15.04.2012 နေ့ဖတ်ရန်သတင်းများ

by Myanmar Journal on Sunday, April 15, 2012 at 6:03am 

မြန်မာနိုင်ငံကို ဂျပန်တွေ ဝင်လာချိန်မှာ ဒီလေယာဉ် တွေကို မြှုပ်ထားခဲ့တာပါမြန်မာပြည်မှာဝှက်ထားခဲ့တဲ့ ဗြိတိသျှတိုက်လေယာဉ်တွေ ပြန်ဖေါ်မယ်

ဒုတိယ ကမ္ဘာစစ်ကြီးအတွင်း မြန်မာနိုင်ငံက ဗြိတိသျှစစ်တပ်တွေ ဆုတ်ခွာစဉ် မြန်မာနိုင်ငံ မှာ မြှုပ်ဝှက်ထားခဲ့တဲ့ ဗြိတိသျှ Spitfire တိုက်လေယဉ် အစင်း၂၀ ကို မြန်မာအစိုးရနဲ့ ပူးပေါင်းပြီး ပြန်လည် တူးဖေါ်ဖို့ သဘောတူ ခဲ့တယ်လို့ ဗြိတိသျှ အရာရှိတွေက ပြောပါတယ်။

၁၉၄၅ ခုနှစ်က မြန်မာနိုင်ငံကို ဂျပန်တွေ ဝင်လာ ချိန်မှာ ဆုတ်ခွာနေတဲ့ ဗြိတိသျှစစ်တပ်က ဂျပန်တွေ ရသွားပြီး အသုံးချမှာ ၊ ဒါမှမဟုတ် ဖျက်ဆီးလိုက် မှာကို စိုးရိမ်လို့ Spitfire တိုက်လေယဉ် အစင်း ၂၀ ကို မြှုပ်ထားခဲ့တာပါ။

အဲဒီလေယာဉ်တွေဟာ ဆင်တောင် မဆင်ရသေးတဲ့ လေယာဉ်တွေ ဖြစ်ပြီး အစိတ်အပိုင်း တွေကို သေတ္တာကြီးတွေနဲ့ ထည့်ပြီး မြှုပ်ထားခဲ့တာလို့ သိရပါတယ်။

စစ်ပြီးလို့ ဂျပန်တွေ လက်နက်ချပြီးတဲ့ နောက်မှာလဲ လေယာဉ်တွေ ဝှက်ထားခဲ့တာကို မေ့နေခဲ့ကြသလို၊ ဒီနောက်မှာလဲ မြန်မာနိုင်ငံမှာ ရာစုနှစ်တဝက်လောက် စစ်တပ် အုပ်ချုပ်မှု အောက်ကို ရောက်နေခဲ့ လို့ တူးဖေါ်ခွင့်မရခဲ့ပါဘူး။

Spitfire တိုက်လေယဉ်တွေဟာ ၁၉၄၀ ပြည့်လွန်နှစ်တွေက ဂျာမန်တိုက်လေယာဉ်တွေကို ယှဉ်ရာမှာ အနိုင်ရတဲ့ အောင်မြင်တဲ့ တိုက်လေယာဉ်တွေ အဖြစ် ကျော်ကြားပြီး ဂျာမဏီကို အံတုနိုင်တဲ့ အတွက် ဗြိတိသျှတို့ရဲ့ အမျိုးသားရေး လက္ခဏာတခု ဖြစ်လာခဲ့ပါတယ်။

အခု လောလောဆယ်မှာ ပျံသန်းနိုင်လောက်အောင် အခြေအနေ ရှိနေတဲ့ Spitfire တိုက်လေယဉ် တကမ္ဘာလုံးမှာ ၃၅ စင်းလောက်ဘဲ ရှိတယ်လို့ ယူဆရပါတယ်။

အခုလို လေယာဉ်တွေ ပြန်လည်တူးဖေါ်ရေးနဲ့ နောက်ပြီး လေကြောင်း ပျံသန်းမှု သမိုင်းမှာ အရေးပါဆုံးဖြစ်တဲ့ Spitfire တိုက်လေယာဉ်တွေ ပြန်လည် တပ်ဆင်ရေး လုပ်ငန်းတွေ ဟာ မြန်မာအစိုးရနဲ့ အတူ လုပ်ကိုင် ဆောင်ရွက်နိုင်မယ့် အခွင့်အလမ်း တခု ဖြစ်လိမ့်မယ်လို့ မျှော့်လင့်ကြောင်း ဗြိတိသျှ အရာရှိတဦးက ပြောပါတယ်။

