01.04.2012 နေ့ဖတ်ရန်သတင်းများ

by Myanmar Journal on Saturday, March 31, 2012 at 2:24pm ·

 
ရွေးကောက်ပွဲအပေါ် အီးယူရဲ့ သဘောထား
အီးယူကို ဖိတ်ကြားတာဟာ လမ်းပွင့်လာတဲ့ လက္ခဏာ တစ်ရပ် ဖြစ်တယ်လို့ဆို
မြန်မာနိုင်ငံမှာ မနက်ဖြန်ကျင်းပမယ့် ကြားဖြတ် ရွေးကောက်ပွဲကို စောင့်ကြည့်ဖို့ အချိန် မလုံ လောက်တဲ့ အတွက် တရားမျှတမှု ရှိမရှိဆိုတာ အကဲဖြတ်ဖို့ မဖြစ်နိုင်ဘူးလို့ မြန်မာနိုင်ငံကို ရောက်ရှိနေတဲ့ အီးယူ ဥရောပသမဂ္ဂရဲ့ ရွေးကောက်ပွဲ စောင့်ကြည့်လေ့လာရေး အဖွဲ့က ပြောကြားပါတယ်။
ဒါပေမယ့်လည်း ရွေးကောက်ပွဲအတွက် အီးယူကို လေ့လာဖို့ ဖိတ်ကြားတာဟာ လမ်းပွင့်လာတဲ့ လက္ခဏာ တစ်ရပ် ဖြစ်တယ်လို့ အီးယူ ကိုယ်စားလှယ် အဖွဲ့က MAlgorzata Wasilewska က ပြောပါတယ်။

အခုလို ကိုယ်တိုင် လာခွင့်ကြည့်ခွင့်ရတာဟာ အခွင့်အလမ်း တရပ်အဖြစ် မြင်ကြောင်းနဲ့ နောင်မှာလည်း မြန်မာအာဏာပိုင်တွေ အနေနဲ့ အခုထက် ပိုပြီး ပွင့်လင်းမြင်သာအောင် လုပ်ဆောင် ပေးလိုတဲ့ ဆန္ဒရှိ လိမ့်မယ်လို့ မျှော်လင့်ကြောင်း Malgorzata Wasilewska က ဘီဘီစီ သတင်းထောက် Rachael Harvey ရဲ့ အမေးကို ဖြေကြားသွားပါတယ်။
ဒါပေမယ့်လည်း ပြည်တွင်းက လေ့လာစောင့်ကြည့်သူတွေကို မြန်မာအာဏာပိုင်တွေက တရားဝင် အသိအမှတ်ပြုထားတာ မဟုတ်တဲ့ အတွက် ဝမ်းနည်းစရာ ကောင်းတယ်လို့ သူက ပြောပါတယ်။
အနာဂတ် ရွေးကောက်ပွဲတွေ ကျရင်တော့ ဖြစ်စဉ်ကြီး တစ်ခုလုံးကို စောင့်ကြည့်နိုင်တဲ့ အရေးကြီး တဲ့ အခန်း ကဏ္ဍကနေ သူတို့ ပါဝင် နိုင်လိမ့် မယ်လို့ မျှော်လင့်ကြောင်း သူက ပြောကြားသွားပါတယ်။
နောက်ဆုံးအနေနဲ့ Mrs Wasilewska ပြောသွားတာကတော့ ဒီမိုကရေစီနည်းကျတဲ့ ရွေးကောက်ပွဲ ဖြစ်ရေး အတွက် ပြည်တွင်းက အဖွဲ့ အစည်းတွေ၊ လေ့လာ စောင့်ကြည့်သူတွေ က ပို အရေးကြီးပါတယ်လို့ ဆိုပါတယ်။

ရွေးကောက်ပွဲ မသမာမှုတွေ နေရာ အများမှာ ရှိနေ
ခုကြားဖြတ် ရွေးကောက်ပွဲဟာ တရားမျှတတဲ့ ရွေးကောက်ပွဲ ဖြစ်စေရမယ်လို့ ပြည်ထောင်စု ရွေးကောက်ပွဲကော်မရှင်က ပြောပေမယ့် ရွေး ကောက်ပွဲ လုပ်မယ့် နေရာ အတော် များများမှာ ခြိမ်းခြောက် မဲဆွယ်မှုတွေ မတရားမှုတွေရှိ နေတယ်လို့ သတင်း ရရှိပါတယ်။
မန္တလေးတိုင်းမှာ ကြားဖြတ် ရွေးကောက်ပွဲ မဲ ဆန္ဒနယ် တခုဖြစ်တဲ့ မဟာ အောင်မြေ မြို့ နယ်မှာ မဲပေးတဲ့ နေ့မှာ အချိန်တို အတွင်း မဲပေးသူတွေ အဆင်ပြေ မြန်ဆန်အောင် ထုတ်ပေးထားတဲ့ ကြိုတင် စီစစ်ပြီးသား မဲပေးခွင့် လက်မှတ်တွေကို သက်ဆိုင်ရာက ပြန်သိမ်းတာတွေ ရှိနေသလို နေရာ အတော် များများမှာ မဲဆန္ဒရှင်တွေမှာ မဲပေးခွင့် စီစစ်ပြီးသား ကဒ်ပြားတွေ မရသေးတာကြောင့် အန်အယ်လ်ဒီ ပါတီက မတ်လ ၃၀ ရက်နေ့မှာ လူအင်အား များများနဲ့ လိုက်လံ ဝေငှ နေရတယ်လို့ အန် အယ်လ်ဒီ အောင်နိုင်ရေး အဖွဲ့ဝင် ဦးမျိုးနိုင်က ပြောပါတယ်။
နောက်ပြီးတော့ မန္တလေးတိုင်းထဲက နွားထိုးကြီး မြို့နယ် ခံတက်ကုန်း ကျေးရွာ မှာတော့ ကျေးရွာ အုပ်ချုပ်ရေးမှုးက ကြံ့ခိုင် ဖွံ့ဖြိုးရေး ပါတီဝင်ပြီးတော့ ပါတီဝင် ကဒ်ပြားတွေ လာ ထုတ်မှ ဧပြီ တရက်နေ့မှာ မဲပေးရမယ်လို့ အသံချဲ့စက်နဲ့ နိုးဆော် နေတယ်လို့ သတင်းရ ရှိပါတယ်။
အလားတူဘဲ မကွေးတိုင်း ပခုက္ကူမြို့နယ် ဆိခဝ ကျေးရွာ အုပ်စု အုပ်ချုပ်ရေးမှူးက သူ့ လက်အောက်မှာ ရှိတဲ့ ဆယ်တရွာက ကျေးရွာအုပ်ချုပ်ရေးမှူးတွေကို ဆင့်ခေါ်ပြီး အုပ်ချုပ် ရေးမှုးတွေ အနေနဲ့ ကြံခိုင် ဖွံ့ဖြိုးရေး ပါတီ အောင်နိုင်ရေး အတွက် မဲဆွယ်ပေးဖို့ နိုင်ခဲ့ရင် ဆုပေးပြီး ရှုံးနိမ့်ခဲ့ရင် ဒဏ်ပေးမယ်လို့ ပြောဆိုခဲ့ကြောင်း ပခုက္ကူ အန်အယ်လ်ဒီ ပါတီဝင်တွေက ဘီဘီစီကို ပြောပြပါတယ်။
ပဲခူးတိုင်း တောင်ငူမြို့မှာတော့ အန်အယ်လ်ဒီ ပါတီရဲ့ ကိုယ်စားလှယ်လောင်း ဦးအောင်စိုးမြင့် မဲဆွယ် စည်းရုံး ဟောပြောဖို့ ကားပေါ်က အဆင်းမှာ လောက်လေးနဲ့ ပစ်ခံရတာကြောင့် ကားရှေ့ လေကာမှန် ကွဲသွားတယ်လို့ သိရပါတယ်။
ဒီကိစ္စကို တောင်ငူရဲစခန်းမှာ သွားရောက် အမှုဖွင့် တိုင်ကြား ထားတယ်လို့ အန်အယ်ဒီက ပြောပြပါတယ်။
ပြည်ထောင်စု ရွေးကောက်ပွဲ ကော်မရှင်က လာမယ့် ကြားဖြတ် ရွေးကောက်ပွဲဟာ လွတ် လပ်ပြီး တရား မျှတစေရမယ်လို့ ပြောနေပေမယ့် ရွေးကောက်ပွဲ လုပ်မယ့် နေရာ အတော် များများမှာ မသာမာမှုတွေ ခြိမ်းခြောက်မှုတွေ တွေ့နေရတယ်လို့ ရွေးကောက်ပွဲ စောင့်ကြည့် သူတွေက ဘီဘီစီကို ပြောပြကြပါတယ်။

