06.12.2012 နေ့ဖတ်ရန်သတင်းများ

by Myanmar Journal on Wednesday, December 5, 2012 at 5:03pm ·

အဂတိ လိုက်စားမှု မြန်မာ တတိယ ချိတ်

 Transparency International၂၀၁၂ ခုနှစ် အတွက် အဂတိ လိုက်စားမှု တိုက်ဖျက်ရေး အဖွဲ့ရဲ့ စာရင်း ထွက်လာ၂၀၁၂ ခုနှစ် အတွက် ကမ္ဘာ ပေါ်မှာ အဂတိ လိုက်စားမှု အကင်းရှင်းဆုံး နိုင်ငံများ စာရင်းကို အဂတိ လိုက်စားမှု တိုက်ဖျက်ရေး ဆိုင်ရာ နိုင်ငံ တကာ အဖွဲ့ Transperancy International က ထုတ်ပြန် လိုက်ရာမှာ နိုင်ငံပေါင်း ၁၇၄ နိုင်ငံ အနက် မြန်မာ နိုင်ငံက နံပတ် ၁၇၂ ချိတ်တဲ့ အတွက် အဆိုးဆုံး နံပတ် ၃ နေရာမှာ ရှိပါတယ်။ ဒီစာရင်းကို နောက်ကနေ ပြောင်းပြန် ရေတွက်ရင် ထိပ်ဆုံးမှာ ရှိနေတဲ့ မြောက်ကိုရီးယား၊ အာဖဂန် နစ္စတန်နဲ့ ဆိုမာလီယာ နိုင်ငံတို့က အဂတိ လိုက်စားမှု အဆိုးဆုံး နိုင်ငံတွေအဖြစ် ပူးတွဲ ပထမ နေရာမှာ ရှိပါတယ်။

ဥရောပ သမဂ္ဂအဖွဲ့ဝင် နိုင်ငံတွေ ထဲမှာတော့ ဘဏ္ဍာရေး အကျပ် အတည်း ရင်ဆိုင် နေရတဲ့ ဂရိ နိုင်ငံက အမှတ် ၉၄ နေရာမှာ ရှိနေပြီး ပြည်သူ့ ဝန်ဆောင်မှု ကဏ္ဍ တွေမှာ အဂတိ လိုက်စားမှု အရှိဆုံး ဖြစ်နေတာ တွေ့ရပါတယ်။ယူရိုဇုံ ထဲက စီးပွားရေး ပြဿနာ ရင်ဆိုင် နေရတဲ့ ပေါ်တူဂီ၊ အိုင်ယာလန်နဲ့ အီတလီ နိုင်ငံတို့လည်း အရင်နှစ်တွေ ကထက် အဆင့်တွေ လျော့ကျ သွားခဲ့ ပါတယ်။အဂတိ လိုက်စားမှု အကင်းရှင်းဆုံး နိုင်ငံတွေ ထဲမှာတော့ ဒိန်းမတ်၊ ဖင်လန် နဲ့ နယူး ဇီလန် နိုင်ငံ တို့ က ပူးတွဲ ပထမ နေရာကို ယူနိုင်ခဲ့ ပါတယ်။ဆွီဒင်က ဒုတိယ ဖြစ်ပြီး အာရှတိုက်က စင်ကာပူ နိုင်ငံက တတိယ နေရာမှာ ရှိပါတယ်။အဆိုးဝါးဆုံး အဂတိ လိုက်စားမှု ရှိတဲ့ နိုင်ငံကို သုည မှတ်ပေးပြီး အကင်းရှင်းဆုံး နိုင်ငံကို အမှတ် ၁၀၀ ပေးတဲ့ စနစ်နဲ့ အမှတ်ပေးပြီး အခုလို စာရင်း ထုတ်ပြန် ခဲ့တာပါ။မြန်မာ နိုင်ငံက အမှတ် ၁၀၀ မှာ ၁၅ မှတ် ရရှိ တာကြောင့် မနှစ်က ရခဲ့တဲ့ ၁ ဒဿမ ၅ ထက်စာရင် ဆယ်ဆ တက်လာတယ်လို့ ပြောနိုင်ပါတယ်။အဂတိ လိုက်စားမှု အကင်းရှင်းဆုံး ထိပ်က ပြေးနေတဲ့ ဒိန်းမတ်၊ ဖင်လန် နဲ့ နယူး ဇီလန် နိုင်ငံ တို့ကတော့ အမှတ် ၁၀၀ မှာ အမှတ် ၉၀ ရပါတယ်။

ကုလ အရေးပေါ် ကယ်ဆယ် ညှိနှိုင်း ရေးမှူး ရခိုင် ပြည်နယ် သွား

မြန်မာ နိုင်ငံက ဒုက္ခသည် တွေရဲ့ အခြေ အနေ တွေကို ကိုယ်တိုင် သွားကြည့်ခဲ့

မြန်မာနိုင်ငံမှာ ၄ ရက်ကြာ ခရီးစဉ် အဖြစ် ရောက်ရှိ နေတဲ့ ကုလ သမဂ္ဂ လူသားချင်း စာနာ ထောက်ထားမှု ဆိုင်ရာ ဒုတိယ အထွေထွေ အတွင်း ရေးမှူးချုပ် လည်း ဖြစ်၊ အရေးပေါ် ကယ်ဆယ် ညှိနှိုင်း ရေးမှူးလည်း ဖြစ်တဲ့ ဗယ်လရီ အေးမိုးစ် Valerie Amos ဟာ ရခိုင် ပြည်နယ် စစ်တွေ၊ မြေပုံ၊ မောင်တော မြို့နယ် တို့ အတွင်းမှာ ရှိတဲ့ ဒုက္ခသည် စခန်းတွေကို ဗုဒ္ဓဟူးနေ့က သွားရောက် ခဲ့ပြီး ရခိုင် ဒုက္ခသည် တွေနဲ့ရော၊ မွတ်ဆလင် ဒုက္ခ သည်တွေ နဲ့ပါ တွေ့ဆုံခဲ့ ပါတယ်။

