19.05.2012 နေ့ဖတ်ရန်သတင်းများ

by Myanmar Journal on Friday, May 18, 2012 at 4:07pm ·

ကလင်တန်နဲ့ ဉီးဝဏ္ဏ မောင်လွင် ပူးတွဲ သတင်းစာ ရှင်းလင်းအမေရိကန် မြန်မာကို ပိတ်ဆို့မှု လျှော့ပေး

မြန်မာ နိုင်ငံကို အမေရိကန်က ဒဏ်ခပ် ပိတ်ဆို့ ထားမှုကို ယာယီ ပြန်ဖွင့်ပေးလိုက်ပြီ ဖြစ်တဲ့ အ တွက် အမေရိကန် စီးပွားရေး ကုမ္ပဏီတွေ မြန် မာနိုင်ငံမှာ လာရောက် ရင်းနှီး မြှုပ်နှံနိုင်ပြီ ဖြစ်ပါတယ်။

မြန်မာ နိုင်ငံခြားရေး ဝန်ကြီး ဦးဝဏ္ဏမောင်လွင်နဲ့ ကန် နိုင်ငံခြားရေး ဝန်ကြီး ဟီလာရီ ကလင်တန် တို့ ဝါရှင်တန် ဒီစီမှာ ပူးတွဲ သတင်းစာ ရှင်းလင်း ပွဲ ပြုလုပ်ရာမှာ ကလင်တန်က ဆန်ရှင် ဒဏ်ခတ် ပိတ်ဆို့မှုတွေ ယာယီ ဖွင့်ပေးတာကို ကြေညာ ခဲ့ပါတယ်။

သတ္ထု တူးဖော်တဲ့ ကုမ္ပဏီတွေ၊ စွမ်းအင် ကုမ္ပဏီတွေနဲ့ ဘဏ္ဍာရေး ဝန်ဆောင်မှု ပေးတဲ့ ကုမ္ပဏီတွေ အားလုံး မြန်မာ နိုင်ငံမှာ စီးပွားရေး ခွင်သစ် ရှာနိုင်ကြတော့မှာ ဖြစ်ပေမယ့် လက်နက် ရောင်းချမှုကိုတော့ ဆက်ပိတ်ထားဆဲ ဖြစ်ပါတယ်။

မြန်မာ့ အရေး လေ့လာသူ ဂျော့တောင်း တက္ကသိုလ်က ပါမောက္ခ ဒေးဗစ် စတိုင်းဘတ်ကတော့ မြန်မာ အစိုးရ အတွက် သူတို့ လိုချင်တာ ရသွားတာပဲလို့ မှတ်ချက် ပေးပါတယ်။

US Campaign for Burma ကတော့ မြန်မာ နိုင်ငံမှာ လူ့အခွင့်အရေး ချိုးဖောက်မှုတွေ ဆက်ရှိနေတဲ့ အတွက် ကလင်တန်ရဲ့ ကြေညာချက်ကို စိတ်ပျက်မိတယ်လို့ ပြောပါတယ်။

ဒဏ်ခပ် ပိတ်ဆို့မှု ပြုလုပ်ထားတာကို ခေတ္တ ရုပ်သိမ်းတယ်ဆိုပြီး နိုင်ငံခြားရေး ဝန်ကြီး ဟီလာရီ ကလင်တန်က ကြေညာသွားတာ ဖြစ်ပေမယ့် အကျိုးသက်ရောက်မှုအားဖြင့် ခေတ္တ ရုပ်သိမ်းတာနဲ့ လုံးဝ ရုပ်သိမ်းတာ အတူတူပဲလို့ ဆိုနိုင်ပါတယ်။

ဒဏ်ခပ် ပိတ်ဆို့မှုကို ခေတ္တ ရုပ်သိမ်း ပေးလိုက်တယ်လို့ ကြေညာလိုက်တဲ့ အတွက် မြန်မာ နိုင်ငံက ပြုပြင် ပြောင်းလဲရေး လုပ်ဆောင်မှုတွေကို စောင့်ကြည့်နေတယ်ဆိုတဲ့ အချက် ကိုလည်း အသိပေးရာ ရောက်သွားပါတယ်။

မြန်မာနိုင်ငံက နိုင်ငံရေး ပြုပြင် ပြောင်းလဲမှုတွေဟာ နောက်ပြန်လှည့်သွားမှာ မဟုတ်တော့ ဘူးလို့ နေပြည်တော် အစိုးရက ပြောနေပေမယ့် အီးယူနဲ့ အမေရိကန်တို့လို နိုင်ငံတွေက ဒဏ်ခပ် ပိတ်ဆို့မှု လုံးဝ ရုပ်မပေးသေးတာမို့ ပြုပြင် ပြောင်းလဲမှုတွေ နောက်ကြောင်း ပြန်လှည့်မသွားဘူးဆိုတဲ့ အစိုးရ ပြောစကားကို လက်မခံသေးတဲ့ နိုင်ငံတွေ ရှိနေတာကို ပြနေပါတယ်။

မြန်မာ နိုင်ငံက ပြုပြင် ပြောင်းလဲမှုတွေ နောက်ကြောင်း ပြန်လှည့် မလှည့် ဘယ်လို အချက် တွေကို ကြည့်ပြီး ပြောနိုင်မလဲဆိုတာ တိတိကျကျ မပြောနိုင်ကြပေမယ့် နောက်ကြောင်း ပြန်လှည့်သွားစေနိုင်တဲ့ စိန်ခေါ်မှုတွေနဲ့ ပတ်သက်လို့တော့ ဒေးဗစ် စတိုင်းဘတ်က ခုလို ပြောပြခဲ့ပါတယ်။

ပထမ တချက် အနေနဲ့ မြန်မာ အစိုးရက ပြည်ပက အကူအညီ အထောက်အပံ့တွေ ဆက်ရ နေဖို့ လိုတယ်၊ လောလောဆယ် သူတို့ အထောက်အပံ့တွေ ရနေပုံရှိတော့ စိန်ခေါ်မှုကြီး ဖြစ်မယ့်ပုံ မရှိဘူး။

နောက်တခုကတော့ အစိုးရထဲမှာနဲ့ တခြား ကဏ္ဍတွေမှာ ကျွမ်းကျင်တဲ့၊ ခေတ်နဲ့အညီ လုပ် နိုင်မယ့် လူတွေ လိုအပ်နေတယ်။

ဒီတော့ ပေါ်လစီတွေက ကောင်းရင်တောင် ဖော်ဆောင်မှု အပိုင်းမှာ အခက်အခဲတွေ ရှိနိုင် တယ်၊ နောက် တတိယ တချက်ကတော့ မြန်မာ နိုင်ငံက ပြုပြင် ပြောင်းလဲမှုတွေဟာ ပြင်ပက လှုံ့ဆော်လို့ဖြစ်လာတယ်ဆိုတဲ့ အမြင်မျိုးဝင်မသွားစေဖို့ ဖြစ်တယ်လို့ ဂျော့တောင်းတက္ကသိုလ် ပါမောက္ခ ဒေးဗစ် စတိုင်းဘတ်က ပြောသွားပါတယ်။

စက်ရုံတွေမှာ စာကပ် ခြိမ်းခြောက်လှိုင်သာယာမှာ ဆန္ဒပြသူ ခြိမ်းခြောက်

လှိုင်သာယာက အထည်ချုပ် စက်ရုံ ၅ ရုံမှာ အခြေခံ လစာ တိုးပေးဖို့ ဆန္ဒပြ နေကြသူတွေကို ဖြေရှင်းမပေးဘဲ အလုပ်ရှင်တွေက ခြိမ်းခြောက် နေကြပါတယ်။

တရုတ် မြန်မာ ဖက်စပ် နဲ့ ကိုရီးယား ပိုင် နေမင်းအောင်၊ တိုင်ကို၊ စပယ်ပွင့်၊ မြန်မာ့ပုလဲနဲ့ YJ စက်ရုံ တွေမှာ ဆန္ဒပြ တောင်းဆိုလို့ မရတဲ့ အတွက် ခရိုင် အလုပ်သမားရုံးမှာ ဖြေရှင်းပေးဖို့ တောင်းဆို နေကြပါတယ်။

