03.05.2012 နေ့ဖတ်ရန်သတင်းများ

by Myanmar Journal on Wednesday, May 2, 2012 at 7:15pm

ချန်ဂွမ်ချန်းကို အစိုးရ ခြိမ်းခြောက်သလား

သူဆက်ခိုလှုံနေရင် မိသားစု အန္တရာယ်ရှိ

တရုတ် နိုင်ငံရေး လှုပ်ရှားသူ ချန်ဂွမ်ချန်းက သူ့မိသားစု အတွက် အန္တရာယ် ရှိလို့ သူ ခိုလှုံ နေတဲ့ အမေရိကန် သံရုံးက ထွက်သွားခဲ့တာလို့ ဆိုပါတယ်။

သံရုံးထဲမှာ သူဆက်ခိုလှုံနေရင် သူ့မိန်းမကို သတ်ပစ်မယ်လို့ အမေရိကန် သံ အရာရှိ တယောက် က တဆင့် ခြိမ်းခြောက် ခံရတယ်လို့ မစ္စတာ ချန်က ပြောဆိုကြောင်း သိရပါတယ်။

ဒါပေမယ့် ဘယ်အမေရိကန် အရာရှိကမှ သူ့ကို တရုတ်ဘက်က ခြိမ်းခြောက်တဲ့အကြောင်း မပြောပါဘူး၊ မစ္စတာ ချန် သူ့လုံခြုံရေး အတွက် အာမခံချက် ရပြီးနောက် သူ့ဘာသာ သံရုံးက ထွက်သွားတာပါ လို့ အမေရိကန်ဘက်က ငြင်းဆိုပါတယ်။

တရုတ် နိုင်ငံက အမေရိကန်ဟာ တရုတ်နိုင်ငံရဲ့ ပြည်တွင်းရေးကို ဝင်ရောက် စွက်ဖက်တယ်လို့ လည်း စွပ်စွဲလိုက် ပါတယ်။

မတူ ကွဲပြားနဲ့ ငြိမ်းချမ်းရေး ပါတီ အလံမတူကွဲပြားပါတီ ဖျက်ခံရနိုင်ကြောင်း သတိပေး

မတူကွဲပြားခြင်းနဲ့ ငြိမ်းချမ်းရေး ပါတီက လစဉ်ထုတ် စာစောင်မှာ လယ်သမားတွေရဲ့ လယ်တွေ အဓမ္မ အသိမ်းခံရမှုကို ဖော်ပြ ရေးသားခဲ့ပြီးနောက် တည်ဆဲ ဥပဒေနဲ့ ပါတီ အဖျက်ခံရတဲ့ထိ အရေးယူ ခံရနိုင်ကြောင်း ပြည်ထောင်စု ရွေးကောက်ပွဲ ကော်မရှင်က သတိပေးခဲ့ပါတယ်။

ဇေကမ္ဘာ ကုမ္ပဏီနဲ့ ရွှေနံသာ လယ်သမားများ ပြဿနာ ဆိုတဲ့ နံမယ်နဲ့ လယ်သမားတွေ လယ်သိမ်းခံရတဲ့ အဖြစ်အပျက်တွေကို မနှစ်က ဖော်ပြခဲ့ပြီးနောက် ဒီထုတ်ဝေမှုဟာ ပြန် ကြားရေး ဝန်ကြီးဌာနက ထုတ်ပြန်ထားတဲ့ ကြေညာချက်တွေနဲ့ ငြိစွန်းနေတယ်လို့ ပြန်ကြားရေးက ခေါ်သတိပေးပြီး စာစောင် ထုတ်ဝေသူ ဉီးတင်မောင်အေးနဲ့ ဥက္ကဌ ဉီးနေမျိုးဝေတို့ကို ဝန်ခံ ကတိ လက်မှတ် ရေးထိုးခိုင်ခဲ့ပါတယ်။

တခါ ထားဝယ် ရေနက် ဆိပ်ကမ်း အရှုပ်တော်ပုံ ခေါင်းစဉ်နဲ့ မြေသိမ်း လျော်ကြေး ကိစ္စ၊ မြေယာ အရောင်းအဝယ် အရှုပ်တော်ပုံ ကိစ္စတွေကို ဖွင့်ချခဲ့ပြီးနောက်မှာ မကြာသေးခင်က နောက်ဆုံး အကြိမ် ခံဝန် ကတိပြုခိုင်း ခဲ့ပြန်ကြောင်း ဉီးနေမျိုးဝေက ပြောပါတယ်။

ဒါပေမယ့် သူတို့ ပါတီကို စပြီး မှတ်ပုံတင်ချိန်က စပြီး အခု အငြင်းပွားစရာ ဖြစ်နေတဲ့ လုပ် ဆောင်မှုတွေကို လုပ်မယ်လို့ ကော်မရှင်ကို အသိပေးပြီး မှတ်ပုံ တင်ခဲ့တာ ဖြစ်တယ်လို့ ဉီးနေမျိုးဝေက ဘီဘီစီကို ပြောပြခဲ့ပါတယ်။

