17.04.2012 နေ့ဖတ်ရန်သတင်းများ

by Myanmar Journal on Thursday, April 19, 2012 at 6:59am ·

သမ္မတ အိုဘားမားက Jim Yong Kim ခန့်ဖို့ အဆိုပြုခဲ့ကမ္ဘာဘဏ် ဥက္ကဌ အမေရိကန်က အဆိုပြုသူကိုဘဲရွေး

ကမ္ဘာဘဏ် ဥက္ကဌ ရာထူးအတွက် အမေရိကန် နိုင်ငံသား မဟုတ်သူတွေလည်း ထူးထူးခြားခြား ဝင်ပြိုင်ခဲ့ပေမယ့် ကိုရီးယားမှာ မွေးပြီး အမေရိကန် ပညာတက် တယောက်ဖြစ်တဲ့ Jim Yong Kim ကိုဘဲ ရွေးချယ် လိုက်ပါပြီ။

ဒေါက်တာကင်မ်ဟာ ကမ္ဘာ့ ဖွံ့ဖြိုးဆဲ နိုင်ငံတွေက ကျန်းမာရေး ကိစ္စတွေကို ကိုင်တွယ်ရာမှာ ကျွမ်းကျင်သူ တယောက်ဖြစ်တယ်လို့ သိရပါတယ်။

ကမ္ဘာ့ဘဏ် ဥက္ကဌ ရာထူးအတွက် အမေရိကန်က အဆိုပြုတဲ့သူကိုချည်း အမြဲခန့်ထားခဲ့တာ ဖြစ်ပေမယ့် ဒီတခေါက်တော့ နိုင်ဂျီးရီးယား ဘဏ္ဍာရေး ဝန်ကြီးဟောင်း နဂိုဇီ အိုကန်ဂျို အိုင်ဝေလာကိုလည်း ခန့်ထားဖို့ စဉ်းစားခဲ့တာ ဖြစ်ပါတယ်။

မစ္စ အိုင်ဝေလာကို ခန့်ဖို့ ဖွံ့ဖြိုးဆဲ နိုင်ငံတွေ အတော်များများက ထောက်ခံခဲ့တာ ဖြစ်ပေမယ့် မဲပေးစံနစ် အရ အမေရိကန်နဲ့ ဥရောပ မဲပေးခွင့် ပိုများတာကြောင့် ရှုံးနိမ့်သွားတာ ဖြစ်ပါတယ်။

လက်ရှိ ကမ္ဘာဘဏ် ဥက္ကဌ ရောဘတ် ဇိုးလ်လက်ခ်ဟာ လာမယ့် ဇွန်လမှာ ရာထူးက အနားယူတော့မှာ ဖြစ်ပါတယ်။

ဘာရိန်းက လူ့အခွင့်အရေး လိုက်နာမှု မရှိလို့ Amnesty International က ဆိုပြီဘာရိန်း လူ့အခွင့်အရေး မလိုက်နာလို့ Amnesty ဆို

ဘာရိန်း နိုင်ငံမှာ လူ့အခွင့်အရေး ဆိုင်ရာ လတ်တလော သဘောတူထားတာတွေကို လိုက်နာခြင်း မရှိဘူးလို့ နိုင်ငံတကာ လူ့အခွင့်အရေး အဖွဲ့ကြီး Amnesty International က ပြောပါတယ်။

ဖမ်းဆီးနှိပ်စက် ညှင်းပမ်း ခံရမှုတွေ အတွက် သူတို့ဆီမှာ တိုင်ကြားထားတာတွေ ရှိတယ်လို့ လူ့အခွင့်အရေး အဖွဲ့ကြီးရဲ့ အစီရင်ခံစာ အသစ်မှာ ဖော်ပြထားပါတယ်။

ဒါ့အပြင် လုံခြုံရေး တပ်ဖွဲ့တွေက ဆန္ဒပြသူတွေကို အင်အား အလွန်အကျွံသုံး နှိမ်နင်းတာ ၊ သင့်တင့် လျောက်ပတ်တဲ့ တရားစီရင်မှု မရှိဘဲ လူတွေကို ဖမ်းဆီး ထောင်ချထားတဲ့ အရေအတွက် အများအပြား ရှိပြီး အခုထိ ပြန်လွှတ် မပေးသေးဘူးလို့ ရေးသားထားပါတယ်။

ဖမ်းဆီး ထိန်းသိမ်းခံထားရတဲ့ ဘာရိန်း အတိုက်အခံ တက်ကြွလှုပ်ရှားသူတွေ အပေါ် အများ အာရုံစိုက်မှု ရစေဖို့ လန်ဒန်က ဘာရိန်း သံရုံးခေါင်မိုးပေါ်ကို ဆန္ဒပြသမား နှစ်ယောက် တက်ပြီး ဆန္ဒပြခဲ့ကြတယ်လို့ သိရပါတယ်။

 ကျမ်းကျိန်ဖို့ စကားအသုံး အနှုန်း မပြင်ရင် NLD လွှတ်တော် မတက်

ဖွဲ့စည်းပုံ အခြေ ခံ ဥပဒေနဲ့ ပတ်သက်တဲ့ စကားလုံး အသုံး အနှုန်း ကို ဘယ်လို ပြင်ဆင်ရင် ရနိုင်တယ် ဆိုတဲ့ အကြံ ပြုချက်ကို အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်က နိုင်ငံတော် သမ္မတ ဆီကို စာပေးပို့ခဲ့ တယ်လို့ NLD ပါတီက ပြောပါတယ်။

စာထဲမှာ ပါတဲ့ အကြောင်း အရာအသေးစိတ်ကို မပြောနိုင်ပေမဲ့ ရွေးကောက်ခံ အန်အယ်လ်ဒီ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည် နဲ့ အမတ်တွေ ကျမ်းကျိန် ရေးမှာ ဖွဲ့စည်းပုံ အခြေ ခံ ဥပဒေနဲ့ ပတ်သက်တဲ့ စကားလုံး အသုံး အနှုန်း ကို ဘယ်လို ပြင်ဆင် နိုင်တယ် ဆိုတဲ့ အကြံ ပြုချက် ပြီးခဲ့တဲ့ နှစ်ရက်ကပဲ ပေးပို့ခဲ့ တယ်လို့ NLD ပါတီ ပြောခွင့်ရ ပုဂ္ဂိုလ် ဦးဉာဏ်ဝင်းက ပြော ပါတယ်။

ဖွဲ့စည်းပုံ အခြေခံ ဥပဒေကို ကာကွယ် စောင့်ရှောက်ပါမည် ဆိုတဲ့ စကားလုံး အစား လေးစား လိုက်နာ ပါမည် ဆိုတဲ့ စကားနဲ့ အစားထိုး လို့ ပြီးမှသာ NLD အမတ်တွေ အနေနဲ့ ကျမ်းကျိန် နိုင်မှာ ဖြစ်တယ်လို့ NLD ဘက်က ပြော ပါတယ်။

