21.05.2012 နေ့ဖတ်ရန်သတင်းများ

by Myanmar Journal on Monday, May 21, 2012 at 5:46am 

ကွယ်လွန်သွားရှာတဲ့ ရော်ဘင်ဂစ်ဘ်ဘီးဂျီးစ် အဖွဲ့က ရော်ဘင်ဂစ်ဘ် ကွယ်လွန်

လွန်ခဲ့တဲ့ ၁၉၆၀ ပြည့်နှစ် တွေက အလွန် အောင်မြင်ခဲ့တဲ့ ညီအစ်ကို ၃ ယောက်ရဲ့ ဘီးဂျီးစ် တေးဂီတ အဖွဲ့က တဉီးဖြစ်တဲ့ ရောဘင် ဂစ်ဘ် ဟာ ကွယ်လွန်သွား ခဲ့ပြီ ဖြစ်ပါတယ်။

ထူးခြားတဲ့ အသံတွေကြောင့် သူတို့ အဖွဲ့ဟာ ဆယ်စုနှစ်ပေါင်း များစွာ အောင်မြင် ကျော်ကြား ခဲ့ပါတယ်။

သူတို့ ရဲ့ သီချင်းတွေထဲက Saturday Night Fever ရုပ်ရှင်သီချင်း နဲ့ Staying Alive သီချင်းတွေ ဟာ နာမည် ကြီးပါတယ်။

ရော်ဘင် ဂစ်ဟာ ကင်ဆာ ရောဂါကို နှစ်အတော်ကြာ ခံစား ခဲ့ရတာ ဖြစ်ပြီး ပြီးခဲ့တဲ့ လက အဆုတ်ရောင် ရောဂါကြောင့် ၁၂ ရက်လောက် သတိမေ့မြော သွားခဲ့ ပါသေးတယ်။

ကွန်လွန်ချိန်မှာ သူဟာ အသက် ၆၂ နှစ် ရှိပြီ ဖြစ်ပါတယ်။

ရန်ကုန်တက္ကသိုလ်ဟာ နိုင်ငံရေးတန်ဖိုး၊ သမိုင်း တန်ဖိုး၊ လူမှုရေးတန်ဖိုး ကြီးတယ်လို့ ဆိုသူလူထုအားနဲ့ ကျောင်းသားသမဂ္ဂ ဆောက်မယ်

ရန်ကုန်တက္ကသိုလ်ကို ဂုဏ်ရောင် ထွန်းပြောင်တဲ့ တက္ကသိုလ်အဖြစ် ပြန်တည်ဆောက်ဖို့ သမ္မတ ဉီးသိန်းစိန်ရဲ့ စီးပွားရေး အကြံပေး ဆရာ ဒေါက်တာ ဉီးမြင့်က ပြည်သူ့ထံ အိတ်ဖွင့် ပေးစာ ဆိုပြီး ထုတ်ဖော် ပြောဆို လိုက်တာကို ၈၈ မျိုးဆက် ကျောင်းသားတွေက ဆန္ဒတူညီတဲ့ သဘောထား ဖြစ်တယ်လို့ ဘီဘီစီကို ပြောပါတယ်။

သူတို့တွေက အကျဉ်းထောင်ထဲက ပြန်လွတ်လာပြီးနောက် တက္ကသိုလ် ပရဝုဏ်ကို ပြန်ရောက်တိုင်း ခံစားရတယ်၊ ရန်ကုန် တက္ကသိုလ်ကြီးဟာ နိုင်ငံရေး၊ သမိုင်းတန်ဖိုး၊ လူမှုတန်ဖိုးတွေ သိပ်ကြီးတယ်၊ တက္ကသိုလ်ကြီး ပြန်တည်ထောင်ဖို့ဆိုတာ အမျိုးသားရေး တာဝန်တရပ်လို အရေးကြီးတယ်လို့ ၈၈ မျိုးဆက် ကျောင်းသား ခေါင်းဆောင် တဉီးဖြစ်သူ ကိုကိုကြီးက ဘီဘီစီကို ပြောပါတယ်။

ဒီကနေ့ခေတ် တက္ကသိုလ်ကျောင်းသားတွေဟာ တက္ကသိုလ် အငွေ့အသက်ကို မရဘဲ လယ်ကွင်းခေါင်ခေါင်ထဲ သွား၊ အဝေးကြီး သွားလာနေရလို့ လမ်းပေါ်မှာ အသက်ကြီးနေကြရလို့ စိတ်မကောင်းတဲ့ အကြောင်းလည်း သူက ပြောပါတယ်။

တချိန်တခါက ရန်ကုန်တက္ကသိုလ်ထွက်တွေဟာ နိုင်ငံတကာ အဆင့်မီတဲ့ ပညာရှင်တွေ ဖြစ်သလို အိမ်နီးချင်း နိုင်ငံတွေက လေးစားကြရတယ်၊ ဒီနေ့ခေတ် တက္ကသိုလ် ကျောင်းထွက်နေတဲ့ နှိုင်းယှဉ်ကြည့်ရင် သိသာတယ်လို့လည်း ကိုကိုကြီးက ထောက်ပြပါတယ်။