လောလောဆယ် တခြား ပါတီတွေဆီက သဘောထား မှတ်ချက်တွေ တောင်းခံထားပြီး ဒီသဘောထား မှတ်ချက်တွေပေါ် မူတည်ပြီး တုန့်ပြန် လုပ်ဆောင်သွားမယ်လို့ ပြောပါတယ်။

ပါတီ အဖျက်ခံရမှာကို မစိုးရိမ်ဘူးလို့လည်း ဉီးနေမျိုးဝေက ဘီဘီစီကို ပြောပြခဲ့ပါတယ်။

ထိုင်းရောက် ဗမာပြည်သားများ နေခွင့်ကဒ်ပြားရ

ထိုင်းကို ပြေးလာတဲ့ မြန်မာ နိုင်ငံသားတချို့ တတိယနိုင်ငံတွေမှာ အခြေချခွင့်ရလို့ ထွက်လာကြ

ထိုင်းအစိုးရက အခု နိုင်ငံသား ပေးမယ့်သူတွေ ဟာ ၁၉၈၀ ပြည့်လွန်နှစ်တွေက စစ်ပွဲကြောင့် ထိုင်းဘက်ကို ထွက်ပြေး တိမ်းရှောင်လာတဲ့ ထိုင်းနွယ်ဖွား မြန်မာနိုင်ငံသားတွေ ဖြစ်ပါတယ်။

ကရင်လူမျိုးတွေနဲ့ တခြား လူမျိုးတွေကိုတော့ အမေရိကန် green card လိုမျိုး အမြဲတန်း နေထိုင်ခွင့် ကဒ်ပြား ထုတ်ပေးမှာ ဖြစ်ပြီး ထိုင်း နိုင်ငံမှာ မွေးတဲ့ သူတို့ရဲ့ ကလေးတွေကို ထိုင်း နိုင်ငံသား ကဒ်ပြား ထုတ်ပေးမှာ ဖြစ်ပါတယ်။

ဒီလူတွေ ထိုင်းဖက်ကို ထွက်ပြေးတိမ်းရှောင် လာချိန်ကစပြီး သူတို့ကို ထိုင်းပြည်ထဲရေး ဌာနက ထိုင်းအနွယ်ဖွားတွေကို အဝါရောင်၊ လူ မျိုးစုတွေကို အပြာရောင်၊ တခြား လူမျိုးတွေကို အစိမ်းရောင်နဲ့ ပန်းရောင် ယာယီ နေထိုင်ခွင့် ကဒ်ပြားတွေကို ထုတ်ပေးထားပါတယ်။

ဒီလိုကဒ်ပြားတွေ ရှိတဲ့သူတွေမှ အခုလို အခွင့်အရေးတွေကို ရမှာဖြစ်ပါတယ်။

သူတို့ကို ၀န်ကြီးချုပ်ဟောင်း ထပ်ဆင်အစိုးရ လက်ထက်တုန်းက တကြိမ်ပေးခဲ့ပြီး မဲဆောက် နဲ့ မဲလမတ်မြို့တွေက ကျန်နေတဲ့သူ ၂၅၅၀ ကို အခုအစိုးရ လက်ထက်မှာ ပြန်ပြီး ဆောင်ရွက် ပေးတာ ဖြစ်ပါ တယ်။

လက်ရှိ အစိုးရက ဆောင်ရွက် ပေးနေတာကို ထိုင်းအထက် လွှတ်တော် ဉပဒေကို အသုံးပြုပြီး ပြဿနာတွေကို လေ့လာ အဖြေရှာရေးနဲ့ နိုင်ငံမဲ့ ပြဿနာ ဖြေရှင်းရေး ကော်မီတီ ဉက္ကဌ နိုင် ဆူဖွတ် လီယက်ပရထုမ်က ပြည်ထဲရေး ဝန်ကြီးဟာ အခု ၅၃၅ ယောက်ကို နိုင်ငံသားပေးဖို့ လက်မှတ် ထိုးပေးလိုက်ပြီ ဖြစ်ပြီး တနိုင်ငံ လုံးအတိုင်းအတာနဲ့ ၈ ထောင်နဲ့ ၉ ထောင်ကြား မှာကျန်နေသေးကြောင်း ဒီလူတွေအတွက်လည်း ဝန်ကြီးက အမြန်ဆုံး လက်မှတ် ထိုးပေး မယ်လို့ ပြောပါတယ်။

လက်ရှိ ယာယီနေထိုင်ခွင့် ကဒ်ပြား ကိုင်ဆောင်ထားသူ တယောက်က သူတို့အခြေအနေကို ပြောရာမှာ ခရီးသွားလာဖို့ အခက်အခဲရှိကြောင်း၊ ကိုယ်သွားချင်တဲ့ အချိန် သွားလို့မရဘဲ ရုံးက ခွင့်ပေးမှ သွားလို့ရကြောင်း ပြောပြပါတယ်။

permanent resident ရသွားရင်တော့ အဆင်ပြေနိုင်တယ်ပြောပါတယ်။

ဘာလို့လည်းဆိုတော့ကိုယ်သွားချင် တဲ့အချိန် လုပ်ငန်းရှိတဲ့ အချိန်သွာလို့ လွယ်တဲ့အတွက် ဖြစ်ပြီး ခလေးတွေ အတွက်လည်း အနာဂါတ် ကောင်းတယ်လို့ ပြောပါတယ်။

