ကျောင်းသားလှုပ်ရှားမှု သမိုင်းအစ (အကျဉ်း)
|
4:09 PM |
No မှတ်ချက် |
by Ag Myint Tham on Wednesday, July 4, 2012 at 12:16pm
၁၉၂၀-ပြည့်နှစ် ဒီဇင်ဘာလ ၅-ရက်နေ့တွင် ရန်ကုန်ယူနီဗာစီတီ အက်ဥပဒေသည် ပြည်သူ့ဆန္ဒနှင့် မညီသောကြောင့် ရန်ကုန်နှင့် ဂျပ်ဆင်ကောလိပ်ကျောင်းသားကြီးများဦးဆောင်၍ သပိတ်မှောက်ခဲ့ရာ ထိုသပိတ်ကောလိပ်မှ အစပြု၍ ဗမာတနိုင်ငံလုံး ကျောင်းသားသပိတ်ကြီး ပေါ်ပေါက်ခဲ့လေသည်။
ဗမာနိုင်ငံတွင် တက္ကသိုလ်တစ်ခုဖွင့်လှစ်ရန် တောင်းဆိုခဲ့သည်။ သို့နှင့် ၁၉၂၀ ခုနှစ်တွင် ဗြိတိသျှအစိုးရသည်။ သီးခြားတက္ကသိုလ်တစ်ခု ဖွင့်လှစ်ရန် ဥပဒေကြမ်းကို ရေးဆွဲခဲ့သည်။ ထိုဥပဒေသည် ဗမာတို့အား တက္ကသိုလ်ပညာကိုမသင်ယူနိုင်အောင် အမျိုးမျိုး ဟန့်တား ပိတ်ဆို့ထားသည်။ ဗမာတို့က ထိုဥပဒေကို ပြဌာန်းခြင်း မပြုရန်၊ ဗမာတို့၏ စီးပွားရေး၊ လူမှုရေးကို မြှင့်တင်ပေးနိုင်မည့် အမျိုးသားပညာရေးကို တောင်းဆိုခဲ့ပြီး ကိုလိုနီ ပညာရေးစနစ်ကို ဆန့်ကျင်ခဲ့ကြသည်။ ကျောင်းသားကြီး (၁၁)ဦး ခေါင်းဆောင်၍ သပိတ်မှောက်ခဲ့သည်။
သပိတ်မှောက်နေ့မှာ ၁၂၈၂ ခုနှစ် တန်ဆောင်မုန်းလပြည့်ကျော် (၁၀) ရက်။ ၁၉၂၀ ခုနှစ် ဒီဇင်ဘာလ ၅ ရက်ဖြစ်သည်။ ထို့ကြောင့် ၁၉၂၂ ခုနှစ် ဂျူဗလီဟောမှာ ကျင်းပသော ဂျီစီဘီအေ အစည်းအဝေးက ထိုနေ့ကို "အမျိုးသားနေ့ " ဟုသတ်မှတ်ခဲ့သည်။ ထိုစဉ်က လူငယ်ထုသည် အမျိုးသား ၀ံသာနုရက္ခတ စိတ်ဓါတ်ဖြင့် ရှေ့တန်းမှ တက်တက်ကြွကြွပါဝင်ခဲ့ကြသည်။
သပိတ်မှောက်ကျောင်းသားကြီး (၁၁)ဦး သို့မဟုတ် အမျိုးသားနေ့ကျောက်တိုင၊်
အမျိုးသားနေ့ကျောက်တိုင်သည် ဗြိတိသျှပြဌာန်းခဲ့သည့် ရန်ကုန်တက္ကသိုလ် ဥပဒေကို ဆန့်ကျင်သပိတ်မှောက်ရန်၊ ရန်ကုန် ကောလိပ်မှ ကျောင်းသားကြီး (၁၁) ဦးတို့ ဆွေးနွေးတိုင်ပင်ရာ အစည်းအဝေးကို အမှတ်တရ စိုက်ထူခဲ့သော အမှတ်အသား ကျောက်တိုင်ဖြစ်သည်။
ထိုကျောက်တိုင်တွင် သပိတ်မှောက် ကျောင်းသားခေါင်းဆောင် (၁၁) ဦး၏အမည်များကို ရေးထိုးထားသည်။ ရွှေတိဂုံစေတီတော် ရင်ပြင် စနေထောင့်တွင်ရှိသည်။
သပိတ်မှောက်ကျောင်းသားခေါင်းဆောင်များ
၁။ ကိုဘရှင် ဘီအက်စီအထက်တန်း
၂။ ကိုညီပိတ် ဘီအက်စီအထက်တန်း
၃။ ကိုဖိုးကွန်း ဘီအက်စီအထက်တန်း
၎။ ကိုအေး ဘီအေအထက်တန်း
၅။ ကိုလှတင် ဘီအေအထက်တန်း
၆။ ကိုဖေသိန်း ဘီအေအထက်တန်း
၇။ ကိုထွန်းတင် ဘီအေအထက်တန်း
၈။ ကိုဘရှင် အိုင်အေအထက်တန်း
၉။ ကိုဘခင် အိုင်အေအထက်တန်း
၁၀။ ကိုအောင်ဒင် အိုင်အေအထက်တန်း
၁၁။ ကိုဘဦး အိုင်အေအထက်တန်း
(ယင်းသပိတ်တွင် ကိုဘဦး ခေါင်းဆောင်သည်။)
ကိုးကား---
အကောင်းဆုံးဗမာမှုဒိုင်ယာရီ
0 comments:
Post a Comment