12.04.2012 နေ့ဖတ်ရန်သတင်းများ

by Myanmar Journal on Thursday, April 12, 2012 at 5:53am 

ငလျင် ဗဟိုချက်မ ပြ မြေပုံအင်ဒိုနီးရှား ငလျင် ဆူနာမီ အရေး ထိတ်လန့်ခဲ့ကြရ

အင်ဒိုနီးရှား နိုင်ငံ အာချေး ကမ်းလွန် ပင်လယ်ပြင်မှာ ပြင်းအားကြီးတဲ့ ငလျင် နှစ်ခု လှုပ်ခတ် ခဲ့တာကြောင့် အိန္ဒိယ သမုဒ္ဒရာ တဝိုက် နိုင်ငံ တွေ မှာ ဆူနာမီ သတိထားဖို့ ထုတ်ပြန် ခဲ့ရပြီး လူတွေလည်း အထိတ်အလန့် ဖြစ်ခဲ့ ကြရပါတယ်။

နောက်ပိုင်း မှာတော့ အိန္ဒိယသမုဒ္ဒရာ အတွင်း ဆူနာမီ ရေလှိုင်းတွေ ဖြစ်လာ နိုင်ခြေ သိပ်မရှိ ဘူးလို့ အမေရိကန်က ပစိဖိတ် ဆူနာမီ သတိပေးရေး ဌာနက ပြောကြားလိုက်ပါတယ်။

ပင်လယ်ကမ်းနား ဘက်မှာ တမီတာ ရဲ့ အောက် အမြင့်သာ ရှိတဲ့ ရေလှိုင်းတွေကိုသာ တွေ့ရတဲ့အတွက် သူတို့အနေနဲ့ ဆူနာမီ သတိပေးချက်တွေကို ရုပ်သိမ်းလိုက်ပြီလို့ အဲဒီဌာန က ပြောပါတယ်။

မြေငလျင် ကြီး ကြောင့် အာချေးပြည်နယ် မှာ နေထိုင်ကြသူတွေဟာ အထိတ်တလန့် ဖြစ်ကုန်ကြ ပါတယ်။

ပြီးခဲ့တဲ့ ၂၀၀၄ ခုနှစ်က ဖြစ်ပွားခဲ့တဲ့ မြေငလျင် နဲ့ ဆူနာမီ ကြောင့် အာချေး ဒေသ မှာ လူပေါင်း ၂ သိန်းကျော် သေဆုံးခဲ့တဲ့ အတွက် အခုလို အထိတ်တလန့်ဖြစ်ခဲ့ ကြရတာလည်း ဖြစ်ပါတယ်။

အဲဒီဒေသမှာ မြေငလျင်လှုပ်တယ်ဆိုရင်ပဲ လူတွေဟာ ကုန်းမြင့်ပိုင်း ဒေသတွေကို အလျင် အမြန် ပြေးလွှား သွားခဲ့ကြပါတယ်။

အင်ဒိုနီးရှား က ငလျင်ရဲ့ ရိုက်ခတ်မှုကို မြန်မာ၊ ထိုင်း၊ အိန္ဒိယ၊ သီရိလင်္ကာ နဲ့ သြစတြေးလျ နိုင်ငံတွေမှာလည်း ခံစား ခဲ့ကြရပါတယ်။

ရန်ကုန်မြို့ အချို့ မြို့နယ် တွေ မှာလည်း ငလျင် အသေးစား လှုတ်ခတ်ခဲ့ပြီး မြန်မာ့ ကမ်းရိုးတန်း ဒေသ တွေမှာ ဆူနာမီ ရိုက်ခတ်နိုင်တယ်လို့ အစိုးရ က ရုပ်မြင်သံကြား မီဒီယာ ကနေ တဆင့် သတိပေးချက် တွေ ထုတ်ပြန် ခဲ့ရ ပါတယ်။

သမ္မတနဲ့ ဆွေးနွေးပြီး ရန်ကုန် လေဆိပ်ကို ပြန်ရောက် လာတဲ့ ဒေါ်အောင်ဆန်း စုကြည်ဒေါ်အောင်ဆန်း စုကြည်နဲ့ သမ္မတ ဒုတိယ အကြိမ်တွေ့

မြန်မာ နိုင်ငံတော် သမ္မတ ဦးသိန်းစိန်နဲ့ အန်အယ်လ်ဒီ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည်တို့ နေပြည်တော်မှာ ဗုဒ္ဓဟူးနေ့က တွေ့ဆုံ ဆွေးနွေးခဲ့ ကြပါတယ်။

အခု တွေ့ဆုံမှုဟာ လွန်ခဲ့တဲ့ ၇ လကျော်က နှစ်ယောက် တွေ့ဆုံခဲ့ အပြီး ဒုတိယ အကြိမ် တွေ့ဆုံမှုလည်း ဖြစ်ပါတယ်။

တစ်နာရီခွဲလောက် ကြာတဲ့ တွေ့ဆုံမှု အတွင်း မြန်မာ နိုင်ငံ အရေးနဲ့ ပတ်သက်လို့ ရှေ့ဆက် ပူးပေါင်း လုပ်ဆောင် စရာတွေကို ဘယ်လို ဆောင်ရွက် သွားကြမယ် ဆိုတာ နှစ်ဘက် ဆွေးနွေး ခဲ့ကြတယ်လို့ ဒေါ်အောင်ဆန်း စုကြည်နဲ့ အတူ နေပြည်တော်ကို လိုက်ပါသွားတဲ့ လုံခြုံရေး အရာရှိ ဦးခွန်သာမြင့်က ပြောပါတယ်။

နောက်ထပ် ဆွေးနွေးမှု အသေးစိတ် ကိုတော့ ထုတ်ပြန် ပြောဆိုခြင်း မရှိပါဘူး။

ပထမ တစ်ခေါက် ဆွေးနွေးပြီးတဲ့နောက် နိုင်ငံရေး အကျဉ်းသား တွေ လွတ်မြောက် လာခဲ့တာ မျိုးလို အများ ဝမ်းသာ စရာ ဖြစ်ရပ်မျိုး မကြာခင် တွေ့မြင် လာရ နိုင်တယ်လို့ လည်း သူက ပြောပါတယ်။

လောလောဆယ် ရပ်နား ထားတဲ့ လွှတ်တော် အစည်း အဝေး တွေကို လာမယ့် ဧပြီလ ၂၃ ရက်နေ့မှာ ပြန်လည် စတင်မှာ ဖြစ်ပေမဲ့ အန်အယ်လ်ဒီ နဲ့ အစိုးရ ကြားမှာ အရင်က ညှိနှိုင်း ခဲ့တဲ့ ၂၀၀၈ ဖွဲ့စည်းပုံ အခြေခံ ဥပဒေပါ စကား အသုံး အနှုန်း ပြင်ဆင်ချက်ကို အတည်ပြု မပြီး မချင်း ကြားဖြတ် ရွေးကောက်ပွဲမှာ အနိုင်ရခဲ့တဲ့ ဒေါ်အောင်ဆန်း စုကြည်နဲ့ အန်အယ်လ်ဒီ အမတ်တွေက လွှတ်တော် ထဲကို သွားမှာ မဟုတ်ဘူးလို့ ဉီးခွန်သာမြင့်က ပြော ပါတယ်။

သမ္မတနဲ့ ဆွေးနွေး အပြီးမှာ သမ္မတ မိသားစုက ဒေါ်အောင်ဆန်း စုကြည် တို့ကို နေ့လည်စာ တည်ခင်း ဧည့်ခံ ခဲ့တယ်လို့လည်း သိရ ပါတယ်။

ဒေါ်အောင်ဆန်းစုကြည်ကို ကယ်ခဲ့တယ်လို့ ဦးခင်ညွန့် မပြောကြောင်း ပြည်ထဲရေးဌာနပြောဘန်ကောက်ပို့စ်ပါ ဒီပဲယင်းကိစ္စ သတင်းစာရှင်းလင်းပွဲ ပြုလုပ်

