Tuesday, May 28, 2013

၁၄ ရက်နေ့ မေလ ၂၀၁၃ (ချန်ယန်-မိုင်းမော) အပိုင်း (၃)

by Ucs Jugger (Notes) on Sunday, May 26, 2013 at 2:06pm

                 မနက် (၇)နာရီမှာ အသင့်ပါဘဲ… မိန်းမော(မိုင်းမော) (တရုတ်အခေါ် ရှင်တိဖန်း) (အထူးဒေသ ၂) ကိုသွားဖို့ Super Custom ပုံစံတရုတ်ကားလာကြိုပါတယ်… “၀”လူမျိုး ကားဆရာတစ်ယောက်မောင်းပါတယ်… ရှမ်းစကားလည်းတတ်ပါတယ်…
တရုတ်စကားလည်းတတ်ပါတယ်… စကားပြောလို့လည်း တော်တော်လေးကောင်းပါတယ်… ဆေးလိပ်တော့ ရှိတဲ့အပေါက်အကုန် မီးခိုးထွက်မလားအောက်မေ့အောင်ကို သောက်ပါတယ်… ဆေးလိပ်ယဉ်ကျေးမှုဟာ တရုတ်ပြည်နဲ့ တရုတ်နယ်စပ်ယဉ်ကျေးမှုမှာ တော်တော်လေး ထွန်းကားပါတယ်… မြန်မာပြည်မှာ ဆေးလိပ် တစ်ဗူးသောက်သူကို တော်တော်လေး ဆေးလိပ်သောက်သူဟာ ထင်ရပေမဲ့ ဒီဘက်မှာတော့ ဆေးလိပ်တစ်ဗူးဆိုသည် နေ့တစ်ပိုင်းလားပင် မပြောတတ်… ကျွန်တော်ကိုယ်တိုင်လည်း သောက်ပေမဲ့ ရံဖန်ရံခါဆိုရုံမျှသာ တစ်ယောက်တည်းရှိနေချိန် အထီးကျန်ချိန်တွေမှာတော့ တော်တော်လေးသောက်လို့ကောင်းပါတယ်… နေ့စဉ်လိုလိုတော့ မသောက်… တစ်လိပ်စနှစ်လိပ်စသာ ဖွာပါတယ်…
                    မြန်မာပြည် ပခုက္ကူထွက် ခပေါင်း အစီခံမပါတဲ့ ဆေးလိပ်သည် နာမည်ကြီးဖြစ်သည်… ဒေသခံတွေက ၀ါးပြောင်းနဲ့ ခပေါင်းဆေးလိပ်ရှိုက်ရတာကို တော်တော်လေးကြိုက်ကြတယ်ဗျ… စကားပြော တစ်ထိုင်တည်း တစ်နာရီပင်တစ်ဗူးကုန်အောင် သောက်တတ်ကြသေးသည်… တရုတ်ပြည်ထဲ ခပေါင်းဆေးလိပ်ရောက်သွားလျှင် နှစ်ဆဈေးရသည်၊  ခိုးပြီးတရုတ်ပြည်ထဲသွင်းကြတာ…တရုတ်က ဆေးလိပ်တင်သွင်းခြင်းခွင့်မပြုပေ…    “၀” အထူးဒေသ(၂)မှာ အခြေခံလူတန်းစား “၀”လူမျိုးအတွက် မန္တလေးမြို့ထုတ် ဆင်ဖြူပျံ ဖက်ကြမ်းဆေးလိပ်သည် နာမည်ကြီးဖြစ်သည်၊ ဆင်ဖြူပျံ ဆေးလိပ်ထုတ်ပိုးပုံမှာ မြင်းခြံ ဆေးလိပ်ထုတ်ပိုးပုံနှင့်မတူ မြင်းခြံဆေးလိပ်ခုံတွေလို ၀ါးခြင်းထဲ ထည့်ပြီး ထုတ်ပိုးခြင်းမဟုတ်၊ ဂျပ်ဖာထူထူမှာ ဂျက်စက္ကူတွေနဲ့ သပ်သပ်ရပ်ရပ်ထုတ်ပိုးပြီး ဆေးလိပ်အရှည်မှာ ၃ပုံ ၁ပုံခန့်တိုလေ၏… မန္တလေးမြို့တွင် ထုတ်သော်လည်း လားရှိုးမှ ကိုယ်စားလှယ်နှစ်ဦးမှ နှစ်ဦးထဲ ကိုယ်စားလှယ်ယူပြီး ဖြန့်ပါတယ်… ဆေးတံထဲ ဘိန်းမဲ နည်းနည်းလေးထည့်ပြီး ဖွာသူအချို့လည်း တွေ့ခဲ့ဘူးပါတယ်…