သူနဲ့ အတူ ရခိုင် ခရီးစဉ်မှာ လိုက်ပါသွားတဲ့ ရန်ကုန် အခြေစိုက် ကုလသမဂ္ဂ လူသားချင်း စာနာမှု ဆိုင်ရာ ညှိနှိုင်း ရေးမှူး မစ္စတာ အာရှော့ နင်ဂရမ် Ashok Ningham က အဲဒီ ဒုက္ခသည် စခန်းက အခြေ အနေတွေကို ဘီဘီစီကို ပြောပြ ရာမှာ ဒုက္ခသည် စခန်းတွေဆီ အကူ အညီတွေ ဖြည်းဖြည်းချင်း ပို့ပေး နိုင်နေပြီ လို့ ဆိုပါတယ်။

အစိုးရ တာဝန်ရှိ ပုဂ္ဂိုလ်တွေနဲ့ ပူးပေါင်းပြီး ဒုက္ခသည် စခန်းတွေဆီကို လူသားချင်း စာနာတဲ့ အထောက် အပံ့တွေ ပေးပို့ ရာမှာ ပထဝီ နေရာ အနေ အထား အရနဲ့ နိုင်ငံတကာ ပရဟိတ အဖွဲ့ အစည်းတွေ အပေါ် ဒုက္ခသည် တချို့ရဲ့ အမြင် သဘောထား တွေကြောင့် အခက် အခဲ တချို့ တွေ့ရတယ်လို့ မစ္စတာ အာရှော့ နင်ဂရမ်က ပြောပါတယ်။

ကြာသပတေး နေ့မှာတော့ ဗယ်လရီ အေးမိုးစ် ဟာ ကချင် ဒေသက ဒုက္ခသည် စခန်းတွေကို သွားရောက် လေ့လာမှာ ဖြစ်ပါတယ်။

သူ့ခရီးစဉ် မပြီးဆုံးခင် သောကြာနေ့ ဒီဇင်ဘာလ ၇ ရက်နေ့ မှာတော့ ရန်ကုန်မြို့ ဆူးလေ ဘုရား လမ်းမှာ ရှိတဲ့ UNICEF ကုလသမဂ္ဂ ကလေး သူငယ်များ ဆိုင်ရာ ရန်ပုံငွေ အဖွဲ့ ရုံးခန်းမှာ သူ့ရဲ့ မြန်မာ ခရီးစဉ်နဲ့ ပတ်သက်ပြီး သတင်းစာ ရှင်းလင်းပွဲ ပြုလုပ်မှာ ဖြစ်ပါတယ်။

ဖမ်းခံထားရသူတွေကို လွှတ်ဖို့ လက်ပံတောင်းမှာ ဆန္ဒ ပြန်ပြ

လက်ပံတောင်း အရေး ဆန္ဒပြခဲ့လို့ ဖမ်းဆီး ခံရသူတွေ ရုံးတင် ခံရ

လက်ပံတောင်း တောင် ကြေးနီ စီမံကိန်း ရပ်တန့်ရေး ဆန္ဒပြ တောင်းဆို ခဲ့ကြလို့ ဖမ်းဆီး ခံထားရသူ တွေကို ပြန်လွှတ် ပေးဖို့ အပါအဝင် တောင်းဆို ဆန္ဒပြမှုတွေကို ကြေးနီ စီမံကိန်း ဝန်းကျင်က ရွာသားတွေ ပြုလုပ်ခဲ့ကြ ပါတယ်။

ဗုဒ္ဓဟူးနေ့ ညနေပိုင်းက လက်ပံတောင်း ဒေသမှာ ရှိတဲ့ တုံရွာနဲ့ ဆည်တည်းရွာက ဒေသခံ ၃၀၀ လောက်ဟာ သူတို့ ရွာထိပ် ညောင်ပင်ကြီးနဲ့ ဆားလင်းကြီး ကားလမ်း တလျှောက် ကြွေးကြော် သံတွေ ဟစ်အော်ပြီး လမ်းလျှောက် ချီတက် ခဲ့ကြ တယ်လို့ ဆန္ဒပြပွဲမှာ ပါဝင်တဲ့ ပြည်သူ့ အကျိုးဆောင် ကွန်ယက်က ကိုသားကြီးက ပြောပါတယ်။

သူတို့ တောင်းဆိုတဲ့ အချက် သုံးချက်ကတော့ လက်ပံတောင်းတောင် ကြေးနီ စီမံကိန်းကို လုံးဝ ဖျက်သိမ်းဖို့၊ ငြိမ်းချမ်းစွာ ဆန္ဒပြခဲ့သူတွေကို ဖမ်းဆီးထားရာကနေ ပြန်လွှတ်ပေးပြီး နောက်ထပ် ဖမ်းဆီးမှုတွေကို ရပ်တန့်ဖို့နဲ့ စုံစမ်း စစ်ဆေးရေး ကော်မရှင်အနေနဲ့ ပြည်သူတွေရဲ့ အကျိုးကို ရည်ရွယ်ပြီး စစ်မှန်တဲ့ ရလဒ်ပေါ်ထွက်အောင် လုပ်ဆောင်ဖို့ စတာတွေ ဖြစ်တယ် လို့လည်း သူက ပြောပါတယ်။