၂၀၀၃ ခုနှစ် မေလ ၃၀ ရက်က ဖြစ်ခဲ့တဲ့ ဒီပဲယင်း တိုက်ခိုက်မှုအတွင်း ဒေါ်အောင်ဆန်းစုကြည်ရဲ့ အသက်ကို ဝန်ကြီးချုပ်ဟောင်း ဦးခင်ညွန့်က ကယ်တင်ခဲ့တယ်ဆိုတဲ့ သတင်း ဘန်ကောက်ပို့စ် သတင်းစာမှာ ပါတဲ့ကိစ္စဟာ အမှန်တကယ် ပြောကြားခဲ့ခြင်းမရှိဘဲ ရေးသားထားတာ ဖြစ်တယ် လို့ ပြည်ထဲရေးဝန်ကြီးဌာန တာဝန်ရှိ သူတွေက တရားဝင် သတင်းစာရှင်းလင်းပွဲ လုပ်ပြီး သတင်းမီဒီယာတွေကို ပြောကြားခဲ့ ပါတယ်။

ရဲသတင်းတပ်ဖွဲ့က ဒုတိယရဲမှူးကြီး ဝင်းနိုင်ထွန်းနဲ့ ဗိုလ်မှူးဟောင်း ဝင်းမောင်မောင်တို့က ဗုဒ္ဓဟူးနေ့ နေ့လည် ၂ နာရီမှာ ရန်ကင်းမြို့နယ်မှာ ရှိတဲ့ ပြည်ထဲရေးရုံးဟောင်းမှာ သတင်းစာ ရှင်းလင်းပွဲ ပြုလုပ်ပြီး အခုလို ပြောကြားခဲ့တာ ဖြစ်ပါတယ်။

သတင်းစာ ရှင်းလင်းပွဲမှာ ဒုတိယရဲမှူးကြီး ဝင်းနိုင်ထွန်းက ဘန်ကောက်ပို့စ်ကို ဦးခင်ညွန့် မပြောခဲ့ဘူးလို့ ပထမ ရှင်းလင်း ပြောကြားခဲ့ပါတယ်။

ဒါပေမယ်လို့ ဗိုလ်မှူးဟောင်း ဝင်းမောင်မောင်က ထပ်ပြီး ရှင်းရာမှာတော့ ဒီကိစ္စကို အလွတ်ပြောတာမို့ မရေးပါနဲ့လို့ ပြောခဲ့တဲ့ ကြားက ဘန်ကောက်ပို့စ်က ရေးလိုက်တာ ဖြစ်ကြောင်း ပြောကြားသွားခဲ့ တယ်လို့ သတင်းစာရှင်းလင်းပွဲကို ကိုယ်တိုင်တက်ရောက်ခဲ့တဲ့ ရန်ကုန်က သတင်းထောက်တဦးက ဘီဘီစီကို ပြောပါတယ်။

ဦးခင်ညွန့်နဲ့ ဘန်ကောက်ပို့စ် အလွတ်တန်း ပြောထားတဲ့ အသံဖိုင်ရှိတယ် ဆိုပေမယ့် ဖွင့်တော့ မပြခဲ့ဘူးလို့ ပြောပါတယ်။

ဒီပဲယင်းကိစ္စဖြစ်တာ ၉ နှစ် ကြာကာမှ အခုကိစ္စ ထွက်ပေါ်လာတာဟာ၊ နားမလည်နိုင်တဲ့ ပဟေဠိတပုဒ်ကို အဖြေညှိနေ သလို မရှင်းမလင်း ဖြစ်နေကြရတယ်လို့ သတင်းစာရှင်းလင်းပွဲ တက်ရောက်ခဲ့တဲ့ သတင်းထောက်တွေက ပြောဆိုနေကြပါတယ်။

ဒေါ်အောင်ဆန်းစုကြည်နဲ့ သမ္မတ ဦးသိန်းစိန် တို့ကို အသိအမှတ်ပြုကြောင်း ပြောကြားအမေရိကန်အမတ် ရန်ကုန်မှာ သတင်းစာရှင်းလင်းပွဲပြုလုပ်

မြန်မာနိုင်ငံမှာ တတိယအကြိမ် အဖြစ် ရောက်ရှိ နေတဲ့ အမေရိကန် အထက်လွှတ်တော်အမတ် Jim Webb ဟာ သူ့ခရီးစဉ် မပြီးဆုံးမီ ရန်ကုန် မြို့မှာ သတင်းစာရှင်းလင်းပွဲ လုပ်ခဲ့ပါတယ်။

မစ္စတာ Jim Webb က ရွေးကောက်ပွဲရလဒ်တွေ အပါအဝင် မြန်မာနိုင်ငံမှာ သမိုင်းဝင် အပြောင်း အလဲတွေ ဖြစ်ပေါ်မှုအတွက် ဝမ်းသာကြိုဆို ကြောင်း သတင်းထောက်တွေကို ပြောကြားသွား ပါတယ်။

အဓိကအားဖြင့် အမျိုးသား ပြန်လည်ရင်ကြားစေ့ရေးအတွက် ကြိုးပမ်းတဲ့ ဒေါ်အောင်ဆန်းစုကြည်နဲ့ သမ္မတဦးသိန်းစိန်တို့ကို အသိအမှတ်ပြုရမှာ ဖြစ်ကြောင်း ဖေါ်ပြပြောဆိုသွားပါတယ်။

မြန်မာအပေါ် ပိတ်ဆို့မှုတွေ ဘယ်တော့ ရုပ်သိမ်းနိုင်မလဲ ဆိုတဲ့ မေးခွန်းကိုတော့ သူအမေရိကန် ပြန်ရောက်ရင် သက်ဆိုင်ရာ ကော်မတီတွေမှာ ဆွေးနွေးပြီး တိုးတက်မှု တဆင့်ချင်းစီ အတွက် တုံ့ပြန်ဆောင်ရွက် သွားမယ်လို့ ဖြေကြားသွားခဲ့ပါတယ်။

ကာယကံရှင်တွေရဲ့ သဘာ တူညီချက် မပါဘဲနဲ့ သားကြော ဖြတ်ခံနေကြရဥဇ်ဘကစ္စတန်မှာ အမျိုးသမီးတွေ သားကြောဖြတ်ခံနေရ

ဥဇ်ဘကစ္စတန် မှာရှိတဲ့ အမျိုးသမီးတွေဟာ သူတို့အနေနဲ့ ဘာမှာ မသိလိုက်ရပဲ သားကြော ဖြတ်ခံနေကြရတယ်ဆိုတာကို ဘီဘီစီရဲ့ စုံစမ်း လေ့လာချက်ကနေ ဖေါ်ထုတ်နိုင်ခဲ့ ပါတယ်။

ဘာမှ တိုင်ပင်ဆွေးနွေးမှုတွေလည်းမလုပ်၊ ကာယကံရှင်တွေရဲ့ သဘာ တူညီချက်လည်း မပါပဲနဲ့ သားကြောဖြတ် ခံလိုက်ရတဲ့ အဲဒီ ဥဇ်ဘကစ္စတန်က အမျိုးသမီးတွေကို ဘီဘီစီ အရှေ့အာရှ သတင်းထောက်က တွေ့ဆုံ စကား ပြောခဲ့တာ ဖြစ်ပါတယ်။

ဒုတိယ ဒါမှမဟုတ် တတိယ အကြိမ်မြောက် ကလေးမွေးပြီးသွားတဲ့ အမျိုးသမီးတွေထဲက အများစုကို ဆရာဝန်တွေက သားအိမ်ပြွန် ထုံးလိုက်တာ ဖြစ်ပြီး၊ တချို့အမျိုးသမီးတွေကတော့ သားအိမ်ပါ ဖယ်ရှား ခံလိုက်ရတာ ဖြစ်ပါတယ်။

