ဖိနပ်ပျောက်ခြင်းသည် အနာဂတ်ကို ဆိုးရွားစွာထိခိုက်စေနိုင်ပါသည်
|
10:58 PM |
No မှတ်ချက် |
“ ဟိုက် သွားပြီဟ ”
ကျွန်တော်အထိတ်တလန့်ဆိုတော့
“ ဘာဖြစ်တာလဲ ”
“ ဖိနပ်မရှိတော့ဘူးဟ ”
“ ဟင်ဟုတ်ပ။ ဒီနားမှာ အတူတူချွတ်ထားတာပါ ”
“ ဟုတ်တယ်လေ။ ခု အစ်ကို့ဖိနပ်မရှိတော့ဘူး ”
သူက ဘုရားကနေ လမ်းကိုလှမ်းကြည့်သည်။ လမ်းပေါ်မှာ ဘယ်သူမှ မရှိတော့။
“ ခုနကောင်လေးတွေကတော့ အများကြီးပဲ။ သူတို့ပဲဖြစ်မယ် ”
“ ဟုတ်မှာပေါ့လေ။ ဒါပဲရှိတာကို ”
ကျွန်တော်တို့မိသားစု ရုံးပိတ်ရက်မို့ ဘုရားသို့စောစောထွက်လာခဲ့ခြ
သမီးဖြစ်သူက သိချင်သည့်အရွယ်၊ စူးစမ်းချင်သည့်အရွယ်ဆိုတော
“ ဖိနပ်ကဘာလို့ပျောက်တာလဲ ဟင် ”
ခိုးသွားတာဆိုတဲ့ စကားကို ကျွန်တော်မပြောချင်ပါ။
“ အဖေ့ ဖိနပ်ကို ယူသွားလို့ပေါ့ သမီးရဲ့ ”
“ ဘာလို့ အဖေ့ ဖိနပ်ကို ယူသွားရတာလဲ ”
“ သူတို့မှာ မရှိလို့ နေမှာပေါ့ သမီးရဲ့ ”
“ သူတို့က ဘာလို့ ၀ယ်မထားတာလဲ အဖေ ”
အဲဒီလိုနဲ့ သူ့မေးခွန်းတွေကို စိတ်ရှည်ရှည်ဖြေရင်း ဘုရားကနေပြန်ခဲ့ပါတယ်။ ကျွန်တော်ကတော့ ခြေပြောင်နဲ့ပေါ့။
……………
တစ်ခါတုန်းက မဟတ္တမဂန္ဒီ ရထားစီးလာစဉ် ဖိနပ်တစ်ဖက်က ကျွတ်ကျန်ခဲ့တယ်တဲ့။ အဲဒါနဲ့ ကျန်တဲ့တစ်ဖက်ကို ကပျာကယာချွတ်ပြီး ကျန်ခဲ့တဲ့ဖိနပ်နဲ့ အနီးဆုံးနေရာကို ပစ်ချလိုက်တယ်တဲ့။
ပါလာတဲ့အဖော်က ဘာလုပ်တာလဲမေးတော့ “ ဖိနပ်တစ်ဖက်ကို ကောက်ရသူက တစ်ဖက်တည်းမို့ သုံးလို့မရသလို ငါလည်းသုံးမရဘူးလေ။ ဒီတော့ ကောက်ရသူ သုံးရအောင်လို့ နောက်တစ်ဖက်ပါ ပစ်ချပေး လိုက်တာတဲ့။
ကျွန်တော်ကတော့ ပစ်ချစရာကို မလိုပါ နှစ်ဖက်လုံး ပေးလိုက်ရလို့လေ။ ပြီးတော့ ဖိနပ်အသစ်ဝယ် ဖြစ်သွားလို့ ကျေးဇူးတောင်တင်လိုက်ရဦးမယ
ဒါကိုပြောပြတော့ သူငယ်ချင်းတစ်ဦးက “ အေးပေါ့ကွာ ဟိုဘ၀က မင်းသူများဖိနပ်ခိုးခဲ့လို့
ဖြစ်နိုင်ပါသည်။ ဟိုဘ၀တွေက သူများပစ္စည်းတွေကို ယူခဲ့မှာတော့ သေချာသည်။
ကျွန်တော်ဖိနပ်တစ်ရံပျောက်လ
ဘုရားမှာတောင် သူတစ်ပါးပစ္စည်းကို လဲလှယ်ရဲသည်။ ခိုးယူရဲသည်။ ခိုးလိုစိတ်၊ အကုသိုလ် စိတ်များသည် နေ့၊ ညတောင် မရှောင်ပဲ ပြုလုပ်ရဲလာကြသည်။
ဒါနဲ့ဆက်စပ်ပြီး တွေးမိတာက သောက်ရေအိုးစဉ်မှာ ကြိုးချည်ခံထားရတဲ့ ရေခွက်တွေအကြောင်း ပင်ဖြစ်သည်။ ဗုဒ္ဓဘာသာတိုင်းပြည်ကြီးမှာ ကုသိုလ်ပြုထားသော လမ်းဘေးရေချမ်းစင်က သောက်ရေခွက် များမှာပင် လွတ်လပ်မှုမရှိတော့။
ပျောက်မှာကြောက်နေရကြရသည်။ ကျွန်တော့်သမီးလေးသာ ဒါကို မြင်ရရင် မေးမှာအမှန်ပင်။
