"ဘုရားသခင် လက်ထဲက သေတ္တာ"

Cho Tu Zal shared Thenaturesfarmacy's photo.

လူတယောက်သေဆုံးသွားတဲ့အခါ သူ့ကိုယ်သူသေပြီလို့သိတဲ့တဒင်္ဂမှာပဲ ဘုရားသခင်က လက်ဆွဲသေတ္တာလေး တလုံးနဲ့ ကြွမြန်းလာပါသတဲ့။

"သွားကြစို့ ငါ့သား. ."
လူက အံ့သြတကြီးနဲ့တုန့်ပြန်တယ်။
"ခု. . .ခုချက်ချင်း. . .ကျနော့်မှာ လုပ်စရာတွေ အများကြီး ရှိနေသေးတယ်"
"ငါစိတ်မကောင်းပါဘူး ဒါပေမယ့် သွားဖို့ အချိန်ရောက်နေပြီကွယ်"

ဒီတော့ လူက
"အဲဒီသေတ္တာထဲမှာ ဘာတွေလဲ ဟင်" လို့ ဘုရားသခင်ကို မေးလိုက်တယ်။
"မင်းရဲ့ ပစ္စည်းတွေပေါ့"

"ကျနော့်ပစ္စည်းတွေ ဘာတွေလဲ ကျနော့်အ၀တ်တွေ၊ ပိုက်ဆံတွေလား"
ဘုရားသခင် က ပြန်ဖြေပါသတဲ့
"အဲဒါတွေက မင်းပိုင်တာမှ မဟုတ်တာ ကမ္ဘာမြေကသာ ပိုင်တဲ့ အရာတွေ. .."

"ဒါဆို ကျနော့်ရဲ့ မှတ်ဉာဏ်တွေ သိမှတ်ထားတဲ့ အရာတွေလား"
"အဲဒါတွေကလည်း မင်းပိုင်တာမှ မဟုတ်ဘဲ. . .အချိန်ကာလ က သာ ပိုင်တဲ့ အရာတွေ. . ."

"ဒါဆို ကျနော့်အရည်အချင်းတွေလား ထူးချွန်ထက်မြက်မှုတွေလား"
"အဲဒါတွေလည်း မင်းပိုင်တာမှ မဟုတ်ဘဲ . . .အခြေအနေ က သာ ပိုင်တဲ့ အရာတွေ"

"ဒါဆို ကျနော့်မိသားစု နဲ့ ကျနော့် မိတ်ဆွေအပေါင်းအသင်းတွေလား"
"စိတ်မကောင်းဘူးကွယ် ဒါတွေကလည်း မင်းနဲ့ဘယ်တော့မှ မဆိုင်တော့ပါဘူး. . .ဒါတွေဟာ
တဒင်္ဂကာလလမ်းကြောင်း က ပိုင်တဲ့ အရာတွေပါ. . ."

"ကျနော့်ချစ်ဇနီး ကျနော့်သားသမီးတွေ"
"ဒါတွေကိုလည်း မင်းနဲ့မဆိုင်တော့ပါဘူး နှလုံးသားကသာ ပိုင်တဲ့ အရာတွေ"

"ကျနော့် ခန္ဓာကိုယ်တောင် မပါနိုင်တော့ဘူးလား"
"ဒါကိုလည်း မင်းနဲ့မဆိုင် ပြာ တွေသာ ဖြစ်မယ့်အရာ ဖုန်မှုန့်တွေရဲ့ အရာ"

"ကျနော့်ဝိညာဉ်တော့ ပါဦးမပေါ့. . ."
"ဒါကိုလည်း မင်းနဲ့မဆိုင်. . . ၀ိညာဉ်တော်ဟာ ငါ(ဘုရားသခင်)နဲ့သာ ဆိုင်"

လူဟာ ထိတ်လန့်ခြောက်ခြားလာပြီး၊ ဘုရားသခင်ရဲ့ လက်ထဲက လက်ဆွဲသေတ္တာထဲ ကို ယူဖွင့်
ကြည့်လိုက်တယ်။ သေတ္တာထဲမှာ ဘာမှ မရှိ၊ နတ္ထိ၊ အနတ္တ ကိုသာ တွေ့ရတယ်။
လူဟာ မျက်ရည်သွင်သွင်ကျလို့ ပူဆွေးတယ်။
"ကျနော် အနတ္တ ကိုသာ ပိုင်ဆိုင်တာပေါ့လေ. . ."
ဘုရားသခင်က . . ."အဲဒါအမှန်ပါပဲ. . .မင်းရဲ့ပိုင်ဆိုင်မှုဟာ အနတ္တ ပါ
ရှင်သန်နေတဲ့ ကာလလေးတခုကိုသာ မင်းရခဲ့တယ်
အဲဒီကာလမှာ မင်းပျော်မွေ့ဖို့၊ ကောင်းမှုလုပ်ဖို့သာ မမေ့အပ်ဘူး။
မင်း အစဉ်အမြဲ သတိရနေဖို့က
မင်းဟာ အနတ္တ ကိုသာ ပိုင်ဆိုင်တယ် ဆိုတာပါပဲ. . ." တဲ့။

ခုပြန်ဆိုလိုက်တဲ့ စာလေးဟာ၊ ခရစ်ယာန်သမ္မာကျမ်းစာလား၊ အစ္စလာန် ကိုရမ်စာအုပ်ထဲကလား ကျနော်မသိဘူး။ ကျနော်ရလိုက်တာကတော့ ဗုဒ္ဓအမြင်နဲ့ မကွာတဲ့ ဓမ္မ ပါပဲ။
"ဓမ္မ ဆိုတာ ဘာသာတရားတိုင်းမှာ ပုံသဏ္ဍန်ကွဲပြားသော်ငြား အတူတူပါ"

ထာဝရ ဘုရားသခင် ဆိုတဲ့ နေရာမှာ ထာဝရတည်တံ့နေတဲ့ ဗုဒ္ဓဓါတ်၊ ဓမ္မဓါတ်လို့ နာကြားကြည့်ပါလေ။

ချိုတူးဇော်

SanSan Cynthia Tin ထံ မှ