ဒီကိစ္စကို ဗြိတိန်ဝန်ကြီးချုပ် ဒေးဗစ်ကင်မရွန်ရဲ့ မြန်မာနိုင်ငံခရီးစဉ်အတွင်း မြန်မာသမ္မတ ဦးသိန်းစိန်နဲ့ တွေ့ဆုံရာမှာ ဒီကိစ္စကို ထုတ်ဖေါ်ပြောဆိုခဲ့ကြတယ်လို့ သိရပါတယ်။

ရန်ကုန်မြို့က သင်္ကြန် အကြတ်နေ့ မြင်ကွင်းမဟာသင်္ကြန် အကြတ်နေ့ ဆင်နွဲ ကျင်းပ

စနေနေ့ဟာ သင်္ကြန် အကျနေ့ ဖြစ်တာနဲ့ အညီ ပြည်တွင်း ပြည်ပက မြန်မာတွေ သင်္ကြန်ပွဲတော် ဆင်နွဲ နေကြပါတယ်။

ရန်ကုန်မြို့မှာတော့ ခါတိုင်းနှစ်တွေထက် ပိုစည်းကမ်း ရှိလာတယ်လို့ မြို့ထဲမှာ ရေပက်ခံ ထွက်ခဲ့တဲ့ အမျိုးသမီးလေးက ဘီဘီစီကို ပြောပြပါတယ်။

အနှစ် နှစ်ဆယ်ကျော်လောက် မကြားရတဲ့ သံချပ်သံတွေ ဒီနှစ် သင်္ကြန်မှာ ကြားခဲ့ရပြီး လူအများ စိတ်ဝင်တစား အားပေးခဲ့ကြတယ်လို့ ဆိုပါတယ်။

အစိုးရ ဝန်ကြီးရုံးတွေ စိုက်ရာ ပျဉ်းမနား နေပြည်တော်ရဲ့ သင်္ကြန်ပွဲတွေမှာလည်း အနုပညာ ရှင်တွေ အတော်များများ ရောက်နေပြီး အတော်လေး စည်ကားတယ်လို့ အဲဒီမှာ သွားဖျော်ဖြေ နေတဲ့ အဆိုတော် ကိုသားစိုးက ဘီဘီစီကို ပြောပါတယ်။

ရိုးရာ သင်္ကြန်ပွဲကို နှစ်စဉ်နှစ်တိုင်း အကြီးအကျယ် ဆင်နွဲလေ့ရှိတဲ့ မန္တလေးမြို့မှာတော့ ဒီနှစ်မှာ လူတွေ ပီတိနဲ့ ပျော်နေကြတာတွေ့ရတယ်လို့ မန္တလေး မြို့သူတဦးက ပြောပါတယ်။

ဝတ်စားဆင်ယင်မှုက အစ အဖွဲ့အစည်းလိုက် တူညီ ဝတ်စုံလေးတွေ ဝတ်ဆင်ထားကြတာ တွေ့ရသလို သရုပ်ပျက် ဝတ်စားဆင်ယင်မှုတွေလည်း ရှိနေပြီး အထူးသဖြင့် အမျိုးသမီး ငယ်တွေရဲ့ ဝတ်စားဆင်ယင်မှုက အတော်လေး ရုပ်ပျက်တာ တွေ့ရတယ်လို့ ပြောပြပါတယ်။

မန္တလေးမြို့မှာ အလှပြကားတွေ ခါတိုင်းလောက် မထွက်ပေမယ့် သံချပ်အဖွဲ့ နှစ်ဖွဲ့ ထွက်ခဲ့တာ ကို လူငယ် အတော်များများ လာရောက်အားပေးခဲ့ကြတယ်လို့ ပြောပါတယ်။

