ဆရာကြီး ဦးဘုန်း(ဓာတု) ဟောပြောချက်များ (ပထမပိုင်း)
|
2:05 PM |
No မှတ်ချက် |
ထွန်းထွန်းဝင်း
ဆရာလယ်တွင်းသားစောချစ်ဆိုတာ ကျွန်တော်ငယ်ငယ်လေးကတဲကအားကြခဲ့ရတဲ့ ဆရာပါ......
ဆရာနွမ်ဂျာသိုင်းဆိုတာလည်း ကျောင်းသားဘဝတုန်းက
အသဲကွဲရင် သူ့ကဗျာတွေနဲ့ ကျွန်တော်တို့က အသဲကွဲခဲ့ရတယ်....
အခုနကတောင် ဆရာ့ကဗျာလေး ရွတ်ပြရသေးတယ်..... ချစ်သူနှစ်ယောက်ဝေးကြတော့ ဆရာ့ကဗျာလေးနဲ့ ရည်းစားစာထဲမှာ ထည့်ရေးခဲ့ဘူးတယ်....... ကျွန်တော်ဆယ်တန်းမှာ ဆရာတို့က တော်တော်ကြီးကို အောင်မြင်နေတဲ့ ဆရာတွေပေါ့.......
“ဝေဝေဝါးဝါး လမ်းဆုံကြားမှာ
ဗျာများမသင့် ဝေးရာလွင့်လည်း
သခင့်ဝန်းကျင် နေတစ်ထောင်” တဲ့........
ဒီနေ့ဟာ ကလေးတွေရဲ့ ရင်ခုန်တဲ့နေ့ ၊ ချစ်သူများနေ့......
ဒီနေ့ ခေါင်းစဉ်လေးလဲ ချစ်သူများနေ့လို့ ပြောထားပါတယ်၊ ပေးထားပါတယ်...... အခုနက ဆရာက ဖိုးမောင်ကဗျာကိုရွတ်တော့ ကျွန်တော်စဉ်းစားကြည့်တယ်ဗျ....
. ကျွန်တော်က ၁၉၅၉၊ ဒီဇင်ဘာလမှာမွေးတာ.... ၁၉၆၂မှာ တော်လှန်ရေးကောင်စီတက်တာ...... ကျွန်တော့်အသက် ၅၃ နှစ်ရှိပြီ...... ၅၃ နှစ်လုံးလုံး တိုင်းပြည်မှာ ဖိုး မောင် တစ်ယောက်မှ ကျွန်တော်မတွေ့ခဲ့ဖူးဘူး......... ဖိုးဖြောင်တွေချည်းပဲ ကျွန်တော်တွေ့ခဲ့ဖူးတယ်..... တစ်ချို့ ကတော့ ဖိုးဖြောင်ပေါ့ဗျာ... တစ်ချို့ ကတော့ ဖိုးဂရောင်ပေါ့ဗျာ..... ဒီ့ထက်ဆိုးတာရှိသေးတယ် တိုင်းပြည်အတွက် ငါတို့က ဘာမှလုပ်စရာမလိုဘူး၊ တွေ့သမျှလူနဲ့ ပေါင်းစားမယ်ဆိုတဲ့ ဖိုးရှောင်တွေလည်း အများကြီးပဲဗျာ....
အခုလို အားပါးတရလက်ခုပ်တီးတဲ့သူတွေကိုယ်တိုင် ဖိုးရှောင်တွေ မဖြစ်ပါစေနဲ့လို့ ပထမဦးဆုံး တိုက်တွန်းပါတယ်ဗျာ.......
မန္တလေးမှာလည်း ကျွန်တော်ချစ်တဲ့သူတွေ အများကြီးပါပဲ...... ကျောက်ဆည်ဖက်ကိုရောက်တော့ ကျွန်တော့်ချစ်သူကြီးတစ်ယောက်ရှိတယ်...... ဝေဘူဆရာတော်ဘုရား.....
