30.12.2012 နေ့ဖတ်ရန်သတင်းများ

by Myanmar Journal on Sunday, December 30, 2012 at 8:17am ·

လက်ပံတောင်းတောင် တလပြည့် ဆုတောင်းပွဲ

လက်ပံတောင်းတောင် အကြမ်းဖက်မှုကို ရန်ကုန်မြို့ရှိ သံဃာတော်များ ကန့်ကွက်ဆန္ဒပြခဲ့ကြစဉ်။ (နိုဝင်ဘာလ ၃၀ ရက်၊ ၂၀၁၂)။

လက်ပံတောင်းတောင် ကြေးနီ စီမံကိန်း ဖျက်သိမ်းရေး တောင်းဆိုနေကြတဲ့ သံဃာတော်တွေနဲ့ ဒေသခံပြည်သူတွေကို အာဏာပိုင်တွေက အကြမ်းဖက်ဖြိုခွဲခဲ့တဲ့ တလပြည့်နေ့ အထိမ်းအမှတ် အဖြစ် သံဃာတော်များက မေတ္တာသုတ်များ ရွတ်ဖတ်ခြင်းတွေ လုပ်ခဲ့သလို ရာနဲ့ချီရှိတဲ့ ဒေသခံတွေ ကလည်း စီမံကိန်း ဖျက်သိမ်းရေး အပါအ၀င် သူတို့ရဲ့ တောင်းဆိုချက်တွေရဖို့

တုံရွာ သပိတ်စခန်းကနေ ညောင်ပင်ကြီးဆိပ် အထိ ချီတက် ဆန္ဒ ထုတ်ဖော်ခဲ့ကြပါတယ်။ ဒီအကြောင်း အပြည့်အစုံကိုတော့ ဆက်သွယ် စုံစမ်းထားတဲ့ ဗွီအိုအေ ထိုင်းအခြေစိုက် မအေးအေးမာက သတင်းပေးပို့ထားပါတယ်။

ဒီဇင်ဘာလ ၂၉ ရက်နေ့ နေ့လယ်ပိုင်းက စတင်ပြီး လက်ပံတောင်းတောင် ဒေသက သံဃာတော်တွေနဲ့ ပြည်သူအင်အား ၅၀၀ ကျော်ဟာ လမ်းလျှောက် ချီတက်ပြီး ဆန္ဒထုတ်ဖော်ခဲ့ကြပါတယ်။ဆန္ဒပြ ချီတက်ရာမှာ ဦးဆောင် သံဃာတပါးဖြစ်တဲ့ ဦးအာလောက ကတော့ အခုလို မိန့်ကြားပါတယ်။

“နိုဝင်ဘာလ ၂၉ ရက်နေ့က အာဏာပိုင်တွေကနေပြီးတော့ အကြမ်းဖက် ဖြိုခွဲတာဟာ သံဃာတော်တွေအပေါ် လူမဆန်စွာ ရက်စက်ခဲ့တာတွေ တလပြည့်တဲ့ အထိန်းအမှတ် အနေနဲ့ ဦးပဉ္စင်းတို့ သံဃာတွေနဲ့ ပြည်သူတွေကနေပြီးတော့ ထိုင်းနိုင်ငံမှာ ဆေးဝါးကုသနေတဲ့ သံဃာတော်တွေရော၊ မန္တလေး၊ ရန်ကုန် ဆေးဝါးကုသနေတဲ့ သံဃာတော်တွေ၊ ကျန်းမာ ချမ်းသာဖို့ ဘုရားရဲ့ ပရိတ်တော်တွေ ရွတ်ဖက်တယ်။ ဒေသခံတွေ အနေနဲ့လည်း ချီတက်ပြီးတော့ စီတန်းလှည့်လည်ပြီးတော့ တလပြည့်အနေနဲ့ ဦးပဉ္စင်းတို့ ဆန္ဒထုတ်ဖော်ခဲ့တာပေါ့။”

လက်ပံတောင်းတောင် ကြေးနီ စီမံကိန်း သပိတ်စခန်း ၆ ခုကို ဖြိုခွဲခဲ့တဲ့အတွက် ဒေသခံတွေက တလပြည့်တဲ့နေ့မှာ ဆန္ဒထုတ်ဖော်ခဲ့ ကြတာပါ။

“လက်ပံတောင်းတောင် ကြေးနီ စီမံကိန်း လုံးဝ ဖျက်သိမ်းရေး၊ ဒို့အရေး…ဒို့အရေး။”“လက်ပံတောင်းတောင် ကြေးနီ စီမံကိန်း လုံးဝ ဖျက်သိမ်းရေး၊ ဒို့အရေး….ဒို့အရေး။”

တုံရွာထိပ် လက်ပံတောင်းတောင် ကြေးနီစီမံကိန်း ဖျက်သိမ်းရေး သပိတ်စခန်းကနေ ညောင်ပင်ကြီး သင်္ဘောဆိပ်အထိ ငြိမ်းချမ်းစွာ ချီတက် လမ်းလျှောက်ပြီး တောင်းဆိုမှုများ ပြုလုပ်ခဲ့တယ်လို့လည်း ဦးအာလောက က အခုလို မိန့်ကြားပါတယ်။

