09.05.2012 နေ့ဖတ်ရန်သတင်းများ

by Myanmar Journal on Tuesday, May 8, 2012 at 4:28pm 

အမေရိကန်ကာကွယ်ရေးဝန်ကြီး ပန်နီတာလေကြောင်းဖေါက်ခွဲမှုဘေးကြိုတင်ဖေါ်ထုတ်နိုင်

ထောက်လှမ်းရေး စီမံချက်အတွင်း အခုဖမ်းမိတဲ့ဖေါက်ခွဲရေးပစ္စည်းကို အမေရိကန်ကသိမ်းဆည်းထားပြီး နည်းပညာနဲ့မှုခင်းဆိုင်ရာ လေ့လာနေတယ်လို့FBIစုံစမ်း ထောက်လှမ်းရေး အဖွဲ့ကပြောပါတယ်။ ဒီအမှုကိုဖေါ်ထုတ်လိုက်တဲ့အချိန်မှာ ပစ်မှတ်ကိုမရွေးရသေးသလို လေယာဉ်လက်မှတ်လည်းမဝယ်ရသေးပါဘူး။ ဖေါက်ခွဲရေးသမားနဲ့ ပတ်သက်လို့လည်း ရည်ညွှန်းဖေါ်ပြတာမရှိသလို အကြမ်းဖက်လုပ်ငန်းအတွက် စီစဉ်ထားတဲ့ IED လို့ခေါ်တဲ့ ဖေါက်ခွဲရေးပစ္စည်းကို ပြည်ပထောက်လှမ်းရေးနဲ့ ပူးပေါင်းပြီး ပြည်ပမှာ ဖေါ်ထုတ်လိုက်တာလို့FBI ရဲ့ထုတ်ပြန်ချက်မှာ ဖေါ်ပြထားပါတယ်။

အမေရိကန် ကာကွယ်ရေးဝန်ကြီး လီယွန်ပန်နီတာကအမေရိကန်နိုင်ငံကို တိုက်ဖို့ကြိုးစားနေတဲ့ အယ်ကိုင်ဒါနဲ့သူ့စစ်ရေးမဟာမိတ်တွေကို ရှာဖွေတိုက်ခိုက်တဲ့ စစ်ဆင်ရေးတွေလုပ်နေတယ်ဆိုတာကလွဲလို့ အသေးစိပ်မပြောနိုင်ကြောင်း အခုဖြစ်ရပ်ကိုကြည့်ရင် အမေရိကန်ကို တိုက်မယ့် သူတွေရဲ့ရန်ကနေ သတိရှိရှိ ကာကွယ်ဖို့လိုတာပြနေကြောင်း ဒါကြောင့်တိုင်းပြည်ဘေးကင်းအောင် လိုအပ်သလိုအစွမ်းကုန်လုပ်သွားမယ်လို့ သတင်းထောက်တွေကို ပြောသွားပါတယ်။

ဒီပစ္စည်းကိုလေ့လာကြည့်တဲ့အခါအာရပ်ပင်လယ်ကွေ့မှာ လေယဉ်တိုက်ခိုက်မှု လုပ်ကြံသတ်ဖြတ်မှုတွေမှာ al-Qaedaအဖွဲ့အကြမ်းဖက်တိုက်ခိုက်မှုမှာသုံးလေ့ရှိတဲ့ ဖေါက်ခွဲရေးပစ္စ့ည်းနဲ့အတော်တူတယ်လို့ ပဏာမတွေ့ရှိရကြောင်းထုတ်ပြန်ထားပါတယ်။

အမေရိကန်ပြည်တွင်းလုံခြုံရေးဌာနကတော့ လေကြောင်းလေခြုံရေးအတွက် ဘေးအန္တရာယ်တွေကိုဆက်လေ့လာနေပြီးခရီးသည်တွေကိုရှာတာ လုံခြုံရေးစစ်ဆေးတာတွေအပြင် အခြားလုံခြုံရေး အစီအမံတွေနဲ့စစ်ဆေးသွားမယ်လို့ ပြောပါတယ်။ဘင်လာဒင် သေဆုံးတဲ့တနှစ်ပြည့် အထိမ်းအမှတ်လုပ်ပြီးမကြာခင်ဒီသတင်းထွက်လာသလို ယီမင်မှာ အယ်ကိုင်းဒါးအကြီးတန်းခေါင်းဆောင် Fahd al-Quso ကိုစက်မဲ့လေယာဉ်နဲ့ တိုက်ခိုက်သတ်ဖြတ်ပြီးတဲ့နောက် ဒီသတင်းထွက်လာတာဖြစ်ပါတယ်။                      

အိုင်အမ်အက်ဖ် ဥက္ကဌ Christine Lagardeခြိုးခြံချွေတာရေး ခပ်မှန်မှန်နဲ့ ဖြတ်တောက်ပေး

ချမ်းသာတဲ့ နိုင်ငံတွေမှာ ဘတ်ဂျက်အသုံးစရိတ် ဖြတ်တောက်မှုတွေဟာ တိုင်းပြည် ဘဏ္ဍာရေး အခြေအနေ အားကောင်းလာစေဖို့ အခရာ ကျလှတယ်။ ဒါပေမယ့် ခပ်မှန်မှန် နှုန်းနဲ့သာ ဖြတ်တောက်သင့်တယ်လို့ နိုင်ငံတကာ ငွေကြေး ရံပုံငွေ အဖွဲ့ IMF အကြီးအကဲ ခရစ်စတင်း လဂါးက ပြောပါတယ်။

ဇူးရစ်မှာ မိန့်ခွန်းပြောရာမှာ အခုလို ဘတ်ဂျက် ဖြတ်တောက်မှုတွေက စီးပွားရေး တိုးတက်မှုကို နှောင့်နှေးစေတယ် ဆိုတာကို အသိအမှတ်ပြု ဆိုသွားခဲ့ ပါတယ်။

တချို့ တိုင်းပြည်တွေ အနေနဲ့ ငွေကြေး ဈေးကွက်မှာ ဆိုးရွားတဲ့ ဖိအားပေးမှုတွေ ခံနေရပြီး ရွေးစရာလမ်းလည်း မရှိပါဘဲ ၊ ခပ်သွက်သွက်သာ ဆောင်ရွက်သွားဖို့ လိုပါတယ်လို့ မစ္စစ် လဂါးက ပြောပါတယ်။

ဒီပြောကြားချက်မှာ နိုင်ငံရေး ဂယက်တွေ ပါဝင်နေပြီး ခြိုးခြံချွေတာရေး အစီအစဉ်တွေကို အပြင်းအထန် ခပ်သွက်သွက် လုပ်ခဲ့တဲ့ ပြင်သစ်နဲ့ ဂရိ နိုင်ငံက ရွေးကောက်ပွဲတွေမှာ လက်ရှိ အစိုးရတွေကို ဆန့်ကျင်ပြီး လူထုက အတိုက်အခံတွေကို မဲပေးခဲ့တာကြောင့် မစ္စစ် လဂါးရဲ့ ပြောကြားချက် ပေါ်ထွက်လာတာလို့ ဘီဘီစီ စီးပွားရေး ဆိုင်ရာ သတင်းထောက် ဆိုပါတယ်။

ဂျာမန် ဝန်ကြီးချုပ် အန်ဂလာ မာခဲလ်ယူရိုဇုံစည်းမျဉ်း ပြန်ပြောင်း မဆွေးနွေးဘူးလို့ပြောပြီ

ပြီးခဲ့တဲ့ တနင်္ဂနွေတုန်းက ကျင်းပခဲ့တဲ့ ပြင်သစ်နဲ့ ဂရိ နိုင်ငံက သမ္မတ ရွေးကောက်ပွဲ ရလဒ်တွေနဲ့ ပတ်သက်လို့ ဂျာမန် ဝန်ကြီးချုပ် အန်ဂလာ မာခဲလ်က တုန့်ပြန် လိုက်ပြီး ဥရောပ သမဂ္ဂရဲ့ ဘဏ္ဍာရေး သဘောတူ ညီမှုတွေကို ပြန်လည် ညှိနှိုင်း ဆွေးနွေးမှာ မဟုတ်ဘူးလို့ ပြောပါတယ်။

