20.12.2012 နေ့ဖတ်ရန်သတင်းများ

by Myanmar Journal on Wednesday, December 19, 2012 at 6:27pm ·

ပထမဆုံး အမျိုးသမီး သမ္မတ တောင်ကိုရီးယား ရွေးချယ်

ပထမဆုံး အမျိုးသမီး သမ္မတ ဖြစ်လာတော့မယ့် Park Geun Hye

တောင်ကိုးရီးယားမှာ ပထမဆုံး အမျိုးသမီး သမ္မတတစ်ဦးကို လူထုက ရွေးချယ်လိုက်ကြပါပြီ။

မနေ့က ကျင်းပခဲ့တဲ့ ရွေးကောက်ပွဲမှာ လက်ရှိ အာဏာရပါတီက ကွန်ဆာဗေးတစ် သမ္မတလောင်း Park Geun-hye ဟာ သူ့ရဲ့ပြိုင်ဘက် Democratic United Party က Moon Jae-in ကို မဲကပ်ပြီးတော့ အနိုင်ရလိုက်တာ ဖြစ်ပါတယ်။

မဲတွေ ရေတွက်နေတုန်း ဖြစ်ပေမယ့် မစ္စတာ မွန်က သူရှုံးတဲ့အကြောင်း ပြောလိုက်ပါတယ်။

အနိုင်ရခဲ့တဲ့ Park Geun - hye က ဒီနေ့ထိ အားလုံးက အများကြီး လုပ်ခဲ့ကြရတယ် ၊ တကယ် ရေကုန်ရေခန်း ကြိုးစားရတဲ့ ခက်ခဲတဲ့ ရွေးကောက်ပွဲ တစ်ခုဖြစ်လို့ သူအနိုင်ရဖို့ ကြိုးပမ်းပေးခဲ့တဲ့သူတွေကို ကျေးဇူးတင်ကြောင်း ပြောပါတယ်။

သမ္မတသစ်ဖြစ်လာမယ့် Park Geun-hye ဟာ တကယ်တော့ တောင်ကိုးရီးယားမှာ အိမ်ပြာတော်လို့ ခေါ်ကြတဲ့ သမ္မတအိမ်တော်မှာ သူ အသက် ၂၂ နှစ်အရွယ်တုန်းက နေခဲ့ဖူးတဲ့ သူဖြစ်ပါတယ်။

အဲဒီအချိန်တုန်းက ဒီအိမ်ပြာတော်ကနေ သူ့ရဲ့ ဖခင် စစ်အာဏာရှင် Park Chung-hee ပတ်ချုံဟီးဟာ နှစ်ပေါင်း ၁၈ နှစ်ကြာ တောင်ကိုးရီးယားကို အုပ်ချုပ်ခဲ့တာ ဖြစ်ပါတယ်။

နောက်ပိုင်းမှာ မိခင်ရော၊ ဖခင်ပါ အသီးသီး လုပ်ကြံခံခဲ့ရတာ ဖြစ်ပါတယ်။

Ms Park က သူ့ဖခင်လက်ထက်အတွင်း လူ့အခွင့်အရေး ချိုးဖောက်မှုတွေ အတွက်လည်း တောင်းပန်စကား ဆိုခဲ့ပါတယ်။

လွှတ်တော် အမတ်တစ်ဦးအဖြစ်ကနေ သမ္မတလောင်းအဖြစ် ဒုတိယအကြိမ် ဝင်ပြိုင်တဲ့အခါ တောင်းကိုးရီးယားမှာ အကျင့်ပျက် ချစားမှု တိုက်ဖျက်ဖို့၊ ဆင်းရဲ ချမ်းသာ ကွာဟမှု လျော့ချဖို့ကိုလည်း ကတိပေး ခဲ့ပါတယ်။

စီးပွားရေးတိုးတက်မှုနှုန်း လျော့ကျနေတာကိုလည်း ပြန်အားကောင်းအောင် လုပ်မယ်လို့ ပြောပြီး မြောက်ကိုးရီးယားနဲ့လည်း ဆွေးနွေး အဖြေရှာမယ်လို့ ဆိုပါတယ်။

ဒါပေမယ့် သူ့ရဲ့ မဲဆွဲပွဲတွေ ကာလအတွင်း ဖခင်ရဲ့ အရိပ်မည်းက အတိုင်းအတာတခု အထိ အထိုးခံ ခဲ့ရပေမယ့် ရွေးကောက်ပွဲမှာ ဒါတွေကို ကျော်လွန်နိုင်ခဲ့ပြီး အခု အောင်ပွဲရတဲ့ အချိန်မှာတော့ ကျွန်မဟာ လူထုရဲ့ သမ္မတ ဖြစ်တယ် ၊ ပြည်သူတွေအပေါ် ကတိတွေ တည်မယ့် သမ္မတ ဖြစ်တယ် ၊ အားလုံးမျှော်လင့်နေတဲ့ ပျော်ရွင်စရာ ခေတ်သစ်ကို ဖွင့်လှစ် ပေးတော့မယ့် အကြောင်း မစ္စ ပါ့ခ်က ပြောပါတယ်။

Ms. Park ဟာ အသက် ၆၀ အရွယ် အိမ်ထောင်မရှိတဲ့ သူလည်း ဖြစ်ပြီး အမျိုးသား ဝါဒ ကြီးစိုးတဲ့အပေါ် အမျိုးသမီးတွေဘက်က မကျေမနပ် ပြောဆိုကြတဲ့ တောင်ကိုးရီးယားနိုင်ငံမှာ ပထမဆုံး အမျိုးသမီး သမ္မတ အဖြစ် သူ့ပါတီက လက်ရှိ သမ္မတ လီမြောင်ဘက် နေရာကို ယူတော့မှာ ဖြစ်ပါတယ်။

 လက်မှတ် မရှိသူတွေ မဖမ်းဘဲ ထိုင်းက ဆိုင်းထားမယ်

 ထိုင်းရောက်တုန်းက မြန်မာ အလုပ်သမားတွေကို စကားပြောခဲ့တဲ့ ဒေါ်အောင်ဆန်းစုကြည်

ထိုင်းနိုင်ငံရောက် မြန်မာ၊ လောနဲ့ ကမ္ဘောဒီးယား နိုင်ငံသားတွေထဲက တရားဝင် လက်မှတ် မရှိတဲ့သူတွေ ကို ထိုင်းအာဏာပိုင်တွေက မဖမ်းဆီးသေးဘဲ ၃လလောက် ရပ်ဆိုင်းထားပေးဖို့ စဉ်းစား ဆောင်ရွက်နေတယ်လို့ ထိုင်းအလုပ်သမား ဝန်ကြီးဌာနက ထုတ်ဖေါ် ပြောကြားလိုက်ပါတယ်။

မြန်မာနိုင်ငံသား အများစုပါဝင်တဲ့ ထိုင်းနိုင်ငံက နိုင်ငံခြားသား အလုပ်သမားတွေထဲက အလုပ်လုပ်ခွင့် လက်မှတ်မရှိတဲ့သူ နိုင်ငံကူးလက်မှတ် မရှိတဲ့သူတွေဟာ လွန်ခဲ့တဲ့ ၁၄ ရက်နေ့က စပြီး ထိုင်းနိုင်ငံမှာ နေထိုင်ခွင့် အလုပ်လုပ်ခွင့်တွေ မရှိတော့ဘူး။

အဲဒီလိုထိုင်းနိုင်ငံမှာ လက်မှတ် မရှိတော့တဲ့သူတွေထဲမှာ မြန်မာနိုင်ငံသားက တစ်သန်းလောက်ရှိပြီး လောနဲ့ ကမ္ဘောဒီးယား နိုင်ငံသားတွေက သိန်းချီရှိမယ်လို့ ခန့်မှန်း ပြောဆိုမှုတွေ ရှိပါတယ်။

