05.04.2012 နေ့ဖတ်ရန်သတင်းများ

by Myanmar Journal on Thursday, April 5, 2012 at 6:41am ·

ကျားဖြူကိုယ်စားလှယ် စိုင်းစံမင်းရှမ်းလူထုက ပါတီကို အဓိက ရွေးတာလို့ ကျားဖြူ ကဆို

ဧပြီ ၁ ရက်နေ့ ကြားဖြတ် ရွေးကောက်ပွဲ မှာ ရှမ်းပြည် မြောက်ပိုင်း အမျိုးသားလွတ်တော် အမှတ် (၃) မဲဆန္ဒနယ်မှာ ကျားဖြူပါတီ (ခေါ်) ရှမ်းတိုင်းရင်းသားများ ဒီမိုကရက်တစ် ပါတီ (SNDP) အနိုင်ရ သွားတာဟာ မဲဆန္ဒရှင်တွေက လူပုဂ္ဂိုလ်ထက် ပါတီကို ဦးစားပေး ရွေးကြတာ ကြောင့်လို့ ယူဆကြောင်း အန်အယ်ဒီ ကိုယ်စားလှယ်လောင်း စိုင်းမြင့်မောင်ကို အနိုင်ရသွားတဲ့ ကျားဖြူကိုယ်စားလှယ် စိုင်းစံမင်းက ပြောပါတယ်။

ရှမ်းပြည်မှာ ရှမ်းပါတီ ၁ ခုထဲပဲရှိလို့ ရှမ်းပါတီကို မဲပေးကြတာဖြစ်နိုင်တယ်လို့ စိုင်းစံမင်းက ဘီဘီစီကို ပြောပါတယ်။

ရှုံးနိမ့် သွားတဲ့ အန်အယ်ဒီ ကိုယ်စားလှယ် စိုင်းမြင့်မောင် ဟာ သူ့ရဲ့ ဆရာရင်း တစ်ယောက် ဖြစ်သလို သူ့ကိုလည်း ပြိုင်ဘက်လို သဘော ထားပြီး ပြိုင်ဆိုင် ခဲ့တာ မဟုတ်ဘူးလို့ စိုင်းစံမင်း က ပြောပါတယ်။

ပါတီ စည်းရုံးရေး လုပ်တဲ့အခါမှာလည်း ပြည်သူလူထုတွေ ကြုံတွေ့နေရတဲ့ လယ်ယာသိမ်းဆည်း ခံရမှုကိစ္စကို ကူညီဖြေရှင်း ဆောင်ရွက်ပေးသွား မယ်ဆိုပြီး သူ့ရဲ့ ပါတီစည်းရုံးရေး ဟောပြောတွေမှာ ကတိပေးစည်းရုံး ခဲ့တယ်လို့ စိုင်းစံမင်းက ပြောပါတယ်။

အခု အချိန်မှာတော့ လွှတ်တော်နဲ့ ပတ်သက်တဲ့ လေ့လာမှုတွေကို လုပ်ရဦးမှာမို့ မဲဆွယ်ခဲ့စဉ် တုန်းက ပေးထားတဲ့ ကတိတွေကို ချက်ချင်း ဆောင်ရွက် ပေးနိုင်ဦးမှာ မဟုတ်သေး တာကို နားလည်ပေးဖို့ စိုင်းစံမင်းက ပြောပါတယ်။

ကျားဖြူ ပါတီဟာ အန်အယ်ဒီ ကို မဲ ၁၆၀၀ ထောင်ကျော် နဲ့ အနိုင် ရတာဖြစ်ပါတယ်။ ဒါကလဲ မြို့ပေါ်က မဲဆန္ဒ ရှင်တွေရဲ့ ထောက်ခံမှု ထက် ကျေးလက်ဒေသ ဆန္ဒမဲတွေကြောင့်သာ အနိုင်ရတာ ဖြစ်တယ်၊ လားရှိုးမြို့မှာ ဆိုရင်တော့ ကျားဖြူပါတီဟာ အန်အယ်ဒီပါတီကို ပြတ်ပြတ်သားသား ရှုံးနိမ့် ခဲ့ တယ် လို့ စိုင်းစံမင်းက ဘီဘီစီကို ပြောပြခဲ့ ပါတယ်။

အသစ်ပြန်ဖွင့်တဲ့ ကဇာတ်ရုံမြင်ကွင်းဆိုမာလီဝန်ကြီးချုပ် အသက်ဘေးမှလွတ်

ဆိုမာလီးယားနိုင်ငံMogadishu မြို့တော်မှာ အသစ်ပြန်ဖွင့်လိုက်တဲ့ အမျိုးဇာတ်ရုံမှာ ပေါက်ကွဲမှုကြောင့်လူ၇ယောက်သေဆုံးပြီး အများအပြားဒဏ်ရာရရှိသွားပါတယ်။ ဝန်ကြီးချုပ် Abdiweli Mohamed Aliကပေါက်ကွဲမှုနဲ့ပတ်သက်လို့ ဘီဘီစီကို ပြောရာမှာ"ကျနော်မိန့်ခွန်းပြောနေတုန်း ပေါက်ကွဲတာဖြစ်ပါတယ်။

ကံအားလျော်စွာ ကျနော်နဲ့ အစိုးရအဖွဲ့ မထိခိုက်ပေမယ့် တက်ရောက်သူတွေထဲက သေကြေဒဏ်ရာရသူ အတော်များတယ်။ အမျိုးသမီး အသေခံ ဖေါက်ခွဲရေးသမားလည်း သေဆုံးသွားတယ်လို့" ဝန်ကြီးချုပ်က ပြောပြသွားပါတယ်။ဝန်ကြီးချုပ်က အစ္စလမ် al-Shabaab အဖွဲ့ရဲ့လက်ချက်လို့ စွပ်စွဲလိုက်ပါတယ်။ ဒီအဖွဲ့ကို ၂၀၁၁ ခုနှစ်သြဂုတ်လတုန်းက မိုဂါဒီရှူးကမောင်းထုတ်ပြီးကတဲက အသေခံတိုက်ခိုက်မှုတွေသုံးလာတာဖြစ်ပါတယ်။                      

တရုတ်ကိုသီးသန့် ကန့်ထားချင်လို့ မဟုတ် လို့ အိုဘားမား ပြောသြစတြေးလျနိုင်ငံ မှာ အမေရိကန်တပ်သားတွေ တာဝန်ချ

သြစတြေးလျနိုင်ငံ မြောက်ပိုင်းကို အမေရိကန် မရိန်းတပ်သား ၂၀၀ ဆိုက်ရောက် လာပါတယ်။

ဒါဟာ သမ္မတအိုဘားမားရဲ့ အာရှ ပစ္စဖိတ်ဒေသတွင်း အမေရိကန် စစ်ရေး စွမ်းရည် တောင့်တင်းခိုင်မာ အောင်လုပ်ဖို့ အစီအစဉ် အရ အလှည့်ကျ တာဝန်ချထားမယ့် တပ်သား၂၅၀၀ ထဲက ပထမဆုံး အသုတ်ဖြစ်ပါတယ်။

နောက် ၂ နှစ်အတွင်းမှာ တပ်သား ၂၅၀၀ အထိ အမေရိကန်က စေလွှတ်မှာပါ။

အမေရိကန်က ဒီပစိဖိတ်ဒေသအတွင်းမှာ အရင်ကတည်းက တပ်တွေထားပါတယ်။

ဒါပေမယ့် သြစတြေးလျကနေတဆင့် ပစိဖိတ်ဒေသအတွင်း အမြဲတမ်းတပ်ချဖို့ လုပ်တာကတော့ ပထမဆုံး အကြိမ်ဖြစ်ပါတယ်။

