံတွေ ပြောင်းသင့်တယ်လို့ ကျွန်တော်တော့ မြင် တယ်။ သူက တခုခု ဖြစ်တိုင်းဖြစ်တိုင်း မှာ နောက်ကွယ်ကနေ ပြီးတော့ ဘယ်သူ လှုံ့ဆော် သလဲ၊ ဘယ်သူ ကနေပြီးတော့ စီမံ ဖန်တီး သလဲဆိုတာကို သဘောက အပြစ်ရှာတဲ့ ပုံစံ၊ တရားခံရှာတဲ့ ပုံစံ ချဉ်းကပ်တာ ထက်ကို ဒီပြဿနာတွေဟာ တိုင်းပြည်မှာ တကယ်ဖြစ်ပျက်နေတဲ့ ပြဿနာဆိုတာတွေကို အရှိအတိုင်း လက်ခံ ဖို့  လိုတယ်၊ အဲဒါကို ဖြေရှင်းမယ့် နည်းလမ်းတွေကို စနစ်တကျနဲ့ ထိထိ ရောက်ရောက် ကြိုးပမ်းသင့် တယ်၊ ပြင် ဆင် သင့်တယ်လို့ မြင်တယ်၊ အဲသလိုမှမဟုတ်ဘဲနဲ့ ဒါ လူထုဟာ တခါမှ ဆန္ဒ ထုတ်ဖော်ခွင့် မရခဲ့ဘူး။ အခု အစိုးရသစ်ပေါ်မှာ ယုံကြည်မျှော်လင့်ပြီးတော့ သူတို့ ဒီလိုမျိုး ဆန္ဒ ထုတ်ဖော် ပြသ လိုက် ရင်တော့ ထိထိရောက်ရောက် ကိုင်တွယ် ဖြေရှင်းပေးမှာပဲဆိုတဲ့ မျှော်လင့်ချက်ကို ချိုးနှိမ်ပစ်တဲ့ ချဉ်းကပ်မှု မျိုး ဖြေရှင်းမှု မျိုးတော့ မလုပ်သင့်ဘူးလို့လည်း ကျွန်တော် မြင်ပါတယ်။

ဦးသန်းလွင်ထွန်း။ ဟုတ်ကဲ့၊ ဒါဆိုလို့ ရှိရင် ဆန္ဒပြတဲ့ လူထုဘက်ကရော၊ ဒီဆန္ဒပြတဲ့ ကိစ္စတွေမှာ ငြိမ်းငြိမ်း ချမ်းချမ်းနဲ့ ဆန္ဒ ထုတ်ဖော်ဖို့ပဲ ပြင်ဆင်ထားကြသလား၊ တခြား ဘာတွေများ ထပ်ပိုပြီးတော့ နိုင်ငံရေး အရ တောင်းဆိုမှုတွေ တိုးတက်လာဖို့ ရှိလာနိုင်သလား ခင်ဗျ။

ကိုကိုကြီး။ အဲဒါကတော့ ဒီကျွန်တော်တို့ ဆန္ဒ ထုတ်ဖော်တဲ့ သူတွေ အပိုင်းကလည်း သတိထားရမှာက ကျွန်တော်တို့က ကျွန်တော်တို့ တကယ် လိုအပ်တဲ့ တကယ်နစ်နာတဲ့ ဟာကို အထက်အဖွဲ့အစည်း အဆင့်ဆင့် ကနေ အရေးတယူ ဆောင်ရွက်ပေးအောင် ဆန္ဒထုတ်ဖော်တာပဲ ဖြစ်သင့်တယ်၊ အဲဒီကနေပြီးတော့ မလိုလား အပ်တဲ့ အကြမ်းဖက်မှုတွေ ဒါက ကိုယ် ကိုယ်တိုင်က မလုပ်ရုံ တင်မကဘူး။ အဲလို အခြေအနေ ရောက်အောင် တွန်းပို့နိုင်တဲ့ ဖန်တီးမှုမျိုးတွေဟာ ဘက် အသီးသီးက ဖြစ်လာနိုင်တယ်၊ အဲဒါမျိုးတွေကိုလည်း သတိကြီးစွာ ထားပြီးတော့ ရှောင်ရှားသင့်တယ်လို့ ကျွန်တော်တော့ မြင်ပါတယ်။

