31.12.2012 နေ့ဖတ်ရန်သတင်းများ

by Myanmar Journal on Sunday, December 30, 2012 at 5:35pm ·

ထာဝရအလင်းတန်း’ ရုပ်ရှင် အကယ်ဒမီ ၈ ဆုရ

၂၀၁၁ ခုနှစ်အတွက် အကောင်းအဆုံး အမျိုးသမီး အကယ်ဒမီ ဆုရှင် မယ်လိုဒီ။ (ဒီဇင်ဘာလ ၃၀၊ ၂၀၁၂)။

လောလောလတ်လတ် ကျင်းပခဲ့တဲ့ ၂၀၁၁ ခုနှစ် အတွက် မြန်မာ့ ရုပ်ရှင် ထူးချွန်ဆု ပေးပွဲမှာတော့ တနှစ်လုံး အတွက် မြန်မာရုပ်ရှင်ကားကြီး ၁၅ ကား ရှိတဲ့ အထဲကနေ အကယ်ဒမီ ဆုတွေ ရွေးချယ် ပေးအပ်ခဲ့ပါပြီ။

ဒီအခြေအနေမှာ မြန်မာ့ ရုပ်ရှင် အဆင့်အတန်း၊ အခြေအနေနဲ့ အကယ်ဒမီ ဆုရွေးချယ်မှုကရော လွတ်လပ်မှု ရှိခဲ့ပါသလား ဆိုတာကို မသိင်္ဂီထိုက်က စုစည်း တင်ပြထားပါတယ်။

၂၀၁၁ ခုနှစ် အတွက် မြန်မာ့ ရုပ်ရှပ် အကယ်ဒမီိ ဆုတွေကိုတော့ အကောင်းဆုံး ရုပ်ရှင်ဆု ‘ထာရ၀ရ အလင်းတန်း’ က ရရှိသွားပြီး ဒီဇာတ်ကားကပဲ အမျိုးသား ဇာတ်ဆောင်ဆု နောင်နောင်၊ အမျိုးသမီး ဇာတ်ဆောင်ဆု မယ်လိုဒီ၊ ဒါရိုက်တာဆု ထွန်းအောင်ဇော်၊ တည်းဖြတ်ဆု ဟိန်းထက်(လယ်ဝေး)၊ ဇာတ်ညွှန်းဆု မြင့်ဆောင်နဲ့ စိုးကျော်ဆန်း၊ အမျိူးသား ဇာတ်ပို့ဆုကို မော့စ် နဲ့ တေးဂီတ ဆု ဇော်မျိုးထွဋ် တို့ ရရှိကြပြီး ဆု ၈ ဆု ဆွတ်ခူးသွားပါတယ်။ ဇော်မျိုးထွဋ် အတွက်တော့ ဒီအကြိမ်က တတိယမြောက် အကယ်ဒမီဆု ဖြစ်ပါတယ်။ ‘ပန်းကြာဝတ်မှုန်’ ရုပ်ရှင်ကားက ဓာတ်ပုံဆု တင့်ဆန်း ၊ အသံဆု ဆန်းဦး၊ အမျိုးသမီး ဇာတ်ပို့ဆုကို ‘ရင်ကွဲနာ’ ဇာတ်ကားနဲ့ ချစ်စနိုးဦးတို့က ရရှိသွားကြပါတယ်။

ပြီးခဲ့တဲ့၂၀၁၁ ခုနှစ် တနှစ်လုံးမှာမှ မြန်မာရုပ်ရှင်ဇာတ်ကားကြီး ၁၅ ကားပဲ ထွက်ခဲ့တာပါ။ ဒီထဲကနေ ထူးချွန်ဆုတွေကို ရွေးခဲ့ရတာဖြစ်တယ်လို့ ဆုရွေးချယ်ရေး အဖွဲ့က စွယ်စုံရ အနုပညာရှင် ဆရာ ဦးဝင်းဖေက ပြောပါတယ်။ ဆုတွေကိုလည်း လွတ်လွတ်လပ်လပ် ရွေးချယ်ခဲ့တယ်လို့ လည်း အခုလို ပြောပါတယ်။