ယူရိုဇုံ အဖွဲ့ဝင် ဥရောပ ၂၅ နိုင်ငံအပေါ် တင်းကျပ် ထားမယ့် ဘဏ္ဍာရေး စည်းမျဉ်း ဆိုင်ရာ သဘောတူချက် စာချုပ်နဲ့ ပတ်သက်လို့ အခြေအတင် ငြင်းခုန် ဆွေးနွေး ကြမှု ပြန်လုပ်ချင် တယ်လို့ အနိုင်ရ ပြင်သစ် သမ္မတ ဖရန်ဆွာ အိုလွန်းရဲ့ ပြောကြာချက် ထွက်လာခဲ့ ပြီးတဲ့နောက် မစ္စစ် မာခဲလ်က အခုလို တုန့်ပြန်လိုက်တာ ဖြစ်ပါတယ်။

ဂရိနိုင်ငံနဲ့ ပတ်သက်လို့ ပြောကြားရာမှာလည်း ဥရောပ သမဂ္ဂနဲ့ နိုင်ငံတကာ ငွေကြေး ရံပုံငွေ အဖွဲ့တွေရဲ့ ဘဏ္ဍာရေး ကယ်ဆယ် ကူညီမှု အစီအစဉ်တွေကို လက်ခံရယူပြီး ပြုပြုင်ပြောင်းလဲရေး လုပ်ဖို့ သဘောတူညီပြီးသား ဖြစ်တဲ့ အတွက် လိုက်ကို လိုက်နာရမယ်လို့ မစ္စက် မာခဲလ်က ဆိုပါတယ်။

ရွေးကောက်ပွဲ အောင်ပွဲခံနေဂရိ ရွေးကောက်ပွဲ ကျင်းပပြီးပေမယ့် အစိုးရ မဖွဲ့နိုင်သေး

ဂရိနိုင်ငံမှာ Antonis Samaras ခေါင်းဆောင်တဲ့ ဗဟို လက်ယာယိမ်း သမားတွေက သူ့အနေနဲ့ ညွန့်ပေါင်း အစိုးရမဖွဲ့နိုင်ဘူးလို့ ပြောခဲ့ ပြီးတဲ့နောက် အတိုက်အခံ ဖြစ်တဲ့ လက်ဝဲယိမ်း ခေါင်းဆောင် Alexis Tsipras ကို အစိုးရ သစ်ဖွဲ့ဖို့ ပန်ကြားလိုက်ပါတယ်။

ပြီးခဲ့တဲ့ တနင်္ဂနွေနေ့တုန်းက ရွေးကောက်ပွဲမှာ အနိုင်ရခဲ့တဲ့ ဗဟို လက်ယာယိမ်း New Democracy ပါတီ ခေါင်းဆောင် Antonis Samaras က အစိုးရဖွဲ့ဖို့ နည်းမျိုးစုံ လုပ်ဆောင်ခဲ့ပေမယ့် ဒီတာဝန်ကို ထမ်းဆောင်ဖို့ မဖြစ်နိုင်ဘူး၊ ဒါကြောင့် အစိုးရဖွဲ့ခွင့် အမိန့်အာဏာကို သမ္မတဆီ ပြန်လွှဲပေး လိုက်ပါပြီလို့ ဆိုပါတယ်။

Alexis Tsipras ခေါင်းဆောင်တဲ့ ဆာရီဇာ အုပ်စုက ဂရိ နိုင်ငံရဲ့ ဘဏ္ဍာရေး ကယ်ဆယ်မှု တွေထဲက အစိတ်အပိုင်း တခုဖြစ်တဲ့ ခြိုးချန်ချွေတာရေး အစီအစဉ်တွေကို ပယ်ချမယ့် လွှတ်တော် အမတ်တွေနဲ့ အစိုးရ ဖွဲ့ချင်တာ ဖြစ်ပါတယ်။

ဂရိမှာ အခုလို နိုင်ငံရေး မတည်ငြိမ်မှုတွေကြောင့် နောက်ထပ် ရွေးကောက်ပွဲသစ်တွေ ပြန်ကျင်းပ ရနိုင်တယ်လို့ ဘီဘီစီ သတင်းထောက် တယောက်က သုံးသပ်ပါတယ်။

သင်္ကြန် တွင်း ဗုံးပေါက်ကွဲ ခဲ့မှုမှာ လူသေ တဲ့အထိ ဖြစ်ခဲ့သင်္ကြန် ဗုံးခွဲမှုနဲ့ စွပ်စွဲပြီး ဖြိုးဝေအောင်ကို သေဒဏ်ချ

၂၀၁၀ သင်္ကြန် ပွဲတော် အတွင်း ရန်ကုန်မြို့ ကန်တော်ကြီး ပတ်လမ်းက X2O ရေကစား မဏ္ဍပ်မှာ ဗုံးပေါက်ကွဲမှု ဖြစ်ပြီး ကတည်းက တရားခံ အဖြစ် စွပ်စွဲ ဖမ်းဆီး ခံထားရတဲ့ အင်ဂျင်နီယာ ကိုဖြိုးဝေအောင်ကို မေလ ၈ရက်နေ့က တရားရုံးကနေ သေဒဏ် ချမှတ်လိုက် ပါတယ်။

လူ့အခွင့် အရေး လှုပ်ရှားသူ တွေနဲ့ ဥပဒေ ပညာရှင် တွေက ကိုဖြိုးဝေအောင်ဟာ အပြစ် မရှိဘဲ ဖမ်းဆီး ခံထားရ တယ် ဆိုပြီး ဝိုင်းဝန်း ကန့်ကွက် နေတဲ့ ကြားက သူ့ကို အမြင့်ဆုံး ဖြစ်တဲ့ သေဒဏ် အထိ ရန်ကုန်မြို့ အင်းစိန် ထောင်တွင်း မြောက်ပိုင်း ခရိုင်အထူး တရားရုံးက ပြစ်ဒဏ် ချမှတ် ခဲ့တာပါ။

အရပ်သား အစိုးရသစ် တက်လာ ပြီးတဲ့ နောက်ပိုင်းမှာ ကိုဖြိုးဝေအောင်ဟာ ပထမဦးဆုံး သေဒဏ် ချမှတ်ခံရသူ ဖြစ်ပြီး နိုင်ငံရေးနဲ့ ပတ်သက် ဆက်နွယ်သူတွေ ထဲမှာ အပြင်းထန်ဆုံး ပြစ်ဒဏ် ချမှတ် ခံရသူလည်း ဖြစ် ပါတယ်။

အင်းစိန် ထောင်တွင်း အထူး တရားရုံး တခု ဖြစ်တဲ့ မြောက်ပိုင်း ခရိုင် တရားသူကြီး ဦးအောင်သိန်းရဲ့ ရုံးက ကိုဖြိုးဝေအောင်ကို ပုဒ်မ ၆ခုနဲ့ စီရင်ချက် ချလိုက် တာလို့ သူ့ဇနီး မဌေးဌေးက ဘီဘီစီကို ပြော ပါတယ်။

ကိုဖြိုးဝေအောင် အပေါ် ချလိုက်တဲ့ ပုဒ်မ အသေးစိတ်နဲ့ ပြစ်ဒဏ်တွေ ကတော့ လူသတ်မှု ပုဒ်မ နဲ့ သေဒဏ်၊ အပြင်း အထန် နာကျင် စေမှုပုဒ်မ နဲ့က အလုပ်နဲ့ထောင်ဒဏ် ၁၀နှစ် ဖြစ်ပြီး ဖေါက်ကွဲမှု ပုဒ်မ နဲ့က ထောင်ဒဏ် တသက် တကျွန်း ဖြစ်ပါတယ်။