ဝေဘူဆရာတော်ဘုရားပါ..... သူကလည်း တကယ်တော့ သာသနာမှာတော့ ကမ္ဘာကြီးတစ်ခုပါ...... သူ့ကြောင့် အစရှိသဖြင့် တရားစခန်းတွေ၊ သူ့နည်းနိတ်သယတွေနဲ့ ဖြစ်ပေါ်လာကြတာ...... ပြောရရင်တော့ အများကြီးပဲ..... ဟိုတစ်နေ့က အုတ်ဖိုကိုရောက်တယ်... အုတ်ဖိုကိုရောက်တော့ အုတ်ဖိုမြို့ ရဲ့ လူသိများပြီး အုတ်ဖိုမြို့ ဂုဏ်ဆောင်တဲ့သူ အဲဒီထဲမှာ နှစ်ယောက်ရှိတယ်ဗျ..... ဂျာနယ်ကျော်ဦးချစ်မောင်က အုတ်ဖိုသား.... ဂဠုန်ဦးစောကလည်း အုတ်ဖိုသားဖြစ်နေတယ်......
ကဲ ကျွန်တော့်စကားနိဒါန်လေး ဒီမှာပဲ ကျွန်တော် အတွေးလေးနဲ့ပြောပါရစေ.... ကျွန်တော်တို့အားလုံးဟာ ကမ္ဘာပေါ်က ဘာမှမထင်မရှား လူသားလေးတွေဖြစ်ကြပေမယ့် ကိုယ့်နိုင်ငံ၊ ကိုယ့်လူမျိုး၊ ကိုယ့်အမျိုးဘာသာ သာသနာအတွက် ကမ္ဘာကြီးတစ်ခု ဖြစ်ခွင့် ရှိပါတယ်...... ဖြစ်ဖို့ကြိုးစားပါလို့ ဦးစွာပထမ တိုက်တွန်းပါတယ်ခင်ဗျာ.....
ကျွန်တော်က ချစ်သူများအကြောင်း ပြောမှာဆိုတော့ ကျွန်တော့်အိမ်က မိန်းမအကြောင်းလေးလည်း နည်းနည်းလေးပြောချင်သေးတယ်ဗျ...... အိမ်ထောင်ကြတာ ၁၉၈၉ ဆိုတော့ တွက်ကြည့်တော့ အိမ်ထောင်သက် ၂၀ ကျော်ပါပြီ..... ကျွန်တော့်မှာ ထူးထူးခြားခြား သားသမီးမရှိဘူးဗျ..... ဝမ်းနည်းစွာ ကျွန်တော်ပြောပါတယ်... ကျွန်တော့်တူမလေးတွေကို သမီးအဖြစ်မွေးစားထားပါတယ်..... အစတုန်းက သားသမီးမရှိလည်းနေကွာဆိုတဲ့စိတ် ကျွန်တော်ရှိခဲ့ပါတယ်.....
အခုတော့ စာတွေဖတ်၊ ဟိုစာတွေဖတ်၊ ဒီစာတွေဖတ်နဲ့ ကျွန်တော်သားသမီးလိုချင်လာတယ်... ရိုးသားစွာပြောတာပါ..... ဘာကြောင့်လဲဆိုတော့ ကျွန်တော်တို့ ဗိုလ်ချုပ်အောင်ဆန်းက
သူ့အမေ ဒေါ်စုက ဗိုလ်ချုပ်အောင်ဆန်းအပါအဝင်
မောင်နှမ ၉ ရောက်တောင်မွေးတာ... ဒေါ်စုတော်တော်မွေးအားကောင်းတယ်...... ဗိုလ်ချုပ်က အငယ်ဆုံး...... ဒီနေရာမှာ လူငယ်တွေကို ပြောချင်ပါတယ် အိမ်မှာအငယ်ဆုံးဆိုပြီး မနွဲ့ပါနဲ့၊ မဆိုးပါနဲ့ တို့ဗိုလ်ချုပ် အငယ်ဆုံးသား၊ အထွေးဆုံးသားလေး၊ မဆိုးဘူး၊ မနွဲ့ဘူး၊ အတော်ဆုံးသားဖြစ်ခဲ့တယ်...... အတုယူဖို့ လူငယ်တွေကို တိုက်တွန်းပါတယ်ဗျာ.....
