Wednesday, December 16, 2015

ကြယ်သီတဲ့ကြိုး (မင်းဒင်)

မင်း ဒင်

ရွှေပြည်ဌာနနှင့်ဝေးကွာနေရသောကျွန်တော်သည်၊စာအုပ်တန်းတွင်
လမ်းမလျှောက်နိုင်ခဲ့သည်မှာဆယ်စုနှစ်တစ်စုပင်စွန်းခဲ့ပေပြီ။
စာအုပ်တန်းတွင်လမ်းလျှောက်၍၊မိမိနှစ်သက်ရာစာအုပ်မျိုးစုံတပုံတပင်ကို၊
ဝယ်ယူရခြင်းမှာကျွန်တော်အခုံမင်ဆုံးအလုပ်တစ်ခုဖြစ်သည်။ပြည်တွင်းနေ
စာဖတ်ပရိတ်အချို့မှ၊ကျွန်တော့်ထံကောင်းနိုးရာရာစာအုပ်များပေးပို့ခြင်းဖြင့်
ကျွန်တော့်စိတ်ကွက်လပ်ကိုဖြည့်ဆည်းပေးခဲ့ကြခြင်းအတွက်၊
များစွာကျေးဇူးတင်ဖွယ်ဖြစ်ပါ၏။

လွန်ခဲ့သောအောက်တိုဘာလကုန်ပိုင်းက၊ဖူးခက်စာပေဟောပြောပွဲတွင်
ဆရာချစ်ဦးညိုနှင့်ဆုံတွေ့ခွင့်ကြုံခဲ့ရပြီး၊ဆရာကအမှတ်တရအဖြစ်
စာတစ်အုပ်လက်ဆောင်အဖြစ်ချီးမြှင့်ခဲ့ရာစာအုပ်အမည်မှာ၊
”ချစ်သောဆရာမြနှင့်ချစ်သောဆရာသင်း”ဟူ၍ြုဖစ်သည်။
လွန်ခဲ့သောရက်များကထိုစာအုပ်ကိုကျွန်တော်ဖတ်ဖြစ်ခဲ့၏။
ရသစာပေစာအဖွဲ့တွင်ဆရာချစ်ဦးညိုသည်စံထားလောက်သောပုဂ္ဂိုလ်ဖြစ်၏။
စကားလုံးရွေးချယ်မှုအလွန်အားကောင်းသည်။ရေးသားသောအကြောင်း
အရာအလိုက်ပေါရာဏစကားလုံး၊ခေတ်သစ်အသုံးအနှုံးအပြင်စကားလုံး
အသစ်အဆန်းတို့ကိုပါအံဝင်ခွင်ကျရောမွှေရေးသားလေ့ရှိရာ၊စာဖတ်သူတို့
အဖို့အကျော်အနင်းပြေပြစ်သောလှေခါးထစ်တို့ကိုတက်ရသကဲ့သို့
မပင်မပန်းပဲ၊လိုရာအထပ်သို့ရောက်သည်ဟုကျွန်တော်ဆိုချင်သည်။
ထိုသို့ရသအဖွဲ့ပိုင်နိုင်သောဆရာသည်သူနှင့်လက်ပွန်းတတည်းသွားလာ
လှုပ်ရှားခဲ့သော၊ဆရာမြသန်းတင့်နှင့်ဆရာဦးအောင်သင်းတို့အကြောင်း
၊ရေးဖွဲ့လိုက်သည့်အခါ၊အဆိုပါဆရာကြီး နှစ်ယောက်စလုံး
ကျွန်တော့်ဘေးသို့ဗြုန်းဆိုရောက်လာပြီးငုတ်တုတ်လာထိုင်သလို
ခံစားရလေသည်။
ဤသည်မှာစကားချီးသာဖြစ်၍ဆရာမြသန်းတင့်နှင့်ဆရာဦးအောင်သင်းတို့
