07.04.2012 နေ့ဖတ်ရန်သတင်းများ

by Myanmar Journal on Saturday, April 7, 2012 at 7:42am ·

ကိုလန်ဘီယာသူပုန်တွေကို လက်နက်ရောင်းဖို့ ကြံစည်မှုနဲ့ ပြစ်ဒဏ် ချခံရတာ ဖြစ်လက်နက်မှောင်ခို ရုရှားတဦးကို အမေရိကန်မှာ ပြစ်ဒဏ်ချ

အမေရိကန် တရားရုံးတခုကနေ ရုရှားလူမျိုး လက်နက်ရောင်းသူ တဦးကို ထောင်ဒဏ် ၂၅ နှစ်ပြစ်ဒဏ်ချမှတ်လိုက်တဲ့အပေါ် ရုရှားနိုင်ငံက ပြစ်တင် ဝေဖန်လိုက်ပါတယ်။

အဲဒီသူဟာ ကမ္ဘာပေါ် မှာ တရားမဝင် လက်နက်ရောင်းချနေတဲ့ ဗစ်ခ်တာ ဘု(တ်) ဆိုသူ ဖြစ်ပြီး၊ သူဟာ မြေပြင်ကနေ ဝေဟင်ပစ် ဒုံးကျည်တွေ အပါအဝင် လက်နက်တွေကို ကိုလန်ဘီယာ သူပုန်တွေ အတွက် ရောင်းချဖို့ လျှို့ဝှက် ကြံစည်မှုနဲ့ ပြစ်ဒဏ် ချခံရတာ ဖြစ်ပါတယ်။

အမေရိကန် အစိုးရ ရှေ့နေတွေကတော့ သူဟာ အမေရိကန် ပြည်ထောင်စုကို ခြိမ်းခြောက် နေသူ တဦး ဖြစ်တယ်လို့ ပြောပါတယ်။ အခု သူရောင်းချမယ့် ဒီလက်နက်တွေဟာ အမေရိကန်တွေကို သတ်ဖြတ်ဖို့ ဖြစ်နိုင်တယ်လို့ ရှေ့နေတွေက ပြောပါတယ်။

ရုရှား အစိုးရ ဘက်ကတော့ ဒါဟာ နိုင်ငံရေး အရ လုပ်ဆောင်မှုလို့ ပြောဆိုရှုတ်ချလိုက်ပြီး ဒီကိစ္စဟာ နှစ်နိုင်ငံ ဆက်ဆံရေးမှာ ဉီးစား ပေး စရာ ဖြစ်လာလိမ့်မယ်လို့ လည်း ပြောပါတယ်။ ရရှား အစိုးရဘက် ကတော့ မစ္စတာ ဘု(ျှတ်)ရဲ့ ပစ်ဒဏ် ကို ရုရှား နိုင်ငံဆီ လွှဲပြောင်းပြီး အဲဒီမှာ ပြစ်ဒဏ် ကျခံစေဖို့ ကြိုးစားကောင်း ကြိုးစားနိုင် ပါတယ်။

မစ္စတာ ဘု(တ်) ဟာ ဆိုဗီယက် ပြည်ထောင်စု ခေတ်က အရာရှိဟောင်း တစ်ယောက် ဖြစ်ပြီး ၁၉၉၀ ပြည့်လွန်နှစ်တွေ ကာလကတည်းက လက်နက် အရောင်းအဝယ် ကိစ္စတွေနဲ့ ပတ်သက်တယ် ဆိုပြီး သင်္ကာ မကင်း ဖြစ်ခံခဲ့ရ တာပါ။ သူကတော့ အပြစ် မရှိကြောင်း ငြင်းဆိုခဲ့ ပါတယ်။

ဒါပေမဲ့ ရုရှား နိုင်ငံသား ဖြစ်တဲ့ ဗစ်တာ ဘု(တ်)ဟာ လွန်ခဲ့တဲ့ ၂၀၀၈ ခုနှစ် က ထိုင်းနိုင်ငံ ဘန်ကောက် မြို့တော်မှာ ဖမ်းဆီး ခံခဲ့ရပြီးတဲ့နောက် မနှစ်ကမှ သူ့မှာ အပြစ်ရှိတယ်ဆိုပြီး ထွက်ပေါ်လာခဲ့တာပါ။

သူ့ ရှေ့နေက ပြင်ဆင်ဖို့ အချိန် ပိုရအောင် ကြိုးပမ်းခဲ့တာကြောင့် သူ့ကို ပစ်ဒဏ် ချဖို့ အရေး နှစ်ကြိမ်တိုင် နှောင့်နှေး ခဲ့ရ ပါတယ်။ သူ့ရှေ့နေက တဘက်က တရားလို ဖြစ်တဲ့ အစိုးရ ရှေ့နေတွေရဲ့ လုပ်ရပ်ဟာ ရုရှား နိုင်ငံကို ထွက် ပေါက် မရှိအောင်လုပ်တဲ့ လက်ခံနိုင်စရာ မရှိတဲ့ အစိုးရ အပြု အမူလို့ စွပ်စွဲ ပြောဆိုခဲ့ပါတယ်။

တရားသူကြီး Shira Scheindlin က ၂၅ နှစ် ဆိုတဲ့ ပြစ်ဒဏ်ဟာ မစ္စတာ ဘု(တ်) ကျူးလွန်ခဲ့တဲ့ ပြစ်မှုတွေ အတွက် သင့်တော်တဲ့ ပြစ်ဒဏ်ပဲလို့ ပြောပါတယ်။ ဒဏ်ကြေးငွေ ဒေါ်လာ ၁၅ သန်း ပေးဆောင်ဖို့လည်း အမိန့် ချမှတ် ပါတယ်။ မစ္စတာ ဘု(တ်)ရဲ့ ရှေ့နေ Albert Dayan ကတော့ မစ္စတာ ဘု(တ်)မှာ အပြစ် မရှိကြောင်း အယူခံ ဝင်သွားမယ်လို့ ပြော ပါတယ်။

ကြံ့ခိုင်ရေး ပါတီ ကိုယ်စားလှယ်လောင်း ဒေါက်တာ စိုးမင်းမဲမသမာ မှု တွေ ရှိခဲ့တယ် လို့ ကြံ့ခိုင်ရေးပါတီ က ပြော

ကော့မှူးမြို့နယ်အပါအဝင် ရန်ကုန်တိုင်းမြို့နယ် အတွင်း က မဲဆန္ဒနယ်တွေ မှာ မဲမသမာမှု တွေ လုပ်ခဲ့တယ် လို့ စွပ်စွဲပြီး ပြည်ထောင်စု ရွေးကောက်ပွဲ ကော်မရှင် ကို တိုင်ကြားဖို့ ပြည်ထောင်စု ကြံ့ခိုင် ဖွံ့ဖြိုးရေး ပါတီ က ပြင်ဆင် နေပါတယ်။

ကြံ့ခိုင်ဖွံ့ဖြိုးရေးပါတီ ရဲ့ ကိုယ်စား ကော့မှူး မြို့နယ် မှာ အမျိုးသား ဒီမိုကရေစီ အဖွဲ့ချုပ် NLD က ဒေါ်အောင်ဆန်းစုကြည် နဲ့ ယှဉ်ပြိုင် အရွေးခံပြီး ရှံးနိမ့်ခဲ့တဲ့ ကိုယ်စားလှယ်လောင်း ဒေါက်တာစိုးမင်း က နေရာ ၂ နေရာလောက်မှာ မဲမသမာမှု တွေ ရှိခဲ့တယ် လို့ သူ့ကို ထောက်ခံသူ တွေ က သူ့ထံ အကြောင်းကြားခဲ့ ကြတယ် လို့ ဘီဘီစီ ကို ပြောပါတယ်။

