လရောင်သာတဲ့ လပြည့်ညအောက်မှာ

Sa Maung

By ဂျူနီယာဝင်း

၂၈ရက် နိုဝင်ဘာလဟာ တန်ဆောင်မုန်းလပြည့်နေ့တစ်နေ့ အဖြစ် မြန်မာပြက္ခဒိန်မှာ တွေ့ရပါတယ်။ အဲဒါ မီးထွန်းပွဲတော်လလို့လည်း ခေါ်ပါတယ်။ ကျွန်မရဲ့ခြံထဲမှာ ဖယောင်းတိုင်တွေ၊ ရောင်စုံမီးသီးလေးတွေနဲ့ လရဲ့ အလင်းရောင်ကို ပိုပြီး တောက်ပသွားအောင် ထွန်းညှိထားပါတယ်။
“လရောင်သာတဲ့တညမှာ ဘယ်သူက ကျွန်မနဲ့ အတူ ကမ္ဘာကြီးကို အလင်းတွေ ထွန်းညှိချင်ကြပါသလဲ”၊

အခုနလေးတင်က ဖတ်ထားတဲ့ကဗျာတပိုင်းတစကို ညီးမိတယ်။ ကျွန်မရဲ့ ငယ်ဘ၀ကို သတိရတယ်။ ဘယ်အိမ်ကမှ မီးထွန်းရတဲ့ညတွေကို မီးမထွန်းဘဲ ကျော်သွားတာ မရှိပါဘူး။ ဒါပေမယ့် အခုတော့ တချိူ့က မီးထွန်းဖို့ မေ့နေကြလေရဲ့။
ဆိုတော့ အခုကမ္ဘာကြီးတည်ရှိနေတာကို မေ့သွားကြလို့များလား။
သို့သော် ကျွန်မတို့ရဲ့လမင်းကြီးက သူမရဲ့အလင်းရောင်နဲ့ ကမ္ဘာကြီးကို အလင်းရောင်ပေးထားတယ်။ ဒါကြောင့်များ လူတွေ မီးထွန်းဖို့ မေ့သွားကြတာများလား။
ဘာကြောင့်လဲဆိုတော့ ကမ္ဘာကြီးက လရဲ့အလင်းရောင်ကြောင့် တောက်ပနေတာကိုး။ သူမရဲ့အလင်းက ကမ္ဘာကြီးတစ်ခုလုံးကို အရိပ်တောင်မရအောင် နေ့ခင်းကြောင်တောင်မှာလိုပဲလင်းလက်နေတယ်။
လပြည့်မှာ မီးထွန်းဖို့မေ့နေသောလည်း လရဲ့တောက်ပလင်းလက်တဲ့ အလင်းတန်းတွေက ကမ္ဘာကြီးကို ထိန်သွားအောင် အလင်းဓါတ်တွေပေးနေပါတယ်။
ဘယ်သူမှ လပြည့်ညမှာ ပုန်းခိုနေလို့ မရပါဘူး။ သည်လိုလှပတဲ့လမင်းကြီးကို တွေ့ရတာ ကျွန်မ၀မ်းသာကြည်နူးမိပါတယ်။
မိခင်လမင်းကြီးရေ… ကျွန်မတို့ရဲ့ အလုပ်တွေသိပ်များတဲ့ သည်မြို့ သည်ရွာ ခရီးဆက်နေရသော်လည်းပဲ၊ ၀မ်းနည်းငိုကြွေးနေတဲ့ တောင်တန်းတွေရဲ့ အော်သံတွေကို ကြားနေရသောလည်းပဲ …
နေလုံးကြီးထွက်လာတာကို မြင်ရတာလေးကိုပဲ ကြည့်ပြီး ၀မ်းသာနေရမှာလား
အလင်းတန်းတွေနဲ့တောက်ပနေတာကိုပဲ ကြည့်ပြီး ကြည်နူးနေရမှာလား။
ကောက်ရိတ်သိမ်းကြ ပျိူးကြဲကြတဲ့ ရာသီပွဲတွေကိုကြည့်နေရတာကိုပဲ ပျော်ရွင်ကြေနပ် နေရမှာလား။
ဟောဒီ မုန်းတီးမူတို့၊ အာဏာရှင်တွေ နှိပ်စက်တာတို့၊ ကြောက်ရွံ့မူတို့တွေက လူသားတွေရဲ့ နှလုံးသားမှာ အမြဲတန်းအမြစ်တွယ်အောင် မလုပ်နိုင်ဘူး ဆိုတာကရော တကယ်ပဲလား။
ကျွန်မတို့ရဲ့ မျက်ရည်တွေ မြန်မြန်ပဲ ခြောက်ခမ်းပြီး အလုပ်တွေသိပ်ရူပ်နေတဲ့ကျွန်မတို့ရဲ့စိတ်ထဲကို ဖယောင်းတိုင်လေးနဲ့ လပြည့်ညကို ထွန်းညှိဖို့ သတိပေးလိုက်ပါဦးလေ။
ဟောသည်လိုချိူမြိန်တဲ့စာလုံးတွေနဲ့ ကမ္ဘာကြီးကို မျော်လင့်ချက်အလင်းရောင်လေးပေးပြီး နိုက်တင်းဂေးရဲ့ နှူတ်ဖျားမှာ တေးသီးချင်းအဖြစ် သီကြွေးရင်း ဟောသည်ကမ္ဘာမှာ အားလုံး ရန်သူများ ကင်းဖို့ဆုတောင်းကာ လမင်းကြီးကလည်း ကျွန်မတို့ဘက်က တသက်လုံး ထွန်းလင်းတောက်ပ ပေးနေပါစေသတည်း။ 

