သစ်ထူးလွင် သတင်းစုစည်းမှု (၁၃-၇)

သစ်ထူးလွင်

---

• ရေလှောင်ကန် ပြိုကျ၍ ဖားကန့်တွင် ရေကြီး
• ကျောင်းသူတစ်ဦးအား ဘင်္ဂလီမူဆလင်များ ဗရကာရပြောဆို၍ ဖမ်းဆီးထိန်းသိမ်းထားလိုက်ရ
• ဖြူဖြူကျော်သိန်း ယာဉ်တိုက်မှုဖြစ်
• စီးပွားရေး ပိတ်ဆို့မှုနှင့်ပတ်သက်၍ သူရဦးရွှေမန်းနှင့် ဒေါ်အောင်ဆန်းစု ကြည် တို့တွေ့ဆုံ
• ဒေါ်နန်းဝါနု၏ အဆိုကို လွှတ်တော်က အတည်ပြု
• ပြည်သူ့လွှတ်တော်ဥက္ကဌမှ ဒေါ်နန်းဝါနုတင်သွင်းသည့် အရေးကြီးအဆိုကို ဖြည့်စွက်ရှင်းလင်း
• ပြည်သူ့လွှတ်တော်ကိုယ်စားလှယ် ဒေါ်နန်းဝါနုမှ အရေးကြီးအဆိုတင်သွင်း
• ပြန်လည်ဆယ်ယူတော့မည့် ဓမ္မစေတီခေါင်းလောင်းတော်ကြီးသမိုင်း
• ဒေါ်စု အဆိုနှင့် မေးခွန်းများတွင် ဝင်ရောက်ဆွေးနွေးမည်
• ကော်မရှင်ဖွဲ့၍ ဆန္ဒပြ အကြောင်းရင်း ဖြေရှင်းရန် အဆိုတင်
• ဘင်္ဂါလီ ရိုဟင်ဂျာအရေး သမ္မတ တိုက်တွန်းချက် UNHCR မဟာမင်းကြီး ပယ်ချ
• ဇူလိုင်လ (၁၂)ရက်နေ့ ထုတ် Hot News Weekly Journal
• တရား ဥပဒေ ဘာလဲ (နှလုံးမကောင်းသူများ မကြည့်သင့်ပါ)
• အနှိပ်ခန်းအား တိုင်ကြားသော်လည်း ဖမ်းဆီးအရေးယူ ဖယ်ရှားခြင်းမရှိ
• ဘင်္ဂလားဒေ့ရ်ှအခြေစိုက် အကြမ်းဖက်အဖွဲ့များ
• မြောက်ဦးလူထု အာဏာပိုင်များနှင့် ရုန်းရင်းဆန်ခတ်ဖြစ်
• ဓာတ်ဆီဆိုင်ဖွင့်လှစ်မှာကို ၀ိုင်းဝန်းကန့်ကွက် ဆန္ဒဖော်ထုတ်မှု (ရုပ်/သံ)
• ထွန်တုံးတိုက်ပွဲ (ရုပ်/သံ)
• မြန်မာကျောင်းဆရာလစာ တိုးမြှင့်သော်လည်း အိမ်နီးချင်းနိုင်ငံများနှင့် ၇ ဆ ခန့် ကွာဟနေဆဲ

ရေလှောင်ကန် ပြိုကျ၍ ဖားကန့်တွင် ရေကြီး Posted: 13 Jul 2012 06:18 AM PDT ဖားကန့် ကျောက်စိမ်းမိုင်းတွင်းတခုအားတွေ့ မြင်ရစဉ် ရန်ကုန် ၊ ဇူလှိုင် ၁၃ ဖားကန့်မြို့နယ် နမားယန်ချောင်း အနီးရှိ ဆမား ရေလှောင်ကန် ပြိုကျမှုကြောင့် ကုဋေမှော် ကျေးရွာ အပါအ၀င် မြို့ပေါ် ရပ်ကွက် အချို့ ရေနစ်မြုပ်ခဲ့ကြောင်း ယင်းဒေသခံများက The Voice Weekly သို့ ပြောကြားသည်။ “ ရွာထဲကို ချောင်းရေက အရှိန်နဲ့ ၀င်လာတာ ။ အိမ်ခြေ ၂၀လောက် မြုပ်သွားတယ် ကုဋေမှော် ကျေးရွာရှိ ကျောက်စိမ်းဝယ်ရောင်း လုပ်ကိုင်နေသူ အမျိုးသားတစ်ဦးက ပြောကြားသည်။ ဆမားရေလှောင်ကန်သည် မိုးသည်းထန်စွာ လေးရက်ခန့် ရွာသွန်းပြီးနောက် ဇူလှိုင်လ ၁၂ ရက်နေ့ ၁၁ နာရီအချိန်တွင် ပြိုကျခဲ့ပြီးနောက် ရေတက်နေသော နမားယန်ချောင်း အတွင်းသို့ ရေလှောင်ကန်ရေများ ၀င်ရောက်ခြင်းကြောင့်ရုတ်တရက် ရေကြီးသွားခြင်း ဖြစ်ကြောင်း ယင်းဒေသခံတို့က တူညီစွာ ပြောဆိုကြသည်။ ဖားကန့်မြို့ပေါ် ရပ်ကွက်ဖြစ်သော ငပျောတော ရပ်ကွက်တွင်းလည်း မြေနိမ့်ပိုင်းအချို့ ရေလျှံမှု ဖြစ်ပေါ်လျှက်ရှိပြီး ယင်းမြို့၏ အထင်ကရ ကျောက်ဝိုင်း နေရာတွင်လည်း လမ်းပေါ် ရေကျော် လျက်ရှိကြောင်း ၄င်းတို့က ပြောကြားသည်။ ဆိုးဆိုးရွားရွားကြီး ရေမကြီးပါဘူး။ စိုးရိမ်စရာ မရှိဘူး ဖားကန့်မြို့ငှက်ပျော်တော ရပ်ကွက်ရှိ အထက်တန်း ကျောင်းဆရာမ တစ်ဦးက ဆိုသည်။ ဖားကန့်မြို့သည် ယခုနှစ်တွင် နယ်မြေ လုံခြုံရေး အခြေအနေများကြောင့် ကျောက်မျက်တူးဖော်ရေး လုပ်ငန်းခွင်များ ရပ်နားထားသည့် အတွက် လက်ရှိ ကာလတွင် နှစ်စဉ်ဖြစ်ပွားနေသော စံချိန်တင် ရေကြီးမျိုး ဇူလှိုင်လအထိ ဖြစ်ပွားခြင်း မရှိသေးကြောင်း ဒေသခံတို့က ပြောကြားသည်။ The Voice Weekly http://feeds.feedburner.com/thithtoolwin/yIWV

ကျောင်းသူတစ်ဦးအား ဘင်္ဂလီမူဆလင်များ ဗရကာရပြောဆို၍ ဖမ်းဆီးထိန်းသိမ်းထားလိုက်ရ Posted: 13 Jul 2012 06:12 AM PDT ကျောက်ဖြူမြို့တွင် ၆တန်းကျောင်းသူ တစ်ဦးအား ပိုက်ဆိပ်ရွာမှ ဘင်္ဂလီမူဆလင်များက ဗရကာရပြုကျင့်ရန် ခြိမ်းခြောက်ပြောဆိုမှုကြောင့် ယင်းကျောင်းသူမိသားစုမှတစ်ဆင့် တာဝန်ရှိသူများအား တိုင်ကြားလိုက်နိုင်၍ ယင်းဘင်္ဂလီမူဆလင်များအား ဖမ်းဆီးထိန်းသိမ်းထားလိုက်ကြောင်း--- သတင်းအပြည့်အစုံဖတ်ရန် ဒီနေရာကို နှိပ်ပါ http://feeds.feedburner.com/thithtoolwin/yIWV

ဖြူဖြူကျော်သိန်း ယာဉ်တိုက်မှုဖြစ် Posted: 13 Jul 2012 06:02 AM PDT နေပြည်တော် ဟိုတယ်ဇုံအနီးတွင် နိင်ငံကျော် အမျိုးသမီး အဆိုတော် ဖြူဖြူကျော်သိန်း အပါအ၀င် ဂီတသစ် အလွှာ တစ်ချို့ ပါသောကား ကို နောက်မှပါလာသော ကားက ၀င်တိုက်မှု တစ်ခု ဇူလိုင်လ ၁၁ ရက်နေ့ ဗုဒ္ဒဟူးနေ့တွင် ဖြစ်ပွားခဲ့ကြောင်း ဖြူဖြူကျော်သိန်းက -- သတင်းအပြည့်အစုံဖတ်ရန် ဒီနေရာကို နှိပ်ပါ http://feeds.feedburner.com/thithtoolwin/yIWV

စီးပွားရေး ပိတ်ဆို့မှုနှင့်ပတ်သက်၍ သူရဦးရွှေမန်းနှင့် ဒေါ်အောင်ဆန်းစု ကြည် တို့တွေ့ဆုံ Posted: 13 Jul 2012 05:02 AM PDT ဇူလိုင်လ (၉)ရက်နေ့ က  သူရဦးရွှေမန်းနှင့် ဒေါ်အောင်ဆန်းစုကြည်တို့် မွန်းလွဲပိုင်း လွှတ်တော်အစည်းအဝေး များ ခေတ္တနား ချိန်တွင် တွေ့ဆုံခဲ့စဉ် ပထမအကြိမ် လွှတ်တော် စတုတ္ထပုံမှန် အစည်းအဝေး တွင် မြန်မာနိုင်ငံ အပေါ် ချမှတ်ထားသည့် စီးပွားရေး ပိတ်ဆို့ အရေးယူမှု နှင့် ပတ်သက်၍ အရေးကြီး အဆိုတင်သွင်း ခြင်းနှင့် ပတ်သက်၍ ပြည်သူ့လွှတ်တော် ကိုယ်စားလှယ် အမျိုးသား ဒီမိုကရေစီ အဖွဲ့ချုပ် ဥက္ကဌ နှင့် ပြည်သူ့ လွှတ်တော် ဥက္ကဌ သူရဦးရွှေမန်းတို့သည် လွှတ်တော် အစည်းအဝေးပြီးဆုံးချိန် မွန်းလွဲ ၃ နာရီခန့် တွင် တွေ့ဆုံဆွေးနွေး ခဲ့ကြောင်းသိရသည်။ ဇူလိုင် ၁၃ ရက်နေ့တွင် ကျင်းပသော လွှတ်တော်အစည်းအဝေးတွင် အရေးကြီး အဆိုအဖြစ် ကွမ်ဟိန်း မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်နန်းနုဝါက တင်သွင်းခဲ့သည့် "ခတ်မီဖွံ့ဖြိုးတိုးတက်၍ စည်းကမ်းရှိသော ဒီမိုကရေစီ နိုင်ငံတော်အဖြစ် ဖော်ဆောင် လျက်ရှိသည့် မြန်မာနိုင်ငံအပေါ်ချမှတ်ထားသည့် စီးပွားရေးပိတ်ဆို့မှု အဟန့်အတားများ ကို ဆောင်ရွက်နိုင်သူ မည်သူမဆို မည့်သည့်နည်းလမ်းကို မဆို အသုံးပြု၍ ညှိနှိုင်းဆောင်ရွက်ပေးရန်" အဆိုနှင့်ပတ်သက်၍ ဆွေးနွေးခဲ့ခြင်းဖြစ်ကြောင်း သိရသည်။ ယင်း သို့တွေ့ဆုံခြင်း နှင့်ပတ်သက်၍ ပြည်သူ့လွှတ်တော်တွင် တက်ရောက်လျက်ရှိသည့် လှည်းကူး မဲဆန္ဒနယ် မှ ပြည်သူ့ လွှတ်တော် ကိုယ်စားလှယ် ဦးဖြိုးမင်းသိန်း ကို ရန်ကုန်တိုင်း(မ်) ဂျာနယ်မှ မေးမြန်းရာ "အန်တီ(ဒေါ်အောင်ဆန်းစုကြည်) နဲ့ ပြည်သူ့လွှတ်တော် ဥက္ကဌတို့ တွေ့ဆုံတဲ့ အကြောင်းအရင်းကတော့ ဒီနေ့ တင်သွင်းတဲ့ အရေးကြီးအဆိုက ကျွန်တော်တို့ ဥက္ကဌကြီး ဒေါ်အောင်ဆန်းစုကြည်ကို ရည်ညွှန်းတယ် ဆိုတာလည်း ကျွန်တော်တို့ သိပါတယ်။ ကျွန်တော်တို့ အမျိုးသားဒီမိုကရေစီ အဖွဲ့ချုပ် အနေနဲ့ ဒီလွှတ်တော်ကို ရောက်ရှိလာတာက ပူးပေါင်းဆောင်ရွက်ဖို့ပါ ၊ နိုင်ငံရေးကစားကွက်ထဲကို လာတာမဟုတ်ပါဘူး ။ဒီလိုအရေးကြီး အဆိုအဖြစ်တင်သွင်းပြီးတော့ ပိတ်ဆို့မှုကိုထောက်ခံလား ၊ ကန့်ကွက်လား yes or no မေးခွန်းမျိုးနဲ့ နိုင်ငံရေးချောင်ပိတ်ခံ ရသလိုဖြစ်နေပါတယ်။ ဒီအဆိုက စီးပွားရေး ပိတ်ဆို့မှုကို ထောက်ခံလား ကန့်ကွက်လား ဆိုတဲ့ အဆို ပုံစံမျိုးနဲ့ တင်သွင်းသွားတာပါ၊ အကယ်၍ ကျွန်တော်တို့က ဒီစီးပွားရေး ပိတ်ဆို့မှုကို ထောက်ခံတယ်ဆိုရင်လည်း အမျိုးသားသစ္စာဖောက်လိုဖြစ်သွားမယ်၊ စီးပွားရေး ပိတ်ဆို့တယ်ဆို တာကလည်း ပြည်သူ့လူထုရသင့်တဲ့ လူ့အခွင့်အရေးတွေကို ချိုးဖောက်ခံရလို့ အာဏာရှင်စနစ်တွေကို ကျင့်သုံးခဲ့လို့ ၊ ဒီအပေါ်တွေကို ပိတ်ဆို့ အရေးယူခဲ့တာ ဖြစ်ပါတယ်။ အမှန်က ဒီအခြေအနေက လွတ်မြောက်ဖို့အတွက် ကျွန်တော်တို့နိုင်ငံရဲ့ ဂုဏ်သိက္ခာ ၊ ပြည်သူ့လူထုအကျိုးစီးပွားအတွက် ကျွန်တော်တို့လည်း ပိတ်ဆို့အရေးယူမှုတွေကို ဖယ်ရှားပေးဖို့ ဆန္ဒရှိပါတယ် ၊ ဒါပေမယ့် သူတို့ပြောနေတဲ့ ပြည်တွင်းစစ်တွေ ဖြစ်တယ်၊ ဒီမိုကရေစီ လမ်းကြောင်းကို အနှောင့်အယှက်ဖြစ်တယ်ဆိုတာက စီးပွားရေး ပိတ်ဆို့မှုရည်ရွယ်ချက်နဲ့တော့ မဆိုင်ပါဘူး ၊ အခုလက်ရှိဖြစ်နေတဲ့ အခြေအနေကို ဘယ်လိုကုစားဖြေရှင်းမလဲဆိုတာ ကို ကြိုးပမ်းသွားရမှာဖြစ်ပါတယ် ၊ ဒါကြောင့် ကျွန်တော်တို့က ဒီအရေးကြီး အဆိုတင်လိုက်တဲ့ အပေါ်မှာ အမျိုးသားဒီမိုကရေစီအဖွဲ့ ချုပ်က ကိုယ်စားလှယ်တွေအနေနဲ့ နိုင်ငံရေး ကစားကွက်တစ်ခုထဲကို ၀င်ရောက်သလို ခံစားရပါတယ် ၊ ဒါကြောင့် ကျွန်တော်တို့ ဥက္ကဌ ကြီးနဲ့ ပြည်သူ့လွှတ်တော် ဥက္ကဌတို့ ဒီအကြောင်း ကို ဆွေးနွေးဖို့ တွေ့ဆုံနေတာဖြစ်ပါတယ်" ဟု ပြောကြားသည်။ မြန်မာနိုင်ငံတွင် စစ်အုပ်ချုပ်ရေးမှ ဒီမိုကရေစီအုပ်ချုပ်ရေးစနစ်သို့ပြောင်းလဲ ခဲ့ပြီးနောက် နိုင်ငံအတွင်း ဒီမိုကရေစီပြုပြင်ပြောင်းလဲမှုများ နှင့်ပတ်သက်၍ လျှင်မြန်စွာ ဆောင်ရွက်နိုင်ခြင်းရှိ်သဖြင့် အမေရိကန်နိုင်ငံက စီးပွားရေး ပိတ်ဆို့မှုကို တဖြည်းဖြည်း ရုတ်သိမ်းနေပြီဖြစ်သည်။ ဝေမာသိမ့်-Yangon Media Group http://feeds.feedburner.com/thithtoolwin/yIWV

ဒေါ်နန်းဝါနု၏ အဆိုကို လွှတ်တော်က အတည်ပြု Posted: 13 Jul 2012 04:57 AM PDT      ၂၀၁၂ ခုနှစ်၊ ဇူလိုင်လ ၁၃ ရက်၊ ပထမအကြိမ်ပြည်သူ့လွှတ်တော် စတုတ္ထပုံမှန်အစည်းအဝေး အဋ္ဌမနေ့တွင် ကွန်ဟိန်း မဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဒေါ်နန်းဝါနု က ပြည်သူ့လွှတ်တော်ဆိုင်ရာ နည်းဥပဒေ ၁၃၃ အရ အရေးကြီးကိစ္စတစ်ရပ်ကို ဆွေးနွေးရန် ပြည်သူ့ လွှတ်တော်ဥက္ကဌ ထံသို့ စာဖြင့်ရေးသားပြီး အဆို တစ်ရပ်အဖြစ် တင်ပြလာခဲ့ရာ ပြည်သူ့လွှတ်တော် ဥက္ကဌ ခွင့်ပြုခဲ့ပါသည်။      ယင်း အဆိုမှာ  “ ခေတ်မီဖွံ့ဖြိုးတိုးတက်၍ စည်းကမ်းရှိသောဒီမိုကရေစီစနစ် ဖော်ဆောင်ရာ တွင် အဟန့်အတား ဖြစ်နေသော မြန်မာနိုင်ငံအပေါ် ချမှတ်ထားသည့် ပိတ်ဆို့အရေးယူမှုအား အမြန်ဆုံးရုပ်သိမ်း ပေးရန် လွှတ်တော် နှင့် ဆောင်ရွက်နိုင်သူ မည်သူ့ကိုမဆို မည်သည့်နည်းလမ်းကို အသုံးပြု၍ဖြစ်စေ ညှိနှိုင်းဆောင်ရွက်ပေးရန် တိုက်တွန်းကြောင်း ’’ ဖြစ်ပြီး အဆိုရှင်ကွန်ဟိန်း မဲဆန္ဒနယ်မှ ဒေါ်နန်းဝါနုက အဆို တင်သွင်းပြီးနောက် မြိတ် မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဌေးမြင့်၊ ရသေ့တောင် မဲဆန္ဒနယ် မှ ဒေါ်ခင်စောဝေ၊ ဒက္ခိဏသီရိ မဲဆန္ဒနယ်မှ ဦးနိုင်ငံလင်း၊ လသာ မဲဆန္ဒနယ်မှ ဦးကြည်မြင့်၊ မအူပင် မဲဆန္ဒနယ်မှ ဦးစိန်ဝင်းတို့က ဆွေးနွေး ခဲ့ကြပါသည်။      အဆိုနှင့် စပ်လျဉ်းပြီး အဆိုပါလွှတ်တော်ကိုယ်စားလှယ်များက ဆွေးနွေးတင်ပြပြီးနောက် ပြည်သူ့လွှတ်တော် ဥက္ကဌက ယခုအဆိုသည် နိုင်ငံတော်၊ ပြည်သူများနှင့် တိုင်းရင်းသားများအတွက် အလွန်အရေးကြီးသော အဆို တစ်ရပ်ဖြစ်ကြောင်း အောက်ပါအတိုင်း ရှင်းလင်းဆွေးနွေး တင်ပြရာ       ယနေ့နိုင်ငံအတွင်းရှိပြည်သူများ ဒုက္ခဆင်းရဲရောက်ပြီး လူမှုစီးပွားရေးဘဝ အဆင့်အတန်း နိမ့်ကျနေခြင်းသည် မြန်မာနိုင်ငံအပေါ် ချမှတ်ထားသည့် ကန့်သတ် ပိတ်ဆို့အရေးယူမှု များကြောင့် ဖြစ်ကြောင်း၊ တိုင်းရင်းသားအချင်းချင်း စည်းလုံးညီညွတ်မှု ပျက်ပြား၍ ပဋိပက္ခဖြစ်စေပြီး ငြိမ်းချမ်းရေး ဖော်ဆောင်မှုများတွင်လည်း အခက်အခဲ အဟန့်အတားများ ဖြစ်ပေါ်စေကြောင်း၊ ယခုကဲ့သို့ ကန့်သတ်အရေးယူ ပိတ်ဆို့ထားမှု များသည် မြန်မာနိုင်ငံတွင် ပြောင်းလဲကျင့်သုံး နေသည့် ဒီမိုကရေစီစနစ် ဖော်ဆောင်ရာတွင် များစွာအခက်အခဲ အဟန့်အတား ဖြစ်စေကြောင်း၊ထို့အပြင် ဆင်းရဲဒုက္ခများစွာ ခံစားနေရသည့် လူ့အဖွဲ့အစည်းအတွင်း တရားဥပဒေစိုးမိုးရေး ဖြစ်ပေါ်စေရန် လည်း အခက်အခဲများစွာ ဖြစ်ပေါ်နေကြောင်း၊     သို့ဖြစ်၍ အဆိုရှင်၏ တင်ပြချက်သည် မိမိအပါအဝင် လွှတ်တော် ကိုယ်စားလှယ်များ နှင့် နိုင်ငံအတွင်းရှိ လူပုဂ္ဂိုလ်အဖွဲ့အစည်းအားလုံးနှင့် သက်ဆိုင်သည့် အတွက် ဆောင်ရွက်နိုင်သူများပါဝင်ဆောင်ရွက်နိုင်ရေးလိုအပ်ပါကြောင်းဖြင့် ရှင်းလင်းတင်ပြပြီးနောက် ဒေါ်နန်းဝါနု၏ အဆိုနှင့် စပ်လျဉ်း၍ လွှတ်တော်က အတည်ပြုကြောင်း နှင့် သဘောတူကြောင်း ကိုယ်စားလှယ်များ၏ ဆန္ဒရယူဆုံးဖြတ်ပြီး လွှတ်တော်၏ ဆုံးဖြတ်ချက် အတည်ဖြစ်ကြောင်း ကြေညာခဲ့ပါသည်။ ပြည်သူ့လွှတ်တော် http://feeds.feedburner.com/thithtoolwin/yIWV

