16.05.2012 နေ့ဖတ်ရန်သတင်းများ

by Myanmar Journal on Wednesday, May 16, 2012 at 6:31am ·

ဂရိနိုင်ငံမှာ ရွေးကောက်ပွဲထပ်လုပ်ရမယ့် ကိန်းဆိုက်နေ

ခြိုးခြံချွေတာရေးနဲ့ပတ်သက်ပြီး ပါတီတွေ အကြား သဘောထား အကြီးအကျယ်ကွဲ

ဂရိနိုင်ငံမှာ ညွန့်ပေါင်းအစိုးရ ဖွဲ့စည်းရေး ကြိုးပမ်းချက်တွေ မအောင်မမြင် ဖြစ်ခဲ့တဲ့ အတွက် တိုင်းပြည်ဟာ နောက်ထပ် ရွေးကောက်ပွဲ အသစ် ထပ်လုပ်ရမယ့် ကိန်းဆိုက်နေပြီ ဖြစ်ပါတယ်။

ပြီးခဲတဲ့ အပတ်ကမှာ ရွေးကောက်ပွဲ ကျင်းပခဲ့ ပေမယ့်လို့ မရေရာမှုတွေ ဖြစ်နေခဲ့တာကြောင့် ညွန့်ပေါင်းအစိုးရဖွဲ့စည်းရေး ကြိုးပမ်းမှုတွေ ဆက်တိုက်ပြုလုပ်ခဲ့တာ ဖြစ်ပါတယ်။

ပါတီတွေအကြား အဓိက ကွဲလွဲချက်ကတော့ တိုင်းပြည်မှာ ရင်ဆိုင်နေရတဲ့ ကြွေးမြီ အကျပ်အတည်းအတွက် ယူရိုဇုန်ကနေ ကူညီငွေရယူပြီးတင်းကျပ်တဲ့ ခြိုးခြံ ချွေတာရေး အစီအစဉ် ချမှတ် ကျင့်သုံးရေး ဆိုတဲ့အချက် ဖြစ်ပါတယ်။

ရွေးကောက်ပွဲ အသစ်ထပ်ကျင်းပဖို့အတွက် ဗုဒ္ဓဟူးနေ့မှာ တရားဝင် ကြေညာမယ်လို့ မျှော်လင့်ရပါတယ်။ ကြိုတင်စစ်တမ်းတွေအရ ခြိုးခြံရေးကို ဆန့်ကျင်တဲ့ ပါတီတွေဟာ ထပ်မံအနိုင်ရမယ့် ပုံမျိုးရှိနေပါတယ်။

တကယ်လို့ ခြိုးခြံချွေတာရေးကို ပယ်ချခဲ့မယ် ဆိုရင်တော့ ယူရိုဇုန်ကနေ ဂရိနိုင်ငံ ထွက်ခွာရ မယ့် အခြေအနေ ရှိတယ်ဆိုတဲ့ သတိပေးမှုတွေလည်း ထွက်ပေါ်နေပါတယ်။

ပြင်သစ် သမ္မတသစ် ကျမ်းသစ္စာ ကျိန်ဆို

စိန်ခေါ်မှုတွေနဲ့ ရင်ဆိုင်ရဖို့ ရှိတယ်လို့ သမ္မတ Hollande ပြော

ပြင်သစ် နိုင်ငံမှာ သမ္မတသစ် အဖြစ် Francois Hollande အင်္ဂါနေ့မနက်က ကျမ်းသစ္စာ ကျိန်ဆိုခဲ့ပါပြီ။

ဥရောပ အနာဂတ် အတွက် နည်းလမ်းသစ်တွေနဲ့ ရှေ့ဆက်သွားဖို့ မစ္စတာ Hollande က ပန်ကြားလိုက် ပါတယ်။

သူဟာ EU အဖွဲ့ဝင်နိုင်ငံတွေမှာ ခြိုးခြံချွေတာရေး မူဝါဒတွေ ချမှတ်နေတာကို ဆန့်ကျင် ဆောင်ရွက် သွားမယ် ဆိုတဲ့ မဲဆွယ် စည်းရုံးမှုတွေနဲ့ သမ္မတ အဖြစ် ရွေးကောက် ခံခဲ့ရတာ ဖြစ်ပါတယ်။

မစ္စတာ Hollande က ကြီးမားတဲ့ ကြွေးမြီ ပြဿနာ၊ စံချိန်တင်ရလောက်အောင် အလုပ် လက်မဲ့ ဦးရေ ကြီးထွားလာနေတာ၊ စီးပွားရေးတိုးတက်မှုနှုန်း လျော့ကျနေတာ၊ တခါ အခက်အခဲတွေ ကြားကနေ EU နိုင်ငံတွေ မနည်း ရုန်းထွက်နေရတာ အပါအဝင် စိန်ခေါ်မှု ပြဿနာတွေ အများကြီးကို သူရင်ဆိုင်ရဖို့ရှိတယ် ဆိုတာကို ကောင်းကောင်းကြီး သိထားပါ တယ်လို့ ပြောသွားပါတယ်။

သူပထမဆုံး လုပ်ရမှာကတော့ ဝန်ကြီးချုပ်သစ် ရွေးချယ်ဖို့ ဖြစ်ပါတယ်။

အလားအလာ အရှိဆုံးသူကတော့ ဂျာမန်စကားလည်း တတ်၊ သူနဲ့ရင်းနှီး နီးစပ်သူလည်း ဖြစ်၊ ပါလီမန်မှာ ဆိုရှယ်လစ် အုပ်စုခေါင်းဆောင်လည်း ဖြစ်တဲ့ Jean Marc Ayrault ဖြစ်နိုင်တယ်လို့ ပဲရစ်မြို့မှာ ရှိတဲ့ ဘီဘီစီ သတင်းထောက်က ပြောပါတယ်။

တခါစီးပွားရေးဝန်ကြီးနေရာကိုတော့ မစ္စတာ Hollande ရဲ့ အဓိက စီးပွားရေး အကြံပေး ပုဂ္ဂိုလ်တဦး ဖြစ်သူ Michel Spain ရမယ်လို့ တွက်ထားကြပါတယ်။

အင်္ဂါနေ့ညမှာတော့ သမ္မတ Hollande ဟာ ဂျာမနီ ဝန်ကြီးချုပ် Angela Merkelနဲ့ မျက်နှာချင်းဆိုင် ဆွေးနွေးဖို့ ရှိပါတယ်။

တင်းကျပ်တဲ့ အရေးယူ ဆောင်ရွက်မှုတွေကို ဆန့်ကျင်တဲ့ သမ္မတသစ် Hollande အနေနဲ့ ဥရောပ ဇုံ ပြဿနာအကြောင်း ဆွေးနွေးဖို့ ဂျာမန် ဝန်ကြီးချုပ် Angela Markel နဲ့ တွေ့ဆုံတဲ့အခါ ညှိနှိုင်း အဖြေရှာနိုင်ဖို့ ကြိုးစားသွားမယ်လို့လည်း ဆိုပါတယ်။

မစ္စတာ Hollande က စီးပွားရေး တိုးတက်လာရေးအတွက် တောင့်တင်း ခိုင်မာတဲ့ အဆိုပြု ချက်တွေ တင်ပြသွားမှာ ဖြစ်ပြီး ဂျာမနီနဲ့ တန်းတူ ညီမျှတဲ့ ဆက်ဆံရေး ပြန်ထားနိုင်အောင် လုပ်မယ်လို့ ကတိပြုသွားပါတယ်။

