20.05.2012 နေ့ဖတ်ရန်သတင်းများ

by Myanmar Journal on Saturday, May 19, 2012 at 4:40pm ·

ထိုင်းမှာ နေရတာ ပိုအဆင်ပြေတယ်ထိုင်းက ကယန်းတွေကို မြန်မာ ပြန်ခေါ်လို

ထိုင်းနိုင်ငံရောက် ပဒေါင်လို့ ခေါ်တဲ့ ကယန်း လူမျိုးတွေကို မြန်မာနိုင်ငံကို ပြန်ပို့ပေးဖို့ မဲဟောင်ဆောင်မှာ လုပ်တဲ့ ထိုင်း-မြန်မာ နယ်စပ် ကော်မတီ အစည်းအဝေးမှာ မြန်မာ စစ်တပ် ဘက်က ထိုင်းအာဏာပိုင်တွေကို တောင်းဆို လိုက်ပါတယ်။

မဲဟောင်ဆောင် မြို့နယ်မှာ ထိုင်းအာဏာပိုင် တွေက သူတို့အတွက် ရွာတည်ပေး ပါတယ်။

ကယန်းလူမျိုး တွေ လည်ပင်းမှာ ကြေးကွင်းတွေ စွပ်ထားတဲ့ အတွက် ထူးခြားတဲ့ လူမျိုးတွေ အနေနဲ့ ခရီးသည်တွေ လာလေ့လာကြ ပါတယ်။

ခရီးသွားလုပ်ငန်းမှာ အသုံးမချဖို့ လည်း မြန်မာ အာဏာပိုင် တွေက တောင်းဆို ထားပါတယ်။

သဘော တူညီချက် တစုံတရာ မချမှတ် နိုင်ခဲ့ပါဘူး။

အဲ့ဒီရွာက ကယန်း အမျိုးသမီး တဦးကတော့ သူတို့ နေနေကြတာ အနှစ် ၂ဝ ကျော်နေပြီမို့ မပြန်ချင် ကြကြောင်း၊ ပြန်ရင် ဟိုမှာ နေစရာ အိုးအိမ်လည်း မရှိတော့ဘဲ တောင်ယာလည်း လုပ်ကိုင် မစားနိုင် တော့ဘူးလို့ ဆိုပါတယ်။

တတိယ နိုင်ငံကို ရွှေ့သူတွေလည်း ရွှေ့ကုန်ကြပြီး ထိုင်းမှာ နေရတာ ပိုအဆင်ပြေတယ်လို့ ဆိုပါတယ်။ 

ဗြိတိသျှ ပါလီမန်မှာ ဒေါ်စု မိန့်ခွန်းပေးမယ်

မြန်မာ အတိုက်အခံ ခေါင်းဆောင် ဒေါ်အောင်ဆန်းစုကြည် ရဲ့ ဗြိတိန် ခရီးစဉ် အတွင်း ပါလီမန်မှာ မိန့်ခွန်း ပေးမယ်လို့ ဗြိတိသျှ ဝန်ကြီးချုပ် ဒေးဗစ် ကင်မရွန်းက G8 ထိပ်သီး ဆွေးနွေးပွဲမှာ အတည်ပြု ပြောကြား ခဲ့ပါတယ်။

ဇွန်လ ၁၈ ရက်က စတင်မယ့် တပတ်ကြာ ခရီးစဉ် အတွင်း အထက်နဲ့ အောက်လွှတ်တော် ၂ ရပ်လုံးမှာ မိန့်ခွန်း ပြောမှာ ဖြစ်တယ်လို့ မစ္စတာ ကင်မရွန်းက အမေရိကန် နိုင်ငံ ကမ့်ဒေးဗစ် စခန်းမှာ လုပ်တဲ့ ထိပ်သီး ဆွေးနွေးပွဲမှာ ပြောကြား ခဲ့ပါတယ်။

လူလက်တဆုပ်ထက် မြန်မာပြည်သူ အများစု အတွက် အထောက်အပံ့နဲ့ ကုန်သွယ်မှု အခွင့်အလမ်း တွေ ခံစားခွင့် ရရှိရေးကို ထိပ်သီး နိုင်ငံကြီးတွေက အလေးအနက်ထား ဆောင်ရွက်ကြ ဖို့လည်း သူက ဆော်သြ ခဲ့ပါတယ်။

ဗြိတိန် အနေနဲ့ မြန်မာ အစိုးရဘက်က ပြုပြင်ရေး တိုးတက်မှုတွေ မတွေ့သရွေ့ အကူအညီတွေ တိုးပေး သွားမှာ မဟုတ်ဘူး လို့လည်း သတိပေး ခဲ့ပါတယ်။

ထားဝယ်စီးပွားရေးဇုန်ကြောင့် နစ်နာမှုတွေအတွက် တင်ပြ

ထားဝယ်ရေနက်ဆိပ်ကမ်း စီးပွားရေးဇုန် ရာထားချက်

ထားဝယ်ရေနက် အထူးစီးပွားရေးဇုန် စီမံကိန်း လုပ်နေတဲ့ နဘုလယ် ဒေသမှာ စီမံကိန်း အတွက် မြေယာလျော်ကြေး ပေးနေမှုတွေနဲ့ ပတ်သက်လို့ မကျေနပ်တဲ့ ဒေသခံ ရွာသူ ရွာသားတွေက တောင်းဆိုမှု တခု ပြုလုပ်ခဲ့ပါတယ်။

ပွင့်လင်း လူ့အဖွဲ့အစည်း ပေါ်ပေါက်ရေးအတွက် လှည့်လည်ဟောပြောဖို့ ထားဝယ်ခရိုင်ကို ရောက်ရှိနေတဲ့ ၈၈ မျိုးဆက် ကျောင်းသား ခေါင်းဆောင်တွေကနေ တဆင့် သမ္မတ ဦးသိန်းစိန်ထံ ဒေသခံ နှစ်ရာကျော်က အခုလို လက်မှတ်ရေးထိုး တောင်းဆိုခဲ့ကြတာပါ။

စက်မှုဇုန်တည်ဆောက်မယ့် နယ်မြေထဲမှာ ရှိနေတဲ့ ရွာ ၁၉ ရွာက ခြံသမား လယ်သမားတွေ ပိုင်တဲ့ အပင်တွေအတွက် ပြီးစလွယ် သဘောမျိုး လျော်ကြေးငွေ အနည်းအကျဉ်းသာ ပေးတဲ့ အတွက် ဒေသခံ လယ်သမားတွေက မကျေမနပ်ဖြစ်နေကြတာ ဖြစ်တယ်လို့ ဒီကိစ္စကို ဦးဆောင်လှုပ်ရှား တောင်းဆိုနေတဲ့ ဦးကိုလေးလွင်က ဘီဘီစီကို ပြောပါတယ်။

ဒေသခံတွေက သူတို့ရဲ့ပိုင်ဆိုင်မှုတွေကို အသေအချာ ရေတွက်ပြီး ထိုက်ထိုက်တန်တန် လျော်ကြေးပေးဖို့ကို လိုလားနေကြတာ ဖြစ်ပါတယ်။

နောက်ပြီး လယ်သမားတွေဟာ အာဏာပိုင်တွေ လျော်ကြေးပေးတဲ့ အတိုင်း ကြောက်ကြောက် နဲ့ လက်ခံခဲ့ရတာတွေ အများအပြား ရှိခဲ့တယ်လို့လည်း ဦးကိုလေးလွင်က ကပြောပါတယ်။