ဒီလိုပါပဲ တောကြိုအုံကြားနတ်မောက်သားလေး ကိုအောင်ဆန်းယူခဲ့တဲ့ ဒေါ်ခင်ကြည်...... ဒေါ်ခင်ကြည်က မြောင်းမြသူကြီးဗျ.....
မောင်နှမ သူ့ကြတော့ ၁၀ ယောက်ဗျ.... ဒေါ်ခင်ကြည်အမေလည်း
တော်တော်ကျန်းမာရေးကောင်းတယ်..... ၁၀ ယောက်တောင်မွေးတာ..... ကျွန်တော်တို့ တိုင်းပြည်းများအတွက် ချစ်သူများနေ့ကိုသာ အကြံပြုကြဆိုဆိုရင် ကျွန်တော် အကြံပြုချင်တယ်... စက်တင်ဘာလ ၆ ရက်နေ့ဟာ ချစ်သူများနေ့ဖြစ်သင့်တယ်.... ဘာကြောင့်လဲဆိုတော့ ၁၉၄၂
စက်တင်ဘာလ ၆ ရက်နေ့မှာ ဗိုလ်ချုပ်နဲ့ ဒေါ်ခင်ကြည်လက်ထပ်ခဲ့တာ...... စက်တင်ဘာလ ၆ ရက်နေ့ ချစ်သူများနေ့ဆို ဘယ်လောက်ကောင်းမလဲဗျာ.......
ပြောရအုံးမယ်ဗျ... ၁၉၄၂၊ စက်တင်ဘာ ၆ ရက်ကနေ
၁၉၄၇၊ ဇူလိုင် ၁၉ ဆိုတော့ ဗိုလ်ချုပ်နဲ့ ဒေါ်ခင်ကြည်ရဲ့အိမ်ထောင်သက် ဘယ်လောက်ကြာမလဲဗျ...... တွက်ကြည့်ရအောင်.....
၁၉၄၂၊ စက်တင်ဘာ ၆ ရက်ဆိုတော့ ၅ နှစ်ပြည့်လားဗျ...
၄၂၊ ၄၃၊ ၄၄၊ ၄၅၊ ၄၆၊ ၄၇ဇူလိုင်၊ သြဂုတ်၊ စက်တင်ဘာ
၂ လတောင်လိုသေးတယ် ၅ နှစ်ပြည့်ဖို့ ....
အိမ်ထောင်သက် ကဲ ၅ နှစ်ပဲ ဆိုပါစို့ဗျာ..... ဗိုလ်ချုပ်နဲ့ ဒေါ်ခင်ကြည်တို့ရဲ့ အိမ်ထောင်သက်..... သူတို့နှစ်ဦးရဲ့ အချစ်အကြောင်းလေ
တွေးကြည့်ကြရအောင်...... အိမ်ထောင်သက် ၅ နှစ် ၁၉၄၂ နဲ့ ၁၉၄၇ ကြား မြန်မာနိုင်ငံမှာ အုတ်အော်သောင်းနင်း ဒုတိယကမ္ဘာစစ်ကြီးနဲ့ ကြုံနေတဲ့အချိန် အင်္ဂလိပ်တွေအထွက် ဂျပန်တွေအဝင် ဗမာပြည်တစ်ပြည်လုံး မီးဟုန်းဟုန်းတောက်နေတဲ့အချိန် ကျုပ်တို့ဗိုလ်ချုပ် အလုပ်အရမ်းများနေတဲ့အချိန် ဒီလောက်အလုပ်များတာတောင် အိမ်ထောင်သက် ၅ နှစ်အတွင်း သားသမီး ၄ ယောက်မွေးပေးသွားတယ်...... ဗိုလ်ချုပ်ကို ကျွန်တော် ကျေးဇူးတင်တယ်၊ အားလည်းကျတယ် ...... ဒီလောက်အလုပ်များတာ သားသမီးမွေးပေးသွားတယ်.... ဗိုလ်ချုပ်သာ သားသမီး
မွေးပေးမသွားရင် ကျုပ်တို့တော့ ဒုက္ခ.....