“အဓိက ကတော့ လက်ပံတောင်းတောင် ကြေးနီစီမံကိန်း လုံးဝ ဖျက်သိမ်းရေးပေါ့လေ။ စုံစမ်းစစ်ဆေးရေး ကော်မရှင် စုံစမ်းနေစဉ် ကာလအတွင်းမှာ စီမံကိန်းလုပ်ငန်း အားလုံးကို ရပ်ဆိုင်းထားလို့ရှိရင် သပိတ်စခန်းကို ခေတ္တနားပေးမယ် ဆိုပြီး ပြောထားတယ်။ အဓိက ကတော့ ဦးပဉ္စင်းတို့ ၂၉ ရက်နေ့က အစိုးရတပ်ဖွဲ့ရဲ့ သံဃာတော်တွေနဲ့ ပြည်သူတွေ အပေါ် အကြမ်းဖက် ဖြိုခွဲခဲ့တဲ့အပေါ် လူမဆန်စွာ ရက်စက်ခဲ့တဲ့ အပေါ်ကို ဒါက တာဝန်ရှိသူတွေက အားလုံးကို အမြန်ဆုံး ဖော်ထုတ်ပြီးတော့ အရေးယူပေးဖို့ ဆိုပြီးတော့ တောင်းဆိုထားတာ ရှိပါတယ်။ နောက်ပြီးတော့ လက်ပံတောင်းတောင် အရေးနဲ့ ပတ်သက်ပြီးတော့ မြန်မာပြည် အနှံ့အပြားမှာ ဖမ်းဆီးထားတဲ့ ကျောင်းသားနဲ့ အရပ်ဘက် အကုန်လုံးပေါ့လေ၊ ခံဝန်ချက် အာမခံနဲ့ မဟုတ်ဘဲ ချွင်းချက်မရှိ လွှတ်ပေးဖို့ဆိုပြီး ဦးပဉ္စင်းတို့က နိုင်ငံအနှံ့မှာ အစိုးရ ဌာနတွေ၊ ကုမ္ပဏီများဆီက မတရား သိမ်းယူထားတဲ့ လယ်ယာတွေ၊ သက်ဆိုင်ရာ တောင်သူ လယ်သမားတွေကို ပြန်ပေးရန် ဆိုပြီးတော့ တောင်းဆိုချက်တွေ ရှိတယ်။ ပြည်သူလူထု က ရွေးချယ်ထားတဲ့ ပြည်သူ့အစိုးရအဖွဲ့က ပြည်သူဘက်မှ ကာကွယ်ရန် ဆိုပြီးတော့ ဦးပဉ္စင်းတို့ ပြောဆိုထားတာတွေ ရှိပါတယ်။ နောက်ပြီးတော့ မြန်မာနိုင်ငံရဲ့ ရဲတပ်ဖွဲ့၊ ပြည်သူတရပ်လုံးရဲ့ အခွန်စားတွေက ပြည်သူတရပ်လုံးဘက်မှာ ရပ်တည်ပေးဖို့ အခုလို တသီးပုဂ္ဂလ ကုမ္ပဏီတွေကို အကာအကွယ် ပေးနေတာတွေကို ရပ်ဆိုင်းဖို့ ဆိုပြီးတော့ ဦးပဉ္စင်းတို့ ဆန္ဒထုတ်ဖော်ခဲ့တာပါ။”

အာဏာပိုင်တွေကို ခွင့်ပြုချက် တောင်းတာ မလုပ်တဲ့ ဆန္ဒထုတ်ဖော်ပွဲနဲ့ ပတ်သက်လို့ အာဏာပိုင်တွေဘက်က ဆားလင်းကြီးမြို့နယ် အုပ်ချုပ်ရေးမှူး အပါအ၀င် ရဲတွေက လာရောက် စောင့်ကြည့်ခဲ့ပြီး မှတ်တမ်းတင် ဓာတ်ပုံများ ရိုက်ကူးခဲ့တယ်လို့ ဆိုပါတယ်။“ဘေးကနေပြီးတော့ အခြေအနေ စောင့်ကြည့်တာ ရှိတယ်။ နောက်ပြီးတော့ ရဲတွေက သူတို့ရဲ့ ကင်မရာတွေနဲ့ ဓာတ်ပုံတွေ ရိုက်တာ ရှိပါတယ်။” လက်ပံတောင်းတောင် ကြေးနီ စီမံကိန်းကို စစ်တပ်ပိုင် မြန်မာ့ဦးပိုင် ကုမ္ပဏီ လိမိတက်နဲ့ တရုတ် ကုမ္ပဏီ ဖြစ်တဲ့ မြန်မာဝမ်ပေါင် ကုမ္ပဏီတို့က ပူးပေါင်း လုပ်ဆောင်ခဲ့ကြတာ ဖြစ်ပြီး ဒေသခံတွေရဲ့ လယ်မြေဧကပေါင်း ၇,၈၀၀ ကျော်ကို သိမ်းယူခဲ့ကြောင်း၊ ရွာ ၄ ရွာကိုလည်း ပြောင်းရွှေ့ခိုင်း ခဲ့ကြောင်း ဒေသခံတွေက ပြောဆိုထားပါတယ်။ ဒေသခံတွေကတော့ သဘာဝ ပတ်ဝန်းကျင် ရေမြေ ပျက်စီးဆုံးရှုံးမှုတွေနဲ့ သိမ်းဆည်းခံရတဲ့ လယ်မြေတွေဟာ သူတို့ဘ၀ ရှင်သန် ရပ်တည်ရေး အတွက် ဖြစ်တာကြောင့် စီမံကိန်းကို ဖျက်သိမ်းပေးဖို့ကိုသာ တောင်းဆိုနေပါတယ်။

