မြန်မာ့စီးပွားရေးအလားအလာနှင့် တကယ်စွမ်းအား

by Khin Maung Nyo (Notes) on Thursday, May 2, 2013 at 5:10am

ဒေါက်တာဦးမြင့်
            ကုန်သွယ်မှုအခွင့်အလမ်းသစ်များ၊နိုင်ငံခြားရင်းနှီးမြှုပ်နှံမှုစီးဝင်လာခြင်း၊ နှစ်နိုင်ငံနှင့် နိုင်ငံစုံအကူအညီများတိုးတက်မြင့်မားလာခြင်းဟူသောနည်းလမ်းများဖြင့်နိုင်ငံခြားစွမ်းအားစုများကိုရယူနိုင်စွမ်းကျယ်ပြန့်လာခြင်းကြောင့်မြန်မာ့စီးပွားရေးအလားအလာသည်အလွန်ကောင်းမွန်တိုးတက်လာခဲ့သည်။ထိုသို့ ပြည်ပစွမ်းအားများကိုရယူနိုင်စွမ်းမြင့်မားလာခြင်းမှာလည်းသမ္မတကြီးဦးသိန်းစိန်၏နိုင်ငံရေး၊ လူမှုရေးနှင့် စီးပွားရေးပြုပြင်ပြောင်းလဲမှုများပြုလုပ်ရန် သန္နိဋ္ဌာန်ခိုင်မြဲမှုတို့ကြောင့်ဖြစ်သည်။         စီးပွားရေးပိတ်ဆို့မှုများကိုလျှော့ချလိုက်ခြင်းနှင့်အဓိကအင်အားကြီးနိုင်ငံများနှင့်ဆက်ဆံရေးပိုမိုကောင်းမွန်လာခြင်းတို့ကြောင့်နှစ်ပေါင်းများစွာစီးပွားရေးအရအထီးကျန်ခဲ့ကာ၊စီးပွားရေးတုံ့ဆိုင်းမှုရလဒ်ကိုခံစားနေခဲ့ရရာမှတိုးတက်ဖွံ့ဖြိုးရန် အခွင့် အလမ်းသစ်များကိုဖွင့်လှစ်ပေးခဲ့သည်။
            ယခင်နှစ်အနည်းငယ်အတွင်း၌ပင်အမှန်တကယ် တိုးတက်မှုအရှိန် မြင့်လာခဲ့သော်လည်း မည်မျှ အရှိန်မြင့်လာသည်မှာရှင်းရှင်းလင်းလင်းမရှိပေ။အစိုးရကထုတ်ပြန်သောစာရင်းအင်းများကိုလက်ခံယုံကြည်
သည်ဆိုလျှင်ဆယ်နှစ်ကျော်အတွင်းတစ်နှစ်လျှင်၁ဝ% ကျော် စီးပွားရေးတိုးတက်နေခဲ့သည်။
သို့သော် နေ့စဉ် မြန်မာများတွေ့ကြုံရင်ဆိုင်နေရသောလက်တွေ့ဘဝစာရင်းအင်းများနှင့်ညှိနှိုင်း၍မရပေ။ ယခုအခါ အစိုးရကတိုးတက်မှုရည်မှန်းချက်ကိုယခုလက်ရှိငါးနှစ်စီမံကိန်းမှစ၍ပို၍ လက်တွေ့ကျကာပို၍လည်းရနိုင်ခြေရှိကြသော၇.၇%သို့ လျှော့ချကာအစိုးရကသဘောပေါက်အသိအမှတ်ပြု ခဲ့သည်။
            သို့သော်ယခုအခါ မြန်မာနိုင်ငံအနေဖြင့်ဖွံ့ဖြိုးရေးရည်မှန်းချက်ကိုမည်သို့ချမှတ်သင့်သနည်း၊ စီးပွားရေးပြုပြင်ပြောင်းလဲမှုအောင်မြင်သည်ကိုမည်သည့်စံချိန်သုံး၍တိုင်းတာကြမည်နည်း၊ မြန်မာနိုင်ငံ တိုးတက်မှုအလားအလာအတိုင်း ဖြစ်ပေါ်လာစေရေးအတွက် အဓိကအကြောင်းတရားများမှာ မည်သည့်အချက်များဖြစ်မည်နည်း။