ဗိုလ်ချုပ်အောင်ဆန်းဟာ ကျွန်တော်တို့အတွက် အဖိုးမဖြတ်နိုင်တဲ့
သယံဇာတပါ.... သူဟာ ကျွန်တော်တို့ အားလုံးအတွက် မျှော်လင့်ချက်လက်ဆောင်တွေ ပေးထားခဲ့ပါတယ်..... လက်ဆောင်ဆိုတာ တန်ဖိုးထားရမှာနော်.....
ဗိုလ်ချုပ်ပေးတဲ့လက်ဆောင် တန်ဖိုးထားရမှာ..... ဗိုလ်ချုပ်က ကျွန်တော်တို့ကို ဘာတွေလက်ဆောင်ပေးခဲ့သလဲ.... ပြည်ထောင်စုစိတ်ဓာတ်တွေ၊ တိုင်းရင်းသားတွေချစ်ဖို့ ၊ ကိုယ်ကျိုးစွန့်ဖို့၊ အနစ်နာခံဖို့၊
အများအကျိုးသယ်ပိုးဖို့ဆိုပြီး စိတ်ဓာတ်တွေ လက်ဆောင်ပေးခဲ့သလို နောက်ထပ်လက်ဆောင်များစွာကိုလည်း ကျွန်တော်တို့ကို ပေးခဲ့ပါတယ်.....
ဒီကနေ့ဟာ ချစ်သူများနေ့ဆိုလို့ ရင်မခုန်ကြပါနဲ့.....
ဒီကနေ့ ကျွန်တော် စာအုပ်လက်မှတ်ထိုးပွဲလေးကို လှည်းတန်းမှာလုပ်တော့ ကောင်လေးနဲ့ ကောင်မလေးလာတယ်...... အင်္ကျီအဝါလေးတွေဝတ်လို့ ချစ်သူများနေ့ဆိုတော့
ကျွန်တော့်စာအုပ်လက်မှတ်ထိုးခိုင်း၊
နောက်တစ်ယောက်ကလည်း ကောင်လေးနဲ့ ကောင်မလေး အင်္ကျီပန်းရောင်လေ အော် ချစ်လိုက်ကြတာ၊ ချစ်လိုက်ကြတာ......... ကြည့်စမ်းပါအုံး ဖေဖော်ဝါရီလ ၁၄ ရက်နေ့ဟာ ချစ်သူများနေ့ဆိုတော့ ဒီနေ့က ဖေဖော်ဝါရီ ၁၄ ကိုး....... တကယ်တော့ ပြီးခဲ့တဲ့ မနေ့က
ဖေဖော်ဝါရီ ၁၃ ဟာ ဗိုလ်ချုပ်အောင်ဆန်းမွေးနေ့ ၊ ပြီးခဲ့တဲ့တစ်ရက်ဆိုတော့ ဖေဖော်ဝါရီ ၁၂ ရက်နေ့က မြန်မာတစ်နိုင်ငံလုံး တိုင်းရင်းသားတွေ အပြန်အလှန်ချစ်ခဲ့ကြတဲ့ ချစ်သူများနေ့အစစ်......
ကချင်၊ ကယား၊ ကရင်၊ ချင်း၊ မွန်၊ မြန်မာ၊ ရခိုင်၊ ရှမ်း အကုန်လုံးပေါ့ဗျာ.... တကယ်ချစ်ခဲ့ကြတဲ့ ချစ်သူများနေ့က ပြည်ထောင်စုနေ့ဗျ....