ဥဇ်ဘကစ္စတန် ကျန်းမာရေးဝန်ကြီးဌာကနေ ဆရာဝန်တွေအနေနဲ့ ခွဲတန်းအလိုက် အမျိုး သမီးတွေကို သားကြောဖြတ်ဖို့ အမိန့်ထုတ်ပြန်ထားတာ ဖြစ်တယ်လို့ ဆရာဝန်တွေ က ပြောပါတယ်။

အစိုးရကတော့ သူတို့မှာ အခုလို လုပ်ဖို့ဆိုတဲ့ မူဝါဒ မရှိကြောင်း ပြတ်ပြတ်သားသား ငြင်းဆိုသွား ပါတယ်။

မြန်မာနိုင်ငံက အပြောင်းအလဲတွေ နောက်ပြန် မလှည့်နိုင်ဘူးလို့ ICG ပြောမြန်မာအပေါ် ပိတ်ဆို့မှု ရုပ်ဖို့ ICG ပြော

မြန်မာနိုင်ငံမှာ ဖြစ်ပေါ်နေတဲ့ အပြောင်းအလဲ တွေဟာ နောက်ပြန်သွားမယ့် အလားအလာမျိုး သိပ်မရှိတဲ့အတွက် မြန်မာနိုင်ငံ အပေါ် ပိတ်ဆို့မှု တွေ အားလုံးကို ပြန်လည် ရုပ်သိမ်းသင့်ပြီလို့ ဂျာကာတာ အခြေစိုက် ICG အပြည်ပြည်ဆိုင်ရာ အကြပ်အတည်း ဖြေရှင်းရေးအဖွဲ့ရဲ့ ထုတ်ပြန် ချက်ထဲမှာ တောင်းဆို ထားပါတယ်။

မြန်မာ အစိုးရတွင်းမှာ ခေတ်ဟောင်း ပြန်သွား ချင်သူ မရှိကြောင်းနဲ့ အုပ်စု ၂ စု ကွဲနေတယ်လို့ မမြင်ကြောင်း၊ အပြောင်းအလဲကြောင့် အမြတ် ရသူနဲ့ အရှုံးထွက်သူသာ ရှိကြောင်း၊ အပြောင်းအလဲ အားလုံးကို စုံမှိတ် ဆန့်ကျင်နေသူမရှိဘဲ ကိစ္စရပ် ပေါ်မူတည်ပြီး ထောက်ခံသူ ကန့်ကွက်သူသာ ရှိကြောင်း ICG အဖွဲ့ အရှေ့တောင် အာရှ ညွှန်ကြားရေးမှူး ဂျင်မ် ဒဲလာ ဂျိုင်ယာကိုမာက ဘီဘီစီကို ပြောပါတယ်။

နိုင်ငံတကာနဲ့ ဒေသတွင်းက ဖြစ်ချင်တဲ့ အနေအထားမျိုး လက်ရှိ မြန်မာ အစိုးရ လျှောက်လှမ်း နေချိန်မျိုးမှာ ဆုပေး ဒဏ်ပေးစနစ်နဲ့ သွားနေတာက အကျိုး မများဘူးလို့ သူက ပြောပါတယ်။

အစိုးရအနေနဲ့လည်း ကျွမ်းကျင်သူ အကူအညီ လိုနေတာမို့ ပူးပေါင်း ဆောင်ရွက်သင့်ကြောင်း၊ ပိတ်ဆို့မှုက ဆင်းရဲသား အများစုကိုပဲ အဓိက ထိခိုက်ခဲ့ပြီး အသေးစား ငွေချေးစနစ်နဲ့ ဘဏ်စနစ် ကောင်းကောင်း မရှိတာ၊ ကျောင်းနဲ့ ဆေးရုံတွေလို အခြေခံအဆောက်အအုံတွေ ချို့တဲ့တာ၊ HIV ကူးစက်ခံရသူတွေ အတွက် ဆေးမလုံလောက်တာ စတဲ့ ဆိုးကျိုးတွေပဲ ရခဲ့တာကြောင့် ပိတ်ဆို့မှုတွေကို ဖွင့်ပေးသင့်တယ်လို့ ဂျင်မ် ဒဲလာ ဂျိုင်ယာကိုမာ က ပြောပါတယ်။

စီးပွားရေး ပြုပြင်မှုတွေကြောင့် နိုင်ငံရေး လူမျိုးစုရေး တိုးတက်ပြောင်းလဲမှုတွေ ရှိလာနိုင် သလားဆိုတဲ့ မေးခွန်းကိုတော့ ဂျင်မ် ဒဲလာ ဂျိုင်ယာကိုမာက မြန်မာနိုင်ငံမှာ ကိုးကွယ်တဲ့ ဘာသာ၊ လူမျိုးနဲ့ ဘာသာစကား မျိုးစုံကွဲပြားနေတဲ့ အတွက် ဒါကို လွယ်လွယ်နဲ့ ဖြေရှင်းလို့ မရဘဲ အပစ်အခတ် ရပ်စဲရေး အရင် ကြိုးပမ်းဖို့ လိုကြောင်းနဲ့ ပြီးမှ အားလုံး ပါဝင်တဲ့ နိုင်ငံရေး ဖြစ်စဉ်ကို အရည်အချင်းရှိရှိ လေးစားမှု အပြည့်နဲ့ ဆောင်ရွက်ဖို့ လိုကြောင်း ပြောသွားပါတယ်။

မြောက်ကိုရီးယား အကျဉ်းထောင်တွေမှာ ဖမ်းဆီး ထားသူ သိန်းချီရှိလို့ သိရှိရမြောက်ကိုရီးယားရဲ့ လျှို့ဝှက် ငရဲခန်းများ

မြောက်ကိုရီးယားက လျှို့ဝှက် အကျဉ်း စခန်း တွေမှာ နိုင်ငံရေး အကျဉ်းသား သိန်းချီပြီး ညှင်းပန်း နှိပ်စက် ခံနေရတယ်လို့ သတင်းရ ရှိပါတယ်။

ခုအစီရင်ခံစာကို ဝါရှင်တန် အခြေစိုက် မြောက် ကိုရီးယား လူ့အခွင့်အရေး ကော်မတီက ထုတ် ပြန်ခဲ့တာ ဖြစ်ပြီး မြောက်ကိုရီးယားက လျှို့ဝှက် စခန်းတွေ၊ သေဒဏ် စီရင်တဲ့ နေရာတွေကို ဂြိုလ်တုက ကင်မရာနဲ့ ရိုက်ကူး ထားတာ ဖြစ်ပါတယ်။

ဒါ့အပြင် တောင်ကိုရီးယားကို ထွက်ပြေး လွတ်မြောက်လာတဲ့ အကျဉ်းသားတွေနဲ့ စခန်း အစောင့် ခြောက်ဆယ်လောက်ရဲ့ ပြောကြားချက်တွေကိုလည်း အဓိက ကိုးကား ဖော်ပြ ထားတာ ဖြစ်ပါတယ်။

တောင်ကိုးရီးယားကို ထွက်ပြေးဖို့ ကြိုးစားသူတွေ အပါအဝင် အစိုးရ ဆန့်ကျင်ရေး သ မားတွေကို အပြစ် ပေးဖို့ လျှို့ဝှက် ဆောက်ထားတဲ့ အကျဉ်းထောင်တွေ၊ ချွေးတပ် စခန်း တွေကို အဆင့်မြင့်မြင့် လုံလုံ ခြုံခြုံ ဆောက်ထားတယ်လို့ ဒီလူတွေက ပြောပြပါတယ်။

အကျဉ်းသားတွေဟာ မိုင်းတွင်းတွေ၊ စက်ရုံတွေနဲ့ စိုက်ခင်းတွေမှာ အလုပ်လုပ်ကြရပြီး အတော်များများဟာ အဟာရ ချို့တဲ့မှု၊ ဒါမှမဟုတ် အလုပ် ပင်ပန်းလို့ သေဆုံးကုန်တယ်လို့ ပြောပြပါတယ်။