ပါကစ္စတန် ပြန်ပေးဆွဲ သတ်ဖြတ်မှု ၂၁ ဦးသေ

Pakistan violence

ပါကစ္စတန်နိုင်ငံ ပက်ရ်ှဝါမြို့နားမှာ ကြာသပတေးနေ့က စစ်သွေးကြွတွေရဲ့ ပြန်ပေးဆွဲခြင်းကို ခံလိုက်ရတဲ့ လူမျိုးစုတွေရဲ့ ပြည်သူ့စစ် ၂၁ ယောက်ဟာ သေနတ်နဲ့ ပစ်သတ်ခံထားရပြီး သေဆုံးနေတာ တွေ့ခဲ့ရတယ် လို့ ပါကစ္စတန် တာဝန်ရှိသူတွေက ပြောပါတယ်။

ပက်ရ်ှဝါမြို့နားက Jabai ဒေသမှာ အဲဒီသေဆုံးနေတဲ့ ရုပ်အလောင်းတွေကို ပါကစ္စတန် အာဏာပိုင်တွေ က တနင်္ဂနွေနေ့ မနက်အစောပိုင်းမှာ တွေ့ရှိခဲ့တာ ဖြစ်တယ်လို့ အဲဒီဒေသအစိုးရရဲ့ ပြောခွင့်ရပုဂ္ဂိုလ် Naveed Akbar Khan က ပြောပါတယ်။

အဲဒီလူတွေဟာ ကြာသပတေးနေ့ ပျောက်ဆုံးသွားခဲ့တဲ့ ပြည်သူ့စစ် ၂၃ ယောက်ထဲက လူတွေဖြစ်တယ် လို့ ပြောပါတယ်။ အဲဒီလူတွေဟာ ခိုင်ဘာပတွန်ခွာ ပြည်နယ်က ကင်းစခန်းကို လက်နက်ကိုင်တွေက တိုက်ခိုက်ခဲ့စဉ်အတွင်း ပျောက်ဆုံးသွားတာ ဖြစ်ပါတယ်။ ဘယ်သူကမှတော့ သူတို့ရဲ့ လက်ချက်ဖြစ်တယ်လို့ မပြောသေးပါဘူး။ ဒါပေမဲ့ ဒါဟာ အယ်လ်ခိုင်းတွေနဲ့ ဆက်နွယ်နေတဲ့ စစ်သွေးကြွတွေရဲ့ လက်ချက်ဖြစ်တယ်လို့ အဲဒီ ဒေသတာဝန်ရှိသူတွေက ပြောပါတယ်။

KIA လဂျားယန်ကို မြန်မာလေတပ် ဆက်လက်တိုက်ခိုက်

ကချင်ပြည်နယ် လိုင်ဇာဌာနချုပ်အနီး ရှေ့တန်းစစ်မြေပြင်တွင် ကချင်စစ်သားတစ်ဦးကို တွေ့ရစဉ်။ (ဖေဖော်ဝါရီလ ၁၃၊ ၂၀၁၂)။

KIA ကချင်လွတ်မြောက်ရေးအဖွဲ့ ဌာနချုပ် လိုင်ဇာနဲ့ မလှမ်းမကမ်း လဂျားယန်မှာ မြန်မာအစိုးရ တပ်တွေနဲ့ ကချင်လွတ်မြောက်ရေးတပ်တွေ အကြား တိုက်ပွဲတွေ ပြင်းထန်နေပြီး၊ မြန်မာစစ်တပ် ဘက်က လေကြောင်းကနေ တိုက်ခိုက်မှုတွေ ရှိနေတယ်လို့ သိရပါတယ်။ မြစ်ကြီးနား ဗန်းမော် လမ်းကြောင်းမှာရှိတဲ့ KIA တပ်တွေကို ဒီဇင်ဘာ ၂၅ ရက်နေ့ နောက်ဆုံးထား ဆုတ်ခွာဖို့ မြန်မာစစ်တပ်ဘက်က KIA ကို ရာဇသံပေးပြီးတဲ့နောက် အခုလို မြန်မာစစ်တပ် ဘက်က လေကြောင်းက တိုက်ခိုက်မှုတွေပါ လုပ်လာတာပါ။ အခြေအနေ အသေးစိတ်ကိုတော့ ကချင်လွတ်မြောက်ရေးအဖွဲ့ ပြောခွင့်ရသူ ဦးလာနန်ကို ကိုသားညွန့်ဦးက ဆက်သွယ် မေးမြန်းထားပါတယ်။

“အခု ဒီမှာ စကားပြောနေတုန်းပဲ၊ လဂျားယန်မှာ ဂျက်ဖိုက်တာ နှစ်စင်းနဲ့ ပစ်နေတာ။ အခု ၅ နာရီ ၂၀ လောက်မှာ စပြီးပစ်တယ်။ အခုလည်း ပစ်နေတုန်းပဲခင်ဗျ။ ဒီနေ့ လဂျားယန်မှာ သုံးကြိမ်မြောက်ပေါ့။ ဒီနေ့ ၁၂ နာရီခွဲမှာ တကြိမ် တစင်း လာပစ်တယ်။ ခဏ ၃ နာရီခွဲမှာ တကြိမ် လာပစ်တယ်၊ အခု ၅ နာရီ ၂၀ မှာ နောက်တကြိမ် လာပစ်တယ်ခင်ဗျ။ ခုထိ ပစ်တုန်းပါ။”