တရုတ်မြန်မာ နယ်စပ် တရုတ်နိုင်ငံဖက်ခြမ်း ကျယ်ကောင် ရွှေလီ ဖက်တွေမှာလည်း အတာ ရေသဘင် ပွဲတော်ကို စည်စည်ကားကား ဆင်နွဲနေကြပြီး မူဆယ်ဖက်က ဗမာ၊ ရှမ်းတွေနဲ့ အတူ တရုတ်လူမျိုးတွေကပါ လာရောက် လည်ပတ် ရေကစားကြတာကို တွေ့ရတယ်လို့ တရုတ်မြန်မာ နယ်စပ်က ဘီဘီစီ သတင်းထောက်က ပြောပါတယ်။

တခါ အိန္ဒိယ မြန်မာ နယ်စပ်မှာလည်း အကြောင်းအမျိုးမျိုးကြောင့် အိန္ဒိယနိုင်ငံမှာ ရောက်နေကြတဲ့ ရခိုင်လူမျိုးတွေက ရခိုင် သင်္ကြန်ပွဲ ဆင်နွဲခဲ့ကြသလို ဗမာတွေကလည်း ဗမာ့နည်း ဗမာ့ဟန်နဲ့ ရေကစားခဲ့ကြပါတယ်။

ဒီဆွေးနွေးပွဲဟာ မနှစ် ဆွေးနွေးပွဲနဲ့ လုံးဝကို ခြားနားတယ်လို့ ပြောပါတယ်အီရန်နျူကလီးယား ဆွေးနွေးပွဲ အစကောင်း

အီရန် နျူကလီးယားအစီအစဉ်နဲ့ပတ်သက်တဲ့ အစည်းအဝေးကို တက်ရောက်နေတဲ့ အနောက်နိုင်ငံ သံတမန်တွေက ဆွေးနွေးပွဲ အစ ကောင်းတယ်လို့ ပြောကြားလိုက်ပါ တယ်။ အီရန်ဘက်က ကိုယ်စားလှယ်အဖွဲ့ဟာ အနောက်နိုင်ငံတွေရဲ့ စိုးရိမ်မှုတွေကို နားထောင်ဖို့ အရင်ထက် အများကြီး ပြင်ဆင်ထားပုံပေါ်တယ်လို့ ဆိုပါတယ်။

အပြုသဘောဆောင်တဲ့ ဒီ ဆွေးနွေးပွဲ ဟာ အရင် နှစ်က ပြုလုပ်ခဲ့တဲ့ ဆွေးနွေးပွဲနဲ့ လုံးဝကို ခြားနားတယ်လို့ အရာရှိတဦးကပြောပါတယ်။

ဥရောပသမဂ္ဂ နိုင်ငံခြားရေးမူဝါဒရေးရာ အကြီးအကဲ ကက်သရင်း အက်ရ်ှတန်ရဲ့ ပြောခွင့်ရသူကလည်း နှစ်ဘက်စလုံးက လိုလိုလားလားရှိပြီး၊ ညှိနှိုင်းမှုတွေ လေးလေး နက်နက်ရှိမယ့် အခြေအနေတွေကို မျှော်လင့်နိုင်ကြာင်းနဲ့ နောက်ထပ် ဒုတိယအကျော့ ဆွေးနွေးဖို့ကိုလည်း ကြေညာနိုင်မယ်လို့ ပြောကြားသွားတာပါ။

နျူကလီးယားလက်နက် ထုတ်လုပ်ဖို့ ကြိုးပမ်းနေတယ်ဆိုတဲ့ စွပ်စွဲချက်တွေကို တော့ အီရန်က ငြင်းဆိုထားပါတယ်။

အီရန်ကိုယ်စားလှယ်တွေဟာ အမေရိကန်ပြည်ထောင်စု၊ ရုရှား၊ တရုတ်၊ဗြိတိန် ပြင်သစ် နဲ့ ဂျမဏီနိုင်ငံတွေက ကိုယ်စာလှယ်တွေနဲ့ တူရကီနိုင်ငံ အီစတန်ဘူမြို့မှာ ဆွေးနွေးနေကြတာ ဖြစ်ပါတယ်။

အခုအချိန်မှာ အစ္စရေးကနေ အီရန်ရဲ့ နျူကလီးယား စက်ရုံနေရာတွေကို တိုက်ခိုက်မှုတွေ လုပ်ကောင်း လုပ်နိုင်တယ်ဆိုတဲ့ စိုးရိမ်မှုတွေ ရှိနေပါတယ်။

