18.04.2012 နေ့ဖတ်ရန်သတင်းများ

by Myanmar Journal on Thursday, April 19, 2012 at 6:59am ·

ဗြိတိန်ဝန်ကြီးချုပ် မြန်မာသမ္မတနဲ့ဆွေးနွေးစဉ်မြန်မာ့အရေးမှာ စီးပွားရေးထက် နိုင်ငံရေးကို ဦးစားပေးသင့်

အခုအခါ မြန်မာနိုင်ငံက ပြုပြင်ပြောင်းလဲ မှုတွေကို တုန့်ပြန်တဲ့အနေနဲ့ သြစတြေးလျ နိုင်ငံက သမ္မတ ဦးသိန်းစိန် အပါအဝင် လူပေါင်း၂၆၀ ကျော်ရဲ့ ခရီးသွားလာခွင့် ကန့်သတ်တာကို ရုပ်သိမ်း ပေးလိုက်ပါ တယ်။ လက်နက်တင်ပို့မှုကို ဆက်လက် ပိတ်ဆို့ ထားပြီး တပ်မတော် အရာရှိတွေ အပါအဝင် လူ၁၃၀ ကိုလည်း ခရီးသွားခွင့် ဆက်ပိတ် ထားပါတယ်။ နော်ဝေး နိုင်ငံကလည်း လက်နက်တင်ပို့မှုနဲ့ စစ်ရေးပူးပေါင်း မှုကလွဲလို့ ပိတ်ဆို့မှုတွေ ပြန်ရုပ်သိမ်း မယ်လို့ နိုင်ငံခြားရေး ဝန်ကြီးက ပြောပါတယ်။

မြန်မာနိုင်ငံကို ဒဏ်ခတ်ပိတ်ဆို့မှုတွေမှာ အမေရိကန်ဘက်ကတော့ ဥပဒေ၅ခု သမ္မတအမိန့် ၄ခုနဲ့ ကလေး စစ်သားပြဿနာ မူးယစ်ဆေးဝါး ပြဿနာတို့အတွက် သီးခြားပိတ်ဆို့ ထားပါတယ်။

ဧပြီလ ကြားဖြတ်ရွေးကောက်ပွဲ နောက်ပိုင်းမှာတော့ အပြောင်းအလဲကို အထောက်အကူ ပြုမယ့် ရင်းနှီးမြှုပ်နှံမှုနဲ့ ငွေကြေးလုပ်ငန်းအချို့ကို အမေရိကန်က ဖြေလျှော့ ခဲ့ပါတယ်။

အခု နိုင်ငံတကာက နောက်ဆုံး မြန်မာအပေါ် ဖွင့်ပေးလာတာကို အမေရိကန်ဘက်က ဘယ်လိုတုန့်ပြန် သင့်ပါသလဲလို့ Gerald Ford School of Public Policy မှ လက်ထောက်ပါမောက္ခ John Ciorciari ကို မေးကြည့်တော့ သူက

'ကျနော် ယုံကြည်တာကတော့ အခုချထားတဲ့ ဘက်စုံပိတ်ဆို့မှုတွေကို ဘယ်ဟာဆက် ထားမယ် ဘယ်နေရာတွေတော့ လျှော့ပေါ့ပေးမယ် ဆိုတာတွေကို ပြန်စဉ်းစား တုန့်ပြန် သင့်တယ်လို့ မြင်ပါတယ်။ တဖြည်းဖြည်းနဲ့ သူ့အဆင့်နဲ့သူ ယေဘူယျကျတဲ့ ဆန်ရှင်တွေ ရုပ်သိမ်း သင့်ပါတယ်။ စစ်ဆင်ရေးလိုမျိုး စိုးရိမ်စရာကိစ္စမျိုးတွေ ပပျောက်အောင် ရည်ရွယ်တဲ့ တာဂက်တစ် ဆန်ရှင်တွေကိုတော့ သိသာပြီး ခိုင်မာတဲ့ ပြုပြင်ပြောင်းလဲရေ လုပ်မှ ရုပ်သိမ်း သင့်တယ်လို့ John Ciorciari က ဘီဘီစီကို ပြောပါတယ်။

မြန်မာနိုင်ငံအပေါ် လူ့အခွင့်အရေးကြောင့် နိုင်ငံတကာက အရေးယူထားတာကို သဘော ထားအမြင်အမျိုးမျိုးထွက်နေပြီး အချို့ကတော့ ဒီလိုပိတ်ဆို့မှုတွေကြောင့် တိုင်းပြည် ဖွံ့ဖြိုးတိုးတက်မှုကို ထိခိုက်စေတယ်လို့ မြင်ကြသလို တချို့ကတော့ လက်ရှိ တိုင်းပြည် စီးပွားရေး မတိုးတက်ဟာ အနှစ်၅၀လောက် စီမံခန့်ခွဲမှု ညံ့ဖျင်းလို့ ဖြစ်ရတာလို့လည်း ပြောဆိုနေကြပါတယ်။

အံ့မခန်း တိုက်ခိုက်မှုကို ပြုလုပ်ခဲ့တယ်လို့ ဘရီဗစ်ထွက်ဆို

အကောင်းအတွက် လုပ်တာ ဖြစ်လို့ တရားသေ လွှတ်ပေးဖို့ တရားရုံးကို တောင်းဆိုသွား

နော်ဝေနိုင်ငံမှာ ပြီးခဲ့တဲ့ နှစ် ဇူလိုင်လက လူ ၇၇ ဦးကို သတ်ဖြတ်ခဲ့တဲ့ အန်ဒါးစ် ဘဲရင်း ဘရီဗစ်ခ်က သူဟာ ဒုတိယ ကမ္ဘာစစ် ပြီးနောက် ဥရောပမှာ အကြီးကျယ်ဆုံးသော တိုက်ခိုက်မှုကို လုပ်ဆောင်ခဲ့တာ ဖြစ်တယ်ဆိုပြီး တရားရုံးမှာ သူ့ကိုသူ ချီးကျူး ပြောကြားသွားပါတယ်။

ဒါပေမယ်လို့ အခုလို လုပ်ဆောင်ခဲ့ရတဲ့ အကြောင်းရင်းကတော့ အကောင်းအတွက် ဖြစ်တာကြောင့် သူ့ကို တရားသေ လွှတ်ပေးဖို့ တရားရုံးကို တောင်းဆိုသွားပါတယ်။

သူဟာ ဥရောပနဲ့ နော်ဝေနိုင်ငံကို ရွှေ့ပြောင်း ဝင်ရောက်လာသူတွေနဲ့ ယဉ်ကျေးမှု ရောနှော သွားမယ့် အန္တာရာယ်ကနေ နော်ဝေနဲ့ ဥရောပ ပြည်သူတွေ အတွက် ကာကွယ်ပေးနေတာ ဖြစ်တယ်လို့ ဘရီဗစ်က ပြောပါတယ်။

သူ့ရဲ့ထွက်ဆိုချက်တွေ မပြီးခင်မှာပဲ အဓိက တရားသူကြီးကနေ ကြားနာမှုကို ရပ်ဆိုင်း လိုက်ပါတယ်။ ထွက်ဆိုချက်ကို ကြားနားဖို့ အတွက် ၅ ရက်လောက် ကြာမြင့်နိုင် ပါတယ်။

ရုပ်မြင်သံကြားကနေ သူ့ရဲ့ သက်သေ ထွက်ဆိုနေမှုတွေကို တိုက်ရိုက် ထုတ်လွှင့်ဖို့ကို တရားရုံးက ငြင်းပယ်ခဲ့ပါတယ်။

ဆေ့ဖ်ကဒါဖီကို လစ်ဗျားနိုင်ငံထဲမှာပဲ ICC ရဲ့ ကြီးကြပ်မှုအောက်မှာ စစ်ဆေးဖို့ ညှိနှိုင်းနေဆေ့ဖ်ကဒါဖီကို လစ်ဗျားမှာပဲ တရားစီရင်ဖို့ ညှိနှိုင်းနေ

