14.05.2012 နေ့ဖတ်ရန်သတင်းများ

by Myanmar Journal on Sunday, May 13, 2012 at 4:26pm 

မစ္စတာ ရတ်ခ်မာနိဟာ တာလီဘန် အရာရှိဟောင်း တဦး ဖြစ်ပါတယ်အာဖဂန် ငြိမ်းချမ်းရေး ကိုယ်စားလှယ် လုပ်ကြံခံရ

အာဖဂန်နစ္စတန်မှာ ငြိမ်းချမ်းရေး အတွက် ကြားဝင် စေ့စပ်ပေးနေတဲ့ ထိပ်တန်း အရာရှိတဦး ဖြစ်သူ အာဆာလာ ရတ်ခ်မာနိကို သေနတ်သမား တဦးက မြို့တော်ကာဘူးမှာ လုပ်ကြံ သတ်ဖြတ် လိုက်ပါတယ်။

မစ္စတာ ရတ်ခ်မာနိဟာ တာလီဘန် အရာရှိ ဟောင်း တဦး ဖြစ်ပြီး ငြိမ်းချမ်းရေး အစီအစဉ် အတွက် တာလီဘန် ဘက်ကနေ ပထမဦးဆုံး ပူပေါင်း ဆောင်ရွက်လာသူ ဖြစ်ပါတယ်။

တနင်္ဂနွေနေ့ မနက် ၉နာရီခွဲလောက် အချိန်မှာ အထက်လွှတ်တော် အမတ်လည်းဖြစ်၊ ငြိမ်းချမ်းရေးကောင်စီ အဖွဲ့ဝင် လည်းဖြစ်သူ အာဆာလာ ရတ်ခ်မာနိကို အမည်မသိ သေနတ်သမားက အသံတိတ် ပစ်စတိုနဲ့ ပစ်သတ် သွားခဲ့တာ ဖြစ်တယ်လို့ ကာဘူးမြို့ ရဲမှူးကြီး ဗိုလ်ချုပ်ကြီး ဒဟုအမင်း က သတင်းထောက်တွေကို ပြောကြားသွားပါတယ်။

မြို့တော်ကာဘူးမှာ ယာဉ်ကြောများပြီး မစ္စတာ ရတ်မာနိရဲ့ကားလည်း လမ်းပိတ်မိနေတဲ့ အချိန်မှာ သနတ်သမားက တချက်တည်းနဲ့ ပစ်သတ် သွားတာ ဖြစ်တယ်လို့ ရဲမှူးကြီးက ပြောပါတယ်။

အဲဒီအချိန်မှာ သူ့ရဲ့ သက်တော်စောင့်လည်း မရှိဘူးလို့ဆိုပါတယ်။

အခုလို မစ္စတာ ရတ်ခ်မာနိ သေဆုံးသွားတဲ့ အတွက် တာလီဘန်တွေနဲ့ စေ့စပ် ဆွေးနွေးမှုတွေ ကို အကြီးအကျယ် ထိခိုက်မှု ရှိစေတယ်လို့ အာဖဂန် ထိန်တန်း အရာရှိတွေက ပြောကြား ပါတယ်။

တာလီဘန်တွေရဲ့ သဘောထား အယူအဆတွေကို သိနိုင်ဖို့အတွက် သမ္မတက သူ့ကို အားထား နေရတာ ဖြစ်တယ်လို့လည်း ဆိုပါတယ်။

RCSS/SSA နဲ့ အစိုးရစစ်တပ် အကြား ပစ်ခတ်မှုတွေဖြစ်

 အစိုးရနဲ့ အပစ်အခတ် ရပ်စဲထားတဲ့ ရှမ်းပြည် တပ်မတော် တောင်ပိုင်း ခေါ် ရှမ်းပြည် ပြန်လည်ထူထောင်ရေး ကောင်စီ(RCSS/SSA) ဟာ လာမယ့် ရက်ပိုင်း အတွင်း၊ အစိုးရ ငြိမ်းချမ်းရေး အဖွဲ့နဲ့ ငြိမ်းချမ်းရေး ဆွေးနွေးပွဲ အတွက် ထပ်မံ တွေ့ဆုံဖို့ ပြင်ဆင်နေတဲ့ အချိန်မှာပဲ အစိုးရ စစ်တပ်နဲ့ ပစ်ခတ်မှုတွေ ဆက်ပြီး ဖြစ်ပွား နေဆဲလို့ သိရပါတယ်။

RCSS/SSA တပ်ဖွဲ့ဟာ အစိုးရ စစ်တပ်နဲ့ ပြီးခဲ့တဲ့ ၉ ရက်နေ့နဲ့ ၁၀ ရက်နေ့တွေမှာ နှစ်ရက်ဆက်တိုက် တိုက်ပွဲ ၃ ကြိမ် ဖြစ်ပွားခဲ့တယ်။ အစိုးရ စစ်တပ်ဘက်က အင်အား ရာနဲ့ချီပြီး ရှိတာကြောင့် တိုက်ပွဲတွေက ပြင်းထန်ပြီး အနည်းဆုံး တစ်နာရီကျော်ကြာ ပစ်ခတ်ကြရတယ်လို့ SSA ပြောရေးဆိုခွင့်ရှိသူ ဗိုလ်မှူး စိုင်းလောဝ်ဆိုင်က ဘီဘီစီကို ပြောပါတယ်။

အစိုးရစစ်တပ်နဲ့ ဆက်လက် ပစ်ခတ်မှုတွေ ဖြစ်ပွားနေရတာဟာ အစိုးရစစ်တပ် ဘက်က SSA တပ်ဖွဲ့ဝင်တွေ အခြေစိုက်ရာ တပ်စခန်းဘက်ကို ကြိုတင် အကြောင်းမကြားဘဲ၊ ကျူးကျော် ဝင်ရောက် လာလို့ ပစ်ခတ်မှုတွေ ဖြစ်ပွားရတာလို့ ဗိုလ်မှူး စိုင်းလောဝ်ဆိုင်က ဆက်ပြော ပါတယ်။

တိုက်ပွဲမှာ RCSS/ SSA ဘက်က ထိခိုက်ကျဆုံးမှု မရှိဘူးသလို အစိုးရစစ်တပ် ဘက်က အသေအပျောက် စာရင်းကိုလဲ မသိရဘူးလို့ ဆိုပါတယ်။

SSA တပ်ဖွဲ့ဟာ လာမယ့် ၁၉ ရက်နေ့မှာ ရှမ်းပြည်အရှေ့ပိုင်း ကျိုင်းတုံမြို့မှာ အစိုးရ ငြိမ်းချမ်းရေးအဖွဲ့နဲ့ ဒုတိယအကြိမ် ပြည်ထောင်စုအဆင့် ထပ်မံတွေ့ဆုံဖို့ ပြင်ဆင်နေပါတယ်။