ဂျာမနီ ဝန်ကြီးချုပ် Angela Markelအနေနဲ့ သမ္မတ Nicolas Sarkozy သမ္မတ ရာထူး ဆက်ရဖို့ လိုလားတယ်ဆိုတာ ပွင့်ပွင့်လင်းလင်း ပြောခဲ့ဖူးတာပါ။

ဒါပေမယ့် မစ္စတာ Sarkozy နဲ့တုန်းကလည်း ဂျာမန် ပြင်သစ် ဆက်ဆံရေး အစကောင်းခဲ့ တာ မဟုတ်ပဲ အချိန်အတော်ယူခဲ့ရတာ ပါ။

ဒါပေမယ့် အခုလို ဥရောပဇုံ ပြဿနာ ဖြစ်နေတဲ့ အခုလိုချိန်မျိုးမှာ တော့ ဒီလို အချိန်ယူလို့ ရမှာ မဟုတ်ပဲ အဆင်ပြေပြေ ဆက်ဆံကြရဖို့ပဲ ရှိပါတယ်။

ဒါ့ကြောင့် အင်္ဂါနေ့ည မစ္စတာ Hollande နဲ့ မစ္စစ် Markel တို့ တွေ့ဆုံတဲ့အခါ နှစ်ဘက် ဆက်ဆံရေး ဘယ်လို တိုးတက်ကောင်းမွန်အောင်လုပ်မလဲ၊ နှစ်ဘက် အကြား အပေးအယူ လုပ်ဖို့ ရှိသလား၊ ရှိခဲ့ရင် ဘယ်ဘက်က ပေးပြီး ဘယ်ဘက်က ယူမလဲ ဆိုတာတွေကို စောင့်ကြည့်ရဖို့ ရှိပါတယ်။

အိခ်ျအိုင်ဗွီပိုး ကူးစက်နေသူတွေကို ကူညီရေး သဘောတူ

မြန်မာနိုင်ငံ လုပ်ငန်းရှင်တွေရဲ့ ပထမဆုံး လူမှုရေး သဘောတူညီချက် တခုဖြစ်

အိခ်ျအိုင်ဗွီပိုး ကူးစက်နေသူတွေကို ကူညီ စောင့်ရှောက်ရေး အတွက် လုပ်ငန်ရှင် ၇ဝ ကျော်က သဘောတူ လက်မှတ်ရေးထိုးပွဲကို ရန်ကုန်မြို့က UMFCCI ကုန်သည်ကြီးများနဲ့ စက်မှုလက်မှု လုပ်ငန်းရှင်ကြီးများ အသင်းချုပ် မှာ ဘောတူ လက်မှတ်ရေးထိုးခဲ့ ကြပါတယ်။

တနင်္လာနေ့က ပြုလုပ်ခဲ့တဲ့ ဒီလက်မှတ်ရေးထိုး ပွဲဟာ မြန်မာနိုင်ငံ လုပ်ငန်းရှင်တွေရဲ့ ပထမဆုံး လူမှုရေး သဘောတူညီချက် တခုလည်း ဖြစ်ပါ တယ်။

ထုတ်လုပ်မှုလုပ်ငန်း၊ ဆောက်လုပ်ရေးလုပ်ငန်း၊ ကူးသန်းရောင်းဝယ်မှု လုပ်ငန်း၊ အပ်ချုပ် လုပ်ငန်း၊ အီလက်ထရောနစ် လုပ်ငန်း၊ ဟော်တယ်လုပ်ငန်းနဲ့ လေကြောင်းလိုင်းတွေ အပါအဝင် လုပ်ငန်းပေါင်းများစွာက လုပ်ငန်းရှင်ကြီးတွေ လာရောက်ပြီး ဒီသဘောတူ ညီချက်မှာ လက်မှတ်ရေးထိုးကြကြောင်းကို UMFCCI လုပ်ငန်းခွင် လူမှုရေး တာဝန်သိမှု ဆောင်ရွက်ရေး ကော်မတီ ဥက္ကဌ ဒေါ်ခိုင်ခိုင်နွယ်က ပြောပါတယ်။

လုပ်ငန်းခွင်မှာ အိခ်ျအိုင်ဗွီပိုး ကူးစက်ခံနေရသူတွေကို ခွဲခြားဆက်ဆံခြင်းမလုပ်ဘဲ၊ ကူညီစောင့်ရှောင့်မှုတွေ ပေးရမယ်ဆိုတဲ့ အချက်လည်း ဒီသဘောတူညီချက်ထဲမှာ ပါဝင်ပါတယ်။

တချို့လုပ်ငန်းတွေမှာ ဆိုရင် အိခ်ျအိုင်ဗွီပိုး ကူးစက်ခံနေရသူတွေ ရှိပေမယ်လို့ သူတို့ကို ခွဲခြားဆက်ဆံခြင်း မလုပ်ကြောင်း ဒေါ်ခိုင်ခိုင်နွယ်က ပြောပါတယ်။ သူတို့ကို အလုပ် ထုတ်ပစ်လိုက်တာမျိုးလည်း မလုပ်ဘူးလို့ သူက ဆက်ရှင်းပြပါတယ်။

အဲဒီလို အလုပ်သမားတွေကို ဆေးကုသခွင့်လည်းပေးမှာ ဖြစ်တဲ့အတွက် ကုလသမဂ္ဂ ကျန်းမာရေးအဖွဲ့အစည်းတွေနဲ့ ပူပေါင်းဆောင်ရွက်မှာ ဖြစ်ပြီး၊ ရန်ပုံငွေတရပ် ထူထောင် ဖို့လည်း အစီအစဉ်ရှိတယ်လို့ သိရပါတယ်။

မစ္စတာလီမြောင်ဘက်နဲ့ ဒေါ်အောင်ဆန်းစုကြည် တွေ့ဆုံဆွေးနွေး

မြန်မာနိုင်ငံမှာ ရင်းနှီးမြှုပ်နှံရင် ဒီမိုကရေစီနဲ့ လူ့အခွင့် အရေးကို မထိခိုက်စေဖို့ ဒေါ်စုပြော

နှစ်ပေါင်း ၃၀ အတွင်း တောင်ကိုရီးယား သမ္မတအနေနဲ့ မြန်မာနိုင်ငံကို ရောက်ရှိလာတဲ့ သမ္မတ လီမြောင်ဘက်ဟာ ဒေါ်အောင်ဆန်း စုကြည်နဲ့ ရန်ကုန်မြို့က ဆီဒိုးနား ဟိုတယ်မှာ မေ ၁၅ ရက် က တွေ့ဆုံခဲ့ပြီး ပညာရေးနဲ့ ဒီမိုကရေစီရေး အကြောင်းတွေ ဆွေးနွေးခဲ့ ပါတယ်။

မနေ့က နေပြည်တော်မှာ သမ္မတ ဉီးသိန်းစိန်နဲ့ တွေ့ဆုံခဲ့တဲ့ လီမြောင်ဘက်ဟာ သူ့ခရီးစဉ် တရားဝင် ပြီးဆုံးခဲ့ပြီလို့ ပြောဆိုပြီးနောက်မှာ ဒေါ်အောင်ဆန်းစုကြည်နဲ့ တွေ့ချင်လို့ဆိုပြီး ရန်ကုန်ကို လာလို့ ၄၅ မိနစ်ကြာ တွေ့ဆုံ ခဲ့တာဖြစ်ပါတယ်။