ဧပြီ ၂၃ ရက်မှာ ပြန်လည် စတင်မယ့် လွှတ်တော် အစည်း အဝေးကို တက်ရောက်ဖို့ NLD အမတ်တွေ ဖိတ်ကြားခံထားကြရပြီး ဖြစ်ပါတယ်။ ဒါပေမဲ့ အဲဒီ စကား အသုံး အနှုန်းကို ပြင်ဆင်မှု မပြုမချင်း အမတ်တွေ လွှတ်တော် ထဲ ဝင်ကြမှာ မဟုတ်ဘူးလို့ လည်း ဦးဉာဏ်ဝင်းက ပြော ပါတယ်။

လောလောဆယ် သမ္မတ ဘက်က အကြောင်း ပြန်ကြားခြင်း မရှိသေးပေမဲ့ ဒီကိစ္စ ပြေလည် သွားမယ်လို့ ယူဆကြောင်း လည်း ဦးဉာဏ်ဝင်းက ပြော ပါတယ်။

သန်လျင် NLD လူငယ်တွေ သင်္ကြန်မှာ တိုက်ခိုက်ခံရ

သန်လျင်မြို့နယ်မှာ ရှိတဲ့ အဲန်အယ်လ်ဒီ လူငယ်တွေ ရေကစား မဏ္ဍပ် တနင်္ဂနွေနေ့ ညနေ သိမ်းအပြီးမှာပဲ လူ တစု ရောက်လာပြီး ဝင်ရိုက်နှက်လို့ အဖွဲ့ဝင်တချို့ ဒဏ်ရာတွေ ရသွားကြပါတယ်။

ခုလို ဖြစ်ရတာကလဲ ကိုမင်းကိုနိုင် အပါအဝင် ၈၈ မျိုးဆက်ကျောင်းသားတွေရဲ့ ယာဉ်တန်း အဲဒီ မဏ္ဍပ်ကိုရောက်အပြီး ပြန်ထွက်စမှာ ဖြစ်သွားတာလို့ သန်လျင်မြို့နယ် အဲန်အယ်လ်ဒီ လူငယ်အဖွဲ့က ကိုညီညီဉီးက ဘီဘီစီကို ပြောပါတယ်။

ကိုမင်းကိုနိုင်တို့ အဖွဲ့ သန်လျင် ဘုရားကြီးဖက်ကို ဖျော်ဖြေရေး သွားရောက်ပြီး ညနေ ၆ နာရီလောက် မဏ္ဍပ်ရှေ့ကို ရောက်လာလို့ မဏ္ဍပ်မှာရှိတဲ့ အဲန်အယ်လ်ဒီ လူငယ်တွေက နှုတ်ဆက်နေတုန်း တဖက်က ဘီအမ် ဘတ်စ်ကားတစီး ရောက်လာပြီး အဲဒီက လူ ၁၀ ယောက်လောက် ဆင်းလာပြီး လူငယ်တွေကို စ ရိုက်နှက်ခဲ့တာလို့ ကိုညီညီဦးက ပြောပါတယ်။

ကိုမင်းကို နိုင်နဲ့ အဖွဲ့ကတော့ ကား စထွက်နေပြီမို့လို့ အတိုက်ခိုက် မခံလိုက်ရဘူးလို့ ဆိုပါတယ်။

ဝင်ရိုက်တဲ့ လူတွေထဲမှာ တယောက်က ကြံ့ခိုင်ဖွံ့ဖြိုးရေးပါတီ တံဆိပ်ပါတဲ့ တီရှပ်ကို ဝတ်ထားတယ်လို့လဲ ကိုညီညီဦးက ပြောပါတယ်။

အရိုက်ခံလိုက်ရတဲ့ လူငယ်တွေကို သန်လျင်ဆေးရုံကို ခေါ်သွားပြီး ဆေးကုသမှုခံခဲ့ရတယ်၊ ရဲစခန်းမှာလည်း တိုင်ချက်ဖွင့်ခဲ့လို့ အခုတော့ ၅ ယောက်ကို ဖမ်းဆီးထားပြီလို့ သိရပါတယ်။

၈၈မျိုးဆက်ကျောင်းသား အဖွဲ့ယာဉ်တန်းနဲ့ ပါသွားတဲ့ ကိုဂျင်မီကတော့ သူတို့ အဖွဲ့သားတွေ အားလုံး အဲဒီ သန်လျင်မှာ ဘာဖြစ်ခဲ့တယ်ဆိုတာ မသိပါဘူး၊ သူတို့နဲ့လဲ ဆက်စပ်မှု ရှိတယ်လို့ မထင်ပါဘူးလို့ ဘီဘီစီကို ပြောပါတယ်။

သန်လျင်က အဲန်အယ်လ်ဒီ လူငယ် ကိုညီညီဦးကတော့ ကိုမင်းကိုနိုင်တို့ ယာဉ်တန်းရောက်လာအပြီး အခုလို ဝင်တိုက်ခိုက်သူတွေ ရောက်လာတယ်ဆိုတာကို က စဉ်းစားစရာ ဖြစ်နေတယ်လို့ ပြောခဲ့ပါတယ်။

သြစတြေးလျှက မြန်မာနဲ့ ကုန်သွယ်ရေးလည်း ပြန်စမယ်သြစတြေးလျှ၊ နော်ဝေး ပိတ်ဆို့မှု တချို့ ရုပ်သိမ်း

ပြီးခဲ့တဲ့ တစ်နှစ်တာ ကာလ အတွင်း မြန်မာ နိုင်ငံက နိုင်ငံရေး ပြုပြင် ပြောင်းလဲ မှုတွေကို အသိအမှတ် ပြုတဲ့အနေနဲ့ သြစတြေးလျှ အစိုးရဟာ မြန်မာ နိုင်ငံအပေါ် ချမှတ်ထားတဲ့ ပိတ်ဆို့ အရေးယူမှု တချို့ကို ရုပ်သိမ်း လိုက်ပါတယ်။

သမ္မတ ဦးသိန်းစိန် နဲ့ လူ ၂၆၀ အပေါ် ချမှတ်ထားတဲ့ ဘဏ္ဍာရေးဆိုင်ရာ ပိတ်ပင်မှုနဲ့ ခရီးသွားလာခွင့် ပိတ်ပင်မှုတွေကို ရုပ်သိမ်း တော့မယ့်အကြောင်း သြစတြေးလျှ နိုင်ငံခြားရေး ဝန်ကြီး ဘော့ဘ် ကားက ပြောပါတယ်။

ဒါပေမယ့် စစ်တပ်အရာရှိကြီးတွေအပါအဝင် တခြား လူ ၁၃၀ အပေါ်မှာတော့ ပိတ်ဆို့မှုတွေ ဆက်လက်ထားရှိဦးမှာ ဖြစ်တယ်လို့ သူက ပြောပါတယ်။

ပိတ်ဆို့မှုတချို့ ရုပ်သိမ်းရာမှာ နှစ်နိုင်ငံ ကုန်သွယ်ရေးတွေ ကိုလည်း ပုံမှန် ပြန်ဖြစ်အောင် လုပ်ဖို့ အစီအစဉ်လည်း ပါဝင်ပါတယ်။

