လက်မရွံ့နောက်လိုက်

July 15, 2013 at 2:25pm

ခုတလော စာကောင်းရေးချင် စိတ်ကောင်းထားပါဆိုတာ သတိရရနေလို့ စိတ်ကလဲ မကောင်းတာတွေ များတာနဲ့ မရေးတာ ကြာပါပြီ။ ဗီလိမ်ဆိုတော့ ဗီလိမ်ပီပီ ဗီလိမ်လိုတွေး၊ ဗီလိမ်လိုနေရင်းနဲ့ ဗီလိမ်အသားပေး ကာတွန်းလေးကြည့်မိရာက သည်စာလေးရေးဖြစ်ပါတယ်။
ကိုယ်ရေးနေကျ ပေါက်တတ်ကရတော့ မဟုတ်ပါဘူး။ ရုပ်ရှင်တွေ ဇာတ်လမ်းတွေနဲ့ ပက်သက်လို့လဲ ရေးလေ့မရှိတော့ အရသာပျက်သွားလောက်ပါတယ်။ Despicable Me ဆိုတဲ့ ဇာတ်ကားလေးပါ။ ငါ့ကိုရွံကြပါ လို့များ ဘာသာပြန်လို့ရမလားမသိပါဘူး။ ဘိလပ်လို အိုနာကျိုးကန်းမို့ လုံးစေ့ပတ်စေ့ နားမလည်ပေမယ့် ဘာတွေပြောမှန်းမသိပြောပြီး သိပ်ကို သဘောကျစရာကောင်းတဲ့ Minion လေးတွေကြောင့် သဘောကျပါတယ်။ အဲသည် အကောင်လေးတွေက ဘာလေးတွေတုန်းလို့ စပ်စုမိပါတယ်။

အစက စက်ရုပ်လေးတွေလို့ ထင်မိပေမယ့်။ Minion လေးတွေကို Gru's tiny, yellow, loyal yet childish, genetically-mutated henchmen လို့ ရေးထားတာ တွေ့တော့ ဘဝင်မကျမိပါဘူး။ အထူးသဖြင့် Henchmen ဆိုတဲ့ အသုံးပါပဲ။ နားလည်သလို ဘာသာပြန်ရရင် ဂရူးဆိုတဲ့ နာမည်ကျော် ဗီလိမ်ဖြစ်ချင်သူကြီးရဲ့ သစ္စာရှိသော၊ ကလေးဆန်သော၊ မျိုးရိုးဗီဇ ပြုပြင်ခံထားရတဲ့ အဝါရောင် လက်မရွံ့နောက်လိုက်လေးတွေပေါ့။ ခံစားတတ်တယ်။ အသိဥာဏ်ရှိတယ်။ စားသောက်တယ်။ ဒါပေမယ့် အအိပ်အနေနဲပြီး ဂရူးရဲ့ သစ္စာတော်ခံ အလုပ်ကို မနားမနေလုပ်တဲ့ သူ့တို့ဘာသာစကား သူတို့ အသိုင်းအဝိုင်းလေးထဲမှာ သူတို့ဟာသူတို့ အင်မတန် စည်းလုံးပျော်ပါး နေတတ်ကြတာလေးတွေပါ။ သူတို့တွေဟာ အပြင်လောကထဲကို ထွက်တဲ့အခါ သူများတွေနဲ့ မတူတူအောင် ရုပ်ဖျက်ကြပေမယ့် အင်မတန် ကွဲထွက်နေတဲ့ ပေါက်တတ်ကရလေးတွေပါ။ ဂရူးနဲ့ သူရဲ့သိပ္ပံပညာရှင် Dr. Nefario ကြီးရဲ့ စမ်းသပ်သမျှကိုလဲ မညိုမငြင် လုပ်ပေးကြပြီး တစ်ခါတစ်လေ သူတို့ကိုယ်တိုင် အစမ်းသပ်ခံကြရပါတယ်။ အင်မတန် စိတ်တက်ကြွလွယ်ကြပြီး သူ့တို့ရဲ့ ကလေးဆန်မှုနဲ့ သူတို့ ပြဿနာတွေတက်ရင်း ပရိသတ်ကို အသုံးတော်ခံထားပါတယ်။ အလုပ်တစ်ခုကို သူတို့လုပ်ရတဲ့အခါ မငြင်းမဆန် တက်တက်ကြွကြွလုပ်ပေမယ့် လုပ်မယ်ဆိုတဲ့ စိတ်တစ်ခုတည်းနဲ့ မပြည့်မစုံ အကုန်လွဲရင်း မဖြစ်ညစ်ကျယ်နဲ့ မပီးပီးအောင် လုပ်ကြပါတယ်။ အချင်းချင်းလဲ အငြင်းအခုန်သန်လှပြီး သူတို့ဟာသူတို့တော့ မင်းသားတွေပါပဲ။ လက်နှက်တွေ၊ စွန့်စားတာတွေနဲ့ အင်မတန်ခုံမင်ကြတဲ့ အသိုင်းဝိုင်းထဲမှာ နေကြရပေမယ့် ကလေးမလေး ၃ယောက်နဲ့ ဆက်ဆံရေးပါဝင်လာတဲ့အခါ အိမ်မှုကိစ္စတွေအပါအဝင် အတော်များများကို မဖြစ်ဖြစ်အောင် လုပ်ကြရင်း အင်မတန်ရီရတဲ့ ဇာတ်ရုပ်လေးတွေပါ။