ကွယ်လွန်သူ လစ်ဗျားခေါင်းဆောင် ဟောင်း ကဒါဖီရဲ့ အားအထားရဆုံးသား ဆေ့ဖ် အယ်လ် အစ္စလာမ် ကဒါဖီ ကို နိုင်ငံတကာ ရာဇဝတ် ခုံရုံး ICC က သူတို့ဆီ လွှဲပေးဖို့ တောင်းဆိုနေမှုကို ပြန်ရုပ်သိမ်းပေးမယ့် အနေအထားရှိတယ်လို့ ဘီဘီစီက စုံစမ်းသိရပါတယ်။

ကဒါဖီရဲ့ အရိုက်အရာကိုတောင် ခံရနိုင်တယ်လို့ ပြောခဲ့ကြတဲ့ သူ့သား ဆေ့ဖ်ကဒါဖီကို ဘယ်နေရာ မှာ ဘယ်သူက တရားစီရင်မလဲဆိုတဲ့ ကိစ္စဟာ သူအဖမ်းခံရတဲ့ ပြီးခဲ့တဲ့ နှစ် နိုဝင်ဘာလ ကတည်းက အပြင်းအထန်ဆွေးနွေး အငြင်းပွားနေရတဲ့ ကိစ္စ ဖြစ်ပါတယ်။

ဘယ်လ်ဂျီယံနိုင်ငံ the Hague မြို့မှာ ရှိတဲ့ နိုင်ငံတကာ ရာဇဝတ်ခုံရုံး ICC ကတော့ ဆေ့ဖ်ကဒါဖီကို လူမဆန်စွာ ပြုမူတဲ့ ရာဇဝတ်မှုနဲ့ စစ်ဆေး အရေးယူနိုင်ဖို့ သူတို့ရဲ့ ခုံရုံးကို လွှဲပေးဖို့ တောင်းဆို ထားတာ ဖြစ်ပါတယ်။

ဒါပေမယ့် လစ်ဗျားအာဏာပိုင်တွေဘက်က ဆေ့ဖ်ကဒါဖီကို အခုချိန်ထိ လွှဲမပေးခဲ့ပါဘူး။ အခုနောက်ဆုံး လစ်ဗျား တရားမျှတရေးဝန်ကြီးဌာနက ပြောတာကတော့ မစ္စတာ ဆေ့ဖ်ကဒါဖီကို လစ်ဗျား နိုင်ငံတွင်းမှာ တရားစီရင်နိုင်ဖို့ ICC နဲ့ သဘောတူညီမှုရဖို့ နောက်ဆုံး အဆင့်ကို ရောက်နေပြီလို့ ပြောပါတယ်။

ဒါပေမယ့် ICC ရဲ့ လုံခြုံရေးနဲ့ ဥပဒေဆိုင်ရာ ကြီးကြပ်မှုနဲ့ လုပ်ကောင်း လုပ်နိုင်မယ်လို့ ပြောပါတယ်။ ICC ရဲ့ ရှေ့နေချုပ် လူးဝစ် မော်ရီနို အိုကမ်ပိုကလည်း ဒီတပတ်အတွင်းမှာပဲ လစ်ဗျားကို သွားပြီး အပြီးသတ် ဆွေးနွေးဖို့ ရှိနေပါတယ်။

လစ်ဗျားမြို့တော် ထရစ်ပိုလီမှာ ရှိတဲ့ ဘီဘီစီ သတင်းထောက် ဂျွန် ဒိုနီဆန်ကို သံတမန်တစ်ဉီး ပြန်ပြောပြတာကလည်း သဘောတူညီမှုရဖို့က အတော်နီးစပ်နေပြီလို့ ဆိုပါတယ်။ ဒါပေမယ့် တကယ်တမ်း ရုံးတင်စစ်ဆေးနိုင်ဖို့က လအတော်၊ ကြာကောင်း ကြာနိုင်တယ်လို့လည်း လစ်ဗျား အာဏာပိုင်တွေဘက်က ပြောပါတယ်။

လူ့အခွင့်အရေးအဖွဲ့တွေ ထောက်ပြတာကလည်း ဆေ့ဖ်လို့ နာမည်ကြီး ပုဂ္ဂိုလ်မျိုးကို တရားစီရင်ဖို့က လစ်ဗျားမှာ ရှိတဲ့ တရားစီရင်ရေး စနစ်နဲ့တင် ကိုင်တွယ်နိုင်မယ့် အနေအထား မရှိဘူးလို့ ပြောပါတယ်။

အသက် ၃၉ နှစ်ရှိ ဆေ့ဖ် အယ်လ် အစ္စလာမ်ကို လောလောဆယ် လစ်ဗျားက ဇင်တန်နယ် အတွင်းက ပြည်သူ့စစ်အဖွဲ့ တစ်ခုကနေ ထိန်းသိမ်းထားတာ ဖြစ်ပါတယ်။ ဒီအဖွဲ့ကလည်း ဆေ့ဖ် အယ်လ် အစ္စလာမ်ကို လစ်ဗျားအစိုးရဆီကို ဘယ်တော့ လွှဲပေးမလဲဆိုတာ အရိပ် အမြွက် ပြောတာတောင် မရှိသေးပါဘူး။

တကယ်လို့ ဆေ့ဖ် အယ်လ် အစ္စလမ်ကို လစ်ဗျားမှာ တရားစီရင်မယ်ဆိုရင်တော့ သူဟာ သေဒဏ် ကျဖွယ် ရှိနေပါတယ်။

စပိန် ရေနံ ကုမ္ပဏီကို နိုင်ငံပိုင်လုပ်ဖို့ အာဂျင်တီးနား သမ္မတ ပြောပြီစပိန် ရေနံ ကုမ္ပဏီ အာဂျင်တီးနား နိုင်ငံပိုင်လုပ်ချင်တယ်လို့ ပြော

စပိန် ရေနံ ကုမ္ပဏီ တခုကို နိုင်ငံပိုင် လုပ်ဖို့ ပြင်နေတဲ့ အာဂျင်တီးနား အစိုးရရဲ့ အစီအစဉ်ဟာ ရန်လိုပြီး တဖက်သက် ထင်ရာဆိုင်း လုပ်ရပ်ဖြစ်တယ်လို့ ဆိုကာ စပိန် အစိုးရက ရှုတ်ချလိုက်ပါတယ်။

အရေးပေါ် လွှတ်တော် အစည်းအဝေး ကျင်းပပြီးတဲ့နောက် စက်မှုဝန်ကြီး က သတင်းထောက်တွေကို ပြောကြားရာမှာ စပိန် အစိုးရဖက်က ဒီကိစ္စကို ပြတ်ပြတ်သားသား အပြင်းအထန် တုန့်ပြန် သွားမယ် လို့ ဆိုသလို နိုင်ငံခြားရေး ဝန်ကြီးကလည်း အာဂျင်တီးနားရဲ့ ဆောင်ရွက်ချက်ဟာ နှစ်နိုင်ငံ ဆက်ဆံရေးကို ပျက်ပြားစေတယ်လို့ ပြောပါတယ်။

အာဂျင်တီးနားမှာ တူးဖော်ရေး လုပ်ကိုင်နေတဲ့ စပိန် ရေနံ ကုမ္ပဏီ ဝိုင်ပီအက်ဖ် YPF ရဲ့ ရှယ်ယာ ၅၁ ရာနှုန်းကို အာဂျင်တီးနား အစိုးရ ယူပြီး နိုင်ငံပိုင် လုပ်ချင်တယ်လို့ သမ္မတ ခရစ်စတီးနား ဖာနန်ဒက်ဇ်က အစောပိုင်းတုန်းက ကြေညာခဲ့တာ ဖြစ်ပါတယ်။

ဒါဟာ အာဂျင်တီးနားမြေပေါ်မှာ နိုင်ငံပိုင် သယံဇာတတွေ အပေါ် ထိန်းချုပ်ဖို့ ဖြစ်တယ်လို့ မစ္စဖာနန်ဒက်ဇ်က ပြောပါတယ်။