အဲဒါ လဂျားယန် ဒေသမှာပဲလား၊ တခြား ဒေသတွေရော ပစ်တာခတ်တာ ရှိလား။ - 

“လဂျားယန်မှာတော့ ဒီနေ့ သုံးကြိမ်ပစ်တယ်။ နောက်ပြီးတော့ ကျန်တဲ့ဟာကတော့ ကံတောင်ယန် နားမှာရှိတဲ့ ဂန်ဒေါင်ဒု ဆိုတဲ့စခန်းမှာ၊ အဲဒီမှာလည်း နှစ်ကြိမ် လာပစ်တယ်။ နောက်ပြီးတော့ နမ့်ဆမ်ယန် အရပ် အနောက်ဘက် ဘန်ဒေါင် ဆိုတဲ့ ကျေးရွာအနီးမှာလည်း လာပစ်တယ်ခင်ဗျ။”ဒါက လေကြောင်းက တိုက်တာပေါ့နော်။ တခြား မြေပြင် တိုက်ပွဲတွေရော ပြင်းပြင်းထန်ထန် ရှိသေးလားခင်ဗျ။ 

“မြေပြင် တိုက်ပွဲတွေ ရှိတယ်ခင်ဗျ။ ဒီနေ့ မနက်ကစပြီးတော့ မြေပြင် တိုက်ပွဲဖြစ်တယ်။ သူတို့ဘက်က နည်းနည်း ထိခိုက်မှု များလာတဲ့အခါမှာ ဂျက်လေယာဉ်ပျံနဲ့ ကူပစ်ပေးတာမျိုး လုပ်တယ်ခင်ဗျ။”

မြေပြင် တိုက်ပွဲတွေက ဘယ်ဘက်နားမှာဖြစ်တာလဲ ခင်ဗျ။ - 

“ဒီ လဂျားယန်မှာလည်း ဖြစ်တယ်။ ဒီ ဂန်ဒေါင်ဒု ဆိုတဲ့ အရပ်မှာလည်း ပစ်တယ်။ နမ့်ဆမ်ယန် အနောက်ဘက်မှာလည်း မြေပြင် တိုက်ပွဲတွေ ရှိတယ်ခင်ဗျ။”

အခုလေယာဉ်ကနေ ပစ်ခတ်လို့ ကေအိုင်အေ ဘက်ကပဲ ဖြစ်ဖြစ်၊ အရပ်သား ဒုက္ခသည်တွေပဲ ဖြစ်ဖြစ်၊ အပျက်အစီးတွေ ဘယ်လောက်များ ရှိလဲခင်ဗျ။ - 

“ဒီနေ့ နေ့လယ်ပိုင်းအထိတော့ ထိခိုက်မှု မရှိဘူး။ အခု နောက်ဆုံး လာပစ်တာတော့ သတင်းမရသေးဘူးခင်ဗျ။”

ဒုက္ခသည်တွေ အခြေအနေရော ဘယ်လိုရှိလဲ။ - 

“ဒုက္ခသည်တွေကတော့ ဒီ လေယာဉ်တွေ လာပြီဆိုတော့ သတိ အနေအထားနဲ့ နေကြတယ်။”

အစိုးရ စစ်တပ်ကနေပြီးတော့ ကေအိုင်အို လဂျားယန် ဒေသကနေ ဆုတ်ပေးဖို့ ဆိုပြီး ရာဇသံ ပေးပြီးတဲ့နောက်ပိုင်း ဖြစ်တဲ့သဘော ဆိုတော့ ဒီအပေါ်မှာ တုံ့ပြန်လာတဲ့ သဘောလား။ - 

“အဲဒါ ဖြစ်ပါလိမ့်မယ်။ ရာဇသံကို သူတို့ လက်တွေ့ အကောင်အထည် ဖော်တာ ဖြစ်မယ်။ အဓိက ကတော့ ဗဟိုဌာနချုပ်ကို ထိန်းချုပ်နိုင်ဖို့အတွက် အဲဒီနေရာမှာ သူတို့ ရဖို့ အရေးကြီးတယ်။ အဲဒီဒေသမှာ သူတို့ နေရာ ၀င်ယူလိုက်ပြီဆိုရင် ဗဟိုဌာနချုပ်ကို လက်နက်ကြီးနဲ့ ပစ်ဖို့ လက်တကမ်းပဲ လိုတော့တယ်။ အဲဒီလိုဟာမျိုး ထိန်းချုပ်နိုင်အောင် စီမံချက်ပဲ ဖြစ်မယ်လို့ ကျနော် ယူဆတယ်။” အဲဒီတော့ လဂျားယန်နဲ့ လိုင်ဇာနဲ့က တော်တော်လေး နီးတဲ့သဘောလား။ - 

“နီးပါတယ်။ ၅ မိုင် ၆ မိုင်လောက်ပဲ ရှိတယ်ခင်ဗျ။”