စက်ရုံတွေမှာ မနက်က မိုးချုပ်ထိ အလုပ်လုပ်ရပြီး လုပ်ခကျ နည်းနည်းပဲ ပေးချင်တယ်၊ အလုပ်ရှင်ကလည်း စက်ရုံတွေမှာ စာကပ် ခြိမ်းခြောက်တယ်လို့ အလုပ်သမား တွေဘက်က ဆိုပါတယ်။

မေလဆန်းက တခြား စက်ရုံတွေမှာ ဆန္ဒပြတာကို အလုပ်သမားရုံးက ဝင်ရှင်းပေးလို့ အဆင်ပြေ သွားခဲ့ပါတယ်။

မကွေးတိုင်း လယ်သမား လုပ်သားတွေကို ကူမယ်မကွေး လယ်သမားကွန်ယက်ဖွဲ့

အလုပ်သမား လယ်သမား အရေးအတွက် မြစ်ကွေ့ဧရာ လူမှု ကွန်ယက် မကွေးမှာ ကြာသပတေး နေ့က ဖွဲ့ခဲ့ပါတယ်။

ဥပဒေ အတိုင်ပင်ခံ ဦးတင်ထွန်းအောင် ဦးဆောင် ပြီး တက်ကြွ လှုပ်ရှားသူ ၂၃ ယောက် ပါပါတယ်။

နိုင်ငံ အနှံ့ မြေသိမ်း လယ်သိမ်း အမှုတွေ ဖြစ်နေပြီး မြေလတ် မှာလည်း ပေါ်နေလို့ ကိုင်တွယ် ဖြေရှင်း သွားမယ်လို့ ဆိုပါတယ်။

အစိုးရသစ် တက်လာပြီးနောက် တိုင်တန်းတဲ့ အမှုတွေ ထဲမှာ လယ်သိမ်း မြေသိမ်း ကိစ္စတွေ အများဆုံး ဖြစ်နေတယ်လို့ သိရပါတယ်။ 

စပိန် စီးပွားရေး တုံ့ဆိုင်းလို့ လူထု မကျေနပ်စပိန် ဘဏ္ဍာရေး အခြေအနေဆိုး

မူဒီ အကဲဖြတ် အဖွဲ့က စပိန် ဘဏ် ၁၆ ခုရဲ့ အဆင့်အတန်းကို လျှော့ချ ခဲ့တဲ့ အတွက် ယူရို ဇုန် ငွေကြေး အကျပ်အတည်း အတွက် ပိုစိုးရိမ်စရာ ဖြစ်လာပါတယ်။

စပိန် နိုင်ငံရဲ့ စီးပွားရေး တုံ့ဆိုင်းလာမှုနဲ့ အစိုးရရဲ့ ထောက်ကန် နိုင်စွမ်း ကျဆင်းလာမှု တွေကြောင့် ဒီလို လျှော့ချ ခဲ့တာလို့ ဆိုပါတယ်။

လူတွေက သူတို့ စုငွေတွေကို အပြေးအလွှား သွားထုတ် ကုန်ကြလို့ စပိန်ရဲ့ စတုတ္ထ အကြီးဆုံး ဘဏ် ဖြစ်တဲ့ ဘန်ကီယာ ဘဏ်ရဲ့ ရှယ်ယာတွေ ထိုးကျသွား ခဲ့ပါတယ်။

အိုးအိမ် ဈေးကွက် ပျက်ပြားမှုက အဆုံးအရှုံး ကြီးလွန်းတဲ့ အတွက် အစိုးရက ထုတ်ချေးပြီး ကယ်နိုင်တော့မှာ မဟုတ်ဘူးလို့ လည်း စိုးရိမ် နေကြတယ် လို့ သတင်းထောက် တွေက ဆိုပါတယ်။

ဥရောပအရေး ရင်မအေးရသေး

သီတင်း တပတ်ကြာအောင် ဖြစ်နေခဲ့တဲ့ ဥရောပ ဇုန်အတွင်း စီးပွားရေးနဲ့ မတည်ငြိမ်မှု တွေကြောင့် ကမ္ဘာ တလွှား အစု ရှယ်ယာ ဈေးတွေ ကျဆင်း သွားခဲ့ပါတယ်။ တချိန်တည်း မှာပဲ စပိန်နိုင်ငံပိုင် ဘဏ်တွေ အပေါ် ဖိအားတွေ တိုးလာနေ ပါတယ်။

ဘဏ်တွေမှာ ငွေပြေးထုတ်သူတွေလည်း ရှိခဲ့ပါတယ်။

ဒီတော့ ဥရောပတိုက်က ယူရို ငွေကြေး တမျိုးတည်း သုံးတဲ့ နိုင်ငံတွေ ဖြစ်ကြတဲ့ ဂရိ နဲ့ စပိန် နိုင်ငံတို့မှာ ဖြစ်နေတဲ့ မသေချာ မရေရာမှု တွေက ကမ္ဘာတဝန်းလုံးမှာ ရှိတဲ့ အစုရှယ်ယာ ဈေးကွက်တွေ ကို ဂယက် ရိုက်ခတ် သွားခဲ့ပါတယ်။ စပိန်နိုင်ငံ ဆိုရင် စောစောပိုင်းက အစုရှယ်ယာ ညွှန်းကိန်း ၂ ရာခိုင်နှုန်း ကျဆင်းသွား ခဲ့ပါတယ်။ ဒါပေမဲ့ ဒီကနေ့ မနက်နှောင်းပိုင်းမှာ ဈေးပြန်တက်ပြီး အရောင်း အဝယ် ဖြစ်နေပါတယ်။ တချို့ ရင်းနှီး မြှုပ်နှံသူတွေ ကတော့ အန္တရာယ် ပိုနည်းတယ်လို့ ယူဆတဲ့ ဂျာမနီ နိုင်ငံကို ပြောင်းပြီး ငွေကြေး စာချုပ်တွေကို ဝယ်ယူ နေကြ ပါတယ်။

ဥရောပ ဘဏ်တွေ အပေါ် လူတွေရဲ့ ယုံကြည်မှု ကျဆင်း လာခဲ့ကြတဲ့ အကြောင်းက Moody လို့ ခေါ်တဲ့ ဘဏ်တွေရဲ့ ချေးငွေ ပြန်ဆပ် နိုင်စွမ်း အဆင့် သတ်မှတ်တဲ့ အေဂျင်စီက စပိန် နိုင်ငံပိုင် ဘဏ် ၁၆ ဘဏ်ကို မနေ့က ကြာသပတေးနေ့ကပဲ အဆင့်နှိမ့် သတ်မှတ် ခဲ့တဲ့ အတွက် ဖြစ် ပါတယ်။

Moody အေဂျင်စီက စပိန်နိုင်ငံ ဘဏ်ကြီးရဲ့ ဗြိတိန် နိုင်ငံက ဘဏ်ခွဲ တစ်ခု ဖြစ်တဲ့ Santander ဘဏ်ကိုလည်း အလားတူ အဆင့် လျှော့ချခဲ့ ပါတယ်။ ဒါပေမဲ့ Santander ဘဏ်ရဲ့ အစု ရှယ်ယာ တွေက စောစောပိုင်းက ဈေးကျပြီး ရှုံးနေ ခဲ့ရာက အခု ၂ ရာခိုင်နှုန်း ပြန်တက် လာခဲ့တဲ့ အပြင် စပိန်ရဲ့ စတုတ္ထ အကြီးဆုံး Bankia ဘဏ်ကြီးရဲ့ ရှယ်ယာ ဈေးတွေ ကလည်း မနေ့က ၁၄ ရာခိုင်နှုန်း ကျဆင်းသွားပြီးတဲ့ နောက် ၁၇ ရာခိုင်နှုန်း ကို ပြန်တက် လာခဲ့ ပါတယ်။

