28.12.2012 နေ့ဖတ်ရန်သတင်းများ

by Myanmar Journal on Friday, December 28, 2012 at 6:36am ·

ဘနာဇီယာ ဘူတိုရဲ့ သား နိုင်ငံရေးထဲ ဝင်ပြီ

အသက် ၂၄ နှစ်သာ ရှိသေးတဲ့ ဘီလာဝဲလ်ရဲ့ ပထမဆုံး လူထု စည်းဝေးပွဲ မိန့်ခွန်း ဖြစ်ပါတယ်

ပါကစ္စတန် နိုင်ငံ မှာ လွန်ခဲ့တဲ့ ၅ နှစ်က လုပ်ကြံ သတ်ဖြတ်ခြင်း ခံခဲ့ရတဲ့ ဝန်ကြီးချုပ် ဘနာဇီယာ ဘူတို အတွက် နှစ်ပတ်လည် အောက်မေ့ဖွယ် အခမ်း အနား ကျင်းပ နေရာ၊ သားဖြစ်သူ ဘီလာဝဲလ် ဘူတို ဇာဒါရီက သူ့ အနေနဲ့ နိုင်ငံရေးမှာ ပါဝင်ပြီ ဖြစ်ကြောင်း၊ သိန်းနဲ့ချီ တက်ရောက် လာကြတဲ့ ပြည်သူ တွေကို မိန့်ခွန်း ပြောကြားခဲ့ ပါတယ်။

ဘီလာဝဲလ် ဘူတို ဇာဒါရီ အနေနဲ့ သူ့ရဲ့ ပထမဆုံး လူထု စည်းဝေးပွဲ မိန့်ခွန်းဖြစ်တဲ့ ဒီပွဲမှာ ပါကစ္စတန်နဲ့ ပတ်သက်တဲ့ သူ့ရဲ့ အမြင်ကို ထုတ်ဖေါ် ပြောကြား သွားခဲ့ ပါတယ်။

နိုင်ငံတောင်ပိုင်း ဆင်းဒ် ပြည်နယ်မှာ ပြုလုပ်တဲ့ ဒီလူထု စည်းဝေးပွဲကို တက်ရောက် လာကြ သူတွေဟာ လာကာနာ မြို့ တခုလုံးမှာ ယာယီ တဲတွေ ထိုးပြီး လာစောင့် နေ ကြတာ ဖြစ်ပါတယ်။

ဘီလာဝဲလ် ဘူတို ဇာဒါရီကို ကလေးငယ် ဘဝထဲက ကောင်းကောင်း သိခဲ့သူ၊ ဘနာဇီယာ ဘူတိုရဲ့ မိတ်ဆွေ Victoria Schofield ကတော့၊ ဘီလာဝဲလ်ဟာ ငယ်ရွယ် သေးသူ ဖြစ်ပေ မယ့်လည်း ပါကစ္စတန်ရဲ့ ကြီးမား လှတဲ့ အခက် အခဲ တွေကို ကျော်လွှား နိုင်မယ်လို့ ထင်မြင်ကြောင်း ပြောကြား ပါတယ်။

လက်ရှိ အာဏာရ အစိုးရဟာ ပြီးခဲ့တဲ့ ငါးနှစ် အတွင်း ဝေဖန်မှု တွေကို ကျယ်ကျယ် ပြန့်ပြန့် ခံခဲ့ရ ပေမယ့်လည်း အခုလို ပြည်သူ အများက ထောက်ခံမှု ရှိနေဆဲ ဖြစ်တယ် ဆိုတာကို ဖေါ်ပြချင် နေတာ ဖြစ်တယ်လို့ ဘီဘီစီ သတင်း ထောက်က ပြောပါတယ်။

ထိုင်းနိုင်ငံရောက် သံဃာများ ကျန်းမာရေး

လက်ပံတောင်းတွင် ဒဏ်ရာရခဲ့သော သံဃာတော်

ထိုင်းနိုင်ငံမှာ ရောက်ရှိပြီး ဆေးကုသနေတဲ့ အသျှင်တိက္ခ ဉာဏနဲ့ ကိုရင် အသျှင်သစ္စန တို့ရဲ့ ကျန်းမာရေး အခြေအနေဟာ တိုးတက်ကောင်းမွန်လာပေမဲ့ လုံးဝစိတ်ချရတဲ့ အနေ အထားတော့ မရှိသေးဘူးလို့ ဆိုပါတယ်။

ကိုရင် အသျှင်သစ္စနကို ကြာသပတေးနေ့မှာ ခွဲစိတ် ကုသမှု လုပ်ခဲ့ပါတယ်။ ကိုရင် သစ္စနရဲ့ ဒဏ်ရာရနေတဲ့ ပေါင်က ဒဏ်ရာအတွက် ဒဏ်ရာမရတဲ့ ပေါင်က အသားကို ခွဲစိတ်ကုသ အစားထိုးပေးခဲ့ တာဖြစ်ပါတယ်။

ဆရာတော် အသျှင်တိက္ခဉာဏကတော့ ခွဲစိတ် အစားထိုးမှု အများအပြား ပြုလုပ်ရတဲ့ အတွက် ဝေဒနာကို တော်တော် ပြင်းပြင်းထန်ထန်ခံစားနေရဆဲ ဖြစ်တယ်လို့ ဆရာတော်ကို ပြုစုစောင့်ရှောက်ပေးနေတဲ့ ဆရာတော် အသျှင်သူရိယက ပြောပါတယ်။

ဆရာတော် အသျှင် တိက္ခဉာဏရဲ့ ကျန်းမာရေးဟာ အသက်အန္တရာယ်ကို မစိုးရိမ်ရတော့လောက်အောင် စိတ်ချရတဲ့ အနေအထားရောက်ပြီလားလို့ မေးရာမှာတော့ လုံးဝ စိတ်ချရတဲ့ အနေ အထားမရောက်သေးဘူးလို့ ဆရာတော် အသျှင်သူရိယက မိန့်ကြားပါတယ်။

ဘန်ကောက်ဆေးရုံကြီးမှာ ဆေးကုသရတာ ကုန်ကျစရိတ်သိပ်များတဲ့ အတွက် စစ်ဆေးရုံမှာ ပြောင်းရွှေ့ကုသနေတယ်လို့လည်း ဆိုပါတယ်။

စစ်သွေးကြ အကြမ်းဖက်မှု တိုက်ဖျက်မယ်လို့ ဘူတို မျိုးဆက်သစ်က ပြော

လွန်ခဲ့တဲ့ ၅ နှစ်က လုပ်ကြံခံရပြီး ကွယ်လွန်သွားတဲ့ ပါကစ္စတန် ဝန်ကြီးချုပ်ဟောင်း ဘနာဇီယာ ဘူတိုရဲ့သား ဘီလာဝါးက ဒီမိုကရေစီကို ကာကွယ်ဖို့ စစ်သွေးကြွ အကြမ်းဖက်မှုကို တိုက်ဖျက်သွားမယ်လို့ သူ့ရဲ့ ပထမဆုံး နိုင်ငံရေး မိန့်ခွန်းမှာ ပြောကြား သွားပါတယ်။