တပ်သား ၂၅၀၀ ပို့တာကတော့ စစ်ရေးစကားနဲ့ပြောရရင် ဘာမှ ပြောပ လောက်အောင် မဟုတ်ပေမယ့် ပစိဖိတ်ဒေသ အတွင်းမှာ တရုတ်ရဲ့ ပါဝင်ပတ်သက်မှုတွေများလာတဲ့ အတွက် အမေရိကန် က စစ်မဟာဗျူဟာ ဆင်တဲ့ အနေနဲ့ အခုလို တပ်တွေချတာလို့လည်း တချို့က မြင်နေ ကြပါတယ်။

သမ္မတ အိုဘားမားက ဒီလုပ်ရပ်ဟာ တရုတ်ကို သီးသန့်ခွဲထားဖို့ ရည်ရွယ်တာ မဟုတ်ဘူးလို့ မနှစ်က ဒီတပ်စွဲဖို့ ကိစ္စကို ကြေငြာတုန်းက ပြောခဲ့ ပါတယ်။

ဒါပေမယ့် တရုတ် အစိုးရကတော့ ပစိဖိတ်ဒေသ အတွင်းမှာ အမေရိကန် တပ်စွဲနေတာကိုတော့ အလေးထားသင့်တဲ့ ကိစ္စ အနေနဲ့ ဖော်ပြခဲ့ပါတယ်။

အာရှ ပစိဖိတ်ဒေသ အတွင်း က ကိုရီးယား၊ ဂျပန် နဲ့ နေရာအတော်များများမှာ အမေရိကန် က တပ်တွေ ချထားပြီးပြီ ဖြစ်လို့ အခုဒီ သြစတြေးလျ မှာ တပ်ချဖို့ လိုသေး သလားဆိုပြီး တရုတ်ဘက်က မေးခွန်းထုတ်ပါတယ်။

နောက်ပြီး သူတို့ကို ဝိုင်းရံထားသလို ခံစားရတယ်လို့ ဆိုပါတယ်။

သြစတြေးလျ ကာကွယ်ရေးဝန်ကြီး Stephen Smith ကတော့ တရုတ် နဲ့ အိန္ဒိယ တဟုန်တိုး တိုးတက်မှုကို ကမ္ဘာက အမှီလိုက်ဖို့ လိုတယ်၊ နောက်ပြီး အာရှ ပစိဖိတ်ဒေသ အတွင်းမှာ နိုင်ငံရေး နဲ့ စီးပွားရေး လွှမ်းမိုးဖို့ နည်းဗျူဟာ ဆင်တာ လို့ အမေရိကန်ရဲ့ တပ်ချထားမှုနဲ့ ပတ်သက်ပြီး ပွင့်ပွင့်လင်းလင်း ပဲ ရှင်းပြပါတယ်။

KNU ငြိမ်းချမ်းရေး အဖွဲ့ကို နော်စီဖိုးရာစိန် ဦးဆောင်KNU ငြိမ်းချမ်းရေး စကားပြောဖို့ ရန်ကုန်သွား

KNU ကရင် အမျိုးသား အစည်းအရုံး ငြိမ်းချမ်း ရေး ဖော်ဆောင်ရေး အဖွဲ့ဟာ ဒီနေ့မှာ အစိုးရနဲ့ ငြိမ်းချမ်းရေးကိစ္စ ဆွေးနွေးပြောဆိုဖို့ ရန်ကုန်ကို ဒုတိယ အကြိမ်မြောက် အဖြစ်သွားမှာဖြစ်ပါ တယ်။

ဒီအဖွဲ့ကို အဖွဲ့ရဲ့ အထွေထွေ အတွင်း ရေးမှုးချုပ် နော်စီဖိုးရာစိန် ခေါင်းဆောင်သွားမှာ ဖြစ်ပြီး သူ တို့ဟာ ဒေါ်အောင်ဆန်း စုကြည်နဲ့လည်း တွေ့ဖို့ ရှိပါတယ်။

ဒီတခေါက် အစိုးရနဲ့ ဆွေးနွေးတဲ့ အခါ တိုင်းနဲ့ ပြည်နယ် အဆင့်နဲ့ ပြည်ထောင်စု အဆင့် နှစ်ခုလုံးကို ဆွေးနွေးမယ်လို့ ဘီဘီစီက သိရှိရပါတယ်။

KNU ရှိရာ ပဲခူးတိုင်းနဲ့ တနင်းသာရီ တိုင်းက သက်ဆိုင်ရာ အာဏာပိုင်တွေ တွေ့တဲ့အခါ အစိုးရနဲ့ ကေအင်ယူတို့ နယ်နမိတ် သတ်မှတ်ရေး၊ လက်နက် မပါဘဲ တပြည်လုံး လွတ်လွတ် လပ်လပ် သွားလာနိုင်ရေးနဲ့ ဆက်သွယ်ရေးရုံး ဖွင့်ရေး ကိစ္စတွေကို ဆွေးနွေးမယ်လို့ KNU က ပြောပါတယ်။

ဒါ့အပြင် မြန်မာနိုင်ငံထဲက ကရင် လူမှု အဖွဲ့အစည်းတွေ ဘာသာရေး အဖွဲ့အစည်းတွေနဲ့ နိုင်ငံရေး အဖွဲ့တွေနဲ့လည်း တွေ့ဖို့ရှိပါတယ်။

ခုခရီးစဉ်ကနေ တဘက်နဲ့ တဘက် နားလည်မှု ရှိလာမယ်လို့ မျှော်လင့်ကြောင်း ကေအင်ယူ ပြောခွင့်ရာ တာဝန်ခံ ဖဒိုကွယ်ထူးဝင်းက ပြောပါတယ်။

အင်အယ်ဒီ ခုကြားဖြတ် ရွေးကောက်ပွဲမှာ အနိုင်ရတာဟာ လူမျိုးစု လက်နက်ကိုင်တွေ အတွက် တအား ဖြစ်တယ်လို့ ကရင် အမျိုးသား အစည်းအရုံးက ပြောပြခဲ့ပါတယ်။

ကမ္ဘောဒီးယား နိုင်ငံ ဖနွမ်ပင်နိုင်ငံ အစည်းအဝေးကို တက်ရောက်ကြတဲ့ အာဆီယံ ခေါင်းဆောင်များကြားဖြတ်ရွေးကောက်ပွဲ အပြီး ပိတ်ဆို့မှုရုပ်သိမ်းဖို့ အာဆီယံတောင်းဆို

မြန်မာ နိုင်ငံရဲ့ ဧပြီလ ၁ ရက်နေ့ ကြားဖြတ် ရွေးကောက်ပွဲ အပြီးမှာ အနောက် နိုင်ငံတွေက ပိတ်ဆို့ အရေးယူမှု တွေကို ရုပ်သိမ်းပေး ဖို့ အာဆီယံ ခေါင်းဆောင် တွေက တိုက်တွန်း လိုက်ပါတယ်။

ရွေးကောက်ပွဲ ကျင်းပခဲ့ပုံနဲ့ ပတ်သက်ပြီး အာဆီယံ ခေါင်းဆောင်တွေက မြန်မာ နိုင်ငံကို ဝိုင်းဝန်း ချီးကျူး ခဲ့ကြပါတယ်။

အခုဆိုရင်အာဆီယံ အတွက်ရော မြန်မာ နိုင်ငံအတွက်ပါ စာမျက်နှာသစ် ဖွင့်နိုင်တော့မှာ ဖြစ်တယ်လို့အာဆီယံ အတွင်း ရေးမှူးချုပ် ဒေါက်တာ ဆူရင်ပစ်ဆူဝမ် က ပြောပါတယ်။

မြန်မာသမ္မတ ဦးသိန်းစိန် ကလည်း ဒေါ်အောင်ဆန်း စုကြည် ဦးဆောင်တဲ့ NLD က အပြတ်အသတ် အနိုင် ရရှိ သွားတဲ့ အပေါ် ကြိုဆို ထောက်ခံတယ်လို့ ကမ္ဘောဒီးယား နိုင်ငံ ဖနွမ်ပင် မှာ ကျင်းပ နေတဲ့ အရှေ့တောင် အာရှ နိုင်ငံများ အသင်း အာဆီယံ ထပ်သီး အစည်း အဝေးရဲ့ သီးခြား ဆွေးနွေးမှု အတွင်းမှာ ပြောကြား ခဲ့ ပါတယ်။

