10.04.2012 နေ့ဖတ်ရန်သတင်းများ

by Myanmar Journal on Tuesday, April 10, 2012 at 5:30am ·

ကေဂျီဘီအရာရှိဟောင်း ဂျော်ဂျီယာ ခွဲထွက်နယ် သမ္မတ ဖြစ်လာ

မစ္စတာ Tibilov က တောင်နဲ့မြောက် အိုဆက် တီယာ ပေါင်းစည်းရေး ကို မြင်ချင်တယ် လို့ဆို

ဂျော်ဂျီယာ နိုင်ငံက နေခွဲထွက် သွားတဲ့ တောင်ပိုင်း Ossetia ပြည်နယ် သမ္မတ ရွေးကောက်ပွဲ မှာ KGB အရာရှိ ဟောင်း Leonid Tibilov အနိုင်ရ သွားပါတယ်။

မစ္စတာ Tibilov က သူ့ အနေနဲ့ တောင်ပိုင်း Ossetia ကို ရုရှ ပိုင်တဲ့ မြောက်ပိုင်း နဲ့ ပေါင်းစည်းဖို့ ဆန္ဒ ရှိတယ်လို့ ပြောလိုက် ပြီး၊ တကယ် လို့ အဲဒီလို ပေါင်းစည်း လိုက်ရင် Ossetia တခု လုံး ဟာ ရုရှ ပိုင်နက် နယ်မြေ ဖြစ်သွား မှာပါ။

ဒါပေမယ့် တောင်ပိုင်း အိုဆက် တီယာကို ရုရှတို့ သိမ်းပိုက် ထားတဲ့ ဂျော်ဂျီယာ ပိုင်နက် နယ်မြေ အဖြစ် ရှုမြင် ကြတဲ့ ဂျော်ဂျီယာ အစိုးရ၊ အီးယူ ဥရောပ သမဂ္ဂ နဲ့ အမေရိကန် ပြည်ထောင်စု တို့ ကတော့ ဒီ အစီအစဉ် ကို ဆန့်ကျင် ကြမှာ ဖြစ်ပါတယ်။

၂၀၀၈ ခုနှစ် တုန်းက တောင်ပိုင်း အိုဆက်တီယာ မှာ ဖြစ်ခဲ့တဲ့ တိုက်ခိုက်မှု တွေကနေ ရုရှနဲ့ ဂျော်ဂျီယာ နှစ်နိုင်ငံ အကြား စစ်ပွဲ ဖြစ်ပွား ခဲ့ပါတယ်။

The Voice Weekly စာစောင်အင်တာနက်သတင်းရေးသားသူ မဖေါ်ထုတ်နိုင်လို့ The Voice ကပြော

The Voice Weekly စာစောင်ကို သတ္တုတွင်း ဝန်ကြီးဌာနက တရားစွဲဆိုမှရာမှာ သတင်းရေးသားသူ နာမည်အတိအကျ ဖေါ်ပြဖို့လိုကြောင်း ဧပြီလ၉ရက်နေ့ ကြားနာမှုမှာ စာစောင်ရဲ့ အယ်ဒီတာချုပ် ဉီးကျော်မင်းဆွေက တရားရုံးကို စာနဲ့ရေးသား လျှောက်ထား ခဲ့ပါတယ်။

အဲဒီထဲမှာ စာနယ်ဇင်းကျင့်ဝတ်အရ သတင်းရေးသားသူကို ဖေါ်ထုတ်သွားရန် တာဝန်မရှိဘူးလို့လည်း ဖေါ်ပြထားပါတယ်။

စာစောင်ဘက်မှ လိုက်ပါဆောင်ရွက်သူ ရှေ့နေဉီးသိန်းညွန့်ကတော့ သမိုင်းအစဉ်အလာအရ ၁၉၃၆ခုနှစ်မှာ ရန်ကုန်တက္ကသိုလ်ကျောင်းသား ကိုအောင်ဆန်းက အိုးဝေ ဂျာနယ်မှာပါတဲ့ ငရဲခွေးကြီးလွတ်နေသည် ဆောင်းပါးကို ရေးသူဖေါ်ထုတ်ပေးဖို့ တက္ကသိုလ်အာဏာပိုင်တွေက တောင်းရာမှာ သတင်းစာ ကျင့်ဝတ်အရဖေါ်ထုတ်ရန်မဖြစ်နိုင်ကြောင်း ငြင်းဆန်တဲ့ သာဓကကိုရော ၁၉၇၄ ကဖြတ်ထုံးကိုရော ကိုးကား လျှောက်ထားခဲ့တယ်လို့ ဘီဘီစီကိုပြောပါတယ်။

တကယ်လို့ ပြန်ကြားရေး ဝန်ကြီးဌာနက တင်သွင်းမယ့် မီဒီယာ ဥပဒေမှာလည်း သတင်းသမားတွေဘက်က အကာအကွယ်မပေးဘဲ ကန့်သတ်မှုတွေ များရင် ပြင်ဆင်ချက်အတွက် လွှတ်တော်မှာ ဆွေးနွေးတင်သွင်းဖို့ စီစဉ်နေတယ်လို့ ဉီးသိန်းညွန့်က ဆက်ပြောပါတယ်။

ပြည်ထောင်စုလွှတ်တော်မှာ ဝန်ကြီးဌာနတွေက ငွေအလွဲသုံးစားလုပ်တယ်ဆိုတဲ့အကြောင်း စာရင်းစစ်ချုပ်ရုံးရဲ့ အစီရင်ခံစာကို အခြေခံရေးသားတဲ့ The Voice ရဲ့ရေးသားချက်အပေါ် မှန်ကန်တိကျမှု မရှိဘူးဆိုပြီး သတ္တုတွင်းဝန်ကြီးဌာနက ပြစ်မှုဆိုင်ရာ ဥပဒေပုဒ်မ ၅၀၀နဲ့ စာစောင်ကို တရားစွဲဆိုခဲ့ပါတယ်။

ရွေးကောက်ပွဲမှာ NLDကို မိသားတစုလုံး မဲပေးခဲ့တယ်လို့ ဦးခင်ညွန့်ပြောဒေါ်အောင်ဆန်းစုကြည်ကို ကယ်ခဲ့တယ်လို့ ဦးခင်ညွန့် ပြော

ထောက်လှမ်းရေး အကြီးအကဲဟောင်း ဗိုလ်ချုပ်ကြီးဟောင်း ဦးခင်ညွန့်က ၂၀၀၃ ခုနှစ် မေလ ၃၀ ရက် ဒီပဲယင်း ဖြစ်ရပ်တုန်းက ဒေါ်အောင်ဆန်းစုကြည်ကို အသက်အန္တရာယ် ကနေ ထောက်လှမ်းရေးတွေက ကယ်ခဲ့တယ်လို့ ဘန်ကောက်ပို့စ် သတင်းစာနဲ့ မေးမြန်းခန်းမှာ ပြောကြားသွားခဲ့ပါတယ်။

ဦးခင်ညွန့်က အဲဒီတိုက်ခိုက်မှု ဖြစ်ပွားခဲ့တဲ့ ညတုန်းက သူ့လူတွေကို စေလွှတ်ခဲ့ပြီး စစ်အစိုးရ လိုလားအားပေးတဲ့ လူအုပ်ကြားကနေ ဒေါ်အောင်ဆန်း စုကြည်ကို အနီးဆုံး တပ်စခန်းတခုဆီ ကယ်ထုတ်ခဲ့တယ်လို့ ပြောပါတယ်။

