“ လိပ်ပြာပုံပြင် ”

အောင်မျိုးခန့် (မော်ကျွန်း)

47 minutes ago 

လူတစ်ယောက်က လိပ်ပြာပိုးလောင်းအိမ်လေးတစ်ခုကိုတွေ့သွားတယ်။ နောက်တစ်နေ့မှာ ထိုပိုးလောင်းအိမ်လေးမှာ အပေါက်သေးသေးလေးတစ်ခုပေါ်လာတယ်။ ဒါနဲ့ပဲ ထိုလူက နာရီပေါင်းများစွာ ထိုင်ကြည့်နေတာပေါ့။ ပိုးလောင်းအိမ်လေးထဲက ရုန်းကန်လှုပ်ရှားနေတဲ့အကောင်လေးကို သူတွေ့နေရတယ်။ အကောင်လေးက လှုပ်ရှားပြီး အပေါက်သေးသေးလေးကနေရုန်းထွက်ဖို့ကြိုးစားနေတယ်။ ပြီးတဲ့နောက်မှာတော့ ထပ်လှုပ်ရှားတာမတွေ့ရတော့ဘူး။

ဒီလိုနဲ့ လိပ်ပြာလေးကိုကူညီဖို့ဆုံးဖြတ်လိုက်တယ်။ ကပ်ကြေးတစ်ချောင်းကို ယူပြီး အခွံလေးတွေကို လိုက်ညှပ်ပစ်လိုက်တယ်။ လိပ်ပြာလေးကတော့ လွယ်လွယ်ကူကူနဲ့ပဲ အပြင်ရောက်လာခဲ့တာပေါ့။ ဒါပေမယ့် တစ်ကိုယ်လုံးဖူးယောင်နေပြီး အတောင်ပံတစ်စုံကလည်း တွန့်လိမ်ကျေမွလို့။

ထိုလူကတော့ ဆက်ပြီးစောင့်ကြည့်နေတယ်။ လိပ်ပြာလေး အတောင်ပံဖြန့်ပြီးပျံသန်းသွားတဲ့အချိန်အထိစောင့်ကြည့်နေတယ်။ ဒါပေမယ့် လိပ်ပြာလေးကတော့ ထိုနေရာလေးမှာပဲ တွားသွားလို့ပေါ့။ မပျံနိုင်ရှာတော့ဘူးလေ။

ထိုလူက လိပ်ပြာလေးကိုကြင်နာပေမယ့် မသိနားမလည်ဘဲအလျှင်စလို လုပ်လိုက်မိတာပါ။ ဖုံးအုပ်ထားတဲ့အခွံလေးတွေနဲ့ အပေါက်ကလေးကနေ ရုန်းကန်လှုပ်ရှားပြီးအပြင်ကိုထွက်မှုဟာ လိပ်ပြာရဲ့ ခန္ဒာကိုယ်ထဲက အရည်ကြည်တွေကို အတောင်ပံနှစ်ဘက်ထဲရောက်စေတာပဲဖြစ်ပြီး။ ဒါမှသာ လိပ်ပြာလေးဟာ လေပေါ်ကိုပျံဝဲနိုင်မှာဖြစ်ပါတယ်။

တစ်ခါတရံ လှုပ်ရှားရုန်းကန်နေရမှုတွေဟာကျွန်တော်တို့ဘဝမှာ မရှိမဖြစ်လိုအပ်ပါတယ်။ အခက်အခဲမရှိတဲ့ဘဝဟာ တစ်ဖြည်းဖြည်းနဲ့ကျွန်တော်တို့ကို နုံချာသွားစေမှာဖြစ်ပါတယ်။ ဒီလိုနဲ့ သန်မာမှုတွေလျော့နည်းပြီး ကျွန်တော်တို့ဘဝမှာ ပျံသန်းနိုင်တော့မှာမဟုတ်ပါဘူး။ ကျွန်တော်တို့ အခုလှုပ်ရှားရုန်းကန်နေရတာတွေဟာ တစ်ချိန်မှာ အမြင့်ကိုပျံသန်းနိုင်အောင်အတွက်လို့တွေးရင် ဤဆောင်းပါးလေးက စာဖတ်သူအတွက် အားအင်တစ်ရပ်ဖြစ်စေတယ်ဆိုရင် ကျေနပ်ရပါပြီ ခင်ဗျာ။


အောင်မျိုးခန့် (မော်ကျွန်း)
၂၅၊ ၄၊၂၀၁၂ (ဗုဒ္ဓဟူးနေ့)