ပြည်သူ့လွှတ်တော်ဥက္ကဌမှ ဒေါ်နန်းဝါနုတင်သွင်းသည့် အရေးကြီးအဆိုကို ဖြည့်စွက်ရှင်းလင်း Posted: 13 Jul 2012 04:52 AM PDT      ဒီနေ့ ကွန်ဟိန်း မဲဆန္ဒနယ်မှ ဒေါ်နန်းဝါနု အရေးကြီး အဆိုတစ်ရပ်တင်သွင်းပါတယ်။ သူ့ရဲ့ ကိုးကားချက် ကတော့ ပြည်သူ့လွှတ်တော် နည်းဥပဒေ ပုဒ်မ နည်းဥပဒေ ၁၃၃ အရ ဖြစ်ပါတယ်။ ဒီလိုတင်သွင်းတဲ့ အခါမှာ တင်သွင်းတိုင်းကော၊ လွှတ်တော်ကိုယ်စားလှယ်ရဲ့ အခွင့်အရေး တောင်းခံပြီးတော့ တင်သွင်းတိုင်းကော ခွင့်ပြုမလား ခွင့်မပြုဘူးလားဆိုတာ လွှတ်တော်ဥက္ကဋ္ဌရဲ့ အဆုံးအဖြတ်ပဲဖြစ်ပါတယ်။ ဘယ်ပေါ်မှာ ဆုံးဖြတ်မလဲ  နိုင်ငံနဲ့ နိုင်ငံသားများအတွက် အရေးကြီးတဲ့ ကိစ္စတစ်ရပ် အဆိုတစ်ရပ်ဆိုရင် တင်သွင်းတဲ့ အဆိုကို လက်ခံမှာ ဖြစ်ပါတယ်။ ဒါဖြင့် ဒီနေ့တင်သွင်းတဲ့ အဆိုဟာ နိုင်ငံနဲ့ နိုင်ငံသားများအတွက် အရေးကြီးသလား၊ မကြီးသမလား လွှတ်တော်ဥက္ကဋ္ဌက သုံးသပ်ပါတယ်။ သုံးသပ်ပြီးမှ ဆုံးဖြတ်ချက်ချပြီးမှ ဒီအဆိုကို လက်ခံဖို့ တင်သွင်းဖို့ ဆောင်ရွက်ခြင်းဖြစ်ပါတယ်။        ဒီနေ့ မြန်မာနိုင်ငံမှာ ပြောမယ်ဆိုရင်တော့ နိမ့်ကျ နောက်ကျနေပါတယ်။ စီးပွားရေးရော၊ လူမှုစီးပွားရေး ရော နိမ့်ကျ နောက်ကျနေပါတယ်။ အဲဒီလို နိမ့်ကျ နောက်ကျတဲ့ အကြောင်းတွေက ဘာကြောင့်လဲဆိုတဲ့ အခါမှာ အခုနက လွှတ်တော်ကိုယ်စားလှယ်များ ဆွေးနွေးသွားတဲ့ စီးပွားရေး ပိတ်ဆို့ အရေးယူမှုဟာ အဓိက ကျတယ်ဆိုတာ ဥက္ကဋ္ဌဘက်က နိုင်ငံသားတစ်ယောက်အနေနဲ့ လွှတ်တော်ကိုယ်စားလှယ်တစ်ယောက်အနေနဲ့ ဒီလိုပဲ မြင်မိပါတယ်။ ဒီလိုပဲ ယူဆမိပါတယ်။ အဲဒီလို ယူဆတဲ့နေရာမှာ ဒီနေ့ အရေးကြီးအဆို ဆိုတဲ့နေရာမှာ အဆိုတစ်ခုဟာ အရေးကြီးရင်ကြီးမယ်၊ ချက်ချင်းကြီးတင်ပြဖို့ လိုချင်မှလိုမယ်။ အဲဒီလိုမျိုး အဆိုကြတော့ အရေးကြီးအဆို မဟုတ်ဘဲနဲ့ သာမာန် အဆိုကိုပဲ တင်သွင်းဖို့ဖြစ်တယ်။ လက်ခံဖို့ဖြစ်တယ်။      ဒီနေ့ အရေးကြီးအဆိုအဖြစ် တင်သွင်းတဲ့ အချိန်ကာလအခြေအနေကို ပြန်သုံးသပ်ဖို့ လိုပါတယ်။ အမေရိကန်နိုင်ငံဟာ မြန်မာနိုင်ငံအပေါ် အရေးယူပိတ်ဆို့မှုများ လျော့ပေးမယ်၊ လျော့ပေးခဲ့တယ်၊ ဒါက ရက်ကာလ မမှတ်မိပါဘူး။ မြန်မာနိုင်ငံက နိုင်ငံခြားရေး ၀န်ကြီး ၀ဏ္ဏဦးမောင်လွင် အမေရိကန်နိုင်ငံရောက်၊ ရောက်တဲ့အချိန်မှာ ညနေပိုင်းမှာ အရေးယူ ပိတ်ဆို့မှုတွေ လျော့ပေးလိုက်မယ်လို့ ဒီလို မိမိတို့ ကြားရတဲ့ အတွက် အင်မတန်မှ ၀မ်းမြောက်ဝမ်းသာ ဖြစ်ပါတယ်။ အချိန်ကာလကတော့ မိမိ အနောက်နိုင်ငံ  ဥရောပ ယူနီယံသမဂ္ဂရဲ့ ဖိတ်ကြားချက်အရ လန်ဒန်မြို့ကို ရောက်ရှိနေချိန်ဖြစ်ပါတယ်။ ဒါကြောင့် ဒီလိုဆောင်ရွက်တယ် လို့ ယူဆရတဲ့ အမေရိကန်နိုင်ငံကို ရောက်နေတဲ့ နိုင်ငံခြားရေးဝန်ကြီး ဦးဝဏ္ဏမောင်လွင် ဖုန်းဆက်ပြီးတော့ ကျေးဇူးတင်နှုတ်ဆက်စကားပြောပါတယ်။ သို့ရာလည်း နောက်ပိုင်းထွက်လာတဲ့ ဖြေလျော့မှုတွေဟာ အမေရိကန်နိုင်ငံသား လုပ်ငန်းရှင်များ မြန်မာနိုင်ငံမှာ ရင်းနှီးမြှပ်နှံဖို့အတွက် အမေရိကန်နိုင်ငံ အမေရိကန် အစိုးရက သမ္မတရဲ့ အုပ်ချုပ်မှုအာဏာအတွင်းက ဆောင်ရွက်ပေးတာ သွားပြီး တွေ့ရပါတယ်။ မြန်မာနိုင်ငံက ခံစားနေရတာက ပိတ်ဆို့အရေးယူမှုကြောင့် အထူးသဖြင့်တော့ ငွေကြေးလဲလှယ်မှု Transaction ပိတ်ဆို့မှုဟာ အင်မတန်မှ မြန်မာနိုင်ငံသား ပြည်သူများအတွက် ဒုက္ခရောက်စေပါတယ်။ အဲဒီကနေပြီးတော့ မနေ့က မနေ့က ဆိုတော့ တစ်နေ့က အမေရိကန်နိုင်ငံ သံအမတ်ကြီးအဖြစ် မြန်မာနိုင်ငံမှာ ခန့်အပ်ဖို့ ဒဲရစ်မစ်ချယ် နိုင်ငံတော် သမ္မတ လက်ခံတွေ့ဆုံ ခန့်အပ်လွှာပေးပါတယ်။ ညသတင်းကြတော့ မြန်မာနိုင်ငံအပေါ်ပိတ်ဆို့အရေးယူမှုတွေ လျှော့ပေးမယ်ဆိုတာ၊ တစ်ခါ ဒီကနေ့ သတင်းစာမှာ ပြန်ကြည့်တဲ့အခါမှာလည်း သတင်းစာထဲမှာ မြန်မာနိုင်ငံ အပေါ် ပိတ်ဆို့အရေးယူမှုတွေ ဖြေလျော့ပေးတယ်ဆိုပြီးတော့ တွေ့ရပါတယ်။ ဖတ်ကြည့်ပါ၊ ဖတ်ကြည့်ပြီးတဲ့ အခါမှာ အဓိပ္ပါယ်ကိုစဉ်းစားကြည့် ဖြေလျှော့ပေးတယ်ဆိုတာ မြန်မာနိုင်ငံအတွက်မဟုတ်ဘူး အမေရိကန်နိုင်ငံက လုပ်ငန်းရှင်များ မြန်မာနိုင်ငံလာရောက် ရင်းနှီးဖို့ ဖြေလျှော့ပေးတာ၊ ဒီပြင်နည်းနဲ့ပြောရင်မြန်မာနိုင်ငံမှာ ရှိတဲ့ သယံဇာတပစ္စည်းများကို အမေရိကန်နိုင်ငံကုန်သည်ကြီးများ၊ စက်မှုလုပ်ငန်းရှင်များလာရောက်ရင်းနှီးပြီးတဲ့အခါမှာ သူတို့နိုင်ငံအကျိုးစီးပွားအတွက်ရော၊ မြန်မာနိုင်ငံအကျိုးစီးပွားအတွက်ပါ ဖြစ်ကောင်းဖြစ်နိုင်မယ်။ ဒါပေမယ့် မြန်မာနိုင်ငံတိုင်းရင်းသားများအတွက် တော့ မဖြစ်နိုင်သေးဘူးအဲဒီလိုအချိန်မှာပဲ CNA သတင်းမှာ ဘာပါလည်းဆိုလို့ရှိရင် အမေရိကန်နိုင်ငံခြားရေးဝန်ကြီး မစ္စစ်ကလင်တန်နှင့် မြန်မာနိုင်ငံသမ္မတဦးသိန်းစိန်တို့ တွေ့ဆုံပြီး မိမိနိုင်ငံအပေါ်ချမှတ်ထားတဲ့ အရေးယူပိတ်ဆို့မှုတွေ ဖြေလျော့ပေးမယ်ဆိုတာ သတင်းထဲမှာ တွေ့လိုက်ရတယ်။ တစ်ချိန်ထဲမှာ ဘာသတင်းတွေရလည်းဆိုတော့ မြန်မာနိုင်ငံအပေါ်ပိတ်ဆို့အရေးယူမှုအတွက် သက်တန်းတိုးဖို့ ဆီးနိတ်ကိုယ်စားလှယ် မစ်ကောနင်းနှင့် နာမည်မမှတ်မိ ပုဂ္ဂိုလ်တစ်ဦးက ဆီးနိတ်လွှတ်တော် ကို တင်ပြထားတယ်။ အဲလိုတင်ပြတဲ့အခါမှာ ဒါကို အတည်ဖြစ်တယ်ဆိုလို့ရှိရင် နောက်ထပ်သက်တမ်းသုံးနှစ် ထပ်မံပြီးတော့ ပိတ်ဆို့အရေးယူမယ်ဆိုတဲ့သတင်းတွေ အခိုင်အမာ သက်ဆိုင်ရာကလည်း သူတို့ပေးပို့ပါတယ်။     ဒီနေ့အချိန်ကာလမှာ မိမိတို့မြန်မာနိုင်ငံဟာ နိုင်ငံရေးပြုပြင်ပြောင်းလဲမှုတွေ၊ စီးပွားရေးပြုပြင် ပြောင်းလဲမှုတွေ လုပ်နေတယ်။ အုပ်ချုပ်ရေးပြုပြင်ပြောင်းလဲမှုတွေလည်းလုပ်နေတယ်။ သို့ရာတွင် နိုင်ငံရေးပြုပြင်ပြောင်းလဲရေး ကတော့ရှေ့ရောက်ပြီး၊ စီးပွားရေးပြုပြင်ပြောင်းလဲမှုတွေကို မလုပ်နိုင်ဘူးဆိုရင် မိမိတို့ပြောင်းလဲမယ်ဆိုတဲ့ ဒီမိုကရေစီစနစ်သွားဖို့အခက်အခဲတွေ ဖြစ်တယ်လို့ ပြည်သူ့ကိုယ်စားလှယ် အနေနှင့်ရော လွှတ်တော်ဥက္ကဌတစ်ယောက်အနေနှင့်ပါ ဒီလိုပဲတွက်ဆတယ်။ ဒါကြောင့် ဒေါ်နန်းဝါနုတင်လာတဲ့ အဆိုဟာ လုပ်ငန်းသဘာဝအားဖြင့်လည်း အရေးကြီးတယ်အချိန်အခါအရအားဖြင့်လည်း အရေးကြီးတယ်၊ ဘာကြောင့်လည်း သူတို့တွေတင်ကြတော့မယ်၊ တင်တယ်ဆိုလို့ရှိရင် နောက်ထပ် ၃ နှစ် မြန်မာနိုင်ငံ အပေါ်ပိတ်ဆို့မယ် အဲဒါကို နိုင်ငံကိုချစ်တဲ့နိုင်ငံသားတွေ တိုင်းရင်းသားတွေက သဘောကျလက်မခံတာကို မိမိတို့လွှတ်တော်ကိုယ်စားလှယ်တွေက နိုင်ငံသားများရဲ့ ဆန္ဒသဘောထားကို လှစ်လျှူရှုပြီးတော့ ဒီအတိုင်းပဲ ကြည့်နေမလားဒါကြောင့်မို့လို့ အခုလိုအဆိုတင်ပြလာတဲ့ အဆိုပြုချက်ကို အရေးကြီးအဆိုတစ်ရပ် အဖြစ်တင်ပြီးတော့ လွှတ်တော်မှာ ဆွေးနွေးခိုင်းတာဖြစ်ပါတယ်။     ဒီနေ့ဆွေးနွေးရမှာက ဒီအဆိုနှင့် ပတ်သက်ပြီးတော့ ထောက်ခံခြင်း၊ မထောက်ခံခြင်းပဲ ဆွေးနွေးရမှာ၊ အဆိုပြုထားတာကလည်း ဘယ်သူ့ကို တိုက်တွန်းထားလည်းဆိုရင် မိမိတို့ခေတ်မီတိုးတက်၍ စည်းကမ်းရှိသော ဒီမိုကရေစီစနစ်ဖော်ဆောင်ရာတွင် အဟန့်အတားဖြစ်စေသော မြန်မာနိုင်ငံအပေါ် ပိတ်ဆို့အရေးယူမှုအား အမြန်ဆုံးရုပ်သိမ်းပေးရန် လွှတ်တော်နှင့် လွှတ်တော်ဆိုတာ ကျွန်တော်ဥက္ကဌပါတယ်၊ ဒီအထဲမှာ လွှတ်တော်ကိုယ်စားလှယ်အားလုံးပါတယ်။ ဆောင်ရွက် နိုင်သူမည်သူ့ကိုမဆို၊ ဆောင်ရွက်နိုင်သူမည်သူ့ကိုမဆို ဆိုတဲ့နေရာမှာ နိုင်ငံသားအားလုံးပါတယ်။ ဒီနေ့ သမ္မတကြီးနှင့် မစ္စစ်ကလင်တန်နှင့်လည်းတွေ့မယ်ပြောတယ် ဒီမှာလည်း သမ္မတကြီး အနေနှင့်ဆောင်ရွက်ဖို့ လိုပါတယ်။ အဲအတိုင်းပဲ လွှတ်တော်ကိုယ်စားလှယ်တင် မဟုတ်ဘူး၊ အခြားကိုယ်စားလှယ်များ၊ အခြားဌာနများ သို့မဟုတ်လို့ရှိရင် ပြည်သူများအနေနှင့်လည်း ကိုယ့်နိုင်ငံ ကိုယ့်လူမျိုးအကျိုးစီးပွားအတွက် တိုက်တွန်းပေးဖို့ တချို့မတိုက်တွန်းနိုင်ဘူး၊ မတိုက်တွန်းတတ်ဘူး၊ တိုက်တွန်းဖို့ နည်းလမ်းမရှိဘူး၊ နည်းလမ်းရှိတယ်လုပ်နိုင်တဲ့ စွမ်းရည်ရှိတဲ့သူက တိုက်တွန်းပေးဖို့လိုတယ်။ ဒါနိုင်ငံသားတစ်ယောက်ရဲ့ ဆန္ဒဖြစ်ပါတယ်။ အဲဒါကိုပဲ ဆွေးနွေးရမှာ ဖြစ်ပါတယ်။ ဒီနေရာမှာ ဦးနိုင်ငံလင်းပြောတယ် ဒီဟာဒီနေ့ဆွေးနွေးရမယ့်ကိစ္စမဟုတ်ဘူး၊ နောက်ဦးစိန်ဝင်းပြောတယ် အကြောင်း ၃ ချက် ပြောတယ်။ အုပ်ချုပ်သူရယ် အချက် ၃ ချက်ဖြစ်တယ်။ ဒါ့ဟာကိုယ့်နိုင်ငံပိုင်းဖြစ်တယ်။ ကိုယ့်နိုင်ငံပိုင်း ဖြစ်တဲ့အတွက် ဒီကနေ့ နိုင်ငံတော်ကနေပြီးတော့၊ နိုင်ငံတော်ဆိုတာ ပြီးခဲ့တဲ့ အစိုးရလက်ထက်က ချမှတ် လိုက်ပြီလေ ယခင်ဖြစ်ခဲ့တဲ့ သင်ခန်းစာတွေယူပြီးတဲ့အခါ အချင်းချင်းအပြန်အလှန် ထိန်းကြောင်းဖို့လိုတယ်။ အာဏာရှင်ဆန်သော ကိစ္စများဖြင့်ဆောင်ရွက်မယ်ဆိုရင် ယခင်ကဲ့သို့ မြန်မာနိုင်ငံမှာ ထိခိုက်မှုတွေ အများကြီးရှိမယ်။       ဒါကြောင့်မို့လို့ ဥပဒေပြုအဖွဲ့၊ အုပ်ချုပ်ရေးအဖွဲ့ တရားရေးအဖွဲ့ ဒီအဖွဲ့များဟာ သီးခြား လွတ်လပ်စွာရှိပြီးတော့ ဖြစ်နိုင်သမျှ ခွဲခြမ်း၍ အချုပ်အခြာအာဏာကို ဆောင်ရွက်ကြမယ်ဆိုရင်၊ ဒီနေ့မိမိတို့ ဒီအထဲကိုရောက်ရှိနေတဲ့သူတွေဟာ ဥပဒေပြုရေး အဓိကတာဝန်ရှိတယ်။ အဲအတိုင်းပဲ မိမိတို့ပြုလိုက်တဲ့ ဥပဒေတွေကို အုပ်ချုပ်ရေးအဖွဲ့ရော နိုင်ငံသားတိုင်းရော၊ ကျန်တဲ့ Institutions တွေရော၊ လိုက်နာမယ်၊ မိမိတို့လည်းလိုက်နာမယ် ပြဋ္ဌာန်းထားတဲ့ ဥပဒေအတိုင်း လိုက်နာအောင် ဆောင်ရွက်ကြမယ်။ ပြဋ္ဌာန်းထားတဲ့ ဥပဒေအတိုင်းမလိုက်နာဘူးဆိုရင် လိုအပ်သလိုထိန်းညှိ၊ မလိုက်နာရင်လိုက်နာအောင် ထိန်းကြောင်း ဒါကြောင့် ဦးစိန်ဝင်းဆွေးနွေတဲ့ အပိုင်းနှစ်ပိုင်း ခွဲကြည့်ဖို့လိုတယ်။ တစ်ပိုင်းက ကိုယ်နိုင်ငံအပိုင်း တစ်ပိုင်းက သူများနိုင်ငံအပိုင်း ပြောရမယ်ဆိုရင် ကိုယ်နိုင်ငံအခွင့်အရေး၊ ကိုယ်အချုပ်အခြာအာဏာ Sovereignty ၊ နောက်တစ်ခု ထပ်ပြောမယ်ဆိုရင် မိမိတို့နိုင်ငံသူ၊ နိုင်ငံသားများအခွင့်အရေး၊ ထပ်ပြောမယ်ဆိုရင် လူ့အခွင့်အရေး တွေကို ဖောက်ဖျက်နေသော ဆုံးဖြတ်ချက်လုပ်ဆောင်ချက်၊ မိမိနိုင်ငံရဲ့အခွင့်အရေး၊ မိမိနိုင်ငံရဲ့ အချုပ်အခြာအာဏာကိုဖောက်ဖျက်ပြီးတော့ ၊ဆောင်ရွက်နေတဲ့ကိစ္စရပ်တွေ ဘယ်နိုင်ငံသားမှ ခံချင်မှာမဟုတ်ဘူး။ ဒါပေမယ့် မတတ်သာလို့၊ မလွှဲသာလို့၊မလွှန်ဆံနိုင်လို့၊ မိမိမှာ သူတို့ကဲ့သို့ အင်အားကြီးမယ်။ စီးပွားရေးအင်အားကြီးမယ်။ နိုင်ငံရေးအင်အားကြီးမယ်၊ စည်းလုံးညီညွှတ်မယ်ဆိုရင် မိမိတို့ဒီလိုအလုပ်ခံရမှာမဟုတ်ပါဘူး   ဒါကြောင့်မို့လို့ ဥက္ကဋ္ဌက ဒီအဆိုကို ဘာကြောင့်လက်ခံတယ် ဘာကြောင့်ဆွေးနွေးခိုင်းတယ် (၁) နိုင်ငံနဲ့ နိုင်ငံသားအတွက် အရေးကြီးတဲ့ကိစ္စဖြစ်လို့ (၂) အချိန်ကာလ အရေးကြီးလို့ ဒီနေ့ ဒီအခြေအနေဟာ မိမိတို့ ဘက်က ဘာမှ မလုပ်ဘူး ဆိုလို့ရှိရင် လွှတ်တော်မှာ သူတို့တင်ပြတယ်။ သူတို့လွှတ်တော်ကနေပြီးတော့ ဆုံးဖြတ်လိုက်တယ်။ ဆုံးဖြတ်လိုက်လို့ရှိရင် ၃ နှစ် နောက်ထပ် သုံးနှစ်  နေ့ရက်မမှတ်မိဘူး ဇူလိုင်လ ၂၆ ရက်နေ့လို့ ယူဆတယ်။ ၂၆ ရက်နေ့မှာ သက်တမ်း ၃ နှစ် ပြည့်သွားတယ်။ နောက်သက်တမ်း တိုးရင် နောက်ထပ် ၃ နှစ်၊ ၃ နှစ်ဆိုတဲ့အတွက် ဒီ ၂၀၁၂ ၊ ၁၃၊ ၁၄၊ ၁၅ ဇူလိုင်အထိသွားပြီးတော့ တည်ရှိနေမယ်။ အဲဒီ ၃ နှစ်အတွင်းမှာ မိမိတို့ နိုင်ငံသားတွေ အခုလိုပဲ ဆင်းရဲဒုက္ခတွေ ရောက်နေစေချင်သလား။ ဒီအတွက်ပဲ ဒါကြောင့်မို့လို့ လွှတ်တော်ကိုယ်စားလှယ်များ ကိုယ့်ဟာကို ဆွေးနွေး ဆုံးဖြတ်ကြပါ။ ဒါကြောင့်မို့လို့ အချိန်ကို ငဲ့ညှာသောအားဖြင့် အခု လုံလောက်ပါပြီ။ ကျွန်တော်နားထောင်လိုက်တဲ့အခါမှာ ဘာသွားပြီးတော့ အဆိုပြုချက် ဆွေးနွေးချက်တွေ ဘာသွားတွေ့ရလဲဆိုတော့ (၁) ယနေ့နိုင်ငံအတွင်းရှိ ပြည်သူများ ဒုက္ခဆင်းရဲရောက်ပြီး လူမှုစီးပွားရေးဘ၀ အဆင့်အတန်း နိမ့်ကျနေခြင်းသည် မြန်မာနိုင်ငံအပေါ်မှာ ချမှတ်ထားတဲ့ ကန့်သတ်ပိတ်ဆို့ အရေးယူမှုများကြောင့် ဖြစ်ကြောင်း၊ (၂) တိုင်းရင်းသား အချင်းချင်း စည်းလုံးညီညွတ်မှုပျက်ပြား၍ ပဋိပက္ခဖြစ် စေပြီး ငြိမ်းချမ်းရေးဖော်ဆောင်မှုများတွင်လည်း အခက်အခဲ အဟန့်အတား ဖြစ်စေကြောင်း (၃) ယခုလို ကန့်သတ်အရေးယူပိတ်ဆို့မှုများသည် မြန်မာနိုင်ငံမှာ ပြောင်းလဲကျင့်သုံးနေတဲ့ ဒီမိုကရေစီစနစ် ဖော်ဆောင်ရာ တွင် များစွာ အခက်အခဲ အဟန့်အတား ဖြစ်စေခြင်း၊ (၄) ဒါ့အပြင် ဆင်းရဲဒုက္ခများစွာ ခံစားနေရတဲ့ လူ့အဖွဲ့အစည်းတွင်းမှာ တရားဥပဒေစိုးမိုးရေးဖြစ်ပေါ်စေဖို့ အတွက်လည်း အခက်အခဲများစွာ ဖြစ်ပေါ် နေကြောင်း၊ ဒါလည်းရှင်းပါတယ်။ အင်မတန်မှ ဆင်းရဲဒုက္ခဖြစ်နေတဲ့နေရာမှာ တရားဥပဒေစိုးမိုးဖို့ဆိုတာ အင်မတန်မှ အခက်အခဲ ဖြစ်နေပါတယ်။ ဒါကြောင့်မို့လို့ အဆိုရှင်ရဲ့ တင်ပြချက်ဟာ မိမိအပါအ၀င် လွှတ်တော် ကိုယ်စားလှယ်များနှင့် နိုင်ငံအတွင်းရှိ လူပုဂ္ဂိုလ်အဖွဲ့အစည်းအားလုံးနဲ့ သက်ဆိုင်တဲ့အတွက် ဆောင်ရွက်နိုင်သူ များ ပါဝင်ဆောင်ရွက်ရေးဟာ အင်မတန်မှ အရေးတကြီး လိုအပ်နေပါတယ်။ အရေးတကြီး လိုအပ်နေပါတယ်။ ဒါကြောင့် ဒေါ်နန်းဝါနုရဲ့ ခေတ်မီဖွံ့ဖြိုးတိုးတက်၍ စည်းကမ်းရှိသော ဒီမိုကရေစီစနစ် ဖော်ဆောင်ရာတွင် အဟန့် အတားဖြစ်နေသော မြန်မာနိုင်ငံအပေါ် ချမှတ်ထားသည့် ပိတ်ဆို့အရေးယူမှုအား အမြန်ဆုံးရုပ်သိမ်းပေးရန် လွှတ်တော်နှင့် ဆောင်ရွက်နိုင်သူ မည်သူကိုမဆို မည်သည့်နည်းလမ်းကို အသုံးပြု၍ဖြစ်စေ၊ ညှိနှိုင်းဆောင်ရွက် ပေးရန် တိုက်တွန်းကြောင်း အဆိုနှင့်စပ်လျဉ်းပြီး လွှတ်တော်ရဲ့ အဆုံးအဖြတ် တစ်ပါတည်း ရယူမှာ ဖြစ်ပါတယ်။ ပြည်သူ့လွှတ်တော် http://feeds.feedburner.com/thithtoolwin/yIWV