အဲဒီအလုပ်သမားတွေ ကို အဓမ္မဖမ်းဆီးပြီး နယ်စပ်ကို ပြန်ပို့မယ်ဆိုရင် အလုပ်သမားတွေလည်း အခက်အခဲရှိမယ် ဒါကြောင့် ထိုင်းနိုင်ငံ အတွင်းမှာ မြန်မာအစိုးရက နိုင်ငံကူးလက်မှတ် ထုတ်ပေးချင်တယ်လို့ မြန်မာအလုပ်သမားဝန်ကြီး ဌာနက တောင်းဆိုခဲ့ပါတယ်။

ပြီးခဲ့တဲ့ ရက်က ထိုင်းဝန်ကြီးချုပ် ယင့်လတ်ခ် ချင်နဝပ် မြန်မာနိုင်ငံကို သွားတုန်းက သမ္မတဦးသိန်းစိန်က ဒီအလုပ်သမားအရေးကိုလည်း ပြောကြားခဲ့တယ်လို့ သိရပါတယ်။

ဒီလိုသာဖမ်းပို့ရင် ထိုင်းစီးပွားရေးကိုလည်း အနှောက် အယှက်ဖြစ်နိုင် တယ်လို့ ထိုင်းကုန်သည်ကြီးများအသင်းက ပြောပြီး ဖမ်းဆီးမှုတွေကို ယာယီရပ်ဆိုင်းထားဖို့ ထိုင်းအစိုးရကို တောင်းဆိုခဲ့တယ်။

၃ လလောက် အချိန်ပေးပြီး အလုပ်သမား ပြဿနာ ဖြေရှင်းဖို့က ဘယ်ပုံစံနဲ့လုပ်မယ် ၊ ဥပဒေကြောင်းအရ လုပ်လို့ရမယ် မရဘူးဆိုတာတွေကို သက်ဆိုင်တဲ့ အစိုးရ ဝန်ကြီးဌာနတွေ သက်ဆိုင်သူတွေနဲ့ ဆွေးနွေးတိုင်ပင်ရဦးမယ် ၊ မကြာခင်မှာ အတိအကျ ပြောနိုင်လိမ့်မယ် ဒါ့အပြင် လက်မှတ်မဲ့သူတွေကို ဖမ်းဆီးမှု ၃ လလောက် ရပ်ဆိုင်း ပေးထားပေးဖို့ အလုပ်သမားဝန်ကြီး ဌာနက စဉ်းစား ဆောင်ရွက် နေတယ်လို့ ညွှန်ကြားရေးမှူးချုပ် ပရာ့ဝစ် ခီးယန်းဖွန်က ရှင်းပြခဲ့ပါတယ်။

ထိုင်းနိုင်ငံရောက် လက်မှတ်မဲ့ အလုပ်သမားအရေး ဘယ်လို့ဖြေရှင်းမလဲ ဆိုတာတော့ ရှင်းရှင်းလင်းလင်း မသိရသေးဘူး။

ပြီးခဲ့တဲ့ ကာလတုန်းကတော့ မြန်မာအလုပ်သမား ၁၂ သိန်းကျော်ကို မြန်မာနိုင်ငံ နိုင်ငံကူးလက်မှတ်တွေ ထုတ်ပေးထားခဲ့ပြီဖြစ်ပါတယ်။

တခါ မြန်မာနိုင်ငံကနေ အခုမှာ ထိုင်းကို လာ အလုပ်မယ့်သူတွေကတော့ အမ်အိုယူ သဘောတူညီချက်အရ နိုင်ငံကူးလက်မှတ်နဲ့ လေယဉ်နဲ့ဖြစ်ဖြစ်၊ နယ်စပ်ကဖြစ်ဖြစ် လာရောက်အလုပ်လုပ်ခွင့်ရှိပါတယ်။

အဲဒီလို တရားဝင် လာတော ခိုးဝင်လာတာထက် အန္တရာယ်ကင်းပြီး ကုန်ကျစရိတ်လည်း သက်သာတတယ်လို့ အလုပ်သမားအရေး လုပ်ဆောင်နေသူတွေက ပြောကြပါတယ်။

ကုလ အထူးကိုယ်စားလှယ် ရခိုင်ပြည်နယ် သွားရောက်

ကုလသမဂ္ဂ အထွေထွေ အတွင်း ရေးမှူချုပ်ရဲ့ မြန်မာနိုင်ငံ ဆိုင်ရာ အထူး ကိုယ်စားလှယ် မစ္စတာ ဗီဂျေး နမ်ဘီယားဟာ ရခိုင်ပြည်နယ်ကို သွားရောက်ပြီး ရခိုင် တိုင်းရင်းသား တွေနဲ့ မွတ်စလင်တွေ အတူတကွ နေထိုင်ရေးအတွက် ဒေသခံတွေနဲ့ သွားရောက် တွေ့ဆုံ ဆွေးနွေး ခဲ့ပါတယ်။

ဗုဒ္ဓဟူး နေ့မှာတော့ မောင်တောမြို့ကို သွားရောက်ခဲ့ပြီး အင်္ဂါနေ့ တုန်းကတော့ ပေါက်တော၊ မြေပုံနဲ့ စစ်တွေ မြို့တွေကို သွားရောက် ခဲ့ပါတယ်။

ကုလသမဂ္ဂ ရဲ့ မြန်မာနိုင်ငံ ဆိုင်ရာ အထူး ကိုယ်စားလှယ် မစ္စတာ ဗီဂျေး နမ်ဘီယားနဲ့ အတူ လူဝင်မှု ကြီးကြပ်ရေး ဝန်ကြီး ဦးခင်ရီ၊ ရခိုင် ပြည်နယ် စုံစမ်း စစ်ဆေးရေး ကော်မရှင် အတွင်းရေးမှူး ဒေါက်တာ ကျော်ရင်လှိုင်နဲ့ ရခိုင် ပြည်နယ် ဝန်ကြီးချုပ် ဦးလှမောင်တင် တို့ လည်း ဒေသခံ တွေနဲ့ တွေ့ဆုံ ဆွေးနွေး ခဲ့ကြပါတယ်။

ဗုဒ္ဓဟူးနေ့ မနက်ပိုင်းက မောင်တော မှာတော့ မွတ်စလင် တွေဘက်က တာဝန်ရှိတဲ့ ရပ်မိရပ်ဖတွေ မလာလို့ အသေအခြာ ဆွေးနွေး နိုင်တဲ့ အနေအထား မရှိခဲ့ဘူးလို့ ရခိုင် ပြည်နယ် အစိုးရ ပြောရေး ဆိုခွင့်ရှိသူ ဦးဝင်းမြိုင်က ပြောပါတယ်။

အင်္ဂါနေ့ တုန်းက ပေါက်တောနဲ့ မြေပုံမှာ ဒုက္ခသည်တွေနဲ့ တွေ့ဆုံ မေးမြန်း ခဲ့တာတော့ ရှိတယ်လို့ ဒေသခံတွေက ပြောပါတယ်။

စစ်တွေမှာတော့ မနေ့တုန်းက နှစ်ဘက် ရပ်မိရပ်တွေနဲ့ တွေ့ဆုံ ဆွေးနွေး ခဲ့ကြ ပါတယ်။

အထူးသဖြင့် အစိုးရနဲ့ ကုလသမဂ္ဂ ဘက်က အတူတကွ ပြန်လည် နေထိုင်ရေးကို ပြောဆို ဆွေးနွေးခဲ့ ပါတယ်။

ရခိုင် တိုင်းရင်းသားတွေ ဘက်ကတော့ ဆွေးနွေးပွဲမှာ အတူနေဖို့ မဖြစ်နိုင်ဘူးလို့ တင်ပြခဲ့တယ်လို့ အဲဒီ ဆွေးနွေးပွဲကို တက်ရောက် ခဲ့သူ တဦးက ပြောပါတယ်။