အခုဒီအထက် လွှတ်တော် ကော်မီတီက လိုအပ်တာတွေကို ပြင်ဆင်ထားတဲ့ ဖိုင်တွေကို ကိုယ်တိုင် ပြည်ထဲရေး ဝန်ကြီးဆီကို တင်ပေးမှာ ဖြစ်တာကြောင့် ဒီနိုင်ငံမဲ့နေတဲ့ သူတွေဟာ မကြာခင်မှာ သူတို့ရဲ့ အိမ်မက် ပြည့်ဝတော့မယ်ဆိုပြီး ပျော်ရွှင်နေကြတာကို တွေ့ရပါတယ်။

ပြင်သစ်ပြည် ပြဿနာ တွေအတွက် အပြစ်ပုံချ ခံရတယ်ပြင်သစ် သမ္မတလောင်းတွေ စကားစစ်ထိုး

တနင်္ဂနွေနေ့ ဒုတိယကျော့ မဲပေးပွဲ မတိုင်ခင် ရုပ်သံ စကားဝိုင်းမှာ ပြင်သစ် သမ္မတလောင်း ၂ ယောက် လူလိမ် လူညာလို့ အပြန်အလှန် စွပ်စွဲ ခဲ့ကြပါတယ်။

၃ နာရီကြာ စကား စစ်ထိုးပွဲမှာ ပြင်သစ် စီးပွားရေး အကြောင်း အဓိကထား ဆွေးနွေးရင်း တခါတလေ ကတောက်ကဆ ဖြစ်ကြပါတယ်။

သမ္မတ ဆာကိုဇီက ပြင်သစ်ပြည် ပြဿနာ တွေအတွက် သူ့ကို မညှာမတာ အပြစ်ပုံချတာ ခံရတယ်လို့ ဆိုပါတယ်။

သူ့ပြိုင်ဘက် ဆိုရှယ်လစ် သမ္မတလောင်း ဖရန်ဆွာ အော်လန်းကိုတော့ သူများ အသရေ ဖျက်တဲ့သူလို့ တချက်မှာ ဝင်နှက် လိုက်ပါတယ်။

မစ္စတာ အော်လန်းက သူသာ သမ္မတ ဖြစ်ရင် ဘဏ္ဍာရေးနဲ့ လူမှု ညီမျှရေး အတွက် လုံးပန်းသွားမယ်လို့ ဆိုပါတယ်။

ကယ်ဆယ်ရေး ရဟတ်ယာဉ် တွေလည်း လုံခြုံရေး အစမ်း လေ့ကျင့်မှုမှာပါဝင်ဗြိတိန် အိုလမ်ပစ် လုံခြုံရေး စမ်းသပ်မှု

ဗြိတိန် မှာ မကြာခင် ကျင်းပ တော့မယ့် အိုလမ်ပစ် အားကစား ပွဲတွေ အတွက် လုံခြုံရေး အရ ကြိုတင် ပြင်ဆင် စမ်းသပ်မှုတွေ လုပ်နေလို့ နိုင်ငံ အရှေ့ တောင်ပိုင်း မှာ ပုံမှန်ထက် ပိုပြီး စစ်သုံး လောယဉ်တွေ ပိုမို ပျံသန်းတာ တွေ့ကြ ရမယ်လို့ ဒေသခံတွေကို ကာကွယ်ရေး ဆိုင်ရာ အကြီး အကဲ တွေက သတိပေး ထားပါတယ်။

၉ ရက်ကြာ လုံခြုံရေး အတွက် ပြင်ဆင် အစမ်း လေ့ကျင့်မှု မှာ တိုက် လေယာဉ်တွေ၊ ကယ်ဆယ်ရေး ရဟတ်ယာဉ် တွေနဲ့ တခြား လေယာဉ် တွေ ပါဝင် ကြမှာ ဖြစ်ပါတယ်။

လန်ဒန် မြို့တော် အရှေ့ပိုင်းက တိုက်ခန်းတွဲကြီး တွေရဲ့ ခေါင်မိုးကို အိုလမ်ပစ် အားကစား ပွဲတော်ချိန် အတွင်း မြေပြင်မှ ဝေဟင်ပစ် မီဆိုင်း ဒုံးလက်နက်တွေ အခြေစိုက် စခန်း အဖြစ် အာဏာပိုင်တွေက အသုံးပြုမှာကို တားဆီးဖို့ တိုက်ခန်းတွဲမှာ နေထိုင်ကြသူတွေက ရှေ့နေတွေကို ဆက်သွယ်ခဲ့တယ် လို့ ပြောဆိုခဲ့ အပြီး အခုလို သတိပေးမှု ပေါ်ထွက် လာခဲ့တာ ဖြစ် ပါတယ်။