အဲဒီ ကမဲရုံ တချို့မှာ မဲရုံမှူးတွေကိုယ်တိုင် က သူတို့ကိုယ်တိုင် မဲဆန္ဒရှင် တွေရဲ့ မဲပြားကို ယူကာ ကိုယ်တိုင် သူတို့ကြိုက်နှစ်သက်ရာ ပါတီ နေရာ ကို ခြစ်ပြီး မဲပေးခဲ့ကြတာကို ရွာသားတွေ က သူ့ကို လာပြောတဲ့ အကြောင်း သူ က ပြောပြပါတယ်။

ဒါပေမယ့် ဒါတွေကြောင့်တော့ အခုထွက်ထားပြီးသား မဲရလဒ် မှာ အနိုင်အရှုံး ပြောင်းလဲ သွားအောင် အထိ တော့ မဖြစ်နိုင်ပါဘူး လို့ ဆိုပါတယ်၊ ပုံမှန် မဟုတ်တာ ကို သာ တိုင်ကြားဖို့ သူ့ပါတီ က ကြိုးစား နေကြတာလို့ သူထင်မြင်တဲ့ အကြောင်း ဒေါက်တာ စိုးမင်း က ဘီဘီစီ ကို ပြောပါတယ်။

ရန်ကုန်တိုင်းမှာ မဲဆန္ဒနယ် ၆ ခုမှာ ကြံခိုင်ဖွံ့ဖြိုးရေးပါတီ အပါအဝင် အခြားနိုင်ငံရေး ပါတီ တွေ ပါဝင်ယှဉ်ပြိုင်ခဲ့ကြပြီး နေရာ ၆ ခုလုံးမှာ NLD က အနိုင်ရရှိကြောင်း ပြည်ထောင်စု ရွေးကောက်ပွဲ ကော်မရှင် က ကြေညာ ထားပါတယ်။ 

မာလီမြို့တော်မှာတော့ ဒီကြေညာချက်ကို ကန့်ကွက် ဆန္ဒပြနေပါတယ်မာလီသူပုန်တွေ လွတ်လပ်ရေးကြေညာ

မာလီနိုင်ငံမြောက်ပိုင်း ဒေသတချို့ကို ထိန်းချုပ်ထားတဲ့ တွားရတ်ခ် သူပုန်တွေက လွတ်လပ်ရေး ကြေညာလိုက်တာကို အာဖရိက သမဂ္ဂက ပယ်ချလိုက်ပါတယ်။ ဒီကြေညာချက် ဟာ ဘာမှ အဓိပ္ပါယ် မရှိဘူးလို့ အာဖရိက သမဂ္ဂ ဥက္ကဌ ယန်းပင်းက ပြောပါတယ်။

တွာရခ် သူပုန်တွေ ဖွဲ့စည်းထားတဲ့ အာဇဝါ့ အမျိုးသား လွတ်မြောက်ရေး လှုပ်ရှားမှု အဖွဲ့ NMLA က သူတို့ရဲ့ အင်တာနက် စာမျက်နှာမှာ လွတ်လပ်ရေး ကြညာချက်ကို ထုတ်ပြန် ထားပြီး နိုင်ငံတကာ အနေနဲ့ အသိအမှတ်ပြုပေးဖို့ တောင်းဆိုထား ပါတယ်။

အခုလို တောင်းဆိုတာနဲ့ ပတ်သက်ပြီး ပဲရစ်မှာ ရှိတဲ့ NMLA အဖွဲ့ရဲ့ ပြောခွင့်ရသူ မိုဆာ အက် အက်တာဟာက သူတို့ဟာ နိုင်ငံတကာ ဥပဒေအရ ပထမအနေနဲ့ ကုလသမဂ္ဂကို အသိအမှတ် ပြုပေးဖို့ တောင်းဆိုထားကြောင်း ပြောပါတယ်။

နောက်ပြီး အာဇဝါ့ ပြည်သူတွေကို မာလီအစိုးရက လွန်ခဲ့တဲ့ နှစ် ၅၀ ကစလို့ လူမျိုးတုံး သတ်ဖြတ်မှုတွေကို ကိုယ်တွေ့ မြင်ခဲ့ကြတဲ့ တခြား အိမ်နီးချင်း နိုင်ငံတွေရဲ့ ထောက်ခံမှု ကိုလည်း ရရှိဖို့ မျှော်လင့် ကြောင်း ကိုလည်း သူကပြောကြားပါတယ်။

တပ်တွင်း ပုန်ကန်သူတွေက မာလီအစိုးရကို ပြီးခဲ့တဲ့ သီတင်း ၂ ပတ်က ဖြုတ်ချခဲ့ပြီး နောက်ပိုင်းမှာတော့၊ အခြေအနေတွေ ပရမ်းပတာ ဖြစ်နေတဲ့ မာလီ မြောက်ပိုင်း ဒေသတွေ ကို တွာရတ်ခ် သူပုန်တွေ ဟာ အလျင်အမြန် ချီတက် တိုက်ခိုက်ပြီး၊ ထိန်းချုပ် နိုင်ခဲ့ကြတာ ဖြစ်ပါတယ်။

မာလီနိုင်ငံက အခုဖြစ်နေတဲ့ မတည်ငြိမ်မှုတွေကြာင့် ဗြိတိသျှအစိုးရက မာလီမြို့တော် ဘာမကိုမှာ ရှိတဲ့ ဗြိတိန်သံရုံးကို ယာယီ ပိတ်ထားမှာ ဖြစ်ပြီး၊ သံရုံးဝန်ထမ်း အာလုံးကိုလည်း ပြန်ရုပ်ထားမှာ ဖြစ်တယ်လို့ ကြေညာသွားပါတယ်။

အင်္ဂါမှာ ဆီးရီးယား တပ်တွေ လက်နက်ကြီးတွေ ဆုတ်ပေးမယ်ပြည်ပနိုင်ငံတွေကို ဆီးရီးယား စွပ်စွဲ

ပြည်ပ နိုင်ငံတွေ ဟာ ဆီးရီးယား အတိုက်အခံ တွေနဲ့ ပင်းပြီး အပစ်အခတ် ရပ်စဲရေး ရှုပ်ထွေး အောင် လုပ်နေတယ်လို့ ကုလ သမဂ္ဂ ဆိုင်ရာ ဆီးရီးယား သံအမတ်က စွပ်စွဲ လိုက်ပါတယ်။

ကုလ သမဂ္ဂ ကိုယ်စားလှယ် ကိုဖီ အာနန် တောင်းဆို တဲ့ အတိုင်း နောက် တပတ် အင်္ဂါမှာ မြို့ကြီးတွေကနေ ဆီးရီးယား တပ်တွေ လက်နက်ကြီး တွေကို ဆုတ်ပေးမယ် လို့လည်း သံအမတ် ဘရှား ဂျဖာရီက ဆိုပါတယ်။

မစ္စတာ အာနန်ဟာ ကာတာ ဆော်ဒီနဲ့ တူရကီ နိုင်ငံ တို့ကနေ ငြိမ်းချမ်းရေး အစီအစဉ်ကို ထောက်ခံကြောင်း သက်သေ ကတိ ယူပေးသင့်တယ်၊ ဆီးရီးယား အတိုက်အခံ လက်နက်ကိုင် တွေ ဒီနယ်မြေတွေကို ဝင်မလာပါဘူး ဆိုတဲ့ ကတိကိုလည်း ပေးရမယ်လို့ သူက ဆိုပါတယ်။