အင်္ဂါနေ့ တုန်းက အဲဒီလို အပြန်အလှန် ပြောဆို ခဲ့ပြီးနောက် ဗုဒ္ဓဟူးနေ့ မနက်မှာ မွတ်စလင် ရပ်မိရပ်ဖတွေကို လူဝင်မှု ကြီးကြပ်ရေး ဝန်ကြီး ဦးခင်ရီက သီးသန့် တွေ့ပြီး ပြောဆို ခဲ့တာတွေ ရှိတယ်လို့ မွတ်စလင် ဘက်က ပြောပြပါတယ်။

ပိုလီယို ကျန်းမာရေး ၀န်ထမ်း ၂ ဦး ထပ်မံ အသတ်ခံရ

ဝန်ထမ်းတွေ အသတ်ဖြတ်ခံရပြီးတဲ့နောက် ပိုလီယိုဆေး တိုက်ကျွေးတဲ့ အစီအစဉ် ရပ်နား

ပါကစ္စတန် နိုင်ငံမှာ ကုလသမဂ္ဂ အစီအစဉ် နဲ့ ကလေးငယ်တွေကို ပိုလီယိုကာကွယ်ဆေး တိုက်ကျွေး တဲ့ အစီအစဉ်ကို လုပ်ဆောင်နေတဲ့ ကျန်းမာရေးဝန်ထမ်းနှစ်ဦး ဗုဒ္ဓဟူးနေ့က ထပ်မံ သတ်ဖြတ်ခံ လိုက်ရပြန် ပါတယ်။

ကမ္ဘာမှာ ပိုလီယိုလုံးလုံး မကင်းစင်သေးတဲ့ နိုင်ငံဆိုလို့ ပါကစ္စတန်ရယ်၊ သူ့ဘေးက အာဖဂန်နစ္စတန် ရယ်၊ အာဖရိက တိုက် က နိုင်ဂျီးရီးယားရယ် သုံးနိုင်ငံပဲ ရှိတဲ့ အထဲက အခု ပါကစ္စတန် မှာ ကုလသမဂ္ဂ ပါဝင်တဲ့ နိုင်ငံလုံး ဆိုင်ရာ ပိုလီယို ရောဂါ ကင်းစင်ရေး လှုပ်ရှားမှု မှာ ကလေးငယ် ၃၃ သန်းကို ကျန်းမာရေး ဝန်ထမ်းပေါင်း ၈၈၀၀၀ က အစက်ချ ကာကွယ်ဆေး တွေကို တိုက်ကျွေးဖို့ အစိုးရက ရည်မှန်းချက်ထား လုပ်ဆောင်နေတာ ဖြစ်ပါတယ်။

ဒီလှုပ်ရှားမှုက ဗုဒ္ဓဟူးနေ့မှာပဲ ပြီးဆုံးတာ ဖြစ်ပေမယ့် ပတ်ရှဝါဒေသမှာ သေနတ်သမားတွေက ပစ်ခတ်လို့ ပိုလီယို ကာကွယ်ဆေး ဆိုင်ရာ ကျွမ်းကျင်သူတဦးနဲ့ သူ့ကားမောင်းသူတို့ ဆုံးပါးသွားပြီး၊ ဝိုင်းကူပေးတဲ့ ကျောင်းသား တယောက် ကတော့ ဦးခေါင်းကို ပစ်ခတ်ခံရပြီး အကြီးအကျယ် ထိခိုက်ဒဏ်ရာ ရခဲ့ပါတယ်။

အင်္ဂါနေ့ က ပစ်ခတ်မှု မှာတော့ ကျန်းမာရေးဝန်ထမ်း ငါးဦး သေဆုံး ခဲ့ပါတယ်။ အခု ဗုဒ္ဓဟူးနေ့ သတ်ဖြတ်မှုတွေ အပြီးမှာတော့ ကုလသမဂ္ဂ ကလေးသူငယ်များ ရန်ပုံငွေအဖွဲ့ ယူနီဆက်ဖ် နဲ့ ကမ္ဘာ့ကျန်းမာရေးအဖွဲ့ ဒဗလျူအိတ်ခ်ျအို တို့ကတော့ သူတို့ရဲ့ နိုင်ငံတဝန်း လုပ်ဆောင်နေတဲ့ လုပ်ငန်းတွေကို ရပ်ဆိုင်းတယ်လို့ ယူနီဆက်ဖ် ပြောခွင့်ရသူက ပြော ပါတယ်။

အခုလို ပစ်ခတ်သတ်ဖြတ်မှုတွေကို ဘယ်အဖွဲ့ကမှ သူတို့ လုပ်တာပါလို့ မပြောပေမယ့် စောစောပိုင်းကတော့ တာလီဘန် တွေက ကုလသမဂ္ဂရဲ့ ဒီပိုလီယိုဆန့်ကျင်ရေး လှုပ်ရှားမှုကို ဆန့်ကျင်မယ်လို့ ခြိမ်းခြောက်ထားပါတယ်။

ပါကစ္စတန်ဝန်ကြီးချုပ် ရာဂျာ ပါဗက်ဇ် အရှက်ဖ်တော့ တိုက်ခိုက်မှုတွေကို ရှုတ်ချခဲ့ပြီး၊ ကာကွယ်ဆေး တိုက်ကျွေးရေး လုပ်ဆောင်နေတဲ့ အဖွဲ့တွေကို ချီးကျူးခဲ့လို့ ဒေသဆိုင်ရာ အာဏာပိုင်တွေကိုလည်း ဒီအဖွဲ့တွေရဲ့ လုံခြုံရေးကို အပြည့်ယူ ပေးဖို့ တိုက်တွန်းခဲ့ပါတယ်။

ပစ်ခတ်သတ်ဖြတ်မှုတွေ နဲ့ ဆက်စပ်လို့ တခုပြောရမယ် ဆိုရင်တော့ ပြီးခဲ့တဲ့နှစ် က အယ်လ်ကိုင်းဒါး ခေါင်းဆောင် အိုစမာ ဘင်လာဒင်ကို ဖမ်းဆီးမိဖို့အတွက် အမေရိကန် ထောက်လှမ်းရေး အေဂျင်စီ စီအိုင်အေက အယောင်ဆောင် အသည်းရောင် အသားဝါ ကာကွယ်ဆေး လှုပ်ရှားမှု လုပ်ဆောင်ခဲ့တာကြောင့်လည်း ပါကစ္စတန် ဒေသတချို့မှာ အခု ပိုလီယို ကာကွယ်ဆေး တိုက်ကျွေးမှုကို တာလီဘန် တွေက ကန့်ကွက် ဆန့်ကျင်မှုတွေ ပြုကြတာ လို့လည်း သိရပါတယ်။ 

လက်ပံတောင်း နယ်ခံတွေကို ကော်မရှင်စုံစမ်း

သံဃာ အားလုံးကို တာဝန်ယူ ကုမပေးလို့ဆို

လက်ပံတောင်း စီမံကိန်း သပိတ် ဖြိုခွဲမှု အတွက် စုံစမ်းရေး ကော်မရှင်က ဒေသခံ တွေကို မေးမြန်း စုံစမ်း ခဲ့ရာမှာ ပြီးခဲ့တဲ့ စီမံကိန်း တွေရဲ့ ဆိုးကျိုးတွေကို ကြေးစင်တောင် စံပယ်တောင် ဒေသခံ ရွာတွေမှာ ထိခိုက်တာ ကြုံခဲ့ရလို့ မလုပ်စေချင်ကြောင်း ပြောဆို ခဲ့ကြပါတယ်။