"မဆိုးပါဘူး။ ဘာဖြစ်လို့လဲ ဆိုတော့ ဆုပေးတယ်ဆိုတာ ကိုယ် အားရတာ မရတာနဲ့ မဆိုင်ဘူး။ ဒီ ဆုပေးဖို့ ရောက်လာတဲ့ နောက်ဆုံး ဆန်ကာတင် ရောက်လာတဲ့ကားတွေကို ကြည့်ပြီးတော့ အဲဒီမှာရှိတဲ့ အခြေအနေအပေါ်မှာ သုံးသပ်ပြီးတော့ ဒါ ဆုရွေးပြီးတော့ ပေးရတာပဲလေ။ ကျနော့် အနေနဲ့က ဆန်ကာတင် ၅ ကားပဲ ကျန်တော့တဲ့ အခြေအနေကျတော့မှ ကျနော်က အကဲဖြတ်ရတာ။ ဒါကို တတိယအဆင့်လို့ ခေါ်တယ်။ ၁၅ ကားကို ပထမဆုံး အကဲဖြတ်တဲ့သူတွေက ၁၅ ကားလုံးကို ကြည့်တယ်။ ဒုတိယ အကဲဖြတ်တဲ့သူတွေက ၁၀ ကား ကြည့်တယ်။ တတိယ ဖိုင်နယ် အကဲဖြတ်တဲ့သူတွေက ၅ ကားပဲ ကြည့်တယ်။ အဲဒီလို ရှိပါတယ်။ အဲဒီတော့ ကိုယ့်အလှည့်ကျတော့ ၅ ကား ဆိုတာက ၁၅ ကားထဲက အကောင်းဆုံး ၅ ကားကို ရောက်လာပြီလေ။ အဲဒါကြောင့်မိုလို့ ကျေနပ်မှု ရှိပါတယ်။”

ရုပ်ရှင် ဇာတ်ကားကြီး ထုတ်လုပ်မှု ကျသွားပေမဲ့ မြန်မာ့ ရုပ်ရှင် အဆင့်အတန်းကတော့ ကျသွားတာ မဟုတ်ဘဲ အရုပ်အသံ စက်ပိုင်းဆိုင်ရာ ပိုင်းမှာ အဆင့်မြင့်လာတယ်လို့ ဆရာ ဦးဝင်းဖေက ဆိုပါတယ်။ ဒါပေမဲ့ ၀တ္ထုပိုင်းမှာတော့ ကောင်းလှတယ်လို့ ပြောလို့မရနိုင်ဘဲ သရုပ်ဆောင်ပိုင်းကတော့ ကြည့်ပျော် ရှုပျော်အဆင့် ရှိပါတယ်လို့ စွယ်စုံရ အနုပညာရှင်ကြီး ဦးဝင်းဖေက ပြောပါတယ်။

“၀တ္ထုပိုင်းတွေမှာ သိပ်ပြီးတော့ ထူးထူးခြားခြားကြီးပေါ့လေ ကောင်းလှချည့် ဆိုတာတွေတော့ မရှိပါဘူး။ ဒါပေမဲ့ ညံ့လှချည့် ဆိုတာတွေလည်း မဟုတ်ဘူးဗျ။ ကျနော်က နောက်ဆုံး ဆန်ကာတင် ၅ ကား ဖြစ်သွားပြီ။ ဖြစ်သွားပြီဆိုတော့ ညံ့လှချည့် ရယ်လို့တော့ မဟုတ်ဘူး။ အလယ်အလတ်တွေ ပေါ့ဗျာ။ ၀တ္ထုဇာတ်လမ်းနဲ့ ပတ်သက်လို့ တိုးတက်မှု ရှိလှတယ်လို့တော့ ပြောလို့ မရဘူးခင်ဗျ။ ဒါပေမဲ့ ဒီ စက်မှုပိုင်းက အကူအညီတွေ အများကြီး ရတဲ့အတွက် သရုပ်ဆောင်ပိုင်းတွေက အများကြီး ကြည့်ပျော်ရှုပျော် ကောင်းလှပါတယ်။”

မြန်မာ့ရုပ်ရှင် လောကမှာ အဓိက ပြဿနာ ဖြစ်နေရတာက ထုတ်လုပ်သူနဲ့ ပိုင်ဆိုင်မှု ပြဿနာ ဖြစ်ပြီး ဒီပြဿနာကိုလည်း ဆွေးနွေး အဖြေရှာနိုင်လိမ့်မယ် လို့ မျှော်လင့်ပါတဲ့အကြောင်း ပြန်ကြားရေး ပြည်ထောင်စုဝန်ကြီး ဦးအောင်ကြည်က ရုပ်ရှင် ထူးချွန်ဆု ပေးပွဲ ပြောဆိုသွားပါတယ်။ ဒါ့အပြင် အနုပညာနဲ့ ပြည်သူ လူထု စည်းလုံးညီညွတ်ရေးကို ဖော်ဆောင်ကြပါ၊ အမျိုးသားရေး လက္ခဏာကို ဖော်ဆောင်ကြပါလို့လည်း သူက တိုက်တွန်းသွားပါတယ်။

“အဓိက စွမ်းအားကတော့ အမျိုးသားရေး အမှတ်လက္ခဏာကို ပါဝင် တည်ဆောက်ပေးနိုင်ခြင်းပဲ ဖြစ်ပါတယ်။ လူမှုရေး တည်ငြိမ်မှုကိုလည်း ထိန်းသိမ်းပေးနိုင်စွမ်း ရှိပါတယ်။ ဒီအချက်များဟာ နိုင်ငံရဲ့ အုပ်ချုပ်ရေး စွမ်းရည်၊ အားကောင်းလာစေရန်၊ အမျိုးသား စီးပွားရေး ဖွံ့ဖြိုးတိုးတက်လာစေရန်နဲ့ အများပြည်သူ ကောင်းကျိုးချမ်းသာ ဖြစ်ပေါ်လာစေရန် တို့အတွက် မည်သည့်ခေတ်မီ နိုင်ငံတိုင်းအတွက်မဆို လိုအပ်ချက်များပဲ ဖြစ်ကြပါတယ်။”

