Saturday, May 25, 2013

““ငါးမျှားနည်းသင်ပေးပါ”” -

 
ငါးတွေသွားမပေးနဲ့ ။ ငါးမျှားနည်းပဲသင်ပေးဆိုပြီး သူငယ်ချင်းကပြောတယ်။ ဘာဖြစ်လို့ ဒီစကားပြောတာလဲ၊ ဒီ ကောင်က ထမင်းငတ်နေတဲ့ကောင်ပဲလို့ မေးတော့ သူက ငါးတွေအမြဲတမ်းပေးနေရင် ငါးကိုဘယ်လိုရှာရလဲဆိုတာကို မသိ တော့ ငါတို့ မရှိရင် ဒုက္ခပိုရောက်မယ်လို့ ပြန်ဖြေပါတယ်။ သူပြောတာလည်း ဟုတ်သားပဲ။ လူတွေဟာ အကျင့်ပါတတ် တာကိုး။

ကျော်ဟိန်းနဲ့ လူမင်းရုပ်ရှင်ကားကိုကြည့်ရတယ်။ ကျော်ဟိန်းကသူဌေး။ လူမင်းက လမ်းဘေးလေလွင့်နေတဲ့ လူငယ်တစ်ယောက်။

အလုပ်မရှိအကိုင်မရှိ။ ကျော်ဟိန်းရဲ့ သူငယ်ချင်း က ကျော်ဟိန်းကိုမေးတယ်။ ဒီကောင့်ကို ငါတို့ သိန်း တစ်ရာပေးလိုက်ရင် ဘာဖြစ်သွားမလဲတဲ့။
ဒီကောင်ရူးသွားမှာပေါ့ ဆိုပြီးကျော်ဟိန်းဖြေပါတယ်။

Channel 7 မှာပါတဲ့ သတင်းတပုဒ်က စိတ်ဝင်းစားဖို့ ကောင်းတယ်။ သြစတျေးလျမှာ ထီပေါက်တဲ့လူအချိူ့ ကို တင်ပြထား တဲ့သတင်းပါ။ ဒေါ်လာသန်းနဲ့ ချီပြီးထီပေါက်ပါတယ်။ သိပ်မကြာခင်ကာလမှာတင် ငွေတွေကုန်သွားပြီ၊ သူတို့ လည်း ဘ၀ ပျက်သွားခဲ့တယ်။
သူငယ်ချင်းအချိူ့ ကို ကူညီဖူးတယ်။ငွေအချိူ့ နဲ့ ပစ္စည်းအချိူ့ လည်းပါတယ်။ ရတော့ သူတို့ က ထပ်ပြီးတောင်းပါ တယ်။ နောက်ပိုင်း မရှိဘူးလို့ ပြောလိုက်တော့မှ တောင်းတာရပ်ပါတယ်။

ညတုန်းက လှိုင်သာယာက စက်ရုံမှာလုပ်နေတဲ့ ငယ်သူငယ်ချင်းတစ်ယောက်က ငါ့ကိုလက်တော့တစ်လုံးလောက်ပေးကွာလို့ ပြောတယ်။ သူ့ ဘ၀ကို စာနာပါတယ်။ ပေး လည်းပေးချင်ပါတယ်။ နိုင်ငံခြားမှာသူ့ အတိုင်းအတာနဲ့ သူပါဆိုပြီး ဒိ့ကောင့်ကို ရှင်းပြရပါတယ်။ နောက်ပိုင်းမရမှန်းသိတော့ ဘယ်သူမှမတောင်းတော့ပါဘူး။
အကျင့်ပါတဲ့ဓလေ့ပေါ့ဗျာ။

လက်ရှိအစိုးရဟာ နိုင်ငံတကာက လှူဒါန်းငွေတွေရပါတယ်။ ဒုက္ခသည်တွေအတွက်လည်းရသလို အခြား Issue တွေအတွက်လည်း ရပါတယ်။ အလကားရတဲ့အခါမှာ အလကားဖြစ်ပါတယ်။ ငွေတွေကို ဒုက္ခဖြစ်နေတဲ့လူတွေ လက်ထဲ ရောက်တာ နည်းပါတယ်။ ဒုက္ခသည်စခန်းကလူတွေစားရသောက်ရတဲ့ ပမာဏဟာ အင်မတန်နဲ ပါတယ်။

မယုံရင် ရခိုင် ဘက်က ဒုက္ခသည်စခန်းနဲ့ ထိုင်းက စခန်းတွေကိုလေ့လာကြည့်ပါ။ လစာများတဲ့လူကတော့ ဒုက္ခသည်တွေကို လိုက်ပြီး ကူညီပေးနေတဲ့ အန်ဂျီအိုဝန်ထမ်းတွေပဲဖြစ်ပါတယ်။ လစာကို ဒေါ်လာ လေးငါးသောင်းတစ်နှစ်အတွက် ရပါတယ်။

ဒုက္ခသည်စခန်းက လူတွေဟာနှစ်ပေါင်းများစွာ စခန်းထဲမှာ အနေကြာလာပြီး အချောင်ရတဲ့ ဆန်ကိုစားပါတယ်။ စခန်းအပြင်လည်းထွက်ကော ဘာလုပ်လို့ ဘာကိုင်ရမှန်းမသိတဲ့လူတွေများပါတယ်။ စခန်းထဲမှာ ထမင်းကိုဘယ်လိုရှာစားရ လဲဆိုတဲ့အတတ်ပညာကို မသင်ပေးခဲ့တဲ့အတွက်ကြောင့် ဒီလိုဖြစ်သွားခဲ့တာပါ။

