26.07.2012 နေ့ဖတ်ရန်သတင်းများ

by Myanmar Journal on Wednesday, July 25, 2012 at 6:19pm ·

အာသံ လူမျိုးရေး အဓိကရုဏ်း ဖြစ်ပွား

အိန္ဒိယ အရှေ့မြောက် နယ်စပ်က ဘိုဒို တိုင်းရင်းသား တွေနဲ့ ရွှေ့ပြောင်း လာတဲ့ မွတ်ဆလင် ဘာသာဝင် တွေအကြား ၄ ရက်ကြာ တိုက်ခိုက်မှုမှာ သေဆုံးသူ ၃၅ ယောက် ထိ ရှိသွားပြီလို့ အာသံ ပြည်နယ် အာဏာပိုင် တွေက ဆိုပါတယ်။

ဗုဒ္ဓဟူး နေ့က အဓိကရုဏ်း ဖြစ်ခဲ့တဲ့ နေရာတွေမှာ ထောင်နဲ့ချီတဲ့ တပ်သားတွေ စပြီး ကင်းလှည့်တဲ့ အခါမှာ နောက်ထပ် အလောင်းတွေ ထွက်လာတယ်လို့ သိရပါတယ်။

အဓိကရုဏ်း ကြောင့် လူ တသိန်း ၇ သောင်း ၅ ထောင်ကျော် နေအိမ်တွေက ထွက်ပြေး ခဲ့ရပါတယ်။

ဘိုဒိုနဲ့ ဘင်္ဂါလီ အခြေချ သူတွေကြား မြေယာ ပိုင်ဆိုင်ခွင့် နဲ့ ပတ်သက်ပြီး တင်းမာနေခဲ့ကြတာ ဖြစ်ပါတယ်။

ထိုင်း နိုင်ငံ တောင်ပိုင်းမှာ ဗုံးပေါက်ကွဲ လို့ ရဲ ဝန်ထမ်း ၅ ယောက် သေဆုံးပြီး တယောက် ပြင်းထန်စွာ ဒဏ်ရာ ရသွားပါတယ်။

ရေကြီးမှုသတင်းနဲ့ ပတ်သက်လို့ တရုတ်အစိုးရ ဝေဖန်ခံရ

မိုးကြီး ရေလျှံမှုကြောင့် ဘေဂျင်းမြို့ နေရာ အတော် များများ ထိခိုက်ပျက်စီးခဲ့

တရုတ်နိုင်ငံ ဘေဂျင်းမြို့တော်မှာ နှစ်ပေါင်း ၆၀ အတွင်း အသည်းထန်ဆုံး မိုးရွာသွန်း ခဲ့ရာမှာ သေဆုံးသူ ၃၇ဦး ရှိတယ်လို့ အာဏာပိုင်တွေက အစောပိုင်းက ကြေညာခဲ့ပေမယ့် သေဆုံးသူ စာရင်းကို ပြန်ပြင်ရဖို့ ရှိပါတယ်။

သေဆုံးခဲ့သူတွေရဲ့ စာရင်းကို လိမ်လည်ခဲ့တယ်ဆိုပြီး အာဏာပိုင်တွေကို တရုတ်လူမှုရေး ကွန်ယက် ဖြစ်တဲ့ Weibo website စာမျက်နှာမှာ တချို့က ဝေဖန် ရေးသားထားပါတယ်။

အာဏာပိုင်တွေအနေနဲ့ ကျွဲနွား တိရိစ္ဆာန် အသေအပျောက်စာရင်းကို အတိအကျ ကောက်ယူနိုင်တယ်၊ လူအသေအပျောက်စာရင်းကိုတော့ ဘာ့ကြောင့် မကောက်ယူနိုင်တာလဲ ဆိုပြီး တယောက်က မေးခွန်း ထုတ်ထားပါတယ်။

အရင်တုန်းက ဆိုရင် အစိုးရအပေါ် လူထုက ဒီလို ဝေဖန် မေးခွန်းထုတ်တာမျိုး တရုတ်နိုင်ငံမှာ မရှိခဲ့ဖူးပါဘူး။

ဒါပေမယ့် လွန်ခဲ့တဲ့ ၃နှစ် Weibo website စာမျက်နှာ ဖွင့်ခဲ့ပြီးကတည်းက လူထုအနေနဲ့ သူတို့ရဲ့ အမြင်သဘောထားတွေကို ဖွင့်ဟ ပြောနိုင်တဲ့ ဟစ်တိုင်တခု ဖြစ်လာခဲ့ပါတယ်။

ဒီရေကြီးမှုကိစ္စအပေါ် အစိုးရ ထုတ်ပြန်ခဲ့တဲ့ သတင်းတွေနဲ့ ပတ်သက်လို့ တချို့က Weibo website စာမျက်နှာပေါ်ကနေ စိန်ခေါ် မေးခွန်းထုတ်ထားပါတယ်။

ပြီးခဲ့တဲ့လတုန်းကတော့ အစိုးရပိုင် သတင်းစာတခုမှာ အရေးအကြောင်း ပေါ်လာ ရင်အစိုးရအနေနဲ့ ကိုင်တွယ် ဖြေရှင်းနိုင်စွမ်း ရှိတယ်လို့ ရေးသား ဖေါ်ပြထားပြီး အစိုးရအပေါ် လူထုရဲ့ ယုံကြည်မှု ပျက်ပြားအောင် Weibo website က လုပ်နေတယ်လို့ ဆိုပါတယ်။