နော်ဝေးလည်း ပိတ်ဆို့မှုတွေ ဆိုင်းငံ့

နော်ဝေးအစိုးရကလည်း မြန်မာအပေါ်ထားတဲ့ ပိတ်ဆို့မှု တချို့ကို ဆိုင်းငံ့ကြောင်း ကြေငြာလိုက်ပြီး အထူးသဖြင့် ဗီဇာပိတ်ပင်တာနဲ့ စီးပွားရေးပိတ်ပင်မှုတွေကို ဆိုင်းငံ့လိုက်ပါတယ်။

ဒါပေမယ့် ဥရောပသမဂ္ဂက မြန်မာအပေါ် လက်ရှိ ပိတ်ဆို့ထားတဲ့ မူတွေနဲ့တော့ ကိုက်ညီအောင် လုပ်ဆောင်မှာ ဖြစ်ပြီး မြန်မာအပေါ် လက်နက်ရောင်းဝယ်မှု၊ စိန် နဲ့ သစ် စီးပွားရေး လုပ်ငန်းတွေ ကိုတော့ ဆက်လက် ပိတ်ပင်ထားဦးမှာ ပါတယ်။

ဥရောပ သမဂ္ဂကလည်း အခုသီတင်းပတ် နှောင်းပိုင်းမှာ ပိတ်ဆို့မှုအပါအဝင် မြန်မာအပေါ် ထားတဲ့ မူဝါဒနဲ့ ပတ်သက်ပြီး ဆုံးဖြတ်ဖို့ ရှိပါတယ်။

သင်္ကြန် အကျနေ့က မြန်မာနိုင်ငံကို ရောက်ခဲ့တဲ့ ဗြိတိန် ဝန်ကြီးချုပ် ဒေးဗစ် ကင်မရွန်းကလည်း မြန်မာအပေါ် ထားတဲ့ ပိတ်ဆိုမှုတွေ ဆိုင်းငံ့ထားဖို့ ထောက်ခံခဲ့ပါတယ်။

လူသတ်ကြောင်း ဝန်ခံသူ နော်ဝေ နိုင်ငံသား အပြစ်မရှိကြောင်း လျှောက်လဲ

By ဗွီအိုအေ (မြန်မာပိုင်း ဌာန)

ဓာတ်ပုံ Reuters

နော်ဝေးနိုင်ငံသား အန်ဒရေး ဘာရင် ဘရယ်ဗစ် (Anders Behring Breivik) တရားခွင်သို့ မဝင်ရောက်ခင် လက်သီးဆုပ်လိုက်ပုံ။၊ အော်စလို၊ နော်ဝေး။ ဧပြီ ၁၆၊ ၂၀၁၂။

လက်ယာယိမ်း စစ်သွေးကြွတဦးဖြစ်သူ နော်ဝေးနိုင်ငံသားက မနှစ်ကဇူလိုင်လအတွင်း လူ ၇၇ ယောက်ကို သတ်ခဲ့တယ် လို့ ၀န်ခံလိုက်ပေမဲ့ အကြမ်းဖက်မှုနဲ့ လူသတ်မှု အတွက် အပြစ်မရှိကြောင်း ကိုယ့်ကို ကိုယ် ခုခံကာကွယ် ဖို့အတွက် တိုက်ခိုက်ခဲ့ရတာလို့ တရားခွင်မှာ ထွက်ဆိုလိုက်ပါတယ်။

၂၀၁၀ ပြည့်နှစ် ဇူလိုင်လ ၂၂ ရက်နေ့တုံးက အော်စလိုမြို့လယ်မှာ ကားဗုံးခွဲတာနဲ့ မြို့ပြင် ယူတိုရာကျွန်း မှာ စုဝေးခဲ့တဲ့ အာဏာရလေဘာပါတီ လူငယ်နွေရာသီစခန်းကို တိုက်ခိုက်ခဲ့တာတွေအတွက် အန်ဒရေး ဘာရင် ဘရယ်ဗစ် (Anders Behring Breivik) က တရားရုံးမှာ ဒီနေ့ ဖြောင့်ချက်ပေးဝန်ခံလိုက်တာဖြစ်ပါတယ်။

ဘရယ်ဗစ် (Breivik) က သူ့လုပ်ရပ်တွေ အတွက်ဝန်ခံကြောင်း၊ ဒါပေမဲ့ ရာဇ၀တ်မှုအတွက် သူ့မှာ အပြစ်မရှိဘူး လို့ တရားရုံး မှာ ထွက်ဆို လိုက်ပါတယ်။ အော်စလိုမြို့ ကားဗုံးခွဲမှုမှာ ၈ ယောက် သေဆုံးခဲ့ပြီး လူငယ်စခန်းမှာ ၆၉ ယောက် သေဆုံး ခဲ့ရတာဖြစ် ပါတယ်။ နော်ဝေးနိုင်ငံမှာ မူဆလင်တွေ နေရာယူလာမယ့် အရေးနဲ့ ယဉ်ကျေးမှုပေါင်းစုံ နော်ဝေးနိုင်ငံ မှာ အမြစ်တွယ် လာမှာကို ကြိုတင်ကာကွယ်တဲ့အနေနဲ့ အာဏာရပါတီ ရဲ့လူဝင်မှု စနစ်ကိုင်တွယ် ပုံကို ကန့်ကွက်ပြီး အခုလိုတိုက်ခိုက်ခဲ့ တာလို့ ဘရယ်ဗစ် (Breivik) ကထွက်ဆိုသွားပါတယ်။

နျူကလီးယား အရေး စိုးရိမ်မှု အီရန် ဖြေရှင်းရန် အသင့်

By ဗွီအိုအေ (မြန်မာပိုင်း ဌာန)

ဓာတ်ပုံ AP

အီရန်နိုင်ငံအပေါ် အရေးယူ ဒဏ်ခတ်မှုတွေ လျှော့ပေါ့ပေးမယ်ဆိုရင် အပြန်အလှန် အနေနဲ့ နျူကလီးယား အစီအစဉ်တွေအပေါ် စိုးရိမ်မကင်း ဖြစ်နေကြတဲ့ ကိစ္စတွေကို ဖြေရှင်းသွားဖို့ အဆင်သင့် ရှိနေတဲ့အကြောင်း အီရန် နိုင်ငံခြားရေးဝန်ကြီး က ပြောလိုက်ပါတယ်။ အီရန်အနေနဲ့ ယူရေနီယံ ထုတ်လုပ်ဖို့ အခွင့်အရေး ရှိတယ်လို့ တလျှောက်လုံး လက်ခံထားတာ ဖြစ်ပေမဲ့လည်း သန့်စင်မှု ပမာဏနဲ့ ပတ်သက်လို့ ဆွေးနွေး ညှိနှိုင်းရေး အတွက်ကိုတော့ လမ်းဖွင့်ထားတယ်လို့ နိုင်ငံခြားရေးဝန်ကြီး အလီ အာကဘာ ဆာလေဟီ (Ali Akbar Salehi) က အီရန်သတင်းဌာန တခုကို ပြောလိုက်တာပါ။