ပြည်သူ့လွှတ်တော်ကိုယ်စားလှယ် ဒေါ်နန်းဝါနုမှ အရေးကြီးအဆိုတင်သွင်း Posted: 13 Jul 2012 04:51 AM PDT ပြည်သူ့လွှတ်တော် စတုတ္ထပုံမှန်အစည်းအဝေး အဋ္ဌမနေ့တွင် ပြည်သူ့လွှတ်တော်ကိုယ်စားလှယ် ဒေါ်နန်းဝါနုမှ အရေးကြီးအဆိုတင်သွင်းပါသည်။   လေးစားအပ်ပါသော လွှတ်တော်ဥက္ကဋ္ဌ၊ပြည်သူ့ကိုယ်စားလှယ်များနှင့် ဧည့်သည်တော်များရှင်--မင်္ဂလာပါလို့နုတ်ခွန်းဆက်သလိုက်ပါတယ်။ကျမကတော့ရှမ်းပြည်နယ်၊ကွန်ဟိန်းမဲဆန္ဒနယ်က ရှမ်းတိုင်းရင်းသူ၊ ဒေါ်နန်းဝါနု ဖြစ်ပါတယ်ရှင်။ မြန်မာပြည်သူပြည်သားများနှင့် တိုင်းရင်းသားများတို့ရဲ့ အကျိုးစီးပွားအတွက် ကျွန်မက ပြည်သူ့လွှတ်တော်ဆိုင်ရာ နည်းဥပဒေ -၁၃၃ အရ အရေးကြီးအဆိုကို တင်သွင်းသွားမှာ ဖြစ်ပါတယ် ရှင်။ အဆိုမှာ-          `ခေတ်မီဖွံ့ဖြိုးတိုးတက်၍ စည်းကမ်းရှိသော ဒီမိုကရေစီစနစ် ဖော်ဆောင်ရာတွင် အဟန့်အတား ဖြစ်နေ သော မြန်မာနိုင်ငံအပေါ် ချမှတ်ထားသည့် ပိတ်ဆို့အရေးယူမှုအား အမြန်ဆုံး ရုပ်သိမ်းပေးရန် လွှတ်တော်နှင့် ဆောင်ရွက်နိုင်သူ မည်သူကိုမဆို မည်သည့်နည်းလမ်းကို အသုံးပြု၍ ဖြစ်စေ၊ ညှိနှိုင်းဆောင်ရွက်ပေးရန် တိုက်တွန်းကြောင်း အဆို´ ဖြစ်ပါတယ်ရှင်။ ဥက္ကဋ္ဌကြီးရှင်-     ပြည်ထောင်စု သမ္မတ မြန်မာနိုင်ငံတော်မှာ အစိုးရအဖွဲ့နဲ့ လွှတ်တော်များက ဖွဲ့စည်းပုံအခြေခံဥပဒေအရ အပ်နှင်းထားတဲ့ အခွင့်အာဏာများကို ကျင့်သုံးလျှက် မြန်မာပြည်သူများအတွက် အထူးလိုအပ်လျှက်ရှိတဲ့ ဒီမိုကရေစီပြုပြင်ဖော်ဆောင်ရေးများကို အားသွန်ခွန်စိုက် ဖော်ဆောင်လျှက် ရှိနေပါတယ်။              မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းစဉ်များကို ကုလသမဂ္ဂ၊ အမေရိကန် ပြည်ထောင်စု၊ ဥရောပ သမဂ္ဂနဲ့ နိုင်ငံတကာ အဖွဲ့အစည်းများက ကြိုဆိုခဲ့ကြပြီး အားပေးထောက်ခံမှုများလည်း ရရှိနေပြီ ဖြစ်ပါတယ်ရှင့်။        မြန်မာနိုင်ငံရဲ့ ဒီမိုကရေစီပြုပြင်ပြောင်းလဲရေးများ ပိုမိုဖြစ်ထွန်း တိုးတက်စေရန်အလို့ငှာ ၂၀၁၂ ကြားဖြတ်ရွေးကောက်ပွဲအပြီး မြန်မာနိုင်ငံအပေါ်မှာ အမေရိကန် ပြည်ထောင်စုမှ ချမှတ်အရေးယူထားတဲ့ စီးပွားရေးဆိုင်ရာ ပိတ်ဆို့အရေးယူမှုများအနက် ရင်းနှီးမြှပ်နှံမှုနဲ့ ငွေကြေးဆိုင်ရာ ပိတ်ဆို့မှုများကို တစ်နှစ်တိတိ ဆိုင်းငံ့ပေးခဲ့ပါတယ်။ ဥရောပ သမဂ္ဂကလည်း အလားတူ ချီးမြှင့်ပေးခဲ့ပါတယ်။ အဲဒီလို အပြုသဘောဆောင်တဲ့ ပံ့ပိုးဆောင်ရွက်မှုများအတွက် အထူးကျေးဇူးတင်လျက်ရှိပါတယ်။ ဒီလိုအပြုသဘောဆောင်တဲ့ ပံ့ပိုးကူညီမှုများ ကို ပြည်ထောင်စုဖွား တိုင်းရင်းသား ညီအစ်ကို မောင်နှမများက အထူးလိုလားလျက် ရှိပါတယ်ရှင်။ ဥက္ကဋ္ဌကြီးရှင့် စီးပွားရေးဆိုင်ရာ ပိတ်ဆို့အရေးယူမှုများကို ကျမအနေဖြင့် နှစ်ပိုင်းခွဲခြား ဆွေးနွေးလိုပါတယ်ရှင်။           (၁)     နိုင်ငံတော်အပိုင်းနဲ့ (၂) တိုင်းရင်းသားများအပိုင်းတို့ ဖြစ်ပါတယ်။ (၁)     နိုင်ငံတော်အပိုင်းအနေနဲ့ ယခု အချိန်မှာ နိုင်ငံတော်က ဒီမိုကရေစီစနစ် ဖော်ဆောင်ရာ ပြုပြင်ပြောင်းလဲရေးပြုလုပ်ရာမှာ အားသွန်ခွန်စိုက် ပြုလုပ်နေကြပါတယ်။ ကျမတို့ နိုင်ငံဟာ နှစ်ပေါင်းများစွာ တစ်ဦးတည်း တစ်ဖွဲ့တည်း ချုပ်ကိုင်ခဲ့ရာမှာ ယခုအခါမှာတော့ ဥပဒေပြုရေး၊ အုပ်ချုပ်ရေးနဲ့ တရားစီရင်ရေးဆိုပြီးတော့ အာဏာသုံးရပ်ကို ခွဲခြားကျင့်သုံးခဲ့ပါပြီ။ ယခင်က အပြန်အလှန် ထိန်းကျောင်းခြင်းစနစ် မရှိခဲ့၍ စိတ်မကောင်းဖွယ်ရာများ ဖြစ်ပွားခဲ့သော်လည်း ယခုအခါမှာ အပြန်အလှန် ထိန်းကျောင်းခြင်းအားဖြင့် Reciprocal, Check & Balance ပြုလုပ် ခွင့် ရခဲ့ပြီး ဖြစ်ပါတယ်။ ကျမတို့ရဲ့ ဒီမိုကရေစီသက်တမ်းဟာ တစ်နှစ်ကျော်ဘဲ ရှိသေးတဲ့ အတွက် အလွန်နုနယ်နေပါသေးတယ်။ ဒါကို အများက နားလည်သဘောပေါက်ပြီး ကျမတို့ နိုင်ငံဖွံ့ဖြိုးတိုးတက်ဖို့ ဒီမိုကရေစီစနစ် ရှင်သန်ထမြောက်ဖို့ရာ အတူတကွ ပူးပေါင်းဆောင်ရွက် ရန် လိုအပ်ပါတယ်ရှင့်။ ဥက္ကဋ္ဌကြီးရှင့်- စီးပွားရေး ပိတ်ဆို့အရေးယူမှုဟာ ပြုပြင်ပြောင်းလဲရေးကို အမှန်တကယ် ဆောင်ရွက်လိုတဲ့ ကျမတို့နိုင် ငံအတွက် တိုင်းပြည်ဖွံ့ဖြိုးတိုးတက်ရေး မူဝါဒများ ချမှတ်ရာမှာ များစွာ အဟန့်အတားဖြစ်နေပါတယ်။ ကျမတို့ နိုင်ငံဟာ ဖွံ့ဖြိုးတိုးတက်မှုလမ်းကြောင်းပေါ်ကို စတင်တက်လှမ်းနေတဲ့ နိုင်ငံတစ်နိုင်ငံဖြစ်ပြီး ပို့ကုန်အခြေပြုတဲ့ စီးပွားရေးနဲ့ တိုင်းပြည်ရဲ့ စီးပွားရေးဖွံ့ဖြိုးမှုကို အလေးပေး ထူထောင်ရာမှာ ဖြစ်ပါတယ်။ စီးပွားရေး ပိတ်ဆို့ အရေးယူမှု ဥပဒေတွေကြောင့် ပို့ကုန်လုပ်ငန်းများ ကောင်းစွာဆောင်ရွက်နိုင်ခြင်း မရှိလို့ မြန်မာနိုင်ငံရဲ့ စီးပွားရေး လုပ်ငန်းများနဲ့ လုပ်သားပြည်သူများအတွက် ပို့ကုန်တင်ပို့မှု ရရှိလာမယ့် အကျိုးအမြတ်များကို ခံစားခွင့် မရှိ ဖြစ်နေပါတယ်။ ဥက္ကဋ္ဌကြီးရှင့်- စီးပွားရေး ပိတ်ဆို့မှုများနှင့် ပတ်သက်၍ များစွာ အရေးကြီးတဲ့ အချက်မှာ စီးပွားရေး ပိတ်ဆို့ အရေးယူမှု များဟာ ယခင် အစိုးရအပေါ် စီးပွားရေးနဲ့ နိုင်ငံရေးအရ ပြုပြင်ပြောင်းလဲမှုများ ပြုလုပ်ရန် ရည်ရွယ်ခဲ့ သော်လည်း ယခုလက်ရှိ အစိုးရသစ် လွှတ်တော်နဲ့ ပြည်သူတစ်ရပ်လုံး ပြုပြင်ပြောင်းလဲရေး လုပ်ငန်းများ အကောင်အထည်ဖော်ရန် တစိုက်မတ်မတ် ကြိုးပမ်းနေမှုများအပေါ် အဓိက အဟန့်အတားတစ်ခု ဖြစ်နေတာ ကို ၀မ်းနည်းဖွယ် တွေ့မြင်နေရပါတယ်ရှင်။ ဥက္ကဋ္ဌကြီးရှင့် ဒုတိယအပိုင်းအနေနဲ့ ကျမက တိုင်းရင်းသားအရေးကိစ္စများနဲ့ ဆက်စပ်ပြီး ဆွေးနွေးသွားမှာ ဖြစ်ပါတယ် ရှင်။ တိုင်းရင်းသား စည်းလုံးညီညွတ်ရေး၊ ထာဝရ ငြိမ်းချမ်းရေး တည်ဆောက်ရာမှာ Sacntion ဟာ သွယ် ၀ိုက်၍ ဆက်စပ်နေပါတယ်။ စီးပွားရေးပိတ်ဆို့ အရေးယူမှုဟာ ထာဝရငြိမ်းချမ်းရေး တည်ဆောက်မှုမှာ အကျိုးသက်ရောက်မှု များစွာရှိနေလို့ တိုင်းရင်းသားများအတွက်လည်း အလွန်အရေးပါလှပါတယ်ရှင်။ ဘာကြောင့်လဲဆိုတော့ ငြိမ်းချမ်းရေးတည်ဆောက်ရာမှာ တိုင်းရင်းသား လက်နက်ကိုင်များနှင့် ထာဝရ ငြိမ်းချမ်းရေး တို့အတွက် နိုင်ငံတော်က ကနဦးအနေဖြင့် စီးပွားရေး အခွင့်အလမ်းများကို ရေးရပါတယ်။ ဒါကို အခြေခံပြီး တိုင်းရင်းသားများက တိုင်းဒေသကြီး(သို့) ပြည်နယ် ဖွံ့ဖြိုးတိုးတက်ရေး တိုင်းရင်းသားလူမျိုးများ ဖွံ့ဖြိုးတိုးတက်ရေး တန်းတူညီမျှရရှိစေရေး တို့အတွက် ကြိုးပမ်းရမှာ ဖြစ်ပါတယ်။ နောက်ပြီး တိုင်းရင်းသားလက်နက်ကိုင်များ ငြိမ်းချမ်းရေးရယူရာမျာ ၄င်းတို့ရဲ့ တပည့်လက်သားများ များစွာအတွက် အခြေခံစားဝတ်နေရေးဟာ အလွန်အရေးကြီးပါတယ်။ ဒါကြောင့် စီပွားရေးကို မဖြစ်မနေ လုပ်ဆောင်ကြမှာ ဖြစ်ပါတယ်။ စီးပွားရေးအရ နိုင်ငံခြားတိုင်းပြည်များနှင့် ကူးသန်းရောင်းဝယ်မှုများလည်း ဖြစ်ထွန်းလာမှာ ဖြစ်ပါတယ်။ ဒီအချက်ကို အကြောင်းပြုပြီး တိုင်းရင်းသားများရဲ့ လူမှုဘ၀ ၊ စီးပွားရေးနှင့် နိုင်ငံရေးများလည်း တိုးတက် လာပြီး တန်းတူညီမျှ အခွင့်အရေးကို လျှင်မြန်စွာ ရရှိလာမှာ ဖြစ်ပါတယ်။ တိုင်းရင်းသား လူမျိုးများအပါဝင် နိုင်ငံတော် တစ်ခုလုံးကို ထိခိုက်စေပါတယ်။ အမျိုးသား ရင်ကြားစေ့ရေးနဲ့ အမျိုးသား ပြန်လည် စည်လုံးညီးညွတ်ရေး ငြိမ်းချမ်းရေးကို ဖော်ဆောင်ရာမှာ များစွာ အနှောက်အယှက် အဟန့်အတား ဖြစ်ပါတယ်။ ဥက္ကဌကြီးရှင့် နိုင်ငံတော်က တိုင်းဒေသကြီး(သို့) ပြည်နယ်မှာ နေထိုင်ကြတဲ့ တိုင်းရင်းသားများအတွက် ဒီထက်ပိုသော တန်းတူညီမျှ အခွင့်အရေးပေးသင့်သလို ၊ နိုင်ငံတကာကလည်း တိုင်းရင်းသားများ မှီတင်း နေထိုင်လျက်ရှိတဲ့ မြန်မာနိုင်ငံကို စီးပွားရေးပိတ်ဆို့ အရေးယူမှုများအား လျင်မြန်စွာ ရုပ်သိမ်းပေး သင့်ပါတယ်။ ဒါမှ နိုင်ငံရေး ပြုပြင်ပြောင်းလဲမှု၊ ဒီမိုကရေးစီစနစ် ဖောင်ဆောင်မှုတို့ကို အားပေး ကူညီရာရောက်ပါတယ်ရှင်။ အချုပ်အားဖြင့်ဆိုသော် မြန်မာ ဒီမိုကရေစီ ဖြစ်ထွန်းအောင်မြင်ရေးအတွက် စီးပွားရေး ပိတ်ဆို့မှုများကြောင့် နိုင်ငံသားနှင့် တိုင်းရင်းသားနှင့် တိုင်းရင်းသားပြည်သူများ ဆင်းရဲဒုက္ခရောက်ရှိနေခြင်းမှ လွတ်မြောက်ရန် အတွက် တိုင်းရင်းသားစည်းလုံး ညီညွှတ်ရေးနှင့် ငြိမ်းချမ်းရေးရရှိရန်အတွက် အဟန့်အတား ဖြစ်နေသော မြန်မာနိုင်ငံအပေါ် ချမှတ်ထားသည့် ပိတ်ဆို့အရေးယူမှုအား အမြန်ဆုံးရုပ်သိမ်းပေးရန် လွှတ်တော်နှင့် ဆောင်ရွက်နိုင်သူ မည်သူကိုမဆို မည်သည့်နည်းလမ်းကို အသုံးပြု၍ ဖြစ်စေ ညှိနှိုင်း ဆောင်ရွက်ပေးရန် တိုက်တွန်းကြောင်းအဆို ကိုဆုံးဖြတ် အတည်ပြုပေးပါရန် တင်သွင်းအပ်ပါတယ်ရှင်။ ပြည်သူ့လွှတ်တော်ကိုယ်စားလှယ် ဦးဋ္ဌေးမြင့်မှ ထောက်ခံဆွေးနွေးရာ-       လေးစားအပ်ပါသော ပြည်သူ့လွှတ်တော် ဥက္ကဋ္ဌကြီးနှင့် ပြည်သူ့လွှတ်တော် ကိုယ်စားလှယ်တော်များ အားလုံး မင်္ဂလာအပေါင်းနှင့် ပြည့်စုံကြစေပြီး ကျန်းမာချမ်းသာ ကြပါစေကြောင်း ဆုမွန်ကောင်း တောင်းရင်း နှုတ်ခွန်းဆက်သလိုက်ပါတယ် ခင်ဗျား- ကျွန်တော်ကတော့ တနင်္သာရီတိုင်းဒေသကြီး မြိတ်မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဌေးမြင့် ဖြစ်ပါတယ်။ ကျွန်တော့်အနေနှင့် ကွန်ဟိန်းမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဒေါ်နန်းဝါ နု တင်သွင်းသော ခေတ်မှီဖွံ့ဖြိုး တိုးတက်၍ စည်းကမ်းရှိသော ဒီမိုကရေစီ ဖော်ဆောင်ရာတွင် အဟန့်အတား ဖြစ်စေသော မြန်မာနိုင်ငံအပေါ် ချမှတ်ထားသည့် ပိတ်ဆို့အရေးယူမှု အမြန်ဆုံးရုပ်သိမ်းပေးရန် လွှတ်တော်နှင့် ဆောင်ရွက်နိုင်သူ မည်သူကိုမဆို မည်သည့်နည်းလမ်းကို အသုံးပြု၍ဖြစ်စေ ညှိနှိုင်းဆောင်ရွက်ပေးရန် တိုက်တွန်းကြောင်း အဆိုကို ထောက်ခံဆွေးနွေးသွားပါမယ်ခင်ဗျား။ ကျွန်တော်တို့ရဲ့ ပြည်ထောင်စု သမ္မတမြန်မာနိုင်ငံတော်တွင် ဒေသအနှံ့ တိုင်းရင်းသားပေါင်းစုံ နေထိုင်လျက်ရှိပြီး ဒေသခံပြည်သူများအားလုံးသည် မိမိဒေသများ ဖွံ့ဖြိုးလာအောင် မငြိမ်းချမ်းသေးသည့် ဒေသများ ငြိမ်းချမ်းလာအောင် ပုံစံအမျိုးမျိုးနှင့် အထူးကြိုးစား ဆောင်ရွက်လျက်ရှိပြီး  နိုင်ငံတော် တည်ငြိမ်ရေး ပြည်သူများ စီးပွား ဖွံ့ဖြိုးတိုးတက်စေပြီး လူမှုရေး၊ ကျန်းမာရေး၊ ပညာရေး အဖက်ဖက်မှ မြှင့်တင်လာစေလျှက် ခေတ်မီဖွံ့ဖြိုးတိုးတက်၍ စည်းကမ်းရှိသော ဒီမိုကရေစီနိုင်ငံ ဖော်ဆောင်နိုင်ရန် ရည်ရွယ်ပြီး တိုင်းရင်းသား ပြည်သူများအားလုံးမှ ပါဝင်ဆောင်ရွက်လျက်ရှိပါသည်။   ဒါ့အပြင်၂၀၀၈ခုနှစ်ဖွဲ့စည်းပုံအခြေခံဥပဒေနှင့်အညီပါတီစုံဒီမိုကရေစီလမ်းကြောင်းအရနိုင်ငံတော်ဖွံ့ဖြိုးတိုးတက်ရေး လုပ်ငန်းစဉ်များအား ဖော်ဆောင်ရာတွင် ပြည်ထောင်စုသမ္မတ မြန်မာနိုင်ငံတော်၏ ပြည်ထောင်စုလွှတ်တော်၊ ပြည်သူ့လွှတ်တော်၊ အမျိုးသားလွှတ်တော်နှင့် အစိုးရအဖွဲ့တို့မှ အားသွန်ခွန်စိုက် ကြိုးပမ်းလျက်ရှိနေသော အချိန်အခါ သမယလည်းဖြစ်ပေသည်။ မြန်မာနိုင်ငံ၏ ပြုပြင်ပြောင်းလဲရေး လုပ်ငန်းစဉ်များကို ကမ္ဘာ့ကုလသမဂ္ဂ၊ အမေရိကန် ပြည်ထောင်စု၊ ဥရောပသမဂ္ဂ၊ အာဆီယံဒေသတွင်းရှိ နိုင်ငံများ နိုင်ငံတကာ အဖွဲ့အစည်းများတို့က ၀ိုင်းဝန်းကြိုးဆိုခဲ့ကြပြီး အားပေးထောက်ခံမှုများလည်း ရရှိနေပြီ ဖြစ်ပါသည်။ မြန်မာနိုင်ငံ၏ ဒီမိုကရေစီ ပြုပြင်ပြောင်းလဲရေးများကို ပိုမို ဖြစ်ထွန်းတိုးတက်စေရန် အလို့ငှာ ၂၀၁၂ ခုနှစ်၊ ကြားဖြတ်ရွေးကောက်ပွဲအပြီး မြန်မာနိုင်ငံအပေါ်တွင် ဥရောပ သမဂ္ဂမှ ချမှတ်အရေးယူထားသည့် စီးပွားရေးဆိုင်ရာ ပိတ်ဆို့အရေးယူမှုများအနက်မှ ရင်းနှီးမြှပ်နှံမှုနှင့် ငွေကြေး ဆိုင်ရာ ပိတ်ဆို့မှုများကို တစ်နှစ် ဆိုင်းငံ့ပေးခဲ့ပါသည်။ အမေရိကန်ပြည်ထောင်စုမှလည်း ဖြေလျော့မှုများ ပြုလုပ်ပေးခဲ့ပါသည်။ ယင်းကဲ့သို့ အပြုသဘောဆောင်သော ဆောင်ရွက်မှုများအတွက် အထူးကျေးဇူး တင်လျက်ရှိပါသည်။ တိုင်းရင်းသား ပြည်သူတစ်ရပ်လုံးပါဝင်ပြီး နိုင်ငံနှင့် လူမျိုးအားလုံး ဖွံ့ဖြိုးတိုးတက်လာစေရန်အတွက် ပွင့်လင်းမြင်သာသော နိုင်ငံရေးစနစ်၊ စီးပွားရေးစနစ်၊ တရားစီရင်ရေးစနစ်တို့နှင့်အတူ သတင်းမီဒီယာကဏ္ဍ အသီးသီးကိုလည်း ဒီမိုကရေစီလမ်းကြောင်းနှင့်အညီ အရှိန်အဟုတ်ဖြင့် ပြောင်းလဲလုပ်ဆောင်လျက် ရှိပါသည်။ ယင်းသို့ ပြောင်းလဲဆောင်ရွက်ချိန်တွင် ကဏ္ဍအားလုံးမှ အချိုးညီညီ လိုက်ပါနိုင်ရေးအတွက် ပြည်သူ များသည် တစ်ဦးချင်းသော်လည်းကောင်း၊ အစုအဖွဲ့လိုက်သော်လည်းကောင်း၊ စီးပွားရေး အင်အားတောင့်တင်း ဖို့ အထူးအရေးကြီး လိုပ်အပ်ပါမည်။ ဥပမာ ၂၀၀၃ ခုနှစ်တွင် စတင်ခဲ့သော မြန်မာနိုင်ငံအပေါ် ပိတ်ဆို့မှုတစ်ခုဖြစ်သည့် Burmese Freedom and Democracy Act ကြောင့် အထည်ချုပ်လုပ်ငန်းများ ရပ်ဆိုင်းသွားခြင်းကြောင့် ပြည်သူထောင်ပေါင်းများစွာ အလုပ်လက်မဲ့ ဖြစ်ခဲ့ရသည်။ ဒါ့အပြင် ပြည်ပနိုင်ငံများ၏ Sanction များကြောင့် ပြည်တွင်းလုပ်ငန်းရှင်များနှင့် ပြည်သူများသည် နှစ်ရှည်လများ အခက်အခဲများစွာ ကြုံတွေ့ခဲ့ရပြီး မိမိထုတ်လုပ်သော ကုန်ပစ္စည်းများ တန်ရာတန်ကြေး မရရှိ သည့်အပြင် မိမိတို့ ၀ယ်ယူတင်သွင်း သုံးစွဲရသော စက်ပစ္စည်း၊ ကုန်ကြမ်းပစ္စည်း၊နည်းပညာတို့သည်လည်း တားဆီးပိတ်ပင်မှုများကြောင့် တန်ရာတန်ကြေးထက် ပိုမိုပေးဆောင် ၀ယ်ယူခဲ့ကြရပါသည်။ ငွေရေးကြေးရေး စနစ်၊ ဘဏ်စနစ်များမှာလည်း မျာစွာခေတ်နောက်ကျန်မှုနှင့် ရင်ဆိုင်ကြုံတွေ့လျက် ရှိပါသည်။ ၎င်းတို့၏ အကျိုးရလာဒ်မှာ ပြည်သူများ ဆင်းရဲမွဲတေမှုမျာစွာ ဖြစ်ပေါ်စေ၍ အလုပ်အကိုင် ရှားပါးလာ သည်အထိ ဖြစ်ပေါ်လာစေပြီး အချို့သော မိမိနိုင်ငံသားများ တိုင်းရင်းသားများသည် အခြားနိုင်ငံများသို့ သွားရောက်ကြပြီး ရရာအလုပ် လုပ်ကိုင်နေကြည်ရသည့် ခါးသီးသော အတွေ့အကြုံများကို လက်တွေ့ ခံစားနေ ကြရပါသည်။ သို့ဖြစ်ပါ၍ မကြာမီ သက်တမ်းကုန်ဆုံးတော့မည့် Burmese Freedom and Democracy Act ဖြင့် တားဆီးပိတ်ပင်မှုအား အမေရိကန် ပြည်ထောင်စု ဆီးနိတ်လွှတ်တော်တွင် ထပ်မံသက်တမ်းတိုးမြှင့် ဆောင်ရွက် ခြင်း မပြုဘဲ ဖြေလျှော့မှုကို ပြုလုပ်ပေးရန် ပြည်သူတစ်ရပ်လုံးမှ မျှော်လင့်စောင့်စား လိုလားလျှက် ရှိပါသည်။ သို့မှသာ ဒေသတွင်း ထွက်ကုန်များဖြစ်ကြသော လယ်၊ ယာ၊ ကိုင်း၊ ကျွန်း လုပ်ငန်းမှ ထွက်ရှိသော သီးနှံမျိုးစုံများ မွေးမြူရေးလုပ်ငန်းမှ ထွက်ရှိသော အသား၊ ငါးနှင့် ရေထွက်ပစ္စည်းများ၊ သယံဇာတကို အခြေခံ ပြီး ထုတ်လုပ်သော ကုန်ချောပစ္စည်းများ၊ အသေးစား၊ အလတ်စား စက်မှုလုပ်ငန်းမှ ထုတ်လုပ်သော ကုန်ပစ္စည်း များ၊ လူ့အရင်းအမြစ်ကို အသုံးပြုပြီး ထုတ်ုလပ်သော ထုတ်ကုန်ပစ္စည်းများ စသည်တို့ကို နိုင်ငံတကာ ဈေးကွက် သို့ တင်ပို့ရောင်းချခွင့် ရရှိရေးနှင့် ငွေကြေးလွှဲပြောင်းမှု၊ ဘဏ်စနစ်ဖွံ့ဖြိုးတိုးတက်မှု၊ ရင်းနှီးမြှပ်နှံမှုစသည့် ကဏ္ဍ အသီးသီးကို အခြားနိုင်ငံသားများနည်းတူ ရရှိစေပြီး ပြည်တွင်းပြည်ပတွင် ယှဉ်ပြိုင်နိုင်ခွင့်နှင့် ပါဝင် လုပ်ကိုင် ခွင့်ကိုပါ  ရရှိမှသာ ခေတ်မီဖွံ့ဖြိုးတိုးတက်၍ စည်းကမ်းရှိသော ဒီမိုကရေစီနိုင်ငံတော်သစ်ကြီးကို ဖော်ဆောင်နိုင် မည် ဖြစ်ပါသည်။ ဒါကြောင့် လက်တွေ့တွင် အဟန့်အတားဖြစ်နေသော မြန်မာနိုင်ငံအပေါ် ချမှတ်ထားသည့် ပိတ်ဆို့ အရေးယူမှုကို အမြန်ဆုံး ရုပ်သိမ်းပေးခြင်းဖြင့် ပြည်သူအများ အလုပ်အကိုင် ရရှိစေပြီး ဆင်းရဲခြင်းမှ လွတ်ကင်း ကြကာ ယနေ့ဆောင်ရွက်နေသော ပြုပြင်ပြောင်းလဲရေး လုပ်ငန်းစဉ်များ နိုင်ငံရေး အပြောင်းအလဲများနှင့် ဒီမိုကရေစီ တိုးတက်ဖွံ့ဖြိုးရေးအတွက် ဆောင်ရွက်မှုများကို များစွာ အထောက်အကူရနိုင်မည် ဖြစ်ပါသည်။ မိမိပြည်တွင်းသို့ နိုင်ငံခြား ရင်းနှီးမြှပ်နှံမှု ၀င်ရောက်ခြင်းလုပ်ငန်းတစ်ခုတည်းဖြင့် မိမိတိုင်းပြည် ဖွံ့ဖြိုး တိုးတက်ရေးနှင့် ဒီမိုကရေစီ ဖော်ဆောင်ရေးကို ဆောင်ရွက်နိုင်မည် မဟုတ်ပါ။ ပြည်သူများအားလုံး ပါဝင်နိုင် သည့် ကုန်ထုတ်လုပ်ငန်း၊ ၀န်ဆောင်မှုလုပ်ငန်း၊ စိုက်ပျိုးမွေးမြူရေးလုပ်ငန်း၊ စက်မှုလုပ်ငန်းတို့အပြင် နည်းပညာ မြှင့်သော လုပ်ငန်းများ၊အရင်းအနှီးများသော လုပ်ငန်းများတွင် ပါဝင်စေလျက် နိုင်ငံတကာ ဈေးကွက်တွင် ရောင်းဝယ်ဖောက်ကားခွင့်၊ အကျိုးတူလုပ်ကိုင်ခွင့်၊ အသီးသီးရရှိကြမှသာ နိုင်ငံတစ်ဝှမ်းလုံးရှိ တိုင်းရင်းသား ပြည်သူများ အားလုံးအပါအ၀င် အခြေခံ လူတန်းစားများဖြစ်သော လယ်သမား၊ အလုပ်သမားများသည် ပြောင်းလဲလာသော နိုင်ငံရေး၏ ဆုလာဘ်များနှင့် စီးပွားရေးဖွံ့ဖြိုးတိုးတက်မှုနှင့်အတူ ရရှိသည့် ဒီမိုကရေစီ အသီးအပွင့်များကို ခံစားရရှိစေမည် ဖြစ်သည်။ သို့ရာတွင် ယနေ့အချိန်ထိ အဟန့်အတားဖြစ်စေသော မြန်မာနိုင်ငံအပေါ် ချမှတ်ထားသည့် စီးပွားရေး၊ ငွေရေးကြေးရေး၊ ရင်းနှီးမြှပ်နှံမှုနှင့် ပက်သက်သည့် ပိတ်ပင်တားဆီးမှု မှန်သမျှကို သက်ဆိုင်ရာ နိုင်ငံအားလုံးမှ ပြန်လည်စဉ်းစားသုံးသပ်ပြီး အမြန်ဆုံး ဖယ်ရှားပေးပါရန်နှင့် ပိတ်ပင်တားဆီးမှု သက်တမ်းတိုးမြှင့်ခြင်းကိုလည်း ဖြေလျှော့ ဆောင်ရွက်ခြင်း လုပ်ဆောင်ပေးကြပါရန် တောင်းဆိုအပ်ပါသည်။ ပြုပြင်ပြောင်းလဲရေးများကို အမှန်တကယ် ဆောင်ရွက်နေသော မိမိနိုင်ငံအတွက် ပိတ်ပင်တားဆီးမှု ဆောင်ရွက်လျှက်ရှိသည့် နိုင်ငံအချို့တို့ကြောင့် မြန်မာနိုင်ငံ၏  ဒီမိုကရေစီ ဖော်ဆောင်ရေး လုပ်ငန်းစဉ်များကို အဟန့်အတား ဖြစ်စေသည့်အပြင် စီးပွားရေးတိုးတက်မှု နှေးကွေးခြင်းနှင့် ဆုတ်ယုတ်မှုများ ဖြစ်ပေါ်နေခြင်း ကြောင့် ပြည်သူများ အလုပ်အကိုင် အခွင့်အလမ်းများ ရှရိစေရေးကို ထိခိုက်လျှက် ရှိပြီး ပြည်သူများ၏ စားဝတ် နေရေးအတွက် မှန်ကန်သောနည်းလမ်းဖြင့် ၀င်ငွေရရှိရေးကိုပါ ထိခိုက်လျှက် ရှိပါသဖြင့် ပိတ်ဆို့တားဆီးခြင်း များ ပြုလုပ်လျက်ရှိသော သက်ဆိုင်ရာနိုင်ငံများအနေဖြင့် တားဆီးပိတ်ပင်မှုအားလုံး အမြန်ဖယ်ရှား နိုင်ရေး အတွက် လွှတ်တော်နှင့် ဆောင်ရွက်နိုင်သူ မည်သူကိုမဆို၊ မည်သည့်နည်းကို အသုံးပြု၍ဖြစ်စေ၊ အမျိုးသားရေး တာဝန်တစ်ရပ် မှတ်ယူ၍ ပါတီစွဲ၊ လူမျိုးစွဲ၊ ဒေသစွဲ၊ ၀ါဒစွဲများ မထားဘဲ ပြည်သူများအတွက် ပြည်သူ့ဘက်မှ ရပ်တည်ပြီး ညှိနှိုင်းဆောင်ရွက်ပေးရန် ပြည်သူ့လွှတ်တော် ဥက္ကဋ္ဌကြီးမှတဆင့် ပြည်သူ့လွှတ်တော်သို့ တင်ပြရင်း အဆိုရှင် ကွန်ဟိန်းမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်နန်းဝါနုမှ တင်သွင်းသွားသော ခေတ်မှီ ဖွံ့ဖြိုးတိုးတက်၍ စည်းကမ်းရှိသော ဒီမိုကရေစီဖော်ဆောင်ရာတွင် အဟန့်အတားဖြစ်စေသော မြန်မာနိုင်ငံအပေါ် ချမှတ်ထားသည့် ပိတ်ဆို့အရေးယူမှု အမြန်ဆုံး ရုပ်သိမ်းပေးရန် လွှတ်တော်နှင့် ဆောင်ရွက်နိုင်သူ မည်သူကိုမဆို မည်သည့်နည်းလမ်းကို အသုံပြု၍ဖြစ်စေ ညှိနှိုင်းဆောင်ရွက်ပေးပါရန် တိုက်တွန်းကြောင်း အဆို အား တိုင်းရင်းသားပြည်သူတစ်ရပ်လုံးအကျိုးငှာ ပြည်သူ့လွှတ်တော် ကိုယ်စားလှယ်များအားလုံးမှ ပူးပေါင်းပါဝင် တောင်းဆိုကြပါစို့လို့ တိုက်တွန်းရင်း လေးလေးနက်နက် ထောက်ခံတင်ပြအပ်ပါသည်ခင်ဗျား။ ဒေါ်ခင်စောဝေ (ရသေ့တောင်မဲဆန္ဒနယ်) ဥက္ကဌကြီးရှင့် သဘာဝသယံဇာတ ဒေသတွင်းစီးပွားရေးနောက်ကိုသာ အခြေပြပြီး လူအနည်းကသာ ထိုစီးပွားရေးလုပ်ငန်းများကို လုပ်ကိုင်ခွင့်ရရှိနေတဲ့ အချိန်များမှာ မြန်မာနိုင်ငံအပေါ်ချမှတ်ထားတဲ့ စီးပွားရေးပိတ်ဆို့မှုမှာ ယခင်စနစ်ဟောင်းက အစိုးရနှင့် ထိပ်တန်းစီးပွားရေးလုပ်ငန်းရှင်များအပေါ် ဖိအားတစ်စုံတစ်ရာသက်ရောက်မှုမရှိသေးပါဘူး၊ ယခုပေးသော ပြည်သူတစ်ရပ်လုံးကို အကြိုးဖြစ်ထွန်းစေမည့် ဒီမိုကရေစီဖေါ်ဆောင်ရေးကို ကြိုးပမ်းနေရတဲ့အချိန်မှာ ထိုအက်ဥပဒေကို ချမှတ်ထားရှိနေဦးမယ်ဆိုလို့ရှိရင် ပြုပြင်ပြောင်းလဲရေးမူဝါဒများ ချမှတ်ရာမှာ အဟန့်အတား ကြုံတွေ့ရမှာဖြစ်ပြီးတော့ ပြည်သူလူထု၏ အကျိုးစီးပွားကိုသာ ထိခိုက်နစ်နာစေပါတယ်။ မြန်မာနိုင်ငံရဲ့ စီးပွားရေးမှာ လူနည်းစုသာ လုပ်ကိုင်ခွင့်ရရှိနေတဲ့အခြေအနေမှ လူအများစုပါဝင်လုပ်ဆောင်နိုင်သည့် အခြေအနေသို့ရောက်ရှိနိုင်ရန် အတွက် နိုင်ငံတကာ ဈေးကွက်အတွင်းဝင်ဆံ့နိုင်ရန်အထူးတလည် လိုအပ်လှပါသည်။။           နိုင်ငံတကာ ဈေးကွက်နှင့် ချိတ်ဆက်နိုင်ခဲ့ခြင်း မရှိ၍ မြန်မာနိုင်ငံသည် လုပ်သားအင်အားပေါများပြီး ပို့ကုန်အခြေပြုသည့် စီးပွားရေးဖြင့် အောင်မြင်လျှက်ရှိသော ဒေသတွင်းနိုင်ငံများနှင့်ယှဉ်လျှင် များစွာမှပင်နောက်ကျ ကျန်ခဲ့ပြီဖြစ်ပါသည်။ အမေရိကန်ပြည်ထောင်စုအနေဖြင့် မြန်မာနိုင်ငံအပေါ်တွင် ထားရှိသည့် မူဝါဒများ ဒီမိုကရေစီတိုးတက်ဖြစ်ထွန်းရေးအတွက်ဟုဆိုထားသော်လည်း နိုင်ငံရေးအရ ဒီမိုကရေစီစနစ်ကို ကျင့်သုံးခြင်းမရှိသည့် နိုင်ငံများနှင့်ပင် စီးပွားရေးအရလွတ်လပ်စွာ ကုန်သွယ်မှုပြုနေ သည်များလည်း ရှိနေသည်ကို တွေ့ရပါသည်။ မြန်မာနိုင်ငံ၏ ဒီမိုကရေစီဖြစ်ထွန်းမှုများမှာ ထိုနိုင်ငံများနှင့် ယှဉ်လျှင် များစွာမှပင် သာလွန်မှုရှိနေသည် ဖြစ်သဖြင့် အမေရိကန်ပြည်ထောင်စုအနေဖြင့်လည်း မြန်မာနိုင်ငံနှင့် လွတ်လပ်စွာ ကုန်သွယ်မှုပြုလုပ်နိုင်ရန် ခက်ခဲမှုရှိနိုင်လိမ့်မည် မဟုတ်ဟု ယူဆပါသည်။           မြန်မာနိုင်ငံအနေဖြင့် နိုင်ငံတကာ ဈေးကွက်တွင် ချိတ်ဆက်နိုင်သည့် အချိန်အထူးသဖြင့် အမေရိကန်ပြည်ထောင်စုနှင့် ကူးသန်းရောင်းဝယ်ရေးအရ ချိတ်ဆက်နိုင်သည့် အခြေအနေတွင် အမေရိကန်-မြန်မာ့ဆက်ဆံရေးမှာ မြန်မာနိုင်ငံရေးပြုပြင်ပြောင်းလဲမှုအတွက်ပိုမို အကျိုးသက်ရောက်မှုရှိလာနိုင်ပါသည်။ စင်စစ်တွင် စီးပွားရေးပြုပြင်ပြောင်းလဲမှုများက နိုင်ငံရေးပြုပြင် ပြောင်းလဲမှုများကို များစွာအထောက်အကူ ပြုနိုင်သည်ဖြစ်ရာ မြန်မာ့စီးပွားရေးတိုးတက်လာသည်နှင့်အမျှ မြန်မာနိုင်ငံနှင့် နိုင်ငံတကာ အသိုင်းအဝိုင်း မည်သို့မျှ ကင်းကွာ၍ မရတော့သည့် အနေအထားသို့ ရောက်ရှိလာမည်ဖြစ်ပါသည်။ ထိုအချိန်မျိုးတွင် မြန်မာနိုင်ငံအပေါ်ထားရှိသည့် နိုင်ငံတကာသဘောထားအမြင်နှင့် မူဝါဒများမှာလည်း မိမိတို့နိုင်ငံအတွက်ပိုမို အကျိုးသက်ရောက်မှုရှိလာနိုင်ပါသည်။ မြန်မာနိုင်ငံအပေါ်ချမှတ်ထားသည့် ပိတ်ဆို့အရေးယူမှု (Burmese Freedom and Democracy Act) ဆက်လက်ထားရှိခြင်းသည် မြန်မာနိုင်ငံ၏ နိုင်ငံရေးပြုပြင်ပြောင်းလဲမှုများ ပိုမိုတိုးတက်စေရန်အတွက် ဆိုခဲ့သလို နိုင်ငံတကာဈေးကွက်နှင့် ထိရောက်စွာ ချိတ်ဆက်ထားခြင်းမရှိသည့် မိမိတို့နိုင်ငံအတွက်မူ စီးပွားရေးပြုပြင်ပြောင်းလဲမှုအတွက်သာ အဟန့်အတားဖြစ်စေပြီး နိုင်ငံရေးဖြစ်ထွန်း တိုးတက်မှုများ အတွက်မူ လုံလောက်သည့် နိုင်ငံတကာ ဖိအားမျိုးမသက်ရောက်နိုင်ပါ။           ထို့ကြောင့် မြန်မာနိုင်ငံ၏ တိုးတက်ဖြစ်ထွန်းမည့် စီးပွားရေးဖွံ့ဖြိုးမှုနှင့် ဒီမိုကရေစီပြုပြင်ပြောင်းလဲမှု ပေါ်တွင် ကြီးမားစွာအကျိုးသက်ရောက်မှုရှိတဲ့ မြန်မာနိုင်ငံအပေါ် ချမှတ်ထားတဲ့ ပိတ်ဆို့ထားတဲ့ စီးပွားရေးပိတ်ဆို့အရေးယူမှုကိုပြန်လည် ရုပ်သိမ်းခြင်းမရှိတဲ့အချက်ဟာ မြန်မာနိုင်ငံအတွင်းမှာ နေထိုင်ကြတဲ့ ပြည်သူလူထုများ၏ အကျိုးစီးပွားနှင့် မြန်မာနိုင်ငံပြည်သူများ၏ အလုပ်အကိုင်အခွင့်အလမ်းများရရှိရေးကိုလည်း ထိခိုက်စေပြီး ကျွန်မတို့၏ဖွံ့ဖြိုးမှုနည်းပါးနေသော ဒေသများမှတိုင်းရင်းသားများကိုလည်း ထိခိုက်နစ်နာစေ ပါတယ်။ မြန်မာနိုင်ငံအပေါ်တွင် ချမှတ်ထားသော စီးပွားရေးပိတ်ဆို့မှု ရုပ်သိမ်းခြင်းမှာလည်း မြန်မာနိုင်ငံရှိ ပြည်သူများနှင့်တိုင်းရင်းသားများအပေါ် အကူအညီပံ့ပိုးပေးရာ ရောက်ပါလိမ့်မယ်။           သို့ပါ၍ ရှမ်းပြည်နယ်၊ ကွန်ဟိန်းမဲဆန္ဒနယ်မှ ဒေါ်နန်းဝါနု၏ အဆိုဖြစ်သော “ခေတ်မီဖွံ့ဖြိုးတိုးတက်၍ စည်းကမ်းရှိသော ဒီမိုကရေစီစနစ်ဖေါ်ဆောင်ရာတွင် အဟန့်အတားဖြစ်နေသော မြန်မာနိုင်ငံအပေါ် ချမှတ်ထားသော ပိတ်ဆို့အရေးယူမှုအား အမြန်ဆုံး ရုတ်သိမ်းပေးပါရန် လွှတ်တော်နှင့် ဆောင်ရွက်နိုင်သူမည်သူကိုမဆို မည်သည့်နည်းလမ်းကိုအသုံးပြု၍ဖြစ်စေ ညှိနှိုင်းဆောင်ရွက်ပေးပါရန် တိုက်တွန်းကြောင်း”အဆိုကို ကျွန်မဒေါ်ခင်စောဝေမှ လှိုက်လှိုက်လှဲလှဲ ထောက်ခံဆွေးနွေးအပ်ပါတယ်ရှင့်.. ဦးနိုင်ငံလင်း (ဒက္ခိဏသီရိမဲဆန္ဒနယ်) ဒီအဆိုဟာ ထောက်ခံဆွေးနွေးတာနဲ့ မလုံလောက်တဲ့ အဆိုတစ်ခု ဖြစ်ပါတယ်။ အကြေအလည်ညှိနှိုင်းဆွေးနွေးရမည့် အဆိုတစ်ခုဖြစ်ပါတယ်။ ဥပဒေကြမ်းဆိုရင် ဥပဒေကို နောက်ပိုင်း ဆွေးနွေးခွင့်ရှိပါတယ်။ ဒီလိုအဆိုမျိုးဟာ နောက်ပိုင်းဆွေးနွေးဖို့ အခက်အခဲရှိပါတယ်။ ကျွန်တော်က တိုင်းရင်းသားကိုယ်စားလှယ်ကြီးများက တင်ပြသွားတဲ့အတွက်ကြောင့် အလေးအနက်ထားပြီး ဆွေးနွေးတာ ဖြစ်ပါတယ်။ မေးချင်တဲ့မေးခွန်းတွေရှိပါတယ်။ ကျွန်တော်တို့တိုင်းပြည်ဖွံ့ဖြိုးတိုးတက်ဖို့ ကျွန်တော်တို့လည်း လိုလားတယ်။ သို့သော်လည်း ဒီစီးပွားရေးပိတ်ဆို့မှုတွေဖယ်ရှားပြီဆိုရင် တကယ်တိုးတက်မှုကို ရမှာလား၊ တိုင်းရင်းသားတွေနဲ့ ပြည်သူတစ်ရပ်လုံး ခံစားခွင့်ရမှာလား၊ ဖွံ့ဖြိုးတဲ့ တိုင်းပြည်တွေတောင်မှ နိုင်ငံတကာနှင့် စီးပွားရေးလုပ်တဲ့အခါမှာ ပညာတတ်လူတန်းစား၊ အထက်တန်းလွှာတွေပဲ ခံစားခွင့်ရတာပါ၊ ဒီအဆိုဟာ ထောက်ခံသင့်တယ်ဆိုပေမယ့် အကြေအလည်ညှိနှိုင်းရမယ့်အဆိုဖြစ်ပါတယ်။ ပြည်ထောင်စုအစိုးရ အနေနှင့်ရော ပြည်သူလူထုစီးပွားရေး ပိတ်ဆို့မှုတွေကို ရပ်တန့်လိုက်ပြီဆိုလျှင် တကယ်တန်း လူ့အခွင့်အရေး၊ တရားဥပဒေစိုးမိုးရေး အားလုံးကို အာမခံချက်ပေးနိုင်ပြီလား ဒါမျိုးတွေကို ဆွေးနွေးဖို့လိုပါတယ်။ အဓိကပြောချင်တာက ဒီအဆိုကို ထောက်တော့ထောက်ခံတယ်။ သို့သော်လည်း အချက်အလက်တွေ အားလုံးကို ထည့်သွင်းစဉ်းစားပြီးမှ ထောက်ခံသင့်တယ်လို့ ကျွန်တော် ယုံကြည်မိပါကြောင်း တင်ပြလိုပါတယ်။ အားလုံးကို ကျေးဇူးတင်ပါတယ်။ ဦးကြည်မြင့်(လသာမဲဆန္ဒနယ်)  ကျွန်တော့်အနေနဲ့က မနေ့က မနက်ကပဲ အင်တာနက်ဖွင့်ကြည့်လိုက်တော့ မြန်မာနိုင်ငံကို ပထမဦးဆုံးသော ၁၉၆၂ ကစပြီးတော့ အမေရိကန်သံအမတ်ကြီး ဒဲရစ်မစ်ချယ်ကို ခန့်အပ်လိုက်တယ် ဆိုတဲ့ နောက်မှာ လွန်ခဲ့သော ၇နာရီက သတင်းပါ။ အမေရိကန်သမ္မတကြီး အိုဘားမားကိုတိုင်က မြန်မာနိုင်ငံမှာ သွားရောက်ရင်းနှီးမြုပ်နှံကြတော့ ဆိုပြီး ခွင့်ပြုလိုက်တဲ့တာ ကျွန်တော်ဖတ်လိုက်ရပါတယ်။ ကျွန်တော်တို့က သိပ်ပြီးလောနေစရာမလိုတော့ဘူး ဆိုတဲ့ အဆင့်ကို ရောက်နေပါတယ်။ ကျွန်တော်တို့ စီးပွားရေးပိတ်ဆို့မှုကို ဆိုင်းငံ့ထားတယ်ဆိုတဲ့စကားလုံးတွေ ဖြေလျှော့ထားတယ်ဆိုတဲ့ စကားလုံးတွေလည်းရှိတယ်။ လုံးဝရုပ်သိမ်း တယ်ဆိုတဲ့ စကားလုံးမရောက်သေးတာ ပဲရှိပါတယ်။ Wait and See ပေါ့၊ တစ်ဖက်ကလည်း အခြေအနေ အချိန်အခါအလျှောက် ဖြေလျှော့ပေးရာ နောက်ဆုံးလုံးဝရုပ်သိမ်းတာ ရောက်ရှိမယ့်အနေအထားရှိ ပါတယ်။ မြင်သာပါတယ်။ ကျွန်တော်တို့ဘက်ကလည်းပဲ လုပ်စရာကိုင်စရာတွေကတော့ မကျန်ဘူးမဟုတ် ကျန်ပါတယ်။ ဒါကျွန်တော်တို့ဘက်က ဝန်ခံရမယ့် ကိစ္စတွေ၊ ဆောင်ရွက်ရမယ့်ကိစ္စတွေရှိပါတယ်။ အဲဒီသတင်း နောက်ဆက်တွဲမှာ ပါပါသေးတယ် မြန်မာနိုင်ငံကြီးဟာ သူတို့အတွက် မက်လောက်တဲ့ စီးပွားရေးသယံဇာတ သိုက်ကြီးပဲဆိုတဲ့ စကားလုံး Very Lucrative Treasure ပေါ့၊ သူတို့မလာပဲမနေပါဘူး၊ လာပါမယ်၊ လာနိုင်ဖို့အတွက် လမ်းမဖွင့်ဘဲမနေပါဘူး၊ ဖွင့်ပါလိမ့်မယ်။ သူတို့ထုတ်လုပ်တဲ့ ပစ္စည်းတွေကိုလည်း မရောင်းချင်ပဲမနေပါဘူး၊ ရောင်းပါလိမ့်မယ်။ တချို့စီးပွားရေးသမားတွေပြောတဲ့စကားလုံးတွေလည်း ပါပါတယ်။ ငါတို့သိပ်နောက်ကျနေပြီဆိုတာမျိုးပေါ့၊ မြန်မာနိုင်ငံရဲ့ ရေနံနှင့် ဓာတ်ငွေ့တွေက ကိုရီးယားတွေ တရုတ်တွေ၊ အိန္ဒိယတွေ လက်ဦးနေပြီ ငါတို့လည်း သွားရဖို့အတွက်ပြင်ဆင်ကြရမယ်ဆိုတာမျိုးလည်း ပါပါတယ်။ ခုဏပြောတဲ့အဆိုကမှန်ပါတယ်။ ပြီးခဲ့တဲ့နှစ်လောက်ကဆိုရင်တော့ ဒါတော်တော်လေးလိုအပ်တဲ့အဆိုပါ။ သို့သော်လည်း ယခုအချိန်ယခုကာလမှာတော့ ဒီအဆိုဟာ မလိုအပ်တော့ဘူးလို့ မြင်တဲ့အတိုင်း ကျွန်တော်အနည်းငယ်ပါဝင်ပြီးတော့ ဆွေးနွေးရခြင်းဖြစ်ပါတယ်။ အားလုံးကိုကျေးဇူးတင်ပါတယ်။ ဦးစိန်ဝင်း (မအူပင်မဲဆန္ဒနယ်) လေးစားအပ်ပါသော ပြည်သူ့လွှတ်တော်ဥက္ကဋ္ဌကြီးခင်ဗျား တိုင်းပြည်တစ်ပြည်ရဲ့ ကြီးပွားတိုးတက်မှုဟာ အုပ်ချုပ်တဲ့သူရယ်၊ အုပ်ချုပ်ခံရသူရယ်၊ အုပ်ချုပ်သူနဲ့ အုပ်ချုပ်ခံရသူ နှစ်ခုကြားမှာရှိတဲ့ စနစ်ရယ် အဲဒီအချက် သုံးချက်က အရမ်းအရေးကြီးပါတယ်။ တစ်ဖက်က Sanction ကိစ္စကို၊  တစ်ဖက်က တွန်းလှန်တဲ့ ကိစ္စများ ဆောင်ရွက်တာကို ကျွန်တော် ထောက်ခံပါတယ်။ ဒါပေမယ့် အဲဒါတစ်ခုတည်းနဲ့ နိုင်ငံကြီးက မတိုးတက်ပါဘူး။ အရေးကြီးတာက ကျွန်တော်တို့ အချက် ၃ ချက်က အရေးကြီးပါတယ်။ ဒီအချက် ၃ ချက်ကို အုပ်ချုပ်တဲ့သူရယ်၊ အုပ်ချုပ်ခံရတဲ့သူရယ် စနစ်ရယ်ဟာ အံဝင် ခွင်မကျဘူးဆိုရင် အမေရိကန် (၃) နိုင်ငံလာလည်း ကျွန်တော်တို့ အတွက် စီးပွားတိုးတက်မှု အလားအလာ မရှိပါဘူး။ ဒါကြောင့်မို့လို့ ကျွန်တော့်အနေနဲ့ တင်ပြဆွေးနွေးချင်တာ ကတော့ Sanction ကို တစ်ဖက်က လုပ်ပါ။ ကျွန်တော်တို့ရဲ့ အတွင်းအားကို ကျွန်တော်တို့ တည်ဆောက်ဖို့ လိုပါတယ်လို့  ကျွန်တော်တင်ပြဆွေးနွေးချင်ပါတယ်။ ပြည်သူ့ လွှတ်တော် http://feeds.feedburner.com/thithtoolwin/yIWV