အခုအခါ Weibo website စာမျက်နှာကိုထိန်းချုပ်ဖို့ အာဏာပိုင်တွေက တိုးမြှင့်လုပ်လာနေပါပြီ။

ဒီအတောအတွင်းမှာပဲ ဘေဂျင်း မြို့တော်ဝန်နဲ့ ဒုတိယ မြို့တော်ဝန်တို့ ရာထူးကနေ နှုတ်ထွက်ကြောင်း ဒီကနေ့ ဗုဒ္ဓဟူးနေ့မှာ ထုတ်ဖေါ် ကြေညာလိုက်ပါတယ်။

သူတို့ နှုတ်ထွက်တာဟာ လုပ်ရိုးလုပ်စဉ် ရာထူးအပြောင်းအလဲကြောင့် ဖြစ်ပြီး ရေကြီးရေလျှံမှုကိစ္စနဲ့ မဆိုင်ဘူးလို့ ယူဆရပါတယ်။

ဒါပေမယ့်လည်း ဝေဖန် ပြောဆိုမှုတွေ ထွက်ပေါ်လာမှာကို တားဆီးတဲ့အနေနဲ့ သူတို့ နှစ်ယောက်ရဲ့ နာမည်တွေကို weibo စာမျက်နှာမှာ ဖေါ်ပြခွင့်မရအောင် အာဏာပိုင်တွေက ပိတ်ပင်ထားတယ်လို့ သိရပါတယ်။

အလက်ပိုကို အစိုးရ တပ် အလုံးအရင်းနဲ့ချီ

အလက်ပို ကို ပြန်ထိန်းချုပ်ဖို့ အစိုးရ လက်နက်ကြီး သုံး

သူပုန် တပ်စွဲ ထားတဲ့ နေရာတွေ ပြန်သိမ်းဖို့ ဆီးရီးယားရဲ့ ဒုတိယ အကြီးဆုံး အလက်ပို မြို့ ဘက်ကို အစိုးရ တပ် အမြောက်အမြား ချီတက် နေတယ်လို့ သတင်းရ ရှိ ပါတယ်။

အလက်ပိုမှာ ပြန်တပ်စွဲဖို့ ထောင်နဲ့ ချီတဲ့ စစ်သားတွေ တင့်ကား သံချပ်ကာ ကားတွေနဲ့ တူရကီ နယ်စပ် အစ်ဒလစ်ဘ် ခရိုင်ကနေ ဆုတ်ခွာ လာတယ်လို့ အတိုက်အခံ ဆီးရီးယား လွတ်မြောက်ရေး တပ်က ဆိုပါတယ်။

အလက်ပို ဆင်ခြေဖုံး ဒေသတွေနဲ့ ဒမတ်စကပ် မြို့တော်ကို ပြန်ထိန်းချုပ်ဖို့ အစိုးရ တပ်က လက်နက်ကြီး တွေနဲ့ တိုက်ခိုက် တယ်လို့ အတိုက်အခံ ဘက်က ဆိုပါတယ်။

အစိုးရ ခြေလျင် တပ်သားတွေ သတ်ဖြတ်မှာကို ကြောက်ရွံ့လို့ သေဆုံး သွားတဲ့ မိသားစု ဝင်တွေ ကို မသင်္ဂြိုဟ် နိုင်ဘဲ ဆီးရီးယား တွေ ထွက်ပြေး လာကြတာ တွေ့ရတယ်လို့ တူရကီ နယ်စပ်က ဘီဘီစီ သတင်းထောက် က ဆိုပါတယ်။

ကုလ သမဂ္ဂ စောင့်ကြည့်ရေး တပ်က တပ်မှူးသစ် ဘာဘာကာ ဂေးလဲ ဒမတ်စကပ်ကို ရောက်လာပြီး လူထု ခံစားနေ ရတဲ့ ဒုက္ခ တွေ လျော့ပါး သွားအောင် ကြိုးစားမယ်လို့ ဆိုပါတယ်။

ဆီးရီးယား နယ်စပ် အဝင်အထွက် တွေ ကန့်သတ်လိုက်ပြီလို့ တူရကီက ကြေညာ ခဲ့ပါတယ်။

ဆီးရီးယား ဒုက္ခသည် တွေကို တူရကီ ထဲ အဝင်ခံ မှာ ဖြစ်ပေမယ့် တူရကီ နိုင်ငံသားတွေ ကိုတော့ ဆီးရီးယား ဘက် သွားခွင့် မပေးဘူးလို့ ဆိုပါတယ်။

ကုန်တင် ကားတွေကိုလဲ သွားခွင့် မပြုတော့ တဲ့အတွက် ဒါဟာ ဆီးရီးယားကို စီးပွားရေး ပိတ်ဆို့တာနဲ့ ညီမျှတယ်လို့ သတင်းထောက် တွေက ဆိုပါတယ်။

ဆီးရီးယား ဘက်မှာ ဗုံးကြဲ ခဲ့ပြီးနောက် အနည်းဆုံး ဆီးရီးယား လူမျိုး ခြောက်ရာနဲ့ အီရတ် သုံးရာလောက် အီရတ် နယ်မြေထဲ ဝင်လာကြတယ်လို့ သိရပါတယ်။ 