အမေရိကန် သံရုံးကနေ ဆေးရုံကို ရောက်လာ တဲ့ ချန်ဂွမ်ချန်းမျက်မမြင် တရုတ် နိုင်ငံရေး လှုပ်ရှားသူ မိသားစုနဲ့ ပြန်ဆုံ

တရုတ် နိုင်ငံရေး လှုပ်ရှားသူ ချန်ဂွမ်ချန်းဟာ သူ့နိုင်ငံမှာ စိတ်ချ လက်ချ နေထိုင် နိုင်တယ် ဆိုတဲ့ အာမခံချက်ကို တရုတ် အစိုးရ ဆီက ရခဲ့ပြီးတဲ့နောက် အမေရိကန် သံရုံးကနေ ထွက်ခွာ သွားခဲ့ ပါတယ်။

မျက်မမြင် တစ်ယောက် ဖြစ်တဲ့ ချန်ဂွမ်ချန်းဟာ ဘေဂျင်း မြို့တော်မှာ ရှိတဲ့ ဆေးရုံ တစ်ရုံ မှာ သူ့ဇနီးနဲ့ အတူ ကလေး နှစ်ယောက်နဲ့ ပြန်လည် ဆုံတွေ့ခဲ့ ပါတယ်။

ဘေဂျင်း မြို့တော်ကို ရောက် ရောက်ချင်း မှာပဲ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က တရုတ် အစိုးရ အနေနဲ့ မစ္စတာ ချန်ဂွမ်ချန်း ကို ပေးထားတဲ့ ကတိ တည်ဖို့ လိုတယ်လို့ ပြောပါတယ်။

အမေရိကန် ပြည်ထောင်စု အနေနဲ့ သူနဲ့ သူ့မိသားစုကို အဆက်အသွယ် မပြတ် အောင် နေမယ်လို့ လည်း ဟီလာရီ ကလင်တန်က ပြောပါတယ်။

အတင်း အဓမ္မ ကိုယ်ဝန် ဖျက်ချ ခိုင်းမှုကို ဆန့်ကျင် တဲ့ လှုပ်ရှားမှု ပြုလုပ် ခဲ့တဲ့ အတွက် ဒေသ ဆိုင်ရာ အာဏာပိုင် တွေရဲ့ နှောင့်ယှက်မှု အမျိုးမျိုး ခံခဲ့ရ ပြီးနောက် နေအိမ် အကျယ်ချုပ် ထိန်းသိမ်း ခံထား ခဲ့ရတဲ့ မစ္စတာ ချန်ဂွမ်ချန်းဟာ ပြီးခဲ့တဲ့ လကုန်ပိုင်းက ထွက်ပြေး လွတ်မြောက် ခဲ့တာ ဖြစ်ပါတယ်။

တရုတ် နိုင်ငံက အမေရိကန် ပြည်ထောင်စုရဲ့ ဝန်ချ တောင်းပန် မှုကို တောင်းဆို ခဲ့ပြီး အမေရိကန်ဟာ တရုတ်နိုင်ငံရဲ့ ပြည်တွင်းရေးကို လက်မခံနိုင် လောက်တဲ့ ဝင်ရောက် စွက်ဖက်မှု ပြုလုပ်ခဲ့တယ်လို့ လည်း စွပ်စွဲလိုက် ပါတယ်။

ဗြိတိန် ရဲ့ မြန်မာ့ လူ့ အခွင့် အရေး အစီရင်ခံစာ

ဗြိတိသျှ အစိုးရက၂၀၁၁ ခုနှစ် အတွင်းမှာ မြန်မာနိုင်ငံနဲ့ ပတ်သက်ပြီး မထင်မှတ် ထားတဲ့ ကောင်းမွန်တဲ့ ပြောင်းလဲမှု တွေကို တွေ့ရ ပေမဲ့ အရေးပါ အရာရောက်တဲ့ စိန်ခေါ်မှုတွေ ကတော့ ဆက်ပြီး ရှိနေပါတယ်လို့ ထောက်ပြပါတယ်။

မြန်မာ့ လူ့ အခွင့် အရေး အထူး ကိုယ်စားလှယ် ကို ဝင်ခွင့် ပေးတာလည်း တိုးတက်မှု

ထင်မှတ် မထားတဲ့ တိုးတက်မှု ဆိုတာ အတိုက် အခံ NLD ခေါင်းဆောင် ဒေါ်အောင်ဆန်း စုကြည်နဲ့ မြန်မာ အစိုးက တွေ့ဆုံ ဆွေးနွေးတာတွေ၊ ကုလသမဂ္ဂရဲ့ မြန်မာ နိုင်ငံ လူ့ အခွင့် အရေး စုံစမ်း စစ်ဆေးရေးမှူး မစ္စတာ ကင်တားနားကို မြန်မာ နိုင်ငံထဲ လာရောက်ခွင့် ပြုတာ၊ နိုင်ငံရေး အကျဉ်းသား တချို့ ပြန်လွှတ် ပေးတာတွေ ကို ဆိုလိုပါတယ်။