အကြောင်းကိုကျွန်တော်ရေးလိုရင်းမဟုတ်ပါ။ဆရာချစ်ဦးညိုရေးဖွဲ့ခဲ့သော
ဆရာမြသန်းတင့်၏ရုပ်ပုံလွှာကိုဖော်ကျူးသည့်၊စာတစ်ပုဒ်ထဲမှတစ်ခုသော
ဖြစ်ရပ်ကိုအခြေခံလျက်၊ကျွန်တော်ခံစားမိသောဆင့်ပွားအတွေးတစ်ခုကို
တင်ပြလိုရင်းသာဖြစ်ပါသည်။
(၂)
(၁၉၉၅-၉၆)ခုနှစ်ဝန်းကျင်၊ဆရာတက္ကသိုလ်ဘုန်းနိုင်၏သူ့ကျွန်မခံပြီ ဝတ္ထုကြီးကိုမြတ်မိခင်ရုပ်ရှင်ထုတ်လုပ်ရေး က၊ရုပ်ရှင်ကားကြီးအဖြစ် ရိုက်ကူးရန်စီစဉ်ခဲ့ရာ၊အဆိုပါရုပ်ရှင်ဖြစ်မြောက်ရေးအစည်းအဝေး
တစ်ခုတွင်ဆရာမြသန်းတင့်နှင့်ဆုံမိကြသည်ဆိုပါ၏။မြတ်မိခင်အဖွဲ့၏နာယကမှာထိုစဉ်က
မီးရထားဝန်ကြီးဦးဝင်းစိန်ဖြစ်၍၊ ဆရာချစ်ဦးညိုက(Art Director) နှင့် ဆရာမြသန်းတင့်က၊မြတ်မိခင်အဖွဲ့နာယကဖြစ်သည်။
(စကားချပ်။။ထိုအဖွဲ့တွင်ဆရာမြသန်းတင့်နာယကအဖြစ်ဆောင်ရွက်
ခဲ့ရခြင်းမှာ၊ဆရာမြသန်းတင့်အကြိမ်ကြိမ်ငြင်းဆန်နေသည့်ကြားမှ၊
အဆိုပါဝန်ကြီးကိုယ်တိုင်ဆရာမြသန်းတင့်အိမ်သို့ကိုယ်တိုင်သွားရောက်ပြီး
လက်အုပ်ချီကန်တော့တောင်းပန်သောကြောင့်ဆောင်ရွက်ခဲ့ရခြင်းဖြစ်သည်
ဟုဆရာချစ်ဦးညိုက၊မှတ်တမ်းပြုထားသည်။)
ဆိုခဲ့သောအစည်းအဝေးတွင်၊ဝန်ကြီး၏အဖွင့်စကားမှာအောက်ပါအတိုင်းဖြစ်၏။
“အရေးကြီးတဲ့အချက်တစ်ချက်ပြောချင်လို့ပါ။အဲဒါကတော့သူ့ကျွန်မခံပြီဝတ္ထုရဲ့
ဇာတ်သိမ်းပိုင်းပါပဲ။ဆရာကြီးဘုန်းရေးထားတဲ့အဲဒီဇာတ်သိမ်းပိုင်းမှာ
ဇာတ်ဆောင်တစ်ဦးရဲ့ဒိုင်ယာလော့…၊ဒီဒိုင်ယာလော့အတိုင်းတော့
ရုပ်ရှင်ထဲမှာပြောလို့မဖြစ်နိုင်ပါဘူး။အဲဒါဘယ်လိုလုပ်ကြမလဲဆိုတာ…”
အဆိုပါဝန်ကြီး၏သဘောထားအပေါ်ဆရာချစ်ဦးညို၏တုန့်ပြန်ချက်မှာ
အောက်ပါအတိုင်းဖြစ်သည်။
“ဒီလိုရှိပါတယ်။ဇာတ်ညွန်းကဝတ္ထုအပေါ်မှာသစ္စာရှိရပါမယ်။
ဝတ္ထုရဲ့မူလကျောရိုး၊ဇာတ်ကွက်ဇာတ်လမ်း၊ဇာတ်ကောင်စရိုက်တွေ
အပေါ်မှာဇာတ်ညွှန်းဆရာဟာသူ့သဘောနဲ့သူတိုးခွင့်လျှော့ခွင့်မရှိပါဘူး။
