Wednesday, December 16, 2015

မောင်ဝါဝါနှင့် ဘားဂလစ်ရှ်

- သူရဿဝါ -
.
လေးစားရသော စာရေးဆရာ၊ အဆိုတော်၊ သရုပ်ဆောင် မင်းသားကြီး ဦးသုမောင်၏ စာတစ်ပုဒ် (ကွမ်းစကား ဖြစ်မည် ထင်သည်) ထဲတွင် ဖတ်ခဲ့ဖူးသည်။ မြန်မာပြည်၏ အင်တာနက် ခေတ်ဦးတွင် လူငယ်များ အင်္ဂလိပ် စာလုံးများကို မြန်မာအသံထွက်ဖြင့် တီထွင်ပြီး ရေးကြသည့် အကြောင်းကို ဦးသုမောင်က ချီးကျူး ထားခြင်း ဖြစ်သည်။ မြန်မာစာ လက်ကွက်ဖြင့် စာရိုက်ရန် မဖြစ်နိုင်သေးသည့် အချိန်တွင် ကြံကြံဖန်ဖန် တီထွင်ဥာဏ်ဖြင့် ထိုသို့ ရေးသားခဲ့ကြသည်မှာ လူငယ်တို့၏ ချီးကျူးစရာ တီထွင်မှု ဖြစ်သည်ဟု ဆို၏။ ကျွန်တော် ကိုယ်တိုင်လည်း သဘောကျသလို အနည်းနှင့်အများ သုံးစွဲခဲ့ဖူးပါသည်။
.
ထိုသို့ တီထွင် ရေးသားခဲ့ကြရုံမျှမက ထိုရေးသားခြင်း အတတ်ကိုပင် Myanmar နှင့် English ပေါင်း၍ Myanglish (မြန်းဂလစ်ရှ်) ဟု အမည်ပေး ကင်ပွန်းတပ်ခဲ့ကြသည် မဟုတ်လား။

အချို့ကလည်း Burmese နှင့် English ပေါင်းတာ ဖြစ်သဖြင့် Burglish ဟု ခေါ်ကြသည်လေ။ ယခုလက်ရှိ တွင်တွင်ကျယ်ကျယ် သုံးစွဲနေကြ သော Zawgyi Font တို့၊ Unicode တို့ကို သုံးစွဲရန် ခက်ခဲသေးသည့် အချိန်တွင် ထိုသို့ရေးသားနည်းမျိုးကို သုံးစွဲ ရေးသား ခဲ့ကြရသည်။ မြန်မာပြည်၏ “အင်တာနက် ကျောက်ခေတ်” ခေါ်ရမည်ပေါ့။ စမ်းတဝါးဝါး ကြားမှပင် တိုးတက်လာအောင် စတင်ကြိုးပမ်းရသည့် အချိန်အခါ မဟုတ်လား။
.
တကယ်တမ်း စစ်စစ်ပေါက်ပေါက် တွေးကြည့်လျှင်တော့ ကျွန်တော်တို့အားလုံး အင်္ဂလိပ်စာကို မြန်မာ အသံထွက်ဖြင့် သုံးကြသည်မှာ အင်တာနက် ပေါ်လာမှ မဟုတ်ပါ။ ယခင်ကတည်းက ကိုယ့်မြန်မာ နာမည်ကို အင်္ဂလိပ်ကို ရေးရန်ကြုံကြိုက်သည့် အခါမျိုးမှာ အင်္ဂလိပ် စာလုံးများကို မြန်မာအသံထွက်ဖြင့် ရေးသား အသုံးချ ခဲ့ပြီးသား ဖြစ်သည်။ ဥပမာ ကိုခွန်သန်းရွှေ ဆိုသည့်နာမည်ကို Ko Khun Than Shwe ဟု ရေးတာမျိုး ဖြစ်သည်။ Ko Seven Million Gold ဟုတော့ ဘယ်သူမှ တိုက်ရိုက် အဓိပ္ပါယ် ဖလှယ်ပြီး မရေးခဲ့ကြဘူးလေ။ ဒါမျိုးတွေ သိနေလျက်က ကျွန်တော် ကတ်ကတ်သပ်သပ် တစ်ခါကြုံရသည်။
.