ထားဝယ် အထူးစီးပွားရေးဇုန် စီမံကိန်းကို ထိုင်းနိုင်ငံက အီတာလျံထိုင်း ဖွံ့ဖြိုးရေး ကုမ္ပဏီနဲ့ မက်စ်မြန်မာ ကုမ္ပဏီတို့ ပူပေါင်းပြီး အကောင် အထည်ဖေါ် ဆောင်ရွက်နေကြတာ ဖြစ်ပါ တယ်။

ပြည်သူ့လွှတ်တော်ဥက္ကဌ သူရဦးရွှေမန်း လန်ဒန်ရောက်

ဥရောပ နိုင်ငံတွေမှာရှိတဲ့ အနောက်တိုင်း ပါလီမန်တွေကို လေ့လာရအောင် လန်ဒန်မြို့ကို ရောက်လာတဲ့ ပြည်သူ့လွှတ်တော် ဥက္ကဌ သူရ ဦးရွှေမန်းနဲ့ ဘီဘီစီ မြန်မာပိုင်း ဌာန သီးသန့် တွေ့ဆုံ မေးမြန်းခွင့် ရခဲ့ရာမှာ သူရ ဦးရွှေမန်းက အနောက်တိုင်း ပါလီမန် တွေနဲ့ မြန်မာ နိုင်ငံ ပြည်သူ့လွှတ်တော် ကို နှိုင်းယှဉ်ပြ သွားပါတယ်။

ပါလီမန် ရဲ့ အခန်းကဏ္ဍ ဟာ အရေးကြီး ကြောင်း၊ ဒါ့ကြောင့် အနောက်တိုင်း ပါလီမန် တွေ အကြောင်း အခုလို လေ့လာခွင့် ရတဲ့ အခါမှာ ပြည်သူ့လွှတ်တော် လုပ်ငန်းမှာ ပိုမို အဆင်ပြေမယ့် သင်ခန်းစာတွေ၊ ဗဟုသုတတွေ ရခဲ့လို့ မြန်မာနိုင်ငံ အတွက် အကျိုးများစွာ ရှိကြောင်း ဘီဘီစီ ကို ပြောပြပါတယ်။

ဥရောပ နိုင်ငံတွေရဲ့ ပါလီမန် စနစ် တည်ဆောက်ရာမှာလည်း ကောင်းမွန်အောင်၊ ပြည့်စုံအောင် လုပ်ထားတဲ့ ကြားကနေ လိုအပ်ချက်တွေ၊ အခက်အခဲ တွေ ရှိတယ် ဆိုတာကို သက်ဆိုင်ရာ နိုင်ငံတွေ က ထုတ်ဖေါ်ပြောခဲ့ကြတယ်လို့ သူရ ဦးရွှေမန်း က ဘီဘီစီ ကို ပြောပါတယ်။

ဒါကြောင့်မို့ အရင်က ယူဆချက် တွေ အရ အနောက်တိုင်း ပါလီမန် တွေ အပေါ် ခန့်မှန်း ထားချက် နဲ့ ကွာခြားချက် သိပ်မရှိပဲ လုပ်နည်း ကိုင်နည်း ကွာတာသာ ရှိတယ်လို့လည်း ရှင်းပြပါတယ်။

ဒါပေမယ့် မြန်မာနိုင်ငံမှာ လူထုကိုယ်စားပြုတဲ့ ပါလီမန် ဖြစ်လာဖို့ ကတော့ အချိန် စောသေးကြောင်း၊ မြန်မာ့ ဖွဲ့စည်းပုံ အခြေခံ ဉပဒေကို ၂ဝဝဂ ခုနှစ်က စတင် အသက်သွင်းပြီး၊ ၂ဝ၁၁ ခု နှစ် ကမှ လက်တွေ့ကျင့်သုံးတဲ့ အတွက် အချိန်ယူရဦးမှာဖြစ်ကြောင်းနဲ့ တွေ့ရှိချက်တွေ အပေါ် မူတည်ပြီး သက်ဆိုင်ရာ ပါလီမန် နဲ့ ပြည်သူ ရဲ့ အဆုံးအဖြတ် ကနေ ဆောင်ရွက်ရမှာ ဖြစ်ကြောင်း၊ အခြေခံ ဥပဒေ ကို ပြင်ဆင်ဖို့ ပြဌာန်းထားတဲ့ ဥပဒေ တွေလည်း ရှိပြီးသားမို့ ကျိုးကြောင်းညီညွတ်ရင် ပြင်ဆင်နိုင်တဲ့ အနေအထား ရှိပါတယ် လို့လည်း ဘီဘီစီ ကို သူရ ဦးရွှေမန်း က ပြောပါတယ်။

NLD နဲ့ ပူးပေါင်း ဆောင်ရွက်ရေး အပိုင်းမှာလည်း လွှတ်တော်ထဲမှာ ပါတီစွဲ၊ ဝါဒစွဲ၊ ဒေသစွဲ၊ လူမျိုးစွဲ၊ ကိုးကွယ်တဲ့ အယူဝါဒ ကို အဓိက မထားပဲ နိုင်ငံ အတွက် အကျိုးများ မယ့် လုပ်ငန်းတွေ အဓိက ထားကြမယ် လို့ ယုံကြည် ကြောင်း ပြောပါတယ်။

တပ်မတော်သားတွေ ပါလီမန်ထဲ မပါဝင်တော့မယ့် အချိန်ကို ပြောဖို့တော့ စောသေးကြောင်း ၊ စစ်တပ်ထဲမှာလည်း ဒီမိုကရေစီ အပြည့်အဝ ရှိကြောင်းတွေ သူရ ဦးရွှေမန်း က ဘီဘီစီ ကို ပြောပါတယ်။

သူရ ဦးရွှေမန်းဟာ အရင် စစ်အစိုးရ ခေါင်းဆောင်ဟောင်း ဗိုလ်ချုပ်မှူးကြီး သန်းရွှေနဲ့ နိုင်ငံရေးအရ မဟုတ်ပဲ လူမှုရေးအရ တွေ့ဆုံဖြစ်ပုံကိုလည်း ပြောပြပါတယ်။

နောက်ပြီး သူ့အနေနဲ့ နောင်တက်လာမယ့် ဒုတိယ သမ္မတ ၊ ဒါမှမဟုတ် သမ္မတ ဖြစ်လာနိုင်ချေ ရှိမရှိ ကိုလည်း မေးမြန်းရာမှာ သူက ပြည်သူလူထုနဲ့ လွှတ်တော် ကိုယ်စားလှယ်တွေရဲ့ အားပေး ထောက်ခံမှုတွေ အပေါ်မှာပဲ မူတည်ကြောင်း ပြောပါတယ်။  

တရုတ် ရှေ့နေ ချန်ဂွမ်ချန်း အမေရိကန်ကို ထွက်ခွာပြီ

မစ္စတာချန်းနဲ့ မိသားစုကို နိုင်ငံကူးလက်မှတ် ထုတ်ပေးပြီး သိပ်မကြာခင် ထွက်ခွာ

တရုတ်နိုင်ငံ လူ့အခွင့်အရေးလှုပ်ရှားသူ မျက်မမြင် ရှေ့နေ ချန်ဂွမ်ချန်းဟာ အမေရိကန်ပြည်ထောင်စုကို ထွက်ခွာသွားပြီ ဖြစ်ပါတယ်။