သူတို့ မိသားစု ဇာတိ ဆင်း ပြည်နယ် တောင်ပိုင်းက ဘာနာဇီယာဘူတို လုပ်ကြံခံရတဲ့ ၅ နှစ်မြောက် နှစ်ပတ်လည် အခမ်းအနားမှာ ပြောကြားခဲ့တာပါ။

သူ့မိခင် ဟာ ဒီမိုကရေစီ ရှင်သန်ဖို့ အသက်ကို စတေးသွားခဲ့သူ ဖြစ်ကြောင်း ဘီလာဝါး ဘူတို ဇာဒါရီက ထောက်ခံသူ တွေကို ပြောကြား ခဲ့ပါတယ်။

၂ဝဝ၇ ခုနှစ် ရွေးကောက်ပွဲ မှာ မဲဆွယ်နေစဉ်မှာ ဗုံးခွဲ တိုက်ခိုက်ခံရလို့ မစ္စ ဘူတို ကွယ်လွန် ခဲ့ရပါတယ်။

ငြိမ်းချမ်း လွတ်လပ်တဲ့ ဒီမိုကရေစီ ပါကစ္စတန် နိုင်ငံပေါ်ထွန်းလာရေး အတွက် စစ်သွေးကြွ ဝါဒနဲ့ အစွန်းရောက်ဝါဒတွေ ကို တိုက်ဖျက်သွားမှာ ဖြစ်ကြောင်း ဘီလာဝါးက ဆိုပါတယ်။

မိခင် ဖြစ်သူ တိမ်းပါး သွားပြီး နောက် ပါတီ ဥက္ကဋ္ဌ ဖြစ်လာတဲ့ အောက်စဖို့ဒ် တက္ကသိုလ် ကျောင်းဆင်း ဘီလာဝါးက တာလီဘန် တွေကို အပြစ်တင် ခဲ့ပါတယ်။

ဘီလာဝါးက ထောင်သောင်း ချီတဲ့ ထောက်ခံသူတွေဟာ သူ့အတွက် အာဏာ အခြေအမြစ် ဖြစ်တယ်လို့ ပြောကြား ခဲ့တာပါ။

မစ္စ ဘူတိုရဲ့ ပရိသတ် ထောက်ခံသူ တွေက ဘီလာဝါးကို သူ့အမေ ကိုယ်ပွား အဖြစ် အားတက်သရော ထောက်ခံခဲ့ကြပါတယ်။

၂၅ နှစ် မပြည့်မချင်း ရွေးကောက်ပွဲ ဝင်လို့ မရသေးတဲ့ အတွက် နောက်နှစ်ဆန်းမှာ လုပ်ဖို့များတဲ့ ရွေးကောက်ပွဲကိုတော့ မှီမယ့်ပုံ မပေါ်ပါဘူး။

ဘူတို မိသားစုတွေ ဘယ်လို သတ်ဖြတ် ခံရ စေကာမူ နောက်ထပ် ပေါ်ထွက် လာလိမ့်အုံးမယ် ဆိုပြီး ဘူတို မိသားစု နိုင်ငံရေး ကို ဇောင်းပေးပြီး ဘီလာဝါး မိန့်ခွန်း ပြောသွား ခဲ့တာပါ။

လာမယ့်လ တွေအတွင်း ပါတီမှာ ဘီလာဝါးရဲ့ နိုင်ငံရေး ကဏ္ဍ ပိုကြီး လာလိမ့်မယ်လို့ ယူဆ ကြပါတယ်။

ပီပီပီ ပါတီ အကြီးအကဲ အဖြစ် ဆက်တာဝန် ယူထားပြီး ရွေးကောက်ပွဲ အောင်နိုင်ရေး အတွက် စီမံနေတဲ့ သမ္မတ ဇာဒါရီရဲ့ အရိပ်အောက်က ဘီလာဝါး ရုန်းထွက် နိုင်ဖို့ လိုသေးတယ်လို့ ဘီဘီစီ သတင်းထောက်က မှတ်ချက်ပေးပါတယ်။

ပါကစ္စတန် သမ္မတ အဇစ် အလီ ဇာဒါရီရဲ့ သားလဲဖြစ်တဲ့ ဘီလာဝါးဟာ ပါကစ္စတန် ပြည်သူ့ ပါတီ ဥက္ကဋ္ဌ တာဝန်ကို သိုသိုသိပ်သိပ် ယူနေခဲ့တာဖြစ်ပါတယ်။

စားဝတ်နေရေး ဖူလုံရေးအတွက် ပါတီက ဆက်ပြီး အဓိကထား ဆောင်ရွက်သွားမှာ ဖြစ်ကြောင်း ဘီလားဝါးက ပြောကြား ခဲ့ပါတယ်။

အကြမ်းဖက် ဝါဒနဲ့ တကမ္ဘာလုံး စီးပွားကျ နေတဲ့ဒဏ်တွေကို ရင်ဆိုင်နေရပေမယ့်လဲ ပါကစ္စတန် စီးပွားရေးက ကိုယ့်ခြေထောက်ပေါ် ကိုယ် ရပ်နေနိုင်သေးတယ်လို့ ဘီလာဝါးက ပြောပါတယ်။

သမ္မတ ဇာဒါရီ ကလဲ နောက်နှစ် ရွေးကောက်ပွဲ မျှတ လွတ်လပ် စေရမယ်၊ နောက်မကျ စေရဘူးလို့ ကတိပေး မိန့်ခွန်း ပြောခဲ့ပါတယ်။

မစ္စ ဘူတိုနဲ့ ၁၉၇၉ စစ်အာဏာရှင်ခေတ်က ကြိုးပေး ခံရတဲ့ သူ့ဖခင် ဝန်ကြီးချုပ်ဟောင်း ဘူတိုတို့ ပုံတွေ ကိုင်ဆောင် ထားကြတဲ့ ပွဲလာ ပရိသတ် ကြီးကတော့ အဝေဖန် ခံနေရတဲ့ အာဏာရ ပီပီပီ အတွက် ထောက်ခံမှု အားစမ်းပွဲကြီးပါပဲ။

ဖခင် ဖြစ်သူ သမ္မတ ဇာဒါရီ ပါတီကို ဆက် ဦးဆောင် ပေးနေတုန်း ဖြစ်ပေမယ့် လာဘ်စားမှု စွပ်စွဲချက် တွေကြောင့် ထောက်ခံမှု ကျဆင်းနေပြီ ဖြစ်ပါတယ်။