ဒေါ်အောင်ဆန်းစုကြည်က မြန်မာနိုင်ငံရဲ့ အရင်ခေတ် ပညာရေး စနစ်ဟာ အဆင့် မြင့်မား ခဲ့ပေမယ့်လို့ အခုခေတ်မှာတော့ အလွန် ညံ့ဖျင်းနေတယ်၊ သူ့ရဲ့ မဲဆန္ဒနယ် ဖြစ်တဲ့ ကော့မှူး မြို့နယ်မှာဆိုရင် ဘွဲ့ရ အလုပ်လက်မဲ့တွေ များနေတဲ့အကြောင်း သမ္မတ လီမြောက်ဘတ်ကို ပြောခဲ့တယ်လို့ တွေ့ဆုံမှုမှာ ဒေါ်အောင်ဆန်းစုကြည်နဲ့ ရှိနေခဲ့တဲ့ ရှေ့နေ ဉီးဉာဏ်ဝင်းက ဘီဘီစီကို ပြောပါတယ်။

တောင်ကိုရီးယားက မြန်မာနိုင်ငံမှာ ရင်းနှီးမြှုပ်နှံမှုတွေ လာလုပ်တဲ့ အခါမှာလည်း ဒီမိုကရေစီနဲ့ လူ့အခွင့်အရေးကို မထိခိုက်စေဘဲ လုပ်ကိုင်ကြဖို့ကိုလည်း ဒေါ်အောင် ဆန်းစုကြည်က ထောက်ပြ ခဲ့တယ်လို့ သူက ဆက်ပြောပါတယ်။

သမ္မတ လီမြောက်ဘတ်ရဲ့ မြန်မာနိုင်ငံ ခရီးစဉ်အတွင်းမှာ လုံခြုံရေးကို အလွန်တင်းကျပ်စွာ ယူထားခဲ့ပြီး၊ ဒေါ်အောင်ဆန်းစုကြည်နဲ့ ဆီဒိုးနား ဟိုတယ်တွင်း တွေ့ဆုံစဉ်မှာတောင် အူဇီ လက်နက်ကိုင် ထားတဲ့ လုံခြုံရေး ဝန်ထမ်း ခြောက်ဉီးက စောင့်ကြပ်နေတယ်လို့ သတင်းထောက် တဉီးက ဘီဘီစီကို ပြောပါတယ်။

လုံခြုံရေးတွေဟာ အရပ်အမောင်းမြင့်မားကြပြီး တကယ့်ကို တိုက်ခိုက်ရေး တပ်သားကြီးတွေ အသွင်ကိုလည်း ဓာတ်ပုံတွေမှာ တွေ့ရပါတယ်။ မြန်မာ့ရဲတပ်ဖွဲ့ဝင်တွေဟာလည်း ဆီဒိုနား ဟိုတယ်နားမှာ နှစ်ရက်လောက် ကြိုတင်ပြီး လုံခြုံရေး ယူပေးထားတယ်လို့ သိရပါတယ်။

တွေ့ဆုံကြပြီး သတင်းစာ ရှင်းလင်းပွဲမှာတော့ ဒေါ်အောင်ဆန်းစုကြည်နဲ့ တွေ့ဆုံ ဆွေးနွေး အပြီးမှာ မြန်မာ့လက်ရှိ နိုင်ငံရေးနဲ့ အနာဂတ် အခြေအနေတွေကို သဘောပေါက်သွားတယ်လို့ သမ္မတ လီမြောင်ဘတ်က ထုတ်ပြောပါတယ်။

တောင်ကိုရီးယားဟာ စက်မှုဖွံ့ဖြိုးပြီး နိုင်ငံနဲ့ ဒီမိုကရေစီ ကျင့်သုံးတဲ့ နိုင်ငံအဖြစ် တပြိုင်နက် ဖြစ်ထွန်းလာသလို မြန်မာကလည်း အလားတူ ဖြစ်လာမယ်လို့ သူယုံကြည်တယ်လို့ သမ္မတ လီမြောင်ဘက်က ဆက် ပြောခဲ့ပါတယ်။

မြန်မာတွေဟာ တောင်ကိုရီးယား ပြည်သူတွေလိုပဲ တရားမျှတမှုနဲ့ လွတ်လပ်မှုကို လိုလား တယ်၊ နှစ်ခုလုံးကို အပြည့်အဝ လိုချင်တာ ဖြစ်ပြီး တခုမဟုတ် တခုကို လိုချင်တာ မဟုတ်ဘူးလို့ ဒေါ်အောင်ဆန်းစုကြည်က ရှင်းလင်းပွဲမှာ ပြောပါတယ်။

၁၉၈၃ ခုနှစ်မှာ တောင်ကိုရီးယား သမ္မတ ချန်ဒူးဝမ်း မြန်မာပြည်ကို လာလည်တုန်း ရန်ကုန်မြို့ အာဇာနည်ကုန်းက ဗုံးခွဲ လုပ်ကြံခံရလို့ အသက်ဘေးက သီသီလေး လွတ်မြောက် ခဲ့ပေမယ့် တောင်ကိုရီးယား ၁၇ ဉီး အပါအဝင် လူ ၂၁ ဉီး သေဆုံးခဲ့ပေမယ့်လို့ ဒီကနေ့မှာတော့ သမ္မတ လီမြောင်ဘတ်ဟာ လုံခြုံရေးတွေ ထူထပ်စွာ ချပြီး သွားရောက် ပန်းခွေချခဲ့တယ်လို့ သိရပါတယ်။

 စိုင်းနော်ခမ်း နောက်လိုက်တွေ လက်နက်ချ

ရွှေတြိဂံ ပတ်လည် ၄ နိုင်ငံလုံးက အလိုရှိ နေကြ

ရှမ်းပြည် အရှေ့ပိုင်း ရွှေတြိဂံ နယ်မြေက မူးယစ်ဆေးနဲ့ နာမည်ကျော်တဲ့ ပြည်သူ့စစ် ခေါင်းဆောင် စိုင်းနော်ခမ်းရဲ့ အဖွဲ့ဝင် တချို့ မနေ့မနက်က တာချီလိတ် အာဏာပိုင်တွေဆီ လက်နက်ချခဲ့ပါတယ်။

အဖွဲ့ဝင် ၂၅ ယောက် ဟာ မနက် ၈ နာရီ လောက်မှာ လက်နက် ခဲယမ်းနဲ့ အစိုးရ ခြေမြန် တပ်ရင်း ၃၅၉ ရိပ်သာ မှာ လက်နက်အပ် ခဲ့ပါတယ်။

စိုင်းနော်ခမ်းဟာ မဲခေါင်မြစ်တွင်း သွားလာနေတဲ့ သင်္ဘောတွေ စက်လှေတွေကို ဆက်ကြေး ကောက်တာ၊ ပစ်ခတ် တိုက်ခိုက်တာ ၊ မူးယစ်ဆေး မှောင်ခို ကူးတာ တွေကြောင့် ရွှေတြိဂံ ပတ်လည်က မြန်မာ၊ ထိုင်း၊ လာအို၊ တရုတ် ၄ နိုင်ငံလုံးက အလိုရှိ နေပြီး ဧပြီလ ကုန်ပိုင်းကမှ လာအို နယ်စပ်မှာ လာအို အာဏာပိုင်တွေက ဖမ်းမိခဲ့ပြီး တရုတ်ဘက် လွှဲပေး ခဲ့ပါတယ်။

ရှမ်း သံတော်ဆင့် အယ်ဒီတာချုပ် ဦးခွန်စိုင်းကတော့ စိုင်းနော်ခမ်းကို ဖမ်းမိ ပေမယ့်လည်း သူ့လို မူးယစ်ဆေး ဂိုဏ်းတွေ မှောင်ခို ကိစ္စတွေ ထပ်ပေါ် မလာဘူး ပြောလို့မရဘူးလို့ ဆိုပါတယ်။