အမေရိကန် သမ္မတ အိုဘားမားကတော့ အခု ဆွေးနွေးမှုတွေဟာ သံတမန်အရေး အရ နောက်ဆုံး အခွင့်အရေးဖြစ်တယ်လို့ ပြောပါတယ်။

ကိုဖီအာနန်ရဲ့ ကိုယ်စားလှယ်အဖွဲ့ကတော့ ဆီးရီးယား ထဲဝင်ဖို့ အဆင့်သင့်ဖြစ်နေကြပြီဆီးရီးယားမှာ ပစ်ခတ်မှုတွေ ဆက်လက်ဖြစ်ပွား

ဆီးရီးယားနိုင်ငံရဲ့ ဒုတိယအကြီးဆုံးမြို့ ဖြစ်တဲ့ အပယ်လိုမြို့က အသုဘ အခမ်းအနားတခုကို အစိုးရလုံခြုံရေးတပ်ဖွဲ့တွေက ပစ်ခတ်ခဲ့လို့ လူ ၄ ဦး သေဆုံးသွားပြီး ဒါဇင်နဲ့ချီ ဒဏ်ရာ ရရှိသွား ကြတယ်လို့ ဆီးရီးယား အတိုက်အခံ တက်ကြွ လှုပ်ရှားသူတွေက ပြောပါတယ်။

ဟုမ်းစ်မြို့လယ်ကိုလည်း အမြောက်တွေနဲ့ ပစ်ခတ်ခဲ့လို့ အနည်းဆုံး လူ ရှစ်ဦးလောက် သေးဆုံးသွားတယ်လို့ တက်ကြွလှုပ်ရှားသူ တွေက ပြောပါတယ်။

အစိုးရ ရုပ်သံကတော့ သူပုန်သေနတ်သမားတွေက ထင်ရာစိုင်း ပစ်ခတ်ခဲ့တာ ဖြစ်တယ်လို့ ကြေညာသွားပါတယ်။ နောက်ပြီး အတိုက်အခံတွေဟာ ကုလသမဂ္ဂ အထူးကိုယ်စားလှယ် ကိုဖီအာနန်ရဲ့ ငြိမ်းချမ်းရေး အစီအစဉ်ကို လမ်းလွဲအောင် လုပ်နေတယ်လို့ စွပ်စွဲသွားပါတယ်။

ဟာမားမြို့မှာ လက်နက်ကိုင် အကြမ်းဖက် ဂိုဏ်းတွေက စစ်သား အတော်များများကို သတ်ဖြတ် ခဲ့ပြီး ဗိုလ်မှူးကြီး တဦးကို ဖမ်းဆီး ခေါ်ဆောင်သွားတာ ဖြစ်တယ်လို့ အစိုးရ တပ်ဖွဲ့တွေဘက်က စွပ်စွဲထားပါတယ်။

ကုလသမဂ္ဂ လုံခြုံရေးကောင်စီမှာတော့ အဖွဲ့ဝင်နိုင်ငံတွေဟာ ဆီးရီးယားက အပစ်အခတ် ရပ်စဲရေးအခြေအနေကို စောင့်ကြည့် လေ့လာရေး အတွက် အဖွဲ့တဖွဲ့ စေလွှတ်ရေး ခွင့်ပြုချက်ပေးဖို့ ဆုံးဖြတ်ချက် မူကြမ်းကို နောက်ဆုံးပိတ် ပြန်လည် သုံးသပ်ခဲ့ပြီ ဖြစ်ပါတယ်။

ဒီဆုံးဖြတ်မူကြမ်းကို လာမယ့် နာရီပိုင်း အတွင်း မဲခွဲ ဆုံးဖြတ်မယ်လို့ မျှော်လင့်ရပါတယ်။ ဆုံးဖြတ်ချက် အတည်ဖြစ်တာနဲ့ လေယာဉ်တက်ဖို့ အတွက် စောင့်ကြည့်လေ့လာရေး အဖွဲ့ငယ် တခုဟာ အဆင့်သင့် ဖြစ်နေပြီလို့ အထူးကိုယ်စားလှယ် ကိုဖီအာနန်ရဲ့ ပြောခွင့်ရသူ က ဆိုပါတယ်။