နိုင်ငံတကာ ကြက်ခြေနီ အဖွဲ့ကလည်း ဆီးရီးယား အကျဉ်းထောင်တွေကို လေ့လာဖို့ ဆီးရီးယား အစိုးရဆီက ခွင့်ပြုချက် ရပြီလို့ ဆိုပါတယ်။

အလက်ပို ဗဟိုထောင်ကြီးကို ကြက်ခြေနီ အဖွဲ့ ကိုယ်စားလှယ်တွေ သွားကြမှာပါ။

မငြိမ်မသက်မှုတွေ အတွင်း ထိန်းသိမ်းထားတဲ့ သူတွေကို တွေ့ဆုံခွင့် ရဖို့ ကြက်ခြေနီက လနဲ့ချီပြီး ကြိုးစား နေခဲ့တာပါ။

ဒီအချိန်မှာပဲ ၂၄ နာရီ အတွင်း နယ်စပ်ကို ကျော်ပြီး ဆီးရီးယား အပစ်အခတ်တွေ ကြားက ထွက်ပြေး လာတဲ့သူ ဦးရေ မတရား များပြားလာတယ်လို့ တူရကီ နိုင်ငံခြားရေး အရာရှိ တဦးက ဆိုပါတယ်။

အစ်ဒ်လစ်ဘ်နဲ့ အလက်ပို နယ်က ဆီးရီးယား နိုင်ငံသား ၂၃ဝဝ ကျော် ထွက်ပြေးလာပြီး နောက်ထပ်လည်း ပိုဝင်လာဦးမယ်လို့ ခန့်မှန်းကြောင်း ဒီအရာရှိက ပြောကြား သွားပါတယ်။ 

အင်တာနက်မျက်မှန် Google မိတ်ဆက်

By ဗွီအိုအေ (မြန်မာဌာန)

• အင်တာနက် ကုမ္ပဏီကြီးတခုဖြစ်တဲ့ Google က မကြာခင် အနာဂတ်မှာ တွေ့မြင်လာရမယ့် တီထွင် ဖန်တီးမှုတခုအဖြစ် Project Glass လို့ အမည်ပေးထားတဲ့ မျက်မှန် နည်းပညာအသစ်တခုကို ထုတ်ဖော်ပြသလိုက်ပါတယ်။ အသုံးပြုသူအနေနဲ့ အင်တာနက်နဲ့ ဆက်သွယ်ထားတဲ့ ခေတ်လွန်ပုံစံ မျက်မှန်သစ် တမျိုးကို နယူးယောက်မြို့မှာ ဒီတပတ်ထဲ ထုတ်ပြလိုက်တာပါ။

မျက်မှန်တပ်ထားသူဟာ လမ်းလျှောက်ရင်း အင်တာနက်ပေါ်မှာ Chatting စကားပြောလို့ ရမှာဖြစ်သလို မြေပုံလမ်းညွှန်တွေ၊ ကိုယ် သွားမယ့် မြေအောက်ရထားဘူတာ ပိတ်ထားသလား ဆိုတာကိုတောင် သိနိုင်မှာဖြစ်ပါတယ်။ မျက်မှန်နဲ့ ဓာတ်ပုံရိုက်ယူလို့ ရသလို အနီးအနားမှာ မိတ်ဆွေ သူငယ်ချင်းတွေ ရှိနေသလား ဆိုတာကိုလည်း ရှာဖွေပေးမှာပါ။

ကော်ဖီသောက်ချင်တယ်ဆိုရင်လည်း အနီးဆုံးဘယ်နေရာမှာရှိမလဲ ဆိုတာကို သိနိုင်ပါလိမ့်မယ်။ ဒါပေမဲ့လည်း မျက်မှန်သစ်ဟာ လတ်တလော စမ်းသပ်တဲ့ အဆင့်မှာပဲ ရှိနေသေးပြီး ဆိုင်တွေမှာ ၀ယ်လို့တော့ မရသေးဘူးလို့ Google ကပြောပါတယ်။ ဒီမျက်မှန်ကို တခြား ဘယ်နေရာတွေမှာ သုံးလို့ ရဦးမလဲဆိုတာ လူတွေရဲ့ အကြံပေးချက်တွေကို လိုချင်တယ်လို့လည်း ပြောပါတယ်။

ဒီလိုပဲ လူတဦးချင်း လွတ်လပ်ခွင့် ထိခိုက်နိုင်တဲ့ အပိုင်းတွေ ရှိမရှိ၊ နည်းပညာကျွမ်းကျင်သူတွေရဲ့အမြင်တွေနဲ့ ပါဝါမျက်မှန် တပ်ဆင်ရသူတွေအတွက် မျက်မှန်သစ်ကို ဘယ်လိုသုံးလို့ ရနိုင်မလဲဆိုတာတွေကိုလည်း စဉ်းစားမယ်လို့ Google ကုမ္ပဏီက ပြောပါတယ်။

ဆာရာယေဗိုအထိမ်းအမှတ် အောက်မေ့ဖွယ်ကျင်းပ

By ဗွီအိုအေ (မြန်မာဌာန)

ဘော့စနီးယားနိုင်ငံမှာ လွန်ခဲ့တဲ့ အနှစ် ၂၀ တုန်းက သတ်ဖြတ်ခံခဲ့ရတဲ့ အမျိုးသမီးနဲ့ကလေးငယ် တဦးချင်း စီကို ရည်စူးပြီး အနီရောင် ထိုင်ခုံပေါင်း ၁၁,၅၄၁ လုံးကို ဆာရာယေဗိုမြို့တော် အဓိကလမ်းမပေါ်မှာ စီတန်းချထားပြီး အောက်မေ့ဖွယ် အခမ်းအနားတွေကို ကျင်းပခဲ့ကြပါတယ်။

တိုင်းပြည်လူဦးရေ ထက်ဝက်လောက်ရှိတဲ့ လူသန်းပေါင်းများစွာ အိုးအိမ်စွန့်ခွာ ထွက်ပြေးခဲ့ရတဲ့ ၁၉၉၂ ခုနှစ်ကနေ ၁၉၉၅ ခုနှစ်အထိ စစ်ပွဲစတင်ခဲ့တာ အနှစ် ၂၀ ပြည့် အထိမ်းအမှတ် အဖြစ် ဘော့စနီးယားနိုင်ငံသားတွေ သောကြာနေ့က ဆင်နွှဲခဲ့ကြတာပါ။ လွန်ခဲ့တဲ့ ၁၉၉၂ ခုနှစ် ဧပြီလ ၂ ရက်နေ့မှ ဘော့စနီးယား မွတ်ဆလင်တွေ၊ ဆာဗီးယန်းတွေနဲ့ ခရိုအက်တွေ ဆာရာယေဗိုမြို့တော်ရင်ပြင်မှာ စုဝေးပြီး ငြိမ်းချမ်းရေးနဲ့လွတ်မြောက်ရေးအတွက် တောင်းဆိုခဲ့ကြတာဖြစ်ပါတယ်။ ဒါပေမဲ့လည်း နောက်ပိုင်းမှာ တယောက်နဲ့တယောက် ရန်သူတွေ အဖြစ်နဲ့ တိုက်ခိုက်ခဲ့ကြပြီး ဆာရာယေဗိုမြို့ဟာဆိုရင်လည်း ၄၄ လကြာ တိုက်ပွဲတေဒဏ် ခံခဲ့ရတာပါ။

