01.01.2013 နေ့ဖတ်ရန်သတင်းများ

by Myanmar Journal on Monday, December 31, 2012 at 7:38pm ·

နှစ်သစ်ကြိုတဲ့ ရန်ကုန်ည

 

ရန်ကုန်မြို့ မြို့မကွင်းမှာ ပထမဆုံးအကြိမ် အများပြည်သူများ ပါဝင်တဲ့ ၂၀၁၃ နှစ်သစ်ကူးကြိုဆိုပွဲမြင်ကွင်း ( ဇန်နဝါရီ ၁ရက် ၊ ၂၀၁၃။)

မြန်မာနိုင်ငံ အများပြည်သူပါဝင်နိုင်မဲ့ နှစ်သစ်ကူး ကြိုဆိုပွဲတခုကို ရန်ကုန်မြို့မှာ ဒီကနေ့ ကျင်းပဖို့ စီစဉ်နေပါတယ်။ တခြားနိုင်ငံတွေမှာလိုပဲ လူအများပါဝင်နိုင်တဲ့ နှစ်သစ်ကူး ကြိုဆိုပွဲကို မြန်မာနိုင်ငံမှာ စတင် မိတ်ဆက်တာဖြစ်တယ်လို့ ပွဲစီစဉ်တဲ့ တာဝန်ရှိသူ တယောက်က ပြောပါတယ်၊

မိုင်ဒါကွင်းလို့ အများသိကြတဲ့ မြို့မကွင်းမှာ လုပ်မဲ့ပွဲကို ဘယ်သူမဆို အခမဲ့ ပါဝင်ဆင်နွဲလို့ ရအောင် စီစဉ် ထားတယ်လို့လဲ ဆိုပါတယ်။ ဒီပွဲကို ဘယ်သူတွေက စီစဉ်ပြီး ဘယ်သူတွေက သွားဖို့ ပြင်ဆင်နေကြသလဲ ဆိုတာကို ဘန်ကောက်ရုံးက မစုမြတ်မွန်က အပြည့်အစုံ တင်ပြပေးထားပါတယ်။

ရန်ကုန်မြို့ ဦးဝိစာရလမ်းမှာရှိတဲ့ မိုင်ဒါကွင်းမှာ လူတိုင်းပါဝင်နိုင်တဲ့ နှစ်သစ်ကူးကြိုဆိုပွဲကို ဒီကနေ့ညမှာ ပြုလုပ်နေတာဖြစ်ပါတယ်။ MRTV4, Forever Blossom, Media ကမ္ဘာစတဲ့ လုပ်ငန်းတွေရဲ့ မိခင်လုပ်ငန်းကြီးဖြစ်တဲ့ Forever Group မီဒီယာလုပ်ငန်းကြီးက စီစဉ်တဲ့ပွဲဖြစ်ပါတယ်။ နှစ်သစ်ကူးကြိုဆိုပွဲ အစီအစဉ်နဲ့ ပါတ်သက်လို့ ပွဲစီစဉ်တဲ့ထဲက Media ကမ္ဘာ Company တာဝန်ရှိသူတယောက်က VOA မြန်မာပိုင်းကို အခုလို ရှင်းပြပါတယ်။

“ကျနော်တို့ ဒီနေ့ည အစီအစဉ်ကတော့ ဒီ Count Down မတိုင်ခင်မှာ ဖျော်ဖြေရေး တွေ ပါမယ်ပေါ့နော်။ အဆိုတော်ထဲမှာတော့ နံမည်ကြီးအဆိုတော်တွေဖြစ်တဲ့ ဖြိုးကြီးတို့၊ သားစိုးတို့၊ သျှီတို့၊ ကောင်းမြတ် အဲ့လို အဆိုတော်တွေပါတယ်။ နောက်ပြီးတော့ Dancers တွေပါမယ်။  Dancers တွေ ကတာပါမယ်။ ဟာသတွေ ဖျော်ဖြေဖို့ ခင်လှိုင်တို့၊ ဒိန်းဒေါင်တို့ပါတယ်။ နောက်ပိုင်းမှာ DJ တွေလည်းပါတယ်။ Count Down ရေခါနီး ၁၂နာရီ တီးခါနီး ကျလို့ရှိရင် နှစ်သစ်နဲ့ဆိုင်တဲ့ သီချင်းတွေ လုပ်ထားတယ်ခင်ဗျ။ ၁၂နာရီထိုးခါနီးကျရင် အစီအစဉ်တွေ အားလုံးရပ်ပြီးတော့ အားလုံး ဝိုင်းပြီးတော့ ကောင့် ရေမယ်ပေါ့နော်။ အထဲမှာလည်း LED-Screen ငါးချပ်ထည့်ထားတယ်။ Screen ပေါ်မှာ Count Down လုပ်ပြီးတော့ ဝိုင်းပြီးတော့ ရေ ကြမယ်။ နောက်ပြီးတော့ Theme song ကို အားလုံး ဝိုင်းဆိုပြီးတော့ ပရိတ်သတ်တွေနဲ့ အတူတူ လုပ်ဖို့ လုပ်ထားတာပါ။