 
မိုင်းမောလမ်းပိုင်း ရှုခင်းတစ်နေရာ

                    မနက်(၈)နာရီခန့်ထိုးတော့ တရုတ်-မြန်မာနယ်စပ်ကိုရောက်ပါတယ်… မြန်မာဖက်က နယ်စပ်ဂိတ်ကို “၀”တပ်က စောင့်ပါတယ်… တရုတ်ဂိတ်ကနေ တရုတ်ရဲမေချောချောလေးက ပတ်(စ်)ပို့ စစ်ပါတယ် အသွားတုန်းကလို ငနဲသားတွေမဟုတ်တော့ စိတ်ချမ်းသာသဗျာ… “၀”ဂိတ်မှာ ပတ်(စ်)ပို့ ပြန်ပြ တရုတ်ငွေ တစ်ကျပ်ပေးရပါတယ်… "၀" ပြည်နယ်မှတ်ပုံတင်ကတော့ ကတ်အဖြူကို ခြင်္သေ့ရုပ်(မြန်မာကျပ်ငွေများတွင်ပါသကဲ့သို့ပုံစံ) နောက်ခံနဲ့ တရုတ်-မြန်မာ နှစ်ဘာသာရေးထိုးထားတဲ့ ကတ်ဖြစ်ပါတယ်... "၀" မှတ်ပုံတင်ကတ်ရှိရုံနှင့် တရုတ်ပြည်သို့သွားခွင့်ရှိပါတယ်... နယ်စပ်ဂိတ်မှာ သစ်လုံးကားတွေ လေးငါးစီးတော့ တွေ့ခဲ့ရပါသေးတယ်… အထူးဒေသ(၂) မိုင်းမောဟာ UWSA ကိုယ်ပိုင်အုပ်ချုပ်ခွင့်ရ ၀ ဒေသ ဖြစ်ပါတယ်... လမ်းတစ်လျှောက် လတ်တလော နိုင်လွန်ကတ္တရာကို အထူးစပါယ်ရှယ်ခင်းနေတာကို တွေ့ရပါတယ်... လမ်းမှာ မနေ့က လူ (၆၀)လောက်တင်လာတဲ့ ကားကြီးမှောက်သည်ဆိုသတည်း… လူနှစ်ဆယ်ကျော် သေပါသတဲ့ ဒါပေသိ မြန်မာသတင်းတွေ တရုတ်သတင်းတွေမှာ မတွေ့ရ…