ဧရာဝတီ မြစ်ဆုံ စီမံကိန်းကို လူထုအားနဲ့ တောင်းဆို ရပ်ဆိုင်းလိုက်သလိုမျိုး ရန်ကုန်တက္ကသိုလ်ကို အဆင့်မီ တက္ကသိုလ်ကြီးအဖြစ် လူထုရဲ့ အင်အားနဲ့ ပြန်လည် တည်ဆောက်ဖို့အတွက် ဆရာ ဉီးမြင့်က တောင်းဆိုသလို လုပ်သင့်တဲ့ အကြောင်းလည်း သူက ပြောပါတယ်။

ရန်ကုန်တက္ကသိုလ်မှာ ကျောင်းသား သမဂ္ဂ အဆောက်အဉီနဲ့ ကျောင်းသား သမဂ္ဂ ပြန်လည် ပေါ်ပေါက်လာရေးဟာ အရေးကြီးတယ်၊ ဒါဟာ အမျိုးသား ပြန်လည် စည်းလုံးစေဖို့ အတွက်လည်း ဖြစ်တယ်ဆိုတဲ့ ဆရာ ဉီးမြင့်ရဲ့ ပြောကြားချက်ဟာ အရေးကြီးတယ်လို့လည်း ကိုကိုကြီးက ပြောပါတယ်။

ဒီ သမဂ္ဂ အဆောက်အဉီ ပေါ်ပေါက်ရေးအတွက် ပြည်သူ လူထုနဲ့အတူ ပူးပေါင်းဆောင်ရွက် သွားမယ်လို့ ၈၈ မျိုးဆက် ကျောင်းသား ခေါင်းဆောင်က ဘီဘီစီကို ပြောပါတယ်။

သိရိလင်္ကာ ဉီးစီးချုပ်ဟောင်း ဖေါ်ဆင်ကာသိရိလင်္ကာ ဉီးစီးချုပ်ဟောင်းပြန်လွတ်

သမ္မတရဲ့ ပြောခွင့်ရပုဂ္ဂိုလ်ကတော့ အရင်ဗိုလ်ချုပ်ကြီးဟောင်း Sarath Fonseka ကိုသမ္မတက ခွင့်လွှတ်ဖို့ သက်သက်ဆုံးဖြတ်လိုက်တာ ဖြစ်တယ်လို့ပြောပါတယ်။ သူ့ကို လွန်ခဲ့တဲ့ ၆နှစ်က တမီးလ်ကျားသူပုန်တွေလုပ်ကြံဖို့ ကြိုးပမ်းစဉ်ရခဲ့တဲ့ အသက်ရှူလမ်းကြောင်း ထိခိုက်တဲ့ရောဂါနဲ့ မကြာမီက သူဆေးရုံတက်ခဲ့ရပါတယ်။ သူဟာ ခွဲထွက်ရေးသူပုန်တွေကို နိုင်အောင်တိုက်ဖို့စစ်တပ်ကို ခေါင်းဆောင်နိုင်ပေမယ့် အောင်ပွဲအတွက် သိပ်အသိအမှတ်မပြုခံရလို့ လက်ရှိသမ္မတနဲ့သူရဲ့သြဇာကြီးတဲ့ မိသားစုအသိုင်းအဝိုင်းတွေနဲ့ ဗိုလ်ချုပ်ကြီးဟာ သဘောထားကွဲခဲ့ကြပါတယ်။

ဖေါ်စင်ကာက သမ္မတရွေးကောက်ပွဲအတွက်စိန်ခေါ်စဉ် လက်ရှိသမ္မတကို သိရိလင်္ကာမှာ အာဏာရှင်စံနစ်မျိုးလုပ်ဖို့ကြိုးစားသူလို့ စွပ်စွဲခဲ့ပါတယ်။ နိုင်ငံရေးရန်ငြိုးကြောင့်မဟုတ်ဘဲ ဥပဒေ ချိုးဖေါက်လို့ဆိုပြီး သူရွေးကောက်ပွဲရှုံးတဲ့အခါ အစိုးရက စွဲချက်တင်ခဲ့ပါတယ်။ အခုပြန်လွှတ်လိုက်တာဟာ ချည်နှောင်မှုမပါဘဲ နိုင်ငံရေးလုပ်ခွင့်ရမယ်လို့မျှော်လင့်ကြောင်း ဗိုလ်ချုပ်ကြီးရဲ့ဇနီးက ပြောပါတယ်။ တချို့ရင်းနှီးသူတွေကတော့ လွှတ်ပေးရုံ သက်သက်ဖြစ်ပြီး လုံးဝခွင့်လွှတ်တာလို့မယူဆကြပါဘူး။ သီရိလင်္ကာကို စစ်ရာဇဝတ်မှုအတွက် စွဲချက်တင်ရာမှာ နိုင်ငံတကာ စုံစမ်းရေးအတွက် ထွက်ချက်ပေးလို့အစိုးရသူ့ကို အလွန်စိတ်ဆိုးနေပါတယ်။ အခုတော့ဒီစွပ်စွဲချက်တွေကို သူကိုယ်တိုင် ရင်ဆိုင်ရနိုင်ပါတယ်။ စစ်ပွဲအတွင်းအရပ်သား ၄၀၀၀၀ အသတ်ခံရတယ်လို့ ကုလစုံစမ်းရေးအဖွဲ့က တွေ့ပေမယ့် သိရိလင်္ကာအစိုးရကတော့ ငြင်းပယ်တဲ့အကြောင်း ကိုလံဘိုရှိဘီဘီစီသတင်းထောက် ချားလ် ဟာဗီလင်ကပြောသွားပါတယ်။