မေး။   ။ မီးရှုးမီးပန်းတွေ ဖောက်ဖို့ ပါပါလားရှင့်။

အစကတော့ လုပ်ဖို့ရှိတယ်။ ဒါပေမဲ့ ဒီနားဝန်းကျင်ကျတော့ ဘေးနားမှာ ဆေးရုံရှိတယ်။ ပထမတော့ လုပ်ဖို့ ရည်ရွယ်ထားပေမယ့် လုံခြုံရေးကြောင့် မလုပ်ဖြစ်ပါဘူး။ "

ဒီလိုပွဲ လုပ်ရတဲ့ အဓိက ရည်ရွယ်ချက်ကတော့ နိုင်ငံတကာမှာလိုပဲ မြန်မာနိုင်ငံ  ပြည်သူ အားလုံး နှစ်သစ်ကြိုဆိုပွဲကို ပါဝင်ဆင်နွဲနိုင်အောင် ရည်ရွယ်တာဖြစ်တယ်လို့ ပြောပါတယ်။

“အဓိကကတော့ အများပြည်သူ လာနိုင်တဲ့နေရာမှာ အများပြည်သူပါဝင်နိုင်မဲ့ နှစ်သစ်ကို ကြိုဆိုနိုင်တဲ့ အခမ်းအနားတစ်ခု ပါဝင်နိုင်အောင် ကျနော်တို့ လုပ်တာ။ နိုင်ငံတကာမှာလည်း ဒီလိုမျိုးပွဲ အကုန်လုံးရှိတယ်။ ကျနော်တို့ Screen မှာကို နိုင်ငံတကာတွေမှာ Count Down လုပ်တဲ့ ဗီဒီိယို Footage တွေကို ရရင် ပြမှာပါ။ ကျနော်တို့ရှေ့မှာ ဥပမာ နယူးဇီလန်ကစမယ်ဆို နယူးဇီလန် ပြီးရင် လာမယ့်နိုင်ငံ အဲ့လို အဲ့ဒီ့နိုင်ငံတွေရဲ့ အများပြည်သူနဲ့ ဆိုင်တဲ့နေရာတွေမှာ ပြတဲ့ဟာတွေပေါ့။ ကျနော်တို့ ပြည်သူတွေ ကလည်း နိုင်ငံတကာနဲ့ အတူတူ နှစ်သစ်ကို အတူတကွပေါင်းပြီးတော့ ဒီ Publice area မှာ စုဝေးပြီး ကြိုဆိုလို့ရတယ်ဆိုတဲ့ ပုံစံပေါ့။ အဲ့တာမျိုး လုပ်လို့ရတယ်ဆိုတာ ကျနော်တို့ ရည်ရွယ်ပြီးလုပ်တာပါ။”

ဒီနေ့ည ဒီဇင်ဘာ ၃၁ ရက်နေ့မှာ လုပ်တဲ့ပွဲအတွက် December လဆန်းပိုင်းထဲက အခမဲ့ လက်မှတ်တွေကို စတင်ဝေနေတာမှာ စုစုပေါင်း လက်မှတ်ပေါင်း ၃ သောင်းကျော်ကုန်သွားပြီလို့လဲ ဒီနေ့ညပွဲကို စီစဉ်တဲ့အထဲက Media ကမ္ဘာ Company တာဝန်ရှိသူက VOA မြန်မာပိုင်းကို ပြောပါတယ်။ လက်မှတ် ၁ စောင်ကို လူ ၂ ယောက် ဝင်ခွင့်ပြုထားတယ်လို့လဲ ဆိုပါတယ်။

ရန်ကုန်မြို့မှာ အခုလို အများပြည်သူအတွက် လုပ်ပေးတဲ့  နှစ်သစ်ကူး ကြိုဆိုပွဲမျိုး အရင်နှစ်တွေတုန်းက မရှိခဲ့တဲ့ အတွက် အခုလို ပထမဆုံးလုပ်တဲ့ ပွဲကို ဖြစ်အောင် သွားမယ်လို့ ပြောကြသူတွေ ထဲမှာ ရန်ကုန်မြို့က ကိုစောဟန်လဲ တယောက် အပါအဝင်ဖြစ်ပါတယ်။