ဒါ့အပြင် သူကဆက်ပြီး ပေါ်ထွက်လာတဲ့ ရလဒ်က လက်ခံ နိုင်ဖွယ် ရှိမရှိ စောင့်ကြည့် ကြမှာ ဖြစ်ပြီး လက်ခံနိုင်ဖွယ် မရှိရင်တော့ သူတို့ အနေနဲ့ ဆက်လက် ဆန္ဒပြ တောင်းဆို သွားမယ်လို့လည်း ပြောပါတယ်။

ခွင့်ပြုချက် ရယူခြင်း မရှိဘဲ ပြုလုပ်ခဲ့တဲ့ ဆန္ဒပြမှုကို အာဏာပိုင်တွေ ဘက်က တစုံတရာ ဟန့်တား နှောင့်ယှက် အရေးယူတာ မရှိပေမဲ့ စောင့်ကြည့် တာတော့ ရှိခဲ့တယ်လို့ ကိုသားကြီးက ဆိုပါတယ်။

ကုလအေရးပေါ် ကူညီရေးမှူး မြန္မာပြည်လေ့လာ

ပဋိပက္ခ ဖြစ်နေတဲ့ လူမျိုးစု နယ်မြေတွေ သွားမယ်

ကုလသမဂ္ဂ လူမှု ကူညီရေး ဒုတိယ အထွေထွေ အတွင်းရေးမှူးချုပ်နဲ့ အရေးပေါ် ကယ်ဆယ် ညှိနှိုင်းရေးမှူး Valerie Amos မြန်မာနိုင်ငံက လူမှု ကယ်ဆယ်ရေး လိုအပ်ချက်တွေနဲ့ အခြေအနေတွေကို ကိုယ်တိုင် လေ့လာ နိုင်ဖို့ ၄ရက်ကြာ ခရီးစဉ် အဖြစ် မြန်မာနိုင်ငံကို ဒီဇင်ဘာလ ၃ ရက်နေ့ ညက ရောက်ရှိ လာပါတယ်။

သူ့ခရီးစဉ် အတွင်း သမ္မတ ဦးသိန်းစိန် အပါအဝင် အစိုးရ ထိပ်တန်း တာဝန်ရှိ ပုဂ္ဂိုလ်တွေနဲ့ တွေ့ဆုံနိုင်ဖို့ မျှော်လင့် ထားသလို အလှူရှင် နိုင်ငံတွေနဲ့ လူမှု ကူညီရေး မိတ်ဆွေ အဖွဲ့အစည်းတွေနဲ့လည်း တွေ့ဆုံဖို့ ရှိ ပါတယ်။

Valerie Amos ဟာ ပဋိပက္ခတွေ ဖြစ်နေတဲ့ ရခိုင်နဲ့ ကချင်ဒေသ တွေကို သွားဖို့ ရှိတယ်လို့ မြန်မာနိုင်ငံဆိုင်ရာ UNOCHA လူမှု ကူဆယ်ရေး ညှိနှိုင်းရေးရုံး ပြန်ကြားရေး တာဝန်ခံ Steward Davies က ဘီဘီစီကို ပြောပြပါတယ်။

ဒီဒေသတွေကို သွားမယ့် အကြောင်းရင်းက လောလောဆယ် ဒီဒေသ နှစ်ခုလုံးရဲ့ လူမှု ကယ်ဆယ်ရေး အခြေအနေတွေ အတော် ဆိုးဝါးနေလို့ ဖြစ်ပါတယ်။

ရခိုင် ပဋိပက္ခ တွေကြောင့် အိုးအိမ် စွန့်ခွာ ထွက်ပြေးခဲ့ရသူ ဒုက္ခသည် စုစုပေါင်း ၁၁၅,ဝဝဝ လောက် ရှိနေသလို ကချင်ဒေသနဲ့ ရှမ်းပြည် မြောက်ပိုင်း မှာလည်း တိုက်ပွဲတွေကြောင့် အိုးအိမ် စွန့်ခွာ ထွက်ပြေးခဲ့ရသူ ဒုက္ခသည် ၇၅,ဝဝဝ လောက် ရှိနေပါတယ်။

ဒါ့ကြောင့် Valerie Amos အဲဒီနေရာတွေကို ကိုယ်တိုင်သွားပြီး အဲဒီမှာ လူမှု ကူညီရေး တွေ ဆောင်ရွက်နေတဲ့ မိတ်ဖက် အဖွဲ့အစည်း တွေနဲ့ရော၊ ဒုက္ခသည် တွေနဲ့ပါ ကိုယ်တိုင်တွေ့ဆုံပြီး လိုအပ်ချက်တွေကို အကောင်းဆုံး ဖြည့်ဆည်း ပေးနိုင်အောင် လေ့လာ အကဲခတ်ဖို့ စီစဉ်ထားတယ်လို့ Steward Davies က ပြောပါတယ်။

UNOCHA အဖွဲ့ကြီးက မြန်မာနိုင်ငံ အနောက်ပိုင်း ရခိုင်မှာ ဖြစ်ပွားခဲ့တဲ့ ပဋိပက္ခတွေ ကြောင့် အိုးအိမ်စွန့်ခွာ ထွက်ပြေးခဲ့ရ သူတွေအတွက် အကူအညီငွေ ဒေါ်လာ ၅သန်း ၃သိန်းကို ပြီးခဲ့တဲ့ နိုဝင်ဘာ ၂၇ရက်နေ့ကပဲ ပေးအပ်ခဲ့တာပါ။