စိုင်းနော်ခမ်း ကိုယ်တိုင်ကလည်း ၁၉၉၆ ခုနှစ်က MTA မိန်တိုင်းအာမီတပ် ခေါင်းဆောင် ခွန်ဆာ နဲ့ လက်နက်ချခဲ့ပြီး တာချီလိတ် ပြည်သူ့စစ်အဖွဲ့အသွင် လှုပ်ရှား နေခဲ့တဲ့ သူပါ။ 

ရောင်းစားခံ မြန်မာ လုပ်သားများ ထိုင်းရဲ ကယ်တင်

ထိုင်းမှာ တရားမဝင် အလုပ်လုပ်နေသူ မြန်မာ လုပ်သား အများအပြားရှိနေ

ထိုင်းကို တရားမဝင် ရောက်လာပြီး စက်ရုံတွေမှာ လုပ်ခ မရပဲ မတရား ခိုင်းခံ နေရတဲ့ မြန်မာ အ လုပ်သမား တချို့ကို ထိုင်းအခြေစိုက် မြန်မာ အ လုပ်သမားများ ကူညီရေး အဖွဲ့၊ ထိုင်းရဲနဲ့ ကုလသမဂ္ဂတို့ ပေါင်းပြီး ကယ်တင် နိုင်ခဲ့ပါတယ်။

ဘန်ကောက် တောင်ဘက်က ပုဇွန် စက်ရုံတခုမှာ ကျေးကျွန် သဖွယ် နှစ်နဲ့ချီ အလုပ် လုပ်နေရတဲ့ မြန်မာ အလုပ်သမား တရာကျော်ကို ခုရက်ပိုင်း အတွင်းက ကယ်တင် နိုင်ခဲ့ပါတယ်။

တရက်ကို နာရီ နှစ်ဆယ်လောက်ထိ အလုပ်လုပ်ကြရပြီး အဟာရ ပြည့်အောင် မစားရ၊ ကျန်း မာရေး ထိခိုက်ပြီး နားရက် မရှိကြဘူးလို့ လွတ်လာတဲ့ အလုပ်သမ တယောက်က ပြောပါတယ်။

အလုပ်ရှင်က အလုပ်သမားတွေကို လှောင်ပိတ် ထားပြီး လုပ်ခ တိုက်ရိုက် မရှင်းဘဲ ပွဲစားကိုပဲ ပိုက်ဆံပေးပြီး ပွဲစားက အလုပ်သမား တယောက်အတွက် တရက်လုပ်ခ ဆယ်ဘတ်သာ ပေး ပါတယ်။

ထိုင်းမှာ လူကုန်ကူးမှုရဲ့ ဓားစာခံ အဖြစ် ရောက်လာသူတွေ အမြောက်အမြား ရှိတယ်လို့ ထိုင်းရောက် မြန်မာ နိုင်ငံသားများ အဖွဲ့က ပြောပါတယ်။

တရားမဝင် ရောက်လာကြတာ ဖြစ်တဲ့ အတွက် အလုပ်သမားတွေဟာ ပွဲစားကိုသာ အား ကိုးရပြီး ပွဲစားတွေက တခြား အလုပ်တွေကို ပြန်ရောင်းစားပါတယ်။

တချို့ဆို 'ပြန်လမ်း မရှိတဲ့' ငါးဖမ်းလှေတွေကို အရောင်းစား ခံရပြီး တချို့လည်း အပြင် ထွက်ခွင့် မရတဲ့ စက်ရုံတွေကို ရောင်းစား ခံရပါတယ်။

မြန်မာ အလုပ်သမားတွေ ခုလို ဒုက္ခရောက်နေတဲ့ အဖြစ်တွေကို ကယ်တင် နိုင်ဖို့ အစိုးရ အဆင့်ကနေပြီး အလုပ်သမားတွေကို တရားဝင် အလုပ်လုပ်ခွင့် ရအောင် လုပ်ပေးမှသာ ဖြစ်နိုင်မယ်လို့ ထိုင်းရောက် မြန်မာ နိုင်ငံသားများ အဖွဲ့က ပြောပါတယ်။

ဂရိ ရွေးကောက်ပွဲ ပြန်လုပ်ရမယ်

ရွေးကောက်ပွဲ လုပ်ခဲ့ပေမယ့် အဖြေ မထွက်ခဲ့

ဂရိမှာ အဓိက နိုင်ငံရေး ပါတီတွေ ညွန့်ပေါင်း အစိုးရ ဖွဲ့ဖို့ ကြိုးစားမှု နောက်ဆုံး အကျော့ မအောင်မြင် တော့တဲ့နောက် နောက်ထပ် ရွေးကောက်ပွဲ အသစ် လုပ်ဖို့ တာစူ နေပါပြီ။

နိုင်ငံတကာ ကူညီရေး သဘောတူညီချက် အရ လုပ်ရမယ့် ချိုးခြံ ချွေတာရေး အစီအစဉ်တွေ အပေါ် ဘယ်လို ဆက် စခန်းသွားမယ်ဆိုတာမှာ အကြီးအကျယ် သဘောကွဲလွဲ နေကြတုန်း ဖြစ်ပါတယ်။

အရင်ပတ်က ရွေးကောက်ပွဲ လုပ်ခဲ့ပေမယ့် ဒီကိစ္စ အဖြေ ထွက်မလာ နိုင်သေးပါဘူး။

လတ်တလော ဆန္ဒ ကောက်ခံမှု တွေမှာတော့ လက်ဝဲစွန်း ဆိုင်ရီဇာ ပါတီက ဦးဆောင် နေပါတယ်။

ချိုးခြံမှု အစီအစဉ်တွေ ရပ်ဆိုင်းထားဖို့ တောင်းဆို ထားတဲ့အတွက် ဂရိ ယူရိုဇုန်ထဲ ဆက်နေလို့မှ ရပါ့မလား ပြောစရာ ဖြစ်လာပါတယ်။

ကေအန်ယူ ဆက်ဆံရေးရုံးကို ဦးအောင်မင်း ဖွင့်လှစ်ပေး

လုံခြုံရေးအရ ဆက်သွယ်နိုင်ဖို့ အတွက် အရေးကြီး လို့ ဝန်ကြီး ကိုယ်တိုင် ဖွင့်လှစ်

ပြည်ထောင်စုအဆင့် ငြိမ်းချမ်းရေး ဖော်ဆောင်ရေး အဖွဲ့က မီးရထား ပို့ဆောင်ရေး ပြည်ထောင်စု ဝန်ကြီး ဦးအောင်မင်းနဲ့ အဖွဲ့ဟာ ကရင်အမျိုးသား အစည်းအရုံး KNU အတွက် ဆက်ဆံရေးရုံး တခုကို ကရင်ပြည်နယ် ကြာအင်းဆိပ်ကြီး မြို့နယ် ဘုရားသုံးဆူမှာ လာရောက် ဖွင့်လှစ်ပေးခဲ့ပါတယ်။

ဒုတိယကမ္ဘာစစ်က ဂျပန်တွေ ဖောက်လုပ်ခဲ့တဲ့ သေမင်းတမန် ရထားလမ်းကိုလည်း ပြန်လည် ပြုပြင်ဖို့ အစိုးရက ရည်ရွယ်ထားတာလည်း ရှိပါတယ်။

ဒါကြောင့်မို့ လုံခြုံရေးအရ ဆက်သွယ်နိုင်ဖို့ အတွက် ဒီရုံးဟာ အရေးကြီးတာကြောင့် သူကိုယ်တိုင် လာရောက် ဖွင့်လှစ်ပေးတာလို့ မီးရထားပို့ဆောင်ရေး ပြည်ထောင်စုဝန်ကြီး ဦးအောင်မင်းက ပြောပါတယ်။

