ထို့ကြောင့် ဆြာဒင် ဟုခေါ်သည်။

Min Din

ကျွန်ုပ်စာတိုပေစရေးသည့်အခါ သုံးစွဲသည့် အတည်ပေါက်အမည်မှာ "မင်းဒင်"ဖြစ်သော်ငြား သရော်စာများရေးရာတွင်လည်းကောင်း၊ ဖေ့စ်ဘွတ်တွင်စတေးတပ်တိုနံ့နံ့များရေးသည့်အခါတွင်လည်းကောင်း၊"ဆြာဒင်"ဟူသောအမည်နာမဖြင့် ရံခါမိမိကိုယ်မိမိဝိဂြိုဟ်ပြု လေ့ရှိ၏။ အချို့ကား ကျွန်ုပ်နှင့်သံယောင်လိုက်ကာ ဆြာဒင် ဟုတုန့်ပြန်သမှုပြုကြသော်ငြား အချို့ကား မအပ်မရာကိုယ့်ကိုယ်ကို ဆြာဘွဲ့နှင်း သည့် အတွက် မြင်ပြင်းကပ်ကြဖွယ်ရှိ၏။ သို့ဖြစ်ပေရာ ဆြာဒင်ဟူသောအမည်နာမ၏ နောက်ခံဇာတ်ကြောင်းကို ရဟန်းရှင်လူပြည်သူ အများထင်လင်းစွာသိစေရန်အလို့ငှာ ဤရှင်းတမ်းကိုထုတ်ပြန်အပ်ပေသတည်း။
(၁)
ကျွန်ုပ်၏ငယ်ဘဝအချိန်ကာလအတော်များများမှာ ကျူးကျော်ရပ်ကွက်တွင် ကုန်လွန်ခဲ့လေရာ အောက်ပါအသံများသည် ကျက်မှတ် ထားခြင်းမရှိပါဘဲလျက် နားဝယ်စွဲလျက်ရှိလေ၏။ယင်းအသံတို့မှ လမ်းကြိုးလမ်းကြား အိမ်ကြိုအိမ်ကြားမှ ထွက်ပေါ်လာတတ်လေသည်။

"ခုနစ်ရက်သားခုနှစ်သမီးအပေါင်းတို့၏ အသွားအလာအနေအထိုင် အလုပ်အကိုင်၊အကြံအစည်မှစ၍ တိကျသေချာစွာသော ဟောထုတ် လိုက်တဲ့ မန္တလေးနေပြည်တော် ပုဏ္ဏားတော်ဆရာလှရဲ့ ဟောစာတန်းတွေခင်ဗျ။ သောကြာသားတွေ ဂြိုဟ်စီးဂြိုဟ်နင်း လွတ်ပြီလား။ တနင်္လာသမီးတွေ အိမ်ထောင်ကျကိန်းကြုံပြီလား။အပျိုကြီးတွေ ဝဋ်ကျွတ်ချိန်နီးပြီလား။ လူပျိုကြီးတွေ မင်္ဂဆောင်ဖို့ပြင်ကြပေတော့။ဗေဒင် ဆြာဗျို့၊ဗေဒင်ဆြာ။
(၂)
ထိုအသံကိုကြားရလေတိုင်း ကျွန်ုပ်မှာ အဆိုပါပုဂ္ဂိုလ်တို့၏ရုပ်သွင်ကိုမြင်နိုင်ရန်အလို့ငှာ အိမ်ဝမှလမ်းဆီသို့ လှမ်းမျှော်ကြည့်လေ့ရှိ၏။ အကြင်သူတို့၏ တူညီသောအချက်ကား တိုက်ပုံအကျီနှင့်ချည်းဖြစ်၏။ နေပူသည်ဖြစ်စေ၊မပူသည်ဖြစ်စေ၊ မိုိးရွာသည်ဖြစ်စေ၊ မရွာသည်ဖြစ်စေ ကြက်ဆင် တံဆိပ်ဖဲထီးကြီးကိုဆောင်းလေ့ရှိကြ၏။ထိုကြက်ဆင်တံဆိပ်ဖဲထီး၏ အနက်ရောင်ပိတ်သားထီးရွက်ပေါ်တွင် ကား...
ဗေဒကဝိန်ဆြာစိန်
နေပြည်တော်ဆြာသိန်း
ဗေဒဝိဇ္ဇာဆြာညာ
ဟူသော အမည်ဘွဲ့ရည်အသီးသီးအား ထုံးကိုလက်ဖြင့် တို့လျက်ရေးသားထားကြလေ၏။ စာလုံးတို့ကား မညီညာချေ။
ကျွန်ုပ်မှာ ကလေးအသိဥာဏ် တထွာတမိုက်ဖြင့် "အနှီပုဂ္ဂိုလ်တို့သည် လူအများ၏ရှေ့ဖြစ်နောက်ဖြစ်ကို သိနိုင်စွမ်းပေစွ တကား" ဟူသောအတွေးဖြင့် အဆိုပါဆြာမျိုးစုံကို အထင်ကြီးအားကျခဲ့လေ၏။နောင်လူလားမြောက်လာသည့်အခါ သူတို့ခမျာ တဝမ်းတခါး အတွက် ဆြာဘွဲ့တပ်ကာ လမ်းသလားနေကြရ ကြောင်း ရိပ်စားနားလည်ခဲ့လေသည်။
(၃)
ဤသည်ကိုအကြောင်းပြု၍ ပညာတစ်ရပ်ကို ပြည့်စုံကုံလုံစွာတတ်မြောက်ခြင်းမရှိပါပဲ လူရာဝင်ချင်လှသည့် ကျွန်ုပ်၏စိတ်ကို ရယ်သွမ်း သွေးလိုလှသည်ဖြစ်ရာ စာတိုပေစရေးသည့်အခါများတွင် (ဆရာ၊SIR)တို့နှင့် အဓိပ္ပါယ်ခြားနားလှသော၊ဖဲထီးတွင်မညီမညာရေးသားအပ်သောဆြာဘွဲ့ကို အားကျလျက် "ဆြာဒင်" ဟူသော အမည်ကို တွင်စေခဲ့ပေသတည်း။

သဗ္ဗေသတ္တာ၊အဝေယျာဟွန္တု

ပုံ
ဆြာဒင်
မဟာသက္ကရာဇ် ၁၃၇၅ခုနှစ်
တပေါင်းလဆန်း(၁၃)ရက်။ကြာသပတေးနေ့။နေ့လေးချက်တီးအချိန်။
ယိုးဒယားပြည်။ဘန်ကောက်မြို့တော်