ယူကေ ဝန်ကြီးချုပ်နဲ့ အန်အယ်ဒီ ဥက္ကဌကင်မရွန်း ဒေါ်စု သတင်းစာ ရှင်းလင်းပွဲ

မြန်မာ နိုင်ငံကို လက်နက် ပိတ်ဆို့မှုက လွဲပြီး ကျန်တဲ့ ပိတ်ဆို့မှု အားလုံး ပွင့်လာစေမယ့် ယူ ကေ ဝန်ကြီးချုပ်ရဲ့ ပိတ်ဆို့မှု ဆိုင်းငံဖို့ ဆုံး ဖြတ်ချက်ကို ထောက်ခံကြောင်း ဒေါ်အောင် ဆန်းစုကြည်က ပြောလိုက်ပါတယ်။

တက္ကသိုလ် ရိပ်သာလမ်း နေအိမ်မှာ လုပ်တဲ့ သတင်းစာ ရှင်းလင်းပွဲမှာ ပြောသွားတာ ဖြစ်ပါတယ်။

ဒေးဗစ် ကင်မရွန်းက မြန်မာနိုင်ငံ ရဲ့ ပြုပြင်ပြောင်းလဲရေး တွေ ကို ကြိုဆိုလိုက်ပြီး ဒီလိုပြုပြင် ပြောင်းလဲရေးလုပ်လာ မှု တွေ အပေါ်သမ္မတဉီးသိန်းစိန် နဲ့လည်း ဆွေးနွေးခဲ့သလို ပြုပြင် ပြောင်းလဲရေး လုပ်မှု တွေ ကို ကမ္ဘာ့အသိုင်း အဝိုင်း အနေနဲ့ တုန့်ပြန် ဆောင်ရွက်သွားမယ်လို့ ဆိုပါတယ်။

လက်ရှိ မြန်မာ နိုင်ငံမှာ ပြုပြင် ပြောင်းလဲမှုတွေ ဖြစ်နေကြောင်း၊ ဒီပြုပြင် ပြောင်းလဲမှုတွေကို ဒေါ်အောင်ဆန်းစုကြည်က ကြိုဆိုတယ်လို့ သိထားကြောင်း၊ သူတို့ကလည်း ကြိုဆိုတဲ့ အကြောင်း ပြောပါတယ်။

မြန်မာ နိုင်ငံလို သာယာ လှပတဲ့ နိုင်ငံ တနိုင်ငံ အနေနဲ့ ကနေ့ ဆင်းရဲသလိုမျိုး ဆင်းရဲ မနေ သင့်ကြောင်း၊ အပြေင်းအလဲတွေ အတွက် တကယ့် အခွင့်အလမ်းကောင်းတွေ ရှိနေကြောင်း ပြောသွားပါတယ်။

နောက်တခါ မြန်မာ အစိုးရ ခေါင်းဆောင်ပိုင်းနဲ့ တွေ့ဆုံခဲ့တာနဲ့ ပတ်သက်လို့လည်း ကင်မရွန်းက မြန်မာ နိုင်ငံက အပြောင်းအလဲတွေဟာ မှန်ကန်ပြီး ကမ္ဘာ့ နိုင်ငံတွေ အနေနဲ့ ဒီအပြောင်းအလဲတွေကို တုန့်ပြန် လုပ်ဆောင်သင့်တယ်လို့ ပြောပါတယ်။

တဆက်ထဲမှာ ဒီအပြောင်းအလဲတွေဟာ နောက်ပြန် မလှည့်ဘူးဆိုတာ အခိုင်အမာ ဖြစ် စေချင်တယ်၊ သံသယ ဆက်ထားထားချင်တယ်၊ အဲဒိအတွက် မြန်မာ နိုင်ငံကို ဒဏ်ခပ် ပိတ်ဆို့ထားတာကို ရုပ်သိမ်းတာထက် ဆိုင်းငံ့ဖို့ တင်ပြချင်တယ်လို့ ကင်မရွန်းက ပြောပါတယ်။

