ငါးသလောက် ဒီပလိုမေစီ

Burma-Newselite

မြေပြင်ကို ခြံစည်းရိုးခတ်၊ နယ်ခြားမျဉ်းသတ်မှတ်ပြီး သတ္တ၀ါများ၏ အကူးအသန်းကို ဟန့်တားနိုင်သော် လည်း ပင်လယ်ပြင် ရေပိုင်နက် ကိုတော့ ခြံခတ်၍ မရပါ။ ထိုပင်လယ်ပြင်တွင် ကူးခတ်နေကြသော ငါးများကလည်း ရေကြည်ရာမျက်နုရာ ကူးခတ်ထွက်ခွာသွားနိုင် ကြပါသည်။ အနှီငါးများကို ဆက်လက်ထိန်းသိမ်းထားရန်မှ လူတို့အကျိုးအတွက် လိုအပ်ချက်တရပ် ဖြစ်လာသည်။
ဤသို့အားဖြင့် ၃ နိုင်ငံ ငါးဒီပလိုမေစီ ဖြစ်လာစေသည့် ငါးကတော့ ငွေရောင်အကြေးနှင့် အရိုးများသလောက် ၃ နိုင်ငံစလုံးမှ လူများ တန်ဖိုးထားရသည့် ငါးသလောက်ပင် ဖြစ်တော့သည်။

လူသန်းပေါင်း ၂၃၀ သော ဘင်္ဂလားဒေ့ရ်ှနိုင်ငံသားများအတွက် ငါးသလောက်သည် တန်ဖိုးကြီးကြီးထားရသော ဟင်းလျာတခွက်ဖြစ်ပေ သည်။ အိန္ဒိယနိုင်ငံတွင်းရှိ ဘင်္ဂါလီဦးရေကလည်း မနည်းလှပါ။ သူတို့အတွက်ကလည်း ငါးသလောက်သည် အနှစ်သက်ဆုံး အစားအစာ
ဖြစ်သည်။ မြန်မာမှာပင် ငါးမှာ ငါးသလောက်ဟူ၍ ငါးသလောက်ကို ငါးတကာငါးတွင် အကောင်းဆုံးဟု တင်စားထားခဲ့သည်။

အရိုးကိုပါနူးအောင်ပေါင်းပြီးစားနိုင်သည့် သိပံ္ပအခေါ် Tenualosa ဘင်္ဂါလီအခေါ် eleesh ။ မြန်မာအခေါ် ငါးသလောက်ကို ဘင်္ဂလားဒေ့ရှ်
နိုင်ငံတွင် နိုင်ငံတော် ငါးအဖြစ်သတ်မှတ်ထားသည့်အထိ လူကြိုက် များပြီး နိုင်ငံ၏ ငါးထုတ်လုပ်မှု ၁၁ % မှာလည်း ငါးသလောက်ဖြစ်သည်။ ၂၀၀၆-၇ ခုနှစ်က စာရင်းများအရ ထိုထုပ်လုပ်မှုသည် နိုင်ငံ GDP ၏ ၁% ရှိပြီး တန်ဖိုးအားဖြင့် ဒေါ်လာ သန်း ၃၈၀ ရှိခဲ့သည်။

ထိုမျှဝင်ငွေသာမက ဒေသတွင်းနှစ်သက်မှုများလှသည့် ငါးသလောက်သည် အိမ်နီးချင်း အိန္ဒိယ၊ မြန်မာတို့နှင့် ဆက်ဆံရေးတွင် အဓိက အကြောင်းကြီး များ ထဲမှ တရပ်ဖြစ်လာခဲ့ရသည်။
ငါးသလောက်ကို ကြိုက်နှစ်သက်သူ များလှသောကြောင့် ငါးဖမ်းမှု တရားလွန် များပြားလာပြီး တချိန်ထဲမှာပင် ၎င်းတို့မျိုးပွားသည့် နယ်မြေပျောက်ဆုံးလာနေသည့်အတွက် ငါးအရေအတွက်
လျော့နဲလာနေသည်။

ပြီးခဲ့သည့်နှစ်က ၎င်းတို့၏နိုင်ငံတွင်း ငါးသလောက်ဈေးနှုန်း အဆမတန်
မြင့်တက်သွားခဲ့သဖြင့် ကမ္ဘာတွင် ငါးသလောက် အများဆုံးထုတ်လုပ်နေ သည့် ဘင်္ဂလားဒေ့ရ်ှနိုင်ငံသည် နိုင်ငံခြားတင်ပို့မှုကို ရပ်တန့်ခဲ့ရသည်။ ထိုဖြစ်ရပ်ကြောင့် အိန္ဒိယနိုင်ငံ အနောက်ဘက် ဘင်ဂါပြည်နယ် ၀န်ကြီးက မြန်မာနိုင်ငံမှ ငါးသလောက်များ တင်သွင်းနိုင်ရေးအတွက် နယူးဒေလီရှိ ဗဟိုအစိုးရစီးပွားရေးဝန်ကြီးဌာန ထံသို့ တောင်းခံစာရေးသား ခဲ့သည့် အထိ ယောက်ယက်ခတ်သွားခဲ့ရသည်။