ဒီဆက်ဆံရေးရုံး ဖွင့်ပွဲကို စွမ်းအင်ဝန်ကြီး ဦးသန်းဌေးနဲ့ လူဝင်မှုကြီးကြပ်ရေးဝန်ကြီး ဦးခင်ရီတို့လည်း တက်ရောက်ခဲ့ပါတယ်။

ကေအန်ယူဘက်ကတော့ စစ်ဦးစီးချုပ် ဗိုလ်ချုပ်ကြီး မူတူးဆေးဖိုး ဦးဆောင်ပြီး တက်ရောက် ခဲ့ပါတယ်။ ကေအန်ယူက သူတို့အနေနဲ့ တပ်နေရာချထားရေး အစီအစဉ်တွေ မလုပ်နိုင် သေးတဲ့ အတွက် ဆက်ဆံရေးရုံး ဖွင့်လှစ်ရေးက အရေးကြီးတယ်လို့ ပြောပါတယ်။

ဒီဆက်ဆံရေးရုံးဟာ ကေအန်ယူရဲ့ တတိယမြောက် ဆက်ဆံရေးရုံးဖြစ်သလို ဒီနေရာဟာ ကေအန်ယူ တပ်မဟာ ၆ နဲ့ ဆက်သွယ်ရ လွယ်ကူတဲ့ အဓိက နေရာတခုလည်း ဖြစ်ပါတယ်။

ကေအန်ယူ တပ်မဟာ ၄ အတွက်တော့ တနင်္သာရီတိုင်း ထားဝယ်မြို့မှာ ဖွင့်လှစ်ခဲ့ပြီး၊ တပ်မဟာ ၃ အတွက်တော့ ပဲခူးတိုင်း ကျောက်ကြီးဘက်မှာ ဖွင့်လှစ်ထားတယ်လို့ သိရပါ တယ်။

ယူရိုမြဲဖို့ ပြင်သစ် ဂျာမနီ ပူးပေါင်းလုပ်မည်

ဂရိမှာ ခြိုးခြံခြွေတာရေး အစီအမံတွေ ဖော်ဆောင်ဖို့ ခက်နေ

ယူရို ငွေကြေး စနစ် မပြိုလဲအောင် ပြင်သစ်နဲ့ ဂျာမနီ နှစ်နိုင်ငံ အတူ ပူးတွဲ လုပ်ဆောင်ဖို့ ဘာ လင်မှာ ရောက်နေတဲ့ ပြင်သစ် သမ္မတသစ် ဖရန်ဆွာ အော်လန်နဲ့ ဂျာမန် ဝန်ကြီးချုပ် မာ ကဲတို့ တွေ့ဆုံ အပြီးမှာ ပြောကြား လိုက်ပါတယ်။

ဒီလ ၂၃ ရက်နေ့မှာ ယူရိုဇုံထဲက ခေါင်းဆောင် တွေ အလွတ် သဘော တွေ့ဆုံကြမယ်လို့လည်း ပြောပါတယ်။

ပြင်သစ် သမ္မတ ရွေးကောက်ပွဲ အတွက် မဲ ဆွယ်တုန်းက ဖရန်ဆွာ အော်လန်းက အီးယူ နိုင်ငံတွေကြား သဘောတူထားတဲ့ ဘဏ္ဍာရေး သဘော တူညီချက်ကို ပြန်ညှိမယ်လို့ ကတိပေးခဲ့ပေမယ့် ခု ဂျာမနီ ဝန်ကြီးချုပ်ကတော့ ဒီသဘော တူညီချက်ကို ပြင်လို့ မရဘူးလို့ ပြောနေပါတယ်။

တဘက်မှာ ယူရိုဇုံထဲက ဘဏ္ဍာရေး မျက်ဖြူ ဆိုက်နေတဲ့ ဂရိ နိုင်ငံမှာ ခြိုးခြံ ချွေတာရေး အစီအမံတွေကို အတည်ပြုဖို့ အခက် ကြုံနေပါတယ်။

ဂရိဟာ အပြည်ပြည် ဆိုင်ရာ ငွေကြေး ရံပုံငွေ အဖွဲ့နဲ့ အီးယူဆီက ပိုက်ဆံ ဘီလီယံ ရာချီ ချေးခဲ့ရပြီး ဒီပိုက်ဆံတွေ ပြန်ဆပ်နိုင်ဖို့ သူ့တိုင်းပြည်ထဲမှာ ခြိုးခြံ ချွေတာရေး အစီအမံတွေ ဖော်ဆောင်ဖို့ ဖိအားပေး ခံနေရပါတယ်။

ဒါပေမယ့် မကြာခင်က ဂရိက ရွေးကောက်ပွဲမှာ ပြည်သူလူထုက ခြိုးခြံ ချွေတာရေး အစီ အမံကို သဘောတူတဲ့ လက်ရှိ အာဏာရ ပါတီတွေကို ပစ်ပယ်ပြီး ဒီအစီအမံတွေကို ဆန့် ကျင်တဲ့ လက်ဝဲစွန်းနဲ့ လက်က်ျာစွန်းက ပါတီတွေကို ထောက်ခံမှု ပြခဲ့ပါတယ်။

ဒီအတောအတွင်းမှာ အီးယူ နိုင်ငံတွေထဲမှာ ဂျာမနီကလွဲပြီး နိုင်ငံ အတော်များများရဲ့ စီးပွား ရေး ဖွံ့ဖြိုးမှုနှုန်းဟာ ရပ်တန့်လုနီးနီး ဖြစ်နေတဲ့ အတွက် ပြင်သစ် သမ္မတ အော်လန်းက အကြွေး ကိစ္စ အပြင် စီးပွားရေး ဖွံ့ဖြိုးမှုနှုန်း ပြန်မော့လာစေမယ့် အစီအမံတွေကိုလည်း လုပ်ဆောင်ပြဖို့ လိုအပ်လာပါတယ်။

ပြင်သစ်နိုင်ငံရဲ့ ကြွေးထူ၊ ဖွံ့ဖြိုးမှုနှုန်း နှေးကွေး၊ ယှဉ်ပြိုင်နိုင်စွမ်းကျဆင်းလာနေတဲ့ အနေ အထားတွေကို သူ ကောင်းကောင်း သဘောပေါက်တယ်လို့ ပြင်သစ် သမ္မတက ပြောနေပြီး စီးပွားရေး ဖွံ့ဖြိုးမှုနှုန်း ပြန်ဉီးမော့လာအောင် ပိုက်ဆံ ထပ်ချေးဖို့ လိုနေပါတယ်။

ဒါပေမယ့် မာကဲ ဝန်ကြီးချုပ် ဖြစ်နေတဲ့ ဂျာမနီက နောက်ထပ် ပိုက်ဆံချေးဖို့ ကိစ္စကို အ ပြောမခံပါဘူး။

ဒါ့ကြောင့် ပြင်သစ် သမ္မတ အော်လန်း အတွက် ရွေးကောက်မခံရခင်က မဲဆန္ဒရှင်တွေကို ပေးထားတဲ့ ကတိကို ဘယ်လို တည်အောင် လုပ်မလဲဆိုတာ ခုချိန်မှာ ဖြေရ အခက်ဆုံး မေးခွန်း ဖြစ်နေပါတယ်။