RCSS/SSA ဟာ အစိုးရ ငြိမ်းချမ်းရေးအဖွဲ့နဲ့ တွေ့ဆုံ ဆွေးနွေးမှုတွေ ပြုလုပ်တိုင်း၊ ပစ်ခတ်မှု တွေ ဆက်လက် ဖြစ်ပွားနေမှုနဲ့ ပတ်သက်ပြီး အကြိမ်ကြိမ် အခါခါ တင်ပြခဲ့ပေမယ့်လည်း တိုက်ပွဲက ဖြစ်ပွားမြဲ ဖြစ်ပွားနေတာကြောင့် အခု ထပ်မံတွေ့ဆုံတဲ့အခါ RCSS အနေနဲ့ တိုက်ပွဲကိစ္စနဲ့ ပက်သက်ပြီး ဆက်လက် တင်ပြဖို့ စီစဉ်ထားတယ်လို့ သိရပါတယ်။

အခုတခါ တင်ပြပြီးလို့ တိုက်ပွဲတွေက အရင်အတိုင်းပဲ ဆက်လက် ဖြစ်ပွားနေရင်တော့ RCSS အနေနဲ့ အစိုးရနဲ့ ပြုလုပ်ထားတဲ့ အပစ်အခတ် ရပ်စဲရေးကို ပြန်လည် သုံးသပ်ရလိမ့်မယ်လို့ စိုင်းလောဝ်ဆိုင်က ပြောပါတယ်။

လာမယ့်တွေ့ဆုံပွဲမှာ တိုက်ပွဲဖြစ်ပွားမှုအပြင်၊ နှစ်ဖက် သဘောတူညီထားတဲ့ နယ်မြေသတ်မှတ် ရေး ကိစ္စ၊ ဒေသဖွံ့ဖြိုးရေး လုပ်ငန်းတွေ အကောင်အထည်ဖော်ဖို့နဲ့ အစိုးရနဲ့ ပူးပေါင်းပြီး မူးယစ်ဆေးဝါး တိုက်ဖျက်ရေးကိစ္စ တွေကို လက်တွေ့ အကောင်အထည်ဖော်ဖို့ စတာတွေကို ဆွေးနွေးမှာ ဖြစ်တယ်လို့ သိရပါတယ်။

ဆွေးနွေးပွဲအတွက် SSA ငြိမ်းချမ်းရေး ကော်မတီအဖွဲ့ကို ဗိုလ်မှူးချုပ် ပေါင်ခေးက ဦးဆောင် သွားမှာ ဖြစ်တယ်လို့ သိရပါတယ်။

RCSS/SSA ဟာ အစိုးရနဲ့ အပစ်အခတ်ရပ်စဲရေး သဘောတူညီချက် ယူတဲ့အချိန် ၂၀၁၁ ခုနှစ် နှောင်းပိုင်းကစလို့၊ အခုချိန်ထိ အစိုးရ စစ်တပ်နဲ့ ဖြစ်ပွားတဲ့ တိုက်ပွဲပေါင်း ၂၀ နီးပါး လောက် ရှိခဲ့တယ်လို့ သိရပါတယ်။

ကချင်မှာ ထိုးစစ်တွေ ရပ်ဖို့ UNFC တောင်းဆို

 UNFCကို တိုင်းရင်းသား လက်နက်ကိုင် ၆ဖွဲ့နဲ့ ဖွဲ့စည်းထား

ကချင်ဒေသမှာ KIA ကချင် လွတ်လပ်ရေး တပ်မတော် ကို အစိုးရ စစ်တပ်ဘက်က ထိုးစစ်ဆင် တိုက်ခိုက်နေတာတွေကို လာမယ့် June လ ၁၀ရက်နေ့ မတိုင်ခင် ရပ်တန့်ပေးဖို့ UNFC ညီညွတ်သော တိုင်းရင်းသား လူမျိုးများ ဖယ်ဒရယ်ကောင်စီက အထူးအစည်းအဝေး တရပ်မှာ ထုတ်ပြန် ကြေညာလိုက်ပါတယ်။

အဲဒီလို မရပ်တန့်ဘူးဆိုရင် အစိုးရနဲ့ အပစ်အခတ် ရပ်ထားတဲ့ UNFC အဖွဲ့ဝင် တိုင်းရင်းသား အဖွဲ့အစည်းတွေအနေနဲ့ အပစ်ရပ်စဲရေး သဘောတူချက်တွေကို ပြန်လည် သုံးသပ်သွားမယ်လို့ မေလ ၁၀ရက်နေ့မှာ ထုတ်ပြန်တဲ့ အဲဒီ ကြေညာချက်ထဲမှာ ဖေါ်ပြထားပါတယ်။

အစိုးရဘက်က ဒီလို ထိုးစစ်ဆင် တိုက်ခိုက်နေတာတွေကို မရပ်တန့်ဘူး ဆိုရင် နိုင်ငံတကာ အသိုင်းအဝိုင်းအနေနဲ့ ဒဏ်ခတ် ပိတ်ဆို့ထားမှုတွေနဲ့ ပတ်သက်လို့ စောင့်ကြည့် သုံးသပ်ကြဖို့ ကိုလည်း UNFC က တိုက်တွန်းထားပါတယ်။

တခြား တိုင်းရင်းသား လက်နက်ကိုင် အဖွဲ့တွေနဲ့ အစိုးရ အပစ်ရပ်ရေး သဘောတူနိုင်ခဲ့ ပေမယ့် KIO နဲ့ သဘောတူချက် မရသေးတာဟာ နိုင်ငံရေး ဆွေးနွေးဖို့ အစိုးရဘက်က အာမခံမှ အပစ်ရပ်ဖို့ KIOက လိုလားနေချိန်မှာ အစိုးရဘက်ကတော့ နိုင်ငံရေး ဆွေးနွေးရေး ကို ကတိပေးခြင်း မရှိပဲ ယာယီ အပစ်ရပ်ရေးကိုပဲ တစိုက်မတ်မတ် တောင်းဆိုနေတာကြောင့် ဖြစ်တယ်လို့ UNFC တွဲဘက် အထွေထွေ အတွင်းရေးမှူး ဗိုလ်မှူးကြီး ခွန်ဥက္ကာက ဘီဘီစီကို ပြောပါတယ်။

တချိန်ထဲမှာပဲ အပစ်ရပ်ရေး လက်မှတ်မထိုးခင် ကချင်ဒေသက နယ်မြေ အတော်များများကို အစိုးရတပ်တွေရဲ့ လက်အောက်မှာထားနိုင်ဖို့ အခုလို အကြီးအကျယ် ထိုးစစ်ဆင်နေတာလို့ သူ့အနေနဲ့ ယူဆတယ်လို့လည်း ပြောပါတယ်။