ဒီတော့ ရှယ်ယာ ဈေးတွေလည်း ပြန်တက်လာတဲ့ ကြားမှာ Moody အေဂျင်စီ က ဘာကြောင့်များ ဘဏ်တွေရဲ့ အဆင့် အတန်း သတ်မှတ်ချက်ကို လျှော့ခဲ့တာလဲ ဆိုတာက မေးစရာ ဖြစ်လာ ပါတယ်။ Moody ကတော့ သူတို့ အနေနဲ့ လျှော့ချရတဲ့ အကြောင်းတွေ အများကြီး ရှိတယ်၊ အဲဒီထဲမှာ စပိန် နိုင်ငံက စီးပွားရေး ထိုင်းမှိုင်းတဲ့ ဘက်ကို ပြန်သွား နေတာရယ်၊ စပိန် အစိုးရ ရင်ဆိုင်နေရတဲ့ ဘဏ္ဍာရေး ဆိုင်ရာ စိန်ခေါ်မှုတွေ၊ အိမ်ခြံမြေ လုပ်ငန်း မှာ ကြွေးဆုံး ကိစ္စတွေ ကိုလည်း ထည့်သွင်း စဉ်းစားတယ်လို့ ပြောပါတယ်။

ဒါကြောင့် အခုလို အဆင့်နှိမ့် သတ်မှတ်ပေမဲ့ စပိန် ဘဏ်တွေအနေနဲ့ ဘဏ္ဍာရေး အခြေ အနေ ကောင်းမွန်အောင် လုပ်ဆောင် နိုင်ခဲ့တဲ့ တိုးတက်မှုတွေ ရှိခဲ့ပြီး ဥရောပ ဗဟိုဘဏ်ရဲ့ အထောက်အပံ့လည်း ရနေခဲ့တယ် ဆိုတဲ့ အချက်တွေကိုတော့ Moody က အသိအမှတ်ပြု ပါတယ်။

ဒီကနေ့ စပိန် ဗဟိုဘဏ်က ထုတ်ပြန်တဲ့ ကိန်းဂဏန်းတွေ အရ ပြီးခဲ့တဲ့ မတ်လတုန်းက စပိန်ဘဏ်တွေ ကြွေးဆုံး ရင်ဆိုင် ခဲ့ရတာ ၈ ဒဿမ ၃၇ ရာခိုင်နှုန်းနဲ့ စံချိန်ချိုးသွားခဲ့ တယ်လို့ သိရ ပါတယ်။ ကြွေးဆုံးတွေ ပိုများလာပြီး၊ ဘဏ်တွေ အဆင့်နှိမ့် သတ်မှတ်ခံရတဲ့ အပြင် ပြဿနာ တက် နေတဲ့ Bankia ဘဏ် အုပ်စုမှာ ငွေအပ်ထားကြသူတွေက ငွေတွေ အများကြီး ပြန်ထုတ်နေကြတယ် ဆိုတဲ့ သတင်းတွေ တက်နေပေမဲ့ စပိန် အစိုးရ ကတော့ သူတို့ ဘဏ်တွေ မှာ ငွေပင် ငွေရင်း မရှိတော့တဲ့ အထိ ဖြစ်မသွား ဘူးလို့ မျှော်လင့် ပါတယ်။

လျှပ်စစ်ဓာတ် လျှော့သုံးဖို့ ဂျပန်အစိုးရ ပန်ကြား

ဓာတ်အား မပြတ်ရအောင် စွမ်းအင်ကို ချွေတာ သုံးဖို့ အစိုးရက ပန်ကြား

ဂျပန်နိုင်ငံမှာ လျှပ်စစ် ဓာတ်အား ပြတ်လပ်မှုတွေ ဖြစ်ပွားနေတာကြောင့် စီးပွားရေး လုပ်ငန်းတွေနဲ့ အများပြည်သူတွေ အနေနဲ့ ဓာတ်အားကို ၁၅ ရာခိုင်နှုန်း အထိ လျှော့ သုံးဖို့ ဂျပန်အစိုးရက တိုက်တွန်း လိုက်ပါတယ်။

ပြီးခဲ့တဲ့နှစ်က ဖြစ်ပွားခဲ့တဲ့ မြေငလျင်နဲ့ ဆူနာမီ ဒဏ်ကြောင့် ဖူကူရှီးမား နျူးကလီးယား ဓာတ်အားပေးစက်ရုံက နျူလီးယား လောင်စာ ချောင်းတွေ အရည်ပျော်ကျခဲ့တာကြောင့် ဂျပန်နိုင်ငံက နျူကလီးယား ဓာတ်ပေါင်းဖို ၅၀ အကုန်လုံးကို လုပ်ငန်းတွေရပ်စဲ ထားခဲ့တာ ဖြစ်ပါတယ်။

ဒါကြောင့်မို့လို နိုင်ငံမှာ ဓာတ်အား ပြတ်လပ်မှုတွေ မဖြစ်ရအောင် အတွက် စွမ်းအင်တွေကို ချွေတာသုံးဖို့ အစိုးရက ပန်ကြားထားတာ ဖြစ်ပါတယ်။

ဇူလိုင်လ ကနေ စလို့ စက်တင်ဘာလအထိ စတင်ချွေတာ သုံးဖို့ကို ပန်ကြားလိုက်တာလည်း ဖြစ်ပါတယ်။

လျှပ်စစ်ဓာတ်အား ပြတ်လပ်မှုကြောင့် စီးပွားရေးပိုင်း ထိခိုက်မှုဖြစ်မှာကို စိုးရိမ်မှုတွေ ရှိနေ တယ်လို့ တိုကျိုမှာ ရှိတဲ့ ဘီဘီစီသတင်းထောက်က ပြောပါတယ်။

မြန်မာ့ ခရိုနီတွေကို လက်တွဲခေါ် သင့်သလား

ခရိုနီတွေဟာလည်း တိုင်းပြည်ကို ချစ်တဲ့သူတွေ ဖြစ်တယ်လို့ ဦးမြင့်ပြော

သမ္မတ ဦးသိန်းစိန်ရဲ့ စီးပွားရေး အကြံပေး ဒေါက်တာ ဦးမြင့်က တိုင်းပြည်ရဲ့ စီးပွားရေး ကို အာဏာပိုင်တွေနဲ့ ပေါင်းပြီး ကြိုးကိုင် ချယ်လှယ်ထားသူ ခရိုနီတွေဟာလည်း တိုင်းပြည်ကို ချစ်တဲ့သူတွေ ဖြစ်လို့ သူတို့ကို စနစ်တကျ လက်တွဲခေါ်ယူဖို့ လိုတယ်လို့ ပြောကြား လိုက်တဲ့အပေါ် ဝေဖန်မှုတွေ ရှိခဲ့ပါတယ်။

စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနက ရန်ကုန်မြို့မှာ ပြုလုပ်တဲ့ အစည်းအဝေး တခုမှာ ဦးမြင့်က အခုလို ပြောကြားသွားတာ ဖြစ်ပါတယ်။

ဒေါ်အောင်ဆန်းစုကြည် ကိုယ်တိုင်လည်း သဘောတူ လက်ခံပါတယ်လို့ ဆိုတဲ့ ဦးမြင့်ရဲ့ အခုလို ပြောကြားချက်အပေါ်၊ စာရေးဆရာနဲ့ စီးပွားရေး ပညာရပ် ကျွမ်းကျင်သူ ဦးဟန်ထွန်း (အခွန်)ကတော့ အဲဒီ ခရိုနီစီးပွားရေးသမားတွေ တိုင်းပြည်ချစ်တယ်ဆိုရင် အများကြီး လုပ်မပြစရာမလိုပဲ အခွန်ပဲ မှန်ကန်အောင် ပေးပါဦးလို့ ဝေဖန် ထောက်ပြလိုက်တာ ဖြစ်ပါတယ်။

