အများကိုယ်စားပြု ဓါတ်ရှင်ကောင်းကောင်းလေးတော့ ကြည့်ချင်တယ်။

by Ag Myint Tham on Monday, December 31, 2012 at 11:20am 

 လူအများစု၊ အချိန်အများဆုံး ကုန်လွန်စေသော နေရာမှာ လှုပ်ရှားမူနှင့် အသံပေါင်း စပ်ထားသော၊ တီထွင် ဖန်တီးရိုက်ကူးခြင်းတို့ကို ကြည့်ရှုနေခြင်းပင် ဖြစ်နိုင်သည်။  ရှေးလူကြီးများက ရုပ်ရှင်ကို ဓါတ်ရှင်ဟု ပြောသံကြားဖူးသည်။  ဘိုင်စကုတ်ဟုလည်း ခေါ်ကြသေး သည်။  ဓါတ်ရှင်၊ ဓါတ်စက်၊ ဓါတ်ပုံ၊ ဓါတ်လှေကား၊ ဓါတ်ရထား၊ ဓါတ်တိုင်၊ ဓါတ်မီး စသော စကားလုံးများအပြင် စက်ကရိယာနှင့် မဆိုင်သည်များကို ပြောဆိုကြသေးသည်။ ဓါတ်ခန်း၊ ဓါတ်စခန်း၊ ဓါတ်သွား၊ ဓါတ်ချုပ်၊ ဓါတ်ပျက်(၀မ်းပျက်၊ စိတ်ပျက်)၊  ဓါတ်စီး၊ ဓါတ်ဝင်၊ ဓါတ်ကျ၊ ဓါတ်မျှော၊ ဓါတ်သမိုင်း၊ ဓါတ်သင့်၊ ဓါတ်ရိုက်၊ ဓါတ်ဆင် စသည်တို့ကိုလည်း ထယ်လှယ်သုံးစွဲကြသေးသည်။

အလားတူ ရှေးတုံးက ခေတ်မှီ စက်ကရိယာတွေ ယခုခေတ်လောက် မများပြား၊ တွင်ကျယ်စွာ  မသုံးနိုင်လင့်ကစာ၊ ရုပ်ရှင်များမှာ ဇာတ်လမ်း ဇာတ်ကွက်ကအစ၊ ဒါရိုက်တာ၊ မင်းသား၊ မင်းသမီး၊ ဇာတ်ရံ၊ ဇာတ်ပို့၊ လူကြမ်းကအစ ကြည့်ရတာ တော်တော် အဆင်ပြေသည်။ ယနေ့ ဟာသကားဟု အမည်တတ်ထားသော ကားတွေ မိုးတွင်းမှာ ပတူးတွေ ထွက်လာသလို ပွစိတက် ထွက်လာကြသည်။ နာမည်ကြီး မင်းသား၊ မင်းသမီး၊ ဟာသသရုပ်ဆောင်များစွာ (သူတို့အပြောအရ) က ကလက်တက်တက် သရုပ်ဆောင်ချက်အမျိုးမျိုးဖြင့် ရယ်စရာကားပုံစံ ဖန်တီးကြသည်။ ယခင်က ဒါရုက်တာ(ဦး)သာဓု ရိုက်ကူးသော၊ (ဦး)ဖိုးပါကြီး ပါဝင်သရုပ်ဆောင်သော ဗိုလ်ကာတွန်း ဟာသကားကို ကြည့်ထားမိ၍ ယခုပြသနေသော ထိုထိုကားများသည် ဂလိထိုး ရီခိုင်းသလိုဖြစ်နေသည်။ ငယ်ငယ်ကထိုကားကို ကြိုက်နှစ်သက်လို့ ဘယ်နှစ်ခေါက် ပြန်ကြည့်မိလည်း ဆိုတာတောင် မမှတ်မိတော့။ ဗိုလ်ကာတွန်းအဖြစ်သရုပ်ဆောင်သော ဖိုးပါကြီးက "ခွေးမသား သာဓု" ဟူသော အသုံးအနှုံးဖြင့် ကားထဲတွင်ပြန်ပြောခိုင်းသော ပွင့်လင်းရိုးသားသော ဒါရိုက်တာနှင့် သရုပ်ဆောင်များ၏အခြေအနေ။ ယခုကာလသည်ကား သရုပ်ဆောင်များက ဒါရိုက်တာကို ပြန်ပြော၊ ပြန်ခိုင်းနဲ့ သူတို့အရိပ်အခြေကို လိုက်ကြည့်နေရသော အခြေအနေ။