မူလ ဖြစ်ပွားခဲ့တဲ့ ဇူလိုင် လ ပဋိပက္ခတွေ အရ အိုးအိမ်စွန့်ခွာ ထွက်ပြေးသူ ၈ဝ,ဝဝဝ အတွက် အကူအညီ ဒေါ်လာ ၃၂ သန်း လိုအပ်မယ်လို့ ခန့်မှန်း ထားပေမယ့် အောက်တိုဘာ လက ထပ်ဖြစ်ခဲ့တဲ့ ပဋိပက္ခတွေကြောင့် ထွက်ပြေးသူ နောက်ထပ် ၃၆,ဝဝဝ လောက် ထပ်တိုးလာလို့ လိုအပ်တဲ့ အကူအညီငွေ ပမာဏကို ၆၇ သန်း အထိ တိုးမြှင့် ခန့်မှန်းခဲ့ရပါတယ်။

Valerie Amos ဟာ သူ့ခရီးစဉ်နဲ့ ပတ်သက်လို့ လာမယ့် သောကြာနေ့မှာ သတင်းစာ ရှင်းလင်းပွဲလုပ်ဖို့ ရှိပါတယ်။

ဗြိတိသျှ နန်းဆက်ခံခွင့် ဥပဒေသစ်ထွက်မယ်

ဗြိတိသျှ ဒုတိယ နန်းလျာ မောင်နှံ ရင်သွေးရ

ဝီလျံ မင်းသား ရဲ့ ကြင်ယာတော် ကိန်းဘရစ် မြို့စားကတော် ကက်သရင်း ကိုယ်ဝန် ရှိနေပြီ လို့ ကြေညာပြီး နောက်တရက်မှာပဲ ဗြိတိသျှ ထီးနန်း ဆက်ခံခွင့်မှာ အမျိုးသမီး တွေကို ခွဲခြား နှိမ့်ချထားမှုကို ပယ်ဖျက်တဲ့ ဥပဒေ သစ်တရပ် ထွက်လာဖို့ နီးစပ်လာပြီလို့ သိရပါတယ်။

အလဇ္ဇဘက် ဘုရင်မကို နိုင်ငံ့ ဥသျှောင် တင်မြှောက် ထားတဲ့ ဗြိတိသျှ ဓနသဟာယ အဖွဲ့ဝင် ၁၅ နိုင်ငံ စလုံးနဲ့ သဘော တူညီမှု ရပြီး ဖြစ်လို့ ဥပဒေ တရပ် ပါလီမန်ကို အမြန်ဆုံး တင်သွင်းမယ်လို့ ဗြိတိသျှ အစိုးရက ပြောကြား ပါတယ်။

ဥပဒေ သစ်အရ ဝီလျံနဲ့ ကိတ် တို့ရဲ့ ပထမဆုံး ရင်သွေးဟာ မိန်းကလေး ဖြစ်စေကာမူ ထီးနန်း ဆက်ခံခွင့်ရ နန်းလျာ စာရင်းမှာ ပါလာတော့မှာ ဖြစ်ပါတယ်။

ဥပဒေ သစ်အရ နောက်ထပ် သားတော်တွေ ထွန်းကား ခဲ့ရင်တောင် ဒီသမီးတော်က ထီးနန်း ဆက်ခံခွင့် တတိယ နေရာမှာပဲ ဆက်ရှိ နေမှာ ဖြစ်ပါတယ်။

ကက်သလစ် ဘာသာဝင်နဲ့ လက်ထပ်သူကို ထီးနန်းဆက်ခံ ခွင့် မပြုတဲ့ အချက်ကိုလဲ ပယ်ဖျက်တော့မှာ ဖြစ်ပါတယ်။

ကအိုင်အေ စခန်းကို အစိုးရရဟတ်ယာဉ် တိုက်ခိုက်ခဲ့

ပန်ဝါ ဒေသမှာ ရှိတဲ့ ကေအိုင်အေ စခန်းကို အင်္ဂါနေ့ ညနေမှာ မြန်မာ အစိုးရ တပ်ဘက်က ရဟတ်ယာဉ် ပေါ်ကနေ ဒုံးကျည်နဲ့ပစ်ခတ် ခဲ့တယ်လို့ ကေအိုင်အေက ပြောပါတယ်။

မြန်မာ အစိုးရ ဘက်က သုံးတဲ့ လက်နက် တွေဟာ ဝေဟင်က မြေပြင်ပစ် ဒုံးကျည်တွေ ဖြစ်တယ်လို့ ကေအိုင်အို ဘက်က ပြောဆိုနေပြီး နှစ်ဘက် စခန်းတွေ နီးကပ်နေ တာကြောင့် မှားယွင်း ပစ်ခတ် မိတာလည်း ရှိတယ်လို့ ကေအိုင်အေ ပြောခွင့် ရသူ ဦးလနန်က ပြောပါတယ်။

ပထမ အကြိမ် လာရောက် ပစ်ခတ် တုန်းကတော့ အစိုးရ စစ်စခန်းကို မှားယွင်းပြီး ပစ်ခတ် မိလို့ ဒဏ်ရာ ရတာတွေ ရှိခဲ့ပေမယ့် ကေအိုင်အေ ဘက်မှာတော့ ထိခိုက်မှု မရှိဘူးလို့ ဦးလနန်က ပြောပါတယ်။

ဒီပစ်ခတ် ခဲ့မှုနဲ့ ပတ်သက်ပြီး ထိခိုက် ပျက်စီးမှု တွေကို သီးခြား အတည်ပြုလို့ တော့မရသေး ပါဘူး။