မာလီသူပုန်တွေ တောင်ပိုင်းကို တိုးလာနေ
အာဏာသိမ်းခေါင်းဆောင် ဗိုလ်ကြီးဆန်နဂိုး အနီး မှာတော့ လုံခြုံရေးအထူးချထား
မာလီနိုင်ငံ တွားရတ် သူပုန်တွေဟာ နိုင်ငံ တောင်ပိုင်းက မဟာဗျူဟာ ကျတဲ့ ဂေါင်းမြို့ ဆီကို ချီတက် ဝင်ရောက် လာနေပြီ ဖြစ်ပါတယ်။ သူပုန်တွေဟာ လက်နက်ကြီးတွေ အပြည့် တင်ထားတဲ့ ပစ်ကပ်ကားတွေနဲ့ ဂေါင်းမြို့ထဲကို ဝင်ရောက်လာကြတာ ဖြစ်တယ် လို့ အဲဒီမြို့က အရာရှိတွေက ပြောပါတယ်။
ပစ်ခတ်မှုတွေ အကြီးအကျယ် ဖြစ်ပွားခဲ့ပြီး စစ်ရဟတ်ယာဉ်တွေရဲ့ စစ်ဆင်မှုတွေ လည်း ရှိခဲ့တယ်လို့ ဆိုပါတယ်။
အခုလို တွားရတ်သူပုန်တွေ နောက်ထပ် မြို့တမြို့ကို ဝင်ရောက်ခဲ့ပြီး နောက်မှာတော့ ဒေသတွင်း အဖွဲ့တခု ဖြစ်တဲ့ အနောက်အာဖရိက နိုင်ငံများအဖွဲ့ ECOWAS ရဲ့ တပ်ဖွဲ့ဝင် ၂ ထောင်ကို တပ်လှန့်ထား ပါတယ်။
မနေ့တုန်းကဆိုရင် စစ်တပ်ကို ပုန်ကန်ပြီး အာဏာသိမ်းခဲ့တဲ့ ခေါင်းဆောင် ဗိုလ်ကြီး ဆန်နဂိုးဟာ ဒီ တွားရတ်သူပုန်တွေကို ခုခံ တိုက်ခိုက်ဖို့ အတွက် နိုင်ငံတကာကို အကူအညီ တောင်းခံခဲ့ပါတယ်။
အာဏာသိမ်း စစ်တပ်ဖွဲ့က ခေါင်းဆောင် ၃ ဦးဟာ မာလီ အကျပ်အတည်းကို ကြားဝင် ဖျန်ဖြေပေးနေတဲ့ အိမ်နီးချင်း ဘာကီနာဖက်ဆို နိုင်ငံက သမ္မတ ဘလက်စကွန် ပါရို့ရေနဲ့ ဆွေးနွေးဖို့ အတွက် အဲဒီ နိုင်ငံထဲကို ဝင်ရောက်သွားပြီ ဖြစ်ပါတယ်။

ကမ္ဘာ့ ဆုကြေးအများဆုံး ထီပေါက်သွား
မယ်ရီလန်းပြည်နယ် ထီဌာန ညွှန်ကြားရေးမှူး ရှင်းလင်း ပြောကြားနေစဉ်
အမေရိကန်ပြည်ထာင်စု မယ်ရီလန်းပြည်နယ်မှာ ကမ္ဘာ့ ဆုကြေး အများဆုံးအဖြစ် ဒေါ်လာ သန်း ၆၄၀ ဆုကြီး ထီပေါက်သွားတဲ့ ကံထူးရှင် ဘယ်သူ ဖြစ်တယ်ဆိုတာကို ရှာဖွေ စောင့်မျှော်နေ ကြပါတယ်။
အခု ဆုကြီးပေါက်သွားတဲ့ ထီလက်မှတ်ကို Baltimore ကောင်တီ ဈေးတခုက 7/Eleven ဈေးဆိုင်မှာ ဝင်ထိုးသွားတာ ဖြစ်တယ်လို့ ဒေသတွင်း သတင်းမီဒီယာက ပြောပါတယ်။
တခြား ပြည်နယ်တွေနဲ့ စီရင်စုဒေသတွေက ကံထူးရှင်တွေ ဒီဆုကို ပေါက်သွားတာလည်း ဖြစ်နိုင်တယ်လို့ မယ်ရီလန်းပြည်နယ် ထီဌာက တာဝန်ရှိသူ အမျိုးသမီးကပြောပါတယ်။
အခု ဆုကြီးအတွက် အမေရိကန်တွေ ထိုးထားတဲ့ ငွေပမာဏဟာ ခန့်မှန်းခြေ ဒေါ်လာ တစ် ဘီလျံ ခွဲလောက် ရှိမယ်လို့ တွက်ဆရပါတယ်။
ဇန်နဝါရီလ ကုန်ကစပြီး ထီပေါက်သူ မရှိဖြစ်ခဲ့တဲ့ အတွက် အခုလောက် ငွေပမာဏာအထိကို စံချိန်တင် ရောက်ရှိသွားတာ ဖြစ်ပါတယ်။