စွယ်စုံရ အနုပညာရှင်ကြီး ဆရာ ဦးဝင်းဖေကတော့

 “ဒီ အနုပညာတွေ ပြုပြင်မှုဟာ နိုင်ငံရေး၊ လူမှုရေး၊ စီးပွားရေး ပြုပြင်မှုနဲ့ ဒွန်တွဲနေပါတယ်။ ဒွန်တွဲနေတော့ နိုင်ငံရေး စီးပွားရေး လူမှုရေး ပြုပြင်မှုတွေ လုပ်တော့မှာမိုလို့ အဲဒါတွေနဲ့ ကပ်ပြီးတော့ ပါသွားပါလိမ့်မယ်လို့ ကျနော် မျှော်လင့်ပါတယ်။ အဲဒီကနေ မပြုပြင်ဘူးဆိုရင် အနုပညာ သီးခြား သူ့ချည်းပဲ ပြုပြင်နေဖို့ ဆိုတာလည်း မဖြစ်နိုင်ပါဘူး။”

ဒီနှစ် မြန်မာ့ ရုပ်ရှင် ထူးချွန်ဆု ပေးပွဲကို ၂၀၀၅ ခုနှစ်ကတည်းက အစိုးရ ရုံးစိုက်ရာ နေပြည်တော်မှာ ကျင်းပခဲ့တာကနေ အရင် နှစ်တွေက ကျင်းပနေကျ ရန်ကုန်မြို့တော်မှာ ပြန်ပြီး ကျင်းပခဲ့တာ ဖြစ်ပါတယ်။

ဆီးရီးယားပဋိပက္ခ လူသိန်းချီ သေဆုံးနိုင်

ဆီးရီးယားအရေး နိုင်ငံတကာ ငြိမ်းချမ်းရေး သံတမန် Lakhdar Brahimi ဒမတ်စကက်ဟိုတယ်မှာ သတင်းသမားများနှင့် တွေ့ဆုံစဉ်။ (ဒီဇင်ဘာလ ၂၇ ရက်၊ ၂၀၁၂)။

ဆီးရီးယားနိုင်ငံမှာ ၂၁ လကြာ ဖြစ်ပွားနေတဲ့ အဓိကရုဏ်းတွေ ရပ်သွားအောင် ဆီးရီးယား အစိုးရကိုရော၊ အတိုက်အခံ သူပုန်တွေကိုပါ ညှိနှိုင်းဖို့အတွက် ကမ္ဘာ့အင်အားကြီးနိုင်ငံတွေက ဖိအားမပေးနိုင်ဘူးဆိုရင် လာမယ့်နှစ်ထဲမှာ ဆီးရီးယား နိုင်ငံအတွက် လူပေါင်း တသိန်းလောက်အထိ သေဆုံးမှုတွေ ဖြစ်လာနိုင်တယ်လို့ နိုင်ငံတကာ ငြိမ်းချမ်းရေး သံတမန် Lakhdar Brahimi က သတိပေးလိုက်ပါတယ်။ ပြီးခဲ့တဲ့နှစ် ဇွန်လထဲမှာ ဂျနီဗာမှာ ချပြခဲ့တဲ့ ကမ္ဘာနဲ့ ဒေသတွင်း အင်အားကြီး နိုင်ငံတွေက လက်ခံခဲ့တဲ့ အစီအစဉ်ကို ဖြစ်မြောက်အောင် အတွက် သံတမန်နည်းလမ်းနဲ့ သူဟာ ပြင်းပြင်းထန်ထန် ကြိုးစားခဲ့ပေမဲ့ ဆီးရီးယား အစိုးရဘက်ကရော၊ အတိုက်အခံတွေ ဘက်ကပါ ဆွေးနွေးဖို့ အတွက် ငြင်းဆန်နေတယ်လို့ မစ္စတာ Brahimi က တနင်္ဂနွေနေ့က ပြောကြားခဲ့တာပါ။ ဆီးရီးယား ပြဿနာကို ငြိမ်းချမ်းရေး အစီအစဉ်အပေါ်မှာ အခြေခံပြီး ပြည်တွင်း ဆွေးနွေးမှုတွေ စတင်လာစေဖို့အတွက် ပြည်ပက အကူအညီတွေလည်း လိုအပ်နေတယ်လို့ ပြောပါတယ်။