“ အဖေ သောက်ရေခွက်တွေကိုဘာလို့ ကြိုးချည်ထားရတာလဲဟင် ”
ကျွန်တော် သက်ပြင်းတွေခဏခဏချပြီး ဖြေရဦးမှာပင်။
……………
ကျွန်တော်တို့ ခပ်ငယ်ငယ်က ကျွန်တော်တို့မြို့မှာ ပွဲလမ်းသဘင်လုပ်ရင် ဈေးသည်တွေက အပြိုင် ထွက်တယ်။ ညလုံးပေါက် ဈေးရောင်းရတော့ မနက်မိုးလင်းလို့ အိမ်ပြန်ရင် ပစ္စည်းပစ္စယကို နိုင်သလောက် သာသိမ်းပြီး ပြန်သွားကြတယ်။
ပျော်ပွဲရွှင်ပွဲလုပ်တဲ့ ကွင်းပြင်ကြီးထဲမှာ ဈေးသည်တွေ ထားခဲ့တဲ့ ပစ္စည်းတွေက တစ်ခါတစ်လေ နှစ်ရက်သုံးရက်အထိ ကြာပြီး ရှိနေတတ်သေးတယ်။ အဲဒီကွင်းပြင်ကြီးထဲမှာ ပိုင်ရှင် ပြန်လာမယူမချင်း ဒီအတိုင်းရှိနေသည်။
ပြီးတော့ ကျွန်တော်တို့မြို့၊ ရွာတွေမှာ ညဘက် အိမ်ရှေ့ကွပ်ပစ်ပေါ်မှာ ထွက်အိပ်တတ်သည်။ ဒီလိုမှမဟုတ်ရင် အိမ်တံခါးလေးဖွင့်ပြီး လေအေးအေးလေးနဲ့ အိပ်ကြတယ်။ ဒီလိုပဲ အပြင်သွားစရာရှိရင် “ အိမ်ကို ကြည့်လိုက်ဦးဟေ့ လို့ ” ဘေးအိမ်ကို အော်ခဲ့ရင်ရပြီ။ စိတ်ချလက်ချသွားတော့။ ခိုးမှုဆိုတာ တော်တော့်ကိုကြားရခဲပါသည်။
ဖြတ်သန်းခဲ့တဲ့ နှစ် ၂၀ လောက်အကွာမှာတော့ ကိုယ့်အိမ်ကို ခြံကောင်းကောင်းကာရတယ်။ ချမ်းသာတဲ့လူတွေကတော့ ခြံစောင်ထားကြတယ်ပေါ့။ အပြင်တံခါးတစ်ချပ်၊ အတွင်းတံခါးတစ်ချပ် အထပ်ထပ်လုပ်၊ အထပ်ထပ်ပိတ်၊ အခန်းတံခါးပိတ်ပြီး အိပ်ရတဲ့ခေတ်ဖြစ်လာခဲ့တယ်။
အပြင်တစ်ခါသွားဖို့ အိမ်တံခါး၊ ပြတင်းပေါက်တံခါး၊ ခြံတံခါးတွေကို သေသေချာချာပိတ်ရတဲ့အပြင် နည်းနည်းလေး အဝေးရောက်တာနဲ့ ကိုယ့်အိမ်ကို လည်ပြန်လှည့်ကြည့်မိတတ်သေးတ
ခေတ်တွေကပြောင်းလဲလာပြီဆိုတ
…………..
ဒီနေ့လည်း ကျွန်တော်တို့မိသားစု ဘုရားကို ခပ်စောစောလေးထွက်လာလိုက်တယ်
ဘုရားကိုရောက်လို့ ဆိုင်ကယ်ပေါ်ကဆင်းပြီး ဖိနပ်ချွတ်မယ်အလုပ်မှာ သမီးကပြောတယ်။
“ အဖေ ဖိနပ်ကို ဆိုင်ကယ်မှာ ညှပ်။ တော်ကြာ ဖိနပ်ထပ်ပျောက်နေဦးမယ် ”
သူကတော့ တစ်ခါသေဘူး ပျဉ်ဖိုးနားလည်တယ်ပြောရမလား
ကျွန်တော့်သမီးက ၃ နှစ်သာရှိသေးသည်။ ဒီလိုနုနယ်တဲ့ကလေးစိတ်ထဲမှာ
ဒီအသိစွဲကြောင့် ကြီးလာတဲ့အခါ လူတွေကို သံသယစိတ်တွေနဲ့ မကြည့်နိုင်ဘူးလို့ မပြောနိုင်ပါဘူး။ လူတွေကို ယုံကြည်ဖို့ခက်သွားပါလိမ့်မ
အဲဒီအခါ သူ့ဘ၀အတွက် လုပ်ဆောင်မှုတွေဟာ ကောင်းတဲ့ဘက်ဦးတည်ဖို့ မဖြစ်နိုင်တော့ပါဘူး။ သူ့အနာဂတ်ဟာ လှပ ပါတော့မလား။
သြော် ကျွန်တော်ကပဲ စိုးရိမ်စိတ်ကြီးနေတာလားဗျာ
ဒီလိုမှမဟုတ်ရင်တော့ ဖိနပ်ပျောက်ခြင်းသည် အနာဂတ်ကိုဆိုးရွားစွာ ထိခိုက်နိုင်ပါသည်လို့ပဲ ဆိုပါရစေတော့ခင်ဗျာ။
၁၉-၇-၂၀၁၃။
0 comments:
Post a Comment