“ New Year တွေက စင်ကာပူတို့ ထိုင်းတို့မှာလည်း လုပ်တယ်လေ။ သူတို့ဆီမှာတော့ ဒါတွေက လုပ်တာကြာလှပြီ။ ကျနော်တို့ နိုင်ငံမှာတော့ အခုမှ စလုပ်တာပေါ့နော်။ အဲ့တော့ အဲ့ဒီ့ပွဲကို တက်ချင်တာပေါ့။ ဘာရယ်လို့ မဟုတ်ဘူး။ ကျနော်တို့ နိုင်ငံအနေနဲ့  ပထမဆုံး လုပ်ရတဲ့ပွဲ၊ ပထမဆုံး လုပ်ခွင့်ရတဲ့ပွဲပေါ့နော်။ ပြည်သူတွေအကုန်လုံး Public ကို လုပ်ခွင့်ပေးတဲ့ပွဲမို့လို့ ကျနော်တို့က ပြည်သူတယောက်အနေနဲ့ သွားတက်တဲ့ သဘောပါ။ ကျနော်တို့ မြန်မာပြည်မှာက New Year Night ကို အရင် အရင်တုန်းက လုပ်တယ်ဆိုတာက ကိုယ့်ဘာသာကိုယ် အုပ်စုလေးတွေဖွဲ့တယ်။ ဒါမှမဟုတ်လည်း စားသောက်ဆိုင်သော်လည်းကောင်း၊ ကလပ်သော်လည်းကောင်း သူတို့ဘာသူတို့ သီးသန့်ကျင်းပတာပေါ့။ Public က တက်နိုင်တယ်ဆိုတာ သိပ်မရှိကြဘူး။ ဆိုလိုတာက လူချမ်းသာတွေပဲ လုပ်နိုင်တာပါ။ New Year ဆိုတာက အခုမှသာ ဒီလိုပွဲတွေကို Public ကို လုပ်လာတဲ့အတွက် Public က တက်လို့ရလာတာပေါ့နော်။ အဲ့တာမျိုးကြောင့်လည်း ကျနော်တို့က သွားတာပါ။”

နေရာတခုမှာ သတ်သတ်မှတ်မှတ် နှစ်သစ်ကူးပွဲလုပ်ပေးတဲ့အတွက် ပြဿနာဖြစ်တာတွေလဲ နည်းမယ်လို့ ကိုစောဟန်က မျှော်လင့်ပါတယ်၊ ဒီနေ့ည မိုင်ဒါကွင်းမှာလုပ်နေတဲ့ နှစ်သစ်ကူးပွဲကို ရန်ကုန်တိုင်းရဲတပ်ဖွဲ့အပြင် ပုဂ္ဂလိက လုံခြုံရေးတွေကိုပါ ငှားရမ်းထားပြီး နှစ်သစ်ကူး ကြိကြမယ့်သူတွေအတွက် လုံခြုံအောင်စီစဉ်ထားပါတယ်လို့ ပွဲစဉ်သူတွေက ပြောပါတယ်။

၂၀၁၃ နှစ်သစ်ကူးပွဲ ကမ္ဘာတ၀ှမ်းမှာဆင်နွှဲ

သြစတေးလျနိုင်ငံ ဆစ်ဒနီမြို့က နှစ်သစ်ကူးကြိုဆိုတဲ့ အခမ်းအနား (ဇန်နဝါရီလ ၁ရက်၊ ၂၀၁၃)။

၂၀၁၃ခုနှစ် နှစ်ကူးနေ့ကို ကမ္ဘာတဝှမ်းမှာ ကြိုဆိုနေကြတာပါ။ အာရှပစိဖိတ်နိုင်ငံတွေဟာ နှစ်သစ်ကို အရင်ဆုံး ကြိုဆိုနိုင်ခဲ့ကြပြီး သြစတေးလျနိုင်ငံ ဆစ်ဒနီမြို့က ဆိပ်ကမ်းမှာ ခမ်းနားကြီးကျယ်တဲ့ မီးဆိုင်းမီးပန်းတွေကို ထွန်းညှိပြသထားပါတယ်။ ဆစ်ဒနီဆိပ်ကမ်းဝန်းကျင်မှာ လာရောက်ပြီး စုဝေးကြသူပေါင်းဟာ တစ်သန်းခွဲလောက်ရှိမယ်လို့ ခန့်မှန်းကြပါတယ်။ အဲ့ဒီ့ဒေသမှာ နွေးထွေးတဲ့နွေညဖြစ်တာမို့ လူတွေအတော်များများ အေးအေးချမ်းချမ်းနဲ့ ဆင်နွှဲနေကြပါတယ်။