တကယ်တော့ ပုဂ္ဂလိကပိုင် ပြုလုပ်ရေး အစီအစဉ်အရ Repsol စပိန် ကုမ္ပဏီက ဝိုင်ပီအက်ဖ်ကို ပြီးခဲ့တဲ့ ဆယ်နှစ်ကျော် ကတည်းက ဝယ်ယူခဲ့တာ ဖြစ်ပြီး မကြာသေးခင်တုန်း ကတော့ ဒီဝိုင်ပီအက်ဖ် ရေနံ ကုမ္ပဏီက အဓိက ရေနံမြေ တခုကို ရှာတွေ့ခဲ့တာ ဖြစ်ပါတယ်။

ဒီဇင်ဘာလ အပစ်အခတ် ရပ်စဲပြီးကတည်းက တိုက်ပွဲငယ် ၁၄ ကြိမ်ထက် မနည်း ဖြစ်ပွားခဲ့SSA နဲ့ အစိုးရတပ် အကြား တိုက်ပွဲတွေ ပြန်ဖြစ်နေ

SSA တောင်ပိုင်း ခေါ် သျှမ်းပြည် ပြန်လည် ထူထောင်ရေးကောင်စီ (RCSS/SSA) ဟာ အစိုးရနဲ့ အပစ်အခတ် ရပ်စဲရေး လုပ်ထားပေမယ့် အစိုးရစစ်တပ်နဲ့ မကြာခဏ တိုက်ပွဲတွေ ပြန်လည် ဖြစ်ပွားနေ သေးတယ်လို့ သိရပါတယ်။

ဒီလို တိုက်ပွဲ ပြန်ဖြစ်ရတာဟာ တပ်နေရာ ချထားမှုနဲ့ ပတ်သက်တဲ့ သဘောတူချက်ကို အစိုးရစစ်တပ် ဘက်က မလိုက်နာသလို အောက်ခြေ တပ်သားတွေကလည်း နားလည်မှုတွေ မရှိသေးတာကြောင့် ဖြစ်ရ တာလို့ SSA က ပြောပါတယ်။

SSA နဲ့ အစိုးရ စစ်တပ်တို့ ဒီလ ထဲမှာဖြစ်တဲ့ ပစ်ခတ်မှု အခြေအနေနဲ့ပတ်သက်ပြီး စာရင်း အတိအကျ ထွက်မလာသေးပေမယ့် အပစ်အခတ်ရပ်စဲရေး လက်မှတ်ထိုးပြီးတဲ့ အချိန် ဒီဇင်ဘာလကနေ ပြီးခဲ့တဲ့လ အထိ၊ တိုက်ပွဲငယ်ပေါင်း ၁၄ ကြိမ်ထက် မနည်း ဖြစ်ပွားခဲ့ တယ်လို့ SSA က ပြောပါတယ်။

အဲဒါကြောင့် စစ်တပ် အချင်းချင်းညှိနှိုင်း အဖြေရှာဖို့ ပြီးခဲ့တဲ့ ၁၁ ရက်နေ့ သင်္ကြန် မတိုင်ခင်မှာ SSA ငြိမ်းချမ်းရေး ဖော်ဆောင်ရေး ကိုယ်စားလှယ် ဗိုလ်ဗှူးကြီး အွန်တိန်းနဲ့ အဖွဲ့ဝင်တချို့ ဟာ တြိဂံတိုင်း စစ်ဌာနချုပ် ဒုတိုင်းမှူး ဗိုလ်မှူးချုပ် ဝေလင်းနဲ့ ကျိုင်းတုံ တြိဂံတိုင်း စစ်ဌာချုပ်မှာ သွားရောက်တွေ့ဆုံ ညှိနှိုင်းမှု ပြုလုပ်ခဲ့တယ်လို့ SSA ပြောရေးခွင့်ရ စိုင်းဆိုင်မိန်းက ဘီဘီစီကို ပြောပြပါတယ်။

ဒါပေမဲ့လည်း နှစ်ဦးနှစ်ဘက်ကြားမှာ ပြေလည်မှု မရခဲ့ဘူးလို့ သိရပါတယ်။

SSA တပ်ဖွဲ့တွေ သွားလာလှုပ်ရှားမယ့် နေရာတွေ၊ အခြေစိုက်မယ့် နေရာတွေမှာ အစိုးရစစ်တပ် အောက်ခြေ တပ်တွေက ဝင်ရောက် ချုပ်ချယ်ကန့်သတ် တာတွေ၊ SSA နယ်မြေတွေ ကနေ ဖယ်မပေး တာတွေ ရှိနေတယ်လို့ ဆိုပါတယ်။

အခုချိန်မှာ SSA ဘက်က အပစ်အခတ် ရပ်စဲတာရယ်၊ ဆက်ဆံရေးရုံး ဖွင့်လှစ်တာရယ်က လွဲလို့၊ ကျန်တဲ့ ငြိမ်းချမ်းရေး လုပ်ငန်းစဉ်တွေ ဘာမှ ကျယ်ကျယ်ပြန့်ပြန့် လုပ်ဆောင်နိုင်တာ မရှိဘူးလို့ သိရပါတယ်။

ဒါကြောင့် ဒီအခက်အခဲတွေကို မေလဆန်းပိုင်းမှာ ပြုလုပ်မယ့် အစိုးရ ငြိမ်းချမ်းရေး အဖွဲ့နဲ့ တွေ့ဆုံပွဲမှာ SSA ဘက်က တင်ပြဖို့ ရှိတယ်လို့ စိုင်းဆိုင်မိန်းက ပြောပါတယ်။

KIA တပ်ဖွဲ့ဝင်တချို့ အစိုးရစစ်တပ်ထံ လက်နက်ချ

AK 47 သေနတ်တွေအပါအဝင် လက်နက် ၂၃ လက်နဲ့ ခလရ ၂၇ ထံ လက်နက်ချ

ကချင် လွတ်မြောက်ရေး တပ်ဖွဲ့KIA ရဲ့ တပ်မဟာ ၅ လက်အောက်ခံ တပ်ရင်း တစ်ခုက တပ်သား ၄၀ ကျော်ဟာ မြစ်ကြီးနားမြို့နယ် တာလောကြီးရွာမှာ ယာယီ အခြေစိုက်နေတဲ့ အစိုးရ စစ်တပ် ခလရ ၃၇ တပ်ရင်းထံ လက်နက် ၂၃ လက်နဲ့ လက်နက် လာချ တယ်လို့ သိရ ပါတယ်။

AK 47 သေနတ်တွေအပါအဝင် လက်နက်တွေနဲ့ ခလရ ၃၇ ထံ လာရောက် လက်နက်ချတာ ဖြစ်ကြောင်း တာလောကြီးရွာခံတဦးက သူကိုယ်တိုင် တွေ့ခဲ့ရတာကို ဘီဘီစီကို ပြောပြပါတယ်။

လက်ချက်ချရတဲ့အကြောင်းကတော့ KIA တပ်အတွင်း သဘောထားချင်း မတိုက်ဆိုင်မှုတွေ ရှိခဲ့တာကြောင့် ဖြစ်တယ်လို့ အဲဒီဒေခံက ဆိုပါတယ်။

အခုလို လက်နက်လာချတာကို အစိုးရ စစ်တပ်နဲ့ လူထုက တခဲနက်ကြိုဆိုခဲ့တယ်လို့ သိရပြီး၊ လောလောဆယ်မှာတော့ လက်နက်လာချတဲ့ KIA တပ်ဖွဲ့ဝင်တွေကို အဲဒီ တလောကြီး ခလရ ၃၇ မှာပဲ ထားထားကြောင်း သိရပါတယ်။

ဒီ KIA စစ်သားတွေဟာ တာလောကြီးရွာ လယ်လုပ်ငန်းတွေကနေ KIA စစ်သားအဖြစ် စုစောင်းခံခဲ့ကြသူတွေ ဖြစ်တယ်လို့လည်း အဲဒီဒေသခံက ပြောပါတယ်။