ဒါကြောင့် ဇာဒါရီကို စိတ်ကုန် နေသူတွေက ပါတီ ထောက်ခံမှု ပြန်တက်လာအောင် သားလုပ်သူကို မျှော်လင့် နေကြတာပါ။

ဘူတို မိသားစု ဟာ ပါကစ္စတန် လွတ်လပ်ရေး ရကထဲက နိုင်ငံရေးမှာ တွင်ကျယ် လာခဲ့ကြတာ ဖြစ်ပါတယ်။

မစ္စ ဘူတို လုပ်ကြံ ခံရမှု လက်သည် ခုထိ မပေါ်သေးဘဲ ၂ဝ၁ဝ ပြည့်နှစ်က ကုလ သမဂ္ဂ လုပ်တဲ့ စုံစမ်းမှု ကိုလဲ ရပ်ဆိုင်း ထားခဲ့ပါတယ်။

ဆီးရီးယား အခြေအနေ ရုရှား သတိပေးပြီ

ရုရှား နိုင်ငံခြားရေး ဝန်ကြီး ဆာဂေး လဗ်ရော့ဗ်

ဆီးရီးယားမှာ ဖြစ်ပျက်နေတဲ့ အခြေအနေ တွေက အချိန်ကြာလာတာနဲ့ အမျှ ပိုပြီး ဆိုးရွား ကျယ်ပြန့် လာနိုင်တယ်လို့ ရုရှား နိုင်ငံခြားရေး ဝန်ကြီး Sergei Lavrov က သတိပေးလိုက်ပါတယ်။

မော်စကို မြို့မှာ ဆီးရီးယား သံတမန်နဲ့ တွေ့ဆုံခဲ့ပြီးနောက် မစ္စတာ လာ့ဗ်ရော့ဗ်က ပြောကြားရာမှာ နိုင်ငံရေး နည်းအရ သဘောတူညီမှု ရဖို့ မျှော်လင့်ချက် နည်းလာပေမယ့် နည်းလမ်း တခုတော့ ရအောင် ရှာသင့်တယ်လို့ ဆိုပါတယ်။

၂၀၁၄မှာ သမ္မတ အာဆက် ရာထူးက ဆင်းပေမယ် ဆိုတဲ့ သတင်းတွေနဲ့ ပတ်သက်လို့ ရုရှားက ငြင်းပယ် လိုက်ပါတယ်။

နိုင်ငံတကာ အထူးသံတမန် Lakhdar Brahimi ကလည်း ဆီးရီးမှာ အမျိုးသား ညီညွတ်ရေး အစိုးရ တရပ် အမြန် ဖွဲ့စည်းဖို့ အစောပိုင်းတုန်းက ပန်ကြားခဲ့တာ ဖြစ်ပါတယ်။

ရသေ့တောင် ကျေးရွာအုပ်ချုပ်ရေးမှူးကို ရဲဖမ်း

ရခိုင်မှာ ချထားတဲ့ ရဲတပ်ဖွဲ့တွေ

ရခိုင်ပြည်နယ် ရသေ့တောင်မြို့နယ်က ကျေးရွာ အုပ်ချုပ်ရေးမှူး တစ်ဦး ရွှေးချယ်တင်မြှောက်ပြီး သိပ်မကြာခင်မှာဘဲ ရဲအဖွဲ့ရဲ့ ဖမ်းဆီးခြင်းကို ခံလိုက်ရတယ်လို့ သိရပါတယ်။

အဖမ်းခံရတဲ့ သူကတော့ ရသေ့တောင်မြို့နယ် ဆားပြင်ကြီးကျေးရွာက အုပ်ချုပ်ရေးမှူး အသစ်အဖြစ် အရွှေးခံရတဲ့ ဦးမဲစိန်အောင်နဲ့ နောက် ရွာသား တစ်ဦးဖြစ်တဲ့ ဦးအေးထွန်းသောင်းတို့ ဖြစ်ကြပါတယ်။

ဦးမဲစိန်အောင်ဟာ အဖမ်းခံရတာကတော့ သူနဲ့ အုပ်ချုပ်ရေးမှူး အဖြစ် ယှဉ်ပြိုင်ရာမှာ ရှုံးနိမ်သွားခဲ့သူ ပြိုင်ဖက်ကနေ မွတ်ဆလင် ရွာကို မီးရှို့ တိုက်ခိုက်ရာမှာ ပါဝင်တယ်လို့ ရဲကို တွန်းအားပေးရာကနေ ဖမ်းဆီးခံရတာ ဖြစ်တယ်လို့ ဒေသအတွင်းမှာ သတင်းတွေ ထွက်ပေါ်နေပါတယ်။

တစ်ဘက်မှာလည်း သူ့ကို ရဲက ဖမ်းဆီးဖို့ လိုလားနေတဲ့ အကြောင်းကို ဒေသခံ ရွာသား တစ်ဦးက ပြောပါတယ်။

အဲဒီ ဒေသက ဆားပြင်ကြီး၊ ဆားပြင်ချေနဲ့ ကျွန်းကြီးရွာတွေကတော့ ညောင်ပင်ကြီး မွတ်ဆလင် မီးရှို့တိုက်ခိုက်မူနဲ့ လူ ၁၉ ဦးကို ဖမ်းဆီးမယ်ဆိုပြီး ရဲက စာရင်းထုတ်ပြန်ထားတယ်လို့ ဆိုပါတယ်။

ဦးမဲစိန်အောင်နဲ့ ဦးအေးထွန်းသောင်းတို့ ကတော့ ပထမဆုံး ဖမ်းဆီးခဲ့တာ ဖြစ်တာဖြစ်ပြီး ကျန်လူတွေကတော့ ဖမ်းဆီးခံရတာ မရှိသေးဘူးလို့ ဆိုပါတယ်။

အခုလို ရဲတပ်ဖွဲ့က အဖမ်းအဆီးတွေ ဖြစ်နေချိန်မှာဘဲ တဘက်မှာ လည်း အောက်တိုဘာ ဆူပူ ဖြစ်စဉ်နဲ့ ဆက်စပ်ပြီး တချို့နေရာတွေမှာ တိုက်ခိုက်မူတွေ ဆက်ဖြစ်နေတာတွေ ရှိနေပါတယ်။

ပေါက်တောမြို့နယ် စိုင်းတုတ်ကျေးရွာကနေ ကဏန်း ဖမ်းနေတဲ့ မောင်တင်အောင်မြင့်နဲ့ မောင်ကျော်သန်းစိုး တို့ကို ငှက်ချောင်းကျေးရွာကနေ မူဆလင် တစ်ချို့က တိုက်ခိုက်တဲ့ အတွက် ဒဏ်ရာ ရရှိခဲ့တယ်လို့ ဒေသခံတွေက ဆိုပါတယ်။

