`စေတနာရှင်များ ကူညီကြပြီ´

Kowai Lu

ဒီမနက်(၁၁)နာရီမှာကျွန်တော်တို့`ရန်ကုန်ပြည်သူ့အကျိုးဆောင်ကွန်ရက်မှ´
`စေတနာရှင်များ အမြန်ကူညီပေးကြပါ´ဆိုသောစာနှင့်အတူ ဝေဒနာရှင် အကူအညီလိုအပ်နေသော မိသားစုအတွက် စာရေးသား အကူအညီတောင်းခံခဲ့ရာ...ယနေ့တွင်ပင်လူသားချင်းစာနာမှုနှင့် ငွေမရှိ၍ ဝေဒနာဖြင့် ရှင်သန်ရမည့်လူသားများ မဖြစ်ပေါ်စေလိုသော စိတ်စေတနာများနှင့် ဝေဒနာရှင် မိသားစုအား စေတနာရှင်များမှ မိမိတို့ တက်စွမ်းသမျှ လာရောက်ကူညီလှူဒါန်းကြပါသဖြင့် မိသားစုများနှင့်အတူ အထူးပင်ကျေးဇူးတင် အမှတ်ထားရပါကြောင်း အများပြည်သူ သာဓုခေါ်နိင်စေရန် ပြန်လည်တင်ပြအပ်ပါသည်။

`လာရောက်လှူဒါန်းသူများ´
မမိုး =ငွေကျပ် ငါးသောင်း(ရန်ကုန်ပြည်သူ့အကျိုးဆောင်ကွန်ရက်)
ဦးဝင်းချို = ငွေကျပ် ငါးသောင်း (တစ်သီးပုဂ္ဂလ)
ကိုလင်းလင်း = ငွေကျပ် တစ်သိန်း (ရှစ်မိုင်)

`ဝေဒနာသည်များ၏နောက်ဆုံးအခြေအနေ´

ဖခင်ဦးမင်းလွင်မှာ မေးခိုင်ပိုးဝင်ခြင်း၊ခြေလက်များ လေဖျန်းသွားမှုကြောင့် ရက်ရှည်ဆေးကုသမှုခံယူရမည်ဖြစ်ပြီး တက်ရောက်ကုသနေရာ ရန်ကုန်ပြည်သူ့ဆေးရုံမှ တာဝန်ကျဆရာ ဆရာမများအား ကွန်ရက်နှင့်မိသားစုမှ အကျိုးအကြောင်းရှင်းလင်းပြောဆိုသဖြင့် ဂရုဏစိတ်များဖြင့် ကုန်ကျစရိတ်ကြီးမြင့်သည့် ကုန်ကျနိင်မှုများတွင် FOC အဖြင့် စာရင်းသွင်းကာ ယနေ့မှစ၍ ကုသပေးနေပြီးဖြစ်ပါသည်။

သားငယ် မောင်မျိုးမင်းဦးမှာအရွယ်နှင့်မမျှသော ဝေဒနာများအားခံယူနေရသူဖြစ်သည်။အသက် (၁၄)နှစ်အရွယ် မောင်မျိုးမင်းဦးတွင်
(၁)ဆီးအိမ်၏ သုံးပုံနှစ်ပုံတွင် အကြိတ်လုံးသဏ္ဍန်ရှိနေခြင်း
(၂)ဆီးအိမ်သွား လမ်းကြောင်းတွင် ကျောက်စများ များပြားစွာတွေ့ရှိရခြင်း
(၃)ကျောက်ကပ်တစ်ခုတွင် အလုပ်ကောင်းစွာ မလုပ်တော့ခြင်း
(၄)အဆုတ်ထဲတွင် ရေများစွာ တွေ့ရှိနေရခြင်း
စသော ရောဂါကြီးများကို ခံစားနေရသော်လည်း ဂျပန်ဆေးရုံတွင် တာဝန်ကျ ဆရာ ဆရာမများ၏ကြင်နာမှုနှင့်အတူ FOC အဖြစ် ကုန်ကျမှုအနိမ့်ဆုံးနှင့် လက်ခံ ဆေးဝါးကုသမှု ရယူနေရပြီဖြစ်ပါသည်။