မြောက်ကိုရီးယား နဲ့ မပတ်သက်ရင် မြန်မာကို တောင်ကိုရီးယား အပြည့်အ၀ ကူညီမည်

By ကိုကျော်ကျော်သိန်း

မြန်မာနဲ့ မြောက်ကိုရီးယားအကြား ဆက်ဆံရေးအပေါ် တောင်ကိုရီးယားနိုင်ငံရဲ့ စိုးရိမ်ချက်ကို တောင် ကိုရီးယား သမ္မတ အီလ် မြောင်ဘာ့က်က သူ့ရဲ့ မြန်မာနိုင်ငံ ခရီးစဉ်အတွင်း မြန်မာသမ္မတကို အတိအလင်း ထုတ်ဖော်ပြောဆိုခဲ့ပါတယ်။ ဒီ ကိစ္စအတွက် မြန်မာအစိုးရနဲ့ အပြည့်အ၀ ပူးပေါင်းဆောင်ရွက်ပါမယ် လို့လည်း အခိုင်အမာပြောခဲ့သလို မြန်မာနိုင်ငံဒီမိုကရေစီ ပြုပြင်ပြောင်းလဲရေး လုပ်ငန်းစဉ်ကို ဆက်ပြီး ထောက်ခံ အားပေးသွားမယ်လို့လည်း အာမခံခဲ့ပါတယ်။ သူ့ရဲ့ နှစ်ရက်ကြာ မြန်မာနိုင်ငံ ခရီးစဉ်တွေ အတွင်း တွေ့ဆုံ ဆွေးနွေးခဲ့ချိန်မှာ သမ္မတ အီလ်မြောင်ဘာ့က် က အဲဒီိလိုပြောဆိုခဲ့တာပါ။ အပြည့်အစုံကိုတော့ ဘန်ကောက်ကနေ ကိုကျော်ကျော်သိန်း က သတင်းပေးပို့ထားပါတယ်။

မြန်မာနိုင်ငံကို နှစ်ရက်ကြာခရီးစဉ်အဖြစ် ရောက်နေတဲ့ တောင်ကိုရီးယား သမ္မတဟာ ဒီကနေ့ မနက်ပိုင်းက အမျိုးသား ဒီမိုကရေစီအဖွဲ့ချုပ် NLD ဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဒေါ်အောင်ဆန်းစုကြည် နဲ့ ရန်ကုန်မြို့ ဆီဒိုးနား ဟော်တယ်မှာ တွေ့ဆုံဆွေးနွေး ပြီးတဲ့နောက် လုပ်တဲ့ ပူးတွဲ သတင်းစာ ရှင်းလင်းပွဲအတွင်း တောင်ကိုရီးယားနိုင်ငံရဲ့ စိုးရိမ်ချက်တွေ နဲ့ မြန်မာ့ ဒီမိုကရေစီ ပြုပြင်ပြောင်းလဲရေး ဆိုင်ရာတွေနဲ့ပတ်သက်ပြီး ပြောဆိုခဲ့တာပါ။

မနေ့က နေပြည်တော်မှာ သမ္မတဦးသိန်းစိန်နဲ့ တွေ့ဆုံဆွေးနွေးချိန်အတွင်း ကိစ္စရပ် မျိုးစုံကို ပြောခဲ့တဲ့ အထဲမှာ မြန်မာနိုင်ငံမှာ ဒီမိုကရေစီ ပြုပြင် ပြောင်းလဲရေး လမ်းကြောင်း ပေါ်ရောက်အောင် လုပ်ဆောင်ခဲ့တဲ့ ဦးသိန်းစိန်အစိုးရအဖွဲ့ကို ပထမဆုံး ချီးကျူး ပြောဆို ခဲ့တာနဲ့အမျှ မြန်မာနိုင်ငံနဲ့ ပတ်သက်ရင် တောင် ကိုရီးယားနိုင်ငံ ရဲ့ အဓိက စိုးရိမ်ချက် ဖြစ်တဲ့ မြောက်ကိုရီးယားနဲ့ ဆက်ဆံ ရေးကို သမ္မတ အီလ်မြောင်ဘာ့က် က အထူး အလေးပေး ပြောဆိုခဲ့တာပါ။

“ကုလသမဂ္ဂလုံခြုံရေးကောင်စီက ချမှတ် ထားတဲ့ ဆုံးဖြတ်ချက်တွေကို ချိုးဖောက်တယ်လို့ ယူဆ ရနိုင် တဲ့ မြောက်ကိုရီးယားနိုင်ငံ နဲ့  မြန်မာနိုင်ငံ အကြား ဘယ်လို ဆက်ဆံရေးမျိုးကို မဆို မြန်မာအစိုးရ အနေနဲ့ ရှောင်ရှား လိမ့်မယ်လို့ ကျနော့်အနေနဲ့ မျှော်လင့်တဲ့အကြောင်း သမ္မတဦးသိန်းစိန်ကို ကျနော် ပြောခဲ့ပါတယ်။ ဒါဟာ ကျနော်နဲ့ သမ္မတဦးသိန်းစိန်တို့ ထိပ်သီးဆွေးနွေးပွဲ အတွင်း တရားဝင် မေတ္တာ ရပ်ခံခဲ့တာ ဖြစ်ပါ တယ်။” လို့ ဒေါ်အောင်ဆန်းစုကြည်နဲ့ ဆွေးနွေး ပြီးတဲ့နောက် လုပ်တဲ့ ပူးတွဲသတင်းစာရှင်းလင်းပွဲအတွင်း သမ္မတ အီလ်က စကားပြန် ကနေ တဆင့် ပြောသွားပါတယ်။

အဲဒီကိစ္စနဲ့ပတ်သက်ပြီး မြန်မာအစိုးရနဲ့ ပိုပြီးတော့ အပြည့်အ၀ ပူးပေါင်း ဆောင်ရွက်သွားဖို့ တောင် ကိုရီးယားနိုင်ငံ က ပြင်ဆင်ထား ပါတယ်ဆိုတာကိုလည်း သူက သမ္မတ ဦးသိန်းစိန်ကို ပြောခဲ့ပါတယ်။

ကုလသမဂ္ဂလုံခြုံရေးကောင်စီရဲ့ မြောက်ကိုရီးယားနိုင်ငံဆိုင်ရာ ဆုံးဖြတ်ချက်တွေထဲမှာ လက်နက်ငယ်တွေ က လွဲပြီးတော့ ဘယ်လို စစ်လက်နက်ပစ္စည်းမျိုးကိုမှ မြောက် ကိုရီးယား နိုင်ငံဆီကနေ မရယူဖို့ နိုင်ငံတွေ ကို ပိတ်ပင် တားမြစ်ထားပါတယ်။

ဒီကနေ့ ဒေါ်အောင်ဆန်းစုကြည်နဲ့ သမ္မတအီလ်တို့ တွေ့ဆုံဆွေးနွေးကြတာမှာလည်း ကိစ္စရပ်မျိုးစုံ ပါဝင် ခဲ့ပြီး အဓိကအနေနဲ့ ပညာရေးရဲ့ အရေးကြီးပုံနဲ့ ပတ်သက်လို့ ဆွေးနွေးခဲ့ကြတယ်လို့ သမ္မတ အီလ်က ပြော ပါတယ်။