ဒီခရိုနီ လူအနည်းစုရဲ့ လက်ထဲမှာပဲ တိုင်းပြည်စီးပွားရေးကို ထားမယ်ဆိုရင် ကောင်းကျိုး ထက် ဆိုးကျိုးက ပိုများပြီး တိုင်းပြည်အတွက် အန္တရာယ်ရှိကြောင်း ဦးဟန်ထွန်းက ဘီဘီစီကို ပြောပါတယ်။

မြန်မာနိုင်ငံမှာ အလွန်တရာမှာ ချမ်းသာတဲ့ လူပေါင်း နှစ်ဆယ် အစိတ်ကျော်လောက် ရှိကြောင်း၊ အဲဒီသူတွေဟာ တိုင်းပြည်မှာ ထုတ်လုပ်မှု လုပ်ငန်းတွေကို လုပ်နေတာ မဟုတ်ဘဲ အခွင့်အရေးပေါ်မှာ ရောင်းစားနေကြတာ ဖြစ်တယ်လို့ ဦးဟန်ထွန်းက ထောက်ပြပါတယ်။

တောင်ကိုရီးယားမှာ ဆိုရင် ခရိုနီတွေရဲ့ လက်ဝါးကြီးအုပ် ချယ်လှယ်မှုကြောင့် တိုင်းပြည် စီးပွားရေး ပျက်ဆီးသွားခဲ့ရတဲ့ သာဓကတွေ ရှိခဲ့တယ်လို့ သူက ဆက်ပြောပါတယ်။

ဖေ့စ်ဘွတ်ခ် အစုရှယ်ယာတွေ စရောင်းပြီ

အစုရှယ်ယာ ဒေါ်လာ ၁၈ ဘီလျံ အထိ ကနဦး အနေနဲ့ ရောင်းချမှာ ဖြစ်ပါတယ်

ကမ္ဘာ ပေါ်မှာ လူသုံးများတဲ့ လူမှု ကွန်ယက် ဝက်ဘ်ဆိုဒ်တခု ဖြစ်တဲ့ ဖေ့စ်ဘွတ်ခ်လုပ်ငန်း ရဲ့ အစုရှယ်ယာတွေကို သောကြာနေ့မှာ စတင်ရောင်းချ နေပြီ ဖြစ်ပါတယ်။

တန်ဖိုး ဒေါ်လာ ၁၀၀ ဘီလျံကျော် ရှိတဲ့ ဖေ့စ်ဘွတ်ခ်ဟာ သူ့ရဲ့ ရှယ်ယာနဲ့ အစုစပ် လုပ်ငန်းတွေ အတွက် အစုရှယ်ယာ ၁၈ ဘီလျံ ဒေါ်လာ အထိ ကနဦး အနေနဲ့ ရောင်းချမှာ ဖြစ်ပြီး ဒါဟာ အကြီးမား ဆုံးသော အစုရှယ်ယာ ရောင်းချမှု တခု ဖြစ်ပါလိမ့်မယ်။

ကယ်လီဖိုနီးယား ပြည်နယ်မှာ ရှိတဲ့ ဖေ့စ်ဘွတ်ခ် ဌာနချုပ်ရုံးမှာ ဖေ့စ်ဖွတ်ခ် တည်ထောင်သူ Mark Zuckerberg ဟာ Nasdaq ဈေးကွက် အတွက် ဖေ့စ်ဘွတ်ခ်ရှယ်ယာကို စတင် ဖွင့်ပေးလိုက်ပါတယ်။

အဲဒီအချိန်မှာ သူ့ကို အားပေး ထောက်ခံသူတွေဟာ သူ့ဘေးမှာ ဝိုင်းပြီး ကောင်းချီး သြဘာ ပေးခဲ့ကြပါတယ်။

လွန်ခဲ့တဲ့ ၈ နှစ်က စတင် တည်ထောင်ခဲ့ချိန်က စလို့ ဖေ့စ်ဘွတ်ခ်ဟာ ကမ္ဘာပေါ်မှာ တန်ဖိုး အကြီးဆုံးသော နည်းပညာ ကုမ္ပဏီတခု ဖြစ်လာခဲ့ပါတယ်။

ဖေ့စ်ဘွတ်ခ်ကို ပုံမှန် အသုံးပြုသူ user ပေါင်း ၉ သန်းရှိပါတယ်။

အမေရိကန် ဆိုင်းငံ့လိုက်တဲ့ အရေးယူမှု တွေ ထဲ တင်သွင်းခွင့် ပိတ်တာ မပါ

အမေရိကန် က ရင်းနှီးမြှုပ်နှံမှု တွေ လုပ်တော့မယ်

အမေရိကန် သမ္မတ က သူ့လုပ်ပိုင်ခွင့် အရ မြန်မာအပေါ် အရေးယူထားတဲ့ ဒဏ်ခတ်မှု တွေ ရပ်ဆိုင်းပေးတဲ့ အထဲမှာ မြန်မာပြည်ထုတ် ကုန်ပစ္စည်းတွေ အမေရိကန် ကို တင်သွင်းခွင့် ပိတ်ပင်ထားတဲ့ ကိစ္စ မပါဝင် သေး ပါဘူး။

ကြာသပတေးနေ့ က အမေရိကန် သမ္မတ က ၁၉၉ရ ခုနှစ် က စတင်ချမှတ် ခဲ့တဲ့ မြန်မာပြည် မှာ ရင်းနှီးမြှုပ်နှံမှု သက်မှတ်ချက် သက်တမ်း ကို နောက်ထပ် သက်တမ်း တနှစ် တိုးပေးလိုက်ပြီးတဲ့နောက် သူ့ လုပ်ပိုင်ခွင့် အရ ပဲ ဒီ အရေးယူ မှု ကို ဆိုင်းငံ့ ထားလိုက်ပါတယ်။

ဒီလို အရေးယူမှု တွေ ကို လျှော့ပေါ့ ပေးလိုက်တာကြောင့် အမေရိကန် ကုမ္ပဏီတွေ မြန်မာပြည် ကို လာပြီး ရင်းနှီးမြှုပ်နှံနိုင်တော့ မှာပါ။

ဒါ့အပြင် ဘဏ္ဍာရေးဆိုင်ရာ လုပ်ငန်း တွေ ငွေကြေးလွှဲပြောင်းမှု ကန့်သတ်ချက် တွေ ကိုလည်း အမေရိကန် သမ္မတ က ဆိုင်းငံ့ ပေးလိုက်ပါတယ်။

ဒါပေမယ့် ၂၀၀၃ ခုနှစ် ကချမှတ်ထားခဲ့တဲ့ မြန်မာ တင်ပို့ကုန် တွေ ပိတ်ပင်ထားတဲ့ အရေးယူမှု ကတော့ ဆက်လက်ရှိနေဆဲပါ။

ဒီအရေးယူမှု ဥပဒေ ကို အမေရိကန် ကွန်ကရက် လွှတ်တော် က ချမှတ်ထားတာမို့ လာမယ့် ဇူလိုင် လ အတွင်း လွှတ်တော်မှာ ဆွေးနွေးနိုင်ဖွယ် ရှိတယ် လို့ မြန်မာ့အရေး စောင့်ကြည့်သူ လည်းဖြစ် ဘာကလေ တက္ကသိုလ် မှာ နိုင်ငံရေး သိပ္ပံ ပါရဂူ တန်း တက်နေတဲ့ သူ လည်းဖြစ်တဲ့ ကိုမင်းဇင် က ဘီဘီစီ ကို ပြောပါတယ်။

လောလောဆယ် အနေအထား မှာတော့ မြန်မာစီးပွားရေး လုပ်ငန်းရှင်တွေ အနေနဲ့ ငွေကြေးလွှဲပြောင်းရတာ ပိုမို လွယ်ကူသွားနိုင်တဲ့ အခြေအနေ ရှိသွား ပေမယ့် မြန်မာနိုင်ငံ ထုတ် Made in Myanmar ကုန်ပစ္စည်း တွေ အမေရိကန် ကို တင်သွင်းခွင့် မရတဲ့ အချက် က အတားအဆီး ဖြစ်နေတဲ့ အကြောင်း မြန်မာနိုင်ငံ ကုန်သည် နဲ့ စက်မှုလက်မှု လုပ်ငန်းရှင်များ အသင်း က တွဲဘက် အထွေထွေ အတွင်းရေးမှူး ဉီးမြင့်စိုး က ပြောပါတယ်။