မြန်မာရုပ်ရှင်ကားတွေ မလိုအပ်သော အပိုလုပ်ထားသော ဇာတ်ဝင်ခန်းများ၊ စကားပြောခန်းတော်တော်များများပါဝင်သည်။  တယ်လီဖုန်းအသံမြည်လာပါက "ဟုတ်ကဲ့အမိန့်ရှိပါရှင်/ ခင်ဗျာ " ဟူသော တမ္ဘာလုံးဘယ်သူမှ မသုံးကြသော ပြန်လည်ဖြေကြားသော ဖုန်းစနစ်ကို အပို(fussiness)လုပ်၍သုံးသည်။တစ်ဦးတည်းသောသား တစ်ဦးတည်းသောသမီး ဖြစ်သောကြောင့်၊ မည်မျှချစ်ကြောင်း အလိုလိုက်ကြောင်း အဆင့်အတန်းမတူသော သူတို့ သား၊ သမီးနဲ့ ဘယ်လိုမှ လုံးဝ လုံးဝ သဘောမတူကြောင်း ရုပ်ရှင်ဇာတ်လမ်းများတွင် တသီးတည်းသောသား၊ တဦးတည်းသောသမီးဆိုပြီး ထပ်သလဲလဲ မပြောမဖြစ် ပြောရမည့် စကားလိုဖြစ်နေသည်။ တဦးတည်းသော သား၊ တဦးတည်းသောသမီး အသုံးအနုန်း မပါဘူးဆိုရင် မြန်မာရုပ်ရှင် မဖြစ်တော့ပါလားဟု ပြောရမလို ဖြစ်နေ၏။ တရုပ်ပြည်မှာ လူဦးရေထူထပ်သောကြောင့် ဇနီး မောင်နှံ တစုံတွင် သားသမီးတယောက်သာ ယူရမည် သတ်မှတ်ထားသောကြောင့်၊ တရုပ်ကိုများအားကျခါ တဦးတည်းသောသား/သမီးဆိုတာကို ခံတွင်းတွေ့နေတာလည်းဖြစ်နိုင်သည်။ တစ်ဦးတည်းသောမွေးစားသား၊ သမီး။ တစ်ဦးတည်းသော တူ၊ တူမ။ အစုံပါဘဲ။