ဆီးရီးယားနိုင်ငံမှာ အခုလို ပြည်တွင်းစစ် ဆက်ပြီး ဖြစ်နေမယ်ဆိုရင် ဆိုမားလီးယား နိုင်ငံမှာလို လက်နက်ကိုင် ခေါင်းဆောင်တွေ သီးသန့်ခွဲပြီး အုပ်ချုပ်တဲ့ ပုံစံမျိုး ဖြစ်လာမယ်လို့ အယ်လ်ဂျီးရီးယား နိုင်ငံက သတိပေးလိုက်ပါတယ်။

ဂျနီဗာ ငြိမ်းချမ်းရေး သဘောတူညီမှု အစီအစဉ်ထဲမှာ ဆီးရီးယားမှာ အပစ်အခတ်တွေ ရပ်စဲပြီး အမျိုးသား ပြန်လည် သင့်မြတ်ရေး ဆွေးနွေးပွဲတွေ လုပ်ဖို့ ယာယီ အစိုးရ တရပ်ကို ဖွဲ့စည်းပြီး ရွေးကောက်ပွဲ အသစ် ကျင်းပဖို့ပါ ပါဝင်ပါတယ်။ အဲဒီအထဲမှာ လက်ရှိသမ္မတ ဘက်ရှာအယ်လ် အာဆတ်ကို ဖြုတ်ချဖို့ လုံးဝ မပါဝင်ပါဘူး။ ဒါဟာ ဆွေးနွေးပွဲ မဖြစ်မြောက်စေတဲ့ အကြောင်းရင်းတခု ဖြစ်ပုံရပါတယ်။ သူပုန်တွေဘက်က မစ္စတာ အာဆတ် နှုတ်ထွက်ပြီး တိုင်းပြည်ကနေ ထွက်ခွာသွားဖို့ တောင်းဆိုနေသလို သမ္မတ အာဆတ်ကလည်း သူပုန်တွေဟာ နိုင်ငံခြားက အထောက်အကူ ပေးနေတဲ့ အကြမ်းဖက် သမားတွေလို့ သတ်မှတ်နေတာပါ။

ကချင်အရေး စာပေအနုပညာရှင်များ စိတ်မအေး

မြန်မာနိုင်ငံမြောက်ပိုင်း ကချင်ပြည်နယ်တွင်းက စစ်မြေပြင်တွင် ကချင်စစ်သားများကို တွေ့ရစဉ်။ (ဖေဖော်ဝါရီလ ၁၅ ရက်၊ ၂၀၁၂)။

နှစ်ဟောင်းကုန်လို့ နှစ်သစ်ကူးတော့မယ့် အချိန်ကာလမှာ မြန်မာနိုင်ငံ မြောက်ပိုင်း ကချင်ပြည်နယ်အတွင်း တိုက်ပွဲတွေ ပြင်းထန်လာတာအပေါ် အရပ်သားပြည်သူတွေအတွက် စိုးရိမ်မကင်း ဖြစ်တာကြောင့်၊ ပဋိပက္ခအပေါ်မှာ နှစ်ဘက်လုံးက ငြိမ်းငြိမ်းချမ်းချမ်း ဖြေရှင်းကြဖို့ စာပေ အနုပညာရှင်တွေ က တိုက်တွန်းနေကြပါတယ်။ ကချင်ပြည်နယ်ရဲ့ နောက်ဆုံး အခြေအနေနဲ့ ပတ်သက်လို့ စာပေ အနုပညာရှင်တွေရဲ့ ပြောဆိုချက်တွေကို ကိုသားညွန့်ဦးက စုစည်းတင်ပြ ထားပါတယ်။

 ကချင်ပြည်နယ်မှာ ဖြစ်နေတဲ့ မြန်မာအစိုးရနဲ့ ကချင်လွတ်မြောက်ရေးတပ်ဖွဲ့ ကေအိုင်အေ အကြား တိုက်ပွဲတွေဟာ အခုရက်ပိုင်းမှာ ပို ပြင်းထန်လာပြီးတော့ မြန်မာစစ်တပ်ဘက်က လေကြောင်းကပါ တိုက်ခိုက်လာတာ တွေ့ရပါတယ်။ စာပေ အနုပညာရှင် အတော်များများကတော့ ဒီ အခြေအနေတွေကို သတိပြုမိကြပြီး ကချင်အရပ်သားပြည်သူတွေ အတွက် အထူးပဲ စိုးရိမ်ပူပင်နေကြတာ တွေ့ရပါတယ်။ လူမှုရေးသမားလည်းဖြစ် ရုပ်ရှင်သရုပ်ဆောင်လည်း ဖြစ်ခဲ့သူ ကိုကျော်သူ ကတော့ ကလေးငယ်တွေအတွက် အနာဂတ်ကိုပါ စိတ်ပူမိတယ်လို့ ပြောပါတယ်။