ချန်ဂွမ်ချန်းဟာ အကျယ်ချုပ်ကနေ ပြီးခဲ့တဲ့လက ထွက်ပြေးလွတ်မြောက်ခဲ့ပြီး အမေရိကန်သံရုံးမှာ ခေတ္တ ခိုလှုံနေခဲ့တာ ဖြစ်ပါတယ်။

အဲဒီနောက် အမေရိကန်နဲ့ တရုတ်နိုင်ငံအကြား အဆင့်မြင့် သံတမန်ရေး ဆွေးနွေးမှုတွေ အကြိတ်အနယ် ပြုလုပ်ခဲ့ပြီးနောက် မစ္စတာ ချန်းကို အမေရိကန်မှာ ပညာသင်ကြားခွင့်ပြုဖို့ တရုတ်ဘက်က သဘောတူတဲ့အတွက် သူ့ဟာ သံရုံးကနေ ပြန်ထွက်လာခဲ့ပြီး ဆေးရုံမှာ ဆေးကုသမှု ခံယူနေတာ ဖြစ်ပါတယ်။

မစ္စတာချန်းကို သူ့ဇနီးနဲ့အတူ ကလေးနှစ်ယောက်ကိုပါ အာဏာပိုင်တွေက နိုင်ငံကူးလက်မှတ် ထုတ်ပေးခဲ့ပြီး သိပ်မကြာခင်မှာပဲ နယူးယောက်ထွက်မယ့် လေယာဉ်နဲ့ ထွက်ခွာလာ ခဲ့တာ ဖြစ်ပါတယ်။

တရုတ်နိုင်ငံပိုင်သတင်းမီဒီယာကတော့ နှစ်နိုင်ငံ သံတမန်ရေး မပြေမလည် ဖြစ်နေတာကို ထုတ်ဖေါ်ပြောကြားခြင်းမရှိပဲ မစ္စတာချန်းကသာ အမေရိကန်မှာ ပညာသင်ကြားဖို့အတွက် တရားဝင်လမ်းကြောင်းအတိုင်း လျှောက်ထားခဲ့တာ ဖြစ်တယ်ဆိုပြီး သတင်းထုတ်ပြန် ပါတယ်။

မစ္စတာ ချန်းဟာ နိုင်ငံက မထွက်ခွာခင် အစောပိုင်းမှာ ဆေးရုံးကနေဆင်းခဲ့တာ ဖြစ်ပါတယ်။

ပုဂ္ဂလိက အာကာသယာဉ် လွှတ်တင်မှု မအောင်မြင်

အင်ဂျင်တလုံး ချို့ယွင်းမှု ဖြစ်ခဲ့တာကြောင့် အစီအစဉ်ပျက်

အမေရိကန် ပြည်ထောင်စု ပုဂ္ဂလိက ကုမ္ပဏီတခု ကနေ ပထမဦးဆုံး တည်ဆောက်ထားတဲ့ အာကာသ စူးစမ်း လေ့လာရေး ယာဉ်ကို အပြည်ပြည်ဆိုင်ရာ အာကာသ စခန်းဆီ လွှတ်တင် ခါနီး အချိန်မှာပဲ စက်ချို့ယွင်းမှုကြောင့် အစီအစဉ်ကို ဖျက်သိမ်း လိုက်ရပါတယ်။

လွှတ်တင်ဖို့ အချိန် ရေတွက်လို့ အပြီး တက်ခါနီး ဆဲဆဲမှာပဲ ဒုံးပျံမှာ တပ်ဆင်ထားတဲ့ ကွန်ပြူတာ ကနေ အင်ဂျင်တလုံးမှာ ဖိအားပေး စနစ် ချို့ယွင်းနေတယ် ဆိုတဲ့ သတိပေးချက် ထွက်ပေါ်လာခဲ့တာကြာင့် လွှတ်တင်ဖို့ မအောင်မမြင် ဖြစ်ခဲ့ရတာပါ။

ဖလော်ရီဒါပြည်နယ် Cape Canaveral အာကာသယာဉ် လွှတ်တင်ရေး စခန်းကနေ ဒီလွန်းပျံယာဉ်ကို ဒုံးပျံနဲ့ လွှတ်တင်ဖို့ စီစဉ်ခဲ့တာ ဖြစ်ပါတယ်။

ကယ်လီဖိုးနီးယားက space X ကုမ္ပဏီက တည်ဆောက်ထားတဲ့ မောင်းသူမဲ့ ဒီယာဉ်ဟာ အာဏာသစခန်း အတွက် အလေးချိန် တန်တဝက် ရှိတဲ့ အစားအသောက်နဲ့ ပစ္စည်းပစ္စယ တွေကို သယ်ဆောင် သွားဖို့ ဖြစ်ပါတယ်။

Space x ကုမ္ပဏီရဲ့ ဥက္ကဌကတော့ အာကာသ ခရီးစဉ်ဟာ မအောင်မမြင် ဖြစ်ရတာ မဟုတ်ကြောင်းနဲ့ လာမယ့် အပတ်မှာ ပြန်ပြီး လွှတ်တင်ဖို့ စီစဉ်မယ်လို့ ပြောပါတယ်။

RCSS/SSAနဲ့ အစိုးရကြား ငြိမ်းချမ်းရေး သဘောတူ

ဒီတခါ ဆွေးနွေးပွဲမှာ နှစ်ဘက် တပ်မှူးတွေ ပါဝင်

ငြိမ်းချမ်းရေး ဆွေးနွေးခဲ့ကြတဲ့ RCSS/SSA ရှမ်းပြည် တပ်မတော် တောင်ပိုင်း တပ်ဖွဲ့နဲ့ အစိုးရ ငြိမ်းချမ်းရေး ဖေါ်ဆောင်ရေး လုပ်ငန်း ကော်မီတီ တို့ စနေနေ့မနက်က ကျိုင်းတုံမြို့မှာ တွေ့ဆုံ ဆွေးနွေးခဲ့ကြပြီး သဘောတူချက် လက်မှတ် ရေးထိုးနိုင်ခဲ့ကြပါတယ်။

မူးယစ်ဆေးဝါး ပူးပေါင်း တိုက်ဖျက်ရေး၊ တပ်နေရာ ချထားရေး၊ စစ်ကြောင်း သွားလာ လှုပ်ရှားရေး အပါအဝင် အချက် ၁၁ချက်ကို သဘောတူခဲ့ကြတယ်လို့ သိရပါတယ်။

ပြီးခဲ့တဲ့နှစ်ကုန်ကတည်းက နှစ်ဘက် အပစ်ရပ်ဖို့ သဘောတူခဲ့ကြပေမယ့် တိုက်ပွဲတွေ ဆက်ဖြစ်နေတာနဲ့ ပတ်သက်လို့ အကြေအလည် ဆွေးနွေး ခဲ့ကြတယ်လို့ ငြိမ်းချမ်းရေး အကျိုးဆောင် ဦးဟန်ညောင်ဝေက ဘီဘီစီကို ပြောပြပါတယ်။

ဒီတခါ ဆွေးနွေးရာမှာ နှစ်ဘက် စစ်တပ် တပ်မှူးတွေ ပါဝင် ခဲ့ကြပြီး ဆွေးနွေးပွဲ ပြီးပြီးချင်း ချက်ချင်း အပစ်ရပ်ကြမယ့် လက္ခဏာ ရှိတယ်လို့ ဆိုပါတယ်။

