09.04.2012 နေ့ဖတ်ရန်သတင်းများ

by Myanmar Journal on Tuesday, April 10, 2012 at 5:33am ·

အီစတာပွဲတော်နေ့ ပုပ်ရဟန်းမင်းကြီး တရားဟော

လူတွေဟာ ကောင်းမှုနဲ့ မကောင်းမှုကို ခွဲမရ ဖြစ်နေ ကြတယ်လို့ ပုပ်ရဟန်းမင်းကြီးပြော

ခရစ်ယာန် ဘာသာဝင်တို့ရဲ့ အီစတာ ပွဲတော်ကို အီတလီနိုင်ငံ ရောမမြို့မှာ ပုပ်ရဟန်းမင်းကြီး ဘန်နာဒစ်က ကျင်းပပေးခဲ့ပြီး လူထုကြီးကို တရား ဟောကြားခဲ့ပါတယ်။

ပုပ်ရဟန်းမင်းကြီးက လူသားတွေဟာ အမှောင်ထဲမှာ စမ်းတဝါးဝါး သွားနေကြပြီး၊ မကောင်းမှုနဲ့ ကောင်းမှုကို ခွဲခြားမရဖြစ်နေကြ တဲ့အတွက် စိုးရိမ်ကြောင်း ဖေါ်ပြ ဟောကြား သွားပါတယ်။

ဘုရားသခင်ကို မမြင်နိုင်အောင် အမှောင်တရားက ဖုံးလွှမ်းနေပြီး၊ ဘုရားသခင်ရဲ့ တန်ဖိုးတွေ မှေးမှိန်နေတာဟာ လူသားတွေတည်ရှိမှုနဲ့ ကမ္ဘာကြီးအတွက် တကယ့် ခြိမ်းခြောက်မှုတွေ ဖြစ်တယ်လို့ ပုပ်ရဟန်းမင်းကြီး မိန့်ကြားသွားပါတယ်။

ပုပ်ရဟန်းမင်းကြီးဟာ ဒီလထဲမှာ သက်တော် ၈၅ နှစ်ပြည့်တော့မှာ ဖြစ်ပါတယ်။

ဒီအတွက် ပုပ်ရဟန်းမင်းကြီး ပင်ပန်းနွမ်းနယ်မှာကို စိုးတဲ့အတွက် အခမ်းအနားကို ပုံမှန် ကျင်းပချိန်ထက် နာရီ အနည်းငယ် တင်ကြို ကျင်းပခဲ့ပါတယ်။

နှောင့်ယှက်ခံခဲ့ရတဲ့ ဝက်ဘ်ဆိုဒ် စာမျက်နှာဗြိတိန် ပြည်ထဲရေး ဌာန ဝက်ဘ်ဆိုဒ်ကို နှောင့်ယှက်ခံရ

ဗြိတိန် ပြည်ထဲရေး ဝန်ကြီး ဌာနရဲ့ ဝက်ဘ်ဆိုဒ် ကို ကွန်ပြူတာ ဟက်ကာ တွေက ဝင်ရောက် နှောင့်ယှက်ခဲ့တယ် ဆိုတဲ့ သတင်းတွေ ကို စုံစမ်း စစ်ဆေးနေတယ်လို့ ပြည်ထဲရေး ဝန်ကြီး ဌာနက ပြောပါတယ်။

စနေနေ့ အနှောင်းပိုင်းမှာ အဲဒီ ဝက်ဘ်ဆိုဒ်ကို တက်ကြည့်သူတွေကို လောလောဆယ် ဝက်ဘ်ဆိုဒ် ကြည့်သူတွေ များတဲ့ အတွက် ကြည့်လို့ မရနိုင်ကြောင်း ဖော်ပြထားတယ်လို့ ဆိုပါတယ်။ ဒါဟာ ဝက်ဘ်ဆိုဒ် ကို နှောင့်ယှက် ခံရတဲ့ သဘောဖြစ်တယ်လို့ လဲဆိုပါတယ်။

တွစ်တာ လူထု ကွန်ယက် ပေါ်မှာတော့ အမည်မသိလို့ ခေါ်တဲ့ ဟက်ကာ အဖွဲ့တခုက ဒါဟာ ဗြိတိသျှ အစိုးရရဲ့ အင်တာနက် နဲ့ ပတ်သက်လို့ စောင့်ကြည့် လေ့လာ မှုတွေ လုပ်ဖို့ စီစဉ် နေတာတွေကို ဆန့်ကျင်တဲ့ အနေနဲ့ လုပ်လိုက်တာ ဖြစ်တယ်ဆိုပြီး သတင်းစကား တခု ထွက်လာပါတယ်။