တဘက်မှာ ဦးလာနန် တို့အနေနဲ့ ကေအိုင်အေ အနေနဲ့ မြန်မာအစိုးရ အာဏာပိုင်တွေ နဲ့ တရားဝင် တိုက်ရိုက် ဆက်သွယ်ရေး လမ်းကြောင်းတွေရော မရှိဘူးလား။ ဒီကိစ္စ ပြောနိုင် ဆွေးနွေးနိုင်တဲ့ လမ်းကြောင်း။ - 

“အဲဒီလိုတော့ မရှိဘူးခင်ဗျ။”

အဲဒီတော့ အစိုးရဘက်ကို တရားဝင်တော့ အကြောင်းမကြားရသေးဘူးပေါ့။ ဒီကိစ္စနဲ့ ပတ်သက်လို့။ - 

“ဒီကိစ္စက သူတို့ သိပြီးသားပါ။ သူတို့ရဲ့ စီမံချက် ရှိတဲ့အတိုင်း လုပ်ဆောင်တဲ့ ကိစ္စပါ။ ဒါကြောင့်မိုလို့ ဒီကိစ္စမှာ ကျနော်တို့က ခင်ဗျားတို့ လေယာဉ်နဲ့ လာပစ်ပါတယ် ဆိုပြီးတော့ ပြောစရာလည်း မလိုပါဘူး။ ဒါ သူတို့ပဲ စဉ်းစားပြီးတော့ လုပ်ရမယ့် ကိစ္စတခုပါ။” ဟိုတလောက လဂျားယန် ဘက်ကနေ ဆုတ်ပေးရမယ်။ မဆုတ်ပေးရင် သူတို့ဘက်က တိုက်မယ်ဆိုတဲ့ ရာဇသံပေးတဲ့နောက်ပိုင်းမှာ ဦးအောင်မင်း ဆီကို ကေအိုင်အေ ကနေပြီးတော့ ကန့်ကွက်စာ ပို့တယ်လို့ ကြားပါတယ်ခင်ဗျ။ အဲဒီအပေါ်မှာရော ဘာများ တုံ့ပြန်တာ ရှိပါလဲ။ - 

“သူတို့ဘက်က တုံ့ပြန်ဖို့တော့ မရှိဘူး။ သူတို့ဘက်ကလည်း သူတို့ဆီက စာနဲ့ တုံ့ပြန်တာကို မျှော်လင့်ပြီးမှ ပို့တဲ့စာတော့ မဟုတ်ဘူး။ ဒီ အစိုးရရဲ့ လုပ်ရပ်အပေါ်မှာ မှားယွင်းပါတယ် ဆိုတဲ့ဟာကို ကျနော်တို့ မှတ်တမ်းအနေနဲ့ မှတ်တမ်းတင်နိုင်ဖို့ ဆိုပြီး ကန့်ကွက်ထားတဲ့ စာသဘောပဲ ရှိတယ်ခင်ဗျ။”

ကေအိုင်အေ အနေနဲ့ လက်ရှိ ငြိမ်းချမ်းရေး ဆွေးနွေးမှုတွေနဲ့ အလားအလာ တွေနဲ့ ပတ်သက်လို့ရော ဘယ်လိုမြင်ထားလဲ။ အခု အခြေအနေ ဖြစ်လာတယ်ဆိုတော့။ - 

“အခု လောလောဆယ် သုံးလေးရက် အတွင်းမှာ သူတို့ရဲ့ စစ်ဆင်မှုကို ကြည့်မယ်ဆိုရင်တော့ ဒီ တွေ့ဆုံ ဆွေးနွေးမှုကတော့ ခက်ခက်ခဲခဲ နဲ့ ပြန်ပြီးတော့ အစဖော်ရမယ့်ပုံစံ လို့ မြင်တယ်။ ဒါပေမဲ့ ဒီပြဿနာတွေ အားလုံးက ဒီလိုမျိုး စစ်ရေးနည်းနဲ့ စစ်အင်အား အလုံးအရင်းနဲ့ လေကြောင်းနဲ့ တိုက်ခိုက်လို့ပဲ ဒီ ပြဿနာတွေဟာ ပြေငြိမ်းနိုင်စရာ အကြောင်း မရှိဘူး။ စားပွဲပေါ်မှာ နိုင်ငံရေး ဆွေးနွေးမှု ဖြစ်ပေါ်လာမှ ဒီကိစ္စတွေက ပြေလည်နိုင်စရာ အကြောင်းရှိတယ်။ ဒါကြောင့်မိုလို့ ကျနော်တို့ အဖွဲ့အစည်းကတော့ ဒီကိစ္စတွေ အားလုံးဟာလည်း ခက်ခက်ခဲခဲ နဲ့ ဖြစ်ပါစေ၊ တွေ့ဆုံ ဆွေးနွေးပြီးမှပဲ အဖြေရှာရမယ့် လုပ်ငန်းလို့ပဲ ကျနော် မှတ်ယူထားတယ်ခင်ဗျ။”

ကေအိုင်အေ နယ်စပ်ဘက်က တရုတ်နိုင်ငံနဲ့ ကပ်နေတဲ့အခါကျတော့ တရုတ် နိုင်ငံ ဘက်ကနေပြီးတော့ အခု ကေအိုင်အေမှာ ဖြစ်နေတဲ့ အခြေအနေနဲ့ ပတ်သက်ပြီးတော့ သူတို့ဘက်က လှုပ်ရှားမှုရှိလား။ သူတို့ဘက်က ဘယ်လို သဘောထား ရှိလဲ အခြေအနေက။ - 