ဒုတိယထွက်လာတဲ့ ဇာတ်ကားထဲမှာ ဂရူးကို undercover လုပ်ဖို့ ခေါ်ရတာက ဗီလိမ်ဟောင်းဖြစ်တဲ့ အတွက် ဗီလိမ်တစ်ယောက် အကြောင်းကို ဗီလိမ်တစ်ယောက်က ပိုသိနိုင်တာမို့ ခေါ်ရတာပါတဲ့။ ဟုတ်တာပေါ့။ ခုလဲ လက်မရွံ့နောက်လိုက်လေးတွေကို ကိုယ်ဘာကြောင့် သဘောကျလဲ တွေးမိတော့ ကိုယ်တိုင်ကလဲ လက်မရွံနောက်လိုက် ဖြစ်နေလို့လို့ပဲ တွေးမိပါတယ်။ အိမ်မှုကိစ္စလုပ်တဲ့သူ၊ ဂရူးနဲ့ အပြင်ထွက်တဲ့သူတွေလောက်ပဲ အဝတ်အစား အပြင်အဆင် ပြောင်းသွားပေမယ့် အားလုံးဟာ အလုပ်ရုံအဝတ်အစား ဂျင်းဂျာစီဘောင်းစီ အဟောင်းလေးတွေနဲ့ ဆင်တူလေးတွေပါ။ ကျနော်တို့ဟာလဲ ဖိနပ်အစုတ်၊ ချည်ကြမ်းအစိမ်းအစုတ်လေးတွေနဲ့ ဆင်တူလေးတွေပါ။ မီနီယွန်လေးတွေဟာ ဘာလုပ်နေရာ နေရ သူတို့ဆရာ ဂရူးတစ်ခုခုဆိုတာနဲ့ အမြဲအဆင်သင့်ရှိပြီး အမြဲကာကွယ်ပေးတတ်သလိုပါပဲ....။ ကျန်တာတွေ ကိုယ့်ဟာကိုယ်သာ တွေးယူပါတော့။ သူတို့လဲ Henchmen ကိုယ်တွေလဲ Henchmen ဘဝတူတွေမို့ သူတို့ကို ရီလိုက်မိတိုင်းမှာ ဂရုဏာသက်မိတာပါ ပိုပါတယ်။ သူတို့တွေ အလွဲလွဲ အချော်ချော် အလဲလဲ အကွဲကွဲ၊ အငြင်းငြင်း အခုန်ခုန်၊ ညစ်တီးညစ်စုတ်ကကျသေး၊ ဆရာကြီး အထှာကဖမ်းသေး၊ ဒေါင့်ကမကျိုးသေး၊ အစမ်းသပ်ခံ အခိုင်းခံ အပေးဆပ်ခံ ဘဝလေးတွေဟာ တစ်ခါတစ်ခါ ဝင်ခံစားမိတဲ့အခါ ရီနေရင်း ဘရိတ်မိသွားတာပါပဲ။ ဒုတိယ ဇာတ်လမ်းမှာ အဝါရောင် မီနီယွန်လေးတွေဟာ ခရမ်းရောင် မိစ္ဆာတွေ အဖြစ်ပြောင်းသွားပါတယ်။ သို့သော်လည်း ဖြေဆေးကြောင့် ပြန်ကောင်းလာပါတယ်။