တချိန်ထဲ မှာပဲ ဧပြီလ ၂၃ ရက် လက်ဇင်ဘတ် နိုင်ငံမှာ ကျင်းပမယ့် ဥရောပ သမဂ္ဂ နိုင်ငံခြားရေး ဝန်ကြီးများ အစည်း အဝေးမှာ မြန်မာနိုင်ငံရဲ့ ရွေးကောက်ပွဲ ကျင်းပပုံ တွေ၊ တခြား ပြုပြင် ပြောင်းလဲရေး တွေ ဖြစ်တဲ့ နိုင်ငံရေး အကျဉ်းသား လွတ်မြောက် ရေး၊ အတိုက်အခံ အင်အားစု နဲ့ လူမျိုးစု လက်နက်ကိုင် တွေကို တွေ့ ဆုံ ဆွေးနွေးပြီး ငြိမ်းချမ်းရေး အဖြေရှာ မှုတွေ ၊ စီးပွားရေး ပြုပြင် ပြောင်းလဲမှု စတဲ့ မြန်မာ နိုင်ငံ ဆိုင်ရာ မူဝါဒကို ပြန်လည် သုံးသပ် မယ်လို့ အီးယူ နိုင်ငံခြားရေး မူဝါဒ ရုံး ပြောခွင့်ရသူ မစ္စ ကိုစီယန်ချစ်က ဆိုပါတယ်။

ဧပြီ ၁ ရက်နေ့ ကြားဖြတ် ရွေးကောက်ပွဲမှာ လွှတ်တော်ကိုယ်စားလှယ် ၄၅ နေရာ အတွက် ယှဉ်ပြိုင်ကြတဲ့ အနက် အမျိုးသား ဒီမိုကရေစီ အဖွဲ့ချုပ်(NLD) က လွှတ်တော်အသီးသီးမှာ ၄၃ နေရာ၊ ရှမ်းတိုင်းရင်းသား များဒီမိုကရက်တစ်ပါတီ (SNDP) က အမျိုးသား လွှတ်တော် ၁ နေရာနဲ့ ကြံ့ခိုင်ဖွံ့ဖြိုးရေးပါတီ (USDP) က အမျိုးသားလွှတ်တော် ၁ နေရာ အသီးသီး အနိုင်ရရှိ သွားတာ ဖြစ်ပါတယ်။

NLD က အနိုင်ရရှိသွားတဲ့ ၄၃ နေရာမှာ ပြည်သူ့လွတ်တော် ၃၇ နေရာ၊ အမျိုးသားလွတ်တော် ၄ နေရာ၊ တိုင်းဒေသကြီးလွတ်တော် ၂ နေရာ ပါဝင်ပါတယ်။

ရွေးကောက်ပွဲ မှာ မဲဆန္ဒရှင် အမြောက် အများ မဲပေး ခဲ့ကြ ပေမယ့် တချို့က မဲစာရင်းထဲမှာ နာမည်မပါလို့ မဲမပေး လိုက်ရတာ တွေလည်း ရှိပါတယ်။ မဲမသမာ မှုတွေလည်း နေရာ အတော်များများမှာ ရှိခဲ့တယ် ဆိုတဲ့ စွပ်စွဲ ပြောဆိုမှု တွေလည်း ရှိပါတယ်။

ကြံ့ခိုင်ဖွံ့ဖြိုးရေး ပါတီ အထွေထွေ အတွင်း ရေးမှူး ဦးဌေးဦးကတော့ သူတို့ပါတီ ဘာကြောင့် ဒီလောက်အရှုံးနဲ့ ရင်ဆိုင် ခဲ့ရသလဲ ဆိုတာကို ပြန်လည် သုံးသပ် နေတယ်လို့ ဘီဘီစီကို ပြောခဲ့ပါတယ်။

မြန်မာအပေါ်ပိတ်ဆို့မှုတွေရုပ်သိမ်းဖို့ အာဆီယံတောင်းဆို

အာဆီယံအဖွဲ့ ဝင်နိုင်ငံများမှ ခေါင်းဆောင်တွေက မြန်နိုင်ငံရဲ့ ဒီမိုကရေစီအပြောင်းအလဲတွေကို အသိအမှတ်ပြုတဲ့အနေနဲ့ အနောက်နိုင်ငံတွေရဲ့ အရေးယူပိတ်ဆို့မှုတွေကို ရုတ်သိမ်းပေးဖို့ မေတ္တာရပ်ခံလိုက်ပါတယ်။ ကမ္ဘောဒီးယားနိုင်ငံမှာပြုလုပ်တဲ့ အာဆီယံထိပ်သီးစည်းဝေးပွဲ နောက်ဆုံးနေ့ ကြေညာချက်ထဲမှာ အခုလို ဖေါ်ပြတောင်းဆိုလိုက်တာဖြစ်ပါတယ်။

မကြာမီက လုပ်ခဲ့တဲ့ လွတ်လပ်မျှတတဲ့ရွေးကောက်ပွဲတွေကြောင့် ပိတ်ဆို့အရေးယူမှုတွေကို သက်ဆိုင်ရာနိုင်ငံတွေကရုပ်သိမ်းပေးဖို့ အဖွဲ့အနေနဲ့တောင်းဆိုပါတယ်။ ပထမအဆင့်အနေနဲ့ ဗြိတိန်ဝန်ကြီးချုပ်မလေးရှားကို လာရောက်မယ့် ခရီးစဉ်အတွင်း ဒီကိစ္စကိုတောင်းဆိုဆွေးနွေးမှာဖြစ်တယ်လို့ အိမ်ရှင်ဖြစ်တဲ့ ကမ္ဘောဒီယား ဝန်ကြီးချုပ်ဟွန်ဆန်က ခမာဘာသာနဲ့ပြောသွားတာဖြစ်ပါတယ်။

တနင်္ဂနွေနေ့ ကပြုလုပ်တဲ့ ကြားဖြတ် ရွေးကောက်ပွဲမှာ အမျိုးသားဒီမိုက ရေစီအဖွဲ့ချုပ်ကအမတ်၄၃နေရာမှာ အပြတ်အသတ် အနိုင်ရရှိပြီးတဲ့နောက် အခု တောင်းဆိုချက် ထွက်လာတာဖြစ်ပါတယ်။ ဥရောပသမဂ္ဂဘက်ကတော့ မြန်မာနိုင်ငံအပေါ်အရေးယူမှုတွေကို ပြန်လည်သုံးသပ်ဖို့ ဧပြီလနောက်ဆုံးပတ်မှာ လပ်ဇင်ဘတ် မြို့မှာ လုပ်မယ့် နိုင်ငံခြားရေးဝန်ကြီးများ အစည်းအဝေးမှာ ဆွေးနွေးကြမယ်လို့ပြောပါတယ်။

NLDပါတီရဲ့ ပြောခွင့်ရပုဂ္ဂိုလ် ဉီးဉာဏ်ဝင်းကတော့ ဆန်ရှင်ချထားရတဲ့ အကြောင်းအရာတွေ ပြီးပြည့်စုံပြီလားဆိုတာ ထည့်သွင်းစဉ်းစားကြဖို့နဲ့ ချမှတ်တဲ့နိုင်ငံတွေရဲ့ဆုံးဖြတ်ချက်ကအဓိကကျကြောင်း ဘီဘီစီကိုပြောပါတယ်။

မိုးညှင်းအချုပ်ခန်းမှာ လူမတန်တဆ ပြည့်ကျပ်နေမိုးညှင်းအချုပ်ထောင် ဖောက်ပြေးသူတွေ သေနတ်မှန်ပြီး သေဆုံး