ကုလသမဂ္ဂ လုံခြုံရေးကောင်စီ အမြဲတန်း အဖွဲ့ဝင်တွေဖြစ်ကြတဲ့ အမေရိကန်၊ ဗြိတိန်၊ ပြင်သစ်၊ ရုရှားနဲ့ တရုတ် နိုင်ငံတို့အပြင် ဂျာမဏီ နိုင်ငံတွေက သံတမန်တွေနဲ့ပါ စနေနေ့က ဆွေးနွေးရာ မှာတော့ အပြု သဘောဆောင် တိုးတက်မှုတွေ ရှိတယ်လို့လည်း ပြောပါတယ်။ တချိန်တည်းမှာပဲ အီရန်ရဲ့ နျူကလီးယား အစီအစဉ် တွေနဲ့ ပတ်သက်လို့ လိုက်နာဖို့ တောင်းဆိုချက်တွေကို စတင်ဆောင်ရွက်တာတွေ မရှိပဲနဲ့ ပိတ်ဆို့ဒဏ်ခတ်မှုတွေ လျှော့ပေါ့စရာ အကြောင်းမရှိဘူးလို့ ဥရောပသမဂ္ဂ (EU) ရဲ့ အလှည့်ကျ ဥက္ကဋ္ဌ တာဝန်ယူထားတဲ့ ဒိန်းမတ်နိုင်ငံက နိုင်ငံခြားရေး ၀န်ကြီးက ပြောလိုက်တဲ့အကြောင်း ရိုက်တာစ် သတင်းတပုဒ်က ဖော်ပြခဲ့တာပါ။

အီရန်နိုင်ငံဟာ နျူကလီးယား လက်နက် ထုတ်လုပ်မှုတွေကို အရပ်ဖက် လုပ်ငန်းတွေနဲ့ ဖုံးကွယ်ထားတယ်လို့ နိုင်ငံ အတော်များများက သံသယ၀င်နေကြပေမဲ့ အီရန်ကတော့ ဒါဟာ မဟုတ်ဘူးလို့ ငြင်းဆန်ထားတာ ဖြစ်ပါတယ်။ နျူကလီးယား အရေး တူရကီနိုင်ငံမှာ နောက်ဆုံးဆွေးနွေးပွဲတွေ ကျင်းပခဲ့တဲ့ တနင်္ဂနွေနေ့မှာ တော့ အမေရိကန် သမ္မတ ဘရက်ခ် အိုဘားမား က အီရန်နိုင်ငံကို ဘာအခွင့်အရေးမှ ပေးမှာ မဟုတ်တဲ့ အကြောင်း ပြောသွားခဲ့ပါတယ်။

မြောက်ကိုရီးယားအပေါ် ကမ္ဘာနဲ့အတူ တရုတ် ပါဝင် ရှုတ်ချ

By ဒေါ်ခင်စိုးဝင်း

• မြောက်ကိုရီးယားရဲ့ နောက်ထပ် ရန်လိုတဲ့ လုပ်ရပ်တွေကို တရုတ်နိုင်ငံအနေနဲ့ သီးခံတော့မှာ မဟုတ်ဘူးလို့ သတိပေး လိုက်ပါတယ်။  မြောက်ကိုရီးယားရဲ့ ပြီးခဲ့တဲ့သီတင်းပတ်အတွင်း မအောင်မြင်တဲ့ ဒုံးပျံလွှတ်တင်ခဲ့ပြီးတဲ့နောက် အနောက် နိုင်ငံတွေက သတိပေးခဲ့သလိုပဲ တရုတ်နိုင်ငံကလည်း အခုလို သတိပေးလိုက်တာ ဖြစ်ပါတယ်။

မြောက်ကိုရီးယားက ရန်လိုတဲ့ လုပ်ရပ်တွေ နောက်ထပ် ထပ်လုပ်ခဲ့မယ်ဆိုရင် ပိုမို ထိရောက်တဲ့ အကျိုးဆက်တွေနဲ့ ရင်ဆိုင် ရလိမ့်မယ် ဆိုတာကို တရုတ်နိုင်ငံအပါအ၀င် ကုလသမဂ္ဂလုံခြုံရေးကောင်စီ အဖွဲ့ဝင်တွေက သဘောတူခဲ့ကြတာ ဖြစ်တယ်လို့ ဘရာဇီးလ်နိုင်ငံကို ရောက်နေတဲ့ အမေရိကန် နိုင်ငံခြားရေးဝန်ကြီး Hillary Clinton က မနေ့က ပြောဆို လိုက်ပါတယ်။ မကြာခင်ကတွေ့ရှိရတဲ့ ဂြိုဟ်တုသတင်းဓါတ်ပုံတွေအရ မြောက်ကိုရီးယားဟာ မြေအောက် နျူကလီးယား စမ်းသပ်ဖို့ ပြင်ဆင်နေပုံ ရပါတယ်။

မြောက်ကိုရီးယားရဲ့ ရေရှည် မဟာမိတ်ဖြစ်တဲ့ တရုတ်နိုင်ငံက မြောက်ကိုရီးယားရဲ့လုပ်ရပ်တွေအပေါ် စိတ်ပျက်နေတယ် ဆိုတဲ့ လက္ခဏာတွေကို နိုင်ငံပိုင်သတင်းတွေမှာ ဖေါ်ပြနေပါတယ်။

မြောက်ကိုရီးယားရဲ့ မအောင်မြင်တဲ့ ဒုံပျံလွှတ်တင်တဲ့ အစီအစဉ်ရဲ့ ကုန်ကျစရိတ်ဟာ ဒေါ်လာသန်းပေါင်း ၈၅၀ ဖြစ်ပြီး စားနပ်ရိက္ခာ ပြောင်း တန်ချိန် ၂ တန်ခွဲ ၀ယ်ယူဖို့ လုံလောက်တဲ့ ငွေပမာဏ ဖြစ်တယ်လို့ ရှန်ဟိုင်းတက္ကသိုလ် ကိုရီးယား ကျွန်းဆွယ် အရေး သုတေသီ Cui Zhiying က တရုတ်နိုင်ငံပိုင် Global Times သတင်းစာမှာ  ပြောဆိုလိုက်ပါတယ်။

အာဏာရှင်မှ ဒီမိုကရေစီစနစ်ဆီသို့ ဦးတည်နေပြီလား?