ဒါ့အပြင် နယ်စပ် ဖြတ်ကျော်မှု၊ သာမန် နာကျင် စေမှု၊ မတရား အသင်း ဆက်သွယ်မှု ပုဒ်မတွေနဲ့လည်း အလုပ်နဲ့ ထောင်ဒဏ် ၃နှစ်စီ ချမှတ်လိုက်ပြီး အားလုံးကို တပေါင်းတည်း ကျခံ စေရမယ်လို့ သိရပါတယ်။

လူ့အခွင့် အရေး ရှေ့နေတွေ ကတော့ ကိုဖြိုးဝေအောင်ဟာ ဒီဖေါက်ကွဲမှုနဲ့ တိုက်ရိုက် ပတ်သက်မှု မရှိဘဲ သံသယနဲ့ အဖမ်းခံ ရတာသာ ဖြစ်ပြီး စစ်ကြောရေးမှာ မတရား နှိပ်စက်ပြီး ရယူ ထားတဲ့ ဖြောင့်ချက်တွေနဲ့ စွဲဆို တာသာ ဖြစ်တယ်လို့ ကန့်ကွက် ခဲ့ကြ ပါတယ်။

သူရဲ့ အမှုလိုက် ရှေ့နေ ဦးကျော်ဟိုးက ဒီအမှုမှာ သူတို့ ဘက်က ခိုင်လုံတဲ့သက်သေတွေနဲ့ တင်ပြလျှောက်လဲ ခဲ့တာတွေကို လုံးဝ လက်ခံ စဉ်းစားခြင်း မရှိဘဲ တဖက်သတ် ဆုံးဖြတ် ထားတာမို့ အယူခံ ဆက်တက်မယ်လို့ ပြော ပါတယ်။

ကိုဖြိုးဝေအောင်ဟာ ၂၀၁၀ ဧပြီ ၁၅ ရက်နေ့က ရန်ကုန် X2O ရေကစား မဏ္ဍပ် ဗုံးကွဲ အပြီး ဧပြီ ၂၃ရက်နေ့ ကတည်းက ဖမ်းဆီး ခံခဲ့ရတာ ဖြစ်ပါတယ်။

လောလောဆယ်မှာ ကျန်းမာရေး အခြေ အနေ မကောင်းတဲ့ အတွက် အင်းစိန်ထောင် ဆေးရုံမှာ တက်ရောက် ဆေးကုသ နေရ ပါတယ်။

ဂရိ လက်ဝဲစွန်း ပါတီက အစိုးရ ဖွဲ့ဖို့ ပြင်နေ

မစ္စတာ ဆီးပရပ် ဟာ သုံးရက်အတွင်း အစိုးရ ဖွဲ့ရမှာ ဖြစ်ပါတယ်

ဥရောပ သမဂ္ဂ ရဲ့ ခြိုးခြံ ချွေတာရေး အစီအစဉ် ကို ထောက်ခံတဲ့ ပါတီတွေ ညွန့်ပေါင်း အစိုးရ မဖွဲ့နိုင် ဖြစ်သွား ပြီးတဲ့နောက် ဂရိ လက်ဝဲစွန်း ပါတီ ခေါင်းဆောင်က အစိုးရသစ် ဖွဲ့ဖို့ စိုင်းပြင်း နေပါတယ်။

လက်ဝဲ အင်အားစု တွေ စုစည်းပြီး ချွေတာရေး အစီအစဉ် ကို ငြင်းဆိုမယ့် အစိုးရ တရပ် ဖွဲ့မယ်လို့ အစိုးရဖွဲ့ဖို့ တာဝန်ပေးခံရတဲ့ အယ်လက်စစ် ဆီးပရပ်စ် (Alexis Tsipras) က ဆိုပါတယ်။

ဒီမိုကရေစီသစ် ပါတီက မဲအများဆုံး ရခဲ့ပေမယ့် အစိုးရ မဖွဲ့နိုင်လို့ လက်လျှော့သွားပါပြီ။

ဒီမိုကရေစီသစ် ပါတီ ခေါင်းဆောင် မစ္စတာ ဆမ်းမရပ်စ် ကတော့ ဂရိကို ယူရိုဇုန် ထဲမှာ ဆက်ရှိ နေဖို့ နဲ့ ခြွေတာရေး ဖြတ်တောက်မှု တွေကို ပြန်ညှိဖို့ ကြိုးစား ဆော်သြခဲ့ ပေမယ့် သူတို့ ကမ်းလှမ်း ခဲ့တဲ့ ပါတီ တွေက လက်မခံခဲ့ ကြဘူး လို့လည်း ဆိုပါတယ်။

အရင် အာဏာ ရနေကျ လက်ယာ ဗဟိုက ဒီမိုကရေစီသစ် ပါတီနဲ့ ပါဆော့ ပါတီလို ညွန့်ပေါင်း လူဟောင်း တွေမှာ ထောက်ခံမှု ကျဆင်း ပြီး လက်ဝဲစွန်း လက်ယာစွန်း ပါတီတွေ ဘက် မဲတွေ ရောက်ကုန် ပါတယ်။

ဂရိ သမ္မတ ပါပိုလီးယက်စ် က လက်ဝဲစွန်း ဆိုင်ရီဇာ အုပ်စု ခေါင်းဆောင် မစ္စတာ ဆိုင်းပရက်စ် ကို ညွန်ပေါင်း အစိုးရဖွဲ့ဖို့ ကနေ့ အင်္ဂါနေ့မှာ ၃ ရက် အချိန် ပေးမှာ ဖြစ်ပါတယ်။

၃၈ နှစ် အရွယ် ဆိုင်ရီဇာ အုပ်စု ခေါင်းဆောင် ကတော့ လက်ဝဲ အင်အားစု တွေကို စုစည်းပြီး သူ့အပြော အရ ရိုင်းပြတဲ့ ကယ်ဆယ်ရေး အစီအစဉ် ကို ငြင်းပယ်ဖို့ ကတိ ပေးထား ပါတယ်။

လက်ဝဲ အင်အားစု တွေကို အရင်းတည်ပြီး အစွမ်းကုန် ကြိုးစား သွားမယ်လို့ မစ္စတာ ဆိုင်းပရက်စ်က ဆိုပါတယ်။

မစ္စတာ ဆိုင်းပရက်စ် တို့ ညွန့်ပေါင်း အစိုးရ မဖွဲ့ နိုင်ရင်တော့ ပါဆော့ အုပ်စု ခေါင်းဆောင် ဘဏ္ဍာရေး ဝန်ကြီးဟောင်း အီဗင်ဂလို ဗင်နီလို့စ် ပေါ် ဒီတာဝန် ကျလာ ပါလိမ့်မယ်။

သူသာ အစိုးရ ဖွဲ့နိုင်ရင် ဆိုင်ရီဇာနဲ့ လက်ဝဲ ပါတီလေး တွေကို ဖိတ်ခေါ် သွားမယ်လို့ မစ္စတာ ဗင်နီလို့စ် က ဆိုပါတယ်။

တိုင်းပြည်မှာ ညီညွတ်မှု ရှိဖို့ အင်အားစု အားလုံး ပါဝင်ဖို့ လိုတယ်၊ အနည်းဆုံး တော့ ဂရိကို ယူရိုဇုန် ထဲက ထွက်မသွားဖို့ လိုတယ်လို့ သူက ဆို ပါတယ်။

ဘယ်သူမှ အစိုးရ မဖွဲ့နိုင် ရင်တော့ နောက်လ အစောဆုံး ထားပြီး ရွေးကောက်ပွဲ အသစ် လုပ်ရ နိုင်တယ်လို့ သုံးသပ် သူတွေက ဆိုပါတယ်။

ဂျာမနီ ဝန်ကြီးချုပ် အန်ဂလာ မာကဲ ကတော့ ရွေးကောက်ပွဲ အလွန် ဂရိနိုင်ငံကို ခြိုးခြံ ချွေတာရေး အစီအစဉ်ကို ဈေးမဆစ်ဖို့ ပြုပြင်ရေး ကို အရေးကြီးဆုံး ထားပြီး ဆောင်ရွက်ဖို့ သတိ ပေးလိုက် ပါတယ်။