ဧပြီ ၂ရက်နေ့ မနက် ၂နာရီက မိုးညှင်းမြို့နယ် ရဲစခန်းမှာရှိတဲ့ အမျိုးသား အချုပ်ခန်းက အကျဉ်းသားတွေ အချုပ်ခန်း ဖေါက်ပြေးတာ ကြောင့် အစောင့်ရဲတွေက သေနတ်နဲ့ ပစ်ခတ် ခဲ့ရာမှာ အကျဉ်းသား ၃ဦး သေဆုံးသွားပါတယ်။

နောက်အကျဉ်းသား ၁၀ဦးကိုတော့ ဆေးရုံတင် ထားရပါတယ်။

အချုပ်သားတွေက အချုပ်ခန်း သစ်သားတိုင် တွေကို ချိုးဖြတ်ပြီး ထွက်ပြေးဖို့ ကြိုးစားခဲ့တဲ့ အတွက် အစောင့်ရဲတွေက ပစ်ခတ် ဖမ်းဆီးခဲ့ရာမှာ အကျဉ်းသား ၂ဦး ပွဲချင်းပြီး သေဆုံးသွား ခဲ့ပြီး နောက်တဦးကတော့ ဆေးရုံအရောက်မှာ သေဆုံးသွားခဲ့တာလို့ မိုးညှင်း ဒေသခံတဦးက ဘီဘီစီကို ပြောပြပါတယ်။

ထွက်ပြေးလွတ်မြောက်သွားတဲ့ အကျဉ်းသား ရှိတယ်လို့တော့ မကြားမိဘူးလို့ ပြောပါတယ်။

အဲဒီအချုပ်ခန်းမှာ အချုပ်သားတွေ ကြပ်ညပ်နေပြီး ရာသီဥတုကလည်း ပူတာကြောင့် အခုလို အချုပ်ခန်း ဖေါက်ပြေးကြတာလို့ ကြားရကြောင်းနဲ့ အဲဒီ အချုပ်ခန်းထဲမှာ ထောင်မကျသေးသူ တွေ၊ တရားရင်ဆိုင်နေသူတွေ အပါအဝင် စုစုပေါင်း လူ ၇၀လောက်ရှိတယ်လို့ သိရကြောင်း အဲဒီ ဒေသခံက ပြောပြပါတယ်။

မိုးညှင်း ရဲစခန်းမှာ အချုပ်သား ၁၅၀ ကျော် ချုပ်နှောင်ထားတယ်လို့သိရပါတယ်။

အခုဖြစ်ခဲ့တဲ့ ကိစ္စနဲ့ ပတ်သက်လို့ ခရိုင်အဆင့်က တာဝန်ရှိသူတွေ စစ်ဆေးနေဆဲ ဖြစ်တယ်လို့ သိရပါတယ်။

မြန်မာ့ နိုင်ငံရေး တက်ကြွ လှုပ်ရှားသူ ဇိုရာဖန်းကြားဖြတ် အာရုံ စိုက်လွန်းမှု လှုပ်ရှားသူ သတိပေး

ဧပြီ ကြားဖြတ် ရွေးကောက်ပွဲမှာ ဒေါ်အောင်ဆန်း စုကြည် ပါတီ အောင်ပွဲခံခဲ့ပေမယ့် မြန်မာပြည် လွတ်မြောက်ပြီလို့ ပြောဖို့ မဖြစ်နိုင်သေးကြောင်း ယူကေ အခြေစိုက် Burma Campaign for UK အဖွဲ့က ဇိုရာဖန်းက ပြောလိုက်ပါတယ်။

ကြားဖြတ်ရဲ့ အရေးပါမှုဟာ အနှစ်သာရထက် အ ပြင်ပန်း အရေးပါမှုပဲ ရှိပေမယ့် ဒီရွေးကောက်ပွဲ ကို နိုင်ငံတကာက အာရုံစိုက်လွန်းနေတဲ့အတွက် တခြား လူ့အခွင့် အရေး ချိုးဖောက်မှုတွေ လစ် လျူရှု ခံရနိုင်တာကို ဇိုရာဖန်းက ယူကေထုတ် ဂါးဒီးယန်း သတင်းစာမှာ ဆောင်းပါး ရေး သားပြီး သတိ ပေးလိုက်ပါတယ်။

အန်အယ်ဒီက ဝင်ပြိုင်တဲ့ နေရာ အားလုံး နီးပါးမှာ အနိုင်ရခဲ့ပေမယ့် လွှတ်တော်ထဲမှာ သူတို့ ဟာ စုစုပေါင်း အမတ် အရေအတွက်ရဲ့ ငါးရာခိုင်နှုန်းပဲ ရထားပြီး ကြံ့ဖွံ့နဲ့ စစ်တပ်က ၈၀ ရာနှုန်းကျော် ယူထားပါတယ်။

လူတွေရဲ့ နိုင်ငံရေး စိတ်ဝင်စားမှု နိုးကြားလာတယ် ဆိုပေမယ့် စိန်ခေါ်မှုတွေ အများကြီး ကျန်သေးတယ်လို့ ပြောပါတယ်။

ဒါ့အပြင် နယ်စပ်ဒေသ လူမျိုးစုတွေနေထိုင်တဲ့ ဒေသတွေအထူးသဖြင့် ပြည်တွင်းစစ် ပြန်ဖြစ် နေတဲ့ ကချင် ပြည်နယ်မှာဆိုရင် အစိုးရသစ် ပေါ်လာပြီးနောက်မှာ အခြေအနေတွေဟာ ပို တောင် ဆိုးလာတယ်လို့ ပြောပါတယ်။

ဒါ့ကြောင့် ခုကြားဖြတ် ရွေးကောက်ပွဲကို ကြည့်ပြီး မြန်မာ နိုင်ငံက နိုင်ငံရေး တိုးတက်မှုကို အကဲဖြတ်မယ်ဆိုရင် မှားလိမ့်မယ်လို့ ဇိုရာဖန်းက သတိ ပေးလိုက်ပါတယ်။

ကြံ့ခိုင်ရေးပါတီ အထွေထွေ အတွင်းရေးမှူး ဦးဌေးဦးကြံ့ခိုင်ရေးပါတီ ရှုံးနိမ့်ခဲ့တဲ့ အပေါ်မှာသုံးသပ်

ကြားဖြတ်ရွေးကောက်ပွဲ ၄၅ နေရာမှာ ပြည်ထောင်စု ကြံ့ခိုင်ဖွံ့ဖြိုးရေးပါတီ က ၁ နေရာပဲ ရလို့ အရှုံးကြီး ရှုံးခဲ့တဲ့ အပေါ် အဲဒီ ပါတီ ခေါင်းဆောင်တွေက ပြန်လည် သုံးသပ်ရာမှာ ပါတီရဲ့ လမ်းစဉ်ကြောင့်၊ ဒါမှမဟုတ် ပါတီ ကိုယ်စားလှယ် တစ်ဦးချင်း ရဲ့ အားနည်း ချက် ကြောင့် စတဲ့ အချက်တွေ အပါအဝင် အချက် ၄ ချက်အပေါ် သုံးသပ် ဆွေးနွေးခဲ့ ကြတယ်လို့ ပါတီအထွေထွေ အတွင်းရေးမှူး ဦးဌေးဦးက ဘီဘီစီကို ပြောပါတယ်။

ပြီးခဲ့တဲ့ အင်္ဂါနေ့မှာ ကြံ့ခိုင် ဖွံ့ဖြိုးရေး ပါတီ ခေါင်းဆောင်တွေ နေပြည်တော်မှာ ဆွေးနွေး သုံးသပ်ခဲ့ကြတာ ဖြစ်ပါတယ်။

ရွေးကောက်ပွဲ မှာ ရှုံးနိမ့်ခဲ့ရတာဟာ ပါတီရဲ့ မူဝါဒ လမ်းစဉ် အားနည်းမှုလား၊ ပြီးတော့ လွှတ်တော် ကိုယ်စားလှယ်လောင်း ရဲ့ ပင်ကိုယ် အရည်အချင်းအပါအဝင် လူထု အကျိုးပြု လုပ်ငန်းတွေကို ထိရောက်အောင် မလုပ်နိုင်ခဲ့ တာလား၊ ပါတီ မဲဆွယ်စည်းရုံးမှုတွေ အားနည်းချက်ရှိလို့လား၊ နောက်တချက်က ပါတီ မသိနိုင်၊ လက်လှမ်းမမှီ လိုက် နိုင်တဲ့ အကြောင်းအချက်တွေ ကြောင့်လား စတဲ့ ခေါင်းစဉ်တွေ အောက်မှာ ပြန်လည် သုံးသပ် နေပါတယ်။