တခါ ပြီးခဲ့တဲ့ နိုဝင်ဘာလ ၃၀ ရက် နေ့တုန်းက ရွှေလီမှာ ကျင်းပခဲ့တဲ့ ဆွေးနွေးပွဲမှာ ကေအိုင်အေနဲ့ အစိုးရတို့ နိုင်ငံရေး အရ ဆွေးနွေးမယ် ဆိုတာကို သဘောတူညီ ခဲ့ကြပေမယ့် နောက်ထပ် ဆွေးနွေးဖို့ ကတော့ ဘယ်တော့လောက် ဖြစ်နိုင်မယ် ဆိုတာကို မပြောနိုင်တဲ့ အကြောင်း ကိုလည်း ဦးလနန်က ပြောကြားသွား ခဲ့ပါတယ်။

ဖိလစ်ပိုင်မှာ တိုင်ဖုန်းကြောင့် လူနှစ်ရာကျော်သေဆုံး

မုန်တိုင်းဒဏ်ကြိုတင် ကာကွယ်မှုတွေကြောင့် လူ့အသက် အတော်များများကို ကယ်လိုက်နိုင်ခဲ့

ဖိလစ်ပိုင်နိုင်ငံမှာ ဘိုဖါ တိုင်ဖွန်းမုန်တိုင်း ကြောင့် သေဆုံးသူပေါင်း လောလောဆယ် နှစ်ရာ ကျော်သွားပါပြီ။

နိုင်ငံတောင်ပိုင်း မင်ဒါနာအိုကျွန်းစုအရှေ့ပိုင်းမှာရှိတဲ့ Compostela ချိုင့်ဝှမ်း ဒေသ တခုထဲမှာတင် မုန်တိုင်းဒဏ်ကြောင့် သေဆုံးသူပေါင်း ၁၅၀ကျော် ရှိတယ်လို့ သိရပါတယ်။

အဲဒီဒေသက တောင်ကြား ချိုင့်ဝှမ်းထဲမှာ ရှိတဲ့ ရွာတခုမှာ တောင်ပေါ်ကနေ လှိမ့်စီးလာတဲ့ မြစ်ရေ၊ရွှံ့နွံတွေဟာ မုန်တိုင်းသင့် ဒုက္ခသည်တွေ ခိုလှုံနေတဲ့ စာသင်ကျောင်းတခုနဲ့ ရွာအဆောင် ခန်းမ တခုထဲ အလုံးအရင်းနဲ့ ဖုံးလွှမ်းသွား တဲ့အတွက် အနည်းဆုံး လူ၄၃ဦး သေဆုံးခဲ့ရပြီး လူအတော်များများ ပျောက်ဆုံး ဒါဏ်ရာ ရခဲ့ကြရာမှာ အဲဒီထဲမှာ ဒုက္ခသည်တွေကို လာရောက်ကူညီနေတဲ့ စစ်သားတွေလည်း ပါတယ်လို့ သိရပါတယ်။

အခု ဘိုဖါ တိုင်ဖွန်း မုန်တိုင်း တိုက်ခဲ့တဲ့ လမ်းကြောင်း တလျှောက်မှာပဲ မနှစ်တုန်းကလည်း ဝါရှီလို့ အမည်ပေးထားတဲ့ မုန်တိုင်းတခု တိုက်ခတ်ခဲ့ပါတယ်။

အဲဒီတုန်းက ဝါရှီ မုန်တိုင်းကြောင့် လူထောင်နဲ့ ချီ သေဆုံးခဲ့ရပါတယ်။

အခုတိုက်ခတ်ခဲ့တဲ့ ဘိုဖါ မုန်တိုင်းဟာ ဝါရှီမုန်တိုင်းထက် အများကြီး အားပြင်းတာ တွေ့ရပါတယ်။

ဒါပေမယ့်လည်း ဒီတခေါက်မှာတော့ အဲဒီတုန်းကထက် ကြိုတင် ပြင်ဆင်မှုတွေ ရှိခဲ့ပါတယ်။

မုန်တိုင်းမလာခင် ကြိုတင်ပြီး ဖုန်းmessage တွေ၊ သတင်းမီဒီယာတွေကနေ တဆင့် ကြိုတင် သတိပေးတာမျိုးတွေ လုပ်ခဲ့သလို အစိုးရကလည်း အထူး အင်တာနက် website တခု ဖွင့်ပြီး မုန်တိုင်းအကြောင်း အသိပေးတာမျိုး၊ ပန်ကြားချက်တွေ ထုတ်ပြန်တာမျိုးတွေ လုပ်ခဲ့ပါတယ်။

ဒါ့အပြင် မုန်တိုင်းဒဏ်အန္တရာယ် အများဆုံး ရှိနိုင်မယ့် နေရာတွေကလူတွေကို ဘေးကင်းရာနေရာတွေဆီ စစ်သားတွေက သွားရောက်ပို့ဆောင်ပေးတာမျိုးတွေ လုပ်ခဲ့တာ တွေ့ရပါတယ်။

တခါ အဲဒီတုန်းက ဝါရှီ မြစ်ရေလျှံမှုဟာ အခုတခါထက် အတိုင်းအတာ ပမာဏအရ အများကြီး ပိုများခဲ့ပါတယ်။

နောက်ပြီး ဘိုဖါ မုန်တိုင်းဟာ မုန်တိုင်းဒဏ် ခံနိုင်ရည်နည်းတဲ့ ဧရိယာတွေဆီ မရောက်ခင် အားပျော့သွားတာလည်း တကြောင်း ပါပါလိမ့်မယ်။

ဒီတခေါက်မှာတော့ ကြိုတင်ပြင်ဆင် ကာကွယ်မှုတွေကြောင့် လူ့အသက် အတော် များများကို ကယ်ဆယ်လိုက်နိုင်ခဲ့တယ်လို့ သုံးသပ်နေကြပါတယ်။

