နိုင်ငံသားတို့ ပခုံးထက်က နတ်ဆိုးများ-၂ (ဇော်သက်ထွေး)

by ပြည်သူ့ခေတ် on Friday, July 13, 2012 at 11:12am ·

        

  တိုင်းပြည်ကို ချစ်မြတ်နိုးပြီး စွန့်လွှတ် အနစ်နာခံတဲ့သူတွေနဲ့ ပြုပြင်ပြောင်းလဲလိုတဲ့ သူတွေက ဒီမိုကရေစီ ပြုပြင် ပြောင်းလဲရေး  လုပ်ငန်းစဉ်တွေကို အရှိန်မြှင့် လုပ်ဆောင်လျက် ရှိပါတယ်။ ဒီလို အခြေအနေမျိုးမှာ အမျိုးသား အကျိုး စီးပွားကို မကြည့်ဘဲ ကိုယ့်အကျိုးစီးပွား သက်သက်ကို ကြည့်ပြီး အခြေအနေကို လေ့လာ အခွင့်အရေးကို အရယူဆိုတဲ့ စီးပွားရေး ခရိုနီတွေဟာလည်း ကျွန်တော်တို့ နိုင်ငံသားတွေ ပခုံးထက်က နတ်ဆိုးတွေပဲ ဖြစ်ပါတယ်။

          ခေတ်စနစ်တိုင်းမှာ အခွင့်အရေးသမားဆိုတာ နေရာအနှံ့ လုပ်ငန်းရပ် အသီးသီးမှာ ပေါ်ပေါက်လာကြစမြဲပါပဲ။ အာဏာကို လက်လွှတ်လိုက်ရတဲ့ အစိုးရတွေ ကလည်း နောက်ဆုံးပိတ် အိတ်နဲ့လွယ် လုပ်လုပ်သွားခဲ့ကြတာကလည်း ကမ္ဘာ့ အနှံ့အပြားမှာပါပဲ။ မြန်မာနိုင်ငံမှာ ဒီမိုကရေစီ အသွင်ကူးပြောင်းရေး အစိုးရအဖြစ် တာဝန်ယူခဲ့တာ ၁ နှစ်ခွဲကာလကို ရောက်ရှိခဲ့ပါပြီ။ မြန်မာနိုင်ငံကို စီးပွားရေး ပိတ်ဆို့ခဲ့တဲ့ အမေရိကန် ပြည်ထောင်စု အပါအ၀င် အနောက်နိုင်ငံတွေက ပိတ်ဆို့မှု အတော်များများကိုလည်း ဖြေလျှော့ ပးခဲ့ပြီးပါပြီ။ ဒါပေမဲ့ ယနေ့အထိ ပြည်ပ ရင်းနှီးမြှုပ်နှံမှုတွေ ထိထိရောက်ရောက် မ၀င်လာနိုင်သေးတာ၊ စီးပွားရေး တိုးတက်မှု အဩန်းကိန်း မြင့်တက်မလာသေးတာတွေ ပကတိအရှိတရား ဖြစ်ပါတယ်။ တချို့ EU နိုင်ငံတွေဆိုရင် ပိတ်ဆို့မှု ရုပ်သိမ်းပြီးတဲ့အပြင် မြန်မာနိုင်ငံမှာ ရင်းနှီးမြှုပ်နှံကြဖို့ လုပ်ငန်းရှင်တွေကို တိုက်တွန်း လှုံ့ဆော်နေတာတောင် တွေ့ရပါတယ်။ ဒီလို အခြေအနေမှာ တိုင်းပြည်ရဲ့ စီးပွားရေး ဖွံ့ဖြိုးမှုအတွက် အတားအဆီး လုပ်နေတဲ့ နတ်ဆိုးတွေကို တွေ့ရတော့တာပါပဲ။