တကယ်တော့ ရုပ်သိမ်းတာနဲ့ ဆိုင်ငံ့တာဆိုတဲ့ စကားရပ်နှစ်ခုဟာ အကျိုးသက်ရောက်မှု သက်သက်ကို ကြည့်မယ်ဆိုရင် ဘာမှ မခြားပါဘူး။

အီးယူက ဆိုင်းငံ့တာဖြစ်ဖြစ်၊ ရုပ်သိမ်းတာဖြစ်ဖြစ် ဘယ်လို ဆုံးဖြတ် ဆုံးဖြတ် ပြည်ပက စီးပွားရေး သမားတွေ လာပြီး ရင်းနှီးမြှတ်နှံ ပိုက်ဆံ ရှာနိုင်အောင် လမ်းပွင့်တော့မှာ ဖြစ်ပါတယ်။

သက်ဆိုင်သူတွေကို သိက္ခာဆယ်ပေးတဲ့ အနေနဲ့ ဆိုင်းငံ့တယ်ဆိုတဲ့ စကားလုံးကို သုံးလိုက် တာသာ ဖြစ်ပြီး ဆိုင်းငံ စကားလုံးကို သုံးရုံနဲ့ ပြည်တွင်းကို ဝင်လာမယ့် ရင်းနှီး မြှတ်နှံမှု ပမာဏကို ပြောင်းသွားစေမှာ မဟုတ်ဖူးလို့ ယူကေထုတ် Financial Times သတင်းစာက ဆိုပါတယ်။

စိတ်ဝင်စားဖို့ကောင်းတဲ့ နောက်အချက် တချက်က ဒေါ်အောင်ဆန်းစုကြည်ဟာ လွတ် လာပြီးနောက်မှာ ဒဏ်ခပ် ပိတ်ဆို့မှုနဲ့ ပတ်သက်ပြီး လေသံပျော့လာပေမယ့် ပြည်ပ ကုမ္ပဏီတွေ မြန်မာ နိုင်ငံမှာ လာပြီး ပိုက်ဆံ ရှာနိုင်ဖို့ ဒဏ်ခပ် ပိတ်ဆို့မှု ဆိုင်းငံဖို့ ကိစ္စကို ထောက်ခံတာ ဒါ ပထမဆုံး အကြိမ် ဖြစ်ပါတယ်။

သမ္မတသိန်းစိန်ဟာဒီမိုကရေစီပြုပြင် ပြောင်းလဲမှုတွေကို တကယ် အစစ်အမှန် လုပ်ဆောင် နေတယ်လို့ သူယုံကြည်ကြောင်း၊ အဲဒိအတွက် ဒဏ်ခပ် ပိတ်ဆို့မှု လုပ်ထားတာကို ဆိုင်းငံ့ဖို့လို ဝန်ကြီးချုပ် ကင်မရွန်းက ဆုံးဖြတ်တာကို သူ့အနေနဲ့ ဝမ်းသာကြောင်း ပြောသွားပါတယ်။

သမ္မတ ဉီးသိန်းစိန်နဲ့ ပြုပြင် ပြောင်းလဲရေး လိုလားသူတွေရဲ့ ကြိုးပမ်းမှုတွေကြောင့် ခုလို ဒဏ်ခပ် ပိတ်ဆို့မှု လျော့လာတာလို့ ယုံကြည်ကြောင်း ဒေါ်အောင်ဆန်း စုကြည်က ပြောပြ ခဲ့ပါတယ်။

ယူကေ ဝန်ကြီးချုပ်ရဲ့ မြန်မာ နိုင်ငံ ခရီးစဉ်ဟာ ဆယ်စုနှစ်ပေါင်းများစွာ အတွင်းမှာ ပထမဆုံး ခရီးစဉ် ဖြစ်တဲ့ အတွက် ကင်မရွန်းရဲ့ ခရီးစဉ်နဲ့ ပတ်သက်ပြီး ယူကေနိုင်ငံထုတ်သတင်းစာ တွေမှာ အကျယ်တဝင့် ရေးကြပါတယ်။

ဖိုင်နယ်ရှယ်တိုင်းမစ သတင်းစာက Suu Kyi joins UK calls to ease sanctions ပိတ်ဆို့မှု လျှော့ချဖို့ ယူကေနဲ့အတူ ဒေါ်အောင်ဆန်းစုကြည် ဆော်သြ ဆိုပြီး ရေးထားတာ တွေ့ရပါတယ်။