ဒါပေမဲ့ လာမယ့် ဇူလိုင်လ အမေရိကန် လွှတ်တော် မှာတော့ ဒီတင်သွင်းခွင့် ပိတ်ပင်ထားတာ လည်း ဆိုင်းငံ့ ပေးနိုင်တယ် လို့ လည်း တွက်ဆ နေကြပါတယ်။

အမေရိကန် နိုင်ငံ အနေနဲ့ မြန်မာနိုင်ငံ ကို လက်နက် တင်ပို့ခွင့် ပိတ်ပင်တာ ကို တော့ ဆက်လက် ကိုင်စွဲသွားဉီးမှာ ဖြစ်ပြီး လူ့အခွင့်အရေး ချိုးဖောက်မှု တွေ နဲ့ ပတ်သက်တဲ့ လူပုဂ္ဂိုလ် တွေ ကိုတော့ တဉီးချင်း ပစ်မှတ်ထား အရေးယူ သွားဉီးမယ် လို့လည်း သိရပါတယ်။

Dodgers Diamondbacks Baseball Sen. John McCain, R-Ariz., waves to the crowd as he and his wife, Cindy McCain, attend a baseball game between the Arizona Diamondbacks and the Los Angeles Dodgers on Sunday, Aug. 7, 2011, in Phoenix. (AP Photo/Ross D. Franklin) APဒဏ်ခတ်မှုဆိုင်းငံ့တာ ဆီနိတ်တာတွေ ကြိုဆို

By ဦးကျော်ဇံသာ

အမေရိကန်က ချမှတ်ထားတဲ့ ပိတ်ဆို့အရေးယူမှုတွေကို အိုဘားမားအစိုးရက ယာယီရုပ်သိမ်းခဲ့သလို ၂၂ နှစ်အတွင်းမှာ အမေရိကန် သံအမတ်တယောက်ကို ပထမဆုံးခန့်ထားဖို့အတွက်လည်း အဆိုပြုလိုက်တဲ့အပေါ်မှာ အမေရိကန်မှာ သြဇာကြီးတဲ့ လွှတ်တော်အမတ်တွေက ကြိုဆိုလိုက်ကြပါတယ်။ ဒါပေမယ့် တားဆီးပိတ်ပင်မှုတွေကို လုံးဝရုပ်သိမ်းဖို့တော့ မဟုတ်သေးဘူးဆိုတာကိုလည်း အလေးအနက် ထောက်ပြ လိုက်ကြပါတယ်။ အခုလို အမေရိကန်အမတ်ကြီးတွေရဲ့တုံ့ပြန်ချက်တွေကို ဦးကျော်ဇံသာက တင်ပြပေးထားပါတယ်။

အမေရိကန်ပြည်ထောင်စုရဲ့ အထက်လွှတ်တော်မှာ သြဇာတိက္ကမ ကြီးမားလှတဲ့ ရီပတ်ဘလီကင်ပါတီ အမတ်တွေရဲ့ခေါင်းဆောင် မစ္စတာ မစ်ခ်ျ မက်ကောနယ်လ်နဲ့ ဂျွန်မက်ကိန်းတို့က ဆိုရင် သူတို့ဟာ မြန်မာနိုင်ငံခြားရေးဝန်ကြီးနဲ့ရော အမေရိကန်ဝန်ကြီးနဲ့ပါ စကားပြောခဲ့တယ်၊ နှစ်နိုင်ငံဆက်ဆံရေးအတွက် ဘာလုပ်ရမလဲ ဆိုတာကို ဆွေးနွေးဖြစ်ခဲ့ကြတယ်လို့ ဆိုပါတယ်။ အခုလို တားဆီးပိတ်ပင်မှုတွေကို ရပ်ဆိုင်းဖို့ ဆုံးဖြတ်တာရော၊ သံအမတ်ကြီးအဖြစ် ခန့်အပ်ဖို့ ရွေးချယ်ဆုံးဖြတ်လိုက်တာကိုရော သူတို့ ကြိုဆိုကြပါတယ်။ ဒီကြေညာချက်ဟာ မြန်မာ နိုင်ငံရဲ့ ပြုပြင်ပြောင်းလဲနေခြင်းကို အားပေးမှုနဲ့ ဒါတွေကို ဆက်လက်ပြီးတော့ ပြုပြင်သွားဖို့ ဖိအားပေးခြင်း နှစ်ခုလုံးကို အညီအမျှ ညှိပြီး လုပ်ထားရာ ရောက်တယ်လို့ သူတို့ထောက်ပြကြပါတယ်။ ဒါပေမယ့် ဒါဟာ ဖိအားပေးမှုတွေကို လုံးဝရုပ်သိမ်းလိုက်တာ မဟုတ်ဘူး ဆိုတဲ့ အချက်ဟာ အရေးကြီးတယ်လို့လည်း အခိုင်အမာကို ပြောထားကြတာပါ။

အခုလို ရပ်ဆိုင်းလိုက်တာဟာ အခြေအနေအရ သူတို့အသုံးအနှုန်းနဲ့ ပြောရရင်conditional suspension ဖြစ်တယ်လို့ ဆိုပါတယ်။ အခြေအနေ မကောင်းရင် မကောင်းသလို ပြန်ပြင်နိုင် တယ်၊ ပြန်လှည့်နိုင်တယ်ဆိုတဲ့သဘောကို သူတို့ အလေးအနက်ပြောကြတာ ဖြစ်ပါတယ်။ မြန်မာနိုင်ငံနဲ့ ပတ်သက်ပြီး အမေရိကန် ကွန်ဂရက်စ် လွှတ်တော်က ပြဌာန်းထားတဲ့ဥပဒေတွေကလည်း ဆက်လက်ပြီးတော့ အသက်ဝင်နေမှာဖြစ်တယ်လို့လည်း ဆိုကြပါတယ်။

တချိန်တည်းမှာပဲ Targeted sanction လို့ခေါ်တဲ့ ပစ်မှတ်ထား ဒဏ်ခတ်မှုတွေကို ဆက်လက်ထားမယ်၊ ဆက်လက်လုပ်သွားမယ် ဆိုတာကိုလည်း ထောက်ခံတယ်လို့ သူတို့ ပြောကြပါတယ်။ အမေရိကန်ပြည်ထောင်စုက မြန်မာနိုင်ငံမှာသွားပြီးလုပ်မယ့် စီးပွားရေး ရင်းနှီးမြှုပ်နှံမှုတွေဟာလည်း အများပြည်သူအတွက်၊ လွတ်လပ်တဲ့စီးပွားရေးအတွက် အကျိုးဖြစ်ထွန်းစေမယ့် ရင်းနှီးမြှုပ်နှံမှုမျိုး ဖြစ် ရမယ်၊ ပွင့်လင်း မြင်သာတဲ့ စီးပွားရေးပေါ်ထွန်းဖို့ အားပေးရမယ်ဆိုတာကိုလည်း သူတို့ ထောက်ပြပါတယ်။ ဒါ့အပြင် မြန်မာ့နိုင်ငံခြားဆက်ဆံရေးနဲ့ ပတ်သက် လို့လည်းပဲ မြောက်ကိုရီးယားနဲ့ မြန်မာနိုင်ငံရဲ့ စစ်ရေး ဆက်ဆံမှုကို လုံးဝရပ်ဆိုင်းဖို့ကို ဆက်လက် ဖိအားပေးသွားမယ်လို့လည်း အထက်လွှတ်တော် အမတ်ကြီး နှစ်ဦးတို့က ပြောကြားထားကြပါတယ်။