“သူတို့ဘက်က ဒီကိစ္စအပေါ်မှာတော့ တိုက်ရိုက် ပြောဆိုတာတော့ မရှိဘူး။ ဒါပေမဲ့ နယ်စပ်တလျှောက်မှာ သူတို့ စစ်အင်အားတွေ အလုံးအရင်း ချထားတာမျိုး၊ လက်နက်ကြီးစခန်းတွေ နေရာ ချထားတာမျိုးတော့ သူတို့ သတင်းရထားတယ်ခင်ဗျ။”

အဲဒါက ဘာအတွက် ပြင်တာလဲ။ ကေအိုင်အေ ဘက်က ၀င်လာမှာစိုးလို့လား။ တခြား အတွက် ပြင်တာလား။ ဘယ်လို ယူဆရလဲ။ - 

“အဲဒီလိုတော့ မဟုတ်ဘူးခင်ဗျ။ သတင်းရတဲ့အတိုင်းပေါ့နော်။ နယ်စပ်ဒေသကို သူတို့ စစ်အင်အား အလုံးအရင်းနဲ့ ထိုးလာတယ်ဆိုတဲ့ဟာမျိုး၊ နောက်ပြီးတော့ ဒီမှာ လေယာဉ်နဲ့ ပစ်ခတ်နေတယ် ဆိုတာကို တရုတ်ဘက်ခြမ်းက ဒီအတိုင်း အတိုင်းသား မြင်နေရတဲ့ကိစ္စတွေ ရှိတယ်။ မနေ့က ပစ်ခတ်မှုမှာ ဆိုရင် လေယာဉ်တစီးဟာ တရုတ်ဘက် မီတာ ၅၀၀၊ ၆၀၀ လောက်ကို နယ်ကျွံသွားတာမျိုး ရှိတယ်။ အဲဒီကိစ္စအပေါ်မှာ သူတို့ သတိအနေအထားနဲ့ လိုအပ်ရင် လိုအပ်သလို တုံ့ပြန်နိုင်ဖို့ ဖြစ်လိမ့်မယ်လို့ ထင်တယ်ခင်ဗျ။”

နိုင်ငံခြားသားဆက်သွယ်မှုများ ကြားဖြတ်ယူခွင့် အမေရိကန်လွှတ်တော် သက်တမ်းတိုး

 

အမေရိကန်ပြည်ထောင်စုရောက် နိုင်ငံခြားသားတွေရဲ့ တယ်လီဖုန်း စကားပြောဆိုမှုတွေနဲ့ အင်တာနက် ဆက်သွယ်ရေး တွေကို ပြည်ထောင်စုအစိုးရက ၀ရမ်းမလိုဘဲ ကြားဖြတ် နားထောင်ခွင့်ပြုတဲ့ ဥပဒေကို နောက်ထပ် ၅ နှစ်သက်တမ်း တိုးမြှင့်ရေး အထက်လွှတ်တော်က မဲအများစုနဲ့ မနေ့က အတည်ပြု လိုက်ပါတယ်။ Foreign Intelligence Surveillance Act နိုင်ငံခြားသားတွေ အပေါ် စောင့်ကြည့် ထောက်လှမ်းတဲ့ ဥပဒေကို အောက် လွှတ်တော်ကနေ ဒီနှစ်ဆန်းပိုင်းက အတည်ပြု ခဲ့ပြီး ဖြစ်ပါတယ်။ မနေ့က သောကြာနေ့က ဆီးနိတ် အထက်လွှတ်တော်မှာ ပါတီကြီး ၂ ခုစလုံးက အထူး ထောက်ခံခဲ့ကြရာမှာ ၇၃ မဲ ၂၃ မဲနဲ့ အတည်ပြုနိုင်ခဲ့တာ ဖြစ်ပါတယ်။ အခုတော့ ဒီဥပဒေကို သမ္မတအိုဘားမားက လက်မှတ်ရေးထိုးပြဌာန်းဖို့ တင်ပြထားပြီး ဖြစ်ပါတယ်။ ဒီဥပဒေကို ၂၀၀၁ ခုနှစ် စက်တင်ဘာလ ၁၁ ရက်နောက်ပိုင်းမှာ ပြဌာန်းခဲ့တာဖြစ်ပါတယ်။ အမေရိကန် ထောက်လှမ်းရေး အေဂျင်စီတွေက အကြမ်းဖက်သမားနဲ့ ဆက်သွယ်တယ်လို့ မသင်္ကာတဲ့လူတွေကို ထောက်လှမ်းဖို့အတွက် ပြဌာန်းခဲ့တာလို့ ဆိုပါတယ်။ ထောက်လှမ်းသူတွေက တရားရေးဌာနရဲ့ သဘောတူညီချက်မလိုဘဲ ကြားဖြတ် နားထောင်လို့ရတဲ့ အတွက် အစိုးရက ဒီဥပဒေကို အလွဲသုံးစား လုပ်နိုင်တဲ့အတွက် ပြည်သူတွေရဲ့ အတွင်းရေးနဲ့ ကိုယ်ရေးကိုယ်တာ ကိစ္စရပ်တွေမှာ အနှောက်အယှက် ဖြစ်နိုင်တယ်လို့ အကဲခတ်တွေက ဝေဖန်နေကြပါတယ်။

