နှဲကြီးကိုနင်းမိတော့မည့်သူများ (မင်းဒင်)

မင်း ဒင်

(တစ်)
ကျုပ်ကတော့ဒီလူတွေရဲ့အဖြစ်ကိုကြိုပြီးမြင်ယောင်နေသေးတယ်ဗျာ။
“အစားရချောင်မလားလို့ဇာတ်ထဲလိုက်မိပါတယ်၊နှဲကြီးကို
တက်နင်းမိလို့၊လျှော်လိုက်ရ”ဆိုတဲ့စကားပုံထဲကလိုပေါ့။
ဆိုလိုရင်းကတော့ဗျာ၊တခါတုန်းကအရပ်ထဲမှာ၊ဘာလူစွမ်းလူစမှမရှိ
၊ယောင်ကြောင်ကြောင်ငနဲတစ်ကောင်ဟာ၊နေရာလေးတစ်နေရာရပြီး
အစားရလည်းချောင်မလားလို့ဇာတ်အဖွဲ့ထဲကိုလိုက်သွားသတဲ့။
။အေးလေ၊ဇာတ်အဖွဲ့ဆိုတာကလည်း၊မင်းသား၊ဘုရင်၊လူပြက်၊
ဝန်ကြီး၊ပုဏ္ဏားလိုဇာတ်ရုပ်နေရာတွေ၊ဆိုင်းဝိုင်းကြီးထဲက၊ကြေးတီး၊
ဝါးတီး၊ပတ်မတီးအပြင်၊မီးထိုး၊ကန့်လန့်ကာဆွဲစသည်ဖြင့်၊
ဇာတ်အဖွဲ့ကြီးငယ်မဟူ၊နေရာတွေကအများသားကလား။
ရုတ်တရက်ကြည့်လိုက်ရင်၊ဇာတ်ထဲမှာအနေချောင်
အစားချောင်ကောင်းရဲ့ဆိုတဲ့သူ့စိတ်ကူးဟာဆိုးလှတယ်မဆိုနိုင်ပေမဲ့၊
တကယ်တမ်းလည်းဇာတ်ထဲရောက်ရော၊ဘာမှဟုတ်ဟုတ်ငြားငြား
မလုပ်တတ်မကိုင်တတ်တာမို့၊ဇာတ်စင်ပေါ်လည်းတက်ခွင့်မရသေး
ချိန်မှာဆိုင်းဝိုင်းကြားထဲတောင်လျှောက်မြောက်လျှောက်၊
လမ်းသလားနေရင်း၊မတော်တဆနှဲကြီးကိုတက်နင်းလိုက်မိတာ၊
ဇာတ်သမားလုပ်ခတစ်ပြားမှမရသေးခင်၊ရှိစုမဲ့ပိုက်ဆံလေး
ထုတ်ပြီးနှဲဖိုးလျော် လိုက်ရတဲ့ အဖြစ်ပေါ့ဗျာ။
အခုလည်းကြည့်လေ။ပြီးခဲ့တဲ့ရွေးကောက်ပွဲမှာအတိုက်အခံပါတီက၊
လက်ရှိအာဏာရပါတီကိုအပြတ်အသတ်အနိုင်ရခဲ့ပြီ။ကြံ့ခိုင်ရေး
အမတ်တစ်ချို့တော့၊နာမည်အပျက်ခံပြီး၊ကျားကုတ်ကျားခဲ၊
နားသားပါရကြိုတင်မဲပေးနည်းတွေသုံးတာတောင်၊ဆယ်ဂဏန်း
တစ်ချို့နေရာလောက်သာရနေလေရဲ့။အဲဒီနည်းနဲ့
အရွေးချယ်ခံရပါတယ်ဆိုပြီးလွှတ်တော်ထဲရောက်လာမဲ့
အမတ်တွေဟာ၊သူတို့စိတ်ထဲမတော့၊သူတို့ကိုယ်သူတို့
လူစွမ်းကောင်းကြီးတွေလို့ထင်ရှာကြပေမပေါ့။
အမှန်တော့လူစွမ်းကောင်းတာ၊လူမိုက်ကံကောင်းတာမဟုတ်ပဲ
၊နှဲကြီးတက်နင်းမိတဲ့ကိန်းကြုံတော့မှာကို၊ကိုယ်တော်ချောများက၊
ခုချိန်အထိရိပ်စားမိပုံမပေါ်ဘူးဗျာ။
(နှစ်)
အေးပေါ့ဗျာ။ပြီးခဲ့တဲ့လွှတ်တော်သက်တမ်းတုန်းကတော့၊