ဒါ့အပြင် ကိုယ့်ရာရှင်ထက် ပိုပြီး ခိုးယူသူတွေ၊ အကျဉ်းစခန်းတွေကနေ ထွက်ပြေးဖို့ ကြိုး စားသူတွေကို လူမြင်ကွင်းမှာ သေဒဏ် စီရင်တာတွေ ရှိတယ်လို့လည်း ထွက်ပြေး လွတ် မြောက်လာသူတွေက ပြောပြပါတယ်။

ရိုက်နှက် ညှင်းပန်းတာတွေက ပုံမှန်လို ဖြစ်နေပြီး တရုတ် ပြည်ကနေ ပြန်အပို့ခံရပြီး ကိုယ်ဝန် ရှိလာတဲ့ အမျိုးသမီး တွေကိုလည်း အတင်းအကြပ် ကိုယ်ဝန် ဖျက်ချခိုင်းတာတွေ ရှိတယ်လို့ ပြောပါတယ်။

ခုအစီရင်ခံစာ အတွက် ပြောပြသူတွေထဲမှာ တချို့ဟာ လုပ်အားပေး စခန်းတွေမှာ အနှစ် နှစ်ဆယ်ကျော်ထိ နေခဲ့ကြရပြီး အမှု စစ်ဖို့ နေနေသာသာ တချို့ဆိုရင် ဘာ့ကြောင့် သူတို့ကို ဖမ်းသလဲ ဆိုတာတောင် မသိရဘူးလို့ ပြောပြပါတယ်။

အဖမ်းခံရသူတွေရဲ့ ခလေးတွေနဲ့ မိသားစုတွေကိုလည်း အစိုးရကို မဝေဖန်နိုင်အောင် အ ပျောက် ရှင်းပစ်တာတွေ လုပ်တယ်လို့ ပြောပါတယ်။

အမျိုးသမီး တယောက်ဆိုရင် တောင်ကိုရီးယား အဆိုတော် တယောက် သီချင်းကို ဆိုမိလို့ အဖမ်းခံရတဲ့ အပြင် ဂျပန်နဲ့ အဆက်ရှိသူ ဒါမှမဟုတ် တောင်ကိုရီးယားမှာ သားချင်း ဆွေမျိုးတွေ ရှိလို့ အဖမ်းခံရသူတွေလည်း ရှိပါတယ်။

ခု အစီရင်ခံစာကို တာဝန်ခံ ပြုစုသူ ဒေးဗစ် ဟော့ဟာ ၂၀၀၃ ခုနှစ်ကလည်း hidden gulag လျှို့ဝှက် အကျဉ်းစခန်းများဆိုတဲ့ နံမယ်နဲ့ မြောက်ကိုရီးယားက လူ့အခွင့်အရေး ချိုးဖောက်မှုတွေ အကြောင်း အစီရင်ခံစာ တစောင် ထုတ်ဖူးပါတယ်။

အဲဒိအချိန်ကနေ ကနေ့ထိ ဆယ်နှစ်တာ ကာလအတွင်းမှာ မြောက်ကိုရီးယားက ထွက်ပြေး လာသူတွေရဲ့ ပြောပြချက်တွေကြောင့် ခု အစီရင်ခံစာသစ်ကို ပြုစုနိုင်တာလို့ သူက ပြောပါ တယ်။

တောင်ကိုရီးယားမှာ လောလောဆယ် မြောက်ကိုရီးယားကနေ ထွက်ပြေး လွတ်မြောက်လာသူ သုံးသောင်းလောက် ရှိပါတယ်။

မြောက်ကိုရီးယား တာဝန်ခံတွေကတော့ သူတို့ဆီမှာ နိုင်ငံရေး အကျဉ်းသား မရှိဘူး ဆိုပြီး ဟိုးအရင်ကနေ ခုထိ တောက်လျှောက် ငြင်းဆိုလာခဲ့တာ ဖြစ်ပါတယ်။

ပေါ်လစ်ဗြူရိုဝင် အဖြစ်ကနေ အထုတ် ခံရသူ ဘိုရှိလိုင်တရုတ်ထိပ်တန်းပါတီဝင် ဇနီးကို လူသတ်မှုနဲ့ ဖမ်း

တရုတ် ကွန်မြူနစ် ပါတီကထိပ်တန်းခေါင်း ဆောင် ဘိုရှိလိုင်ရဲ့ ဇနီးကို ဗြိတိသျှ နိုင်ငံသား တယောက်ကို သတ်မှုနဲ့ ဖမ်းဆီးလိုက်ပါတယ်။

မနှစ်က နိုဝင်ဘာလက ဗြိတိသျှ နိုင်ငံသား Neil Heywood ဟာ အရက် အဆိပ်သင့်ပြီး သေဆုံးခဲ့တယ်လို့ တရုတ် အာဏာပိုင်တွေက ပြောပါတယ်။

ဒါပေမယ့် သေဆုံးခဲ့သူ ဗြိတိသျှ စီးပွားရေး လုပ်ငန်းရှင် ဟေးဝုဟာ ချုံကင်းမြို့တော်ဝန် ဟောင်း တရုတ် ကွန်မြူနစ်ပါတီ ခေါင်းဆောင် ဘိုရှိလိုင်တဲ့ ဇနီးမောင်နှံနဲ့ အလွန် ရင်းနှီးသူ ဖြစ်ပါတယ်။

အသက် ၆၂ နှစ်အရွယ် ဘိုရှိလိုင်ဟာ တရုတ် နိုင်ငံက ကွန်မြူနစ် ပါတီဝင်တွေထဲမှာ လူ ကြိုက်များ ထင်ရှားတဲ့ ခေါင်းဆောင် တယောက်ဖြစ်ပြီး ပါတီထဲမှာ အလားအလာ ရှိသူ အဖြစ် ထင်ကြေးပေးခံရသူ ဖြစ်ပါတယ်။

ဗြိတိသျှ နိုင်ငံသား သေဆုံးမှုကို စုံစမ်းစစ်ဆေးဖို့ ရဲက မြို့တော်ဝန် မိသားစုကိုပါ စစ်ဆေးဖို့ လုပ်လာပြီးနောက်မှာ မြို့တော်ဝန် ဘိုရှိလိုင်က ရဲချုပ်ကို ရာထူး အဆင့် လျှော့ချလိုက်ပါတယ်။

ရာထူးက အချခံရတဲ့ ရဲချုပ်က စီချွမ်း ပြည်နယ် ချင်တူးမြို့က အမေရိကန် ကောင်စစ်ဝန်ရုံးထဲ ထွက်ပြေးခဲ့ပါတယ်။

အဲဒိမှာ တရုတ် ကွန်မြူနစ်ပါတီ အာဏာပိုင်တွေက ဘိုရှိလိုင်ကို ပေါ်လစ်ဗြူရို အဖွဲ့ဝင် အ ဖြစ်ကရော၊ ဗဟိုကော်မတီ အဖွဲ့ဝင် အဖြစ်ကပါ ဖယ်ရှားလိုက်ပြီး ခုနောက်ဆုံး သူ့ဇနီးဖြစ် သူကို လူသတ်မှုနဲ့ ဖမ်းဆီးလိုက်တာ ဖြစ်ပါတယ်။

ချင်တူးမြို့က အမေရိကန် ကောင်စစ်ဝန်ရုံးထဲ ထွက်ပြေး ခိုလှုံခဲ့သူ ရဲချုပ်ဝမ်းဟာ ကောင် စစ်ဝန်ရုံးထဲ ရှိနေတုန်း ဘိုရှိလိုင်ရဲ့ ဇနီး ဖြစ်သူဟာ လူသတ်မှုမှာ ပါဝင် ပတ်သက်နေတယ် ဆိုပြီး ပြောခဲ့ကြောင်း သတင်းတွေ ထွက်ပေါ်ခဲ့ပါတယ်။

ဗြိတိသျှ စီးပွားရေး လုပ်ငန်းရှင် ဟေးဝုဟာ အရက် အလွန်အကျွံသောက်ရာကနေ သေ ဆုံးခဲ့တယ်လို့ တရုတ် အစိုးရက ပြောပေမယ့် သူ့မိတ်ဆွေတွေ ကတော့ သူဟာ အရက် သောက်တတ်သူ မဟုတ်ဖူးလို့ ပြောကြပါတယ်။