          ဥပမာ စီးပွားရေး လုပ်ငန်းတစ်ခုကို ရှင်းပြချင်ပါတယ်။ မြန်မာနိုင်ငံမှာ တည်ဆောက်ရေး လုပ်ငန်းများအတွက် နှစ်စဉ် ပြည်ပမှ တင်သွင်းနေရတဲ့ ဘိလပ်မြေ လိုအပ်ချက်ဟာ တန်ချိန် ၆ သန်းခန့် ရှိပါတယ်။ ဒါဟာ နှစ်စဉ် လိုအပ်ချက်ဖြစ်ပြီး ပြည်ပကနေ တင်သွင်းနေရတာပါ။ ဒါဆိုရင် မေးစရာရှိပါတယ်။ ပြည်တွင်းမှာ ဘိလပ်မြေ မထုတ်လုပ်နိုင်လို့လား။ ထုတ်လုပ်စရာ ကုန်ကြမ်းမရှိလို့လား။ ရင်းနှီးမြုပ်နှံဖို့ ဘဏ္ဍာရေး အခက်အခဲကြောင့်လား။ ဒီမေးခွန်းတွေကို ဖြေရရင် ၀မ်းနည်းစရာ ကောင်းပါတယ်။ အခုလို အစိုးရ အကူးအပြောင်း ကာလတစ်ခုမှာ ပြည်တွင်းက လုပ်ငန်းရှင် အမည်ခံထားတဲ့ ခရိုနီတချို့ဟာ ဘိလပ်မြေ ကုန်ကြမ်းဖြစ်တဲ့ ထုံးကျောက်တောင်တွေကို ဘိလပ်မြေစက်ရုံ တည်ဆောက်ပါမယ် ဆိုပြီး ခပ်တည်တည်နဲ့ စာချုပ်တွေချုပ် စီးပွားရေး ဖျာခင်းထားလိုက်ပါတယ်။ စာချုပ်ချုပ်ထားတာက အရင် အစိုးရလက်ထက်ကတည်းကဖြစ်ပြီး ဒီနေ့ အချိန်အထိ လုပ်ငန်း အကောင်အထည်ဖော်ခြင်းလည်း မရှိဘူး။ စာချုပ်ချုပ်ထားတဲ့ လုပ်ငန်းရှင် ကလည်း ကိုယ်လျှောက်ထားတဲ့ ထုံးကျောက်တောင် ဘယ်နေရာမှာ နေမှန်းတောင် မသိပါဘူး။ တစ်ခါမှလည်း သွားမကြည့်ကြပါဘူး။ ဒါပေမဲ့ ၀မ်းနည်းစရာကောင်းတာက တိုင်းပြည်ရဲ့ လိုအပ်ချက်ကို ဖြည့်ဆည်းပေးနိုင်မယ့် ဘိလပ်မြေထုတ်ဖို့ ထုံးကျောက် တူးဖော် ထုတ်လုပ်ခွင့် ပါမစ်တွေကတော့ သူတို့ လက်ထဲမှာပါ။  သူတို့က တူးဖော်ခွင့် ပါမစ် ယူထားပြီး ဟိုလူနဲ့ ပိုင်တယ်၊ ဒီလူ့သားသမီးတွေ လုပ်ငန်းထဲမှာ အစုစပ်ပိုင်တယ် ဆိုတဲ့ သတင်းတွေကို ထုတ်လုပ် လွှင့်ပြီး ဒီနေ့ ဒီအချိန်အထိ ဘာတစ်ခုမှ မထုတ်လုပ်ဘဲ  အခွင့်အရေးကို ထိုင်စောင့်နေတာ ဖြစ်ပါတယ်။ ဒီလို ရပ်ထားတော့ သက်ဆိုင်ရာ ၀န်ကြီးဌာနမှာလည်း ဘာတိုးတက်မှုမှ မရှိပါဘူး။ ဘာဝင်ငွေမှလည်း မရှိပါဘူး။ ဖြစ်ရပ်တစ်ခုကို တင်ပြရရင် လွန်ခဲ့တဲ့ ၃ လလောက်က အင်ဒိုနီးရှားနိုင်ငံက ဘိလပ်မြေစက်ရုံ ရာနှုန်းပြည့် ရင်းနှီးမြှုပ်နှံလိုတဲ့ ကုမ်္ပဏီတစ်ခုက ဆက်သွယ်ပြီး ရောက်လာပါတယ်။ နောက်ဆုံး ဘိလပ်မြေ ထုတ်လုပ်နိုင်တဲ့ ထုံးကျောက်တောင် နေရာတစ်ခုကို လေ့လာတွေ့ရှိခဲ့ကြတယ်။ ဒါနဲ့ သက်ဆိုင်ရာ ၀န်ကြီးဌာနကို တင်ပြ လျှောက်ထားလိုက်တဲ့အခါ ၀န်ကြီးဌာနက အကြောင်းပြန်ကြားလာပါတယ်။ အဲဒီ နေရာကို ပြည်တွင်း ကုမ်္ပဏီတစ်ခုက ထုံးကျောက် ထုတ်လုပ်ခွင့်ပါမစ် ယူထားပြီး စာချုပ်ချုပ်ထားပြီး ဖြစ်ပါတယ်တဲ့။ ပုံမှန်ကတော့ စာချုပ်ချုပ်ပြီးပြီးချင်း ၆ လအတွင်း ထုံးကျောက် ထုတ်လုပ်မှုကို ပြသရမှာဖြစ်ပြီး ၀န်ကြီးဌာနကိုလည်း အခွန်ပေးဆောင် ရမှာ ဖြစ်ပါတယ်။ ဒါပေမဲ့ အခု ၁ နှစ်ကြာပြီး သည့်တိုင် ဘာကုန်ကြမ်းမှလည်း မထုတ်လုပ်သလို ၀န်ကြီးဌာနကိုလည်း ဘာဝင်ငွေ အခွန်မှ ဆောင်ထားခြင်း မရှိပါဘူး။ ၀န်ကြီးဌာနလည်း အကျိုးအမြတ် မရှိသလို နိုင်ငံတော်အတွက်လည်း အလွန် နစ်နာရပါတယ်။