ဒါတွေဟာ မြန်မာ နိုင်ငံမှာ ပြုပြင် ပြောင်းလဲရေး လုပ်ဆောင်တဲ့ သက်သေ သာဓက တချို့ ဖြစ်ပေမဲ့ ကချင် ပြည်နယ်မှာ ဖြစ်ပွား နေတဲ့ အဖြစ်အပျက် တွေက ဗြိတိသျှ အစိုးရ အတွက် အထူး စိုးရိမ်မှုကို ဖြစ်စေ တယ်လို့ အစီရင် ခံစာမှာ ဆိုထား ပါတယ်။

နိုင်ငံရေး အကျဉ်းသား တွေကို လွှတ်ပေး ခဲ့ပေမဲ့ အတော် များများ အကျဉ်းထောင်တွေထဲမှာ ကျန်နေသေး ပြီး နိုင်ငံ တကာ ကြက်ခြေနီ အဖွဲ့ ICRC ကို အကျဉ်းသား တွေနဲ့ တွေ့ခွင့် မပေးတာတွေ ရှိခဲ့တဲ့ အတွက် အကျဉ်းထောင် တွေကို နိုင်ငံတကာက စောင့်ကြည့် လေ့လာနိုင်ဖို့ ဗြိတိသျှ သံအမတ်ကြီး ကနေ တဆင့် မြန်မာ အစိုးရကို ဖိအားပေး သွားမယ်လို့ လည်း ဆိုပါတယ်။

မြန်မာ လူထုက အယုံ အကြည် နည်းတဲ့ မြန်မာ နိုင်ငံရဲ့ ဥပဒေ စိုးမိုးရေး၊ တရား မျှတရေးနဲ့ ပတ်သက်ပြီး ပြုပြင် ပြောင်းလဲမှုတွေ အများကြီး လုပ်ဖို့ ရှိသေးတဲ့ အကြောင်းနဲ့ လာဒ်ပေး လာဒ်ယူမှု တွေဟာလည်း ကြီးမားတဲ့ ပြသာနာ တစ်ခု ဖြစ်နေသေးတဲ့ အကြောင်း ပြောထား ပါတယ်။

ဒါ့အပြင် ဘာသာရေး လွတ်လပ်ခွင့်နဲ့ ပတ်သက်ပြီး တိုင်းရင်းသား ဒေသ တွေမှာ ဖိနှိပ်မှုတွေ ရှိနေ သေးတာ ကိုလည်း စိုးရိမ်တယ်လို့ ပြောပါတယ်။

အမျိုးသမီး အခွင့်အရေး တွေနဲ့ ပတ်သက်ပြီး မြန်မာ နိုင်ငံရဲ့ အုပ်ချုပ်ရေး ယန္တရား ထဲမှာ သိသိ သာသာ နည်းပါး နေမှုကို ထောက်ပြခဲ့ သလို အမျိုးသမီးတွေ လူမှု ဆက်ဆံရေး နယ်ပယ် ထဲမှာ အခုထက်ပို ပြီး ပါဝင် လာနိုင်အောင် ဗြိတိသျှ သံရုံးကလည်း Action Aid လို အဖွဲ့အစည်း ကနေ တဆင့် ကူညီ လုပ်ဆောင် သွားမယ်လို့ဆို ပါတယ်။

ကလေး အခွင့်အရေး တွေနဲ့ ပတ်သက် ပြီးတော့လည်း မြန်မာ နိုင်ငံရဲ့ ကလေးငယ် ၆၀% လောက်ပဲ မူလတန်း အဆင့်ကို ပြီးမြောက် အောင်မြင်တာ၊ မြန်မာ စစ်တပ် ထဲမှာ ကလေး စစ်သားတွေ ရှိနေသေးတာ အရွယ် မရောက် သေးတဲ့ ကလေးတွေ အခြေ အနေအရ အလုပ် လုပ်နေ ကြရတာတွေ ရှိတယ်လို့လည်း ဖော်ပြထား ပါတယ်။

မြန်မာ နိုင်ငံမှာ လူ့အခွင့် အရေး ကော်မရှင် ဖွဲ့စည်း နိုင်ခဲ့ပေမဲ့ လူ့အခွင့် အရေးနဲ့ ပတ်သက်ပြီး လုပ်ဆောင် စရာတွေ အတော် များများ ရှိနေ သေးတဲ့ အတွက် လူ့အခွင့် အရေး ချိုးဖောက်မှု တွေကို ဖော်ထုတ်တဲ့ နေရာမှာ ဒီကော်မရှင်က အရေးပါတဲ့ အခန်းကဏ္ဍကနေ လုပ်ဆောင် သွားဖို့နဲ့ မြန်မာအစိုးရကို လိုအပ်ရင် လိုအပ်သလို ဖိအားပေးဖို့ ကိုလည်း အားပေး သွားမယ်လို့ အစီရင်ခံစာထဲမှာ ရေးသားထား ပါတယ်။