လျှပ်စစ်မီး ရရှိရေး ရန်ကုန်မှာ ဆန္ဒပြ

 

By သင်းသီရိ

ပြီးခဲ့တဲ့ ရက်ပိုင်းအတွင်း မန္တလေးမြို့မှာ ၂၄ နာရီ လျှပ်စစ်မီး ရရှိရေး ဆန္ဒပြ တောင်းဆိုမှုတွေဟာ အခုအခါ ရန်ကုန်မြို့ကို ကူးစက်လာပါပြီ။ လျှပ်စစ်မီး မရရှိတဲ့အတွက် ရန်ကုန်မြို့မှာ ရာနဲ့ချီတဲ့ လူတွေဟာ အခုဗွီအိုအေက အသံလွှင့်ကာနီး အချိန်မှာပဲ စုဝေးဆန္ဒပြခဲ့ကြတာ ဖြစ်ပါတယ်။ မန္တလေးမြို့ လူထုက ၂ ရက်ဆက်တိုက် ဖယောင်းတိုင်မီး ကိုင်ဆောင်ပြီး ဆန္ဒထုတ်ဖော်ခဲ့ သလိုပဲ ရန်ကုန်လူထုတွေကလည်း ဒီကနေ့မှာ ဖယောင်းတိုင်မီး ကိုယ်စီ ထွန်းညှိပြီး မြို့တော်ခမ်းမ ရှေ့မှာ ဆန္ဒပြနေတဲ့ အခြေအနေနဲ့ ပတ်သက်လို့ ကိုယ်တိုင် သွားရောက် သတင်းယူနေတဲ့ သတင်းထောက် တဦးကို မသင်းသီရိ က ဆက်သွယ်မေးမြန်း တင်ပြထားပါတယ်။

မေလ ၂၂ ရက် အင်္ဂါနေ့ညက ရန်ကုန်မြို့တော် ခမ်းမနဲ့ ဆူးလေဘုရား အနီးတ၀ိုက်မှာတော့ ရန်ကုန်မြို့ အတွင်းမှာ ၂၄ နာရီ လျှပ်စစ်မီး အပြည့်အ၀ ရရှိရေးအတွက် ဖယောင်းတိုင်မီး ထွန်းညှိပြီး စီတန်း လမ်းလျှောက်တာတွေ ရှိခဲ့တဲ့ အကြောင်းကိုတော့ ပြည်ပ သတင်းဌာနအတွက် လုပ်ကိုင်ပေးနေတဲ့ မြန်မာသတင်းထောက် ကိုသီဟဆွေ ကပြောပြပါတယ်။“အခုရန်ကုန်မြို့ မြို့တော်ခမ်းမကနေ စတာပေါ့နော်။ မြို့တော်ခမ်းမ ဘေးကနေ ၇ နာရီလောက်က စပြီးတော့ သူတို့ ဖယောင်းတိုင်တွေ ထွန်းပြီးတော့ လမ်းလျှောက်တဲ့ အချိန်မှာ လူကတဖြည်းဖြည်း တိုးလာတာပေါ့။ သူတို့က မြို့တော်ခမ်းမ ဘေးကနေစပြီး ထွက်လာတယ်၊ ဒါပေမဲ့ အဝေးကြီး မသွားဘူး။ ဆူးလေဘုရားကိုပဲ ပတ်ပြီးတော့၊ ဘုရားပေါ်တက်ပြီး ၀တ်ပြုတဲ့ သဘောမျိုးပေါ့နော် လုပ်တယ်။ ကြေညာချက် သဘောမျိုး သတင်းထောက်တွေကို ပြောပြီးတော့ ပြီးသွားပါတယ်။ အားလုံးပေါင်းတော့ ၁၀၀ နီးပါးလောက်တော့ ရှိမယ် ထင်ပါတယ်။”