မြန်မာ အိုလံပစ် အသင်း လန်ဒန်ကို စတင် ရောက်လာ

မြန်မာ အားကစား သမားများ

လာမယ့် သောကြာနေ့ ဇူလိုင်လ ၂၇ ရက်နေ့မှာ စတင် ဖွင့်လှစ်မယ့် ၂၀၁၂ အိုလံပစ် အားကစား ပွဲတွေကို အိမ်ရှင် အဖြစ် လက်ခံ ကျင်းပမယ့် လန်ဒန် မြို့တော်မှာ အားကစား ပွဲတော် အတွက် အဘက်ဘက်က လိုလေသေး မရှိ ကြိုတင် ပြင်ဆင် နေချိန်မှာ နိုင်ငံအသီးသီးကို ကိုယ်စားပြု ပြိုင်ပွဲဝင်ကြမယ့် အားကစား သမားတွေ လန်ဒန်မြို့တော်ကို ရောက်လာ နေကြ ပါတယ်။

မြန်မာ အိုလံပစ် အသင်းမှာ ပြိင်ပွဲဝင်မယ့် အားကစား သမား ၆ ယောက် ပါဝင်ပြီး အားကစား သမားတစ်ယောက်နဲ့ တာဝန်ခံ တွေ အင်္ဂါ နေ့ကနေ စပြီး လန်ဒန်ကို ရောက်လာ ကြပြီ ဖြစ်ပါ တယ်။

မြှားပစ် အားကစား ပြိုင်ပွဲဝင်မယ့် ကိုနေမျိုးအောင်က ရောက်တဲ့ နေ့မှာပဲ လန်ဒန်က လေ့ကျင့်ရေး စခန်းမှာ စတင် လေ့ကျင့်နေပါပြီ။

မြန်မာ နိုင်ငံ အိုလံပစ် အားကစား အသင်း ခေါင်းဆောင် ဖြစ်သူ အားကစား ဝန်ကြီး ဦးတင်စန်းနဲ့ အတူ ကျန်တဲ့ အားကစားသမား ငါးယောက်နဲ့ နည်းပြတွေ၊ အားကစား အဖွဲ့ဝင်တွေ အားလုံး ကြာသပတေး နေ့မှာ ရောက်လာ ကြမှာ ဖြစ်တယ်လို့ မြန်မာ အိုလံပစ် အသင်း အုပ်ချုပ်ရေး အဖွဲ့ဝင် တစ်ယောက် ဖြစ်တဲ့ ဦးခင်မောင်လွင် က ပြောပါတယ်။

လှေလှော် အားကစား သမား မရွှေဇင်လတ်က လွဲလို့ ပြိုင်ပွဲဝင်ကြမယ့် အားကစား မောင်မယ် တွေနဲ့ အသင်းသားတွေ က အိုလံပစ် အားကစားရွာမှာ နေကြရပြီး လန်ဒန် မြို့တော် တခွင်မှာ ရှိတဲ့ လေ့ကျင့်ရေး စင်တာ တွေကို သွားရောက် လေ့ကျင့် ကြရမှာ ဖြစ်ပါတယ်။

မရွှေဇင်လတ် ကတော့ လှေလှော် အားကစား သမားတွေ အတွက် ထားတဲ့ လန်ဒန် မြို့ပြင်က နေရာမှာ နေရမယ်လို့ သိရပါတယ်။

အခုလို လန်ဒန် အိုလံပစ် ပြိုင်ပွဲကို လာရောက် ယှဉ်ပြိုင်ကြရတဲ့ အတွက် ကစား သမားတွေ အနေနဲ့ နိုင်ငံတကာ အတွေ့ အကြုံတွေ ရတယ်၊ တခြား နိုင်ငံတွေ နဲ့ ချစ်ကြည် ရင်းနှီးမှု ရနိုင်တဲ့ အကျိုး ကျေးဇူးတွေ ရနိုင်တယ် လို့ မြန်မာ အိုလံပစ် အသင်း အုပ်ချုပ်ရေး အဖွဲ့ဝင် ဦးခင်မောင်လွင် က ပြောပါတယ်။

အိန္ဒိယသမ္မတအသစ် ကျမ်းသစ္စာကျိန်ဆို

အိန္ဒိယသမ္မတသစ် Pranab Mukherjee ကျမ်းသစ္စာကျိန်ရန် သွားနေစဉ်။ (ဇူလိုင်လ ၂၅ ရက်၊ ၂၀၁၂။)

အိန္ဒိယနိုင်ငံရဲ့ ၁၃ ယောက်မြောက် သမ္မတအဖြစ် Pranab Mukherjee နယူးဒေလီမြို့တော်က လွှတ်တော်ခန်းမမှာ ဒီကနေ့ ကျမ်းသစ္စာ ကျိန်ဆိုလိုက်ပါတယ်။ ကွန်ဂရက်ပါတီက ဦးဆောင်တဲ့ ညွန့်ပေါင်းအစိုးရရဲ့ ကိုယ်စားလှယ်တဦးအဖြစ် ယှဉ်ပြိုင်ခဲ့တဲ့ တနင်္ဂနွေနေ့ ရွေးကောက်ပွဲမှာ မဲအားလုံးရဲ့ ၆၉ % ရပြီး သမ္မတအဖြစ် ရွေးချယ်ခံခဲ့ရတာပါ။