နာဂစ် လေးနှစ်ပြည့်ပေမဲ့ လယ်သမားတွေ အခက်ကြုံဆဲ

နာဂစ် မုန်တိုင်း တိုက်ခတ်ခဲ့တာ လေးနှစ် ပြည့်ပါပြီ။

မုန်တိုင်းတိုက်ခတ်တာ လေးနှစ်ကြာပြီဖြစ်ပေမဲ့ လယ်သမားတွေ အခက်ကြုံနေဆဲ ဖြစ်တယ်လို့ IDE နိုင်ငံတကာ ဖွံ့ဖြိုးမှု အဖွဲ့မှာ နာဂစ်ကာလတုန်းက ပါဝင် ဆောင်ရွက်ခဲ့ပြီး အခုအချိန်အထိ ဧရာဝတီတိုင်း နာဂစ်ဒဏ်သင့် ဒေသ အခြေအနေကို စောင့်ကြည့်လေ့လာနေတဲ့ ဉီးလှထွန်းက ပြောပါတယ်။

မုန်တိုင်းတိုက်ပြီး ၂ နှစ် အကြာမှာ နိုင်ငံတကာ အကူအညီတော်တော်များများကို ဖြတ်တောက်ခဲ့တဲ့ အတွက် ထမင်းအိုးဆူကာနီး မီးရှိန်တက်နေချိန်မှာ မီးလျော့တာ ခံလိုက်ရသလို ဖြစ်သွားတယ်လို့ သူက ပြောပါတယ်။

အကူအညီတွေ လိုအပ်ချိန်မှာ ဆိုင်းငံ့ခံလိုက်ရတဲ့ အတွက် လယ်သမားတွေအတွက် လိုအပ်တဲ့ အကူအညီတွေ မရခဲ့ဘူးလို့ ပြောပါတယ်။

လယ်မြေတွေဟာ ပင်လယ်ရေကြောင့် ဆားပေါက်ပြီး အက်ဆစ်ဓါတ်များနေတယ်လို့ ဆိုပါတယ်။ အက်ဆစ်ဓါတ်များတဲ့ အတွက် သီးနှံ ပျက်စီးတာ၊ အထွက်နှုန်း ကျဆင်းတာတွေကြုံတွေ့ကြရတယ်လို့လည်း ဆိုပါတယ်။

နွေစပါး တဧကကို ပျမ်းမျှ စပါးတင်း ၇၀ ထွက်တယ်လို့ ပြောနေကြပေမဲ့ လယ်မြေအများစုဟာ တင်း ၃၀ လောက်ပဲ ထွက်တယ်လို့ လည်း သူက ထောက်ပြပါတယ်။

ပညာရေး အခြေအနေ သင့်တင့် ကောင်းမွန်ပေမဲ့၊ ကျန်းမာရေး စောင့်ရှောက်မှု အခြေအနေလည်း သိပ်ညံ့တယ်လို့ ဆိုပါတယ်။

နာဂစ်မုန်တိုင်းကြောင့် မိဘမဲ့ဖြစ်ခဲ့ကြတဲ့ ကလေးငယ်တွေကိုလည်း ဘုန်းတော်ကြီးကျောင်းတကျောင်းရဲ့ ကူညီစောင့်ရှောက်မှုမှတပါး၊ တခြားကူညီစောင့်ရှောက်မှုတွေ မတွေ့ရဘူးလို့လည်း ဆိုပါတယ်။

ဒီမိုကရေစီ လိုလားသူများနဲ့ လွှတ်တော်အမတ်သစ်များ အမေရိကန် ချီးကျူး

By VOA (မြန်မာပိုင်း)

• နိုဘဲလ်ငြိမ်းချမ်းရေးဆုရှင် ဒေါ်အောင်ဆန်းစုကြည်ဟာ လွန်ခဲ့တဲ့ ၁၈ လကမှ နေအိမ်အကျယ်ချုပ်က လွတ်မြောက်လာပြီး ဒီကနေ့မှာတော့ သူမနဲ့ အတူ အမျိုးသားဒီမိုကရေစီ အဖွဲ့ချုပ်က တခြား အဖွဲ့ဝင် အများအပြား တို့ဟာ မြန်မာနိုင်ငံ လွှတ်တော်ထဲမှာ သူတို့ရဲ့ နေရာသစ်တွေကို ရယူလိုက်ကြပြီ ဖြစ်ပါတယ်။  ဒါဟာ မြန်မာနိုင်ငံသမိုင်းမှာ ပထမဦးဆုံးအကြိမ်အဖြစ် ဒ်ါအောင်ဆန်းစုကြည်နဲ့ သူမရဲ့ ပါတီဝင်တွေ တိုင်းပြည်အုပ်ချုပ်ရာမှာ တခန်းတကဏ္ဍက ပါဝင်လာနိုင်တာ ဖြစ်ပါတယ်။