 ရွေးကောက်ပွဲအတွက် အကြီးအကျယ် ပြင်ဆင်နေ
မြန်မာနိုင်ငံမှာ မနက်ဖြန်ကျင်းပမယ့် ကြားဖြတ် ရွေးကောက်ပွဲအတွက် ပါတီအသီးသီးကနေ ကြိုတင်ပြင်ဆင်မှုတွေ ပြုလုပ်နေကြပြီ ဖြစ်ပါတယ်။ အမျိုးသားဒီမိုကရေစီအဖွဲ့ချုပ် NLD ဥက္ကဌ ဒေါ်အောင်ဆန်းစုကြည်ဟာ သူဝင်ရောက် ယှဉ်ပြိုင်မယ့် ကော့မှူးမြို့နယ်က ဝါးသင်္ခရွာမှာ ဒီည စခန်းချဖို့အတွက် ကားတန်းနဲ့ ရောက်ရှိသွားပြီ ဖြစ်ပါတယ်။
သူ့ကို ထောက်ခံသူတွေနဲ့ ကရင်တိုင်းရင်းသူ၊ တိုင်းရင်းသားတွေဟာ ဒေါ်အောင်ဆန်းစုကြည် ရွာကိုလာရာ လမ်းတဖက် တချက်က နေ ရပ်စောင့်နေခဲ့ကြပြီး သောင်းသောင်း ဖျဖျ ကြိုဆိုခဲ့ကြပါတယ်။
ဒီကနေ့ဟာ နောက်ဆုံးပိတ် မဲဆွယ်ရမယ့်နေ့ ဖြစ်တာကြောင့် အကြိတ်အနယ် ရှိကြမယ်လို့ ယူဆရတဲ့ မဲဆန္ဒနယ်မြေတွေမှာလည်း ပါတီတွေဟာ မဲဆွယ်မှုတွေကို အကြီးအကျယ် ပြုလုပ်ခဲ့ကြပါတယ်။
ဒေါ်အောင်ဆန်းစုကြည်က ဒီရွေးကောက်ပွဲတွေဟာ လုံးဝ လွတ်လပ်ပြီး တရားမျှတမယ်လို့ မယူဆနိုင်ကြောင်း မနေ့က ပြောကြားခဲ့ပေမယ်လို့ NLD အနေနဲ့ အမျိုးသား ရင်ကြားစေ့ရေး အတွက် ဝင်ရောက်ယှဉ်ပြိုင်မှာ ဖြစ်တယ်လို့ ပြောခဲ့ပါတယ်။
အခု ကြားဖြတ်ရွေးကောက်ပွဲဟာ မဲဆန္ဒနယ်မြေ လွတ်လပ်နေရာ ၄၅ နေရာ အတွက်သာ ဖြစ်တဲ့အတွက် ဒီရလဒ်ကနေ မြန်မာနိုင်ငံရဲ့ အာဏာချိန်ခွင်ရှာ ထိန်းညှိရေးကို အလှည့် အပြောင်း လုပ်နိုင် မှာ မဟုတ်ပါဘူး။
ဒါပေမယ့်လည်း အနောက်အုပ်စု နိုင်ငံတွေက အခုရွေးကောက်ပွဲ အတွက် လုပ်ကိုင်ဆောင်ရွက် မှုတွေကို လွတ်လပ် တရားမျှတ တယ်လို့ အသိအမှတ် ပြုခဲ့ရင်တော့ မြန်မာအစိုးရ အပေါ် ချမှတ်ထား တဲ့ ဒဏ်ခတ် ပိတ်ဆို့မှုတွေကို ရုပ်သိမ်းကောင်း ရုပ်သိမ်းနိုင်ပါတယ်။
ပြည်ထောင်စု ရွေးကောက်ပွဲ ကော်မရှင်ကတော့ ခုကြားဖြတ် ရွေးကောက်ပွဲဟာ တရားမျှတတဲ့ ရွေးကောက်ပွဲ ဖြစ်စေရမယ်လို့ ပြောပေမယ့် ရွေးကောက်ပွဲ လုပ်မယ့် နေရာ အတော် များများ မှာ ခြိမ်းခြောက် မဲဆွယ်မှုတွေ၊ မတရားမှုတွေရှိ နေတယ်လို့လည်း သတင်း ရရှိပါတယ်။

ဆီးရီယားအကြမ်းဖက်မှု အဆုံးသတ်ဖို့ သံတမန်ရေး ကြိုးပမ်းမှု
By ဗွီအိုအေ (မြန်မာဌာန)
ဆီးရီးယားနိုင်ငံမှာ နှစ်နဲ့ချီ ဖြစ်ပွားနေတဲ့ ပဋိပက္ခပြေလည်ရေးအတွက် အမေရိကန်နိုင်ငံခြားရေးဝန်ကြီး Hillary Clinton ဟာ ဆော်ဒီအာရေးဗီးယား နိုင်ငံမှာ အာရပ် ပင်လယ်ကွေ့နိုင်ငံတွေက သံတမန်တွေနဲ့ စနေနေ့က တွေ့ဆုံ ဆွေးနွေးပွဲတွေ ဆက်လက် ပြုလုပ်နေပါတယ်။
ဒီတွေ့ဆုံ ဆွေးနွေးပွဲတွေဟာ တနင်္ဂနွေနေ့ကျရင် တူရကီနိုင်ငံ အစ္စတန်ဘူလ်မြို့မှာ ကျင်းပမယ့် နိုင်ငံ ၆၀ ပါ ဆီးရီးယားမိတ်ဆွေများ ဆွေးနွေးပွဲရဲ့ အကြို ဆွေးနွေးမှုတွေလည်း ဖြစ်ပါတယ်။ တူရကီနိုင်ငံမှာ ကျင်းပမယ့် အဲဒီ ဆွေးနွေးပွဲကို ဆီးရီးယားအတိုက်အခံ အင်အားစုတွေကို ထောက်ခံတဲ့ အမေရိကန်၊ အာရပ်နဲ့ တခြား အနောက်နိုင်ငံတွေက သံတမန်တွေ တက်ရောက်ကြမှာ ဖြစ်ပါတယ်။
ပင်လယ်ကွေ့နိုင်ငံတချို့က အဆိုပြုထားပေမဲ့ အမေရိကန်ကတော့ ဆီးရီးယားအတိုက်အခံတွေကို လက်နက် တပ်ဆင်ပေးရေး ကိစ္စကို ဆက်လက် ငြင်းဆန်နေဆဲ ဖြစ်ပါတယ်။ အဲဒီလို လက်နက် ထောက်ပံ့မယ့်အစား တကွဲ တပြားစီဖြစ်နေကြတဲ့ အတိုက်အခံ အင်အားစုတွေကို အမေရိကန်ပြည်ထောင်စုက လိုက်လံ စည်းရုံးနေပြီး ဆီးရီးယားနိုင်ငံအတွင်း လူသားချင်းစာနာတဲ့ အကူအညီတွေ ပို့ပေးနိုင်ရေးကိစ္စကို အာရုံစိုက် လုပ်ဆောင်နေတာပါ။
ဒီအတောအတွင်း ဆီးရီးယားနိုင်ငံတ၀ှမ်း သောကြာနေ့က လုံခြုံရေးတပ်ဖွဲ့တွေနဲ့ ဆန္ဒပြသူတွေအကြား ထိပ်တိုက် ရင်ဆိုင်မှုတွေ ဖြစ်ပွားခဲ့တာမှာ အနည်းဆုံး လူ ၁၁ ဦးလောက် သေဆုံးခဲ့တယ်လို့ ဆီးရီးယား လူ့အခွင့်အရေးအဖွဲ့က ပြောပါတယ်။
ဆီးရီးယား အစိုးရအနေနဲ့ ချက်ချင်း အပစ်အခတ် ရပ်ဆိုင်းပြီး အတိုက်အခံတွေကို တိုက်ခိုက်နေတာတွေ လည်း ရပ်တန့်ဖို့ ကုလသမဂ္ဂနဲ့ အာရပ်အဖွဲ့ချုပ်ရဲ့ ဆီးရီးယားနိုင်ငံဆိုင်ရာ အထူးသံတမန် ကိုဖီအာနန်က တောင်းဆိုထားပါတယ်။