ဝတိုင်းရင်းသားကြီး


ဝတိုင်းရင်းသူကြီး


မိုင်းမောလမ်းပိုင်းတစ်နေရာ

                      မနက် (၉)နာရီထိုးတော့ မိန်းမော(မိုင်းမော)ကို ရောက်ပါတယ်… နေ့ခင်း (၂)နာရီထိုးတော့ လေတွေ မိုးတွေများ သည်းကြီးမည်းကြီးကိုရွာတယ်… မဟာဆန်မုန်တိုင်းကြောင့်ပဲလားမသိ မိုးနဲနဲ တိတ်သွားတော့ မြန်မာနိုင်ငံ “၀”အထူးဒေသ (၂) ပန်ဆန်းမြို့ကို သွားဖို့အတွက် လက်မှတ်သွားဝယ်ပါတယ် တရုတ်ယွမ်ငွေ (၁၁၄)ယွမ်ပေးရပါတယ်… လမ်းမှာ မိုင်းမောအလယ်တန်းကျောင်းကို ဖြတ်ကျော်ပြီး တောင်ပေါ်ကောင်းတပ်ရွာ(တိုင်းနေရှမ်းများနေထိုင်ရာ) ကို သုံးဘီးတက္ကစီငှားသွားပါတယ်… မိုင်းမော အလယ်တန်းမှာ မြန်မာစာ၊ တရုတ်စာ၊ “၀”စာ သုံးဘာသာသင်ကြားပေးပါတယ်…
                      “၀”စာသည် ကိုလိုနီခေတ်က အင်္ဂလိပ်သာသနာပြုများ ရောက်ရှိပြီးနောက် ကချင်ဘာသာကဲ့သို့ပင် အင်္ဂလိပ်စာ၊ အသံထွက်ဖြင့် တီထွင်ပေးခဲ့ခြင်းဖြစ်သည်… “၀” လူမျိုးများဟာ မွန်၊ခမာ မျိုးနွယ်စုဖြစ်ပြီး စကားပြောလေသံဟာ မွန်လူမျိုးတွေစကားပြောနဲ့ နီးစပ်ပါတယ်…  လေယူလေသိမ်းကအစတူပါတယ်… အောက်မှာ (၁၂၃၄) အခေါ်အဝေါ်တွေရေးသားထားပါတယ်…

၁ = ထယ်
၂ = လ
၃ = လွိုက်
၎ = ပွိုန်
၅ = ဖွုန်
၆ = လဲ့
၇ = အာလဲ့
၈ = ဆက်တိုက်
၉ = စတင်း
၁၀ = ကောက်း(အသံရှည်)
ထမင်းစား = ဆွမ်အစ်၊ ရေသောက် = ဆွမ်နမ့်

                          “၀”လူမျိုးအများစုဟာ ခရစ်ယာန်ဘာသာကို ကိုးကွယ်ပြီး တစ်ချို့တစ်လေရှမ်းနှင့်နီးစပ်ခဲ့သော “၀”လူမျိုးတွေဟာဗုဒ္ဓဘာသာကိုကိုးကွယ်ပါတယ်… နတ်ကိုးကွယ်မှု တစ်ချို့နဲ့ ပူဇော်ပသမှု တစ်ချို့ကိုလည်း လုပ်ဆောင်ပါတယ်… ပူဇော်ပသမှုကို ရှေးယခင်က တော်တော်ကြီးလုပ်ခဲ့ကြပါပေမဲ့ ယနေ့ခေတ်မှာတော့ အရမ်းကို နည်းပါးသွားပါပြီ… အသားအရေနဲ့ ရုပ်ရည်အသွင်အပြင်ဟာ မြန်မာပြည် အညာဒေသ ဗမာလူမျိုးများနဲ့ ရုပ်ဆင်ပြီး ပုဆိုးဝတ်ထားပါက ခွဲမရအောင်တူလေသည်... မြန်မာစကားလာပြောပြီး ပုဆိုးဝတ်ထားသော ၀ တစ်ယောက်ကို ဗမာလူမျိုးဟု အမြဲထင်မှတ်မှားတတ်လေသည်... ကျွဲခေါင်းနှင့် ကျွဲချို(ဂျို)တံဆိပ်ဟာ “၀” လူမျိုးတွေ အထွတ်အမြတ်ထားရာ သင်္ကေတပါဘဲ အိမ်တိုင်းလိုလိုမှာ ကျွဲဂျိုကို အိမ်ပေါက်ဝမှာချိတ်ထားကြပါတယ်… မိုင်းမောရှိ ကျွန်တော်တို့ ငယ်ငယ်က အဘွားရဲ့အိမ်က ရွံနှင့် ကောက်ရိုးဖြင့် ပြုလုပ်ထားပါတယ် (ရွံကို ကောက်ရိုးနှင့်ရောနှောပြီး အပြားလိုက်နံရံဆောက်သည်) … ယခင်များကာလက ရွံနှင့် ပြုလုပ်ထားသော အိမ်တွေ အတော်ပဲများပါတယ်… ယခုတော့ မတွေ့ရသလောက်နီးနီးကို နည်းပါးသွားပါပြီ… ဈေးနေ့ဆို “၀”လူမျိုးများဟာ အဘွားဆိုင်မှာ ခေါက်ဆွဲစားကြတယ်… သူတို့ရွာတွေ ရွာတွေက ယူဆောင်လာတဲ့ တောင်ပေါ်ဆန်နီကြမ်းကို ခေါက်ဆွဲနဲ့ အားရပါးရစားသောက်နေပုံများ တကယ် သဘာဝဆန်ပါတယ်… “၀”လူမျိုးများကို လွယ်လ လို့လည်း ရှမ်းတိုင်းရင်းသားများက ခေါ်ဆိုကြပါတယ်… အဓိပ္ပါယ်က တောင်ပေါ်နေ လူမျိုးများဟု ဆိုလိုပါတယ်…