ဝတ္ထုထဲကစာအရေးအသားပေါ်လွင်အောင်ရုပ်ရှင်အပြအနေနဲ
့ဇာတ်ညွှန်းဆရာကကူးပြောင်းပေးဖို့သာရှိပါတယ်။အခုဇာတ်သိမ်းပိုင်းမှာ ဗိုလ်ကျော်ခေါင်ပြောတဲ့စကားလုံးတွေဟာသူ့ကျွန်မခံပြီရဲ့အာဘော်
အသက်ဖြစ်ပါတယ်။ဒီဒိုင်ယာလော့ကိုစာလုံးမည်းနဲ့တောင်ဖော်ပြထားပါတယ်။
…နတ်မောက်ကောင်းကင်ဆီကထွန်းတက်လာတဲ့ကြယ်တစ်ပွင့်ဆိုတာ
၊မြို့လုလင်သူကြီးဦးမင်းရောင်၊ရွှေလရောင်ကိုညွန်းတဲ့နိမိတ်ပုံအဖွဲ့ပါ။
သမိုင်းကြောင်းအရလည်းဟုတ်မှန်၊အလွန်လည်းလှတဲ့တင်စားချက်ပါ။
ဒါကြောင့်ကျွန်တော်ဇာတ်ညွှန်းရေးသူအနေနဲ့ပြောရရင်တော့၊
ဝတ္ထုအပေါ်သစ္စာရှိရမှာပဲဖြစ်ပါတယ်”
(၃)
ဆရာချစ်ဦးညို၏ရှင်းလင်းချက်ကိုဆရာမြသန်းတင့်၏ထောက်ခံဆွေးနွေးချက်
မှာအောက်ပါအတိုင်းဖြစ်သည်။
“ချစ်ဦးညိုပြောတာကျွန်တော်ထောက်ခံတယ်။သူကိုယ်တိုင်ကလည်း
စာရေးဆရာတစ်ယောက်ပဲ။ဒီတော့ဇာတ်ညွန်းဟာ၊ဝတ္ထုအပေါ်
သစ္စာရှိရမယ်ဆိုတဲ့စကားကိုကျွန်တော်အပြည့်အဝထောက်ခံတယ်။
ဝတ္ထုအာဘော်အတိုင်းမလိုက်နာဘဲ၊ဇာတ်ညွှန်းရေးဆရာက သို့မဟုတ် ဒါရိုက်တာကပြင်ရေးပြင်ရိုက်လိုက်လို့ပျက်သွားတဲ့ရုပ်ရှင်တွေ ရှိတယ်။ချစ်ဦးညိုပြောတာနည်းလမ်းကျပါတယ်”
ဤတွင်ယင်းဝတ္ထုကိုဖန်တီးသူဆရာတက္ကသိုလ်ဘုန်းနိုင်၏ခံယူချက်အမြင်
လိုအပ်လာသဖြင့်၊ထိုအစည်းအဝေးတွင်ပင်သဘောထားတောင်းခံခဲ့ရာ၊
ဆရာတက္ကသိုလ်ဘုန်းနိုင်က..“ပြင်ရေးပြင်ရိုက်လို့ပျက်သွားရတဲ့ရုပ်ရှင်တွေထဲမှာ ကျွန်တော်ရဲ့သူ့ကျွန်မခံပြီမပါစေချင်ပါဘူး”ဟူ၍သူ့ဆန္ဒကိုဖော်ထုတ်ခဲ့သည်။
ထို့အတူဒါရိုက်တာ(ဦး)ကြည်စိုးထွန်းကလည်း…၊
“ကျွန်တော်ကဇာတ်ညွန်းရေးဆရာရေးပေးတဲ့အတိုင်းရိုက်ရမှာပဲ။
ကြည်စိုးထွန်းရိုက်လိုက်လို့သူ့ကျွန်မခံပြီပျက်သွားပြီလို့အပြောခံရတဲ့
ဒါရိုက်တာအဖြစ်မခံနိုင်ပါဘူး”ဟုရှင်းလင်းစွာဆိုသည်။