အီတလီမြောက်ပိုင်းမှာ အင်အားပြင်း မြေငလျင်လှုပ်

မြေငလျင်ရဲ့ တုန်ခါမှုကို ဗင်းနစ်ကနေ မီလန် အထိ ခံစား သိရှိရတယ်လို့ ဆိုပါတယ်

အီတလီနိုင်ငံမြောက်ပိုင်းမှာ အင်အားပြင် မြေငလျင်တခု လှုပ်ခါသွားတဲ့ အတွက် အနည်းဆုံး လူ ၆ ဦးလောက် သေဆုံးသွားပြီး အဲဒီ ဒေသ တလျှောက်လုံးမှာ ပျက်စီးမှု အများအပြား ဖြစ်ပွားခဲ့ပါတယ်။

လူပေါင်း ၅၀ ကျော်လည်း ထိခိုက် ဒဏ်ရာ ရရှိသွားကြပါတယ်။

မိုဒီနာ မြို့အနီး ဗဟိုပြုလှုပ်ခတ်သွားတဲ့ ဒီမြေငလျင်ရဲ့ တုန်ခါမှုကို ဗင်းနစ် မြို့ကနေ မီလန်မြို့ အထိ ခံစား သိရှိရတယ်လို့ ဆိုပါတယ်။

ဆန်တာဂို စတီနို မြို့ကနေ အမေရိကန် သတင်းထောက် အန်ဒရီရာ ဗို့ဂ်တ်က သူတွေ့မြင် ရတာကို ပြောပြရမှာ ညဆိုင်း အလုပ်သမား ၁၀ ယောက် အလုပ်လုပ်နေတဲ့ စက်ရုံတပိုင်း ပြိုကျသွားခဲ့တယ်လို့ ဆိုပါတယ်။

ဒါပေမဲ့လည်း အများစု ကတော့ ထွက်ပြေး လွတ်မြောက်သွားပြီး အနည်းဆုံး တယောက်လောက် ကတော့ သေဆုံးသွားခဲ့တယ်လို့ သူက ပြောပါတယ်။

အဆောက်အဦး အများအပြား ပြိုကျ ပျက်ဆီးသွားတာတွေကို ရုပ်မြင်သံကြား ကနေလည်း ပြသသွားပြီး၊ အီတလီ နိုင်ငံရဲ့ သမိုင်းဝင် အဆောက်အဦးတွေ အတော်အတန် ထိခိုက်ပျက်ဆီး ကုန်တယ်လို့ အစိုးရက ပြောကြားပါတယ်။

အပျက်အဆီးတွေအောက်မှာ လူအများအပြား ပိတ်မိကောင်း ပိတ်မိနေနိုင်တယ်ဆိုတဲ့ စိုးရိမ်မှုတွေလည်း ရှိနေပါတယ်။

မြေငလျင်ဟာ ပြင်းအား ရစ်ခ်ျတာ စကေး ၆ ရှိပြီး၊ နောက်ဆက်တွဲ မြေလျင်တွေလည်း လှုပ်ခါခဲ့တယ်လို့ သိရပါတယ်။

လော့ခ်ကာဘီ ဗုံးခွဲသူ သေဆုံးပြီ

မစ္စတာ မက်ဂရာဟီကို စာနာ သက်ညှာတဲ့ အနေနဲ့ ပြီးခဲ့တဲ့ ၃ နှစ်က ပြန်လွှတ်ပေးခဲ့

၁၉၈၈ ခုနှစ်က လော့ခ်ကာဘီ ဗုံးခွဲမှုကို ကျူးလွန် ခဲ့တဲ့ လစ်ဗျားနိုင်ငံက အဗ္ဗဒူဘာဆက် အဲလ် မက်ဂရာဟီ တယောက် သေဆုံးသွားပြီ ဖြစ်ပါ တယ်။

လူပေါင်း ၂၇၀ သေဆုံးခဲ့တဲ့ လော့ခ်ကာဘီ ဗုံးခွဲမှု အတွက် တဦးတည်းသော တရားခံမှာ မစ္စတာ မက်ဂရာဟီ ဖြစ်ပြီး၊ ၂၀၀၁ ခုနှစ်မှာ သူ့ကို ထောင်ဒဏ် တသက်တကျွန်း ချမှတ်ခဲ့တာ ဖြစ်ပါတယ်။

ဒါပေမယ်လို့ သူဟာ ကင်စာရောဂါ ခံစားနေရပြီး သေဆုံး တော့မှာ ဖြစ်တဲ့အတွက် စာနာသက်ညှာတဲ့ အနေနဲ့ ပြီးခဲ့တဲ့ ၃ နှစ်ကမှ သူ့ကို ပြန်လွှတ်ပေးလိုက်တာ ဖြစ်ပါတယ်။