Gtalk တွေ ခေတ်စားစဉ် အချိန်ကပေါ့။ ကျွန်တော့်ကို Kokimetha@gmail.com ဆိုသည့် Account တစ်ခု လာ Add သည်။ ဖတ်ကြည့်တော့ Ko (ကို) Ki (ကိ) Me (မီ) Tha (သ) ဟု အသံထွက်၏။ ကိုကိမိသ ဆိုတော့ ဂျပန်ကြီး တစ်ယောက်ယောက် ဖြစ်မည်ပေါ့။ ကိုယ်နှင့်လည်း အဆက်အစပ် မရှိဘဲ ဘာကြောင့်လဲဟု စိတ်ဝင်စားသည်။ Accept လုပ်ပြီး စကားလှမ်းပြော (Chat) ကြည့်ရသည်။ ကိုယ်ကလည်း ဂျပန်လိုတော့ မတတ်ဘူးလေ။ ဒီတော့ အင်္ဂလိပ်လိုပဲ Hi ပေါ့။ သူက ပြန်ရေးသည်။ “ဟေ့ကောင် ငဘုန်း” တဲ့။ ကျွန်တော် တော်တော် စဉ်းစားရကြပ်သည်။ သည်ဂျပန်က မြန်မာလို တတ်တာလား၊ နောက်ပြီး သူခေါ်ပုံက တရင်းတနှီးကြီး။ ဒါနဲ့ “ကျွန်တော့်ကို သိလို့လား” ဟုပြန်မေးတော့ သူကပြန်ပြောသည်။ “ငါ ဇော်မျိုးသက် လေကွာ.. မင်း Account ကို ခုမှတွေ့လို့ Add လိုက်တာ” တဲ့။
.
“ဟင်.. ခင်ဗျားက ဘယ်လိုဖြစ်လို့ ဂျပန်နာမည်ကြီးနဲ့ ဖြစ်နေရတာတုန်း” ဆိုတော့ သူကလည်း အံ့သြပြီး ပြန်မေးသည်။ “ဘယ်မလဲ ဂျပန်နာမည်” တဲ့။ “ဟ.. ကိုကိမီသ ဆိုတာ ဂျပန်နာမည် မဟုတ်ဘူးလား” ဟု ကျွန်တော်ပြန်ပြောတော့ ရယ်ပါလေရော။ “ဘယ်ကလာ.. Kokime (ကုက္ကိုင်း) Tha (သား) ကုက္ကိုင်းသား လို့ ရေးထားတာပါကွာ” တဲ့။ ကျွန်တော့်မှာဖြင့် ငိုရမလိုလို ရယ်ရမလိုလို။ ထိုအစ်ကိုကြီးက အမှန်တော့ ကျွန်တော်နှင့် ကဗျာရေးဖော်ရေးဖက် ဇော်မျိုးသက်(ကုက္ကိုင်း) ဖြစ်သည်။ အင်္ဂလိပ်စာလုံးကို မြန်မာအသံထွက် နှင့် သုံးရတာ တစ်ခါတလေ အဲသည်လို ကြံကြံဖန်ဖန်တွေ လွဲတတ်သည်။
.
စစ်စစ်ပေါက်ပေါက် တွေးကြည့်လျှင်တော့ အဲသည်လို အပြန်အလှန်သာ ကျွမ်းကျွမ်းကျင်ကျင် ရေးနိုင် ကြလျှင် စကားဝှက် အနေဖြင့်တောင် သုံး၍ရနိုင်သေးသည်။ လူရှေ့သူရှေ့ သူများ ရုတ်တရက် မသိစေချင်လျှင် အဲဒီလိုတွေသာ အပြန်အလှန်တွေ အများကြီးရေးကြည့်၊ ရုတ်တရက် အမြန်လိုက်ဖတ်ပြီး အဓိပ္ပါယ်ဖော်ဖို့ ဘယ်လိုမှမလွယ်။ ကျွန်တော့် သူငယ်ချင်း မိန်းကလေးတွေ အချင်းချင်း အပြန်အလှန် ထိုကဲ့သို့ Burglish တွေနှင့် Chat ကြတာကို မြင်ဖူးသည်။ ထိုသို့သော စာလုံးတွေ ပြွတ်သိပ်ပြီး များလှတော့ ကျွန်တော့်မှာ စပ်စပ်စုစု လိုက်ဖတ်ကြည့်သော်လည်း ခေါင်းသာမူးလာပြီး မီအောင် လိုက်မဖတ်နိုင်။ သူတို့နှစ်ယောက်ကတော့ အေးအေးဆေးဆေးပါပဲ။ ဖတ်တာလည်း မြန်သလို ရေးတာလည်း အလွန်မြန်သည်။
.