မီးရှုးမီးပန်းပြပွဲအတွက် ဒေါ်လာသန်းပေါင်း ၆.၉သန်းဖိုး အကုန်အကျခံပြီးပြသ ထားတာပါ။ သြစတေးလျနိုင်ငံက နံမည်ကျော် ဂီတပညာရှင် Kylie Minogue  က ဆစ်ဒနီဆိပ်ကမ်းတံတားမှာ တန်ဆာဆင် ထွန်းညှိထားတဲ့ မီးတွေပွင့်လာအောင် ခလုတ်နှိပ်ပေးခဲ့ပါတယ်။

ဂျပန်နိုင်ငံမှာတော့ တိုကျိုမှာရှိတဲ့ အဆာကူဆာ ဘုရားကျောင်းမှာ ရိုးရာနှစ်သစ်ကူး ပွဲတော်ကျင်းပနေသလို ဂျပန်နိုင်ငံတဝှမ်းက ဗုဒ္ဓဘာသာဘုန်းတော်ကြီးကျောင်းတွေ၊ ရှင်တို ဘုရားကျောင်းတွေမှာ ၂၀၁၃ခုနှစ်အတွက် ကံကောင်းစေဖို့ သန်းနဲ့ချီတဲ့ ဂျပန်လူမျိုးတွေ လာရောက်ဆုတောင်းနေကြပါတယ်။

အင်ဒိုနီးရှားနိုင်ငံ မြို့တော် ဂျာကတာမှာတော့ နှစ်သစ်ကူးပွဲတော် ကပွဲခုန်ပွဲ ကျင်းပနေတာမို့ အဓိက အဝေးပြေးလမ်းမကြီးကို ပိတ်ထားပါတယ်။

ကမ္ဘာတလွှား နှစ်သစ်ကို ကြိုကြပြီဆစ်ဒနီမှာ ကျင်းပတဲ့ နှစ်သစ်ကူးပွဲ

ကမ္ဘာတလွှားမှာ သန်းနဲ့ချီတဲ့ လူတွေဟာ ၂ဝ၁၃ ခုနှစ်ကို ကြိုဆို ခဲ့ကြပါတယ်။

လန်ဒန်မြို့က ဘစ်ဘန် နာရီစင်ကြီး အနီးမှာလည်း မီးရှူး မီးပန်းတွေ ဖောက်ကာ ကြိုဆိုကြပြီး လူတွေ သိန်းနဲ့ချီ တက်ရောက်ခဲ့ပါတယ်။

ပစ္စဖိတ် ဒေသ တဝိုက် ကနေ စတင်ပြီး နှစ်သစ်ကို ကြိုဆိုခဲ့ရာမှာ သြစတြေးလျ နိုင်ငံ ဆစ်ဒနီမြို့မှာလည်း တခြား မြို့ကြီးတွေမှာလိုဘဲ မီးရှူး မီးပန်းတွေ ဖောက်ပြီး မြိုင်မြိုင်ဆိုင်ဆိုင် ကျင်းပခဲ့ပါတယ်။

မြန်မာနိုင်ငံ ရန်ကုန်မြို့မှာတော့ နိုင်ငံရေး ချုပ်ကိုင်မှုတွေ လျှော့ပေါ့ပေးတဲ့ နောက်ဆုံး ပြယုဂ် အဖြစ် မနေ့က ဒေသစံတော်ချိန် ည၁၂ နာရီမှာ ၂ဝ၁၃ ခုနှစ်ကို တပျော်တပါး ဂီတပွဲတော်တွေနဲ့ ကြိုဆိုခဲ့ကြပါတယ်။

စစ်အစိုးရ လက်ထက်မှာ လူစုလူဝေးနဲ့ စုရုံးမှုတွေကို တားမြစ် ခံခဲ့ရတဲ့ မြန်မာနိုင်ငံမှာ မနေ့ညက ကျင်းပခဲ့တဲ့ နှစ်သစ်ကူး ပွဲမှာတော့ လူတွေ သောင်းနဲ့ချီပြီး ပါဝင် ဆင်နွှဲခဲ့ကြတယ်လို့ ပွဲစီစဉ်သူတွေက ပြောပါတယ်။

ရန်ကုန်မြို့ရဲ့ အမှတ်အသား ဗုဒ္ဓဘာသာဝင်တို့ အထွတ်အမြတ် ပူဇော်ရာ ရွှေတိဂုံ စေတီတော် အနောက်ဘက်က မိုင်ဒါကွင်းမှာ ဒီနှစ်သစ်ကူး ပွဲကို ကျင်းပခဲ့တာ ဖြစ်ပါတယ်။