KIO အနေနဲ့ အစိုးရနဲ့ အခုလို သီးခြား ဆွေးနွေးနေတာ အဆင်မပြေရင် UNFC နဲ့ တပေါင်း တစည်းထဲ ပါဝင် ဆွေးနွေးဖို့ UNFC က ဖိတ်ခေါ်ထားကြောင်းနဲ့ ဒီကိစ္စကို သက်ဆိုင်ရာ ပြည်ထောင်စုအဆင့် ငြိမ်းချမ်းရေး ကိုယ်စားလှယ် ဝန်ကြီး ဦးအောင်မင်းကို အကြောင်းကြား ထားပြီး ဖြစ်တယ်လို့ ဗိုလ်မှူးကြီး ခွန်ဥက္ကာက ပြောပါတယ်။

ဂရိနိုင်ငံမှာ အစိုးရဖွဲ့ရေးကြိုးပမ်းမှု မအောင်မြင်သေး

 လက်ဝဲအစွန်းရောက် ဆီရီဇာပါတီဟာ ခြိုးခြံ ချွေတာ ရေးကို သဘောမတူ

ဂရိသမ္မတ ကာရောလော့စ်ပတ်ပူးလက်စ် ဟာ အရေးပေါ် အစိုးရ ဖွဲ့စည်းရေး သဘောတူ ချက် ရရှိနိုင်ဖို့ အတွက် နောက်ဆုံး ကြိုးပမ်း တဲ့ အနေနဲ့ အဓိက ပါတီကြီး သုံးခုက ခေါင်းဆောင်တွေနဲ့ တွေ့ဆုံ ဆွေးနွေးမှုတွေ ပြုလုပ်ခဲ့တယ်။

ဆွေးနွေးပွဲ အပြီးမှာတော့ လက်ဝဲအစွန်းရောက် ပါတီ ဖြစ်တဲ့ ဆီရီဇာ ပါတီခေါင်းဆောင် အလက်စစ် ဆီးပရတ်စ် က သူ့အနေနဲ့ ဥရောပရဲ့ ချေးငွေ အကူအညီ ရရှိရေးကို လိုလားတဲ့ ညွန့်ပေါင်း အစိုးရအဖွဲ့မှာ ပါဝင်မှာ မဟုတ်သလို ထောက်ခံမှာလည်း မဟုတ်ကြောင်း သူ့သဘောထားကို ထပ်လောင်း ပြောကြားသွားပါတယ်။

ဂရိနိုင်ငံမှာ တင်းကျပ်တဲ့ ခြိုးခြံချွေတာရေး အစီအစဉ် ချမှတ်ကျင့် သုံးရေး အတွက် ဒီပါတီကြီးသုံးခု အကြားမှာ နက်နက်ရှိုင်းရှိုင်း ကွဲလွဲမှုတွေ ဖြစ်နေပါတယ်။

သမ္မတဟာ အခုတော့ ပါလီအမတ်နေရာတွေ အတွက် အနိုင်ရရှိ ခဲ့တဲ့ ပါတီငယ်တွေရဲ့ ခေါင်းဆောင် တဦးချင်းဆီနဲ့ တွေ့ဆုံ ဆွေးနွေးမယ်လို့ မျှော်လင့်ရပါတယ်။

သမ္မတရဲ့ အခုကြိုးပမ်းချက်ဟာ ရွေးကောက်ပွဲ ထပ်မလုပ်ရရေးအတွက် နောက်ဆုံး ကြိုးပမ်းချက်ဖြစ်ပါတယ်။

တကယ်လို့ ရွေးကောက်ပွဲ ပြန်ကျင်းပရရင်တော့ ဥရောပချေးငွေ ရရှိရေးကို ဆန့်ကျင်တဲ့ ပါတီက အနိုင်ရဖို့ အလားအလာ ရှိတာကြောင့် ဂရိဟာ ယူရိုဇုန်ကနေ ထွက်ခွာမယ့် အန္တရာယ် ရှိလာနိုင်တယ်လို့ အေသင်မှာရှိတဲ့ ဘီဘီစီ သတင်းထောက်က သုံးသပ်ပါတယ်။

၈၈ မျိုးဆက် ကိုကိုကြီး ပါ့စ်ပို့ မကျသေး

၈၈ မျိုးဆက်ခေါင်းဆောင် ကိုကိုကြီး

မြန်မာနိုင်ငံမှာ နိုင်ငံသား တဉီး နိုင်ငံကူး ပါ့စ်ပို့ လျှောက်ထားလိုရင် သီတင်းနှစ်ပတ်၊ သုံးပတ် အတွင်း ရပါစေမယ် လို့ တရားဝင် ကြေညာ ထားပေမယ့် ၈၈ မျိုးဆက် ကျောင်းသား ခေါင်းဆောင် တဉီး ဖြစ်တဲ့ ကိုကိုကြီး က သုံးလ နီးပါး ပါ့စ်ပို့ မကျသေးလို့ သူကိုယ်တိုင် မြန်မာ နိုင်ငံသား မှ ဖြစ်ပါသေးရဲ့လား လို့ စောကြောမိပုံ ကို ဘီဘီစီ ကို ပြောပါပါတယ်။

ဒါမှ မဟုတ်ရင် နိုင်ငံရေး ကြောင့် အကျဉ်းကျ ခဲ့တဲ့ ကျောင်းသား နိုင်ငံရေး သမား ထောင်ထွက် တွေကို နိုင်ငံသား အဖြစ် မသတ်မှတ်ဘူး၊ ဒုတိယ တန်းစား နိုင်ငံသား အဖြစ် ခွဲခြား သတ်မှတ် ခံရတယ် လို့ ခံစားမိပုံ ဘီဘီစီ ကိုရှင်းပြ ပါတယ်။

လျှောက်လွှာတင်စဉ် ကလည်း စာတစောင် သပ်သပ်ရေးတင်ဖို့၊ ထောင်ထွက် လက်မှတ် ကို မိတ္တူ ကူးတင်ဖို့၊ သာမန် နိုင်ငံသားထက် အပိုဆောင်း လုပ်ခဲ့ပေးရပုံ၊ ဒီ အခါမှာ ပြီးခဲ့တဲ့ အနှစ် ၂၀ ကျော် အတွင်း ထောင်ကျခဲ့ရတဲ့ အဖြစ် အပျက် အသေးစိတ် ရေးတင်ခဲ့ရပုံ လည်း ပြောပါတယ်။

သူတဉီးတည်းတင် မကပဲ၊ ၈၈ မျိုးဆက် ကျောင်းသား လူငယ် တွေလည်း ခေါင်းဆောင်ပိုင်း တွေ မလွတ်ခင် က ပါ့စ်ပို့ လျှောက်ထား ကြပေမယ့် မရကြသေးတဲ့ အတွက်၊ တနှစ်ဆိုင်းငံ့ ထားတယ်ဆိုတဲ့ သတင်းထွက်ပုံ ကို ကိုကိုကြီး က ပြောပါတယ်။