သူ့ကို ပြန်လွှတ်ပေးလိုက်တုန်းက အထူးသဖြင့် အမေရိကန်ပြည်ထောင်စုမှာ ကန့်ကွက် ဆန္ဒပြမှုတွေ ဖြစ်ပွားခဲ့ပါတယ်။ အမေရိကန်သမ္မတကလည်း သူ့ကို ပြန်လွှတ်ပေးတာဟာ မှားတယ်လို့ ပြောကြားခဲ့ပါတယ်။

ဒီဗုံးခွဲမှု ဖြစ်စဉ်ဟာ ၁၉၈၈ ခုနှစ်တုန်းက အမေရိကန် ခရီးသည်တင် ဂျက်လေယာဉ်ကြီး စကော့တလန် လော့ခ်ကာဘီမြို့ပေါ်မှာ ဖြတ်သန်းသွားတဲ့ အချိန် လေယာဉ်ပေါ်မှာ ဗုံးပေါက်ကွဲပြီး ပျက်ကျသွားခဲ့တာ ဖြစ်ပါတယ်။

အောင်ပွဲခံနေတဲ့ ချဲလ်ဆီးအသင်းချဲလ်ဆီး ချန်ပီယန်းစ်လိဂ် ချန်ပီယံ ဖြစ်

ဂျာမနီ နိုင်ငံက မြူးနစ် မြို့မှာ ကျင်းပတဲ့ ချန်ပီယန်းစ်လိဂ် ဗိုလ်လုပွဲကို အားပေးဖို့ ဘောလုံး ပရိတ်သတ် ထောင်ပေါင်းများစွာ မြူးနစ်ကို ရောက်ရှိ လာခဲ့ ကြပါတယ်။

ဒီ ဗိုလ်လုပွဲမှာ ၄ ကြိမ် ဖလားရထား ဖူးတဲ့ ဘိုင်ယန်မြူးနစ် နဲ့ တခါမှာ မရဘူးသေးတဲ့ ချဲလ်ဆီး အသင်းတို့ ယှဉ်ပြိုင် ကစား ခဲ့ကြတာ ဖြစ်ပါတယ်။

ချဲလ်ဆီးက အသင်း ခေါင်းဆောင် ဂျွန်တယ်ရီ နဲ့ အတူ အရေးပါတဲ့ ကစားသမား တချို့ ပွဲပယ်ခံ ထားခဲ့ရပါတယ်။

ပုံမှန် ပွဲကစားချိန် ပြည့်ခါနီး ၈၃ မိနစ်မှာ ဘိုင်ယန်က ဂိုးစသွင်းပေမယ့် ၅ မိနစ် အကြာမှာ ချဲလ်ဆီး ကပြန်ချေလို့ ၁ ဂိုးစီ သရေကျ နေခဲ့ပါတယ်။

အချိန်ပို ကစားရာမှာတော့ ဘိုင်ယန် က ရတဲ့ ပင်နယ်လ်တီကို အရင် ချဲလ်ဆီး ကစား သမားဟောင်း ရော်ဘင်က ကန်သွင်းရာမှာ ပက်တာချက်က ကာကွယ်နိုင်ခဲ့လို့ အချိန်ပို မှာလည်း ၁ ဂိုးစီ သရေပဲ ဖြစ်နေခဲ့ပါတယ်။

ပွဲအတွက် အဆုံး အဖြတ်အဖြစ် ပင်နယ်လ်တီ ကန်သွင်းကြ ရာမှာတော့ ပင်နယ်လ်တီ မှာ တခါမှ မရှုံးဘူးတဲ့ ဘိုင်ယန်ကို သူ့ရဲ့ အိမ်ကွင်းမှာ ချဲလ်ဆီးက ဒရော့ဘာ ကန်သွင်းတဲ့ အဆုံးအဖြတ် ပင်နယ်လ်တီ ဝင်သွားလို့ ၄ - ၃ နဲ့ နိုင်ပြီး ချန်ပီယန်းစ် လိဂ် ဖလားကို ပထမဆုံး အကြိမ် အဖြစ် စွပ်ခူး ရရှိသွား ပြီဖြစ်ပါတယ်။

ဂျီ ၈ ခေါင်းဆောင်များ စည်းဝေးနေကြစဉ်ဂျီ ၈ ခေါင်းဆောင်များ ကြေညာချက်ထုတ်

အမေရိကန် ပြည်ထောင်စု မှာကျင်းပနေတဲ့ စက်မှုအင်အားကြီး နိုင်ငံများ ဂျီ ၈ ရဲ့ ခေါင်းဆောင် တွေက ကြေညာချက် တစောင် ထုတ်ပြန်လိုက်ပါတယ်။

အဲဒီ အထဲမှာ ကမ္ဘာ့ စီးပွားရေး ပြန်လည် ခေါင်းထောင်လာဖို့ အလုပ်အကိုင်တွေ ဖော်ထုတ်ရေးနဲ့ စီးပွားရေး ဖွံ့ဖြိုးမှု တို့က အရေးပါတယ်လို့ ဆိုထားပါတယ်။