ပြန်လည်ဆယ်ယူတော့မည့် ဓမ္မစေတီခေါင်းလောင်းတော်ကြီးသမိုင်း Posted: 12 Jul 2012 09:58 PM PDT ဓမ္မစေတီခေါင်းလောင်းကြီးဆယ်ယူတောမည့် သတင်းများ ကြားရပြီးခေါင်းလောင်းကြီး၏ သမိုင်စုံကို မသိ့သေးသူများအတွက် မျှဝေလိုက်ပါသည်။ ဓမ္မစေတီခေါင်းလောင်းကြီး ခေါင်လောင်းတော်ဘွဲ့- အဝိန္ဒဆောက် ခေါင်းလောင်းတော် အလေးချိန်- ၁၈၀၀၀၀ ပိဿာ(တန်ချိန် ၂၉၀) အတိုင်းအတာ - အဝ(၈)တောင်၊ xxx(၁၂) တောင် သွန်းလုပ်သည့်နေ့- သက္ကရာဇ် (၈၃၇)ခုနှစ်၊ တပေါင်းလဆန်း(၈)ရက်၊ ကြာသတေးနေ့ ရွှေတီဂုံစေတီတော်သို့တင်လှူသည့်နေ့ -သက္ကရာဇ် (၈၃၈) ခုနှစ်၊သီတင်းကျွတ်လပြည့်နေ့ ဒေါပုံမြစ်လည်တွင် နစ်မြုပ်သွားသည့်နှစ် -သက္ကရာဇ် (၉၇၄)ခုနှစ် ကျော်ကြားမှု- ပျောက်ဆုံးနစ်မြှုပ်နေမှု ကမ္ဘာ့အကြီးဆုံး ခေါင်းလောင်းကြီး ဓမ္မစေတီခေါင်းလောင်းကြီးသည် ကမ္ဘာ့အကြီးဆုံးခေါင်းလောင်းအဖြစ် သတ်မှတ်ထားသောခေါင်းလောင်းကို စိန်ခေါ်သည့် ခေါင်းလောင်းတစ်ခု ဖြစ်သည်။ ယင်းကားမွန်ဘာသာအားဖြင့်'အပိန္နသော်' သို့မဟုတ် 'ဓမ္မစေတီ' ခေါင်းလောင်းပင် ဖြစ်သည်။ခေါင်းလောင်းဘွဲ့အမည်မှာ မြန်မာဘာသာအားဖြင့် 'အဝိန္ဒဆောက်'ဟု ခေါ်ပါသည်။ဓမ္မစေတီ ခေါင်းလောင်းသည် ဇာကိုလိုကောခေါင်းလောင်းထက် မင်းကွန်းခေါင်းလောင်းတော်ကြီး တစ်ခုစာ ပို၍ ကြီးမားနေသည်ကို အံ့သြဖွယ်ရာ တွေ့ရှိရသည်။ ဓမ္မစေတီခေါင်းလောင်းကို ကမ္ဘာ့အကြီးဆုံးခေါင်းလောင်းအဖြစ် သတ်မှတ်ရမည် ဖြစ်ပေသည်။ထို့အပြင် ဇာကိုလိုကောခေါင်းလောင်းသည်(၁၈) ရာစုတွင်သွန်းလုပ်သောခေါင်းလောင်းဖြစ်ပြီး ဓမ္မစေတီခေါင်းလောင်းမှာအေဒီ ၁၅ ရာစုက သွန်းလုပ်ခဲ့သောခေါင်းလောင်းဖြစ်သဖြင့် နှစ်(၃ဝဝ) ပို၍ စောနေသည်ကို တွေ့ရှိရသည်။ ထို့ကြောင့် ဓမ္မစေတီ ခေါင်းလောင်းသည် ကမ္ဘာ့အကြီးဆုံးခေါင်းလောင်း ဖြစ်သင့်ပေသည်။ ခေါင်းလောင်းတော်ကြီးကိုဆယ်ယူရရှိမည်ဆို ပါက မွန်အမျိုးသားတို့၏ယဉ်ကျေးမူအမွေအနှစ် ခေါင်းလောင်းကြီးနှင့်ပက်သက်သည့ အသေးစိတ်အချက်အလက်တို့ကု ပြည်သူများသုိ့ အသေအချာတင်ပြနိုင်မည် ဖြစ်ပါသည်။၎င်းအပြင် တရုပ်တို့၏ ကြေးသွန်အတတ်ပညာထက်နှစ်ပေါင်း(၁၅၀၀ )ခန့်စောသည့် မွန်တို့၏ ယိုးဒယားနိုင်ငံ ဘန်းချိုင်းဒေသ ကြေးသွန်အတတ်ပညာ အတွက်ကြီးမားသော သက်သေ အထောက်အထားတစ်ခု ဖြစ်လာ မည်။ လှူဒါန်းခြင်း မြန်မာ့သမိုင်းတွင်မွန်တို့၏မဂဒူးမင်းဆက်တွင် ၁၆ ဆက်မြောက် မွန်ဘုရင်ဓမ္မစေတီမင်း သည် ဟံသာဝတီ (ယခုပဲခူး) မှ အုပ်စိုးပြီး ၁၄၈၀ ခုတွင်လူဦးရေ စစ်တမ်းကောက်ယူခဲ့သည်။ ဓမ္မစေတီမင်းကြီးသည်ဥပိုက်၊ သမန္တရာဇ်၊ ဘုရင်ရာဇာ၊စွန္တရာဇာအမတ်လေးဦးကို အိမ်ဦးရေစာရင်းကောက်ယူရန် တာဝန် ပေးခဲ့သည်။အမတ်များက အိမ်စာရင်းသာမက အိမ်တိုင်းမှ ကြေးကိုပါကောက်ခံခဲ့ရာကြေးစင် တစ်သန်းနှင့် ရှစ်သိန်းရရှိခဲ့သည်။မင်းကြီးက ကြေးပါ ကောက်ယူခဲ့သောအမတ်လေးဦးအား အပြစ်ဒဏ်ပေး၏။ကြေးများကို ကာယကံရှင်များအားပြန်ပေးစေသည်။ ပိုင်ရှင်များက ပြန်မယူပဲ မင်းကြီး သင့်တော်သလိုသာအသုံးပြုရန်လျှောက်ထားလေသည်။ထို့ကြောင့် ဓမ္မစေတီမင်းကြီးသည် ဤကြေးများဖြင့်အမတ်ကြီး ဗညားအိမ်ကို အကြီးအမှူး ခန့်တော်မူသည်။ အမတ်ကြီးသည်လည်း ဇေယဗာဟု၊ ပဲခူးသဥတ္တရာ၊ နန္ဒစည်သူကျော်၊ သံဃရာဇာ စသည့် ဆရာတို့ အခါပေးသည့် အတိုင်း တပေါင်းလဆန်း(၈)ရက်၊ ကြာသပတေးနေ့ သိဟ်လဂ်တွင် ပွဲကြီးသဘင်ကြီးစွာပြု၍ ခေါင်းလောင်းကြီးကို သွန်းလုပ်စေသည်။ အမတ်ကြီးသည်လည်း ဆရာတို့ အခါပေးသည့်အတိုင်းတပေါင်းလဆန်း(၈)ရက်၊ ကြာသာပတေးနေ့ သိဟ်လဂ်တွင် ပွဲကြီးသဘင်ပြု၍ ခေါင်းလောင်းကြီးကို ပြုလုပ်တော်မူသည်။သို့သော် ခေါင်းလောင်းကြီးမှာထူးထူးခြားခြားအသံမမြည်ပဲရှိခဲ့သည်။ (သမိုင်းအရ ထိုခေါင်းလောင်းကြီးကို နက္ခတ္တဗေဒသဘောအရ မကောင်းသော ၁၄၈၄-ခု၊ ဖေဖော်ဝါရီလ (၅)ရက်နေ့တွင် စတင်သွန်းခဲ့ပြီးအသံမမည်ဟု ဆိုသည်။) ခေါင်းလောင်းသွန်းလုပ်စဉ်`လောကဥာဏ´ အမည်ရှိဗေဒင်ဆရာတစ်ဦးက ခေါင်းလောင်းသွန်းလုပ်ပြီးလျှင် အပြစ်အနာအဆာမရှိ ချောမောလိမ့်မည်။ သို့သော်အသံကာ မြည်မည်မဟုတ်ဟု မင်းကြီးအားလျှောက်၏။မင်းကြီးက အကြောင်းစုံမေးမြန်းရာခေါင်းလောင်းပြုလုပ်ရန် ဆရာတို့ပေးသောအခါသည် နက္ခတ်ခြောက်လုံး ဖြစ်သည်။ခြောက်လုံးမှာမိကျောင်းနက္ခတ် ဖြစ်သဖြင့် မိကျောင်းမှာလျှာမရှိ၍ အသံမမြည်နိုင်ချေ။ မင်းကြီးလည်း ခေါင်းလောင်းကို မွန်ဘာသာဖြင့်အပိန္နသော်ဟု ဘွဲ့အမည်ပေးပြီး ကောဇာသက္ကရာဇ်(၈၃၈)ခုနှစ်၊ သီတင်းကျွတ်လပြည့်နေ့တွင် ရွှေတိဂုံရင်ပြင် တွင် ချိတ်ဆွဲလှူဒါန်းရေစက်ချတော်မူသည်။ ခေါင်းလောင်းကြီးကို မြန်မာဘာသာဖြင့် “အဝိန္ဒဆောက်’’ဟု အမည်ရ သည်။(ရွှေတိဂုံ စေတီတော် တည်ရှိရာကုန်းတော်ပေါ်တွင ပထမဦးဆုံးလှူဒါန်းသောခေါင်းလောင်းမှာ ဓမ္မစေတီခေါင်းလောင်းကြီးပင် ဖြစ်သည်။ ယခုအခါရွှေတိဂုံကုန်းတော်ပေါ်ရှိ ခေါင်းလောင်းစုစုပေါင်း(၂၉)လုံးရှိသည်။ သုတေသန=မေယာအမ်တီ) ရှေးခေတ်စာမှတ်တမ်းများအရ ၄င်း ခေါင်းလောင်းကြီးတွင် ကြေးနီ အပြင် ရွှေ၊ငွေ တို့လည်းပါသည်ဟုဆိုသည်။ ခေါင်းလောင်းထဲတွင် မြ နှင့်နီလာ ရတနာတို့လည်းမြှုပ်ထားသည်ဟုဆိုသည်။ ဓမ္မစေတီမင်းဥစ္စာကြွယ်ဝ ပုံအရ ၄င်းမှာဖြစ်နိုင်သည်။ခေါင်းလောင်းကြီးသည် ၁၂-တောင် မြင့်ပြီး၈-တောင် ကျယ်သည်။တစ်ပြိုင်တည်းမှာပင် ၅၀၀ပိဿာရှိခေါင်းလောင်းအသေးလည်း သွန်းလောင်းလှူတန်းခဲ့သည်ဟုအဆိုရှိသည်။ နိုင်ငံခြားသားများရောက်ရှိခြင်း နောင်နှစ်တစ်ရာ ကြာပြီးနောက် ၁၅၈၂ ခုတွင် အီတလီကျောက်ကုန်သည်`ဂစပါရို ဘယ်ဘီ ´သည်ရွှေတိဂုံဘုရား သို့ရောက်ရှိခဲ့ပြီး ရွှေတိဂုံဘုရားကိုအသေးစိတ် မှတ်တမ်းတင်ခဲ့သည်။ သူရေးခဲ့သည်မှာ"ကျွန်ုပ် တွေ့ခဲ့ရသည်မှာအလွန်ခမ်းနားသော ခန်းမကြီးထဲတွင် အလွန့်အလွန်ကြီးမားသော ခေါင်းလောင်းကြီးရှိပြီးအတိုင်းအတာအားဖြင့် ခြောက်လှမ်းနှင့် သုံးဖန်ရှိပြီး အထက်မှ အောက်သို့ စာလုံးတစ်ခုနှင့်တစ်ခုပူးကပ် နေသောစာများအပြည့်ရေးထားပြီး ဖတ်ရမည်ပုံ မပေါ်ပေ။" ၁၅၃၀-ခုတွင် မွန်ဘုရင်များ၏အာဏာစက် ကျဆင်းလာပြီး ၁၅၃၅-ခုတွင် အောက်ပြည်သည် အထက်ပြည်နှင့် ခြားနားသွားသည်။တစ်ချိန်တည်းမှာ ဥရောပကုန်သည်နှင့် စွန့်စားရှာဖွေသူများ အောက်မြန်မာပြည် သို့ ရောက်လာကြသည်။ ၁၅၉၀-ခုနှစ်များတွင် ပေါ်တူဂီလူမျိုး စွန့်စားရှာဖွေသူ`ဖီလစ်ဒီဘရုတ်တိုရနီကုတ် ´အား စီရမ်(သန်လျင်)တွင် ရခိုင်ဘုရင်က ကုန်သွယ်ရုံးဖွင့်ခွင့် ပေးလိုက်သည်။ ၁၆၀၀-ခုတွင်သူ၏သြဇာမှာ မြစ်ကြောင်းတစ်လျှောက် ဘေးပတ်ဝန်းကျင်အပါအဝင် ဒဂုံအထိ ရောက်သည်။ ယူဆောင်ခြင်း ခရစ်သက္ကရာဇ်၁၆၀၈-ခုနှစ်တွင်ပေါ်တူဂီလူမျိုး ဖိလစ်ဒိုဘရစ်တိုသည်ဓမ္မစေတီခေါင်းလောင်းကြီးကို အရည်ကြို၍ အမြောက်သွန်းလုပ်ရန် တောင်ပေါ်မှလှိမ့်ချ၍ မြစ်ကမ်းနားထိ ဆင်များဖြင့်ဆွဲကာပုဇွန်တောင် ရေလက်ကြားတွင် ဖေါင်ပေါ်သို့ တင်ခဲ့သည်။ ဖောင်ဖြင့်သန်လျင်သို့ သယ်ဆောင်ခဲ့သည်။ သို့သော် ပဲခူးမြစ်၊ ရန်ကုန်မြစ်နှင့်ငမိုးရိပ်ချောင်း သုံးသွယ်ဆုံဆည်းရာဒေါပုံမြစ် နေရာတွင် ဖောင်ပျက်ပြီးခေါင်းလောင်းကြီးမှာ ရေအောက်သို့ ကျသွားခဲ့သည်။ဖိလစ်ဒိုဘရစ်တို လည်းရေအောက်သို့ပါသွားခဲ့သည်။ ပေါ်တူဂီတို့လည်း၎င်းကိုခိုးယူခြင်းကြောင့် အထိနာသည်။ပေါ်တူဂီ ဂတ်ရုံးအား ဒေါသထွက်သောဗမာများက တိုက်ခိုက်ခဲ့ပြီး မှတ်တမ်းများအရ ပေါ်တူဂီခေါင်းဆောင်မှာ ဝါးရင်းတုတ်ဖြင့်တစ်ချက်ခြင်း ရိုက်၍ တဖြေးဖြေးခြင်းသေစေသည် ဟုဆိုသည်။ ဒေါပုံမြစ်အကူးတွင် ဖောင်နစ်ပြီး ခေါင်းလောင်းကြီးရေထဲနစ်မြှုပ်သွားသည်မှာ ယနေ့ထက်တိုင်ဖြစ်သည်။ ဓမ္မစေတီခေါင်းလောင်းရေအောက်နစ်မြှုပ်နေသည်မှာနှစ်ပေါင်း (၄၀၀) နီးပါးရှိချေပြီ။ (ဖီလစ် ဒီဘရေဒိုမှာရခိုင်ဘုရင့်တပ်မတော်၏ ကြေးစားစစ်ဗိုလ်တစ်ဦးဖြစ်ပီး ရခိုင်ဘုရင် ထံမှာ့ သန်လျှင်မြို့ကိုစားခွင့်လျှောက်ထား ရယူသူဖြစ်သည်။ သူအင်အားကြီးမားလာသော အခါ ရခိုင်ဘုရင်ကိုပြန်လည်ပုန်ကန်လေသည်။ ထိုအခါ ရခိုင်အိမ်ရှေ့မင်းမင်းခမောင်းကိုယ်တိုင်ဦးစီးသော ရခိုင်ဘုရင့်ရေတပ်မတော်မှာ့ သန်လျှင်ကိုလာရောက်တိုက်ခိုက်လေသည်။ ဖီလစ်ဒီဘရေတိုလည်းသင်္ဘောသုံးစီးဖြင့်ထွက်ပြေးလေသည် ထွက်ပြေးရာလမ်းတွင် ရခိုင်ဘုရင့်ရေတပ်မတော်ကြီးနှင့ ထိပ်တိုက်တိုးလေသည်။ရခိုင်ရေတပ်မတော်ကြီးသည်လည်းသန်လျှင်ကို မရောက်သေးသောကြောင့်ပေါ့ပေါ့လျှော့ေ လျှာ့နှင့် ချီတက်လာသည့်အပြင် တပ်ဦးတွင် ရခိုင်အိမ်ရှေ့မင်းမင်းခမောင်းကိုယ်တိုင်ချီတက်လာရာရခိုင်မင်းသားသည်ပေါ်တူဂီ တို့၏ဖမ်းစီးခြင်းကိုခံရလေသည်။ ဖီလစ်ဒီဘရေတိုက မိမိကိုယ့် ပြည်ထောင်ဘက်မင်းအဖြစ်သတ်မှတ်ပါက အိမ်ရှေ့မင်းကို ပြန်လည်လွတ်ပေးမည်ဟု အရေးဆိုသော် ကြောင့် ရခိုင်ဘုရင် သည်လည်း မိမိသားတော်အသက်မသေရေးအတွက် ပြည်ထောင်ဘက်မင်းအဖြစ်သတ်မှတ်လိုက်ရသည်။ ထိုနောက်တွင်ကား ဖီလစ်ဒီဘရေတိုသည်သန်လျှင်တွင် ထင်တိုင်းကျဲလေတော့သည်။ နောင်တွင် အနောက်ဖက်လွန်မင်းက ကြီးမားသော တပ်မတော်ကြီးနှင့်သန်လျှင်ကို လာရောက်တိုက်ခိုင်လေသည်။ ဖီလစ်ဒီဘရေတိုသည်၊တောင်ငူဘုရင် နတ်သျှင်နောင်နှင့်အတူအဖမ်းခံရပီး အနောက်ဖက်လွန်မင်းက တရားရုံးတင် စစ်ဆေးပီး သန်လျှင်မြို့ သူ့၏ အိမ်ရှေ့တွင်ပင် တံကြင်လျှိုသတ်ခံခဲ့ရသည်။သန်လျှင်တွင် ယခုတိုင်ဖီလစ် ဒီဘရေဒို၏အုတ်ဂူရှိသေးသည် ။( တချို့သောအကြောင်းအရာများ မှားကောင်းမှားနိူင်သည် သို့သော် သေချာသည် များကား ဖီလစ်ဒီဘရေဒိုသည်ခေါင်းလောင်းကြီးနှင့်အတူနစ်မြုပ်သွားခြင်းမဟုတ်ပေ)) ဆယ်ယူရန် ကြိုးပမ်းမှုများ ရန်ကုန်ရှိသမိုင်းအထောက်အထားများအရ ၁၈၀၀-ခုနှစ်တွင်ခေါင်းလောင်းကြီးကျရာနေရာတွင် ဝဲကတော့ထိုးသည်ဟု ပါသည်မှတပါးဓမ္မစေတီခေါင်းလောင်းကြီးအား ဆယ်ယူမှု မရှိချေ။ယခုခေတ် လူကြီးများပင် ၄င်းဝဲကတော့ကို မျက်မြင်ကိုယ်တွေ့ရှိသည်ဟု ဆိုကြသည်။မြစ်မှာမနက်ပေ။ပေ-၄၀ သာရှိပြီး ရေအောက်ရွှံညွှန်များမှာ နောက်ထပ် ပေ-၄၀ လောက် ရှိမည်ဖြစ်ပြီး၎င်းရွှံညွှန်များထဲတွင် ခေါင်းလောင်း ရှိပေမည်။ ဘိုးတော်ဘုရားခေါင်းလောင်း (ခေါ်) ခေါင်းလောင်းအသေးသည်လည်း ဗြိတိသျှ သိုက်သမား (British Prize Agent) များက ၁၈၂၆-ခုတွင် ရွှေတိဂုံစေတီတော်မှချကာ မြစ်ထဲကျခဲ့ပြန်သည်။သို့သော် ဗြိတိသျှတို့ စွန့်လွှက်ခဲ့သော်၎င်းခေါင်းလောင်းအား ရွာသားများက ဆယ်ယူခဲ့ပြီး စေတီတော်ထက် သို့ပြန်ပို့ခဲ့သည်။ ဗြိတိသျှ တို့ ကြိုးပမ်းမှု ဗြိတိသျှတို့ ဓမ္မစေတီခေါင်းလောင်းကြီးအား ဆယ်ယူရန် အကြိမ်ကြိမ် ကြိုးစားသော်လည်းမအောင်မြင်ခဲ့ပေ။မြန်မာတို့က ခေါင်းလောင်းကြီးအား မူလတည်ရှိရာ ရွှေတိဂုံစေတီတော်သို့ပြန်ပို့လျှင် ကူညီမည်ဟု ဆိုသဖြင့်ဗြိတိသျှတို့လည်းမစဉ်းစားပဲ ခေါင်းညှိပ်ခဲ့သည်။ မြန်မာတို့တွင် ဉာဏ်နီဉာဏ်နက်ရှိသည်။ရေငုတ်သမားများက ခေါင်းလောင်း၏ အောက်တွင် ဝါးလုံးခေါင်းများ တစ်လုံးခြင်းသယ်ယူထဲ့ပြီး စုပေါင်းတွဲချည်ကာ ရေပေါ်ပေါ်စေမည်။ ၄င်းကြိုးစားချက်သည် ထိုအချိန်က မြန်မာတို့အမျိုးသားရေး ရစေခဲ့သည်။ မြန်မာအစိုးရ ကြိုးပမ်းမှု ဓမ္မစေတီခေါင်းလောင်းကြီးကို ရှာဖွေရန် စတင်လှုံ့ဆော်သူမှာသမိုင်းပညာရှင်ဒေါက်တာ ဒေါ်ရီရီ ဖြစ်ပါသည်။ မြန်မာအစိုးရသည် အင်္ဂလိပ် ရေငုတ်၊ ဇီဝ၊ ရှေးဟောင်းနှင့် စွမ်းအင် ပညာရှင် မိုက်ဟက်ခြာ (Mike Hatcher)အား ခေါင်းလောင်းကြီးအား ဖော်ယူ၍ စေတီတော်သို့ပြန်လည်ပို့ဆောင်ရန် အကူအညီ ရယူခဲ့ပါသည်။ ဂျပန်၊ သြစတြေးလျနှင့် အမေရိကန် တို့ပါဝင်သော ၄င်းလုပ်ငန်းကိုဟက်ခြာက သဘောတူခဲ့ပါသည်။ဗုဒ္ဓသာသနာ ထွန်းကားရေး အကျိုးဆောင်ရစ်ချတ်ဂရီက အားတက်သရောပါဝင်၍ ရံပုံငွေရှာခဲ့သည်။ ၄င်းလုပ်ငန်းကိုအပြည်ပြည်ဆိုင်ရာအဆင့်ထိ စိတ်ဝင်စားစေသည်မှာသံသယရှိစရာမလိုပါ။ ဂျာမန်ရုပ်ရှင်ကုမ္ပဏီတစ်ခုကလည်း ၄င်းစွင့်စားခန်းကို ရုပ်ရှင်ရိုက်ကူးမည်ဖြစ်ပြီး "ဒီတူးဖေါ်ရေးသာအောင်မြင်ခဲ့လျှင် ဗုဒ္ဓဘာသာနဲ့ပတ်သက်၍ ဒါဟာခရစ်ယာန်မှာ လိုတရခွက် (Holy Grail) ရသလိုပါပဲ"ဟု ဆိုခဲ့သည်။ ဘာသာရေး ကိုင်းရှိုင်းသောမြန်မာတို့ကမူ ဗုဒ္ဓ၏ မြင့်မြတ်သော် အမွေကို ပြန်လည်ထိန်းသိမ်းခြင်းဖြင့် မြန်မာနိုင်ငံ၏ ကံပြန်လည်ကောင်းမွန် လာလိမ့်မည်ဟုယုံကြည်ကြသည်။ဓမ္မစေတီ ခေါင်းလောင်းကြီးအား ဆယ်ယူခြင်းသည် မြင့်မြတ်သောမင်းနှင့် သူ၏ပြည်သူပြည်သားများ၏ ဆုံးရှုံးနေသောအမွေကို ပြန်လည်ရရှိကြမှာသေချာပါသည်။ထို့ပြင် ၄င်းခေါင်းလောင်းကြီးတွင်ရေးထိုးထားသော ခေါင်းလောင်းစာများက သမိုင်းနှင့် ဘာသာစကားပညာရှင် တို့အတွက် အဖိုးမဖြတ်နိုင်သောအထောက်အထားပင် ဖြစ်ပေမည်။ ၁၉၉၇-ခုနှစ်၊ စက်တင်ဘာ (၂၉)ရက်နေ့တွင် ဓမ္မစေတီမင်းခေါင်းလောင်းတော ရှာဖွေဆယ်ယူရေးလုပ်ငန်းညှိနှိုင်းအစည်းအ ဝေးပွဲကိုရန်ကုန်မြို့၊ မြို့တော်ခန်းမရ ရန်ကုန်မြို့တော်စည်ပင်သာယာရေး ကော်မတီ အစည်းအဝေးခန်းမ(၄)၌ ကျင်းပခဲ့သည်။[2] ၄င်းလုပ်ငန်းကိုကန့်ကွက်သူ မရှိဘူးတော့ မဟုတ်ချေ။အချို့သောဒီမိုကရေစီလိုလားသူများက ၄င်းဆယ်ယူမှုသည်မြန်မာနိုင်ငံ၏ စစ်အစိုးရအား အားပေးအားမြှောက်ပြုရာ ရောက်သည်ဟုဆိုသည်။ ယခုခေတ်ကိုကျော် ပြီးနောင် ဒီမိုကရေစီအစိုးရ ဖြစ်မှ ထိုလုပ်ငန်းကို စသင့်သည်ဟုဆိုသည်။ မိုက်ဟက်ခြာနှင့်၎င်း၏အဖွဲ့များက ဓမ္မစေတီခေါင်းလောင်းကြီးအား ဆယ်ယူခြင်း လုပ်ငန်းကို ၂၀၀၁-ခုနှစ်တွင် စရန်ရည်ရွယ်ခဲ့ပြီး ခေါင်းလောင်းကြီး၏ နေရာကို အတိအကျ စရှာရန် သတ်မှတ်ခဲ့သည်။ ဘီဘီစီ၏ သတင်းကြေငြာချက်ကြောင့် လူအများ ၄င်းဆယ်ယူခြင်းလုပ်ငန်းကိုစိတ်ဝင်စားခဲ့သောလည်း မဖြစ်မြောက်ခဲ့ပေ။ထင်ဆချက်အရ ၂၀၀၀-ခုနှစ်၊ ဇွန်လတွင်၎င်းအဖွဲ့သည် အင်ဒိုနီးရှားဆယ်ယူရေးပြဿနာကြောင့် ကြံ့ကြာခဲ့ခြင်းဖြစ်ဟန်တူသည်။ ထိုဆယ်ယူခြင်းလုပ်ငန်းသာစခဲ့လျှင် ရေငုတ်သမားများသည် ညကြည့်မှန် တက်ထားသောခေါင်းစွက်များဖြင့် အတူ copper sulphate ရှာဖွေရေး ကိရိယာများဖြင့် ခေါင်းလောင်းကို ရှာမည်ဖြစ်သည်။ ဦးစံလင်း၏ ကြိုးပမ်းမှု ဓမ္မစေတီခေါင်းလောင်းကြီးအား စေတနာရှင် ဦးစံလင်းကမြန်မာ့နည်း၊မြန်မာ့ဟန်ဖြင့် ပြန်လည်ဆယ်ယူကာခေါင်းလောင်းကြီး၏ မူလနေရာရွှေတိဂုံကုန်းတော်မြတ်ပေါ်သို့ အမြန်ဆုံးပြန်လည်တင်လှူနိုင်ရန် သက်ဆိုင်ရာသို့ခွင့်ပြုချက် တောင်းခံလျှက်ရှိသည်။ဦးစံလင်းသည် ၄င်း၏ ကိုယ်ပိုင်ငွေဖြင့် ၁၉၉၇-ခုနှစ်တွင်တစ်ကြိမ်၊၁၉၉၈-ခုနှစ်တွင် နှစ်ကြိမ်၊ ၁၉၉၉-ခုနှစ်တွင်တစ်ကြိမ်၊စုစုပေါင်း လေးကြိမ်တိတိဆယ်ယူရေးအတွက် ဆောင်ရွက်ခဲ့ဖူးသည်။ဦးစံလင်းသည် ရေငုတ်ကျွမ်းကျင်သူတစ်ဦးဖြစ်ပြီး ခေါင်းလောင်းကြီးရှိသည့်နေရာကို ကိုယ်တိုင်ရေငုတ်၍ရှာဖွေခဲ့ဖူးသူ တပ်မတော်(ရေ) အငြိမ်းစားဝန်ထမ်းတစ်ဦး ဖြစ်သည်။ ဦးစံလင်း၏ အဆိုအရ ခေါင်းလောင်းကြီးသည် ပုဇွန်တောင်ချောင်းဝရှိရေအောက်မြေအောက် (၅၂)ပေတွင် နစ်မြုပ်လျှက်ရှိနေပြီး ခေါင်းလောင်းကြီးနှင့် အတူ *ပေါ်တူဂီ သင်္ဘောပျက် နှစ်စီး၊ *အခြားခေါင်းလောင်းတစ်လုံး၊ *ဥာဏ်တော် ခုနှစ်တောင်စီရှ ရွှေသားအစစ်ရပ်တော်မူဗုဒရုပ်ပွားတော် နှစ်ဆူ *ကျောက်သံ ပတ္တမြားများပါသည့်သေတ္တာ (၁၁)လုံးယနေ့ထက်တိုင်ရှိနေသည်ဟုဆို၏။ ဦးစံလင်း၏ သဘောထား မြန်မာ့နည်း၊မြန်မာ့ဟန်၊မြန်မာ့အဆင့်မြင နည်းပညာဖြင့်ပြန်လည်ဆယ်ယူကာ ရွှေတိဂုံကုန်းတော်မြတ်ပေါ်သို့အမြန်ဆုံး ပြန်လည်တင်လှူနိုင်ရန်၊တိုင်းပြည်နှင့် လူမျိုးဘာသာ၊ သာသနာအတွက် စေတနာ အရင်းခံ၍ဲဆောင်ရွက်မည်ဖြစ်သည်။ နိုင်ငံတော်မှစက်ယန္တရားပံ့ပိုးမှုလိုအပ်ကာ သောင်တူးစက်(သို့) ရေယာဉ်တစ်စီးအဓိက လိုအပ်ပါသည်။၂၀၁၁-ခုနှစ်အတွင်း အပြီးဆောင်ရွက်ရန် ရာထားပါသည်။ အခုနှစ်မိုးရာသီတွင် လုပ်ငန်းဆောင်ရွက်မှာ ဖြစ်ပြီးမိုးတွင်းတွင်ချောင်းထဲသို့ ရေငုတ်ဆင်းရသည်မှာရေအောက်ခြေရှိ ကြမ်းပြင်သည် သမံသလင်းလိုပြောင်ရှင်းနေ၍ ဖြစ်သည်၊နွေရာသီတွင်နှုန်းမြေများ ထူထပ်နေ၍ အဆင်မပြေနိုင်ဟု ဆိုသည်။ မြန်မာတက်ကနစ်ဖိုရမ်မှ ဗဟုသုတအဖြစ်သာမျှဝေပါသည်။ လေစားစွာဖြင့် .... မောင်မြင့် နိုင်လင်းထွန် http://feeds.feedburner.com/thithtoolwin/yIWV