ပြည်တွင်းမှာလည်း ပညာသင်ခွင့် မပေး၊ ပြည်ပ က နိုင်ငံရေး အကျဉ်းသားဟောင်းတွေ ကို သင်တန်းတွေပေးဖို့ ကမ်းလှမ်းတာကိုလည်း ပိတ်ပင်နေလို့ ထောင်ထွက် အကျဉ်းသား တွေဟာ အသက်အရွယ် နဲ့ မမျှအောင် နှစ်ရှည် ထောင်ဒဏ် ကျခံပြီးတဲ့တိုင် ဖိနှိပ် ပိတ်ပင်မှု ဟာ ဆိုရင် လူမဆန်တဲ့ လူသားပြစ်မှု ကို ထပ်ပြီး ကျူးလွန်တယ် လို့ မြင်တဲ့ အကြောင်း ကိုကိုကြီး က ဘီဘီစီ ကို ရှင်းပြပါတယ်။

စပိန်က ဆန္ဒပြနေကြသူများစပိန်မှာ မေ ၁၅ နှစ်ပတ်လည် ချီတက်ကြ

စပိန် နိုင်ငံမှာတော့ ခြိုးခြံ ချွေတာရေး အစီအမံ တွေကို ဆန့်ကျင်တဲ့ ဆန္ဒပြပွဲတွေ ပြုလုပ် ခဲ့တာ ၁ နှစ် ပြည့်တဲ့ အထိမ်းအမှတ် အဖြစ် လူထောင်ပေါင်း များစွာ ချီတက် ခဲ့ကြပါတယ်။

အဲဒီ အထဲက မခံရပ်နိုင်သူများ လို့ ခေါ်တဲ့ အစိုးရ ဆန့်ကျင်သူတွေရဲ့ အဓိက ချီတက် ဆန္ဒပြပွဲကြီး ကိုတော့ မနှစ်က ဆန္ဒပြသူတွေ စခန်းချ ခဲ့ကြတဲ့ မဒရစ် မြို့လယ်မှာ ကျင်းပပါတယ်။

တခါ ဒီဆန္ဒပြပွဲတွေ စတင်ခဲ့တဲ့ မေ ၁၅ ကို ဂုဏ်ပြုပြီး ၁၅ အမ် လို့ အမည်ပေးထားတဲ့ အဖွဲ့တဖွဲ့ကလည်း ရက်တော်တော် ကြာမဲ့ ချီတက်ပွဲတွေ လုပ်သွားဖို့ စီစဉ်နေပါတယ်။

မဒရစ်မြို့က အာဏာပိုင်တွေက ဒီလူတွေအတွက် ယာယီ ဆန္ဒပြခွင့်တွေ ထုတ်ပေးထားပေမယ့် မနှစ်တုန်းကလို တလလောက် စခန်းချကြတာ မျိုးကိုတော့ တားဆီး သွားမယ်လို့ ဆိုပါတယ်။

အဲဒီ လိုမျိုး ခပ်ဆင်ဆင် ဆန္ဒပြပွဲ တွေကိုလည်း လန်ဒန်မြို့ အပါအဝင် ကမ္ဘာ တဝှမ်းက မြို့ကြီးတွေမှာ ပြုလုပ် ကြပါတယ်။

စပိန်မှာ မနှစ်က ပြုလုပ်ခဲ့တဲ့ ဆန္ဒပြပွဲမှာ လူပေါင်း သိန်းနဲ့ ချီပြီး တက်ရောက် ခဲ့ကြသလို အဲဒီ နောက်ပိုင်းမှာ စပိန်ရဲ့ စီးပွားရေးကလည်း တော်တော်ကျဆင်း သွားခဲ့ပါတယ်။

ခြိုးခြံချွေတာ နေတဲ့ ဝန်ကြီးချုပ် မွန်တီအီတလီမှာ ခြိုးခြံရေးကို မကျေနပ်လို့ တိုက်ခိုက်ကြ

အီတလီ နိုင်ငံမှာတော့ အစိုးရရဲ့ ခြိုးခြံရေးမူ တွေကို ဆန့်ကျင်တဲ့ အနေနဲ့ တိုက်ခိုက် မှုတွေ လုပ်ခဲ့ကြ ပါတယ်။

လီဗော်နို မြို့မှာ ရှိတဲ့ အခွန်ရုံးကို ဓာတ်ဆီဗုံး နဲ့ တိုက်ခိုက်ခဲ့ ပေမယ့် တဉီး တယောက်မှ ထိခိုက် ဒဏ်ရာ ရခြင်း မရှိခဲ့ပါဘူး။

အခွန်အေဂျင်စီ တခု ဖြစ်တဲ့ အီကွစ်တားလီယာ မှာလည်း စာအိတ်ဗုံး တွေရရှိခဲ့ ပါတယ်။ တခါ အဲဒီကဝန်ထမ်း တဉီးကိုလည်း သေနတ်နဲ့ချိန်လို့ ဓားစာခံ လုပ်ထားတယ် လို့လဲ သိရပါတယ်။

အီတလီမှာ ဝန်ကြီးချုပ် မာရီယို မွန်တီ ခေါင်းဆောင်တဲ့ အစိုးရက အသုံး စားရိတ် တွေကို လျှော့ချပြီး အခွန်နှုန်းထားတွေ တိုးမြှင့်ခဲ့တာကြောင့် အခုလို တိုက်ခိုက်မှုတွေ ပိုပြီး များပြား လာမှာကို စိုးရိမ်နေကြတယ်လို့ အဲဒီက သတင်းထောက်က သတင်းပေးပို့ ထားပါတယ်။

ဆီးရီးယားက ဗုံးပေါက်ကွဲခဲ့တဲ့ နေရာဒမတ်စကတ်စ်ဗုံးခွဲမှု သူတို့လုပ်တာလို့ စစ်သွေးကြွေ အဖွဲ့ပြော

ဆီးရီးယား နိုင်ငံက အဲလ်ခိုင်းဒါး အဖွဲ့နဲ့ အဆက် အသွယ် ရှိတဲ့ လူသိ မများလှတဲ့ စစ်သွေးကြွ အဖွဲ့ တခုက ကြာသပတေး နေ့က ဒမတ်စကတ်စ် မြို့မှာ ဖြစ်ပွား ခဲ့တဲ့ အသေခံ ဗုံးခွဲ တိုက်ခိုက် မှုကို သူတို့ လုပ်ခဲ့တာ ဖြစ်တယ်လို့ ပြောပါတယ်။

အဲဒီ တိုက်ခိုက်မှုကြောင့် လူ ၅၅ ဉီးထက် မနည်း သေဆုံး သွားခဲ့ရပါတယ်။ ဒီ အဲလ် နုစရာ တပ်ဉီး လို့ခေါ်တဲ့ အဖွဲ့က ဆီးရီးယား အစိုးရက လူနေ အိမ်ခြေ တွေကို တိုက်ခိုက်မှု တွေလုပ်ခဲ့တဲ့ အပေါ်မှာ လက်တုန့်ပြန် တာဖြစ်ကြောင်း သူတို့ရဲ့ ဝက်ဘ်ဆိုဒ်မှာ ဖော်ပြထား ပါတယ်။