ကေအိုင်အေတပ်သား ၃၅ ယောက် အစိုးရထံ လက်နက်ချ

By မိုးဇော်

• More Sharing Services

• 
  

ကချင်လွတ်လပ်ရေးတပ်မတော် KIAက အကြပ်တပ်သား ၃၅ယောက်က လက်နက်မျိုးစုံ ၂၃လက်နဲ့အတူ ပြီးခဲ့တဲ့ သင်္ကြန်အတက်နေ့က ကချင်ပြည်နယ် မြစ်ကြီးနားမြို့နယ် တာလောကြီးရွာမှာ အခြေချနေတဲ့ အစိုးရ တပ် စခန်းကို လာရောက် လက်နက်ချခဲ့ပါတယ်။ ဒေသခံတွေကတော့ ဒီလို လက်နက် ချလာ သူတွေ ဟာ KIAက အဓမ္မ တပ်သားသစ်စုဆောင်းခံရ သူတွေဖြစ်တာကြောင့်  ပြန်လာ တာဖြစ်ကြောင်းပြောဆိုပြီး KIA ဘက်ကို ဆက်သွယ် မေးမြန်းရာမှာတော့ ဒီသတင်း မကြားသိသေးကြောင်း နဲ့ အတင်းအကျပ် ကောက်ယူတာ မရှိကြောင်း ငြင်းဆိုထားပါတယ်။ ဒီသတင်းအပြည့်အစုံကိုတော့ ထိုင်းအခြေစိုက်သတင်းထောက် ကိုမိုးဇော်က တင်ပြပေးမှာ ဖြစ်ပါတယ်။

ကချင်လွတ်လပ်ရေးတပ်မတော် KIAက တပ်ကြပ်ကျော်ဆန်း ဦးဆောင်တဲ့ အဖွဲ့ဝင် ၃၅ယောက် ဟာ မြစ်ကြီးနား မြို့နယ် တာလောကြီး ကျေးရွာမှာ အခြေချနေတဲ့ ခလရ ၃၇ တပ်စခန်းကို ဒီလ ၁၆ရက်နေ့ မနက်ပိုင်း က  လက်နက်ချဝင်ရောက်လာတာဖြစ်ပါတယ်။

ဒီလို ၀င်ရောက်လာသူတွေကို ခလရ ၃၇က ဒုရင်းမှုးက လက်ခံပြီး နေရာချထားပေးတယ်လို့ တာလောကြီး ရွာသား တယောက်က ပြောပါတယ်။

-   သူတို့က သူတို့ကို ဦးဆောင်ခဲ့တဲ့ စစ်ကြောင်းမှုးကိုတော့ မပါလာဘူး။ သူက ကချင်လေ။ သူနဲ့ အပြန်အလှန်ဖြစ်ပြီးမှ သူတို့ တပ်စိတ်မှုးတွေပဲ အချင်းချင်းညှိနှိုင်းပြီးမှ ဒီဘက် ထွက်ခဲ့ကြတာ။ သူတို့ ၃၅ယောက်။ လက်နက်မျိုးစုံ ၂၃လက်ပါတယ်။ အားလုံး အမှတ် ၃၇ သူတို့ တူးအိုင်စီကိုယ်တိုင် အဲဒီ ကိစ္စကို နေရာချထားပေးတယ်။ ကောင်းကောင်းမွန်မွန်ပဲ။

ပြန်လည်ဝင်ရောက်လာသူတွေဟာ ရှမ်း၊ ဗမာနဲ့ ကချင် လူမျိုးတွေဖြစ်တယ်လို့ လည်း ပြောပါတယ်။

အခုလို ပြန်လည်ဝင်ရောက်လာသူတွေဟာ သူတို့ စိတ်ဆန္ဒမပါဘဲ အမှုထမ်းရသူတွေဖြစ်တာကြောင့် ပြန် လာတာဖြစ်တယ်။ ဒီလို ပြန်လာတာကြောင့် သူတို့ ရွာလုံခြုံရေးထိခိုက်မှာလည်း စိုးရိမ်နေရတယ်လို့ တာလောကြီး ရွာသားက ဆက်ပြောပါတယ်။

-       သူတို့က KIA တွေ ပေါ်တာဆွဲပြီး ဖမ်းသွားတာတွေ၊ နောက်တခါ ဖိအားပေးပြီး စာနဲ့ ဆင့်ပြီး ခြိမ်းခြောက်ခေါ်ခံရသူတွေ၊ နောက်ဆုံး လုပ်ငန်းခွင်မှာ အဖမ်းအဆီးခံရတဲ့ ကလေးတွေ ချည်း ပဲ။ ပြဿနာတော့ ရှာမှာပဲ။ အရင့်အရင် ဒါမျိုးထွက်ခဲ့သူတွေကို မိသားစုကို ရန်ရှာတာတို့၊ သူတို့ ဆွေမျိုးတော်စပ်သူကို ရန်ရှာတာတို့ အစဉ်အလာ ရှိခဲ့ဖူးတယ်။ အခုလည်း ပြောလို့ မရဘူးလေ။ သူတို့ လုပ်ရိုးလုပ်စဉ်တွေ ဆိုတော့ ရှာဖို့တော့ များပါတယ်။ အစိုးရက ဘယ်လောက်ထိ ကာကွယ်ပေးနိုင် မလဲ ဆိုတော့ ဒီလုပ်ငန်းခွင်မှာတော့ တာဝန်ယူကာကွယ်လို့ မရပေမဲ့ ကျေးရွာ တခုလုံး လုံခြုံမှုကိုတော့ အမှတ် ၃၇ ကနေ တာဝန်ယူပြီး စောင့်ရှောက်ပေးနေတယ်။

ဒီသတင်းနဲ့ပတ်သက်ပြီး ကချင်လွတ်လပ်ရေးအဖွဲ့ KIOက ပြောရေးဆိုခွင့် ရှိသူတွေကို ဆက်သွယ်ရာ မှာတော့ ဖုန်းခေါ်ဆိုလို့ မရခဲ့ပါဘူး။

KIA အဆင့်မြင့် အရာရှိတယောက်ကတော့ လက်နက်ချတဲ့သတင်းကို အတိအကျ မသိ ရသေးကြောင်း  ပြောပါတယ်။ ဒေသခံတွေ ပြောသလို KIA က အတင်းအကျပ် စစ်သား စုဆောင်း ကောက်ယူ သလား ဆိုတာကိုတော့ KIA အရာရှိက အခုလို ဖြေပါတယ်။

-    မူဝါဒတော့ အဲလို မရှိဘူး။ ဒါမျိုးတော့ မရှိဘူးလေ ကျနော်တို့က။ ဟိုဘက် ရောက်သွားရင်တော့ အဲလိုပဲ ပြောရမှာပေါ့ကွာ။ အဲလို မပြောရင်တော့ သက်သာမှာ မဟုတ်ဘူးလေ။

လောလောဆည်မှာတော့ ကချင်ပြည်နယ် ၀ိုင်းမော်ဒေသ၊ မိုးမောက်ဒေသနဲ့ ရှမ်းပြည်နယ်မြောက်ပိုင်း ဘက်တွေမှာ တိုက်ပွဲတွေ ဆက်လက် ဖြစ်ပွားနေဆဲ ဖြစ်ပါတယ်။

KIA နဲ့ မြန်မာအစိုးရတပ်တွေအကြားမှာ ၁၇နှစ်ကြာ အပစ်အခတ်ရပ်စဲခဲ့ရာက တိုက်ပွဲတွေ ပြန်လည် စတင် နေတာ အခုဆိုရင် ၁၀ကျော်လာပြီ ဖြစ်ပါတယ်။

ဒီတိုက်ပွဲပြန်စခဲ့တဲ့ အစောပိုင်း ၂လတာ ကာလအတွင်းမှာ အစိုးရတပ်တွေက အမျိုးသမီးနဲ့ မိန်းကလေး ငယ် ၃၇ ယောက်ကို အဓမ္မ ပြုကျင့်ခဲ့ပြီး ၁၃ယောက်သတ်ဖြတ်ခဲ့တယ်လို့ ကချင်အမျိုးသမီးအဖွဲ့က  အစီရင်ခံစာ ထုတ်ပြန်ခဲ့ပါတယ်။