အိန္ဒိယနိုင်ငံမှာ သမ္မတရာထူးက အဆောင်အယောင် သဘောသာဖြစ်ပေမဲ့ ၂၀၁၄ ခုနှစ် ရွေးကောက်ပွဲနောက်ပိုင်း လွှတ်တော်မှာ အစိုးရသစ၀်တရပ် ဖွဲ့စည်းချိန်မှာတော့ သမ္မတသစ် Mukherjee ဟာ အရေးပါတဲ့ အခန်းကဏ္ဍက ဆောင်ရွက်ရမှာ ဖြစ်ပါတယ်။

အသက် ၇၆ နှစ်အရွယ် Mukherjee ဟာ ကွန်ဂရက်ပါတီရဲ့ ထိပ်တန်းခေါင်းဆောင် တဦးဖြစ်ပြီး သမ္မတလောင်းအဖြစ် ယှဉ်ပြိုင်ဖို့အတွက် ဘဏ္ဍာရေးဝန်ကြီး တာဝန်က နုတ်ထွက်ခဲ့သူ ဖြစ်ပါတယ်။ဒီကနေ့ ကျမ်းသစ္စာကျန်ဆိုပွဲကိုတော့ ဝန်ကြီးချုပ် Manmohan Singh ကွန်ဂရက်ပါတီခေါင်းဆောင် Sonia Gandhi နဲ့ တခြား အစိုးရ အဖွဲ့ဝင်တွေလည်း တက်ရောက်ခဲ့ကြပါတယ်။

လန်ဒန်အိုလံပစ် အမျိုးသမီးဘောပွဲစတင်

လန်ဒန် အိုလံပစ်ပြိုင်ပွဲတွေ ဖွင့်လှစ်ဖို့ ၂ ရက် လိုသေးတယ်ဆိုပေမဲ့ ဘောလုံးပွဲတွေကိုတော့ စတင်လိုက်ပါပြီ။

အမျိုးသမီး ဘောလုံးပွဲတွေကို ဗုဒ္ဓဟူးနေ့မှာ စတင်လိုက်တာဖြစ်ပါတယ်။ ပထမပွဲစဉ်အဖြစ်  အိမ်ရှင် ဗြိတိန်နဲ့ နယူးဇီလန်အသင်းတို့ကစားကြပြီး ဂျပန်အသင်းတို့၊ ကနေဒါအသင်းတို့ ယှဉ်ပြိုင်ဖို့ရှိသလို ထိပ်တန်း အမေရိကန်အသင်းနဲ့ ပြင်သစ်အမျိုးသမီးအသင်းတွေ ယှဉ်ပြိုင်ကြမှာဖြစ်သလို ကင်မရွန်နဲ့ ဘရာဇီး၊ ဆွီဒင်နဲ့ တောင်အာဖရိက၊ ကိုလံဘီယာနဲ့ တောင်ကိုရီးယားအသင်းတို့ ယှဉ်ပြိုင်ကြဖို့ ရှိနေပါတယ်။

အိုလံပစ်ပြိုင်ပွဲရဲ့ဖွင့်ပွဲကို သောကြာနေ့မှာ ပြုလုပ်မှာဖြစ်ပြီး ပြိုင်ပွဲတွေကို သြဂုတ်လ ၁၂ ရက်အထိ ကျင်းပသွားမှာ ဖြစ်ပါတယ်။ ပြိုင်ပွဲ ၂၆ မျိုးအတွက် နိုင်ငံပေါင်းစုံက အားကစားသမား တသောင်းကျော် ပါဝင်ယှဉ်ပြိုင်ကြမှာ ဖြစ်ပါတယ်ခင်ဗျာ။

ကိုလိုနီဆန့်ကျင်ရေးကာလ မြန်မာ့မိတ်ဆွေ အိန္ဒိယစစ်သူရဲကောင်း ကွယ်လွန်

ဆူဗီရ် ဘူမစ် | ဗုဒ္ဓဟူးနေ့၊ ဇူလိုင်လ ၂၅ ရက် ၂၀၁၂ ခုနှစ် ၂၂ နာရီ ၀၄ မိနစ်

ရန်ကုန် (မဇ္ဈိမ) ။      ။ တနင်္လာနေ့က အိန္ဒိယနိုင်ငံတွင် ကွယ်လွန်သွားခဲ့သော ဗိုလ်မှူးကြီး လက်က်ရှမီး ဆေဂါးလ် (ငယ်အမည် လက်က်ရှမီး ဆွာမိနသန်) အသက် ၉၇ နှစ်သည် ကိုလိုနီဆန့်ကျင်ရေး တိုက်ပွဲကာလအတွင်း မြန်မာ အပါအဝင် အရှေ့တောင်အာရှနှင့် အိန္ဒိယနိုင်ငံ အကြား အဆက်အစပ်ရှိသူများထဲမှ နောက်ဆုံးတဦးပင် ဖြစ်သည်။

သူသည် ဆရာဝန်တဦး ဖြစ်လာခဲ့ပြီးမှ ၁၉၄၃ ခုနှစ်တွင် ဆူဗတ်စ်ချန် ဒရာဘို့စ် ၏ အိန္ဒိယ အမျိုးသား တပ်မတော် (INA) သို့ မလေးရှားနိုင်ငံတွင် ဝင်ရောက်ခဲ့သည်။ ဘို့စ်သည် အရှေ့တောင်အာရှသို့ ရောက်ရှိအပြီး INA ကို ထူထောင်ခဲ့ခြင်းဖြစ်သည်။