ရန်ကုန်မြို့ခံ လူထုတွေဟာ သူတို့ရဲ့ ဆန္ဒတွေကို ဖော်ထုတ်ဖို့အတွက် မြို့တော်ခမ်းမဘေးကို လူစုဝေးချိန်မှာတော့ လုံခြုံရေး စောင့်ကြပ်မှုတွေ ရှိနေပေမဲ့ ဖမ်းဆီးတာမျိုး၊ အနှောက်အယှက် ပေးတာမျိုးတော့ မရှိခဲ့ဘူးလို့လည်း ပြောပါတယ်။ “အဓိကကတော့ ဒီသတင်းက နဂိုကတည်းက ရှိနေတဲ့အတွက် လုံခြုံရေးက ကြိုပြီးတော့ နေရာယူထားတာပေါ့။ တကယ်တမ်း စပြီး ထွက်လာတဲ့ အချိန်မှာတော့ မြို့နယ်မှူးကနေပြီးတော့ မေးတယ်၊ တားတယ်ပေါ့နော်။ မလုပ်ဖို့ တားတယ်ပေါ့နော်။ ကျနော်တို့ လုပ်ထုံး လုပ်နည်းတွေ ဘာတွေလည်း မရှိသေးတဲ့အတွက် လုပ်လို့ မရဘူးလို့ တားတယ်။ ဒါပေမဲ့ ဒါဟာ ဆန္ဒပြတာ မဟုတ်ဘူး၊ ကျနော်တို့ ဆန္ဒကို ထုတ်ဖော်တာပေါ့နော်။ အဲဒီလို စကားလုံး ကိစ္စတွေ ပြောကြပြီး နောက်မှာတော့ သွားတဲ့ လမ်းကြောင်းလေးပဲ သိချင်ပါတယ်။ သွားတဲ့ လမ်းကြောင်းအတိုင်း သဘောတူပြီးတော့ အစောင့်အကြပ်နဲ့ပေါ့နော် လုံခြုံရေးတွေကလည်း ဘေးက လိုက်ပြီးတော့ ဘုရားအထိ လိုက်ရံပေးတာပေါ့။ အဲဒီလိုနဲ့ အခြေအနေက အေးအေးဆေးဆေးနဲ့ ပြီးသွားတဲ့ အနေအထားပါ။”

မြို့ခံလူထု ၁၀၀ ကျော်က စီတန်းလမ်းလျှောက်ပြီး လျှပ်စစ်မီး အချိန်ပြည့် ရရှိရေးအတွက် တောင်းဆိုကြသူတွေ အားလုံးရဲ့ ဆန္ဒကတော့ ပြည်တွင်းက စွမ်းအင် အရင်းအမြစ်ကို ပြည်သူတွေက ခံစားနိုင်ခွင့် ရရှိရေး ဖြစ်တယ်လို့လည်း ပြောပါတယ်။ "အဓိကကတော့ သူတို့က လျှပ်စစ်မီး အပြည့်အ၀ ရရှိရေးပါပဲ။ နောက်တခုကတော့ ဒီကနေ့ သတင်းစာမှာပါတဲ့ လျှပ်စစ် ၀န်ကြီးဌာနရဲ့ မေတ္တာရပ်ခံချက်ကလည်း ရှိနေတော့ သတင်းထောက် အများစုကတော့ ဒါနဲ့ ပတ်သက်ပြီးတော့ မေးတာပေါ့နော်။ မေးတော့ အဓိကက သူတို့ ၂ ချက်ပြောတယ်။ တချက်က ဘာလဲဆိုတော့ ဘယ်လိုပဲဖြစ်ဖြစ် ၂၄ နာရီ ရရမယ်ပေါ့နော်။ သူများကို ရောင်းနိုင်ရင် ဒီမှာလည်း ရရမယ် ဆိုတာကို သူတို့ ပြောပါတယ်။" ဒါကတော့ မေလ ၂၂ ရက်နေ့ ညပိုင်းက ရန်ကုန်မြို့တော် ခမ်းမနဲ့ ဆူးလေဘုရား အနီးတ၀ိုက်မှာ လျှပ်စစ်မီး အချိန်ပြည့် ရဖို့အတွက် ရန်ကုန်မြို့ခံတွေ ဆန္ဒဖော်ထုတ် တောင်းဆိုတဲ့ အကြောင်းကို ကိုယ်တိုင် သတင်းသွားယူခဲ့တဲ့ သတင်းထောက် ကိုသီဟဆွေ ပြောပြခဲ့တာ ဖြစ်ပါတယ်။ ဒါဟာ ရန်ကုန်မှာ လျှပ်စစ်မီး အချိန်အပြည့်အ၀ ရဖို့အတွက် ပထမဆုံး ဆန္ဒဖော်ထုတ်မှု ဖြစ်ပြီးတော့ မန္တလေးမြို့မှာတော့ မေလ ၂၀ နဲ့ ၂၁ ရက် ၂ ရက်ကြာ အလားတူ ဆန္ဒဖော်ထုတ်မှုတွေလည်း ရှိခဲ့တာ ဖြစ်ပါတယ်။