ရုရှား လေယာဉ် တစင်း မတော်တဆဖြစ်

အနည်းဆုံး လူ လေးဦး သေဆုံးသွား တယ်လို့ ရုရှား အာဏာပိုင်တွေက ပြောပါတယ်

ရုရှား လေယာဉ် တစင်းဟာ မော်စကိုမြို့ ဗနူကိုဇာ လေဆိပ်ကို ဆင်းသက်စဉ် မတော် တဆ ဖြစ်ပြီး ပြေးလမ်းကို ကျော်ထွက် သွားခဲ့ ပါတယ်။

အဲဒီနောက် လေယာဉ်ဟာ လေယာဉ်ကွင်း ခြံစည်းရိုးကို ဝင်တိုက်မိကာ မီးလောက် ပေါက်ကွဲ သွားပြီး၊ လေယာဉ် ကိုယ်ထည်ဟာ သုံးပိုင်း ကျိုးသွားခဲ့ ပါတယ်။

အခုလို မတော်တဆ ဖြစ်မှုကြောင့် အနည်းဆုံး လူ လေးဦး သေဆုံးသွား တယ်လို့ ရုရှား အာဏာပိုင်တွေက ပြောပါတယ်။

လေယာဉ်ပေါ်မှာတော့ အနည်းဆုံး လူ ၈ ဦးလောက် ပါလာတယ်လို့ သိရပါတယ်။

ဒီလေယာဉ်ဟာ တူပိုလက်ဗ် ၂၀၄ အမျိုး အစား လေယာဉ် ဖြစ်ပြီး၊ ရုရှားပိုင် Red Wings လေကြောင်းလိုင်း ပိုင် ဖြစ်ပါတယ်။

အဲဒီ အချိန်တုန်းက နှင်းနည်းနည်း ကျနေ တယ်လို့ သိရပေမဲ့ ဖြစ်ပွားရခြင်း အကြောင်းရင်းကိုတော့ အတိအကျ မသိရသေးပါ။

အိန္ဒိယမုဒိမ်းမှု လူသတ်မှုပါ ထပ်ဆင့်တိုး

အိန္ဒိယဆေးကျောင်းသူတဦး မုဒိမ်းကျင့်ခံရမှုဟာ အိန္ဒိယတနိုင်ငံလုံးကို ဒေါသထွက်စေခဲ့ပါတယ်။

ပြီးခဲ့တဲ့ သီတင်းနှစ်ပတ်က အိန္ဒိယနိုင်ငံမှာ ဖြစ်ခဲ့တဲ့ ဆေးကျောင်းသူ တယောက်ကို လူတစုက မုဒိမ်းပြုကျင့်မှုဟာ အခုတော့ အဲဒီကျောင်းသူလေး သေဆုံးခဲ့ပြီးနောက် သူ ဆေးသွားကုခဲ့ရာ စင်ကာပူကနေ အလောင်းကို အိန္ဒိယနိုင်ငံဆီ ပြန်လည်သယ်ယူခဲ့ပါပြီ။

အိန္ဒိယနိုင်ငံရဲ့ မြို့တော်ဒေလီမှာတော့ လုံခြုံရေးတွေက တင်းကျပ်ထားသလို ဆန္ဒပြမှုတွေလည်း ရှိပါတယ်။ လတ်တလောမှာတော့ ဒီအဓမ္မပြုကျင့်မှုနဲ့ ပတ်သက်လို့ လူခြောက်ဦးကို ဖမ်းထားပါတယ်။ သူတို့ကို စောစောပိုင်းက မုဒိမ်းမှုနဲ့ တရားစွဲခဲ့ပေမယ့် အခုတော့ လူသတ်မှုနဲ့ပါ တိုးမြှင့် စွဲဆိုလိုက်ပါတယ်။ ရဲအရာရှိနှစ်ဦးကိုလည်း လက်ရှိ ရာထူးတာဝန်ကနေ ဆိုင်းငံ့ ထားလိုက်ပါတယ်။

အိန္ဒိယပြည်သူတွေကို ဒေါသအမျက် ချောင်းချောင်းထွက်စေခဲ့တဲ့ ဒီ အဓမ္မပြုကျင့်မှုကတော့ အိန္ဒိယတနိုင်ငံလုံးကို တပ်လှန့်စေလိုက်တဲ့ ကိစ္စတခုလို ဖြစ်သွားခဲ့ပြီး၊ သမ္မတ၊ ၀န်ကြီးချုပ်နဲ့ အိန္ဒိယပါလီမန်ကပါ ပါဝင်ခဲ့ရပါတယ်။

အခုတော့ စင်ကာပူမှာ ဆေးကုခံရင်း ဒီကနေ့ပဲ ဆုံးပါးသွားတဲ့ အဓမ္မပြုကျင့်ခံခဲ့ရတဲ့ ကျောင်းသူရဲ့ အလောင်းကို အိန္ဒိယကို ပြန်သယ်လာခဲ့ပါတယ်။ မြို့တော်ဒေလီမှာတော့ လူထောင်ပေါင်းများစွာက ငြိမ်းချမ်းစွာနဲ့ ဆန္ဒပြနေကြပါတယ်။