                          ဈေးနေ့(ငါးရက်တစ်ဈေး) နဲ့ ဈေးနေ့မရောက်ခင်တစ်နေ့ (ဈေးအဖိတ်နေ့)မှာ ငွေဒင်္ဂါးလဲလှယ်ခြင်း လုပ်ကြတဲ့သူတစ်ချို့လည်းတွေ့ခဲ့ရဘူးပါတယ်… ငွေဒင်္ဂါးသည် (၁၉၀၀)ခုနစ်ဝန်းကျင် အိန္ဒိယ တစ်ရူပီး ငွေပြားများ(အင်္ဂလိပ်တို့ သုံးစွဲခဲ့ဟန်ရှိ) ဖြစ်ပြီး ငွေပြားတစ်ပြားလျှင် တရုတ်ငွေ (၅၀)ယွမ်ခန့်ပင် တန်ဖိုးရှိပါတယ်… ငွေဒင်္ဂါးများကို ဘိန်းကုန်သည်အချို့က ၀ယ်ယူပြီး တိုင်းရင်းသားတွေထံမှ ဘိန်းမဲကို ငွေဒင်္ဂါးပြား အလေးချိန်အတိုင်း ဆတူဝယ်လေ့ရှိပါတယ်… ဒါကြာင့် ဘိန်းမဲဈေးတက်လျှင် ငွေဒင်္ဂါးပြားဈေးတက်ပြီး… ဘိန်းမဲဈေးကျလျှင် ငွေဒင်္ဂါးပြားဈေးကျပါတယ်… ရိုင်ဖယ်ကျည်ဆံနဲ့ ချိန်တွယ်လေ့ရှိတဲ့ ဓလေ့လည်းရှိပါတယ်… ဘိန်းမဲကောင်းမကောင်းကြည့်ရှုပုံကတော့ ဘိန်းမဲကို အင်ဖက်နဲ့ အထပ်ထပ် ထုတ်ထားပါတယ်… အင်ဖက် အထပ်ထပ်ကို သေသေချာချာခွာရပါတယ်… ဘိန်းမဲအလုံးထုပ်ကို ကတ်ကြေးဖြင့် အပေါ်ယံကိုက်ကြည့်ပြီး စေးကပ်ကပ်ဖြစ်ရင် ကောင်းပါတယ်၊ ခြောက်ကပ်ကပ်ဆို သိပ်မကောင်းချင် စိမ်းရွှင်ရွှင်အနံ့ ရရင်ပိုပြီးကောင်းသည်… ဘိန်းမဲချက်တဲ့ ဘိန်းစေ့(အဖြူစေ့)ကို မတ်ခွက်နဲ့ ရောင်းပါတယ်… ဘိန်းစေ့ကို ဒေသ သာရေးနာရေး ကျွေးမွေးတဲ့အခါ ဟင်းရည်အဖြစ် ချက်စားကြပါတယ်… ဘိန်းစေ့ကို ထောင်း ရလာတဲ့ အမှုန့်နဲ့ ဟင်းရည်လုပ်သောက်ရတာ စေးပစ်ပစ်နဲ့ စိမ့်စိမ့် အရသာကို ခံစားရပါတယ်… ငယ်ငယ်က ဘိန်းသွားဝယ်သူအချို့နဲ့ တော်တော်ခေါင်တဲ့ “၀လင်း”ဆိုတဲ့ မြို့ကိုသွားခဲ့ဘူးပါတယ်… သိပ်တော့ မမှတ်မိတော့… ယခုတော့  ဘိန်းပပျောက်ရေးကို တိုးမြှင့်လုပ်ဆောင်လာပါပြီ… စိတ်ကြွဆေးပြားကိုတော့ "၀" နယ်မှာ ပြင်းထန်စွာတားမြစ်ပိတ်ပင်ထားပါတယ်... ကမ္ဘာ့စားနပ်ရိက္ခာအစီအစဉ် (WFP) မှလည်း ဒေသခံ တိုင်းရင်းသားတွေကို လစဉ် ဆန်ထောက်ပံ့ခြင်းတွေ လုပ်ပါတယ်… တောရိုင်းတိရစ္ဆာန်တစ်ချို့ကို ဈေးနေ့မှာ လာရောက်ရောင်းချတာလည်း တွေ့ရဘူးပါတယ်...