နောက်အထက်လွှတ်တော်အမတ်တဦးဖြစ်တဲ့ ဂျင်ဝဘ်ကတော့ မြန်မာနိုင်ငံနဲ့ပတ်သက်ပြီး သံအမတ် ခန့်အပ်တာ၊ တားဆီးအရေးယူမှုတွေကို ရပ်ဆိုင်းဖို့ ကြေညာလိုက်တာတွေကို ကြိုဆိုတယ်လို့ သူက ပြောပါတယ်။ ဒီလို လုပ်ဆောင်လိုက်ခြင်းအားဖြင့် မြန်မာနိုင်ငံဟာ ပိုမိုပွင့်လင်းတဲ့ နိုင်ငံဖြစ်လာပြီး အထီးတဲ့ဘဝက လွတ်မြောက်လာမယ်၊ နိုင်ငံတကာအသိုင်းအဝိုင်းထဲမှာ ဝင်ဆန့်လာလိမ့်မယ် လို့ မျှော်လင့်တယ်ဆိုတဲ့ အကြောင်း ဖော်ပြထားပါတယ်။

မြန်မာအပေါ် စီးပွားရေးပိတ်ဆို့မှု အမေရိကန် ယာယီရုပ်သိမ်း

By ကိုအောင်လွင်ဦး

ဓာတ်ပုံ (AP Photo/Susan Walsh)

ဆယ်စုနှစ်တွေနဲ့ချီပြီး ဒဏ်ခတ်မှုတွေ ချမှတ်ထားတာကို ရပ်ဆိုင်းကြောင်း အမေရိကန် ပြည်ထောင်စုက ကြေညာလိုက်ပါတယ်။ မြန်မာနိုင်ငံက နိုင်ငံရေး အပြောင်းအလဲတွေအပေါ် တုံ့ပြန်ပြီး ဆက်ဆံရေးတွေ တိုးမြှင့်သွားမယ်လို့ ကြေညာထားတဲ့ အမေရိကန် ပြည်ထောင်စုက သံအမတ်ကြီးတွေကိုလည်း အပြန်အလှန် ရွေးချယ် ခန့်အပ်လိုက်တဲ့အကြောင်းကိုလည်း အမေရိကန် နိုင်ငံခြားရေးဝန်ကြီး ဟီလာရီ ကလင်တန်နဲ့ မြန်မာနိုင်ငံခြားရေး ၀န်ကြီးတို့ရဲ့ ပူးတွဲသတင်းစာ ရှင်းလင်းပွဲမှာ ပြောဆိုသွားတာပါ။ ၀ါရှင်တန်ဒီစီမှာရှိတဲ့ အမေရိကန် နိုင်ငံခြားရေး ၀န်ကြီးဌာနမှာ ကိုယ်တိုင် သတင်းသွားရောက် သတင်းယူခဲ့တဲ့ ကိုအောင်လွင်ဦးက အပြည့်အစုံ တင်ပြပေးထားပါတယ်။

မြန်မာနိုင်ငံအပေါ် လက်နက်တင်ပို့ ရောင်းချမှုတွေကလွဲလို့ အရေးယူ ဒဏ်ခတ်မှုတွေကို ဆိုင်းငံ့ပေးသွား မှာ ဖြစ်တယ်လို့ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်နဲ့ ပူးတွဲကျင်းပတဲ့ သတင်းစာရှင်းလင်းပွဲအတွင်း အမေရိကန် နိုင်ငံခြားရေးဝန်ကြီး ဟီလာရီကလင်တန်က ကြေညာလိုက် တာ ဖြစ်ပါတယ်။ မြန်မာနိုင်ငံအပေါ် ရင်းနှီးမြှုပ်နှံမှုအသစ်တွေနဲ့ ဘဏ္ဍာရေးဝန်ဆောင်မှုတွေကို တားမြစ်တားတဲ့ ဒဏ်ခတ် ပိတ်ဆို့ထားတဲ့ ဥပဒေ တရပ် ဒီသီတင်းပတ်ကုန်မှာ ကုန်ဆုံးတော့မယ့် အချိန်မှာပဲ အမေရိကန်ကို ရောက်ရှိလာတဲ့ မြန်မာနိုင်ငံခြားရေး ၀န်ကြီးနဲ့ တွေ့ဆုံ အပြီး ပြောဆိုလိုက်တာပါ။ ပြစ်ဒဏ် ခတ်ထားတာတွေ ဖယ်ရှားပေးမှာ ဖြစ်တဲ့အတွက် အမေရိကန် စီးပွားရေးနဲ့ ဘဏ္ဍာရေး လုပ်ငန်းတွေ မြန်မာနိုင်ငံမှာ ရင်းနှီးမြုပ်နှံ လုပ်ကိုင်ကြဖို့လည်း ၀န်ကြီး ကလင်တန်က တိုက်တွန်းသွားပါတယ်။

“အမေရိကန် စီးပွားရေးလုပ်ငန်းတွေနဲ့ ဘဏ္ဍာရေး ၀န်ဆောင်မှု လုပ်ငန်းတွေ မြန်မာနိုင်ငံမှာ လုပ်ကိုင်နိုင်ခွင့် ရမယ့် အစီအစဉ်သစ်တွေကို လည်း ဒီကနေ့ ကျမအနေနဲ့ ကြေညာလိုပါတယ်။ ဒါဟာဆိုရင် ဒီကနေ့အချိန် အထိ ကျမတို့ ကျင့်သုံးနေတဲ့ မူဝါဒဟောင်းကနေ သိသိသာသာ ပြောင်းလဲလိုက်တာ ဖြစ်ပါတယ်။ နိုင်ငံတကာ ခရက်ဒစ် အကြွေးပေးတဲ့စနစ်နဲ့ ဒေါ်လာငွေကို အခြေခံတဲ့ ငွေကြေးလွှဲပြောင်းမှုတွေကို မြန်မာနိုင်ငံသားတွေ အသုံးပြုနိုင်ဖို့အတွက် စီးပွားရေးမှာ ရင်းနှီးမြှုပ်နှံလုပ်ကိုင်နိုင်မယ့် လုပ်ငန်းလိုင်စင်တွေကို အမေရိကန် ပြည်ထောင်စုက ထုတ်ပေးသွားမှာ ဖြစ်ပါတယ်။ ဒါကြောင့်လည်း ဒီကနေ့အချိန်မှာ အမေရိကန် စီးပွားရေး လုပ်ငန်းတွေ မြန်မာနိုင်ငံမှာ ရင်းနှီးမြှုပ်နှံကြပါလို့ ကျမတို့ ပြောချင်ပါတယ်။”

ဒါပေမဲ့လည်း အမေရိကန် စီးပွားရေး လုပ်ငန်းတွေ အနေနဲ့ တာဝန်သိသိနဲ့ လုပ်ငန်းတွေ လုပ်ကိုင်ကြဖို့ လည်း မျှော်လင့်ထားတဲ့အကြောင်း ၀န်ကြီးကလင်တန် ကပြောဆိုခဲ့တာပါ။ ဒါပေမဲ့ တချိန်တည်းမှာပဲ မြန်မာနိုင်ငံ မြောက်ပိုင်းမှာ ကချင်လက်နက်ကိုင် အဖွဲ့တွေနဲ့ တိုက်ပွဲတွေ ဖြစ်ပွားနေတာတွေ အဆုံးသတ်ဖို့ အပါအ၀င် မြန်မာနိုင်ငံမှာ ပြုပြင်ပြောင်းလဲမှုတွေ ဆက်လက် လုပ်ဆောင်တာကို မြင်လိုတယ်လို့ လည်း ပြောခဲ့တာ ဖြစ်ပါတယ်။