ဘန်ကောက်ပို့စ်နဲ့ မေးမြန်းခန်းမှာ ဦးခင်ညွန့်က သူဖမ်းဆီးခံခဲ့ရတဲ့ အဖြစ်အပျက်တွေ၊ လူမျိုးစု သူပုန်တွေနဲ့ သူ့လက်ထက်တုန်းက ငြိမ်းချမ်းရေး သဘောတူညီမှု ရခဲ့တာတွေနဲ့၊ ဒေါ်အောင်ဆန်း စုကြည်အပေါ် နှမတဦးလို သဘောထားတယ် ဆိုတာတွေကို ပြောသွား ပါတယ်။

ဒါပေမယ့် ဒီပဲယင်း ဖြစ်ရပ်တုန်းက ဒေါ်အောင်ဆန်းစုကြည်နဲ့ အတူ ရှိနေခဲ့တဲ့ NLD ပါတီ နာယက ဦးတင်ဦးကတော့ ဒီဖြစ်ရပ်တွေမှာ ဘယ်သူက ဘာလုပ်ခဲ့တယ် ဆိုတာ စုံစမ်း စစ်ဆေးမှု တခုလုပ်ပြီး အသေအချာ စစ်ဆေးမှသာ အဖြစ်မှန်ကို သိရမှာ ဖြစ်တယ်လို့ ဆိုပါတယ်။

စုံစမ်းစစ်ဆေးမှု လုပ်တယ် ဆိုရာမှာ အရေးယူ အပြစ်ပေးဖို့ မဟုတ်ပဲ အဖြစ်မှန် ပေါ်ပေါက်ဖို့နဲ့ ဒီဖြစ်ရပ်အတွင်း ထိခိုက်နစ်နာခဲ့သူတွေကို ထိုက်သင့်အားလျော်တဲ့ နစ်နာကြေး ပေးဖို့ အတွက် သာ ဖြစ်တယ်လို့ ဒေါ်အောင်ဆန်းစုကြည် ကိုယ်တိုင်က ပြောခဲ့ပြီး ဖြစ်တယ်လို့ ဦးတင်ဦးက ပြောပါတယ်။

ဦးခင်ညွန့် အခုလို ပြောတာဟာ သူ့အနေနဲ့ အားလုံးနဲ့ သင့်မြတ်လိုတဲ့ စိတ်ဆန္ဒ ရှိတယ် ဆိုတာကို ပြလိုတာ ဖြစ်နိုင်ပြီး သူ့လူတွေနဲ့ ပတ်သက်လို့ ထိန်းကျောင်းခဲ့တာမျိုး ရှိကောင်း ရှိနိုင်ခဲ့ကြောင်း၊ ဒါပေမယ့်လည်း ဒီပဲယင်း ဖြစ်စဉ် တခုလုံးကို ကြည့်ရင် တားဆီးသင့်တာ တွေ၊ လုပ်သင့်တာတွေမှာ ချို့ယွင်းမှုတွေ ရှိခဲ့တယ်လို့ ပြောနိုင်ကြောင်း ဦးတင်ဦးက ပြောပါတယ်။

ဒီပဲယင်း ဖြစ်ရပ် ဖြစ်ခဲ့အပြီး အခုအခါမှာလည်း ဒေါ်အောင်ဆန်းစုကြည်ဟာ လူအုပ်ကြား ထဲမှာ လှုပ်ရှား သွားလာနေရတာမို့ ဒေါ်အောင်ဆန်းစုကြည်ရဲ့ အသက်အန္တရာယ် လုံခြုံရေး ဟာ လက်ရှိ နိုင်ငံတော်အစိုးရရဲ့ တာဝန် ဖြစ်တယ်လို့ ဒီပဲယင်း ဖြစ်ရပ်တုန်းက ဒေါ်အောင်ဆန်း စုကြည်နဲ့ အတူ တိုက်ခိုက်ခံခဲ့ရတဲ့ ဦးတင်ဦးက ဘီဘီစီကို ပြောပါတယ်။

အာဆီယံ လူ့အခွင့်အရေး ကြေညာစာတန်း

လာမယ့် July လ အာဆီယံ ဝန်ကြီးများ အစည်းအဝေး မှာ တင်ပြမယ့် အာဆီယံ လူ့အခွင့်အရေး ကြေညာ စာတမ်း မူကြမ်းဟာ ပွင့်လင်း မြင်သာမှု မရှိတဲ့အတွက် ဒီကြေညာ စာတမ်း ရေးဆွဲမှု ဖြစ်စဉ်ကို အများပြည်သူ သိအောင် ထုတ်ပြန်ကြေညာပေးဖို့ အရှေ့တောင် အာရှ နိုင်ငံတွေက လူထု အခြေပြု အဖွဲ့အစည်းပေါင်း ၁၀၀ကျော်က AICHR အာဆီယံ အစိုးရများ ဆိုင်ရာ လူ့အခွင့်အရေး ကော်မရှင်ကို တောင်းဆိုလိုက် ပါတယ်။

ဒါနဲ့ ပတ်သက်လို့ အာဆီယံ မြန်မာ့အရေး လုပ်ငန်းအဖွဲ့ရဲ့ ညွန်ကြားရေးမှူး ကို အောင်မျိုးမင်းက ဒီမူကြမ်းကို ရေးဆွဲတာ တနှစ်နီးပါး ရှိနေတဲ့ အကြောင်း၊ အဖွဲ့ဝင်နိုင်ငံ တွေက ကိုယ်စားလှယ် တဉီးစီ ပါဝင်ခွင့်ပြု ပြီးရေးဆွဲ စေခဲ့ကြောင်း၊ ပြီးမှ အာဆီယံ လူ့အခွင့်အရေး ကော်မရှင် ကို တင်ပြကြောင်း ဘီဘီစီ ကိုပြောပြပါတယ်။

ပထမ မူကြမ်းမှာ နိုင်ငံသား နဲ့ နိုင်ငံရေးဆိုင်ရာ အခွင့်အရေးတွေ ရေးဆွဲပြီး ဖြစ်သလို စီးပွားရေး နဲ့ လူမှုရေး၊ ယဉ်ကျေးမှု ဆိုင်ရာ အခွင့်အရေး တွေ ကို အာဆီယံ အစည်းအဝေး နောက်ရက်မှာ ကျင်းပတဲ့ အခါမှ အပြီးသတ် ဆုံးဖြတ်မယ်လို့ သိရပုံ ကိုလည်း ပြောပြပါတယ်။

ဒါပေမယ့် လေ့လာ စောင့်ကြည့် တဲ့ အဖွဲ့တွေနဲ့ တိုင်ပင်မှု မရှိတဲ့ အတွက် ဇွန်လ မှာ အတည်ပြုမယ့် ကိစ္စ ကို စောင့်ဆိုင်း စေချင်ကြောင်း ကိုအောင်မျိုးမင်း က ဘီဘီစီ ကို ရှင်းပြပါတယ်။

ယီမင် တောင်ပိုင်း Abyan ပြည်နယ်မှာ အယ်လ် ခိုင်းဒါး တွေရဲ့ လှုပ်ရှားမှု ရှိနေပါတယ်ယီမင် တိုက်ခိုက်မှု လူ ၂၀ ကျော် သေဆုံး

ယီမင် နိုင်ငံမှာ စစ်တပ် စခန်း တခုကို အယ်လ်ခိုင်းဒါး လို့ ယူဆ ရသူ တွေရဲ့ တိုက်ခိုက် မှုကြောင့် စစ်သား ငါးဉီး အပါ အဝင် အနည်းဆုံး လူ ၂၃ ဉီး သေဆုံး သွားတယ် လို့ ယီမင် စစ်တပ်က ပြောပါတယ်။

ယီမင် နိုင်ငံ တောင်ပိုင်း Abyan ပြည်နယ် ထဲက Lawdar မြို့မှာ ဖြစ်ခဲ့တဲ့ တိုက်ပွဲတွေ အတွင်း အယ်လ်ခိုင်းဒါး တိုက်ခိုက်ရေး သမား ၁၅ ဉီး သေဆုံး ခဲ့တယ်လို့ ဆိုပါတယ်။