အလားတူ ဒီလ ၂၃ ရက်နေ့ကလည်း မြောက်ဦး မြို့နယ် ဇေယျဝတီ ကျေးရွာက စပါးရိတ်နေတဲ့ လယ်သမားတွေနဲ့ ပေါင်းတုတ် မူဆလင်ရွာက အကြား တိုက်ခိုက်မူ ဖြစ်ပွားတဲ့ အတွက် ရခိုင်လယ်သမား သုံးဦး ဒဏ်ရာ ရပြီး အဲဒီအထဲက ဦးစိန်လှဟာ ဒဏ်ရာ ပြင်းထန်တဲ့ အတွက် စစ်တွေ ဆေးရုံကို ပို့ဆောင် လိုက်ရတယ်လို့ သိရပါတယ်။

အမေရိကန် ဘဏ္ဍာရေး အကျပ်အတည်း

ဆီးနိတ် လွှတ်တော် အမတ် ဒီမိုကရက် ခေါင်းဆောင် ဟယ်ရီ ရိဒ်

အမေရိကန် ပြည်ထောင်စုမှာ fiscal cliff လို့ လူသိများနေတဲ့ ဘီလီယံ ရာနဲ့ချီပြီး အသုံးစရိတ် ဖြတ်တောက်ကာ အခွန်တိုးမြှင့် ကောက်ခံမယ့် အစီအစဉ်ကို ရှောင်ရှားနိုင်မယ့် နည်းလမ်းတခု ရဖို့ မျှော်လင့်ချက်ဟာ ဒီမိုကရက်တစ် ခေါင်းဆောင် Harry Reid စကားကြောင့် မှေးမှိန်သွားခဲ့ ရပါပြီ။

ဒီကိစ္စနဲ့ ပတ်သက်လို့ ခုရက်ပိုင်းတွေ အတွင်း သဘောတူညီချက် မရခဲ့ရင် အမေရိကန်ဟာ နောက်ထပ် စီးပွားဆုတ်ယုတ်မှု ရောက်သွား နိုင်တယ်လို့ စိုးရိမ် ပူပန် နေကြပါတယ်။

ဒီမိုကရက်တစ်နဲ့ ရီပါဘလစ်ကန် ပါတီကြား တဖက်နဲ့ တဖက် ငြင်းခုံ နေမယ့် အစား ဒီဇင်ဘာ ၃၁ ရက်နေ့ နောက်ဆုံး ထားပြီး သဘောတူညီမှု ရအောင် လုပ်ဆောင်ဖို့ လွှတ်တော် အမတ် မစ္စတာ ရိဒ်က တိုက်တွန်း လိုက်ပေမယ့် အဲဒီလို အခြေအနေမျိုး ဖြစ်လာနိုင်ချေ မရှိပါဘူးလို့ သူက ပြောပါတယ်။

ရီပါ့ဘလစ်ကန် လူနည်းစု ခေါင်းဆောင် Mitch McConnell ကတော့ သဘောတူညီမှု ရဖို့ အချိန် တော့ယူရဦးမယ်လို့ ဆိုပြီး ဒီမိုကရက်တွေ လုပ်သမျှကို ရီပါ့ဘလစ်ကန်တွေ အနေနဲ့ သဘောတူနိုင်မှာ မဟုတ်ဘူးလို့ အခိုင်အမာ ပြောလိုက်ပါတယ်။

သမ္မတ အိုဘားမားဟာ ခရစ်စမတ် အားလပ်ရက် ဖြစ်ပေမယ့် ဒီကိစ္စကို ဖြေရှင်းဖို့ အိမ်ဖြူတော်ကို ပြန်လာပြီလို့ သိရပါတယ်။

ကျင့်ဝတ်နဲ့ညီတဲ့ ရင်းနှီးမြုပ်နှံမှုဖြစ်ဖို့ သမ္မတ ညွှန်ကြား

မြန်မာ့တွင်းထွက်ကျောက်မျက်ရတနာ ကျောက်စိမ်း

နိုင်ငံခြားရင်းနှီးမြုပ်နှံမှုလုပ်ငန်းတွေမှာ အထူးသဖြင့် နိုင်ငံတွင်းက သဘာဝတွင်းထွက် သယံဇာတတွေ တူးဖော်ထုတ်လုပ်ရေး လုပ်ငန်းတွေမှာ ပွင့်လင်းမြင်သာမှုရှိပြီးတော့ သဘာဝပတ်ဝန်းကျင်ထိန်းသိမ်းရေးဆိုင်ရာ  အာမခံချက်တွေကို နိုင်ငံတကာ အဆင့်မှီအောင် ဆောင်ရွက်ဖို့ သမ္မတဦးသိန်းစိန်က လမ်းညွှန်ထားပါတယ် လို့ နိုင်ငံတော်သမ္မတရုံးက ပြောပါတယ်။ ဒါပေမယ့် တကယ့်လက်တွေ့မှာတော့ ဒီစီမံကိန်းလုပ်ငန်းတွေကို လုပ်ဆောင်တဲ့နေရာမှာ တာဝန်ရှိသူတွေဘက်က ပွင့်လင်းမြင်သာမှု လုံးဝကို မရှိသလောက်ဖြစ်နေပြီး ဒေသတွင်း သဘာဝပတ်ဝန်းကျင်ထိခိုက်ပျက်စီးပြီး လူနေမှုဘဝတွေကို ထိခိုက်စေတယ်လို့ သဘာဝပတ်ဝန်းကျင် ထိန်းသိမ်းရေး လူပ်ရှားသူတွေက ဝေဖန်ပြောဆိုမှုတွေရှိပါတယ်။ ဒီအကြောင်းဆက်သွယ်စုံစမ်းထားတဲ့ မဆုမွန်က အပြည့်အစုံ ပြောပြပေးပါမယ်။

နိုင်ငံခြားရင်းနှီးမြုပ်နှံမှုလုပ်ငန်းတွေမှာ အထူးသဖြင့် နိုင်ငံတွင်းက သဘာဝတွင်းထွက် သယံဇာတတွေ တူးဖော်ထုတ်လုပ်ရေးလုပ်ငန်းတွေမှာ ပွင့်လင်းမြင်သာမှုရှိပြီး သဘာဝပတ်ဝန်းကျင် ထိန်းသိမ်းရေးဆိုင်ရာ  အာမခံချက်တွေကို နိုင်ငံတကာ အဆင့်မှီအောင် ဆောင်ရွက်ဖို့ သမ္မတဦးသိန်းစိန်က လမ်းညွှန် ထားပါတယ် လို့ နိုင်ငံတော်သမ္မတရုံး က ပြောပါတယ်။ ပြုပြင်ပြောင်းလဲရေးတွေ လုပ်ဆောင် လာပြီဖြစ်တဲ့ အရပ်သားအစိုးရ လက်ထက်မှာ နိုင်ငံခြားရင်းနှီးမြုပ်နှံမှုလုပ်ငန်းတွေနဲ့ ပတ်သက်ပြီး နိုင်ငံခြား ရင်းနှီးမြုပ်နှံမှုဥပဒေတွေကို ပြဌာန်းပြီး နိုင်ငံတကာအဆင့်မှီ အောင် ကြိုးစားနေပါတယ်လို့ သမ္မတရုံး ညွန်ကြားရေးမှူးဦးဇော်ဌေးက ဗွီအိုအေမြန်မာပိုင်းကို ပြောပါတယ်။