“တောင်ကိုရီးယားဟာ ဒီမိုကရေစီ နိုင်ငံတခုအဖြစ်နဲ့ရော၊ ကြွယ်ဝချမ်းသာတဲ့ နိုင်ငံတခု အဖြစ် ကိုရော ရောက်ခဲ့ရတဲ့ အကြောင်းရင်းကတော့ ကျနော်တို့ရဲ့ နောက် မျိုးဆက်သစ် ခေါင်းဆောင်တွေ အတွက် ပညာရေး အထောက်အပံ့ပေးတဲ့ နေရာမှာ ကျနော်တို့ဟာ သန္နိဋ္ဌာန်ခိုင်မာပြီး စိတ်အား ထက်သန် စွာ လုပ်ခဲ့ကြတယ်ဆိုတာကို ကျနော် ထောက်ပြ ပြောဆိုခဲ့ပါတယ်။”

လို့ မစ္စတာအီလ်က ပြောပါတယ်။

ဒါ့အပြင် နိုင်ငံဖွံ့ဖြိုးတိုးတက်ရေးအတွက်ဆိုပြီး ဒီမိုကရေစီ၊ လူ့အခွင့်အရေးနဲ့ လွတ်လပ်မှုတွေကို ဘယ်တော့မှ အနစ်နာခံ အလျှော့မပေးရဘူးဆိုတာကို ဒေါ်အောင်ဆန်းစုကြည်နဲ့ သူနဲ့ သဘောတူ ခဲ့ကြ တယ်လို့လည်း သူကပြောပါတယ်။

ဒေါ်အောင်ဆန်းစုကြည်ကလည်း မိမိတို့အနေနဲ့ တရားမျှတမှု၊ လွတ်လပ်မှုနဲ့ ကြွယ်ဝ ချမ်းသာမှုတို့ အားလုံးကို တခုမဟုတ်တခု လိုချင်တာမဟုတ်ဘဲ အားလုံးကို လိုချင်တာ ဖြစ်ပါတယ်လို့ အလေးအနက် ပြောဆိုခဲ့ပါတယ်။ ပညာရေးနဲ့ပတ်သက်ပြီး တော့လည်း ဒေါ်အောင်ဆန်းစုကြည် က -

“နိုင်ငံရဲ့အနာဂတ်ကို တည်ဆောက်ကြတာမှာ အုပ်ချုပ်သူတွေက လိုချင်တဲ့ပုံစံမျိုး မဟုတ်ဘဲ သူတို့ ဖြစ်စေချင်တဲ့ပုံစံအတိုင်း တည်ဆောက်နိုင်စေမယ့် ပညာရေးမျိုးကို မြန်မာ ကလေးငယ်တွေ ရစေ ချင်ပါတယ်။”

လို့ ဒေါ်အောင်ဆန်းစုကြည်က ပြောသွားပါတယ်။

မြန်မာလူထုအနေနဲ့ ငြိမ်းချမ်းမှု၊ ကြွယ်ဝချမ်းသာမှုတွေနဲ့အတူ ဂုဏ်သိက္ခာရှိရှိ ရပ်တည် နေထိုင်သွား ချင်တယ် ဆိုတာကို ဒေါ်အောင်ဆန်းစုကြည်က ပြောဆိုခဲ့သလို လုံခြုံတယ် ဆိုရုံနဲ့ မလုံလောက်ဘဲ အစိုးရကရော ကိုယ်ကိုယ်တိုင်ကပါ အကာအကွယ် ပေးနိုင်မယ့် လူသားဂုဏ်သိက္ခာကို မိမိတို့ လိုအပ်ပါ တယ် လို့လည်း ဒေါ်အောင်ဆန်းစုကြည်က ပြောခဲ့ပါတယ်။

မြန်မာလူထုအနေနဲ့ ဒီမိုကရေစီနည်းကျ ခေါင်းဆောင်မှုအခြေအနေကို ရောက်အောင် ခက်ခဲတဲ့ လမ်းကြောင်းကို ဆက်လျှောက်ရ ဦးမှာပါလို့ ဒေါ်အောင်ဆန်းစုကြည်က ဆိုပြီး မြန်မာနိုင်ငံ ရဲ့ လက်ရှိ အခြေအနေကိုလည်း မီးမောင်းထိုး ပြောဆိုခဲ့ပါ တယ်။

“ကျမတို့နိုင်ငံရဲ့ သမိုင်းကြောင်းမှာ အပြောင်းအလဲဖြစ်နိုင်ခြေရှိတဲ့ အဆင့်တခုမှာ ကျမတို့ ရောက်နေပါ တယ်။ ဒါပေမဲ့လည်း ဒီအပြောင်းအလဲဟာ မလဲမပြိုဘဲ ဖြစ်လိမ့် မယ် ဆိုပြီး ကျမတို့ သေချာပေါက် ယူဆနိုင်မယ်လို့ ကျမတော့ မထင်ပါဘူး။ ရည်ရွယ်ချက် ရှိနေပါတယ်၊ တကမ္ဘာလုံးက စိတ်ကောင်း  စေတနာကောင်းနဲ့ အားပေးနေ ကြပါတယ်၊ ဒါပေမဲ့ အဲဒီ စိတ်စေတနာကောင်းတွေ အလဟဿဖြစ်မသွားစေရေး သေချာအောင် ကျမတို့ လုပ်ရပါမယ်၊ ပြီးတော့ ကျမတို့လူထုအကျိုး အတွက် အဲဒီ စိတ်စေတနာကောင်းတွေကို အကောင်းဆုံးအသုံးပြုနိုင်အောင် လုပ်ကြရပါမယ်။”

လို့ ဒေါ်အောင်ဆန်းစုကြည်က ပြောခဲ့ပါတယ်။

ဂုဏ်သိက္ခာရှိပြီး ကောင်းမြတ်တဲ့လမ်းကြောင်းကို လျှောက်လှမ်းတဲ့နေရာမှာ မိမိ ကိုယ်တိုင်အနေနဲ့ရော၊ ကိုရီးယားလူထုနဲ့ အစိုးရကပါ ဆက်လက်ပြီး ထောက်ခံသွား ပါမယ် လို့လည်း မစ္စတာအီလ်ကပြောပါတယ်။

မြန်မာနိုင်ငံကို နိုင်ငံတော် တရားဝင်ခရီးစဉ်အဖြစ် မနေ့ကရောက်လာတဲ့ တောင် ကိုရီးယား သမ္မတဟာ သမ္မတ ဦးသိန်းစိန်နဲ့ မနေ့ကပဲ တွေ့ဆုံဆွေးနွေးပြီး  နိုင်ငံတော် တရားဝင်ခရီးစဉ် အဆုံးသတ်ခဲ့ပြီး ဒီကနေ့မှာ ဒေါ်အောင်ဆန်းစုကြည်နဲ့ တွေ့ဆုံဆွေးနွေး တာဖြစ်ပါတယ်။ တောင်ကိုရီးယားသမ္မတနဲ့အဖွဲ့ဟာ ဒီကနေ့ နေ့လယ်ပိုင်းမှာတော့ မြန်မာနိုင်ငံကနေ ပြန်လည် ထွက်ခွာသွားပြီဖြစ်ပါတယ်။

ဦးဝဏ္ဏမောင်လွင် ဝန်ကြီးကလင်တန်နှင့် ဝါရှင်တန်မှာ မေ ၁၇ ရက်၊ တွေ့ဆုံမည်

By ဗွီအိုအေ(မြန်မာဌာန)

မြန်မာနိုင်ငံခြားရေးဝန်ကြီးဦး ဝဏ္ဏမောင်လွင်ဟာ ဝါရှင်တန်ဒီစီကို လာရောက်ပြီး အမေရိကန်နိုင်ငံခြားရေး ဝန်ကြီး ဟီလာရီကလင်တန်နဲ့ မေလ ၁၇ ရက်၊ ကြာသာပတေးနေ့ မနက်ပိုင်းမှာ နှစ်နိုင်ငံ ဆက်ဆံရေး ဆွေးနွေးဖို့ ရှိတယ်လို့ အမေရိကန်နိုင်ငံခြာရေးဌာနက ဗွီအိုအေကို အတည်ပြုပြောကြားပါတယ်။ ဆွေးနွေးပွဲအပြီးမှာ ပူးတွဲ သတင်းစာရှင်းလင်းပွဲ ကျင်းပဖို့ ရှိတယ်လို့ သိရပါတယ်။