ဆီးရီးယား အတိုက်အခံ တပ်ဖွဲ့ဝင်များဆီးရီးယား အစိုးရတပ်တွေရဲ့ တိုက်ခိုက်မှု မြင့်တက်လာ

ဆီးရီးယား နိုင်ငံမှာ အပစ်အခတ် ရပ်ဆဲဖို့ နောက်ဆုံး သတ်မှတ်ချိန် နီးကပ်လာတာ နဲ့အမျှ အစိုးရတပ်တွေက ပိုမို ပြင်းထန်စွာ တိုက်ခိုက် လာနေတဲ့ အတွက် လူပေါင်း ၁၆၀ လောက် သေဆုံး ခဲ့ရတယ်လို့ အတိုက်အခံ တွေဘက်က ပြောပါတယ်။

ဟာမ ပြည်နယ်က လတ်တမ်နာ မြို့ကို တိုက်ခိုက်ခဲ့ တဲ့အတွက် လူပေါင်း ၄၀ ကျော်သေဆုံး ခဲ့ရတယ်လို့ လဲ သတင်းရရှိ ပါတယ်။ ဟွမ်းစ်မြို့က ထွက်လာတဲ့ ဗီဒီယို သတင်း တခုမှာတော့ လူပေါင်း ၁၃ ဉီးလောက်ကို သတ်ဖြတ် ထားတာကို တွေ့ရပါတယ်။

အဲဒီက ဒေသခံ တယောက်ကလဲ သူမ နေထိုင်တဲ့ ရပ်ကွက် အတွင်းမှာ သံချပ်ကာ ကားတွေနဲ့ လက်နက် ကိုင်တွေက အရပ်သား ပြည်သူ တွေကို အပြင်းအထန် တိုက်ခိုက်နေ တာကို တွေ့ရတယ်လို့ ပြောပါတယ်။

ဆီးရီးယား နိုင်ငံ ဆိုင်ရာ အမေရိကန် သံအမတ် ကြီးကတော့ အာဏာပိုင် တွေအနေနဲ့ သူတို့ကို ကမ္ဘာက စောင့်ကြည့်နေတယ် ဆိုတာကို သတိရဖို့ လိုကြောင်း ပြောလိုက်ပါတယ်။

ဆီးရီးယားမှာတိုက်ပွဲများဆက်ဖြစ်အတိုက်အခံအဖွဲ့တွေရုပ်သိမ်းရေးအာမခံချက် ဆီးရီးယားလိုလား

ဆီးရီးယားမှာ အကြမ်းဖက်မှုတွေ ရပ်စဲဖို့အတွက် နိုင်ငံတကာက နောက်ဆုံး သတ်မှတ်ချက် အချိန်ပေးထားတဲ့ လာမယ့် အင်္ဂါနေ့ရောက်ဖို့ ၂ ရက်ပဲ လိုတော့တဲ့အချိန်မှာဆီးရီးယား အစိုးရက မြို့ကြီး မြို့ငယ်တွေမှာ ရှိတဲ့ အစိုးရတပ်ဖွဲ့ဝင်တွေကို အခုအချိန်မှာ ပြန်ရုပ်ဖို့ ဆန္ဒမရှိဘူးလို့ ကြေညာ လိုက်ပါတယ်။

ဆီးရီးယား နိုင်ငံမှာ အတိုက်အခံတပ်ဖွဲ့တွေ ရုပ်သိမ်းပေး ပါ့မယ် ဆိုတဲ့ စာနဲ့ရေးသား ကတိပြုချက်ကို ဆီးရီးယား အစိုးရက သူ့တပ်ဖွဲ့တွေ မရုပ်သိမ်းခင် အလိုရှိနေတယ်လို့ ထုတ်ဖေါ် ပြောလိုက်ပါတယ်။