ဒေါ်စု အဆိုနှင့် မေးခွန်းများတွင် ဝင်ရောက်ဆွေးနွေးမည် Posted: 12 Jul 2012 09:45 PM PDT ဓါတ်ပုံ - National League for Democracy  ကျင်းပဆဲ စတုတ္တအကြိမ် ပြည်သူ့လွှတ်တော် ပုံမှန်အစည်းအဝေးတွင် အမျိုးသား ဒီမိုကရေစီ အဖွဲ့ချုပ် NLD ဥက္ကဋ္ဌ ဒေါ်အောင်ဆန်းစုကြည်မှ အဆိုနှင့် မေးခွန်းများတွင် ဝင်ရောက်ဆွေးနွေး ရန်ရှိသည်ဟု NLD ပြောခွင့်ရနှင့် ပြည်သူ့လွှတ်တော်အမတ် ဦးအုန်းကြိုင်က မဇ္ဈိမကို ပြောသည်။ "အခု လွှတ်တော်အစည်းအဝေးမှာ ဒေါ်အောင်ဆန်းစုကြည် ၀င်ဆွေးနွေးဖို့ အစီအစဉ်ရှိပါတယ်။ ဒါပေမယ့် ဘာတွေ ၀င်ဆွေးနွေးမယ်ဆိုတာတော့ ကျနော်တို့ပြောလို့မရပါဘူး။" ဟု ဦးအုန်းကြိုင်က ပြောသည်။ လွှတ်တော်တွင်း ဆွေးနွေးခြင်း မရှိသေးသည့် အဆိုနှင့် မေးခွန်းများကို မီဒီယာများသို့ ထုတ်ဖော်ပြောဆိုခြင်း မပြုရန် ကန့်သတ် ထားသည်ဟုလည်း ဦးအုန်းကြိုင်က ဆိုသည်။ NLD အနေဖြင့် လတ်တလောအခြေအနေတွင် အဆို ၃ ခု တင်သွင်းရန်ရှိပြီး၊ မေးခွန်း ၅ ခု မေးမြန်းရန် ပြင်ဆင်ထား ပြီးဖြစ်သည်ဟုလည်း ဦးအုန်းကြိုင်က မဇ္ဈိမကိုပြောသည်။ NLD သည် ဇူလိုင်လ ၃ရက်နေ့တွင် လွှတ်တော်လုပ်ငန်းဆိုင်ရာ ကော်မတီတရပ်ကို ဖွဲ့စည်းခဲ့ပြီး ကော်မတီ ဥက္ကဋ္ဌ အဖြစ် ဒေါ်အောင်ဆန်းစုကြည်၊ အတွင်းရေးမှူးအဖြစ် ဦးဝင်းမြင့်တို့ဖြင့် အဖွဲ့ဝင် ၇ ဦး ပါဝင် ဖွဲ့စည်းခဲ့သည်။ အဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်၏ လွှတ်တော်ဆိုင်ရာအရာရှိအဖြစ် ပုဗ္ဗသီရိမဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးဇေယျာသော်ကို ဇူလိုင် ၃ရက်နေ့တွင် တာဝန်ပေးခန့်အပ်ခဲ့သည်။ ဇူလိုင်လ ၄ရက်နေ့တွင် စတင်ကျင်းပခဲ့သည့် စတုတ္တအကြိမ် ပုံမှန်လွှတ်တော်အစည်းအဝေးတွင် အဖွဲ့ချုပ်မှ လွှတ်တော် ကိုယ်စားလှယ်များသည် တခြားသောလွှတ်တော်ကိုယ်စားလှယ်များ၏ အဆိုများ၊ မေးခွန်းများတွင် ပါဝင်ဆွေးနွေးခဲ့ ကြသည်။ ဝေစန္ဒာ ရန်ကုန် (မဇ္ဈိမ) http://feeds.feedburner.com/thithtoolwin/yIWV