ဆာရာယေဗိုမြို့ခံတဦးကတော့ အဲဒီအချိန်တုန်းက အဖြစ်အပျက်တွေကို ပြန်မစဉ်းစားရဲလောက်အောင် ဖြစ်ခဲ့ရပေမဲ့ ဒီအခက်အခဲတွေ အောက်ကနေ ရုန်းကန်ရှင်သန်နိုင်ခဲ့တာ၊ လွတ်လပ်ခွင့်အရသာကို ခံစားနိုင်တာက အခုအခါ ပိုအရေးကြီးပါတယ်လို့ အောက်မေ့ဖွယ် အခမ်းအနားတွေ သောကြာနေ့က ကျင်းပချိန်မှာ ပြောသွားပါတယ်။

အမေရိကန် ပြည်ထောင်စုက ကြားဝင်စေ့စပ်ပြီး ၁၉၉၅ ခုနှစ်မှာ ပြည်တွင်းစစ် အဆုံးသတ်သွားပေမဲ့ ဘော့စနီးယားဟာ လူမျိုးစု ၃ ဖွဲ့ကြား တကွဲတပြား ဖြစ်ကျန်ရစ်ခဲ့တာပါ။ နိုင်ငံတကာ ရာဇ၀တ်မှုဆိုင်ရာ တရားရုံး (ICC) ကတော့ ဘော့စနီးယား ဆာဗ်စစ်တပ် အကြီးအကဲဟောင်း Ratko Mladic အပါအ၀င် စစ်ပွဲအတွင်း စစ်ရာဇ၀တ်မှု ကျူးလွန်သူတွေကို ခုံရုံးတင် စစ်ဆေးနေပါတယ်။

မဲဆန္ဒရှင်တွေ ရွေးကောက်ပွဲမကျေနပ်မှု ပြည်ခိုင်ဖြိုးသတင်းစာရှင်း

By မသင်းသီရိ

• ပြီးခဲ့တဲ့ ကြားဖြတ်ရွေးကောက်ပွဲမှာ ရွေးကောက်ပွဲကော်မရှင်ရဲ့ စည်းမျဉ်းစည်းကမ်းတွေကို ဖောက်ဖျက် မဲဆွယ်ခဲ့တာတွေအတွက် မဲဆန္ဒရှင်တွေက  သက်ဆိုင်ရာ ကော်မရှင်ရုံးတွေကို  တိုင်ကြားတယ်လို့  ရန်ကုန်တိုင်း၊ ပြည်ခိုင်ဖြိုးပါတီရဲ့  နိုင်ငံရေးတာဝန်ခံ ဦးအောင်သိန်းလင်းက ပြောပါတယ်။

ဒီကန့်ကွက်လွှာတွေကို  ပြည်ထောင်စု၊ ရွေးကောက်ပွဲကော်မရှင်အထိ တိုင်ကြားဖို့ ရှိတယ်လို့လည်း ပြောပါတယ်။  ရန်ကုန်တိုင်း ပြည်ခိုင်ဖြိုးပါတီရဲ့  နိုင်ငံရေးတာဝန်ခံ ဦးအောင်သိန်းလင်းကို မသင်းသီရိက ဆက်သွယ်မေးမြန်းထားပါတယ်။

ဒီကနေ့ ဧပြီလ ၆ ရက်သောကြာနေ့က  ရန်ကုန်မှာရှိတဲ့ ကြံ့ခိုင်ရေးနဲ့ ဖွံ့ဖြိုးရေးပါတီရုံးမှာ ရန်ကုန်တိုင်း၊ ပြည်ခိုင်ဖြိုးပါတီရဲ့ နိုင်ငံရေးတာဝန်ခံ ဦးအောင်သိန်းလင်းက  သတင်းထောက်တွေကိုခေါ်ယူပြီး  သတင်းစာ ရှင်းလင်းပွဲတစ်ခု လုပ်ခဲ့တာပါ။ အဲဒီမှာ သူအဓိက ရှင်းပြခဲ့တာတွေ နဲ့ ပတ်သက်လို့ ဦးအောင်သိန်းလင်းက VOA မြန်မာပိုင်းကို အခုလို စပြောပြပါတယ်။

“ရွေးကောက်ပွဲကော်မရှင် စည်းမျဉ်းတွေပေါ့ဗျာ။ ကော်မရှင်စည်းမျဉ်းတွေနဲ့ ပတ်သက်ပြီးတော့မှ ကန့်ကွက်လွှာတွေ ကျနော်တို့ ရတာ ဖြစ်ပါတယ်။ စည်းမျဉ်းအရ မဲရုံကိုယ်စားလှယ်ကသော်လည်းကောင်း၊ မဲဆန္ဒရှင်ကသော်လည်းကောင်း၊ ကော်မရှင်စည်းမျဉ်းနဲ့ ညိတဲ့ ဟာတွေကို ကန့်ကွက်လွှာတင်လို့ရပါတယ်။ အဲဒီကန့်ကွက်လွှာတွေကို သူတို့က ရပ်ကွက်ကော်မရှင်တွေကို တင်ပါတယ်။ ကျနော်တို့ကို မိတ္တူပေးပါတယ်။ ကျနော်တို့က အဲဒီရတဲ့ ကန့်ကွက်လွှာတွေနဲ့ပတ်သက်ပြီးတော့မှ ရှင်းပြတာဖြစ်ပါတယ်။ ပြည်ထောင်စု ရွေးကောက်ပွဲ ကော်မရှင်ကိုတော့ သူတို့ အဆင့်ဆင့် ဆက်ပို့ကြမှာပါ။ ရပ်ကွက်ကနေ မြို့နယ်၊ မြို့နယ်ကနေပြီး ခရိုင်၊ တိုင်းပေါ့လေ- အဲဒီကနေ ပြည်ထောင်စု ကော်မရှင်ကို ဆက်ပို့ကြမှာပါ။ ”

ဟုတ်ကဲ့။ အခု စည်းကမ်းဖောက်ဖျက်မဲဆွယ်တယ်ဆိုတဲ့ ကန့်ကွက်တာတွေကို မဲဆန္ဒရှင်တွေက ကန့်ကွက်တယ်ဆိုတော့ ကြံ့ခိုင်ဖွံဖြိုးရေး ပါတီကနေပြီး ကန့်ကွက်ပြီးတော့တိုင်တာ မဟုတ်ဘူးပေါ့။

“မဲဆန္ဒရှင် ပြည်သူလူထုက ကန့်ကွက်တာ ဖြစ်ပါတယ်။ အဲဒီလူတွေကလည်း ပါတီဝင် ဖြစ်ချင် ဖြစ်မှာပေါ့ဗျာ။ ပြည်ခိုင်ဖြိုးပါတီနဲ့ ပတ်သက်လို့သော်လည်းကောင်း၊ ရိုးရိုးမဲဆန္ဒရှင် ပြည်သူလူထုအနေနဲ့သော်လည်းကောင်း ကန့်ကွက်လို့ရပါတယ်။ ကျနော်တို့က ကန့်ကွက်လွှာတွေကို မိတ္တူကူးထားတာ ဖြစ်ပါတယ်။”

အခု ကန့်ကွက်လွှာတွေ ရတယ်ဆိုတော့ တိုင်တဲ့သူတွေက -ဘယ်သူတွေက  ဘယ်ပါတီတွေကို တိုင်တာပါလဲ။  NLD ပါတီကိုရော တိုင်တာတွေ ပါပါလား။