          စုံစမ်းကြည့်လိုက်တော့ ပတ်သက်ရာ ပတ်သက်ကြောင်းတွေ ဖြစ်နေပါသတဲ့။ ၀န်ကြီးဌာနက ကုမ်္ပဏီကို အမြန် အကောင်အထည်ဖော်ပါ၊ မဖော်ရင် လုပ်ကွက်ကို ပြန်အပ်ပါလို့ အကြောင်းကြားတော့လည်း ဘာမှမတုံ့ပြန်ပါဘူး။ တကယ် လုပ်ကိုင် ချင်တဲ့ ကုမ်္ပဏီတွေ ရှိကြောင်း ပြောတော့လည်း အေးအေးဆေးဆေးပါပဲတဲ့။ အချိန်တန်ရင် သက်တမ်း တိုးပေးလိုက်ရတာပါပဲ။ နောက်ဆုံး ဘိလပ်မြေ အမှန်တကယ် ထုတ်လုပ်ချင်တဲ့ အင်ဒိုနီးရှား ကုမ်္ပဏီက တာဝန်ရှိသူတွေက သူတို့လက်ထဲမှာ ပါမစ်ရှိနေရင် သူတို့နဲ့သွားပြီး ဆွေးနွေးမယ်ဆိုပြီး သွားကြပါတယ်။ အဲဒီအခါ ကြိုတင် ဖျာခင်းထားတဲ့ ပြည်တွင်း ကုမ်္ပဏီက ပါမစ်ကို လိုချင်ရင် ဒေါ်လာ ၃ သန်း ပေးရမယ်လို့ တောင်းပါလေရော။ အဲဒီအခါမှာ အင်ဒိုနီးရှား ကုမ်္ပဏီက အံ့သြပြီး နောက်ဆုတ်သွားခဲ့ပါတယ်။ အံ့လည်း အံ့သြ၊ ကြောက်လည်း ကြောက်နေမှာပေါ့လေ။ အဲဒီ အင်ဒိုနီးရှား ကုမ်္ပဏီ ဥက္ကဋ္ဌ က သူတို့နိုင်ငံမှာလည်း လွန်ခဲ့တဲ့ အနှစ် ၂၀ ကျော်က ဒီလို ဖျာခင်းတဲ့အဖြစ်တွေ ရှိခဲ့ပေမယ့် အစိုးရက ထိထိရောက်ရောက် အရေးယူခဲ့လို့ အချိန်တိုအတွင်းမှာ ပပျောက်သွားခဲ့တယ်လို့လည်း ပြောသွားခဲ့ပါတယ်။ ဒါကြောင့် ပြည်ပက FDI လို့ ခေါ်တဲ့ ရင်းနှီးမြှုပ်နှံမှုတွေ အင်ဒိုနီးရှားကို အဆင်ပြေပြေနဲ့ ၀င်လာနိုင်ပြီး တိုးတက်မှု မြန်ဆန်ခဲ့တာ ဖြစ်ပါတယ်။ ခုတော့ တပ်ခေါက်သွားရှာတဲ့ အင်ဒိုနီးရှား ဘိလပ်မြေ ကုမ်္ပဏီနဲ့အတူ သူတို့ ရင်းနှီးမြုပ်နှံမှုတွေလည်း ပြန်ထွက် သွားပါတော့တယ်။ ဒီဖြစ်ရပ်ကြောင့် ဘယ်သူတွေ နစ်နာခဲ့ပါသလဲ။ ဘယ်သူတွေ အခွင့်အရေး လက်လွတ်ခဲ့ရပါသလဲ။ ကြိုတင် ဖျာခင်းထားပြီး FDI  ကို ရောင်းစားမယ့် ကုမ်္ပဏီကတော့ အေးအေးဆေးဆေး ထိုင်စောင့်နေပါတယ်။ သူတို့ကတော့ ကျွန်တော်တို့ နိုင်ငံသားတွေ ပခုံးထက်က နတ်ဆိုးတွေပါပဲ။