အစိုးရ ငြိမ်းချမ်းရေး ဖေါ်ဆောင်ရေး အဖွဲ့ကို ရထားပို့ဆောင်ရေး ဝန်ကြီး ဦးအောင်မင်း ဦးဆောင်ပြီး တပ်မတော် ဒုတိယကာကွယ်ရေး ဦးစီးချုပ် ဗိုလ်ချုပ်ကြီး စိုးဝင်း ကတော့ ပထမဆုံး အကြိမ် ပါဝင်လာတာ ဖြစ်ပါတယ်။

သူတို့ နှစ်ဦးစလုံးဟာ အသစ် ပြန်လည် ဖွဲ့စည်းလိုက်တဲ့ ပြည်ထောင်စု ငြိမ်းချမ်းရေး ဖေါ်ဆောင်ရေး လုပ်ငန်း ကော်မီတီတွေရဲ့ ဒုတိယ ဥက္ကဌတွေ ဖြစ်ကြပါတယ်။

SSA တောင်ပိုင်း ငြိမ်းချမ်းရေး အဖွဲ့ကိုတော့ ခေါင်းဆောင် ဖြစ်တဲ့ ဒုတိယ ဗိုလ်ချုပ်ကြီး ယွက်စစ်က ဦးဆောင်ပါတယ်။

ဒုတိယအကြိမ် ပြည်ထောင်စုအဆင့် နှစ်ဘက် အဆင့်မြင့် ကိုယ်စားလှယ်တွေ တွေ့ဆုံတာ ဖြစ်ပေမယ့် အစိုးရရဲ့ ကော်မီတီသစ် ပြင်ဆင် ဖွဲ့ပြီးကတည်းကဆိုရင်တော့ ပထမဆုံးအကြိမ် တွေ့ကြတာ ဖြစ်ပါတယ်။

ရန်ကုန်အလုပ်သမားဆန္ဒပြပွဲ အရှိန်မြင့်

By မအေးအေးမာ

ရန်ကုန်မြို့၊ လှိုင်သာယာနဲ့ရွှေပြည်သာ စက်မှုဇုံတွေမှာ အလုပ်သမားတွေရဲ့ ဆန္ဒပြမှုတွေဟာ ဒီကနေ့ ပို ကျယ်ပြန့် လာပြီး တချို့စက်ရုံတွေမှာဆိုရင် အလုပ်သမားတွေက မကျေနပ်လို့ ပစ္စည်းတွေကို ရိုက်ချိုးတဲ့ အထိ ဖြစ်ခဲ့ပါတယ်။ ဒီသီတင်းပတ်ကတည်းက စတင်ခဲ့တဲ့ အလုပ်သမား တွေရဲ့ ဆန္ဒပြမှု တွေကို အာဏာပိုင်တွေက ဝင်ရောက်ဖြေရှင်း ညှိနှိုင်းပေးမှုတွေ ရှိခဲ့ပေမယ့်လည်း ပြေလည်မှု မရှိသေးတဲ့ အခြေအနေကိုတော့ ထိုင်းအခြေစိုက်သတင်းထောက် မအေးအေးမာက တင်ပြထားပါတယ်။

အခြေခံလစာ နည်းပါးမှုတွေကြောင့် ရန်ကုန်မြို့၊ စက်မူဇုံက အလုပ်သမားတွေရဲ့ ဆန္ဒပြမှုတွေက ဆက်ဖြစ်နေပြီး အလုပ်ရှင်နဲ့ အလုပ်သမား ညှိနှိုင်ရေးမှူးတွေလာရောက်ပြီး သဘောတူညီချက် ရခဲ့ပြီးဖြစ်တဲ့ ဟိုက်မို ဆံပင်တုစက်ရုံက အလုပ်သမားတွေကတော့ မနေ့ကစပြီး ဆန္ဒပြမှုတွေ ပြန်ဖြစ်နေတာကြောင့် အခုဆိုရင် ဆန္ဒပြတဲ့စက်ရုံ ၆ ရုံရှိသွားပြီ ဖြစ်ပါတယ်။

အလုပ်သမားခေါင်းဆောင် ကိုထွန်းထွန်းနိုင်ပြောပြတာက-

“ရောက်တဲ့အခါကျတော့ - စနေ၊ တနင်္ဂနွေကို သူက ပိတ်ပြီးတော့ တနင်္လာနေ့ကို တက်ရမယ်ပေါ့- တနင်္လာနေ့မှ မတက်ဘူးဆိုရင်တော့ သူတို့ကနေပြီးတော့ အလုပ်ကနေပြီး ထုတ်ပယ်တယ် ဆိုတဲ့ နှုတ်ထွက်တယ်ဆိုတဲ့ သဘောမျိုးကို သတ်မှတ်မယ်ဆိုပြီး ကြေညာချက် ထပ် ထွက်ထားတယ်။ အလုပ်သမားတွေက လုံးဝမကျေနပ်ဘူး။ အခုအချိန်ထိ စက်ရုံရှေ့မှာ အားလုံးရှိတုန်း၊ ဝိုင်ဂျေ စက်ရုံမှာလည်း အခု အချိန်အထိ ညှိနှိုင်းမှု အဆင်မပြေသေးဘူး။ မနေ့က ညမှာကျတော့ ပထမဦးဆုံး ဟိုင်-မို ဆံပင်တု စက်ရုံက အလုပ်သမားတွေက အလုပ် သမားအရာရှိတွေနဲ့ အလုပ်ရှင်နဲ့ အလုပ်သမားကိုယ်စားလှယ်တွေနဲ့ သဘောတူ လက်မှတ် ရေးထိုးပြီးသားဥစ္စာကို မနေ့က ညနေက ကိုရီးယားသူဌေးကနေပြီးတော့ အဲဒါတွေ အားလုံးကို သူ သဘောမတူဘူးလို့ ပြောတဲ့အချိန်မှာ အလုပ်သမားတွေက စက်ရုံထဲမှာ ရုတ်ရုတ် သဲသဲဖြစ်တယ်။ ရုတ်ရုတ်သဲသဲ ဖြစ်ပြီးတဲ့အချိန်မှာ သူတို့က အပြင်ထွက်ဖို့ ကြိုးစားတဲ့အချိန်မှာ တခါးပိတ်ပြီးတော့ လုပ်ချင်တာလုပ် ဆိုပြီး တော့ စက်ရုံထဲမှာ မီးချောင်းတွေပိတ်ပြီးတော့ အကုန်လုံးကို ရိုက်ခွဲပစ်လိုက်တဲ့ အခြေအနေအထိ ရောက်သွားတယ်။ တော်တော်ကို တင်းတင်းမာမာ ဖြစ်သွားတယ်။ ဟိုင်မိုစက်ရုံမှာ- ဥပဒေ စစ်ဆေးရေး ညွှန်ချုပ် ဦးဝင်းရှိန်တို့လည်း လာပြီးတော့ ဖြေရှင်းတယ်။ ဒါပေမယ့် အဆင်မပြေဘူး။”

မနေ့ကတော့ အလုပ်သမားညွန်ကြားမှု ဦးစီးဌာနက တာဝန်ရှိသူ ဦးဝင်းရှိန်၊ စံပယ်ပွင့်စက်ရုံကို လာရောက် ခဲ့ပေမဲ့ အလုပ်သမားတွေဘက်က ရပ်တည်တဲ့ သဘော မတွေ့ရဘူးလို့ စံပယ်ပွင့် စက်ရုံက အလုပ်သမလေး တဦးက ပြောပြပါတယ်။