မြန်မာနိုင်ငံမှ ငါးသလောက်များတင်သွင်းရေး ပိတ်ပင်တားမြစ်မှု မ၇ှိကြောင်း စီးပွားရေးဝန်ကြီးက အကြောင်းပြန်ကြားခဲ့သော်လည်း ဘင်္ဂလားဒေ့ရ်ှမှတဆင့် အိန္ဒိယတွင်း ငါးသလောက် မှောင်ခိုသွင်းမှုများ
ဖြစ်လာမည်ကို စိုးရိမ်သည်ဟု ဆိုသည်။
ဤမျှအထိ တောင်းတနေကြသော ငါးသလောက် နှစ်သက်ခုံမင်မှုကို
ဖြည့်ဆည်းပေးနိုင်ရန်အတွက် အိန္ဒိယနိုင်ငံက မြန်မာနိုင်ငံမှ ငါးသလောက်ကို အကောက်ခွန်မဲ့တင်သွင်းနိုင်ရေး ဆွေးနွေးခဲ့ပေ သည်။ မြန်မာအစိုးရအတွက်လည်း ဤကုန်သွယ်မှုက မသေးလှပါ။ အမေရိကန်ဒေါ်လာ သန်း ၁၁၀ ခန့်တန်ဖိုးရှိမည့် ကုန်သွယ်မှုဖြစ်ပြီး ဆက်၍လည်း တိုးလာအုန်းမည် ဖြစ်သည်။

ခန့်မှန်းချေအားဖြင့် ၂၀၁၃ ခုနှစ်ကုန်ခန့်တွင် စတင်နိုင်မည့် ငါးသလောက် ကုန်သွယ်မှုကို ဘင်္ဂါလီတဦးဖြစ်သူ အိန္ဒိယသမ္မတ ပရာနပ် မူခါဂျီကလည်း သဘောတူထောက်ခံပြီး စီးပွားရေးဝန်ကြီှးဌာနကို အကြိမ်ကြိမ် မေးမြန်း စုံစမ်း ခဲ့သည်ဟု သိရသည်။

အိန္ဒိယနိုင်ငံ၏ လက်ရှိသမ္မတက ငါးသလောက်အရေး ပါဝင်ပတ်သက်ခဲ့ သည်မှာ ယခု ပထမဆုံးအကြိမ်တော့ မဟုတ်ပါ။ ၂၀၀၇ ခုနှစ်
နိုင်ငံခြားရေး ၀န်ကြီး ဖြစ်ခဲ့စဉ်ကလည်း ဘင်္ဂလားဒေ့ရ်ှက ထိုနှစ်အတွက် ငါးသလောက်ပို့ကုန်ပိတ်လိုက်ချိန်တွင် ကုန်သွယ်မှုအပေါ် လက်တုန့်ပြန်ရန် ကြိုးပန်းခဲ့ဖူးသည်။ အိန္ဒိယဘက်ခြမ်းတွင်နေထိုင်သော ဘင်္ဂါလီများ တတ်မက်လှသည့် ငါးသလောက်ကို ဘင်္ဂလားဒေ့ရှိနိုင်ငံက နိုင်ငံေ၇း ကစားသည်ဟု စွတ်စွဲခဲ့သည်။ အိန္ဒိယကို နိုင်ငံရေးအရ ဖိအားပေးလိုတိုင်း ဘင်္ဂလားဒေ့ရ်ှက ငါးသလောက်ကို အသုံးချသည်ဟု ဆိုသည်။ ထိုစဉ်က ဘင်္ဂလားဒေ့ရ်ှက ထောင်သွင်းအကျဉ်းချခံရသော အ၀ါမီပါတီခေါင်းဆောင် ရှိတ်ဟာစီနာအပေါ် ပြုမူဆက်ဆံပုံနှင့် ပတ်သက်ပြီး အိန္ဒိယနိုင်ငံက
ဝေဖန်ခဲ့သည့် အပေါ် ဘင်္ဂလားဒေ့ရ်ှက ငါးသလောက် ပို့ကုန်ရပ်တန့်ပြီး တုန့်ပြန်ခဲ့သည်ဟု ယူဆကြသည်။

ယခင်က ထိုကဲ့သို့ အကြိမ်ကြိမ် ငါးသလောက် စစ်ခင်းခဲ့ကြသော်လည်း ယခုအခါမှမူ ၂ နိုင်ငံစလုံးက ငါးသလောက် ဇာတိမြေကို အကာအကွယ်
ပေးနိုင်ရန် ပူးပေါင်းလုပ်ကိုင်နေကြပြီ ဖြစ်သည်။ ယခုအခါ ငါးဈေးကလည်း ကမ္ဘာတလွှား မကြုံစဖူး ထူးကဲစွာမြင့်မားနေလေ၏။