            မြန်မာနိုင်ငံသည်အလွန်ဆင်းရဲနေသော နိုင်ငံတစ်ခု ဖြစ်နေဆဲပင်။ ခန့်မှန်းတွက်ချက်ရာတွင် အမှားအယွင်းများနိုင်သော်လည်းမြန်မာနိုင်ငံ၏ တစ်ဦးကျဝင်ငွေသည် အမေရိကန်ဒေါ်လာ ၈၅ဝ တစ်ဝိုက်တွင် ရှိသည်။ အိမ်နီးချင်းနိုင်ငံများဖြစ်သောလာအိုနှင့်ကမ္ဘောဒီးယားတို့ထက်ပင်ဆင်းရဲပြီးအာဆီယံအသင်းကြီးတွင် အဆင်းရဲဆုံးနိုင်ငံဖြစ်သည်။
            အာရှဖွံ့ဖြိုးရေးဘဏ်ကလက်ရှိဖွံ့ဖြိုးရေးလမ်းကြောင်းအတိုင်းဆိုလျှင်မြန်မာနိုင်ငံသည် တစ်နှစ်လျှင် ၇% မှ ၈%အကြားတိုးတက်နိုင်ပြီးထိုတိုးတက်မှုနှုန်းကိုနောင်ဆယ်စုနှစ်အနည်းငယ်မျှ ဆက်ထိန်းထားနိုင်မည်ဟုခန့်မှန်းသည်ထိုအတိုင်းဆိုလျှင် ၂ဝ၃ဝ တွင် တစ်ဦးကျဝင်ငွေသည် အမေရိကန်ဒေါ်လာ ၂ဝဝဝ နှင့် ၃ဝဝဝ အကြားတွင်ရှိပြီးလက်ရှိအဆင့်ထက်သုံးဆမြင့်ကာ မြန်မာသည် ဝင်ငွေအလယ်အလတ်နိုင်ငံများစာရင်းတွင်သက်သောင့်သက်သာရောက်သွားနိုင်မည်ဟုတွက်ဆသည်။ အာရှဖွံ့ဖြိုးရေးဘဏ်ကပြောသကဲ့သို့၂ဝ၃ဝ တွင် မြန်မာနိုင်ငံ၏ တစ်ဦးကျဝင်ငွေ သုံးဆကျော် တက်လာသည့်တိုင် အာဆီယံတွင် အဆင်းရဲဆုံးနိုင်ငံအဆင့်မှလွတ်ဦးမည်မဟုတ်ပါ။ ဝင်ငွေအလယ်အလတ်ရှိ နိုင်ငံများ၏ ဝင်ငွေသတ်မှတ်ချက်သည်လည်းဆက်လက်၍မြင့်တက်နေဦးမည်သာဖြစ်သည်။ တရုတ်နိုင်ငံ၏ အတိတ်က နှစ်ရှည်လများ ၁ဝ.၄%(တစ်ဦးကျဝင်ငွေ ၉.၄%)တိုးတက်ခဲ့ပြီး ၂ဝ၃ဝ တွင် တစ်ဦးကျဝင်ငွေ အမေရိကန်ဒေါ်လာ ၄၇၂၄ ဒေါ်လာဖြစ်မည့်ပုံစံကိုအားကျအတုခိုးလိုပုံရသည်။ထိုသို့ဖြစ်လျှင် စင်ကာပူ၊ ထိုင်း၊ မလေးရှားနှင့် အာရှနိုင်ငံတို့၏ လွန်ခဲ့သော ၂ နှစ်ကတစ်ဦးကျဝင်ငွေထက်နိမ့်ကျနေဦးမည်ဖြစ်သည်။
            နောက်ကလိုက်ရသောနိုင်ငံတစ်နိုင်ငံအနေဖြင့်မြန်မာနိုင်ငံ၏ အနာဂတ်အလားအလာ သည် ကောင်းမွန်ပြီးဖွံ့ဖြိုးရေးရည်မှန်းချက်  ကြီးကြီးမားမား၊ပြတ်ပြတ်သားသားထားနိုင်သည်။ လွန်ခဲ့သောနှစ် ၅ဝ အတွင်းဆင်းရဲတွင်းပို့ခဲ့သောမူဝါဒများကိုဖယ်ရှားနိုင်သည်နှင့်အမျှ တိုးတက်မှု အလားအလာ လည်းကြီးမား သည်။ သယံဇာတအခြေခံကြွယ်ဝရာထိထိရောက်ရောက်အသုံးချနိုင် လျှင် အာဆီယံအသင်းဝင် အိမ်နီးချင်းနိုင်ငံများကိုအမီလိုက်ရန် အတွက်ပြည်တွင်းပြည်ပ စွမ်းအားစုများကို ရယူနိုင်မည်။ကျွမ်းကျင်မှု တွေ၊ လူ့အရင်းအနှီးတွေအတွက်ရင်းနှီးမြှုပ်နှံမှု သေသေချာချာ လုပ်ပေး လိုက်လျှင် ကုန်သွယ်မှုနှင့် စက်မှုလက်မှုပုံစံကို မြှင့်တင်ပေးနိုင်သောလူဦးရေရှိသည်။ တရုတ်နှင့်အိန္ဒိယဟူသော အင်အားကြီးနှစ်နိုင်ငံ အကြားတွင်ပေါင်းကူးတံတားအဖြစ် မဟာဗျူဟာကျကျ ရှိနေသည်။ ထိုနိုင်ငံကြီးနှစ်နိုင်ငံသည်လည်းအာဆီယံစီးပွားရေးအဝန်းအဝိုင်းနှင့်ရင်းနှီးသည်ထက် ရင်းနှီးလာသေည်။
            ထိုအကျိုးကျေးဇူးကောင်းများကြောင့် တစ်ဦးကျဝင်ငွေတိုးတက်မှုဟူသော အရေအတွက်ဘက်မှ သာမက အရည်အသွေးရှိတိုးတက်မှုဖြစ်စေရန်လည်း အားထုတ်ရန်လိုအပ်သည်။ သမ္မတကြီးဦးသိန်းစိန်က စီးပွားရေးနှင့်လူမှုရေးပြုပြင်ပြောင်းလဲရေးအတွက် အရည်အသွေးရှိတိုးတက်မှုဖြစ်စေရန် သန္နိဋ္ဌာန်ချမှတ် ထားသည်။
            တရုတ်နှင့်အရှေ့အာရှနှင့် အရှေ့တောင်အာရှဒေသများတစ်ဝန်းတွင်တွေ့ကြုံခဲ့ရ သကဲ့ သို့မြန်မာနိုင်ငံအနေဖြင့် အမှန်တကယ်တိုးတက်မှုအလားအလာအတိုင်းဖြစ်စေရန် ဆောင်ရွက်ရာ တွင် နိုင်ငံခြားရင်းနှီးမြှုပ်နှံမှုသည်လည်းအရေးကြီးသည့်အခန်းကဏ္ဍမှပါဝင်သည်။ သို့သော် ပြည်တွင်းစီးပွားရေးအဆောက်အအုံတွင် အခြေခံကျကျ ပြုပြင်ပြောင်းလဲမှုများ မလုပ်ဘဲ ၊ပြည်တွင်းတွင် မူဝါဒကောင်းများမရှိဘဲနိုင်ငံခြားရင်းနှီးမြှုပ်နှံမှုကြောင့် ထူးဆန်းအံ့သြစရာ စီးပွားရေး အခြေအနေများဖြစ်ပေါ်လာမည်မဟုတ်ပေ။
            မြန်မာနိုင်ငံ၏မူဝါဒဘောင်ကခိုင်မာတောင့်တင်းပြီး စိတ်ချယုံကြည်စရာမဟုတ်လျှင်နိုင်ငံခြား ရင်းနှီးမြှုပ်နှံသူတွေစိတ်ချလက်ချဖြစ်ကာ နိုင်ငံအတွင်းသို့ အရင်းအနှီးတွေ၊ နည်းပညာတွေ၊ ဈေးကွက်တွေ ကိုယူဆောင်လာနိုင်မည်မဟုတ်ပေ။တည် ငြိမ်သောမူဝါဒများနှင့် မူဝါဒအဆောက်အအုံများ၊ ထိရောက်သောအခွန်စနစ်နှင့်အခြေခံခိုင်မာသော လူမှုရေးနှင့်အရင်းအနှီးအသုံးစရိတ်အစီအစဉ်များ မရှိဘဲ နိုင်ငံခြားရင်းနှီးမြှုပ်နှံသူတွေလာရောက်ကြမည်မဟုတ်ပေ။ခိုင်မာသောဘဏ္ဍာရေး၊ မြေယာ၊ ပတ်ဝန်းကျင်နှင့် အလုပ်သမားရေးရာမူဝါဒနှင့် အဖွဲ့အစည်းများမှ တစ်ဆင့်နိုင်ငံခြားရင်းနှီးမြှုပ်နှံမှု၏ အသီးအပွင့်များကို သာမန်မြန်မာပြည်သူလူထုကမခံစားရဘဲ အခွင့်ထူးခံလူတစ်စုကသာ ခံစားရလျှင်ကျေနပ်နိုင်မည်မဟုတ်ပါ။