လူမှု မငြိမ်မသက် မှုတွေ များလာပြီး ချွေတာရေး အစီအစဉ်ကို ထောက်ခံတဲ့ ပါတီ တွေကို လူကြိုက်နည်း လာတာ ဖြစ်ပါတယ်။

ဥရောပ သမဂ္ဂနဲ့ IMF နိုင်ငံတကာ ငွေကြေး ရန်ပုံငွေ အဖွဲ့ တို့ဆီက ရမယ့် အမေရိကန် ဒေါ်လာ သန်း ၃၁ဝ တန် ကယ်ဆယ်ရေး အတွက် ဂရိနိုင်ငံ ဘက်က ပင်စင် ထောက်ပံ့ကြေး တွေ ၊ အစိုးရ အလုပ်တွေ ထောင်နဲ့ချီ ဖြတ်ပေး လျှော့ပေး ခဲ့ရပြီး အခွန်အတုတ် တွေလည်း တိုးကောက် ရပါတယ်။

ဘဏ္ဍာရေး ကယ်ဆယ်မှု အစီအစဉ် အရ ဇွန်လ ထဲမှာ နောက်ထပ် ချွေတာရေး တွေ လာဖို့ ရှိပါ သေးတယ်။ 

အင်တာပိုလူကြီးတွေ အလုပ်လုပ်နေပုံအီရတ်ဒုတိယသမ္မတကို နိုင်ငံတကာဝရမ်းထုတ်

နိုင်ငံတကာ ရဲတပ်ဖွဲ့ အင်တာပိုက လတ်တလော ဝရမ်းပြေးဖြစ်နေတဲ့ အီရတ် ဒုတိယ သမ္မတ တာရစ် အယ်လ် ဟက်ရ်ှမီကို ဖမ်းဆီးဖို့ နိုင်ငံတကာကို သတိပေးချက် ထုတ်ပြန်လိုက်ပါတယ်။

အနီရောင် ထုတ်ပြန်ချက်လို့ လူတွေ သိကြတဲ့ ဒီဝရမ်းဟာ အင်တာပို အဖွဲ့ဝင်နိုင်ငံ ၁၉၀ မှာ ရောက်ရှိနေပြီး မစ္စတာ ဟက်ရ်ှမီ ရှိတဲ့ နေရာကို ပြောဖို့နဲ့ ဖမ်းပေးဖို့ တောင်းဆိုထားပါတယ်။ အခုလို နိုင်ငံတကာ ဝရမ်းထုတ်ဆင့် လိုက်တာကြောင့် အီရတ် ဒုတိယသမ္မတဟာ ပြေးစရာမြေ မရှိတော့ဘူးလို့ အင်တာပိုက ပြောပါတယ်။

ဝရမ်းပြေး ဖြစ်နေသူ ဒုတိယ သမ္မတကတော့ သူ့အပေါ် စွပ်စွဲချက်တွေဟာ နိုင်ငံရေး အကောက်ကြံမှုတွေ ပါနေလို့ အခုအချိန်ခါမှာ အီရတ်မြို့တော် ဘက္ကဒက်ကို ပြန်ရောက်ရင် ဒုက္ခရောက်သွားနိုင်တယ်လို့ ပြောပါတယ်။

အကြမ်းဖက်သမားတွေက လူသတ်ဖို့ ကြံစည်ဆဲ

အမေရိကန် နိုင်ငံခြားရေးဝန်ကြီး ဟီလာရီ ကလင်တန်က အမေရိကန် လေကြောင်းလိုင်းကို ဖောက်ခွဲပစ်ဖို့ ကြံစည်မှုအသစ်တခုကို မကြာခင်က ထုတ်ဖော် တွေ့ရှိခဲ့တာမို့ အကြမ်းဖက် သမားတွေဟာ အပြစ်မဲ့ ပြည်သူတွေကို သတ်ဖြတ်ဖို့ တောက်လျှောက် ကြံစည်နေကြတုန်းလို့ ထုတ်ဖော် ပြောကြား လိုက်ပါတယ်။

အိမ်ဖြူတော်က ထုတ်ပြန်တဲ့အတိုင်းဆို လေကြောင်းလိုင်းကို ဗုံးခွဲလိုက်ဖို့ကို မခြိမ်းခြောက်နိုင်ခဲ့ပေမယ့်လို့ ဒီလိုလုပ်နေတာတွေကို ထောက်ရှုခြင်းအားဖြင့် အကြမ်းဖက်သမားတွေဟာ တောက်လျှောက် ကြိုးစားနေတုန်းပဲလို့ အမေရိကန် နိုင်ငံခြားရေးဝန်ကြီးက ပြောပါတယ်။

အမေရိကန်အရာရှိတွေက ၂၀၀၉ ခုနှစ်ကုန်ပိုင်း ခရစ္စမတ်ကာလက မအောင်မြင်ခဲ့တဲ့ ဖောက်ခွဲမှုတခုလိုမျိုး တိုက်ခိုက်မှုသစ်တခုကို ထိန်းချုပ်လိုက်နိုင်တယ်လို့ ထုတ်ဖော် ပြောခဲ့ပြီးနောက်မှာ မစ္စစ် ကလင်တန်ရဲ့ အခုလို ပြောဆိုမှု ထွက်လာတာလည်း ဖြစ်ပါတယ်။

အဲဒီ ၂၀၀၉ ခရစ္စမတ်ကာလတုန်းကတော့ နိုင်ဂျီးရီးယား အမျိုးသားတဉီးက အောက်ခံဘောင်းဘီအတွင်းမှာ ဗုံးကိုဝှက်လို့ အမေရိကန်လေကြောင်းလိုင်းက လေယာဉ်တစီးကို ဖောက်ခွဲဖို့ ကြံစည်ခဲ့တာ ဖြစ်ပါတယ်။

အမေရိကန်ထောက်လှမ်းရေးအရာရှိတွေရဲ့ အပြောအရတော့ အခုနောက်ဆုံး တိုက်ခိုက်ရန်ကြံစည်မှုကို အကြမ်းဖက်သမားတွေက ဘယ်နေရာကို တိုက်ကြမယ်လို့ မရွေးချယ် မဆုံးဖြတ်ရခင်မှာကို တားဆီးကာကွယ်လိုက်နိုင်တာကြောင့် လူထုအတွက် လုံးဝကို စိုးရိမ်စရာ မရှိဘူးလို့ ပြောပါတယ်။ အခုတော့ အဲဒီ ဗုံးကို အက်ဖ်ဘီအိုင်က စစ်ဆေးနေကြပါတယ်။ ဗုံးဟာ သတ္ထုစမ်းသပ်ကိရိယာနဲ့ စမ်းသပ်ရင် ကျော်ဖြတ်နိုင်အောင်လို့ သတ္ထုမသုံးထားတဲ့ အဆင့်မြင့်ဗုံးတလုံး ဖြစ်မယ်လို့ သိရပါတယ်။

ပြည်တွင်းဂျာနယ်တွေမှာ ဒုတိယသမ္မတသတင်း မရေးရ

ဒုတိယသမ္မတ သီဟသူရ ဉီးတင်အောင်မြင့်ဉီး ကျန်းမာရေး မကောင်းလို့ ထမ်းဆောင်ဆဲ တာဝန်တွေကနေ အနားယူနိုင်ဖို့ သမ္မတဆီကို ခွင့်တောင်း တင်ပြလိုက်တဲ့ အကြောင်း ကျယ်ကျယ်ပြန့်ပြန့် ထွက်ပေါ်နေတဲ့ သတင်းတွေကို ပြည်တွင်း သတင်းဂျာနယ်တွေမှာ ရေးသားလို့ မရဘူးလို့ ပြည်တွင်း ဂျာနယ်တွေကနေ ဘီဘီစီက စုံစမ်း သိရပါတယ်။

ဒုတိယသမ္မတ သီဟသူရ ဉီးတင်အောင်မြင့်ဉီး သတင်းကို ဂျာနယ်တွေမှာ မရေးဖို့ ပိတ်ပင်

``ဂျာနယ်တွေ အနေနဲ့ ဒီသတင်းကို မထည့်ရဘူး၊ ပြဿနာ ရှိတယ်။ လူကြီးတွေ ကြိုက်မှာ မဟုတ်ဘူး၊ ထည့်ရင် အရေးယူမယ်`` လို့ စာပေစိစစ်ကို တာဝန်ခံထားတဲ့ ပြန်ကြားရေး ဝန်ကြီးဌာနက ဒုတိယ ညွှန်ကြားရေးမှူးချုပ် ဉီးတင့်ဆွေနဲ့ ညွှန်ကြားရေးမှူး ဉီးမျိုးမြင့်မောင်တို့က ထုတ်ဖော် ပြောဆိုခဲ့တဲ့ အကြောင်း ပြည်တွင်းက သတင်းဂျာနယ် တစောင်ဖြစ်တဲ့ Venus သတင်းဂျာနယ်က တာဝန်ခံ အယ်ဒီတာ သာလွန်ဇောင်းထက် က ဘီဘီစီကို ပြောပါတယ်။

စာပေစိစစ်က တာဝန်ရှိသူတွေက အကြောင်းပြချက် ပေးတာမှာတော့ ဒီသတင်းဟာ တရားဝင် ထုတ်ပြန်သေးတာ မဟုတ်ဘူး၊ ရှင်းရှင်းလင်းလင်း သေချာ မသိရသေးဘူး၊ နိုင်ငံရေး ပြဿနာတောင် ဖြစ်သွားနိုင်တယ်လို့ ပြောဆိုတဲ့ အကြောင်း သူက ဆက်ပြောပါတယ်။

တကယ်တော့ ဒီသတင်းဟာ ဗီအိုအေ ရေဒီယို အစီအစဉ် သတင်းကနေ စတင် ထုတ်လွှင့်ခဲ့တာ ဖြစ်ပြီး၊ ဗီအိုအေကို ကိုးကားလို့ ရိုက်တာ သတင်းဌာနက ရေးသားလိုက်တဲ့အခါ ပိုပြီး လူသိများသွားခဲ့ပါတယ်၊ ပြည်တွင်း သတင်း ဂျာနယ်တွေကလည်း သက်ဆိုင်ရာတွေကို တရားဝင် စုံစမ်းမေးမြန်းလို့ မရတဲ့ အဆုံး မူလ စတင် ထုတ်လွှင့် ရေးသားခဲ့တဲ့ သတင်းတွေ အပေါ် အခြေခံပြီး သတင်းရေးတဲ့ အခါမှာလည်း အခုလို ပိတ်ပင် ခံရတာ ဖြစ်ပါတယ်။

ဒုတိယ သမ္မတရဲ့ ကျန်းမာရေးသတင်းနဲ့ အနားယူဖို့ သမ္မတဆီ စာတင်ပြတဲ့ သတင်းကို ဘယ်ဂျာနယ်မှာမှ မထည့်ဖို့ကို စာပေစိစစ်ကနေ သတင်းဂျာနယ်တွေ အားလုံးလိုလိုဆီ အသိပေး ပြောဆို ထားတယ်လို့ သိရပြီး၊ ဂျာနယ်တစောင်မှာတော့ ဒီသတင်းကို ဖော်ပြပြီး ဖြစ်တာကြောင့် စာပေစိစစ်ကနေ အရေးယူဆောင်ရွက်ဖို့လည်း ရှိနေတယ်လို့ သိရပါတယ်။

ပြည်ထောင်စုငြိမ်းချမ်းရေးအဖွဲ့ ပြင်ဆင်ဖွဲ့စည်း

ပြည်ထောင်စုအဆင့် ငြိမ်းချမ်းရေး ဖော်ဆောင်ရေးအဖွဲ့ကို တဖွဲ့တည်းအဖြစ် အခုလ ၃ ရက်နေ့ကစလို့ ပြင်ဆင် ဖွဲ့စည်းခဲ့တာမှာ ဗဟိုအဖွဲ့နဲ့ လုပ်ငန်းအဖွဲ့ဆိုပြီး ပါဝင်တယ်လို့ ဘီဘီစီက စုံစမ်း သိရပါတယ်။

ငြိမ်းချမ်းရေး ဗဟိုအဖွဲ့မှာ သမ္မတ ဉီးသိန်းစိန်က ဥက္ကဌအဖြစ် ပါဝင်ပြီး၊ လုပ်ငန်းကော်မတီအဖွဲ့မှာတော့ ဒုတိယ သမ္မတ ဒေါက်တာ စိုင်းမောက်ခမ်းက ဥက္ကဌ အဖြစ် ပါဝင်ပါတယ်။ သမ္မတ ဉီးသိန်းစိန်ပါတဲ့ ဗဟိုအဖွဲ့မှာ ကာကွယ်ရေးနဲ့ လုံခြုံရေး အဖွဲ့တွေ အပါအဝင် အဖွဲ့ဝင် ၁၂ ဉီး ပါဝင်ပြီးတော့ ဒေါက်တာ စိုင်းမောက်ခမ်း ပါတဲ့ အဖွဲ့မှာတော့ အဖွဲ့ဝင် ၅၂ ဉီး ပါပါတယ်။

လုပ်ငန်းအဖွဲ့မှာ ဒုတိယ ကာကွယ်ရေး ဉီးစီးချုပ်၊ မီးရထား ပြည်ထောင်စု ဝန်ကြီးနဲ့ လွှတ်တော် အမတ် ဉီးသိန်းဇော်တို့က ဒုတိယ ဥက္ကဌတွေ အနေနဲ့ ပါဝင်ကြပြီး၊ ပြည်ထောင်စု ဝန်ကြီးတချို့နဲ့ လက်နက်ကိုင် တိုင်းရင်းသားတွေ ရှိတဲ့ ပြည်နယ်တွေက နယ်မြေခံ စစ်တိုင်းမှူးတွေကလည်း အဖွဲ့ဝင် အနေနဲ့ ပါဝင်ကြပါတယ်။

ဒါ့အပြင် တိုင်းရင်းသား လွှတ်တော် အမတ်တွေလည်း ပါဝင်တာကြောင့် ဒီတကြိမ်မှာတော့ ငြိမ်းချမ်းရေး ကိစ္စတွေကို ပိုပြီး လုပ်နိုင်လိမ့်မယ်လို့ ထင်မြင်တဲ့ အကြောင်း ပြင်ဆင် ဖွဲ့စည်းလိုက်တဲ့ ငြိမ်းချမ်းရေး အဖွဲ့သစ်မှာ ပါဝင်သူ တဉီးက ဘီဘီစီကို ပြောပါတယ်။

ငြိမ်းချမ်းရေးကောင်စီသစ်ရဲ့ ရှေ့ခရီး

By သင်းသီရိ

မြန်မာနိုင်ငံ မှာ  အရင်က  အစိုးရ ငြိမ်းချမ်းရေးဖော်ဆောင်ရေး  အဖွဲ့ နှစ်ဖွဲ့ ရှိရာကနေ အခု အဖွဲ့တခုတည်း အဖြစ် ပြန်လည် ဖွဲ့စည်းလိုက်ပါတယ်၊ ဒုတိယ သမ္မတ ဦးစိုင်းမောက်ခမ်း ဟာ ဒီအဖွဲ့သစ်ရဲ့  ဥက္ကဋ္ဌ အဖြစ်  ခေါင်းဆောင်ပြီး အစိုးရ အဖွဲ့၊ တပ်မတော်နဲ့အတူ ပြည်သူလွှတ်တော်အဖွဲ့ စတဲ့ အဖွဲ့ ၃ဖွဲ့နဲ့အတူ  ပြန်လည် တိုးချဲ့ ဖွဲ့စည်းလိုက်တာ ဖြစ်ပါတယ်၊