အစိုးရပိုင်သတင်းစာတွေကတော့ KIA အဖွဲ့တွေက လမ်း၊ တံတားတွေ၊ မီးရထားသံလမ်းတွေကို မိုင်းခွဲ ဖျက်ဆီး ခဲ့ကြောင်း နဲ့ အဓမ္မ လူသစ်ကောက်ယူစုဆောင်းနေကြောင်း သတင်းစာတွေမှာ ဖော်ပြခဲ့ကြပါတယ်။

အခုလက်ရှိအချိန်မှာတော့ လောလောဆည်ဖြစ်ပွားနေတဲ့ တိုက်ပွဲတွေကြောင့် ဒုက္ခသည် ၆သောင်းလောက် ဟာ ကချင်ပြည်နယ်အတွင်း မြို့ကြီးတွေနဲ့ တရုတ်မြန်မာနယ်စပ်ဒေသဘက်တွေကို ထွက်ပြေး တိမ်းရှောင်နေ ရ ပါတယ်။

KIO ကိုယ်စားလှယ်တွေနဲ့ မြန်မာအစိုးရရဲ့ ပြည်ထောင်စုအဆင့် ငြိမ်းချမ်းရေးကိုယ်စားလှယ်တွေအကြားမှာ ကချင်ပြည်နယ်အတွင်း ငြိမ်းချမ်းရေးရရှိဖို့ အနည်းဆုံး ၃ကြိမ်ဆွေးနွေးခဲ့ပေမဲ့ ဒီကနေ့အထိတော့ မအောင်မြင်သေးပါဘူး။

မြန်မာအပေါ် အမေရိကန် အရေးယူမှု လျှော့ပေါ့ရေး စတင်

By ဗွီအိုအေ (မြန်မာဌာန)

မြန်မာနိုင်ငံမှာ လူသားချင်း စာနာမှုဆိုင်ရာ လုပ်ငန်းတွေနဲ့ ဖွံ့ဖြိုးရေး စီမံကိန်းတွေအတွက် အထောက် အကူ ဖြစ်စေမယ့် ငွေကြေးလွှဲပြောင်းမှုတွေကို ခွင့်ပြုတာလို အရေးယူဒဏ်ခတ်မှု တချို့ကို အမေရိကန်ပြည်ထောင်စုက လျှော့ပေါ့ပေးသွားမယ်လို့ အမေရိကန် ဘဏ္ဍာရေးဝန်ကြီးဌာနက ကြေညာ လိုက်ပါတယ်။

မြန်မာအစိုးရရဲ့ ပြုပြင်ပြောင်းလဲရေး လုပ်ငန်းတွေအပေါ် တုံ့ပြန်တဲ့အနေနဲ့ ပိတ်ဆို့ ဒဏ်ခတ် မှုတွေ လျှော့ပေါ့ ပေးသွားမယ့် အစီအစဉ် တစိတ်တပိုင်းအဖြစ် အမေရိကန် ဘဏ္ဍာရေး ၀န်ကြီးဌာနက အင်္ဂါနေ့မှာ ကြေညာလိုက်တာပါ။

ကောင်းမွန်တဲ့အုပ်ချုပ်ရေး၊ ကျန်းမာရေး၊ ပညာရေးနဲ့ အားကစားတို့လို ကဏ္ဍတွေမှာ အစိုးရမဟုတ်တဲ့ အဖွဲ့အစည်းတွေရဲ့ စီမံကိန်းတွေအတွက် ငွေကြေး လွှဲပြောင်းမှုတွေကို အမေရိကန် ဘဏ္ဍာရေး ၀န်ကြီး ဌာနရဲ့ ပြည်ပပိုင်ဆိုင်မှု ကြီးကြပ်ရေးဌာနက ခွင့်ပြုလိုက်တာ ဖြစ်ပါတယ်လို့  အမေရိကန်နိုင်ငံခြားရေး ဌာနပြောခွင့်ရ Mark Toner က အင်္ဂါနေ့ကပြုလုပ်တဲ့ သတင်းစာ ရှင်းလင်းပွဲမှာ ပြောကြားခဲ့ပါတယ်။

မြန်မာနဲ့ အမေရိကန် လူထုကြား ပူးပေါင်းဆောင်ရွက်မှုတွေ အားကောင်းလာစေဖို့ ရည်ရွယ်ပြီး အမေရိကန် ပုဂ္ဂလိကအဖွဲ့အစည်းတွေ လူပုဂ္ဂိုလ်တွေကို ပရဟိတ လုပ်ငန်းတွေမှာ ၀င်ရောက်လုပ်ကိုင်လာအောင် အားပေးလိုတာကြောင့် အခုလို ဆောင်ရွက်ရတာ ဖြစ်တယ်လို့လည်း  ဆိုပါတယ်။ ဧပြီလတစ်ရက်နေ့ မှာ မြန်မာအစိုးရက လွှတ်တော်ကြားဖြတ် ရွေးကောက်ပွဲတွေ ကျင်းပခဲ့တဲ့နောက် အမေရိကန်အပါအ၀င် အရေးယူဒဏ်ခတ်မှုတွေ ချမှတ်ထားတဲ့ နိုင်ငံတွေက ပိတ်ဆို့ထားတာတွေကို လျှော့ပေါ့လာခဲ့ကြတာ ဖြစ်ပါ တယ်။

ဥရောပသမဂ္ဂ (EU) ကလည်း မြန်မာနိုင်ငံအပေါ် ဒဏ်ခတ်မှုတွေကို ဒီသီတင်းပတ်ကုန် ပြန်ပြောင်း သုံးသပ်ဖို့ ရှိနေရာမှာ လျှော့ပေါ့ပေးမယ့် အရိပ်အယောင်တွေ ပြသနေပါတယ်။ အစိုးရအရာရှိတွေ အပေါ် ပြည်ဝင်ခွင့် ဗီဇာ ပိတ်ပင်ထားတာတွေ ဇန်န၀ါရီလမှာ ဖယ်ရှား ပေးလိုက်ပြီးတဲ့နောက် ဒီလကုန်ပိုင်းမှာ နောက်ထပ် ထပ်မံလျှော့ပေါ့ပေးဦးမှာ ဖြစ်တယ်လို့လည်း EU နိုင်ငံခြားရေးရာ အကြီးအကဲ Catherine Ashton က အင်္ဂါနေ့မှာ ပြောလိုက်တာ ဖြစ်ပါတယ်။

IAEA ကိုယ်စားလှယ် မြောက်ကိုရီးယား စေလွှတ်ရေး အစီအစဉ်ပျက်

By ဗွီအိုအေ (မြန်မာဌာန)

ဒုံးပျံနဲ့နျူကလီးယားစမ်းသပ်မှုတွေ မလုပ်ဖို့အမေရိကန် ပြည်ထောင်စုနဲ့ သဘောတူညီချက် ရယူထားတာတွေကို ဆက်လက် လိုက်နာတော့မှာ မဟုတ်ဘူးလို့ မြောက်ကိုရီးယားက ပြောဆိုလိုက်တဲ့နောက် မြောက်ကိုရီးယားကို ကိုယ်စားလှယ်အဖွဲ့ စေလွှတ်နိုင်မယ့် အလားအလာတွေ မရှိတော့ဘူးလို့ နိုင်ငံတကာ အဏုမြူ စွမ်းအင်အေဂျင်စီ (IAEA) ကပြောလိုက်ပါတယ်။

မတ်လထဲမှာတုန်းက IAEA ပြောခွင့်ရသူ Gill Tudor ရဲ့ အင်္ဂါနေ့နှောင်းပိုင်း ကြေညာချက်ကြောင့် မြောက် ကိုရီးယားနဲ့ ဆွေးနွေးညှိနှိုင်းအပြီး ကိုယ်စားလှယ်အဖွဲ့တဖွဲ့ စေလွှတ်ဖို့ သဘောတူညီချက် ရရှိထားတာတွေ ဆုံးခန်း ရောက်ခဲ့ရတာပါ။