“နောက်ပိုင်းလုပ်မယ့် လုပ်ငန်းတွေကတော့ တွင်းထွက်သယံဇာတပေါ့နော်။ အဲ့တာတွေကို တူးဖော်တဲ့ လုပ်ငန်းတွေနဲ့ပတ်သက်ပြီး၊ ကျနော်တို့နိုင်ငံက နိုင်ငံတကာ လုပ်ထုံးလုပ်နည်းတွေ၊ အထူးသဖြင့် ကျနော်တို့ တွင်းထွက်သယံဇာတ တူးဖော်ရေးလုပ်ငန်းတွေမှာ၊ ပွင့်လင်းမြင်သာမှု၊ ဘယ်လိုလုပ်တယ်၊ ဘယ်လိုကိုင်တယ်။ နောက် သဘာဝပတ်ဝန်းကျင်ထိန်းသိမ်းမှု၊ Social Impact  ထိန်းသိမ်းမှု၊ စသည်ဖြင့်ပေါ့၊ ဘက်စုံ၊ ဆိုလိုတာက Sustainable Investment၊ နောက် Responsible Investment  အဲ့တာတွေနဲ့ပတ်သက်လို့တော့ သမ္မတ အခုလုပ်နေတာရှိပါတယ်။ အဲ့တာတွေကတော့ ဘယ် Investment ပဲဖြစ်ဖြစ်ပါ။ တရုတ်ပဲဖြစ်ဖြစ်၊ ဘာပဲဖြစ်ဖြစ်  ဒါနဲ့ပဲ လုပ်သွားမှာပါ။ အခုနောက်ပိုင်းကတော့။ ဟုတ်ကဲ့။ ” 

အခုလိုမျိုး နိုင်ငံတော်သမ္မတရုံးဘက်က ပြောပေမယ့် တကယ့်လက်တွေ့မှာတော့ ဒီစီမံကိန်းလုပ်ငန်းတွေကို လုပ်ဆောင်တဲ့နေရာမှာ တာဝန်ရှိသူတွေဘက်က ပွင့်လင်းမြင်သာမှု လုံးဝမရှိသလောက်ဖြစ်နေပြီး ဒေသတွင်း သဘာဝပတ်ဝန်းကျင် ထိခိုက်ပျက်စီးပြီး လူနေမှုဘဝတွေကို ထိခိုက်စေပါတယ်လို့ သဘာဝပတ်ဝန်းကျင် ထိန်းသိမ်းရေး လူပ်ရှားသူတွေက ဝေဖန်ပြောဆိုမှုတွေရှိပါတယ်။ နောက်ပြီးတော့ ဒေသတွင်းမှာ ရေရှည်ဖြစ်နိုင်တဲ့အကျိုးဆက်အတွက် သဘာဝပတ်ဝန်းကျင် ထိခိုက်မှု အနည်းဆုံး  ဖြစ်အောင် တွက်ချက်နိုင်တဲ့ တကယ်ကျွမ်းကျင်တဲ့ ပညာရှင်တွေရဲ့ စုံစမ်းစစ်ဆေးချက် ပါဝင်မှုတွေကလည်း  အားနည်းနေတာကိုလည်း တွေ့ရတယ်လို့ သဘာဝပတ်ဝန်းကျင် ထိန်းသိမ်းရေး လှုပ်ရှားသူ ကာတွန်းဆရာ  အော်ပီကျယ်က ဗွီအိုအေမြန်မာပိုင်းကို ပြောပါတယ်။

“သဘာဝရင်းမြစ်တွေကို တူးဖော်တဲ့အခါမှာ ဖြစ်နိုင်တဲ့အကျိုးဆက်တွေ၊ နောက်တခုက ထိခိုက်တော့ ထိခိုက်တာချည်းပဲ၊ သို့သော် ထိခိုက်မှု အနည်းဆုံးဖြစ်အောင်၊ ဘယ်လိုဆောင်ရွက်မယ်ဆိုတာကို အဲ့တာတွေကလည်း ကျနော်တို့ဒီအတိုင်း ဘာမှမတိုင်းတာဘဲနဲ့ ဒီလိုလွယ်လွယ်ကူကူ မလုပ်ဘူး။ ဒါတွေ အန္တရာယ်မဖြစ်စေရဘူးလို့ ပြောလို့မရဘူး။ ဘာတွေ ဘယ်လောက်ဖြစ်နိုင်တယ်ဆိုတဲ့ Social Impact တွေ၊ နောက် ဒီသဘာဝ Impact တွေ၊ အကုန်လုံးကို တကယ့်ပညာရှင်တွေက သေချာတိုင်းရမှာပါ။ ကျနော်တို့ဆီမှာကို ဒီတိုင်းတာတဲ့ပညာရှင်က နည်းနည်းလေးပဲ ရှိတယ်လေ။ သူ့ရဲ့အကျိုးဆက်ပေါ့၊ ပစ္စုပ္ပန်နဲ့ အနာဂတ်မှာ အခုလုပ်ခဲ့တာ ဆက်လုပ်လို့ရှိရင် ဘာအကျိုးဆက်တွေ ရှိတယ်ဆိုတာတော့ တကယ်ကျွမ်းကျင်တဲ့သူနဲ့ သေချာစစ်ဆေးပြီးမှ လုပ်ရမှာပါ။”ဒေသတွင်းမှာ တည်ဆောက်လုပ်ကိုင်မယ့် စီမံကိန်းအမျိုးအစားပေါ်မှာ မူတည်ပြီးတော့ ဒေသခံပြည်သူတွေကို နောက်ပြီးတော့ လူမှုပတ်ဝန်းကျင်ကို ထိခိုက်နစ်နာမှု နည်းနိုင်သမျ နည်းအောင်၊ စနစ်တကျ လုပ်ဆောင်ပြီးတော့ စီမံကိန်းအခြေအနေကို ပွင့်လင်းမြင်သာမှုရှိရှိနဲ့ ပြည်သူတွေကို အခြေအနေကို ချပြနိုင်ရမယ်လို့ အော်ပီကျယ်က ပြောပါတယ်။