ဆက်လက်ပြီး ဂရိ နိုင်ငံကိုလည်း ယူရိုဇုန်ထဲမှာ ဆက်လက်ရှိနေဖို့ အတွက်ကို တိုက်တွန်း လိုက်ပါတယ်။ ဒါပေမယ့် ဂျာမန် အဓိပတိ အဲန်ဂလာ မာခဲလ် ကတော့ ယူရိုဇုန် အတွင်းက နိုင်ငံတွေ အနေနဲ့ ခြိုးခြံ ချွေတာရေး အစီအမံ တွေကို ဆက်လက် ကျင့်သုံး သွားကြဖို့ လိုအပ်ကြောင်းကို ပြောကြား လိုက်ပါတယ်။

အမေရိကန် သမ္မတ ဘာရက် အိုဘားမားကတော့ ဂျီ ၈ ခေါင်းဆောင် တွေဟာ စီးပွားရေး ပြဿနာ တွေကို ဖြေရှင်းဖို့ မှန်ကန်တဲ့ တိုးတက်မှု တွေကို ဖန်တီး နိုင်ခဲ့ကြတယ်လို့ ဆိုပါတယ်။

ဒေးဗစ် စခန်းမှာ ကျင်းပနေတဲ့ ဒီ ထိတ်သီး ဆွေးနွေးပွဲ က ထုတ်ပြန်လိုက်တဲ့ ကြေညာချက် ထဲမှာတော့ ကမ္ဘာ့ စီးပွားရေး တည်ငြိမ်ဖို့ အတွက် တောင့်တင်ပြီး ညီညွတ်တဲ့ ယူရိုဇုန် ဖြစ်နေဖို့ အရေးကြီးကြောင်း ဆိုထားပါတယ်။

အဲဒီ ကြေညာချက် ထဲမှာ စီးပွားရေး ဖွံ့ဖြိုးဖို့က အလွန်အရေးကြီးကြောင်း နဲ့ ဒီလို လုပ်နိုင်ဖို့ အတွက် ဆောင်ရွက် ကြရာမှာတော့ တနိုင်ငံနဲ့ တနိုင်ငံ မတူညီနိုင်ကြောင်း ကိုလည်း ဖော်ပြထားပါတယ်။

ဒါပေမယ့် စီးပွားရေး အတွက် လိုအပ်တဲ့ တွန်းအားတွေ ပေးနိုင်ဖို့ အတွက် ဘယ်လောက်အထိ ဆက်လုပ်သွားမလဲ ဆိုတဲ့ အပေါ်မှာတော့ အစိုးရတွေ အကြား အခုထက်ထိ သဘောထား ကွာဟ မှုတွေ ရှိနေသေးကြောင်း အဲဒီက ဘီဘီစီ သတင်းထောက်က သတင်း ပေးပို့ထား ပါတယ်။

မြန်မာ နိုင်ငံနဲ့ ပတ်သက်တဲ့ သတင်းအနေနဲ့ ဆက်ရရင်တော့ ဒီ ဂျီ ၈ ခေါင်းဆောင်တွေက မြန်မာ သမ္မတ ဉီးသိန်းစိန်နဲ့ ဒေါ်အောင်ဆန်းစုကြည် တို့ရဲ့ ဒီမိုကရေစီ ဆန်တဲ့ ပြုပြင် ပြောင်းလဲမှု တွေကို ဂုဏ်ပြုလိုက်ကြပါတယ်။

နောက်ကြောင်း ပြန်လှည့် စရာ မလိုတဲ့ ပြုပြင်ပြောင်းလဲမှု တွေကို မြင်လိုကြောင်းနဲ့ လက်ရှိ လုပ်နေကြတဲ့ တိုင်းရင်းသား အရေး၊ အမျိုးသား ပြန်လည် သင့်မြတ်ရေး နဲ့ ဒီမိုကရေစီ ရေးတွေအတွက်လည်း ဆက်လက် အားပေးကူညီ သွားမဲ့ အကြောင်း၊ မြန်မာ ပြည်သူတွေ အကျိုးရှိစေမယ့် ရင်းနှီးမြှုပ်နှံမှုတွေ ဖြစ်ဖို့ နိုင်ငံတကာက ပူးပေါင်းဆောင်ရွက်မှုတွေနဲ့ အကူအညီတွေကို ပိုပြီး ပေးသွားဖို့ကို လည်းတိုက်တွန်း ထားပါတယ်။

နယူးယောက်မြို့ရောက် ချန်းဂွမ်ချန်းချန်းဂွမ်ချန်း အမေရိကန် ရောက်ပြီ

တရုတ် လူ့အခွင့်အရေး လှုပ်ရှားသူ ရှေ့နေ ချန်းဂွမ်ချန်း ဟာ အမေရိကန် ပြည်ထောင်စုကို ရောက်ရှိ လာပြီ ဖြစ်ပါတယ်။