By ဦးကျော်ဇံသာ

ဒီတပတ် မြန်မာ့အရေးသုံးသပ်ချက်အစီအစဉ်မှာ မြန်မာနိုင်ငံဟာ တရားမျှတတဲ့ ကြားဖြတ်ရွေးကောက်ပွဲ ကျင်းပခဲ့ပြီးနောက် အာဏာရှင်စနစ်အောက်ကနေ အကောင်းဖက်ကို တဖတ်မြှင့်တက်လာပြီးတော့ အပြည့်အဝ ဒီမိုကရေစီစနစ်ဆီ ဦးတည်နိုင်ပြီလို့ SDU (Shan Democratic Union) ခေါ် ရှမ်းဒီမိုကရေစီအစည်းအရုံး အထွေထွေအတွင်းရေးမှူး ဦးစိုင်းဝမ်စိုင်းက ရေးသားပါတယ်။ ဒီကိစ္စနဲ့ ပတ်သက်ပြီး ဆောင်းပါးရှင် ဦးစိုင်းဝမ်စိုင်း (Sai Wansai), ပအို့ဝ်အမျိုးသား လွှတ်မြောက်ရေးအဖွဲ့ချုပ်ခေါင်းဆောင် ခွန်ဥက္ကာ တို့နဲ့ ဦးကျော်ဇံသာ က ဆွေးနွေးသုံးသပ် တင်ပြထားပါတယ်။

ဦးကျော်ဇံသာ ။ ။ ဆရာ ဦးစိုင်းဝမ်စိုင်းရဲ့  ဆောင်းပါးတပုဒ်ကို ဖတ်ဖြစ်ပါတယ်။ မြန်မာနိုင်ငံဟာ အခုအခါမှာ electoral authoritarian အုပ်ချုပ်ရေးအဆင့်ကို ရောက်လာပြီလို့ ဆိုပါတယ်။ အဲဒီအဆင့်ကနေ full fledge democracy အဆင့်ကို သွားနေတယ်လို့ ဆိုပါတယ်။ ဆရာက အကောင်းမြင်တဲ့သဘောလို့ တွေ့ရပါတယ်။ ဒါကို မဆွေးနွေးခင် အဓိပ္ပါယ်သတ်မှတ်ချက်လေးကို အရင်ပြောရအောင်ပါ။ ဆရာက ~ ကိုးကားပြီးရေးထားပါတယ်။ ဗမာလိုဆိုရင် အကြမ်းမျဉ်း ဘယ်လိုရှင်းမလဲခင်များ။ မြန်မာနိုင်ငံဟာ အခုအခါမှာ closed authoritarian အုပ်ချုပ်ရေးကနေ electoral authoritarian အုပ်ချုပ်ရေး ရောက်လာပြီဆိုတာကို အကြမ်းမျဉ်းလေး ပရိသတ်နားလည်းအောင် ရှင်းပြပေးပါ။

ဦးစိုင်းဝမ်စိုင်း။ ။ ယေဘုယျအားဖြင့် အစိုးရပုံစံကို သတ်မှတ်ထားတာ အကြမ်းဖျဉ်း လေးခုလောက် ရှိပါတယ်။ ထိပ်ဆုံးမှာနေတာကတော့ ဒီမိုကရေစီ (democracy type regime) အစိုးရပုံစံ။ အဲဒါကတော့ အမေရိကန်ပြည်ထောင်စု၊ အနောက်ဥရောပ နိုင်ငံတွေအားလုံးပါတယ်။ နောက်တခုကတော့ electoral democracy regime အဲဒါကတော့ ရွေးကောက်ပွဲကို တရားမျှမျှတတ လုပ်ပေးတယ်။ ဒါပေမဲ့ ဒီမိုကရေစီ အခွင့်အရေးအပြည့်အဝ မရှိဘူး။ အဲဒါကြတော့ တူရီကီ၊ ဘရာဇီး တို့ကို ပုံစံပေးထားတယ်။ နောက်တခုကတော့ electoral authoritarian regime ဒါကတော့ ရွေးကောက်ပွဲကို ဘန်းပြလုပ်ပေးတယ့် အာဏာရှင်စနစ်။ ဒါပေမဲ့ ဒီ အာဏာရှင်စနစ်ရဲ့  ကောင်းကျိုးဆိုးကျိုးကြတော့ နည်းနည်းပါးပါး လွတ်လပ်ခွင့်ရှိတဲ့အတွက်ကြောင့် အဲဒီကနေ တိုးတက်သွားနိုင်တယ်ဆိုတဲ့ အနေအထားမျိုးပြထားတယ်။ အဲဒါက အခု ဗမာပြည်၊ မလေးရှား၊ စင်္ကာပူတို့ထဲမှာ အကျူံးဝင်တယ်။ နောက်ဆုံးတခုကတော့ authoritarian regime ဒါကတော့ တပါတီ၊ စစ်အာဏာရှင်စနစ် နဲ့ သက်ဦးစံပိုင်စနစ် စသဖြင့် အဲဒါကတော့ တရုတ်ပြည်နဲ့ ဆော်ဒီအာရေးဗီယားကို ပုံစံပေးထားတယ်။ ဆိုတော့ ကျနော်က bi-elections ရွေးကောက်ပွဲကိုကြည့်ပြီး၊ နောက် သမ္မတကြီး ဦးသိန်းစိန် က ပြုပြင်ပြောင်းလဲမှုတွေကို တဖြည်းဖြည်းလုပ်လာတဲ့အခါကြတော့ အောက်ဆုံးအဆင့် တပါတီ သို့မဟုတ် authoritarian regime ကနေ တဆင့်အမြင့်ကို တက်လာပြီလို့ electoral authoritarian regime အဆင့်ကို တက်လာပြီလို့ သတ်မှတ်လို့ရတယ်လို့ ကျနော်က ယူဆပါတယ်။

ဦးကျော်ဇံသာ ။ ။ ဆရာက အခုအခါမှာ electoral authoritarian ရွေးကောက်ပွဲကို ဘန်းပြလုပ်ပေးတယ်။ ဒါပေမဲ့ အာဏာရှင်တော့ ဆန်နေသေးတယ်။ ဒီအဆင့်ကနေ full fledge democracy ဖြစ်လာနိုင်တယ်လို့ ဆရာက အကောင်းမြင် သုံးသပ်ထားတာကို တွေ့ရပါတယ်။ ဒီလို အကောင်းမြင်နိုင်တဲ့ အထောက်အထား ဘာတွေတွေ့ရလို့လဲခင်များ။

ဦးစိုင်းဝမ်စိုင်း။ ။ ယေဘုယျအားဖြင့် နိုင်ငံရေးအကျဉ်းသားတွေ လွှတ်ပေးတယ်၊ မီဒီယာကို လွတ်လပ်ခွင့် ပေးလာတယ်၊ စီးပွားရေးပြုပြင် ပြောင်းလဲဖို့အတွင်း ဆိုင်းပြင်းနေတာရယ်။ နောက်ဆုံး အရေးကြီးဆုံးအချက်က အခုန လုပ်သွားတဲ့ ရွေးကောက်ပွဲက ဝင်ပြီးမစွက်ဖက်ဘဲနဲ့ သူနိုင်အောင်လုပ်တဲ့ အခြေအနေမျိုးကို ပြလာတဲ့အခါကြတော့ အကောင်းမြင်တဲ့အပိုင်းကို သူက ရောက်လာတယ်။ အဲဒါအပြင် တိုင်းရင်းသားတွေနဲ့ ဖြစ်နေတဲ့ စစ်မက်ကိုလည်း ငြိမ်ချုပ်နိုင်ဖို့ ကြိုးစားနေတဲ့အပိုင်းတွေရှိတော့ အဲဒါကို ကြည့်ခြင်းအားဖြင့် ပြောင်းလဲမှုကို ဦးသိန်းစိန် တဦးတယောက်အနေနဲ့ အားသာနေတယ်လို့ ကျနော်တို့ ကြည့်ရှုသုံးသပ်လို့ရတယ်။