အပြင်သွားမယ် ကားအပြင်ထုတ်ထားလိုက်။ အပြင်သွားမယ်ဆို ခဏစောင့် အ၀တ်အစားလဲလိုက်အုံးမယ်၊ စသဖြင့်ပြောကြသေးသည်။ ကြည့်လို့ဘယ်လိုမှ အဆင်မပြေတာများလည်း ရှိသေးသည်။ ချမ်းသာသောမိသားစုများမှာ အိမ်အကူလုပ်ပေးသူများက(သူတို့အခေါ်= အိမ်ဖေါ်) သူတို့စားသောက်နေစဉ် ယပ်တောင်ခတ်ပေးရတာ၊ အိမ်ကြီးရှင်တွေ ပြောသမျှ(မှား မှား မှန် မှန်) မျက်နှာငယ်လေးဖြင့် ပြန်မပြောရဲသော ပုစံနှင့် ရိုက်ချက်များမှာလည်း မပါမဖြစ်။ အို ဒါမင်းမဲတိုင်းပြည်မှမဟုတ်တာ သူတို့လုပ်ချင်တိုင်း လုပ်လို့ရမလားဆိုပြီး နေခင်းကြောင်တောင်(သို့)ညမှောင်မှောင်မှ မိန်းခလေးတယောက်ကို လူကြမ်း ၃-၄-၅ ယောက်က၀ိုင်းဆွဲကြသည်။ လူတယောက်ကို ၀ိုင်းပြီး ရိုက်နှက်ကြသည်။ လမ်းလည်ကောင်မှာ အရက်ပုလင်းကို လက်မှကိုင်ခါ အမူးသမားက အော်ဟစ်နေပုံကလည်း မရိုးနိုင်သော ရိုက်ချက်ပြင်းပြင်းလည်းပါသေးသည်။ နိုင်ငံတကာမှာ လူတယောက်၏ ချို့ယွင်းချက်များဖြစ်သော စကားထစ်ခြင်း၊ မျက်စိမမြင်ခြင်း၊ ကိုယ်လက်အင်္ဂါ ချို့ယွင်းမှုများကို ရယ်စရာအဖြစ် နောက်ပြောင်ပြသခြင်းအား တားမြစ်ထားသည်။ ဘ၀သရုပ်မှန် တကယ်ဖြစ်အပျက်(စာနာ အားပေးမှုကို ထင်ရှားပေါ်လွင်စေရန်)များကို တင်ပြပိုင်ခွင့်ရှိသည်။ မြန်မာကားတွေမှာ ထိုသို့နောက်ပြောင်မှုများကို တွေ့နေရသည်။ လူအခွင့်အရေးကို ချိုးဖေါက်ဖို့ရန် အားပေးနေသလိုပင်။ အဆိုးဆုံးကတော့ ဒီလူက စာတွေအများကြီးဖတ်ပြီး ဦးနှောက်သိပ်မမှန်တော့ဘူးဆိုသော မှားယွင်းသော အတွေးအခေါ် အယူအဆမျိုးကို ကားအချို့မှာပါဝင်စေပြန်သည်။ ထိုသို့အပိုတွေ တန်ဆာဆင်ခြင်းဖြင့် ပြည်သူတွေပိုက်ဆံ၊ အချိန်နဲ့ခံစားမှု၊ အတွေးအခေါ်တွေကိုလည်းစော်ကားရာရောက်၏။ လူ့အဖွဲ့အစည်းများလည်း ကမောက်ကမ လမ်းလွဲကုန်သည်။

မြို့ရော တောနယ်တွေပါ ရောက်ရှိကာ လူကြီး လူငယ်တွေ အများဆုံး ကြည့်ကြသည်မှာ ရုပ်ရှင်ဖာတ်ကားများဖြစ်သည်။ အလုပ်ပင်ပန်းပြီး မိမိအိမ်နေရပ်ရင်းသို့ပြန်လာပြီး၊ ရုံဝင်ခပေး၍ ကြည့်ရ ကြည့်ရ အခြေခံလူတန်းစား အများစုမှာ သူတို့ကြိုက်နှစ်သက်သော မင်းသား မင်းသမီး ပါဝင်သော ကားကို ကြည့်လိုက်ရလျှင် အမောအပန်းတွေ ပြေပျောက်ကုန်သည်။ သူတို့စွဲလန်း ကြိုက်နှစ်သက်သော ဘိုင်စကုတ် မင်းသား မင်းသမီး ရုပ်ပုံများကို အိမ်နံရံမှာ ချိတ်ထား ကပ်ထားတတ်ကြသည်။ ခေါင်းရွက် ဗျပ်ထိုး ရောင်းကြသော ဈေးသည် ဗန်းပေါ်တွင် သူတို့ချစ်သော သူတို့ ခရေစီဖြစ်သော မင်းသား မင်းသမီး ပုံတွေကိုပါ တပါတည်းသယ်ဆောင် သွားတတ်ကြသည်။