Lawdar မြို့ အပြင်မှာ ရှိတဲ့ စစ်တပ် စခန်း တခုကို တနင်္လာနေ့ မနက် စောစောပိုင်း မှာ စတင် တိုက်ခိုက် ခံခဲ့ရတာ ဖြစ်ပါတယ်။

သမ္မတ Ali Abdulah Saleh က သူ့ရဲ့ လက်ထောက်ကို အာဏာ လွှဲပေး ခဲ့ရတဲ့ နိုင်ငံရေး ပဋိပက္ခ တွေ ဖြစ်ခဲ့စဉ် အတွင်း အယ်လ်ခိုင်းဒါး အဖွဲ့က အဲဒီ ဒေသမှာ ရှိတဲ့ နယ်မြေ အမြောက် အများကို သိမ်းပိုက် ထားတာ ဖြစ်ပါတယ်။

ဆီးရီးယား က တူရကီ နယ်စပ်ကို ကျော်ပြီး ပစ်ခတ်

နိုင်ငံတကာ ငြိမ်းချမ်းရေး အစီအစဉ် အရ မြို့ပေါ်က ဆီးရီးယား တပ်တွေကို ဆုတ်ပေး ရမှာပါ

နိုင်ငံတကာ ငြိမ်းချမ်းရေး အစီအစဉ်အရ ဆီးရီးယား လုံခြုံရေး တပ်ဖွဲ့တွေ ကို မြို့တွေပေါ်က ဆုတ်ခွာ ပေးရမယ့် အချိန် နီးလားဆဲ မှာဘဲ ဆီးရီးယား အစိုးရ တပ်တွေက တူရကီ နယ်စပ်ကို ဖြတ်ကျော်ပြီး ဒုက္ခသည် စခန်း တခုကို ပစ်ခတ် တိုက်ခိုက် ခဲ့တဲ့အတွက် လူသုံးဉီး ဒဏ်ရာ ရသွားပါတယ်။

ဒဏ်ရာ ရသူ တွေထဲမှာ တူရကီ ဘာသာပြန် တဉီးလည်း ပါဝင်ပါတယ်။

တူရကီ နိုင်ငံခြားရေး ဝန်ကြီး ဌာနက ဆီးရီးယား သံရုံး ယာယီ တာဝန်ခံ ကို ဆင့်ခေါ် ပြီး နယ်စပ် ဖြတ်ကျော် ပစ်ခတ်မှု တွေကို ရပ်ဆိုင်းဖို့ တောင်းဆို ခဲ့ပါတယ်။

ဆီးရီးယား နိုင်ငံ ထဲမှာ ဖြစ်ပေါ် နေတဲ့ အကြမ်းဖက်မှု တွေကြောင့် တူရကီ ဖက်ကို ထွက်ပြေး လာတဲ့ ဒုက္ခသည် စုစုပေါင်း နှစ်သောင်းခွဲ ရှိပါတယ်။

နိုင်ငံတကာ ငြိမ်းချမ်းရေး အစီအစဉ် အရ ဆီးရီးယားတပ်ဖွဲ့ တွေကို အင်္ဂါနေ့မှာနောက်ဆုံးထားပြီး မြို့တွေပေါ်ကနေ ဆုတ်ခွာပေးရမှာ ဖြစ်ပါတယ်။

ဒီအတောအတွင်း တရုတ်နိုင်ငံက နိုင်ငံတကာ ငြိမ်းချမ်းရေး အစီအစဉ် မှာ ပါဝင်တဲ့ အချက် တွေကို လိုက်နာ ကြဖို့ ဆီးရီးယား အစိုးရ ကိုရော အတိုက်အခံ တွေကိုပါ တိုက်တွန်း လိုက်ပါတယ်။

ဒါပေမယ့် အတိုက်အခံ တွေ အနေနဲ့ တိုက်ခိုက် မှုတွေ ရပ်ဆိုင်းပြီး လက်နက် စွန့်လွှတ် ကြောင်း စာနဲ့ ရေးသားပြီး အာမခံချက် အရင်ပေး ရမယ်လို့ ဒမတ်စကတ် အစိုးရ ဖက်က တောင်းဆို ထားတာ ကြောင့် ဒီ ငြိမ်းချမ်းရေး အစီအစဉ် အောင်မြင် ဖို့မှာ မရေရာ မှုတွေ ဖြစ်ပေါ် နေပါတယ်။

တရုတ် အစိုးရရဲ့ ကြေညာချက် ထွက်လာချိန်ဟာ ဆီးရီးယား နိုင်ငံခြားရေး ဝန်ကြီး Walid al-Muallem ရုရှ နိုင်ငံဆီ သွား ရောက်မယ့် အချိန် နဲ့လည်း တိုက်ဆိုင် နေပါတယ်။

ရုရှနဲ့ တရုတ် နိုင်ငံတို့ဟာ ဆီးရီးယားမှာ တနှစ်ကျော်ကြာ ဖြစ်ပွားနေတဲ့ တိုက်ခိုက် မှုတွေ အတွင်း ဆီးရီးယား အစိုးရ အပေါ်အခိုင်အမာ ထောက်ခံမှု ပေးနေတာ ဖြစ်ပါတယ်။

ဗြိတိန် ဝန်ကြီးချုပ် မြန်မာနိုင်ငံသွားမည်

By မေငြိမ်း

ဗြိတိန် ဝန်ကြီးချုပ် ဒေးဗစ် ကင်မရွန်း

ဗြိတိန် ၀န်ကြီးချုပ်ဟာ ဒီသတင်းပတ် အတွင်းမှာ မြန်မာနိုင်ငံကို တရက်ကြာ ခရီးသွားဖို့ ရှိပါတယ်။ ဧပြီလ ၁၃ ရက်နေ့ သောကြာနေ့မှာ မြန်မာ သမ္မတ ဦးသိန်းစိန်နဲ့ နေပြည်တော်မှာ တွေ့ဆုံဖို့ ရှိပါတယ်။ ညနေပိုင်းမှာတော့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်နဲ့ သူရဲ့ နေအိမ်မှာ တွေ့ဆုံဖို့ ရှိတယ်လို့ ဒေါ်အောင်ဆန်းစုကြည်ရဲ့ ရုံးအဖွဲ့ဝင် ဦးခွန်သာမြင့်က ပြောပါတယ်။

“ဟုတ်ပါတယ်။ ၁၃ ရက် နေ့ လို့ ပြောပါတယ်။ ညနေ ၄ နာရီ လောက် လာပါလိမ့်မယ်။ အဲဒါတွေ့ ပြီးရင် ည ၇ နာရီ၊ British residence မှာ ဒင်နာ (dinner) ရှိပါတယ်။ ၄ နာရီ တွေ့ပြီးရင်တော့ Press ရှိမှာပါ။”