မြန်မာနိုင်ငံတွင်ရှိစဉ် မဟာမိတ်များကို တိုက်ခိုက်ခဲ့သည့် INA ၏

ဗိုလ်မှူးကြီး လက်က်ရှမီး ဆေဂါးလ် (ဓါတ်ပုံ -ဝီကီပီဒီယား)

တိုက်ပွဲများအပေါ် အမှတ်တရ ရှိလှသည့် ဤ ကျက်သရေရှိ၊သြဇာရှိလှသည့် အမျိုးသမီးကြီးသည် မဇ္ဈိမ သတင်းဌာနနှင့်မြန်မာနိုင်ငံအတွက် မိတ်ဆွေကောင်းတဦး ဖြစ်သည်။ မြန်မာ့ဒီမိုကရေစီ အရေး တိုက်ပွဲဝင်သူများကိုလည်း အမြဲထောက်ခံကူညီခဲ့သူဖြစ်ပြီး မဇ္ဈိမကိုလည်း နည်းအမျိုးမျိုးဖြင့် ကူညီခဲ့သူဖြစ်သည်။

မဇ္ဈိမ အယ်ဒီတာချုပ်က ကွယ်လွန်သူ မိသားစုထံ ဝမ်းနည်းသဝဏ်နှင့် ပန်းခြင်း ပေးပို့ခဲ့သည်။

အိန္ဒိယနိုင်ငံ လွတ်မြောက်ရေး လှုပ်ရှားမှုများက ငယ်ရွယ်နုပျိုသော လက်က်ရှမီးကို INA သို့ ဝင်ရောက်ရန် ဆွဲဆောင် ခဲ့သည်။ သူသည်ဗိုလ်ကြီးတဦးအဖြစ် အရှေ့တောင်အာရှရောက် အိန္ဒိယနိုင်ငံသူအမျိုးသမီးငယ်များဖြင့် ဖွဲ့စည်းထား သည့် အမျိုးသမီးတပ်ဖွဲ့ကိုဦးဆောင်ခဲ့ပြီး သူတို့သည် ဆေးဘက်ဆိုင်ရာနှင့် အခြားထောက်ပို့တာဝန်များ သာမက မဟာမိတ်တပ်များကို ကိုဟီးမား-အင်ဖားလ် စစ်မြေပြင်တွင် တိုက်ခိုက်ခဲ့သည့် တိုက်ပွဲများ တွင်လည်း ကိုယ်တိုင် ကိုယ်ကျ တိုက်ပွဲဝင်ခဲ့ကြသည်။ သို့သော် အဆိုပါ တိုက်ပွဲများသည် ဂျပန်နှင့် INA တပ်များ အတွက် အထိနာခဲ့သော တိုက်ပွဲများ ဖြစ်ခဲ့သည်။

လက်က်ရှမီး ဆွာမိနသန် သည် နောင်တွင် ဒေလီမြို့၌ ရုံးတင် တရားစွဲဆိုခြင်းခံခဲ့ရသည့် INA တပ်မှူး သုံးဦးအနက် တဦးဖြစ်သော ဗိုလ်မှူးကြီး ပရမ်ဆေးဂါးလ် ကို လက်ထပ်ခဲ့သည်။ သူသည် အိန္ဒိယ နိုင်ငံရေးလောကတွင် ဆက်လက် တာဝန်ထမ်းဆောင်ခဲ့ပြီး ၎င်းတို့၏ သမီးဖြစ်သော ဆူဟာဆီနီ သည် အိန္ဒိယ လွှတ်တော်တွင် ခဏတာ အမတ်တဦးဖြစ်ခဲ့သေးသည်။

လက်က်ရှမီး ဆေဂါးလ်သည် သူ့နောက်ပိုင်းနှစ်များတွင် မီးယပ်သားဖွား အထူးကု ဆရာဝန်တဦးအဖြစ် ကုသရေး တာဝန်များကို ဆက်လက်ဆောင်ရွက်ခဲ့ပြီး ကလေးအများအပြား မွေးဖွားပေးခဲ့သည်။

ဦးသိန်းစိန်အား ဖိတ်ကြားထားမှု ဗြိတိန် ပြန်ရုတ်သိမ်းသင့်ဟု BC (UK) ပြော

မဇ္ဈိမသတင်းဌာန | ဗုဒ္ဓဟူးနေ့၊ ဇူလိုင်လ ၂၅ ရက် ၂၀၁၂ ခုနှစ် ၂၂ နာရီ ၀၆ မိနစ်

မဇ္ဈိမသတင်းဌာန ။       ။ ရခိုင်ပြည်နယ်တွင် ဖြစ်ပွါးခဲ့သော လူမျိုးရေး အကြမ်းဖက် တိုက်ခိုက်မှုများသည် ယခုအခါ လူအခွင့်အရေးနှင့် လူသားဆိုင်ရာ အကြပ်အတည်းတခု ဖြစ်လာခဲ့သော်လည်း ထိုက်သင့်သော နိုင်ငံတကာ၏ အာရုံစိုက်မှုကို မရရှိခဲ့ကြောင်း Burma Campaign (UK) ၏ အင်္ဂါနေ့က ကြေညာချက် ထုတ်ပြန်လိုက်သည်။