သပိတ် ဖြိုခွဲရာမှာ မီးခိုးဗုံး သုံးတယ် ဆိုတဲ့ ကော်မရှင် ထုတ်ပြန်ချက် ဟာလဲ မဟုတ်မှန်ကြောင်း ထိခိုက် ဒဏ်ရာရတဲ့ ရဟန်းတော်တွေကို ကြည့်ရင် သိနိုင် တယ်လို့ ဝက်မှေးရွာသူ မအေးနက်က ပြောပါတယ်။

သံဃာတွေ ကို တောင်းပန်တယ် ဆိုပေမယ့် ထိခိုက် ဒဏ်ရာရသူ အားလုံးကို တာဝန်ယူ ကုသ ပေးတာ မဟုတ်ဘဲ ပြည်သူ စုပေါင်း ထောက်ပံ့မှုနဲ့ ကုနေရတယ် လို့လဲ မအေးနက်က ဘီဘီစီကို ပြောကြား ပါတယ်။ 

မြန်မာကနေ ဂျပန်ကို ဆန်တင်ပို့မယ်

ဆင်းသွယ်လတ်နဲ့ မှော်ဘီ ၂၊ နှစ်မျိုးကို တင်ဒါ စနစ် နဲ့ ဝင်ရောက် ယှဉ်ပြိုင်ပြီး ဂျပန်ကို တင်ပို့မှာဖြစ်

မြန်မာ နိုင်ငံ ကနေ ဂျပန် နိုင်ငံကို ပထမဦးဆုံး အကြိမ် အဖြစ် ဆန် တင်ပို့နိုင် တော့မှာ ဖြစ်တယ်လို့ မြန်မာ နိုင်ငံ ဆန်စပါး လုပ်ငန်း အသင်းက တွဲဖက် အတွင်း ရေးမှူး ဦးမျိုးသူရအေးက ဘီဘီစီကို ပြောပါတယ်။

အဲဒီလို တင်ပို့ ရာမှာ မြန်မာ နိုင်ငံမှာ စိုက်ပျိုးတဲ့ ဆင်းသွယ်လတ်နဲ့ မှော်ဘီ ၂၊ အမျိုး အစား များကို တင်ဒါ စနစ် နဲ့ ဝင်ရောက် ယှဉ်ပြိုင်ပြီး တင်ပို့ရမှာ ဖြစ်တယ်။

မြန်မာ နိုင်ငံ ဆန်လုပ် ငန်းရှင်များ အဓိက ဖွဲ့စည်း ထားတဲ့ MAPCO ကနေ ဂျပန် နိုင်ငံကို ၂၀၁၃ ခုနှစ် နှစ်ဆန်း ပိုင်းက စပြီး တင်သွင်း ရောင်းချဖို့ ရှိပါတယ်။

ဂျပန် နိုင်ငံ စိုက်ပျိုးရေး၊ သစ်တောနှင့် ငါးဖမ်း လုပ်ငန်း ဝန်ကြီး ဌာနမှ ကိုယ်စားလှယ် အဖွဲ့ဟာ ဒီဇင်ဘာလ ၁၃ ရက် နေ့က မြန်မာ နိုင်ငံကို လာရောက် ခဲ့ပြီး မြန်မာ နိုင်ငံ ဆန်စပါး အသင်းချုပ်၊ မြန်မာ့ လယ်ယာ စီးပွား အများပိုင် ကော်ပိုရေးရှင်း MAPCO အပါအဝင် မြန်မာနိုင်ငံ တောင်သူ လယ်သမား အသင်းမှ တာဝန်ရှိ သူများနဲ့ ဆွေးနွေး ခဲ့တာ ဖြစ်ပါတယ်။

ဂျပန်ကို တင်သွင်း ရမယ့် ဆန်တွေမှာ ဓါတု ဓာတ်ကြွင်းများ မပါဝင်ဖို့ နဲ့ မှိုဓာတ်တွေ မပါဝင်ဖို့ ကို ဂျပန် ဘက်က တခါတည်း စိစစ် သွားဖို့ ရှိပြီး၊ မြန်မာဘက် ကလည်း တင်ကြိုပြီး ပြင်ဆင်သွားဖို့ လိုတယ် လို့လည်း ဆန်အသင်းက ပြောပါတယ်။

မြန်မာ နိုင်ငံရဲ့ အခုနှစ် ဆန်တင်ပို့မှု အခြေ အနေဟာ လက်ရှိမှာ မနှစ်ကထက် တန် ၂ သိန်း ကျော် တင်ပို့ ထားနိုင်ပြီး၊ ဒီနှစ် ကုန်ရင်တော့ တန်ချိန် ၁.၂ သန်း ကျော် လာ နိုင်တဲ့ အခြေ အနေ ရှိနေပါတယ်။

ဈေးနှုန်း အနေနဲ့ ကတော့ မြန်မာဆန်ဟာ တစ်တန်ကို ဒေါ်လာ ၃၃၀ ကျော် ဈေးပေါက် နေတယ်လို့ မြန်မာနိုင်ငံ တောင်သူ လယ်သမား အသင်း ဥက္ကဌ ဒေါက်တာ စိုးထွန်းက ပြောပါတယ်။

မြန်မာနိုင်ငံ ဟာ ၁၉၆၀ ခုနှစ် ကနေ ၁၉၆၃ ခု နှစ် အတွင်း ဆန် တန်ချိန် ၁. ၇ သန်း အထိ တင်ပို့ နိုင်ခဲ့ပြီး၊ ကမ္ဘာပေါ်မှာ ဆန်အများဆုံး တင်ပို့တဲ့ နိုင်ငံ တခု ဖြစ်ခဲ့ဖူး ပါတယ်။

၂၀၁၃ မှာ မြန်မာ ဂျီဒီပီ မြင့်မယ်

အရှေ့ အာရှရဲ့ စီးပွားရေးဟာ ဆက်လက် ကြန့်ကြန့်ခံ နိုင်နေဆဲ ဖြစ်တယ်လို့ ကမ္ဘာ့ဘဏ် ပြော

၂၀၁၃ ခုနှစ် အတွက် မြန်မာ နိုင်ငံရဲ့ ပြည်တွင်း အသားတင် ကုန်ထုတ်လုပ်မှု တန်ဖိုး GDP ဟာ ၆ ဒဿမ ၅ ရှိမယ်လို့ ကမ္ဘာ့ဘဏ်ရဲ့ ခန့်မှန်း ချက် ထွက်ရှိလာ ပါတယ်။

ပြီးခဲ့တဲ့ နှစ်ကတော့ မြန်မာ နိုင်ငံရဲ့ GDP ဟာ ၆ ဒဿမ ၃ ဖြစ်ပြီး၊ အရင် တနှစ် ကတော့ ၅ ဒဿမ ၅ ဖြစ် ပါတယ်။

အာရှ ဒေသ နိုင်တွေရဲ့ ၂၀၁၃ ခုနှစ် အတွက် GDP ခန့်မှန်းချက်ကို ကမ္ဘာ့ဘဏ် ကနေ ထုတ်ပြန် လိုက်တာ ဖြစ်ပြီး၊ တရုတ်နဲ့ အရှေ့ အာရှက ဖွံ့ဖြိုးဆဲ နိုင်ငံ တွေရဲ့ GDP ဟာ တိုးမြင့် လာမယ်လို့ ဖေါ်ပြထား ပါတယ်။

၂၀၁၃ ခုနှစ်မှာ တရုတ်နိုင်ငံရဲ့ GDP ကတော့ ၈ ဒဿမ ၄ ရှိမှာ ဖြစ်ပြီး၊ ထိုင်းက ၅၊ ဗီယက်နမ်က ၅ ဒဿမ ၅ နဲ့ ကမ္ဘောဒီးယားက ၆ ဒဿမ ၇ အသီးသီး ရှိကြမှာ ဖြစ်ပါတယ်။