မှန်မှန်လေး အလျှိုအလျှို ထွက်လာသော အရာများမှာ ဒီဗွီဒီဟာသ ဇာတ်လမ်းများနှင့် အငြိမ့်၊ ဗွီစီဒီ အခွေများဖြစ်ကြသည်။ အကြောင်းအရာ ထပ်နေသော ဇာတ်လမ်းများ၊ နိုင်ငံတကာ ရုပ်ရှင်များမှ စုပေါင်း စပ်ပေါင်းဇာတ်လမ်းများလည်း ပါနိုင်သည်။ ဖန်တရာကျေနေသော ပြက်လုံးများ ထပ်နေသော၊ စည်ပင် မီးသတ် ယာဉ်ထိန်းရဲ ဘောလုံးအသင်းကို နောက်ပြောင်သော ထေ့လုံးများ၊ ကိုရီးယား မင်းသား မင်းသမီး နာမည်များကို လူရွင်တော်က သူကိုယ်သူမိတ်ဆက်လိုက်ခြင်း အညားဇရေားဆိုပြီး ကိုရီးယား စကားတစ်လုံး နှစ်လုံးပြောလိုက်ပါက တရေးနိုးထပြက်လည်း ပရိသတ်ရီသံ လက်ခုတ်သံကတော့ အသေအချာ ရဖို့ကျိမ်သေသလောက်ဖြစ်သည်။အမ်တီဗွီသီချင်းအခွေများလည်း ရာသီအလိုက်ထွက်လာကြသည်။

ဇာတ်လမ်းကောင်းကောင်း၊ အခြားအနုပညာဆိုင်ရာများမှာ နောက်ကျဆုတ်ယုတ်လာခြင်း ပထမအကြောင်းအရင်းမှာ- ရေးသားကြသော စာပေပညာရှင်များ၏ တီထွင် စိတ်ကူးရေးသားမှုများ လွတ်လပ်စွာ မထွက်ပေါ်လာခြင်းကြောင့်လည်းဖြစ်သည်။ ဆင်ဆာမိနေသောကြောင့်ဖြစ်သည်။ ရုပ်ရှင်မှာ ရေးသားသော ဇာတ်လမ်းစာသားကို ရွေးချယ် ရိုက်ကူးရခြင်းဖြစ်သည်။ ဂီတမှာလည်း ရေးသားချက်မှာသာ မူတည်သည်။ မိမိဖာသာ ဇာတ်လမ်းရေး ဇာတ်ညွန်းခွဲ ဒါရိုက်တာလုပ်ပြီး ရိုက်လိုက်သောကား၊ လူအများ ကိုယ်စားပြုပြီး၊ အများကြိုက်သည်ဆိုလျှင် ယင်းပုဂ္ဂိုလ် တော်တော် ကြိုးစားအားထုတ်ထားသည်မှာသေချာပြီ။ ဒီကြားထဲ ရိုက်ကူးပြီးသော ကားကို ဆင်ဆာက ဘာကြောင့် ညာကြောင့်(ဘာမှလည်း အနုပညာအကြောင်း နကန်းတလုံးနားမလည်ဘဲ) ဆိုပြီး ထပ်ဖြတ်လိုက်တော့ ရုပ်ရှင်ကောင်းကောင်း ကြည့်ရဖို့အရေး စဉ်းစားဖို့တောင် လမ်းစမပေးတော့ချေ။