ထိုအခါဝန်ကြီး၏တုံ့ပြန်ဆွေးနွေးချက်ကိုဆရာချစ်ဦးညိုကအောက်ပါအတိုင်း
မှတ်တမ်းတင်ထားခဲ့သည်။
“ပွင့်ပွင့်လင်းလင်းပြောရရင်တော့အားလုံးလည်းသိထားကြတဲ့အတိုင်း၊
ဒီဇာတ်သိမ်းပိုင်းဒိုင်ယာလော့အတိုင်းရိုက်မယ်ဆိုရင်တော့
ဒီဇာတ်ကားပြခွင့်ရမှာမဟုတ်တော့ဘူး။ပြခွင့်ရသွားလည်း..၊
အင်း..ကျွန်တော်ပြုတ်မှာသေချာတယ်။ဝိုင်းစဉ်းစားကြပါဦး”
ထိုဆောင်းပါးဤနေရာသို့အရောက်တွင်ဆရာချစ်ဦးညိုအနေဖြင့်
သူ့ဆင်ခြင်တွေးတောချက်တစ်ခုကိုအောက်ပါအတိုင်းဖော်ပြရေးသားခဲ့ပြန်သည်။
“ဆရာတက္ကသိုလ်ဘုန်းနိုင် သူ့ကျွန်မခံပြီကိုရေးခဲ့သောကာလမှာ ၁၉၅၉၊ယခုရုပ်ရှင်ရိုက်ဖို့ဆွေးနွေးသောကာလ မှာ၁၉၉၅။ နတ်မောက်ကောင်းကင်သည်အကယ်ပင်ဦးမင်းရောင်(ရွှေလရောင်)ကို
ရည်ညွန်းသည်။ပြီးတော့ဆက်ယူဆိုလျှင်ဗိုလ်ချုပ်အောင်ဆန်း၊
သို့သော်အားလုံးပင်ခုန်ပျံကျော်လွှား၍တွေးလိုက်ကြသည်ကဒေါ်အောင်ဆန်းစု ကြည်။နိုင်ငံရေးရာသီဥတုကလည်းမှုန်မှိုင်းဆဲ”
ထိုနေ့ကအစည်းအဝေးသည်ဆုံးဖြတ်ချက်တစ်စုံတစ်ရာမချနိုင်ပဲပြီးဆုံး
သွားခဲ့သည်။ဆရာချစ်ဦးညိုကမူ၊အဆိုပါ ဇာတ်သိမ်းစကားလုံးကို “နတ်မောက်ကောင်းကင်”ဟုသာမူရင်းမပျက်ရေးသားခဲ့သည်။
သို့သော်ဆင်ဆာတင်ပြီး ချိန်တွင်မူ၊နတ်မောက်ဟူသော စာလုံးပြုတ်သွားပြီး၊မိုးကောင်းကင်ဟုသာဖြစ်သွားခဲ့သည်ဟုဆိုပါ၏။
(၄)
ဆရာမြသန်းတင့်၏ဘဝပုံရိပ်ကိုချယ်မှုန်းလေသောထိုဆောင်းပါးကို
ကျွန်တော်အဆုံးတိုင်ဖတ်ပြီးချိန်တွင်၊အတွေးစဉ်ရှည်ကြီးတစ်ခု
ကျွန်တော့်ခေါင်းထဲသို့တိုးဝင်လာခဲ့သည်။
အထက်ပါအစည်းအဝေးဖြစ်စဉ်တွင်၊ဂုဏ်သရေရှိအနုပညာရှင်တို့သည်၊
အနုပညာ၏သိက္ခာတရားမပျက်ယွင်းစိမ့်သောငှာ၊အနုပညာ၏
ပင်ကိုယ်အရည်အသွေးမမှေးမှိန်စေခြင်းငှာ၊တညီတညွတ်တည်း ခိုင်မာပြတ်သားစွာ၊ရပ်တည်ခဲ့ကြောင်းတွေ့ရသည်။