“သူတို့ဘာလုပ်သလဲ၊ ရေကာတာလုပ်တာလား၊ ကြေးနီဖော်တာလား၊ ယူရေနီယံဖော်တာလား၊ အဲ့တာ သူဖြစ်လာမယ့် အကျိုးဆက်တွေ အကုန်လုံးက ဒေသခံနဲ့ရော ပညာရှင်နဲ့ရော သေချာညှိရမှာပါ။ အဲ့တာတွေညှိတာကတော့ အခုထက်ထိ မကြားဖူးသေးဘူးလေ။ အခုဟာက ပြီးခါမှ လျော်ကြေးပေးတာပေါ့။ လျော်ကြေးပေးတာလောက်နဲ့ မရဘူးဗျ။ ကျနော်တို့က ဒါဘယ်လောက်ထိခိုက်နိုင်တယ်၊ မထိခိုက်အောင် ဘယ်လိုလုပ်ရမယ်။ ထိခိုက်မှုနည်းအောင် ဘယ်လိုလုပ်ရမယ် ဆိုတာ အဲ့တာတွေက ပြည်သူကို အကုန်ချပြရမှာ။ အခုဟာက ပြီးခဲ့တဲ့ဟာတွေကလည်း ပွင့်ပွင့်လင်းလင်း ကျနော်တို့က တစ်ခုမှ မသိရဘူး။”

အခုဆိုရင် စီးပွားရေးလုပ်ငန်းတွေ လုပ်ကိုင်ခွင့် ပွင့်လင်း လွတ်လပ်စ ပြုလာတဲ့ မြန်မာနိုင်ငံမှာ နိုင်ငံခြားရင်းနှီးမြုတ်နှံမှုတွေ လုပ်ကိုင်တဲ့အခါမှာ အရင်စစ်အစိုးရ လက်ထက်တုန်းက လုပ်ခဲ့တဲ့စီမံကိန်းတွေအပြင် ရှေ့ဆက်ပြီး လုပ်ဆောင်လာမယ့် စီမံချက်တွေနဲ့ ပတ်သက်ပြီးလည်း နိုင်ငံသားတစ်ယောက်အနေနဲ့ အော်ပီကျယ်က အခုလိုအကြံပြုပါတယ်။

“ကျနော်ကတော့ ပွင့်လင်းမြင်သာဖို့ပဲ၊ နောက်ပြီးတော့ ဥပဒေကို တကယ်လိုက်နာဖို့ပဲ၊ ကိုယ့်မြေကိုယ်ရေကို တိုးလည်း တိုးတက်စေချင်တယ်၊ မပျက်လည်း မပျက်စီးစေချင်ဘူး။”

နိုင်ငံခြားရင်းနှီးမြုတ်နှံသူတွေဘက်က ပွင့်လင်းမြင်သာမှုနဲ့ လူမှုပတ်ဝန်းကျင်တွေအတွက် အာမခံချက်မျိုးရှိသင့်တယ်လို့ သမ္မတက လမ်းညွှန်ခဲ့ပြီး  အခု မြန်မာနိုင်ငံမှာ ရင်းနှီးမြုတ်နှံမှု အများဆုံး လုပ်ကိုင်နေတဲ့ တရုတ်နိုင်ငံက စီးပွားရေးကိုယ်စားလှယ်တွေနဲ့ နှစ်နိုင်ငံ စီးပွားရေးသဘောတူညီချက်တွေ လုပ်ဆောင်ဖို့အတွက်လည်း ဆွေးနွေးနေကြပါတယ်လို့ သမ္မတရုံးက ပြောပါတယ်။

လက်ပံတောင်းတောင်စီမံကိန်း MEIပညာရှင်အဖွဲ့ ကွင်းဆင်းစစ်ဆေး

 လက်ပံတောင်းတောင် ကြေးနီစီမံကိန်းနေရာ

လက်ပံတောင်းတောင် ကြေးနီစီမံကိန်းနဲ့ ပတ်သက်ပြီး ပြည်တွင်းပညာရှင်တွေ ပါဝင်တဲ့ မြန်မာ့ပတ်ဝန်းကျင်သိပ္ပံ (MEI)က လက်ပံတောင်းတောင်း စီမံကိန်းဒေသမှာ လေ့လာစုံစမ်းမှုတွေ စတင်လုပ်ဆောင်နေပြီဖြစ်ပါတယ်။ လက်ပံတောင်းတောင်ကြေးနီစီမံကိန်းကြောင့် ဖြစ်လာနိုင်တဲ့ သဘာဝပတ်ဝန်းကျင်နဲ့ လူမှုဘဝအကျိုး သက်ရောက်မှုတွေကို ကျွမ်းကျင်သူ ပညာရှင်တွေအနေနဲ့ သေချာ စုံစမ်း စစ်ဆေးပေးဖို့ ဒေါ်အောင်ဆန်းစုကြည် ခေါင်းဆောင်တဲ့ လက်ပံတောင်းတောင် စုံစမ်းစစ်ဆေးရေး ကော်မရှင်က  အကူအညီတောင်းခံခဲ့တာဖြစ်ပါတယ်။ ဒီအကြောင်း အသေးစိတ်ကို ဆက်သွယ်စုံစမ်းထားတဲ့ မဆုမွန်က ပြောပြပေးပါမယ်။

အခုဆိုရင် စစ်ကိုင်းတိုင်း မုံရွာခရိုင် ဆားလင်းကြီးမြို့နယ်က လက်ပံတောင်းတောင် ကြေးနီစီမံကိန်းဒေသကို မြန်မာ့ပတ်ဝန်းကျင် သိပ္ပံ (MEI) က ပြည်တွင်းပညာရှင်တွေ ရောက်ရှိနေပြီဖြစ်ပါတယ်။ လက်ပံတောင်းတောင်စီမံကိန်းနဲ့ ပတ်သက်ပြီး  စုံစမ်းစစ်ဆေးမှုတွေ စတင်ပြီး လုပ်ဆောင်နေကြတာပါ။ လက်ပံတောင်းတောင် ကြေးနီစီမံကိန်း ထုတ်လုပ်တဲ့ လုပ်ငန်းကြောင့် လက်ပံတောင်းတောင်ဒေသအတွင်း ဖြစ်လာနိုင်တဲ့ သဘာဝပတ်ဝန်းကျင် ထိခိုက်မှုတွေကို အကဲဖြတ်နိုင်ဖို့နဲ့ ဒေသခံပြည်သူတွေရဲ့ လူမှုဘဝ အကျိုးသက်ရောက်လာနိုင်မှုတွေကို စုံစမ်းနိုင်ဖို့အတွက် ဘာသာရပ်အလိုက် ကျွမ်းကျင်တဲ့ ပညာရှင် ၁၂ ဦးအဖွဲ့ကို  တာဝန်ပေးအပ်လိုက်တာဖြစ်ပါတယ်။စုံစမ်းစစ်ဆေးရေးကော်မရှင်အဖွဲ့ရဲ့ ဆုံးဖြတ်ချက်နဲ့ ဒီပညာရှင်အဖွဲ့ကို မေတ္တာရပ်ခံ အကူအညီတောင်းခံခဲ့တာဖြစ်တယ်လို့ စုံစမ်းစစ်ဆေးရေးကော်မရှင်အဖွဲ့ဝင် ဒေါ်ခင်စန်းလှိုင်က ဗွီအိုအေမြန်မာပိုင်းကိုပြောပါတယ်။