ကျွန်မ အနေနဲ့  ဒီမိုကရေစီ လိုလားတဲ့ ခေါင်းဆောင်တွေ လွှတ်တော်ကို တက်ရောက်လာတဲ့ အမတ် အသစ်တွေ၊ သိန်းနဲ့ ချီတဲ့ မဲဆန္ဒရှင်တွေကို သူတို့ရဲ့ ရဲစွမ်း သတ္တိနဲ့ လူထုကိုယ်စားလှယ် အစိုးရ ပေါ်ထွန်းရေးအတွက် တာဝန်ယူ ထမ်းဆောင်ခဲ့ကြတဲ့ အတွက် ချီးကြူး ဂုဏ်ပြုလိုက်ပါတယ်။

ဒီအချိန်ဟာ မြန်မာနိုင်ငံ အနာဂါတ်အတွက် အရေးကြီးတဲ့ အခိုက်အတန့်ဖြစ်ပါတယ်။ ပိုမိုတိုးတက်ဖွံ့ဖြိုးတဲ့ လူ့အဖွဲ့အစည်း ဖြစ်ထွန်းလာအောင် အထောက်အပံ့ ဖြစ်စေမယ့်  ၂၀၁၅ ခုနှစ် အထွေထွေ ရွေးကောက်ပွဲကို ဦးတည်တဲ့  စစ်မှန်သော ပါတီစုံဒီမိုကရေစီ အသွင်ကူးပြောင်းရေး ကာလလည်း ဖြစ်ပါတယ်။ နိုင်ငံရေး ပါတီအားလုံး အရပ်သားအဖွဲ့အစည်း အားလုံးနဲ့၊ တိုင်းရင်းသားလူ မျိုးစုခေါင်းဆောင်တွေ အနေနဲ့ စိန်ခေါ်မှုတွေကို အတူတကွ ရင်ဆိုင်ဖြေရှင်းပြီး ဒီမိုကရေစီပိုကျသော၊ လွတ်လပ်သော၊ ငြိမ်းချမ်းသော တိုးတက်ဖွံ့ဖြိုးသော အနာဂါတ် ပေါ်ထွန်းရေးအတွက် အခွင့်ရေးသစ်တွေကို ဆုပ်ကိုင် အသုံးပြုကြဖို့ အားပေးနှိုးဆော် လိုက်ပါတယ်။

ဟီလာရီ ကလင်တန်

အမေရိကန်နိုင်ငံခြားရေးဝန်ကြီး

၂၀၁၂ မေလ ၂ရက်

နျုဂင်းဂရစ်ခ်ျ အမေရိကန်သမ္မတလောင်းရွေးပွဲက နုတ်ထွက်

By ဗွီအိုအေ (မြန်မာဌာန)

အမေရိကန်သမ္မတရွေးကောက်ပွဲအတွက် ရီပတ်ဘလီကင်ပါတီရဲ့ သမ္မတလောင်းဖြစ်ရေး အတွက် ပြည်နယ် အလိုက် ပဏာမ ရွေးကောက်ပွဲတွေ ယှဉ်ပြိုင်ခဲ့တာမှာ ပြည်နယ်နှစ်ခုမှာပဲ အနိုင်ရခဲ့ပြီးတော့ ရွေးကောက်ပွဲ မဲဆွယ်စရိတ် ဒေါ်လာ ၄ သန်းနဲ့ ၃ သိန်း အကြွေးတင်သွားတဲ့ အောက်လွှတ်တော် ဥက္ကဋ္ဌဟောင်း နျုဂင်းဂရစ် ခ်ျ (NewtGingrich) ဟာ ရီပတ်ဘလီကင်ပါတီသမ္မတလောင်းဖြစ်ရေး ယှဉ်ပြိုင်နေမှုကို ရပ်ဆိုင်းလိုက်ပြီ လို့ မေလနှစ် ရက်နေ့က ၀ါရှင်တန်ဒီစီ မြို့တော်ရဲ့ ပြင်ပကနေ ကြေညာခဲ့ပါတယ်။

သူ့ရဲ့မဲဆွယ်ကာလတလျှောက်လုံး အလှူငွေထည့်ဝင်ခဲ့ကြသူ ၁၇၉,၀၀၀ ကျော်နဲ့ သူ့ကို ထောက်ခံခဲ့ကြ သူတွေကို ကျေးဇူးတင်ကြောင်း ပြောကြားခဲ့ပါတယ်။

ပြီးခဲ့တဲ့ ဇန်န၀ါရီလက တောင်ကာရိုလိုင်းနား (South Carolina) ပြည်နယ်မှာ စတင်အနိုင်ရရှိခဲ့ တဲ့ နျုတ်ဂင်း ဂရစ်ခ်ျဟာ ရီပတ်ဘလီကန်ပါတီရဲ့ သမ္မတလောင်းဖြစ်ရေး ပြိုင်ပွဲမှာ ထိပ်ဆုံးကို ရောက်လာခဲ့ပေမယ့် ဖလော် ရီဒါ (Florida) ပြည်နယ်မှာ သူ ရှုံးနိမ့်ခဲ့ချိန်ကစလို့ မက်ဆာချူး ဆက် (Massachusetts) ပြည်နယ် အုပ်ချုပ်ရေးမှူးဟောင်း မစ်(တ်)ရော်မနီ (Mit Romney) ကို နျုတ်ဂင်းဂရစ်ခ်ျ က မနိုင်နိုင်တော့ဘူး ဖြစ်ခဲ့ ရပြီးတော့ အခုအခါ မစ်(တ်)ရော်မနီဟာ ရီပတ်ဘလီကန်ပါတီရဲ့ သမ္မတလောင်းဖြစ်ဖို့ သေချာသွားပြီး လာမယ့် နိုဝင်ဘာလ သမ္မတရွေးကောက်ပွဲမှာ ဒီမိုကရက်တစ်ပါတီ (Democratic Party) ရဲ့ သမ္မတလောင်း လက်ရှိသမ္မတ ဘရက် အိုဘားမားနဲ့ ယှဉ်ပြိုင်ရမှာ ဖြစ်ပါတယ်။