------------------

“လရောင်သာတဲ့ညပြည့်ညအောက်မှာ ဘယ်သူက ကျွန်မနဲ့အတူ ကမ္ဘာကြီးကို အလင်းတွေ ထွန်းညှိပေးချင်ကြပါသလဲ“။ ဟောသည် လပြည့်ညအောက်မှာ ဖတ်ထားမိတဲ့ကဗျာတစ်စကို ငြီးလိုက်မိတယ်။
ဒီလပြည့်ညမှာ တောင်တန်းတွေဆီက ငိုကြွေးသံတွေကို ကြားတယ်။ ဒါပေမယ့်သည်လို လပြည့်ညသန်းခေါင်ယံမှာ ဘာတွေများဖြစ်ကြမှာလဲ ဆိုတာကို မသိဘူး။ င့ါနှယ့်.. ကံကောင်းတယ်လို့ ပြောရမှာလား … ဟောသည်နောက်တနေ့မနက်စောစောကြီးမှာ ဘာတွေဖြစ်ကြမှာလဲ ဆိုတာကို မသိလိုက်ဖူးလေ။
ဟောသည် ၀င်းပနေတဲ့ လပြည့်ဝန်းကြီးအောက်မှာပေါ့ …. တောင်တန်းတွေဆီက အော်ဟစ်သံတွေလား၊ သွေးဆာနေတဲ့ မကောင်းဆိုးဝါး တွေရဲ့ နိုးထလာတဲ့အသံတွေလား …. အဲသည်လိုအဖြစ်တွေနဲ့ သည်လိုအချိန်မှာ ကျွန်မက အိပ်လို့ကောင်းနေလိုက်တာ။ စိတ်မကောင်းစရာအဖြစ်တွေဟာ အဲသည်လပြည့်ညသန်းခေါင်ယံမှာ ဖြစ်ပျက်ခဲ့ပြီ။ ၀မ်းနည်းကြေကွဲနေတဲ့ မျက်ရည်တွေနဲ့ မျက်နှာသစ်၊ ညီးတွားသံတွေလွှမ်းနေတဲ့ လေထုကိုရူရိူက်၊ နာကြင်စွာငိုကြွေးသံတွေကို သောတဆင်၊ အသည်းနှလုံး ကွဲကြေကျနေတာကို ခံစား၊ ငါတို့တိုင်းပြည်ကြီးရဲ့လပြည့်ညအောက်က အဖြစ်ဆိုးကိုကြားလိုက်ရပြီ။
သည်လိုကြောက်စရာအဖြစ်အပျက်ကို မြင်သိကြားသိပြီးတော့ အသည်းနှလုံး မကြေကွဲ၊ မတုန်လှူပ်တဲ့သူ ရှိနိုင်ပါ့မလား။ ဒါအိပ်မက် များလား… ညက လသာနေတာကိုကြည့်ရင်း မိုးချူပ်သွားတာ မှတ်မိနေတယ်။