ရုပ်ရှင်တကားကြည့်တော့မယ်ဆို အဓိကပါဝင်သော မင်းသား မင်းသမီး ကိုတော့ သိကြ မှတ်မိကြတာမို့ အထွေအထူးမပြောလိုပါ။ ဇာတ်ပို့ ဇာတ်ရံ နောက်ခံတေးဂီတ တည်းဖြတ်သူ စသော နာမည်များကို မသိ မမှတ်တာ အကြောင်းတော့ မဟုတ်ပါ။ ဇာတ်ကားတခုလုံးကို အစမှ အဆုံး ပရိတ်သတ်မျက်စိအရှေ့ ရောက်အောင် စီစဉ်ညွန်ကြား ရိုက်ကူးသော ဒါရိုက်တာနှင့် ဒီဇာတ်လမ်းကို စတင်ဖန်တီးရေးသားသော ရေးသူလောက်ကိုတော့ မမှတ်ထားတောင် ဖတ်ထားဖို့ သင့်ပါသည်။ ဒါမှ ရုပ်ရှင်တကားကိုကြည့်တာ ပိုပြီး အသက်ဝင်စေမည် ဖြစ်ပါသည်။ မင်းသား မင်းသမီး ဘယ်လို အ၀တ်အစား အရောင်အသွေးလေးကို ဘယ်လိုဝတ်ပြီး ဘယ်လို သရုပ်ဆောင်လိုက် မျက်စိထဲကကို မထွက်ဖူးဟုပြောတတ်သော ရုပ်ရှင်ကြည့် ပရိတ်ကြီး၏ မှတ်ဥာဏ်အစွမ်းကို ယုံကြည်ပါသည်။ ရုပ်ရှင်ကြည့်ပြီးသွားလို့ အိမ်မှာဖြစ်ဖြစ် သွားရင်း လာရင်းဖြစ်ဖြစ် အလုပ်ခွင်ထဲမှာဖြစ်ဖြစ် ဘယ်သူက ဘယ်လို သရုပ်ဆောင်သွားတာဖြင့် ဘယ်လိုတော်လိုက်တာ၊ သဘောကျလိုက်တာဆိုပြီး အတွေးထဲ စိတ်ကူးထဲမှာ ပြန်လည်မြင်ယောင်နေတတ်သည်။ ဇာတ်လမ်းကို စတင်ရေးသာသူ၊ ဇာတ်ညွန်းရေးသူ၊ စီစဉ်ညွန်ကြားသော ဒါရိုက်တာ၏လုပ်ကွက် အခန်းကဏ္ဍကပျောက်နေသည်။ ကျနော်တို့နိုင်ငံမှာ ရှိသင့်တဲ့သူက ရှိသင့်တဲ့နေရာမှာ ရှိကို မရှိသေးတာ ရှိနေဆဲပါ။

ကြည့်ရတာ ဘ၀င်မကျစရာကတော့၊ မျက်မမြင်ရှာသော လူများနှင့် လူကြမ်းတွေ အိန်တင်ထုတ်ခန်းမှလွဲ၍ အခြားသရုပ်ဆောင်မှုများမှ နေကာမျက်မှန်ကြီးတပ်ခါ အပို ရှိုးထုတ်ခါ သရုပ်ဆောင်ခန်းပြသခြင်းသည် တော်တော်အကြည့်ရဆိုးသည်။ စကားပြော သရုပ်ဆောင်ခန်းများတွင် မျက်လုံးနှင့် ပါးစပ် အချက်ကျကျ လှုပ်ရှားပြောင်းလဲမှုပေါ်မူတည်ပြီး အမူအရာအမျိုးမျိုးကို မည်သို့မည်ပုံဆိုတာ သိရှိနိုင်သည်။ တခါတရံ မျက်ခုံး အကွေး အပင်းနှင့် နှာခေါင်း အတွန့်အရှုတ်လေးတော့ ရှိတာပေါ့။ ဒါပေသိ မျက်လုံးကြီးပိတ်ခါ ရိုက်ပြ သရုပ်ဆောင်ပြတော့ ပရိတ်သတ်က အရှုံးပေါ်တာပေါ့။ အခုသရုပ်ဆောင်နေကြသောမင်းသားမင်းသမီးတိုင်းတိုင်းလိုလိုမျက်မှန်တပ် သရုပ်ဆောင်တာ ဖက်ရှင်လိုဖြစ်နေပါပြီ။