အနာဂတ် ရွေးကောက်ပွဲနဲ့ ပတ်သက်ပြီးတော့လည်း ကြံ့ခိုင်ဖွံ့ဖြိုး ရေးပါတီ အနေနဲ့ သုံးသပ်ခဲ့တဲ့ အချက် ၄ ချက်ကို အခြေခံပြီး ပါတီစုံ ဒီမိုကရေစီ စံနစ်ကို ဆက်ပြီး လျှောက်လှမ်းမှာ ဖြစ်တယ်လို့ လည်း ဦးဌေးဦးက ပြောပါတယ်။

အခုကြားဖြတ်ရွေးကောက်ပွဲမှာ အရှုံးကြီး ရှုံးနိမ့်သွားတာကို ပါတီအနေနဲ့ အရမ်း အံ့သြ မိပေမယ့် စိုးရိမ် ကြောင့်ကြ မှု တော့ မရှိဘူးလို့ သူက ဆိုပါတယ်။

တိုင်းပြည် ဖွံ့ဖြိုး တိုးတက်ဖို့ဆိုရင် ဘယ်ပါတီနဲ့ မဆို လက်တွဲ ပူးပေါင်း ဆောင်ရွက် သွားမယ် ဆိုတဲ့ သဘောထားမျိုး ပါတီ ခေါင်းဆောင် အားလုံးက ရှိတယ် ဆိုတာ ကိုလည်း ဦးဌေးဦးက ဘီဘီစီကို ပြောပါတယ်။

တောင်တရုတ်ပင်လယ်အရေး ASEAN ညီညွတ်ဖို့ ဖိလစ်ပိုင်တိုက်တွန်း

By ဗွီအိုအေ (မြန်မာဌာန)

ဒေသတွင်းတင်းမာမှုတွေ လျော့ပါးစေဖို့ တောင်တရုတ်ပင်လယ်ပြင်အတွင်းမှာ ပိုင်ဆိုင်မှုအတွက် အငြင်းပွားနေရတဲ့ကိစ္စနဲ့ပတ်သက်လို့ ကျင့်သုံးရမယ့် စည်းမျဉ်းစည်းကမ်းတရပ်ရေးဆွဲဖို့ အရှေ့တောင်အာရှနိုင်ငံများအသင်း (Asean) အသင်းဝင်တွေကို ဖိလစ်ပိုင်သမ္မတ Benigno Aquino က တိုက်တွန်းလိုက်ပါတယ်။ ဒီအစီအစဉ်ကိုလည်း တရုတ်နိုင်ငံနဲ့ဆွးနွေးညှိနှိုင်းမှုတွေ မလုပ်မီ ဆောင်ရွက်သင့်တယ်လို့ ပြောခဲ့တာပါ။

ပြဿနာကိုဖြေရှင်းဖို့ အာဆီယံအဖွဲ့ဝင်တွေအနေနဲ့ တရုတ်နိုင်ငံနဲ့ဆွေးနွေးမှုတွေမှာ စုစည်းညီညွတ်ဖို့ လိုတယ်လို့လည်း အသင်းဝင်နိုင်ငံခေါင်းဆောင်တွေ တက်ရောက်လာတဲ့ ကမ္ဘောဒီးယားနိုင်ငံ၊ ဖနွမ်းပင်မြို့က ထိပ်သီးအစည်းအဝေးပွဲအတွင်း အင်္ဂါနေ့က ပြောလိုက်တာဖြစ်ပါတယ်။ 

တရုတ်နိုင်ငံကတော့ ရေပိုင်နက်အငြင်းပွားမှုအတွက် တနိုင်ငံချင်းစီနဲ့သာဆွေးနွေးဖို့ လိုလားနေတာပါ။ စတုရန်းကီလိုမီတာ ၃ သန်းခွဲ ကျယ်ဝန်းပြီး အရင်းအမြစ်တွေရှိလိမ့်မယ်လို့ ယုံကြည်ရတဲ့ တောင်တရုတ်ပင်လယ်ရေပိုင်နက်တခုလုံးကို တရုတ်နိုင်ငံက ပိုင်ဆိုင်ကြောင်း ကြေညာထားတာမို့ ကျန်ဒေသတွင်းက ဖိလစ်ပိုင်၊ ဗီယက်နမ်၊ မလေးရှားနဲ့ဘရူနိုင်းနိုင်ငံတွေနဲ့ အချေအတင် ဖြစ်စရာတွေ ကြုံနေရတာဖြစ်ပါတယ်။

မြန်မာ့ပြုပြင်မှုအတွက် အမေရိကန်တုံ့ပြန်ဖို့ ဆွေးနွေးနေ

By မခင်ဖြူထွေး

ဒေါ်အောင်ဆန်းစုကြည်ဦးဆောင်တဲ့ အမျိုးသားဒီမိုကရေစီအဖွဲ့ချုပ် မဲဆန္ဒနယ်အားလုံးနီးပါးအနိုင်ရခဲ့တဲ့ တနင်္ဂနွေနေ့ကကြားဖြတ်ရွေးကောက်ပွဲငြိမ်းငြိမ်းချမ်းချမ်းပြီးဆုံးသွားခဲ့ပြီးတဲ့နောက် မြန်မာနိုင်ငံရဲ့ ပြုပြင်ပြောင်းလဲမှုတွေအပေါ် အမေရိကန်ဘက်ကလည်း ရှေ့ဆက် တုံ့ပြန်မှုတွေလုပ်သွားဖို့ ဆွေးနွေးမှုတွေလုပ်နေတဲ့အကြောင်း အမေရိကန်နိုင်ငံခြားရေးဌာနက ပြောပါတယ်။ ဘယ်လိုတုံ့ပြန်မှုမျိုးတွေ ဖြစ်မလဲဆိုတာ ခုချိန်မှာ မပြောနိုင်သေးပေမဲ့ မြန်မာအစိုးရဘက်က ပြုပြင်ဆောင်ရွက်မှုတွေနဲ့အညီ အမေရိကန်ဘက်ကလည်း တုံ့ပြန်သွားမှာဖြစ်တဲ့အကြောင်း အမေရိကန် နိုင်ငံခြားရေးဌာန ပြောခွင့်ရသူ Victoria Nuland က မနေ့က နိုင်ငံခြားရေးဌာနရဲ့ ပုံမှန် သတင်းစာရှင်းလင်းပွဲမှာ ပြောသွားခဲ့တာပါ။

“ကျမတို့အနေနဲ့ အစိုးရအတွင်းပိုင်း ဆွေးနွေးမှုတွေလုပ်နေပါတယ်။ အမေရိကန်နဲ့ အလားတူတဲ့ တုံ့ပြန်မှုတွေ လုပ်သွားနိုင်ဖွယ်ရှိတဲ့ ကျမတို့ရဲ့မဟာမိတ်တွေ၊ အရှေ့တောင်အာရှနိုင်ငံများအသင်း အာဆီယံအဖွဲ့ဝင်တွေ၊ အီးယူ ဥရောပသမဂ္ဂတို့နဲ့လည်း ဆွေးနွေးတိုင်ပင်မှုတွေ လုပ်နေပါတယ်။”