ဦးကျော်ဇံသာ ။ ။ မြန်မာနိုင်ငံမှာ အဓိက လောလောဆယ် အခက်အခဲဆုံး ပြဿနာကတော့ တိုင်းရင်းသားပြဿနာကို ပြေလည်အောင် ဖြေရှင်းရေးလို့ သတ်မှတ်ကြတာ၊ သုံးသပ်ကြတာ ရှိပါတယ်။ ဒီအချက်ကို ကြည့်ပြီးတော့ ဆရာ ဦးစိုင်းဝမ်စိုင်းသုံးသပ်သလို မြန်မာနိုင်ငံဟာ အပြည့်အဝ ဒီမိုကရေစီထွန်းကားတဲ့အခြေအနေ ရောက်သွားနိုင်တယ်ဆိုတာ ပြောသလောက် လွယ်နိုင်ပါ့မလား။ ဗိုလ်မှူးကြီးခွန်ဥက္ကာ သဘောထားကို သိပါရစေ။

ခွန်ဥက္ကာ ။ ။ ကျနော်ကတော့ ဦးစိုင်းဝမ်စိုင်းနဲ့ အမြင်တဝက်ပဲတူပါတယ်။ သူပြောနေတဲ့total authoritarian ကနေ elected authoritarian ကနေ ဒီမိုကရေစီ သွားတယ်ဆိုတဲ့ဟာက အင်ဒိုနီးရှား ကို ဥပမာယူတယ်ဆိုရင်တော့ ဖြစ်နိုင်တယ်။ ဆူဟာတို ဆင်းပေးပြီးနောက်မှာ အင်ဂျီနီးယားတဦးဖြစ်တဲ့ ဟာဘီဘီ ကို ထားခဲ့ပြီးတော့ ဟာဘီဘီ ကနေ တဖြည်းဖြည်း sunset clock နေဝင်ပြဌာန်းချက်တွေနဲ့ တဖြည်းဖြည်း ဒီမိုကရေစီကို ပြောင်းလာတော့ အင်ဒိုနီးရှား က တစုံတရာ ဒီမိုကရေစီလမ်းကြောင်းကို ရောက်လာပြီလို့ ပြောလို့ရတယ်။ သို့သော် ကျနော်တို့ ဗမာပြည်ရဲ့  အခင်းအကျင်းကြတော့ ဟာဘီဘီ မဟုတ်ဘူး။ ဗိုလ်ချုပ်ကြီး သိန်းစိန် က ဝန်ကြီးချုပ်နဲ့ နေခဲ့တယ်။ authoritarian တုန်းက။ electoral authoritarian ရွေးကောက်ပွဲနဲ့ တက်လာတဲ့ အာဏာရှင်လို့ ပြောတဲ့အခါကြတော့ အဲဒီ ရွေးကောက်ပွဲနဲ့လား၊ အာဏာရှင်လက်ဟောင်းတုန်းက ပုဂ္ဂိုလ်တွေ၊ ဒီလူတွေပဲ တဆိပ်ခွါပြောင်း၊ ဝတ်စုံပြောင်းပြီး ပါလာတဲ့အခါကြတော့ ကျနော်တို့ပြောသလို ရာခိုင်နှုန်းပြည့် ဒီမိုကရေစီကိုသွားတဲ့ အခြေအနေကို ရောက်ပြီလို့ ပြောရင်တော့ နည်းနည်းစောနေမလားလို့ on the margin ဖြစ်နေသေးတယ်လို့ ကျနော်အနေနဲ့ ပထမအချက် ထောက်ပြချင်တယ်။

တိုင်းရင်းသားတွေအမြင်နဲ့ တိုင်းရင်းသားတွေ ခံစားချက်မှာ အဲဒီအပြောင်းအလဲမှုဟာ သက်ရောက်မှုရှိပြီလား ဆိုရင်တော့ အခုအချိန်ထိ ကျနော်တို့ကြည့်တာတော့ မရှိသေးဘူး။ ဦးဝမ်စိုင်းပြောတဲ့ ကြားဖြတ်ရွေးကောက်ပွဲမှာ မျှတတယ်လို့ သုံးသပ်ပြီးတော့ ဒါကြောင့် ဒီလိုပြောင်းနိုင်တယ်ဆိုတာက ကြားဖြတ်ရွေးကောက်ပွဲရဲ့  အနေအထားကိုကြည့်ရင် လွှတ်တော်နှစ်ရက်စလုံးမှာ ရမယ့်နေရာက လေးဆယ်လောက်ရှိပြီး အားလုံးပေါင်း ခြောက်ရာကျော်ရှိတဲ့ လွှတ်တော်နှစ်ရပ်မှာ လူလေးဆယ်ရဲ့  အနေအထားက မပြောပလောက်ဘူး။ ဒါတွေမကဘူး ဒီလွှတ်တော်သော်လည်းကောင်း၊ ရွေးကောက်ပွဲသော်လည်းကောင်း အစစအရာရာအားလုံးသည် ၂၀၀၈ ဖွဲ့စည်းပုံအခြေခံဥပဒေရဲ့  လက်အောက်ခံပြဿနာတွေပဲ ဖြစ်နေတော့ ၂၀၀၈ ဖွဲ့စည်းပုံအခြေခံဥပဒေဆိုတာကြီးကို မေ့ထားမယ်ဆိုရင်တော့ ပြောင်းလဲတယ်ဆိုတာ ဖြစ်နိုင်တာပေါ့။ အဲဒီ ၂၀၀၈ ဖွဲ့စည်းပုံအခြေခံဥပဒေက အခိုင်အမာ၊ အုပ်စီးထားတယ်ဆိုရင်တော့ အခုနပြောသလောက်တော့ ရွေးကောက်ပွဲကနေလာတဲ့ အာဏာရှင်ကနေ ဒီမိုကရေစီဘက်ကို တဖြည်းဖြည်း လျှော့ချသွားလိမ့်မယ်ဆိုတဲ့ အယူအဆကတော့ လွယ်သင့်သလောက် မလွယ်သေးဘူးလို့ ဆွေးနွေးချင်တယ်။