မြောက်ကိုရီးယားကတော့ အင်္ဂါနေ့ အစောပိုင်းမှာပဲ မအောင်မမြင်ဖြစ်ခဲ့တဲ့ ဒုံးပျံ လွှတ်တင်တဲ့အစီအစဉ်အပေါ် ကုလသမဂ္ဂ လုံခြုံရေးကောင်စီက ပြစ်တင်ရှုတ်ချခဲ့တာကို လက်မခံတဲ့အကြောင်း တုံ့ပြန်သွား ပါတယ်။ သောကြာနေ့တုန်းက ဒုံးပျံပစ်လွှတ်တဲ့ အစီအစဉ်ဟာ မြောက်ကိုရီးယားအပေါ် ခန့်မှန်းဖို့ မလွယ်နိုင်တဲ့ အပြုအမူတွေထဲက တခုအဖြစ်နဲ့လည်း အမေရိကန် နိုင်ငံခြားရေး ၀န်ကြီးဌာန ပြောခွင့်ရသူ တဦးဖြစ်တဲ့Mark Toner က ပြောခဲ့တာပါ။

မြောက်ကိုရီးယားကတော့ မိုးလေ၀သဂြိုဟ်တု လွှတ်တင်ဖို့လို့ ပြောထားတဲ့ တာဝေးပစ်ဒုံးပျံ ပစ်လွှတ်မှု အစီအစဉ်တွေကို ဆက်လုပ်သွားမယ်လို့ အင်္ဂါနေ့မှာပဲ ပြောခဲ့တာ ဖြစ်ပါတယ်။

မြန်မာနိုင်ငံအပေါ် ဒဏ်ခတ်အရေးယူမှုတချို့ အမေရိကန် လျှော့ပေါ့လိုက်ခြင်း

By မခင်ဖြူထွေး

ဧပြီလအစောပိုင်းက ကျင်းပခဲ့တဲ့ အထင်ကရ ကြားဖြတ်ရွေးကောက်ပွဲ နောက်ပိုင်း မြန်မာနိုင်ငံမှာ နောက်ထပ် ပြုပြင်ပြောင်းလဲမှုတွေ ဆက်ပြီး ဖြစ်လာအောင် တွန်းအားပေးနိုင်ဖို့ မျှော်လင့်ချက်နဲ့ မြန်မာနိုင်ငံအပေါ် နှစ်ရှည်လများ ချမှတ်ထားတဲ့ ဒဏ်ခတ်ပိတ်ဆို့မှုတွေထဲက တချို့ကို အမေရိကန်က ဒီတပတ်အတွင်း လျှော့ပေါ့ပေးလိုက်ပါတယ်။

မြန်မာနိုင်ငံတွင်း လူသားချင်း စာနာကူညီတဲ့ လုပ်ငန်းတွေ ဆောင်ရွက်နိုင်ဖို့အတွက် လူသားချင်းစာနာမှု ဆိုင်ရာ အဖွဲ့တွေ၊ ဘာသာရေးနဲ့ တခြားသော လူမှုရေးနဲ့ ဖွံ့ဖြိုးရေးဆိုင်ရာ အစိုးရမဟုတ်တဲ့ အဖွဲ့အစည်းတွေရဲ့ လုပ်ငန်းတွေ မြန်မာနိုင်ငံမှာ ဆောင်ရွက်ခွင့်ပေးသွားမယ့်အကြောင်း အမေရိကန် ဘဏ္ဍာရေးဝန်ကြီးဌာနရဲ့ အင်္ဂါနေ့က ကြေညာချက်ထဲမှာ ဖော်ပြထားပါတယ်။ ဒီအထဲမှာ သဘာဝ ဘေးအန္တရာယ် ဆိုင်ရာ အကူအညီတွေ၊ ကျန်းမာရေးနဲ့ ဆက်စပ်တဲ့လုပ်ငန်းတွေ၊ ပညာရေးနဲ့ အားကစားလို ကဏ္ဍတွေအပြင် စီးပွားရေးအမြတ်ထုတ် ဆောင်ရွက်တာမျိုးမဟုတ်တဲ့ စာသင်ကျောင်း၊ စာကြည့်တိုက်နဲ့ ဆေးရုံ စတာတွေ တည်ဆောက်ရေး စီမံကိန်းတွေ ပါဝင်ပါတယ်။

ဘာသာရေးအဖွဲ့အစည်းတွေအနေနဲ့ ဘုရားကျောင်း အပါအ၀င် ဘာသာရေး အဆောက်အဦးတွေ နဲ့ မိဘမဲ့ကလေးဂေဟာ စတဲ့ လုပ်ငန်းတွေ ဆောင်ရွက်ခွင့် ရမှာဖြစ်ပါတယ်။

၂၀၀၈ ခုနှစ် မေလက လူထောင်ပေါင်းများစွာ သေဆုံးခဲ့ရတဲ့ နာဂစ် ဆိုင်ကလုန်းမုန်တိုင်းဒဏ် ခံခဲ့ရပြီးတဲ့နောက် မြန်မာပြည်သူတွေကို ငွေကြေးအကူအညီတွေ ပေးနိုင်ဖို့အတွက် လူသားချင်းစာနာထောက်ထားတဲ့ အေဂျင်စီတွေ၊ လူပုဂ္ဂိုလ်တွေရဲ့ ငွေကြေးလွှဲပြောင်းမှုတွေကို ခွင့်ပြုတဲ့ ဘဏ္ဍာရေးဆိုင်ရာ ပိတ်ဆို့မှုတချို့ကို အမေရိကန်က ယာယီ ရပ်ဆိုင်းခဲ့ပါတယ်။

အမည်ခံ အရပ်သားအစိုးရ ရွေးကောက်တင်မြောက်တဲ့ ၂၀၁၀ ခုနှစ် ရွေးကောက်ပွဲ ကာလကတည်းကစလို့ မြန်မာအစိုးရကို အထီးကျန်ထားတဲ့ အမေရိကန်ရဲ့ နှစ်ရှည်လများစွာ မူဝါဒတွေကနေ မြန်မာအစိုးရရဲ့ ဒီမိုကရေစီ ပြုပြင်ပြောင်းလဲရေး လုပ်ငန်းတွေနဲ့အညီ တုံ့ပြန်တဲ့အနေနဲ့ ဒဏ်ခတ်ပိတ်ဆို့မှုတွေကို တဖြည်းဖြည်းချင်း ရုပ်သိမ်းပေးသွားမယ်ဆိုတဲ့ မူဝါဒကို အမေရိကန် အိုဘားမား အစိုးရက ပြောင်းလဲ ချမှတ်လာခဲ့တာပါ။ ဆယ်စုနှစ် နှစ်ခုကျော်ကာလအတွင်း ပထမဆုံးအကြိမ်အဖြစ် မြန်မာနိုင်ငံမှာ အချိန်ပြည့် တာဝန်ထမ်းဆောင်မယ့် သံအမတ်ကြီးအဆင့် ခန့်အပ်ဖို့လည်း အမေရိကန်အစိုးရက စီစဉ်ထားပါတယ်။ တချို့သော မြန်မာအစိုးရ အရာရှိတွေနဲ့ လွှတ်တော်အမတ် တချို့ကိုလည်း အမေရိကန်ပြည်ထောင်စုကို လာရောက် လည်ပတ်ခွင့် ပြုမှာဖြစ်ပါတယ်။

၁၉၈၈ ခုနှစ်က ငြိမ်းချမ်းတဲ့ ဒီမိုကရေစီ တောင်းဆိုဆန္ဒပြမှုတွေအပေါ် ယခင် မြန်မာစစ်အစိုးရရဲ့ အကြမ်းဖက် နှိမ်နင်းမှုတွေနဲ့ ၁၉၉၀ ရွေးကောက်ပွဲ ရလဒ်ကို စစ်အစိုးရက ငြင်းဆန်ခဲ့ပြီးတဲ့နောက် အမေရိကန် ပြည်ထောင်စုက မြန်မာအစိုးရကို လက်နက်ရောင်းချမှု ပိတ်ပင်ခဲ့သလို အကြီးတန်း မြန်မာအစိုးရ အရာရှိတွေ အမေရိကန် ပြည်ဝင်ခွင့် ဗီဇာ ပိတ်ပင်မှုတွေ ချမှတ်ခဲ့တာ ဖြစ်ပါတယ်။