Fiscal Cliff အရေး သဘောတူညီမှု မရသေး

 Fiscal CLiff အရေး ဆွေးနွေးနေတဲ့ Capital Hill

အမေရိကန် ပြည်ထောင်စုမှာ အစိုးရ အသုံးစရိတ် အကြီးအကျယ် ဖြတ်တောက်ပြီး အခွန်တွေ အဆမတန် တိုးကောက်ကာ ဘတ်ဂျတ် လိုငွေလျော့မယ့် အစီအစဉ်ကို ရှောင်ရှား နိုင်ဖို့ သဘော တူညီချက် တခုခု အတွက် အောက်လွှတ်တော် အမတ်တွေက ဒေသစံတော်ချိန် သန်းခေါင်ယံ မတိုင်မီ အထိ မဲပေးမှာ မဟုတ်ဘူးလို့ ရီပါ့ဘလစ်ကန် အရာရှိတွေက ပြောပါတယ်။ဒါ့အပြင် ဘယ်လို အစီအစဉ်တွေ အမြန် အကောင်အထည် ဖော်မလဲ ဆိုတာကို အိမ်ဖြူတော် အစိုးရ အဖွဲ့နဲ့ ဆီးနိတ် လွှတ်တော် အမတ်တွေကြား ဆွေးနွေး နေကြပြီး သဘောတူညီချက် ရပြီ ဆိုရင် အောက်လွှတ်တော် အမတ်တွေက အချိန်ယူ လေ့လာ သုံးသပ်ဖို့ လိုတယ်လို့ အရာရှိတွေက ဆိုပါတယ်။

လုပ်ထုံး လုပ်နည်း အရ ပြောရမယ် ဆိုရင်တော့ fiscal cliff လို့ခေါ်တဲ့ ဘဏ္ဍာရေး အစီအစဉ်ကို အမေရိကန်တွေ ဖြတ်သန်း ရင်ဆိုင်ရပါ လိမ့်မယ် ၊ ဆိုလိုတာက မနေ့က အမေရိကန် အချိန် သန်းခေါင်းယံက စပြီး ဒီအစီအစဉ်က သက်ရောက်မှု ရှိမှာ ဖြစ်ပါတယ်။

ဒါပေမယ့် လာမယ့် ၂၄ နာရီ အတွင်း အပြီးသတ် သဘောတူညီချက် ချနိုင်ရင်တော့ ထိခိုက် အကျိုးသက်ရောက်မှု နည်းနည်းသာ ခံရမှာ ဖြစ်ပါတယ်လို့ ဘီဘီစီ သတင်းထောက် တယောက်က ပြောပါတယ်။

ကလင်တန် ဦးနှောက် သွေးခဲလို့ ဆေးရုံ တင်ထားရ

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်

အမေရိကန် နိုင်ငံခြားရေး ဝန်ကြီး ဟီလာရီ ကလင်တန်ဟာ ဦးခေါင်းမှာ သွေးခဲတဲ့ အတွက် နယူးယောက်မြို့မှာ ဆေးရုံတက်နေရပြီး သူမ ကောင်းကောင်း ပြန်ကျန်းမာလာဖို့ မျှော်လင့်တယ်လို့ ဆရာဝန်တွေက ပြောပါတယ်။

သူမရဲ့ ညာဖက် နားရွက်နောက် ဦးခေါင်းခွံ အောက်မှာ သွေးခဲခဲ့တာ ဖြစ်ပေမယ့် လေဖြတ်တာ ဒါမှမဟုတ် တခြား ဦးနှောက်ထိခိုက်မှုတွေ မဖြစ်ခဲ့ဘူးလို့ ဆရာဝန်တွေက ဆိုပါတယ်။

မစ္စက် ကလင်တန်ဟာ သတိကောင်းကောင်း ရနေပြီး မိသားစုဝင်တွေ ကျန်းမာရေး ဝန်ထမ်းတွေနဲ့ ပြောဆို ဆက်ဆံမှုတွေ ရှိနေတယ်လို့ သူမရဲ့ ဆရာဝန်တွေက အခြေအနေကို ရှင်းပြခဲ့ပါတယ်။

ဒီဇင်ဘာ အစောပိုင်း တုန်းက ခေါင်းထိခိုက်ပြီး မေ့မျော သွားခဲ့တဲ့ အတွက် ပြီးခဲ့တဲ့ တနင်္ဂနွေနေ့တုန်းက မစ္စက် ကလင်တန်က လာရောက် ဆေးစစ်မှုတွေ လုပ်ခဲ့ရာမှာ အခုလို ခေါင်းမှာ သွေးခဲနေတာ တွေ့ခဲ့တာ ဖြစ်ပါတယ်။