ဦးကျော်ဇံသာ ။ ။ ဆိုတော့ နောက်တခုက ဆရာစိုင်းဝမ်းစိုင်း က ဘာရေးသလဲဆိုတော့ သဘောထားတင်းမားတယ်ဆိုတဲ့ လူတွေက အဟန့်အတားအနှောက်အယှက် တစုံတရာမရှိခဲ့ရင် condition ခံထားတယ်။ အဲဒီကိစ္စကို ကျနော့် ဒဲ့ဒိုး မေးချင်တာက စစ်တပ် က ဘယ်လောက်အထိ သမ္မတ ဦးသိန်းစိန် လုပ်ချင်နေတဲ့ ပြုပြင်ပြောင်းလဲရေး။ ဥပမာ ဒေါ်အောင်ဆန်းစုကြည် တို့ အန်အယ်လ်ဒီ ရဲ့  ရွေးကောက်ပွဲ ဦးတည်ချက်တွေကိုလည်း မဆန့်ကျင်ဘူး။ စစ်တပ်ရဲ့  သဘောတူညီမှု၊ ထောက်ခံမှုကို ဘယ်လောက်ရနိုင်မယ် ထင်ပါသလဲ။ အဲဒါ မရရင်ကော သမ္မတဦးသိန်းစိန် ဦးဆောင်တဲ့ ပြုပြင်ပြောင်းလဲမှု ရှေ့ တိုးနိုင်မယ် ထင်ပါသလား။

ဦးစိုင်းဝမ်စိုင်း။ ။ ပထမဦးဆုံး ခွန်ဥက္ကာ က ကျနော်ရဲ့  သဘောထားကောက်ချက် မှတ်ချက်ကို ကြိုဆိုပါတယ်။ နောက်တခုကလည်း ကျနော်က ခွန်ဥက္ကာ ပြောသလို လုံးလုံး ဂဃနဏ သေသေချာချာ ဒီလမ်းကို သွားနေပြီလို့ ကျနော်က ပြောတာမဟုတ်ပါဘူး။ ကျနော် ဆိုလိုချင်တာကတော့ လမ်းစတော့ ပေါ်နေတယ်။ သူတို့ ဒီလမ်းစအတိုင်း သွားသလား၊ မသွားဘူးလားဆိုတဲ့အပေါ်မှာ ကျနော်တို့က ရှေ့ တိုးပြီး ကြည့်ရမယ့်အခြေအနေမျိုးပါ။ အခုန ဦးကျော်ဇံသာ ကျနော့်ကို မေးတဲ့မေးခွန်းကလည်း အဲဒီ အဓိကကျတဲ့ မေးခွန်းဖြစ်ပါတယ်။ သဘောထားတင်းမားတဲ့ စစ်တပ်လူတန်းစား သို့မဟုတ် စစ်တပ်ထွက် လူတန်းစား အာဏာရလူတန်းစားရဲ့  လိုတိုးပိုလျှော့ပေါ်မှာ အများကြီး မူတည်မယ်ဆိုတာ အင်မတန် မှန်ကန်ပါတယ်။ အဲဒါကြောင့်မို့ သူတို့ သုံးနေတဲ့ manipulation ချယ်လှယ်တာနဲ့ အခြေအနေရှိတဲ့ အနေအထားမှာ သူတို့ ချယ်လှယ်မှုကို မလုပ်ဘဲနဲ့ အခုအချိန်ကစပြီး ၂၀၁၅ ခုကာလမှာ ပေးသွားမယ်ဆိုရင် ဒီမိုကရေစီ တည်ဆောက်ရေးကို ရောက်နိုင်မယ်လို့ ယူဆပါတယ်။

ဦးကျော်ဇံသာ ။ ။ ဝန်ကြီးချုပ်ဦးနု လက်ထက်တုန်းကလည်း ၆၂ မှာ နောက်ဆုံး ဖယ်ဒရယ်ပြည်ထောင်စု ပေးမယ်ဆိုပြီး တိုင်းရင်းသားခေါင်းဆောင်တွေကို ခေါ်ပြီးတော့ ဆွေးနွေးကြတယ်။ အဲဒါကို အကြောင်းပြပြီး ပြည်ထောင်စုပြိုကွဲမယ်ဆိုပြီး ဗိုလ်ချုပ်နေဝင်း ဦးဆောင်ပြီး စစ်တပ်က အာဏာသိမ်းခဲ့တယ်။ ဆိုတော့ history repeats itself ဖြစ်လာနိုင်ပါသလား။ မြန်မာနိုင်ငံမှာ အလားတူ တိုင်းရင်းသားတွေက ဖယ်ဒရယ် ပြောနေချိန်မှာ ဒီလို ပုံစံမျိုး ထပ်ဖြစ်လာနိုင်သေးသလားဆိုတာကို စဉ်းစားမိပါတယ်။ ခွန်ဥက္ကာ ဘယ်လို သဘောရပါသလဲ။

ခွန်ဥက္ကာ ။ ။ ကျနော် အမြင်ကတော့ ဒီ သွားနေတဲ့ ဒေါ်အောင်ဆန်းစုကြည် ပါဝင်တာရော၊ ဦးသိန်းစိန် ဦးဆောင်တဲ့ ငြိမ်းချမ်းရေး အပစ်ရပ် အပြောင်းအလဲတွေအားလုံးက တဖတ်က သွားနေတယ်။ တဖတ်မှာလည်း ကြားဖြတ်ရွေးကောက်ပွဲလိုအဆင့်လောက် ၂၀၁၅ ရွေးကောက်ပွဲက အဲဒီလောက်အဆင့်ပဲ ရှိခဲ့မယ်ဆိုရင်တော့ ရွေးကောက်ခံရတဲ့ အာဏာရှင်ပုံစံကို အဲဒီလောက်မှာတော့ ဖြစ်သွားနိုင်တယ်။ သို့သော် အဲဒီ ၂၀၁၅ ပွဲလောက်မှာ ကြားဖြတ်ရွေးကောက်ပွဲအဆင့်လောက် မရှိဘူးဆိုရင်တော့ အာဏာရှင်က အာဏာရှင်ပဲလို့ အဲဒီလိုမြင်တယ်။ နောက်တချိန်တည်းမှာပဲ ဒေါ်အောင်ဆန်းစုကြည်ရဲ့  ရွေးကောက်ပွဲဝင်ပြီး လွှတ်တော်မှာပါဖို့ ဦးသိန်းစိန်နဲ့ ပူးပေါင်းဆောင်ရွက်တဲ့ကိစ္စမှာ ဦးသိန်းစိန် ကို ကျားကန်ပေးရာရောက်ပြီးတော့ တချိန်တည်းမှာ ၂၀၀၈ ဖွဲ့စည်းပုံကို အဓိကပြင်ရမယ်ဆိုတဲ့ နိုင်ငံရေးဦးတည်ချက်ပါနေတော့ အဲဒီလို အဓိက ပြင်တဲ့အချိန်မှာ ဖွဲ့စည်းပုံကို အသက်နဲ့လဲပြီးကာကွယ်မယ့် တပ်မတော်က ဘယ်လောက်အထိ သည်းခံမလဲ။ တကယ် ထိပ်တိုက်ဖြစ်လာရင်တော့ သမိုင်းတပတ်၊ သံသရာတကွေ့ ပြန်လည်မယ်လို့တော့ ကျနော်မြင်မိတယ်။