အဂတိလိုက်စားမှု မြန်မာနိုင်ငံအခြေအနေဆိုးရွား

ကမ္ဘာအ၀ှမ်း အဂတိလိုက်စားမှုအခြေအနေတွေကို စစ်တမ်းယူဖော်ထုတ်နေတဲ့ Transparency International အဖွဲ့ကြီးရဲ့ နှစ်စဉ် အစီရင်ခံစာထဲမှာ အဂတိလိုက်စားမှု အခြေအနေတွေနဲ့ ပတ်သက်လို့ မြန်မာနိုင်ငံဟာ အောက်ဆုံးအဆင့်မှာပဲ ရှိနေဆဲဖြစ်ပါတယ်။ မြန်မာနိုင်ငံ မှာ ရွေးကောက်ပွဲနဲ့ တက်လာတဲ့ အစိုးရအနေနဲ့ လာဘ်ပေးလာဘ်ယူမှုတွေကို တိုက်ဖျက်သွားမယ်လို့ ပြောထားပေမယ့် လက်တွေ့အောင်မြင်အောင် ဆောင်ရွက်ဖို့ အခက်အခဲတွေ ရင်ဆိုင်နေရတယ်လို့လည်း လေ့လာသူတွေက ဆိုပါတယ်။ ကိုသားညွန့်ဦးက စုံစမ်းမေးမြန်းထားပါတယ်။

Transparency International အဖွဲ့ထုတ်ပြန်တဲ့ ၂၀၁၂ ခုနှစ်အတွင်း ကမ္ဘာအနှံ့ အဂတိလိုက်စားမှု အခြေအနေ အစီရင်ခံစာထဲ မြန်မာနိုင်ငံကို အမှတ် ၁၅ မှတ်ပေးထားပါတယ်။ နိုင်ငံအလိုက် တွက်မယ်ဆိုရင် မြန်မာနိုင်ငံဟာ အခြေအနေအဆိုးဆုံးနိုင်ငံ အောက်ဆုံးကaရတွက်ရင် ၅ နိုင်ငံမြောက် ဖြစ်ပါတယ်။ မြန်မာနိုင်ငံမှာ ရွေးကောက်ပွဲနဲ့ အစိုးရသစ်တက်လာပြီးနောက် အဂတိ လိုက်စားမှုတွေကို တိုက်ဖျက်သွားမယ်လို့ သမ္မတဦးသိန်းစိန်က ကတိပေးခဲ့ပေမယ့် လက်တွေ့လုပ်ဖို့ ရာမှာ အခက်အခဲတွေ ရှိနေတယ်လို့ လေ့လာသူတွေက သုံးသပ်ပါတယ်။ တည်ဆဲဥပဒေအတိုင်း လက်တွေ့ ဘယ်လို အကောင်အထည်ဖော်မလဲဆိုတဲ့ တရားဥပဒေစိုးမိုးရေး ကိစ္စရပ်လည်း ဖြစ်တယ် လို့ မြန်မာစီးပွားရေးလုပ်ငန်းရှင်လည်းဖြစ်၊ စီးပွားရေးပညာရပ်ဆိုင်ရာ ကျွမ်းကျင်သူလည်းဖြစ်တဲ့ ဦးမင်းခင်က ပြောပါတယ်။

“အဂတိလိုက်စားမှု တိုက်ဖျက်မယ်ဆိုတဲ့ သူ့ဆန္ဒပေါ့နော်-Political will-ပေါ့- နိုင်ငံရေးအရ လုပ်ချင် တဲ့ ဆန္ဒကို ယုံကြည်ပါတယ်။ ကြိုးစားအားထုတ်နေတယ်လို့လည်း ပြောလို့ရတယ်။ သို့သော် ဖြစ်မြောက်မှုက တော်တော်လေး အားနည်းသေးတယ်။ လက်တွေ့ တွေ့လာရ တာက အောက်ခြေ တချို့နေရာလေးတွေမှာပဲ ထိရောက်မှုရှိတာ တွေ့ရတယ်။ နောက်တခုက ဒီ လွှတ်တော်ဘက်က ပိုပြီးတော့တောင်မှ အစိုးရဘက်နဲ့စာရင် အဂတိလိုက်စားမှုကို ပိုပြီးတော့ ထိထိရောက်ရောက် - ကိုင်တွယ်နိုင်တယ် ဆိုတာထက် ဖော်ထုတ်ရုံပေါ့လေ- အစလေးတွေ ဖော် ထုတ်ရုံလောက်ပဲ လုပ်နိုင်သေးတယ်။ ဆိုတော့ ဒါကလည်း တရားဥပဒေစိုးမိုးရေးနဲ့လည်း သွားတွဲနေတာကိုး။ တွဲနေတော့ အခုထိတော့ ထိထိရောက်ရောက် ကိုင်တွယ်နိုင်ဖို့ ကို ပြောမယ်ဆိုရင် လိုတော့ လိုသေးတယ်လို့ ပြောရမယ်ဗျ။”

အမျိုးသားလွှတ်တော်ကိုယ်စားလှယ်တဦးဖြစ်သူ ဒေါက်တာမြတ်ဉာဏစိုးကလည်း အစိုးရအနေနဲ့ အဂတိလိုက်စားမှုတွေ တိုက်ဖျက်သွားမယ်ဆိုပေမယ့် တဘက်မှာ အရေးယူမှုတွေ ရှင်းရှင်းလင်းလင်း မတွေ့ရဘူးလို့ ပြောပါတယ်။