အတိုက်အခံ လက်နက်ကိုင် အဖွဲ့တွေဘက်က အကြမ်းဖက်တိုက်ခိုက်နေမှုတွေ ရပ်ဆိုင်းပါ့မယ် ဆိုတဲ့ စာနဲ့ ရေးသားထားတဲ့ ခံဝန်ချက်မျိုးကို ငြိမ်းချမ်းရေး ကြားဝင် စေ့စပ်ပေးနေတဲ့ အထူးကိုယ်စားလှယ် ကိုဖီအာနန်ဆီက သူတို့ မရသေးဘူးလို့ ဆီးရီးယား အစိုးရက ပြောပါတယ်။ဆီးရီးယားနိုင်ငံမှာ အပစ်အခတ်ရပ်ဆိုင်းဖို့ ကြားဝင် စေ့စပ်ပေးနေတဲ့ ကုလသမဂ္ဂနဲ့ အာရပ်နိုင်ငံများ အဖွဲ့ချုပ် ငြိမ်းချမ်းရေး ကိုယ်စားလှယ် အဖွဲ့က သတ်မှတ်ထားတဲ့ နောက်ဆုံး နေ့ရက် မရောက်ခင် ၂ရက်အလိုမှာပဲ ဆီးရီးယား အစိုးရက အခုလို ကြေညာချက် ထုတ်ပြန်လိုက်တာပါ။သူပုန်တပ်ဖွဲ့တွေဘက်ကတော့ ဆီးရီးယား အစိုးရကို အသိအမှတ် မပြုတဲ့အတွက် အစိုးရရဲ့ တောင်းဆိုချက်ကို အာမမခံနိုင်ဘူး၊ မစ္စတာ ကိုဖီအာနန်ရဲ့ ငြိမ်းချမ်းရေး အစီအစဉ် ကို အစိုးရက မလိုက်နာဘူးဆိုရင် သူတို့ လက်နက်ချမှာ မဟုတ်ဘူးလို့ ဆီးရီးယား လွတ်မြောက်ရေး သူပုန်တပ်ဖွဲ့ အကြီးအကဲက ပြောပါတယ်။

မစ္စတာအာနန်ရဲ့ အချက် ၆ချက်ပါ ငြိမ်းချမ်းရေး အစီအစဉ်အရ ဧပြီလ ၁၂ရက်နေ့မှာ သက်ဆိုင်ရာ တပ်ဖွဲ့တွေအားလုံး အကြမ်းဖက် တိုက်ခိုက်နေမှုတွေ ရပ်ဆိုင်းကြရမှာ ဖြစ်ပါတယ်။

ဒါကိုကြည့်ခြင်းအားဖြင့် ဆီးရီးယားအစိုးရအနေနဲ့ အတိုက်အခံအဖွဲ့တွေနဲ့ တန်းတူ အပစ်အခတ်ရပ်စဲရေးသဘေယတူချက်တွေလုပ်ပြီးဆွေးနွေးပြောဆိုယ့်အစား အတိုက်အခံတပ်ဖွဲ့တွေလုံးဝ လက်နက်ချတာမျိုး လိုလားတာထင်ရှားတယ်လို့ လက်ဘနွန်နိုင်ငံရှိ ဘီဘီစီသတင်းထောက် ဂျင်မီးယားကသတင်းပေးပို့ထားပါတယ်။

ရွေးကောက်ပွဲ စောင့်ကြည့်ရေး ကွန်ယက် အစီရင်ခံစာ ထုတ်ပြန်

မဲစာရင်းမှာ မပါလို့ တိုင်တန်းတာတွေကို အများဆုံး တွေ့ရကြောင်း ဖေါ်ပြထား

မြန်မာနိုင်ငံမှာ ဧပြီလ ၁ ရက်နေ့က ကျင်းပခဲ့တဲ့ ကြားဖြတ် ရွေးကောက်ပွဲနဲ့ ပတ်သက်တဲ့ အစီရင် ခံစာ အမှတ် ( ၁ )ကို ၈၈ မျိုးဆက်ကျောင်းသား တွေ ပါဝင်တဲ့ ရွေးကောက်ပွဲ စောင့်ကြည့်လေ့လာ ရေး ကွန်ယက်က စနေနေ့မှာ ထုတ်ပြန်လိုက် ပါတယ်။

ပြီးခဲ့တဲ့ ၂၀၁၀ ရွေးကောက်ပွဲနဲ့ နှိုင်းယှဉ်ရင် အခု ကြားဖြတ် ရွေးကောက်ပွဲဟာ အများကြီး လွတ်လပ် မျှတတယ်လို့ သုံးသပ်ထားကြောင်း ကွန်ယက်ကို ဦးဆောင် လုပ်ခဲ့သူ ၈၈ မျိုးဆက် ကျောင်းသား ခေါင်းဆောင် တဦးဖြစ်တဲ့ ဦးကိုကိုကြီးက ဘီဘီစီကို ပြောပါတယ်။