နိုင်ငံခြားရေးဝန်ကြီးကလင်တန် အီစတန်ဘူးလ်မြို့က အစည်းအဝေးအတွင်းပြောခဲ့သလိုပဲ မြန်မာအစိုးရ အနေနဲ့ ရွေးကောက်ပွဲ မသမာမှုတွေ ရှိခဲ့တယ်ဆိုတဲ့အပေါ်မှာ မြန်ဆန်ထိရောက်တဲ့ စစ်ဆေးဆောင်ရွက်မှုတွေ လုပ်ပြီး ရွေးကောက်ပွဲစနစ် ပြုပြင်ပြောင်းလဲမှုတွေ ဆက်လက် လုပ်ဆောင်သွားဖို့အတွက် သိပ်ကို အရေးကြီးပါတယ်၊ ဒါမှသာ ထင်သာမြင်သာရှိမှု အပါအ၀င် နိုင်ငံတကာရဲ့ စံချိန်စံညွှန်းတွေကို ပြည့်မီလာမှာဖြစ်တယ်လို့လည်း ပြောခွင့်ရအမျိုးသမီး Nuland က ပြောသွားပါတယ်။

“နောက်တကြိမ် ရွေးကောက်ပွဲတွေ စီစဉ်ကျင်းပနိုင်တဲ့အထိ မြန်မာနိုင်ငံရဲ့နိုင်ငံရေး ပြုပြင်ပြောင်းလဲမှုတွေ ဆက်လက် ပြောင်းလဲဖြစ်ထွန်းသွားဖို့ ကျမတို့ မျှော်လင့်ထားပါတယ်။ နောက်တကြိမ် ရွေးကောက်ပွဲက ၂၀၁၅ ခုနှစ်မှာ ကျင်းပဖို့ စီစဉ်ထားတာလို့ ထင်ပါတယ်။”

အမေရိကန် နိုင်ငံခြားရေးဝန်ကြီးဌာန ပြောခွင့်ရ အမျိုးသမီး Victoria Nuland ပြောသွားတာဖြစ်ပါတယ်။ ကြားဖြတ် ရွေးကောက်ပွဲတွေ တရားမျှတမှု ရှိမရှိဆိုတာကို စောင့်ကြည့်ပြီး မြန်မာအပေါ် ချမှတ်ထားတဲ့ မူဝါဒ အပြောင်းအလဲတွေ လုပ်ကောင်းလုပ်မယ်ဆိုပြီး အမေရိကန်နဲ့ ဥရောပသမဂ္ဂတို့က အချက်ပြ ပြောဆိုထားတာဖြစ်ပါတယ်။ တချိန်တည်းမှာလည်း အခု ကြားဖြတ်ရွေးကောက်ပွဲ ရလဒ်တခုတည်းကိုပဲ ကြည့်ပြီး မြန်မာအပေါ် ချမှတ်ထားတဲ့ ဒဏ်ခတ်ပိတ်ဆို့မှုတွေ ရုပ်သိမ်းလိုက်ဖို့မသင့်ကြောင်းနဲ့ နောက်သုံးနှစ်ကြာ တနိုင်ငံလုံးအတိုင်းအတာနဲ့ ရွေးကောက်ပွဲတွေ ကျင်းပတဲ့အချိန်အထိ အခြေအနေတွေကို စောင့်ကြည့်ပြီးတော့မှ ဆုံးဖြတ်ဆောင်ရွက်သင့်တဲ့ အကြောင်း ထောက်ပြပြောဆိုမှုတွေလည်း ရှိနေပါတယ်ရှင်။

မစ်ရော်မနီ Republican သမ္မတလောင်းဖြစ်ဖို့ နီးစပ်လာပြီ

By ဗွီအိုအေ (မြန်မာဌာန)

မက်ဆာချူးဆက်ပြည်နယ် အုပ်ချုပ်ရေးမှူးဟောင်း Mitt Romney ဟာ Republican သမ္မတလောင်း အဖြစ်အရွေးခံရဖို့ သေချာသလောက်ရှိနေပြီး သမ္မတအိုဘားမားကို စိန်ခေါ်နိုင်ဖို့ စိုင်းပြင်းနေပါပြီ။

ဝါရှင်တန်မြို့တော်၊ အရှေ့ပိုင်းက မေရီလင်းပြည်နယ်နဲ့ အနောက်အလယ်ပိုင်းက Wisconsin ပြည်နယ်မှာ မနေ့က အင်္ဂါနေ့မှာကျင်းပခဲ့တဲ့ Republican သမ္မတလောင်း ပဏာမရွေးကောက်ပွဲမှာ Mitt Romney က အပြတ်အသတ် အနိုင်ရရှိခဲ့ပါတယ်။

Wisconsin ပြည်နယ်က ထောက်ခံသူတွေကို Mitt Romney က အောင်ပွဲခံမိန့်ခွန်းပြောကြားခဲ့ရာမှာ သူ့ရဲ့ မဲဆွယ် စည်းရုံးရေး မဟာအောင်မြင်မှုကနေ အမေရိကန်ပြည်သူတွေအတွက် ပေးထားတဲ့ ကတိတွေကို ပြန်လည်ထိန်းသိမ်းနိုင်တော့မယ်လို့ ဆိုပါတယ်။

ဝါရှင်တန်မြို့တော်နဲ့ မေရီလင်းက ပဏာမရွေးကောက်ပွဲမှာ Mitt Romney က သူ့ရဲ့ ပြိုင်ဘက် Rick Santorum ကို အပြတ်အသတ်နိုင်ခဲ့တာဖြစ်ပါတယ်။ Wiscosin ပြည်နယ်မှာတော့ Rick Santorum က အကြီးအကျယ် မဲဆွယ်ထား တာကြောင့် မဲအရေအတွက် သိပ်မကွာပေမဲ့ Mitt Romney အနိုင်ရခဲ့ပါတယ်။

သမ္မတအိုဘာမားကို ထောက်ခံသူတွေကလည်း မဲဆွယ်စည်းရေး စတင်နေပြီး Republican တွေရဲ့ ဘတ်ဂျက် အစီအစဉ်ဟာ တယူသန်အစွန်းရောက်လွန်းတယ်လို့ သမ္မတအိုဘားမားက ဝေဖန်လိုက်ပါတယ်။

မြန်မာအပေါ် ဒဏ်ခတ်မှု လျှော့ချရေးညှိနှိုင်းဖို့ McCain တိုက်တွန်း

By ဗွီအိုအေ(မြန်မာဌာန) 

အမေရိကန်အထက်လွှတ်တော်အမတ် John McCain က မြန်မာနိုင်ငံရဲ့ ကြားဖြတ် ရွေးကောက်ပွဲဟာ ဒီမိုကရေစီရေး ဖြစ်ထွန်းမှုတွေကို ရှေ့ရှုတဲ့ ခရီးလမ်းအတွက် ထူးကဲတဲ့ ခြေလှမ်းတရပ် ဖြစ်ပါတယ် လို့ ပြောဆိုလိုက်ပါတယ်။

မြန်မာလူထုက သူတို့စိတ်ကြိုက် အောင်အောင်မြင်မြင် ရွေးချယ်ခဲ့ကြတဲ့အတွက် ချီးကျူးဂုဏ်ပြု ပါကြောင်း၊ နေပြည်တော်က အစိုးရအနေနဲ့လည်း ရွေးကောက်ပွဲကို ကျင်းပပေးခဲ့တဲ့ အတွက်ရော၊ အများအားဖြင့် လွှတ်လပ်ပြီး မျှတပုံရတဲ့ ရွေးကောက်ပွဲကို အမေရိကန်အပါအ၀င် နိုင်ငံတကာ အဖွဲ့အစည်းတွေ ကို လေ့လာခွင့်ပြုခဲ့တဲ့ အတွက်ပါ အသိအမှတ်ပြုပါကြောင်း ဂျွန်မက်ကိန်းရဲ့ ကြေညာချက် မှာ ဖော်ပြထားပါတယ်။