          နောက်ပြီး ဖျာခင်းတဲ့ ဇာတ်လမ်း တစ်ခုကတော့ ပြည်နယ်နဲ့ တိုင်းဒေသကြီး အသီးသီးမှာ မြေလွတ်မြေရိုင်းတွေ လျှောက်ကြပါတယ်။ နိုင်ငံတော်အတွက် ဒေါ်လာငွေ သန်းချီ ရှာပေးနိုင်မယ့် ကျွန်းသစ်တွေ၊ ရာဘာတွေ စိုက်ကြမယ်ပေါ့။ တကယ့်ကို လေးစား အထင်ကြီးချင်စရာပါ။ အရင် အစိုးရလက်ထက်က ဒေသ အာဏာပိုင်တွေ အဆင့်ဆင့်ရဲ့ ထောက်ခံချက် အမျိုးမျိုးနဲ့ သစ်တောရေးရာ ၀န်ကြီးဌာနက နှစ်ပေါင်း ၃၀ မြေလွတ်မြေရိုင်း လုပ်ပိုင်ခွင့် စာချုပ်တွေ ချုပ်ကြတာပေါ့။ နိုင်ငံတော်ကို သက်ဆိုင်ရာ ကုမ်္ပဏီက ပေးသွင်းရတဲ့ အခွန်ငွေကိုလည်း ကြည့်ကြပါဦး။ မြေလွတ်မြေရိုင်း တစ်ဧကကို တစ်နှစ် ကျပ် ၅၀၀ တဲ့။ အပေါစား အချိုရည် ၁ ပုလင်းစာ တန်ဖိုးလောက်ပဲ ရှိပါတယ်။ ဘာပြောကောင်းမလဲ။ အင်အားကြီးမားပြီး ပေါက်ရောက်တဲ့ ကုမ်္ပဏီကြီးတွေက ဖျာဝင်ခင်းလိုက်ကြတာပေါ့။ သာမန် နိုင်ငံသား တွေရဲ့ ကုမ်္ပဏီတွေက မရကြရှာပါဘူး။ နိုင်ငံသားတွေလည်း သေသေချာချာ မသိလိုက်ဘူး။