သေဆုံးသူ ဗြိတိသျှ နိုင်ငံသားနဲ့ အရာကျ မြို့တော်ဝန် ဘိုရှိလိုင်တို့ဟာ ရင်းနှီးတဲ့ မိတ်ဆွေ တွေလို့ သိရပေမယ့် သူ မသေဆုံးခင်မှာ ပိုက်ဆံ ကိစ္စကို အကြောင်းပြုပြီး ဘိုရှိလိုင်ရဲ့ ဇနီးနဲ့ သားတို့ဟာ ဗြိတိသျှ စီးပွားရေး သမားနဲ့ စကားများကြတယ်လို့ တရုတ် အစိုးရ သတင်း ဌာနက ပြောပါတယ်။

ဗြိတိသျှ နိုင်ငံခြားရေး ဝန်ကြီး ဝီလီယံဟိတ်ကတော့ သူတို့ နိုင်ငံသား သေဆုံးမှုကို နိုင်ငံရေး ကိစ္စတွေကို မစဉ်းစားပဲ စုံစမ်း စစ်ဆေးသင့်တယ် ဆိုပြီး ပြောခဲ့ပါတယ်။

ရီပတ်ဘလီကဲန်သမ္မတကိုယ်စားလှယ်လောင်း ဆန်တိုရမ် မဲဆွယ်မှုရပ်ဆိုင်း

By မအေးသန္တာကျော်

အမေရိကန် ပြည်ထောင်စုမှာ နိုဝင်ဘာ သမ္မတ ရွေးကောက်ပွဲဝင်ဖို့ ပါတီတွင်း ယှဉ်ပြိုင်နေတဲ့ ရီပတ်ဘလစ်ကန် ကိုယ်စားလှယ်လောင်း မစ်ရွန်မနီ (Mitt Romney) တယောက် အခုတော့ ဒီမိုကရက် (Democrat) သမ္မတ ဘာရက် အိုဘားမာ (BarackObama) နဲ့ ယှဉ် ပြိုင်ခွင့် ရဖို့ ပြိုင်ဘက်မရှိ ဖြစ်သွားပါပြီ။ ရီပတ်ဘလစ်ကန် ပါတီမှာ မစ္စတာ ရွန်မနီရဲ့ အဓိကပြိုင်ဘက် ဖြစ်နေသူ ရစ်ဆန်တိုရမ် (Rick Santorum) က သူ ဒီရွေးကောက်ပွဲမှာ ဆက်ပြီး မယှဉ် ပြိုင်တော့ဘူးလို့ ကြေညာသွားပြီး မဲဆွယ်စည်းရုံးရေးတွေကိုလည်း ရပ်လိုက်ပါပြီ။ ဒီအကြောင်း ဗွီအိုအေရဲ့ သတင်းဆောင်းပါးကို မအေးသန္တာကျော်က တင်ပြထားရာမှာ မစ်ရွမ်မနီရဲ့အသံကို အခုလို ကြားရမှာပါ။

“ဒီကနေ့ ကျနော့်အတွက် ကံကောင်းတဲ့ နေ့ တစ်နေ့ပါ။”

ရီပါပလစ်ကန် သမ္မလောင်း နေရာအတွက် ရှေ့ဆုံးက ပြေးနေတဲ့ မစ်ရွန်မနီ (Mitt Romney) အတွက်တော့ အဲဒီ သတင်းက မျှော်နေရတာ ကြာပြီဖြစ်တဲ့ သတင်းပါပဲ။ ပဲန်ဆယ်ဗေးနီးယား (Pennsylvania) အထက် လွှတ်တော် အမတ်ဟောင်း ရစ်ဆန်တိုရမ် (Rick Santorum) သမ္မတလောင်း နေရာအတွက် ဆက်ပြီး မပြိုင်တော့ဘူး ဆိုတာကို မစ္စတာ ရွန်မနီ အရင်ကတည်းက ကြားချင်နေတာပါ။

“ဒီသမ္မတနေရာအတွက် ယှဉ်ပြိုင်မှုကတော့ ကျနော့် အတွက် ပြီးဆုံးသွားပါပြီ။”

မစ္စတာ ဆန်တိုရမ်က လူမသိသူမသိ အခြေအနေက နေပြီးတော့ အိုင်အိုဝါ (Iowa) ပြည်နယ်နဲ့ တခြားဆယ် ပြည်နယ်မှာ အနိုင်ရကာ မစ္စတာရွန်မနီကို တကယ့်ကို ဇွဲနဘဲ ကြီးကြီးနဲ့ ယှဉ်ပြိုင်ခဲ့ပါတယ်။ သမရိုးကျ ဝါဒီ ကိုင်စွဲသူတွေ၊ ဧဝံဂေလိ ခရစ်ယာန် ဘာသာဝင်တွေရဲ့ ထောက်ခံမှုကို ရခဲ့ပါတယ်။

“ဘာရက် အိုဘာမား (Barrack Obama) နဲ့ ယှဉ် ပြိုင်ဖို့ဆိုရင် သူက ရီပတ်ဘလစ်ကန်တွေ ရှိရှိသမျှထဲမှာ အညံ့ဆုံးပါပဲ။”

မစ္စတာဆန်တိုရမ်ရဲ့ သမီး ဘဲလာ (Bella) ရှားရှားပါးပါး မျိုးရိုးဗီဇ ဖောက်ပြန်မှုဝေဒနာနဲ့ ဆေးရုံက ဆင်းပြီးတော့ နောက် တစ်နေ့မှာဘဲ အခုလိုမျိုး သမ္မတလောင်း နေရာအတွက် ဆက်ပြီးတော့ မပြိုင်တော့ဘူး ဆိုပြီးတော့ မစ္စတာ ဆန်တိုရမ် ကြေညာသွားတာပါ။ မစ္စတာရွန်မနီရဲ့ တုံ့ပြန်မှုကလည်း ပါးနပ်လှပါတယ်။

“ဒီနိုင်ငံရေး ဖြစ်စဉ်အတွက် သူ အရေးကြီးတဲ့ ကိစ္စတွေကို လုပ်ပေးသွားခဲ့ပါတယ်။ ကျနော်တို့ ရီပတ်ဘလစ်ကန် ပါတီမှာ သူက အရေးကြီးတဲ့ အခန်းကဏ္ဍကနေ ဆက်ပြီး ရှိသွားမှာပါ။”

မစ္စတာ ရွန်မနီဟာ သမ္မတလောင်း နေရာအတွက် တရားဝင် မရရှိသေးပေမယ့်လည်း အခုတော့ ပြိုင်ဘက်မရှိ ဖြစ်နေပြီမို့လို့ သူရဲ့ မဲဆွယ် စည်းရုံးရေးတွေက သမ္မတအိုဘားမားကို  အနိုင်ရဖို့ အပြည့်အဝ အာရုံစိုက်တော့မှာ ဖြစ်ပါတယ်။

သမ္မတအိုဘားမားက မနေ့က အင်္ဂါနေ့မှာ ဖလော်ရီဒါ (Florida) ပြည်နယ်တောင်ပိုင်းမှာ ရောက်ရှိနေခဲ့ပြီး တော့ မကြာခင်မှာပဲ အပူတပြင်း စတင်ရတော့မယ့် သမ္မတ မဲဆွယ်စည်းရုံးရေးတွေအတွက် ရန်ပုံငွေရရှိဖို့ လိုက်ပြီးတော့ လုပ်ဆောင်နေပါတယ်။

လုံခြုံရေးကောင်စီမှာ မြန်မာ့အရေး ဆွေးနွေး

By ဗွီအိုအေ(မြန်မာဌာန)

