ပဉ္စလက်ကပွဲ

by Myint Myint Thein on Thursday, May 3, 2012 at 4:43am

 လွှတ်ချခဲ့ ပေမယ့်

လွတ်မကျဘဲ

အကြိမ်ကြိမ်ပြန်တွယ်ငြိ

ရင်ကို ထိစေခဲ့တာ

နှစ်ခါပြန်ဝင်စားခြင်းလား????

ဟက်တက်ကွဲပါတယ်ဆိုမှ

ပတ်တီးစည်းပြီး

ချုပ်ရိုးပျောက်ချည်

အတိတ်ကို ကြိုးနဲ့ သီလည်း

ပြည်ဖုံးကား ချမသွားဘူး

ငါကဘဲ အဆိပ်ပြင်းသလား

မင်းကဘဲ  နင်းချေထားသလား

နှောင်ဖွဲ့ မှုတွေကြားမှာ

အပြန်အလှန်ဖျော်ဖြေလို့

က ပွဲ  တွေလည်းများပြီဘဲ

မင်းရဲ့ အဆို အရ

မြစ်ချောင်းတွေက  မိန်းမတဲ့

ဟင်

ဒါဆို ယောက်ျားတွေက

ပင်လယ်ပြင်လား

ဟင့်အင်း

ဒါတော့မတရားဘူးကွယ်

ဝင်လာသမျှအရာတွေကို

လက်ခံနိုင်တာ နှလုံးသားအစစ်မှမဟုတ်တာ

ကဲ ကဲ

လွန်ဆွဲမနေပါနဲ့

ဒီတစ်ပွဲလည်း

ပင်လယ်နဲ့ ရေပြင် အတူ ကပွဲဆင်ကြဦးစို့ ။ ။ ။

(ကကြိုးသီတဲ့ နှင်းဆီ)