ကော်မရှင်ဖွဲ့၍ ဆန္ဒပြ အကြောင်းရင်း ဖြေရှင်းရန် အဆိုတင် Posted: 12 Jul 2012 09:40 PM PDT အလုပ်သမားတို့ ဆန္ဒထုတ်ဖေါ်ရသည့် အကြောင်းရင်းများကို လေ့လာ၍ အဖြေရှာနိုင်ရန် စုံစမ်းရေးကော်မရှင်တရပ် ဖွဲ့စည်းသင့်ကြောင်း ပြည်ထောင်စုအစိုးရသို့ တိုက်တွန်းသည့် အဆိုတရပ်ကို ပြည်သူ့ လွှတ်တော် အမတ် ဦးသိန်းညွန့်က ဗုဒ္ဓဟူးနေ့တွင် တင်သွင်းခဲ့သည်။ အလုပ်သမားတဦး၏ လစာ ၆၀၀၀ ကျပ်ရရှိနေချိန်တွင် ဆန်တပြည် ၈၅၀ ဖြစ်နေခြင်း၊ အချိန်ပိုကြေး ၁ နာရီလျှင် ၇၀ ကျပ်သာရရှိခြင်းကြောင့် ကုန်ကျစရိတ် မကာမိခြင်း စသည့် ကုန်ဈေးနှုန်း ကြီးမြင့်သည့် အခြေအနေများကို လွှတ်တော် အတွင်း ဆွေးနွေးမှုတွင် တင်ပြခဲ့သည်ဟု ဦးသိန်းညွှန့်က မဇ္ဈိမကို ပြောသည်။ အလုပ်သမားတို့ ဆန္ဒထုတ်ဖေါ်ရသည့် အကြောင်းရင်းများကို လေ့လာ၍ အဖြေရှာနိုင်ရန် စုံစမ်းရေးကော်မရှင်တရပ် ဖွဲ့စည်းသင့်ကြောင်း ပြည်သူ့ လွှတ်တော် အမတ် ဦးသိန်းညွန့်က ပြည်ထောင်စုအစိုးရသို့ တိုက်တွန်းသည့် အဆိုတရပ်ကို တင်သွင်း (ဓါတ်ပုံ မဇ္ဈိမ) ယခုနှစ်အတွင်း ရန်ကုန်တိုင်းဒေသကြီးအတွင်းရှိ စက်ရုံအလုပ်ရုံများမှ အလုပ်သမားများ၏ ဆန္ဒထုတ်ဖေါ်မှုများကို လည်း ဦးသိန်းညွှန့်က ထောက်ပြဆွေးနွေးခဲ့ပြီး "အခုလိုဖြစ်ရတဲ့ လက်ငင်းအကြောင်းအရင်းနဲ့ အခြေခံ အကြောင်းအရင်းတွေကို ထဲထဲဝင်ဝင်သိဖို့အတွက် စုံစမ်းရေးအဖွဲ့ ဖွဲ့ဖို့လိုတယ်။" ဟု အဆိုတင်သွင်းဖြစ်ပုံကို ဦးသိန်းညွှန့်က ပြောသည်။ ဦးသိန်းညွန့်၏ အဆိုကို ရွာငံမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးအောင်သိန်းက ထောက်ခံဆွေးနွေးခဲ့ သည်။ အဆိုကို လွှတ်တော်က လက်ခံဆွေးနွေးရန် သဘောတူသည့်အတွက် ဆက်လက် ဆွေးနွေးရန် ရှိသည်။ ဆန္ဒထုတ်ဖေါ်မှုများနှင့် ပတ်သက်၍ ပြည်နယ်နှင့် တိုင်း အစိုးရများအနေဖြင့် ဒေသတွင်း အလုပ်ရုံဆွေးနွေးပွဲများ ကျင်းပ၍ ပြည်သူများ၏ အခက်အခဲများကို ဖေါ်ထုတ်ဆွေးနွေး ဖြေရှင်းပေးသည့်နည်းကို သုံးသင့်ကြောင်း ဇွန်လ  ၁၉ ရက်နေ့တွင် ပြုလုပ်သည့် ဖွံ့ဖြိုးတိုးတက်ရေးအတွက် ပြုပြင်ပြောင်းလဲရမည့် လုပ်ငန်းစဉ်များနှင့် ပတ်သက်သည့် ရှင်းလင်းပွဲတွင် သမ္မတ ဦးသိန်းစိန်က လမ်းညွှန်မှာကြားခဲ့သေးသည်။ ဝေစန္ဒာ ရန်ကုန် (မဇ္ဈိမ) http://feeds.feedburner.com/thithtoolwin/yIWV

ဘင်္ဂါလီ ရိုဟင်ဂျာအရေး သမ္မတ တိုက်တွန်းချက် UNHCR မဟာမင်းကြီး ပယ်ချ Posted: 12 Jul 2012 09:00 PM PDT Photo: Myanmar President Office website မြန်မာနိုင်ငံ ရခိုင်ပြည်နယ်အတွင်း တရားမ၀င် ရောက်ရှိနေကြတဲ့ ဘင်္ဂါလီ ရိုဟင်ဂျာတွေကို ကုလသမဂ္ဂ ဒုက္ခသည်များ မဟာမင်းကြီးရုံး UNHCR က တာဝန်ယူ ဆောင်ရွက်ပေးဖို့ သမ္မတ ဦးသိန်းစိန်ရဲ့ တိုက်တွန်းချက်ကို ကုလသမဂ္ဂ ဒုက္ခသည်များ မဟာမင်းကြီး Mr. Antonio Guterres က ပယ်ချလိုက်ပါတယ်။ ၂၀၁၂ ခုနှစ် ဇူလိုင်လ ၁၂ ရက်က သမ္မတ ဦးသိန်းစိန် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး အကြီးအကဲ Antonio Guterres နှင့် တွေ့ဆုံဆွေးနွေးနေစဉ်။ ပြီးခဲ့တဲ့ ဇူလိုင်လ (၁၁) ရက်နေ့က နေပြည်တော်ကို ရောက်ရှိနေတဲ့ UNHCR မဟာမင်းကြီး Mr. Guterres နဲ့အဖွဲ့ကို သမ္မတ ဦးသိန်းစိန်က လက်ခံတွေ့ဆုံခဲ့ရာမှာ လက်ရှိ ရခိုင်ပြည်နယ် အရေးကိစ္စနဲ့ ပတ်သက်ပြီး အလေးအနက်ထား စဉ်းစားနေကြောင်း၊ မိမိတိုင်းရင်းသားများကို တာဝန်ယူမှာ ဖြစ်ပေမဲ့ ခိုးဝင်လာတဲ့ ရိုဟင်ဂျာတွေကို လက်ခံဖို့ မဖြစ်နိုင်ကြောင်း၊ နောက်ဆုံး ဖြေရှင်းတဲ့ နည်းလမ်းအနေနဲ့ ခိုးဝင်လာတဲ့ ရိုဟင်ဂျာတွေကို UNHCR ကို အပ်နှံပြီး ဒုက္ခသည် စခန်းအဖြစ် ထားရှိဖို့၊ UNHCR က ကျွေးမွေး စောင့်ရှောက်ပေးဖို့ ဖြစ်ကြောင်း၊ တတိယနိုင်ငံက လက်ခံမယ်ဆိုရင်လည်း ပို့ပေးမှာ ဖြစ်ကြောင်း သမ္မတ ဦးသိန်းစိန်က UNHCR မဟာမင်းကြီးကို ပြောဆိုခဲ့တယ်လို့ သမ္မတရုံး အင်တာနက် စာမျက်နှာမှာ ဖော်ပြထားပါတယ်။ ဒီကိစ္စနဲ့ ပတ်သက်ပြီး မနေ့က ကျင်းပတဲ့ သတင်းစာရှင်းလင်းပွဲမှာ UNHCR မဟာမင်းကြီး Mr. Guterres က - "ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံးက စီစဉ်ဆောင်ရွက်တဲ့ ပြန်လည်နေရာချထားရေး အစီအစဉ်ဆိုတာက အလွန်ထူးခြားတဲ့ အခြေအနေကြောင့် တိုင်းပြည် တစ်ပြည်ကနေ တခြား တိုင်းပြည်ကို ထွက်ပြေးလာကြသူ ဒုက္ခသည်တွေ အတွက်ဖြစ်ပါတယ်။ မြန်မာပြည် ရိုဟင်ဂျာ ပြဿနာနဲ့ မသက်ဆိုင်ပါဘူး။ မိမိတို့UNHCR အနေနဲ့ ကတော့ ရခိုင်၊ ရိုဟင်ဂျာ မခွဲခြားဘဲ လူသားချင်း စာနာတဲ့ အကူအညီတွေကို ပံ့ပိုး ဆောင်ရွက်သွားဖို့ ဖြစ်ပြီး၊ မိမိတို့ရဲ့ ပြန်လည် နေရာချထားရေး အစီအစဉ်ဆိုတာက တကယ့် ဒုက္ခသည်တွေ အတွက်သာ ဖြစ်ပါတယ်"လို့ သူက သတင်းထောက်တွေကို ဖြေကြားခဲ့ပါတယ်။ RFA Burmese http://feeds.feedburner.com/thithtoolwin/yIWV

ဇူလိုင်လ (၁၂)ရက်နေ့ ထုတ် Hot News Weekly Journal Posted: 12 Jul 2012 08:58 PM PDT ဇူလိုင်လ (၁၂)ရက်နေ့ ထုတ် Hot News Weekly Journal  ဂျာနယ်ဖတ်ရှုရန် ဒီနေရာကို နှိပ်ပါ http://feeds.feedburner.com/thithtoolwin/yIWV

တရား ဥပဒေ ဘာလဲ (နှလုံးမကောင်းသူများ မကြည့်သင့်ပါ) Posted: 12 Jul 2012 08:26 PM PDT ရဲစခန်းမှာ ရဲက စစ်ဆေးစဉ် သေဆုံးသွားသူ ကုလားကြီး ခေါ် မျိုးမြင့်ဆွေ လွန်ခဲ့တဲ့ ဇွန်လကုန်က ရန်ကုန်တိုင်း မရမ်းကုန်း မြို့နယ်မှာ ဖြစ်ပွားတဲ့ လူသတ်မှုနဲ့ပတ်သက်ပြီး မရမ်းကုန်း ရဲစခန်းက လူသတ်မှု မသင်္ကာသူ ဒဂုံမြို့သစ်က မျိုးမြင့်ဆွေ ခေါ် ကုလားကြီးဆိုသူကို ဖမ်းဆီး စစ်ဆေးစဉ်မှာဘဲ မျိုးမြင့်ဆွေဟာ ရဲတွေရဲ့ ရိုက်နှက်တဲ့ ဒဏ်ရာတွေနဲ့ သေဆုံးသွားပါတယ်။ ဇွန်လ ၂၈ ရက်နေ့က အသက် ၁၉ နှစ် အရွယ် ပန်းရောင်းသူ မပိုးပိုးမွန် ဟာ သူ့နေအိမ် အခန်းတခုထဲမှာ ဒဏ်ရာတွေနဲ့ သေဆုံးနေခဲ့တာပါ။ ဒီကိစ္စနဲ့ပတ်သက်ပြီး လူသတ်တရားခံလို့ ယူဆသူကို ရဲက စစ်ဆေးရင်း လက်လွန်သွားတဲ့ သဘော လည်းဖြစ်ပါတယ်။ တရားရုံး မတင်ရသေးခင် ရဲစခန်းက ရဲတွေက ထုံးစံအတိုင်း တရားခံတယောက်ကို အတင်းရိုက်နှက် စစ်ဆေးလေ့ရှိတာ မြန်မာနိုင်ငံမှာ အထူးအဆန်းလည်း မဟုတ်တော့ပါ။ ဒါပေမယ့် အခုတော့ ရဲစစ်ဆေးစဉ်မှာဘဲ လူတဦး အသက်ဆုံးရှုံးသွားရပြန်ပြီ။ ဒီလို သေဆုံးသွားမှုနဲ့ပတ်သက်ပြီး သေဆုံးသူရဲ့ မိသားစုဝင်တွေထဲက အကိုတော်စပ်သူ ရန်ကုန်တိုင်း၊ သင်္ဃန်းကျွန်းမြို့ နယ်၊ အမှတ်-၁၄၀၊ ၉ လမ်း၊ ငမိုးရိပ်ရပ်ကွက်နေ ဦးစိုးလင်းကလည်း ညီဖြစ် သူ သေဆုံးရမှုနဲ့ပတ်သက်ပြီး မရိုးသားတဲ့ သေဆုံးမှုလို့ ပြောလာပါတယ်။ “မောင်မျိုးမြင့်ဆွေ ခေါ် ကုလားကြီးကို အခု ဇူလိုင်လ ၅ ရက်နေ့ ညနေ ၅ နာရီခွဲလောက်က ဖမ်းခေါ်သွားပါ တယ်။ ကုလားကြီးရဲ့ မိခင်၊ ကျနော့် အဒေါ်အရင်းဖြစ်တဲ့ ဒေါ်စိန်စိန်ကို လည်း နောက်တနေ့ ၆ ရက်နေ့ နေ့ခင်းမှာ ထပ်ပြီး လာခေါ်သွားတယ်။ ပြီးတော့ ကျနော့်ကိုလည်း အဲဒီနေ့ ည ၈ နာရီခွဲလောက်ကို ကျနော့်နေ တဲ့ တောင်ဥက္ကလာပ အိမ်က နေ လာခေါ်သွားတယ်” လို့ ဦးစိုးလင်းက ဆိုပါတယ်။ ဒါနဲ့ ရဲစစ်ရင်းသေဆုံးသွားသူနဲ့ အတူ မိခင်နဲ့ အကိုဖြစ်သူ ဦးစိုးလင်းတို့ ၃ ဦးကို မရမ်းကုန်းရဲစခန်း၊ ဘုရင့်နောင် ရဲစခန်းတို့ မှာ လူခွဲစစ်ပြီး မရမ်းကုန်း ရဲစခန်းမှာ ၂ ည အိပ် ထိမ်းသိမ်းခဲ့ပါတယ်လို့ သူက ဆက်ပြောပါတယ်။ “ဇူလိုင်လ ၈ ရက်နေ့ မနက် ၁၀ နာရီခန့်မှာ ကျွန်တော်နဲ့ ကျနော့် အဒေါ် ကုလားကြီးအမေ ဒေါ်စိန်စိန်တို့ကို ရဲစခန်း အပေါ်ထပ်ကို ခေါ်သွားပြီး မောင်မျိုးမြင့်ဆွေ (ခ) ကုလားကြီးဟာ သူတို့ အမှု စစ်ဆေးနေတုန်း တက်တဲ့ ရောဂါကြောင့် သေဆုံးသွားပြီဆိုပြီး သင်္ဂြိုလ်စရိတ် ၅ သိန်းကို စေတနာနှင့် ကူညီတယ် ပြောပြီး ကျနော့်အဒေါ်ကို အတင်းလက်မှတ် ထိုးခိုင်းလို့ သူက ကြောက်ပြီး လက်မှတ်ရေးထိုးခဲ့ရတယ်” လို့ ဦးစိုးလင်းက ဆိုပါတယ်။ ပြီးတော့ သူတို့ကို ရဲ့စခန်းက ပြန်လွှတ်ပေးလိုက်ပြီး အိမ်ပြန်လာကြတော့ သေဆုံးသူ အသုဘ ချရေးအတွက် ဇူလိုင် ၁၀ ရက်နေ့ ချဖို့နဲ့ အမျိုးတွေ ကြည့်ဖို့ ဆိုင်းငံ့ပေးဖို့ ပြောတာကို ဘုရင့်နောင်ရဲကင်း ဒုရဲအုပ် ဇော်ဝင်းအောင်ဆီ အကြောင်းကြား ဖို့ ပြောလာလို့ ပြောပေမယ့် မရဘဲ ၉ ရက်နေ့မှာ ချက်ချင်း အသုဘချဖို့လုပ်ကြတယ်လို့ သူက ဆက်ပြောပါတယ်။ အသုဘ ကိစ္စမှာ အသက် ၇၆ နှစ်ရှိပြီဖြစ်တဲ့ သေဆုံးသူရဲ့ မိခင် ဒေါ်စိန်စိန်ဟာလည်း ရဲက ညည်းပမ်းနှိပ်စက် စစ်ဆေးတဲ့ ဒဏ်ကြောင့် အောက်ပိုင်းချိနေပြီး စိတ်လည်း အလွန်ထိခိုက်နေတယ်လို့ သိရပါတယ်။ သေဆုံးသူရဲ့ အလောင်းကို မြင်ရတဲ့ အခါ ရဲက ဘယ်လောက်နှိပ်စက်ခဲ့တယ်ဆိုတာနဲ့ ဆေးရုံ တာဝန်ရှိ သူတွေ ဖြစ်တဲ့ ဒေါက်တာနုနုငယ်ထွေး၊ အထက်တန်း သူနာပြု ဒေါ်ချိုချိုကျော် (အင်းစိန်ဆေးရုံ)၊ ဘုရင့်နောင် ရဲတပ်ဖွဲ့စခန်း စခန်းမှူး ရဲအုပ်ငွေစိုး၊ မရမ်းကုန်းမြို့နယ် ရဲတပ်ဖွဲ့မှူး ဒု-ရဲမှူးကျော်ဝင်း၊ အနောက်ပိုင်း ခရိုင်ရဲတပ်ဖွဲ့မှူး ဒု-ရဲမှူးကြီး မျိုးအောင်တို့နှင့်လည်း သူက လိုက်လံ တွေ့ဆုံခဲ့ပြီးဖြစ်တယ် လို့ လည်း သိရပါတယ်။ “တာဝန်အရ စစ်ဆေးတာမှာ လွန်ကဲတဲ့ အပြုအမှုတွေကြောင့် ကျနော့်ညီ သေဆုံးခဲ့ရတဲ့ကိစ္စမှာ ကျူးလွန်သူတွေ ကို တရားဥပဒေအရ အရေးပေးဖို့ပါ” လို့ ဦးစိုးလင်းက ဆိုပါတယ်။  နှိပ်စက်ခံထားရတဲ့ ဒဏ်ရာများနဲ့ ရဲစခန်းမှာ စစ်ဆေးရင်း သေဆုံးသူရဲ့ ရုပ်အလောင်း ဓာတ်ပုံများ ( မှတ်ချက်- နှလုံးမကောင်းသူများ မကြည့်သင့်၍ များစွာသော ဓာတ်ပုံများ မတင်ပြတောပါ ) http://feeds.feedburner.com/thithtoolwin/yIWV