မြန်မာနိုင်ငံဆိုင်ရာ ကုလသမဂ္ဂအထူးအကြံပေးပုဂ္ဂိုလ် Vijay Nambiar ဟာ မြန်မာနိုင်ငံအတွင်း ဖြစ်ပေါ်ပြောင်းလဲမှုတွေ၊ သူ မြန်မာနိုင်ငံကို ဖေဖော်ဝါရီလမှာ သွားခဲ့တုန်းက တွေ့ကြုံခဲ့ရတဲ့ အခြေအနေတွေနဲ့ ပတ်သက်လို့ လုံခြုံရေးကောင်စီမှာ ဒီကနေ့ နယူးယောက် ဒေသစံတော်ချိန် ၁၀ နာရီလောက်မှာ အစီရင်ခံမှာ ဖြစ်ပါတယ်။

ကုလသမဂ္ဂအတွင်းရေးမှူးချုပ် ဘန်ကီမွန်း အခုလကုန်ပိုင်းလောက်မှာ မြန်မာနိုင်ငံကို သွားဖို့ စီစဉ်နေတဲ့အချိန် ဧပြီလ ၁ ရက်နေ့က ကြားဖြတ် ရွေးကောက်ပွဲ ကျင်းပအပြီး ပထမဆုံးအကြိမ်အဖြစ် မြန်မာနိုင်ငံအကြောင်း လုံခြုံရေးကောင်စီကို အစီရင်ခံတာလည်း ဖြစ်ပါတယ်။ လုံခြုံရေးကောင်စီရဲ့ ဒီဆွေးနွေးပွဲအတွင်း အတွင်းရေးမှူးချုပ်ရဲ့ မြန်မာနိုင်ငံခရီးစဉ် ကိစ္စအပြင် ကြားဖြတ်ရွေးကောက်ပွဲနဲ့ဆိုင်တဲ့ ကိစ္စရပ်တွေပါ ဆွေးနွေးကြမယ်လို့ မျှော်လင့်ရပါတယ်။

ဧပြီလ ၁ ရက်နေ့က မြန်မာနိုင်ငံမှာ ကျင်းပခဲ့တဲ့ ကြားဖြတ်ရွေးကောက်ပွဲဟာ တိုင်းပြည်အတွင်း ဒီမိုကရေစီအရေး ပြုပြင် ပြောင်းလဲမှုတွေအတွက် အရေးပါတဲ့ ခြေလှမ်းတရပ်အဖြစ် လုံခြုံရေးကောင်စီအဖွဲ့ဝင် ၁၅ နိုင်ငံက ထင်မြင် သုံးသပ်နေကြတဲ့အကြောင်း ကုလသမဂ္ဂမှာရှိတဲ့ သံတမန် အသိုင်းအ၀ိုင်းက ပြောပါတယ်။

အိန္ဒိယသမုဒ္ဒရာဝန်းကျင် ဆူနာမီရေလှိုင်းသတိပေးချက် ပြန်ရုပ်သိမ်း

By ဗွီအိုအေ (မြန်မာဌာန)

အင်ဒိုနီးရှားနိုင်ငံ အနောက်မြောက်ပိုင်းက ကမ်းလွန် ပင်လယ်ရေအောက်မှာ ပြင်းအား ၈.၆ ရစ်ခ်ျတာစကေးရှိတဲ့ ငလျင်တခု ဒီကနေ့ မွန်းလွဲပိုင်းက လှုပ်သွားခဲ့တယ်လို့ အမေရိကန် ဘူမိဗေဒတိုင်းတာရေးဌာနက သတင်းထုတ်ပြန်လိုက်ပြီး မြန်မာနိုင်ငံအပါအ၀င် အိန္ဒိယသမုဒ္ဒရာတလျှောက်မှာရှိတဲ့ နိုင်ငံပေါင်း ၂၇ နိုင်ငံလောက်မှာ ဆူနာမီ သတိပေးချက်တွေ ထုတ်ပြန်ထားတာတွေ အခုတော့ အာဏာပိုင်တွေက ပြန်လည် ရုပ်သိမ်းလိုက်ပြီ ဖြစ်ပါတယ်။

ငလျင်ဟာ အင်ဒိုနီးရှားနိုင်ငံ အာချေးဒေသက ခရိုင်မြို့တော်နဲ့ ၂၆၇ မိုင် လောက်ဝေးတဲ့နေရာက ပင်လယ် ရေမျက်နှာပြင်အောက် ၁၄ မိုင်မှာ လှုပ်သွားခဲ့တာပါ။ ပြင်းအား ၈.၂ ရှိတဲ့ နောက်ဆက်တွဲ ငလျင်တခု တနာရီလောက်အကြာမှာ ထပ်လှုပ်ခဲ့တယ်လို့လည်း အမေရိကန် ဘူမိဗေဒ တိုင်းတာရေးဌာနက ပြောပါတယ်။

အဲဒီ ငလျင်ဒဏ်ကို ရခိုင်ပြည်နယ်၊ ရန်ကုန်တိုင်း၊ မန္တလေးတိုင်း၊ ဧရာဝတီတိုင်းတို့မှာလည်း ရိုက်ခတ်မှုတွေ ခံခဲ့ရတယ်လို့ ဒေသခံတွေက ပြောပါတယ်။ ငလျင်ကြောင့် အိန္ဒိယသမုဒ္ဒရာနဲ့ ထိစပ်နေတဲ့ ကမ္ဘာ့တိုက်ကြီးတော်တော်များများက တိုင်းပြည်တွေအပြင် မြန်မာနိုင်ငံက ပြင်ခရိုင်၊ စစ်တွေ၊ ကျောက်ဖြူ၊ Chedba ကျွန်း အပါအ၀င် ကမ်းရိုးတန်းဒေသတွေမှာ ဆူနာမီရေလှိုင်း သတိပေးချက်တွေထုတ်ထားခဲ့တာကနေ အခုတော့ ပြန်လည်ရုပ်သိမ်းလိုက်တာပါ။

ထိုင်းနိုင်ငံအတွင်းက အပန်းဖြေ ကမ်းခြေတွေမှာလည်း အာဏာပိုင်တွေက အရေးပေါ် ကယ်ဆယ်ရေး အစီအစဉ်တွေ လုပ်ဆောင်နေပြီး ဖူးခက်နဲ့ ဖန်င စတဲ့ အလုပ်သမား အများစု နေထိုင်တဲ့နေရာတွေမှာ ဆူနာမီသတိပေးချက်တွေ ထုတ်ပြန်ခဲ့တဲ့အကြောင်း အဲဒီမှာ ရောက်နေတဲ့ မြန်မာလုပ်သားတွေက ပြောပါတယ်။

အင်ဒိုနီးရှားနိုင်ငံ ဆူမားထရားကျွန်းမှာပဲ ပြီးခဲ့တဲ့ ၂၀၀၄ ခုနှစ် ဒီဇင်ဘာလအတွင်း ပြင်းအား ၉.၁ ရစ်ခ်ျတာစကေးရှိတဲ့ ငလျင်လှုပ်သွားခဲ့တာကြောင့် အိန္ဒိယ သမုဒ္ဒရာအတွင်း ဆူနာမီရေလှိုင်းတွေ ဖြစ်ပေါ်ခဲ့ရာက လူပေါင်း ၂ သိန်း ၃ သောင်းကျော် သေဆုံးခဲ့ပါတယ်။ အဲဒီ သေဆုံးသူ စုစုပေါင်းရဲ့ ထက်ဝက်လောက်ဟာ အာချေးဒေသက ဖြစ်ပါတယ်။

ဆူနာမီသတိပေးချက် မြန်မာအာဏာပိုင် ရုပ်သိမ်း

By သားညွန့်ဦး

အင်ဒိုနီးရှားနိုင်ငံ ဆူမတ်ထရာကျွန်းစုအနီး ပင်လယ်ပြင်မှာ ဗဟိုပြုလှုပ်ခပ်ခဲ့တဲ့ ငလျင်ကြောင့် မြန်မာနိုင်ငံအပါဝင် အိန္ဒိယသမုဒ္ဒရာ ကမ်းရိုးတန်း တလျှောက်နိုင်ငံတွေမှာ ဆူနာမီလှိုင်း သတိပေးချက် ထုတ်ပြန်ထားရာမှာ အခု ပြန်လည်ရုပ်သိမ်းလိုက်ကြပါပြီ။ အခု ညပိုင်းမှာ ဆူနာမီလှိုင်း စိုးရိမ်ချက် ဘေးကင်း အေးချမ်းသွားပြီလို့ မြန်မာနိုင်ငံ မိုးလေ၀သနဲ့ ဇလဗေဒ ကြေညာတာပါ။ ကိုသားညွန့်ဦးက စုံစမ်း မေးမြန်း ထားပါတယ်။