“၃ ရက်ပြည့်လို့မှ အလုပ်မဆင်းလို့ရှိရင် မိမိသဘောဆန္ဒ အလျှောက် အလုပ်ထွက်သွားတယ်လို့ သူတို့က ယူဆပါမယ် တဲ့။ သူတို့ ဘက်က လည်း လုံးဝမလျှော့ပါဘူး။ အထက်က လူကြီးတွေလည်း လာပါတယ်။ ဒါပေမယ့် သူတို့က ညှိပေးမယ် ဆိုပေမယ့် နှစ်ဘက်မျှအောင် ညှိတာ မဟုတ်ဘူး။ သူဌေးကတော့ ဒီလောက်ပဲပေးနိုင်မယ်၊ နင်တို့ ဒီလောက်ယူမှ ရမယ်လို့ အဲဒီ ဦးဝင်းရှိန်ကိုယ်တိုင် ပြောတာပါ။”

အလုပ်သမားခေါင်းဆောင်ကိုထွန်းထွန်းနိုင်ကတော့ - အလုပ်သမားတွေကို ၃ ရက်မှအလုပ်မဆင်းရင် မိမိသဘောနဲ့ ထွက်တဲ့ပုံစံမျိုး သတ် မှတ်မယ်ဆိုတာကို စက်ရုံ ၆ ရုံလုံးက အလုပ်ရှင်တွေက တပြေးညီ ပြောဆိုမှုတွေ လုပ်လာတာဟာ ထူးခြားမှု ရှိပြီး အလုပ်သမားတွေကို ဥပဒေအရ  ဒီလို လုပ်ဆောင်လို့ မရတဲ့အကြောင်း ဆက်ပြောပြပါတယ်။

“နိုင်ငံတော်သမ္မတ ဦးသိန်းစိန်က ထုတ်ပြန်ထားပါတယ်။ အလုပ်သမားရေးရာ ဖြေရှင်းရေး ဥပဒေရဲ့ (ဇ) မှာ အလုပ်ပိတ်ခြင်းဆိုသည်မှာ အလုပ်ရှင်/အလုပ်သမား အငြင်းပွားမှုဖြစ်၍ ညှိနှိုင်းမှုမရသည့် အခြေအနေ၌ အလုပ်ရှင်က  အလုပ်လုပ်နေသော နေရာကို ယာယီပိတ်ခြင်း၊ အလုပ်ကို ခေတ္တ ရပ်ဆိုင်းထားခြင်း၊ သို့မဟုတ် အလုပ်ချိန် အပြည့် အလုပ်သမားများအား ဆက်လက်အလုပ်လုပ်ခွင့် မပြုခြင်းကို ဆိုလိုတယ်လို့ ပါတဲ့ အခါကျတော့ သူတို့က အလုပ်ကို ယာယီရပ်ဆိုင်းလို့ပဲ ရတယ်။ ယာယီပိတ်ထားလို့ပဲ ရမယ်။ အဲဒါကို သူတို့က အလုပ်ကနေပြီးတော့ မိမိဆန္ဒ အလျှောက် နှုတ်ထွက်တယ်လို့ ပြောလို့ မရဘူး။ ဒါက သူတို့ ဥပဒေချိုးဖောက်နေတာ။”

မြန်မာနိုင်ငံမှာ အလုပ်သမားဆန္ဒပြမူတွေဟာ ဆက်တိုက် ဆိုသလို ဖြစ်လာခဲ့ပြီး အလုပ်ရှင်နဲ့ အလုပ်သမားတွေ အနေနဲ့ ပြေလည်မူရဖို့ကတော့ အလှမ်းဝေးနေဆဲ ဖြစ်ပါတယ်။

အစိုးရတာဝန်ရှိသူတွေ လာတဲ့အခါမှာလည်း အလုပ်သမားတွေ ကို ညှိနှိုင်းတာထက် အလုပ်ရှင်နဲ့ တွေ့တာ၊ အလုပ်ရှင်ရဲ့ လက်ထောက် တာဝန်ရှိသူတွေကိုပဲ မေးမြန်းတာမျိုးတွေကို လုပ်ပြီး အလုပ်သမားတွေအနေနဲ့ သူတို့ပေးတဲ့အတိုင်း လိုက်လျောနိုင်ဖို့ကိုသာ ဖျန်ဖြေ ဆွေးနွေးခဲ့တာ မျိုးတွေကြောင့် ပြဿနာတွေ ဟာ ပြေလည်မှု မရသေးဘူးလို့ ဆိုပါတယ်။

ဒဏ်ခတ်မှုဆိုင်းငံ့တာ ဆီနိတ်တာတွေ ကြိုဆို

By ဦးကျော်ဇံသာ

အမေရိကန်က ချမှတ်ထားတဲ့ ပိတ်ဆို့အရေးယူမှုတွေကို အိုဘားမားအစိုးရက ယာယီရုပ်သိမ်းခဲ့သလို ၂၂ နှစ်အတွင်းမှာ အမေရိကန် သံအမတ်တယောက်ကို ပထမဆုံးခန့်ထားဖို့အတွက်လည်း အဆိုပြုလိုက်တဲ့အပေါ်မှာ အမေရိကန်မှာ သြဇာကြီးတဲ့ လွှတ်တော်အမတ်တွေက ကြိုဆိုလိုက်ကြပါတယ်။ ဒါပေမယ့် တားဆီးပိတ်ပင်မှုတွေကို လုံးဝရုပ်သိမ်းဖို့တော့ မဟုတ်သေးဘူးဆိုတာကိုလည်း အလေးအနက် ထောက်ပြ လိုက်ကြပါတယ်။ အခုလို အမေရိကန်အမတ်ကြီးတွေရဲ့တုံ့ပြန်ချက်တွေကို ဦးကျော်ဇံသာက တင်ပြပေးထားပါတယ်။

အမေရိကန်ပြည်ထောင်စုရဲ့ အထက်လွှတ်တော်မှာ သြဇာတိက္ကမ ကြီးမားလှတဲ့ ရီပတ်ဘလီကင်ပါတီ အမတ်တွေရဲ့ခေါင်းဆောင် မစ္စတာ မစ်ခ်ျ မက်ကောနယ်လ်နဲ့ ဂျွန်မက်ကိန်းတို့က ဆိုရင် သူတို့ဟာ မြန်မာနိုင်ငံခြားရေးဝန်ကြီးနဲ့ရော အမေရိကန်ဝန်ကြီးနဲ့ပါ စကားပြောခဲ့တယ်၊ နှစ်နိုင်ငံဆက်ဆံရေးအတွက် ဘာလုပ်ရမလဲ ဆိုတာကို ဆွေးနွေးဖြစ်ခဲ့ကြတယ်လို့ ဆိုပါတယ်။ အခုလို တားဆီးပိတ်ပင်မှုတွေကို ရပ်ဆိုင်းဖို့ ဆုံးဖြတ်တာရော၊ သံအမတ်ကြီးအဖြစ် ခန့်အပ်ဖို့ ရွေးချယ်ဆုံးဖြတ်လိုက်တာကိုရော သူတို့ ကြိုဆိုကြပါတယ်။ ဒီကြေညာချက်ဟာ မြန်မာ နိုင်ငံရဲ့ ပြုပြင်ပြောင်းလဲနေခြင်းကို အားပေးမှုနဲ့ ဒါတွေကို ဆက်လက်ပြီးတော့ ပြုပြင်သွားဖို့ ဖိအားပေးခြင်း နှစ်ခုလုံးကို အညီအမျှ ညှိပြီး လုပ်ထားရာ ရောက်တယ်လို့ သူတို့ထောက်ပြကြပါတယ်။ ဒါပေမယ့် ဒါဟာ ဖိအားပေးမှုတွေကို လုံးဝရုပ်သိမ်းလိုက်တာ မဟုတ်ဘူး ဆိုတဲ့ အချက်ဟာ အရေးကြီးတယ်လို့လည်း အခိုင်အမာကို ပြောထားကြတာပါ။