အနှိပ်ခန်းအား တိုင်ကြားသော်လည်း ဖမ်းဆီးအရေးယူ ဖယ်ရှားခြင်းမရှိ Posted: 12 Jul 2012 08:15 PM PDT မော်လမြိုင်မြို့၊ မြိုင်သာယာရပ်ကွက်၊ ရှင်စောပုလမ်းတွင် ဖွင့်လှစ်နေသော အနှိပ်ခန်းအားတိုင်ကြားသော်လည်း ဖမ်းဆီးအရေးယူဖယ်ရှားခြင်းမရှိ           မော်လမြိုင်မြို့၊ မြိုင်သာယာရပ်ကွက်၊ ရှင်စောပုလမ်း၊ အမှတ်(၄၇)တွင် တက်နေ၀န်း ထမင်းဆိုင် အမည်ခံဗန်းပြ၍ မ၀င်းဆိုသူမှ ဖွင့်လှစ်လုပ်ကိုင်နေသော ပါရာဒိုက်စ် အမည်ရှိ အနှိပ်ခန်းအား ရပ်ကွက်အတွင်း လမ်းအတွင်းရှိ ရိုးသားသောလူငယ်များအားပျက်စီးစေခြင်း၊ ရိုးသားသောသမီးပျိုလေးများ ဤလမ်းအတွင်းနေထိုင်ပါသည်ဟု ပြောမထွက်နိုင်လောက်အောင် အရှက်ရစေခြင်း၊ ညအချိန်မတော် လာရောက်ပျော်ပါးကြသူတို့၏ ဆိုင်ကယ်သံများကြောင့် လမ်းသူလမ်းသားများ အနှောင့်အယှက်ဖြစ်စေခြင်း များကြောင့် အောက်ဖေါ်ပြပါ လမ်းသူလမ်းသားများမှ စုပေါင်း၍ ၂၃-၅-၂၀၁၂ ရက်နေ့တွင် ၁။ မွန်ပြည်နယ် ပြည်နယ်ရဲတပ်ဖွဲ့ ၂။ မော်လမြိုင် ခရိုင်ရဲတပ်ဖွဲ့ ၃။ မော်လမြိုင်မြို့နယ် ရဲတပ်ဖွဲ့ ၄။ မြိုင်သာယာရပ်ကွက် ရဲတပ်ဖွဲ့စခန်း များသို့ အရေးယူဖယ်ရှားပေးပါရန် တိုင်ကြားစာများ အကြောင်းကြားပေးပို့ တိုင်တန်းခဲ့ပါသည်။ စုပေါင်းတိုင်ကြားခဲ့သော လမ်းသူလမ်းသားများမှာ ၁။       ဦးဝဏ္ဏထွန်း              ၁၀/မလမ(နိုင်) ၀၁၄၁၉၅ အမှတ်(၃၉)၊ ရှင်စောပုလမ်း၊ မြိုင်သာယာရပ်ကွက်။ ၂။       ဦးအောင်ခင်ဦး          ၁၀/မလမ(နိုင်) ၁၃၂၇၉၀           အမှတ်(၄၃)၊ ရှင်စောပုလမ်း၊ မြိုင်သာယာရပ်ကွက်။ ၃။       ဦးလှမောင်               ၁၀/မလမ(နိုင်) ၁၂၀၄၄၂           အမှတ်(၁၀)၊ ရှင်စောပုလမ်း၊ မြိုင်သာယာရပ်ကွက်။ ၄။       ဦးကျော်လင်း            ၁၀/ကဒန(နိုင်) ၀၀၃၉၀၀           အမှတ်(၁၉)၊ ရှင်စောပုလမ်း၊ မြိုင်သာယာရပ်ကွက်။ ၅။       ဦးထိုက်စိုးလတ်          ၁၀/မလမ(နိုင်) ၀၀၂၁၁၁           အမှတ်(၂)၊ ရှင်စောပုလမ်း၊ မြိုင်သာယာရပ်ကွက်။ ၆။       ဒေါ်နန်းထွန်းလွင်        ၁၀/ကမရ(နိုင်) ၀၇၄၆၆၃           အမှတ်(၁၃)၊ ရှင်စောပုလမ်း၊ မြိုင်သာယာရပ်ကွက်။ ၇။       ဒေါ်နန်းခင်အေး         ၁၀/ကမရ(နိုင်) ၀၅၁၅၅၈           အမှတ်(၂၃)၊ ရှင်စောပုလမ်း၊ မြိုင်သာယာရပ်ကွက်။ ၈။       ဦးသောင်းဟန်           ၁၀/ရမန(နိုင်) ၀၆၂၈၅၁           အမှတ်(၇)၊ ရှင်စောပုလမ်း၊ မြိုင်သာယာရပ်ကွက်။ ၉။       ဦးခင်မောင်သက်        ၃/ကအန(နိုင်) ၀၂၅၅၀၈           အမှတ်(၂၁)၊ ရှင်စောပုလမ်း၊ မြိုင်သာယာရပ်ကွက်။ ၁၀။     ဒေါ်ရီရီမြင့်                TKGN ၀၀၃၂၂၉           အမှတ်(၅)၊ ရှင်စောပုလမ်း၊ မြိုင်သာယာရပ်ကွက်။ တို့ဖြစ်ကြပါသည်။           ထိုကဲ့သို့ သက်ဆိုင်ရာသို့ အရေးယူဖယ်ရှားပေးပါရန် တိုင်ကြားစာများ အကြောင်းကြားပေးပို့ တိုင်တန်းခဲ့ခြင်းကြောင့် ၂၅-၅-၂၀၁၂ ရက်နေ့တွင် မြိုင်သာယာရပ်ကွက် ရဲတပ်ဖွဲ့စခန်းမှ လည်းကောင်း၊ ၂၇-၅-၂၀၁၂ ရက်နေ့တွင် မော်လမြိုင် ခရိုင်ရဲတပ်ဖွဲ့ မှလည်းကောင်း တိုင်ကြားခဲ့သူများထံသို့သာ လာရောက် စစ်ဆေးခဲ့ပါသည်။           ထိုကဲ့သို့စစ်ဆေးခဲ့ရာတွင်လည်း တိုင်ကြားသူများ၏ ကိုယ်ရေးရာဇ၀င်၊ အနှိပ်ခန်းအား မည်သည့်အတွက်ကြောင့် တိုင်ကြားရပါသလဲ၊ စသည့်အချက်များကို စစ်ဆေးခဲ့ပါသည်။           ထမင်းဆိုင်ဗန်းပြ၍ ဖွင့်လှစ်နေသော အနှိပ်ခန်းမှာ တိုင်ကြားသောနေ့ရက်(၂၃-၅-၂၀၁၂)ရက်နေ့ ညမှ၍ ခေတ္တပိတ်ထားခဲ့ပီး တိုင်ကြားသူများအား သက်ဆိုင်ရာမှ လာရောက်စစ်ဆေးခဲ့ပြီးနောက် ၁-၆-၂၀၁၂ ရက်နေ့မှစ၍ ယနေ့အထိ ဆိုင်းဘုတ်အားဖြုတ်ထားခဲ့ပြီး ဆက်လက်ဖွင့်လှစ်လုပ်ကိုင်နေပါသည်။           တိုင်ကြားခဲ့သောသူများကိုသာ လာရောက်အစစ်ဆေးခဲ့ခြင်းဖြစ်ပီး တရားမ၀င် ထမင်းဆိုင်ဗန်းပြ၍ ဖွင့်လှစ်လုပ်ကိုင်နေသော အနှိပ်ခန်းမှာ တစ်စုံတစ်ရာ စစ်ဆေးမေးမြန်း အရေးယူခဲ့ခြင်းများ မရှိခဲ့ပဲ ယနေ့ထက်တိုင်ဖွင့်လှစ်လုပ်ကိုင်နေပါသည်။           အဆိုပါ မ၀င်းဆိုသူမှာ ရှင်စောပုလမ်းအတွင်းရှိ တက်နေ၀န်း ထမင်းဆိုင် အမည်ခံဗန်းပြ၍ ဖွင့်လှစ်လုပ်ကိုင်နေသော တရားမ၀င်အနှိပ်ခန်းအပါအ၀င် မြိုင်သာယာရပ်ကွက် အတွင်းတွင် တရားမ၀င်အနှိပ်ခန်း လေးခုအထိ ဖွင့်လှစ်လုပ်ကိုင်နေပါသည်။ ထို့အပြင် မွန်ပြည်နယ်၊ ဘုရားသုံးဆူဒေသတွင်လည်း တရားမ၀င်ပြည့်တန်ဆာခန်းများ ဖွင့်လှစ်လုပ်ကိုင်နေပါသည်။ မွန်ပြည်နယ်၊ မော်လမြိုင်မြို့၊ မြိုင်သာယာရပ်ကွက်အတွင်းတွင် ထိုကဲ့သို့တရားမ၀င် ဖွင့်လှစ်လုပ်ကိုင်နေသော အနှိပ်ခန်းများ တိုးတက်များပြားလျှက်ရှိပြီး ဆိုင်အရေအတွက် နှစ်ဆယ်ကျော် သုံးဆယ်နီးပါးခန့်မျှ ရှိနေပါသည်။ ထိုကဲ့သို့ ဖွင့်လှစ်လုပ်ကိုင်နိုင်ရန်အတွက် တစ်ဆိုင်လျှင် တလဆယ်သိန်းကျပ် ပမာဏခန့် သက်ဆိုင်ရာတာဝန်ရှိသူအသီးသီးသို့ ပေးချေရကြောင်း ကြားသိရပါသည်။           ထိုကဲ့သို့ မော်လမြိုင်မြို့တက္ကသိုလ် အနီးတွင် တည်ရှိပြီး၊ တက္ကသိုလ်ကျောင်းသား ကျောင်းသူများ နေထိုင်ရာအဆောင်များ အများဆုံးတည်ရှိသော မြိုင်သာယာရပ်ကွက် အတွင်းတွင်ထိုကဲ့သို့ တရားမ၀င်အနှိပ်ခန်းများဖွင့်လှစ်နေခြင်းကြောင့် ငယ်ရွယ်နုနယ်သော ကျောင်းသား၊ ကျောင်းသူများကို လမ်းမှားသို့ရောက်ရှိစေနိုင်ပါသည်။ သက်ဆိုင်ရာတာဝန်ရှိသူအသီးသီးမှ အခကြေးငွေရယူပြီး တရားမ၀င်အနှိပ်ခန်းများ ဖွင့်လှစ်ခွင့်ပြုထားခြင်း၊ ရပ်ကွက်အတွင်းနေပြည်သူလူထုမှ ဖယ်ရှားပေးပါရန် သက်ဆိုင်ရာသို့ တိုင်ကြားစာများ အကြောင်းကြားပေးပို့တိုင်တန်း ပါသော်လည်း တိုင်ကြားသူများကိုသာ စစ်ဆေးမေးမြန်းခဲ့ပီး တစ်စုံတစ်ရာ အရေးယူဆောင်ရွက်ခဲ့ခြင်း မရှိခဲ့ပါ။           ထို့ကြောင့် မော်လမြိုင်မြို့၊ မြိုင်သာယာရပ်ကွက်အတွင်းရှိတရားမ၀င်အနှိပ်ခန်းများ ပပျောက်စေရေးအတွက် နေပြည်တော်မှ သက်ဆိုင်ရာတာဝန်ရှိသူများမှ လိုအပ်သလို ထိရောက်စွာ အရေးယူဆောင်ရွက်ပေးပါရန် ရိုသေလေးစားစွာ တင်ပြအပ်ပါသည်။ ရှင်စောပုလမ်းသူ လမ်းသားများ http://feeds.feedburner.com/thithtoolwin/yIWV

ဘင်္ဂလားဒေ့ရ်ှအခြေစိုက် အကြမ်းဖက်အဖွဲ့များ Posted: 12 Jul 2012 07:30 PM PDT အကြမ်းဖက်မှုတွေကို ထိထိရောက်ရောက် တိုက်ဖျက်နှိမ်နင်းနိုင်ရေးအတွက် သတင်းအချက်အလက်တွေကို စုံစမ်း ထောက်လှမ်းနိုင်ရေးဟာ အဓိကအကျဆုံး ဖြစ်ပါတယ်။ဒီနေရာမှာ အကြမ်းဖက်မှုတွေ မဖြစ်ပွားမီက ကာကွယ်ထိန်းသိမ်း နိုင်မယ့် နည်းလမ်းတွေနဲ့ ဖြစ်ပွားပြီးနောက်ပိုင်းမှာ အကြမ်းဖက်သမားတွေကို စုံစမ်းဖော်ထုတ် နိုင်မယ့် နည်းလမ်းတွေကို စနစ်တကျ အသုံးပြုနိုင်ဖို့ လိုအပ်ပါတယ်။ ဒါကြောင့်လဲ အကြမ်းဖက်မှုများ ထိရောက်စွာနှိမ်နင်းနိုင်ဖို့အတွက် Terrorist Intelligence Unit တွေကို သက်ဆိုင်ရာနိုင်ငံအသီးသီးမှာ ဖွဲ့စည်းထားကြပါတယ်။ ဒီယူနစ်တွေက Terrorist Intelligence Process တွေကို အသုံးပြုပြီး သတင်းအချက်အလက်များ စုဆောင်းခြင်း၊ သတင်းရယူခြင်း၊ အကြမ်းဖက် သမားဟု သံသယဖြစ်နိုင်ချေ ရှိသူများနှင့် ထောက်ခံအားပေးနေသူများကို ဖော်ထုတ်ခြင်း၊ အကြမ်းဖက်မှုတွင် ပါဝင်ပတ် သက်နေသော အဖွဲ့အစည်းများနှင့် ချိတ်ဆက်အဖွဲ့အစည်းများအား ဖော်ထုတ်ခြင်း၊ ပုဂ္ဂိုလ်ရေးဆက်နွယ်မှု၊ ဘဏ္ဍာရေး ဆက်နွယ်မှု၊ဖြစ်စဉ်ဆက်နွယ်မှု စသည်များကို ဆက်စပ်လေ့လာဆန်းစစ်ခြင်း စတဲ့လုပ်ငန်းစဉ်တွေကို အကောင်အထည် ဖော်ဆောင်ကြပါတယ်။ ဖြစ်ပွားပြီးခဲ့တဲ့ နိုင်ငံအသီးသီးမှ ပြည်တွင်းအကြမ်းဖက်မှုများနဲ့ နိုင်ငံတကာအကြမ်းဖက်မှုများကို လေ့လာဆန်းစစ်ချက် များအရ မည်သည့်အဖွဲ့အစည်းများနဲ့မှ ဆက်စပ်ခြင်းမရှိတဲ့ တကိုယ်တော် အကြမ်းဖက်မှုတွေက နည်းပါးပါတယ်။ အ ကြမ်းဖက်မှုများရဲ့ နောက်ကွယ်မှာ ကြိုးကိုင်ထားတဲ့ (သို့မဟုတ်) ဆက်စပ်နေတဲ့ အဖွဲ့အစည်းတွေ ရှိပါတယ်။ ဒါကြောင့် အကြမ်းဖက်မှုတွေမှာ ပါဝင်ပတ်သက်နေတဲ့ အဖွဲ့အစည်းများ၊ ချိတ်ဆက်အဖွဲ့အစည်းများနဲ့ အားပေးထောက်ခံသော အ ဖွဲ့အစည်းများကို ဖော်ထုတ်နိုင်ဖို့ အလွန်ပဲ အရေးကြီးပါတယ်။ ဒါကြောင့်လဲ ထောက်လှမ်းရေးအဖွဲ့အစည်းများနဲ့ အကြမ်း ဖက်မှုလေ့လာရေးဆိုင်ရာ ကျွမ်းကျင်ပညာရှင်များ လက်တွဲပြီး အကြမ်းဖက်အဖွဲ့အစည်းများနဲ့ ချိတ်ဆက်အဖွဲ့အစည်းများ ကို Link Analysis များ ပြုလုပ်ပြီး ဖော်ထုတ်ထားကြပါတယ်။ ဖော်ထုတ်တွေ့ရှိထားကြတဲ့ အကြမ်းဖက်အဖွဲ့အစည်း အများစုဟာ တရားဥပဒေစိုးမိုးရေး (rule of law) ရဲ့ လက်တံနဲ့ အနည်းငယ် ဝေးကွာလေ့ရှိတဲ့ တောတောင်ထူထပ်သော ဒေသများ၊ သဘာဝအရံ အတားအဆီး များသောဒေသများနဲ့ နယ်စပ်ဒေသများမှာ ခိုအောင်းပြီး အခြေစိုက်စခန်း တည်ထောင်လေ့ရှိကြပါတယ်။ ဒီလိုတည်ထောင်မှုကနေ အိမ်နီးချင်း နိုင်ငံများအပေါ်မှာ spill-over effects များ သက်ရောက်လာလေ့ရှိသလို၊ အိမ်နီးချင်းနိုင်ငံမှ အခြားစစ်သွေးကြွအဖွဲ့အ စည်းတွေနဲ့ ဆက်စပ်လာတာတွေလဲ ရှိပါတယ်။ ဒါကြောင့် အကြမ်းဖက်မှုလေ့လာဆန်းစစ်ချက်တွေမှာ မိမိတို့နိုင်ငံသာ မက နယ်နိမတ်ချင်းထိစပ်နေတဲ့ နိုင်ငံများရဲ့ အကြမ်းဖက်အဖွဲ့အစည်းများ အကြောင်းကိုပါ လေ့လာထားဖို့ လိုအပ်ပါ တယ်။ အခုဒီဆောင်းပါးမှာ ဘင်္ဂလားဒေ့ရ်ှနိုင်ငံအခြေစိုက် အကြမ်းဖက်အဖွဲ့အစည်းများအကြောင်းကို လေ့လာတင်ပြမှာ ဖြစ်ပါတယ်။ (၂ဝဝ၉) ခုနှစ်မှာ ဘင်္ဂလားဒေ့ရ်ှနိုင်ငံအစိုးရကနေ စစ်သွေးကြွအကြမ်းဖက်အဖွဲ့အစည်း ၁၂ ခုရဲ့ အမည်ကို ထုတ်ဖော် ကြေငြာခဲ့ပါတယ်။ ဒီအဖွဲ့အစည်းတွေထဲမှာ ပါဝင်တဲ့ Harkat-ul Jihad Islami (HuJI) Bangladesh, Jamaat-ul Mujahideen Bangladesh (JMB), Shahadat-e-al Haqima (SAH) စတဲ့ အဖွဲ့အစည်းတွေဟာ ယခင်အစိုးရများလက် ထက်ကတည်းက အကြမ်းဖက်အဖွဲ့အစည်းအဖြစ် ထုတ်ဖော် ကြေငြာခံထားရတဲ့ အဖွဲ့အစည်းများ ဖြစ်သလို၊ နိုင်ငံတကာ လုံခြုံရေးနဲ့ ထောက်လှမ်းရေးအဖွဲ့အစည်းများရဲ့ လေ့လာဆန်းစစ်ချက် များမှာ အမည်စာရင်းထည့်သွင်းခံထားရတဲ့ အဖွဲ့ အစည်းတွေလဲ ဖြစ်ပါတယ်။ ဒီအကြမ်းဖက်အဖွဲ့အစည်းတွေနဲ့ ချိတ်ဆက်အဖွဲ့အစည်းများအကြောင်းကို လေ့လာကြည့်ကြ ရအောင်ပါ။ Shahadat-e al Haqima: Shahadat-e al-Hikma (SAH) ဒီအဖွဲ့အစည်းကို ၂ဝဝ၃ ခုနှစ်၊ ဖေဖော်ဝါရီလ (၈) ရက်နေ့မှာ ဖွဲ့စည်းခဲ့ပါတယ်။ အဖွဲ့ရဲ့ခေါင်းဆောင်ကတော့ Kawsar Hossain Siddique ဆိုသူဖြစ်ပါတယ်။ ဒီအုပ်စုက အချက် ၇ ချက်ပါတဲ့ တောင်းဆိုချက်များကို တောင်းဆိုခဲ့ပြီး ၁၉၇၁ ခုနှစ် လွတ်မြောက်ရေးစစ်ပွဲကို အသက်ပြန်သွင်းဖို့ ကြိုးပမ်းခဲ့ပါတယ်။ အစိုးရအာဏာကို အကြမ်းဖက်နည်းလမ်းနဲ့ ရယူ မယ့် ရည်ရွယ်ချက်ကို ထုတ်ပြန်ကြေငြာခဲ့ပါတယ်။ ဒီအဖွဲ့အစည်း ပေါ်ပေါက်လာစမှာပဲ တိုင်းပြည်ရဲ့ တည်ငြိမ်အေးချမ်း ရေးကို ခြိမ်းချောက်လာတာကြောင့် အဲဒီအချိန်က အစိုးရဖြစ်တဲ့ BNP- Jamaat government က အကြမ်းဖက်အဖွဲ့အ စည်းအဖြစ် ကြေငြာခဲ့ပါတယ်။ ထောက်လှမ်းရေး သတင်းအချက်အလက်များအရ ဒီအဖွဲ့မှာ ကွန်မင်ဒိုအင်အား တသောင်းခန့်ရှိပြီး၊ တိုင်းပြည်အနှံ့မှာ ဖြန့်ကျက်ထားတဲ့ တိုက်ခိုက်ရေးသမား နှစ်သောင်းခွဲရှိပါတယ်။ ကမ္ဘာကျော်အကြမ်းဖက် အဖွဲ့အစည်းကြီးဖြစ်တဲ့ Al Qaeda အဖွဲ့နဲ့ ဆက်စပ်မှုတွေ ရှိကြောင်း ထောက်လှမ်းရေးသတင်း အချက် အလက်များမှာ ဖော်ပြထားပါတယ်။ Harkat-ul Jihad al Islami Bangladesh (HuJI-B) ဒီအဖွဲ့အစည်းကတော့ ဘင်္ဂလားဒေ့ရ်ှနိုင်ငံမှာသာကပဲ နိုင်ငံတကာ လုံခြုံရေးလောကမှာပါ နာမည်ကြီးတဲ့ အဖွဲ့အစည်း တခု ဖြစ်ပါတယ်။ ဒီအဖွဲ့ကို အာဖဂန်နစ္စတန်မှာ ဆိုဗီယက်တပ်တွေကို သွားတိုက်ပြီးပြန်လာခဲ့တဲ့ အာဖဂန်နစ္စတန်စစ်ပွဲ ပြန်များက စုဖွဲ့ခဲ့တာ ဖြစ်ပါတယ်။ ဒီအဖွဲ့ဟာ Osama Bin Laden’s International Islamic Force (IIF) ကို အားကျ အတုယူမှုတွေ ရှိခဲ့ပါတယ်။ အဖွဲ့ရဲ့ ခေါင်းဆောင်အမည်ကတော့ Showkat Osman (ခေါ်) Sheikh Faridi ဆိုသူ ဖြစ်ပါ တယ်။ ဒီအဖွဲ့ရဲ့ ရည်မှန်းချက်ကတော့ ဘင်္ဂလားဒေ့ရ်ှနိုင်ငံမှာ အစ္စလာမ်အုပ်ချုပ်ရေးကို အကောင်အထည် ဖော်ဖို့ဖြစ်ပါ တယ်။ အဖွဲ့အစည်းရဲ့ ပစ်မှတ်များကတော့ secularism–liberal ပညာရှင်များ၊ ခေါင်းဆောင်များနဲ့ တိုင်းပြည်ရဲ့ secular image ကို ဖော်ဆောင်ပေးတဲ့ ပွဲလမ်းသဘင်များ (ဥပမာ- Bengali New Year ) စတာတွေ ဖြစ်ပါတယ်။ ဒီအဖွဲ့အစည်းမှာ ကေဒါပေါင်းတသောင်းခွဲခန့်ရှိမယ်လို့ ခန့်မှန်းထားကြပါတယ်။ ကနဦးအနေနဲ့ အဖွဲ့အစည်းရဲ့ ဘဏ္ဍာရေး အသုံးစရိတ်များကို International Islamic Front (IIF) က တာဝန်ယူထောက်ပံ့ပေးခဲ့ပါတယ်။ အဖွဲ့အစည်းရဲ့ လှုပ်ရှား ဒေသကတော့ စစ်တကောင်းကနေ Cox’s Bazaar ကိုဖြတ်ပြီး၊ မြန်မာနိုင်ငံအထိ ပင်လယ်ကမ်းရိုးတန်းဒေသများမှာ ဖြစ် ပါတယ်။ အိန္ဒိယနိုင်ငံမှာလဲ ချိတ်ဆက်ကွန်ယက်ရှိပြီး၊ ၂ဝဝ၆ ခုနှစ် Sankat Mochan temple ဗုံးပေါက်ကွဲမှုနဲ့ ၂ဝဝ၇ ခုနှစ် Hyderabad ဗုံးပေါက်ကွဲမှုတွေမှာ တာဝန်ရှိတဲ့ အဖွဲ့အစည်း ဖြစ်ပါတယ်။ဒီအဖွဲ့အစည်းဟာ ဘင်လာဒင်ဦးဆောင်ပြီး အမေရိကန်ပြည်ထောင်စုအပေါ် စစ်ကြေငြာစဉ်တုန်းက လက်မှတ်ရေးထိုးပါဝင်ခဲ့တဲ့ အဖွဲ့အစည်းလဲ ဖြစ်ပါတယ်။ မြန်မာ နိုင်ငံနဲ့ နီးစပ်နဲ့ စစ်တကောင်းဒေသ တောင်တန်းတွေမှာ ဖွင့်လှစ်ထားတဲ့ ပူးတွဲလွတ်မြောက်ရေးတပ်ဦး (United Liberation Front) စခန်းတွေကို ဒီအဖွဲ့အစည်းကဦးစီးပြီး စီမံခန့်ခွဲတာ ဖြစ်ပါတယ်။ ၂ဝဝ၅ ခုနှစ်၊ အောက်တိုဘာလမှာ ဒီအဖွဲ့အစည်းကို ဘင်္ဂလားဒေ့ရ်ှအစိုးရက အကြမ်းဖက် အဖွဲ့အစည်းကြေငြာခဲ့ပြီး၊ ၂ဝဝ၇ ခုနှစ်မှာ အဖွဲ့ရဲ့ operational commander Mufti Hanan ကို ဖမ်းဆီးနိုင်ခဲ့ပါတယ်။ ၂ဝဝ၂ ခုနှစ်၊ မေလ ၂၁ ရက်နေ့မှာ US State Department က ထုတ်ပြန်တဲ့ စတိတ်မင့်မှာ HuJI-Bကို အကြမ်းဖက်အဖွဲ့အစည်းအဖြစ် သတ်မှတ် ဖော်ပြခဲ့ပါတယ်။ HUJI-B အဖွဲ့အစည်းဟာ Rohingya Solidarity Organization (RSO) နဲ့ ချိတ်ဆက်လှုပ်ရှားမှုတွေ ရှိပါတယ်။ RSO အ ဖွဲ့အစည်းဟာ ၁၉၉၄ ခုနှစ်အတွင်းမှာ မြန်မာနိုင်ငံ၊ ရခိုင်ပြည်နယ်၊ မောင်းတောဒေသအတွင်းကို ထိုးဖောက်စစ်ဆင်ရေး တွေ ပြုလုပ်ခဲ့ဖူးတဲ့ အဖွဲ့ ဖြစ်ပါတယ်။ ၂ဝဝ၂ ခုနှစ်၊ မေလ ၁ဝ ရက်နဲ့ ၁၁ ရက်နေ့မှာ ဘင်္ဂလားဒေ့ရ်ှနိုင်ငံ၊ Ukhia South ဒေသအနီးက စခန်းတခုမှာ ပြုလုပ်ခဲ့တဲ့ Islamic Fundamentalist အဖွဲ့အစည်း ၉ ခုရဲ့ တွေ့ဆုံပွဲမှာ ရိုဟင်ဂျာ အဖွဲ့အ စည်း ကိုယ်စားလှယ်များ ပါဝင်တက်ရောက်ခဲ့ပြီး၊ အစည်းအဝေးကနေ The Bangladesh Islamic Manch ဆိုတဲ့ ညွန့် ပေါင်းအဖွဲ့အစည်းတခုကို ဖွဲ့စည်းခဲ့ကြပါတယ်။ ဇွန်လမှာ အာဖဂန်စစ်ပြန်များက သင်တန်းနည်းပြများအဖြစ် ဆောင်ရွက် ပြီး၊ ညွန့်ပေါင်းအဖွဲ့အစည်း အဖွဲ့ဝင်များကို ဘင်္ဂလားဒေ့ရ်ှတောင်းပိုင်ဒေသ၊ စခန်းနှစ်ခုမှာ စစ်သင်တန်းတွေ ပေးခဲ့ပါ တယ်။ အာဖဂန်စစ်ပွဲတွေမှာ တာလီဘန်တွေဘက်ကနေ ဝင်ရောက်တိုက်ခိုက်ဖို့အတွက် ဒီအဖွဲ့အစည်းတွေကနေ စစ်ကူများ ပေးပို့ခဲ့ရာမှာ HUIJ-B နဲ့ မဟာမိတ်အဖွဲ့များပါဝင်ခဲ့ပါတယ်။ HUIJ-B အဖွဲ့ကို al-Qaeda’s South Asia arm အဖြစ် ကမ္ဘာ့ လုံခြုံရေးလောကမှာ သတ်မှတ်ထားပါတယ်။ HUIJ-B အဖွဲ့ဟာ မဟာမိတ် ရိုဟင်ဂျာအဖွဲ့ဝင်များကို စုဆောင်းပြီး နီပေါ ကနေ ပါကစ္စတန်၊ ပါကစ္စတန်ကနေ အာဖဂန်နစ္စတန်ကို ပို့ဆောင်ပေးခဲ့ကြောင်း ထောက်လှမ်းရေးသတင်းများမှာ ဖော်ပြ ထားကြပါတယ်။ ဒါကြောင့် ၂ဝဝ၅ ခုနှစ်အတွင်းမှာ ဘင်္ဂလားဒေ့ရ်ှအစိုးရက စစ်တကောင်းနယ်က အကြမ်းဖက်စခန်း များကို စီးနင်းအရေးယူမှုတွေ ပြုလုပ်လာခဲ့ပါတယ်။ စစ်ဆင်ရေးတခုမှာတော့ RSO အဖွဲ့က ထိုင်းနယ်စပ်မှတဆင့် တင်သွင်းလာတဲ့ လက်နက်ခဲယမ်းမီးကျောက်များနဲ့ ပေါက် ကွဲစေတတ်သော ပစ္စည်းများထုတ်လုပ်တဲ့ ဓာတုဆေးရည်များကို သိမ်းဆည်းရမိခဲ့ပါတယ်။ ၂ဝဝ၉ ခုနှစ်၊ ဧပြီလ ၃ဝ ရက် နေ့မှာမှာ အမေရိကန်ပြည်ထောင်စုက ထုတ်ပြန်တဲ့ Countries Report on Terrorism- 2008 မှာ HUIJ-B အဖွဲ့အ စည်းဟာ မြန်မာနိုင်ငံအတွင်းမှာ ရိုဟင်ဂျာ (Islamic minority group) ကို ကိုယ်စားပြုလှုပ်ရှားမယ့် operatives များ အား သင်တန်းပေးခြင်းနဲ့ တာဝန်ပေးစေလွှတ်ခြင်းများ ပြုလုပ်ကြောင်း ပါရှိပြီး၊ အဖွဲ့ရဲ့ လှုပ်ရှားဒေသများကို ဘင်္ဂလား ဒေ့ရှ်၊ အိန္ဒိယနဲ့ မြန်မာလို့ ဖော်ပြထားပါတယ်။ Jamaatul Mujahideen Bangladesh (JMB) ဒီအဖွဲ့အစည်းကို ၁၉၉၈ ခုနှစ်မှာ ဖွဲ့စည်းခဲ့တယ်လို့ မှတ်တမ်းများမှာ တွေ့ရပေမယ့် စတင်ဖွဲ့စည်းမှုနဲ့ ပတ်သက်ပြီး အတိ အကျ ရက်တွေကို အငြင်းပွားမှုရှိပါတယ်။ ဒါပေမယ့် အဖွဲ့အစည်းကို တိတိကျကျခြေရာခံမိလာတာကတော့ ၂ဝဝ၂ ခုနှစ်၊ မေလမှာ ကေဒါရှစ်ယောက်ကို ဖမ်းဆီးမိချိန်မှာ ဖြစ်ပါတယ်။ ဒီအဖွဲ့အစည်းက လက်နက်ကိုင်တော်လှန်ရေး ပြုလုပ်ပြီး ဘင်္ဂလားဒေ့ရ်ှနိုင်ငံကို အစ္စလာမ်နိုင်ငံအဖြစ် တည်ထောင်ရန် ဖြစ်ပါတယ်။ ဒီအဖွဲ့အစည်းဟာ ဒီမိုကရေစီကို ဆန့်ကျင်ပြီး၊ ဒီမိုကရေစီဟာ အစ္စလာမ်ဘာသာကို ဆန့်ကျင်တယ်လို့ ယူဆထားကြပါတယ်။ ဒီအဖွဲ့အစည်းဟာ ယဉ်ကျေးမှုရေးရာများ ကိုလဲ ဆန့်ကျင်ပြီး၊ ရိုးရာယဉ်ကျေးမှု ပွဲလမ်းသဘင်များကို တိုက်ခိုက်လေ့ရှိပါတယ်။ ဒီအဖွဲ့အစည်းမှာ အချိန်ပြည့်အဖွဲ့ဝင် တသောင်းခန့်ရှိပြီး၊ အချိန်ပိုင်းအဖွဲ့ဝင် တသိန်းခန့်ရှိတယ်လို့ ထောက်လှမ်းရေးမှတ် တမ်းများမှာ ပါရှိပါတယ်။ အဖွဲ့အစည်းရဲ့ ကေဒါများကို ရွေးချယ်ရာမှာ တက္ကသိုလ်ဆရာများ၊ ဘာသာရေးကျောင်းမှ ကျောင်းသားများကို ဦးစားပေးရွေးလေ့ရှိပါတယ်။ ဘင်္ဂလားဒေ့ရ်ှတောင်ပိုင်းဒေသမှာ အခြေစိုက်လှုပ်ရှားလေ့ရှိပြီး၊ တနိုင် ငံလုံးအနှံ့ ကွန်ယက်များ ဖြန့်ကျက်ထားပါတယ်။ ထောက်လှမ်းရေးသတင်းများအရ မြန်မာနိုင်ငံနဲ့ နီးကပ်တဲ့ စစ်တ ကောင်းနယ်အပါအဝင် ဒေသကိုးခုမှာ operation divisions ကိုးခုခွဲပြီး လှုပ်ရှားပါတယ်။ ၂ဝဝ၅ ခုနှစ်၊ သြဂုတ်လမှာ ဘင်္ဂလားဒေ့ရ်ှနိုင်ငံရဲ့ ခရိုင် ၆၄ ခုအနက် ၆၃ ခုမှာ ဗုံးအလုံး ၅ဝဝ ကို တနာရီအတွင်းပေါက်ကွဲအောင် ချိန်ကိုက်ပြုလုပ်ခဲ့ မှု မှာ တာဝန်ရှိတဲ့ အဖွဲ့အစည်း ဖြစ်ပါတယ်။ ဒီအဖွဲ့အစည်းရဲ့ ဘဏ္ဍာရေးထောက်ပံ့မှုတွေကို ကူဝိတ်နဲ့ ဆော်ဒီအာရေးဗီးယားနိုင်ငံများမှ တဦးချင်း အလှူရှင်များကတ ဆင့် လက်ခံရရှိပြီး၊ အန်ဂျီအိုအမည်ခံထားတဲ့ အဖွဲ့အစည်းများမှတဆင့်လဲ လက်ခံရရှိကြောင်း ဖော်ထုတ်တွေ့ရှိခဲ့ကြပါ တယ်။ ၂ဝဝ၅ ခုနှစ်မှာ ဘင်္ဂလားဒေ့ရှ် အမျိုးသားလုံခြုံရေးထောက်လှမ်းရေးအဖွဲ့နဲ့ စစ်ထောက်လှမ်းရေးက တွဲဖက်ထုတ် ပြန်ခဲ့တဲ့ အစီရင်ခံစာအရ JMB ကို ထောက်ပံ့နေတဲ့ အန်ဂျီအိုအဖွဲ့အစည်း ဆယ်ခုရှိပြီး၊ ဘာသာရေးကျောင်းများ တည် ဆောက်ရေး၊ လူသားချင်းစာနာမှုဖြင့် အကူအညီပေးရေး စတဲ့ အသွင်သဏ္ဌာန်များ ယူထားပါတယ်။ ဘင်္ဂလားဒေ့ရှ် ၂ဝဝ၉ ခုနှစ်မှာ ယူကေနိုင်ငံအခြေစိုက် အန်ဂျီအိုအဖွဲ့အစည်း Green Crescentကနေ ဘင်္ဂလားဒေ့ရ်ှနိုင်ငံမှာ လာရောက် ဖွင့်လှစ်ထားတဲ့ ဘာသာရေးကျောင်းကနေ လက်နက်ခဲယမ်းမီးကျောက်များကို ဘင်္ဂလားဒေ့ရ်ှလုံခြုံရေးအဖွဲ့ဝင်များက ဖမ်းဆီးရမိခဲ့ပါတယ်။ JMB ကို စတင်တည်ထောင်ခဲ့သူက Shaykh Abdur Rahman ဆိုသူ ဖြစ်ပါတယ်။ ၁၉၉၅ ခုနှစ်မှာ ရိုဟင်ဂျာလက်နက် ကိုင်အဖွဲ့အစည်းနှစ်ခုကို သင်တန်းပေးဖို့ အာရပ်သင်တန်းဆရာနှစ်ယောက် ဘင်္ဂလားဒေ့ရ်ှကို ရောက်ရှိခဲ့ပါတယ်။ Shaykh Abdur Rahman ရဲ့ နိုင်ငံရေးလှုပ်ရှားမှုများကို ခြေရာစခံမိကြတာကတော့ အဲဒီသင်တန်းဆရာနှစ်ယောက်နဲ့ ပတ်သက်ဆက်နွယ်မှုတွေမှာ ဖြစ်ပါတယ်။ ဒီသင်တန်းဆရာနှစ်ယောက်ကို ရိုဟင်ဂျာအဖွဲ့အစည်းများအား သင်တန်းပေး ရန် ဖိတ်ကြားပေးခဲ့သူကတော့ Asadullah al-Galib ဆိုသူဖြစ်ပါတယ်။ Shaykh Abdur Rahman နဲ့ Asadullah al-Galib တို့ဟာ နောင်မှာ JMB အဖွဲ့ရဲ့ ဦးစီးခေါင်းဆောင်သုံးဦးမှာ ပါဝင်လာကြပါတယ်။ ဖမ်းဆီးခံရချိန်မှာ Asadullah al-Galib ရဲ့ ထွက်ဆိုခဲ့ချက်များအရ အဆိုပါသင်တန်းဆရာနှစ်ယောက်ဟာ ဘင်္ဂလားဒေ့ရှ် အခြေစိုက် ရိုဟင်ဂျာလက်နက်ကိုင်အဖွဲ့ဝင်များကို ကနဦးသင်တန်းပေးခဲ့ပြီး၊ နောက်ပိုင်းမှာ ဒေသခံများကိုလဲ ခြောက်နှစ် ခန့် သင်တန်းဆက်ပေးခဲ့ပါတယ်။ ဒီလိုသင်တန်းပေးနေဆဲကာလမှာပဲ JMB အဖွဲ့ပေါ်ထွက်လာခဲ့တာ ဖြစ်ပါတယ်။ နောက် ပိုင်းမှာတော့ JMB အဖွဲ့ကို အဖွဲ့ဝင် ခုနစ်ဦးက ဦးဆောင်ခဲ့ပြီး၊ regional commanders ၁၆ ဦး ရှိပါတယ်။ ၂ဝဝ၅ ခုနှစ်၊ သြဂုတ်လမှာတော့ ဘင်္ဂလားဒေ့ရ်ှအစိုးရက JMB အကြမ်းဖက်အဖွဲ့ကို တရကြမ်းနှိမ်နင်း အရေးယူမှုတွေ စတင်ပြုလုပ်ခဲ့တာကြောင့် ခေါင်းဆောင်အများအပြား ဖမ်းဆီးခံခဲ့ရပါတယ်။ JMB အဖွဲ့အစည်းဟာ အခြားအဖွဲ့အစည်းများဖြစ်တဲ့ Harkat-ul Jihad al Islami Bangladesh (HUJI-B), Rohingya Solidarity Organization (RSO) တို့နဲ့ ဆက်နွယ်မှုများ ရှိပါတယ်။ ၂ဝဝ၉ ခုနှစ်၊ မေလ ၁၄ ရက်နေ့မှာ JMB ရဲ့ ဖောက် ခွဲရေးကျွမ်းကျင်တဦးဖြစ်တဲ့ Boma Mizan ဆိုသူကို ဘင်္ဂလားဒေ့ရှ် Rapid Action Battalion (Rab)က ဖမ်းဆီးရ မိခဲ့ပါ တယ်။ ရဲတပ်ဖွဲ့၊ Rab နဲ့ စီအိုင်ဒီမှ စစ်ဆေးမေးမြန်းမှုများ ပြုလုပ်ခဲ့ရာမှာ JMB အဖွဲ့ရဲ့ ခေါင်းဆောင် Shaykh Abdur Rahman ဟာ HUJ-B နဲ့ RSO တို့နဲ့ ပူးပေါင်းချိတ်ဆက်မှုများ ပြုလုပ်ရာမှာ အဓိကတာဝန်ရှိသူဖြစ်ကြောင်း၊ Shaykh Abdur Rahman ရဲ့ တာဝန်ပေးချက်အရ Mizan နဲ့ JMB အဖွဲ့ဝင်များဟာ RSO က ပြုလုပ်တဲ့ လက်နက်ကိုင်သင်တန်း များကို ၂ဝဝ၂ ခုနှစ်အတွင်းမှာ တင်ရောက်ခဲ့ကြောင်း၊ သင်တန်းပြီးဆုံးချိန်တွင် ဆင်းပွားသင်တန်းများ ထပ်မံပေးခဲ့ ကြောင်း၊ သင်တန်းနေရာက စစ်တကောင်း တောင်တန်းဒေသတခုမှာဖြစ်ပြီး၊ သင်တန်းကာလ ၁ဝ ရက်ကြာခဲ့ကြောင်း၊ အပြန်အလှန်အားဖြင့် JMB က ရိုဟင်ဂျာများကို ဖောက်ခွဲရေး သင်တန်းများပေးရကြောင်း ထွက်ဆိုခဲ့ပါတယ်။ နိဂုံး အကြမ်းဖက်မှုဆိုင်ရာ လေ့လာရေးပညာရပ်မှာ Thrasymachan Justification for Terrorism ဆိုတာ ရှိပါတယ်။ နိုင်ငံ ရေး၊ တော်လှန်ရေး၊ ဘာသာရေး အစွန်းရောက်နေသူတွေဟာ ဥပဒေကြောင်းအရ၊ ကိုယ်ကျင့်တရားအရ အကြမ်းဖက် မှုကို ကန့်ကွက်ဆန့်ကျင်တာတွေ၊ အကြမ်းဖက်အဖွဲ့အစည်းများကို ဖော်ထုတ်အရေးယူတာတွေကို လက်ခံစဉ်းစားလေ့ မရှိကြပါဘူး။ အကြမ်းဖက်မှုကြောင့် လူအများကြားမှာ climate of fear ပျံ့နှံ့လာပြီး နိုင်ငံရေး အကျပ်အတည်းတွေကို ဖောက်ထွက်နိုင်မယ့် political outrage ကို ဖန်တီးနိုင်မယ်လို့လဲ ယူဆထားလေ့ ရှိကြပါတယ်။ ဒါကြောင့် အကြမ်းဖက် မှုကို ဆန့်ကျင်တာဟာ ဒီလို political outrage ဖန်တီးနိုင်မယ့် အခွင့်အလမ်းတွေကို နှောင့်နှေးအောင် လုပ်တာလို့ ထင် မြင်စွပ်စွဲတတ်ကြပါတယ်။ ဒီလို တွေးခေါ်ယူဆချက်တွေ၊ ထင်မြင်စွပ်စွဲမှုတွေဟာ Thrasymachan Justification အပေါ် မှာ သက်ဝင်ယုံကြည်နေလို့ပဲ ဖြစ်ပါတယ်။ ဒီလိုသက်ဝင်ယုံကြည်မှုကနေတဆင့် အကြမ်းဖက်အဖွဲ့အစည်းများကို မသိ ဘာသာ ထောက်ခံအားပေးသူတွေ ဖြစ်လာတတ်သလို၊ ကိုယ်တိုင်လဲ အကြမ်းဖက်သမားတွေ၊ အကြမ်းဖက်အဖွဲ့အစည်း တည်ထောင်သူတွေ ဖြစ်လာတတ်ပါတယ်။ ဘင်္ဂလားဒေ့ရ်ှနိုင်ငံမှာ အခြေစိုက်ပေါ်ထွက်လာခဲ့တဲ့ အကြမ်းဖက်အဖွဲ့အ စည်းတွေဟာ ဒီလို Thrasymachan Justification for Terrorism ကနေ မြစ်ဖျားခံလာခဲ့တာ ဖြစ်ပါတယ်။ ဒါကြောင့် မြန်မာလူ့အဖွဲ့အစည်းအနေနဲ့ ဘင်္ဂလားဒေ့ရ်ှနိုင်ငံအပါအဝင် အိမ်နီးချင်းနိုင်ငံများမှ အကြမ်းဖက် အဖွဲ့အစည်းများရဲ့ လှုပ် ရှားမှုများကို သတိနဲ့ စောင့်ကြည့်ရမှာဖြစ်သလို၊ မိမိတို့လူ့အဖွဲ့အစည်းအတွင်းမှာ Thrasymachan Justification for Terrorism သဘောတရားများ မပျံ့ပွားစေရေးကိုလဲ သတိပြုဖို့ လိုအပ်လှပါကြောင်း ရေးသားတင်ပြအပ်ပါတယ်။ ခင်မမမျိုး (၁ဝ၊ ၇၊ ၂ဝ၁၂) (စာရေးသူသည် ဗြိတိန်နိုင်ငံမှ နိုင်ငံရေးဘောဂဗေဒ အထူးပြု ဘောဂဗေဒ မဟာဝိဇ္ဇာဘွဲ့၊ စစ်မဟာဗျူဟာ လေ့လာရေး မဟာသိပ္ပံဘွဲ့၊ နိုင်ငံရေးသုတေသန မဟာသုတေသနဘွဲ့များ ရရှိထားသည့် စစ်ရေး၊ နိုင်ငံရေး လေ့လာသူတဦးဖြစ်ပြီး၊ အကြမ်းဖက်မှုနှိမ်နင်းရေးနှင့် လုံခြုံရေးဆိုင်ရာ နိုင်ငံတကာ ကျွမ်းကျင်ပညာရှင်များ အစည်းအရုံးမှ အဖွဲ့ဝင်တဦး ဖြစ်ပါ သည်) နေ့ သစ် http://feeds.feedburner.com/thithtoolwin/yIWV