အနုပညာ ဖန်တီးသူတွေ စိတ်ညစ် ကြိုးစားမှုတွေ အလဟသတ်ဖြစ်ခါ ရင်ထဲမကောင်းဖြစ်စရာ ကိစ္စကတော့၊ သူများအချိန်ကုန် လူပင်ပန်းခံ ငွေအား လူအားများ ပေါင်းစပ် ဖန်တီးထားသော အနုပညာအသီးအပွင့်ကို ခိုးယူ ကူးပြီး ဈေးပေါပေါဖြင့် ပြန်လည်ရောင်းချသော ခိုးကူးခွေကိစ္စပင်ဖြစ်သည်။ ခိုးကူးခွေကိစ္စ၊ မသမာမှုများမှာ နေရာအသီးသီး နိုင်ငံအသီးသီးမှာရှိနိုင်သည်။ မိမိတတ်ကျွမ်းသော နည်းပညာဖြင့်ကူးယူနိုင်သည်။ မိသားတစ်စု နှစ်စုကိုလက်ဆောင်အဖြစ်ပေးနိုင်သည်။ ဒီထက်ပိုပါက မသမာမူကို အားပေးကူညီရာရောက်နိုင်သည်။ ကိုယ်တိုင်လည်းလိပ်ပြာမလုံဖြစ်ရသည်။ ယခုလိုနည်းပညာတိုးတက်သောကာလတွင် ပိတ်ကားပေါ် ဖန်သားပြင်ပေါ် ပေါ်လာသောအရာမှန်သမျှ ပြန်လည်ကူးယူခြင်းသည် အလွယ်လေးပင်ဖြစ်သည်။ တတ်သင့်သောနည်းပညာ၊ ကူးယူနိုင်သော အဆင့်မှီ စက်ကရိယာသာလိုအပ်သည်။ လူပြိန်းနည်းဖြင့် ပေါ်လာသော အရုပ် အသံကို ရိုက်ကူးစက်ဖြင့်ရိုက်ခါပြန်လည်ရိုက်ကြသေးသည်။

နည်းပညာထွန်းကားသော နိုင်ငံတွေမှာ စီဒီကိုခပ်ထူထူထဲသို့ ရုပ် သံများကိုလေဆာဖြင့် ခပ်နက်နက်ထည့်သွင်းကြသည်။ ခပ်လွယ်လွယ်ပြန်လည် မကူးနိုင်အောင်နှင့်၊ မူပိုင်ခွင့်ကို ချိုးဖေါက်ပါါက တရားစွဲ ဒဏ်ငွေပေးရမည်ဖြစ်ကြောင်း သတိပေးစာတန်းများဖေါ်ပြထားသည်။ မြန်မာကထုတ်သော ဘယ်လိုစီဒီမဆို အလွယ်တကူဖြင့်အကုန်ကူးလို့ရသည်။ တိုင်းပြည်ရှိပြည်သူအများစု ဆင်းရဲဖြင်း၊ သက်ဆိုင်ရာက ခိုးကူးသူများကို ထိထိရောက်ရောက်အရေးမယူခြင်း(ငွေကြေးရယူခါအားပေး အားမြောက်ပြုနေခြင်း)၊ အခြေခံပညာရေးအပြည့်အ၀မပေးသောကြောင့် အသိပညာ အတတ်ပညာတတ်ကျွမ်းသူ နည်းပါးသောကြောင့်လည်းကောင်း၊ အများစုမှာဝင်ငွေနည်း၊ အချိန်အားများ များစွာပိုနေခြင်းကြောင့် ခိုးကူးအခွေများ ပေါပေါလောလော ပေါ်လာစေရန်တွန်းအားပေးနေသည်။