မစ္စတာ ကင်မရွန်းဟာ ဒေါ်အောင်ဆန်းစုကြည် အပါအ၀င် NLD ကိုယ်စားလှယ်တွေ အများစု အနိုင်ရရှိခဲ့တဲ့ ဧပြီလ ကြားဖြတ်ရွေးကောက်ပွဲ အပြီး အနောက်နိုင်ငံတွေ က မြန်မာနိုင်ငံအပေါ် ချမှတ်ထားတဲ့ ဒဏ်ခတ် ပိတ်ဆို့ မှုတွေ ရုတ်သိမ်း ဖို့ စဉ်းစား နေချိန်မှာဘဲ မြန်မာနိုင်ငံကို ပထမဆုံး လာရောက်တဲ့ ၀န်ကြီးချုပ် တဦးလည်း ဖြစ်ပါတယ်။ ဒီနှစ်ဆန်းပိုင်း ဇန်န၀ါရီလကလည်း ဗြိတိန် နိုင်ငံခြားရေး ၀န်ကြီး Willian Hague ဟာ ၅၆ နှစ် အတွင်း ပထမဦးဆုံး အဖြစ် မြန်မာနိုင်ငံကို သွားရောက်ခဲ့ပါတယ်။ အလားတူဘဲ ဥရောပ နိုင်ငံခြားရေးနဲ့ လုံခြုံရေး ပေါ်လစီ ဆိုင်ရာ ဥရောပ သမဂ္ဂ မဟာမင်းကြီး ကက်သရင်း အက်ရ်ှတွန် ဟာလည်း မြန်မာနိုင်ငံကို မကြာမီ သွားရောက်ဖို့ ရှိနေပါတယ်။

မြောက်ကိုးရီးယား ဒုံးပျံ နိုင်ငံခြား မီဒီယာ ကြည့်ရှု့ခွင့်ရ

By ဗွီအိုအေ (မြန်မာပိုင်း ဌာန)

မြောက်ကိုးရီးယား အစောင့် စစ်သား တစ်ဦး အား တုန်ချမ်းရီး (Tongchang-ri) အာကာသ စခန်းရှိ အွန်ဟာ-သုံး (Unha-3 Rocket) ဒုံးပျံ အနီး တွေ့ရစဉ်

အမေရိကန်နဲ့ တောင်ကိုရီးယားက ကန့်ကွက်နေတဲ့ ကြားကဘဲ မြောက်ကိုရီးယား အာကာသရေးရာ တာဝန်ခံ တွေက ရော့ကတ် (Rocket) ဒုံးပျံ တင်လွှတ်ဖို့ ပြင်ဆင်နေတဲ့နေရာကို မနေ့က တနင်္ဂနွေနေ့က နိုင်ငံခြား သတင်းထောက် တွေကို ကြုံတောင့်ကြုံခဲ  သတင်းယူခွင့်ပြု လိုက်ပါတယ်။ ဗွီအိုအေ (VOA) ကလက်ခံရရှိတဲ့ တောင်ကိုရီးယားထောက်လှမ်းရေး ဓါတ်ပုံတွေအရ၊ မြောက်ကိုရီးယားက တတိယအကြိမ်မြောက် နူးကလီးယား (Nuclear) လက်နက် စမ်းသပ်ဖို့ ပြင်ဆင်နေပုံရပါတယ်။

ပြုံယမ်းမြောက်ပိုင်းပြည်နယ် အနောက်ဖက်ကမ်းခြေရှိ တုန်ချမ်းရီး (Tongchang-ri) အာကာသစခန်းအသစ်မှာ အွန်ဟာ-သုံး (Unha-3 Rocket) ဒုံးပျံလွှတ်တင်မယ့် အဆင့် သုံးခုစလုံးကို ဒုံးပျံစင်မှာ အသင့် ပြင်ဆင်ထား တာတွေ့ရတယ်လို့ သတင်းထောက်တွေက ပြောပါတယ်။ ထိန်းချုပ် ကွန်ပြူတာခန်းမမှာ အဖြူရောင် ယူနီဖေါင်း ၀တ်ထားတဲ့ ကျွမ်းကျင်သူပညာရှင်တွေ အလုပ် လုပ်နေကြတာတွေကိုလည်း သတင်းထောက်တွေ ကိုပြသခဲ့ ပါတယ်။  အဲဒီ ဒုံးပျံကို ဧပြီလ ၁၂ ရက်နဲ့ ၁၆ ရက်ကြားမှာ လွှတ်တင်မှာဖြစ်ပြီး မိုးလေ၀သ ဂြိုလ်တု တလုံးသာ ပါဝင်မှာ ဖြစ်တယ်လို့ မြောက်ကိုရီးယား က ပြောနေဆဲ ဖြစ်ပေမဲ့ အမေရိကန်နဲ့ တောင်ကိုရီးယားကတော့ ပဲ့ထိန်းတပ် ဒုံးလက်နက် စမ်းသပ်တာဖြစ်တယ်လို့ပြောပါတယ်။

တုန်ချမ်းရီး (Tongchang-ri) အာကာသစခန်းရဲ့ အထွေထွေမန်နေဂျာ ဂျန်မြောင်ဂျင်း (Jang Myong Jin) က နိုင်ငံတကာ အာကာသ သဘောတူ စာချုပ်အရ ဘယ်နိုင်ငံမဆို အရပ်သုံးအတွက် အာကာသနည်းပညာကို တီထွင် ထုတ်လုပ်ခွင့် ရှိတယ်လို့ သတင်းထောက် တွေကို ပြောဆိုလိုက်ပါတယ်။

အထက်လွှတ်တော်အမတ် ဂျင်ဝက်ဘ် (Jim Webb) မြန်မာနိုင်ငံရောက်

By ဇော်ဝင်းလှိုင်

• 
  

• 
  

ဓာတ်ပုံ ASSOCIATED PRESS

အထက်လွှတ်တော်အမတ် ဂျင်ဝက်ဘ် (Jim Webb)

အမေရိကန်ကဗားဂျီးနီးယား (Virginia) ပြည်နယ်ရဲ့ ရီပတ်ဘလီကန်ပါတီ အထက်လွှတ်တော်အမတ်၊ ဂျင်ဝက်ဘ် (Jim Webb) ဟာ မြန်မာနိုင်ငံမှာ ရောက်ရှိနေပါတယ်။ မစ္စတာ ဝက်ဘ် ဟာ ဒီကနေ့ညနေက သမ္မတ ဦးသိန်းစိန်နဲ့ တွေ့ဆုံတယ်လို့ သိရပါတယ်။ အထက်လွှတ်တော် အမတ် ဝက်ဘ် ဟာ အရှေ့အာရှ နှင့် ပစီဖိတ်ရေးရာ၊ အထက်လွှတ်တော် နိုင်ငံခြား ဆက်ဆံရေး ဆပ်ကော်မတီ ဥက္ကဋ္ဌ အပြင် အထက်လွှတ်တော် စစ်မှုထမ်းရေးရာ ကော်မတီ အဖွဲ့ဝင် လည်းဖြစ်ပါတယ်။

မနက်ဖြန်မှာတော့ အထက်လွှတ်တော်အမတ် ဂျင်ဝက်ဘ် (Jim Webb) ဟာ NLD အမျိုးသားဒီမိုကရေစီ အဖွဲ့ချုပ် ခေါင်းဆောင် ဦးတင်ဦးနဲ့ မနက်ဖြန်မှာတွေ့ဆုံဖို့ ရှိတဲ့အကြောင်း NLD ပြောခွင့်ရပုဂ္ဂိုလ် ဦးဉာဏ်ဝင်း က ဗွီအိုအေကို ပြောပါတယ်။

“မနက်ဖြန် ညနေတွေ့ မယ် လို့ သူတို့ အကြောင်းကြားထားတယ်။ နေရာမသိသေးဘူး။ ထပ်မံ ပြီးတော့ အတည်ပြုပေးမယ် ပြောမယ် ပြောထားတယ်။ ဦးတင်ဦး နဲ့ တွေ့ဖို့နော်။ ဒေါ်အောင်ဆန်း စုကြည် နဲ့ တော့ ကျနော် မသိဘူး။”