လက်ရှိ အကြပ်အတည်းသည် မြန်မာအစိုးရ ခေါင်းဆောင်ပြုလုပ်နေသည့် ရိုဟင်ဂျာများအပေါ် ဖိနှိပ်သည့်အဖြစ်သို့ပြောင်းလဲသွားခဲ့ကြောင်း ဤကြေညာချက်တွင် ရေးသားထားသည်။

Burma Campaign (UK) ၏ အမှုဆောင် ညွှန်ကြားရေးမှူး အန်နာရောဘတ် (ဓါတ်ပုံ :: Facebook)

ရဲတပ်ဖွဲ့ဝင်များ၊ လုံခြုံရေးတပ်ဖွဲ့ဝင်များနှင့် စစ်သားများက ရိုဟင်ဂျာ အရပ်သားများကို အဓမ္မပြုကျင့်ခြင်း၊ လုယက်ခြင်း၊ ရိုက်နှက်ညှဉ်းပန်းခြင်းနှင့် အရမ်းကာရော သတ်ဖြတ်ခြင်းများကို ကျူးလွန်ခဲ့ကြောင်းလွန်ခဲ့သော ရက်သတ္တပတ်များ အတွင်း သတင်းများ ရရှိထားသည်ဟု BC (UK) က ပြောသည်။

ဒုက္ခသည် စခန်းများတွင်လည်း လုံလောက်သော စားနပ်ရိက္ခာနှင့်ဆေးဝါးကုသပေးမှုများ မရှိကြောင်းလည်း သတင်းများ ရရှိထားသည်ဟု သူတို့က ဆိုသည်။

“အရေအတွက် မသိရသည့် ထောင်ပေါင်းများစွာသော လူများသည် ဘင်္ဂလားဒေ့ရ်ှနိုင်ငံသို့ ထွက်ပြေး ဝင်ရောက်ခဲ့ကြပြီး သူတို့သည်  အကာအကွယ်ပေးမှု သော်လည်းကောင်း၊ အကူအညီ အထောက်အပံ့သော်လည်းကောင်း မရရှိခဲ့ကြဘဲ ထောင်ပေါင်းများစွာသည် ဘင်္ဂလာဒေ့ရှ် အာဏာပိုင်များက နိုင်ငံတကာ ဥပဒေနှင့် ဆန့်ကျင်ကာသေနတ်နှင့်ချိန်၍ ပြန်လည် နှင်ထုတ်ခြင်းကို ခံခဲ့ရသည်” ဟု ကြေညာချက်တွင် ရေးသားထားသည်။

ဒေသန္တရ အာဏာပိုင်များသည် ရိုဟင်ဂျာ အများအပြားကို သူတို့၏ ကျေးရွာများ၊ ဈေးဆိုင်များ၊ အိမ်များသို့ ပြန်လည် ဝင်ရောက်ခွင့် မပြုခဲ့ဘဲ ယင်းသည် ဒေသအတွင်း ရိုဟင်ဂျာလူမျိုး `သန့်စင်ရေး´ရည်ရွယ်ပြုလုပ်သည့် မူဝါဒတရပ် လည်း ဖြစ်ကြောင်း BC (UK) က ပြောဆိုထားသည်။

သမ္မတ ဦးသိန်းစိန် က လူမျိုးသန့်စင်ရေး ပြုလုပ်ရာရောက်သည့် မူဝါဒတရပ်ကို တင်ပြခဲ့ပြီး ယင်းမူဝါဒအရ ရိုဟင်ဂျာ များကို မြန်မာနိုင်ငံမှ ရှင်းလင်းဖယ်ရှားပြီး တတိယနိုင်ငံသို့ ပို့ဆောင်ပေးရေး စီစဉ်ပေးရန် ကုလသမဂ္ဂကို တောင်းဆိုခဲ့ သည်။

“ယင်းသည် မယုံကြည်နိုင်စရာ ကောင်းလောက်အောင် အလွန်စိုးရ်ိမ်ဖွယ်ရာ ကောင်းသည့် အခြေအနေတရပ် ဖြစ်ပြီး အခြေအနေမှာ အလွန်လျှင်မြန်စွာပင် ယိုယွင်းလာနေသည်” ဟု BC (UK) ၏ အမှုဆောင်ညွှန်ကြားရေးမှူး အန်နာရောဘတ် က ပြောသည်။

“ဤသို့သော အတိုင်းအတာဖြင့် ဖြစ်ပွါးနေသော အကြပ်အတည်းတွင် မျှော်လင့်ထားအပ်သည့် နိုင်ငံတကာ၏ တုံ့ပြန်မှု မျိုးကို မရရှိခဲ့ပါ။ အကူအညီ အထောက်အပံ့များ ပေးအပ်နိုင်ရေး၊ ဖမ်းဆီးခြင်းများနှင့် လူ့အခွင့်အရေး ချိုးဖောက်မှုများ ကို ရပ်တန့်နိုင်ရေး၊ လူများကို သူတို့နေအိမ်များသို့ လုံခြုံစွာ ပြန်ခွင့်ပြုနိုင်ရေးတို့အတွက် လိုအပ်သော အရေးယူဆောင်ရွက်မှုများကို ပြုလုပ်ရန်လို အပ်ပါသည်” ဟု ရေးသားထားသည်။