အိန္ဒိယ ရူပီးငွေပြား


အိန္ဒိယ ရူပီးငွေပြား

                    နောက်ထပ် “၀”မြို့တွေဖြစ်တဲ့ ဆောက်ဖာ၊ မှန်တွင်း(မြန်မာကျပ်ငွေသုံးသည်ဟုသိရ)၊ ပန်လုံမြို့များကိုပင် ကျွန်တော်မရောက်ဘူးသေးပေ… မြန်မာ မူးစေ့မတ်စေ့ ငွေတစ်ကျပ်ပြားစေ့တွေ သုံးတဲ့ ဒေသတွေပင် ရှိသေးသည်ဟူသတည်း… ဒေသ(၂)မှာတော့ တရုတ်ပြည်က စီးပွားရေးလာရောက်လုပ်ကိုင်တဲ့ လူတွေကို လူခွန်အနေနဲ့ တစ်လကို (၁၀)ယွမ်ကောက်ပါတယ်(မြန်မာလူမျိုးမကောက်ခံပါ)… တရုတ်လူမျိုးအများစု (တော်တော်များများ ပညာမတတ်) ဟာ “၀”ဒေသမှာ လာရောက် ဈေးရောင်းချခြင်း၊ အ၀တ်အထည်ချုပ်လုပ်ခြင်း၊ ကားမောင်းခြင်း၊ ဖိနပ်ချုပ်ခြင်း စတဲ့ လုပ်ငန်းတွေနဲ့ သက်မွေးဝမ်းကျောင်းကြပါတယ်… ညားခါစ တရုတ်ဇနီးမောင်နှံများ စီးပွားရေးလာလုပ်ပြီး ကလေးမွေး မွေးလာတဲ့ ကလေးတရုတ်ပြည်ပို့ ပညာသင်ပေး သူတို့ကတော့ စီးပွားရေးကြိုးစားရှာ အဲလိုပုံစံမျိုးတွေများပါတယ်… ကလေးလည်း တစ်ယောက်ထပ်ပိုယူမရပေ… စီးပွားရေးလာလုပ်ရင်း ဆယ်စုနှစ် (၂)စုကြာသွားတဲ့ တရုတ်တွေလည်းတွေ့ရပါတယ်… ကိုဇော်ဝမ်းမောင်ရေးထားတဲ့ “တရုတ်ပြည်သူ့သမ္မတ နိုင်ငံ၏ ကိုလိုနီ မြန်မာပြည်နယ်” ဆောင်းပါးထဲမှာ “၀”ဒေသဟာ ရုံးသုံးစာ တရုတ်စာသုံးတာမှန်ပေမယ့် မြန်မာစာကိုလည်း သုံးတယ်ဆိုတာ အောက်ပါပုံမှာတွေ့နိုင်ပါတယ်…မြန်မာလူမျိုး ထောင်ဂဏန်းပင်မပြည့် ရောက်ဖူးသူတွေသာ ရှိတဲ့ ဒေသမှာ တရုတ်လူမျိုးစီးပွားရေး လုပ်ကိုင်သူများပြားတဲ့အတွက် အများသုံး ဘာသာစကားကို သုံးရခြင်းဖြစ်ပါတယ်… မြို့ပေါ်နေ “၀” လူမျိုးတွေသာ တရုတ်စကားတတ်ပြီး ရွာနေတွေဟာ တရုတ်ဘာသာစကားပြောဆိုတတ်ခြင်းမရှိပါဘူး… စီးပွားရေးဆိုင်းဘုတ်တွေမှာ သုံးဘာသာရေးသားထားကို အောက်ပါအတိုင်းတွေ့ရမှာပါ…