ဒီအဖွဲ့သစ်ဟာ  တိုင်းရင်းသားတွေရဲ့ ငြိမ်းချမ်းရေး ကိစ္စတွေကို ပိုမိုဆောင်ရွက်နိုင်ဖို့ ဖြစ်တယ်လို့ အခု အစိုးရ ငြိမ်းချမ်းရေး အဖွဲ့ထဲမှာပါတဲ့ တာဝန်ရှိသူ တဦးက ပြောပါတယ်၊ တိုင်းရင်းသားအဖွဲ့တွေနဲ့  ငြိမ်းချမ်းရေး ကိစ္စတွေကို ဘယ်လို ဆောင်ရွက်ဖို့ အစီအစဉ်တွေ ရှိသလဲဆိုတာကိုတော့ ဆက်သွယ် မေးမြန်း ထားတဲ့ မသင်းသီရိက အပြည်အစုံ ဆက်ပြောပြမှာပါ။၊

အစိုးရရဲ့  ပြည်ထောင်စုအဆင့်  ငြိမ်းချမ်းရေးဖော်ဆောင်ရေး အဖွဲ့ကို   နိုင်ငံတော် သမ္မတ ဦးသိန်းစိန် ကိုယ်တိုင် ဖွဲ့စည်း ပေးခဲ့တာဖြစ်ပြီး အရင်က ရထား ၀န်ကြီး ဦးအောင်မင်း ခေါင်းဆောင်တဲ့အဖွဲ့နဲ့  လွှတ်တော်ကိုယ်စားလှယ်  ဦးအောင်သောင်း ခေါင်းဆောင်တဲ့အ ဖွဲ့ နှစ်ဖွဲ့ ရှိပါတယ်၊ ဒါပေမဲ့  ပြီးခဲ့တဲ့ သောကြာနေ့က  အဖွဲ့သစ်ပြန်ဖွဲ့ရာမှာတော့   ဒုတိယ သမ္မတ ဦးစိုင်းမောက်ခမ်းက ဥက္ကဋ္ဌအဖြစ် တာဝန်ယုကာ ဒုတိယဥက္ကဋ္ဌ ၃ယောက်နဲ့  တစ်ဖွဲ့တည်း ပြန်ဖွဲ့ လိုက် တာပါ၊ ဒုတိယ ဥက္ကဋ္ဌတွေနေရာ မှာတော့ အစိုးရအဖွဲ့က တယောက်၊ စစ်တပ်ဘက်က တယောက်နဲ့အတူ ပြည်သူ လွှတ်တော်ဘက်က တယောက်နဲ့ ပြန်ဖွဲ့ထားတယ်လို့ အစိုးရ ငြိမ်းချမ်းရေးအဖွဲ့ထဲမှာ အဖွဲ့ဝင် အဖြစ်ပါဝင်သူ စက်မှု ၀န်ကြီး ဦးစိုးသိန်းက  VOA မြန်မာပိုင်းကို ပြောပါတယ်၊

“ဒုတိယသမ္မတ ဦးစိုင်းမောက်ခမ်းက ဥက္ကဋ္ဌအဖြစ် ဆောင်ရွက်ပြီး ဒုတိယဥက္ကဋ္ဌ ၃ယောက် ရယ် အောက်က အဖွဲ့ရယ်နဲ့ စတင်ဆောင်ရွက်လျက် ရှိပါတယ်။ အစိုးရဘက်က ဒုတိယ ဥက္ကဋ္ဌက ဦးအောင်မင်း ဖြစ်တယ်၊ တပ်မတော်ဘက်က ဒုတိယဥက္ကဋ္ဌက ဗိုလ်ချုပ်ကြီး စိုးဝင်းဖြစ်တယ်။ လွှတ်တော်ဘက်က ဒုတိယဥက္ကဋ္ဌက ခု ပြည်သူ့လွှတ်တော်ထဲက အရင်လွှတ်တော်ရေးဝန်ကြီး ဦးသိန်းဇော် ဖြစ်တယ်။ ကျနော်တို့ ၀န်ကြီးအဖွဲ့က ဦးအောင်မင်း အောက်မှာ ကျနော်တို့ အရင်ပါတဲ့သူတွေ အဆက်ဆက်ပေါ့၊ ကျနော် တို့၊ ဦးခင်ရီ တို့၊ ဦးဇော်မင်း တို့၊ ဦးသန်းဌေး တို့၊ ဦးခင်မောင်စိုး တို့၊ ဟိုဘက်က တပ်မတော်ဘက်ကဆို တိုင်းမှူးတွေ ပါတယ်။ လွှတ်တော်ဘက်ကတော့ ကရင်ပြည်နယ်က ဦးစောသိန်းအောင် တို့ စသဖြင့်ပေါ့၊ သက်ဆိုင်ရာ ပြည်သူ့လွှတ်တော် ကိုယ်စားလှယ်၊ အမျိုးသား လွှတ်တော် ကိုယ်စားလှယ်တွေထဲမှာ ပါဝင်နေတဲ့ တိုင်းရင်းသားလူကြီးတွေကို ထည့်ထားတယ်။”

အခုလိုအဖွဲ့သစ်  ဖွဲ့စည်းလိုက်တာဟာ  မကြာခင် တိုင်းရင်းသားအဖွဲ့တွေ အားလုံးစုံညီစွာ တွေ့ကြပြီး   လွှတ်တော်ရှေ့မှာ သဘောတူညီချက်တွေရဖို့ အတွက် ကြိုတင်ပြင်ဆင်မှု ဖြစ်တယ် လို့လည်း ပြော ပါတယ်။

“ဒုတိယအဆင့်တက်တော့မယ်လေ၊ ခု ပြည်ထောင်စုအဆင့်ကနေ နောက် တက် တက် လာတော့မှာကိုး။ ဒီတော့ ဒီအဖွဲ့ကြီးတွေဆိုတော့ ပိုပြီးတော့ ပြည့်စုံကောင်းမွန်လာတာပေါ့။ တနည်းလည်း ခက်လာတာပေါ့။ အပေါ် တက်လာတဲ့ အခါကျတော့ လူတွေအားလုံး စုံလာမယ့်အဖွဲ့တွေ၊ နိုင်ငံရေးသဘောတရား ညှိနှိုင်းစရာတွေ အများကြီးဖြစ်လာမယ်။ အဆင် ပိုပြေမှာပေါ့။ တဖွဲ့ပဲကျန်တာကို အကြမ်းအားဖြင့်၊ အဲဒီတဖွဲ့ ကျနော်တို့ ပြောတာ ညှိနှိုင်းလို့ ရရင်၊ တဆင့်တဆင့် စုပြီးရင် ကျနော်တို့ အဖွဲ့တွေအားလုံး တနေရာမှာ စုတော့မယ်။ စုပြီးတော့ လိုတာတွေ ညှိနှိုင်းတော့မယ်လေ။ အဲတော့ တဆင့်တဆင့် တက်လာ၊ တဆင့် တဆင့် အခက်အခဲတွေ ပိုတွေ့လာမှာပေါ့နော်..။ ကျနော်တို့က တွေ့ဆုံတာပဲ၊ တွေ့ပြီး ညှိကြမှာပေါ့။ ညှိပြီးရင် ကျနော်တို့ လွှတ်တော်ဘက်ကို လွှဲပေးလိုက်မှာပေါ့။ လွှတ်တော်မှာ Agreement ယူမှာပေါ့။

အခု ပြန်လည် ဖွဲ့စည်းလိုက်တဲ့ ငြိမ်းချမ်းရေးအဖွဲ့သစ်ထဲမှာ ကချင် တိုင်းရင်းသားလက်နှက်ကိုင်အဖွဲ့နဲ့  ဦးဆောင် ညှိနှိုင်း နေတဲ့   ဦးအောင်သောင်း  မပါလာတော့တာနဲ့ ပတ်သက်လို့လည်း ခုလို ရှင်းပြပါတယ်။

“ခုန ကျနော်ပြောတဲ့ ဒုဥက္ကဋ္ဌ ၃ဦးထဲမှာ လွှတ်တော်ဘက်က ဦးသိန်းဇော်ကိုပဲ တာဝန်ပေးလိုက်တာပေါ့။ ဦးသိန်းဇော်က လွှတ်တော်မှာလည်း ငြိမ်းချမ်းရေးလုပ်တဲ့ ရေးရာတခုမှာ သူက ခေါင်းဆောင်”