အဲဒီနောက် ၁၉၉၇ ခုနှစ်မှာ အဲဒီအချိန်က သမ္မတ Bill Clinton ရဲ့ အုပ်ချုပ်ရေးအာဏာနဲ့ အမေရိကန်က ကုမ္ပဏီတွေနဲ့ လူပုဂ္ဂိုလ်တွေ မြန်မာနိုင်ငံမှာ ရင်းနှီးမြှုပ်နှံမှုအသစ်တွေကို တားမြစ်တဲ့ ဥပဒေတွေကို ချမှတ်ခဲ့ပါတယ်။

၂၀၀၃ ခုနှစ်မှာတော့ မြန်မာနိုင်ငံက သွင်းကုန်တွေကို တားမြစ်တဲ့ Burmese Freedom and Democracy Act ဥပဒေကို အမေရိကန် ကွန်ဂရက်လွှတ်တော်က ပြဌာန်းခဲ့ပါတယ်။ စစ်အစိုးရ အရာရှိတွေ၊ သူတို့ရဲ့ မိသားစုနဲ့ မိတ်ဆွေ အပေါင်းအပါတွေကို အမေရိကန်ရဲ့ ဘဏ္ဍာရေးစနစ်ကို သုံးစွဲခွင့် ပိတ်ပင်တဲ့ ဘဏ္ဍာရေးဆိုင်ရာ ကန့်သတ်မှုတွေကိုတော့ ၂၀၀၇ ခုနှစ်မှာ အဲဒီအချိန်က သမ္မတ George W. Bush ရဲ့ အမိန့်နဲ့ ချမှတ်ခဲ့သလို ကန့်ကွက်ခံရသူတွေရဲ့ စာရင်းကို ၂၀၀၈ ခုနှစ်မှာ ထပ်တိုးခဲ့ပါတယ်။

၂၀၀၈ ခုနှစ်မှာပဲ Tom Lantos Block Burmese JADE Act လို့ခေါ်တဲ့ နောက်ထပ် ပိတ်ဆို့မှု ဥပဒေတရပ်ကို ကွန်ဂရက်စ်လွှတ်တော်က ချမှတ်ခဲ့ပါတယ်။ ဒီဥပဒေ ချမှတ်နိုင်ရေး ဦးဆောင်ခဲ့တဲ့ ကွယ်လွန်သွားပြီဖြစ်တဲ့ အောက်လွှတ်တော် နိုင်ငံခြားရေးရာ ကော်မတီဥက္ကဋ္ဌ ကယ်လီဖိုးနီးယားပြည်နယ် လွှတ်တော်အမတ် Tom Lantos နံမည်တပ်ထားတဲ့ ဒီဥပဒေအရ မြန်မာနိုင်ငံက ပတ္တမြားနဲ့ ကျောက်စိမ်းတို့လို အဖိုးတန် ကျောက်မျက်ရတနာတွေ အမေရိကန်နိုင်ငံထဲ တင်သွင်းခွင့်ကို ပိတ်ပင်ထားပါတယ်။

မြန်မာနိုင်ငံအပေါ် ဒဏ်ခတ်ပိတ်ဆို့မှုတချို့ လျှော့ချပေးမယ်လို့ ကြေညာခဲ့တဲ့တချိန်တည်းမှာလည်း မြန်မာနိုင်ငံအနေနဲ့ ဒီမိုကရေစီရေး ပြုပြင်ပြောင်းလဲရေး အများကြီး ရှေ့ဆက် လုပ်သွားရဦးမယ်ဆိုတာကို အမေရိကန် နိုင်ငံခြားရေးဝန်ကြီး ဟီလာရီကလင်တန်က သတိပေးပြောဆိုခဲ့ပါတယ်။ ပိုပြီးတော့ပြည့်ဝတဲ့ ဒီမိုကရေစီ ပြုပြင် ပြောင်းလဲမှုတွေကို မြန်မာအစိုးရဘက်က ဆက်ပြီး ဆောင်ရွက်နေတာနဲ့အမျှ အမေရိကန် ပြည်ထောင်စုဘက်ကလည်း ပိတ်ဆို့ဒဏ်ခတ်မှုတွေကို ဆက်ပြီး လျှော့ပေါ့ပေးသွားမယ့်အကြောင်းလည်း ၀န်ကြီး ကလင်တန်က ပြောဆိုခဲ့ပါတယ်။

အမေရိကန်ပိတ်ဆို့မှု လျှော့ချရေးတုံ့ပြန်မှု မြန်မာအစိုးရ၊ NLD နဲ့ NGO ကြိုဆို

မြန်မာနိုင်ငံအပေါ် အမေရိကန်ပြည်ထောင်စုက ချမှတ်ထားတဲ့ ငွေရေးကြေးရေးဆိုင်ရာ ဒဏ်ခတ် အရေးယူမှု တချို့ကို ရုပ်သိမ်းပေးလိုက်တဲ့အပေါ် အဓိက နိုင်ငံရေးပါတီကြီးဖြစ်တဲ့ အမျိုးသားဒီမိုကရေစီ အဖွဲ့ချုပ် NLD က ကြိုဆိုလိုက်သလို သမ္မတအကြံပေး ပုဂ္ဂိုလ်တဦးကလည်း ဒါဟာ ကောင်းမွန်တဲ့ ကိစ္စဖြစ်တယ်လို့ ပြောပါတယ်။ ဒီလို ဖြေလျှော့ပေးလိုက်တဲ့ အတွက် မြန်မာနိုင်ငံအတွင်း လူသားချင်း စာနာမှုဆိုင်ရာနဲ့ ဖွံ့ဖြိုးတိုးတက်ရေးဆိုင်ရာ လုပ်ငန်းတွေမှာ အများကြီး အထောက်အကူဖြစ်စေမယ် လို့ ပြည်တွင်း အစိုးရမဟုတ်တဲ့ အဖွဲ့အစည်းတခုရဲ့ တာဝန်ရှိသူတဦးကလည်း ပြောပါတယ်။ အပြည့်အစုံကို ဘန်ကောက်ကနေ ဆက်သွယ်မေးမြန်းထားတဲ့ ကိုကျော်ကျော်သိန်းက သတင်းပေးပို့ထားပါတယ်။

အမေရိကန်အခြေစိုက် အစိုးရမဟုတ်တဲ့ အဖွဲ့အစည်းတွေအနေနဲ့ မြန်မာနိုင်ငံက လူထုအခြေခံ လိုအပ်ချက် ဆိုင်ရာ ဒါမှမဟုတ် ဒီမိုကရေစီမြှင့်တင်ရေးဆိုင်ရာ စီမံကိန်းတွေကို အကောင်အထည်ဖော် လုပ်ဆောင်မယ် ဆိုရင် ဘဏ္ဍာငွေကြေးဆိုင်ရာကန့်သတ်ချက်တွေကို ဖြေလျှော့သက်သာပေးတော့မယ်လို့ အမေရိကန် ဘဏ္ဍာရေးဝန်ကြီးဌာန၊ ပင်လယ်ရပ်ခြားပိုင်ဆိုင်ပစ္စည်းများ ထိန်းချုပ်ကွပ်ကဲရေးဆိုင်ရာ ရုံးကနေ အင်္ဂါနေ့မှာ ကြေညာခဲ့တာပါ။

ဒီလိုဖြေလျှော့ပေးလိုက်တဲ့အပေါ် NLD ရဲ့သဘောထားကို ပြောရေးဆိုခွင့်ရှိသူ ဦးဉာဏ်ဝင်းက အခုလိုပြောပါတယ်။

"ကျနော်တို့အမြင်ကို ပြောရရင်တော့ ကြိုဆိုတယ်။ သို့သော် ဒီလို ဆောင်ရွက်ခြင်း၊ မဆောင်ရွက်ခြင်းသည် သက်ဆိုင်ရာနိုင်ငံရဲ့ အဆုံးအဖြတ်သာ ဖြစ်ပါတယ်လို့ ပြောချင်ပါတယ်။"