“ဘယ်သူ မှားမှား မှန်မှန်ပေါ့လေ။ ပြေပြေလည်လည် ညှိဖို့တော့ ကောင်းတယ်။ ကိုယ်တွေ ခေါင်းဆောင်ပိုင်းတွေက တယောက်နဲ့တယောက် ဘာမှမဖြစ်ပေမဲ့ ဓားစားခံဖြစ်နေတဲ့ ပြည်သူထူထုကိုတော့ ငဲ့ဖို့ကောင်းတယ်။ တဘက်နဲ့တဘက် လက်နက်ကြီးတွေနဲ့ ပစ်တယ်။ လေကြောင်းကနေ ပစ်တယ်ဆိုရင် တကယ့် သူတို့လိုချင်တဲ့အရာလည်း ရမှာမဟုတ်ဘူး။ ကြားထဲမှာပဲ ပြည်သူလူထုပဲ အသေအပျောက်တွေ များမယ်။ အမျိုးသမီးတွေနဲ့ ကလေးငယ်တွေ အနာဂတ်အတွက် အရမ်းကို စိုးရိမ်ရတယ်။ ကလေးတွေ အတွက် အနာဂတ်က သူတို့အတွက်က စိတ်ထဲမှာ ဒီအစွဲကြီးက စွဲသွားမယ်။ ဗမာဆိုရင် အင်မတန် ကြောက်စရာကောင်းတဲ့ အနေအထားမျိုးတွေ၊ ဒါမျိုးတွေ မြင်တွေ့သွားမယ်။ အဲဒီတော့ အဲဒီလောက်ကြီးတွေ လုပ်ကြမယ်၊ ပစ်ကြခတ်ကြမယ် ဆိုရင်တော့ ဒါ ဘယ်သူ့အတွက်မှ မကောင်းဘူး။”

ကဗျာဆရာ မောင်အောင်ပွင့် ကတော့ အခု အခြေအနေကြောင့် မြန်မာအစိုးရရဲ့ ငြိမ်းချမ်းရေး ကြိုးပမ်းမှုကို သံသယဖြစ်မိတယ်လို့ ဗွီအိုအေကို ပြောပါတယ်။“အဲဒါကတော့ သိပ် လွန်သွားပြီဗျာ။ ပြည်တွင်းစစ်မှာ ဒီလို လေကြောင်းနဲ့ စစ်တိုက်ခိုက်တာတို့၊ တော်တော်ကို ကန့်ကွက်ပါတယ်ဗျာ။ မကောင်းပါဘူး။ စားပွဲဝိုင်းမှာပဲ ရှင်းရမယ့်ဟာတွေ၊ အဲဒါတွေက ပစ်ခတ်တာနဲ့ သေနတ်နဲ့တင် ရှင်းဖို့တော့ မကောင်းဘူးလေ။ ဦးအောင်မင်းတို့ ငြိမ်းချမ်းရေး လုပ်နေတာ တကယ်ကို မလုပ်သေးဘူးလို့ အဲဒီလို ခံစားမိတယ်။ ဟိုက တိုက်ခိုက်နေတာလည်း နေပြည်တော် လာတိုက်တာ မဟုတ်ဘူး။ လိုင်ဇာကို ဒီက သွား တိုက်နေတာ။ အဲဒီတော့ ဘယ်သူစ သေနတ် ပစ်ဖောက်လဲဆိုတဲ့ဟာက အရေးကြီးတာပဲ။”

မန္တလေး လူထုတိုက်က စာရေးဆရာ ညီပုလေး ကတော့ မြန်မာနိုင်ငံ တိုးတက်ဖွံ့ဖြိုးဖို့ ဆိုရင်တော့ ပြည်တွင်းစစ်ကို တနိုင်ငံလုံး အတိုင်းအတာနဲ့ အမြန်ဆုံး ရပ်စဲဖို့လိုပြီလို့ ပြောလိုက်ပါတယ်။

“ကျနော်က ပြည်တွင်းစစ်ကို မတိုက်စေချင်တာ။ ရပ်စဲပြီး ငြိမ်းချမ်းစေချင်တာ။ ကျနော်တို့ တိုင်းပြည်က ပြည်တွင်းစစ်ကြောင့်မို့ ဖွတ်ဖွတ်ညက်ညက် ကြေပြီးတော့ လူတွေလည်း သေလှပြီ။ ဘ၀တွေလည်း ပျက်လှပြီ။ ဒုက္ခိတ တွေလည်း များလှပြီ။ နှစ်ဘက် အကျအဆုံးတွေနဲ့ ကျနော်တို့ဆီမှာ မုဆိုးမတွေကို အများကြီးပဲ။ ကျနော်တို့ အဖေတို့ အမေတို့ ငြိမ်းချမ်းရေး သိပ်လိုချင်ကြတယ်။ ဆရာကြီး သခင်ကိုယ်တော်မှိုင်းတို့ အပါအ၀င်။ အဲဒီတော့ ဒီ စစ်ပွဲကြီး ရပ်ဖို့ ကောင်းပြီဗျ။”