အန်အယ်လ်ဒီ (NLD) ပြောခွင့်ရပုဂ္ဂိုလ် ဦးဉာဏ်ဝင်း ပြောသွားတာပါ။

အထက်လွှတ်တော်အမတ် ဂျင်ဝက်ဘ် (Jim Webb) အနေနဲ့ မြန်မာနိုင်ငံကို ဒုတိယအကြိမ်မြောက် ရောက်လာတာ ဖြစ်ပြီးတော့ သူဟာ အမေရိကန်အစိုးရက မြန်မာနိုင်ငံနဲ့ ထိတွေ့ဆက်ဆံရေး မူဝါကို အစောပိုင်း ကတည်းက ဦးဆောင် ပြောဆိုနေခဲ့သူတဦးလည်း ဖြစ်ပါတယ်။

၂၀၀၉ ခုနှစ်က မြန်မာနိုင်ငံကို သွားရောက်စဉ် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပြင် အဲဒီအချိန်က စစ်အစိုးရအကြီးအကဲ ဗိုလ်ချုပ်မှူးကြီးသန်းရွှေနဲ့လည်း တွေ့ဆုံခဲ့သလို ဗိုလ်ချုပ်မှူးကြီး သန်းရွှေ နဲ့ ပထမဆုံး တွေ့ဆုံခွင့်ရတဲ့ အမေရိကန် လွှတ်တော်အမတ် တဦးလည်း ဖြစ်ပါတယ်။

Jim Webb ဟာ ဧပြီလ ၁၁ ရက်နေ့ ဗုဒ္ဓဟူးနေ့မှာတော့ အမေရိကန်သံရုံးမှာ သတင်းစာရှင်းလင်းပွဲ ပြုလုပ်မယ်လို့ သိရပါတယ်။ အခု ဒီခရီးစဉ်က ဂျပန်၊ ထိုင်း၊ မြန်မာနိုင်ငံ စတဲ့ သုံးနိုင်ငံကို လာရောက်တဲ့ ခရီးစဉ်လည်း ဖြစ်ပါတယ်။

အထက်လွှတ်တော်အမတ် ဂျင်ဝက်ဘ် (Jim Webb) မြန်မာနိုင်ငံရောက်

By ဇော်ဝင်းလှိုင်

အထက်လွှတ်တော်အမတ် ဂျင်ဝက်ဘ် (Jim Webb)

အမေရိကန်ကဗားဂျီးနီးယား (Virginia) ပြည်နယ်ရဲ့ ရီပတ်ဘလီကန်ပါတီ အထက်လွှတ်တော်အမတ်၊ ဂျင်ဝက်ဘ် (Jim Webb) ဟာ မြန်မာနိုင်ငံမှာ ရောက်ရှိနေပါတယ်။ မစ္စတာ ဝက်ဘ် ဟာ ဒီကနေ့ညနေက သမ္မတ ဦးသိန်းစိန်နဲ့ တွေ့ဆုံတယ်လို့ သိရပါတယ်။ အထက်လွှတ်တော် အမတ် ဝက်ဘ် ဟာ အရှေ့အာရှ နှင့် ပစီဖိတ်ရေးရာ၊ အထက်လွှတ်တော် နိုင်ငံခြား ဆက်ဆံရေး ဆပ်ကော်မတီ ဥက္ကဋ္ဌ အပြင် အထက်လွှတ်တော် စစ်မှုထမ်းရေးရာ ကော်မတီ အဖွဲ့ဝင် လည်းဖြစ်ပါတယ်။

မနက်ဖြန်မှာတော့ အထက်လွှတ်တော်အမတ် ဂျင်ဝက်ဘ် (Jim Webb) ဟာ NLD အမျိုးသားဒီမိုကရေစီ အဖွဲ့ချုပ် ခေါင်းဆောင် ဦးတင်ဦးနဲ့ မနက်ဖြန်မှာတွေ့ဆုံဖို့ ရှိတဲ့အကြောင်း NLD ပြောခွင့်ရပုဂ္ဂိုလ် ဦးဉာဏ်ဝင်း က ဗွီအိုအေကို ပြောပါတယ်။

“မနက်ဖြန် ညနေတွေ့ မယ် လို့ သူတို့ အကြောင်းကြားထားတယ်။ နေရာမသိသေးဘူး။ ထပ်မံ ပြီးတော့ အတည်ပြုပေးမယ် ပြောမယ် ပြောထားတယ်။ ဦးတင်ဦး နဲ့ တွေ့ဖို့နော်။ ဒေါ်အောင်ဆန်း စုကြည် နဲ့ တော့ ကျနော် မသိဘူး။”

အန်အယ်လ်ဒီ (NLD) ပြောခွင့်ရပုဂ္ဂိုလ် ဦးဉာဏ်ဝင်း ပြောသွားတာပါ။

အထက်လွှတ်တော်အမတ် ဂျင်ဝက်ဘ် (Jim Webb) အနေနဲ့ မြန်မာနိုင်ငံကို ဒုတိယအကြိမ်မြောက် ရောက်လာတာ ဖြစ်ပြီးတော့ သူဟာ အမေရိကန်အစိုးရက မြန်မာနိုင်ငံနဲ့ ထိတွေ့ဆက်ဆံရေး မူဝါကို အစောပိုင်း ကတည်းက ဦးဆောင် ပြောဆိုနေခဲ့သူတဦးလည်း ဖြစ်ပါတယ်။

၂၀၀၉ ခုနှစ်က မြန်မာနိုင်ငံကို သွားရောက်စဉ် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပြင် အဲဒီအချိန်က စစ်အစိုးရအကြီးအကဲ ဗိုလ်ချုပ်မှူးကြီးသန်းရွှေနဲ့လည်း တွေ့ဆုံခဲ့သလို ဗိုလ်ချုပ်မှူးကြီး သန်းရွှေ နဲ့ ပထမဆုံး တွေ့ဆုံခွင့်ရတဲ့ အမေရိကန် လွှတ်တော်အမတ် တဦးလည်း ဖြစ်ပါတယ်။

Jim Webb ဟာ ဧပြီလ ၁၁ ရက်နေ့ ဗုဒ္ဓဟူးနေ့မှာတော့ အမေရိကန်သံရုံးမှာ သတင်းစာရှင်းလင်းပွဲ ပြုလုပ်မယ်လို့ သိရပါတယ်။ အခု ဒီခရီးစဉ်က ဂျပန်၊ ထိုင်း၊ မြန်မာနိုင်ငံ စတဲ့ သုံးနိုင်ငံကို လာရောက်တဲ့ ခရီးစဉ်လည်း ဖြစ်ပါတယ်။

မြန်မာ ကျန်းမာရေး ဝန်ကြီးအဖွဲ့ အမေရိကန် ခရီးစတင်

By ဝင်းမင်း

အမေရိကန် နဲ့ မြန်မာ တို့ ဆက်ဆံရေး ပုံမှန် ဖြစ်အောင် ကြိုးစားမှု တစ်ခု အနေနဲ့ အမေရိကန်ဘက် က ပထမဦးဆုံး ဖိတ်ကြားတာ ကို ခံရတဲ့ မြန်မာ ကျန်းမာရေး ဝန်ကြီးဟာ ကျန်းမာရေး နဲ့ ပညာရေး ကိစ္စတွေ အဓိက ဆွေးနွေးဖို့ ဆိုပြီးတော့ အမေရိကန် ပြည်ထောင်စု ကို ရောက်ရှိနေပါတယ်။ မြန်မာ နိုင်ငံ ကျန်းမာရေး နဲ့ ပညာရေး ကဏ္ဍတွေမှာ ကြုံနေရတဲ့ အခက်အခဲတွေ နဲ့ ဒီ ခရီးစဉ် အတွင်း မျှော်လင့်ချက် တွေကို တော့ ကိုဝင်းမင်းက အဖွဲ့ဝင် တစ်ဦးနဲ့ မေးမြန်း တင်ပြထားပါတယ်။