ရန်ကုန် အလုပ်သမား ဆန္ဒပြမှု ပိုမို ကျယ်ပြန့်

By ကျော်ကျော်သိန်း

• လှိုင်သာယာစက်မှုဇုံ ၄ မှာရှိတဲ့ စက်ရုံ အနည်းဆုံး၎ ရုံက အလုပ်သမား ၅,၀၀၀ လောက်ဟာ ဒီကနေ့မှာ ဆက် ဆန္ဒပြနေကြဆဲပါ။ ဒါ့အပြင် နောက်ထပ် စက်ရုံတခုက အလုပ်သမားတွေဟာလည်း ဒီကနေ့ မှာလည်း ဆန္ဒပြကြပြန်ပါတယ်။ အလုပ်ရှင်တွေဘက်ကလည်း အလုပ်သမားတွေ ရဲ့ တောင်းဆိုချက်တွေ ကို မလိုက်လျောသေးဘဲ တင်းခံထားဆဲပါ။ အလုပ်သမား တွေဘက်ကလည်း အခုချိန်ထိတော့ လက်လျှော့ မယ့်ပုံမရှိတဲ့အပြင် ပြီးခဲ့တဲ့ရက်ပိုင်းတွေက အော်ဟစ် ကြွေးကျော်တာမရှိဘဲ တိတ်တိတ်ဆိတ်ဆိတ်ပဲ ဆန္ဒပြခဲ့ကြရာက ဒီကနေ့မှာတော့ အော်ဟစ် တောင်းဆိုတဲ့အခြေအနေထိ ရှိခဲ့ပါတယ်။ ဒီအခြေအနေ တွေကို ဘန်ကောက်ကနေ ဆက်သွယ် မေးမြန်းထားတဲ့ ကိုကျော်ကျော်သိန်းက သတင်းပေးပို့ထားပါတယ်။

+++++

အခုကြားခဲ့ရတာကတော့ စံပယ်ပွင့်စက်ရုံက အလုပ်သမားတွေရဲ့ အော်ဟစ် တောင်းဆိုသံတွေပါ။ ဘယ်လောက်လိုချင်တာ လဲ..၊ ၃၀၀၀၀၊ မပေးနိုင်ရင်ဘာလုပ်မလဲ..၊ လျော်ကြေးပေးပြီး စက်ရုံပိတ်၊ ဘယ်သူတွေကို ဖြုတ်မလဲ…၊  မကောင်းတဲ့လူတွေ ကို အကုန်ဖြုတ် စသည်အားဖြင့် အလုပ်သမား ၈၀၀ ကျော်လောက်က ကြွေးကျော်ပြီးတော့ ဆန္ဒပြ တောင်းဆိုကြတာပါ။

ဒီ စံပယ်ပွင့်စက်ရုံ အလုပ်သမားတွေ ဆန္ဒပြလာကြတာ အခုဆိုရင် ၉ ရက်မြောက်လာပြီဖြစ်ပြီး အလုပ်သမားတွေဘက်က စိတ်မရှည်တော့တဲ့ အရိပ်လက္ခဏာတွေ တွေ့လာနေရပါပြီ။