မြန်မာနိုင်ငံထဲက  တိုင်းရင်းသားလက်နှက်ကိုင်အဖွဲတွေနဲ့ ငြိမ်းချမ်းရေး ညှိနေရာမှာ ကချင်တဖွဲ့က လွဲရင် အတော် များများနဲ့ ပြည်နယ်အဆင့်  ပဏာမအပစ်ရပ် သဘောတူညီချက်တွေ ရထားပြီ ဖြစ်ပြီိးု တဖွဲ့ တချို့ နဲ့လည်း ပြည်ထောင်စု အဆင့် သဘောတူညီချက်တွေ လက်မှတ်ရေးထိုး ပြီးတာတွေတောင် ရှိနေပါပြီ၊ ဒါပေမဲ့ ခုချိန်ထိ ဘာကြောင့် ကချင် လက်နှက်ကိုင်အဖွဲ့နဲ့ ဘာလို့ ပြေလည်မှုမရသေးတာပါလဲ။ဝန်ကြီး ဦးစိုးသိန်းကတော့  မကြာခင် ငြိမ်းချမ်းရေးအဖွဲ့သစ်ဟာ ကချင်အဖွဲ့နဲ့တွေ့ဆုံညှိနှိုင်းဖို့ ရှိတယ်လို့ ပြော ပါတယ်၊

“ကျနော်တို့ ဦးအောင်မင်းအဖွဲ့က အဲဒီတဖွဲ့တော့ သွားမတွေ့ရသေးဘူး၊ မလုပ်ရသေးဘူး။ ကျနော်တို့ ဒီကနေ့ လုပ်လိုက် ရင် အဖြေ ပေါ်လာမှာပဲ။ ကျနော်တို့ တွေ့ဖို့ ကြိုးစားနေတယ်။ ဒါပေမဲ့ ကျနော်တို့ ကတော့ သဘောထားကွဲပြားတဲ့ အတွက် ကြောင့် ဒါ ညှိလိုက်ရင် ဖြစ်မယ်လို့ ယုံကြည်ပါတယ်။ သိပ် မကြာဘူး ဒီကိစ္စပြီးတော့မယ်လို့ ကျနော်တို့ ယုံကြည်ပါတယ်”

အခု တိုင်းရင်းသာအဖွဲတွေနဲ့  ငြိမ်းချမ်းရေး သဘောတူညီချက်တွေ ရဖို့ လိုက်လံညှိနှိုင်းဆောင်ရွက် တဲ့ နေရာမှာ အစိုးရ အဖွဲ့အနေနဲ့ ဘယ်လိုအခက်အခဲတွေ ကြုံရတာ ရှိပါသလဲ၊  ၀န်ကြီး ဦးစိုးသိန်းက

“ ရှိတော့ မရှိဘူးဗျ၊ နည်းနည်း စကားပြောရတာပဲရှိတယ်။ တန်းတူအခွင့်အရေးတို့၊ ပွင့်လင်း ထင်သာ မြင်သာ တာတို့၊ ဒါတွေက ပိုများပါတယ်။ ဒါတွေလည်း ကျနော်တို့ ဖြေရှင်းသွားမှာပဲ။ တချိန်ကျ ကျနော်တို့ Concept ပါပဲ။ အဓိက နှစ်ဘက်ပေါ့၊ သူတို့ဘက်၊ ကျနော်တို့ဘက်၊ ခံယူချက် လိုတာပါပဲ။ ကြိုးစားရမယ်၊ ယုံကြည်မှုတည်ဆောက်နိုင်ရမယ်”

ဒါကတော့ အစိုးရရဲ့ ငြိမ်းချမ်းရေးအဖွဲ့သစ် ပြန်လည်ဖွဲ့စည်းလိုက်တာနဲ့ ပတ်သက်လို့ စက်မှုဝန်ကြီး ဦးစိုးသိန်း ကို ဆက်သွယ် မေးမြန်းထားတာပါ၊

အခုဖွဲ့စည်းလိုက်တဲ့ ငြိမ်းချမ်းအဖွဲ့သစ်က အစိုးရအဖွဲအောက်မှာ လက်ရှိ ငြိမ်းချမ်းရေး ကိစ္စမှာ ဆောင်ရွက် နေကြတဲ့ ပြည်ထောင်စုဝန်ကြီးတွေ နဲ့  နယ်စပ်ရေးရာ ၀န်ကြီးတွေ၊ ရှေ့နေချုပ်တွေ လည်း  ပါသလို စစ်တပ်အောက်မှာတော့ တိုင်းစစ်ဌာနချုပ်က  တပ်မမှူး တိုင်းမှူးတွေ ပါဝင်ပြီး ပြည်သူ့ လွှတ်တော် ဒုဥက္ကဋ္ဌ နဲ့အတူ ပြည်သူလွှတ်တော်ထဲက တိုင်းရင်းသားရေးရာ အဖွဲ့တွေနဲ့ ပြန်လည် ဖွဲ့စည်း ထားတာ ဖြစ်ပါတယ်။

ဖြိုးဝေအောင်ကို သေဒဏ်ချမှတ်

By အေးအေးမာ

လူ အနည်းဆုံး ၁၀ဦးသေဆုံးပြီးတော့ လူ ၁၆၀ကျေုာ် ဒဏ်ရာရရှိခဲ့တဲ့ ရန်ကုန် ကန်တော်ကြီးအနီး x2o ရေကစားမဏ္ဍပ်မှာ ဧပြီလ ၁၅ရက် သင်္ကြန် အကြတ်နေ့က ဗုံးပေါက်ကွဲခဲ့တဲ့ဖြစ်ရပ်နဲ့ ပတ်သက်ပြီး ဖမ်းဆီးထားတဲ့ နိုင်ငံရေး အကျဉ်းသား ကိုဖြိုးဝေအောင်ကို အင်းစိန်ထောင်တွင်း  ရန်ကုန် မြောက်ပိုင်း ခရိုင် အထူးတရားရုံးကနေ ဒီကနေ့ သေဒဏ် ချမှတ် ခဲ့ပါတယ်။ ဒီဆုံးဖြတ်ချက်အပေါ် သူ့ရှေ့နေနဲ့ လူ့အခွင့်အရေးအဖွဲ့တွေက ဘယ်လို တုံ့ပြန်ခဲ့ပါသလဲ။ အသေးစိတ်ကို ဆက်သွယ်မေးမြန်းထားတဲ့ မအေးအေးမာ က ပြောပြပါမယ်။

××××××

နိုင်ငံရေးအကျဉ်းသား ကိုဖြိုးဝေအောင်ဟာ ၂၀၁၀ခုနှစ် ဧပြီလမှာ ဖမ်ဆီး ခံခဲ့ ရပြီး သူ့ကို ၂နှစ်ကျော်ကြာ စစ်ဆေးနေရာကနေ မေလ ၈ရက်နေ့မှာ အင်းစိန် ထောင်တွင်းမှာ ဖွင့်ထားတဲ့ ရန်ကုန်မြောက်ပိုင်းခရိုင် အထူးတရားရုံး ကနေ သေဒဏ်ချမှတ်ခံခဲ့ရတာပါ။