ပြီးခဲ့တဲ့ ဇန်နဝါရီလက ဒမတ်စကတ်စ် မှာ ဖြစ်ခဲ့တဲ့ ဗုံးခွဲတိုက်ခိုက်မှုကြီး တခုကိုလည်း သူတို့ လုပ်ခဲ့တာ ဖြစ်တယ်လို့ ဒီအဖွဲ့က ကြေညာ ခဲ့ဖူးပါတယ်။

ဆီးရီးယား အာဏာပိုင် တွေက အတိုက်အခံတွေကို အဲလ် ခိုင်းဒါးအဖွဲ့က နောက်က ပံ့ပိုး ပေးနေတယ်လို့ မကြာခဏ စွပ်စွဲ ခဲ့ဖူး ပါတယ်။

သမာရိုးကျ ကျား-မ အိမ်ထောင်ပြုမှုထောက်ခံသူ Romney ကို လူကြိုက်များ

By ဗွီအိုအေ (မြန်မာဌာန)

အမေရိကန်ပြည်ထောင်စုမှာ ရီပက်ဘလီကန် ပါတီဘက်က သမ္မတလောင်းအဖြစ်နဲ့ ၀င်ရောက် ယှဉ်ပြိုင်မယ့်သူလို့ ပြောလို့ရတဲ့ မစ် ရွန်မနီ (Mitt Romney) ဟာ အမျိုးသမီးနဲ့ အမျိုးသားကြား လက်ထက် ပေါင်းသင်းတဲ့ ဓမ္မတာ အိမ်ထောင်ရေးကိုပဲ ထောက်ခံ ပြောဆိုသွားလို့ စနေနေ့မှာ သမာရိုးကျဝါဒီ ခရစ်ယာန်တက္ကသိုလ်မှာ သူ့မိန့်ခွန်းကို လာနားထောင်ကြတဲ့ ပရိသတ်က အကြီးအကျယ်ကို ထောက်ခံခဲ့ပါတယ်။

ရီပက်ဘလီကန်ပါတီက တကယ့် သမာရိုးကျဝါဒီတွေရဲ့ သံသယမျက်လုံးနဲ့ ကြုံရတတ်တဲ့ မစ္စတာ ရွန်မနီဟာ ဗာဂျီးနီးယားပြည်နယ်က လစ်ဘာတီတက္ကသိုလ် ဘွဲ့နှင်းသဘင် အခမ်းအနားမှာ မိန့်ခွန်းပြောကြားတော့ လူတစ်ယောက်ရဲ့ ကိုယ်ပိုင် သက်ဝင်ယုံကြည်မှုနဲ့ မိသားစုအပေါ်မှာ အလေးအနက်ရှိမှုက ဘယ်လောက် အရေးကြီးလှကြောင်း ပြောသွားခဲ့ပါတယ်။

သမ္မတ ဘရက်အိုဘားမားက အမေရိကန် ပြည်ထောင်စုမှာ လိင်တူချင်း တရားဝင် လက်ထပ်ပေါင်းသင်းမှု ကိစ္စကို ထောက်ခံကြောင်း ပြောသွားပြီးတော့ ရက်ပိုင်းအတွင်းမှာပဲ ဒီလို လိင်တူ လက်ထပ်မှုနဲ့ ပတ်သက်ပြီး မစ္စတာ ရွန်မနီက မှတ်ချက် ခပ်တိုတို ပေးသွားတော့ ပရိသတ် သုံးသောင်းကျော်ထဲက အကြီးအကျယ် ထောက်ခံမှု ရခဲ့တာပါ။

ပြည်နယ် ခြောက်ခုနဲ့ District of Columbia ကပဲ လိင်တူချင်း လက်ထပ်ခွင့်ရှိတဲ့ အမေရိကန် ပြည်ထောင်စုမှာ သမ္မတရဲ့ ထောက်ခံမှုက အငြင်းပွားစရာ ဖြစ်နေပါတယ်။ ပြည်နယ် ၃၁ ပြည်နယ်က ဒါကို တားဆီးထားတာ ဖြစ်ပါတယ်။ ဒါပေမဲ့ ဒီလိုမျိုး လိင်တူချင်း လက်ထပ်မှုကို ထောက်ခံမှုက များလာနေပြီးတော့ အရေအတွက်အားဖြင့် ဆိုရင်တော့ မထောက်ခံသူတွေထက် နည်းနည်း ပိုသာနေတာ တွေ့ရပါတယ်။

ညွှန့်ပေါင်းအစိုးရဖွဲ့နိုင်ဖို့ ဂရိသမ္မတ ကြိုးပမ်း

By ဗွီအိုအေ (မြန်မာဌာန)

ဂရိနိုင်ငံမှာ ညွန့်ပေါင်းအစိုးရသစ် ဖွဲ့နိုင်ရေးအတွက် နောက်ဆုံး ကြိုးပမ်းတဲ့အနေနဲ့ သမ္မတက အဓိက နိုင်ငံရေးပါတီကြီး ၃ ခုက ခေါင်းဆောင်တွေကို ခေါ်ယူ တွေ့ဆုံနေပါတယ်။

ကွန်ဆာဗေးတစ် ဒီမိုကရက်တစ်ပါတီသစ် ၊ အလယ်အလတ်ဝါဒကို စွဲစွဲမြဲမြဲ ဆုပ်ကိုင်ထားတဲ့ Syriza ပါတီနဲ့ ဆိုရှယ်လစ် PASOK ပါတီက ခေါင်းဆောင်တွေကို သမ္မတ Karolos Papoulias က ဒီကနေ့ ခေါ်တွေ့နေတာပါ။ နောက်ပိုင်းမှာတော့ ပြီးခဲ့တဲ့ မေလ ၆ ရက်နေ့ ရွေးကောက်ပွဲမှာ အနိုင်ရခဲ့ကြတဲ့ ပါတီငယ်လေးတွေနဲ့ တွေ့ဆုံဖို့ စီစဉ်ထားတာပါ။

ရွေးကောက်ပွဲမှာ အနိုင်ရခဲ့ကြတဲ့ ပါတီတွေက ညွန့်ပေါင်းအစိုးရ ဖွဲ့နိုင်ခြင်းမရှိတဲ့အတွက် နောက်ထပ် ရွေးကောက်ပွဲ ကျင်းပစရာ မလိုအောင် သမ္မတက ပါတီခေါင်းဆောင်တွေနဲ့ အခုလို တွေ့ဆုံနေတာပါ။ သူ့အနေနဲ့ မျှော်လင့်ချက်သိပ်မရှိဘူးလို့ တနင်္ဂနွေနေ့ တွေ့ဆုံ ဆွေးနွေးအပြီးမှာ PASOK ပါတီ ခေါင်းဆောင် Evangelos Venizelos က ပြောပါတယ်။