ညပြည့်ည… တန်ဆောင်တိုင်လပြည့်နေ့… ဆိုတာတဲ့….. သံယာတော်များကို သင်္ကန်းတော်များ ကပ်လှူတဲ့ကာလ….. လှူဖွယ်ပစ္စည်းများ ကပ်လှူပ် ရတဲ့ ကာလတဲ့…. မေမေကြီးပြောနေကျစကား …. ဘဘကြီးရဲ့ ဆုံးမစကားသံတွေ ကြားနေတယ်…..။
သည်တော့ ဘယ်လိုလုပ်ပြီး ရွှေဝါရောင်သင်္ကန်းတော်က အဲသည်မနက်စောစောကြီးမှာ ကြောက်ရွှံ့ဖွယ်အဖြစ်ဆိုးနဲ့ကြုံကြရမှာလဲ။ သည်လိုညပြည့်ညအောက်မှာ ဖြစ်ခဲ့တာတွေကို မယုံနိုင်ဘူး။ ဒါပေမယ့် မျက်မြင်သက်သေတွေက ပြောတယ်၊ အဲဒါမနက်စောစောကြီးမှာ တကယ်ပဲ ဖြစ်ပျက်ခဲ့သတဲ့။
သြော်… ကြင်နာခြင်းကင်းမဲ့တဲ့ သည်ကမ္ဘာကြီးကို ထားရစ်ကာ ထွက်ခွာသွားကြတဲ့ ကျွန်မအဘိုးအဘွားများအတွက် သည်လိုလသာသာ အောက်က တုန်လှူပ်ဖွယ်အဖြစ်ဆိုးကို မတွေ့မမြင်သွားရလေခြင်းလို့ ကြံဖန်ပြီး ၀မ်းသာမိပါရဲ့။ ဒါပေမယ့် သည်လိုလသာသာ အောက်မှာ ဖြစ်ခဲ့ရတဲ့အိပ်မက်ဆိုးကို ကြုံတွေ့ခဲ့သူများအတွက်တော့ပုံမှန်အခြေအနေရောက်ဖို့ အချိန်တွေယူကြရပေလိမ့်ဦးမယ်။ အခုထိ နာကြင်ခံစားနေရဆဲသူတို့တွေကို ဘယ်လိုနှစ်သိမ့်ရမှန်းလည်း မသိ။ သို့သော်လည်း ဟောသည်ချရေးလိုက်မိတဲ့ ၀မ်းနည်းစာနာမိတဲ့ စကားလုံးများဟာ ကျွန်မအဘိုးအဘွားများရဲ့ နှလုံးသားတွေက ထွက်ပေါ်လာတာများဖြစ်တယ် ဆိုတာကိုတော့ မှတ်တမ်းတင်ချင်တယ်။

(Junior Win ရေးသားထားသော Under The Moon Lit Night 2 ကိုကိုယ်တိုင်ဘာသာပြန်ထားသည်။)


NLABR
Web-site: www.nlabr.com
Facebook: Sa Maung