သူ့အမှုကို လိုက်ပါဆောင်ရွက်ပေးနေတဲ့ရှေ့နေကြီး ဦးကျော်ဟိုး ပြောပြ တာက

“ အမှုလေးခုမှာ ပထမ တမှုမှာ ပုဒ်မ ၃ခုနဲ့ စွဲချက်တင်ထားတယ်။ အဲဒီထဲမှာ ပထမ ပုဒ်မ ၃၀၂-၁(ခ) က ကြိုတင်ကြံစည်မှုနဲ့ သတ်တာကို အားပေးတယ် ဆိုပြီးတော့ သေဒဏ်ပေးထားတယ်။ ဒုတိယပုဒ်မ ၃၂၆/၁၂၄ ဆိုတာက ထိခိုက်နာကျင်စေအောင် ပြုလုပ်တာကို အားပေးတယ်ဆိုပြီးတော့ ထောင် ဒဏ် ၁၀နှစ်၊ တတိယပုဒ်မက ၃၂၄/၁၂၄ဆိုပြီး သာမန် နာကျင်စေမှု ပေါ့၊ သာမန်နာကျင်စေမှုကို ကျူးလွန်တယ်ဆိုပြီးတော့ အဲဒါနဲ့ ထောင်ဒဏ် ၃နှစ်။ အဲဒါက ပထမအမှုအတွက် ပြစ်ဒဏ် ၃ခုပေါ့။ နောက်တမှုက ဖောက်ခွဲပုဒ်မ ၃/၆ က ဖောက်ခွဲမှုကို အားပေးကူညီတယ်ဆိုပြီးတော့ ထောင်ဒဏ်က တသက် တကျွန်းပေါ့။ နောက်တမှုမှာ မတရားအသင်း ဆက်သွယ်တယ် ဆိုပြီး ပုဒ်မ ၁၇/၁ နဲ့ ထောင်ဒဏ် နှစ် ၃၀၊ နောက်တမှုက နိုင်ငံတွင်းကို တရားမ၀င် ၀င်ရောက်ပြီးတော့ လူဝင်မှု ကြီးကြပ်ရေးရဲ့ အရေးပေါ် ကန့်သတ်ချက်အရ ထောင်ဒဏ် ၃ နှစ်၊ ဒီ လေးမှုကို တပေါင်းတည်းချတယ်။ သေဒဏ်ချလိုက်တယ်”

ကိုဖြိုဝေအောင်ကို ညှင်းပမ်းနှိပ်စက်ပြီး ဖြောင့်ချက်ပေးခိုင်းခဲ့တာကြောင့် ဥပဒေနဲ့ မညီသလို သေဒဏ်စီရင်မူဟာ တရားမျှတမူမရှိဘူး လို့လည်း ရှေ့နေဖြစ်သူက ပြောပါတယ်။

“ပြီးခဲ့တဲ့ နှစ်ပတ်က ကျနော်တို့ဘက်က အပြီးသတ်လျှောက်လဲချက် ပေးတဲ့ အချိန်မှာ ဒီအမှုက မမှန်ဘူး။ ညှင်းပမ်းနှိပ်စက်လို့ ဖြောင့်ချက်ပေးခိုင်းလို့ ပေးရတဲ့အမှုပေါ့။ အဲဒါကြောင့် လွှတ်ပေးပါလို့ ကျနော်တို့က အချက်အလက် တွေ အများကြီး တင်ပြခဲ့ပါတယ်။ အဲဒီတုန်းက တဘက်က ဥပဒေအရာရှိက ကျနော်တို့ တင်ပြတဲ့ အချက်အလက်တွေကို ဘာမှလည်း မချေပနိုင်ဘူး။ ချေလည်း မချေပဘူး။ လျှောက်လဲချက်ကို စာနဲ့ ရေးတင်တယ်ဆိုပြီးတော့ ပြောတယ်။ ကျနော်တို့ တင်ပြခဲ့တဲ့အပေါ်မှာ တရားရုံးက လက်ခံတဲ့ သဘော ပေါ့။ ဒါနဲ့ ပတ်သက်လို့ အယူခံ ထပ်တက်ဖို့ပဲ ကျနော်တို့က စီစဉ်ရမှာပေါ့”

ကိုဖြိုးဝေအောင်ကို သေဒဏ်ချမှတ်ခြင်းမှာ ပြင်းထန်လွန်းကြောင်း သူ ပြန်လည် လွတ်မြောက်လာရေးအတွက်  ကြိုးပမ်းတဲ့အခါမှာ နိုင်ငံရေး အခြေအနေပေါ် မူတည်နေတဲ့အကြောင်း နိုင်ငံရေးအကျဉ်းသားများ ကူညီ စောင့်ရှောက်ရေးအသင်းရဲ့ တွဲဘက် အတွင်းရေးမှူး ကိုဘိုကြည်ကလည်း ပြောပါတယ်။

“သေဒဏ်ချတယ်ဆိုတာဟာ တကယ်ကို ပြင်းထန်တဲ့ ပြစ်ဒဏ်ပါ။ တကယ် တမ်းကျတော့ သူက မျှတတဲ့ တရားစီရင်မှုကို မရဘူး။ ဖမ်းဆီးပြီးပြီးချင်းမှာ လည်း လူမဆန်စွာ နှိပ်စက်ခံရတယ်။ ခုက ကျန်းမာရေးလည်း မကောင်းဘူး။ ကျန်းမာရေး သေချာ စောင့်ရှောက်ပေးတာလည်း မရှိဘူး။ ဒါဟာ မျှတတဲ့ တရားစီရင်မှုကို မရဘူးလို့ပဲ ကျနော်တို့ ပြောရမှာပါ။ ကိုဖြိုးဝေအောင် ကိစ္စ တင် မကပါဘူး၊ တခြား နိုင်ငံရေးအကျဉ်းသားတွေရဲ့ ကိစ္စတွေကိုလည်း လွတ်မြောက်ဖို့အတွက် နိုင်ငံတကာကိုလည်း ကျနော်တို့ တိုက်တွန်းနေတာ ရှိပါတယ်။ နောက် ပြည်တွင်းမှာ ရှိနေတဲ့ နိုင်ငံရေးအကျဉ်းသားဟောင်းတွေ နဲ့ တခြား နိုင်ငံရေးပါတီ အသီးသီးက ခေါင်းဆောင်တွေကလည်း နိုင်ငံရေး အကျဉ်းသား တွေ လွတ်မြောက်ရေးကိစ္စ ဆက်ကြိုးစားဖို့ ရှိပါတယ်။ သူတို့ကို ဖမ်းတယ်ဆိုတာက နိုင်ငံရေးအရ ဖမ်းတာ ဖြစ်တဲ့အတွက် နိုင်ငံရေးအခြေနေပေါ် မူတည်ပြီးတော့ အပြီးသတ်မှာတော့ ပြန်လွတ်လာမယ်လို့ ကျနော်တို့ မျှော်လင့်ပါတယ်”

အာရှ လူအခွင့်ရေးကော်မရှင်ကလည်း နိုင်ငံရေးအကျဉ်းသား  ကိုဖြိုးဝေအောင် အမှုနဲ့ ပတ်သက်ပြီး တရားစီရင်မှုဟာ မျှတတဲ့စီရင်မူ မဟုတ်ဘူးလို့ ပြောခဲ့ပါတယ်။

ကိုဖြိုးဝေအောင်ဟာ ဆောက်လုပ်ရေးအင်ဂျင်နီယာတဦးဖြစ်ပြီး နိုင်ငံရေး ထဲမှာ ထဲထဲဝင်ဝင် လှုပ်ရှားဆောင်ရွက်သူ တဦးလည်း မဟုတ်ခဲ့ပါဘူး။ အခင်း ဖြစ်ပွားချိန်မှာလည်း သူဟာ သူရဲ့ အလုပ်ခွင်ထဲမှာပဲ ရှိနေပြီး ဒီပေါက်ကွဲမှုဟာ သူနဲ့ မပတ်သက်တဲ့အကြောင်း ငြင်းဆိုထားပါတယ်။

အခုလက်ရှိမှာတောာ့ အသည်းရောဂါဝေဒနာ ခံစားနေရပြီး အပြင်ကို ထုတ်ပြီး ဆေးကုသခွင့် မရသေးဘူးလို့လည်း မိသားစုက ပြောပါတယ်။

အယ်လ်ဂျာဇီးရားသတင်းထောက် တရုတ်နှင်ထုတ်

By ဇော်ဝင်းလှိုင်

တရုတ်နိုင်ငံဆိုင်ရာ Al-Jazeera အင်္ဂလိပ်သတင်းဌာနရဲ့ တဦးတည်းသော သတင်းထောက်ကို တရုတ် အာဏာပိုင်တွေက ပြင်နှင်ဒဏ်ပေးလိုက်ပြီး pan-Arab သတင်းဌာကလူနဲ့လည်း အစားထိုးပေးဖို့ ငြင်းဆို လိုက်ပါတယ်။