တကယ်တော့...... ကျွန်တော်တို့က အဲဒါတွေကို မေ့ပြီး
ဒီနေ့မျိုးဆက်သစ်တွေက ဟိုး အနောက် ဥရောပကလာတဲ့
စိမ့်ဗာလင်တိုင်းဆိုတဲ့ ခရစ်ယာန်ဘုန်းတော်ကြီးရဲ့ အပေါ်မှာ အခြေပြုပြီး ချစ်သူများနေ့ဆိုပြီး ချောကလက်တွေ ကျွေးကြ၊ တစ်နေရာရာမှာသွားပြီး မတော်တရော်တွေလုပ်ကြ တကယ်တော့ အဲဒီချစ်သူများနေ့ထက် ပြည်ထောင်စုနေ့ဟာလည်း ကျွန်တော်တို့ တိုင်းပြည်ရဲ့ ချစ်သူများနေ့နော်.....
တကယ်တိုင်းရင်းသားတွေ ချစ်ခဲ့တဲ့နေ့၊ အဲဒီလိုဟာမျိုးကို
တန်ဖိုးမထားသေးသ၍ ကျွန်တော်တို့ မျှော်မှန်းတာ မဖြစ်နိုင်ဘူးး..........
ကျွန်တော်နဲ့ ကျွန်တော့်မိန်းမက သားသမီးမရတော့ ဗိုလ်ချုပ်ဟာ သားသမီးရခဲ့တယ်..... ကိုယ့်ရင်နဲ့လွယ်မွေးတဲ့ သားသမီး တကယ်လိုတယ်ဗျ......... ကျွန်တော်သာ ကလေးလေး မွေးခဲ့ရင် ကျွန်တော်စိတ်ကူးကြည့်တယ်....... ကျွန်တော့်လို မျက်တောင်ကော့ကော့လေး၊ နှာခေါင်းလှလှလေး၊ နှုတ်ခမ်းပါးပါးလေး၊
နဖူးကတော့ အခုမှပြောင်တာဗျ အဲလိုမရီကြပါနဲ့ ခင်ဗျားတို့က သူများအားနည်းချက်တော့ အဲလိုမပြောကြေးဗျာ........ တွေးကြည့် ကျွန်တော့်ရဲ့ သွေးသားတွေ၊ ကျွန်တော့်ရဲ့ သတ္တိတွေ ကျွန်တော့်သားသမီးမှာပါမှာဗျ..... ဗိုလ်ချုပ်ဗျာ သူ့ရဲ့အသွေးအသားတွေ ဖြစ်လာတာနော်...... သူ့ရဲ့ စိတ်ဓာတ်တွေ၊ သူ့ရဲ့ အသွေးအသား၊
သူ့ရဲ့သတ္တိတွေ ကျွန်တော် အဲဒါတွေကြည့်ပြီး ကျွန်တော်သားသမီး အရမ်းလိုချင်တယ်...... ကျွန်တော် ဗိုလ်ချုပ်လို သားသမီး
မမွေးနိုင်တဲ့အတွက် ကျွန်တော် တိုင်းပြည်အပေါ်မှာ
တာဝန်မကျေဘူးလို့တောင် အခု ကျွန်တော် ခံစားနေရတယ်........
တကယ်ပါ......
ဗိုလ်ချုပ်က ကျွန်တော်တို့အတွက် လက်ဆောင်ပေးခဲ့တယ်..... သူ့ရဲ့မျိုးဆက်ကြီးတစ်ခု လက်ဆောင်ပေးခဲ့တယ်....
ထားပါတော့ ဒီနေရာမှာ စာပေဟောပြောပွဲဆိုတော့ စိတ်ထဲက သတိရသွားတာ...... စန္ဒရားလှထွတ်ရဲ့ သီချင်းလေးလေ...... “ချစ်တယ်”... သီချင်းလေးပေါ့... ဒီနေ့ဟာ ချစ်သူများနေ့ဆိုတော့ သတိရတာပါ...... သီချင်းလေး ခုနက ညည်းမိတယ်....“ကမ္ဘာပေါ်မှာ လူတိုင်း စကားလေးတစ်ခွန်းကို ပြောဖူးကြတယ် အဲဒါဟာ ချစ်တယ်တဲ့
ကမ္ဘာပေါ်မှာလူတိုင်း မပြောဖူးတဲ့သူမရှိပါဘူးကွယ်” ကျွန်တော်သီချင်းမှားသွားလို့ ပြန်ဆိုအုံးမယ်ဗျ..... ကမ္ဘာပေါ်မှာ မဟုတ်ဘူး မြန်မာပြည်မှာလို့ ပြောရမှာ “မြန်မာပြည်မှာ လူတိုင်း စကားလေးတစ်ခွန်းကို ပြောဖူးကြတယ်...
