Commercial Nirvana
တစ်ခါက မင်းကွန်းမှာ သီတင်းသုံးနေတဲ့ "သုံးဆယ်ပေးဆရာတော်" အမည်ရတဲ့ ဆရာတော်ကြီးထံ သီလရှင်ဆရာလေးတစ်ပါးက စားသောက်ဖွယ်ရာတွေ လာကပ်တယ်။ အကပ်ခံရင်းက ဆရာတော်ကြီးက မိန့်သတဲ့... ။
"ဘာဆုတောင်းသလဲ.. ဆရာလေး"
"နိဗ္ဗာန်ဆု တောင်းပါတယ်ဘုရား"
အဲဒီမှာ ဆရာတော်ကြီးက အဲဒီဆရာလေးကို မိန့်တယ်...။
"ကြည့်.. ဆရာလေး.. ဒီစားစရာတွေ လာလှူတယ်ဆိုကတည်းက လောဘကို ပယ်ရှားပြီးသားဖြစ်လို့ နိဗ္ဗာန်က ရပြီးနေပြီ။ အခုလို လိုချင်လောဘနဲ့ ဆုတောင်းလိုက်တော့မှ နိဗ္ဗာန်က ပျောက်သွားရတော့တာ..." တဲ့။
စဉ်းစားဖို့တော့ ကောင်းတယ်...။
နိဗ္ဗာန်လို့ပဲ နာမည်တပ်ထားတပ်ထား၊ ကိုယ့်အတွက် give & take သဘောထား ရှိနေသမျှ လောဘဟာ လောဘပဲ... တဲ့။
အပေါ်ယံကြည့်ရင် လောကအတွက်လိုိလိုနဲ့ တကယ်က ကိုယ့်အတ္တကိုယ် အစာကျွေးနေတာမျိုးမို့လို့တဲ့လေ...။
........................................................
မှတ်ချက်။ ။ မြန်မာပြည်မှာ ရှေးအခါက အထက်ကလို ဇင်နည်းနည်းဆန်တဲ့ ဗုဒ္ဓဘာသာမျိုးတွေလည်း ထွန်းကားခဲ့ဖူးတယ်ဆိုပါတယ်...။ နောက်ပိုင်းမှာ ကျမ်းစာနဲ့ မညီတဲ့ အယူအဆတွေကို မတရားအသင်း ကြေငြာတဲ့ခေတ်ရောက်မှ ကျင့်သုံးမှုတစ်ချို့ အညွန့်တုံးသွားကြရသတဲ့။
0 comments:
Post a Comment