၂ နိုင်ငံမှ ငါးသလောက် သုတေသီများက ပြီးခဲ့သည့်လအတွင်း ဘင်္ဂလားဒေ့ရ်ှနိုင်ငံ ဒက်ကားမြို့တွင် တွေ့ဆုံကြပြီး ငါးအလွန်အကျွံ ဖမ်းဆီးမှုနှင့် မျိုးပွားရာနေရာများ ပျက်ဆီးပျောက်ဆုံးမှုများအတွက်
ဖြေရှင်းနိုင်မည့်နည်းများကို ဆွေးနွေးအဖြေရှာနေကြလေပြီ။ ၂၀၀၁ ခုနှစ် က အိန္ဒိယကို ငါးသလောက်တန် ၈ သောင်းရရှိခဲ့ရာက ၁၁ နှစ်အကြာ ၂၀၁၂ ခုနှစ်တွင် တန် တသောင်း ၂ထောင်သာ ရခဲ့သည်။
ငါးသလောက်ရှားပါးလာမှုကို ကျော်ဖြတ်နိုင်ရန် ဘင်္ဂလားဒေ့ရ်ှနှင့် အိန္ဒိယတို့တွင် စီးပွားဖြစ် ငါးသလောက် မွေးမြူရေးအတွက် နည်းပညာ အကူအညီပေးနေသည့် နော်ဝေနိုင်ငံမှ နိုဖီမာ အစားအစာ၊ ငါးနှင့် အဏ္ဏ၀ါသိပ္ပံဌာန (Nofima Institute) ကလည်း မြန်မာကို ကူညီမည်ဟု သိရသည်။ လာမည့် စက်တင်ဘာလတွင် မြန်မာနိုင်ငံကို လာရောက်ပြီး ငါးသလောက်မွေးမြူရေးနှင့် စီးပွားဖြစ်ထုတ်လုပ်ရေးအတွက် ကူညီသွား မည်ဟု ဆိုသည်။ ပင်လယ်တွင်း သုတေသနလုပ်ငန်းများအတွက်လည်း
နော်ဝေနိုင်ငံက ကူညီနိုင်မည် ဖြစ်သည်။

မြန်မာနိုင်ငံတွင်လည်း ယခင်ကလောက် ငါးသလောက် မပေါများတော့ပါ။ ယခုအခါ အစိုးရက ငါးသလောက်ငါးမျိုးစိတ် ထိန်းသိမ်းရေးကို ဥပဒေ တရပ်ပြဌာန်းရန် စီစဉ်နေပေသည်။ ငါးသလောက်သည် ရေငန်တွင်
ရှင်သန်သော်လည်း ရေချိုတွင်လာရောက်ဥချသဖြင့် မြစ်အတွင်း ရေဆိုးများစွန့်ပစ်မှု၊ မြစ်ဝတွင် ရေထုပါးလာခြင်း၊ မျုိးပွားချိန်တွင် ငါးဖမ်းဆီးခြင်း၊
မြစ်ညှာရှိဆည်များ ရေထိန်းတမံများကြောင့် နုန်းပို့ချမှုများလာခြင်းတို့က
မြန်မာနိုင်ငံက ငါးသလောက်နဲပါးလာရသည့် အခြေခံပြဿနာများ
ဖြစ်နေသည်။ ယခုလပိုင်းအတွင်း ဧရာဝတီတိုင်းမှ ငါးသလောက် အကောင်များ ဈေးကောင်းနေသဖြင့် ငါးသလောက် ငါးပိကောင် ငါးဆားနယ်ပင် မလုပ်ကြတော့ပါ။

မြန်မာ၊ အိန္ဒိယနှင့် ဘင်္ဂလားဒေ့ရ်ှတို့အကြား ပင်လယ်ပြင်တွင် ကူးခတ်နေကြသော ငါးသလောက်များသည်လည်း ရေကြည်ရာမြက်နုရာ
ငြိမ်းချမ်းရာနိုင်ငံ၏ ကုန်းတွင်းမြစ်ဝကို ရှာဖွေနားခိုဥချကြမည်ဟု ယူဆရသည်။

ပွဲတောင်းသူများလှသည့် ငါးသလောက်အတွက် နိုင်ငံအစိုးရများက အလေးဂရုပြုလာကြ၊ ပူးပေါင်းဆောင်ရွက်လာကြသည်မှာ
ကောင်းမွန်သော လက္ခဏာတရပ်ဖြစ်ပေသည်။

ငါးသလောက်သံတမန်များဟုပင် တင်စားခေါ်ဝေါ်ရပေတော့မည်။

ခင်မေဇော် (Burma-Newselite)
(ရှယ်နိုင်ပါတယ်။ စာသားကူးယူပြန်လည်ဖော်ပြခွင့် မပြုပါ။)