ဆူမာထရာကျွန်းအနီး ပင်လယ်ပြင်မှာ ညနေ ၃ နာရီလောက်က ဗဟိုပြုလှုပ်ခတ်သွားတဲ့ ပြင်းအား ၈.၉ ငလျင်ကြောင့် မြန်မာနိုင်ငံ တနင်္သာရီတိုင်း၊ ဧရာဝတီတိုင်း၊ ရန်ကုန်တိုင်း၊ ရခိုင်ပြည်နယ် စတဲ့ မြန်မာ့ကမ်းရိုးတန်းဒေသတွေမှာ ဆူနာမီသတိပေးချက်တွေ ထုတ်ပြန်ခဲ့တာကို အခု ညပိုင်းမှာ ပြန်လည်ရုပ်သိမ်းလိုက်ပါပြီ။ အခု မြန်မာစံတော်ချိန် ၇ နာရီကစပြီး ဆူနာမီ သတိပေးချက်တွေကို ပြန်လည်ရုပ်သိမ်းလိုက်ပြီဖြစ်တယ်လို့ မိုးလေ၀သနဲ့ ဇလဗေဒဦးစီးဌာန တာဝန်ရှိသူက ဗွီအိုအေကို ပြောပါတယ်။

“ဆူနာမီသတိပေးချက်ကို ရုပ်သိမ်းလိုက်ပါပြီ၊ ၇ နာရီ ထုတ်ပြန်ချက်မှာပါ။ မြန်မာ့ကမ်းရိုးတန်းကို မရောက်နိုင်ပါဘူးခင်ဗျာ။ အေးအေးချမ်းချမ်းဖြစ်သွားပါပြီ။”

၈.၉ ပြင်းအားငလျင်ပြီးတဲ့နောက် နောက်ဆက်တွဲငလျင်အချို့ ထပ်မံလှုပ်ခတ်ရာမှာ ၈.၂ ပြင်းအား ငလျင်ပါ ထပ်မံ လှုပ်ခတ်ပါတယ်။ ဒီအတွက်ကြောင့် ဆူနာမီသတိပေးချက်တွေ ထပ်မံပေါ်ထွက်ခဲ့ ပါတယ်။ ဒါပေမယ့် အင်ဒိုနီးရှား ကမ်းရိုးတန်းတလျှောက် လှိုင်းကြီးလာတာ ကလွဲပြီး ဆူနာမီလှိုင်း လက္ခဏာ မတွေ့ရတော့ပါဘူး။ ဒါကြောင့်လည်း မြန်မာနိုင်ငံအပါအ၀င် နိုင်ငံအတော်များများက ဆူနာမီ သတိပေးချက်တွေကို ပြန်လည်ရုပ်သိမ်းခဲ့ပါတယ်။

လှုပ်ခဲ့တဲ့ ငလျင်ကြောင့် မြန်မာနိုင်ငံတွင်းမှာ ထူးထူးခြားခြား ပျက်စီးဆုံးရှုံးမှုတွေ မကြားရသေးဘူးလို့ မိုးလေ၀သ ပညာရှင် ဒေါက်တာထွန်းလွင်က ပြောပါတယ်။

“ကျနော့် ခန့်မှန်းချက်က မြန်မာပြည်မှာဖြစ်ရင် ၆ နာရီနဲ့ ၇ နာရီအကြားမှာ ဖြစ်ရမယ်။ အခုမေးတဲ့ အချိန်မှာ ၈ နာရီကျော်နေပြီ။ ဘာမှ သတင်းမကြားဘူးဆိုတော့ မဖြစ်တော့ဘူးလို့ ယူဆရပါတယ်။”

ကမ်းရိုးတန်းက ဧရာဝတီတိုင်းတို့ တနင်္သာရီတိုင်းတို့အခြေအနေ ဘာများကြားမိပါသလဲ။

“ဘာမှ ထိခိုက်မှုတော့ မကြားရဘူး။ ဒါပေမယ့် လူထုကတော့ စိုးရိမ်တာပေါ့။ တချိန်လုံးတော့ မေးနေကြတယ်။ ကျနော်လည်း သက်သာရာ သက်သာကြောင်းနဲ့ အမှန်အတိုင်း ကျနော် ပြောပြနေ ပါတယ်။ ကျနော်သိသလောက်တော့ ဘာမှ ထွေထွေထူးထူး မဖြစ်ဘူးလို့ ယူဆပါတယ်။”

ဒါပေမယ့် အင်ဒိုနီးရှားမှာတော့ aftershock က ၈.၂ လောက်အထိ ထပ်ဖြစ်တယ်ကြားရပါတယ်ခင်ဗျ။ အဲတော့ စိုးရိမ်ရတဲ့ အနေအထား ဘယ်လောက်ထိ ရှိသေးလဲ။

“မရှိပါဘူးဗျာ။ ဒါကတော့ ဖြစ်မှာပါ။ အင်ဒိုနီးရှားဆိုတာ Ring of Fire ပဲလေ။ Aftersock ဆိုတာတော့ အမြဲဖြစ်နေကြပဲ။ ဒါမယ့် တခုတော့ ရှိတာပေါ။့ Aftershock တွေက နဲနဲတော့ ပြင်းတာပေါ့။ ဒါကိုတော့ သတိထားမိပါတယ်။”

ငလျင်ကြောင့် ဆူနာမီလှိုင်းဖြစ်ပေါ်တာရှိပေမယ့် ပင်လယ်ပြင်ရေအနေအထားနဲ့ နှစ်နာရီအတွင်း ထူးခြားတဲ့ အခြေအနေမရှိတာကြောင့် ဆူနာမီသတိပေးချက်တွေကို ပြန်လည်ရုပ်သိမ်းလိုက်ပြီလို့ ပစိဖိတ်ဒေသဆိုင်ရာ ဆူနာမီစောင့်ကြည့်ရေးအဖွဲ့က ထုတ်ပြန်ပါတယ်။

ဒါပေမယ့် ကမ်းရိုးတန်းသွား သင်္ဘောတွေ၊ ငါးဖမ်းလှေတွေအနေနဲ့ ပင်လယ်ပြင်တွင်း လှိုင်းကြီးမှု ကြောင့် နောက်နာရီအနည်းငယ်အထိ ပင်လယ်ပြင်မထွက်ဖို့တော့ သတိပေးထားပါတယ်။

မြန်မာပြုပြင်ပြောင်းလဲမှု အထက်လွှတ်တော်အမတ် ဂျင်ဝက် ချီးကျူး

By ကျော်ကျော်သိန်း

အမေရိကန်ပြည်ထောင်စုက မြန်မာနိုင်ငံပေါ်မှာ ချမှတ်ထားတဲ့ ဒဏ်ခတ် အရေးယူမှုတွေဟာ အတော့်ကို ရောယှက် ရှုပ်ထွေးနေတာကြောင့် ဘယ်တော့လောက် စောစော ရုပ်သိမ်းနိုင်မယ်ဆိုတာကို အတိအကျ မပြောနိုင်သေးဘူးလို့ အမေရိကန်အထက်လွှတ်တော်အမတ် ဂျင်မ် ၀က်ဘ် (Jim Webb) က ပြောလိုက်ပါတယ်။