အခုလို ရပ်ဆိုင်းလိုက်တာဟာ အခြေအနေအရ သူတို့အသုံးအနှုန်းနဲ့ ပြောရရင်conditional suspension ဖြစ်တယ်လို့ ဆိုပါတယ်။ အခြေအနေ မကောင်းရင် မကောင်းသလို ပြန်ပြင်နိုင် တယ်၊ ပြန်လှည့်နိုင်တယ်ဆိုတဲ့သဘောကို သူတို့ အလေးအနက်ပြောကြတာ ဖြစ်ပါတယ်။ မြန်မာနိုင်ငံနဲ့ ပတ်သက်ပြီး အမေရိကန် ကွန်ဂရက်စ် လွှတ်တော်က ပြဌာန်းထားတဲ့ဥပဒေတွေကလည်း ဆက်လက်ပြီးတော့ အသက်ဝင်နေမှာဖြစ်တယ်လို့လည်း ဆိုကြပါတယ်။

တချိန်တည်းမှာပဲ Targeted sanction လို့ခေါ်တဲ့ ပစ်မှတ်ထား ဒဏ်ခတ်မှုတွေကို ဆက်လက်ထားမယ်၊ ဆက်လက်လုပ်သွားမယ် ဆိုတာကိုလည်း ထောက်ခံတယ်လို့ သူတို့ ပြောကြပါတယ်။ အမေရိကန်ပြည်ထောင်စုက မြန်မာနိုင်ငံမှာသွားပြီးလုပ်မယ့် စီးပွားရေး ရင်းနှီးမြှုပ်နှံမှုတွေဟာလည်း အများပြည်သူအတွက်၊ လွတ်လပ်တဲ့စီးပွားရေးအတွက် အကျိုးဖြစ်ထွန်းစေမယ့် ရင်းနှီးမြှုပ်နှံမှုမျိုး ဖြစ် ရမယ်၊ ပွင့်လင်း မြင်သာတဲ့ စီးပွားရေးပေါ်ထွန်းဖို့ အားပေးရမယ်ဆိုတာကိုလည်း သူတို့ ထောက်ပြပါတယ်။ ဒါ့အပြင် မြန်မာ့နိုင်ငံခြားဆက်ဆံရေးနဲ့ ပတ်သက် လို့လည်းပဲ မြောက်ကိုရီးယားနဲ့ မြန်မာနိုင်ငံရဲ့ စစ်ရေး ဆက်ဆံမှုကို လုံးဝရပ်ဆိုင်းဖို့ကို ဆက်လက် ဖိအားပေးသွားမယ်လို့လည်း အထက်လွှတ်တော် အမတ်ကြီး နှစ်ဦးတို့က ပြောကြားထားကြပါတယ်။

နောက်အထက်လွှတ်တော်အမတ်တဦးဖြစ်တဲ့ ဂျင်ဝဘ်ကတော့ မြန်မာနိုင်ငံနဲ့ပတ်သက်ပြီး သံအမတ် ခန့်အပ်တာ၊ တားဆီးအရေးယူမှုတွေကို ရပ်ဆိုင်းဖို့ ကြေညာလိုက်တာတွေကို ကြိုဆိုတယ်လို့ သူက ပြောပါတယ်။ ဒီလို လုပ်ဆောင်လိုက်ခြင်းအားဖြင့် မြန်မာနိုင်ငံဟာ ပိုမိုပွင့်လင်းတဲ့ နိုင်ငံဖြစ်လာပြီး အထီးတဲ့ဘဝက လွတ်မြောက်လာမယ်၊ နိုင်ငံတကာအသိုင်းအဝိုင်းထဲမှာ ဝင်ဆန့်လာလိမ့်မယ် လို့ မျှော်လင့်တယ်ဆိုတဲ့ အကြောင်း ဖော်ပြထားပါတယ်။

အနီရောင်နှစ်ပတ်လည် ဘန်ကောက်မှာ စုဝေး

By ဗွီအိုအေ (မြန်မာဌာန)

ထိုင်းနိုင်ငံမှာ လူတွေသေဆုံးစေခဲ့တဲ့ အင်္ကျီနီဝတ်ဆန္ဒပြသူတွေနဲ့ စစ်တပ်ကြား အဓိကရုဏ်း (၂) နှစ်ပြည့် နှစ်ပတ်လည် အထိမ်းအမှတ်အဖြစ် ထောင်ပေါင်းများစွာသော အင်္ကျီနီဝတ်တွေ ဘန်ကောက်မြို့တော်မှာ စုဝေးခဲ့ကြပါတယ်။

၂၀၁၀ ခုနှစ် တုန်းက အဲဒီအချိန်ကအစိုးရကို ဆန့်ကျင်ခဲ့ကြတဲ့ အနီရောင်ဝတ်ဆန္ဒပြသူတွေ သီတင်းပတ်ပေါင်း များစွာ စတည်းချ ဆန္ဒပြခဲ့ကြတဲ့ ဘန်ကောက် မြို့လယ်နေရာကို စစ်တပ်က ဖြိုခွင်းခဲ့လို့ လူပေါင်း ၉၀ ကျော်သေဆုံးပြီး ၂,၀၀၀ ကျော် ဒဏ်ရာရခဲ့ပါတယ်။

စုဝေးနေကြတဲ့ လူထုကို ဒီကနေ့ ညပိုင်းမှာ စကားပြောဖို့ ရှိကြတဲ့သူတွေထဲမှာ ဝန်ကြီးချုပ်ဟောင်း တက်ဆင်ရှင်န၀ပ် (Thaksin Shinawatra) လည်း ပါပါတယ်။ ပြည်ပမှာ တိမ်းရှောင်နေတဲ့ ဝန်ကြီးချုပ်ဟောင်း တက်ဆင် က ဗွီဒီယို ကတဆင့် စကားပြောဖို့ စီစဉ်ထားတာပါ။

၂၀၁၀ ဆန္ဒပြပွဲတုန်းက ဆန္ဒပြခဲ့သူ အများစုဟာ မစ္စတာ တက်ဆင်ကို ထောက်ခံကြသူတွေ များပါတယ်။

ဂျပန်ဖွားဖွား ဧ၀ရက်တောင်တက်

By ဗွီအိုအေ (မြန်မာဌာန)

• အသက် ၇၃ နှစ်အရွယ် ဂျပန်နိုင်ငံက အမျိုးသမီးတစ်ဦးဟာ နီပေါလ်နိုင်ငံ ဧ၀ရက်တောင်ကို တက်လိုက်နိုင်ပါပြီ။ ဒါဟာ အသက်အကြီးဆုံးအမျိုးသမီးတစ်ဦးအနေနဲ့ ကမ္ဘာ့အမြင့်ဆုံးတောင်ကို တက်နိုင်တဲ့ သူကိုယ်တိုင် တင်ထားတံ စံချိန်ကိုချိုးပြီး ထပ်တက်လိုက်နိုင်တာဖြစ်ပါတယ်။