အဲဒီ မီနီယွန်လေးတွေဟာ သူတို့ဟာသူတို့တော့ သူတို့ ဘာသာစကားတစ်မျိုးနဲ့ သူတို့ပြောကြပါတယ်။ ပြင်သစ်စကား၊ စပိန်စကား စသည်ဖြင့် ထင်ကြပေမယ့် အမှန်တော့ ဘာသာစကားတော်တော်များများရဲ့ ပေါက်ကရတွေ အစားသောက်နာမည်တွေကို လျောက်ပေါင်းထားတဲ့ Gobbledygook ဆိုတဲ့ ဘာသာစကားပါ။ အဲဒါဘာတုန်းလို့ မေးလာရင်တော့ လူနားမလည်တဲ့ စကားလို့ပြောရမှာပါပဲ။ ပေါရာဏ လို့ ဆိုရမလားလို့ထင်မိပေမယ့် အဲသလိုလဲ မဟုတ်ပါဘူးတဲ့။ လက်နှိပ်စက် လက်ရေးတို ရေးနည်းလို စနစ်တစ်ခုအနေနဲ့ အဘိဓာန်လို မှတ်သားပြီး သင်ယူလို့လဲ မရပါဘူးတဲ့။ သက်ဆိုင်ရာ လောကထဲ ပတ်ဝန်းကျင်ထဲကို ကျင်လည်ပြီးမှ နားလည် တတ်မြောက်လာမယ့် စကားပါတဲ့။ ဆရာဝန်တွေ ရေးကြတဲ့ C/o တို့ S/s တို့ Dx၊ Tx၊ TCA တို့လို၊ အင်တာနက်သမားတွေ ရေးကြတဲ့ LoL တို့ TGIF တို့ LTNC တို့ WTFတို့ အကျုံးဝင်မလား မပြောတတ်ပါဘူး။ စကားလိမ်တွေလို မောင်ဟန် မန်ဟောင်တို့ ပြားမလန် ပြန်မလားတို့လို စကားပြောနည်း တစ်မျိုးပါပဲတဲ့။ ဖေ့စဘုတ်ပေါ်က ဟိုဆရာတွေ ကညော့သလို ညှော်တို့၊ ဖါးခုရုတို့၊ ခင်မာလာတို့၊ စန်းစန်းတင့်တို့၊ ဆေးထိုးတာတို့၊ ဒချိဒချိတို့ အောင်ဝေးတို့ ဇူးသင်ဇာတို့ လို အသုံးတွေနေမှာပေါ့နော်။ ချော်တကောက် နော်တကေ တာ မဟုတ်ပေမယ့် သူတို့ ဝုန်းတာ မခံရအောင် နဲနဲဒတ်ထားတဲ့ စကားပြောနည်းတစ်မျိုးလဲ သည်ထဲပါမှာပေါ့လေ။ ဦး၅တို့ ရေး၃တို့ သာတီးတူးကိုင်မယ်တို့ အုတ်ပုံမယ် စောင်းထနေတယ်တို့ မှိုကြွတာတို့ ရှိုင်းတယ်တို့ ဆိုတဲ့ ကိုယ့်လောကနဲ့ကိုယ် ပြောကြတဲ့ စကားတွေကို ဆိုလိုတာ ထင်ပါ့။ ထင်တာပဲ ရှိတာ အဲသည် ဟာတွေ ဘိလပ်လိုရော ဗမာလိုရော မကျွမ်းတော့ ခက်တယ်။
သည်မီနီယွန်လေးတွေ နေရာကနေ နောက်ခံ အသံနဲ့ပြောဖို့ လူရှာတော့ ပထမ အဆင်မပြေပါဘူးတဲ့။ နောက်တော့ ဒါရိုက်တာ ၂ယောက် Pierre Coffin နဲ့ Chris Renaud ကိုယ်တိုင်ဝင်ပြီး ပြောမှ အဆင်ပြေသွားပါသတဲ့။ စပိန်၊ ပြင်သစ်၊ အင်္ဂလိပ်၊ အီတလီစကားတွေ လျောက်ပေါင်းထားပြီး အစားအသောက်နာမည်တွေ များပါတယ်။ အတော် အစားသရမ်းတဲ့ ဒါရိုက်တာ ၂ယောက်ဖြစ်မယ်ထင်တယ်။ ဥပမာအားဖြင့်တော့ poulet tiki masala ဆိုတာ အိန္ဒိယစတိုင် ကြက်သား မဆလာချက်ပါ။ နောက်မယ် မဆလာဆိုတာကြီး ပါနေမှပဲနော့်။ ကျနော်ကတော့ Pa POY. Pa POY ဆိုတာလေးကို သဘောကျပါတယ်။ “Poppadom” “la boda” စတာလေးတွေ အပြန်လှန်ပြောနေကြပုံက သဘောကျစရာလေးပါ။ အဲသည် အကောင်လေးတွေဟာ ဂရူးနဲ့ ဘယ်လိုပက်သက်တယ် ဘာညာစတဲ့ ဇာတ်လမ်းကိုလဲ ရိုက်ကူးနေပြီး ၂၀၁၄မှာ ထွက်လာဦးမှာပါ။ အင်တာနက်ပေါ်မှာ နာမည်ကြီးတဲ့ ဘနားနား သီချင်းကို မီနီယွန်လးတွေလို ဆိုကြသူတွေအများအပြားရှိပါတယ်။ ကိုယ်လဲဆိုကြည့်ချင်တယ် ဆိုရင်
                                        