ကမ္ဘာ့ စီးပွားရေး အားနည်း နေပေမယ့်လည်း အရှေ့ အာရှရဲ့ စီးပွားရေးဟာ ဆက်လက် ကြံ့ကြံ့ခံ နိုင်တဲ့ အနေ အထားမှာ ရှိနေဆဲ ဖြစ်တယ်လို့ ကမ္ဘာ့ဘဏ် က ပြောပါတယ်။

ကချင်တိုက်ပွဲကြောင့် ငြိမ်းချမ်းရေးထိခိုက်နိုင်

မြန်မာစစ်တပ်နဲ့ ကချင်သူပုန်တွေကြား တိုက်ပွဲသတင်းတွေကြောင့် နုနယ်သေးတဲ့ ငြိမ်း ချမ်းရေး လုပ်ငန်းစဉ်တွေနဲ့ တိုင်းရင်းသား သွေးစည်းညီညွတ်မှုအတွက် ပြည်တွင်း မှာရော နိုင်ငံတကာအသိုင်းအ၀ိုင်းအတွင်းမှာပါ စိုးရိမ်မှုတွေ တိုးပွားလာစေပါ တယ်။ မြန်မာနိုင်ငံဆိုင်ရာ အမေရိကန် သံအမတ်ကြီးဟာလည်း ကချင်ပြည်နယ်တွင်း အခြေအနေမှန်ကို သိရှိနိုင်ရေး အတွက် ကချင် ပြည်နယ်ကို ပထမဆုံး အကြိမ်အဖြစ် ကချင်ပြည်နယ်ကို သွားရောက်ခဲ့ပါတယ်။ ဘန်ကောက်မြို့ တော်ကနေ ဗွီအိုအေ သတင်းထောက် Deniel Schearf ပေးပို့ထားတဲ့သတင်းဆောင်းပါးကိုတော့ မသိင်္ဂီထိုက်က တင်ပြပေးထားပါတယ်။

ပြီးခဲ့တဲ့သီတင်းပတ်အတွင်း မြန်မာအစိုးရတပ်တွေဟာ ရုရှားလုပ် စက်သေနတ်တင် ရဟတ် ယာဉ်တွေ အသုံးပြုပြီး တရုတ်နယ်စပ်အနီးမှာ အခြေစိုက်တဲ့ ကချင် လက်နက်ကိုင် တပ်တွေ ကို ပြင်းပြင်းထန်ထန် ထိုးစစ်ဆင်ခဲ့တယ်လို့ ပြည်ပ အခြေစိုက် မြန်မာသတင်း ဌာနတွေ က ဖော်ပြခဲ့ကြပါတယ်။

အစိုးရတပ်တွေဟာ ကချင်လက်နက်ကိုင်တပ်ဖွဲ့တွေ အခြေစိုက်စခန်းနဲ့ သိပ်မဝေးတဲ့ နေရာ အထိ လာ ရောက်တိုက်ခိုက်ခဲ့တယ်လို့ ကချင် လွတ်လပ်ရေး အဖွဲ့ KIO ပြောခွင့်ရ ဦးလာနန် ပြောကြား ချက်ကို ကိုးကားပြီး  ကချင်သတင်းဌာနက ဖော်ပြခဲ့ပါတယ်။

ဒီသီတင်းပတ်တွေအတွင်း မြန်မာစစ်တပ်နဲ့ ကချင်လွတ်လပ်ရေး တပ်မတော် KIA တပ်ခွဲ တစ်ခုက ကချင်လက်နက်ကိုင်တချို့နဲ့ တိုက်ခိုက်မှုတွေအတွင်း မြန်မာစစ်သား ဒါဇင်နဲ့ ချီ သေဆုံးခဲ့တယ်လို့ ဦးလာနန်က ပြောပါတယ်။

ဒီဒေသက ဝေးလံခေါင်သီပြီး မြန်မာအစိုးရကလည်း ဒီလို တိုက်ပွဲသတင်းတွေကို ထုတ်ပြန်မှု သိပ်မရှိလှတာကြောင့် သတင်းတွေကို အတည်ပြုချက်ရယူဖို့ကတော့ ခက်ခဲပါတယ်။

အရာရှိတွေက စစ်တပ်က ထိုးစစ်ဆင်နေတယ်ဆိုတာကို ငြင်းနေကြပေမယ့် တကယ်မှာတော့ အစိုးရ တပ်တွေက တိုက်ခိုက်နေပါတယ်လို့ လွှတ်တော် အမတ်တဦးဖြစ်တဲ့ ဒေါ်ဒွဲဘူက ပြော ပါတယ်။

“လွှတ်တော်မှာ မေးမြန်းတဲ့အခါမှာလည်း တပ်မတော်ပိုင်းဆိုင်ရာ တာဝန်ရှိသူတွေ ဖြေဆို သွားတာ ကတော့ သူတို့အနေနဲ့ သမ္မတကြီး ပြောတဲ့အတိုင်းပဲ ထိုးစစ်တွေမဆင်ပါဘူးလို့ လွှတ်တော်မှာ လာရောက်ဖြေဆိုသွားပါတယ်။ အဲလိုပဲ သမ္မတဘက်ကလည်း အောက်ခြေမှာ ဒီလိုမျိုးဖြစ်နေတာ တွေဟာ ပြင်းပြင်းထန်ထန် မဖြစ်ပါဘူးလို့ ပြောပါတယ်။ ဒါပေမဲ့ အောက်ခြေက လူထုကိုယ်စား လှယ်တွေ အနေနဲ့ရော၊ လူထုတွေ အနေနဲ့ရော သိတာကတော့ တိုက်ပွဲတွေ ပြင်းပြင်းထန်ထန် ဖြစ်နေတယ်လို့ သိရပါတယ်။ ဒီ တပ်မတော်တွေသာ ကချင်ပြည်နယ်ဘက်ကို ထိုးစစ်လာ မဆင် လို့ရှိရင်တော့ ဒီပြဿနာတွေက ဖြစ်ပွားမှာ မဟုတ်ပါဘူး။”

ဦးမင်းဇော်ဦးကတော့ ရန်ကုန် အခြေစိုက် မြန်မာ ငြိမ်းချမ်းရေး စင်တာက အပစ်အခတ် ညှိနှိုင်းရေးနဲ့ အကောင်အထည်ဖော်ရေး ဆိုင်ရာ ညွှန်ကြားရေးမှူး ဖြစ်ပါတယ်။ စစ်တပ် ဘက်ကတော့ သူပုန်တွေက တိုက်ခိုက်တာကနေ ကိုယ့်ကိုယ်ကိုယ် ကာကွယ်တာ လို့ ပြောဆိုနေကြောင်း သူက ပြောပါတယ်။

“ကချင်တွေဘက်က ပြီးခဲ့တဲ့နှစ်က စစ်တပ်ဘက်က သိမ်းယူလိုက်တဲ့ သူတို့ရဲ့ နယ်မြေ ကို ပြန်ရဖို့ တိုက်တာ ဖြစ်နိုင်ပါတယ်။ တချိန်တည်းမှာဘဲ မြန်မာ့ တပ်မတော်ဘက်ကလည်း ဒီဒေသတွင်း ထောက်ပံ့ရေးနဲ့ ဗျူဟာကျတဲ့ လမ်းမကြီးတွေကို ကာကွယ်ဖို့ တပ်အင်အားကို တိုးနေပါတယ်။”

အင်္ဂါနေ့တုန်းကတော့ ကချင်ပြည်နယ်မြောက်ပိုင်းက ရဲစခန်းတစ်ခုကို KIA ဘက်က ၀င်ရောက် တိုက်ခိုက်ခဲ့တာကြောင့် အနည်းဆုံး လူတစ်ဦး သေဆုံးခဲ့ရပါတယ်။