ယီမင်အစိုးရနဲ့ သူပုန်တိုက်ပွဲ အနည်းဆုံး ၃၀ သေဆုံး
By ဗွီအိုအေ (မြန်မာဌာန)
ယီမင်နိုင်ငံ တောင်ပိုင်းမှာ အစိုးရတပ်တွေနဲ့ အယ်ခိုင်းဒါးလို့ သံသယဖြစ်ဖွယ်ရှိတဲ့ စစ်သွေးကြွတွေအကြား တိုက်ပွဲတွေ အပြင်းအထန် ဖြစ်ပွားခဲ့တဲ့အတွက် အနည်းဆုံး လူ ၃၀ လောက် သေဆုံးခဲ့ပါတယ်။
Lahij ခရိုင်အတွင်းက Mallah မြို့မှာရှိတဲ့ စစ်စခန်းတစ်ခုကို စစ်သွေးကြွတွေက စနေနေ့အစောပိုင်းမှာ ၀င်တိုက်ခဲ့ရာက တိုက်ပွဲတွေ ဖြစ်ပွားခဲ့တာလို့ ယီမင် အရာရှိတွေက ပြောပါတယ်။ ဒီနေရာဟာ အယ်ခိုင်းဒါးတွေ ခြေကုပ်ယူထားတဲ့ Abyan ခရိုင်အနီးမှာ တည်ရှိတာပါ။
ဒီတိုက်ခိုက်မှုကို သူတို့ ပြုလုပ်ခဲ့တာလို့ Ansar al-Sharia စစ်သွေးကြွအဖွဲ့က ပြောပါတယ်။ အခုလ အစောပိုင်းတုန်းကလည်း အမေရိကန် ကျောင်းဆရာ တစ်ဦးကို တောင်ပိုင်း Taiz မြို့မှာ သူတို့ သတ်ဖြတ်ခဲ့ကြောင်း ဒီအဖွဲ့က ၀န်ခံ ပြောဆိုဖူးပါတယ်။
ယီမင်နိုင်ငံကို နှစ်ပေါင်းများစွာ အုပ်ချုပ်လာတဲ့ သမ္မတ Ali Abdullah Saleh ရာထူးက နုတ်ထွက်ရလောက်တဲ့အထိ ဖြစ်ပေါ်ခဲ့တဲ့ ဆန္ဒပြပွဲမှုတွေကနေ ပြန်နာလန်ထူအောင် ယီမင်အစိုးရက ကြိုးပမ်းနေဆဲ ကာလဖြစ်ပါတယ်။ သမ္မတ ဆာလေး ဒုသမ္မတ Abed Rabbo Mansour Hadi က ဖေဖော်ဝါရီလမှာ သမ္မတရာထူးကို လက်ခံ ရယူခဲ့တာပါ။ သမ္မတသစ်က သူ့အနေနဲ့ အယ်ခိုင်းဒါးတွေကို တိုက်ထုတ်ပြီး တိုင်းပြည် တည်ငြိမ်အောင် လုပ်ဆောင်မယ်လို့ ကတိပေးထားပါတယ်။
တချိန်တည်းမှာပဲ အယ်ခိုင်းဒါးလို့ သံသယဖြစ်ဖွယ်ရှိတဲ့ အဖွဲ့က တိုင်းပြည်တောင်ပိုင်းက ရေနံပိုက်လိုင်းကို သောကြာနေ့က ဖောက်ခွဲ ဖျက်ဆီးခဲ့တယ်လို့ ယီမင် အာဏာပိုင်တွေက ပြောပါတယ်။

၂၀၁၀ ရွေးကောက်ပွဲမျိုးမဖြစ်ဖို့ အရေးကြီးလို့ ကင်တာနားသတိပေး
By ဒေါ်ခင်မျိုးသက်
ဧပြီလတစ်ရက်နေ့မှာ ကျင်းပတော့မယ့် ကြားဖြတ်ရွေးကောက်ပွဲဟာ အရင် ၂၀၁၀ တုန်းကလို အများလက်ခံမှုမရခဲ့တဲ့ ရွေးကောက်ပွဲမျိုး ထပ်မဖြစ်ဖို့လိုအပ်ပြီး ဒါဟာ မြန်မာနိုင်ငံ ဒီမိုကရေစီရေး ပြောင်းလဲမှုအတွက် စမ်းသပ်မှု တခုဖြစ်တယ်လို့ ကုလသမဂ္ဂရဲ့  မြန်မာနိုင်ငံ လူ့အခွင့်အရေး အထူးကိုယ်စားလှယ်  သောမတ်စ် အိုဟေး ကင်တားနားက ပြောကြားလိုက်ပါတယ်။ ဒီအကြောင်းကို မစ္စတာကင်တားနားကို ဆက်သွယ်မေးမြန်းခဲ့တဲ့ ဒေါ်ခင်မျိုးသက်က တင်ပြထားပါတယ်။