“အရင့်အရင် ခေတ်တွေတုန်းကထက်စာရင်တော့ အရင်ခေတ်နဲ့ ပြန်နှိုင်းကြည့်လိုက်ရင်တော့ လျော့ ကျသွားဖွယ်ရာရှိတယ်လို့တော့ ပြောလို့ရပါတယ်။ အခုဆို တိုင်ကြားဖို့ ဖုန်းနံပါတ်တွေ၊ ပြည်ထဲရေး ဝန်ကြီးဌာနပေါ့နော်။ အထူးစုံစမ်းစစ်ဆေးရေး ဦးစီးဌာနကနေပြီးတော့ ဆက်သွယ်တိုင်ကြားဖို့ ဖုန်းနံပါတ်တွေကို နေ့စဉ်ထုတ် သတင်းစာတွေထဲမှာ ထည့်သွင်းပြီးတော့ ဖော်ပြထားတာ ရှိပါတယ်။ ဒါပေမဲ့ ကျနော်တို့ တချက် ပြန်ကြည့်ရမှာက ဒီလိုတိုင်ကြားတဲ့ဖြစ်စဉ်တွေ ဘယ်နှစ်ခု ရှိခဲ့ပြီလဲ၊ ရှိခဲ့ပြီးတဲ့ဖြစ်စဉ်တွေပေါ်မှာရော ဘယ်လို အရေးယူ ဆောင်ရွက်မှုတွေ ရှိနေပြီလဲ၊ လာဘ်ပေး လာဘ်ယူမှုအပေါ်မှာ ဆောင်ရွက်ခဲ့တဲ့ သက်ဆိုင်ရာ အဖွဲ့အစည်းတွေ၊ ဝန်ထမ်းတွေကို ဘယ်လိုတွေ အရေးယူပြီးပြီလဲ ဆိုတာကိုတော့ ထုတ်ပြန်တဲ့အပိုင်းက သိပ် ပွင့်လင်းမြင်သာမှု မရှိသေးဘူးလို့ မြင်ရပါတယ်ခင်ဗျ။”

တကယ်တော့ အဂတိလိုက်စားမှုတိုက်ဖျက်ရေးဟာ လက်ရှိ သွားနေတဲ့ မြန်မာပြုပြင်ပြောင်းလဲရေး အတွက်ပါ အရေးကြီးတယ်လို့ အစိုးရဘက်ရော၊ လွှတ်တော်ရော၊ မြန်မာ့အရေးလေ့လာသူတွေကပါ ယူဆထားကြတာပါ။ ဒါကြောင့်လည်း အဂတိလိုက်စားမှု အခြေအနေဟာ အပြောင်းအလဲအတွက်ကို စိန်ခေါ်ချက်တရပ်လိုဖြစ်နေတယ်လို့ ဦးမင်းခင်က ပြောပါတယ်။

“ဆက်ဆံရေးဘက်မှာ ပြောင်းလဲတာတော့ ကျနော်တို့တွေ့တယ်။ ----သွားတယ် ဆိုတာ မျိုးထက် စောင့်ကြည့်တယ် ဆိုတာမျိုးပေါ့။ အဲဒါမျိုး ပိုပြီး ပြောရမယ်ထင်တယ်။ တရားဥပဒေက လုပ်သင့်လုပ်ထိုက်တဲ့ အရေးယူမှု မရှိရင်တော့ နည်းနည်းလေး ပြောင်းသွားတဲ့ဟာတောင် မှ ပြန်ပြီးတော့ နဂိုရ်ပုံစံ ပြန်ဖြစ်သွားနိုင်တယ်။ ဒါက အပြောင်းအလဲအတွက် ခြိမ်းခြောက်မှုတစ်ခုပဲ။”

လွှတ်တော်ပိုင်းကလည်း အဂတိလိုက်စားမှုတိုက်ဖျက်ရေးအတွက် ကြိုးပမ်းနေပေမယ့် အရေး ယူမှုတွေကို လက်တွေ့ဆောင်ရွက်ရမယ့် အုပ်ချုပ်ရေးပိုင်းက ပွင့်လင်းမြင်သာမှု မရှိသေးဘူးလို့လည်း အမျိုးသားလွှတ်တော် ကိုယ်စားလှယ် ဒေါက်တာမြတ်ဉာဏစိုးက ဝေဖန်ပါတယ်။

“လွှတ်တော်တွေမှာ လာဘ်ပေးလာဘ်ယူမှု တိုက်ဖျက်ရေးဥပဒေတွေကို ရေးဆွဲနေပါတယ်။ နောက် ဆုံးအဆင့်ကို ရောက်နေပါပြီ။ ဒီဥပဒေ ထွက်လာတဲ့အခါကျတော့မှ အတည်ပြုချက်ကျတယ်။ ဘယ်လို အရေးယူဆောင်ရွက်မယ်ဆိုတာက ရှိလာမှာပါ။ အခု ကျနော်တို့ဆီမှာက ရှိနေတဲ့ ဥပဒေဟာ အဂတိလိုက်စားမှု တိုက်ဖျက်ရေးဥပဒေကတော့ ရှိပါတယ်။ ၁၉၅၀ ကျော်- ၅၆ လောက် တုန်းက ပြဌာန်းထားတာပါ။ ဒါပေမဲ့ အဲဒါတွေကို လိုတာတွေကို ဖြည့်စွက်ပြီးတော့ ဥပဒေ အသစ် ရေးဆွဲနေပါတယ်။ နောက်တချက်အနေနဲ့ကတော့ လာဘ်ပေးလာဘ်ယူမှု ဖြစ်စဉ်တွေနဲ့ ပတ်သက်ပြီးတော့ မေးခွန်းတွေ မေးမြန်းတာရှိပါတယ်။ အဲဒါကို ဘယ်လို အရေးယူဆောင်ရွက်ထားမှု ရှိမရှိဆိုတာကို မေးပါတယ်။ မေးတဲ့အခါကျတော့လည်း ပြည်ထောင်စုအစိုးရဘက်ကတော့ သိပ်ရှင်းရှင်းလင်းလင်းတော့ ဖြေကြားနိုင်ခြင်း မရှိပါဘူးခင်ဗျ။”