ရွေးကောက်ပွဲကော်မရှင် အနေနဲ့ကတော့ ဘယ်ပါတီနဲ့မှ မပတ်သက်တဲ့ သီးခြား လွတ်လပ်တဲ့ အဖွဲ့အစည်းမျိုး ဖြစ်သင့်တယ် လို့လည်း ဦးကိုကိုကြီးက ပြောပါတယ်။

အခုလက်ရှိ အများအမြင်မှာတော့ ရွေးကောက်ပွဲကော်မရှင်ဟာ အာဏာရပါတီအပါအဝင် သက်ဆိုင်ရာ အုပ်ချုပ်မှု အဖွဲ့အစည်းတွေနဲ့ လုံးထွေးနေတယ်လို့ ယူဆနေကြတဲ့အတွက် ရွေးကောက်ပွဲ ဖေါ်ဆောင်ရာမှာ အမြင် မရှင်းတာတွေ တွေ့ရတယ်လို့ သုံးသပ်ထားကြောင်း ကိုလည်း သူက ဆိုပါတယ်။

အခုရွေးကောက်ပွဲမှာ မဲပေးနိုင်တဲ့ စာရင်းမှာ မပါလို့ တိုင်တန်းတာတွေကို အများဆုံး တွေ့ရကြောင်း ဖေါ်ပြထားပါတယ်။

ဒီအတွက် နောင်လာမယ့် ရွေးကောက်ပွဲတွေမှာ မဲစာရင်းပြုစုတဲ့အခါ လွတ်လပ်တဲ့ နိုင်ငံသားတွေပါ ပူးပေါင်းပါဝင်တဲ့ သမာသမတ်ကျတဲ့ မဲစာရင်းပြုစုမှုမျိုး ဖြစ်ဖို့အတွက် မျှော်လင့်ထားကြောင်း ဦးကိုကိုကြီးက ပြောပါတယ်။

နောက်ပြီး မဲဆန္ဒရှင်တွေ၊ ပါတီကိုယ်စားလှယ်တွေနဲ့ မဲရုံကြီးကြပ်သူတွေကအစ သက်ဆိုင်ရာ အဖွဲ့အစည်းအသီးသီးကို အခုထက်ပိုပြီး အသိပညာပေးတာ၊ သင်တန်းပေးတာတွေလုပ်ဖို့ လိုကြောင်း သုံးသပ်ထားတယ် လို့ဆိုပါတယ်။

အခု အစီရင်ခံစာဟာ အကြမ်းအားဖြင့် တင်ပြခဲ့တာသာ ဖြစ်ပြီး အချက်အလက် အပြည့်အစုံ ပါဝင်တဲ့ နောက်အစီရင်ခံကို လာမယ့် တလအတွင်း ထုတ်ပြန်ဖို့ ရှိတယ်လို့ သိရပါတယ်။

သမ္မတ ဉီးသိန်းစိန်နဲ့ ကေအန်ယူ ကိုယ်စားလှယ်များမြန်မာ သမ္မတနဲ့ KNU ကိုယ်စားလှယ်တွေ တွေ့ဆုံခဲ့

မြန်မာ နိုင်ငံမှာတော့ KNU ကရင် အမျိုးသား အစည်းအရုံး ငြိမ်းချမ်းရေး ကိုယ်စားလှယ် တွေဟာ သမ္မတ ဉီးသိန်းစိန် နဲ့ ပထမဆုံး အကြိမ် တွေ့ဆုံ ခဲ့ကြပါတယ်။

ဒါဟာ ကမ္ဘာပေါ်မှာ အကြာရှည်ဆုံး စစ်ပွဲတွေ ထဲက တခုကို အဆုံး သတ်နိုင်ဖို့ အတွက် အရေးပါတဲ့ ခြေလှမ်း တရပ်ဖြစ်တယ်လို့ လေ့လာသူ တွေက ရှုမြင် ကြပါတယ်။

KNU ကိုယ်စားလှယ်အဖွဲ့ခေါင်းဆောင် နော် စီဖိုးရာစိန် ကတော့ အခုတွေ့ဆုံမှုမှာ ၂ နာရီ ကြာမြင့်ခဲ့ပြီး နှစ်ဘက်စလုံးက ငြိမ်းချမ်းရေး ရရှိဖို့ အတွက် အပြု သဘော ဆောင်တဲ့ အမြင် တွေကို ဆွေးနွေး ဖလှယ် ခဲ့ကြတယ်လို့ ဘီဘီစီကို ပြောပါတယ်။