မြန်မာနိုင်ငံ ကျန်းမာရေး ဝန်ကြီး ဒေါက်တာ ဖေသက်ခင်ဟာ တနင်္ဂနွေ နေ့က စရောက်လာတဲ့ သူ့ရဲ့ ၁၀ ရက်ကြာ အမေရိကန် ခရီးစဉ် ထဲမှာ ကျန်းမာရေး နဲ့ ပညာရေး အဆင်မြင့် အရာရှိတွေ အပါအဝင် အဖွဲ့ဝင် ၁၁ ပါတဲ့ အဖွဲ့ကို ဦးဆောင် လာခဲ့ ပြီး ဒီကနေ့ တနင်္လာနေ့မှာ အမေရိကန် အဆင်မြင့် တက္ကသိုလ် တစ်ခုမှာ စကား ပြောဖို့ ရှိနေပါတယ်။

မြန်မာ သမ္မတရဲ့ နိုင်ငံရေး အကြံပေးတစ်ဦးနဲ့ အစိုးရ မဟုတ်တဲ့ NGO တစ်ခုလည်း ပါတဲ့ ဒီ ခရီးစဉ်ရဲ့ ထူးခြားမှု ကို လိုက်ပါလာတဲ့ မင်္ဂလာ မြန်မာ အဖွဲ့က ဒေါက်တာ ဖုန်းဝင်း က အခုလို ရှင်းပြပါတယ်။

“ထူးခြားတာက တော့ နှစ်ပေါင်း ဆယ်စုနှစ် များစွာ အတွင်းမှာ မြန်မာနိုင်ငံ ကနေ ပြီးတော့ လူကြီး တစ်ယောက် အနေနဲ့ အမေရိကန် နိုင်ငံ ကို လာရောက်တဲ့ ခရီးစဉ် ဖြစ်တယ်ပေ့ါလေ။ ပြီးတော့လည်း ဒီကျန်းမာရေး နဲ့ ပညာရေး ကို ဦးစားပေးပြီး တော့ ပထမဦးဆုံး အနေနဲ့ မြန်မာ နိုင်ငံ အစိုးရ က နေလည်း လွှတ်လိုက်တယ်။ ပြီးတော့ အမေရိကန် နိုင်ငံဘက် ကလည်း စောင့်ကြို ပြီးတော့ ဒီကိစ္စမှာ စထင် ပူးပေါင်းဆောင်ရွက် ဖို့ စီစဉ်ကြတယ် ဆိုတာ အင်မတန် ကို မှ ကောင်းတဲ့ ကိစ္စဖြစ်ပါတယ်။ အရင်တုန်းက တော့ ကျန်းမာရေး၊ ပညာရေး ဆိုတဲ့ ကဏ္ဍက သိပ်ပြီးတော့ ဦးစားပေး၊ နှစ်ပေါင်းများစွာ ပေါ့လေ၊ မြန်မာပြည်မှာ ဦးစားပေး မခံ ရတဲ့ ကိစ္စဖြစ်သော်လည်း ဘဲ အခုကျတော့ ပထမ ဦးစားပေး ကိစ္စ အဖြစ် အမေရိကန် နိုင်ငံ နဲ့ မြန်မာ နိုင်ငံ အကြားမှာ ပူးပေါင်း ဆောင်ရွက် ဖို့ ဆောင်ရွက်တာ ကောင်းလည်း ကောင်းတယ်။ ထူးလည်း ထူးခြားတဲ့ ကိစ္စဖြစ်ပါတယ်။”

အမေရိကန်နိုင်ငံ ဂျွန်ဟော့ကင်း (John Hopkins) တက္ကသိုလ် ရဲ့ ဆေးကျောင်းမှာ စကားပြောမယ့် ဒေါက်တာ ဖေသက်ခင် ရဲ့ အဖွဲ့ အနေနဲ့ ဒီ ခရီးစဉ်ထဲမှာ ကျန်းမာရေး ပညာရေး နဲ့ ပတ်သက်ပြီး ဘယ်လို ကိစ္စတွေကို အဓိက ထား ဆွေးနွေးမလဲ ဆိုတာ မေးရာမှာတော့ ဒေါက်တာ ဖုန်းဝင်းက မြန်မာ နိုင်ငံမှာ ဘယ်ဟာတွေ ကို ဦးစားပေး အဆင့် သတ်မှတ် ပြီး လုပ်ကိုင်နိုင်ဖို့ တိုင်ပင် ဆွေးနွေးမှာ ဖြစ်တယ် လို့ ဆိုပါတယ်။

“ပူးပေါင်း ဆောင်ရွက်တဲ့ နေရာမှာ လိုအပ်ချက်တွေ က အများကြီး ဖြစ်နေတဲ့ အခါကျတော့ မြန်မာ ပြည်ရဲ့ လိုအပ်ချက်တွေ ထဲမှာ အရေးကြီးတဲ့ လိုအပ်ချက်တွေ ကို ဦးစားပေး အစီအစဉ် အဖြစ် ချမှတ်နိုင်ပြီးတော့ အဲဒီ ဦးစားပေး အစီအစဉ် အတိုင်း တစ်ဆင့်ပြီး တစ်ဆင့် ဆောင်ရွက် သွားဖို့ အတွက် အသေးစိတ် လာပြီးတော့ လေ့လာတာ ပေါ့နော်။ တမင်လာလုပ်၊ လေ့လာတဲ့ နေရာမှာ အဲဒီမှာ သွားတွေ့တဲ့ အခါမှာ ဦးစားပေး လုပ်နိုင်တဲ့ ဟာကို သတ်မှတ် လိုက်ပြီးတော့ အမြန်ဆုံး စလုပ်ဖို့ အတွက် စီစဉ်မယ်လေ။ ”

ဒါ့အပြင် သမ္မတ ဦးသိန်းစိန် ပြောခဲ့ သလိုဘဲ မြန်မာနိုင်ငံ ကို ပညာရေး အဆင့် မြှင့်တင်နိုင်ဖို့ အမေရိကန် နိုင်ငံက ထိပ်တန်း တက္ကသိုလ်တွေ နဲ့ ပူးပေါင်းဆောင်ရွက် နိုင်မယ့် ကိစ္စတွေကို လည်း ရန်ကုန် တက္ကသိုလ် ပါမောက္ခချုပ် နဲ့ ရန်ကုန် နည်းပညာ တက္ကသိုလ် ပါမောက္ခချုပ်တွေ ကိုယ်တိုင်ပါတဲ့ ဒီခရီးမှာ အသေးစိတ် ဆွေးနွေးဖို့ ရှိတယ် လို့ ဒေါက်တာ ဖုန်းဝင်းက ဆက်ပြောပါတယ်။

ဒီနေ့ မြန်မာနိုင်ငံ ရဲ့ ကျန်းမာရေး နဲ့ ပညာရေး စိမ်ခေါ်မှု တွေကို ဖြေရှင်းရာမှာ မြန်မာ နိုင်ငံ အနေနဲ့ ဘယ်လို အခက် အခဲတွေ ကြုံလာခဲ့ ရပါလဲ လို့ ဒေါက်တာ ဖုန်းဝင်းကို မေးရာမှာတော့

“ရှိတဲ့ အခက်အခဲက လွန်ခဲ့တဲ့ အနှစ် ၂၀ လုံးမှာ ဆန်ရှင် လုပ်ထားတဲ့ ကိစ္စရယ်၊ ကျနော်တို့ ဒီ ကိုယ်ဘာသာ ကိုယ် သီးသီးသန့်သန့် နေတဲ့ ကိစ္စ ရယ်ကြောင့် မို့လို့ရယ် အခက်အခဲတွေ အများကြီးရှိတာပေါ့။ ဆိုလိုတာက ကမ္ဘာမှာ လက်တွေ့သုံးနေတဲ့ နည်းပညာတွေ ကို ကျနော်တို့ မရရှိတဲ့ အခက်အခဲမျိုးတွေ လိုအပ်တဲ့ အထောက်အပံ့တွေ ငွေရေး ကြေးရေး ဆိုင်ရာ အထောက်အပံ့တွေ မရနိုင်တဲ့ အခက်အခဲ က ရှိနေတုန်းဘဲလေ။”