သူနဲ့ အတူ ဇနီးသည်နဲ့ ရင်သွေး ၂ ဉီးလည်း ပါလာပါတယ်။

သတင်းပတ် အတော်ကြာ သံတမန်ရေး ညှိနှိုင်းမှု တွေအပြီးမှာတော့ တရုတ် နိုင်ငံရေး လှုပ်ရှားသူ ချန်းဂွမ်ချန်း တရုတ်ပြည်ကနေ ထွက်ခွာ နိုင်ခဲ့တဲ့ အပေါ်မှာ အမေရိကန် ပြည်ထောင်စုက ကြိုဆို လိုက်ပါတယ်။

အခုလို အဖြေတခု ထွက်လာတဲ့ အပေါ်မှာ ကျေနပ် အားရမိတယ်လို့ အိမ်ဖြူတော် ကပြောပါတယ်။

သူဟာ တရုတ် အရှေ့မြောက်ပိုင်း မှာ ရှိတဲ့ သူ့ နေအိမ်မှာ တရားမဝင် နေအိမ် အကျယ်ချုပ် ချထားခံ နေရာက ထွက်ပြေး လွတ်မြောက်ပြီး အမေရိကန် သံရုံး ထဲကို ဝင်ရောက် ခိုလှုံ နိုင်ခဲ့တာ ဖြစ်ပါတယ်။

သူက နိုင်ငံ အတွင်းက ထွက်မသွား ချင်ကြောင်း ပြောနေပေမယ့်လည်း နှစ်နိုင်ငံ အဆင့်မြင့် တွေ့ဆုံ ညှိုနှိုင်းမှု တွေအပြီးမှာ တရုတ် အာဏာပိုင် တွေက မစ္စတာချန်းကို ပညာရေးအတွက် နယူးယောက်မြို့ကို သွားရောက်ဖို့ကို ခွင့်ပြု ပေးခဲ့တာ ဖြစ်ပါတယ်။

သေမင်းတမန် ရထားလမ်းသေမင်းတမန် ရထားလမ်း မြန်မာဘက်မှာ ပြန်ဆောက်မယ်

ဒုတိယ ကမ္ဘာစစ် အတွင်းက ဂျပန်က ဖမ်းထားတဲ့ မဟာမိတ် စစ်သုံ့ပန်းတွေ တည်ဆောက် ခဲ့ကြတဲ့ သေမင်းတမန် ရထားလမ်းကို မြန်မာနိုင်ငံ ဘက်မှာ ပြန်လည်တည်ဆောက် သွားမှာဖြစ်ပါတယ်။

ဒီ ရထားလမ်း အကြောင်းကို အော်စကာ ရတဲ့ The Bridge on the River Kwai ရုပ်ရှင်ထဲမှာ ဖော်ပြ ရိုက်ကူး ထားပါတယ်။

ဒီ ရုပ်ရှင်ထဲမှာ ဒုတိယ ကမ္ဘာစစ် အတွင်းက စစ်သုံ့ပန်း ထောင်ပေါင်း များစွာက ဒီရထားလမ်း ဖြတ်တဲ့ တံတားကို တည်ဆောက်ခဲ့ကြတာကို ပြသ ထားတာ ဖြစ်ပါတယ်။

ဒီ အရှည် ၁၀၅ ကီလိုမီတာ ရှည်မဲ့ အပိုင်းကို မြန်မာ နဲ့ ထိုင်း နယ်စပ်က ဘုရားသုံးဆူ ဒေသမှာ အောက်တိုဘာ လမှာ စတင် တည်ဆောက်သွားမယ်လို့ မီရထား ဝန်ကြီး ဉီးအောင်မင်းက ပြောကြောင်း အေအဖ်ပီ သတင်းမှာ ဖော်ပြထားပါတယ်။

နေတိုး အစည်းအဝေးကို တက်ရောက်လာတဲ့ သမ္မတ အိုဘားမားအာဖဂန်အရေး နေတိုး ဆွေးနွေး

အမေရိကန် ပြည်ထောင်စုက ရှီကာဂိုမြို့မှာ အာဖဂန် နစ္စတန် ရဲ့ အနာဂတ် မဟာဗျူဟာနဲ့ ပတ်သက်ပြီး ပြုလုပ်တဲ့ နေတိုး ထိတ်သီး ဆွေးနွေးပွဲရဲ့ အစမှာ သမ္မတ အိုဘားမားက အာဖဂန် နစ္စတန် အတွက် ကြမ်းတမ်းတဲ့ နေ့ရက်တွေကို ဖြတ်သန်းသွား ရဉီးမှာ ဖြစ်တယ်လို့ သတိပေး ပြောကြား လိုက်ပါတယ်။

အာဖဂန် သမ္မတ ဟာမစ် ခါဇိုင်းနဲ့ အတူ ပြုလုပ်တဲ့ သတင်းစာ ရှင်းလင်းပွဲမှာ သမ္မတ အိုဘားမားက နေတိုးဟာ မှန်ကန်တဲ့ လမ်းကြောင်း ပေါ်မှာ ရောက်နေပြီ ဖြစ်တယ်လို့ ယုံကြည်ကြောင်း လဲ ဆိုပါတယ်။