ဂါးဒီးယန်း သတင်းစာမှာတော့ အက်စမာ ဂေါ်လူယိုဂလူက မြန်မာ နိုင်ငံကနေ ဆောင်းပါး တစောင် ရေးသား ပေးပို့ထားပြီး ဖွဲ့စည်းပုံသစ်ကို အားတက်သရော လေးစားလိုက်နာ နေကြတဲ့ မြန်မာ နိုင်ငံမှာ အနိုင်ရသူရော၊ အရေးနိမ့်သူတွေပါ ရှိတယ်လို့ ရေးထားပါတယ်။

လူတိုင်းက နောက်ဆုံး ဈေးကွက်ဆိုပြီး တချို့ ပြောနေတဲ့ နိုင်ငံထဲကို ဝင်မယ် တကဲကဲ ဖြစ်နေပြီး ဟိုတယ်တွေမှာ လူတွေပြည့်နေတယ်၊ ပိုက်ဆံ အရင်းအနှီး ရှိသူတွေ အတွက် ပိုက်ဆံ တွေ အများကြီး ရှာနိုင်မယ့် အနေအထားမျိုး ပေါ်လာနေပြီး ဒဏ်ခပ် ပိတ်ဆို့မှု ပွင့်လာတာဟာ ကျေးလက်မှာ နေထိုင်တဲ့ ၇၀ ရာခိုင်နှုန်းသော မြန်မာ နိုင်ငံသားတွေ အတွက် ဘာအကျိုးမှ ရှိမှာ မဟုတ်ဖူးလို့ ရေးသား ထားပါတယ်။

တဘက်မှာ ခုအပြောင်းအလဲတွေဟာ စစ်မှန်တဲ့ အပြောင်းအလဲတွေလား၊ ဒါမှမဟုတ် ပိတ်ဆို့မှု ပွင့်လာအောင် သက်သက် ရည်စူးထားတဲ့ အပေါ်ယံ အပြောင်းအလဲတွေလား ဆိုတာ သတိထား စောင့်ကြည့်ရမယ်လို့ ရန်ကုန် မြို့နေ လူငယ်တ တဉီး အပြောကို ကိုးကားပြီး ရေးထားပါတယ်။

ကေအိုင်အေ တပ်ဖွဲ့ဝင်တွေသင်္ကြန်ကာလ ကချင်မှာ တိုက်ပွဲ ဆက်ဖြစ်

သင်္ကြန်ကာလမှာ မြန်မာနိုင်ငံ အနှံ့ ပျော်ရွှင် ရေကစားနေကြချိန်မှာ ကချင်ပြည်နယ်အတွင်း နေရာ တော်တော်များများ မှာတော့၊ အမြောက်သံ ဗုံးသံ ကျည်ဆံတွေနဲ့ တိုက်ပွဲတွေ တောက်လျောက် ဖြစ်နေပါတယ်။

ပြီးခဲ့တဲ့ သောကြာနေ့တုန်းက ကေအိုင်အေနဲ အစိုးရ စစ်တပ် အကြား အပြန်အလှန် အပြင်းအထန် တိုက်ပွဲဖြစ်ပွားခဲ့ပြီး တိုက်ပွဲ ဖြစ်တဲ့ နေရာတွေကတော့ မိုးမောက်မြို့နယ် ၊ ဒေါ့ဖုန်းယန်မြို့နယ်ခွဲအတွင်းနဲ့ ဝိုင်းမော်မြို့နယ် ‘ကန်ဒေါင်ယန်’ အနီးတဝိုက်မှာလို့ ဆိုပါတယ်။

ဒေါ့ဖုန်းယန်မြို့နယ်ခွဲ -‘မြို့သစ် - ကုန်းလော်’ရွာအနီးမှာ ကေအိုင်အေနဲ့ စစ်တပ်အကြား သောကြာနေ့ မနက် (၈)နာရီမှ (၈)နာရီခွဲအထိ တကြိမ်၊ နေ့လည် (၃)နာရီ ကနေ ညနေ (၆)နာရီကျော်အထိ တကြိမ် အပြင်းအထန် တိုက်ပွဲ ဖြစ်ပွားခဲ့တယ်လို့ သိရပါတယ်။