          အစိုးရပိုင်းနဲ့ အကျွမ်းတ၀င်ရှိတဲ့ ကုမ်္ပဏီကြီးတွေက မြေဧက သိန်းနဲ့ချီပြီး ယူထားလိုက်ကြပါတယ်။ ယူထားပြီးတော့ သူတို့က ဘာတွေ ဆက်လုပ်ကြသလဲ။ လေ့လာကြည့်ကြရအောင်။

          ပထမဆုံး မြေရှင်းတယ်ဆိုပြီး ယူထားတဲ့ မြေလွတ်မြေရိုင်းတွေပေါ်မှာ ပေါက်ရောက်နေတဲ့ သစ်ပင်တွေကို ခုတ်လိုက်ပါတယ်။ သစ်ညံ့ သစ်ဖျင်းတွေပေါ့။ ပြီးတော့ တရားမ၀င် ရယူထားတဲ့ သစ်အကောင်းစားနဲ့ အလဲအလှယ် လုပ်ပြီး သက်ဆိုင်ရာကို တင်ပြတယ်။ ဒီမြေကွက်ကို ရှင်းလိုက်တဲ့အခါမှာ ဒီသစ်တွေခုတ်လို့ ရပါတယ်ဆိုပြီး တရားဝင်အောင် လုပ်လိုက်တယ်။ ပြီးတော့မှ မြေရှင်းတဲ့နေရာက ထွက်တဲ့ သစ်တွေပါဆိုပြီး နိုင်ငံခြားအထိ Export လုပ်လိုက်ကြတယ်။ အမှန်တကယ် အစိုးရကို ပေးရတဲ့ အခွန်ကတော့ တစ်နှစ် တစ်ဧက ကို အချိုရည်တစ်ပုလင်းစာပါပဲ။ သိပ်ကို လှပတဲ့ ဇာတ်လမ်းတစ်ခုပေါ့။

          ကြိုတင် ဖျာခင်းပြီး ယူထားတဲ့ ဧက သိန်းသောင်းတွေအနက် ဆယ်ဂဏန်း၊ ရာဂဏန်းလောက်ကို သစ်ပင် စိုက်ပြလိုက်ပါတယ်။ စိုက်တဲ့နေရာကိုလည်း လူသူ အတွေ့များမယ့် နေရာတွေကို သေသေချာချာ ရွေးချယ်ထားပါတယ်။ လမ်းဘေး ၀ဲယာကို ပိုပြီး စိုက်ပြတယ်။ ဆိုင်းဘုတ်တွေ ထောင်ပြီး show ပြတယ်။ ဘယ်သူက မှလည်း မစစ်ဆေးဘူးလေ။ စစ်ဆေးမယ့် လူတွေဆီကိုလည်း ကြိုတင် ၀င်ထားပြီး ပြီကိုး။

          တကယ်တော့ နိုင်ငံသား အားလုံးရဲ့ ပိုင်ဆိုင်ရာ အစိတ်အပိုင်းတစ်ခုကို လူတစ်ဦးတစ်ယောက်ထံသို့ မင်းလုပ်ချင် ရင်လုပ်တော့ ဆိုပြီး ပေးထားလိုက်သလိုပါပဲ။ Proposal ထဲမှာတော့ ဘယ်နှနှစ်အတွင်း ဧက ဘယ်လောက် စိုက်ရမယ်၊ ဘာအမျိုးအစား သစ်ပင်တွေ စိုက်ရမယ်ဆိုပြီး ဩန်ကြားထားတာပါ။