သောကြာနေ့ ကတော့ အစိုးရနဲ့ KNU အကြား လတ်တလော ရရှိထားတဲ့ အပစ် အခတ် ရပ်ဆဲ ထားတဲ့ အခြေအနေကနေ တဆင့် အမြဲတမ်း ငြိမ်းချမ်းရေး ရယူနိုင်ဖို့ အတွက် လိုအပ်မဲ့ အချက်တွေကို သဘောတူ ခဲ့ကြပါတယ်။

ကရင် ပြည်နယ် အတွင်း နှစ်ပေါင်း ၆၀ နီးပါးလောက် ဖြစ်နေ ခဲ့တဲ့ စစ်ပွဲ တွေကြောင့် လူထောင်ပေါင်း များစွာဟာ အိုးအိမ် တွေကို စွန့်ခွာပြီး ဘေးလွတ်ဖို့ ထွက်ပြေး ခဲ့ကြရ ပါတယ်။

ဆီးရီးယားငြိမ်းချမ်းရေး Easter နေ့မှာ ပုပ်ရဟန်းမင်းကြီး တောင်းဆို

By ဗွီအိုအေ (မြန်မာဌာန)

• ဒီကနေ့ကျရောက်တဲ့ ယေရှုခရစ်တော် ပြန်လည် ရှင်ပြန် ထမြောက်ခြင်း အီစတာ (Easter) ဘာသာရေးနေ့ အထိမ်းအမှတ် အခမ်းအနား ကျင်းပရာ ဗာတီကန် ဘာသာရေး မြို့တော် (Vertican City) က စိန့်ပီတာရင်ပြင် (St. Peter Square) မှာ ပုပ်ရဟန်းမင်းကြီး ဘန်နဲဒစ် (Benedict) က ရိုမန်ကက်သလစ် ဘာသာဝင် တစ်သိန်း ကျော်ရှိတဲ့ လူစုလူဝေးကြီးကို သြ၀ါဒ မြွက်ကြားရာမှာ ဆီးရီးယားနိုင်ငံက အကြမ်းဖက်မှုတွေ အဆုံးသတ်ရေး၊ အပြန်အလှန် တန်းတူ လေးစားမှုရှိရေးနဲ့ အမျိုးသား ပြန်လည် ရင်ကြားစေ့ရေးတို့ အတွက် တွေ့ဆုံဆွေးနွေး အဖြေရှာရေး ကတိက၀တ် တရပ်ထားရှိဖို့ကို ထည့်သွင်း တောင်းဆိုသွားခဲ့ပါတယ်။

အကြမ်းဖက်မှုတွေကို ပုပ်ရဟန်းမင်းကြီးက ဆန့်ကျင်ရှုတ်ချခဲ့ပြီး ဒီကနေ့မှာပဲ ဖြစ်ပွားခဲ့တဲ့ နိုင်ဂျီးရီးယားက အကြမ်းဖက်ဗုံးခွဲ တိုက်ခိုက်မှုနဲ့ မာလီနိုင်ငံက မပြီးပြတ်သေးတဲ့ စစ်အာဏာသိမ်းမှုတို့ အတွက်လည်း ဆုတောင်းမေတ္တာ ပို့သခဲ့ပါတယ်။ ပုပ်ရဟန်းမင်းကြီးရဲ့ Easter ဘာသာရေးနေ့ အစဉ်အလာ “urbi e orbi” မိန့်မှာချက်ကို ဘာသာစကား ၆၅ မျိုးနဲ့ ထုတ်ပြန်ခဲ့ပါတယ်။

ယေရှုခရစ်တော်ဟာ လက်ဝါးကပ်တိုင်မှာ လက်ဖ၀ါးတွေကို စို့နဲ့ရိုက်သွင်းခံထားရလို့ ကွယ်လွန်သွားပြီး သုံးရက်အကြာမှာ ပြန်လည် ရှင်ပြန် ထမြောက်လာတယ်လို့ ခရစ်ယာန်ဘာသာဝင်တွေက ယုံကြည်ကြပါတယ်။ မနေ့က စနေနေ့ညကလည်း ဂျေရုဆလင်မြို့ Holy Sepulcher ဘုရားရှိခိုးကျောင်း အနီးက ယေရှုခရစ်တော်ကို မြှုပ်နှံခဲ့ရာလို့ ယုံကြည်ကြတဲ့ နေရာမှာ ထောင်ပေါင်းများစွာသော ခရစ်ယာန်ဘာသာဝင်တွေ စုဝေးပြီး ၀တ်ပြု ဆုတောင်းခဲ့ကြပါတယ်။ Eastern Orthodox ခရစ်ယာန်တွေဟာ Easter ဘာသာရေးနေ့ အထိမ်းအမှတ် အခမ်းအနားတွေကို ဧပြီ ၁၅ ရက် နေ့ထိ ဆင်နွှဲကြမှာ ဖြစ်ပါတယ်။