ကေအိုင်အေ တပ်မဟာ(၅) လက်အောက်ခံ တပ်ဖွဲ့ဝင်တွေနဲ့ မြောက်ပိုင်းတိုင်း စစ်ဌာနချုပ် (မပခ)လက်အောက်ခံ တပ်ဖွဲ့တွေ အကြား ထိတွေ့ တိုက်ပွဲ ဖြစ်ပွားခဲ့တာလို့ သိရပြီး၊ အစိုးရ စစ်တပ်ဖက်က (၄)ယောက် ကျဆုံးကာ (၃) ယောက် ဒဏ်ရာရတဲ့အပြင်-မြင်းတွေပါ ဒဏ်ရာရမှုရှိခဲ့ကြောင်း ကေအိုင်အေ ဖက်က ဆိုပါတယ်။

အခုလို တိုက်ပွဲတွေ တကျော့ပြန် အရှိန်မြင့် လာရတာကတော့ ပြီးခဲ့တဲ့ ၁၁ ရက်နေ့ ဗုဒ္ဒဟူးနေ့ ညနေပိုင်းက ဒေါ့ဖုန်းယန်အနီး တောင်ထိပ်ပေါ်ရှိ ကေအိုင်အေ ရှေ့တန်း စခန်းငယ်တခုကို အစိုးရ စစ်တပ်ဖက်မှ အင်အား(၁ဝဝ)ကျော်နဲ့ တက်ရောက် သိမ်းပိုက်လာတဲ့ အတွက် ကေအိုင်အေဖက်က ဆုတ်ခွါ ပေးလိုက်ရတာက စတင်တယ်လို့ ဆိုပါတယ်။

မနေ့က ကြာသပတေးနေ့ တုန်းကလဲ ဝိုင်းမော်မြို့နယ် ဆဒုံးမြို့နယ်ခွဲ ‘ရေတံခွန်’ အနီးမှာ တိုက်ပွဲဖြစ်ပွားခဲ့ပြီး အစိုးရ စစ်တပ်ဖက်မှ (၁ဝ)ယောက် ထိခိုက် ဒဏ်ရာရမှုတွေ ရှိခဲ့သလို၊ ည (၁၁)နာရီ လောက်တုန်း ကလဲ မိုးမောက်မြို့နယ် ‘ခဝမ်ဘန်’ ရွာအနီးမှာ ထိတွေ့ တိုက်ပွဲဖြစ်ပွားခဲ့ပြီး၊ အစိုးရ စစ်တပ်ဖက်မှ အင်အား(၁ဝ)ယောက်ကျော်ပါ ဟိုင်းလတ်ကားတစီး မိုင်းထိကာ ဂျောက်ထဲ ထိုးကျသွားရကြောင်း ဒေသခံတွေ အပြောအရ သိရပါတယ်။

ပြီးခဲ့တဲ့ ဧပြီ(၁၁)ရက်နေ့က ဆုတ်ခွါပေးလိုက်ရတဲ့ ရှေ့တန်းစခန်းကိုတော့ မနေ့က သောကြာနေ့ ညနေပိုင်းမှာပဲ ကေအိုင်အေဖက်က ပြန်လည် ရယူ လိုက်နိုင်တယ်လို့ ပြောပါတယ်။

အခုလို တိုက်ပွဲတွေ အရှိန်မြင့်လာမှုကြောင့် - ဗန်းမော်-လွယ်ဂျယ်လမ်းကိုလဲ ကေအိုင်အေ ဖက်ကနေ- ပြီးခဲ့တဲ့ ကြာသပတေးနေ့ ကစပြီး ပိတ်ဆို့ ထားလိုက်ပြီလို့ ဆိုပါတယ်။

ကေအိုင်အေ ဖက်ကနေ- လမ်းကြောင်းပေါ် သွားလာနေကြတဲ့ ကားသမားတွေကို အသိပေးထားပြီး ဖြစ်သလို၊ မိုးမောက်မြို့နယ်အတွင်း-‘ခဝမ်ဘန်’ဒေသတဝိုက်အထိလဲ စာထုတ် စာကပ်ထားပြီးဖြစ်ကြောင်း သိရပါတယ်။