ရုပ်ရှင်ရုံယဉ်ကျေးမှုက မြန်မာမှာအထာမကျသေးပေး။ ရုံထဲဝင်ကြည့်ရသောငွေကြေးကပင် သာမန်ပြည်သူများအတွက် သူတို့နှင့်မဆိုင်သလိုဖြစ်နေသည်။ မိသားစုအပန်းဖြေစရာ အမောပြေစရာဆိုတာနေရာဆိုတာ တမေ့တမောကိုဖြစ်နေခဲ့ပြီ။ ပညာရေးစနစ်၊ အလုပ်အကိုင် ၀င်ငွေများသော နိုင်ငံအချို့တို့တွင် ရုပ်ရှင်ရုံများတွင် လူများကြည့်ရှု့နေကြဆဲဖြစ်သည်။ ရုံများကိုအဆင့်မှီတည်ဆောက်ထားသည်။ အသံပိုင်းဆိုင်ရာထိန်းချူပ်မှုစနစ်ကောင်းမွန်သောကြောင့် အိမ်မှာကြည့်ခြင်းထက် ရုံထဲမှာကြည့်ရခြင်းက ပိုအရသာတွေ့ခြင်းပင်။ တိုးတက်သောနေရာများကိုမမျှော်လင့်ကစား၊ မြို့သစ် ရွာသစ်တောင်တည်နိုင်သေးသည် ပြည်သူတွေကြည့်ရန် ရုံကောင်းကောင်းနှင့် ကားကောင်းကောင်းထွက်ရန်အားမပေးသင့်ပေဖူးလား။ မူရင်းရေးသောစာကို မကြိုက်သောကြောင့်ဖြတ်သည်။ ရိုက်ကူးပြီးသွားသောကားကို ဆင်ဆာ(ဘာမသိ ညာမသိ)အဖွဲ့ကထက်ဖြတ်လိုက်သည်။ ဒီကြားထဲ ရုပ်ရှိ ရေလျှံ အနုပညာအကြောင်းနားမလည် မင်းသား မင်းသမီးနှင့် သူတို့အဆွယ်အပွားများ ဟိုလိုမကြိုက်ဘူး၊ ဒီအခန်းမရိုက်နိုင်ဘူးဆိုပြီး အထွဋ်တက် ကွပ်မျက်ကြတော့ သွားပါပြီ မြန်မာကားရာဇ၀င်။

ဈေးဘယ်လောက်ပေါပေါ သူတို့ချစ်သော အနုပညာရှင်၏ မူရင်းအခွေကို အားပေးဝယ်ယူသောခေတ်၊လူအများရွေးချယ်သော သရုပ်ဆောင်များကို လူအများက ၀မ်းသားအားရကြိုဆိုသောခေတ်၊ သရုပ်ဆောင်များကို ကောင်း၊ မကောင်းကို ရင်ဖြင့်တကယ်ကြည့်ကြသောပြည်သူက အကဲဖြတ်ခါ အကယ်ဒမီထူးချွန်ဆုပေးသောခေတ်၊ မူရင်းစာရေးဆရာ ဇာတ်ညွန်းရေးသူ ဒါရိုက်တာများကိုတလေးတစားအသိအမှတ်ပြုသောခေတ်ကိုရောက်မှဖြင့် မြန်မာရုပ်ရှင်လောက အနည်းငယ်တိုးတက်လာပါပြီ။

အိုဘာတဲ့-----------

xxxမြန်မာ့ မြန်မာ့ရုပ်ရှင်-- လူမျိုးဂုဏ် အင် x တိုးတက်ဖို့အစဉ်-- အရာရာနိုင်း အင်x မြန်မာ့ မြန်မာ့ရုပ်ရှင် နိုင်ငံဂုဏ် အင်x သုခုမတွင် ပေါ်လွင်ခဲ့ အင်xxx

အောင်မြင့်သန်း

၁၊၁၊ ၂၀၁၃