" ငယ်ငယ့်မှာ ပုဇွန်ခြောက်ကလေးတစ်ကောင် ရှိတယ် "

Yekkha Ye Jee ·

(@)
. . . . . " ငယ်ငယ့်မှာ ပုဇွန်ခြောက်ကြီးတစ်ကောင် ရှိတယ် " . . ငယ်ငယ်က သူ့လက်ဝါးသေးသေးလေးကိုဖြန့်ပြတယ်။ ဟုတ်ပါရဲ့ . . တကယ့် ပုဇွန်ခြောက်ကြီးပါပဲ။ ဒီလောက်ကြီးတာ မောင်ဖိုးချို မြင်တောင်မမြင်ဘူးဘူး။ တော်တော်ဈေးကြီးမှာပဲ။


. . . . . " ကိုချို့ကို တ၀က်ကျွေးပါမယ် " . . ငယ်ငယ်က ပုဇွန်ခြောက်ကြီးကို ထက်ပိုင်းဖဲ့နေတယ်။ သူမဖဲ့နိုင်တော့ မောင်ဖိုးချိုက ယူဖဲ့ပေးပြီး တစ်ယောက်တစ်ပိုင်း ထိုင်မြုံ့နေကြတယ်။ သိပ်ကောင်းတဲ့ ပုဇွန်ခြောက်ကောင်ကြီးပဲ။ ရွှေပုဇွန်ခြောက် တဲ့။

(#)
. . . . . ငယ်ငယ်ရော မောင်ဖိုးချိုရော ပုဇွန်ခြောက်ကို သိပ်ကြိုက်ကြတာပဲ။ မောင်ဖိုးချိုတို့အိမ်မှာတော့ ပုဇွန်ခြောက် မရှိဘူး။ တစ်ဝမ်းကွဲမောင်နှမပေမယ့် အိမ့်စီးပွားတွေ ကွာခြားတယ်။ မောင်ဖိုးချိုတို့အိမ်က ပုဇွန်ခြောက် ၀ယ်မစားနိုင်ဘူး။ ငယ်ငယ်တုန်းကတော့ အဖေ့ကို မောင်ဖိုးချိုပြောဘူးတယ်။ "တစ်နေ့တော့ ကြောင်အိမ်ထဲမှာ ပုဇွန်ခြောက်ဘူးကြီး ထားနိုင်လာမှာပေါ့ သားရာ" တဲ့။ ငယ်ငယ်တို့ အိမ်မှာလိုမျိုးပေါ့။ ခုတော့ အရင်ကထက်ပို ကြီးလာလို့ မောင်ဖိုးချို အဖေ့ကို ဒါမျိုးမမေးတော့ဘူး။ အဖေပြောတတ်တဲ့ "ပုဇွန်ခြောက် ၀ယ်စားနိုင်ရင်လည်း အမြဲတမ်း ၀ယ်စားနိုင်မှကောင်းတာ" . . ဆိုတာကိုပဲ စဉ်းစားတော့တယ်။

. . . . . ဟုတ်တယ်။ ငယ်ငယ်တို့အိမ်ကလည်း ပုဇွန်ခြောက်ကြီးတွေ အမြဲစားနိုင်တာတော့ မဟုတ်ဘူး။ ငယ်ငယ့် အဖေက ချဲထီရောင်းတယ်။ သူတို့မှာ ပိုက်ဆံရှိရင် သိပ်ရှိတာ။ မရှိတဲ့အခါဆိုလည်း တော်တော်မွဲတဲ့ပုံမျိုးပဲ။ ငယ်ငယ့်မှာ မုန့်ဘိုးမရှိလို့ မောင်ဖိုးချိုရဲ့ထမင်းဘူးကို တစ်ခါတစ်ခါ ကပ်စားတတ်သေးတယ်။

($)
. . . . . " ငယ်ငယ့်မှာ ပုဇွန်ခြောက်ကလေးတစ်ကောင် ရှိတယ် " . . ငယ်ငယ်က သူ့လက်ဝါးသေးသေးလေးကိုဖြန့်ပြတယ်။ ဟုတ်ပါရဲ့ . . ပုဇွန်ခြောက်သေးသေးလေး။ " ဒါပေမယ့် . . ကိုချို့ကို တ၀က်ကျွေးမှာပါ " . . ပြောရင်းနဲ့ ပုဇွန်ခြောက်ကလေးကို ဖဲ့တယ်။ " နင့်ဟာနင် စားစမ်းပါ ၊ သေးသေးလေးကို " . . မောင်ဖိုးချိုပြောတော့ ငယ်ငယ်က ဟီးဟီးလို့ရယ်ပြီး ပါးစပ်ထဲပစ်ထည့် ၀ါးနေတယ်။

. . . . . ပုဇွန်ခြောက်ဆိုတာ ကြီးရင် ပိုစားကောင်းတာတော့ အမှန်ပဲ။ ဒါကြောင့်လည်း ဈေးကြီးတာပေါ့။ ပုဇွန်ခြောက်အကြီးကြီးတွေ ၀ယ်မယ့်အစား သေးသေးတွေဝယ်ရင် အများကြီးရမှာ။ ဒါဆိုကြာကြာစားရမယ် မဟုတ်လား။ ငယ်ငယ်တို့အိမ်ကတော့ ကြီးလိုက်သေးလိုက်ပဲ။ ငယ်ငယ့်ကိုပြောရင်လည်း သိမှာမဟုတ်ပါဘူး။ သူက မောင်ဖိုးချိုထက် သုံး လေးနှစ်လောက်တောင် ငယ်တာကိုး။