မြောက်ဦးလူထု အာဏာပိုင်များနှင့် ရုန်းရင်းဆန်ခတ်ဖြစ် Posted: 12 Jul 2012 07:25 PM PDT ရခိုင်ပြည်နယ်၊ မြောက်ဦးမြို့နယ် ရခိုင်တိုင်းရင်းသားများ တိုးတက်ရေးပါတီ ဒု ဥက္ကဋ္ဌ ဖြစ်သူ ဦးအေးမောင်သန်းနဲ့ ပါတီဝင်တစ်ဦးဖြစ်သူ ဦးဘတင်တို့ကို မနေ့က ဇွန်လ (၁၂) ရက်နေ့ ညနေပိုင်းက စစ်တပ်နဲ့ ရဲက ဖမ်းဆီးခေါ်ဆောင်သွားခဲ့ပြီး ပန်လွှတ်ပေးဖို့ တောင်းဆိုကြတဲ့အတွက် ရုန်းရင်းဆန်ခတ်-- သတင်းအပြည့်အစုံဖတ်ရန် ဒီနေရာကို နှိပ်ပါ မြောက်ဦးမြို့  ဓါတ်ပုံ - နိဉ္စရာ http://feeds.feedburner.com/thithtoolwin/yIWV

ဓာတ်ဆီဆိုင်ဖွင့်လှစ်မှာကို ၀ိုင်းဝန်းကန့်ကွက် ဆန္ဒဖော်ထုတ်မှု (ရုပ်/သံ) Posted: 12 Jul 2012 07:12 PM PDT ၁၂ ဇူလိုင် ၂၀၁၂။ မန္တလေးမြို့ ၂၆ ဘီလမ်း၊ ၉၀ နဲ့ ၉၁ လမ်းကြား၊ ပွဲကုန်းရပ်မှာ လူနေအိမ်တွေကြား ဓာတ်ဆီဆိုင်ဖွင့်လှစ်မှာကို ၀ိုင်းဝန်းကန့်ကွက် ဆန္ဒဖော်ထုတ်မှုတစ်ခု ဒီကနေ့ မနက်ပိုင်းက ရပ်ကွက်နေလူထုက စုပေါင်းလုပ်ဆောင်ကြပါတယ်။ လူနေအိမ်တွေကြားမှာ လာရောက်ဖွင့်လှစ်တာကြောင့် မီးဘေးအန္တရာယ်စိုးရိမ် ရတာကြောင့် အခုလိုကန့်ကွက်တာလည်းဖြစ်ပါတယ်။ ဇွန်လဆန်းပိုင်းကတည်းက သက်ဆိုင်ရာကို တင်ပြကန့်ကွက် ခဲ့ပေမယ့် အရေးယူဆောင်ရွက်ခြင်းမရှိပဲ ဓာတ်ဆီဆိုင်ဆက်လက်တည်ဆောက်နေတာကြောင့် ရပ်ကွက်နေပြည်သူ များက စုပေါင်းကန့်ကွက်နေကြတာဖြစ်ပြီး ဆက်လက်ဆောင်ရွက်နေမယ်ဆိုရင် ရပ်ကွက်တွင်း စီတန်းလှည့်လည် ဆန္ဒပြကြဦးမှာလို့ ပြောဆိုနေကြပါတယ်။ DVB TV News (Photos: ချစ်ကို) ရုပ်/သံ ကြည့်ရှုရန် ဒီနေရာကို နှိပ်ပါ http://feeds.feedburner.com/thithtoolwin/yIWV

ထွန်တုံးတိုက်ပွဲ (ရုပ်/သံ) Posted: 12 Jul 2012 07:09 PM PDT အသိမ်းခံရတဲ့လယ် မြေတွေမှာ ပြန်လည်စိုက်ပျိူးတဲ့ ထွန်တုံးတိုက်ပွဲ ဆိုတဲ့ ဆန္ဒပြ မူ့ တွေကို ပန်းတောင်း နဲ မိတ္ထီလာ က လယ်သမားတွေ က ပြူလုပ်ခဲ့ကြပါတယ် ။ DVB TV News ကိုသက် ရိုက်ကူး အိုင်စီဂျေ  ရုပ်/သံ ကြည့်ရှုရန် ဒီနေရာကို နှိပ်ပါ http://feeds.feedburner.com/thithtoolwin/yIWV

မြန်မာကျောင်းဆရာလစာ တိုးမြှင့်သော်လည်း အိမ်နီးချင်းနိုင်ငံများနှင့် ၇ ဆ ခန့် ကွာဟနေဆဲ Posted: 12 Jul 2012 06:53 PM PDT လူမှုစီးပွား အကျပ်အတည်းများကြောင့် မြန်မာကျောင်းဆရာဆရာမ အများစုကြီးမှာ စား၊ ၀တ်၊ နေရေး အခက်အခဲ များစွာကို ရင်ဆိုင် နေကြရဆဲ ဖြစ်သည်။ ထို့အပြင် အခြားသော အပြင်အလုပ်များ လုပ်ကိုင်၍ လည်းကောင်း၊ ကျူရှင်ဖွင့်၍လည်းကောင်း ဘ၀အကျပ်အတည်းကို ပင်ပန်းကြီးစွာ ဖြေရှင်းနေရဆဲလည်းဖြစ်၏။ သို့ဖြစ်ပါ၍ ပထမအကြိမ် အမျိုးသားလွှတ်တော် စတုတ္ထ ပုံမှန်အစည်းအဝေး၏ ပထမဆုံးနေ့တွင် ပညာရေး ဒု-၀န်ကြီး ဦးအေးကြူက အခြေခံပညာ ၀န်ထမ်းများ၏ လစာ တိုးမြှင့်မည့်ကိစ္စရပ်ကို တင်သွင်းဆွေးခြင်းကို မြန်မာ ကျောင်းဆရာထုက ကြိုဆိုလိုက်ကြောင်း သတင်းရရှိပါသည်။ ပထမဆုံးအကြိမ် ကျောင်းဆရာများ၏ လူမှု ဘ၀အရည်အသွေးအတွက် စဉ်းစားတင်သွင်းသည့် အဆိုပါ ပြောကြားချက်တွင် ကျောင်းအုပ်များ၏ လစာနှုန်းထားများကို တိုးမြှင့်သွားမည်ဟု ဆိုပါသည်။ အလယ်တန်းကျောင်းအုပ် ၂၂၃၁ ဦးကို လက်ရှိလစာနှုန်း (၅၉၀၀၀-၁၀၀၀-၆၄၀၀၀) မှ (၁၀၀၀၀၀-၂၀၀၀-၁၁၀၀၀၀) သို့ လည်းကောင်း၊ မူလတန်းကျောင်းအုပ် ၃၆၁၆၈ ဦးကို လက်ရှိ လစာနှုန်း  (၅၃၀၀၀-၁၀၀၀-၅၈၀၀၀) မှ (၅၉၀၀၀-၁၀၀၀-၆၄၀၀၀) နှုန်းသို့ လည်းကောင်း တိုးမြှင့်လိုက်ခြင်းဖြစ်သည်။ မူလတန်းပြဆရာ၊ ဆရာမဦးရေ ၆၀၀၀၀ ကိုလည်း အလယ်တန်းပြ ရာထူးသို့လည်းကောင်း စိစစ် တိုးမြှင့် ခန့်ထားမည်ဖြစ်ကြောင်းဖြင့် ထုတ်ဖော် ပြောကြားသွားခဲ့သည်။ ဤသို့ လစာနှုန်းထားတိုးမြှင့်မှုကို မြန်မာပညာရေး လောကသားများက မျှော်လင့်အားတက်မိကြောင်းနှင့် ၀မ်းဝအောင် ထောက်ပံ့ ပေးသင့်ကြောင်း မောက္ခသို့ တင်ပြဆွေးနွေးခဲ့ကြပါသည်။ ဘားအံ ပညာရေးကောလိပ်မှ နည်းပြဆရာမတစ်ဦးက လစာနှုန်းထားတိုးခြင်းနှင့် ပတ်သက်၍ မောက္ခသို့ ရှင်းပြခဲ့ပါသည်။ “ကျမတို့အနေနဲ့ ၀မ်းသာမိပါတယ်။ အရည်အသွေးတိုးတက်လာဖို့ကို မျှော်လင့်နိုင်လို့ပါ။ စာတွေဘယ်လိုပဲ သင်သင်၊ သင်တန်းတွေ ဘယ်လိုပေးပေး၊ နိုင်ငံတကာမှာ ဘယ်သို့ဖြင့် လုပ်ဆောင်နေပြီ၊ ဘယ်လို သင်ကြားကြတယ် ဆိုတာကို ပြောပြော၊ ကျောင်းဆရာများရဲ့ လစာကို လူတန်းစေ့ နေနိုင်အောင် မပေးသ၍ ပညာရေးဟာ မတိုးတက်လာနိုင်ပါဘူး။ ထပ်တိုးပေးဖို့လည်း လိုအပ်ပါသေးတယ်။ စားလို့မှ မလောက်တာ။ ကျမတို့မှာလည်း ကျောင်းဆရာ ဆရာမလောင်းတွေကို စာသာ သင်နေရတာ အားပေးဖို့ ကိုယ်တိုင်က အားမရှိလှဘူး။” ကလေးဗဟိုပြု ချည်းကပ်သင်ကြားနည်းကို ကိုင်တွယ် ဆောင်ရွက်ခဲ့သူ အငြိမ်းစားမြို့နယ်ပညာရေးမှူး ဦးမြင့်မောင်သက်ကလည်း မျှော်လင့်အားတတ်မိကြောင်း ရင်ဖွင့်ပြောပြခဲ့သည်။ “ကလေးဗဟိုပြု ဆိုပြီး လှုပ်ရှားခဲ့ဖူးပါတယ်။ လစာက မလောက်။ စိတ်ဓါတ်တွေ ကျဆင်းနေလေတော့ ထင်သလောက် ခရီး မပေါက်ခဲ့ပါဘူး။ တိုင်းနဲ့ မြို့နယ်အဆင့်တွေကလည်း စီမံ ကြီးကြပ်တာ မလုပ်နိုင်။ ကျောင်းအုပ်တွေ ကိုယ်တိုင်ကလည်း တွန်းအား မရှိခဲ့တာ။ ပညာရေး အရည်အသွေး ပြဿနာရှိခဲ့တာပေါ့။ အခုတော့ မျှော်လင့်ချက် ရောင်ခြည်သန်းပြီပေါ့ဗျာ။ ၀မ်းဝမှ စာသင်နိုင်မယ်လေ။ သင်နည်းတွေချည်း စွတ်ပေးနေရုံနဲ့တော့ မရပါဘူး။ ဟိုနိုင်ငံက ဒီလိုသင်တယ်၊ ဒီလို လုပ်တယ်ဆိုရုံလောက်နဲ့တော့ ပညာရေး အဆင်မပြေနိုင်ပါဘူး။” အထူးသဖြင့် ကျောင်းဆရာအခြေခံလစာနှုန်းကို လူတန်းစေ့နေထိုင်နိုင်ရန် ခံစားခွင့် ပေးနိုင်မှသာလျှင် ကျောင်းပညာရေး တိုးတက် အောင်မြင်မည်ဟု ကချင်ပြည်နယ် အငြိမ်းစားပညာရေးမှူး နိုင်ငွေသိမ်းက ဆိုပါသည်။ မြန်မာကျောင်းဆရာ လစာနှုန်းထားများ တိုးမြှင့်သော်လည်း အိမ်နီးချင်းနိုင်ငံများ၏ အခြေခံပညာရေး ကျောင်းဆရာလစာနှင့် အဆ များစွာ ကွာခြားနေကြောင်း တွေ့ရှိရပါသည်။ လစာနှုန်းထား ၇ ဆခန့်အထိ ကွာခြားနေဆဲဖြစ်သည်။ လူနေမှုစရိတ် အတူတူခန့်ဖြစ်သည့် အိမ်နီးချင်း ထိုင်းနှင့် တရုတ်နိုင်ငံတို့၏ ကျောင်းဆရာ လစာနှုန်းထားများကို လေ့လာတင်ပြအပ်ပါသည်။ ကျောင်းဆရာဦးရေ သန်း ၁၂၀ ကျော်ရှိသည့် တရုတ်နိုင်ငံတွင် မူလတန်း ကျောင်းဆရာတစ်ဦး၏ လစာမှာ တရုတ်ယွမ်ငွေ ၃၀၀၀ ခန့် ( မြန်မာကျပ်ငွေ ၄ သိန်း ၂ သောင်းခန့်) ၀င်ငွေ ရရှိပါသည်။ ထိုင်းနိုင်ငံ အခြေခံပညာရေးဝန်ထမ်းများလစာမှာ ငါးနှစ်အောက် လုပ်သက်ရှိသူများသည်ပင်လျှင် ဘတ်ငွေ ၁၂၀၀၀ ခန့် (မြန်မာကျပ်ငွေ ၃ သိန်းခန့်) ခံစားခွင့် ရှိနေပါသည်။ လုပ်သက် ၁၀ နှစ် အထက်ရှိ ထိုင်းမူလတန်း ကျောင်းအုပ် တစ်ဦးအနေဖြင့် လစာမှာ ဘတ်ငွေ ၃၀၀၀၀ (မြန်မာကျပ်ငွေ ၇ သိန်း ၈ သောင်းခန့်) အထိ ခံစားခွင့် ရှိကြပါသည်။ Written by မေနဒီလှိုင်း မောက္ခပညာရေးသတင်း http://feeds.feedburner.com/thithtoolwin/yIWV