လက်ဝဲယိမ်း ဒီမိုကရက်တစ်ပါတီငယ်လေးတွေက သူတို့နဲ့ ပူးပေါင်းလာရင်တော့ ဒီမိုကရက်တစ်ပါတီသစ်နဲ့ PASOK ပါတီတို့ ၂ ခုပေါင်းပြီး ညွန့်ပေါင်းအစိုးရ ဖွဲ့နိုင်မှာဖြစ်ပေမဲ့ Syriza ပါတီ မပါဘဲ သူတို့ချည်းပဲ လာမပေါင်းလိုဘူး ဆိုပြီး ငြင်းဆိုနေကြတာပါ။

သမ္မတ Papoulias အနေနဲ့ လာမယ့် ကြာသပတေးနေ့အထိ ညွန့်ပေါင်းအစိုးရဖွဲ့ဖို့ အချိန်ကျန်ပါသေးတယ်။ တကယ်လို့ သဘောတူညီချက် တစုံတရာ မရရင်တော့ ဂရိနိုင်ငံမှာ ဇွန်လအတွင်း ရွေးကောက်ပွဲတွေ ပြန်ကျင်းပပေးရမှာပါ။

အကြွေးတွေနဲ့ ပိနေတဲ့ ဂရိအစိုးရအနေနဲ့ နိုင်ငံတကာနဲ့ ဥရောပ အိမ်နီးချင်းနိုင်ငံတွေရဲ့ တောင်းဆိုချက်တွေအတိုင်း အစိုးရအသုံးစားရိတ် လျော့ချရေးဆိုင်ရာ ပြုပြင်ပြောင်းလဲမှုတွေကို လိုက်လျောပေးလိုက်တဲ့အပေါ် သဘောတူညီမှု မရနိုင်ဘဲ ဖြစ်နေတာပါ။

မြောက်ကိုရီးယား ရန်စမှု ဒေသတွင်း အင်အားကြီး ၃နိုင်ငံသတိပေး

By ဗွီအိုအေ (မြန်မာဌာန)

မြောက်ကိုရီးယားဘက်က ရန်လိုတဲ့အပြုအမူမျိုးကို နောင်မှာ သည်းခံမှာမဟုတ်ဘူးလို့ တရုတ်၊ ဂျပန်နဲ့ တောင်ကိုရီးယား နိုင်ငံတို့က ပြောလိုက်ပါတယ်။ မြောက်ကိုရီးယားက နျူကလီးယား စမ်းသပ်ဖောက်ခွဲမှု အသစ်လုပ်ဖို့ ပြင်ဆင်နေတယ်ဆိုတဲ့ စိုးရိမ်မှုတွေ ထွက်ပေါ်နေတဲ့အချိန် ဒီသတိပေး ပြောဆိုချက် ထွက်လာတာပါ။

တရုတ်ဝန်ကြီးချုပ် ၀မ်ကျားပေါင် (Wen Jiabao)၊ ဂျပန်ဝန်ကြီးချုပ် ယိုရှိဟိကိုနိုဒ (Yoshihiko Noda) တို့နဲ့ တရုတ်နိုင်ငံ ဘေဂျင်းမြို့မှာ တွေ့ဆုံအပြီး တောင်ကိုရီးယားသမ္မတ အီမြောင်ဘက် (Lee Myung-bak) က ဒီကနေ့ ပြောကြားလိုက်ပါတယ်။

မြောက်ကိုရီးယားက မအောင်မြင်တဲ့ ဒုံးပျံ ပစ်လွှတ်မှု ပြီးခဲ့တဲ့လအတွင်း ပြုလုပ်ပြီးတဲ့နောက် ကုလသမဂ္ဂ လုံခြုံရေးကောင်စီက ပိတ်ဆို့အရေးယူမှု အသစ်တွေ ထပ်မံ ချမှတ်ခဲ့တာပါ။ ကုလသမဂ္ဂရဲ့ ဆုံးဖြတ်ချက်အရ စမ်းသပ် ပစ်လွှတ်မှု မလုပ်ရဘူးလို့ ပိတ်ပင် တားမြစ်ထားတဲ့ တာဝေးပစ် ဒုံးကျည် စမ်းသပ်ပစ်လွှတ်ခြင်း မပြုလုပ်ရဆိုတဲ့ ပိတ်ပင် တားမြစ်ချက်ကို ချိုးဖောက်ရာရောက်တယ်ဆိုပြီး အမေရိကန်နဲ့ မဟာမိတ်နိုင်ငံတွေက ပြစ်တင် ဝေဖန် ခဲ့ကြတာပါ။

ဒီခေါင်းဆောင် ၃ ဦးဟာ အကောက်ခွန် ကင်းလွတ်တဲ့ ကုန်သွယ်ခွင့်ဆိုင်ရာ ဆွေးနွေးပွဲတွေ အခုနှစ်မကုန်ခင်မှာ စတင်ကြဖို့လည်း သဘောတူခဲ့ကြပါတယ်။ ဒါ့အပြင် ရင်းနှီးမြှုပ်နှံမှုဆိုင်ရာ သဘောတူညီချက်ကိုလည်း ခေါင်းဆောင် ၃ ဦးက လက်မှတ် ရေးထိုးခဲ့ကြတာပါ။

တရုတ်၊ ဂျပန်နဲ့ တောင်ကိုရီးယားတို့ဟာ အရှေ့အာရှတိုက်အတွင်း စီးပွား အကြီးဆုံး ၃ နိုင်ငံလည်း ဖြစ်ပါတယ်။