မြန်မာနိုင်ငံမှာ တနင်္ဂနွေနေ့ကျင်းပမယ့် ကြားဖြတ်ရွေးကောက်ပွဲဟာ နိုင်ငံ့သမိုင်းကြောင်းမှာ အရေးပါတဲ့၊ အတိမ်းအစောင်းမခံတဲ့ ကာလဖြစ်နေသလို မြန်မာနိုင်ငံ ဒီမိုကရေစီရေးပြောင်းလဲမှုအတွက် စမ်းသပ်မှုတခုလည်းဖြစ်တယ်လို့ ကုလသမဂ္ဂရဲ့ မြန်မာနိုင်ငံလူ့အခွင့်ရေးဆိုင်ရာ အထူးကိုယ်စားလှယ် သောမတ်စ်၊ အိုဟေး၊ ကင်တားနားက  ဗွီအိုအေ၊ မြန်မာပိုင်းကို ပြောကြားလိုက်ပါတယ်။

“ဒီမိုကရေစီလမ်း လျှောက်လှမ်းနေတဲ့  မြန်မာနိုင်ငံအတွက် ဒါဟာ စမ်းသပ်မှုတခု ဖြစ်ပါတယ်။ ပြီးခဲ့တဲ့ ၂၀၁၀ ရွေးကောက်ပွဲကို နိုင်ငံတကာ စံနှုန်းတွေနဲ့ ကိုက်ညီအောင် ကျင်းပမပေးနိုင်ခဲ့တာကို သင်ခန်းစာယူပြီး အခုလက်ရှိ အရပ်သားအစိုးရအနေနဲ့  အများယုံကြည်မှုရစေမယ့် ရွေးကောက်ပွဲမျိုးကျင်းပပေးဖို့ရာ  ဒါဟာ အခွင့်ကောင်းတရပ်လည်းဖြစ်ပါတယ်”

မြန်မာနိုင်ငံရဲ့ ဆိုးဝါးတဲ့ လူ့အခွင့်အရေးအခြေအနေတွေကို စုံစမ်းစစ်ဆေးဖို့ ကုလသမဂ္ဂ၊ လူ့အခွင့်အရေးကောင်စီက တာဝန်ပေးခန့်အပ်ထားတဲ့ မစ္စတာကင်တားနားက မြန်မာနိုင်ငံမှာကျင်းပမယ့် ရွေးကောက်ပွဲမှာ အားလုံးပါဝင်နိုင်ဖို့နဲ့ လွတ်လပ်ပွင့်လင်းပြီး တရားမျှတမှုရှိဖို့ ဆက်တိုက် ဖိအားပေးတောင်းဆိုခဲ့ပြီး ရွေးကောက်ပွဲကို အများလက်ခံယုံကြည်မှုရှိစေချင်ရင် ရွေးကောက်ပွဲကျင်းပတဲ့နေ့ တနေ့တည်းနဲ့ မပြီးဘဲ  မကျင်းပခင်ရော ကျင်းပပြီးနောက်ပိုင်းမှာပါ ပွင့်လင်းမျှတဖို့လိုတယ်လို့လည်း ပြောပါတယ်။

“ဒါဟာ သိပ်ကိုအရေးကြီးတာရှင်းပါတယ်။ ဒါကို ကျနော် ဖေဖော်ဝါရီလ မြန်မာနိုင်ငံသွားတုန်းက အာဏာပိုင်တွေကို ရှင်းရှင်းလင်းလင်း ပြောခဲ့ပါတယ်။ ပုဂ္ဂိုလ်ရေးအရလည်း တွေ့ပြီး ပြောခဲ့သလို အခုလည်း ကြေညာချက်ထုတ်ပြီးပြောလိုက်တာပါ။ ဒါဟာ အရပ်သားအစိုးရအနေနဲ့ လူအများလက်ခံယုံကြည်မှုရှိတဲ့ အစိုးရတရပ်အဖြစ် အသိအမှတ်ပြုလာဖို့ လွတ်လပ်ပြီး ပွင့်လင်းမှုရှိဖို့ဆိုတာဟာ သိပ်ကို အရေးကြီးတာပါ”

မြန်မာအစိုးရသစ်အဖွဲ့က နိုင်ငံရေးအကျဉ်းသား အတော်များများကို လွှတ်ပေးခဲ့သလို နိုင်ငံရေးပါတီတွေလည်း ထူထောင်ခွင့်ပေးခဲ့တာနဲ့ ဒေါ်အောင်ဆန်းစုကြည်ကို ရွေးကောက်ပွဲ မဲဆွယ်ခရီး လွတ်လွတ်လပ်လပ် ထွက်ခွင့်ပေးခဲ့တာအပြင် ပြည်ပက ရွေးကောက်ပွဲအကဲခတ်သူတွေကို မြန်မာနိုင်ငံအတွင်း လာရောက်ခွင့်ပေးလိုက်တာမို့ ဒါဟာ လူ့အခွင့်အရေးဆိုင်ရာ အပြုသဘောဆောင် ပြောင်းလဲမှုတွေ ဖြစ်လို့ အားပေးတယ်လို့ ဆိုပါတယ်။

“ဒီလို ရွေးကောက်ပွဲကို စောင့်ကြည့်လေ့လာဖို့ ဖိတ်ကြားခဲ့တာအတွက် ကျနော် ကြိုဆိုပါတယ်။  ဒါပေမဲ့ သူတို့တွေ ဘယ်အခန်းကဏ္ဍကနေပါဝင်ဖို့ ဖိတ်ကြားတယ်ဆိုတာ တိတိကျကျမသိရတဲ့အပြင် ဘယ်အတိုင်းအတာအထိ လေ့လာခွင့်ရှိမယ်ဆိုတာလည်း သေသေချာချာမသိရပါဘူး။ ဒါ့ကြောင့် ကျနော့်အမြင်ပြောရရင် လွတ်လပ်ပြီး တရားမျှတမှုရှိစေမယ့် ရွေးကောက်ပွဲ အခြေအနေမျိုး အပြည့်အ၀မတွေ့ရပေမယ့် ဒါတွေဟာ အပြုသဘောဆောင်တဲ့ ပြောင်းလဲမှုတွေလို့တော့ ကျနော် လက်ခံထားပါတယ်”

ဒါပေမဲ့ ရွေးကောက်ပွဲမတိုင်ခင် မသမာမှုတချို့ ရှိနေတာတွေ့ရတာမို့  မြန်မာနိုင်ငံ ဒီမိုကရေစီရေး ပြောင်းလဲမှုအတွက် လူအများလက်ခံပြီး  မြန်မာလူထုရဲ့ ယုံကြည်မှုတည်ဆောက်နိုင်အောင် အာဏာပိုင်တွေဘက်က တရားမျှတတဲ့၊  ငြိမ်းချမ်းတဲ့ရွေးကောက်ပွဲကျင်းပပေးနိုင်ဖို့ ပြတ်ပြတ်သားသားတော့ လုပ်ပြရမယ်လို့ ပြောပါတယ်။ ဒါ့အပြင် အရင်ကျင်းပခဲ့တဲ့ နိုင်ငံတကာစံနှုန်းနဲ့ မကိုက်ညီတဲ့ရွေးကောက်ပွဲလိုမျိုး ထပ်ပြီး မဖြစ်စေဖို့လည်း သတိပေးလိုက်ပါတယ်။