သုံးဘာသာဆိုင်းဘုတ်များ


ဌာနဆိုင်ရာ ရုံးသုံးဘာသာစကား


ဌာနဆိုင်ရာ ရုံးသုံးဘာသာစကား

                    မြန်မာလူမျိုးတစ်ချို့ရှိပေမယ့် ရေဆေးစီလိုက်လုပ်ငန်း၊ ၀ပ်ရှော့လုပ်ငန်းလောက်သာ လုပ်ကြတာကို တွေ့ရပါတယ်… စီးပွားရေးအနေနဲ့ ဘာလုပ်လုပ် လွတ်လပ်ခွင့်ပေးထားပေမဲ့ အစိုးရ ထောက်လှမ်းရေးပုံစံ စပ်စပ်စုစု လုပ်လို့မရပါဘူး… မသင်္ကာမှုနဲ့ ဖမ်းပါလိမ့်မယ်… မြန်မာအစိုးရစစ်တပ်ရှေ့တန်းတပ်ရှိပေမဲ့ တပ်သားအင်အား (၂၀)ပင်မပြည့်ပေ… ဆက်သွယ်ရေးရုံးရှိသော်လည်း (RD) ကြေးနန်းခေါ်ဆိုမှုသာရပါတယ်… တရုတ်ပြည်မရဲ့ထောက်ပံ့မှုနဲ့ “၀”ဒေသတစ်ခွင်ဟာ လွန်ခဲ့တဲ့ ဆယ်နှစ်လောက်ကတည်းက တောထဲက ဖုန်းခေါ်ဆိုလည်း လိုင်းမိပါတယ်… CDMA လိုင်းဟာဆိုရင် ၀ပြည်ဘယ်နေရာကဆက်ဆက်မိပါတယ်… အဖိုးအခလည်း ချိုသာပါတယ်… ရုပ်မြင်သံကြား အစီအစဉ်အနေနဲ့ Receiver တစ်ခုကို ပြည်နယ်ပိုင် ပြုလုပ်ထားပြီး မြန်မာ Channel များဖြစ်တဲ့ MRTV - MRTV4 - MWD - DVB (Channel-7 မပါ) တို့ကို ထုတ်လွှင့်ပေးပြီး တရုတ် Channel မှာတော့ CCTV နဲ့ တရုတ်ဇာတ်ကားရှည်လိုင်းများကို ထုတ်လွှင့်ပေးပါတယ်...

                      ရှေ့က ကျွန်တော် ကောင်းတပ်ရွာကို သွားတာ ခရီးဆက်ပါဦးမယ်… ကောင်းတပ်ရွာဟာ အိမ်ခြေ (၅၀) ၀န်းကျင်သာရှိပြီး မိုင်းမောမြို့မှ (၁၅)မိနစ် ဆိုင်ကယ်စီးခန့် အကွာအဝေး တောင်ပေါ်မြင်ကွင်းတစ်နေရာမှာရှိပါတယ်… ရှမ်းဗုဒ္ဓဘာသာ လူမျိုးစု သာနေထိုင်ကြပြီး တောင်ပေါ်ရှမ်း တိုင်းနေ တွေ ဖြစ်ကြပါတယ်… တိုင်းနေရှမ်းတွေ သင်္ကြန်ကျပြီဆိုရင် မနက်စောစော မြတ်စွာဘုရားရှင်ကို ရေသပ္ပါယ်ပါတယ်… ဆီမီးပူဇော် ဆွမ်း(ရှမ်းမုန့်)ကပ်  ဘုန်းကြီးတရားနာပြီးမှ ရေလောင်းကြပါတယ်… ရေလောင်းလျှင် ရှမ်းအမျိုးသားက လိုက်လောင်းစရာမလို အမျိုးသမီးများက အိမ်ပေါက်စေ့ ကာလသား ရှမ်းပျိုတွေကို လိုက်လောင်းတာဗျ…ပုန်းတောင်ပုန်းယူရတယ်… တောင်ကျရေက တော်တော်လေးအေးတော့  မခံနိုင်ဘူးဗျ…
ရွာအဆင်းလမ်းမှာ တောင်ကျရေမှကျနေတဲ့ လှပတဲ့ စမ်းချောင်းလေးရှိတယ်... တစ်ချို့နေရာမှာ ရေကူးလို့ပင်ရသေးတယ်ဗျ... ရွာက ဘုန်းကြီးကျောင်းကို ဗိုလ်မှူးကြီးတင်ရီ ဆိုတဲ့ မြန်မာဗိုလ်မှူးကြီးတစ်ယောက်လှူဒါန်းထားတာကို တွေ့ရပါတယ်...