ဘယ်လွှတ်တော်ကြည့်ကြည့်၊သူတို့ပါတီဝင်တွေချည်း တစ်မိုးလုံးဖျောက်ဆိပ်၊ခွေးလှေးပျားတောနှံ့၊ငါရှင်ဘုရင်
တိုင်းပြည်ဘယ်နှစ်ပတ်ပတ်ဟုတ်သလိုလိုရှိနေခဲ့ပေမဲ့၊ဒီတစ်ချီမှာတော့၊
ဒင်းတို့အလိုကျဘယ်အဆိုမှဟုတ်ဟုတ်ငြားငြား၊ဇွတ်အတင်းအဓမ္မ
အတည်ပြု၊ပယ်ချလုပ်နိုင်တော့မှာမဟုတ်တော့ဘူးလေ။
အတိုက်အခံအဖြစ်တောင်စမ်းစမ်းမြောက်စမ်းစမ်းဖြစ်နေမှာ
သေချာတယ်။ပြီးခဲ့တဲ့လွှတ်တော်သက်တမ်းမှာကြည့်ရင်လည်း၊
အာဏာရပါတီကိုယ်စားလှယ်အတော်များများဟာ၊လက်ညှိုးထောင်
ခေါင်းညိတ်အဆင့်လောက်သာရှိခဲ့တာပါ။
အေးလေ။ဘာမှမတတ်လို့ခေါင်းပေါင်းစတလူလူနဲ့လွှတ်တော်ထဲ
ဝင်ငိုက်နေလို့ရရင်တော်သေးတာပေါ့။ဒါပေမဲ့၊
စေ့စေ့တွေးရေးရေးပေါ်ဆိုသလို၊သေချာစဉ်းကြည့်ရင်၊
လာမဲ့အစိုးရအဖွဲ့သစ်ရဲ့ပထမဆုံးလွှတ်တော်အစည်းအဝေးမှာ၊
ဘယ်ဥပဒေကိုအရင်ဆုံးအတည်ပြုပြဌာန်းမယ်ဆိုတာ၊
အသိသာကြီးပါဗျာ။
ဘာမှရှည်ရှည်ဝေးဝေးလျှောက်စဉ်းစားစရာမလိုပါဘူး။
ကျုပ်လိုနလပိန်းတုံးကောင်တောင်၊ဥာဏ်မီသလောက်
စဉ်းစားကြည့်တော့၊ဘယ်ဥပဒေဟာပထမဆုံးထွက်ပေါ်လာမဲ့ဥပဒေ
ဆိုတာရိပ်စားမိနေပါပြီ။ဘယ်ဥပဒေရှိပါ့မတုန်း။ပြည်သူ့လွှတ်တော်
ကိုယ်စားလှယ်များမိမိပိုင်ငွေကြေးဥစ္စာဓနကိုယ်ပိုင်ပစ္စည်းများ
ကြွယ်ဝချမ်းသာမှုမြွက်ဟကြေညာရေးဥပဒေပေါ့။
ဟုတ်တယ်လေ။စစ်အစိုးရခေတ်အဆက်ဆက်၊တာဝန်ရှိသူတွေရဲ့
နည်းမျိုးစုံနဲ့ကိုယ်ကျိုးရှာမသမာမှုတွေကြောင့်၊ပျက်စီးခြင်းငါးပါး
ဆိုက်နေတဲ့တိုင်းပြည်ကြီးကိုတကယ်တမ်းပြန်လည်ထူထောင်မဟဲ့
ဆိုတဲ့ကြွေးကြော်သံနဲ့အာဏာရလာမဲ့ပါတီကြီးဟာ၊အဲဒီဥပေဒေကို
အရင်ဆုံးပြဌာန်းမယ်ဆိုတာမြေကြီးကိုလက်နဲ့ပုတ်တာကမှလွဲချင်
လွဲဦးမယ်။မယုံရင်စောင့်သာကြည့်ကြပေတော့။ဒေါ်အောင်ဆန်းစုကြည်
သမ္မတဖြစ်ရေးကိုပိတ်ဆို့ထားတဲ့(၅၉)(စ)ကပိုပြီး အရေးကြီးတယ်လို့ဆိုချင်သလား။ခေါင်းအေးအေးနဲ့ညှိနှိုင်းတိုင်ပင်ပြီး
တစ်ဆင့်ချင်းသွားရမဲ့ကိစ္စ၊ရောက်ရောက်ချင်းဆောက်နဲ့ထွင်းတဲ့
ကိစ္စကို၊ဖုတ်ပူမီးတိုက်လုပ်စရာအကြောင်းမမြင်ဘူးခင်ဗျ။
(သုံး)
ကျွန်တော့်အမြင်အရတော့အစိုးရအဖွဲ့သစ်ကိုဦးဆောင်မဲ့ပါတီကြီး