ပါကစ္စတန်သမ္မတ အိန္ဒိယနိုင်ငံရောက်

By ဗွီအိုအေ (မြန်မာဌာန)

• ပြီးခဲ့တဲ့ ၇ နှစ်အတွင်း ပထမဆုံးအကြိမ် ပါကစ္စတန်ခေါင်းဆောင်တစ်ဦး အိန္ဒိယမြေပေါ်ကို ရောက်ရှိလာခြင်းအဖြစ် ပါကစ္စတန်သမ္မတ အဆစ်ဖ်အလီ ဇာဒါရီ (Asif Ali Zardari) ဟာ ဒီကနေ့ နယူးဒေလီမြို့အနီးက ပါလမ်လေတပ်စခန်း (Palam Air Base) ကို ဆိုက်ရောက်လာခဲ့တာမှာ အိန္ဒိယပါလီမန်ရေးရာ ၀န်ကြီး ပါဝမ်ကူမာ ဘန်ဆားလ်(Pawan Kumar Bansal) က ကြိုဆိုခဲ့ပါတယ်။ အဲဒီနောက် သမ္မတ ဇာဒါရီဟာ အိန္ဒိယ၀န်ကြီးချုပ် မန်မိုဟန်ဆင်း (Manmohan Singh) နဲ့အတူ နေ့လည်စာ စားသုံးခဲ့ပါတယ်။

နှစ်နိုင်ငံခေါင်းဆောင် နှစ်ဦး သတင်းထောက်တွေနဲ့ တွေ့ဆုံတာမှာ သမ္မတ ဇာဒါရီက သူနဲ့ ၀န်ကြီးချုပ်ဆင်းတို့ အရေးကြီးတဲ့ နှစ်နိုင်ငံအကျိုးတူကိစ္စရပ်တွေ အားလုံးကို ဆွေးနွေးခဲ့ကြပြီး သူ့အနေနဲ့ ၀န်ကြီးချုပ်ဆင်းလည်း မကြာခင်မှာ ပါကစ္စတန်ကို လာရောက်လိမ့်မယ်လို့ မျှော်လင့်ကြောင်း ပြောကြားသွားခဲ့ပါတယ်။

ဝန်ကြီးချုပ်ဆင်းကလည်း အိန္ဒိယနဲ့ ပါကစ္စတန် နှစ်နိုင်ငံကြားက မတူကွဲပြား ခြားနားနေတဲ့ ကိစ္စရပ်တွေကို ဖြေရှင်းရေးမှာ ငြိမ်းချမ်းတဲ့ နည်းလမ်းတွေကို မလွဲမသွေ ရှာဖွေကြရလိမ့်မယ်လို့ ပြောဆိုခဲ့ပါတယ်။ ၂၀၀၈ ခုနှစ် နိုဝင်ဘာလက အိန္ဒိယနိုင်ငံ မွမ်ဘိုင်းမြို့မှာ ပါကစ္စတန်အခြေစိုက် လက်ရ်ှကာအီးတိုင်ဘာ (LashkarepTaibar) စစ်သွေးကြွ အကြမ်းဖက်အဖွဲ့ရဲ့ တိုက်ခိုက်ခံရပြီးတဲ့နောက်၊ နျူးကလီးယားလက်နက် ပိုင်ဆိုင်ကြတဲ့ အိမ်နီးချင်း အိန္ဒိယနဲ့ ပါကစ္စတန် နှစ်နိုင်ငံဟာ ပုံမှန်ဆက်ဆံရေး ထူထောင်ထားကြဖို့ နည်းလမ်းရှာခဲ့ကြပါတယ်။