နှစ်ဟောင်းကုန်လို့ နှစ်သစ်ကူးဖို့ ပျော်ပွဲကျင်းပဖို့ ပြင်ဆင်နေချိန်မှာ ကချင်ပြည်နယ်က အခြေအနေတွေကို ကြားရတာ စိတ်မကောင်းဖြစ်မိတယ်လို့ တေးရေးဆရာ အဆိုတော် ဆောင်းဦးလှိုင်က ပြောပါတယ်။

“ကျနော်တို့တော့ဗျာ၊ ကိုယ့်ပြည်သူပြည်သား အချင်းချင်း တိုင်းရင်းသားအချင်းချင်း စိတ်မကောင်းဘူးပေါ့ဗျာ။ ကျနော်တို့က ဒီဘက်မှာ နှစ်သစ်တခုကို ကူးဖို့၊ ရောက်လာမယ့် မင်္ဂလာနှစ်သစ်တခု ဖြစ်ဖို့၊ ကြိုဆိုဖို့ပေါ့ နှစ်သစ်ကူးမယ့်ကာလကို ဖြတ်သန်းဖို့ လုပ်နေကြတဲ့အချိန်။ တကမ္ဘာလုံးကလည်း နှစ်သစ်တခုကို ကြိုဆိုဖို့ အခု သီချင်းတွေ ဆိုကြတော့မယ်။ ပျော်ပွဲရွှင်ပွဲတွေ လုပ်ကြတော့မယ် ဆိုတဲ့ အခြေအနေမှာ ကချင်ပြည်နယ်မှာကျတော့ ဒီလို ဖြစ်နေရတယ် ဆိုတော့ အဲဒီ အရပ်ဒေသမှာ နေထိုင်နေကြတဲ့ ကချင်တိုင်းရင်းသားတွေ အပါအ၀င် တိုင်းရင်းသား လူမျိုးတွေ အားလုံး အတွက် စိတ်မကောင်းဘူးပေါ့ဗျာ။”

ကာတွန်းဆရာ အော်ပီကျယ် ကတော့ သူအမှတ်ရနေတဲ့ နိုင်ငံခြား ကာတွန်းတကွက်ကို ဖော်ညွှန်းပြီး၊ ကြားက အောက်ခြေတိုက်ခိုက်ရေး ရဲဘော်တွေနဲ့ ခံစားရတဲ့ ပြည်သူတွေအတွက် စာနာမိတယ်လို့ ဗွီအိုအေကို ပြောသွားပါတယ်။

“အခုဟာကတော့ တိုက်ပွဲတွေမှာ နှစ်ဘက်က တာဝန်ရှိတဲ့သူတွေက ငြိမ်းချမ်းရေး တကယ် လိုချင်စိတ် ရှိရဲ့လား ဆိုတာလေ အဲဒါကိုတော့ သံသယ ဖြစ်မိတယ်။ ဘာဖြစ်လို့လဲ ဆိုတော့ နှစ်ဘက်လုံးမှာ တာဝန်ရှိတာကိုး။ တကယ် ခံရတာကတော့ နှစ်ဘက်က ရဲဘော်တွေနဲ့ ပြည်သူတွေ ပါပဲ။ အမိန့်ပေးတဲ့သူတွေက ခက်တာက အဲဒီလူတွေပဲ ချမ်းသာနေကြတာ။ ကျနော်က နိုင်ငံခြား ကာတွန်းလေးတောင် သတိရတယ်။ နိုင်ငံခြား ကာတွန်းလေးက ခြောက်ကမ်းပါးကြီး နှစ်ဘက်။ ခြောက်ကမ်းပါးကြီးရဲ့ ဟိုဘက်နဲ့ ဒီဘက်မှာ အဲဒီ တပ်နှစ်ခု ချထားတာပေါ့။ ဗိုလ်ချုပ်တွေက ဟိုဘက်က ဗိုလ်ချုပ်တွေနဲ့ ဒီဘက်က ဗိုလ်ချုပ်တွေ တိုက်တိုက် ဆိုပြီးတော့၊ သူတို့ကတော့ ရှေ့ဆုံးက မဟုတ်ဘူး၊ နောက်ဆုံးကနေ လက်ညှိုးကြီး ထိုးပြီး တိုက် ဆိုတော့ အဲဒီမှာ နှစ်ဘက် တိုက်နေကြတဲ့ ရဲဘော်တွေကတော့ ခြောက်ကမ်းပါး အစပ်ပေါ့။ ဟိုဘက်ကနဲ့ ဒီဘက် အစပ်မှာ တယောက်နဲ့တယောက် လှမ်း ပစ်နေတယ်။ အဲဒီမှာ ရဲဘော်တွေရော ပြည်သူတွေရော၊ အောက်ထဲ ပြုတ် ပြုတ် ကျသွားတာလေ။ အဲဒီ ခြောက်ကမ်းပါးထဲ ပြုတ် ပြုတ်ကျသွားတာ။ နောက်ဆုံးကျတော့ အကုန် ပြုတ်ကျသွားပြီးတော့ အကုန် ခြောက်ကမ်းကြီးက ပြည့်သွားတာ။ ခြောက်ကမ်းပါးကြီးက လူတွေ လူတွေအလောင်းတွေနဲ့ ပြည့်သွားတော့မှ အဲဒီ ဗိုလ်ချုပ် နှစ်ယောက် ဟိုဘက်နဲ့ ဒီဘက် ဖြတ်လျှောက်သွားပြီးတော၊ ဖြတ်လို့ ရသွားပြီလေ။ အဲဒီလို ဖြတ်ပြီးတော့မှ လက်ဆွဲ နှုတ်ဆက်လိုက်တဲ့ ကာတွန်း ကျနော် ဖတ်ဖူးတယ်။ အဲဒီလိုဖြစ်မှာ ကျနော် သိပ် စိုးရိမ်တာ။”