“ကျနော်တို့ ဘယ်သူရယ်၊ ဘယ်ဝါရယ် တိုင်တာ မဟုတ်ပါဘူး။ မဲရုံကိုက် ၅၀၀ အတွင်းမှာ လူစုလူဝေးတွေ မရှိရဘူးဆိုရင် အဲဒီ လူစုလူဝေးရှိတဲ့ဟာ ဒါ စည်းကမ်းချိုးဖောက်တာ ဖြစ်တယ်။ အဲဒီ လူစုလူဝေးတွေဟာ ဘယ်သူရယ်၊ ဘယ်ဝါရယ် ကျနော်တို့ မပြောဘူး။ သို့သော် အဲဒီ ကိုက် ၅၀၀ အတွင်းမှာတော့ လူတွေ - ဖောက်ဖျက်တယ်ဆိုတာကိုတော့ ကျနော်တို့ ပြုစုတာဖြစ်တယ်။ ကျနော်တို့က ပုဂ္ဂလဓိဌာန်မရှိဘူး။ စည်းမျဉ်းဥပဒေကိုပြောပြတာ။ တိတိကျကျ ဖြစ်စေချင်တဲ့ ဆန္ဒပဲ ရှိပါတယ်။ ဒီကိစ္စနဲ့ပတ်သက်ပြီးတော့ ကျနော်တို့က ပြည်ထောင်စုကော်မရှင်မှာ အဲဒါတွေ ရောက်မရောက် လေ့လာစုံစမ်းပြီးတော့မှ မရောက်ရင်လည်း ကျနော်တို့ ပေးပို့ရမှာပေါ့ဗျာ။ အဓိက ကတော့ စည်းနဲ့ ကမ်းနဲ့ ဖြစ်စေချင်တာပါပဲ။”

ကျမ ဒီညနေအစောပိုင်းကပဲ သက်ဆိုင်ရာကော်မရှင်ရုံးတချို့ကို မေးကြည့်ပါတယ်။ သူတို့ကတော့ ဘာတိုင်စာမှမရောက်သေးဘူး ပြောပါတယ်။

“အဲဒါကတော့ သူတို့အချင်းချင်း ဆက်စပ်မှုအပေါ် မူတည်တာပေါ့ဗျာ။ ကျနော်တို့ဆီကို ရောက်လာတဲ့အတွက် ကျနော်တို့ကတော့ သိရတာပေါ့။”

ဦးအောင်သိန်းလင်းတို့ ကြံ့ခိုင်ရေးနဲ့ ဖွံ့ဖြိုးရေးပါတီအနေနဲ့ရော မဲရလဒ်တွေနဲ့ ပတ်သက်လို့၊ ဒါမှ မဟုတ်ရင် မဲရုံလုပ်ငန်းတွေနဲ့ ပတ်သက်လို့  တရားမျှတမှု မရှိဘူးဆိုပြီး ကန့်ကွက်ဖို့တွေရောရှိပါလား။

“ကျနော်တို့ကတော့ လောလောဆယ် အခုအချိန်အထိတော့ မတွေ့သေးဘူးဗျ။ မတွေ့သေးဘူးဆိုတာက ဒီလိုပါ။ မဲရေတဲ့ ကိစ္စတွေကတော့ မိတ္တူရတဲ့အထဲမှာ မပါဘူးဗျ။ မဲရုံနဲ့ကိုက် ၅၀၀ အတွင်း အပြင်ဘက်မှာ လူစုလူဝေးလုပ်တာတို့၊ မဲရေတဲ့အခါမှာ အပြင်က ဝိုင်းပြီးတော့ လူစုလူဝေးနဲ့ ဖိအားပေးတာတို့၊ အဲဒါမျိုးလေးတွေတော့ ရှိတယ်။ အဲဒါတွေတော့ အဲဒီအထဲမှာ ပါတယ်။ ကျနော်တို့ကတော့ နောင်လည်း ဒီလိုပဲ ရွေးကောက်ပွဲတွေ လုပ်နေရအုံးမှာဆိုတော့ ဒါမျိုးတွေကို စည်းကမ်းအတိုင်း တိတိကျကျ ဖြစ်စေချင်တယ်။”

ဟုတ်ကဲ့။ ဦးအောင်သိန်းလင်းအနေနဲ့ ကြားဖြတ်ရွေးကောက်ပွဲရလဒ်နဲ့ ပတ်သက်လို့ရော ဘယ်လိုသုံးသပ်ပါ လဲရှင့်။

“အောက်ခြေအဆင့်ဆင့်အထိ သုံးသပ်ချက်တွေ ပြန်ပြီးတော့ သုံးသပ်ထားပါတယ်။ သူတို့ဆီက သုံးသပ်ချက် တွေနဲ့ ကျနော်တို့ဆီက သုံးသပ်ချက်တွေပေါင်းပြီးတော့မှ ပြန်ပြီးတော့ အားလုံး ဝိုင်းဝန်းဆွေးနွေးရမှာ ဖြစ်ပါတယ်။ အားနည်းချက်၊ အားသာချက်တွေကို ဖော်ထုတ်ရမှာ ဖြစ်ပါတယ်။ ”

ရွေးကောက်ပွဲ အကြိုကာလတွေမှာ ကြံ့ခိုင်ရေးပါတီက  ဥပဒေချိုးဖောက်ပြီး မဲဆွယ်မှုတွေ ရှိတယ်လို့  ပြောကြတာတွေလည်းရှိပါတယ်။ ဒီအပေါ်မှာ ဦးအောင်သိန်းလင်း ဘယ်လိုပြောချင်ပါလဲရှင့်။

“အဲဒါကတော့ ကျနော်တို့ မကြားမိဘူးလေ။ မဲဆွယ်စည်းရုံးကာလ စည်းမျဉ်းတွေရှိပါတယ်။ အဲဒီစည်းမျဉ်းတွေ အတိုင်း လိုက်နာကြဖို့ပဲ ဖြစ်တယ်။ ”

ရန်ကုန်တိုင်း ပြည်ခိုင်ဖြိုးပါတီရဲ့  နိုင်ငံရေးတာဝန်ခံ ဦးအောင်သိန်းလင်းကို ဆက်သွယ်မေးမြန်းခဲ့တာပါ၊ လတ်တလောမှာတော့ ရန်ကုန်တိုင်း၊ ခြောက်မြို့နယ်၊ မဲဆန္ဒနယ်ထဲက  NLD ပါတီခေါင်းဆောင်  ဒေါ်အောင်ဆန်းစုကြည်အနိုင်ရခဲ့တဲ့ ကော့မှူးမြိ့နယ်အပါအ၀င် မင်္ဂလာတောင် ညွန့်၊ ဒဂုံဆိပ်ကမ်းမြို့နယ်သုံးခုမှာ ရွေးကောက်ပွဲရက်တွင်း ဥပဒေချိုးဖောက်ကာ မဲဆွယ်တာတွေကို  တိုင်ထားပြီးဖြစ်တယ်လို့လည်း ဦးအောင်သိန်းလင်းက ပြောပါတယ်။ ဒီတော့ ရွေးကောက်ပွဲမှာ အနိုင်ရခဲ့တဲ့ NLD ပါတီကို  တိုင်ကြား ချက်တွေမျိုး ကော်မရှင်က အကြောင်းကြားတာများရှိပါလားလို့ NLD NLD ပါတီကိုမေးကြည့်တော့  သူတို့ပါတီဆီ ဘာအကြောင်းကြားစာမှ ရောက်မလာသေးဘူးလို့လည်း ပြောပါတယ်။

ရွေးကောက်ပွဲ ဥပဒေအရတော့ ရွေးကောက်ပွဲတွင်း မဲရုံတွေက မသမာမှုတွေကို ရဲအရေးပိုင်တဲ့အမှုအဖြစ် တိုင်နိုင်သလို ဥပဒေချိုးဖောက်မှုနဲ့  တရားမဲ့ပြုကျင့်မှုတွေကိုတော့ တစ်မှုကို ငွေကျပ် ဆယ်သိန်းနဲ့   ပြည်ထောင်စုရွေးကောက်ပွဲကော်မရှင်ကို တိုင်ကြားသူက ၂၁ ရက်အတွင်း တိုင်ကြားရမှာလည်း ဖြစ်ပါတယ်။