ရခိုင်ပြည်နယ်တွင် လက်ရှိဖြစ်ပေါ်လျက်ရှိသော အခြေအနေများကို ပြည်တွင်းတွင် သိရှိကာ အရေးတယူ ရှိလာရေး အတွက် ဗြိတိန်နိုင်ငံအနေဖြင့် သမ္မတ ဦးသိန်းစိန်ကို ဗြိတိန်နိုင်ငံသို့ လာရောက်လည်ပတ်ရန် ဖိတ်ကြားထားချက်အားပြန်လည် ရုတ်သိမ်းသင့်ကြောင်း ရောဘတ် က ပြောသည်။

မြန်မာနိုင်ငံတွင် ဖြစ်ပေါ်နေသော လူ့အခွင့်အရေးနှင့် လူသားချင်းစာနာမှုဆိုင်ရာ အကြပ်အတည်းကို နိုင်ငံတကာ အသိုင်းအဝိုင်းက အရေးတယူရှိလာရေး လှုပ်ရှားဆောင်ရွက်ရာတွင် ဗြိတိန်နိုင်ငံအနေဖြင့် ဦးဆောင် ပါဝင်သင့်ကြောင်း လည်း သူကပြောသည်။ သို့သော် အစိုးရသည် အပြုသဘော ဆောင်သည့် သတင်းများအပေါ်တွင်သာ ပိုမိုအာရုံစိုက်နေပုံရပြီး ဝန်ကြီးများ အနေဖြင့်လည်း လူ့အခွင့်အရေး ချိုးဖောက်မှုများအပေါ် ဝေဖန်ပြောကြားမှုများမှာလည်း ရှားရှားပါးပါးသာ ရှိသည်ဟု သူက ဆိုသည်။

“ဤသို့ ပြုလုပ်ခြင်းဖြင့် ရိုဟင်ဂျာများကို ဝိုင်းဝန်းဖမ်းဆီးပြီး တိုင်းပြည်တွင်းမှ နှင်ထုတ်ရေး ဆောင်ရွက်နေသည့် သမ္မတ ဦးသိန်းစိန်ကို ပိုအားရှိသွားအောင် လုပ်ပေးလိုက်သလို ဖြစ်မည်မှာ သံသယဖြစ်စရာ မလိုပါ။ နိုင်ငံတကာ အသိုင်းအဝိုင်း ၏ ချက်ချင်း အရေးယူ ဆောင်ရွက်ခြင်း မရှိပါက အခြေအနေသည် ဆက်လက်ဆိုးရွားနေမည်သာ ဖြစ်သည်” ဟု အဆိုပါ ကြေညာချက်တွင် ရေးသားထားသည်။

ရေနက်ဆိပ်ကမ်း သဘောတူညီချက် အသေးစိတ် ထားဝယ်ဒေသခံများ သိရှိလို

မဇ္ဈိမသတင်းဌာန | ဗုဒ္ဓဟူးနေ့၊ ဇူလိုင်လ ၂၅ ရက် ၂၀၁၂ ခုနှစ် ၂၂ နာရီ ၁၀ မိနစ်

မဇ္ဈိမသတင်းဌာန ။        ။ ထားဝယ် ရေနက်ဆိပ်ကမ်းနှင့် အထူးစီးပွါးရေးဇုန် အနီးရှိ ဒေသခံများက ယခုအပတ် အတွင်း မြန်မာနိုင်ငံနှင့် ထိုင်းနိုင်ငံတို့ လက်မှတ်ရေးထိုးခဲ့ကြသည့် သဘောတူညီချက်များ၏ အသေးစိတ်ကို သိရှိလိုကြောင်းနှင့် ၎င်းတို့၏ လိုအပ်ချက်များကိုလည်း ထည့်သွင်းစဉ်းစားကြစေလိုကြောင်း ပြောသည်။

မြေယာသိမ်းမှုနှင့် ပတ်သတ်သည့် အငြင်းပွါးမှုများတွင် ဒေသခံများဘက်မှ ရပ်တည် ပြောဆိုပေးခဲ့ပြီး ထားဝယ်စီမံကိန်း ကို ထောက်ခံ ပံ့ပိုးနေသည့် အရာရှိများနှင့် တွေ့ဆုံ ဆွေးနွေးခဲ့သည့် ထားဝယ်ဖွံ့ဖြိုးရေးအဖွဲ့မှ ကိုဘိုဘိုအောင် ကနှစ်နိုင်ငံ အစိုးရများ အနေဖြင့် စွမ်းအင်နှင့် စက်မှုစီမံကိန်များနှင့် ပတ်သတ်၍ စီးပွါးရေး ပူးပေါင်း ဆောင်ရွက်ရေးကို ထပ်မံ အတည်ပြုကာ တနလာင်္နေ့က လက်မှတ် ရေးထိုးခဲ့ကြသည့် နားလည်မှု စာချွန်လွှာ သုံးခု၏ အသေးစိတ်များကို ထုတ်ပြန်ပေးရန် တောင်းဆိုလိုက်သည်။

