Friday, December 28, 2012

ဖေ့စ်ဘုတ်ပေါ်က ရသ စုစည်းမှု (၂၈-၁၂)



တခါက ဆင်းရဲသားရပ်ကွက် ထဲကို အပျိုကြီးတစ်ယောက် အိမ်ပြောင်းလာတယ် ။ သူပြောင်းလာတဲ့ အိမ်ဘေး ကပ်ရပ်မှာ နုံချာတဲ့မိသားစုလေးတစုရှိပါတယ် ။ မုဆိုးမတစ်ယောက်နဲ့ သူ့ကလေးနှစ်ယောက်ပေါ့..

အပျိုကြီးက
"မတတ်နိုင်ဘူးလေ..ဒီနေရာရောက်မှတော့..ဒီလိုလူမျိုးတွေနဲ့ ပတ်သတ်ရဦးမှာပေါ့.." လို့ သူ့ဘာသာတွေးပြီး စိတ်ပျက်သွားမိတယ် ။

အဲ့ညမှာပဲ ထုံးစံအတိုင်း ရပ်ကွက်မီးက ရုတ်တရက် ပျက်သွားခဲ့တယ်။
မီးပျက်တော့ အမျိုးသမီးက ဖယောင်းတိုင်ထွန်းဖို့
သူ့ဖယောင်းတိုင်ထုပ်ကိုလိုက်ရှာတာပေါ့ .. ခဏနေတော့ သူရှာတွေ့သွားတယ်..


တွေ့ပြီးတော့ သိပ်မကြာပါဘူး… တစ်စုံတစ်ယောက်က သူ့အိမ်တံခါးလာခေါက်တာကို သူကြားလိုက်မိတယ်။

တံခါးဖွင့်ကြည့်တော့ ဘေးအိမ်က ကလေးငယ်တစ်ယောက်က စိတ်လှုပ်ရှားတဲ့အသံနဲ့

“အန်တီ.. အန်တီတို့အိမ်မှာ ဖယောင်းတိုင်ရှိလား” လို့ မေးလိုက်တယ်။

အမျိုးသမီးက "အင်း.. ဆင်းရဲလွန်းလို့ ဖယောင်းတိုင်တောင် မဝယ်နိုင်ပါလားနော် ... ဒါပေမယ့် ခဏခဏ လာတောင်းနေမှာစိုးရတယ်။ ပေးလို့မဖြစ်ဘူး..” လို့တွေးပြီး

“မရှိဘူး” လို့ အသံမာမာနဲ့ အော်ပြီး တံခါးပိတ်ဖို့ ပြင်လိုက်တယ်။

အဲဒီအချိန်မှာ ကလေးငယ်က ပြုံးပြီး

“ထင်သားပဲ ... အန်တီက အခုမှ အိမ်ပြောင်းလာတာဆိုတော့ ဖယောင်းတိုင် မပါလောက်ဘူးဆိုပြီး မှောင်မဲမဲထဲမှာ အန်တီကြောက်နေမှာစိုးလို့ သမီးက ဖယောင်းတိုင် လာပို့တာ” လို့ပြောပြီး အဖာတွေထပ်နေတဲ့အင်္ကျီအိတ်ထဲကဖယောင်းတိုင်လေးကို ထုတ်ပေးလိုက်တယ် ။

အမျိုးသမီးကတော့ ကိုယ့်ကိုယ်ကို ရှက်မိပြီး ဘာမှပြန်မပြောနိုင်ဘဲ မျက်ရည်ဝဲ၀ဲနဲ့ ကလေးငယ်လေးကိုတင်းတင်းကျပ်ကျပ်
ပွေ့ဖက်ထားလိုက်ပါတော့တယ်။



--------









တခါက ကင်ဆာရောဂါကြောင့် တစ်လလောက်ပဲ အသက်ရှင်ရတော့မယ့်
ကောင်မလေးတစ်ယောက် ရှိတယ် … သူမက ရပ်ကွက်ထဲမှာရှိတဲ့ CD shop မှာအလုပ်လုပ်တဲ့ ကောင်လေးတစ်ယောက်ကို တိတ်တခိုး ချစ်နေခဲ့တာကြာပါပြီ …

သူမက နေ့တိုင်း CD shop ကို သွားပြီး CD တစ်ချပ် အမြဲ ၀ယ်ခဲ့တယ် ။ ကောင်လေးကို တွေ့ချင်လို့ပေါ့ ။ တလလည်း ကြာရော … ကင်ဆာရောဂါကြောင့် ကောင်မလေး သေဆုံးခဲ့ပါတယ် …

ကောင်လေးလည်း ... ဆိုင်ကို မပေါ်လာတာကြာပြီဖြစ်တဲ့
ကောင်မလေးကိုတွေ့ဖို့ ကောင်မလေးအိမ်ကို လိုက်ရှာခဲ့တယ် ။ နောက်ဆုံး ကောင်မလေးအိမ်ကိုရှာတွေ့ခဲ့ပါတယ်။

အိမ်တံခါးဝမှာ ရပ်နေတဲ့ ကောင်လေးကိုလည်း တွေ့ရော … ကောင်မလေးရဲ့အမေက သူ့သမီးပြောပြောနေတဲ့ ကောင်လေးမှန်း သိသွားခဲ့တယ် ။

ကောင်မလေးရဲ့ အမေလည်း ကောင်လေးကို ... သူမရဲ့သမီး သေဆုံးသွားတဲ့အကြောင်းနဲ့ ... ကောင်လေးရဲ့နာမည်ကို မသေခင် တဖွဖွ ပြောသွားတဲ့အကြောင်းကို ငိုယိုပြီး ပြောလိုက်ပါတယ် ။

ကောင်မလေးအခန်းထဲလည်းရောက်ရော ... ၀မ်းနည်းပူဆွေးနေတဲ့ ကောင်လေးက ပါကင်တောင် မဖောက်ရသေးတဲ့ CD ချပ်တွေကို ကောက်ယူလိုက်ပြီး အခုလို တီးတိုးရေရွတ်လိုက်ပါတယ် ။

" ကောင်မလေးရယ် … နင်သာ ငါ့ဆိုင်က ၀ယ်သွားတဲ့ CD ချပ်တွေကို ဖွင့်ကြည့်မိခဲ့ရင် … CD ချပ်တွေကြားမှာ ငါညှပ်ပေးလိုက်တဲ့ စာလေးတွေကို နင်ဖတ်မိခဲ့မှာပါ ... အခုတော့ "


★ပိုးဟပ်ဖြူ★

Heart Canteen >

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...