“နင်တို့ မြန်မာလိုရိုက်လည်း ရသားနဲ့ ဘာလို့ အဲဒီလိုတွေ ရေးတာလဲ” ဆိုတော့ “နင့်လို ဘေးက စပ်စုတဲ့ အကောင်တွေ ရုတ်တရက် ဖတ်လို့မရအောင်ပေါ့ဟဲ့” တဲ့။ သည်လို အရေးအသားတွေကို နည်းစနစ် တစ်ခုခု ထပ်ဖြည့်သုံးပြီး ဆက်တီထွင်ကြမည်ဆိုလျှင် စစ်ဘက်ရေးရာမှာတောင် လျှို့ဝှက်သင်္ကေတ စာတိုပို့ စနစ် တစ်မျိုးအဖြစ် အသုံးချရင်ချလို့ရနိုင်လောက်သည်။ အဲဒီထက် ပိုမိုရှုပ်ထွေးသည့် နောက်တစ်မျိုးလည်း ရှိသေးသည်။ မြန်မာအသံထွက်ကို အင်္ဂလိပ်စာလုံးတွေဖြင့် အစားထိုးရေးရုံမျှမက တချို့နေရာတွေကျ အင်္ဂလိပ်လို တိုက်ရိုက်ဘာသာပြန်၍ ညှပ်ရေးတာမျိုးပေါ့။ ဥပမာ ကြည့်ပါ။
.
Hae, Nint ko ngar one khu pyaw pya mal,
ဟဲ့.. နင့်ကိုငါ တစ်ခုပြောပြမယ်
Hloe what chat nor, bal thu mha shout ma talk nae thi lar,
လျှို့ဝှက်ချက်နော်၊ ဘယ်သူ့မှ လျှောက်မပြောနဲ့ သိလား
ae dar night ka hte ka pyaw pya chin loe nint ko ngar phone call small tal
အဲဒါ ညကတည်းက ပြောပြချင်လို့ နင့်ကိုငါ ဖုန်းခေါ်သေးတယ်
.
ကိုင်း.. ဘယ့်နှယ်ရှိစ။ အင်္ဂလိပ်စာလုံးဖြင့် မြန်မာအသံထွက် ရေးရုံမျှမက တချို့နေရာတွေမှာ မြန်မာ အသံထွက်ကို အင်္ဂလိပ် အဓိပ္ပါယ်ဖြင့်တောင် ဖလှယ်လိုက်သေး။ တစ်ခုဆို One Khu ဆိုတာမျိုး၊ မပြောဆို Ma Talk ဆိုတာမျိုး၊ ဖုန်းခေါ်သေးဆို Phone call small ဆိုတာမျိုးပေါ့။ ကျွန်တော်တို့ မြန်မာလူမျိုးများ ကြံကြံ ဖန်ဖန် မတီထွင်တတ်ပေဘူးလား။ ဘာပဲဖြစ်ဖြစ် အဲဒါတွေကို ကျွန်တော်ကလည်း အလကား အဖြစ်မခံနိုင်ပါ။ ထိုကဲ့သို့ အပြောအဆို အရေးအဖတ်တွေကို တလေးတစား တန်းတစ်ခုထားပြီး လေ့လာနေပါသည်။ အချိန်တစ်ခု ရောက်လျှင် အဲဒါမျိုးတွေအတွက် Burglish Writing/ Reading Class ဆိုပြီး ဖွင့်ရန် ဖြစ်သည်။ အပြောအဆို အသုံးအနှုန်း ခက်ခဲနက်နဲမှုအပေါ်လိုက်ပြီး Basic Class, Intermediate Class, Advanced Class ဟူ၍တောင် ခွဲဖွင့်၍ ရနိုင်သေးသည်။ ဒါနဲ့မှ အားမရသေးဘူး ဆိုလျှင်လည်း Burglish အသုံးအနှုန်းများ လက်လှမ်းမီသမျှ စုစည်း၍ Burglish to Myanmar, Burglish to English ဆိုပြီး Dictionary တွေတောင် ကျမ်းပြု ထုတ်ဝေ၍ ရနိုင်ဦးမည် ဖြစ်ပါသည်ခင်ဗျား။
.
၃ - စက်တင်ဘာ - ၂၀၁၅
MMAS က ထုတ်ဝေတဲ့ Mobile Journal တစ်စောင်မှာ ပုံနှိပ်ဖော်ပြပြီးဖြစ်ပါတယ်။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...