အလုပ်သမားရေးရာရုံးက တာဝန်ရှိသူတွေ ပြီးခဲ့တဲ့ရက်ပိုင်းတွေက ၀င်ပြီး ညှိနှိုင်းပေးတာတွေ ရှိခဲ့ပေမဲ့ လည်း အလုပ်သမားတွေ ဘက်ကနေ ခံစားရတာက သူတို့အတွက်ဖြေရှင်းပေးတာမဟုတ်ဘဲ အလုပ်ရှင်တွေ ဘက်က လိုက်ပြီး ဖြေရှင်းပေးတယ် ဆိုတာပါပဲ။

“ အလုပ်သမားတွေကို ညွှန်မှူးတွေက ဖိအားပေးပြီးတော့ ဟိုဘက်ကိုတော့ ဒီလောက် ပေးသင့်တယ်၊ ဟိုလောက်ပေးသင့်တယ် လို့ ဖိအားမပေးဘဲ၊ သမီးတို့ကိုကျတော့ ငါတို့တော့မသိဘူး၊ သူဌေးပေးမယ့် ပိုက်ဆံ၊ သူပေးမှ ရမှာပဲတဲ့၊ ဘယ်သူလာလာ ဒီဈေးပဲ ရမှာပဲဆိုပြီး တစ်သောင်းခွဲကနေ ဘယ်လိုမှ တိုးမပေးဘဲ အခြေအနေတွေက တနေ့ တနေ့ တင်းမာပြီးတော့ ခုလိုထိအောင် ကြာသွားတာ”

အလုပ်သမားတွေရဲ့ ဆန္ဒကတော့ သူတို့တောင်းဆိုထားတဲ့ အနိမ့်ဆုံးလစာ ကျပ် ၃၀,၀၀၀ မရမချင်း ဆက်ပြီး တောင်းဆိုသွားမှာ ဖြစ်သလို စက်ရုံပိုင်ရှင်ဘက်ကလည်း ခုချိန်ထိတော့ လိုက်လျောမယ့် အရိပ် လက္ခဏာ မပြသေးပါဘူး။

“ ဆက်ပြီးတော့ တောင်းဆိုသွားမှာပဲ၊ ဒီပုံစံမျိုးပဲ၊ ပေးနိုင်ရင်ပေး။ သူဌေးမကပြောတယ်၊ နင်တို့ တောင်းတဲ့ ၃သောင်းကို ပေးရ မယ် ဆိုရင် သူတို့ ဒေ၀ါလီခံမယ် တဲ့။ အလုပ်သမားတွေကလည်း ဒေ၀ါလီခံရင် ခံလိုက် တဲ့၊ ရတယ်၊ ပြဿနာမရှိဘူး တဲ့။”

စံပယ်ပွင့်စက်ရုံနဲ့ မရှေးမနှောင်းမှာပဲ ဆန္ဒပြခဲ့ကြတဲ့ Hi-mo High Art ဆံပင်တုစက်ရုံက အလုပ်သမားတွေ ဆိုရင် အလုပ်သမား ရေးရုံး ကြားခံပြီး ပိုင်ရှင်နဲ့ ညှိနှိုင်းပြေလည်၊ သဘောတူညီချက်တွေ လက်မှတ် ထိုးပြီး တောင်းဆိုတဲ့အတိုင်း ကျပ် ၃၀,၀၀၀ ပေးပါ မယ် ဆိုပြီးတော့မှ အဲဒီ သဘောတူညီချက် ကို ဖောက်ဖျက် ခဲ့တာကြောင့် အဲဒီမှာလည်း ခုချိန်ထိ ဆန္ဒပြနေကြဆဲပါ။ ဒါဟာ အလုပ် ရှင်တွေ အချင်းချင်းကြား ညှိနှိုင်းလိုက်တာကြောင့်ဖြစ်တယ်လို့ အလုပ်သမားတွေဘက်က ယူဆပါတယ်။