ရန်ကုန် နှစ်သစ်ကူးပွဲ ပြင်ဆင်

မိုင်ဒါကွင်းမှာ ကျင်းပမယ်

မြန်မာနိုင်ငံ ရန်ကုန်မြို့မှာ နိုင်ငံရေး ချုပ်ကိုင်မှုတွေ လျှော့ပေါ့ပေးတဲ့ နောက်ဆုံး ပြယုဂ် အဖြစ် လူအများအပြား နှစ်သစ်ကူး မီးပန်းတွေ ပစ်လွှတ်ဖို့ ပြင်ဆင် နေပါတယ်။

စစ်အစိုးရ လက်ထက်မှာ လူစုလူဝေးနဲ့ စုရုံးမှုတွေကို တားမြစ် ထားခဲ့ပြီး ကနေ့ည ကျင်းပမယ့် နှစ်သစ်ကူး ပွဲမှာတော့ လူသောင်းချီ စုဝေးကြမယ်လို့ ယူဆရပါတယ်။

ရန်ကုန်မြို့ရဲ့ အမှတ်အသား ဗုဒ္ဓဘာသာဝင်တို့ အထွတ်အမြတ် ပူဇော်ရာ ရွှေတိဂုံ စေတီတော် အနောက်ဘက်က မိုင်ဒါကွင်းမှာ ကျင်းပမှာ ဖြစ်ပါတယ်။

အရင်က နှစ်သစ်ကူးချိန်မှာ မျှော်စင်ကျွန်း ဖျော်ဖြေပွဲတွေလို အခကြေး ယူပြီး ကြည့်ရတဲ့ ပွဲတွေသာ ရှိခဲ့ပြီး ခုလို ကြည့်ချင်ပွဲ အဖြစ် အများပြည်သူ ကျယ်ကျယ်ပြန့်ပြန့် ပါနိုင်တဲ့ပွဲက ခုနှစ် ပထမဆုံး ဖြစ်ပါတယ်။

MRTV 4 က စီစဉ် ကျင်းပပြီး ခမ်းခမ်းနားနား ကျင်းပ ခဲ့တာပါ။

မြန်မာ အစိုးရရဲ့ ပွင့်လင်း ပြောင်းလဲမှု၊ နိုင်ငံတကာ နဲ့ အမီလိုက်ချင်တာကို ပြဖို့ ကြိုးစားတာလို့ ရှုမြင်ကြပါတယ်။

အိန္ဒိယ နိုင်ငံမှာတော့ ဒေလီမြို့က၂၃ နှစ် အရွယ် ကျောင်းသူလေး သေဆုံးရမှု အတွက် လေးစားမှု ပြတဲ့ အနေနဲ့ နှစ်သစ်ကူး ပျော်ပွဲရွှင်ပွဲတွေ မလုပ်ဖို့ အိန္ဒိယ တပ်မတော်က အရာထမ်း စစ်သည်တွေကို အမိန့်ထုတ်ထားပါတယ်။

အာဏာရ ကွန်ဂရက် ပါတီ ဥက္ကဋ္ဌ ဆိုနီယာ ဂန္ဓီကလဲ သူ့ပါတီဝင်တွေ နှစ်သစ်ကူးပွဲ လုပ်မှာမဟုတ်ဘူးလို့ ဆိုပါတယ်။

အမျိုးသမီးငယ်ရဲ့ ရုပ်ကလာပ်ကို တနင်္ဂနွေနေ့က သင်္ဂြိုဟ် ပြီးစီးခဲ့ပေမယ့် ပြည်နယ် အစိုးရ အတော်များများနဲ့ ဟိုတယ်တွေ ကလပ်တွေ၊ စီးပွားရေး အလုပ်တိုက်တွေက နှစ်သစ်ကူးပွဲတွေ ဖျက်သိမ်းတာ အကျဉ်းချုံး ကျင်းပတာတွေ လုပ်ကြပါတယ်။

အီဂျစ် ငွေတန်ဖိုး စံချိန်တင်အောင်ကျ

ငွေ တန်ဖိုး မကျအောင် ဗဟိုဘဏ် ကြိုးစား

အီဂျစ် ငွေတန်ဖိုး စံချိန်တင်အောင် ကျဆင်း နေတာကို စိတ်မပူဘူးလို့ အီဂျစ် သမ္မတ မော်စီ က ပြောကြား လိုက်ပါတယ်။

ရက်ပိုင်းအတွင်း အခြေအနေ ပြန်ကောင်းလာမယ်လို့ မစ္စတာ မော်စီ ပြောကြောင်း အီဂျစ် အစိုးရ သတင်းဌာန က ကြေညာ ခဲ့ပါတယ်။