(&)
. . . . . " ပုဇွန်ခြောက်ကြီး စားချင်လိုက်တာ ကိုချို . . နော် " . . ငယ်ငယ်က သွားရည်ကို ထိန်းထားတဲ့အသံနဲ့ ပြောတော့ မောင်ဖိုးချုိုလည်း ဂလုဆိုပြီး ခေါင်းလိုက်ငြိမ့်တယ်။
" သေးသေးလေးကော မစားချင်ဘူးလား " . . မောင်ဖိုးချိုကပြန်မေးတယ်။
" စားချင်တယ် . . ခုက သေးသေးလည်းမရှိဘူး "
" အကြီးကြီးတွေ မဟုတ်ပဲ . . ခပ်သေးသေးလေးတွေ အမြဲစားရရင် မကောင်းဘူးလား . . ငယ်ငယ် "
" ကောင်းသားပဲ . . "
" ငါကြီးလာရင် . . ကြောင်အိမ်ထဲမှာ ပုဇွန်ခြောက်ဘူးကြီးထားနိုင်အောင် လုပ်မယ်။ နေ့တိုင်း တစ်နေ့တစ်ကောင် စားမယ်။ မဟုတ်ဘူး . . နှစ်ကောင်တော့ စားမယ်။ မနက်တစ်ကောင် ၊ ညတစ်ကောင်ပေါ့။ အကြီးကြီးတွေတော့ မဟုတ်ဘူး။ ခပ်သေးသေးပေါ့ဟာ။ ဒါပေမယ့် . . နေ့တိုင်းစားရမယ့် ပုဇွန်ခြောက်ခပ်သေးသေးပေါ့။ နင့်ကိုလည်း ကျွေးမယ်။ "
" ဟီး ဟီး . . ရွှတ် " . . ငယ်ငယ် သွားရည်ကျပြီ။ တကယ်စားလိုက်ရသလို မျက်နှာကို ၀င်းလို့။

" ငါ ချဲ တော့ မရောင်းဘူး "
" ဘာလို့ လဲ "
" နင့်လိုမျိုး . . ပုဇွန်ခြောက် ကြီးကြီး တစ်ခါတစ်လေစားရလိုက် . . တစ်ကောင်မှ စားစရာမရှိလိုက် . . ဖြစ်နေတာမျိုးကို မကြိုက်လို့ "
" . . . . "
" နောက်ပြီး . . ငါ့ မှာ သားတွေ သမီးတွေရှိလာရင်လည်း အဲဒီလိုမျိုး မဖြစ်စေချင်လို့ "
" အမလေး . . အဝေးကြီးရှိသေး . . ကိုချို့ဟာ . . နောက်ပြီး ချဲရောင်းတာနဲ့ ဘာဆိုင်လို့လဲ "
" ဆိုင်တယ် ထင်တယ်ဟ . . ဆိုင်မှာပါ . . ဆိုင်လိမ့်မယ် " . . သုံး လေးနှစ်ငယ်တဲ့ နှမကို နားလည်အောင် မောင်ဖိုးချိုရှင်းမပြတတ်ဘူး။

(~)
. . . . . စိတ်စွဲလမ်းမှုကြောင့် အဲဒီညမှာ သူတို့နှစ်ယောက် အိပ်မက်မက်တယ်။ တိုက်တိုက်ဆိုင်ဆိုင် အိပ်မက်က သိပ်တူနေတယ်။
. . . . . " ငယ်ငယ့်မှာ ပုဇွန်ခြောက်ကလေးတစ်ကောင် ရှိတယ် " . . ငယ်ငယ်က သူ့လက်ဝါးသေးသေးလေးကိုဖြန့်ပြတယ်။ ပုဇွန်ခြောက်သေးသေးလေး နှစ်ကောင်ကိုတွေ့ရတယ်။ "ဟင်" ဆိုပြီး သူတို့အံ့သြ သွားတာပေါ့။ "သိကြားမင်းပေးတာ ၊ တစ်ယောက်တစ်ကောင် တဲ့ . . ဟီး ဟီး" . . ငယ်ငယ်က လက်ညှိုးလေးမိုးပေါ်ကိုထိုးပြီးပြောတယ်။ နှစ်ယောက်သား တစ်ယောက်တစ်ကောင် ထိုင်ဝါးကြတာပေါ့။
. . . . . မောင်ဖိုးချိုနဲ့ ငယ်ငယ်ဟာ အဲဒီညက ကိုယ်စီ အိပ်ရင်းပြုံးနေကြတယ်။ ။

(ယက္ခ) ရဲကြီး ။ ၂-၃.၂.၁၄ ။
https://www.facebook.com/yekkha.yejee
https://www.facebook.com/yekkha.yegyii.fanpage
http://yekkhayejee.blogspot.com/ — with Seaman Nayminthu and 90 others.