KIA နဲ့ မြန်မာစစ်တပ်အကြား တိုက်ခိုက်မှုတွေက အပစ်အခတ်ရပ်စဲထားတာ ၁၇ နှစ်တာ ကာလ နောက်ပိုင်း ပြီးခဲ့တဲ့နှစ်ဇွန်လက ပြန်ဖြစ်ခဲ့တာပါ။ မြန်မာအစိုးရက လက်နက်ကိုင် တိုင်းရင်းသား သူပုန်တွေကို နယ်ခြားစောင့်တပ်တွေအဖြစ် အသွင်ပြောင်းဖို့ ဖိအားပေးခဲ့ တာကလည်း တိုက်ပွဲတွေ ပြန်ဖြစ်စေခဲ့တဲ့ အစိတ်အပိုင်းတစ်ခုဖြစ်တယ်လို့ သုံးသပ်သူတွေက ဆိုပါတယ်။ တိုက်ပွဲကြောင့် သောင်းနဲ့ချီတဲ့ ပြည်သူတွေ ထွက်ပြေးခဲ့ကြရပါတယ်။

မြန်မာအာဏာပိုင်တွေနဲ့ KIO တို့အကြား ငြိမ်းချမ်းရေးဆွေးနွေးပွဲတွေ အတော်များများ လုပ်ခဲ့ပေမယ့်လည်း ဖြစ်ထွန်းမှုကတော့ သိပ်မရှိလှပါဘူး။ KIO ဘက်က အတိမ်းအစောင်း မခံတဲ့ ကိစ္စ တခုဖြစ်တဲ့ ကိုယ်ပိုင်အုပ်ချုပ်ရေးကိစ္စကို ဆွေးနွေးချင်နေပေမယ့် အစိုးရ ဘက်ကတော့ အပစ်အခတ်ရပ်စဲရေးကိုပဲ အာရုံစိုက် ဆွေးနွေးချင်နေတာပါ။

မြန်မာ ငြိမ်းချမ်းရေး စင်တာဘက်ကနေ နှစ်ဘက်စလုံးကို တပ်တွေရုပ်သိမ်းဖို့ တိုက်တွန်း ခဲ့ပေမယ့် KIO ဘက်ကတော့ မြန်မာအာဏာပိုင်တွေကို အယုံအကြည် မရှိဘူးလို့ ပြောဆို ထားပြီး ဆုံးဖြတ်ချက် ချခွင့်ရှိတဲ့ စစ်ဦးစီးချုပ်တယောက် စေလွှတ်ဖို့ဆိုတာကိုလည်း သဘောမတူ ဖြစ်နေပါတယ်။

တိုက်ပွဲတွေ ဆက်ပြီးဖြစ်ပွားနေပေမယ့်လည်း အစိုးရ စစ်တပ်ဘက်က စိုးရိမ်မှုတချို့ရှိနေပြီး သူပုန်တွေကို အပြုတ်တိုက်မယ့်ပုံတော့ မရှိဘူးလို့ ညွှန်ကြားရေးမှူး ဦးမင်းဇော်ဦးက ပြောပါ တယ်။ လတ်တလော တိုက်ပွဲတွေက တဖက်နဲ့တဖက် စစ်ဆင်ရေး အကဲစမ်းမှုလုပ်တဲ့ ပွင့်လင်းရာသီနဲ့လည်း တိုက်ဆိုင်နေပါတယ်လို့ ဦးမင်းဇော်ဦးက ပြောပါတယ်။

“အပစ်အခတ်ရပ်စဲဖို့ရာက နှစ်ဘက်လုံးအနေနဲ့ စွန့်စားရမှာ ဖြစ်ပြီး တွေ့ဆုံဆွေးနွေးမှုတွေနဲ့ အနည်းဆုံးတော့ အချိန်သိပ်မကြာစေဘဲ တပ်တွေကို ပြန်ရုပ်သိမ်းဖို့နဲ့ ပြန်လည်နေရာ ချထားဖို့ လုပ်ကြရပါမယ်။ ဒီလိုမှမဟုတ်ရင်တော့ အခုလို ပွင့်လင်းရာသီမှာ ပဋိပက္ခတွေ ပိုပြီး ဆိုးလာနိုင်ပါတယ်။”

အရပ်သားအစိုးရရဲ့ သမ္မတအဖြစ် ဦးသိန်းစိန် တာဝန်ယူလိုက်ချိန်ကစပြီး နိုင်ငံရေး၊ စီးပွားရေး ပြုပြင်ပြောင်းလဲမှုနဲ့အတူ တိုင်းရင်းသား သွေးစည်းညီညွတ်မှုတွေကို ထိပ်တန်း ဦးစားပေးအဖြစ် အရေးယူ လုပ်ဆောင်ခဲ့ပါတယ်။

သူပုန်အဖွဲ့အတော်များများနဲ့ အပစ်အခတ်ရပ်စဲရေး သဘောတူစာချုပ်တွေ လက်မှတ်ရေး ထိုးခဲ့သလို ထိုးစစ်ဆင်တာတွေကိုလည်း အဆုံးသတ်ဖို့ အမိန့်ပေးခဲ့ပါတယ်။ ဒါပေမယ့် ကချင်ပြည်နယ်အတွင်း တိုက်ပွဲတွေ ဆက်ဖြစ်နေတဲ့အပေါ် သမ္မတက စစ်တပ်ကို ထိန်းချုပ်မှုမရှိသေးတဲ့အပေါ်မှာတော့ စိုးရိမ်မှုတွေ တိုးလာပါတယ်။

ကုလသမဂ္ဂကတော့ KIA ထိန်းချုပ်ရာ ကယ်ဆယ်ရေး စခန်းတွေမှာ လူသားချင်းစာနာမှု အထောက် အပံ့တွေ ပေးခွင့်ပေးဖို့ မြန်မာအစိုးရကို တောင်းဆိုထားပါတယ်။ အရင်တုန်းကတော့ အစိုးရက ဒီလို အထောက်အပံ့တွေကို အကန့်အသတ်နဲ့ ခွင့်ပြုခဲ့ပါတယ်။ ဒါပေမယ့် ဒီလတွေအတွင်းမှာတော့ ဒေသ မအေးချမ်းတာကို အကြောင်းပြပြီး ရိက္ခာနဲ့ ဆေးဝါးလိုအပ်ချက်တွေ ရှိနေတဲ့ ကယ်ဆယ်ရေး စခန်းတွေကို အကူအညီပေးခွင့် ပိတ်ပင်ထားပါတယ်။

အစိုးရစစ်တပ်က သူပုန်တွေကို ထောက်ပံ့ရေး ဖြတ်တောက်ပြီး ဖိအားပေးချင်တာ ဖြစ်တယ် လို့လည်း ဝေဖန်သူတွေက ပြောပါတယ်။

မြန်မာနိုင်ငံဆိုင်ရာ အမေရိကန် သံအမတ်ကြီး ဒဲရက်ခ်မစ်ချဲလ်ဟာလည်း နှစ်ရက်ကြာ ခရီးစဉ်အဖြစ် ကချင်ပြည်နယ်ကို ဒီသီတင်းပတ်အတွင်း သွားရောက်ခဲ့ပါတယ်။ ဒီခရီးစဉ်ဟာ သူ့အနေနဲ့ ဇူလိုင်လက သံအမတ်တာဝန် ထမ်းဆောင်ပြီးနောက်ပိုင်း ပထမဆုံး ခရီးစဉ်လည်း ဖြစ်ပါတယ်။