တိဘက်ဒေသအခြမ်းကနေ ဧ၀ရက်တောင်ကို စတက်လာတဲ့ အဲဒီ ဖွားဖွား တာမာရီ ၀ါတာနာဘေး (Tamae Watanabe) ဟာ စနေနေ့မှာတော့ အမြင့်ပေ ၃ သောင်းနီးပါးရှိတဲ့ တောင်ထိပ်ကို အဖွဲ့ဝင် ၄ ဦးနဲ့အတူ ရောက်သွားပြီဖြစ်ပါတယ်။

ဖွားဖွား ၀ါတာနာဘေးဟာ ၂၀၀၂ ခုနှစ်တုန်းကလည်း ဧ၀ရက်တောင်ကို တက်နိုင်ခဲ့တဲ့ အသက်အကြီးဆုံး အမျိုးသမီးအဖြစ် စံချိန် တင်ထားသူလည်းဖြစ်ပါတယ်။ အဲဒီ စံချိန်ကို သူမကိုယ်တိုင်ပဲ ဒီကနေ့ချိုးလိုက်ပြီး အသက်အကြီးဆုံး ဧ၀ရက်တောင်တက်နိုင်သူ ဖွားသက်ရှည်ဘွဲ့ကို ဆက်လက် ထိန်းသိမ်းထားလိုက်တာပါ။

အသက် ၇၆ နှစ်အရွယ်ရှိ နီပေါလ်နိုင်ငံသား မင်းဘဟာဒူးဆာချန်း (Min BahadurSherchan) ကတော့ ဧ၀ရက်တောင်တက်နိုင်သူ အသက်အကြီးဆုံး အမျိုးသားအဖြစ် ၂၀၀၈ ခုနှစ်မှာ စံချိန်တင်ထားပါတယ်။

SSA နဲ့ အစိုးရကိုယ်စားလှယ် သဘာတူညီမှု လက်မှတ်ထိုး

By ကိုမိုးဇော်

SSA တောင်ပိုင်းရဲ့ ဥက္ကဋ္ဌ ဒုဗိုလ်ချုပ်ကြီး ယွတ်ဆစ် (ညာ) ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီနဲ့ ကျိုင်းတုံမြို့တွင် တွေ့ဆုံ ဆွေးနွေးနေစဉ်။ (မေလ ၁၉၊ ၂၀၁၂)

ရှမ်းပြည်တပ်မတော် SSA တောင်ပိုင်းနဲ့ ပြည်ထောင်စု ငြိမ်းချမ်းရေးဖော်ဆောင်ရေး လုပ်ငန်းကော်မတီတို့  ကျိုင်းတုံမြို့မှာ ဒီကနေ့ ဆွေးနွေးရာမှာ မူးယစ်ဆေးဝါး တိုက်ဖျက်ရေးနဲ့ လက်နက်ကိုင် တိုက်ခိုက်မှုတွေ လုံးဝ အဆုံးသတ်ရေး အပါအ၀င် အချက် ၁၂ ချက် သဘောတူညီခဲ့ပါတယ်။ ဒီဆွေးနွေးပွဲကိုတော့ SSA တောင်ပိုင်းရဲ့ ဥက္ကဋ္ဌ ဒုဗိုလ်ချုပ်ကြီး ယွတ်ဆစ်နဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီ ဒုဥက္ကဋ္ဌ ဒုတိယကာကွယ်ရေးဦးစီးချုပ် ဗိုလ်ချုပ်ကြီးစိုးဝင်းတို့ ဦးဆောင်တက်ရောက် ဆွေးနွေးခဲ့ကြတာ ဖြစ်ပါတယ်။ ဒီလို မြန်မာ ကိုယ်စားလှယ်ဖက် ဒုတိယကာကွယ်ရေး ဦးစီးချုပ်ကိုယ်တိုင် တက်ရောက် လာတာကြောင့် မပြေလည်သေးတဲ့ စစ်ဘက်ဆိုင်ရာကိစ္စတွေမှာ အလေးအနက် အကောင်အထည် ဖော်နိုင်လိမ့်မယ်လို့ ဆွေးနွေးပွဲကို ကိုယ်တိုင်တက်ရောက်နေတဲ့ ရှမ်းသံတော်ဆင့် သတင်းဌာန အယ်ဒီတာက သုံးသပ်ပါတယ်။ ဒီသတင်းအပြည့်စုံကို ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

ရှမ်းပြည်တပ်မတော် - တောင်ပိုင်းလို့ လူသိများတဲ့ ရှမ်းပြည်ပြန်လည်ထူတောင်ရေး ကောင်စီ RCSS/SSA နဲ့ မြန်မာအစိုးရရဲ့ ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်း ကော်မတီတို့ဟာ ဒီကနေ့ မနက် ၉ နာရီ စတင်ဆွေးနွေးခဲ့ပြီး ညနေ ၅ နာရီလောက်မှာတော့ သဘောတူညီချက် ၁၂ချက် ရရှိခဲ့တာဖြစ်ပါတယ်။

ဒီကနေ့ ဆွေးနွေးပွဲအခြေအနေကို RCSS ရဲ့ အတိုင်ပင်ခံ တဦးဖြစ်တဲ့ ရှမ်းသံတော်ဆင့် သတင်းအယ်ဒီတာ ဦးခွန်ဆိုင်းက အခုလို ပြောပါတယ်။

“ဒီနေ့ ဆွေးနွေးပွဲ အခြေအနေကတော့ RCSS/SSA ဘက်ကနေပြီးတော့မှ ဆွေးနွေးချက်တွေ ၁၂ ချက် ရှိပါတယ်။ အဓိကကတော့ ဒီ မူးယစ်ဆေးဝါးနဲ့ပတ်သက်ပြီးတော့မှ ပူးပေါင်းဆောင်ရွက်ဖို့။ နံပတ် (၁) အနေနဲ့က။ နံပတ် (၂) ကတော့ အရင့် အရင်က ဒီအပစ်အခတ်ရပ်စဲရေး စာချုပ်တွေ ချုပ်ခဲ့ပြီးတော့မှ ဆက်လက် တိုက်ခိုက်မှုတွေ ဖြစ်ပွားနေမှုကို ဘယ်လို ဖြေရှင်းမလဲဆိုတဲ့ ကိစ္စတွေပေါ့နော်။ အဲဒီကိစ္စတွေနဲ့ ပတ်သက်ပြီးတော့မှ လောလောဆယ် သဘောတူညီချက် ရပြီးတော့မှ မကြာခင်မိနစ်ပိုင်းအတွင်းမှာ သူတို့ လက်မှတ်ထိုးမယ်လို့ ကျနော် ထင်တယ်ပေါ့နော်။”

ဒါကတော့ ဦးခွန်ဆိုင်းက ညနေ ၅ နာရီလောက်က ပြောဆိုထားတာဖြစ်ပါတယ်။ ငြိမ်းချမ်းရေး အကျိုးတော်ဆောင်တဦးကတော့ ၇ နာရီခွဲလောက်မှာ လက်မှတ်ရေးထိုး ဖြစ်မယ်လို့ ပြောပါတယ်။