အီဂျစ် ပေါင်ငွေ တန်ဖိုး မကျအောင် ထိန်းတဲ့ အနေနဲ့ ဗဟိုဘဏ်ကနေ နိုင်ငံခြား ငွေလဲ လုပ်ငန်းကို ဘဏ်ကလေးတွေဆီ လေလံပစ်တဲ့ စနစ် ကျင့်သုံးချိန်မှာ သမ္မတ မော်စီက ဒီလို ပြောကြား ခဲ့တာ ဖြစ်ပါတယ်။

ခုအခြေအနေမှာ အီဂျစ် နိုင်ငံသား တွေ တော်တော်များများ အမေရိကန် ဒေါ်လာ ပြောင်းပြီး ကိုင်ထားကြလို့ အီဂျစ်ငွေ တန်ဖိုးကျမှာ စိုးနေရပါတယ်။

စီးပွားရေး ပြုပြင်မှုတွေ လုပ်ဖို့ မစ္စတာ မော်စီက ကြွေးကြော် ထားပေမယ့် သူ့အစိုးရကို အယုံအကြည် အတော်နည်းနေကြတယ်လို့ အကဲခတ်တွေက ပြောဆိုနေပါတယ်။

အမေရိကန် ဘဏ္ဍာရေးပြဿနာ နောက်ဆုံးအချိန်ထိ ပြေလည်မှုမရ

အမေရိကန်သမ္မတ Barack Obama အိမ်ဖြူတော်တွင် Fiscal Cliff နဲ့ပတ်သက်ပြီး သတင်းထုတ်ပြန်နေစဉ်။ ( ဒီဇင်ဘာ ၃၁၊ ၂၀၁၂)

အမေရိကန်နိုင်ငံရဲ့ ငွေကြေးပြဿနာ ဆုံးဖြတ်ချက်အတွက် မဲမပေးဘဲ အောက်လွှတ်တော် ကိုယ်စားလှယ်တွေက ညီလာခံကို ရပ်နားလိုက်တာကြောင့် နောက်ဆုံးရက်အဖြစ် သတ်မှတ်ထားတဲ့ နှစ်သစ်ကူး တနင်္လာည သန်းခေါင်အချိန်မှာ Fiscal Cliff လို့ခေါ်တဲ့ စီးပွားရေးချောက်ကမ်းပါးထဲ ကျမယ့်အဖြစ်ကို အောက်လွှတ်တော်ကနေ ကယ်တင်နိုင်တော့မှာ မဟုတ်ပါဘူး။

ဒါပေမယ့် အမေရိကန်စံတော်ချိန် တနင်္လာည သန်းခေါင်မတိုင်ခင် အထက်လွှတ်တော်က မဲပေးပြီး ဆုံးဖြတ်ဖို့ ရှိမရှိတော့ အခုထိ သဲသဲကွဲကွဲ မသိရသေးပါဘူး။ တကယ်လို့ ဒီလိုသဘောတူညီမှု မရတာ သေချာခဲ့ရင် ဒီနှစ်ဆန်းကစပြီး အမေရိကန်နိုင်ငံသားတွေဟာ အခွန်အခတွေကို တိုးပြီး ဆောင်ရတော့မှာဖြစ်ပါတယ်။

တနင်္လာနေ့အစောပိုင်းတုန်းကတော့ အခွန်အခဆိုင်ရာ ပြဿနာတွေနဲ့ပတ်သက်ပြီး ရီပတ်ပလင်ကန်တွေဘက်ကရော၊ ဒီမိုကရက်တွေဘက်ကပါ၊ သဘောတူခဲ့တယ်လို့ အထက်လွှတ်တော် ရီပတ်ပလင်ကန် ခေါင်းဆောင် Mitch McConnell က ပြောပါတယ်။ဒါကြောင့် ဒီအပိုင်းအတွက် သဘောတူညီချက်ကို အရင်ဆုံးအမြန် မဲခွဲပြီးဆုံးဖြတ်ကြဖို့ သူက တိုက်တွန်းခဲ့ပါတယ်။ အချက်အားလုံး သဘောတူဖို့ရာလည်း နှစ်ဖက် သိပ်ကိုနီးစပ်နေပြီလို့ သူကပြောခဲ့တာပါ။ သူ့လိုပဲ အမေရိကန်သမ္မတ Barack Obama ကလည်း အောက်လွှတ်တော်အမတ်တွေကြား အပေးအယူတွေရှိနေပြီလို့ ပြောခဲ့ပေမယ့် ဆုံးဖြတ်ချက်ချတဲ့အထိတော့ မရောက်သေးဘူးလို့ ဆိုပါတယ်။