မြန်မာ သမ္မတ ဦးသိန်းစိန် အနေနဲ့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန် နဲ့ ပြီးခဲ့တဲ့  ဒီဇင်ဘာလ ဆန်းက တွေ့တုန်းက မြန်မာနိုင်ငံ အတွက် အမေရိကန် ထိပ်တန်း တက္ကသိုလ်တွေ ရဲ့ အကူအညီ လိုတယ် လို့ ပြောခဲ့ အပြီးမှာ မကြာခင် ကြားဖြတ်ရွေးကောက်ပွဲ တိုးတက်မှုတွေ ကြောင့် ဝန်ကြီး ကလင်တန် ဘက်ကလည်း ပိတ်ဆို့ မှု တွေ လျှော့ပေးရာမှာ အခုလို ပညာရေး နဲ့ ကျန်းမာရေး ဖွံ့ဖြိုးရေး ကိစ္စတွေကို US Aid အမေရိကန် ဖွံ့ဖြိုးရေး အကူအညီ ပေးတဲ့ အဖွဲ့က ကူညီပေးတာတွေကို စ ခွင့်ပြု လိုက်ပါပြီ။

ဒီတစ်ခေါက် ခရီးစဉ်ထဲမှာ မြန်မာနိုင်ငံက ပြဿနာတွေကို ဖြေရှင်းရာမှာ အမေရိကန်ဘက် က ပို  အကူအညီပေးလာ ဖို့ မျှော်လင့် ချက်ရှိတာကိုလည်း ဒေါက်တာ ဖုန်းဝင်း က ဆက်ပြောပါတယ်။ တကယ်တော့ ဂျွန်ဟော့ကင်း တက္ကသိုလ်ကနေ မြန်မာ ကျောင်းသားတွေကို နှစ်ပေါင်းမှာစွာ ပညာသင် ဆုတွေ ပေးလာရာ ကနေ ဒီကျောင်းသားတွေ နဲ့ တက္ကသိုလ် တို့ ပူးပေါင်းပြီး မြန်မာ အစိုးရ နဲ့ တွေ့ဆုံ ဆွေးနွေးလာရာ ကနေ နောက်ဆုံးမှာ တက္ကသိုလ် ပါမောက္ခချုပ် နဲ့ သမ္မတ ဦးသိန်းစိန် တို့ ကိုယ်တိုင် ဖေဖော်ဝါရီလ မှာ တွေ့အပြီး ဆက်ဆံရေး တိုးတက် လာခဲ့ အပြီး အမေရိကန် ဘက်က လည်း ပထမ ဦးစားပေး အဖြစ် ကျန်းမာရေး ဝန်ကြီးကို စတင် ဖိတ်ခေါ်လာခဲ့ တာ ဖြစ်ပြီး နောက်ပိုင်းမှာလည်း အခုလို ခရီးစဉ်တွေ ထပ်ဖြစ်လာဖို့ ရှိတယ် လို့ ဒေါက်တာ ဖုန်းဝင်းက ဆိုပါတယ်။

ကေအန်ယူ ပထမဦးဆုံး ဆက်ဆံရေးရုံး ကျောက်ကြီးမှာ ဖွင့်

By သိဂီ င်္ထိုက်

ကရင်အမျိုးသား အစည်းအရုံး အထွေထွေ အတွင်းရေးမှူး နှင့် ငြိမ်းချမ်းရေး အဖွဲ့ ခေါင်းဆောင် နော်စီဖိုးရာစိန် (ညာ) ငြိမ်းချမ်းရေး ဆွေးနွေးပွဲ အပြီး သတင်းစာ ရှင်းလင်းပွဲမှာ စကားပြောနေပုံ

ကရင့်အမျိုးသား အစည်းအရုံး ကေအန်ယူက ဒီကနေ့ဘဲ ပဲခူးတိုင်း ကျောက်ကြီးမြို့နယ်မှာ ဆက်ဆံရေးရုံး ဖွင့်လှစ်လိုက်ပါတယ်။ မြန်မာအစိုးရနဲ့ အပစ်အခတ် ရပ်ဆဲရေး သဘောတူညီမှု ရပြီး နောက်ပိုင်း ပထမဆုံး ဖွင့်တဲ့ ဆက်ဆံရေးရုံး ဖြစ်ပါတယ်။  ဒီရုံးကနေ စစ်ရေး ပဋိပက္ခတွေ ဖြေရှင်းဖို့ နောက် အိုးအိမ်စွန့်ခွာ ထွက်ပြေး နေရတဲ့ ရွာပုန်းရွာရှောင် ကရင်ပြည်သူတွေကို ပြန်လည်ထူထောင်ရေး လုပ်ငန်းတွေ လုပ်ဆောင် မယ်လို့လည်း ကေအန်ယူက ဆိုပါတယ်။

မြန်မာ အစိုးရနဲ့ ပြည်ထောင်စု အဆင့် ဆွေးနွေးပွဲတွေ လုပ်ဆောင်ဖို့ ရန်ကုန်ကို ရောက်ရှိလာတဲ့ ကရင့်အမျိုးသား အစည်းအရုံး ကေအန်ယူက ပဲခူးတိုင်း ညောင်လေးပင် ခရိုင် အတွင်းက ကျောက်ကြီး မြို့နယ်မှာ ပထမဆုံး ဆက်ဆံရေးရုံးကို တနလာင်္နေ့မှာ ဖွင့်လှစ်လိုက်ပါတယ်။ ကေအန်ယူရဲ့ အထွေထွေ အတွင်းရေးမှူး နော်စီဖိုးရာစိန် သွားရောက်ဖွင့်လှစ်ခဲ့တာလည်း ဖြစ်ပါတယ်။ ဒီဆက်ဆံရေးရုံးကို ကေအန်ယူ တပ်မဟာ ၃ က တာဝန်ယူသွားမှာ ဖြစ်တယ်လို့ ကေအန်ယူ ကိုယ်စားလှယ် အဖွဲ့ရဲ့  ပြန်ကြားရေး တာဝန်ခံ နော်မေဦး ကပြောပါတယ်။

“ပဲခူးတိုင်း ကျောက်ကြီးမြို့ မှာ ဆက်ဆံရေး ရုံးပေါ့နော်။ ကေအန်ယူ နဲ့ မြန်မာ အစိုးရ ဆက်ဆံရေး ရုံးကို ကျမတို့ သွားပြီး ဖွင့်လှစ်တာ ဖြစ်ပါတယ်။ နောက် ခရီးစဉ် တစ်ခုကတော့ ပြည်တွင်း ဌာနေမဲ့ ပြည်သူ လူထုများ နေရပ်ဒေသ ကို သွားဖို့ပေါ့လေ။ ဒီကျောက်ကြီး သုံးနာရီ အကွာအဝေး မူပယ် ဆိုတဲ့ နေရာ ကို သွားဖို့ ကျမတို့ အစီအစဉ် ရှိပါတယ်။ ပြည်တွင်း ဌာနေမဲ့ ပြည်သူ လူထုတွေ ရဲ့ အခြေအနေနဲ့ အဲဒီမှာ လူမှုရေး ရုံးတစ်ရုံး ဖွင့်ဖို့ အတွက် ဖြစ်ပါတယ်။”