အနေနဲ့၊သူရဲ့လွှတ်တော်ကိုယ်စားလှယ်အားလုံးကို၊ဓနဥစ္စာပိုင်ဆိုင်မှု
စာရင်းကိုချပြကြေညာပြီးမှ၊ရွေးကောက်ပွဲဝင်စေတာမို့၊ထွေထွေထူးထူး
ဘာအခက်အခဲမှမ ကြုံနိုင်ပေမဲ့၊ကြံ့ခိုင်ရေးအမတ်လက်တစ်ဆုပ်စာ ကတော့၊ကျားရှေ့မှောက်လျက်လဲတဲ့ကိန်းမျိုးကြုံမှာသေချာသဗျာ။
။ပြီးခဲ့တဲ့လွှတ်တော်သက်တမ်းကလို၊ဘယ်နေရာကြည့်ကြည့်
ကိုယ့်လူတွေချည်းပဲဆိုတော့၊ပိုင်ဆိုင်မှုတွေမြွက်ဟကြေညာဖို့
အဆိုတင်လေတိုင်းအတိတ်မေ့သလို၊ရွှေပျောက်သလို
ရူးချင်ယောင်ဆောင်နိုင်ခဲ့ပေမဲ့၊ဒီတစ်ချီတော့သေချာပေါက်ပြေး
လမ်းပိတ်ပြီ။လွှတ်တော်အားလုံးမှာအမတ်နေရာ(၇၅%)ကျော်ရနေ
တဲ့ပါတီအနေနဲ့၊ဖွဲ့စည်းပုံအခြေခံဥပဒေနဲ့အညီဆေးစက်ကျရာ
အရုပ်ထင်အောင်လုပ်နိုင်တော့မှာလေ။
တပ်မတော်ကိုယ်စားလှယ်တွေဘယ်လိုလုပ်မတုန်းဟုတ်လား။
ဟမ်၊ဥပဒေအထက်မှာဘယ်သူရှိသေးလို့တုန်းဗျ။ဥပဒေရဲ့ရှေ့မှောက်မှာနို
င်ငံသားအားလုံးဟာတပြေးတညီတည်းအခွင့်အရေးရှိတယ်။
တာဝန်ရှိတယ်လေ။တစ်ခုရှိတာကဒီခေတ်ကြီးထဲမှာဗိုလ်မှူး၊
ဒုတိယဗိုလ်မှူးကြီးတွေအဆင့်လောက်နဲ့တော့၊ကိုယ်ကျိုးရှာနိုင်ပြီး
ကျိကျိတက်ချမ်းသာနေတာအင်မတန်ရှားတာမို့၊တပ်မတော်သား
ကိုယ်စားလှယ်အများစုကတော့၊ဒီတောင်ကိုကျော်နိုင်မှာပါ။
ဗိုလ်မှူးချုပ်နဲ့အထက်တွေကတော့၊ဒီတုံးကမြင့်လွန်းတယ်။
သဗ္ဗေသတ္တာကမ္မသကာပေါ့ဗျာ။
အကောင်းဖက်ကနေလှည့်တွေးရင်၊ဒီဥပဒေဟာမကြာခင်ရာထူး
ကနေအငြိမ်းစားယူရတော့မဲ့၊ကာကွယ်ရေးဦးစီးချုပ်အတွက်၊
သူ့ဂုဏ်သိက္ခာကိုပြန်အဖတ်ဆယ်နိုင်မဲ့ရတောင့်ရခဲအခွင့်အရေးပါပဲ။
နောက်တစ်ချက်ကတော့၊ဒုသမ္မတရာထူးအတွက်တပ်မတော်
ကိုယ်စားလှယ်တွေကနေလျာထားခံရမဲ့လွှတ်တော်ကိုယ်စားလှယ်ဟာ၊
ဒီတုံးကိုကျော်နိုင်ဖို့အတော့်ကိုအားထုတ်ရမှာတော့သေချာတယ်။
ထိုင်နေအကောင်းသား၊ထသွားမှကျိုးမှန်းသိဆိုတဲ့ကိန်းကြုံဖို့များတယ်။
သတိကြီးကြီးထားဖို့ကတော့၊အခုအာဏာရလာမဲ့ပါတီကြီးရဲ့
လွှတ်တော်ကိုယ်စားလှယ်အားလုံးရဲ့နောက်ကြောင်းရာဇဝင်ဟာ၊
တိုင်းပြည်ဘဏ္ဍာကို အလွဲသုံးစားခဲ့ဖူးသူတစ် ယောက် မှမ ပါဘူး ဆိုတဲ့အချက်ပါပဲ။