            နိုင်ငံခြားရင်းနှီးမြှုပ်နှံသူတွေရော၊မြန်မာနိုင်ငံသားတွေပါချက်ချင်းလက်ငင်း၊ လုံးဝဥဿုံ စိတ်ချယုံကြည်စရာမူဝါဒတွေ၊ဥပဒေမူဘောင်တွေ၊ ပတ်ဝန်းကျင်ဆိုင်ရာ အခွင့်အရေးတွေကိုနိုင်ငံ တစ်ဝန်း မြန်မြန်ဆန်ဆန် ချမှတ်ပေးရန် ခက်ပါမည်။ ထို့ကြောင့် စင်ကာပူ၊ တရုတ်၊ ထိုင်ဝမ်နှင့် မလေးရှားနှင့် ဗီယက်နမ်တို့သည် ကုန်သွယ်ရေးလွတ်လပ်ခွင့်ပြု၊ဥပဒေမူဘောင်တွင်၊ အခြေခံအဆောက်အအုံလည်းပြည့်စုံသော၊ အထူးစီးပွားရေးဇုန်များကို ကျယ်ကျယ်ပြန့်ပြန့်ဖွံ့ဖြိုးရေး လမ်းကြောင်းကိုသွားရန်အတွက် စမ်းသပ်ပြသသည့်အနေဖြင့် တည်ထောင်ကြခြင်း ဖြစ်သည်။ ရန်ကုန်နှင့် မန္တလေးကဲ့သို့သောအဓိကမြို့ကြီးများ၏အနီးတွင် အထူးစီးပွားရေးဇုန်များတည်ထောင်ရေးသည် ယခုအခါ အရေးတကြီး အမျိုးသားဦးစားပေးအစီအစဉ်ဖြစ်သည်။ ရန်ကုန်အနီးရှိသီလဝါစီမံကိန်းကဲ့သို့သော အထူးစီးပွားရေးဇုန်သည်စီးပွားရေးလျင်မြန်စွာတိုးတက်စေရန်ဆောင်ကြဉ်းပေးနိုင်မည်။သို့သော် ထိုစီးပွားရေးဇုန်သည်ခရီးဆုံးမဟုတ်ပေ။ ၄င်းတို့၏ အကျိုးကျေးဇူးကို တစ်နိုင်ငံလုံးခံစားနိုင်စေ ရန်ဖြန့်ကျက်ဆောင်ရွက်ပေးရမည်။ရွှေ့ပြောင်းမှုမြန်ဆန်သော လူဦးရေနှင့်လုပ်သားတို့၏ အားကိုးဖြင့် မြန်မာနိုင်ငံသည် ရှေ့ကသွားနှင့်ပြီး အိမ်နီးချင်းနိုင်ငံများထက်ပင်မြန်မြန်ဆန်ဆန်ဖြစ်နိုင်ဖွယ်ရာ ရှိသည်။
            ပွင့်လင်းစစီးပွားရေးနှင့်လူ့အဖွဲ့အစည်းအတွက် လုပ်သင့်လုပ်ထိုက်သည်များ မှန်မှန်ကန်ကန်ဖြည့်ဆည်းပေးရေးသည်မူဝါဒချမှတ်သူများ၊ လွှတ်တော်အမတ်များအတွက် ဧရာမ စိန်ခေါ် မှုဖြစ်သည်။အမှားနည်းပြီးအမှန်ကပိုများမှသာလျှင်  နောက်ထပ်အာရှကျားတစ်ကောင် မွေးဖွားသည်ကို
 တွေ့မြင်ရန်၊စီးပွားရေးစွမ်းရည်နှင့်လူမှုရေးအဆင့်အတန်းအလားအလာရှိသည့်အတိုင်း လက်တွေ့မြင် လာမည်။ အမှန်များပြီးအမှားနည်းရေးသည်လည်းလက်တွေ့ဆန်သောရည်မှန်းချက်တစ်ရပ်ဖြစ်ပါသည်။

(U Myint, Myanmar’seconomic prospects and its real potential in East Asia Forum) ကိုခင်မောင်ညို (ဘောဂဗေဒ) ပြန်ဆိုသည်။