ဟင်္သာတ ဗကသ ဖိအားပေးခံရ
ဖနိဒါ | စနေနေ့၊ မတ်လ ၃၁ ရက် ၂၀၁၂ ခုနှစ် ၂၀ နာရီ ၁၁ မိနစ်

ချင်းမိုင်(မဇ္စျိမ) ။       ။ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဟသာင်္တခရိုင်) ဖွဲ့စည်းသည့် အခမ်းအနား တက်ရောက်ခဲ့သည့် ကျောင်းသားများအား ဧရာဝတီတိုင်း ဟသာင်္တမြို့ ပညာရေးဦးစီးဌာနမှ အဆင့်မြင့် ဒုတိယ ညွန်ချုပ် ဒေါက်တာ မျိုးသိန်းကြီးနှင့် အဖွဲ့က ခေါ်ယူ မေးမြန်းခဲ့သည်ဟု သိရသည်။

ကိုအောင်ပြည့်ဖြူး (အဝေးသင်တတိယနှစ်သင်္ချာ)၊ အိမွန်မြတ်လှိုင်(အင်္ဂလိပ်စာ နောက်ဆုံးနှစ်)၊ မချစ်စုခင် (ပထမနှစ် ဂုဏ်ထူးတန်း အင်္ဂလိပ်)၊ မခိုင်သဇင်ထွန်း (တတိယနှစ်အင်္ဂလိပ်)၊ မခင်ပြည့်ပြည့်လျှံ (မဟာရုပဗေဒ ပထမနှစ်)တို့ အပါအဝင် ၆ ဦးကို စနေနေ့ နံနက် ၁၁ နာရီချိန်တွင် ဟသာင်္တတက္ကသိုလ် ပါမောက္ခချုပ်ရုံးခန်းတွင် ခေါ်ယူမေးမြန်း ခဲ့ခြင်းဖြစ်ကြောင်း ပါဝင်သူ ကျောင်းသူတဦးက မဇ္ဈိမကို ပြောသည်။

“နိုင်ငံရေးနဲ့ ပတ်သက်လား မေးတယ်။ သူတို့ ဗကသ က စာတင်ထားတယ်။ ဒါပေမယ့် စာပြန်မကျဘဲနဲ့ ချလုပ်တဲ့ အတွက် ဥပဒေလမ်းကြောင်းပေါ်မှာ မရှိဘူး။ လုပ်ပိုင်ခွင့်တွေ မပေးထားဘဲနဲ့ လုပ်တယ်။ အဲဒီလို လုပ်တဲ့အတွက်ကျောင်းသားတွေ အရိပ်အောက်မှာ နေချင်လား။ အကာအကွယ်မရှိတဲ့ လမ်းကြောင်းမှာ နေချင်လားဆိုပြီး မေးတယ်” ဟု မေးမြန်းခံရသည့် ကျောင်းသူတဦးက မဇ္ဈိမကို ပြောသည်။

မတ်လ ၂၆ ရက်နေ့က ဗကသ အဖွဲ့ချုပ် ဟင်္သာတခရိုင်ကို ဖွဲ့စည်းသည့် အခမ်းအနား ပြုလုပ်ခဲ့ပြီး မတ်လ ၂၉ ရက်နေ့တွင် ဗကသ ကျောင်းသားခေါင်းဆောင် ကိုကျော်ကိုကို နှင့်အဖွဲ့ လာရောက်၍ အလံပေးအပ်ခဲ့သည်ဟု ဆိုသည်။

ယခုကဲ့သို့ ခေါ်ယူမေးမြန်းခြင်းသည် ဗကသ ထဲ ကျောင်းသားများ မဝင်လာရန်နှင့် အဖွဲ့ ပြိုကွဲသွားစေရန် လုပ်ဆောင်ခြင်း ဖြစ်သည်ဟု ယူဆနေသည်။

“သူတို့က ဒီပွဲမှာ ပါဝင်တယ်။ ခု သူတို့ မိဘတွေရော ခေါ်ပြောတယ်။ အားလုံးက လန့်ကုန်တယ်။ နောက်ထပ်ဝင်မယ့်ကျောင်းသားတွေ မဝင်နိုင်အောင်၊ ဒီအဖွဲ့ ပြိုကွဲသွားအောင် လုပ်တဲ့သဘောလို့ပဲ”ဟု ဟင်္သာတခရိုင်မှ ဗကသ ဥက္ကဋ္ဌ ကိုသန့်ဇင်ဦး က မဇ္စျိမကို ပြောသည်။

ဗကသ အဖွဲ့ချုပ် ဟင်္သတခရိုင်တွင် အဖွဲ့ဝင်ပေါင်း ၂၄ ဦးဖြင့် ဖွဲ့စည်းထားပြီး လှုပ်ရှားမှုများ မရှိသေးကြောင်း သိရသည်။

ကျောင်းသားများအရေး ကူညီဖြေရှင်းပေးရန်အတွက် ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်(ဗကသ) ဖွဲ့စည်းရန် ပြီးခဲ့သည့် ဖေဖော်ဝါရီလဆန်းပိုင်းမှ စတင် ကြိုးပမ်းမည်ဟု ဗကသ တရားဝင်ပေါ်ပေါက်ရေး ကော်မတီ (အထက် ဗမာပြည်)က ပြောဆိုထားသည်။

ABSDF နှင့် အစိုးရ ကိုယ်စားလှယ်များ တွေ့ဆုံမည့်ရက် ရွှေ့ဆိုင်း
ဖနိဒါ | စနေနေ့၊ မတ်လ ၃၁ ရက် ၂၀၁၂ ခုနှစ် ၂၀ နာရီ ၃၈ မိနစ်

ချင်းမိုင်(မဇ္စျိမ) ။        ။ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF နှင့် ဦးအောင်သောင်း ဦးဆောင်သော ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့တို့ တွေ့ဆုံမည့်ရက်ကို ရွှေ့ဆိုင်းလိုက်ကြောင်း ABSDF မှ စနေနေ့တွင် သတင်းထုတ်ပြန်လိုက်သည်။

မူလက ဧပြီလ ၈ ရက်နှင့် ၉ ရက်နေ့များတွင် တွေ့ဆုံကြရန်စီစဉ်ထားသည်ကို နှစ်ဖက်သဘောတူ ရွှေ့ဆိုင်းလိုက်ခြင်းဖြစ်ကြောင်း ABSDF ဒု-ဥက္ကဋ္ဌ ဦးမျိုးဝင်း က ပြောသည်။