သံအမတ်ကြီး ဒဲရက်ခ် မစ်ချဲလ်ဟာ KIA ဘက်က ထိန်းချုပ်ထားတဲ့ နယ်မြေအတွင်းက ကယ်ဆယ်ရေးစခန်းတွေအပါအ၀င် ကယ်ဆယ်ရေးစခန်းတွေဆီကို သွားရောက် ခဲ့ပြီး ဒေသခံ ခေါင်းဆောင်တွေနဲ့လည်း လိုအပ်နေတဲ့ လူသားချင်းစာနာမှုဆိုင်ရာ အထောက်အပံ့တွေကိုလည်း ဆွေးနွေးခဲ့ပါတယ်။

ABSDF ကိုယ်စားလှယ်အဖွဲ့ ရန်ကုန်ရောက်

 

 ABSDF ကျောင်းသားတပ်မတော်ခေါင်းဆောင်ပိုင်းနဲ့ ပြည်တွင်း ၈၈ မျိုးဆက် ကျောင်းသားတို့ တွေ့ဆုံကြစဉ်။ (ဒီဇင်ဘာ ၁၉၊ ၂၀၁၂) ဓာတ်ပုံ/ ၈၈ မျိုးဆက်

• ကျောင်းသားတပ်မတော်လို့ အများသိကြတဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက် တစ် တပ်ဦး ABSDF က ခေါင်းဆောင်တချို့ ပထမဆုံးအကြိမ် ပြည်တွင်းမှာ ရောက်နေကြပါတယ်။ အစိုးရတာဝန်ရှိသူတွေနဲ့ တွေ့ဆုံဆွေးနွေးဖို့အပြင် ပြည်တွင်း နိုင်ငံရေးအင်အားစုတွေနဲ့ပါ တွေ့ဆုံဆွေးနွေးဖို့ အစီအစဉ်နဲ့ ရောက်နေကြ တဲ့ ABSDF ခေါင်းဆောင်တွေရဲ့ ခရီးစဉ်နဲ့ပတ်သက်ပြီး  ဗွီအိုအေရဲ့  ရန်ကုန်အခြေစိုက် သတင်းထောက် ကိုအောင်ရဲမောင်မောင် က တွေ့ဆုံမေးမြန်းထားပါတယ်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် ABSDF လက်ရှိ ခေါင်းဆောင်ပိုင်းတွေဟာ ဒီကနေ့မှာ မြန်မာနိုင်ငံအတွင်းကို ပြန်လည်ရောက် ရှိခဲ့ပြီး နိုင်ငံရေးအင်အားစုတွေနဲ့ တွေ့ဆုံသွားမယ်လို့ ADSDF ကျောင်းသားခေါင်းဆောင် ကိုကျော်ကိုက ဗီအိ်ုအေ မြန်မာပိုင်းကို ပြောပါတယ်။

ABSDF ခေါင်းဆောင်ပိုင်းက တာဝန်ခံ တွေဟာ ၈၈ မျိုးဆက်ကျောင်းသားတွေနဲ့ ဒီကနေ့မှာ တွေ့ဆုံခဲ့ပြီးတော့ အမျိုးသားဒီမိုကရေစီ အဖွဲ့ချုပ်ခေါင်းဆောင် ဒေါ်အောင်ဆန်းစုကြည် နဲ့ တွေ့ဆုံဖို့လည်း ကြိုးစားနေတယ် လို့ ကိုကျော်ကိုက ဗွီအိ်ုအေကိ်ု ပြောပါတယ်။

“ဒီနေ့မှာပဲ ၈၈ မျိုးဆက် ကျောင်းသားခေါင်းဆောင်တွေနဲ့ တွေ့ဖြစ်တယ်၊ အဲဒီတွေ့ဆုံပွဲမှာ ကျနော်တို့ အားရပါတယ်။ ဝမ်းလည်းဝမ်းသာတယ်။ နောက်တစ်ခုက သူတို့နဲ့ ကျနော်တို့ကြားထဲမှာ ရှိတဲ့ အမြင်တွေ ဖလှယ်နိုင်တယ်။ နောက်တစ်ခုက ရှေ့ခရီးစဉ်အတွက် ပွင့်ပွင့်လင်းလင်း အကြံပြုကြတယ်၊ ဆွေးနွေးကြတယ်ပေါ့။”

မေး။ ။ ဒေါ်အောင်ဆန်းစုကြည်နဲ့ရော တွေ့ဖို့ရှိသေးလား။

“ကျနော်တို့ ကြိုးစားနေပါတယ်။”

ADSDF ဗဟို ကော်မတီဝင်တွေဟာ ဒီကနေ့မှာ ၈၈ ကျောင်းသားများ အဖွဲ့က ခေါင်းဆောင်ပိုင်းတွေနဲ့ တွေ့ဆုံခဲ့ ပြီး နေ့လည်ပိုင်းမှာ မြန်မာငြိမ်းချမ်းရေးစင်တာက တာဝန်ရှိသူတွေနဲ့ တွေ့ဆုံခဲ့ပါတယ်။

အခုလို ပြည်ပက အင်အားစုတွေ ပြည်တွင်းကို ပြန်လည်ဝင်ရောက်လာတာနဲ့ ပတ်သက်ပြီး မြန်မာ ငြိမ်းချမ်းရေး စင်တာက ဒေါက်တာမင်းဇော်ဦးက-

“အစိုးရဘက်ကရော အစိုးရနဲ့အတူတူ လုပ်နေတဲ့လူတွေကြားထဲမှာလည်း လုပ်ပေးရမှာက ဒီလိုလူတွေ ပြန်ဝင်လာတဲ့အခါမှာ လက်ရှိစံနစ်က သူတို့ကို အရင်တုန်းကလိုမျိုး ကန့်သတ် ချုပ်နှောင်တာတွေ မရှိအောင် ကျနော်တို့က အဲဒီအခက်အခဲတွေကို တတ်နိုင်သလောက် ဖယ်ရှားပေးရမှာပေါ့။ ဥပမာ- မတရားအသင်း ကိစ္စမျိုးတွေ ဘာတွေ - ဒါမျိုးတွေနဲ့ ကင်းလွတ်မှု သူတို့ ပြန်လာပြီး လှုပ်ရှားလို့ ရမှာပါ။ ဒီလိုဟာမျိုးတွေကို စံနစ်မှာ ဥပဒေအရ တချို့ အကန့်အသတ် ရှိတဲ့ ဟာတွေကို ကျနော်တို့က အဲဒီ အကန့်အသတ်တွေကို ဖယ်ပေးဖို့ လိုတာပေါ့။

တဖက်က ပြန်ဝင်လာတဲ့သူတွေ ဘက်ကလည်း ဒီလိုမျိုး ပြန်ဝင်လာပြီး လှုပ်ရှားတဲ့အခါမှာ လက်ရှိ သွားနေတဲ့ အပြောင်းအလဲရဲ့ အကျပ်အတည်းတွေ၊ စိန်ခေါ်မှုတွေကို နားလည်ပြီးတော့ တဘက်နဲ့တဘက် အပြန်အလှန် နားလည်မှုရှိတဲ့ လှုပ်ရှားမှုမျိုးတွေ ဖြစ်ဖို့ လိုတယ်ပေါ့ဗျာ။”

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် ABSDF က ဥက္ကဋ္ဌ ကို သံခဲ အပါအဝင် ဗဟိုကော်မတီဝင် ၉ ဦး ပြည်တွင်းကို ပြန်လည် ဝင်ရောက်လာ တာဖြစ်တယ်လို့ ကိုကျော်ကိုက ပြောပါတယ်။

ပြည်တွင်းမှာ သမ္မတဦးသိန်းစိန်ရဲ့ နိုင်ငံရေး ဖြစ်စဉ် တိုးတက်မှုတွေကို လေ့လာဖို့ လာခဲ့တာဖြစ်သလို ABSDF ရဲ့ ပြည်တွင်းခရီးစဉ်မှာ အခြား ရည်ရွယ်ချက် ၃ ခုလည်း ရှိသေးတယ်လို့ ကိုကျော်ကိုက ပြောပါတယ်။