ကောင်းတပ်ရွာ ရှမ်းဘုန်းကြီးကျောင်း


မြူတွေ အုပ်ဆိုင်းနေသော ကောင်းတပ်ရွာကလေး


လွိုင်မူးတောင်ကြီးကို နောက်ခံပြုထားသော မိုင်းမောမြို့

                      နှစ်ဆန်း(၁)ရက် (၂)ရက် ၀န်းကျင်ဆို ကောင်းတပ်ရွာမှ “၀”ဒေသအမြင့်ဆုံးတောင် လွိုင်မူးတောင်ကို တက်ကြပါတယ်… မနက်စောစော (၆)နာရီစတက်ရင် ည(၇)နာရီထိုးမှ တောင်ပေါ်ကိုရောက်ပါတယ်… မတက်ခင် ရက်ပိုင်းအတွင်း အမျိုးသားတွေက လမ်းရှင်းခြင်း ခြုံရှင်းခြင်းတွေ ကြိုတင်ပြုလုပ်ရပါတယ်… ရှမ်းတွေအနေနဲ့ မြတ်စွာဘုရားရှင် ကြွရောက်ခဲ့တယ် ဘုရားခြေတော်ရာရှိတယ်ဟု ယုံကြည်ထားသော ကျောက်တုံးပေါ်မှာ ခြေရာပုံစံ ရှိရာကို ဖူးမျှော်ကြပါတယ်… ဆီမီးပူဇော် ဆွမ်းကပ် ဘုန်းကြီးတရားနာကြပါတယ်… ညပိုင်းထင်းရှာ ရေရှာသွားရပါသေးတယ်… မီးပုံဖိုပြီး ရှမ်းအိုးစည်တွေတီး ကကြပါတယ်… ပျမ်းမျှဦးရေ (၁၀၀) ၀န်းကျင်ခန့် တက်ကြပါတယ်… တော်တော်ပင်ပန်းနွမ်းနယ်တဲ့ခရီးပါ… သည်းထိတ်ရင်ဖို ကျောက်ကမ်းပါးဘေးမှာ လမ်းလျှောက်တက်ခဲ့ရပါတယ်… လွိုင်မူးတောင် နှစ်ခေါက် ထရိန်နင်ရခဲ့ဘူးတဲ့ အတွေ့အကြုံဟာ ကျိုက်ထီးရိုးကို ကင်မွန်းစခန်းကနေတက်ရတာ အရမ်းကို လွယ်ကူခဲ့ပါတယ်… မနက်(၆)နာရီ လောက်မှာစတက်တာ မနက်(၈)နာရီကျော်ကျော်လောက်ပင် ကျိုက်ထီးရိုးတောင်ပေါ်ကို ရောက်နေပါပီ… ကောင်းတပ်ရွာမှာ ညအိပ်ညနေတောင်မနေခဲ့ရပါဘူး… အမျိုးအိမ်တွေ ဟိုပြောဒီပြောနဲ့ ညနေခင်းတော့ ပြန်ဆင်းလာပါတယ်… ညပိုင်းတော့ ဘဲသားကြော်နဲ့ ကြက်ဥကြော်နဲ့ လွေးပြီး တရုတ်တွေဖွင့်တဲ့ ရှင်းလိတည်းခိုခန်းမှာ သွားအိပ်လိုက်ပါတယ်…

Ucs Jugger 

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...