Ba ba ba ba ba na na

Ba ba ba ba ba na na
(Bananaaaaaaah!!!)
(Oh!) Ba ba ba ba ba na na
(Potato yaaaaaaaaah!!!)
Ba ba ba ba ba na na
Ba ba ba ba ba na na
(Bananaaaaaaah!!!)
To ga li no potato ni ga ni ba no ba ni ka no ji ga

Ba ba ba banana
Yo plano hu
La pa no no tu
Ma banana lai ka mupi talamu
Banana!
Ba ba ba ba ba na na (Potato OOOOOOOHHHH!!!!)
Ba ba ba ba ba na na
To ga li no potato ni ga ni ba no ba ni ka no ji ga
Ba ba ba ba ba na naaaaaaaaaaaaaaaaaa!!!


 ခု ဒုတိယရုပ်ရှင်အဆုံး ဂရူးရဲ့ မင်္ဂလာဆောင်မှာ ဆိုသွားတဲ့ I Swear သီချင်းအလိုက်နဲ့ ဆိုရမယ့် မီနီယွန်သချင်းစာသားလေးတွေပါ တွေ့လို့ ထည့်ပေးလိုက်ပါတယ်။ အဆိုကျော်များ စမ်းနိုင်ကြပါတယ်။
I Swear by The Minions
RIGHT: Ah... lapo da
Talachi matol lina
Ah...
Labadi hochi
La nochaaa

Wu planachii... leh ji
Fuh pa pu seh
Lamaniiii

Underwear...
Lakareh lireywii
Gih leh byaaa
Mah ke rehhh

Underwear...
Lapahkreh lehguari
Teh lah keh
Lah peh reh

Underwear...
Lahcheh pee libeeda
Ee leh guaaa
Lah gua rehhh

Ley show lee leh duuu
Lah keh rey dee zuuu
Bleh ahh boh dee zu re kah
Zohh reh kah laaa
Underwear....

Leh ah mo de

လက်မရွံ့နောက်လိုက် မီနီယွန်လေးတွေနဲ့တကွ ကျန်းမာချမ်းသာကြပါစေ။ ကျနော်မောင်ဟန်ပါ။