ရန်ကုန်မှာ အုပ်စုခွဲပြီး အချိန်မှန်လျှပ်စစ်မီး ဖြန့်ဝေပေးမည်

By ကျော်ကျော်သိန်း

• ရန်ကုန်မြို့မှာ လျှပ်စစ်ဓာတ်အား ဖြန့်ဝေတဲ့အချိန်ကို အခုလက်ရှိထက် အချိန်ပိုတိုးပြီး ဖြန့်ဝေပေးတော့မယ်လို့ လျှပ်စစ်ဓာတ်အား ဖြန့်ဖြူးရေးအဖွဲ့ တာဝန်ရှိသူတဦးက ဧပြီလ ၆ ရက်နေ့မှာ ပြောလိုက်ပါတယ်။ လျှပ်စစ်မီးရတဲ့အချိန် နည်းသွားတဲ့အပေါ် လူထုရဲ့ တုံ့ပြန်ပြောဆိုချက်တွေ၊ အဆင်မပြေဖြစ်ကြရတဲ့အသံတွေ ထွက်ခဲ့ပြီးတဲ့နောက်မှာ အခုလို အချိန်တိုးပြီး ဖြန့်ဝေပေးတော့မယ် ဆိုတဲ့ သတင်း ထွက်လာတာပါ။ ဒီအခြေအနေကို ဘန်ကောက်ကနေ ဆက်သွယ်မေးမြန်းထားတဲ့ ကိုကျော်ကျော်သိန်းက တင်ပြပေးထားပါတယ်။

ဧပြီလ တစ်ရက်နေ့ ကြားဖြတ်ရွေးကောက်ပွဲပြီးတဲ့နောက် ရန်ကုန်မြို့မှာ လျှပ်စစ်ဓာတ်အားဖြန့်ဝေတဲ့အချိန်ကို လျှော့ချခဲ့တဲ့ အတွက် လူထုကြားမှာ မကျေမနပ်နဲ့ ဝေဖန်ပြောဆိုသံတွေ၊ အနုပညာရှင်တွေကိုယ်တိုင်က ဒီကိစ္စနဲ့ပတ်သက်ပြီး ဆွေးနွေး ပြောဆိုတာတွေ ရှိခဲ့ပြီးတဲ့နောက် မီးကို အချိန်တိုးပေးတော့မယ်ဆိုတဲ့ အခြေအနေ တိုးတက်ဖြစ်ပေါ်လာတာပါ။

အခုလက်ရှိမှာ ရန်ကုန်တမြို့လုံးကို အုပ်စု အေ၊ ဘီ၊ စီ ရယ်လို့ ခွဲခြားပြီး အလှည့်ကျ ၆ နာရီစီ ပေးနေရာကနေ အချိန်ထပ်တိုးပေး မယ့် ပုံစံကိုတော့ ဧပြီလ ၆ ရက်နေ့က အလုံမြို့နယ်၊ ရန်ကုန်တိုင်း လျှပ်စစ်ဓာတ်အားဖြန့်ဖြူးရေးအဖွဲ့ရုံးမှာ ရန်ကုန်မြို့တော် လျှပ်စစ်ဓာတ်အားဖြန့်ဖြူးရေးအဖွဲ့ဥက္ကဋ္ဌ ဦးအောင်ခိုင်ဦးစီးပြီးလုပ်ခဲ့တဲ့ သတင်းစာ ရှင်းလင်းပွဲအတွင်း ပြောသွားတယ်လို့ ရှင်းလင်း ပွဲကို တက်ရောက်ခဲ့တဲ့ ရန်ကုန်သတင်းသမားတဦးက ဗွီအိုအေကို ပြောပြပါတယ်။

“အခု ညငါးနာရီကနေ မနက်ငါးနာရီအထိကို လျှပ်စစ်မီးကို အပြည့်အဝပေးထားမယ်- ကျနော်တို့ကို၊ ပြီးတော့ မနက် ငါးနာရီကနေ ညနေ ငါးနာရီအထိကိုကျတော့ ကျနော်တို့ ယခင် ဧပြီနှစ်ရက်နေ့က သတ်မှတ်ခဲ့တဲ့ အုပ်စုသုံးအုပ်စုဆိုတာ ရှိတယ်။ အဲဒီ သုံးအုပ်စုကို အရင်ပေးနေကျ ပုံစံအတိုင်းပဲ ပေးမယ်။ ဆိုလိုတာက အလှည့်ကျစနစ်ကတော့ မနက်ငါး၊ ညငါးကိုသွားနေမှာပဲ၊ မနက်ငါး၊ ညငါးနဲ့ အလှည့်ကျ တအုပ်စုဆီကိုဆို တနေ့ လေးနာရီစီ ကျနော်တို့ပေးထားမှာပေါ့။ ညငါးရောက်ပြီဆိုတာနဲ့ အကုန်လုံး မနက်ငါးအထိ တန်းတူအပြည့်ပေးထားမှာပေါ့။ ”

သတင်းစာရှင်းလင်းပွဲ လုပ်ပြီးတဲ့နောက်ပိုင်းမှာ ရန်ကုန်မြို့က လျှပ်စစ်ဓာတ်အားဖြန့်ဖြူးရေးဌာနတခုကို ဗွီအိုအေက ဆက်သွယ် ပြီး အခုလို အချိန်တိုးပြီး ဖြန့်ဝေပေးမယ်ဆိုတာနဲ့ပတ်သက်လို့ သိရှိထားပြီးပြီလားဆိုတာ မေးမြန်းရာမှာ ၀န်ထမ်းတဦးက သူတို့ဆီ ညွှန်ကြားချက် မရောက်သေးတဲ့အကြောင်းနဲ့ လက်ရှိ ဖြန့်ဝေနေတဲ့ပုံစံကို အခုလို ရှင်းပြပါတယ်။

“လောလောဆယ်ကတော့ ဂျာနယ်တွေထဲမှာ ပြောထားတဲ့ဟာလေးရှိမယ် ထင်တယ်။ ကျနော်တို့က အလှည့်ကျ ခြောက်နာရီ ပေါ့နော်။ အေ၊ ဘီ၊ စီ အလှည့်ကျ ခြောက်နာရီပေးနေတဲ့ဟာမျိုးပဲ  အကြမ်းဖျင်းသိပါတယ်။ သတင်းစာရှင်းလင်းပွဲမှာ တာဝန်ရှိတဲ့ လူကြီးတွေက အပြောင်းအလဲကျတဲ့အခါကျတော့ - ပြောတာဆိုတာကျတော့ ကျနော်တို့က တချို့ဟာတွေ မသိရဘူးပေါ့နော်။ အခုချိန်အထိတော့ မရောက်သေးပါဘူးခင်ဗျ။ ”

အခုအစီအစဉ်အသစ်က ၂၄ နာရီအပြည့် မဟုတ်ပေမဲ့လည်း ဧပြီလ ၂ ရက်နေ့ကစပြီး ပေးခဲ့တာထက်စာရင် အချိန်ပိုတိုးလာ၊ ပြီးတော့ ညနေကနေ နောက်နေ့မနက်အထိ ပေးတာမို့ ထူးခြားပါတယ်လို့ ရန်ကုန်သတင်းသမားက ပြောပါတယ်။