အစိုးရအသုံးစားရိတ်ဖြတ်တောက်ဖို့ကို နောက်မှ ဆုံးဖြတ်ဖို့အတွက် ၊ နောက် ဗုဒ္ဓဟူးနေ့ကျော်မှ ဆုံးဖြတ်ဖို့လည်း ညှိနိူင်းနေတယ်လို့လည်း ပြောပါတယ်။ တကယ်လို့ ညှိနှိုင်းမှုတွေ အဆင်မပြေရင်တော့ ကြွေးမြီ ဘီလီယံငါးရာကျော်အတွက် စပြီး လုပ်ဆောင်ကြရတော့မှာမို့ အမေရိကန်နိုင်ငံဟာ နောက်တချီ စီးပွားရေးကပ်ဆိုက်မယ့်အနေအထားကို ရောက်သွားနိုင်တယ်လို့ ပြောပါတယ်။

မြန်မာနိုင်ငံက လှေစီးပြေး ၄၀၀ ကျော် မလေးရှားထိန်းသိမ်း

မြန်မာနိုင်ငံကနေ မလေးရှားနိုင်ငံကို သွားရောက်မယ့် လှေစီးပြေး ရိုဟင်ဂျာ မူဆလင်များ ကို တွေ့ရစဉ်။ (နိုဝင်ဘာလ ၇၊ ၂၀၁၂)

မြန်မာနိုင်ငံကနေ မလေးရှားနိုင်ငံကို တရားမ၀င်ရောက်ရှိလာပြီး ခိုလုံခွင့် လျှောက်ထားသူ၄၅၀ ခန့်ကို ဖမ်းဆီး ထိန်းသိမ်း ထားကြောင်း မလေးရှား ရဲတပ်ဖွဲ့ကပြောပါတယ်။ သစ်သား နဲ့ ဆောက်လုပ်ထားတဲ့ လှေကြီးတစီးနဲ့ သတင်း ၂ ပတ်ကြာ ခရီးနှင်လာခဲ့တဲ့ ရိုဟင်ဂျာ မွတ်ဆလင်တွေဟာ မလေးရှားနိုင်ငံမြောက်ပိုင်း လန်ကာဝီကျွန်းကို တနင်္ဂနွေနေ့မှာ ဆိုက်ရောက်လာခဲ့တာဖြစ်ကြောင်း မလေးရှားရဲတပ်ဖွဲ့က ပြောပါတယ်။

အခုလိုရောက်ရှိလာတဲ့ လူစုကြီးကို နိုင်ငံမှာ နေထိုင်ဖို့ ခွင့်ပြုမယ် မပြုဘူးဆိုတာကိုတော့ သူ့အနေနဲ့ မသိကြောင်း ရဲအရာရှိကပြောပါတယ်။ အမှုနဲ့ပတ်သက်ပြီး စုံစမ်း စစ်ဆေးမှုပြုလုပ်နေချိန် ကာလ တလျှောက်မှာတော့ ခိုလုံခွင့် လျှောက်ထားသူတွေကို ထိန်းသိမ်းရေးစခန်းမှာ ထားရှိမှာ ဖြစ်တယ်လို့ ဆိုပါတယ်။

မြန်မာနိုင်ငံဟာ ရိုဟင်ဂျာတွေကို လူနည်းစုလူမျိုးနွယ်အဖြစ် သပ်မှတ်ခြင်း မရှိပါဘူး။ မြန်မာနိုင်ငံသား တော်တော်များများ က သူတို့တတွေဟာ ဘင်္ဂလားဒေ့ရှ် နိုင်ငံဖက်ကနေ တရားမဝင် ၀င်ရောက်လာသူတွေလို့ သတ်မှတ်ထားကြပါတယ်။

ပြီးခဲ့တဲ့လတွေအတွင်း မြန်မာနိုင်ငံအနောက်ဖက်ခြမ်းမှာ နေထိုင်ကြတဲ့ ဗုဒ္ဓဘာသာရခိုင်လူမျိုးတွေနဲ့ မွတ်ဆလင်တွေ အကြား တင်းမာမှုတွေဖြစ်ပွားခဲ့ပြီး၊လူတွေ သေဆုံးခဲ့ရတဲ့အထိ အကြမ်းဖက်တိုက်ခိုက်မှုတွေ ဖြစ်ပွားခဲ့ပါတယ်။

အကြမ်းဖက် တိုက်ခိုက်မှုတွေအတွင်း လူပေါင်း ၂ ရာနီးပါး သေဆုံးခဲ့ရပြီး လူပေါင်း ၁ သိန်းကျော် အိုးမဲ့အိမ်မဲ့ ထွက်ပြေး တိမ်းရှောင် နေခဲ့ကြရပါတယ်။