ဒါတင်မဟုတ်ဘူး ထိုင်းအခြေစိုက် နိုင်ငံရေးအဖွဲ့ အစည်းနဲ့ လူအခွင့်အရေးအဖွဲ့ အစည်းတွေလည်း လွယ်လွယ်ရ တော့ လွယ်လွယ်သုံးပါတယ်။ နောက်ပိုင်း အန်ဂျီအိုဘ၀ကနေ သာမန်ဘ၀ကိုရောက်တဲ့အခါမှာတော့ အထည်ကြီးပျက် သလိုဖြစ်ပါတော့တယ်။

ထိုင်းမှာနေတုန်းက အန်ဂျီကပေးတဲ့ပိုက်ဆံနဲ့ ဘာအလုပ်မှ မလုပ်ရပဲ၊ သြစတျေးလျကို ဒုက္ခသည်အဖြစ် နဲ့  ကျနော်တို့ မိသားစုရောက်ခဲ့ပါတယ်။ ဒီမှာတင် လက်ကြောမတင်းတဲ့ရောဂါကကြီးသလို၊ ကိုယ့်ချွေးနဲစာနဲ့ ရှာထားတဲ့ ပိုက်ဆံကို သူများပေးဖို့ အင်မတန်တွန့် တိုတာကိုသတိထားမိတယ်။ ထိုင်းမှာနေတုန်းကဆိုရင် ယူအန်က အလကားရတဲ့ ပိုက်ဆံနဲ့ အန်ဂျီအိုက ရတဲ့ဟာတွေဆိုတော့ မနှမျောပါဘူး။ စုဆောင်းဖို့ လည်း မသိခဲ့ဘူး။

ယနေ့ ကာလမှ သတိထားမိတာတစ်ခုရှိတယ်။ အထူးသဖြင့် Facebook သုံးတော့ မြင်တွေ့ ရတဲ့မြင်ကွင်းတွေက ငါးမျှားနည်းမသင်ပေးပဲ၊ ငါးတွေကို ဆင်းရတဲ့လူတွေနဲ့ ဒုက္ခရောက်တဲ့လူတွေကို ပေးနေတယ်။ ဒုက္ခရောက်တဲ့လူကို ကူညီ တာကောင်းပါတယ်။ ဒါပေမဲ့ ဒုက္ခရောက်တဲ့လူတွေကို ငါးပေးမဲ့အစား သူတို့ တွေတစ်သက်လုံး ကိုယ့်ခြေထောက်ပေါ်ရပ် တည်နိုင်တဲ့ နည်းလမ်းများပေးရင် ပိုမကောင်းဘူးလား။

နို့ မိုဆိုရင် ကူညီတာဟာ ဖျက်ဆီးသလိုဖြစ်သွားနိုင်တယ်။
ကျနော်တို့ ကိုယ်တိုင်ရခဲ့တဲ့အတွေ့ အကြုံနဲ့ ယှဉ်ပြီးတင်ပြနေတာပါ။

စစ်သားလူထွက်နဲ့ ဘုန်းကြီးလူထွက်တွေဟာ လူ့ ဘ၀ကိုရောက်ရင် သောင်ပြင်မှာလွှတ်တဲ့ခွေး လိုဖြစ်လေ့ရှိတယ်။ ဒါဟာ အထက်ကပြောတဲ့အတိုင်း ငါးမျှားနည်းမပေးခဲ့လို့ ပါ။

ဗုဒ္ဓဘာသာအယူအဆအရ အလှူအတန်းဟာကောင်းပါတယ်။ စိတ်ချမ်းသာစရာလည်းကောင်းပါတယ်။ လှူတာ ကိုဂုဏ်ပြိုင်မလှူဖို့ အင်မတန်အရေးကြီးပါတယ်။ နိုင်ငံခြားကနေ ငွေတွေကို ပြည်တွင်းက ဆင်းရဲတဲ့ မိသားစုတွေကို ကျနော်တို့ ပြန်ပေးပါတယ်။ သူတို့ ဒီငွေတွေနဲ့ အလှူအတန်းကို အကြီးအကျယ်လုပ်ပါတယ်။ လုပ်တော့ လက်ထဲက ငွေ ကုန်ပါတယ်။

ကျနော်တို့ ကလည်း ပြန်မပေးနိုင်တဲ့အချိန်လည်းရောက်ရော လက်ထဲမှာငွေမရှိတော့ စိတ်ညစ်ကော။ လှူထားတဲ့အလှူဟာ ချက်ခြင်းဘာမှ အကျိူးမထူးသလို၊ လှူတဲ့လူတွေကလည်း ကိုယ်ဒုက္ခရောက်ရင် ပြန်ကြည့်တာ မဟုတ်တော့ စိတ်ညစ်တာပဲအဖတ်တင်ပါတယ်။

တစ်ခါတလေကြတော့ မြန်မာ့ဓလေ့ကို စိတ်ကုန်မိတယ်။ အလှူအတန်းကို အထင်သေးလာတယ်။ ဒါ့ကြောင့် လက်တွေ့ ကျတဲ့ဘ၀တိုးတက်ရေးဖြစ်ဖို့ ငါးတွေမပေးပဲ၊ ငါးမျှားနည်းပဲ သင်ပေးကြပါစို့ ။ တိုးတက်နေတဲ့နိုင်ငံတွေမှာ ထမင်းကို ဘယ်လိုရှာစားရလဲဆိုတဲ့အတတ်ပညာကို ဇောင်းပေးခဲ့တော့ သူတို့ တွေ တိုးတက်တာမဆန်းဘူး။

ဘုန်းကျော် (သြစတျေးလျ)
7Day Daily သတင်းစာ- မေ ၂၅ ရက်နေ့ထုတ်။ Tawwat Wat

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...