အိန္ဒိယဝန်ကြီးချုပ် မန်မိုဟန်ဆင်းကတော့ လူတွေရဲ့ ဒေါသကို သူ့အနေနဲ့ ခံစားနားလည်တဲ့ အကြောင်းနဲ့ အိန္ဒိယကို အမျိုးသမီးတွေအတွက် ဘေးကင်းလုံခြုံတဲ့ တိုင်းပြည်ဖြစ်အောင် လူထုကပါ ဝိုင်းပြီး တည်ဆောက်ကြဖို့ကို တိုက်တွန်းပါတယ်။

ဒီအချိန်ဟာ စကားပြောနရမယ့် အချိန်မဟုတ်ဘဲ ပူဆွေးဝမ်းနည်းရမယ့် အချိန်ဆိုတာကို သူသိပါကြောင်းနဲ့ အားလုံးအနေနဲ့ တည်ကြည်အေးချမ်းစွာနဲ့ ရှိကြဖို့၊ ဒါမှသာ ရှေ့လျှောက် အကောင်းဆုံး ဘယ်လို စခန်းသွားကြမယ် ဆိုတာကို စဉ်းစားနိုင်မယ်လို့ ဒေလီပြည်နယ် ဝန်ကြီးချုပ် ရှီလာ ဒစ်ရှစ်က လူထုကို တိုက်တွန်းခဲ့ပါတယ်။

မြို့တော်ဒေလီမှာတော့ ငါးယောက်ထက် ပိုပြီး လူမစုဖို့ လူထုကို ကန့်သတ်ထားပါတယ်။ ဒေလီမြို့လယ်က ဂျန်တားမန်တား ပန်းခြံမှာတော့ လူလေးထောင်လောက်က ကန့်ကွက် ဆန္ဒပြနေကြပါတယ်။ တယောက်ကဆိုရင် ဒါဟာ အစိုးရအနေနဲ့ အမျိုးသမီးတွေကို အကာအကွယ်ပေးဖို့ ပျက်ကွက်ခဲ့လို့ ဖြစ်တာလို့ ကွဲကွဲကြေကြေ ပြောပါတယ်။

တခြားပိုစတာတခုမှာလည်း နိုင်ငံရေးသမားတွေအတွက် ပေးတဲ့မတ်ဆေ့ခ်ျအနေနဲ့ အပိုပြောစကားတွေနဲ့ နှစ်သိမ့်မှုတွေ မလိုချင်ဘူး။ ဒီလို လိင်အကြမ်းဖက်မှုတွေကို ထိထိရောက်ရောက် ကာကွယ်နိုင်မယ့် အရေးယူ ဆောင်ရွက်ချက်တွေကို မြန်မြန်ထက်ထက် ဆောင်ရွက်ဖို့ကို ပြောထားပါတယ်။

မုဒိမ်းကျင့်ခံရသူ အိန္ဒိယကျောင်းသူကို သဂြိုဟ်လိုက်ပြီ

လုံခြုံရေး အထူး တင်းကျပ်ထားပြီး၊ မနက် အစောပိုင်းမှာ မီးသဂြိုဟ် လိုက်တာ ဖြစ်ပါတယ်

နယူး ဒေလီမြို့မှာ ဘတ်စ်ကားပေါ် အုပ်စုဖွဲ့ မုဒိမ်းကျင့် ခံခဲ့ရပြီးနောက် သေဆုံးသွား ခဲ့တဲ့ ၂၃ နှစ်အရွယ် ဆေးကျောင်းသူ လေးရဲ့ ရုပ် အလောင်းကို မီးသဂြိုဟ် လိုက်ပြီ ဖြစ်ပါတယ်။

အခုလို မတရား ပြုကျင့် ခံခဲ့ ရတဲ့ ဖြစ်ရပ် ကြောင့် အိန္ဒိယ နိုင်ငံ တလွှား အမျက် ဒေါသ ထွက်ခဲ့ ကြပြီး၊ အိန္ဒိယ အမျိုး သမီးတွေ ဆက်လက် ရင်ဆိုင် နေရတဲ့ လုံခြုံမှု ကင်းမဲ့ နေမှုတွေ အတွက် ဆန္ဒပြ ဖေါ်ထုတ်ခဲ့ ကြပါတယ်။

ပြီးခဲ့တဲ့ အပတ်က ဒေလီမှာ ဖြစ်ပွား ခဲ့တဲ့ ဆန္ဒပြမှု တွေဟာ ဆိုရင် အကြမ်းဖက်မှု အသွင်ကို ဆောင်လာ တာကြောင့် ဒေလီ မြို့လယ် နေရာ တွေမှာ လမ်းတွေ ပိတ်ခဲ့ ရပြီး တချို့ မြေအာက် ရထားလိုင်း တွေပါ ပိတ်ခဲ့ ရပါတယ်။

ဝန်ကြီးချုပ် မန်မိုဟန် ဆင်းနဲ့ အာဏာရ ကွန်ဂရက် ပါတီ ခေါင်းဆောင် ဆိုနီယာ ဂန္ဒီ တို့ဟာ ဒီဆေးကျောင်းသူလေးရဲ့ မိသားစုကို တွေ့ဆုံ ခဲ့ပြီး အမျိုး သမီးတွေ အပေါ် လုံခြုံမှု ပိုပေးရေး အတွက် အပြောင်း အလဲ တွေ လုပ်မယ်လို့ ကတိပေး သွားပါတယ်။