“အစိုးရရဲ့ ပြုပြင်ပြောင်းလဲမှုတွေကို ကျနော်တို့လာပြီး လေ့လာတယ်။ ဒုတိယတချက်ကတော့ ကျနော်တို့ရဲ့ မကဒ- ရှေ့ခရီးဆက်သွားနိုင်ဖို့ဆိုရင် ပြည်တွင်းမှာရှိတဲ့ နိုင်ငံရေးအင်အားစုတွေရဲ့ အကြံဉာဏ်၊ သူတို့ရဲ့ အကြံပြုမှု၊ သူတို့ရဲ့အသံတွေ ကျနော်တို့ နားထောင်မယ်၊ ဆွေးနွေးမယ်၊ ကျနော်တို့ အမြင်တွေ ဖလှယ်မယ်။ တတိယတခုကတော့ ကျနော်တို့ ရဲဘော်ဟောင်းတွေနဲ့ မိသားစုတွေနဲ့ ကျနော်တို့ ပြန်တွေ့ဖို့ပေါ့။ အဓိကကတော့ ခရီးစဉ်ရည်ရွယ်ချက်ကတော့ သုံးခုပေါ့။”ပြည်တွင်းကို ပြန်ဝင်လာတဲ့ ကျောင်းသားခေါင်းဆောင်တွေဟာ လက်ရှိအချိန်မှာ မြန်မာငြိမ်းချမ်းရေး စင်တာမှာ ပဲ နေထိုင်မှာဖြစ်ပြီးတော့ သူတို့ရဲ့ခရီးစဉ်ဟာ ၂ ပတ်ခန့်ကြာမယ်လို့ လည်း ကျောင်းသားခေါင်းဆောင် ကိုကျော်သူရက ပြောပါတယ်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် ABSDF ဟာ ပြည်တွင်းက အာဏာပိုင်တွေနဲ့လည်း တွေ့ဆုံဖို့ရှိပြီး ဆက်လက် ဆွေးနွေးဖို့ ကိစ္စတွေလည်း ရှိတယ်လို့ ADSDF ခေါင်းဆောင်ပိုင်းတွေက ပြောပါတယ်။

“နိုဝင်ဘာလထဲက ဦးအောင်မင်းတို့နဲ့ တွေ့တဲ့အချိန်မှာ ကျနော်တို့ ဒီ သဘောတူညီချက် ရတာပေါ့နော်။ နံပါတ်တစ်ကတော့ ဒီ-တွေ့ဆုံဆွေးနွေးပွဲတွေ ကျနော်တို့ ဆက်လုပ်သွားမယ်။ ဒုတိယတချက်ကတော့ ကျနော်တို့ ဗမာပြည်ကို လေ့လာရေးခရီးစဉ် လာဖို့ အဲဒီရဲ့ သဘောတူညီမှုအောက်မှာပဲ ဒီလမှာပဲ ကျနော်တို့ ထွက်ခဲ့တယ်။”

အခုလို မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ကျောင်းသားတပ်မတော် ABSDF ပြည်တွင်း ပြန်လည် ရောက်ရှိလာဟာ ပထမဆုံးအကြိမ်ဖြစ်ပြီးတော့ အခုတကြိမ် ပြန်လည် ဝင်ရောက်လာမှုဟာ  မြဝတီဘက်မှာ စုရပ်လုပ်ပြီး နယ်စပ်ဘက်ကနေ ပြည်တွင်းကို ဝင်ရောက်လာ ခဲ့တာ ဖြစ်တယ်လို့လည်း ဗဟိုကော်မတီအဖွဲ့ဝင် ကိုစောမောင်ဦးက ပြောပါတယ်။၁၉၈၈ တနိုင်ငံလုံး အတိုင်းအတာနဲ့ ပါဝင်ခဲ့တဲ့ ဒီမိုကရေစီလိုလားတဲ့ လူထုအုံကြွမှုကြီးကနေ သန္ဓေတည်ခဲ့တဲ့ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF) ဟာ မြန်မာပြည်က စစ်အစိုးရကို လက်နက်စွဲကိုင် တိုက်ပွဲဝင်ခဲ့တာ အခုဆိုရင် (၂၃) နှစ် ကျော်ခဲ့ပါပြီ။

ပြီးခဲ့တဲ့ ဖေဖေါ်ဝါရီလ ၉ ရက်နေ့ကတော့ ABSDF အဖွဲ့ဟာ စစ်တပ်ရဲ့  ကျောထောက်နောက်ခံ ယူထားတဲ့ အရပ်သားအစိုးရရဲ့  ကိုယ်စားလှယ်အဖွဲ့ဖြစ်တဲ့ ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့နဲ့ ထိုင်း-မြန်မာ နယ်စပ်မှာ ပဏာမ တွေ့ဆုံ စကားပြောဆိုခဲ့ပါ တယ်။

ဒီရက်ပိုင်းတွေအတွင်းမှာ မြန်မာငြိမ်းရေး စင်တာမှာ လူ့ဘောင်သစ်ဒီမို ကရက်တစ်ပါတီ၊ အမျိုး သမီးများ အဖွဲ့ချုပ် (မြန်မာနိုင်ငံ) တွေက ခေါင်းဆောင်ပိုင်းတွေ ဟာ ပြည်တွင်း ပြန်ရောက်ခဲ့ကြပြီး ငြိမ်းချမ်းရေးစင်တာက တာဝန်ရှိသူတွေနဲ့ တွေ့ဆုံ ဆွေးနွေးမှုတွေ ပြုလုပ်ခဲ့ကြပါတယ်ခင်ဗျာ။

သီပေါမင်း အုတ်ဂူ မွမ်းမံပြင်ဆင်မည်

အင်္ဂလိပ်ကိုလိုနီလက်အောက် မကျရောက်ခင် မြန်မာနိုင်ငံကို နောက်ဆုံးအုပ်ချုပ်သွားခဲ့တဲ့ သီပေါ ဘုရင်ရဲ့ အုတ်ဂူကို အိန္ဒိယအစိုးရက ပြန်ပြီး ပြင်ဆင်မွမ်းမံဖို့ စီစဉ်နေပါတယ်။ အဲဒီအပေါ် ကျန်ရှိနေသေးတဲ့ သီပေါမင်းရဲ့ဆွေမျိုးတွေက ဂုဏ်ယူဝမ်းမြောက်ကြသလို သမ္မတဦးသိန်းစိန်ရဲ့ အိန္ဒိယခရီးစဉ်အတွင်း ရတနာဂီရိဒေသဆီ သွားရောက်မယ်ဆိုတာကိုလည်း ကြိုဆိုကြပါတယ်။ အဲဒီအကြောင်းအပြည့်အစုံကိုတော့ ရန်ကုန်အခြေစိုက် ဗွီအိုအေသတင်းထောက် ကိုအောင်ရဲမောင်မောင်က တင်ပြပေးထားပါတယ်။

အိန္ဒိယနိုင်ငံ၊ မဟာရာရှာတြာ ပြည်နယ်၊ ရတနာဂီရိမြို့မှာ ရှိနေတဲ့ မြန်မာနိုင်ငံရဲ့ နောက်ဆုံးမင်းဆက် သီပေါမင်းရဲ့ အုတ်ဂူကို နှစ် ၁၀၀ အတွင်းမှာ ပထမဆုံးအကြိမ် အိန္ဒိယနိုင်ငံဘက်က နှစ်နိုင်ငံ ချစ်ကြည်ရေး အတွက် ပြန်လည်ပြု ပြင်တော့မှာ ဖြစ်ပါတယ်။