“ကျမတို့ အနေနဲ့ ဆက်လက်ဖမ်းဆီးထားတဲ့ နိုင်ငံရေး အကျဉ်းသားတွေကို ပြန်လွှတ်ပေးဖို့နဲ့ အမျိုးသား ပြန်လည်သင့်မြတ်ရေးကို မြှင့်တင်တဲ့ ဥပဒေတွေ၊ လုပ်ဆောင်ချက်တွေကိုလည်း မြင်ချင်ပါတယ်။ တိုင်းပြည်တွင်းက တိုင်းရင်းသား လက်နက်ကိုင် ပဋိပက္ခတွေ အဆုံးသတ်ဖို့အတွက် အမေရိကန် ပြည်ထောင်စုက အလေးအနက်ထား ပိုင်းဖြတ်ချက်ချထားတာပါ။  အသွေးအရောင်စုံတယ် ဆိုတာဟာ တိုင်းပြည် တခုရဲ့ ခွန်အားအဖြစ် ကျမတို့ ယုံကြည်ထားပါတယ်။”

လူ့အခွင့်အရေး လှုပ်ရှားသူတွေကတော့ မြန်မာနိုင်ငံတ၀ှမ်းက အကျဉ်းထောင်တွေထဲမှာ ယုံကြည်ချက်ကြောင့် ဖမ်းဆီးခံထားရသူ ၅၀၀ လောက်ရှိနေဆဲ ဖြစ်တယ်လို့ ပြောဆိုနေကြတာပါ။ ဒီအတွက်လည်း အမေရိကန် ပြည်ထောင်စုနဲ့ ဥရောပသမဂ္ဂ (EU) တို့လို နိုင်ငံတွေက ဆက်လက် ဖမ်းဆီးထားသူတွေ ကို ပြန်လွှတ်ပေးဖို့ တောင်းဆိုနေကြတာ ဖြစ်ပါတယ်။ မြန်မာနိုင်ငံခြားရေး ၀န်ကြီး ဦးဝဏ္ဍမောင်လွင် ကတော့ မြန်မာနိုင်ငံမှာ ပြီးခဲ့တဲ့နှစ်ဆန်းပိုင်းကစလို့ သမ္မတဦးသိန်းစိန် ဦးဆောင်ပြီး အစိုးရသစ်အဖြစ် တက်လာပြီးနောက် နိုင်ငံရေး အကျဉ်းသားပေါင်း ၂သောင်း ၈ ထောင်ကျော်ကို ပြန်လွှတ်ပေးလိုက်ပြီးဖြစ် သလို ကျန်နေသူ တချို့ဟာဆိုရင်လည်း ရာဇ၀တ်မှုကျူးလွန်သူတွေဖြစ်တာကို တွေ့ရတယ်လို့ ကာကွယ်ပြောဆိုသွားတာပါ။

“ဇန်န၀ါရီလမှာ နောက်ဆုံး လွတ်ငြိမ်းချမ်းသာခွင့် ပေးခဲ့တဲ့ အချိန်အထိဆိုရင် ဒီစာရင်းတွေထဲက အများစုကို လွှတ်ပေးလိုက်ပြီး ဖြစ်ပါတယ်။ စာရင်းထဲမှာ ပါနေသူတွေထဲက တချို့ကျန်နေတာတာ့ ရှိပါတယ်။ ဒါပေမဲ့လည်း စာရင်းတွေကို အသေအချာ စစ်ဆေးပြီးတဲ့ အခါမှာတော့ ဒီလူတွေထဲမှာ တချို့ဟာ လူသတ်မှု၊ မုဒိန်းမှု၊ အကြမ်းဖက်မှုတွေနဲ့ ဆက်နွယ်မှုတွေလို ရာဇ၀တ်မှုနဲ့ အရေးယူထားတာတွေ တွေ့ရပါတယ်။”

မြန်မာနိုင်ငံမှာ ဧပြီလဆန်း လွှတ်တော် ရွေးကောက်ပွဲတွေ ကျင်းပပြီးနောက်ပိုင်းမှာပဲ အမေရိကန် ပြည်ထောင်စုကတော့ စီးပွားရေးအရ ပိတ်ဆို့ဒဏ်ခတ်ထားတာတွေ လျှော့ပေါ့ပြီး သံတမန် အဆက်အသွယ်တွေ တိုးမြှင့်သွားဖို့ ကြေညာထားတာပါ။ သံတမန် ဆက်ဆံရေးတွေ တိုးမြှင့်တဲ့ အနေနဲ့လည်း မြန်မာနိုင်ငံဆိုင်ရာ အမေရိကန် သံအမတ်ကြီးအဖြစ် မူဝါဒရေးရာ ညှိနှိုင်းရေးမှူး တာဝန် ယူထားသူ Derek Mitchell မြန်မာနိုင်ငံဘက်ကတော့ ကုလသမဂ္ဂရဲ့ မြန်မာနိုင်ငံဆိုင်ရာ သံအမတ်ကြီး တာဝန်ယူထားသူ ဦးသန်းဆွေ တို့ကို အပြန်အလှန် ခန့်အပ်ဖို့လည်း သတင်းစာရှင်းလင်းပွဲအတွင်း ကြေညာ သွားပါတယ်။ အမေရိကန်နဲ့ မြန်မာနိုင်ငံ ၂ နိုင်ငံကြား ဆက်ဆံရေးတွေ အခုလို ကြီးထွားလာနေတာ မို့ မြန်မာနိုင်ငံ အထီးကျန်အဖြစ် ရှိနေစဉ်မှာ အဓိကကျောထောက် နောက်ခံပေးထားတဲ့ တရုတ်နိုင်ငံနဲ့ ရင်းနှီးမှုတွေမှာ အကျိုးဆက်တွေ ရှိလာနိုင်တယ်လို့လည်း ဆန်းစစ်သူတွေက တွက်ဆနေကြတာပါ။ ၀န်ကြီး ကလင်တန် ကတော့ အမေရိကန်-မြန်မာ ဆက်ဆံရေးဟာ အပြန်အလှန် အကျိုးစီးပွားပေါ်မှာသာ အခြေခံပါ တယ်လို့ ပြောသွားပါတယ်။

“ဒါဟာ တခြားနိုင်ငံတွေနဲ့ မဆိုင်ပါဘူး။ ဒါဟာ ကျမတို့ချင်း ကြားမှာသာ ဖြစ်ပါတယ်။ ကျမတို့ အကဲခတ် စောင့်ကြည့်နေတဲ့ အပြောင်းအလဲတွေ၊ ဒီလိုဖြစ်ထွန်းမှုတွေကို ဆက်လက် ဖြစ်ပေါ်စေချင်တဲ့ ကျမတို့ရဲ့ ဆန္ဒတွေအပေါ်မှာ အမြစ်တွယ် ပေါက်ဖွားလာတာပါ။ တွေ့နေကြရတဲ့ အတိုင်းပါပဲ အိမ်နီချင်း နဲ့ ဒေသတွင်းကရော နိုင်ငံတကာကပါ ဆက်ဆံရေးတွေ တည်ဆောက်ပြီး ခိုင်မာအောင် ကြိုးပမ်း နေကြတဲ့ တိုင်းပြည်တွေ အများကြီး ရှိလာလိမ့်မယ်လို့လည်း ကျမတို့ အပြည့်အ၀ မျှော်လင့်ထားပါတယ်။ လွတ်လပ်ခွင့်နဲ့ လူတွေကို အခွင့်အလမ်းတွေ ပိုပေးတာဟာ ကောင်းတယ်လို့လည်း ကျမထင်ပါတယ်။ ဒီနေရာမှာ ကျမတို့ လည်း မိတ်ဆွေအဖြစ် ပါဝင်လာတဲ့အတွက် ကျေနပ်ပါတယ်။”

မြန်မာနိုင်ငံက နိုင်ငံရေးအပြောင်းအလဲတွေမှာ ဒီမိုကရေစီအင်အားစုတွေ ပါဝင်ခွင့်ရှိလာတာ၊ နိုင်ငံရေး၊ စီးပွားရေး လွတ်လပ်ခွင့်တွေ တွေ့မြင်လာရတဲ့အပေါ်မှာတော့ သမ္မတဦးသိန်းစိန်၊ မြန်မာ့ဒီမို ကရေစီ ခေါင်းဆောင် ဒေါ်အောင်ဆန်းစုကြည်နဲ့ သက်ဆိုင်သူတွေရဲ့ ကြိုးပမ်း အားထုတ်မှုတွေ အပေါ်မှာလည်း ၀န်ကြီးကလင်တန်က ချီးကျူးစကားလည်း ပြောဆိုသွားတာပါ။