RCSS နဲ့ မြန်မာအစိုးရကိုယ်စားလှယ်တွေ အရင်ဆွေးနွေးစဉ်က အစိုးရအဖွဲ့ဝင် ၀န်ကြီးတွေနဲ့ အဓိက ဆွေးနွေးခဲ့တာဖြစ်ပါတယ်။ ဒီလို ဆွေးနွေးပြီး အပစ်အခတ်ရပ်စဲဖို့ သဘောတူပြီးတဲ့နောက်မှာ အနည်းဆုံး တိုက်ပွဲ ၁၇ ကြိမ်လောက် ဖြစ်ပွားခဲ့ပါတယ်။

ဒီတခေါက်မှာတော့ ဒုတိယကာကွယ်ရေးဦးစီးချုပ် ဗိုလ်ချုပ်ကြီးစိုးဝင်း ဦးဆောင် တက်ရောက်လာတဲ့အတွက် တပ်ပိုင်းဆိုင်ရာကိစ္စတွေ ဆောင်ရွက်ရာမှာ ပိုပြီး အကောင်အထည် ဖော်ဆောင်နိုင်မယ်လို့ ယုံကြည်ကြောင်း ဦးခွန်ဆိုင်းက ပြောပါတယ်။

“ထူးခြားချက်က ဘာလဲ ဆိုတော့ ဒု ကာကွယ်ရေးဦးစီးချုပ်။ နောက်ပြီးတော့မှ ကာကွယ်ရေးဦးစီးချုပ် ကြည်း အနေနဲ့ လာပြီးတော့မှ တက်ရောက်တယ်။ တိုင်းမှူးတွေ ကိုယ်တိုင်တက်ရောက်တယ်။ အဲတော့ ဆွေးနွေးပွဲ ဒီနေ့က ပိုပြီးတော့မှ ထိရောက်တယ်။ ဒီဆွေးနွေးပွဲမှာ ဆုံးဖြတ်ချက်ရတာတွေ အားလုံးက အထက်ကနေ အောက်ခြေအထိ အကောင်အထည် ဖော်သွားနိုင်လိမ့်မယ်လို့ ယုံကြည်ကြတာပေါ့ဗျာ။”

ဒီကနေ့ ဆွေးနွေးပွဲမှာ မီးရထား ၀န်ကြီး ဦးအောင်မင်း၊ အမှတ် (၂) လျှပ်စစ်ဝန်ကြီး ဦးခင်မောင်စိုး၊ စွမ်းအင်ဝန်ကြီး ဦးသန်းဌေးတို့နဲ့အတူ ရှမ်းပြည်နယ်က စစ်တိုင်းမှူး ၃ ယောက်လည်း ပါဝင်တက်ရောက်ခဲ့တာ ဖြစ်ပါတယ်။

ဆွေးနွေးပွဲအပေါ်မှာတော့ ဦးခွန်ဆိုင်းက အခုလို သုံးသပ်ပါတယ်။

“ဒီကနေ့ ရင်းရင်းနှီးနှီးနဲ့ ပွင့်ပွင့်လင်းလင်း ဆွေးနွေးတာကို ကျနော်တို့ မြင်ရတယ်။ နောက် စိတ်ရှည်လက်ရှည်နဲ့ ဆွေးနွေးတာ ဒီဥစ္စာ အင်မတန်မှ နိမိတ်လက္ခဏာ ကောင်းတယ်လို့ ကျနော်လည်း မြင်ပါတယ်။ ဘယ်အဖွဲ့နဲ့ပဲဖြစ်ဖြစ် ဒီတိုင်းပဲ ဆွေးနွေးသွားမယ်ဆိုရင် နောက်ပိုင်းဆိုရင် ကျနော်တို့ ပြည်ထောင်စုကြီး ငြိမ်းချမ်းရေးရရှိဖို့ရာ အထောက်အကူ ဖြစ်လိမ့်မယ်လို့ ယုံကြည်နိုင်လောက်တယ် ပေါ့ဗျာ။”

RCSS နဲ့ ဒီလို ဆွေးနွေးတဲ့နေ့မှာပဲ မြန်မာအစိုးရက ပြည်ထောင်စုငြိမ်းချမ်းရေး ဖော်ဆောင်ရေး လုပ်ငန်းကော်မတီက အကောင်အထည်ဖော် ဆောင်ရွက်ရမယ့် လုပ်ငန်းတာဝန်တွေကို ဒီကနေ့ တရားဝင် ထုတ်ပြန်လိုက်ပါတယ်။

ဒီလုပ်ငန်းတာဝန်တွေမှာတော့ ၂၀၀၉ ခုနှစ်က အပစ်ရပ် လက်နက်ကိုင်အဖွဲ့တွေကို စစ်အစိုးရက တောင်းဆိုခဲ့တဲ့ ပါတီဖွဲ့စည်းပြီး ရွေးကောက်ပွဲဝင်ဖို့နဲ့ တခုတည်းသော လက်နက်ကိုင်အဖွဲ့အဖြစ် အသွင်ပြောင်းဖို့ ဆိုတဲ့အချက်တွေ ပါဝင်နေပါတယ်။ ဒီတောင်းဆိုချက်တွေကြောင့် အရင် အပစ်ရပ်ထားတဲ့ ၀၊ မိုင်းလား၊ ကချင် နဲ့ မွန် လက်နက်ကိုင်တပ်ဖွဲ့တွေနဲ့ စစ်အစိုးရကြားမှာ တင်းမာမှုတွေ ဖြစ်ခဲ့ပါတယ်။ RCSS ကတော့ ဒီအချက်တွေကို လတ်တလောမဆွေးနွေးဖို့ အရင်ဆွေးနွေးပွဲတွေမှာကတည်းက တင်ပြထားတယ်လို့ ဦးခွန်ဆိုင်းက ပြောပါတယ်။

ရှမ်းပြည်တပ်မတော် တောင်ပိုင်းခေါ် RCSS/SSA အဖွဲ့ဟာ ၁၉၉၆ခုနှစ်က ဘိန်းဘုရင်ခွန်ဆာ လက်နက်ချတုန်းက သီးခြားခွဲထွက်ပြီး အစိုးရကို ဆက်လက် တော်လှန်နေတဲ့အဖွဲ့ ဖြစ်ပါတယ်။ အရင်စစ်အစိုးရလက်ထက်က အပစ်အခတ် ရပ်စဲဖို့ သဘောတူညီချက် မရခဲ့ဘဲ သမ္မတဦးသိန်းစိန် ခေါင်းဆောင်တဲ့ အစိုးသစ် လက်ထက်မှာမှ အပစ်အခတ်ရပ်ခဲ့တာလည်း ဖြစ်ပါတယ်။

အခု နောက်ဆုံးရတဲ့သတင်းအရတော့ သဘောတူညီချက်တွေကို ၇ နာရီခွဲလောက်က လက်မှတ် ရေးထိုးခဲ့ကြပါတယ်။ မြန်မာအစိုးရဘက်က ဒုတိယ ကာကွယ်ရေးဦးစီးချုပ် ဗိုလ်ချုပ်ကြီး စိုးဝင်း၊ ၀န်ကြီးတချို့နဲ့ တိုင်းမှူးတွေ ပါဝင် လက်မှတ်ရေးထိုးခဲ့ကြသလို SSA ဘက်ကတော့ ဒုဗိုလ်ချုပ်ကြီး ယွတ်ဆစ် ဦးဆောင်တဲ့ ခေါင်းဆောင်တွေ ပါဝင်ပြီး လက်မှတ်ရေးထိုးခဲ့ကြတာ ဖြစ်ပါတယ်။