ဒီရွေးကောက်ပွဲမှာ အနိုင်ရခဲ့တဲ့ ဒေါ်အောင်ဆန်းစုကြည်ကို အထူးတလည် ချီးကျူး ပါကြောင်း၊ နောက်ဆုံး မှာ မြန်မာပြည်သူတွေ အတွက် ရွေးကောက်ခံ ခေါင်းဆောင် တယောက်အနေနဲ့ လူမှန် နေရာမှန် ဆောင် ကျဉ်းပေးခဲ့တဲ့ မြန်မာနိုင်ငံအတွက် သမိုင်းတွင်မယ့် အခိုက်အတန့် ဖြစ်ပါတယ်လို့လည်း ပြောဆိုလိုက်ပါတယ်။

ဒီရွေးကောက်ပွဲဟာ မြန်မာနဲ့ အမေရိကန် ပြည်ထောင်စု အပါအ၀င် နိုင်ငံတကာနဲ့ ဆက်ဆံရေးအတွက် အရေးကြီးတဲ့ မှတ်တိုင်တခု ဖြစ်သင့်တယ်၊ ဒါ့ကြောင့် မြန်မာနိုင်ငံအပေါ် ပိတ်ဆို့မှုတွေ လျှော့ပေါ့ပေးရေး အတွက် နိုင်ငံတကာ မိတ်ဖက်တွေနဲ့အတူ စတင် ဆောင်ရွက်သင့်တဲ့အကြောင်း၊ အမေရိကန် ကွန်ဂရက် လွှတ်တော် အနေနဲ့လည်း ဒီလုပ်ငန်းစဉ်မှာ အရေးပါတဲ့ အခန်းကဏ္ဍကနေပါဝင်ပြီး တဖြည်းဖြည်းနဲ့ တဆင့် ချင်း တိုးပြီး ဆောင်ရွက်ရမှာ ဖြစ်တယ်လို့ ဆိုပါတယ်။

မြန်မာပြည်သူတွေရဲ့ဘ၀ တိုးတက်ရေးနဲ့ မြန်မာအစိုးရနဲ့ လွှတ်တော်အနေနဲ့ ဒီမိုကရေစီနဲ့ စီးပွားရေး ပြုပြင်ပြောင်းလဲမှုတွေ ခိုင်မာရေးအတွက် သူ့အနေနဲ့ လွှတ်တော်အတွင်း လုပ်ဖော် ကိုင်ဖက် တွေနဲ့ အတူ အစိုးရပိုင်းတာဝန်ရှိသူတွေနဲ့ပါ ဆက်သွယ် ညှိနှိုင်းသွားဖို့ ရှေ့ရှုနေတဲ့အကြောင်း စသဖြင့် ဖော်ပြထား ပါတယ်။

မြန်မာနိုင်ငံက လွှတ်တော် ကိုယ်စားလှယ် အဖွဲ့တွေကိုလည်း အမေရိကန် ပြည်ထောင်စုကို မဝေးတော့တဲ့ အနာဂတ် ကာလမှာ အလည် လာရောက်နိုင်လိမ့်မယ်လို့ မျှော်လင့်တဲ့အကြောင်း အထက်လွှတ်တော်အမတ် ဂျွန်မက်ကိန်းရဲ့ ကြေညာချက်မှာ ဖော်ပြထားပါတယ်။

မြန်မာအစိုးရနဲ့ KNU ဖားအံမှာဆွေးနွေး

By မသင်းသီရိ

KNU နဲ့ မြန်မာအစိုးရငြိမ်းချမ်းရေးအဖွဲ့တို့ ဖားအံမြို့မှာ တွေ့ဆုံဆွေးနွေးစဉ်။ (ဧပြီလ ၄ ရက်၊ ၂၀၁၂။)

ကရင်အမျိုးသားအစည်းအရုံး (KNU) နဲ့ မြန်မာအစိုးရတိုရဲ့ငြိမ်းချမ်းရေးအဖွဲတို့ကြား သဘောတူညီထားတဲ့ အပစ်ရပ်ရေး ပိုမိုခိုင်မာမှုရှိအောင် နှစ်ဘက်အဖွဲ့က တာဝန်ရှိသူတွေ ဒီကနေ့ ဖားအံမြို့မှာတွေ့ဆုံပြီး ဆွေးနွေးခဲ့ကြပါတယ်။ တပ်ခစန်းချထားရေးနဲ့ နှစ်ဘက်တပ်ဖွဲ့တွေ လိုက်နာရမယ့်စည်းကမ်းချက်တွေအပေါ် အဓိကဆွေးနွေးခဲ့ကြပြီး ပြည်ထောင်စုအဆင့် သဘောတူညီချက်တွေရဖို့ထိ ညှိနှိုင်းဆွေးနွေးသွားမယ် လို့လည်း တာဝန်ရှိသူတွေကပြောပါတယ်။ ဒီသတင်း အပြည့်အစုံကို မသင်းသီရိက ဆက်သွယ်မေးမြန်းထားပါတယ်။

ကရင် KNU အဖွဲ့နဲ့  မြန်မာအစိုးရရဲ့  ငြိမ်းချမ်းရေးအဖွဲ့တို့ကြား ဒီကနေ့ ဖားအံမြို့မှာ အဓိက ဆွေးနွေးကြတာကတော့ ပြည်နယ်ပဏာမ သဘောတူညီချက်ထဲမှာ အဓိကအချက်ဖြစ်တဲ့ အပစ်ရပ်ရေးထဲက နှစ်ဘက်လိုက်နာရမယ့် အချက်တွေ ကို အသေးစိတ် ထပ်ဆွေးနွေးကြတာဖြစ်ပါတယ်။ ဒါဟာ KNU အဖွဲနဲ့ အစိုးရအဖွဲတို့ ဒုတိယအကြိမ်မြောက် တွေ့ဆုံမှု လည်း ဖြစ်ပါတယ်။ အထုးသဖြင့်ကတော့  တပ်စခန်းတွေနေရာချထားရေး တွေ တခါ တပ်တွေရော ဒေသခံလူထုတွေ ကပါ ဒီအပစ်ရပ်သဘောတူညီချက်ထဲကအတိုင်း လိုက်နာဆောင်ရွက်ရမယ့် ကိစ္စတွေ ဆွေနွေးကြတယ်လို့ အစိုးရ ငြိမ်းချမ်းရေးအဖွဲ့ကို ဦးဆောင်လာသူထဲကတဦးဖြစ်တဲ့ လူမှုကြိကြပ်ရေးနဲ့ ပြည်သူ့အင်အားဦးစီးဌာန၀န်ကြီး ဦးခင်ရီက  VOA မြန်မာပိုင်းကို ပြောပါတယ်။

“ပထမပြည်နယ်အဆင့်မှာ အပစ်အခတ်ရပ်စဲရေးအတွက် အရင်ဆွေးနွေးခဲ့တာ ရှိတယ်ခင်ဗျ။ အဲဒါကို ထပ်ပြီးတော့ ပိုမိုခိုင်မာအောင်ဆိုပြီးတော့ cease fire ကာလအတွင်း နှစ်ဘက်လိုက်နာရမယ့်  ကျင့်ဝတ်တွေ၊ စည်းကမ်းတွေ- အဲဒါတွေကို ကျနော်တို့ ဆွေးနွေးခဲ့ကြပါတယ်။ နှစ်ဘက် ဒီဘက်က ဘာလိုက်နာရမယ်၊ ဟိုဘက်က ဘာလိုက်နာရမယ်ဆိုတာ အပြန်ပြန်အလှန်လှန် ဆွေးနွေး ခဲ့ကြပြီးတော့ ဒါကို ဆက်ဆွေးနွေးဖို့ သဘောတူခဲ့ကြပါတယ်ခင်ဗျ”

အခု KNU နဲ့ ဆွေးနွေးညှိနှိုင်းတဲ့အထဲမှာ အစိုးရဘက်ကလိုက်လျောဖို့ ခက်ခဲနေတဲ့ အချက်အလက်တွေများ ရှိနေလားလို့လည်း မေးကြည့်ပါတယ်။