ပါကစ္စတန်မြေပေါ်မှာ အကြမ်းဖက် အဖွဲ့အစည်းတွေ လှုပ်ရှားနေမှုအပေါ် ပါကစ္စတန်အစိုးရက အလေးအနက်ထားကြောင်း ပြသဖို့ အိန္ဒိယအစိုးရက တောင်းဆိုထားပြီးတော့၊ ပါကစ္စတန်က ဒီအကြမ်းဖက် အဖွဲ့တွေကြောင့် အိန္ဒိယရဲ့ လုံခြုံရေးကို စိုးရိမ် ပူပန်ကြောင်းကိုလည်း ပြောကြားထားပါတယ်။ အမေရိကန် ၆ ဦးအပါအ၀င် လူ ၁၆၆ ဦး သေဆုံးခဲ့ရတဲ့ မွမ်ဘိုင်းမြို့ တိုက်ခိုက်မှုကို စီစဉ်သူ ပါကစ္စတန်နိုင်ငံသား အစ္စလာမ်မစ် ဟာဖစ်ဇ်ဆာအိဒ် (Islamist Hasif Saeed)ကို ဖမ်းဆီးရမိရေး အမေရိကန်ဒေါ်လာ ၁၀ သန်း ဆုငွေအဖြစ် အမေရိကန်က ပြီးခဲ့တဲ့သီတင်းပတ်က ကြေညာထားပါတယ်။

Easter ဗုံးကွဲမှုကြောင့် နိုင်ဂျီးရီးယားမှာ လူ ၂၀ သေ

By ဗွီအိုအေ (မြန်မာဌာန)

• အီစတာပွဲတော်နေ့ဖြစ်တဲ့ တနင်္ဂနွေနေ့မှာ နိုင်ဂျီးရီးယားနိုင်ငံ မြောက်ပိုင်းက ခရစ်ယာန် ဘုရားကျောင်း တကျောင်းအနီး ကားဗုံးထောင် တိုက်ခိုက်မှု တခုကြောင့် လူ ၂၀ ထက်မနည်း သေဆုံးခဲ့တယ်လို့ အစိုးရတာဝန်ရှိသူတွေက ပြောပါတယ်။ Kaduna မြို့က ဘုရားကျောင်းအနီး စီးပွားရေးလုပ်ငန်းတွေရှိရာ အရပ်မှာ ဗုံးပေါက်ကွဲခဲ့တာလို့ မျက်မြင်တွေ့ရှိသူတွေက ပြောခဲ့ကြတာပါ။

တိုက်ခိုက်မှုဟာ ဘယ်သူ့လက်ချက်လဲ ဆိုတာတော့ အခုအချိန်အထိ ထုတ်ဖော်ပြောဆိုခြင်း မရှိသေးပါဘူး။

တနင်္ဂနွေနေ့နှောင်းပိုင်းမှာပဲ နိုင်ငံအလယ်ပိုင်းမှာရှိတဲ့ Jos မြို့မှာ နောက်ထပ် ဗုံးပေါက်ကွဲမှုတခု ဖြစ်ပွားခဲ့တာကြောင့် လူအများအပြား ထိခိုက်ဒဏ်ရာတွေ ရခဲ့ကြပေမဲ့ အသေးစိတ် အခြေအနေကိုတော့ မသိရသေးပါဘူး။ ခရစ်ယာန်ဘာသာဝင်တွေရဲ့ နေ့ထူးနေ့မြတ်အဖြစ် နှစ်စဉ် အီစတာ ပွဲတော် ကျင်းပချိန်မှာ တိုက်ခိုက်မှုတွေ ဖြစ်ပွားနိုင်တယ်လို့ အနောက်နိုင်ငံ သံတမန်တွေ သတိပေးနေချိန်မှာပဲ အကြမ်းဖက်မှုနဲ့ ကြုံခဲ့ရတာပါ။

နိုင်ဂျီးရီးယားနိုင်ငံမှာ ပြီးခဲ့တဲ့ ခရစ်စမတ် ကာလမှာတုန်းကလည်း မြို့တော် Abuja အနီးမှာရှိတဲ့ ကက်သလစ် ခရစ်ယာန်ဘုရားကျောင်း တကျောင်း အပါအ၀င် ဗုံးခွဲတိုက်ခိုက်မှု ၄ ခုမှာ လူအနည်းဆုံး ၄၄ ယောက်အထိ သေဆုံးခဲ့ရတာ ဖြစ်ပါတယ်။ တပြိုင်နက်တည်းနီးပါး စီစဉ်တိုက်ခိုက်မှုတွေအဖြစ် တွေ့ရတဲ့ ဒီအကြမ်းဖက်မှုတွေကိုတော့ နိုင်ဂျီးရီးယားနိုင်ငံမှာရှိတဲ့ အစွန်းရောက်အုပ်စု Boko Haram က သူတို့လက်ချက်လို့ ကြေညာခဲ့ပါတယ်။

ဆီးရီးယားအစိုးရနဲ့ သူပုန်ကြား အပစ်ရပ်နိုင်ဖို့ မသေချာ

By ဗွီအိုအေ (မြန်မာဌာန)