“ညပိုင်းဆိုတာက ကျနော်တို့အမြင်အရပြောတာပေါ့နော်-မီးဘေးအန္တရာယ်လည်းကြောက်ရတယ်။ ရာသီဥတုကလည်း အရမ်းပူအိုက်တဲ့ရာသီဆိုတော့ ကျနော်တို့က လျှပ်စစ်မီးကို ညပိုင်းမှာပိုသုံးတာ များလာတယ်လေ။ အထူးသဖြင့် တော်ရုံတန်ရုံ စီးပွားရေးလုပ်ငန်းရှင်မဟုတ်တဲ့ သာမန်လူတန်းစားတွေက မီးစဝေချိန်လောက်ဆို မအိပ်နိုင်ကြဘူး။ အရမ်းပူအိုက်နေတော့ - ဆိုတော့ ညနေပိုင်းပေးလိုက်တဲ့အတွက် ပြည်သူတွေအတွက် အများကြီးသက်သာသွားတာပေါ့။ တချို့တွေဆိုလို့ရှိရင် မီးစက်တွေဘာတွေတောင် ဝယ်ဖို့လုပ်နေကြတယ်။ မီးစက်ဝယ်မယ့်အစီအစဉ်သမားတွေက တော်တော်လေးပျက်ကုန်ကြတယ်ဗျ။ ”

ဒီသတင်းရေးချိန်မှာ ဗွီအိုအေက ဆက်သွယ်မေးမြန်းခဲ့သလောက် ရန်ကုန်မြို့ခံတွေက ညနေ ၅ နာရီမှာ ပုံမှန် မီးပြတ်လေ့ရှိပေမဲ့ အခုတော့ မပျက်သေးဘဲ ဆက်လာနေတယ်လို့ ပြောကြပါတယ်။ ဒါပေမဲ့ သူတို့ကိုယ်တိုင်က ပျက်ဦးမှာလား၊ ဆက်လာနေမှာလား ဆိုတာ အသေအချာမသိနိုင်ကြပါဘူး။

အခုအစီအစဉ်သစ်က ညနေကနေ နောက်နေ့မနက်အထိ ပေးတာဖြစ်တဲ့အတွက် ရုံးလုပ်ငန်းတွေ၊ စီးပွားရေးလုပ်ငန်းတွေအတွက် အများကြီး အဆင်မပြေလှသေးပါဘူးလို့ နောက် ရန်ကုန်မြို့ခံတဦးက ပြောပါတယ်။

မြို့ခံသတင်းသမားကတော့ ၂၄ နာရီပေးနိုင်ရင် အကောင်းဆုံးဖြစ်ပေမဲ့ အရင်ထက်စာရင် ပိုတိုးလာတဲ့အတွက် အခု အစီအစဉ်ကို ကြိုဆိုပါတယ်။

“လုပ်ငန်းနဲ့ပတ်သက်လာရင်တော့ ၂၄ နာရီ အပြည့်ပေးနိုင်ရင်တော့ အကောင်းဆုံးပေါ့ အကိုရာ။ ဆိုလိုချင်တာက သူတို့လည်း သူတို့အခက်အခဲတော့ ရှိကြမှာပေါ့။ အရင်ကြေညာလိုက်တဲ့အတိုင်းအတာကတော့ လုံးဝမဖြစ်နိုင်တဲ့အနေအထားတွေပါ။ တော်တော်များများ အခက်အခဲလေးတွေ ရှိကြတယ်။ အရင်ပေးနေကျပုံစံနဲ့ အခုပေးနေတဲ့ပုံစံမှာ အခုပေးမယ့်ပုံစံကို တော်တော်များများလေး သဘောကျကြမယ်ထင်ပါတယ်ခင်ဗျ။”

ရန်ကုန်မြို့ခံ သတင်းသမားတဦးပါ။

မြန်မာနိုင်ငံဟာ သဘာဝဓာတ်ငွေ့ အမြောက်အများထွက်ပြီး ကိုယ့်နိုင်ငံကထွက်တဲ့ ဓာတ်ငွေ့ကို သူများနိုင်ငံတွေက ၀ယ်ယူပြီး တော့ သူတို့လူထုအတွက် လျှပ်စစ်မီး ထုတ်လုပ် ဖြန့်ဖြူးပေးနေတာဖြစ်ပါတယ်။

မြန်မာနိုင်ငံမှာ အစစအရာရာ ရှားပါး ဈေးကြီးပြီး အထူးသဖြင့်ကတော့ လောင်စာတွေနဲ့ လျှပ်စစ်မီးဖြစ်ပါတယ်။ အဲဒီထဲမှာမှ လျှပ်စစ်မီး အလုံအလောက်မရတဲ့ ပြဿနာကတော့ လူထုကို ပိုပြီး တိုက်ရိုက်ထိခိုက်စေတဲ့ပြဿနာတရပ် ဖြစ်ပါတယ်ခင်ဗျား။

မြန်မာနိုင်ငံနဲ့ ဆက်ဆံရေး လမ်းကြောင်းသစ်ဖွင့်ဖို့ EU စိတ်ထက်သန်

By ဒေါ်ခင်မျိုးသက်

မြန်မာနိုင်ငံမှာ ဧပြီလ ၁ ရက်နေ့ကကျင်းပခဲ့တဲ့ ကြားဖြတ်ရွေးကောက်ပွဲအောင်မြင်မှုအတွက် EU ဥရောပ သမဂ္ဂက မြန်မာပြည်သူတွေနဲ့တကွ သမ္မတကို ချီးကျူးဂုဏ်ပြုလိုက်သလို မြန်မာနိုင်ငံနဲ့ဆက်ဆံရေး လမ်းကြောင်းသစ်ဖွင့်ဖို့ပါ စိတ်အားထက်သန်နေတယ်လို့ ပြောကြားလိုက်ပါ တယ်။ ဒါ့အပြင် ဥရောပကော်မရှင်ရဲ့ ဒုဥက္ကဋ္ဌလည်းဖြစ်၊ ဥရောပသမဂ္ဂရဲ့နိုင်ငံခြားရေးရာ အကြီးအကဲလည်းဖြစ်တဲ့ Catherine Ashton ကက်သရင်းအက်ရ်ှတန်ဟာ ဧပြီလကုန်မှာ မြန်မာနိုင်ငံကို သွားရောက်ဖို့လည်း ရှိနေပါတယ်။

အပြည့်အစုံကို ဆက်သွယ်မေးမြန်းထားတဲ့ ဒေါ်ခင်မျိုးသက်က တင်ပြပေးထားပါတယ်။

မြန်မာနိုင်ငံမှာကြားဖြတ်ရွေးကောက်ပွဲ အေးအေးချမ်းချမ်းကျင်းပခဲ့တဲ့အတွက် EU ဥရောပသမဂ္ဂက ချီးကျူး ဂုဏ်ပြုကြောင်း ဥရောပသမဂ္ဂရဲ့ နိုင်ငံခြားရေးရာ အကြီးအကဲလည်းဖြစ် ဥရောပကော်မရှင်ရဲ့ ဒုဥက္ကဋ္ဌ လည်းဖြစ်တဲ့ Catherine Ashton ရဲ့ပြောခွင့်ရပုဂ္ဂိုလ် မစ္စ်မာဂျာကိုစီ ဂျန်စစ် Maja Kocijancic က VOA ကိုပြောပါတယ်။