တိုင်တေနီယံ သတ္တုပါတဲ့သဲကို တရုတ်က ဝယ်ယူလို

ရခိုင်ပြည်နယ် ငပလီ ကမ်းခြေမှာ သဲ၊ ဘိလပ်မြေ တွေနဲ့ အလုပ်လုပ်နေသူ ဆောက်လုပ်ရေး လုပ်ငန်းလုပ်သား

ရခိုင် ပြည်နယ် ရသေ့တောင် မြို့နယ် အငုံမော် ပင်လယ် ကမ်းခြေနဲ့ မောင်တော တောင်ပိုင်းက အလယ် သံကျော် ပင်လယ် ကမ်းခြေက သဲတွေမှာ အဖိုးတန် တိုင်တမ်နီယံလို ဓါတ်သတ္တုတွေ ရော ပါနေတဲ့ အတွက် တရုတ် စီးပွားရေး သမား တွေက သဲတွေကို စီးပွားဖြစ် ၀ယ်ယူဖို့ လာရောက် စမ်းသပ်မှုတွေ ပြုလုပ် နေပါတယ်။

စမ်းသပ်မှု တွေ ပြုလုပ်နေတာကို ပြည်နယ် အစိုးရ အဖွဲ့ရဲ့ ခွင့်ပြုချက်နဲ့ ဆောင်ရွက် နေတာ ဖြစ်တယ်လို့ ရခိုင် ပြည်နယ် သစ်တောနဲ့ သတ္တု ၀န်ကြီး ဦးအောင်သန်းတင်က ပြောပါတယ်။

သဲတွေမှာ တိုင်တမ် နီယမ်တွေ အပြင် တခြား အလူ မီနီယမ်လို ဓါတ်သတ္တု တွေလည်း ရောပါ နေတယ်လို့ ဘူမိဗေဒ ပညာရှင် တွေရဲ့ အပြော အရ သိရပါတယ်။ အခု သဲတွေကို စမ်းသပ် နေတဲ့ ပင်လယ် ကမ်းခြေတွေဟာ မိုင်ပေါင်း၂၀ ခန့် ရှည် လျားတဲ့ အတွက် တရုတ် တွေကတော့ စီးပွားဖြစ် ထုတ်လုပ်ဖို့ ရည်ရွယ် နေတယ်လို့ ဆိုပါတယ်။ တရုတ် စီးပွားရေး သမားတွေဟာ အရင် ကလည်း အဲဒီသဲတွေကို ထုတ်လုပ်ဖို့ ကြိုးပမ်း ခဲ့ဖူး ပါတယ်။

အခု တစ်ကြိမ် မှာတော့ မြေစာရင်း ဌာန အရာရှိ တွေနဲ့ မြေနေရာ တွေကို ပုံစံ ဆွဲတာတွေကို စတင် ပြုလုပ်နေပြီလို့ ရသေ့တောင် ဒေသခံ တစ်ဦးက ပြောပါတယ်။

၂၀၁၀ နဲ့ ၂၀၁၁ ခုနှစ်က ပထမ တစ်ကြိမ် သဲတွေကို စမ်းသပ် တုန်းက ပင်လယ် ရေအောက် ၆ ပေခန့် ကို စက်ကြီး တွေနဲ့ တူးပြီး သဲအိတ်ပေါင်း ၃၀၀၀၀ ခန့် ယူဆောင် သွားခဲ့ပါတယ်။

တိုင်တေနီယံ သတ္တုဟာ ပေါ့ပါး မာကျောပြီး လေယာဉ်အင်ဂျင် ၊ မစ်ဇိုင်း ဒုံးကျည်နဲ့ အာကာသ ယာဉ်တို့မှာ အသုံးပြု နိုင်တယ်လို့ ပညာရှင် တွေက ဆိုကြပါတယ်။