“ကျနော်တို့ ဘာကြောင့် ပြောင်းရွှေ့လိုက်တယ်ဆိုတာ မပြောချင်သေးပါဘူး”ဟု ဦးမျိုးဝင်း က မဇ္ဈိမကို ပြောသည်။

နှစ်ဖက်ညှိနှိုင်းမှုမှ ရရှိသည့် ဖြစ်ပေါ်တိုးတက်မှုများအား ထပ်မံ ထုတ်ပြန်သွားမည်ဟု ထုတ်ပြန်ချက်တွင်လည်းဖော်ပြထားသည်။

မတ်လ ၈ ရက်နေ့က ကရင်ပြည်နယ် ဘားအံ့မြို့တွင် ABSDF ကျောင်းသားများနှင့် အစိုးရဘက်မှ ဒုဗိုလ်မှူးကြီး (ငြိမ်း) စောခင်စိုး ဦးဆောင်သော ကိုယ်စားလှယ်များ တွေ့ဆုံပြီး ဧပြီလ ၈ ရက်နှင့် ၉ ရက်များတွင် တွေ့ဆုံရန် သဘောတူညီခဲ့ခြင်း ဖြစ်သည်။

တနိုင်ငံလုံး အပစ်အခတ် ရပ်ဆိုင်းရေးနှင့် မြန်မာ့နိုင်ငံရေး အပြောင်းအလဲတွင် ကျန်ရှိသည့် နိုင်ငံရေး အကျဉ်းသားများ၊ပြည်ပရောက်များ အပါအဝင် နိုင်ငံရေးအင်အားစု အားလုံး ပါဝင်လာနိုင်ရေးအတွက် အဓိကထား ဆွေးနွေးသွားမည်ဟု ဦးမျိုးဝင်းက ယခုလဆန်းက မဇ္စျိမကို ပြောသည်

ရန်ကုန်မြို့ပေါ် လေးပိုင်းပိုင်း၍ မီးအလှည့်ကျ ပေးတော့မည်
ညီသစ်၊ မင်းသက် | စနေနေ့၊ မတ်လ ၃၁ ရက် ၂၀၁၂ ခုနှစ် ၂၀ နာရီ ၁၆ မိနစ်

ရန်ကုန် (မဇ္ဈိမ) ။       ။ လျှပ်စစ်မီး သုံးစွဲသူ များပြားလာသော်လည်း လျှပ်စစ် ထုတ်လုပ်နိုင်စွမ်းအား မမျှတမှုကြောင့် ရန်ကုန်မြို့ပေါ်အား အုပ်စု လေးစုခွဲ၍လည်းကောင်း၊ မြို့ပြင်အား အုပ်စုနှစ်စု ခွဲ၍လည်းကောင်း ဧပြီ ၂ ရက်နေ့မှ စတင်ကာ လျှပ်စစ်မီး အလှည့်ကျပေးသည့် စနစ်ကို ပြန်လည် ကျင့်သုံးသွားမည် ဖြစ်ကြောင်း ရန်ကုန်တိုင်း လျှပ်စစ်ဓာတ်အားပေးရေးအဖွဲ့က ကြေညာသည်။

ရန်ကုန်မြို့ပေါ်တွင် A, B, C နှင့် H ဟူ၍ အုပ်စုခွဲကာ အလှည့်ကျ မီးပေးမည်ဖြစ်ရာ တအုပ်စုကို ခြောက်နာရီစီ အလှည့်ကျစနစ်ဖြင့် ပေးသွားမည်ဖြစ်ကြောင်း တိုင်း လျှပ်စစ်ဓါတ်အားပေးအဖွဲ့ ဥက္ကဋ္ဌ ဦးမောင်မောင်လတ် ကပြောသည်။

“မီးပေးချိန်ကို မနက် ၅ နာရီက ၁၁ နာရီထိ၊ မနက်၁၁ နာရီက ညနေ ၅ နာရီထိ၊ ညနေ ၅ နာရီက ည ၁၁ နာရီထိ၊ ည ၁၁ နာရီက မနက် ၅ နာရီထိ။ အဲလို လည်ပြီးတော့ ပေးသွားမယ်။ သက်ဆိုင်ရာ မြို့နယ်တွေက ပြည်သူတွေ ဘယ်အုပ်စုမှာပါလဲ ဆိုတာကို ကြေငြာပေးထားမယ်” ဟု မတ်လ ၂၉ ရက်နေ့က ကျင်းပသည့် သတင်းစာရှင်းလင်းပွဲ တွင် ပြောဆိုသွားသည်။

ရန်ကုန်မြို့တွင်း၊ မြို့ပြင်နှင့် စက်မှုဇုန်များအား ဧပြီလ ၂ ရက်နေ့မှ စတင်၍ လျှပ်စစ်မီး အလှည့်ကျ ဖြန့်ဝေသုံးစွဲမည့် အစီအစဉ်။ (ဓါတ်ပုံ - မဇ္ဈိမ)

မြို့ပြင်ပိုင်းကိုလည်း အုပ်စုသုံးစု ‘က’၊ ‘ခ’ နှင့် H ဟူ၍ခွဲကာ က နှင့် ခ ကို ညနေ ၅ နာရီမှ ည ၁၁ နာရီအထိ တစုအားပေးပြီး ည ၁၁ နာရီမှ နံနက် ၅ နာရီအထိကို အခြာအုပ်စုအတွက်ပေးမည် ဖြစ်သည်။

H အုပ်စုတွင်မူ ၂၄ နာရီ မီးပေးမည့် နေရာဌာနများအဖြစ် ဆေးရုံများ၊ စာသင်ကျောင်းများ၊ လုံခြူံရေးအတွက် ချထားရ သည့် အစိုးရတပ်နေရာများ၊ ဘဏ်များ၊ လေဆိပ်နှင့် ဘူတာရုံများ၊ ရဲစခန်းနှင့် အကျဉ်းထောင်များ၊ သံရုံးများနှင့် ဌာနဆိုင်ရာအချို့ ပါဝင်မည် ဖြစ်သည်။

စက်မှုဇုန်များကိုလည်း အုပ်စု နှစ်စု A နှင့် B ဟူ၍ အလှည့်ကျ မီးပေးသည့်စနစ် ကျင့်သုံးမည်ဖြစ်ရာ အုပ်စု A အတွက် မနက် ၆ နာရီမှ မနက် ၁၁ နာရီကြားနှင့် အုပ်စု B အတွက် မနက် ၁၁ နာရီမှ ညနေ ၄ နာရီအထိ လျှပ်စစ်မီး ဖြန့်ဝေပေးသွားမည် ဖြစ်သည်။