အာဖဂန် သမ္မတ ခါဇိုင်းကတော့ အာဖဂန် နစ္စတန် အနေနဲ့ ဒီဆွေးနွေးပွဲကို အချုပ်အခြာပိုင် နိုင်ငံ အဖြစ် တက်ရောက်လာခဲ့တာ ဖြစ်ကြောင်းနဲ့ နေတိုး တပ်တွေ ၂၀၁၄ မှာ ရုတ်သိမ်း သွားမယ့် အရေးကိုလည်း ထောက်ခံကြောင်းနဲ့ ဒါကလည်း အာဖဂန် နစ္စတန် နိုင်ငံဟာ နိုင်ငံတကာက ပခုံးထမ်းပေး ထားရတဲ့ နိုင်ငံ တနိုင်ငံ ဖြစ်မနေ စေချင်တော့လို့ ဖြစ်ကြောင်း တွေကိုပြောပါတယ်။

သမ္မတ ခါဇိုင်းက ပြောကြားရာမှာ အာဖဂန် နစ္စတန် ဟာ ကိုယ့်အားကိုယ်ကိုး နိုင်တဲ့၊ တည်ငြိမ်ပြီး ငြိမ်းချမ်းတဲ့ နိုင်ငံ ဖြစ်လာဖို့ အတွက် ရည်ရွယ်ချက် တွေကို အောင်မြင်အောင် ဘယ်လို အကောင်အထည် ဖော်သွား ရမလဲ၊ ဘာလုပ် သွားရမလဲ ဆိုတာနဲ့ ပတ်သက်လို့ ကောင်းစွာ သိနား လည်ထားကြောင်း ကိုပြောကြား သွားခဲ့ပါတယ်။

ပါလီမန် ဉက္ကဌ ဂျွန်ဘားကိုးဗြိတိသျှ ပါလီမန် ဉက္ကဌက ဒေါ်စု အတွက် ဂုဏ်ယူ

လာမယ့် ဇွန်လ လလယ်ပိုင်းမှာ ဗြိတိသျှ ပါလီမန် မှာ ဒေါ်အောင်ဆန်းစုကြည် ပြောကြားမယ့် မိန့်ခွန်းဟာ အင်မတန် ထူးခြားတဲ့ သမိုင်းဝင် မှတ်တမ်းတခု ဖြစ်မယ်လို့ ပါလီမန် ဉက္ကဌ ဂျွန်ဘားကိုးက ပြောပါတယ်။

ဘာ့ကြောင့်လဲ ဆိုရင် အခုလို ပြောကြားခွင့် ရခြင်းဟာ အင်မတန် ရှားပါးတဲ့ ထူးခြားတဲ့ အခွင့်အရေး တရပ် ဖြစ်ကြောင်း၊ အထက်နဲ့ အောက် လွှတ်တော် ၂ ရပ်စလုံးမှာ စကား ပြောခွင့်ရခြင်းဟာ ထူးခြားကြောင်းဆိုပါတယ်။ လွှတ်တော် အမတ်တွေကလည်း နဂို ကတည်းက လေးစား အားကျမှု ရှိကြောင်း၊ ကမ္ဘာပေါ်မှာ အလွန် ရဲရင့် သတ္တိရှိတဲ့ သူကို ဂုဏ်ပြုရင်း သူဘာပြောမလဲ ဆိုတာကို နားထောင်ချင်သူ တွေလည်း အများအပြား ရှိကြောင်း ပြောပါတယ်။

လွှတ်တော်မှာ ဒေါ်အောင်ဆန်းစုကြည် မိန့်ခွန်း ပြောတဲ့ အခါမှာ ပါလီမန် အမတ်တွေရဲ့ ဒေါ်အောင်ဆန်းစုကြည် အပေါ်မှာ ထားတဲ့ သဘောထားတွေ ထင်ဟတ်ပေါ်လွင် လာမှာ ဖြစ်သလို၊ ဖိတ်ခေါ် ခဲ့တဲ့ အစိုးရ အနေနဲ့ လည်း ဂုဏ်ယူစရာ ကောင်းကြောင်း ပြောပါတယ်။

ဒီထက်ပိုကောင်းတာကတော့ မြန်မာ နိုင်ငံသားတွေ အနေနဲ့လည်း ဒေါ်အောင်ဆန်းစုကြည် လိုအနိုင်မခံ အရှုံးမပေး တတ်တဲ့ သူရဲကောင်း စိတ်ဓာတ် ရှိသူ တဉီး၊ အမျှော်အမြင် ကြီးသူ၊ ဆုံးဖြတ်ချက် ခိုင်မာသူ၊ ဒီကနေ့ ကမ္ဘာမှာ ထူးခြားတဲ့ နိုင်ငံရေးသမား တဉီး အဖြစ် မြန်မာ နိုင်ငံရဲ့ လူ့အခွင့်အရေး၊ တရားဥပဒေ စိုးမိုးရေး စတာတွေကို ကြီးမားတဲ့ ပိတ်ဆို့မှုတွေနဲ့ အဟန့်အတား ကြားက ရအောင် ယူပေး နေတဲ့ ခေါင်းဆောင် တဉီးကို ရထားတဲ့ အတွက် ဂုဏ်ယူ စေချင်တဲ့ သဘောလည်း ပါဝင်ကြောင်း ဆိုပါတယ်။