ပြည်ပရောက် မြန်မာနိုင်ငံသားတွေ အိမ်ပြန်ရေး အတားအဆီးတွေ ရှိနေဆဲ

By ဦးရော်နီညိမ်း

ပြည်ပကို အကြောင်းအမျိုးမျိုးနဲ့ ရောက်နေကြတဲ့ မြန်မာနိုင်ငံသားတွေ မြန်မာနိုင်ငံ တိုးတက်ရေး အတွက် ပြန်လာကြဖို့ သမ္မတဦးသိန်းစိန်က ထပ်ပြီး ဖိတ်ခေါ်လိုက်ပေမဲ့ ပြန်လာချင်သူတွေရော  ပြည်တွင်းကနေ နိုင်ငံရပ်ခြား အတွေ့အကြုံ ယူချင်သူတွေ အတွက်ပါ အခက်အခဲတွေ အမျိုးမျိုး ရှိနေတယ်လို့  တက်ကြွ လှုပ်ရှားသူတွေက ပြောပါတယ်။ မေလ ၁၁ ရက်နေ့တုန်းက နေပြည်တော်မှာ နိုင်ငံတော် ဖွံ့ဖြိုးတိုးတက်ရေးနဲ့ ဒေသဖွံ့ဖြိုးတိုးတက်ရေးတွေကို ပိုပြီး ထိထိရောက်ရောက် ပြုပြင်ပြောင်းလဲ ကြိုးပမ်း ဆောင်ရွက်ရေးဆိုင်ရာ လုပ်ငန်းညှိနှိုင်း အစည်းအဝေးတရပ် ကျင်းပခဲ့ပြီး အဲဒီအစည်းအဝေးမှာ သမ္မတဦးသိန်းစိန်က ထပ်မံဖိတ်ခေါ်လိုက်တာပါ။ သမ္မတဦးသိန်းစိန်က ပြီးခဲ့တဲ့နှစ် ၂၀၁၁ ခုနှစ်ကလည်း ပထမအကြိမ် ဖိတ်ခေါ်ခဲ့သလို  အခု ဒုတိယအကြိမ် ဖိတ်ခေါ်မှုနဲ့ ပတ်သက်ပြီး နိုင်ငံရေး တက်ကြွလှုပ်ရှားသူတွေရဲ့ အမြင်ကို ဦးရော်နီညိမ်းက ဆက်သွယ်မေးမြန်း တင်ပြထားပါတယ်။

ပြည်ပက မြန်မာနိုင်ငံသားတွေ ပြန်လာဖို့ သမ္မတဦးသိန်းစိန်ရဲ့ မိန့်ခွန်းထဲမှာ ဒုတိယအကြိမ် ထည့်သွင်းဖိတ်ခေါ်တဲ့ ကိစ္စကို (၈၈) မျိုးဆက် ကျောင်းသားခေါင်းဆောင် ကိုကိုကြီးကို ဗွီအိုအေက စပြီး မေးမြန်းကြည့်ခဲ့ပါတယ်။

“သမ္မတကိုယ်တိုင်ပြောတဲ့ဟာ ဖြစ်တဲ့အတွက်ကြောင့် လေးနက်တာ မှန်ပေမဲ့ ပြည်ပရောက်နေတဲ့ နိုင်ငံသားတွေ အားလုံး ပြန်လာဖို့အတွက် သေချာခိုင်လုံတဲ့ လွတ်ငြိမ်းချမ်းသာခွင့်လို အမိန့်မျိုးနဲ့ ဥပဒေပြဌာန်းပြီး ဖိတ်ခေါ်တာမျိုးပဲ ဖြစ်သင့်ပါတယ်။ ပြည်ပကလူတွေ ပြန်လာတဲ့အခါမှာလည်း ဂုဏ်သိက္ခာရှိရှိ အာမခံချက်ရှိရှိ ပြန်လာနိုင်အောင် လုပ်ပေးသင့်သလို၊ ပြည်တွင်းကနေပြီးတော့ ကျနော်တို့လို ထောင်ကထွက်လာတဲ့ နိုင်ငံရေးအကျဉ်းသားတွေ passport မရသေးတဲ့ကိစ္စ၊ နိုင်ငံကူး လက်မှတ် မရသေးတဲ့ကိစ္စဟာလည်း တဘက်မှာကျတော့ ကျနော်တို့က ပြည်ပမှာ အတွေ့အကြုံတွေ ရယူဖို့ သင်တန်းတွေ တက်ဖို့ စတဲ့ကိစ္စမျိုးတွေမှာလည်း အခုချိန်အထိ ပိတ်ပင်ထားဆဲ အခြေအနေမျိုးတွေ ကြုံနေရတာ အားလုံးကို ဆက်စပ်ပြီးတော့ ဒါကို နိုင်ငံတော်သမ္မတအနေနဲ့ ဥပဒေဘောင်ဝင်အောင် အမိန့်ကြေညာချက်တစ်ခုမျိုး သတ်သတ်မှတ်မှတ် ထုတ်ပေးသင့်တယ်လို့ မြင်ပါတယ်”

ဂျပန်နိုင်ငံ တိုကျိုမြို့တော်မှာ မြန်မာ့ဒီမိုကရေစီအရေး ဆောင်ရွက်နေတဲ့ နာဂိုယာတက္ကသိုလ်(Nagoya University) မှ ပါရဂူ နှစ်ဘွဲ့ရ တိုကျိုမြန်မာ့ရေးရာရုံး ညွှန်ကြားရေးမှူး ဒေါက်တာမင်းညိုကိုလည်း သမ္မတဦးသိန်းစိန်ရဲ့ ဖိတ်ခေါ်မှုအပေါ် သူ့ရဲ့ သဘောထားအမြင်ကိုလည်း မေးကြည့်ပါတယ်။

“သမ္မတဦးသိန်းစိန်ရဲ့ ထပ်မံဖိတ်ခေါ်မှုကို ကြားရတဲ့အတွက် အင်မတန်လည်း ၀မ်းသာတယ်၊ ကြိုလည်း ကြိုဆိုတယ်။ ဟိုတုန်းက ဦးနေ၀င်း လက်ထက်မှာက နိုင်ငံခြားကို ပညာလာသင်တယ် ဆိုရင်၊ အစိုးရရဲ့ ပညာတော်သင် မဟုတ်ဘူးဆိုရင် ဘယ်လောက်ပဲ ပညာတွေတတ်တတ် အသိအမှတ်မပြုခဲ့ဘူးလေ။ အခု ဦးသိန်းစိန် သမ္မတဖြစ်လာပြီးတဲ့နောက် အသိအမှတ် ပြုလာတယ်၊ ကျနော်တို့တွေကို ပြန်လာပါလို့ ဖိတ်ခေါ်တဲ့အတွက် ၀မ်းလည်း ၀မ်းသာတယ်။ ကျနော်တို့ကလည်း ဒီလိုအချိန်မျိုးကို စောင့်နေတာလေ။ ကျနော်တို့တတ်တဲ့ ပညာတွေနဲ့ ကျနော်တို့ တိုင်းပြည်မှာ ဘာလုပ်ပေးနိုင်မလဲ ဆိုတဲ့ဟာကိုပဲ ကျနော်တို့က စဉ်းစားတယ်။ အရင်တုန်းက လုပ်ချင်ပေမဲ့ လုပ်လို့မရဘူး။ အသိအမှတ်လည်း မပြုဘူးလေ။ အခုကျတော့ အသိအမှတ်လည်း ပြုတယ်ဆိုတာ ဖြစ်တဲ့အတွက်ကြောင့်မိုလို့ ကျနော့်အနေနဲ့ကတော့ ၀မ်းမြောက်ဝမ်းသာစွာနဲ့ ပြန်ပြီး လုပ်ချင်တယ်လို့ပဲ ပြောချင်ပါတယ်။”

ဦးမင်းညို ဆိုရင် အစိုးရနဲ့အတိုက်အခံ ပြည်ပမှာထင်ရှားတဲ့ ပုဂ္ဂိုလ်တစ်ယောက်လည်း ဖြစ်နေတော့ ဒီအတိုင်း ပြန်သွားလို့ဖြစ်မလား၊ အဲဒါလည်း သိချင်ပါတယ်။ -