ဧပြီလ ၇ရက်နေ့က မြန်မာ အစိုးရနဲ့ အပစ်အခတ် ရပ်ဆဲရေး သဘောတူညီမှု နောက်ပိုင်း ဖွင့်လှစ်တဲ့ ဒီဆက်ဆံရေးရုံး တွေကနေ ကနေ ပဲခူးတိုင်းအတွင်း စစ်ရှောင်နေရတဲ့ ရွာပုန်းရွာရှောင် ကရင် ပြည်သူတွေ ထဲက လူဦးရေ ၂ ထောင်လောက်ကို အစဦး လုပ်ငန်းအနေနဲ့ ပြန်လည်ထူထောင်ရေး လုပ်ဆောင်သွားဖို့ ရှိပါတယ်။ မြန်မာ အစိုးရနဲ့ ကေအန်ယူ တပ်စခန်းတွေ ရှိနေတဲ့ ပဲခူးတိုင်း အတွင်းက ဒေသခံတွေ  လူမှုဘ၀ လုံခြုံရေး အတွက် မိုင်းတွေ ရှင်းဖို့ ၊ စားနပ်ရိက္ခာလုံလောက်ဖို့ စတာတွေကို စမ်းသပ် လုပ်ဆောင် သွားမယ် လို့လည်း ဆိုပါတယ်။

“စစ်ရေးရာ နဲ့ ပတ်သက်ပြီးတော့ ပဋိပက္ခတွေ တတ်နိုင်သမျှ မရှိအောင်လို့လေ မဖြစ်အောင်လို့ ပေါ့လေ၊ မဖြစ်အောင်လို့၊ စစ်ရေးရာဖက်မှာ အဲဒီ ကိစ္စတွေကို ကိုင်တွယ်ဖို့ အောက်ခြေ တပ်သားတွေ အထိ နားလည်မှု ပေးနိုင်အောင် လို့ ဆက်သွယ်ရေးတွေ ကောင်းမွန်လာအောင်လို့ ကျမတို့ လုပ်ဖို့ ရှိတယ်။ နောက်တစ်ခုက ကျတော့ ညောင်လေးပင် ခရိုင်၊ ကျောက်ကြီး ဒေသဘက်မှာ ကျတော့ ပြည်တွင်း ဌာနေမဲ့ ပြည်သူလူထု တွေ အများကြီးဘဲ ရှိတယ်။ အဲဒီ အနီးနား ပတ်ဝန်းကျင်တွေမှာ။ အဲဒီ လူထုတွေ အတွက်ကို လူထု၊ လူမှု ရေး အကူအညီတွေ ပေးနိုင်တဲ့ လုပ်ငန်းမျိုး တွေ လုပ်နိုင်ဖို့ အတွက်၊ ဒါ စစ်ဘေး စစ်ဒဏ် ခံနေရတဲ့ ပြည်သူလူထု တွေ ဖြစ်တယ်။ သူတို့ တွေကို ပြန်ပြီးတော့ သူတို့ ဘဝ ပြန်လည် ထူထောင် နိုင်ဖို့ လုပ်ငန်းတွေ ကို လုပ်နိုင်ဖို့ အတွက် ကို ဒီ ဆက်ဆံရေး ရုံးက နေပြီးတော့ ပူးတွဲ တာဝန် ယူသွားမှာ ဖြစ်ပါတယ်။”

မြန်မာ အစိုးရနဲ့ အပစ်အခတ် ရပ်ဆဲရေး သဘောတူညီချက် အရ ကေအန်ယူက ဆက်ဆံရေးရုံးတွေ ဆက်ပြီး ဖွင့်လှစ်သွားဖို့လည်း ရှိနေတာပါ။ ဒီလုပ်ငန်းစဉ်တွေက အပစ်အခတ် ရပ်ဆဲရေးသဘောတူညီချက် ဘယ်လောက် ထိရောက် အောင်မြင်သလဲ ဆိုတာကိုလည်း စမ်းသပ်လုပ်ဆောင်ကြည့်တာ ဖြစ်တယ်လို့လည်း နော်မေဦးက ပြောပါတယ်။

“အပစ်အခတ် ရပ်စဲရေး ကာလမှာ အပစ်အခတ် ရပ်စဲရေး ဘယ်လောက် အထိ အနှစ်သာရ ဟာ ဘယ်လောက် အထိ ဘယ်လောက် အထိ အကောင်အထည် ဖော်နိုင်သလဲ။ ပြည်သူအတွက် ဘယ်လောက် အထိ အနှစ်သာရ ရှိတဲ့ အပစ်အခတ် ရပ်စဲရေးမျိုး ဘယ်လောက် အထိ ဖြစ်သလဲ ဆိုတာကို ကျမတို့ စမ်းသပ်တဲ့ လုပ်ငန်း တစ်ခု ဘဲ ဖြစ်ပါတယ်။ ဒီလုပ်ငန်းမှာ ကျမ တို့ လုပ်စရာတွေ အများကြီး ရှိနေတာက မိုင်းရှင်း ဖို့ အတွက်၊ ပြည်သူလူထု ရဲ့ ဘဝ လုံခြုံမှု ရှိဖို့ အတွက်၊ စားနပ်ရိက္ခာ လုံခြုံမှု ရှိဖို့ အတွက် ဆိုတာက ဒီ အပစ်အခတ် ရပ်စဲရေးဟာ အပစ်အခတ် ရပ်စဲရေး ဟာ ဘယ်လောက် အထိ အာမခံ သလဲ ဆိုတာ စမ်းသပ်ဖို့ အတွက် လုပ်တဲ့ လုပ်ငန်းမျိုး ဖြစ်ပါတယ်။ လူဦးရေး နှစ်ထောင်လောက် ကိုဘဲ လောလောဆယ် မှာ ပထမဦး ဆုံး ပရောဂျက် (Project) အနေနဲ့ လုပ်ငန်း တစ်ခု အနေနဲ့ ကျမတို့ လျာထားတာ ဖြစ်ပါတယ်။”

မနက်ဖြန် အင်္ဂါနေ့မှာတော့ ကေအန်ယူ ကိုယ်စားလှယ် အဖွဲ့ဟာ ပဲခူးတိုင်းဒေသကြီး အစိုးရနဲ့ ဆက်ဆံရေး ရုံးတွေ ကိစ္စ ဆွေးနွေးဖို့လည်း ရှိနေပါတယ်။

ကရင့်အမျိုးသား အစည်းအရုံး ကေအန်ယူရဲ့ အထွေထွေ အတွင်းရေးမှူး နော်စီဖိုးရာစိန် ဦးဆောင်တဲ့ ကိုယ်စားလှယ် အဖွဲ့ဟာ မြန်မာ အစိုးရရဲ့ ပြည်ထောင်စု အဆင့် ငြိမ်းချမ်းရေး ကိုယ်စားလှယ်တွေဖြစ်တဲ့ ပြည်ထောင်စု ၀န်ကြီး ဦးအောင်မင်း၊ ဦးစိုးသိန်းတို့နဲ့ အပစ်အခတ် ရပ်ဆဲရေး သဘောတူညီချက်ကို ဧပြီလ ၇ ရက်နေ့က ရန်ကုန်မှာ ဆွေးနွေးခဲ့ကြပါတယ်။ သမ္မတ ဦးသိန်းစိန်နဲ့လည်း တွေ့ဆုံပြီး ကေအန်ယူကို မတရား အသင်းကြေညာထားတာကို ပြန်ရုပ်သိမ်းဖို့ ကေအန်ယူဘက်က တိုက်တွန်းခဲ့ပါတယ်။ ကေအန်ယူ ကိုယ်စားလှယ် အဖွဲ့က အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နဲ့လည်း တနင်္ဂနွေနေ့က တွေ့ဆုံခဲ့ပါတယ်။