ယမန်နှစ်က ရဲရွာ ရေအားလျှပ်စစ်မှ လျှပ်စစ်ရရှိခဲ့မှုနှင့် သုံးစွဲမှု ပမာဏ ယခုနှစ်လောက် များပြားခြင်း မရှိသောကြောင့် အလှည့်ကျလျှပ်စစ်မီး ပေးခဲ့ခြင်းမရှိဘဲ ၂၄ နာရီနီးပါး လျှပ်စစ်ရရှိခဲ့သည်။ ယခုနှစ် ရဲရွာရေအားလျှပ်စစ်မှာ ရေရရှိမှု နည်းပါးနေ၍ လာမည့် ဇူလိုင်လမှသာ မီးကို ပုံမှန်ပြန်ပေးနိုင်မည်ဟု ယူဆရကြောင်း ရန်ကုန်တိုင်း လျှပ်စစ်ပေးဝေရေး အဖွဲ့ဥက္ကဋ္ဌ ဦးမောင်မောင်လတ် က ပြောသည်။

“မနှစ်က ရဲရွာ ရေအားတိုးတယ်။ မီးပေးနိုင်တယ်။ ဒီနှစ်ကျတော့တနှစ်အတွင်း သုံးစွဲတဲ့ ဓါတ်အားသုံးစွဲမှု တက်လာ တယ်။ ပြီးတော့ ထပ်မံတိုးချဲ့တဲ့ လျှပ်စစ်စီမံကိန်းတွေ မရှိဘူး။ ဒါကြောင့် နည်းနည်း မလုံလောက်ဖြစ်တယ်"ဟုပြောသည်။

ရဲရွာတွင် သတ်မှတ်ချက်ရေပမာဏထက် လျော့ကျနေသည်။ ရေဝင်မှု ပမာဏမှာ တနေ့လျှင် ၁,၂၄၈ ကုဗပေ ဝင်ကာ အထွက်မှာ ၂၄,၁၅၇ ကုဗပေ ဖြစ်နေ၍ ဓါတ်အားထုတ်လုပ်နိုင်မှု မလုံလောက်ကြောင်း သိရသည်။

လက်ရှိတွင်လည်း ရန်ကုန်မြို့တွင် မီးမကြာခဏပြက်ကာ ကြိုတင်မသိရ၍ ပို၍ခက်ခဲကြောင်း မြို့ခံများက ပြောဆိုနေကြသည်။

“ကျနော်တို့က ကျောက်တံတားမှာ ရုံးစိုက်တယ်။ မီးပျက်တာက မနက်ပိုင်း တခုတည်းကို ခဏနေပြတ် ခဏနေလာဖြစ်နေတယ် စိတ်မရှည်ဘူး။ ပျက်မယ်ဆိုရင်လည်း ဘယ်လိုကြောင့် ပျက်မယ်ဆိုတာ ပြောပြသင့်တယ်။ ကြေငြာသင့် တယ်။ အခုက အကျိုးအကြောင်းမသိရဘူး။ အတော့်ကို စိတ်ပျက်တယ်၊ ကျနော်တို့က ကွန်ပျူတာ အသုံးပြုရတာ ဆိုတော့ စက်တွေလည်း ထိတာပေါ့ဗျာ။ မီးစက်ကိုလည်း ဖွင့်လိုက်ပိတ်လိုက်ဆိုတော့ အတော့ကို ခက်ပါတယ်ဗျာ"ဟု ဆိပ်ကမ်းသာလမ်းရှိ ပုဂ္ဂလိက ကုမပ္ပဏီတခု၏ တာဝန်ရှိသူ တဦးကပြောသည်။

ယခုရက်ပိုင်းအတွင်း ရန်ကုန်မြို့တွင်းတွင် မီးစက်သံများညံနေကြောင်းလည်း ရန်ကုန်မြို့ခံများက “ဧပြီ ၂ ရက်နေ့မှ မပြောနဲ့ အခုကတည်းက မီးကပျက်နေပြီ။ နေ့တိုင်းကို ပျက်နေတာ။ လာလိုက်ပျက်လိုက်နဲ့ မီးစက်သံက တမြို့လုံး ညံနေပြီ” ဟု ကျောက်တံတားမြို့နယ် အတွင်းမှ လျှပ်စစ်ပစ္စည်းဆိုင်ပိုင်ရှင် တဦးက ပြောသည်။

ရန်ကုန်တိုင်းတွင် တနေ့တာ ပုံမှန်သုံးစွဲနေသော လျှပ်စစ်ပမာဏမှာ မီဂါဝပ် ၅၂ဝ ကျော်ဖြစ်ကာ တနိုင်ငံလုံး ထုတ်လုပ် မှုမှာ ၁,ဝ၇ဝ မီဂါဝပ်ခန့်သာ ရှိနေ၍ ကျန် ၅၅ဝ မီဂါဝပ်ကို အခြားတိုင်းနှင့် ပြည်နယ်များက ခွဲဝေသုံးစွဲလျက်ရှိသည်။

၂ဝ၁ဝ ခုနှစ် က တနိုင်ငံလုံးတွင် ရေအားလျှပ်စစ်ကဏ္ဍမှ လျှပ်စစ်ယူနစ် ၅,၉ဝဝ သန်း ကျော်၊ သဘာဝဓာတ်ငွေ့နှင့်ကျောက်မီးသွေးသုံး လျှပ်စစ်ကဏ္ဍမှ ၁,၈ဝဝ သန်းကျော် ထုတ်လုပ် နိုင်ခဲ့ကြောင်း အမှတ် ၁ နှင့် ၂ လျှပ်စစ်စွမ်းအား ဝန်ကြီးဌာနများ၏ စာရင်းများအရ သိရသည်။

အမှတ် ၁ လျှပ်စစ် ဝန်ကြီး ဦးဇော်မင်းက ၂ဝ၁၁ ခုနှစ် စက်တင်ဘာက နေပြည်တော်တွင် ပြုလုပ်သည့် သတင်းစာ ရှင်းလင်းပွဲတခုတွင် “ကျနော်တို့ နိုင်ငံမှာ အခုမဂ္ဂါဝပ် ၁၅ဝဝ ပေးတာတောင် ကုန်အောင် မသုံးနိုင်ဘူး။ အဲဒီတော့ ဘယ်သူက သုံးမှာလဲ။ သုံးစရာမရှိရင် market ရဲ့သဘောအရ ရောင်းစားရမှာပေါ့” ဟုပြောကြားခဲ့သည်။

မြန်မာနိုင်ငံတွင် ကျေးလက်တောရွာပေါင်း ခြောက်သောင်းကျော် ရှိသည့်အနက် နှစ်ထောင်ကျော်သာ လျှပ်စစ်မီးပေးနိုင်သေးကြောင်း လျှပ်စစ် ၂ ဝန်ကြီး ဦးခင်မောင်စိုးက ၂ဝ၁၁ ခုနှစ် စက်တင်္ဘာလ လွှတ်တော်တွင် ပြောကြားသွား ခဲ့သည်။