“ဥရောပကော်မရှင်ရဲ့ ဒုဥက္ကဋ္ဌ Catherine Ashton က မြန်မာနိုင်ငံမှာ ရွေးကောက်ပွဲ အောင်အောင်မြင်မြင် ကျင်းပနိုင်ခဲ့တာမို့ မြန်မာနိုင်ငံသား တွေကို ဂုဏ်ပြုလိုက်ပါတယ်။ ဒီလို ရွေးကောက်ပွဲကျင်းပပေးခဲ့တဲ့ သမ္မတနဲ့အစိုးရအဖွဲ့ကိုလည်း ချီးကျူးလိုက်ပါတယ်။ ဥရောပသမဂ္ဂအနေနဲ့  မြန်မာနိုင်ငံ ဒီမိုကရေစီရေး ကြိုးပမ်းနေမှုတွေအတွက် ဆက်လက် ပံ့ပိုးပေးနေမှာဖြစ်သလို  မြန်မာနိုင်ငံနဲ့  ပူးပေါင်းဆောင်ရွက်ဖို့ ဆက်ဆံရေး လမ်းကြောင်းသစ်ဖွင့်ဖို့ပါ  စိတ်အားထက်သန်ေ နတယ်လို့လည်း ပြောပါတယ်”

မြန်မာနိုင်ငံက ဧပြီတရက် ရွေးကောက်ပွဲမှာ မသမာမှုတွေရှိတာတွေ့ရသလို ဒီရွေးကောက်ပွဲအတွက် သွားရောက်လေ့လာခွင့်ရခဲ့ပေမယ့်  နိုင်ငံတကာစံနှုံးနဲ့အညီ စံနစ်တကျလေ့လာခွင့် မရခဲ့ဘူးလို့ ဆိုပါ တယ်။  ဒါပေမယ့် ရွေးကောက်ပွဲဟာ အရင်ရွေးကောက်ပွဲတွေနဲ့ မတူသလို မြန်မာနိုင်ငံရဲ့ မကြာခင်လတွေ အတွင်း  နိုင်ငံရေးအကျဉ်းသားအများအပြားလွှတ်ပေးတာ၊  တိုက်ပွဲဖြစ်နေတဲ့တိုင်းရင်းသားတွေနဲ့ ငြိမ်းချမ်းရေးဆွေးနွေးတာလို အပြုသဘောဆောင်တဲ့ ပြောင်းလဲမှုတွေကြောင့်  EU အနေနဲ့ မြန်မာနိုင်ငံနဲ့ ပတ်သက်ပြီး ကောင်းတဲ့တုံ့ပြန်မှုတွေလုပ်ဖို့ ရှိတယ်လို့ ဆိုပါတယ်။

“EU နိုင်ငံခြားရေးဝန်ကြီးတွေအနေနဲ့ မြန်မာနိုင်ငံအတွက် ဆုပေးဖို့ထက် ဘယ်လိုကူညီနိုင်မယ်ဆိုတာကို အဓိကထား ပြောနေကြပါတယ်။  မြန်မာနိုင်ငံမှာ အပြုသဘောဆောင်တဲ့ ပြောင်းလဲမှုတွေတွေ့နေရတာမို့  ဖွံ့ဖြိုးရေးဆိုင်ရာအကူအညီတွေ  ကုန်သွယ်ရေးလုပ်ငန်း လုပ်ဆောင်ဖို့ တွေအပြင် အခုလက်ရှိ တားမြစ် ပိတ်ပင်ထားတာတွေထဲက မြန်မာနိုင်ငံ ဖွံ့ဖြိုးတိုးတက်စေဖို့  အဓိကလိုအပ်မယ့်ကိစ္စတွေမှာ ပြန်စဉ်းစားဖို့ ဧပြီ လ  ၂၃ ရက်နေ့မှာ ကျင်းပမယ့်  EU နိုင်ငံခြားရေး ၀န်ကြီးတွေရဲ့ ထိပ်သီး အစည်းအဝေးမှာ ဆုံးဖြတ်ကြဖို့ ရှိပါတယ်”

မြန်မာနိုင်ငံအပေါ် EU က ချမှတ်ထားတဲ့   အရေးယူဒဏ်ခတ်မှုတွေထဲက ပြည်ဝင်ခွင့်ဗီဇာ ပိတ်ပင်ထားမှု တချို့ကို ပြန်လည် ရုပ်သိမ်းပေးတာ လိုမျိုး လျှော့ချပေးမှုတွေကို မကြာသေးခင်ကပဲ  EU ကလုပ်ဆောင်ခဲ့ တာမို့ ဘယ်လိုတားမြစ်မှုမျိုးတွေကို ထပ်ပြီး ရုပ်သိမ်းပေးဖို့ ရှိပါလဲ။

“မြန်မာနိုင်ငံအတွက် တားမြစ်ပိတ်ပင်ထားမှု လုပ်ထားတာ တော်တော်ကျယ်ပြန့်ပါတယ်။ လက်နက်ရောင်းဝယ်မှုတားမြစ် ပိတ်ပင်ထားတာက အစ သတ္ထုတူးဖော်ရေးနဲ့ သစ်တောထုတ်လုပ်ရေး ကဏ္ဍတွေအပြင်  ဖွံ့ဖြိုးမှုအကူအညီတချို့မှာပါ တားမြစ်ထားတာပါ။ နောက် လူ့အခွင့်အရေး ချိုးဖောက်မှုနဲ့ ဒီမိုကရေစီထွန်းကားရေးနဲ့ပတ်သက်ပြီး  အနှောက်အယှက်ဖြစ်စေသူ အတော်များများအတွက်ပါ ပိတ်ပင်မှုတွေ ချထားတာပါ။ ဒီတားမြစ်ထားမှုတွေအတွက် စဉ်းစားမှာဖြစ်တဲ့အပြင် မြန်မာနိုင်ငံကို EU  ရဲ့ ကုန်သွယ်ဘက်နိုင်ငံအဖြစ် ထားဖို့သင့်မသင့်ပါ  EU နိုင်ငံခြားရေး ၀န်ကြီးတွေ သုံးသပ်ဖို့ရှိပါတယ်။ မြန်မာနိုင်ငံ အတွက် ဒဏ်ခတ်အရေးယူမှုအားလုံးကို လျှော့ချပေးမလား၊ တချို့တ၀က် ဖြေလျှော့ပေးမလားဆိုတာ ဆွေးနွေးကြမှာပါ”

ဥရောပသမဂ္ဂက နိုင်ငံခြားရေးဝန်ကြီးတွေရဲ့ အစည်းအဝေးအပြီး ဧပြီလကုန်ရက်ပိုင်းမှာ ဥရောပ သမဂ္ဂရဲ့အကြီးအကဲ တဦးဖြစ်တဲ့ Catherine Aston ဟာ မြန်မာနိုင်ငံကိုသွားရောက်ဖို့ စီစဉ်ထားတယ်လို့လည်းပြောပါတယ်

“ဥရောပကော်မရှင်ရဲ့ ဒုဥက္ကဋ္ဌ Catherine Ashton ဟာ ဧပြီလကုန်မှာ မြန်မာနိုင်ငံကို သွားရောက်ဖို့ ရှိပါတယ်။ EU နိုင်ငံခြားရေး ၀န်ကြီးတွေရဲ့ ဧပြီလ ၂၃ရက် အစည်းအဝေးအပြီးမှာသွားမှာ ဖြစ်ပါတယ်။”

ဥရောပသမဂ္ဂက  ပြီးခဲ့တဲ့ နိုဝင်ဘာလထဲမှာပဲ   မြန်မာနိုင်ငံ စီးပွါးရေး ပြုပြင်ပြောင်းလဲမှုဆိုင်ရာ အလုပ်ရုံဆွေးနွေးပွဲတရပ်ကိုကျင်းပပေးခဲ့ပြီး  ဥရောပသမဂ္ဂရဲ့  ထိုင်း၊ ကမ္ဘောဒီးယား၊ လာအိုနဲ့ မြန်မာနိုင်ငံဆိုင်ရာ သံအမတ်ကြီး ဒေးဗစ် လစ်ပ်မန် ကိုယ်တိုင်သွားရောက်ခဲ့ပါတယ်။