          အခုလို ပွင့်လင်းလာခါစ မြန်မာ့နိုင်ငံရေး၊ စီးပွားရေး အခင်းအကျင်းမှာ  နိုင်ငံခြားက ရင်းနှီးမြှုပ်နှံမှုတွေလာတော့ လုပ်စရာ၊ ပေးစရာ မြေက မရှိတော့ဘူး။ စိုက်စရာ မြေလည်း မရှိတော့ဘူး။  တကယ် စီးပွားရေး လုပ်ချင်လို့လာတဲ့ ကုမ်္ပဏီတွေက အလုပ်လုပ်ချင်ရင် သူတို့ကို ပါမစ်ကြေး ဒေါ်လာသန်းချီ ပေးပါတော့လို့ အဓိပ်္ပာယ် ဆောင်နေပါတယ်။ ဒီအတိုင်းဆိုရင် ကျွန်တော်တို့ နိုင်ငံကို ဘယ်သူက ရင်းနှီးမြှုပ်နှံမှာလဲဆိုတဲ့ မေးခွန်းကိုတော့ တိတိကျကျ ဖြေဆိုပေးနိုင်မယ့်သူ မရှိသေးပါဘူး။

          ပြည်တွင်းက တိုင်းရင်းသား လုပ်ငန်းရှင်တွေကို အစိုးရက စီးပွားရေး ယှဉ်ပြိုင်နိုင်စွမ်းရှိအောင် အားပေးရမယ်ဆိုတဲ့ မူဝါဒရှိပေမယ့် တိုင်းရင်းသား လုပ်ငန်းရှင်တွေက ဂုဏ်သိက်္ခာရှိဖို့ လိုပါမယ်။ နောက်တစ်ချက်က နိုင်ငံနဲ့ လူမျိုးကို ချစ်မြတ်နိုးဖို့ လိုပါမယ်။ အခုတော့ ဥပဒေကို လှည့်စားပြီး ကိုယ့်ရဲ့ ဥစ္စာဓနကို ပိုပြီး တိုးတက်လာဖို့ သက်သက်ကိုပဲ ကြိုးစားနေကြတာကို ကြည့်ရင်း ရင်နာရပါတယ်။

          နောက် တစ်နှစ်အတွင်း တရားမျှတတဲ့ စီးပွားရေး ဒီမိုကရေစီကို မဖော်ဆောင် နိုင်ရင် နိုင်ငံတကာက အယုံအကြည်မဲ့ သွားမှာ ကျိန်းသေပါပဲ။ ရင်းနှီးမြှုပ်နှံမှု တွေဟာလည်း အခြေခံ အဆောက်အအုံတွေ ကောင်းလာတဲ့ ဗီယက်နမ်၊ ကမ္ဘော ဒီယားတွေဆီ ဦးလှည့်သွားကြမှာ ဖြစ်ပါတယ်။

          တိုင်းပြည်ကပိုင်တဲ့ မြေနေရာတွေကို ဖျာခင်းပြီး စောင့်နေကြတဲ့ အခွင့်အရေး သမားတွေကတော့ နိုင်ငံသား တွေရဲ့ ပခုံးထက်က နတ်ဆိုးတွေအဖြစ် ကျွန်တော် ကတော့ ညွှန်းဆိုလိုက်ချင်ပါတယ်။          

ဇော်သက်ထွေး

(ပြည်သူ့ခေတ်ဂျာနယ်၊ အတွဲ-၂၊ အမှတ်-၁၀၂၊ ၂၀၁၂ ခုနှစ်၊ ဇူလိုင် ၁၂)