(လေး)
အင်း၊အဲဒီကိုယ်တော်တွေထဲမှာဒီကိစ္စကိုကြိုတင်ရိပ်စားမိတဲ့သူတစ်ဦး
တစ်လေလည်းရှိကောင်းရှိမယ်။ဒီတော့သူတို့ဥာဏ်တထွာ
တမိုက်လောက်နဲ့၊ဓနဥစ္စာပိုင်ဆိုင်မှုတွေကို၊မိန်းမ၊ညီအစ်ကိုမောင်နှမ၊
သားသမီးဆွေမျိုး၊တပည့်သားမြေးတွေနာမည်နဲ့အချိန်မီပြောင်းဖို့ရွေ့ဖို့၊
တက်သုတ်ရိုက်ကြပါလိမ့်ဦးမယ်။
အဲဒါခက်တာပေါ့။ဥပဒေကြီးတစ်ခုလုံးကိုအတည်ပြုပြဋ္ဌန်းမဲ့ကိစ္စရပ်မှာ
ပါဝင်တဲ့ဥပဒေပညာရှင်တွေဟာ၊အဲဒီအချက်ကိုကြိုတင်
သတိမပြုမိပဲနေပါ့မလား။သေချာပေါက်သိနေမှာပဲ။ပြစ်မှုကို
အမှန်တကယ်ကျူးလွန်ထားသူတွေ ပြေးပေါက်မရှိအောင်၊
အဘက်ဘက်ကနေစဉ်းစားပြီး၊ပိတ်ဆို့တားဆီးထားမှာပေါ့။
ဓမ္မဓိဌာန်ကျကျစဉ်းစားမယ်ဆိုရင်ဒီဥပဒေဟာအထူးအဆန်းကြီးလည်း
မဟုတ်ပါဘူး။ဒီမိုကရေစီနိုင်ငံတိုင်းမှာကျင့်သုံးနေတဲ့ဥပဒေပါ။
တိုင်းပြည်ကောင်းစားရေး၊ပြန်လည်ထူထောင်ရေးရှုဒေါင့်ကနေကြည့်ရင်၊
အမြန်ဆုံးပြဋ္ဌာန်းသင့်တဲ့ဥပဒေပါပဲ။ဘယ်သူ့ကိုမှချစ်လို့၊မုန်းလို့
ရယ်လို့ပြဋ္ဌာန်းသင့်တာမဟုတ်ပါဘူး။ဒါဟာလက်စားချေခြင်းမဟုတ်ပဲ၊
ဆင်းရဲတွင်းနက်နေတဲ့တိုင်းသူပြည်သားတွေအတွက်
လက်ငင်းကောင်းရာကောင်းကျိုးဖြစ်ထွန်းစေမဲ့၊
တတိုင်းပြည်လုံးသောင်းသောင်းဖြဖြကြိုဆိုထောက်ခံသင့်တဲ့
ဥပဒေပေါင်းမြောက်များစွာအနက်ထဲကဥပဒေတစ်ခုပါပဲ။
ဒါ့အပြင် နောက်လာမဲ့အနာဂတ်မျိုးဆက်သစ်တွေအတွက်၊
အတုယူဆင်ခြင်ရမဲ့နမူနာကောင်းတစ်ရပ်ကိုပြဆိုသင် ကြား ပေးခဲ့ရာလည်းရောက်ပါတယ်။
ဒါကြောင့်နိဂုံးချုပ်အနေနဲ့၊ပြောချင်တာကတော့လာမဲ့လွှတ်တော်
အသီးသီးမှာကိုယ်စားလှယ်အဖြစ်ပါဝင်တက်ရောက်ကြမဲ့၊
ကိုယ်စားလှယ်လောင်းတစ်ချို့အနေနဲ့၊ဒီဥပဒေနဲ့ငြိစွန်းနေတယ်လို့
ကိုယ့်ကိုယ်ကိုယ်သံသယရှိတယ်ဆိုရင်ဖြင့်၊အချိန်မီကိုယ့်အသိ
စိတ်ဓာတ်နဲ့ကိုယ်၊ပြေးတန်ပြေး၊ရှောင်တန်ရှောင်အချိန်မီ
၊ကြိုတင်လုပ်ကိုင်စီမံနိုင်အောင်၊မေတ္တာအကျိုးေ
မျှော်နိုးဆော်လိုက်ရကြောင်းပါခင်ဗျ။ ။

၂၀၁၅၊နိုဝင်ဘာ(၁၆)ရက်နေ့ထုတ်
သည်ဗွိုက်ဒေးလီးနယူးသတင်းစာမှ။ ။