မြန်မာနိုင်ငံခရီးစဉ်ကို အဆုံးသတ်ပြီး တဲ့နောက် ထိုင်းနိုင်ငံ၊ ဘန်ကောက်မြို့တော်မှာ ဗုဒ္ဓဟူးနေ့ညနေပိုင်းကလုပ်တဲ့ သတင်းစာရှင်းလင်းပွဲအတွင်း မစ္စတာဝက်ဘ်က အဲဒီလို ပြောသွားတာပါ။ ဒါပေမဲ့လည်း အခုအချိန်ဟာ အခွင့်အလမ်းအတွက် အချိန်အခါကောင်းဖြစ်ပါတယ်လို့ သူကဆိုပါတယ်။ အပြည့်အစုံကို သတင်းစာရှင်းလင်းပွဲ ကိုယ်တိုင် သွားတက်ခဲ့တဲ့ ကိုကျော်ကျော်သိန်းက ဘန်ကောက်ကနေ သတင်းပေးပို့ထားပါတယ်။

အမေရိကန်အထက်လွှတ်တော်အမတ် ဂျင်မ် ၀က်ဘ်ဟာ မြန်မာနိုင်ငံအပေါ် ဒဏ်ခတ် ပိတ်ဆို့ အရေးယူထားတာတွေကို ဖယ်ရှားဖို့ လိုလားသူအဖြစ် သိထားကြတာကြောင့် သူ့ရဲ့ အခု မြန်မာနိုင်ငံ ခရီးစဉ်အပြီး အဓိက စိတ်ဝင်စားကြတဲ့မေးခွန်းက အရေးယူထားတာတွေကို ဘယ်လောက်မြန်မြန် ရုပ်သိမ်းနိုင်မလဲ ဆိုတာပါပဲ။

မြန်မာနိုင်ငံပေါ် အမေရိကန်ကချမှတ်ထားတဲ့ ဒဏ်ခတ် အရေးယူမှုတွေဟာ အရင်တုန်းက ဗီယက်နမ်နိုင်ငံ အပေါ် ချမှတ်ခဲ့ဖူးတဲ့ အရေးယူမှုတွေနဲ့တောင် မတူဘဲ အတော်လေးကို ရောစပ်ရှုပ်ထွေးနေပြီး လက်ရှိမှာ ဥပဒေနှစ်ရပ်အပြင် သမ္မတရဲ့ အမိန့် ကြေညာချက်တွေနဲ့ချမှတ်ထားတဲ့ အရေးယူမှုတွေ ရှိနေပါတယ်လို့ မစ္စတာဝက်ဘ်က ပြောပါတယ်။ ဘယ်တော့လောက် မြန်မြန် ရုပ်သိမ်းနိုင်မယ်ဆိုတာကိုတော့ သူ အမေရိကန်ပြည်ထောင်စု ပြန်ရောက်ပြီး နောက်ထပ် ဆွေးနွေး ပြောဆိုတာတွေ လုပ်ပြီးတော့မှပဲ သိနိုင်ပါလိမ့်မယ်လို့ ပြောသွားပါတယ်။

“အခုလက်ရှိ ကွန်ဂရက်လွှတ်တော် သက်တမ်းအတွင်းမှာ ရုပ်သိမ်းနိုင်ဖို့ ကျနော်မျှော်လင့်ပါတယ်။ ဒါပေမဲ့လည်း ကျနော် ပြန်ရောက်သွားပြီးတော့မှပဲ ပိုပြီးတော့ အသေအချာ သိနိုင်မှာပါ။ ပိုပြီးပြင်းထန်တဲ့ ဒဏ်ခတ်အရေးယူမှုတချို့ကို ချမှတ်ခဲ့ချိန်တုန်းက ပူးတွဲ ကမကထပြု လုပ်ဆောင်ခဲ့တဲ့ အထက်လွှတ်တော် အမတ် မက်ကိန်း လို လူပုဂ္ဂိုလ်ဆီကနေ အပြုသဘောဆောင်တဲ့ မှတ်ချက်တွေ ထွက်ထားပါတယ်။ ဒါပေမဲ့ ကျနော် ပြန်ရောက်ပြီး နောက်ထပ် ဆွေးနွေးမှုတွေ လုပ်မပြီးမချင်းတော့ ဘယ်တော့ ရုပ်သိမ်းနိုင်မယ်ဆိုတာ ကျနော် တကယ့်ကို မသိပါဘူး။”- လို့ ဂျင်ဝက်ဘ်က ပြောပါတယ်။

ဂျင်မ် ၀က်ဘ်ရဲ့ အခု မြန်မာနိုင်ငံခရီးစဉ်ဟာ တတိယအကြိမ်မြောက် ခရီးစဉ်ဖြစ်ပြီး ၂၀၀၁ ခုနှစ်တုန်းက သာမန်နိုင်ငံသားတဦး အဖြစ်၊ ၂၀၀၉ ခုနှစ်မှာ အမေရိကန်ကွန်ဂရက်လွှတ်တော်ရဲ့ တရားဝင် ကိုယ်စားလှယ်အဖြစ် လာရောက်ခဲ့တာပါ။ ဒေါ်အောင်ဆန်း စုကြည်ရဲ့ နေအိမ်ခြံဝန်းထဲကို တရားမ၀င် ရေကူးပြီး ၀င်ရောက်လို့ အကျဉ်းချခံထားရတဲ့ အမေရိကန်နိုင်ငံသား ဂျွန်ယက်တောကို အဲဒီ ၂၀၀၉ ခုနှစ် ခရီးစဉ်အတွင်း လွတ်မြောက်အောင်လုပ်ပေးပြီး နေအိမ်ပြန်ပို့ပေးနိုင်ခဲ့ပါတယ်။

ဒေါ်အောင်ဆန်းစုကြည်က တော့ နေအိမ်အကျယ်ချုပ်ချထားတဲ့ စည်းကမ်းကို ချိုးဖောက်တယ်ဆိုပြီး အဲဒီစွဲချက်နဲ့ပဲ နောက်ထပ် နေအိမ်အကျယ်ချုပ် တနှစ်ခွဲ ထပ်ပြီး ချမှတ်ခံခဲ့ရတာပါ။

အခု မြန်မာနိုင်ငံအခြေအနေဟာ ၂၀၀၉ ခုနှစ်ကအခြေအနေနဲ့ လုံးဝကို မတူတော့ဘဲ အဲဒီ အတွက် ဒေါ်အောင်ဆန်းစုကြည်နဲ့ သမ္မတဦးသိန်းစိန်တို့ကို မစ္စတာဝက်ဘ်က အထူး ချီးကျူးပြောဆို ခဲ့ပါတယ်။ ဒါ့အပြင် မြန်မာနိုင်ငံက အခြေအနေအရပ်ရပ်အပေါ်မှာ အတော်လေးကို အကောင်းမြင် ပြောဆိုခဲ့တာပါ။

အခုလို အချိန်အခါ အခွင့်အလန်းကောင်းကို လက်လွှတ်မခံဘဲ အရအမိ ဆုပ်ကိုင်သင့်ပြီး အပြု သဘောဆောင်တဲ့ လုပ်ရပ်တွေ ကိုပြတဲ့ အထောက်အထားတွေပေါ် မူတည်ပြီးတော့ လုပ်ရပ်နဲ့ တုံ့ပြန်ရပါမယ်လို့ သူကဆိုပါတယ်။

“အစိုးရအဖွဲ့ထဲက အပြောင်းအလဲ လိုလားသူတွေရဲ့ ရိုးသားတဲ့ကြိုးပမ်းချက်တွေကို ကျနော် တွေ့ရပါတယ်။ ဒါပေမဲ့လည်း လုပ်ဆောင်တဲ့ အပြောင်းအလဲတွေအတွက် အသိအမှတ်ပြုတဲ့အနေနဲ့ အပြု သဘောဆောင်တဲ့ လုပ်ဆောင်ချက်တွေကို ဂုဏ်ပြု ချီးမြှင့်ဖို့ ကျနော်တို့အတွက် အရေးကြီးပါတယ်။ ဒီအချိန်အခါကောင်းကို ကျနော်တို့ အဆုံးရှုံးမခံနိုင်ပါဘူး။”-လို့ ပြောသွားပါတယ်။