၂၀၁၁ ခုနှစ်အတွက် မြန်မာ့ ရုပ်ရှင် ထူးချွန်ဆု ပေးပွဲ

သရုပ်ဆောင် မယ်လိုဒီ အတွက် ပထမဦးဆုံး အကယ်ဒမီ ဆု ဖြစ်ပါတယ်

၂၀၁၁ ခုနှစ်အတွက် ရုပ်ရှင်ထူးချွန်ဆု ပေးပွဲမှာ အကောင်ဆုံး အမျိုးသမီး ဇာတ်ဆောင် ဆုကို မယ်လိုဒီက ရရှိ သွားပြီး အကောင်းဆုံး အမျိုးသား ဇာတ်ဆောင်ဆု ကိုတော့ သရုပ်ဆောင်သစ် နောင်နောင် က ရရှိသွား ပါတယ်။

အကောင်းဆုံး ဇာတ်ဆောင်ဆု နှစ်ခု စလုံးကို ထာဝရ အလင်းတန်းများ ဇာတ်ကား ကနေ ရရှိ သွားတာ ဖြစ်ပြီး၊ အကောင်းဆုံး ဇာတ်ကားဆု ကိုလည်း ဒီကားနဲ့ပဲ ရရှိ သွားတာ ဖြစ်ပါတယ်။ ထူးချွန်ဆု အာလုံး ၁၁ ခု အနက် ဆု ၈ ခုကို ထာဝရ အလင်းတန်းများ ကားနဲ့ ရရှိ သွားတာ ဖြစ်ပါတယ်။

အကယ်ဒမီဆုရ စာရင်း

အမျိုးသား ဇာတ်ဆောင်ဆု - နောင်နောင်

အမျိုးသမီး ဇတ်ဆောင်ဆု - မယ်လိုဒီ

အမျိုးသား ဇာတ်ပို့ဆု - မော့စ်

အမျိုးသမီး ဇာတ်ပို့ဆု - ချစ်စနိုးဦး

ဒါရိုက်တာဆု - ထွန်းအောင်ဇော်

အကောင်းဆုံးဇာတ်ကား - ရီမြင့်ရုပ်ရှင်

ဇာတ်ညွှန်းဆု - မြင့်ဆောင်နဲ့ စိုးကျော်ဆန်း

ဓာတ်ပုံဆု - တင့်ဆန်း

တည်းဖြတ်ဆု - ဟိန်းထက် (လယ်ဝေး)

တေးဂီတဆု - ဇော်မျိုးထွဋ်

အသံထူးချွန်ဆု - ဆန်းဦး

အမျိုးသား ဇာတ်ပို့ ဆုကိုတော့ ဟာသ သရုပ်ဆောင် မော့စ် က ရရှိ သွားပြီး အမျိုး သမီး ဇာတ်ပို့ဆု ကိုတော့ ချစ်စနိုးဦးက ရရှိပါတယ်။

၂၀၁၁ ခုနှစ်က ပြသခဲ့တဲ့ မြန်မာ့ ရုပ်ရှင် ဇာတ်ကား ၁၅ ကားထဲက ဆန်ကာတင် ရုပ်ရှင်ကား ငါးကားကို ထုတ်နုတ် လို့ အကယ်ဒမီ ဆု ပေးခဲ့ ကြတာ ဖြစ်ပါတယ်။

ရန်ကုန်မြို့ သုဝဏ္ဏ မိုးလုံ လေလုံ အာကစားကွင်းမှာ ကျင်းပတဲ့ ဒီ အကယ်ဒမီ ဆုပေးပွဲကို ပြန်ကြားရေး ဝန်ကြီး ဌာနနဲ့ မြန်မာ့ ရုပ်ရှင် အစည်း အရုံးတို့ ညှိနှိုင်း ဆောင်ရွက် ခဲ့ကြတာ ဖြစ်ပြီး၊ ဒီပွဲမှာ ပြန်ကြားရေး ဝန်ကြီး ဦးအောင်ကြည်နဲ့ ရုပ်ရှင် အစည်း အရုံး ဥက္ကဌ ဦးဇင်ဝိုင်း တို့က အမှာ စကားတွေ ပြောကြားခဲ့ ကြပါ တယ်။

ဒါပေမယ့် လည်း ၂၀၁၁ ခုနှစ် နဲ့ ၂၀၁၂ ခုနှစ် အတွက်ကို တော့ ပြန်ကြားရေး ဝန်ကြီးဌာန၊ မြန်မာ့ ရုပ်ရှင် လုပ်ငန်း ကပဲ အကယ်ဒမီ ပေးမှာ ဖြစ်ပြီး၊ ၂၀၁၃ ခုနှစ် ရောက်မှာ ဥက္ကဌ ဦးဇင်ဝိုင်း ဦးဆောင်တဲ့ မြန်မာ့ ရုပ်ရှင် အစည်းအရုံးကို လွှဲပေးမှာ ဖြစ်တယ်လို့ ဆဲလ်ဗင်းဒေး သတင်းဂျာနယ်က အကြီးတန်း သတင်းထောက် မအေးသူဆံက ဘီဘီစီ ကိုပြောပါတယ်။