မေလ ၂၀ ရက်နေ့ မှာ ကုန်ဆုံးမယ့် မြန်မာနိုင်ငံအပေါ် ရင်းနှီးမြှုပ်နှံမှုအသစ် ဟန့်တားတဲ့ ဒဏ်ခတ် ပိတ်ဆို့မှုကို နောက်တနှစ်သက်တမ်းတိုးဖို့ အချိန် နီးကပ်လာတာနဲ့ အတူ မြန်မာ နိုင်ငံခြားရေးဝန်ကြီး အခုလို ဝါရှင်တန်ကို လာရောက်တာဖြစ်ပါတယ်။ မြန်မာနိုင်ငံကို မနှစ်က နှစ်ကြိမ်သွားရောက်ခဲ့တဲ့ ဝါရင့် အထက်လွှတ်တော် အမတ်ဂျွန်မက်ကိန်းကတော့ တနင်္လာနေ့က မြန်မာ နိုင်ငံအပေါ် ဒဏ်ခတ်ပိတ်ဆို့ မှုတွေ ယာယီရုပ်သိမ်းပေးဖို့ အချိန်တန်ပြီလို့ ပြောဆိုခဲ့ ပါတယ်။

နိုင်ငံခြားရေးဝန်ကြီး ဦးဝဏ္ဏမောင်လွင်ဟာ သမ္မတဦးသိန်းစိန် အစိုးရသစ် တက်လာပြီးတဲ့နောက် ပြီးခဲ့တဲ့နှစ် စက်တင်ဘာလက ကုလသမဂ္ဂ အထွေထွေ ညီလာခံကြီးကိုတက်ရောက်စဉ် ဝါရှင်တန်ဒီစီရှိ အမေရိကန် နိုင်ငံခြားရေးဝန်ကြီးဌာနကို လာရောက်ခဲ့တာ ဖြစ်ပါတယ်။ အခုအကြိမ်ဟာ သူရဲ့ ဒုတိယ ခရီးစဉ် ဖြစ်ပါတယ်။ မြန်မာနိုင်ငံမှာ နိုင်ငံရေး ပြုပြင် ပြောင်းလဲမှုတွေကြောင့် အမေရိကန်နဲ့ မြန်မာနိုင်ငံကြား တိုးတက်တဲ့ ဆက်ဆံရေး အဖြစ် ၂ နိုင်ငံကြား သံအမတ်ကြီးအဆင့် ခန့်ထားရေးကိစ္စလည်း မကြာမီ အတည်ပြုဖွယ်ရှိနေပါတယ်။

ဝန်ကြီး ဦးဝဏ္ဏမောင်လွင်ဟာ မေလ ၁၃ ရက်နေ့က စင်ကာပူကို ရောက်ရှိခဲ့ပြီး ၂၀၁၄ ခု၊ မြန်မာ အာဆီယံ အလှည့်ကျဥက္ကဋ္ဌ ရာထူးအတွက် ပြင်ဆင်မှုများမှာ စင်ကာပူရဲ့ အကူအညီကို ရယူဖို့အပြင် နှစ်နိုင်ငံကြား နည်းပညာ ပူးပေါင်း ဆောင်ရွက်ရေး သဘောတူညီမှု အကောင်အထည်ဖော်ရာမှာ  တိုးတက်မှုတွေ အကြောင်း နိုင်ငံခြားရေး ဝန်ကြီး K Shanmungam နဲ့ ဆွေးနွေးခဲ့တယ်လို့ သိရပါတယ်။ ဦးဝဏ္ဏမောင်လွင်ဟာ ဝန်ကြီးချုပ် Lee Hsein Loong နဲ့လည်း တွေ့ဆုံခဲ့ပြီး နှစ်နိုင်ငံဆက်ဆံရေး တိုးတက်စေဖို့ ဆွေးနွေးခဲ့ကြတယ်လို့ သိရပါတယ်။

ဦးဝဏ္ဏမောင်လွင်ဟာ မေလ ၁၅ ရက်နေ့မှာ စင်ကာပူကနေ ပြန်လည် ထွက်ခွာခဲ့ပါတယ်။

Australia နှင့် အမေရိကန်စစ်ရေးဆက်စပ်မှု တရုတ်စိတ်ပူစရာမလို

By ဗွီအိုအေ(မြန်မာဌာန)

သြစတြေးလျနိုင်ငံအနေနဲ့ အမေရိကန်ပြည်ထောင်စုနဲ့ ဆက်ဆံရေးပိုမိုနက်ရှိုင်းလာပြီးတော့ သြစတြေးလျ မြောက်ပိုင်းနယ်မြေတွေမှာ အမေရိကန်မရိန်းတပ်တွေ ပိုမိုချရပ်မှုတွေနဲ့ ပတ်သက်ပြီးတော့ တရုတ်နိုင်ငံက စိုးရိမ်စိတ်မကြီးဖို့ တရုတ်ပြည်ကို ပထမအကြိမ် ရောက်ရှိလာတဲ့ သြစတြေးလျနိုင်ငံခြားရေး ဝန်ကြီး Bob Carr က ကာကွယ်ပြောကြားသွားပါတယ်။

မစ္စတာကားရ်က တရုတ်နိုင်ငံခြားရေးဝန်ကြီး Yang Jiechi ၊ နောက် တရုတ်တပ်မတော် ဒုတိယဦးစီးမှူး ဒုတိယဗိုလ်ချုပ်ကြီး ဝေဖုန်ဟေး (Wei Fenghe) အင်္ဂါနေ့က ဘေဂျင်းမှာတွေ့ဆုံရင်း ပြောကြားခဲ့တာ ဖြစ် ပါတယ်။ သြစတြေးလျနိုင်ငံအနေနဲ့ အမေရိကန်နိုင်ငံနဲ့ စစ်ရေးဆက်ဆံမှု တိုးချဲ့တာဟာ သြစတြေးလျရဲ့ လုံခြုံမှုအတွက်သာဖြစ်တဲ့အကြောင်း၊ အမေရိကန်ပြည်ထောင်စုဟာ အာရှ-ပစိဖိတ်ဒေသရဲ့ ငြိမ်းချမ်းတည်ငြိမ်မှု အတွက် အာမခံထားတယ်လို့ သြစတြေးလျက ယုံကြည်ကြောင်း၊ အာရှ-ပစိဖိတ်ဒေသ တည်ငြိမ်မှုဟာ တရုတ်ပြည်အပါအဝင် ဒေသတွင်း ဖွံ့ဖြိုးတိုးတက်မှုအတွက် ဖြစ်တဲ့အကြောင်း မစ္စတာ ကားရ်က ပြောကြားသွားပါတယ်။

ဒါပေမယ့် သြစတြေးလျဟာ စစ်အေးကာလ မဟာမိတ်ဖွဲ့မှုကို ပြန်လည်ဖော်ဆောင်နေတဲ့အကြောင်း၊ အဲဒီ စစ်အေးကာလ မဟာမိတ်ဖွဲ့မှုဟာ ခေတ်ကုန်သွားပြီဖြစ်လို့ တရုတ်အစိုးရက ပြောကြားသွားပါတယ်။