"ကျနော်ထင်တယ်။ မရှိနိုင်ဘူးထင်တယ်။ ဘာကြောင့်လဲဆိုတော့ နှစ်ဘက်လုံးကတအားဖြစ်ချင်တယ်လေ။ နှစ်ဘက်လုံးက ငြိမ်းချမ်းရေးလိုလားတဲ့သူတွေပဲဖြစ်နေတော့ ဖြစ်ချင်တဲ့ဆန္ဒရှိနေတဲ့အခါကျတော့ သိပ်အခက်အခဲ မရှိနိုင်ပါဘူး။ လိုတိုး ပိုလျှော့ နှစ်ဘက်ညှိတဲ့အချိန်လေးပဲ ကြာချင်ကြာနိုင်မှာပါ။ ကျနော်ထင်ပါတယ်။ အခက်အခဲ မရှိနိုင်ပါဘူးခင်ဗျ။"

ဧပြီလ ၄ ရက်နေ့ ဖားအံမှာ အခုတွေ့ပြီး KNU အဖွဲ့တွေ ရန်ကုန်ကိုသွားကာ   ဧပြီလ ၁၁ ရက်နေ့ အထိ ပြည်ထောင်စုအဆင့် သဘောတူညီချက်တွေရဖို့ ဆက်ဆွေးနွေးကြမှာလည်းဖြစ်ပါတယ်။

“အဲဒါက ဒီမှာမပြတ်တဲ့ကိစ္စတွေနဲ့ ဟိုမှာက သူတို့ဘက်က တင်ပြချက်တွေအပေါ်မှာ မူတည်ပြီးတော့မှ ကျနော်တို့က ဆွေးနွေးမှာပါ။ သူတို့က တင်ပြလာမှာပါ။ ဟိုကျမှပဲ ကျနော်တို့က အသေးစိတ်သိရမယ်ခင်ဗျ။ အားလုံးက ငြိမ်းချမ်းရေးလိုချင်တယ်၊ ပြည်သူတွေကလည်း ငြိမ်းချမ်းရေးလိုချင်တယ်၊ နှစ်ဘက်ညှိတဲ့ပုဂ္ဂိုလ်တွေကလည်း ငြိမ်းချမ်းရေးလိုချင်တယ်၊ အကြီးအကဲတွေကလည်း ဒါတွေ ဖြစ်မြောက်အောင်ဆောင်ရွက်ခိုင်းတယ်ဆိုတော့ အခက်အခဲတော့မရှိဘူးခင်ဗျ။ တချို့နေရာတွေမှာ နှစ်ဘက်ညှိရတဲ့ အချိန်ယူရတဲ့ အပိုင်းတွေတော့ ရှိမှာပါ။ နောက်ဆုံးတော့ ထာဝရငြိမ်းချမ်းရေး ကျုပ်တို့တိုင်းပြည်မှာ ကျိန်းသေရသွားမယ့်သဘောဖြစ်ပါတယ်။”

ဒါကတော့ ပြည်ထောင်စုအဆင့် ငြိမ်းချမ်းရေးအဖွဲ့ထဲက လူမှုကြီးကြပ်ရေးနဲ့ ပြည်သူ့အင်အားဦးစီးဌာန ၀န်ကြီး ဦးခင်ရီက က KNU နဲ့ဆွေးနွေးနေတဲ့ အခြေအနေတွေကိုပြောပြခဲ့တာပါရှင်။ ကရင်ပြည်နယ် အတွင်း ဆယ်စုနှစ်ပေါင်းများစွာ ဖြစ်နေခဲ့တဲ့  ပဋိပက္ခတွေကို ငြိမ်းချမ်းရေးရအောင်ဆောင်ရွက်ရာမှာ အရင်က ရှိခဲ့ဖူးတဲ့ အပစ်ရပ်သဘောတူညီချက် ပျက်ခဲ့တာမျိုး တွေ ထပ်မဖြစ်ရအောင် အထူးသဖြင့်ကတော့ အာမခံချက်ရှိတဲ့ သဘောတူညီချက်တွေဖြစ်ဖို့ လိုတယ်လို့ KNU အဖွဲ့က တာဝန်ရှိသူတဦး လည်းဖြစ်၊  သတင်းနဲ့ပြည်သူ့ဆက်ဆံရေး တာဝန်ခံ နော်မေဦးကလည်း ပြောပါတယ်။ ပြည်နယ်အဆင့် ပမာဏတွေထဲ အခုလို ခိုင်မာတဲ့ အပစ်ရပ်သဘောတူညီချက်တွေပြီးပြီဆိုရင် ပြည်ထောင်စုအဆင့်ဆွေးနွေးချက်တွေထဲ နိုင်ငံရေးအချက်တွေ ဆက်ဆွေးနွေးမယ်လို့လည်း ဆိုပါတယ်။

“စစ်မှန်တဲ့ငြိမ်းချမ်းရေးတည်ဆောက်တဲ့ဘက်ကို ဦးတည်သွားနိုင်ဖို့ဆိုတာကို လိုအပ်တဲ့အပေါ်မှာ ကျမတို့ စောင့်ကြပ်ကြည့်ရှုသွားမယ့် monitoring မော်နီတာရင်းအဖွဲ့ဆိုတာကို ဆွေးနွေးခြင်းဖြစ်ပါတယ်။ ပထမသဘောတူညီချက်ရေးထိုးခဲ့တုန်းက အဲဒီ အချက်တွေ-အချက်တစ်ချက်ပေ့ါနော်၊ သဘောတူညီချက် ရေးထိုးခဲ့တဲ့အထဲမှာ တတိုင်းပြည်လုံးအတိုင်းအတာနဲ့ အပစ်အခတ်ရပ်စဲရေးပေါ့။ အဲဒီဟာတွေက ပြည်ထောင်စုအဆင့်မှာ ဆွေးနွေးခဲ့ပြီးဖြစ်ပါတယ်။ တကယ့် စစ်မှန်တဲ့၊ အနှဝ်သာရရှိတဲ့အပစ်အခတ်ရပ်စဲရေး တစ်ခုဖြစ်ဖို့အတွက်ကို ကျမတို့ အခု လောလောဆယ်မှာ ဆွေးနွေးနေတုန်းပဲဖြစ်ပါတယ်။ ”

ရန်ကုန်မှာ KNU အဖွဲ့ဟာ  မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့  နိုင်ငံရေးပါတီတချို့ကို လည်း တွေ့ဆုံဖို့စီစဉ်ထားသလို ပဲခူးတိုင်းက ကျောက်ကြီးမြို့နဲ့ တနင်္သာရီတိုင်း၊ ထားဝယ်ကို သွားမယ် လို့လည်း ပြောပါတယ်။

"NLD နဲ့တော့ ဒေါ်အောင်ဆန်းစုကြည်အပါအဝင် တခြားလူမှုရေးအဖွဲ့အစည်းတွေ၊ တခြားနိုင်ငံရေးပါတီတွေနဲ့ တတ်နိုင်သမျှပေါ့ တွေ့ဖို့ရှိပါတယ်။ မငြိမ်းချမ်းတဲ့အတွက်ကြောင့် တကယ်တန်း မြေစာပင်ဖြစ်နေတဲ့ ပြည်သူတွေရဲ့  အခန်းကဏ္ဍ တကယ်ပဲ အရေးကြီးတာကို ကျမတို့က လက်ခံထားတဲ့အတွက်ကြောင့် စစ်မက်ဖြစ်ပွားခဲ့တဲ့ ဒေသတွေမှာ ကျမတို့ လူထုတွေရဲ့ အခြေအနေတွေကို သွားပြီးလေ့လာဖို့ပဲ ဖြစ်ပါတယ်။"

KNU အဖွဲ့က တာဝန်ရှိသူ နော်မေဦးပြောပြခဲ့တာပါရှင်။ ဧပြီလ ၄ရက် ဗုဒ္ဓဟူးနေ့က ဖားအံမှာလုပ်ခဲ့တဲ့ ဒီဆွေးနွေးပွဲကို အရပ်ဘက်လေ့လာစောင့်ကြည်ရေးသုံးဦးလည်း တက်ရောက်နားထောင်ခဲ့ပါတယ်။