ဆက်လက်ပြီး ပြောကြားရာမှာ ပြည်ပခေါင်းဆောင် တွေထဲက သမ္မတတွေ၊ ဝန်ကြီးချုပ် တွေတောင် ပါလီမန် ၂ ရပ်စလုံးမှာ မိန့်ခွန်းပြောကြားခွင့် ရကြတဲ့ အရေအတွက်က အလွန်နည်းပါး တယ်လို့ ဆိုပါတယ်။ ဗြိတိန်က ဆိုရင် အယ်လိဇဘက်သ် ဘုရင်မကြီး ဖြစ်ကြောင်း၊ နောက် အမေရိကန် သမ္မတ အိုဘားမား၊ ပုပ်ရဟန်းမင်းကြီး ၁၆ ယောက်မြောက် ဘဲန်းနဒစ်၊ ပြင်သစ် သမ္မတ ချားလ်စ် ဒီဂေါလ် နဲ့ တောင်အာဖရိက ခေါင်းဆောင် နယ်လ်ဆင် မဲန်ဒဲလား တို့ ဖြစ်ကြောင်း ပြောပါတယ်။

ဒီလို မိန့်ခွန်း ပြောကြားခွင့် ကိုလည်း တနှစ် တကြိမ် ဆိုသလို သတ်မှတ် ထားခြင်းလည်း မရှိတဲ့ အတွက် အင်မတန် ရှားပါးပြီး ဂုဏ်ယူစရာ ကောင်းတဲ့ အခွင့်အရေးကို ဒေါ်အောင်ဆန်းစုကြည်ကို ဖိတ်ခေါ် ကမ်းလှမ်းခဲ့တာ ဖြစ်တယ်လို့ ပြောကြားသွား ခဲ့ပါတယ်။

ဖယောင်းတိုင် နဲ့ ဆန္ဒပြလျှပ်စစ်မီးမရ ဆန္ဒပြ

မြန်မာ နိုင်ငံမှာ လျှပ်စစ်မီး ပုံမှန် မရတဲ့ အတွက် မန္တလေးနဲ့ သုံးခွမှာ ဖယောင်း တိုင်တွေ ထွန်းညှိ ပြီး လမ်းလျှောက် ဆန္ဒပြမှု တွေကို ငြိမ်းချမ်းစွာ ပြုလုပ် ခဲ့ကြပါတယ်။

တနေ့ ကို ခြောက်နာရီ ကြာအောင်ပင် လျှပ်စစ်မီး မရရှိတဲ့ အတွက် မန္တလေး မြို့ခံ ၅ဝဝ ခန့်ဟာ တိုင်းလျှပ်စစ် အင်္ဂျင်နီယာ ရုံးရှေ့ နဲ့ ကျုံးဘေး တလျှောက် ညဘက်မှာ လမ်းလျှောက် ဆန္ဒပြ ကြခဲ့ ပါတယ်။

ရန်ကုန်တိုင်း၊ သုံးခွမြို့မှာလည်း သာမန်ပြည်သူ တွေကို ပေးနေကျ အလှည့်ကျ လျှပ်စစ်မီး ကို ပုံမှန် မပေးပဲ၊ အခွင့်ထူးခံ နေရာ တချို့မှာ လျှပ်စစ်မီး ရနေတာကို မကျေနပ် ကြတဲ့ ဒေသခံ ၃၀၀ လောက်ဟာလည်း မေလ ၁၇ ရက် ညက ဖယောင်းတိုင် တွေထွန်းပြီး လျှပ်စစ်ရုံး ရှေ့မှာ ဆန္ဒပြခဲ့ ကြပါတယ်။

ဒီလို မြန်မာပြည် တဝှမ်း လျှပ်စစ်မီး မလုံလောက်လို့ ဆန္ဒပြမှုတွေ ဖြစ်ပေါ် နေချိန်မှာပဲ မေလ ၁၉ ရက် စနေနေ့ က ရန်ကုန်တိုင်း လျှပ်စစ် ဓာတ်အား ပေးရေး အဖွဲ့ ဉက္ကဌ ဉီးအောင်ခိုင်က သတင်းမီဒီယာ တွေကို ခေါ်ယူပြီး သတင်းစာ ရှင်းလင်းပွဲ လုပ်ခဲ့ ပါတယ်။

ခုလို ရန်ကုန်တိုင်း အတွင်းမှာ လျှပ်စစ်မီး မပေးနိုင်တာဟာ ရွှေလီ ဓာတ်အားပေး စက်ရုံက လာတဲ့ ရွှေလီ-မန်စံ ဓာတ်အားလိုင်း တာဝါတိုင်ကို ဖောက်ခွဲ ဖျက်ဆီး ခံရလို့ ဖြစ်တာကြောင့် သူတို့ ပြင်ဆင် နေချိန်မှာ လျှပ်စစ် မီးတွေကို အလှည့်ကျ စနစ် နဲ့သာ ပေးနိုင်မှာ ဖြစ်တယ်လို့ သတင်းမီဒီယာ တွေကနေ တဆင့် ပြည်သူလူထု ကို ပြောကြား သွားခဲ့ ပါတယ်။