သမ္မတဦးသိန်းစိန်ရဲ့ အကြံပေးပုဂ္ဂိုလ်တဦးဖြစ်သူ ဒေါက်တာနေဇင်လတ်ကလည်း လုပ်နေတဲ့ အပြောင်းအလဲတွေကို အထောက်အကူဖြစ်စေမယ်လို့ မြင်ပါတယ်။

"နံပါတ်တစ်၊ အလွန်ကောင်းတာပေါ့ဗျာ-နော်၊ နံပါတ်နှစ်ကတော့ ကျနော်တို့က democratization လုပ်နေတဲ့ အချိန်မှာ အထောက်အကူတွေ အများကြီးရတာပေါ့။ လိုချင်တဲ့ ခရီးကို စောစောလေး ရောက်တာပေါ့ဗျာ။"

ဘဏ္ဍာငွေကြေးပိုင်းဆိုင်ရာ အခုလျှော့ပေါ့ပေးလိုက်တာတွေထဲမှာ အကျုံးဝင်တဲ့လုပ်ငန်းတွေ ကတော့ ပြည်တွင်းမှာ အိုးအိမ်စွန့် ထွက်ပြေး ပုန်းအောင်းနေရသူတွေအတွက် အ၀တ်အထည်၊ အစားအစာနဲ့ ဆေးဝါးတွေ ကူညီထောက်ပံ့တာအပြင် အင်္ဂလိပ် ဘာသာစကား လေ့လာသင်ယူရေးနဲ့ စာမတတ်သူ ပပျောက်ရေးဆိုင်ရာ အစီအစဉ်တွေ ပါဝင်ပါတယ်။ ဒါ့အပြင် ကောင်းမွန်တဲ့ အုပ်ချုပ်ရေးကို အထောက်အပံ့ဖြစ်စေတဲ့ စီမံကိန်းတွေ၊ ကျန်းမာရေး၊ ပညာရေးနဲ့ အားကစားကဏ္ဍဆိုင်ရာ စီမံကိန်းတွေ အတွက်လည်း အကျုံးဝင်ပါတယ်။

ဒီိစီမံကိန်းတွေအတွက်ဆိုပြီး လျှော့ပေါ့ပေးလိုက်တာဟာ ဖွံဖြိုးတိုးတက်ရေးအတွက် အထောက်အပံ့ ဖြစ်စေမယ်လို့ ဦးဉာဏ်ဝင်းက ယုံကြည်ပါတယ်။

"ကျနော်တို့မြင်တာကတော့ ဒီ လုပ်ငန်းရဲ့ အသေးစိတ်ကဏ္ဍတွေကပေါ့- အခုသွားနေတဲ့ ပြုပြင်ပြောင်းလဲမှု က အတိုင်းအတာတစ်ခုအထိ သွားနေတယ်ဆိုတာကို လက်ခံတဲ့အနေနဲ့ အတိုးအလျှော့လေးနဲ့ ရုပ်သိမ်းတဲ့ သဘောပါပဲ၊ အဲဒီတော့ လူမှုရေးကိစ္စတွေ၊ ကောင်းမွန်သော အုပ်ချုပ်ရေးကိစ္စတွေဆိုတာ အများကြီးပါ။ လုပ်ငန်းတွေ အများကြီးပါ။ ဒီလုပ်ငန်းတွေအများကြီးအပေါ်မှာ လျှော့လိုက်တော့ ဖွံ့ဖြိုးတိုးတက်ရေးမှာ အထောက်အကူဖြစ်တယ်လို့ ကျနော်တော့ ယုံကြည်ပါတယ်။"

မြန်မာနိုင်ငံအပေါ် ချမှတ်ထားတဲ့ နိုင်ငံတကာရဲ့ ဒဏ်ခတ်အရေးယူမှုတွေဟာ ဒီရက်ပိုင်းတွေအတွင်းမှာပဲ ဆက်တိုက်ဆိုသလို ဖြေလျှော့လာတာဖြစ်ပါတယ်။ မကြာခင်မှာလည်း ဥရောပနိုင်ငံတွေဘက်က ဒဏ်ခတ် အရေးယူမှုတွေ လျှော့ချတော့မယ့် အသံ တွေကိုလည်း ကြားနေရပါတယ်။ ဒဏ်ခတ်အရေးယူမှုတွေ မကြာခင်ကာလအတွင်းမှာ ထပ်ပြီးဖြေလျော့လာဖို့ မြင်ချင်ပါတယ်လို့ ဒေါက်တာနေဇင်လတ်က ဆိုပါတယ်။ 

"အခုဟာက လူတစ်ယောက်ပြေးနေတဲ့အခါမှာ အပေါ်မှာ ဆန်အိတ်ထမ်းပြီးတော့ မလိုအပ်တဲ့ အလေး အပင်တွေနဲ့ ပြေးနေရတာပေါ့ဗျာ၊ ဆိုတော့..ခရီးက မြန်မြန်ထက်ထက် မရောက်ဘူးပေါ့။ ဒဏ်ခတ် အရေးယူမှု လျော့ကျသွားမယ်ဆိုရင် ကျနော်တို့ကျောပေါ်မှာ ရှိနေတဲ့ အလေးကလည်း ကျသွားမှာပေါ့ဗျာ။ ကျသွားတယ်ဆိုရင် သွားသလောက်ခရီးက ရောက်မှာပေါ့။"

သမ္မတရဲ့ အကြံပေးပုဂ္ဂိုလ်တဦးဖြစ်သူ ဒေါက်တာနေဇင်လတ်ပါ။

ဒေါက်တာခင်ဇော်ဝင်းကတော့ ပြည်တွင်းမှာအခြေစိုက်တဲ့ တမ္ပာဒီပအင်စတီကျူဆိုတဲ့ အစိုးရမဟုတ်တဲ့ အဖွဲ့အစည်း NGO တခုက ညွှန်ကြားရေးမှူးပါ။ ဘဏ္ဍာငွေကြေးပိုင်းဆိုင်ရာ အရေးယူဒဏ်ခတ် မှုတွေကြောင့် ဆိုခဲ့ပါ စီမံကိန်းတွေ အကောင်အထည်ဖော်ရေးမှာ အခက်အခဲ အဟန့်အတားတွေ အများအပြား ကြုံတွေ့ခဲ့ရတဲ့အတွက် အခုလို ဖြေလျှော့ပေးလိုက်တာဟာ အချိန်ကြာမြင့်စွာ ကတည်းက လုပ်သင့်ခဲ့တဲ့ကိစ္စ ဖြစ်ပါတယ်လို့ သူက ပြောပါတယ်။

"ကျနော်ဆိုလို့ရှိရင် ဖွံ့ဖြိုးရေးလောကမှာလည်း ကြာပြီလေ။ NGO လည်း လုပ်နေတယ်ပေါ့။ ကျနော်တို့ အခက်အခဲတွေ အများကြီးတွေ့ရတယ်ခင်ဗျ။ ဗမာပြည်က လိုအပ်ချက်တွေကလည်း များတယ်။ ကိုယ့် donor တွေ၊ fun တွေက နိုင်ငံခြားကနေ သွင်းမယ်ဆိုရင် အခက်အခဲတွေ အများကြီး တွေ့ရပါတယ်။ တခြား INGO (InternationalNGO) တွေလည်း ပါတာပေါ့ဗျာ။ ကျနော်ကတော့ local NGO ပဲပေါ့။ အခုလို လုပ်ခြင်းအားဖြင့် မြန်မာပြည်မှာ လူသားချင်းစာနာမှုဆိုင်ရာ အကူအညီ၊ တခြားလိုအပ်ချက်တွေ၊ ဖွံ့ဖြိုးမှုလုပ်ငန်းတွေအတွက် အများကြီး အထောက်အကူ ဖြစ်နိုင်ပါတယ်။ အခုဟာ ပြောမယ်ဆိုရင်တော့ sanction ကို ရွေးပြီးတော့ လျှော့လိုက်တာပေါ့။ အဲဒါကတော့ အများကြီးပဲ အကျိုးရှ�€