တဆက်တည်းမှာပင်အဆိုပါနာမည်ကျော်မြန်မာ့သမိုင်းနောက်ခံဝတ္ထုကြီးကို
ရုပ်ရှင်အဖြစ်၊ဦးဆောင်ဖန်တီးခဲ့သည့်အဖွဲ့၏ရည်ရွယ်ချက်မှာ အနုပညာကိုလေးစားမြတ်နိုးသည့်စိတ်ရင်းအခြေခံဖြင့်၊ရိုးဖြောင့်စွာ
ဖန်တီးခဲ့ခြင်းမှဟုတ်ပါလေစ။
ထိုကာလသည်အာဏာသိမ်းစစ်တပ်တန်ခိုးအာဏာအမြင့်မားဆုံး
အချိန်ဖြစ်၍၊ယင်းတို့ကြွေးကြော်နေခဲ့သောအမျိုးဂုဏ်ဇာတိဂုဏ်မြင့်မားရေးနှင့်
မျိုးချစ်စိတ်ဓာတ်ရှင်သန်ထက်မြက်ရေးဟူသောဆောင်ပုဒ်အား၊
ဂန္ထဝင်မြောက်ဝတ္ထုရှည်ကြီး တစ်ပုဒ်ကိုရုပ်ရှင်အဖြစ်ကူးပြောင်းရိုက်ကူးခြင်းဖြင့် ဇွတ်အတင်းဇန်းတင်ခဲ့သလောဟုကျွန်တော်အလေးအနက်စောကြောမိသည်။
မင်းဧကရာဇ်၊အစိုးရတို့အနေဖြင့်ပဒေသရာဇ်ခေတ်တွင်ဘုန်းတော်ဘွဲ့၊
အာဏာရှင်ခေတ်တွင်အာဏာရှင်မော်ကွန်းအစရှိသည်တို့ကို
မှတ်တမ်းပြုရေးထိုးကြရာတွင်၊သမိုင်းအမှန်ကိုဖျောက်ဖျက်ခြင်း၊
အနုပညာကိုယင်းတို့လိုရာသို့ပုံသွင်းခြင်းတို့ပြုမြဲထုံးစံဖြစ်၏။
ထိုသို့ပြုရာတွင်အနုပညာရှင်အချို့မှာအခွင့်အရေး၊ငွေကြေးအပါအဝင်
မလွှဲမရှောင်သာသည့်အကြောင်းတို့ကြောင့်၊မင်းအစိုးရတို့၏
ဂုဏ်ပုဒ်ကိုဇွတ်အမွှန်းတင်သည့်အမွှန်းဇာတ်တို့တွင် နည်းမျိုးစုံဖြင့် ပါဝင်ခဲ့ကြ၏။တချိန်တည်းမှာပင်အနုပညာစစ်စစ်ကိုဖန်တီးလိုသော
အနုပညာရှင်တို့အနေဖြင့်ယင်းတို့၏အနုပညာကိုလွတ်လပ်စွာဖန်တီးခွင့်မရ။
ဖိနှိပ်ဟန့်တားနှောင့်ယှက်တားဆီးမှုမျိုးစုံနှင့်ကြုံကြရသည်။
ယင်း၏နောက်ဆက်တွဲရလာဒ်ကား၊စာပေ၊ရုပ်ရှင်၊ဂီတ၊ဇာတ်သဘင်စသည်တို့
အကျုံးဝင်သောအနုပညာသမားစစ်စစ်တို့အရှားကြီးရှားကာ၊မြန်မာ့အနုပညာသစ်ပင်ကြီးတစ်ပင်လုံး၊
ဗုန်းဗုန်းလဲပြိုကျပျက်စီးရခြင်း၏အရင်းခံအကြောင်းတရား ပင်ဖြစ်သည်ဟု၊ကျွန်တော်ရှုမြင်သည်။
(၅)
အနုပညာဟူသည်လူထုနှင့်ပွန်းတီးလွန်းသောအရာဖြစ်၏။ထိုအနုပညာကို