• ဆီးရီးယား သမ္မတ ဘက်ရှာအယ်လ်အာဆဒ် အစိုးရက နောက်ဆုံးအချိန်မှကပ်ပြီး တောင်းဆိုလိုက်တဲ့ တောင်းဆိုချက်ကို နိုင်ငံအတွင်း အဓိကသူပုန်အဖွဲ့က ငြင်းပယ်လိုက်တဲ့အတွက် သွေးထွက်သံယိုမှုတွေ ရပ်စဲရေး ကြိုးပမ်းပေးနေတဲ့ ကုလသမဂ္ဂ ငြိမ်းချမ်းရေးသံတမန် မစ္စတာကိုဖီအာနန် အတွက် အခက်ကြုံနေရပါတယ်။ ဆီးရီးယား အစိုးရတပ်ဖွဲ့တွေ မြို့တွေကနေ ပြန်လည်ဆုတ်ခွာမှု မစတင်ခင် သူပုန်အဖွဲ့တွေ ဘက်က တိုက်ခိုက်မှုတွေ ရပ်စဲပါမယ်ဆိုတဲ့ ခိုင်မာတဲ့ စာနဲ့ ရေးသားထားတဲ့ အာမခံချက် လိုချင်ကြောင်း အစိုးရကတောင်းဆိုခဲ့တာပါ။

ဆီးရီးယားလွတ်မြောက်ရေးတပ်ဖွဲ့ လို့ခေါ်တဲ့ သူပုန်တပ်ဖွဲ့ခေါင်းဆောင် ရီယက် အာဆဒ်က သူ့အဖွဲ့အနေနဲ့ ဧပြီလ ၁၀ ရက်နေ့မှာ အပစ်ခတ် ရပ်စဲရမယ်ဆိုတဲ့ သဘောတူညီချက်ကို လေးစားလိုက်နာဖို့ အဆင်သင့် ရှိနေကြောင်း၊ ဒါပေမဲ့ လက်နက်ချတာမျိုးတော့ လုပ်မှာမဟုတ်ဘူးလို့ တနင်္ဂနွေနေ့မှာ ပြောဆိုလိုက်ပါတယ်။

ဇန်န၀ါရီလအတွင်း အာရပ်အဖွဲ့ချုပ်ရဲ့ လေ့လာစောင့်ကြည့်သူတွေ ရောက်ရှိနေစဉ်ဖြစ်ခဲ့တဲ့ အဖြစ်အပျက်မျိုး နောက်တခါ ထပ်အဖြစ်ခံမှာ မဟုတ်ဘူးလို့ နိုင်ငံခြားရေးဝန်ကြီးဌာန ပြောခွင့်ရသူ ဂျီဟတ် မာဒက်ဆီက ပြောပါတယ်။ အဲဒီတုန်းက အစိုးရတပ်တွေ ရုပ်သိမ်းပေးလိုက်တာကနေ သူပုန်တပ်တွေ လက်နက် ပြန်တပ်ဆင်ပြီး အနီးဝန်းကျင် အရပ်တွေကို ထိန်းချုပ်တာကို တွေ့ခဲ့ရတယ်လို့ သူကပြောပါတယ်။

ဒီအတောအတွင်း မကြာခင်က ဆီးရီးယားမြို့တွေ ကျေးရွာတွေမှာ ဖြစ်ခဲ့တဲ့ အကြမ်းဖက်မှုတွေ ရက်စက်မှုတွေကို သိလိုက်ရတဲ့အတွက် အထိတ်တလန့် ဖြစ်ခဲ့ရကြောင်း အာရပ်အဖွဲ့ချုပ်နဲ့ ကုလသမဂ္ဂ ငြိမ်းချမ်းရေး သံတမန် မစ္စတာ ကိုဖီအာနန်က ပြောဆိုပါတယ်။

ဆီးရီးယားနိုင်ငံတ၀ှမ်းမှာ လူပေါင်း ၁၃၀ လောက် သေဆုံးခဲ့ရပြီး သေဆုံးသူအများစုဟာ အရပ်သားတွေ ဖြစ်ကြောင်း အဓိက ဆီးရီးယားအတိုက်ခံ အဖွဲ့က ကြေညာချက် ထုတ်ပြန်ခဲ့အပြီး နောက်တရက်မှာ မစ္စတာ ကိုဖီအာနန်ရဲ့ မှတ်ချက် ထွက်ပေါ်လာတာ ဖြစ်ပါတယ်။