“အကောင်းဆုံးကတော့ အထွေထွေ လွတ်ငြိမ်းချမ်းသာခွင့် ဆိုတဲ့ဟာကိုတော့ ပေးသင့်တယ်လို့တော့ ထင်တာပေါ့။ အဲဒါက ဦးနေ၀င်းခေတ်မှာတော့ ပေးတော့ပေးခဲ့တယ်။ ဒါပေမဲ့ နိုင်ငံရေး မပြုပြင်တာကြောင့်မို့၊ ပြောရင်တော့ ထောင်ဘယ်လောက်ပဲ ခါခါ နောက်ပိုင်းထောင်မှာ လူတွေ ပြန်ပြည့်လာတာပဲလေ။ ကျနော်တို့ နိုင်ငံရေးအကျဉ်းသမားတွေ။ ဒါပေမဲ့ လွှတ်တော်ထဲမှာ အတိုက်အခံတွေလည်း အများကြီး ရှိလာပြီဆိုတော့ လွှတ်တော်ကလည်း ဒါကို တရားဝင်တောင်းဆိုပြီးတော့ အထွေထွေ လွတ်ငြိမ်းချမ်းသာခွင့် ပေးနိုင်အောင် လုပ်ဖို့တော့ လိုတယ်လို့ ကျနော် မြင်ပါတယ်။ နိုင်ငံရေးပညာ လေ့လာသူတစ်ယောက်အနေနဲ့ ကျနော် ပြောရရင်တော့ အဲဒီလို အထွေထွေ လွတ်ငြိမ်းချမ်းသာခွင့် မပေးဘူးဆိုရင်တော့ ခုနက ပြန်ချင်တဲ့သူတွေ၊ ပြန်လို့မရနိုင်တဲ့ဟာတွေ ရှိတာတော့ မကောင်းတာ အမှန်ပဲ။”

နိုင်ငံရေးပါတီ အမျိုးသားဒီမိုကရေစီအင်အားစု NDF ရဲ့ ခေါင်းဆောင်တစ်ဦးဖြစ်သူ ဦးခင်မောင်ဆွေကိုလည်း ဒီကိစ္စနဲ့ပတ်သက်ပြီး ဗွီအိုအေက ဆက်သွယ် မေးမြန်းကြည့်ခဲ့ပါတယ်။

“နိုင်ငံ တည်ဆောက်ရေးအပိုင်းကကြည့်မယ် ဆိုရင်တော့ သမ္မတ ဖိတ်ခေါ်တာကို ကြိုဆိုသင့်တယ်လို့ ကျနော်တို့ ယူဆပါတယ်။ တရုတ်ပြည်မှာပဲဖြစ်ဖြစ်၊ ဗီယက်နမ်မှာပဲဖြစ်ဖြစ် စီးပွား ဖွံ့ဖြိုးတိုးတက်နေတာဟာ ပြည်ပရောက်နေတဲ့ ပြည်သူပြည်သား အစုအဝေးကြီး ပြန်လာပြီးတော့ ရင်းနှီးမြှုပ်နှံမှုတွေ၊ နည်းပညာတွေ၊ တတ်စွမ်းတဲ့ သူတို့ရဲ့စွမ်းရည်တွေပေါ့။ ဒါတွေကို စီးပွားဖွံ့ဖြိုးအောင် ပေါင်းထည့်ပြီးတော့ လုပ်မယ်ဆိုရင် တိုင်းပြည်ဟာ မြန်မြန်ဆန်ဆန် ပိုပြီးတော့       ဖွံ့ဖြိုးမှုဘက်ကို ပိုပြီး ရောက်သွားနိုင်တာပေါ့ဗျာ။ သူတို့မှာရှိပြီးသား အဆက်အသွယ်တွေကနေ တဆင့် ကျနော်တို့ ဒီကနေ National market ထဲမှာ ဆက်သွယ်မှုတွေလည်း ရနိုင်တဲ့ အခွင့်အလမ်းတွေ ရှိတဲ့အတွက်ကြောင့် မိုလို့ တိုင်းပြည် ဖွံ့ဖြိုးတိုးတက်ရေးဘက်က ကြည့်ရင်တော့ ဖိတ်ခေါ်မှုအပိုင်းကိုတော့ဖြင့် ကြိုဆိုသင့်တယ်လို့ ကျနော်တို့ ယူဆပါတယ်။

“လွတ်ငြိမ်းချမ်းသာခွင့်မပေးဘဲနဲ့ ဖိတ်ခေါ်ကမ်းလာတဲ့ ကိစ္စတွေမှာ အခက်အခဲတွေ ရှိနေတယ်ဆိုတာ သက်ဆိုင်ရာ သံရုံးတွေကနေတဆင့် မေးမြန်းပြီးတော့ သက်ဆိုင်ရာ လုံခြုံရေး အဖွဲ့အစည်းတွေနဲ့ ဆက်သွယ်ပြီးတော့ လုပ်မယ်ဆိုရင်တော့ဖြင့် ပြန်လာသင့် မလာသင့်ဆိုတာ ကြိုတင်ပြီးတော့ သိနိုင်စွမ်းရှိလိမ့်မယ်လို့ ကျနော် ယုံကြည်ပါတယ်။ ပထမအကြိမ် တတိယလွှတ်တော်အစည်းအဝေးမှာ ကျန်ရှိနေသေးတဲ့ နိုင်ငံရေးအကျဉ်းသား အားလုံးနဲ့ လွတ်ငြိမ်းချမ်းသာခွင့်ကို ထုတ်ပြန်ပေးဖို့ ဆိုပြီး ကျနော်တို့ပါတီက တင်သွင်းပြီး ဖြစ်ပါတယ်။ အဲဒီတော့ သမ္မတဟာ သူ ပြောထားတဲ့စကားကို သူ တည်အောင်လုပ်ဖို့တော့ လိုတာပေါ့ဗျာ။ ဖိတ်ကြားပြီးတဲ့အခါမှာ ဘာကြောင့်ညာကြောင့် ဆိုတာ ဖြစ်တဲ့ဟာတွေဆိုတော့ သက်ဆိုင်ရာ ပုဂ္ဂိုလ် အဆင့်မြင့်ဆုံး အာဏာပိုင်အဖွဲ့အစည်းတွေက ရှင်းဖို့တော့ လိုတာပေါ့။”

ပြည်ပရောက် မြန်မာ့အရေး လှုပ်ရှားသူတွေကို ပြန်လာဖို့ သမ္မတ ဦးသိန်းစိန် ဖိတ်ခေါ်တာကို ပြည်တွင်း နိုင်ငံရေးကျွမ်းကျင်သူတွေရဲ့ သုံးသပ်ချက်တွေကို ကိုရော်နီညိမ်း စုစည်း တင်ပြခဲ့တာဖြစ်ပါတယ်။