သင်းသတ်လိုက်သောအခါပြည်သူလူထုသည်အသိမှား၊အမြင်မှားတို့ဖြင့်သာ
၊ကြုံရာခေတ်ကိုဖြစ်သလိုကူးဖြတ်ကြရလေရာ၊အချည်းနှီး၊ခါးသီးသော
ဘဝများဖြင့်သာဆုံးခန်းနိဂုံးတိုင်ရတော့သည်။
အနုပညာကိုသတ်ခြင်းကား၊တိုင်းပြည်ကိုသတ်ခြင်းမည်၏။ပြည်သူကို
သတ်ခြင်းမည်၏ဟု ကျွန်တော်ယူဆသည်။
ယခုသော်အကြောင်းအကျိုးတရားမျိုးစုံတို့၊ကောင်းစွာတွေ့ဆုံပေါင်းဖက်နိုင်ကြပြီ
ဖြစ်သောကြောင့်၊ဆရာတက္ကသိုလ်ဘုန်းနိုင်၏သူ့ကျွန်မခံပြီဇာတ်သိမ်းခန်းတွင်
နိမိတ်ပုံဖြင့်ဥဒါန်းကျူးရင့်ခဲ့သောနတ်မောက်ကောင်းကင်မှကြယ်တစ်ပွင့်၏
မျိုးဆက်သစ်ကိုကျွန်တော်တို့၊လက်တစ်ကမ်းတွင်ကောင်းစွာမြင်နိုင်ကြလေပြီ။
ဤသည်ပင်ကျွန်တော်တို့တိုင်းပြည်အနာဂတ်၏မျှော်လင့်ချက်ငွေကြယ်ပွင့်များ၏
အဦးအစ၊စစ်ကျွန်ဘဝမှလွတ်လမ်း၏ရွှေဘုံနိဒါန်းဟု
ကျွန်တော်မှတ်ထင်ယုံကြည်သည်။
ထိုကြယ်တို့၏အလင်းစွမ်းအင်ကြောင့်ပင်၊ခေတ်စနစ်ဆိုး၏
ဆူးညှောင့်ခလုပ်တို့ကိုမြင်သိဖယ်ရှားနိုင်ပေတော့မည်။
အနုပညာရှင်စစ်စစ်တို့ဖန်တီးအပ်သောအနုပညာစစ်စစ်တို့ဖြင့်ပြည်သူလူထု၏
အသိဥာဏ်မျက်စိကိုပွင့်လင်း စေနိုင်ပေတော့မည်။
အလွှာပေါင်းစုံမှအနုပညာရှင်တို့သည်ထိုမျှော်လင့်ချက်ငွေကြယ်ပွင့်တို့အား
ရောင်စဉ်ခုနှစ်သွယ်ဖြင့်လင်းလက်သည့်ကြယ်စင်ပန်းခိုင်ပန်းကုံးများ
ဖြစ်လာအောင်သီနိုင်စွမ်းသောကြိုးများအဖြစ်ပမာပြုတင်စားလိုပါ၏။
ယင်းတို့၏စွမ်းပကားဖြင့်အနာဂတ်တိုင်းပြည်ရှေ့ခရီးအနာဂတ်၌
အနုပညာစစ်စစ်ကိုဖန်တီးကြခြင်းခြင့်တောက်ပသောသမိုင်းသစ်ကို
စွမ်းစွမ်းတမံရေးထိုးနိုင်ကြလိမ့်မည်ဟုကျွန်တော်စိတ်ဇောတကြီး
ရည်သန်မျှော်လင့်နေမိသည်။

၁၀ ဒီဇင်ဘာ ၂၀၁၅နေ့ထုတ်သည်ဗွိုက်ဒေးလီး
နေ့စဉ်သတင်းစာမှ။ ။

မင်းဒင်

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...