စစ်ရှိန်လျော့သည့်တိုင် အာဖဂန်ကို အမေရိကန် ကူညီသွားမည်

By ဗွီအိုအေ (မြန်မာဌာန)

အယ်လ်ခိုင်းဒါး အကြမ်းဖက်အဖွဲ့ခေါင်းဆောင် Osama bin Laden သေဆုံးတဲ့ နှစ်ပတ်လည်အချိန်မှာပဲ အမေရိကန် သမ္မတ ဘရက်ခ် အိုဘားမား အာဖဂနစ္စတန်နိုင်ငံကို ရုတ်တရက် သွားရောက်ခဲ့ပါတယ်။

အမေရိကန် ပြည်ထောင်စုမှာ သမ္မတရွေးကောက်ပွဲတွေ ကျင်းပမယ့် နှစ်တနှစ်အဖြစ် အာဖဂန်စစ်ပွဲကို အရှိန်လျှော့ချနေပြီဆိုတဲ့အကြောင်း အမေရိကန် လူထုကို သတင်းစကားပါးတဲ့ အနေနဲ့လည်း အာဖဂန် အစိုးရနဲ့ မဟာဗျူဟာကျတဲ့ သဘောတူညီချက် တရပ်ကို လက်မှတ် ရေးထိုးလိုက်တာပါ။

အာဖဂန်နိုင်ငံက အမေရိကန် လေတပ် အခြေစိုက် စခန်းကနေ ပြောဆိုတဲ့ မိန့်ခွန်းကို ရုပ်မြင်သံကြား က ပြသရာမှာတော့ စစ်ရဲ့တိမ်တိုက် အမှောင်အောက်မှာ ဆယ်စုနှစ်တခုကျော်ကြာ ကျရောက်နေရာကနေ အခုအခါ မိုးကုတ်စက်ဝိုင်းမှာ နေ့သစ်တနေ့ရဲ့ အလင်းရောင် ပျိုးလာနေတာကို တွေ့လာရပြီလို့ သမ္မတ အိုဘားမားက ပြောသွားပါတယ်။ တကယ်တော့ အမေရိကန်နဲ့ အာဖဂန်ကရော စစ်ဖြစ်ချင်ကြတာ မဟုတ်တဲ့ အကြောင်း သမ္မတကပြောဆိုသွားသလို အယ်လ်ခိုင်းဒါး အကြမ်းဖက်အဖွဲ့ကို ချေမှုန်းဖို့ ရည်မှန်းချက်ဟာ လည်း အောင်မြင်ဖို့ လက်တကမ်း ရောက်နေပြီလို့ ပြောခဲ့တာပါ။

အာဖဂန်မှာ ဗုဒ္ဓဟူးနေ့က ၇ နာရီကြာ ရောက်ရှိနေစဉ်မှာတော့ မဟာဗျူဟာမြောက် မိတ်ဖက် သဘော တူညီချက် တရပ်ကိုလည်း အာဖဂန် သမ္မတ Hamid Khazai နဲ့ လက်မှတ်ရေးထိုးခဲ့တာပါ။ သဘော တူညီချက်မှာတော့ လုံခြုံရေး၊ စီးပွားရေး၊ အုပ်ချုပ်ရေး ကိစ္စတွေအပြင် မြောက်အတ္တလန်တိတ် စာချုပ်အဖွဲ့ (NATO) တပ်တွေ တိုက်ခိုက်ရေးလုပ်ငန်းတွေ အဆုံးသတ်မယ့် ၂၀၁၄ ခုနှစ်နောက်ပိုင်း ၂ နိုင်ငံကြား ဆက်ဆံရေး ကိစ္စရပ်တွေကို ထည့်သွင်းထားတာ ဖြစ်ပါတယ်။

ဒီအထဲမှာ အမေရိကန်က တပ်တွေ ဆက်လက်ချထားဖို့ အတိအကျ ထည့်သွင်းမထားပေမဲ့ တပ်တွေ ဆုတ်ခွာပြီးနောက်မှာ အာဖဂန်ကို အမေရိကန်က အကူအညီအထောက်အပံ့တွေ ဆယ်နှစ်ကြာ ဆက်လက်ပေးအပ်ဖို့ ပါဝင်ပါတယ်။