အဲဒါဟာ ချစ်တယ်တဲ့... မြန်မာပြည်မှာလူတိုင်း မပြောဘူးတဲ့သူမရှိပါဘူးကွယ်... အဲဒါဟာ ချစ်တယ်တဲ့... အဖိုးကလည်း သူ့ကို ချစ်တယ် ချစ်တယ်နဲ့၊
အဖေကလည်း သူ့ကို ချစ်တယ် ချစ်တယ်နဲ့... ကျွန်တော်ကလည်း သူ့ကို ပြောပါမယ်... ချစ်တယ်...” အဲဒီသူဟာ ဘယ်သူလဲဗျာ....
အဲဒီသူဟာ ဘယ်သူလဲ တစ်ယောက် တစ်ယောက်ရင်ဘတ်ချင်းတော့ တူမယ်ထင်ပါတယ်....... “ချစ်တယ်ကွယ်... နှလုံးသားနဲ့ အသက်နဲ့ရင်းကာ... ချစ်ပါတယ်... အရိုးဆုံးနဲ့ အရှင်းဆုံးကလေးမို့ နားရည်လည်... အမျိုးသားရေးမို့ကွယ်”အမျိုးသားရေးဗျ....... တိုင်းပြည်ကို ချစ်ရမယ်၊ သူဆိုတာ ကျွန်တော်တို့တိုင်းပြည်၊ သူဆိုတာ ကျွန်တော်တို့ အားထားခဲ့ရတဲ့ ဗိုလ်ချုပ်အောင်ဆန်း......... တကယ်တော့ အဖိုးက ချစ်တဲ့သူ၊ အဖေက ချစ်တဲ့သူ၊ ကျွန်တော်တို့ ချစ်တဲ့သူ ကျွန်တော်တို့ တိုင်းပြည်.......
ကျွန်တော်တို့ တိုင်းပြည်ကို ကျွန်တော်တို့ တကယ်ချစ်ရလိမ့်မယ်......
တကယ်ချစ်ပါတယ် တကယ်ချစ်ပါတယ် ပြောပြီး နောက်ဆုံး သမိုင်းကြီးက သူတို့ချစ်မချစ်ကို မှတ်တမ်းတင်ခဲ့ပြီးပြီ....... ၂၆ နှစ်၊ ၂၃ နှစ်၊
၄၉ နှစ်သမိုင်းကြီးကို ကျွန်တော်တို့ စောင်းငဲ့ပြီးကြည့်လိုက်၊
တကယ်ချစ်ခဲ့ကြရဲ့လား၊ ချစ်ချင်ယောင် ဆောင်ခဲ့တာလားဆိုတာ ကျွန်တော်တို့ တွေးတောဖို့ ကောင်းပါတယ်...........
ဆရာကြီး ဦးဘုန်း(ဓာတု)၊ ၂၀၁၂ ခုနှစ်၊ ဖေဖော်ဝါရီလ ၁၄ ရက်နေ့တွင် “ချစ်သူများနေ့” ခေါင်းစဉ်ဖြင့် ဟောပြောချက်များအား စာသားအဖြစ် ပြန်လည်ရေးသားထာခြင်းဖြစ်ပါသည်............
ကျန်ရှိသော ဟောပြောချက်များကို ဒုတိယပိုင်းတွင် ဆက်လက်ဖတ်ရှုပါ သူငယ်ချင်းတို့.........
0 comments:
Post a Comment