“ ဆံပင်တုစက်ရုံဆိုရင် သူဌေးနဲ့ အလုပ်သမားတွေ ညှိနှိုင်းပြီး စာချုပ်တွေ ဘာတွေ ချုပ်ပြီးသွားပြီ။ ၃ သောင်း ပေးမယ် ဆိုတာ ကိုလေ၊ အဲဒါ ကျမတို့ သူဌေးမက စက်မှုဇုံမှာ ရှိတဲ့ ဆန္ဒပြနေတဲ့ စက်ရုံတွေရဲ့ သူဌေးတွေကို အကုန်လုံးကို လိုက်ပြီး ဆွေးနွေး လိုက်တယ်။ တသောင်းခွဲကနေ ပိုမပေးဘူးဆိုတာမျိုးပေါ့၊ အဲဒီမှာ ဆံပင်တုစက်ရုံက ၃သောင်းပေးမယ်လို့ သဘောတူထားပြီး သားကို တသောင်းခွဲပဲ ပေးတော့မယ် လို့ ပြန်လျှော့ချလိုက်လို့ ခု ပြဿနာတွေ အကြီးအကျယ်တက်ပြီး၊ မှန်တွေ ဘာတွေ ရိုက်ခွဲပြီး သောင်းကျန်း တာတွေ ဖြစ်ကုန်တာ။”

စံပယ်ပွင့်စက်ရုံက ဆန္ဒပြအလုပ်သမားကိုယ်စားလှယ်တဦးပါ။

ဆန္ဒပြအလုပ်သမားတွေ ရက်ရှည်ကြာလာတာနဲ့အမျှ နေ့စဉ်အတွက် သောက်ရေ၊ အစားအစာ စသည် အားဖြင့် လိုအပ်ချက်တွေ က ရှိလာနေပါတယ်။ ခုချိန်ထိတော့ လွတ်လပ်တဲ့တခြားအဖွဲ့အစည်းတွေက ကူညီ ဖြေရှင်းပေးနေကြပါသေးတယ်။ ဒါ့အပြင် အလုပ်သမားတွေ စိတ်ရှည်သည်းခံနိုင်စွမ်းကုန်ပြီး ရုန်းရင်း ဆန်ခတ်မဖြစ်အောင်လည်း ၀ိုင်းထိန်းပေးနေကြတယ်လို့ ဆန္ဒပြ စက်ရုံတွေကို လှည့်လည် သွားလာပြီး ကူညီနေတဲ့ ၈၈ မျိုးဆက်ကျောင်းသားများအဖွဲ့က မသက်သက်အောင်က ပြောပါတယ်။ ဒီကနေ့မှ ဆန္ဒပြတဲ့ တိုးမြတ်အောင် ဇာထိုးပန်းထိုး စက်ရုံက အခြေအနေအပါအ၀င် စက်ရုံတွေရဲ့အခြေအနေကို သူက အခုလို ရှင်းပြပါတယ်။

“စံပယ်ပွင့်စက်ရုံက လော်စပီကာကြီးနဲ့ အော်တယ်၊ ဒီဘက်ကလည်း အော်တယ်၊ အပြန်အလှန်ပေါ့၊  ဖြစ်နေကြတာ။ ခု တိုးမြတ်အောင် အခြေအနေကလည်း သူတို့က မတိုးပေးဘူးပေါ့၊ လစာကို။ ဒီ နေ့ကြေး တစ်ထောင်တိုးပေးဖို့ ပြောတာ၊ ခု ၁၀၀ ပဲ တိုးပေးတော့ ခု ၄၅၀ ပဲ ရှိတယ်။ အလုပ်သမားတွေကတော့ မရရင် ဆက်ပြီး ဆန္ဒပြမယ် ပြောတယ်။”

အလုပ်သမားတွေရဲ့ ဆန္ဒပြပွဲတွေနဲ့ပတ်သက်ပြီး သက်ဆိုင်ရာ အလုပ်သမားရေးရာရုံးတွေကို ဆက်သွယ် စုံစမ်းပေမဲ့လည်း တာဝန်ခံ ဖြေဆိုဖို့ ငြင်းဆန်ကြပါတယ်။ အခုချိန်ထိကတော့ အစိုးရတာဝန်ရှိသူ ဘယ်သူ ကမှ ဒီအလုပ်သမားတွေရဲ့ ပြဿနာကို ၀င်ရောက် ကိုင်တွယ် ဖြေရှင်းတာမျိုး မတွေ့ရသေးပါဘူး။