အခုလိုမျိုး လွှတ်တော်ပိုင်းက ဆောင်ရွက်နေတဲ့ ဥပဒေကြမ်းဟာ အဂတိလိုက်စားမှု တိုက်ဖျက်ရေး လုပ်ငန်းစဉ်အတွက် အရေးကြီးပြီးတော့ ဒီအပေါ်မှာ သူတို့အနေနဲ့ စောင့်ကြည့် မျှော်လင့်ထားတယ် လို့ Transparency International အဖွဲ့ရဲ့ အာရှရေးရာ ညွှန်ကြားရေးမှူး Samantha Grant က ဗွီအိုအေကို ပြောပါတယ်။ “အခုလုပ်နေတဲ့ အဂတိလိုက်စားမှုတိုက်ဖျက်ရေး ဥပဒေမှုကြမ်းဟာ ကမ္ဘာအနှံ့ တိုင်းပြည်တွေ မှာ ဆောင်ရွက်သလိုပဲ နိုင်ငံတကာစံနှုန်းဖြစ်ဖို့ ကျမတို့ မျှော်လင့်တကြီး စောင့်ကြည့်နေပါတယ်။ အဲဒီအထဲမှာ လွတ်လပ်ပြီးတော့ စနစ်တကျပြုစုပျိုးထောင်ထားတဲ့ ကျွမ်းကျင်သူတွေပါဝင်တဲ့ အဂတိလိုက်စားမှုတိုကဖျက်ရေးကော်မရှင်မျိုး ဖွဲ့တာ ပါဝင်ပါတယ်။ ဒါဟာ အဂတိလိုက်စားမှုတိုက် ဖျက်ရေးအတွက် အရေးကြီးဆုံးနဲ့ ပထမဆုံးအဆင့်ဖြစ်ပါလိမ့်မယ်။”

အခုလို အဂတိလိုက်စားမှုတွေဟာ နိုင်ငံရေးတင်မက စီးပွားဖွံ့ဖြိုးတိုးတက်ဖို့နဲ့ နိုင်ငံတကာနဲ့ ကုန် သွယ်ရေးလုပ်ငန်းတွေ ကျယ်ကျယ်ပြန့်ပြန့် ထိစပ်လုပ်ကိုင်လာနိုင်ဖို့အတွက်ပါ ထိခိုက်မှု ရှိတယ်လို့ သုံးသပ်ကြပါတယ်။

တခြားတဖက်မှာလည်း မြန်မာနိုင်ငံဟာ ပြောင်းလဲတယ်ဆိုပေမယ့် ပုံစံသစ်ကို ယဉ်ဟောင်းနဲ့ သွားရသလိုဖြစ်တယ်လို့ ဦးမင်းခင်က ဝေဖန်ပါတယ်။ အခုလို အစီရင်ခံစာထုတ်ပြန်မှုအပေါ်မှာ အာဏာပိုင်တွေဘက်က အရေးယူ တုန့်ပြန်ဖို့လည်း သူတို့အနေနဲ့ မျှော်လင့်တယ်လို့ Transparency International အဖွဲ့ရဲ့အာရှရေးရာ ညွှန်ကြားရေးမှူး Samantha Grant က ပြောပါတယ်။ “ ဒီ အစီရင်ခံဟာ အဂတိလိုက်စားမှုပြဿနာရှိနေတယ်။ တခုခု အရေးယူ တုံ့ပြန်ကိုင်တွယ်ရမယ် ဆိုတာကို မီးမောင်းထိုးပြတာပါ။ မြန်မာအိမ်နီးချင်းနိုင်ငံတွေ ဥပမာ မလေးရှား၊ အင်ဒိုနီးရှား အစိုးရတို့ အနေနဲ့ ကျမတို့ ရဲ့ ဒီနှစ်စဉ် အစီရင်ခံစာကို သုံးပြီးတော့ သူတို့ရဲ့ အဂတိလိုက်စားမှုတိုက်ဖျက်ရေး အစီအစဉ်တွေကို ဆန်းစစ်ဆောင်ရွက်ပါတယ်။” အခု Transparency အစီရင်ခံစာထဲ မြန်မာနိုင်ငံ အောက်မှာတော့ ဆူဒန်နိုင်ငံ၊ အာဖဂနစ္စတန်၊ မြောက်ကိုရီယားနဲ့ ဆိုမားလီယားနိုင်ငံတွေပဲ ရှိပါတယ်။ အရှေ့တောင်အာရှ ပတ်ဝန်းကျင်နိုင်ငံတွေထဲမှာဆိုရင် အဂတိလိုက်စားမှုအခြေအနေ မြန်မာနိုင်ငံဟာ အဆိုးဆုံးလို့ ပြောနိုင်ပါတယ်။ အစီရင်ခံစာအတိုင်းဆိုရင် ဒိန်းမတ်၊ ဖင်လန်၊ နယူးဇီလန်နိုင်ငံတို့ကတော့ အမှတ် ၉၀ နဲ့ အဂတိ လိုက်စားမှုအနည်းဆုံး အပေါ်ဆုံးအဆင့် နိုင်ငံတွေဖြစ်ကြပါတယ်။ အမှတ်အားဖြင့် အမေရိကန် ပြည်ထောင်စုကတော့ အမှတ် ၇၃၊ တရုတ်နိုင်ငံက အမှတ် ၃၉ တို့ ရရှိထားကြပါတယ်။