ထားဝယ် ရေနက်ဆိပ်ကမ်းနှင့် အထူးစီးပွါးရေးဇုန် အနီးရှိ ဒေသခံများက မြန်မာနိုင်ငံနှင့် ထိုင်းနိုင်ငံတို့ လက်မှတ်ရေးထိုးခဲ့ကြသည့် သဘောတူညီချက်များ၏ အသေးစိတ်ကို သိရှိလို

“နှစ်နိုင်ငံ သဘောတူ ခန့်အပ်လိုက်တဲ့ ဝန်ကြီးအဆင့် လုပ်ငန်းဆောင်ရွက်ရေး အဖွဲ့ရဲ့ ဖွဲ့စည်းပုံနဲ့ အထူးသဖြင့် ထိုင်းနိုင်ငံက ရင်းနှီးမြှုပ်နှံထားတဲ့ ထားဝယ် ရေနက်ဆိပ်ကမ်းနဲ့ စီးပွါးရေးဇုန် တည်ထောင်ရေး အစီအစဉ်ရဲ့ တိုးတက်မှုတွေ အပါအဝင် စီးပွါးရေး ပူးပေါင်း ဆောင်ရွက်မှုတွေကို အဲဒီ့အဖွဲ့က ဘယ်လိုစီမံမယ် ဆိုတာတွေကို ကျနော်တို့ မသိပါဘူး” ဟု ကိုဘိုဘိုအောင်က ပြောဆိုကြောင်း ထိုင်းနိုင်ငံ အခြေစိုက် ဘန်ကောက်ပို့စ် သတင်းစာ၏ ဗုဒ္ဓဟူးနေ့ ထုတ် သတင်းဆောင်းပါး တပုဒ်တွင် ရေးသားထားသည်။

အတိတ်ကာလက အစိုးရနှင့် ကုမ္ပဏီ အရာရှိများ အနေဖြင့် ဒေသခံများနှင့် လုံလောက်စွာ ဆွေးနွေးမှု မရှိခဲ့သလို သက်ဆိုင်သည့် သတင်းအချက်အလက်များလည်း မျှဝေခြင်း မရှိခဲ့သဖြင့် စိုက်ပျိုးရေးဖြင့် အသက်မွေးကြသည့်ဒေသခံများ အနေဖြင့် စိုးရိမ်ပူပန်ခဲ့ရကြောင်း ကိုဘိုဘိုအောင် က ဆိုသည်။

အမေရိကန် ဒေါ်လာ ၆ဝ ဘီလီယံခန့် ရှိသည့် စီမံကိန်းတွင် ပါဝင်ကြသော ကုမ္ပဏီများနှင့် နှစ်နိုင်ငံ အစိုးရများ အနေဖြင့် ဧရိယာ စတုရန်းမိုင်ပေါင်း ၂ဝဝ ကျော်ရှိသည့် စီမံကိန်း ဒေသအနီးတွင် နေထိုင်ကြသော ဒေသခံများ လက်တွေ့အခြေအနေကို ထည့်သွင်း စဉ်းစားရန် လိုကြောင်းလည်း သူက ဆိုသည်။

နှစ်နိုင်ငံ အစိုးရများ ထပ်မံ အတည်ပြုလိုက်သည့် ပူးပေါင်းဆောင်ရွက်ရေးသည် နိုင်ငံတကာ ဘဏ္ဍာရေး အဖွဲ့အစည်း များကို ဆွဲဆောင်နိုင်ဖွယ်ရှိကာ မကြာခင်တွင် စီမံကိန်းအတွက် ငွေကြေးအထောက်အပံ့များ ရရှိဖွယ်ရှိသည်ဟုလည်း ကိုဘိုဘိုအောင်က ပြောသည်။ စီမံကိန်း၏ ကန်ထရိုက်တာမှာ ထိုင်းနိုင်ငံ၏ အကြီးဆုံး ဆောက်လုပ်ရေး ကုမ္ပဏီဖြစ်သည့် အီတာလျံ-ထိုင်း ကုမ္ပဏီ ITD ဖြစ်သည်။

“လူတွေကတော့ အလုပ်အကိုင် အခွင့်အလမ်းသစ်တွေ ပေါ်လာမှာမျိုးလို အပြုသဘော ဆောင်တဲ့ အကျိုးဆက်တွေ အကြောင်းပဲ ပြောနေကြပါတယ်။ ဒါပေမယ့် ဒီမှာရှိတဲ့ ဒေသခံတွေဟာ ရေနက်ဆိပ်ကမ်းတွေ စက်မှုလုပ်ငန်းတွေမှာ အလုပ်လုပ်ခြင်းထက် စိုက်ပျိုးမွေးမြူရေးမှာ အလုပ်လုပ်တာကသာ သူတို့ရဲ့ ကျွမ်းကျင်မှုနဲ့ ပိုပြီး ကိုက်ညီတာပါ” ဟု ၎င်းက ဆိုသည်။

“ဒေသခံတွေ စီးပွါးရေးပတ်ဝန်းကျင် အနေအထားသစ်မှာ အလုပ်လုပ်နိုင်စွမ်း ရှိလာဖို့ စီမံကိန်းတွေ မစတင်မီမှာဒေသခံတွေကို ကျွမ်းကျင်မှု သင်တန်းတွေ အရင် ပေးသင့်ပါတယ်” ဟု ကိုဘိုဘိုအောင် က ဘန်ကောက်ပို့စ် သတင်းစာကို ပြောကြားသွားသည်။