“ဟုတ်ပါတယ်ရှင့်။ စီမံကိန်းဒေသတွေအားလုံးပါ။ ကြေးနီစီမံကိန်းတူးဖော်နေတဲ့ နေရာတွေလည်း သူတို့ဝင်ရောက်ကြတယ်။ ဝင်ရောက်ပြီးတော့ သူတို့လေ့လာတယ် ဒေသခံပြည်သူတွေနဲ့လည်း သူတို့တွေ့ဆုံတယ်။ နောက်ပြီးတော့ ဒေသတွင်းမှာရှိတဲ့ ရေနမူနာ၊ မြေနမူနာပေါ့နော်။ ဒါတွေလည်း သူတို့လေ့လာနေတယ်ဆိုတော့ ပညာရှင်တွေအားလုံး ၁၂ဦးသည် ဆောင်ရွက်ရန်ကိစ္စရှိတဲ့ အဲ့ဒီ့ထဲမှာ ဖော်ပြထားတဲ့ ၁၁ချက်ကို အားလုံးကဆောင်ရွက်ကြမှာဖြစ်ပါတယ်။”

အခုလက်ပံတောင်းတောင်ဒေသထဲမှာ စုံစမ်းလေ့လာမှုတွေ စတင်လုပ်ကိုင်နေပြီဖြစ်တဲ့ ပညာရှင်အဖွဲ့ရဲ့ လေ့လာတွေ့ရှိချက်တွေကို စုံစမ်းစစ်ဆေးရေး ကော်မရှင်ကို ၂ ပတ်အတွင်း ပြန်အစီရင်ခံကြမှာဖြစ်တယ်လို့ မြန်မာ့ပတ်ဝန်းကျင်သိပ္ပံ (MEI) အဖွဲ့မှာ ပါဝင်သူ ဒေါက်တာစိုးသူရထွန်းကလည်း ဗွီအိုအေမြန်မာပိုင်းကို ပြောပါတယ်။

သူပြောသွားတာကတော့ သဘာဝ ပတ်ဝန်းကျင်ဆိုင်ရာ လေ့လာမှုတွေလုပ်ဖို့ သူတို့အဖွဲ့ရောက်နေကြတာပါ။ လေ့လာတွေ့ရှိချက်တွေကို သူတို့ပြန်ပြီးတော့ တင်ပြမှာပါ။ ဘာတွေလေ့လာတွေ့ရှိတယ်ဆိုတာတော့ အစီရင်ခံစာမှာ အဆင့်ဆင့်ပါသွားမှာဖြစ်ပါတယ်။ဒါပေမယ့် သူတို့ရဲ့ တာဝန်က စုံစမ်းစစ်ဆေးလေ့လာနေတဲ့ အချိန်မှာတော့ ပြောခွင့်မရှိပါဘူး။ လေ့လာတွေ့ရှိချက်တွေကို အစီရင်ခံစာ ထုတ်ပြန်ဖို့ကတော့ ကော်မရှင်အနေနဲ့ ဆက်ပြီးတော့ လုပ်ဆောင်သွားမှာပါ လို့ ပြောသွားတာဖြစ်ပါတယ်။ အခုလက်ရှိမှာတော့ ပညာရှင်အဖွဲ့ဟာ လက်တွေ့ကွင်းဆင်းစစ်ဆေးမှုတွေ စတင်နေပြီလို့လည်း ဒေါက်တာစိုးသူရထွန်းကပြောပါတယ်။

ပညာရှင်တွေ လေ့လာတွေ့ရှိချက်တွေအပေါ် စုံစမ်းစစ်ဆေးရေးကော်မရှင်ကို တင်ပြအစီရင်ခံမှာဖြစ်ပြီး ကော်မရှင်ကနေတဆင့်  ကြားဖြတ် အစီရင်ခံစာအဖြစ် ၂ဝ၁၃ ခုနှစ်၊ ဇန်နဝါရီလ ၃၁ ရက်နေ့မှာ သမ္မတကို ပြန်တင်ပြမှာဖြစ်ပါတယ်လို့ ကော်မရှင်အဖွဲ့ဝင် လွှတ်တော်အမတ် ဒေါ်ခင်စန်းလှိုင် က ပြောပါတယ်။