`ရန်ကုန်ပြည်သူ့အကျိုးဆောင်ကွန်ရက်မှ ကျေးဇူးမှတ်တမ်း တင်ခြင်း´

ရပ်ဝေးမှ ဆွေမရှိ မျိုးမရှိ ငွေမရှိ၍ ဝေဒနာနှင့် လူသားမမျှတစွာ ခံစားနေရသော မိသားစုအား သက်ဆိုင်ရာ တာဝန်ကျဆေးရုံရှိ ဆရာဝန်၊ဆရာဝန်မများမှ ကြင်နာမှုနှင့် ကုသစောင့်ရှောက်မှုများ၊
ရန်ကုန်ဆေးရုံနှင့်ဂျပန်ဆေးရုံတို့သို့ ပြေးလွှား၍ လူနာများ၏အခြေအနေနှင့် မိမိမည်သို့ကူညီနိင်မည်ကိုမိသားစုအရေးကိစ္စများကြားမှဝိုင်းဝန်းကူညီပေး သော ဒေါက်တာ မပန်းအိလှိုင် တို့အားအထူးပင်ကျေးဇူးတင်ရှိပါသည်။
ဝေဒနာသည်များနှင့်လူနာရှင်မိခင်တို့ ယခုကဲ့သို့ဆေးဝါးကုသနိင်ရန်နှင့် ဆေးဝါးကုသစဉ်သုံးစွဲ ရပ်တည်နိင်ရန်
လူသားခြင်းစာနာမှုနှင့် ငွေကြေး ပေးလှူခဲ့ကြသော....

မမိုး =ငွေကျပ် ငါးသောင်း(ရန်ကုန်ပြည်သူ့အကျိုးဆောင်ကွန်ရက်)
ဦးဝင်းချို = ငွေကျပ် ငါးသောင်း (တစ်သီးပုဂ္ဂလ)
ကိုလင်းလင်း = ငွေကျပ် တစ်သိန်း (ရှစ်မိုင်)
တို့အားလည်းကောင်း ဝေဒနာရှင်မိသားစုများအား ခိုလှုံဆေးဝါးကုသနိင်ရန် တည်းခိုခွင့်ပြုခဲ့သော နှစ်ကျိတ်ရှစ်ဆူ ဘုန်းတော်ကြီးကျောင်း ဆရာတော်နှင့်တကွ လူမှုစိတ်ဓာတ်ဖြင့် အစစကူညီပေးနေသော မောင်ကိုကိုကျော်တို့အား မိသားစုနှင့်အတူ အထူးပင်ကျေးဇူးမှတ်တမ်း တင်မိပါကြောင်း လေးစားစွာ ရေးသား သိစေအပ်ပါသည်။

ယခုလူနာများနှင့်ပါက်သက်၍ ပါဝင်လှူဒါန်းလိုသူများ
ဆက်သွယ်ရန် ဖုန်းနံပါတ်များ
ရန်ကုန်ပြည်သူ့အကျိုးဆောင်ကွန်ယှက်
ဘဏ္ဍရေးတာဝန်ခံ မမိုး 09450046551
လုပ်ငန်းလှုပ်ရှားမှုတာဝန်ခံ ကိုဗထူး 09421070591
ကွန်ရက် တာဝန်ခံ ကိုဝေဠု 09450037685

ချွင်းချက်။ ။ယခု ငွေကြေးမရှိလို့ ဆေးမကုသနိင်ဖြစ်ရမည့် လူနာမိသားစုအတွက်သာ အလှူခံပေးခြင်းဖြစ်ပြီး အလှူရှင်များမှ လူနာများအား တိုက်ရိုက်သာ လှူဒါန်းရပါမည်။

လေးစားလျှက်
ရန်ကုန်ပြည်သူ့အကျိုးဆောင်ကွန်ယှက်

ကိုဝေဠု ကွန်ယှက်တာဝန်ခံ (မြောက်ဥက္ကလာ ကျောင်းသားလူငယ်)