ဦးကျော်ဇံသာ ။ ။ ဆရာ စိုင်းဝမ်စိုင်းရဲ့  အမြင်ကိုလည်း ဒီကိစ္စနဲ့ ပတ်သက်ပြီး ပြောပါ။

ဦးစိုင်းဝမ်စိုင်း။ ။ ခွန်ဥက္ကာ ပြောသလို ကျနော်ကလည်း သဘောထားတထပ်တည်း ရှိပါတယ်။ ဘယ်လိုပဲဖြစ်ဖြစ် ၂၀၀၈ ဖွဲ့စည်းပုံအခြေခံဥပဒေမှာ သူတို့ကလည်း အာဏာသိမ်းခွင့်ဆိုတာ ပါနေတော့ ဒါက သိပ်ပြီတော့ ထူးဆန်တဲ့အလုပ်တော့ မဟုတ်ဘူး။

ဦးကျော်ဇံသာ ။ ။ အဲဒီတော့ အခု အုပ်စုနှစ်အုပ်စု ပြတ်ပြတ်သားသား ကွဲလာမယ်ဆိုပါတော့ အဲဒီကိစ္စနဲ့ ပတ်သက်ပြီ။ သမ္မတဦးသိန်းစိန် က ပြုပြင်ပြောင်းလဲရေးကို လိုလားတယ်။ တိုင်းရင်းသားတွေရဲ့  တောင်းဆိုမှုကိုလည်း လက်ခံတယ်။ အသိအမှတ်ပြုတယ်။ လုပ်ချင်တယ်၊ ပြုပြင်ပြောင်းလဲချင်တဲ့အုပ်စု။ တခါ စစ်တပ်နဲ့ သဘောထားတင်းမားတဲ့ အုပ်စုက ဒါကို လက်မခံနိုင်တဲ့အုပ်စုဆိုတော့ အတိုက်အခံ အမျိုးသားဒီမိုကရေစီအဖွဲ့ချုပ်အပါအဝင် တိုင်းရင်းသားပါတီတွေ၊ ပြည်သူတွေ၊ တိုးတက်တဲ့ အင်အားစုတွေက သမ္မတဦးသိန်းစိန်ဖက်ကနေ ခွန်ဥက္ကာ ပြောသလို ကျားကန်ပေးသင့်တယ်။ မားမားမတ်မတ် ရပ်တည်ပေးသင့်သလား။ သို့မဟုတ်ဘဲ ဒီ အစိုးရက ၂၀၀၈ ဖွဲ့စည်းပုံနဲ့ သွားနေတယ်ဆိုပြီ ပစ်ပယ်သင့်ပါသလား။ အတိုက်အခံနဲ့ ပြည်သူတွေက ဘယ်ဖက်က ဘယ်လိုရပ်တည်သင့်ပါသလဲ။

ခွန်ဥက္ကာ ။ ။ ပြောရမယ်ဆိုရင်တော့ လောလောဆယ် နိုင်ငံတကာ၊ အာဆီယံ၊ အကုန်လုံးအမြင်ကတော့ ဦးသိန်းစိန် က ပြုပြင်ပြောင်းလဲချင်တယ့်လူဖြစ်တော့ သူကို ရပ်တည်ပေးရမယ်ဆိုတာကတော့ မှန်တယ်။ သို့သော် အခုအချိန်အထိ သမ္မတကြီး ဦးသိန်းစိန်အနေနဲ့ ၂၀၀၈ ကို ထိပါးရိပါး မပြောရဲသေးဘူး။ ၂၀၀၈ ဘက်က သူရပ်တည်တယ်။ တချိန်တည်းမှာပဲ လက်ရှိတပ်မတော်ရဲ့  အနေအထားနဲ့ အခင်းအကျင်းကို ချီးမြောက်နေတော့ တပ်မတော်ရဲ့  အနေအထားနဲ့ ၂၀၀၈ အနေအထားအပေါ် တည်တည်ကြီး သမ္မတကြီးအနေနဲ့ သုံးသပ်ချက်ပေးတာတွေ မရှိသေးတာကို တွေ့ရတယ်။ သို့သော် သမ္မတကြီးရဲ့  ကိုယ်စားလှယ်ဖြစ်တဲ့ ဦးအောင်မင်းကတော့ ၂၀၀၈ ကို ပြင်သင့်တာကို ပြင်ရမယ်။ ကျနော်တို့လည်း မကြိုက်ပါဘူးလို့ ပြောတာရှိတယ်။ ၂၀၀၈ ဖွဲ့စည်းပုံကို လွှမ်းမိုးနိုင်တဲ့ National Assembly သို့တည်းမဟုတ် တကယ့် ကြီးမားတဲ့ National Conference ကြီးကြီးခေါ်ပြီး Political mandate နဲ့ ပြင်ရင်တော့ ၂၀၀၈ ကို ပြင်လို့ရပါတယ်။ အဲဒါကြောင့် ၂၀၀၈ ပြင်ပုံပြင်နည်းမှာ တခါ ပညာသာပါတဲ့အခါကြတော့ ၂၀၀၈ ဘောင်ထဲက ဝင်ပြင်မယ်ဆိုရင်တော့ ပြင်လို့မရနိုင်တဲ့ဟာပဲ ဖြစ်သွားမယ်လို့ သတိပေးထောက်ပြချင်တာ ရှိပါတယ်။

ဦးကျော်ဇံသာ ။ ။  ဆရာစိုင်းဝမ်စိုင်း သမ္မတဦးသိန်းစိန်ဖက်က ရပ်တည်သင့်သလား။ သို့တည်းမဟုတ် ၂၀၀၈ ဖွဲ့စည်းပုံကို ကာကွယ်နေတဲ့ သမ္မတဖြစ်လို့ ပစ်ပယ်သင့်ပါသလား။

ဦးစိုင်းဝမ်စိုင်း။ ။ ဒီ မေးခွန်းကို ဖြေတဲ့နေရာမှာ conditional အခြေအနေအရဆိုတာကို အသုံးပြုချင်တယ်။ ဦးသိန်းစိန် အနေနဲ့ တိုင်းရင်းသားပြည်သူတွေ လိုလားတယ် ဖယ်ဒရယ်စနစ် နဲ့ နီးစပ်တဲ့ ဖယ်ဒရယ် ဒီမိုကရေစီစနစ်ကို လက်ခံနိုင်တဲ့ အနေအထားမျိုး ဒါမှမဟုတ် အဲဒီလမ်းကို သွားနေတဲ့ အနေအထားရှိရင်တော့ သူကိုထောက်ခံသင့်တယ်။ တကယ်လို့ သူက ၂၀၀၈ ကြီးကို လုံးလုံးကိုင်ထားမယ်ဆိုရင်တော့ ကျနော်တို့အနေနဲ့ သူကို ထောက်ခံရင် ကျနော်တို့ ကိုယ့်လည်ပင်းကြိုးကွင်းစွပ်တာနဲ့ တူနေတယ်။