စီးပွားရေးပိတ်ဆို့မှု ရုပ်သိမ်းခြင်းကို မြန်မာ့အရေးလှုပ်ရှားသူများ စိုးရိမ်

By ကိုသားညွန့်ဦး

အမေရိကန်ပြည်ထောင်စုကနေ မြန်မာနိုင်ငံမှာ ရင်းနှီးမြှုပ်နှံမှုမလုပ်ဖို့ ပိတ်ပင်တားမြစ်ချက် ပြန်လည် ရုပ်သိမ်းလိုက်တဲ့အပေါ်မှာ အမေရိကန်အခြေစိုက် မြန်မာ့အရေး လှုပ်ရှားသူတွေကတော့ စိုးရိမ်မှုတွေ ရှိနေကြပါတယ်။ အထူးသဖြင့်တော့ မြန်မာနိုင်ငံအတွင်း ပြုပြင်ပြောင်းလဲမှုတွေ အခိုင်အမာမရှိသေးဘူး၊ လူ့အခွင့်အရေးအရ စိုးရိမ်စရာတွေ ရှိနေဆဲပဲလို့ သူတို့က မြင်ပါတယ်။ မြန်မာ့အရေးတတ်ကြွတဲ့ အထက် လွှတ်တော်အမတ်တွေကတော့ ဒီ ကြေညာချက်ကို ကြိုဆိုပြီး ဒါဟာ ယာယီရုပ်သိမ်းထားတဲ့ သဘောဖြစ်တယ်လို့ ဆိုနေပါတယ်။ ဒီအမြင်တွေကိုတော့ ကိုသားညွန့်ဦးက စုစည်းတင်ပြထားပါတယ်။

မြန်မာနိုင်ငံအပေါ်မှာ ငွေကြေးဝန်ဆောင်မှုလုပ်ငန်းတွေနဲ့ ရင်းနှီးမြှုပ်နှံမှုသစ်တွေ မလုပ်ဖို့ ပိတ်ပင်တားမြစ် ချက်ကို အမေရိကန် ပြည်ထောင်စုအနေနဲ့ လျှော့ပေါ့ပေးလိုက်တယ်လို့ အမေရိကန်သမ္မတ ဘရက်ခ် အိုဘားမားကလည်း ကြေညာချက်ထုတ်ခဲ့ပြီး ဒါဟာ အမေရိကန်- မြန်မာ ဆက်ဆံရေးရဲ့ အခမ်းကဏ္ဍသစ် ကို စတင်လိုက်တာဖြစ်တယ်လို့ သမ္မတအိုဘားမားက ပြောလိုက်ပါတယ်။ မြန်မာနိုင်ငံဘက်က အပြု သဘောဆောင် တိုးတက်မှုတွေကို ပြန်လည်တုံ့ပြန်မယ်လို့ ကတိပြုထားတဲ့ အတိုင်း ဆောင်ရွက် ချက်ဖြစ်တယ်လို့ဆိုပါတယ်။

မြန်မာစစ်တပ်နဲ့ ဆက်နွယ်နေတဲ့ကိစ္စတွေမှာ ကုန်သွယ်စီးပွား လုပ်ဆောင်မယ့်ကိစ္စကိုတော့ ခြွင်းချက် အနေနဲ့ ဆက်ပြီး တားမြစ်ထားတယ်လို့ သိရပါတယ်။ ဒါပေမယ့် အခုလို အမေရိကန်ပြည်ထောင်စု က မြန်မာအပေါ် အရေးယူမှုတွေ လျှော့ပေါ့ပေးလိုက်တဲ့အပေါ်မှာ အမေရိကန် အခြေစိုက် မြန်မာ့အရေး လှုပ်ရှားသူတွေကတော့ ဒါဟာ အပြုသဘောထက် အဆိုးဘက်ကို ရောက်သွားမှာ စိုးရိမ်မှုတွေ ရှိနေပါတယ်။ USCB အမေရိကန်ပြည်ထောင်စု အခြေစိုက် မြန်မာ့အရေး လှုပ်ရှားမှုအဖွဲ့ အမှုဆောင် ညွန်ကြားရေးမှူး ဦးအောင်ဒင်ကတော့ အခုလို အရေးယူမှုတွေ လျှော့ပေါ့ပေးတဲ့ ကိစ္စကို လက်မခံပါဘူး။

"ကျနော်ကတော့ ဒီကိစ္စအပေါ်မှာ အပြင်းအထန် ကန့်ကွက်ပါတယ်။ နိုင်ငံခြားရေးဝန်ကြီး ကလင်တန် ဧပြီလ ၄ ရက်နေ့က ရုပ်သိမ်းလိုက်ကတည်းက ကျနော်တို့က ကန့်ကွက်နေတာပါ။ လက်ရှိအခြေအနေ မှာ မြန်မာနိုင်ငံမှာ ဖြစ်ပေါ်နေတဲ့ အပြောင်းအလဲတွေက နောက်ကြောင်းပြန်မလှည့်ဘူးလို့ စိတ်ချရတဲ့ အနေအထားမှာ မရှိသလို ရှေ့ကိုဆက်ပြီး တိုးတက်လေမလားဆိုတာကိုလည်း မျှော်လင့်ချက် အပြည့်အဝ မရှိသေးတဲ့အချိန် - နောက်ပြီးတော့ နိုင်ငံရေးအကျဉ်းသားတွေ ရာနဲ့ချီပြီးတော့ အကျဉ်းကျနေသေး တယ်။ နောက်ပြီးတော့ ကချင်ပြည်နယ်ဘက်မှာ ဖြစ်နေတဲ့စစ်ပွဲတွေကလည်း မပြီးဆုံးသေးတဲ့အပြင် ပိုပြီးတော့တောင် ကြီးမားနေသေးတယ်။ နောက်တခါ လူထုခံစားနေရတဲ့ စီးပွားရေးဒုက္ခတွေ၊ လူမှုရေးဒုက္ခတွေ ပိုပြီး မြင့်မားနေတဲ့အချိန်မှာ အခုလိုမျိုး အမေရိကန်အစိုးရက စီးပွားရေးပိတ်ဆို့မှုကို အတိုင်းအတာတခုအထိ ဖွင့်ပေးလိုက်တဲ့ဟာဖြင့် ဗမာအစိုးရနဲ့ သူတို့ရဲ့အပေါင်းအပါ စီးပွားရေးသမားတွေသာ အကျိုးစီးပွားဖြစ်မယ့်ကိစ္စလို့ ကျနော်တို့က မြင်ပါတယ်။ အထူးသဖြင့် ဗမာအစိုးရနဲ့ လက်ရှိ တိုင်းရင်းသားလက်နက်ကိုင် အင်အားစုတွေကြားမှာ ဆောင်ရွက်နေကြတဲ့ ငြိမ်းချမ်းရေး ဆွေးနွေးပွဲတွေကိုလည်း တစုံတရာ အနှောင့်အယှက်ဖြစ်မယ်လို့ ကျနော်တို့က မြင်ပါတယ်။"

မေး။  ။ "ဟုတ်ကဲ့။ ဒါပေမယ့် အမေရိကန် အာဏာပိုင်တွေပြောတာက မြန်မာနိုင်ငံထဲမှာ တခုခု နောက်ကြောင်းပြန်လှည့်သွားတာပဲဖြစ်ဖြစ်- တခုခုဖြစ်လို့ရှိရင် အချိန်မရွေး ပြန်ပြီး အရေးယူနိုင်တဲ့ အနေအထားရှိတယ်လို့တော့ ပြောပါတယ်ခင်ဗျ။"