“ကျမတို့ စုံစမ်းစစ်ဆေးရေးကော်မရှင်မှာကတော့ ကျမတို့ပညာရှင်တွေမပါပါဘူး။ ၁၆ဦးထဲမှာ ပြည်သူ့လွှတ်တော်ကိုယ်စားလှယ်တွေနဲ့ နောက် အပြင်က ဌာနဆိုင်ရာ အရာရှိတွေပါပဲ။ ဒါတွေနဲ့ဖွဲ့စည်းထားတော့ ကျမတို့အဖွဲ့အနေနဲ့ကတော့ ဒေသဆိုင်ရာပြည်သူတွေရဲ့ ခံစားချက်တွေနဲ့ သဘာဝပတ်ဝန်းကျင်တွေ၊ ကျမတို့မျက်မြင် ကိုယ်တွေ့ပေါ့နော်။ ဒေသ ဆိုင်ရာတွေနဲ့ တွေ့ဆုံခဲ့ပြီးတော့မှ နားထောင်ရတာတွေ၊ ကျမတို့တတွေ တွေ့ကြုံရတာတွေ၊ ဒါတွေကိုဘဲ ကျမတို့က လုပ်နိုင်ပါတယ်။ အဲ့တော့ ကျမတို့က ရေထုမြေထုပေါ့နော်။ ရေထုမြေထုပျက်စီးနေတာတွေ၊ သဘာဝပတ်ဝန်းကျင်၊ လူမူဘဝပတ်ဝန်းကျင် ပျက်စီးနေရတာတွေ ဒါတွေကိုတော့ ကျမတို့က ပညာရှင်တွေနဲ့လေ့လာမှပဲ၊ ပညာရှင်တွေ ဖော်ထုတ်မှပဲ အမှန်အတိုင်း တွေ့နိုင်မှာဖြစ်တယ်။ ဒါကြောင့်မို့လို့ ကျမတို့ကော်မရှင်ကနေပြီးတော့မှ ကော်မရှင်အစည်းအဝေးထိုင်တဲ့အချိန်မှာ ဒီအတိုင်းဆိုရင်တော့ ကျမတို့တတွေက ဒီလောက်နဲ့တော့ ကျမတို့က အပေါ်ယံလောက်ပဲ လေ့လာနိုင်မယ်။ အဲ့တော့ တကယ့်ပညာရှင်တွေပါဝင်ပြီးတော့ ပညာရှင်တွေ လေ့လာတာ သင့်တော်မယ်ဆိုတော့ ကျမတို့အစည်းအဝေးမှာ ဆုံးဖြတ်ခဲ့တဲ့အတိုင်း ဆုံးဖြတ်ကြပါတယ်။ အဲ့တော့ ဆုံးဖြတ်ချက်အတိုင်းပဲ တတိယပေါ့နော်။ Third Party ဖြစ်တဲ့ သဘာဝပတ်ဝန်းကျင်ဆိုင်ရာ ပညာရှင်တွေ အားလုံးပါဝင်တဲ့ အဖွဲ့တဖွဲ့ကို ကျမတို့က အကူအညီတောင်းပါတယ်။ အဲ့လိုအကူအညီတောင်းတဲ့အခါမှာ ဒီအဖွဲ့က လိုလိုလားလားနဲ့အကူအညီပေးပါမယ်ဆိုပြီး ပြောတဲ့အတွက်ကြောင့်မို့လို့ လောလောဆယ် ပြည်တွင်းပညာရှင်တွေပါဝင်တဲ့ အဖွဲ့အနေနဲ့ အခုကတော့ စုံစမ်းစစ်ဆေးရေးလုပ်နေတာပါ။”

လက်ပံတောင်းတောင် စုံစမ်းစစ်ဆေးကော်မရှင်ရဲ့ လက်ပံတောင်းတောင် ကြေးနီစီမံကိန်းနဲ့ ပတ်သက်ပြီး နောက်ဆုံးလေ့လာတွေ့ရှိချက်တွေနဲ့ပတ်သက်ပြီးလည်း စုံစမ်းစစ်ဆေးရေးကော်မရှင် အနေနဲ့ အချိန်နဲ့တပြေးညီ သတင်းထုတ်ပြန်သွားမှာဖြစ်တယ်လို့လည်း စုံစမ်းစစ်ဆေးရေးကော်မရှင်အဖွဲ့ဝင် ဒေါ်ခင်စန်းလှိုင်က ပြောပါတယ်။

ဒေါ်အောင်ဆန်းစုကြည်ဦးဆောင်တဲ့ လက်ပံတောင်းတောင် ကြေးနီစီမံကိန်း စုံစမ်းစစ်ဆေးရေးကော်မရှင်ရဲ့ ကြားဖြတ်အစီရင်ခံစာကို လာမယ့် ၂ဝ၁၃ ခုနှစ်၊ ဇန်နဝါရီလ ၃၁ ရက်နေ့မှာ သမ္မတဦးသိန်းစိန်ထံကို တင်သွင်းမှာဖြစ်ပါတယ်။

ကွယ်လွန်သူ Benazir Bhutto ရဲ့ သား မိခင် လုပ်ငန်းများ ဆက်လုပ်မည်

Bhutto ရဲ့ သားငယ် Bilawal Bhutto Zardari (ယာ)

လုပ်ကြံခံလိုက်ရတဲ့ ပါကစ္စတန်ဝန်ကြီးချုပ်ဟောင်း Benazir Bhutto ရဲ့ သားဖြစ်သူ Bilawal Bhutto က သူ့မိခင် ဒီမိုကရေစီအတွက် တိုက်ပွဲဝင်သွားတာကို ဆက်ပြီးတော့လုပ်ဆောင်သွားမယ်လို့ ကြုံးဝါးပြောဆိုလိုက်ပြီး၊ နိုင်ငံရေးလောက ထဲကို ကြာသာပတေးနေ့မှာ စတင်ခြေချလိုက်ပြီဖြစ်ပါတယ်။သူ့ရဲ့ ပါကစ္စတန်ပြည်သူ့ပါတီ (PPP) ဟာ ဆင်းရဲသားတွေ အတွက် လုပ်သွားမှာဖြစ်ပြီး၊ ပါကစ္စတန်ပြည်သူတွေကို အကြမ်းဖက်သမားတွေ ရန်ကနေ ကာကွယ်ပေးသွားမယ်လို့ သူ့ရဲ့ မိခင် ကွယ်လွန်ခဲ့တာ ၅ နှစ်ပြည့်အခမ်းအနားမှာ ပြောကြားသွားခဲ့ပါတယ်။

Benazir Bhuttoဟာ ၂၀၀၇ ခုနှစ် ဒီဇင်ဘာလ ၂၇ ရက်နေ့က Rawalpindi မြို့မှာ ရွေးကောက်ပွဲအတွက် မဲဆွယ် စည်းရုံးနေစဉ်အတွင်း အသေခံဗုံးခွဲသူတစ်ယောက်က သေနတ်နဲ့ပစ်ပြီး အသေခံဗုံးခွဲ တိုက်ခိုက်ခဲ့တာဖြစ်ပါတယ်။ မစ္စ Bhutto ဟာ  အဲဒီအချိန်တုန်းက ပါကစ္စတန်ပြည်သူ့ပါတီ ရဲ့ ခေါင်းဆောင် အဖြစ်နဲ့ ရွေးကောက်ပွဲဝင်အရွေးခံခဲ့တာဖြစ်ပါတယ်။

သူမ သေဆုံးပြီး သိပ်မကြာခင်မှာပဲ သူမရဲ့ ခင်ပွန်းဖြစ်သူ Asif Ali Zardari ဟာ သမ္မတဖြစ် လာခဲ့ပါတယ်။ ဗြိတိန်နိုင်ငံ Oxford တက္ကသိုလ် မှာ ပညာသင်ကြားခဲ့တဲ့ Bilawal Bhutto Zadari ဟာ အသက် ၂၄ နှစ်သာ ရှိသေးပြီး၊ နောက်နှစ်မှာ ကျင်းပမယ့် အထွေထွေရွေးကောက်ပွဲ ၀င်ရောက်ယှဉ်ပြိုင်ဖို့အတွက် ငယ်လွန်းနေပါသေးတယ်။ Bilawal ဟာ သူရဲ့ ဖခင်ဖြစ်သူနဲ့ အတူ  PPP ပါတီကို ပူးတွဲဥက္ကဌအဖြစ် ဦးဆောင်နေတာဖြစ်ပါတယ်။